ஸால்வோ பை⁴ஷ்மீவிவாஹே யது³ப³லவிஜிதஶ்சன்த்³ரசூடா³த்³விமானம்
வின்த³ன் ஸௌப⁴ம் ஸ மாயீ த்வயி வஸதி குரும்ஸ்த்வத்புரீமப்⁴யபா⁴ங்க்ஷீத் ।
ப்ரத்³யும்னஸ்தம் நிருன்த⁴ன்னிகி²லயது³ப⁴டைர்ன்யக்³ரஹீது³க்³ரவீர்யம்
தஸ்யாமாத்யம் த்³யுமன்தம் வ்யஜனி ச ஸமர: ஸப்தவிம்ஶத்யஹான்த: ॥1॥
தாவத்த்வம் ராமஶாலீ த்வரிதமுபக³த: க²ண்டி³தப்ராயஸைன்யம்
ஸௌபே⁴ஶம் தம் ந்யருன்தா⁴: ஸ ச கில க³த³யா ஶார்ங்க³மப்⁴ரம்ஶயத்தே ।
மாயாதாதம் வ்யஹிம்ஸீத³பி தவ புரதஸ்தத்த்வயாபி க்ஷணார்த⁴ம்
நாஜ்ஞாயீத்யாஹுரேகே ததி³த³மவமதம் வ்யாஸ ஏவ ந்யஷேதீ⁴த் ॥2॥
க்ஷிப்த்வா ஸௌப⁴ம் க³தா³சூர்ணிதமுத³கனிதௌ⁴ மங்க்ஷு ஸால்வேபி சக்ரே-
ணோத்க்ருத்தே த³ன்தவக்த்ர: ப்ரஸப⁴மபி⁴பதன்னப்⁴யமுஞ்சத்³க³தா³ம் தே ।
கௌமோத³க்யா ஹதோஸாவபி ஸுக்ருதனிதி⁴ஶ்சைத்³யவத்ப்ராபதை³க்யம்
ஸர்வேஷாமேஷ பூர்வம் த்வயி த்⁴ருதமனஸாம் மோக்ஷணார்தோ²வதார: ॥3॥
த்வய்யாயாதேத² ஜாதே கில குருஸத³ஸி த்³யூதகே ஸம்யதாயா:
க்ரன்த³ன்த்யா யாஜ்ஞஸேன்யா: ஸகருணமக்ருதா²ஶ்சேலமாலாமனந்தாம் ।
அன்னான்தப்ராப்தஶர்வாம்ஶஜமுனிசகிதத்³ரௌபதீ³சின்திதோத²
ப்ராப்த: ஶாகான்னமஶ்னந் முனிக³ணமக்ருதா²ஸ்த்ருப்திமன்தம் வனான்தே ॥4॥
யுத்³தோ⁴த்³யோகே³த² மன்த்ரே மிலதி ஸதி வ்ருத: ப²ல்கு³னேன த்வமேக:
கௌரவ்யே த³த்தஸைன்ய: கரிபுரமக³மோ தூ³த்யக்ருத் பாண்ட³வார்த²ம் ।
பீ⁴ஷ்மத்³ரோணாதி³மான்யே தவ க²லு வசனே தி⁴க்க்ருதே கௌரவேண
வ்யாவ்ருண்வன் விஶ்வரூபம் முனிஸத³ஸி புரீம் க்ஷோப⁴யித்வாக³தோபூ⁴: ॥5॥
ஜிஷ்ணோஸ்த்வம் க்ருஷ்ண ஸூத: க²லு ஸமரமுகே² ப³ன்து⁴கா⁴தே த³யாலும்
கி²ன்னம் தம் வீக்ஷ்ய வீரம் கிமித³மயி ஸகே² நித்ய ஏகோயமாத்மா ।
