பாண்ட³வகீ³தா

ப்ரஹ்லாத³னாரத³பராஶரபுண்ட³ரீக-
வ்யாஸாம்ப³ரீஷஶுகஶௌனகபீ⁴ஷ்மகாவ்யா: ।
ருக்மாங்க³தா³ர்ஜுனவஸிஷ்ட²விபீ⁴ஷணாத்³யா
ஏதானஹம் பரமபா⁴க³வதான் நமாமி ॥ 1॥

லோமஹர்ஷண உவாச ।
த⁴ர்மோ விவர்த⁴தி யுதி⁴ஷ்டி²ரகீர்தனேன
பாபம் ப்ரணஶ்யதி வ்ருகோத³ரகீர்தனேன ।
ஶத்ருர்வினஶ்யதி த⁴னஞ்ஜயகீர்தனேன
மாத்³ரீஸுதௌ கத²யதாம் ந ப⁴வன்தி ரோகா³: ॥ 2॥

ப்³ரஹ்மோவாச ।
யே மானவா விக³தராக³பராபரஜ்ஞா
நாராயணம் ஸுரகு³ரும் ஸததம் ஸ்மரன்தி ।
த்⁴யானேன தேன ஹதகில்பி³ஷ சேதனாஸ்தே
மாது: பயோத⁴ரரஸம் ந புன: பிப³ன்தி ॥ 3॥

இன்த்³ர உவாச ।
நாராயணோ நாம நரோ நராணாம்
ப்ரஸித்³த⁴சௌர: கதி²த: ப்ருதி²வ்யாம் ।
அனேகஜன்மார்ஜிதபாபஸஞ்சயம்
ஹரத்யஶேஷம் ஸ்ம்ருதமாத்ர ஏவ ய: ॥ 4॥

யுதி⁴ஷ்டி²ர உவாச ।
மேக⁴ஶ்யாமம் பீதகௌஶேயவாஸம்
ஶ்ரீவத்ஸாங்கம் கௌஸ்துபோ⁴த்³பா⁴ஸிதாங்க³ம் ।
புண்யோபேதம் புண்ட³ரீகாயதாக்ஷம்
விஷ்ணும் வன்தே³ ஸர்வலோகைகனாத²ம் ॥ 5॥

பீ⁴ம உவாச ।
ஜலௌக⁴மக்³னா ஸசராசரா த⁴ரா
விஷாணகோட்யாகி²லவிஶ்வமூர்தினா ।
ஸமுத்³த்⁴ருதா யேன வராஹரூபிணா
ஸ மே ஸ்வயம்பூ⁴ர்ப⁴க³வான் ப்ரஸீத³ரு ॥ 6॥

அர்ஜுன உவாச ।
அசின்த்யமவ்யக்தமனந்தமவ்யயம்
விபு⁴ம் ப்ரபு⁴ம் பா⁴விதவிஶ்வபா⁴வனம் ।
த்ரைலோக்யவிஸ்தாரவிசாரகாரகம்
ஹரிம் ப்ரபன்னோஸ்மி க³திம் மஹாத்மனாம் ॥ 7॥

நகுல உவாச ।
யதி³ க³மனமத⁴ஸ்தாத் காலபாஶானுப³ன்தா⁴த்³
யதி³ ச குலவிஹீனே ஜாயதே பக்ஷிகீடே ।
க்ருமிஶதமபி க³த்வா த்⁴யாயதே சான்தராத்மா
மம ப⁴வது ஹ்ருதி³ஸ்தா² கேஶவே ப⁴க்திரேகா ॥ 8॥

ஸஹதே³வ உவாச ।
தஸ்ய யஜ்ஞவராஹஸ்ய விஷ்ணோரதுலதேஜஸ: ।
ப்ரணாமம் யே ப்ரகுர்வன்தி தேஷாமபி நமோ நம: ॥ 9॥

