ரமாஜானே ஜானே யதி³ஹ தவ ப⁴க்தேஷு விப⁴வோ
ந ஸத்³யஸ்ஸம்பத்³யஸ்ததி³ஹ மத³க்ருத்த்வாத³ஶமினாம் ।
ப்ரஶான்திம் க்ருத்வைவ ப்ரதி³ஶஸி தத: காமமகி²லம்
ப்ரஶான்தேஷு க்ஷிப்ரம் ந க²லு ப⁴வதீ³யே ச்யுதிகதா² ॥1॥
ஸத்³ய: ப்ரஸாத³ருஷிதான் விதி⁴ஶங்கராதீ³ன்
கேசித்³விபோ⁴ நிஜகு³ணானுகு³ணம் பஜ⁴ன்த: ।
ப்⁴ரஷ்டா ப⁴வன்தி ப³த கஷ்டமதீ³ர்க⁴த்³ருஷ்ட்யா
ஸ்பஷ்டம் வ்ருகாஸுர உதா³ஹரணம் கிலாஸ்மின் ॥2॥
ஶகுனிஜ: ஸ து நாரத³மேகதா³
த்வரிததோஷமப்ருச்ச²த³தீ⁴ஶ்வரம் ।
ஸ ச தி³தே³ஶ கி³ரீஶமுபாஸிதும்
ந து ப⁴வன்தமப³ன்து⁴மஸாது⁴ஷு ॥3॥
தபஸ்தப்த்வா கோ⁴ரம் ஸ க²லு குபித: ஸப்தமதி³னே
ஶிர: சி²த்வா ஸத்³ய: புரஹரமுபஸ்தா²ப்ய புரத: ।
அதிக்ஷுத்³ரம் ரௌத்³ரம் ஶிரஸி கரதா³னேன நித⁴னம்
ஜக³ன்னாதா²த்³வவ்ரே ப⁴வதி விமுகா²னாம் க்வ ஶுப⁴தீ⁴: ॥4॥
மோக்தாரம் ப³ன்த⁴முக்தோ ஹரிணபதிரிவ ப்ராத்³ரவத்ஸோத² ருத்³ரம்
தை³த்யாத் பீ⁴த்யா ஸ்ம தே³வோ தி³ஶி தி³ஶி வலதே ப்ருஷ்ட²தோ த³த்தத்³ருஷ்டி: ।
தூஷ்ணீகே ஸர்வலோகே தவ பத³மதி⁴ரோக்ஷ்யன்தமுத்³வீக்ஷ்ய ஶர்வம்
தூ³ராதே³வாக்³ரதஸ்த்வம் படுவடுவபுஷா தஸ்தி²ஷே தா³னவாய ॥5॥
ப⁴த்³ரம் தே ஶாகுனேய ப்⁴ரமஸி கிமது⁴னா த்வம் பிஶாசஸ்ய வாசா
ஸன்தே³ஹஶ்சேன்மது³க்தௌ தவ கிமு ந கரோஷ்யங்கு³லீமங்க³மௌலௌ ।
இத்த²ம் த்வத்³வாக்யமூட:⁴ ஶிரஸி க்ருதகர: ஸோபதச்சி²ன்னபாதம்
ப்⁴ரம்ஶோ ஹ்யேவம் பரோபாஸிதுரபி ச க³தி: ஶூலினோபி த்வமேவ ॥6॥
ப்⁴ருகு³ம் கில ஸரஸ்வதீனிகடவாஸினஸ்தாபஸா-
ஸ்த்ரிமூர்திஷு ஸமாதி³ஶன்னதி⁴கஸத்த்வதாம் வேதி³தும் ।
அயம் புனரனாத³ராது³தி³தருத்³த⁴ரோஷே விதௌ⁴
ஹரேபி ச ஜிஹிம்ஸிஷௌ கி³ரிஜயா த்⁴ருதே த்வாமகா³த் ॥7॥
ஸுப்தம் ரமாங்கபு⁴வி பங்கஜலோசனம் த்வாம்
விப்ரே வினிக்⁴னதி பதே³ன முதோ³த்தி²தஸ்த்வம் ।
ஸர்வம் க்ஷமஸ்வ முனிவர்ய ப⁴வேத் ஸதா³ மே
த்வத்பாத³சின்ஹமிஹ பூ⁴ஷணமித்யவாதீ³: ॥8॥
நிஶ்சித்ய தே ச ஸுத்³ருட⁴ம் த்வயி ப³த்³த⁴பா⁴வா:
ஸாரஸ்வதா முனிவரா த³தி⁴ரே விமோக்ஷம் ।
த்வாமேவமச்யுத புனஶ்ச்யுதிதோ³ஷஹீனம்
ஸத்த்வோச்சயைகதனுமேவ வயம் பஜ⁴ாம: ॥9॥
ஜக³த்ஸ்ருஷ்ட்யாதௌ³ த்வாம் நிக³மனிவஹைர்வன்தி³பி⁴ரிவ
ஸ்துதம் விஷ்ணோ ஸச்சித்பரமரஸனிர்த்³வைதவபுஷம் ।
பராத்மானம் பூ⁴மன் பஶுபவனிதாபா⁴க்³யனிவஹம்
பரிதாபஶ்ரான்த்யை பவனபுரவாஸின் பரிபஜ⁴ே ॥1௦॥