ப³ன்து⁴ஸ்னேஹம் விஜஹ்யாம் தவ ஹி கருணயா த்வய்யுபாவேஶிதாத்மா
ஸர்வம் த்யக்த்வா சரேயம் ஸகலமபி ஜக³த்³வீக்ஷ்ய மாயாவிலாஸம் ।
நானாத்வாத்³ப்⁴ரான்திஜன்யாத் ஸதி க²லு கு³ணதோ³ஷாவபோ³தே⁴ விதி⁴ர்வா
வ்யாஸேதோ⁴ வா கத²ம் தௌ த்வயி நிஹிதமதேர்வீதவைஷம்யபு³த்³தே⁴: ॥1॥
க்ஷுத்த்ருஷ்ணாலோபமாத்ரே ஸததக்ருததி⁴யோ ஜன்தவ: ஸன்த்யனந்தா-
ஸ்தேப்⁴யோ விஜ்ஞானவத்த்வாத் புருஷ இஹ வரஸ்தஜ்ஜனிர்து³ர்லபை⁴வ ।
தத்ராப்யாத்மாத்மன: ஸ்யாத்ஸுஹ்ருத³பி ச ரிபுர்யஸ்த்வயி ந்யஸ்தசேதா-
ஸ்தாபோச்சி²த்தேருபாயம் ஸ்மரதி ஸ ஹி ஸுஹ்ருத் ஸ்வாத்மவைரீ ததோன்ய: ॥2॥
த்வத்காருண்யே ப்ரவ்ருத்தே க இவ நஹி கு³ருர்லோகவ்ருத்தேபி பூ⁴மன்
ஸர்வாக்ரான்தாபி பூ⁴மிர்னஹி சலதி ததஸ்ஸத்க்ஷமாம் ஶிக்ஷயேயம் ।
க்³ருஹ்ணீயாமீஶ தத்தத்³விஷயபரிசயேப்யப்ரஸக்திம் ஸமீராத்
வ்யாப்தத்வஞ்சாத்மனோ மே க³க³னகு³ருவஶாத்³பா⁴து நிர்லேபதா ச ॥3
ஸ்வச்ச:² ஸ்யாம் பாவனோஹம் மது⁴ர உத³கவத்³வஹ்னிவன்மா ஸ்ம க்³ருஹ்ணாம்
ஸர்வான்னீனோபி தோ³ஷம் தருஷு தமிவ மாம் ஸர்வபூ⁴தேஷ்வவேயாம் ।
புஷ்டிர்னஷ்டி: கலானாம் ஶஶின இவ தனோர்னாத்மனோஸ்தீதி வித்³யாம்
தோயாதி³வ்யஸ்தமார்தாண்ட³வத³பி ச தனுஷ்வேகதாம் த்வத்ப்ரஸாதா³த் ॥4॥
ஸ்னேஹாத்³வ்யாதா⁴த்தபுத்ரப்ரணயம்ருதகபோதாயிதோ மா ஸ்ம பூ⁴வம்
ப்ராப்தம் ப்ராஶ்னந் ஸஹேய க்ஷுத⁴மபி ஶயுவத் ஸின்து⁴வத்ஸ்யாமகா³த:⁴ ।
மா பப்தம் யோஷிதா³தௌ³ ஶிகி²னி ஶலப⁴வத் ப்⁴ருங்க³வத்ஸாரபா⁴கீ³
பூ⁴யாஸம் கின்து தத்³வத்³த⁴னசயனவஶான்மாஹமீஶ ப்ரணேஶம் ॥5॥
மா ப³த்³த்⁴யாஸம் தருண்யா கஜ³ இவ வஶயா நார்ஜயேயம் த⁴னௌக⁴ம்
ஹர்தான்யஸ்தம் ஹி மாத்⁴வீஹர இவ ம்ருக³வன்மா முஹம் க்³ராம்யகீ³தை: ।
நாத்யாஸஜ்ஜேய போ⁴ஜ்யே ஜ²ஷ இவ ப³லிஶே பிங்க³லாவன்னிராஶ:
ஸுப்யாம் ப⁴ர்தவ்யயோகா³த் குரர இவ விபோ⁴ ஸாமிஷோன்யைர்ன ஹன்யை ॥6॥
வர்தேய த்யக்தமான: ஸுக²மதிஶிஶுவன்னிஸ்ஸஹாயஶ்சரேயம்
கன்யாயா ஏகஶேஷோ வலய இவ விபோ⁴ வர்ஜிதான்யோன்யகோ⁴ஷ: ।
த்வச்சித்தோ நாவபு³த்⁴யை பரமிஷுக்ருதி³வ க்ஷ்மாப்⁴ருதா³யானகோ⁴ஷம்
கே³ஹேஷ்வன்யப்ரணீதேஷ்வஹிரிவ நிவஸான்யுன்து³ரோர்மன்தி³ரேஷு ॥7॥
த்வய்யேவ த்வத்க்ருதம் த்வம் க்ஷபயஸி ஜக³தி³த்யூர்ணனாபா⁴த் ப்ரதீயாம்
த்வச்சின்தா த்வத்ஸ்வரூபம் குருத இதி த்³ருட⁴ம் ஶிக்ஷயே பேஶகாராத் ।
விட்³ப⁴ஸ்மாத்மா ச தே³ஹோ ப⁴வதி கு³ருவரோ யோ விவேகம் விரக்திம்
த⁴த்தே ஸஞ்சின்த்யமானோ மம து ப³ஹுருஜாபீடி³தோயம் விஶேஷாத் ॥8॥
ஹீ ஹீ மே தே³ஹமோஹம் த்யஜ பவனபுராதீ⁴ஶ யத்ப்ரேமஹேதோ-
ர்கே³ஹே வித்தே கலத்ராதி³ஷு ச விவஶிதாஸ்த்வத்பத³ம் விஸ்மரன்தி ।
ஸோயம் வஹ்னேஶ்ஶுனோ வா பரமிஹ பரத: ஸாம்ப்ரதஞ்சாக்ஷிகர்ண-
த்வக்³ஜிஹ்வாத்³யா விகர்ஷன்த்யவஶமத இத: கோபி ந த்வத்பதா³ப்³ஜே ॥9॥
து³ர்வாரோ தே³ஹமோஹோ யதி³ புனரது⁴னா தர்ஹி நிஶ்ஶேஷரோகா³ன்
ஹ்ருத்வா ப⁴க்திம் த்³ரடி⁴ஷ்டா²ம் குரு தவ பத³பங்கேருஹே பங்கஜாக்ஷ ।
நூனம் நானாப⁴வான்தே ஸமதி⁴க³தமமும் முக்தித³ம் விப்ரதே³ஹம்
க்ஷுத்³ரே ஹா ஹன்த மா மா க்ஷிப விஷயரஸே பாஹி மாம் மாருதேஶ ॥1௦॥