விஷ்ணோர்வீர்யாணி கோ வா கத²யது த⁴ரணே: கஶ்ச ரேணூன்மிமீதே
யஸ்யைவாங்க்⁴ரித்ரயேண த்ரிஜக³த³பி⁴மிதம் மோத³தே பூர்ணஸம்பத்
யோஸௌ விஶ்வானி த⁴த்தே ப்ரியமிஹ பரமம் தா⁴ம தஸ்யாபி⁴யாயாம்
த்வத்³ப⁴க்தா யத்ர மாத்³யன்த்யம்ருதரஸமரன்த³ஸ்ய யத்ர ப்ரவாஹ: ॥1॥
ஆத்³யாயாஶேஷகர்த்ரே ப்ரதினிமிஷனவீனாய ப⁴ர்த்ரே விபூ⁴தே-
ர்ப⁴க்தாத்மா விஷ்ணவே ய: ப்ரதி³ஶதி ஹவிராதீ³னி யஜ்ஞார்சனாதௌ³ ।
க்ருஷ்ணாத்³யம் ஜன்ம யோ வா மஹதி³ஹ மஹதோ வர்ணயேத்ஸோயமேவ
ப்ரீத: பூர்ணோ யஶோபி⁴ஸ்த்வரிதமபி⁴ஸரேத் ப்ராப்யமன்தே பத³ம் தே ॥2॥
ஹே ஸ்தோதார: கவீன்த்³ராஸ்தமிஹ க²லு யதா² சேதயத்⁴வே ததை²வ
வ்யக்தம் வேத³ஸ்ய ஸாரம் ப்ரணுவத ஜனநோபாத்தலீலாகதா²பி⁴: ।
ஜானந்தஶ்சாஸ்ய நாமான்யகி²லஸுக²கராணீதி ஸங்கீர்தயத்⁴வம்
ஹே விஷ்ணோ கீர்தனாத்³யைஸ்தவ க²லு மஹதஸ்தத்த்வபோ³த⁴ம் பஜ⁴ேயம் ॥3॥
விஷ்ணோ: கர்மாணி ஸம்பஶ்யத மனஸி ஸதா³ யை: ஸ த⁴ர்மானப³த்⁴னாத்³
யானீன்த்³ரஸ்யைஷ ப்⁴ருத்ய: ப்ரியஸக² இவ ச வ்யாதனோத் க்ஷேமகாரீ ।
வீக்ஷன்தே யோக³ஸித்³தா⁴: பரபத³மனிஶம் யஸ்ய ஸம்யக்ப்ரகாஶம்
விப்ரேன்த்³ரா ஜாக³ரூகா: க்ருதப³ஹுனுதயோ யச்ச நிர்பா⁴ஸயன்தே ॥4॥
நோ ஜாதோ ஜாயமானோபி ச ஸமதி⁴க³தஸ்த்வன்மஹிம்னோவஸானம்
தே³வ ஶ்ரேயாம்ஸி வித்³வான் ப்ரதிமுஹுரபி தே நாம ஶம்ஸாமி விஷ்ணோ ।
தம் த்வாம் ஸம்ஸ்தௌமி நானாவித⁴னுதிவசனைரஸ்ய லோகத்ரயஸ்யா-
ப்யூர்த்⁴வம் விப்⁴ராஜமானே விரசிதவஸதிம் தத்ர வைகுண்ட²லோகே ॥5॥
ஆப: ஸ்ருஷ்ட்யாதி³ஜன்யா: ப்ரத²மமயி விபோ⁴ க³ர்ப⁴தே³ஶே த³து⁴ஸ்த்வாம்
யத்ர த்வய்யேவ ஜீவா ஜலஶயன ஹரே ஸங்க³தா ஐக்யமாபன் ।
தஸ்யாஜஸ்ய ப்ரபோ⁴ தே வினிஹிதமப⁴வத் பத்³மமேகம் ஹி நாபௌ⁴
தி³க்பத்ரம் யத் கிலாஹு: கனகத⁴ரணிப்⁴ருத் கர்ணிகம் லோகரூபம் ॥6॥
ஹே லோகா விஷ்ணுரேதத்³பு⁴வனமஜனயத்தன்ன ஜானீத² யூயம்
யுஷ்மாகம் ஹ்யன்தரஸ்த²ம் கிமபி தத³பரம் வித்³யதே விஷ்ணுரூபம் ।
நீஹாரப்ரக்²யமாயாபரிவ்ருதமனஸோ மோஹிதா நாமரூபை:
ப்ராணப்ரீத்யேகத்ருப்தாஶ்சரத² மக²பரா ஹன்த நேச்சா² முகுன்தே³ ॥7॥
மூர்த்⁴னாமக்ஷ்ணாம் பதா³னாம் வஹஸி க²லு ஸஹஸ்ராணி ஸம்பூர்ய விஶ்வம்
தத்ப்ரோத்க்ரம்யாபி திஷ்ட²ன் பரிமிதவிவரே பா⁴ஸி சித்தான்தரேபி ।
பூ⁴தம் ப⁴வ்யம் ச ஸர்வம் பரபுருஷ ப⁴வான் கிஞ்ச தே³ஹேன்த்³ரியாதி³-
ஷ்வாவிஷ்டோப்யுத்³க³தத்வாத³ம்ருதஸுக²ரஸம் சானுபு⁴ங்க்ஷே த்வமேவ ॥8॥
யத்து த்ரைலோக்யரூபம் த³த⁴த³பி ச ததோ நிர்க³தோனந்தஶுத்³த-⁴
ஜ்ஞானாத்மா வர்தஸே த்வம் தவ க²லு மஹிமா ஸோபி தாவான் கிமன்யத் ।
ஸ்தோகஸ்தே பா⁴க³ ஏவாகி²லபு⁴வனதயா த்³ருஶ்யதே த்ர்யம்ஶகல்பம்
பூ⁴யிஷ்ட²ம் ஸான்த்³ரமோதா³த்மகமுபரி ததோ பா⁴தி தஸ்மை நமஸ்தே ॥9॥
அவ்யக்தம் தே ஸ்வரூபம் து³ரதி⁴க³மதமம் தத்து ஶுத்³தை⁴கஸத்த்வம்
வ்யக்தம் சாப்யேததே³வ ஸ்பு²டமம்ருதரஸாம்போ⁴தி⁴கல்லோலதுல்யம் ।
ஸர்வோத்க்ருஷ்டாமபீ⁴ஷ்டாம் ததி³ஹ கு³ணரஸேனைவ சித்தம் ஹரன்தீம்
மூர்திம் தே ஸம்ஶ்ரயேஹம் பவனபுரபதே பாஹி மாம் க்ருஷ்ண ரோகா³த் ॥1௦॥