கோ வத்⁴ய: கோத்ர ஹன்தா ததி³ஹ வத⁴பி⁴யம் ப்ரோஜ்ஜ்²ய மய்யர்பிதாத்மா
த⁴ர்ம்யம் யுத்³த⁴ம் சரேதி ப்ரக்ருதிமனயதா² த³ர்ஶயன் விஶ்வரூபம் ॥6॥
ப⁴க்தோத்தம்ஸேத² பீ⁴ஷ்மே தவ த⁴ரணிப⁴ரக்ஷேபக்ருத்யைகஸக்தே
நித்யம் நித்யம் விபி⁴ன்த³த்யயுதஸமதி⁴கம் ப்ராப்தஸாதே³ ச பார்தே² ।
நிஶ்ஶஸ்த்ரத்வப்ரதிஜ்ஞாம் விஜஹத³ரிவரம் தா⁴ரயன் க்ரோத⁴ஶாலீ-
வாதா⁴வன் ப்ராஞ்ஜலிம் தம் நதஶிரஸமதோ² வீக்ஷ்ய மோதா³த³பாகா³: ॥7॥
யுத்³தே⁴ த்³ரோணஸ்ய ஹஸ்திஸ்தி²ரரணப⁴க³த³த்தேரிதம் வைஷ்ணவாஸ்த்ரம்
வக்ஷஸ்யாத⁴த்த சக்ரஸ்த²கி³தரவிமஹா: ப்ரார்த³யத்ஸின்து⁴ராஜம் ।
நாகா³ஸ்த்ரே கர்ணமுக்தே க்ஷிதிமவனமயன் கேவலம் க்ருத்தமௌலிம்
தத்ரே த்ராபி பார்த²ம் கிமிவ நஹி ப⁴வான் பாண்ட³வானாமகார்ஷீத் ॥8॥
யுத்³தா⁴தௌ³ தீர்த²கா³மீ ஸ க²லு ஹலத⁴ரோ நைமிஶக்ஷேத்ரம்ருச்ச-²
ந்னப்ரத்யுத்தா²யிஸூதக்ஷயக்ருத³த² ஸுதம் தத்பதே³ கல்பயித்வா ।
யஜ்ஞக்⁴னம் வல்கலம் பர்வணி பரித³லயன் ஸ்னாததீர்தோ² ரணான்தே
ஸம்ப்ராப்தோ பீ⁴மது³ர்யோத⁴னரணமஶமம் வீக்ஷ்ய யாத: புரீம் தே ॥9॥
ஸம்ஸுப்தத்³ரௌபதே³யக்ஷபணஹததி⁴யம் த்³ரௌணிமேத்ய த்வது³க்த்யா
தன்முக்தம் ப்³ராஹ்மமஸ்த்ரம் ஸமஹ்ருத விஜயோ மௌலிரத்னம் ச ஜஹ்ரே ।
உச்சி²த்யை பாண்ட³வானாம் புனரபி ச விஶத்யுத்தராக³ர்ப⁴மஸ்த்ரே
ரக்ஷன்னங்கு³ஷ்ட²மாத்ர: கில ஜட²ரமகா³ஶ்சக்ரபாணிர்விபோ⁴ த்வம் ॥1௦॥
த⁴ர்மௌக⁴ம் த⁴ர்மஸூனோரபி⁴த³த⁴த³கி²லம் ச²ன்த³ம்ருத்யுஸ்ஸ பீ⁴ஷ்ம-
ஸ்த்வாம் பஶ்யன் ப⁴க்திபூ⁴ம்னைவ ஹி ஸபதி³ யயௌ நிஷ்கலப்³ரஹ்மபூ⁴யம் ।
ஸம்யாஜ்யாதா²ஶ்வமேதை⁴ஸ்த்ரிபி⁴ரதிமஹிதைர்த⁴ர்மஜம் பூர்ணகாமம்
ஸ்ம்ப்ராப்தோ த்³வரகாம் த்வம் பவனபுரபதே பாஹி மாம் ஸர்வரோகா³த் ॥11॥