ஶுத்³தா⁴ நிஷ்காமத⁴ர்மை: ப்ரவரகு³ருகி³ரா தத்ஸ்வரூபம் பரம் தே
ஶுத்³த⁴ம் தே³ஹேன்த்³ரியாதி³வ்யபக³தமகி²லவ்யாப்தமாவேத³யன்தே ।
நானாத்வஸ்தௌ²ல்யகார்ஶ்யாதி³ து கு³ணஜவபுஸ்ஸங்க³தோத்⁴யாஸிதம் தே
வஹ்னேர்தா³ருப்ரபே⁴தே³ஷ்விவ மஹத³ணுதாதீ³ப்ததாஶான்ததாதி³ ॥1॥
ஆசார்யாக்²யாத⁴ரஸ்தா²ரணிஸமனுமிலச்சி²ஷ்யரூபோத்தரார-
ண்யாவேதோ⁴த்³பா⁴ஸிதேன ஸ்பு²டதரபரிபோ³தா⁴க்³னினா த³ஹ்யமானே ।
கர்மாலீவாஸனாதத்க்ருததனுபு⁴வனப்⁴ரான்திகான்தாரபூரே
தா³ஹ்யாபா⁴வேன வித்³யாஶிகி²னி ச விரதே த்வன்மயீ க²ல்வவஸ்தா² ॥2॥
ஏவம் த்வத்ப்ராப்திதோன்யோ நஹி க²லு நிகி²லக்லேஶஹானேருபாயோ
நைகான்தாத்யன்திகாஸ்தே க்ருஷிவத³க³த³ஷாட்³கு³ண்யஷட்கர்மயோகா³: ।
து³ர்வைகல்யைரகல்யா அபி நிக³மபதா²ஸ்தத்ப²லான்யப்யவாப்தா
மத்தாஸ்த்வாம் விஸ்மரன்த: ப்ரஸஜதி பதனே யான்த்யனந்தான் விஷாதா³ன்॥3॥
த்வல்லோகாத³ன்யலோக: க்வனு ப⁴யரஹிதோ யத் பரார்த⁴த்³வயான்தே
த்வத்³பீ⁴தஸ்ஸத்யலோகேபி ந ஸுக²வஸதி: பத்³மபூ⁴: பத்³மனாப⁴ ।
ஏவம் பா⁴வே த்வத⁴ர்மார்ஜிதப³ஹுதமஸாம் கா கதா² நாரகாணாம்
தன்மே த்வம் சி²ன்தி⁴ ப³ன்த⁴ம் வரத்³ க்ருபணப³ன்தோ⁴ க்ருபாபூரஸின்தோ⁴ ॥4॥
யாதா²ர்த்²யாத்த்வன்மயஸ்யைவ ஹி மம ந விபோ⁴ வஸ்துதோ ப³ன்த⁴மோக்ஷௌ
மாயாவித்³யாதனுப்⁴யாம் தவ து விரசிதௌ ஸ்வப்னபோ³தோ⁴பமௌ தௌ ।
ப³த்³தே⁴ ஜீவத்³விமுக்திம் க³தவதி ச பி⁴தா³ தாவதீ தாவதே³கோ
பு⁴ங்க்தே தே³ஹத்³ருமஸ்தோ² விஷயப²லரஸான்னாபரோ நிர்வ்யதா²த்மா ॥5॥
ஜீவன்முக்தத்வமேவம்வித⁴மிதி வசஸா கிம் ப²லம் தூ³ரதூ³ரே
தன்னாமாஶுத்³த⁴பு³த்³தே⁴ர்ன ச லகு⁴ மனஸஶ்ஶோத⁴னம் ப⁴க்திதோன்யத் ।
தன்மே விஷ்ணோ க்ருஷீஷ்டா²ஸ்த்வயி க்ருதஸகலப்ரார்பணம் ப⁴க்திபா⁴ரம்
யேன ஸ்யாம் மங்க்ஷு கிஞ்சித்³ கு³ருவசனமிலத்த்வத்ப்ரபோ³த⁴ஸ்த்வதா³த்மா ॥6॥
ஶப்³த்³ப்³ரஹ்மண்யபீஹ ப்ரயதிதமனஸஸ்த்வாம் ந ஜானந்தி கேசித்
கஷ்டம் வன்த்⁴யஶ்ரமாஸ்தே சிரதரமிஹ கா³ம் பி³ப்⁴ரதே நிஷ்ப்ரஸூதிம் ।
யஸ்யாம் விஶ்வாபி⁴ராமாஸ்ஸகலமலஹரா தி³வ்யலீலாவதாரா:
ஸச்சித்ஸான்த்³ரம் ச ரூபம் தவ ந நிக³தி³தம் தாம் ந வாசம் ப்⁴ரியாஸம் ॥7॥
யோ யாவான் யாத்³ருஶோ வா த்வமிதி கிமபி நைவாவக³ச்சா²மி பூ⁴ம்-
ந்னேவஞ்சானந்யபா⁴வஸ்த்வத³னுபஜ⁴னமேவாத்³ரியே சைத்³யவைரின் ।
த்வல்லிங்கா³னாம் த்வத³ங்க்⁴ரிப்ரியஜனஸத³ஸாம் த³ர்ஶனஸ்பர்ஶனாதி³-
ர்பூ⁴யான்மே த்வத்ப்ரபூஜானதினுதிகு³ணகர்மானுகீர்த்யாத³ரோபி ॥8॥
யத்³யல்லப்⁴யேத தத்தத்தவ ஸமுபஹ்ருதம் தே³வ தா³ஸோஸ்மி தேஹம்
த்வத்³கே³ஹோன்மார்ஜனாத்³யம் ப⁴வது மம முஹு: கர்ம நிர்மாயமேவ ।
ஸூர்யாக்³னிப்³ராஹ்மணாத்மாதி³ஷு லஸிதசதுர்பா³ஹுமாராத⁴யே த்வாம்
த்வத்ப்ரேமார்த்³ரத்வரூபோ மம ஸததமபி⁴ஷ்யன்த³தாம் ப⁴க்தியோக:³ ॥9॥
ஐக்யம் தே தா³னஹோமவ்ரதனியமதபஸ்ஸாங்க்³யயோகை³ர்து³ராபம்
த்வத்ஸங்கே³னைவ கோ³ப்ய: கில ஸுக்ருதிதமா ப்ராபுரானந்த³ஸான்த்³ரம் ।
ப⁴க்தேஷ்வன்யேஷு பூ⁴யஸ்ஸ்வபி ப³ஹுமனுஷே ப⁴க்திமேவ த்வமாஸாம்
தன்மே த்வத்³ப⁴க்திமேவ த்³ரட⁴ய ஹர க³தா³ன் க்ருஷ்ண வாதாலயேஶ ॥1௦॥