குன்தீ உவாச ।
ஸ்வகர்மப²லனிர்தி³ஷ்டாம் யாம் யாம் யோனிம் வ்ரஜாம்யஹம் ।
தஸ்யாம் தஸ்யாம் ஹ்ருஷீகேஶ த்வயி ப⁴க்திர்த்³ருடா⁴ஸ்து மே ॥ 1௦॥

மாத்³ரீ உவாச ।
க்ருஷ்ணே ரதா: க்ருஷ்ணமனுஸ்மரன்தி
ராத்ரௌ ச க்ருஷ்ணம் புனருத்தி²தா யே ।
தே பி⁴ன்னதே³ஹா: ப்ரவிஶன்தி க்ருஷ்ணே
ஹவிர்யதா² மன்த்ரஹுதம் ஹுதாஶே ॥ 11॥

த்³ரௌபதீ³ உவாச ।
கீடேஷு பக்ஷிஷு ம்ருகே³ஷு ஸரீஸ்ருபேஷு
ரக்ஷ:பிஶாசமனுஜேஷ்வபி யத்ர யத்ர ।
ஜாதஸ்ய மே ப⁴வது கேஶவ த்வத்ப்ரஸாதா³த்
த்வய்யேவ ப⁴க்திரசலாவ்யபி⁴சாரிணீ ச ॥ 12॥

ஸுப⁴த்³ரா உவாச ।
ஏகோபி க்ருஷ்ணஸ்ய க்ருத: ப்ரணாமோ
த³ஶாஶ்வமேதா⁴வப்⁴ருதே²ன துல்ய: ।
த³ஶாஶ்வமேதீ⁴ புனரேதி ஜன்ம
க்ருஷ்ணப்ரணாமீ ந புனர்ப⁴வாய ॥ 13॥

அபி⁴மன்யுருவாச ।
கோ³வின்த³ கோ³வின்த³ ஹரே முராரே
கோ³வின்த³ கோ³வின்த³ முகுன்த³ க்ருஷ்ண
கோ³வின்த³ கோ³வின்த³ ரதா²ங்க³பாணே ।
கோ³வின்த³ கோ³வின்த³ நமாமி நித்யம் ॥ 14॥

த்⁴ருஷ்டத்³யும்ன உவாச ।
ஶ்ரீராம நாராயண வாஸுதே³வ
கோ³வின்த³ வைகுண்ட² முகுன்த³ க்ருஷ்ண ।
ஶ்ரீகேஶவானந்த ந்ருஸிம்ஹ விஷ்ணோ
மாம் த்ராஹி ஸம்ஸாரபு⁴ஜங்க³த³ஷ்டம் ॥ 15॥

ஸாத்யகிருவாச ।
அப்ரமேய ஹரே விஷ்ணோ க்ருஷ்ண தா³மோத³ராச்யுத ।
கோ³வின்தா³னந்த ஸர்வேஶ வாஸுதே³வ நமோஸ்து தே ॥ 16॥

உத்³த⁴வ உவாச ।
வாஸுதே³வம் பரித்யஜ்ய யோன்யம் தே³வமுபாஸதே ।
த்ருஷிதோ ஜாஹ்னவீதீரே கூபம் க²னதி து³ர்மதி: ॥ 17॥

தௌ⁴ம்ய உவாச ।
அபாம் ஸமீபே ஶயனாஸனஸ்தி²தே
தி³வா ச ராத்ரௌ ச யதா²தி⁴க³ச்ச²தா ।
யத்³யஸ்தி கிஞ்சித் ஸுக்ருதம் க்ருதம் மயா
ஜனார்த³னஸ்தேன க்ருதேன துஷ்யது ॥ 18॥

ஸஞ்ஜய உவாச ।
ஆர்தா விஷண்ணா: ஶிதி²லாஶ்ச பீ⁴தா
கோ⁴ரேஷு வ்யாக்⁴ராதி³ஷு வர்தமானா: ।
ஸங்கீர்த்ய நாராயணஶப்³த³மாத்ரம்
விமுக்தது³:கா²: ஸுகி²னோ ப⁴வன்தி ॥ 19॥

