குசேலனாமா ப⁴வத: ஸதீர்த்²யதாம் க³த: ஸ ஸான்தீ³பனிமன்தி³ரே த்³விஜ: ।
த்வதே³கராகே³ண த⁴னாதி³னிஸ்ஸ்ப்ருஹோ தி³னானி நின்யே ப்ரஶமீ க்³ருஹாஶ்ரமீ ॥1॥
ஸமானஶீலாபி ததீ³யவல்லபா⁴ ததை²வ நோ சித்தஜயம் ஸமேயுஷீ ।
கதா³சிதூ³சே ப³த வ்ருத்திலப்³த⁴யே ரமாபதி: கிம் ந ஸகா² நிஷேவ்யதே ॥2॥
இதீரிதோயம் ப்ரியயா க்ஷுதா⁴ர்தயா ஜுகு³ப்ஸமானோபி த⁴னே மதா³வஹே ।
ததா³ த்வதா³லோகனகௌதுகாத்³யயௌ வஹன் படான்தே ப்ருது²கானுபாயனம் ॥3॥
க³தோயமாஶ்சர்யமயீம் ப⁴வத்புரீம் க்³ருஹேஷு ஶைப்³யாப⁴வனம் ஸமேயிவான் ।
ப்ரவிஶ்ய வைகுண்ட²மிவாப நிர்வ்ருதிம் தவாதிஸம்பா⁴வனயா து கிம் புன: ॥4॥
ப்ரபூஜிதம் தம் ப்ரியயா ச வீஜிதம் கரே க்³ருஹீத்வாகத²ய: புராக்ருதம் ।
யதி³ன்த⁴னார்த²ம் கு³ருதா³ரசோதி³தைரபர்துவர்ஷ தத³மர்ஷி கானநே ॥5॥
த்ரபாஜுஷோஸ்மாத் ப்ருது²கம் ப³லாத³த² ப்ரக்³ருஹ்ய முஷ்டௌ ஸக்ருதா³ஶிதே த்வயா ।
க்ருதம் க்ருதம் நன்வியதேதி ஸம்ப்⁴ரமாத்³ரமா கிலோபேத்ய கரம் ருரோத⁴ தே ॥6॥
ப⁴க்தேஷு ப⁴க்தேன ஸ மானிதஸ்த்வயா புரீம் வஸன்னேகனிஶாம் மஹாஸுக²ம் ।
ப³தாபரேத்³யுர்த்³ரவிணம் வினா யயௌ விசித்ரரூபஸ்தவ க²ல்வனுக்³ரஹ: ॥7॥
யதி³ ஹ்யயாசிஷ்யமதா³ஸ்யத³ச்யுதோ வதா³மி பா⁴ர்யாம் கிமிதி வ்ரஜன்னஸௌ ।
த்வது³க்திலீலாஸ்மிதமக்³னதீ⁴: புன: க்ரமாத³பஶ்யன்மணிதீ³ப்ரமாலயம் ॥8॥
கிம் மார்க³விப்⁴ரம்ஶ இதி ப்⁴ரம்மன் க்ஷணம் க்³ருஹம் ப்ரவிஷ்ட: ஸ த³த³ர்ஶ வல்லபா⁴ம் ।
ஸகீ²பரீதாம் மணிஹேமபூ⁴ஷிதாம் பு³போ³த⁴ ச த்வத்கருணாம் மஹாத்³பு⁴தாம் ॥9॥
ஸ ரத்னஶாலாஸு வஸன்னபி ஸ்வயம் ஸமுன்னமத்³ப⁴க்திப⁴ரோம்ருதம் யயௌ ।
த்வமேவமாபூரிதப⁴க்தவாஞ்சி²தோ மருத்புராதீ⁴ஶ ஹரஸ்வ மே க³தா³ன் ॥1௦॥