அக்ரூர உவாச ।
அஹம் து நாராயணதா³ஸதா³ஸ-
தா³ஸஸ்ய தா³ஸஸ்ய ச தா³ஸதா³ஸ: ।
அன்யோ ந ஹீஶோ ஜக³தோ நராணாம்
தஸ்மாத³ஹம் த⁴ன்யதரோஸ்மி லோகே ॥ 2௦॥

விராட உவாச ।
வாஸுதே³வஸ்ய யே ப⁴க்தா: ஶான்தாஸ்தத்³க³தசேதஸ: ।
தேஷாம் தா³ஸஸ்ய தா³ஸோஹம் ப⁴வேயம் ஜன்மஜன்மனி ॥ 21॥

பீ⁴ஷ்ம உவாச ।
விபரீதேஷு காலேஷு பரிக்ஷீணேஷு ப³ன்து⁴ஷு ।
த்ராஹி மாம் க்ருபயா க்ருஷ்ண ஶரணாக³தவத்ஸல ॥ 22॥

த்³ரோண உவாச ।
யே யே ஹதாஶ்சக்ரத⁴ரேண தை³த்யாம்-
ஸ்த்ரைலோக்யனாதே²ன ஜனார்த³னேன ।
தே தே க³தா விஷ்ணுபுரீம் ப்ரயாதா:
க்ரோதோ⁴பி தே³வஸ்ய வரேண துல்ய: ॥ 23॥

க்ருபாசார்ய உவாச ।
மஜ்ஜன்மன: ப²லமித³ம் மது⁴கைடபா⁴ரே
மத்ப்ரார்த²னீய மத³னுக்³ரஹ ஏஷ ஏவ ।
த்வத்³ப்⁴ருத்யப்⁴ருத்யபரிசாரகப்⁴ருத்யப்⁴ருத்ய-
ப்⁴ருத்யஸ்ய ப்⁴ருத்ய இதி மாம் ஸ்மர லோகனாத² ॥ 24॥

அஶ்வத்தா²ம உவாச ।
கோ³வின்த³ கேஶவ ஜனார்த³ன வாஸுதே³வ
விஶ்வேஶ விஶ்வ மது⁴ஸூத³ன விஶ்வரூப ।
ஶ்ரீபத்³மனாப⁴ புருஷோத்தம தே³ஹி தா³ஸ்யம்
நாராயணாச்யுத ந்ருஸிம்ஹ நமோ நமஸ்தே ॥ 25॥

கர்ண உவாச ।
நான்யம் வதா³மி ந ஶ‍ருணோமி ந சின்தயாமி
நான்யம் ஸ்மராமி ந பஜ⁴ாமி ந சாஶ்ரயாமி ।
ப⁴க்த்யா த்வதீ³யசரணாம்பு³ஜமாத³ரேண
ஶ்ரீஶ்ரீனிவாஸ புருஷோத்தம தே³ஹி தா³ஸ்யம் ॥ 26॥

த்⁴ருதராஷ்ட்ர உவாச ।
நமோ நம: காரணவாமனாய
நாராயணாயாமிதவிக்ரமாய ।
ஶ்ரீஶார்ங்க³சக்ராஸிக³தா³த⁴ராய
நமோஸ்து தஸ்மை புருஷோத்தமாய ॥ 27॥

கா³ன்தா⁴ரீ உவாச ।
த்வமேவ மாதா ச பிதா த்வமேவ
த்வமேவ ப³ன்து⁴ஶ்ச ஸகா² த்வமேவ ।
த்வமேவ வித்³யா த்³ரவிணம் த்வமேவ
த்வமேவ ஸர்வம் மம தே³வ தே³வ ॥ 28॥

த்³ருபத³ உவாச ।
யஜ்ஞேஶாச்யுத கோ³வின்த³ மாத⁴வானந்த கேஶவ ।
க்ருஷ்ண விஷ்ணோ ஹ்ருஷீகேஶ வாஸுதே³வ நமோஸ்து தே ॥ 29॥

ஜயத்³ரத² உவாச ।
நம: க்ருஷ்ணாய தே³வாய ப்³ரஹ்மணேனந்தஶக்தயே ।
யோகே³ஶ்வராய யோகா³ய த்வாமஹம் ஶரணம் க³த: ॥ 3௦॥

விகர்ண உவாச ।
க்ருஷ்ணாய வாஸுதே³வாய தே³வகீனந்த³னாய ச ।
நன்த³கோ³பகுமாராய கோ³வின்தா³ய நமோ நம: ॥ 31॥

விராட உவாச ।
நமோ ப்³ரஹ்மண்யதே³வாய கோ³ப்³ராஹ்மணஹிதாய ச ।
ஜக³த்³தி⁴தாய க்ருஷ்ணாய கோ³வின்தா³ய நமோ நம: ॥ 32॥

ஶல்ய உவாச ।
அதஸீபுஷ்பஸங்காஶம் பீதவாஸஸமச்யுதம் ।
யே நமஸ்யன்தி கோ³வின்த³ம் தேஷாம் ந வித்³யதே ப⁴யம் ॥ 33॥

ப³லப⁴த்³ர உவாச ।
க்ருஷ்ண க்ருஷ்ண க்ருபாலோ த்வமக³தீனாம் க³திர்ப⁴வ ।
ஸம்ஸாரார்ணவமக்³னானாம் ப்ரஸீத³ புருஷோத்தம ॥ 34॥

ஶ்ரீக்ருஷ்ண உவாச ।
க்ருஷ்ண க்ருஷ்ணேதி க்ருஷ்ணேதி யோ மாம் ஸ்மரதி நித்யஶ: ।
ஜலம் பி⁴த்வா யதா² பத்³மம் நரகாது³த்³த⁴ராம்யஹம் ॥ 35॥

ஶ்ரீக்ருஷ்ண உவாச ।
நித்யம் வதா³மி மனுஜா: ஸ்வயமூர்த்⁴வபா³ஹு-
ர்யோ மாம் முகுன்த³ நரஸிம்ஹ ஜனார்த³னேதி ।
ஜீவோ ஜபத்யனுதி³னம் மரணே ரணே வா
பாஷாணகாஷ்ட²ஸத்³ருஶாய த³தா³ம்யபீ⁴ஷ்டம் ॥ 36॥

ஈஶ்வர உவாச ।
ஸக்ருன்னாராயணேத்யுக்த்வா புமான் கல்பஶதத்ரயம் ।
க³ங்கா³தி³ஸர்வதீர்தே²ஷு ஸ்னாதோ ப⁴வதி புத்ரக ॥ 37॥

ஸூத உவாச ।
தத்ரைவ க³ங்கா³ யமுனா ச தத்ர
கோ³தா³வரீ ஸின்து⁴ ஸரஸ்வதீ ச ।
ஸர்வாணி தீர்தா²னி வஸன்தி தத்ர
யத்ராச்யுதோதா³ர கதா²ப்ரஸங்க:³ ॥ 38॥

யம உவாச ।
நரகே பச்யமானம் து யமேனம் பரிபா⁴ஷிதம் ।
கிம் த்வயா நார்சிதோ தே³வ: கேஶவ: க்லேஶனாஶன: ॥ 35॥

நாரத³ உவாச ।
ஜன்மான்தரஸஹஸ்ரேண தபோத்⁴யானஸமாதி⁴னா ।
நராணாம் க்ஷீணபாபானாம் க்ருஷ்ணே ப⁴க்தி: ப்ரஜாயதே ॥ 4௦॥

ப்ரஹ்லாத³ உவாச ।
நாத² யோனிஸஹஸ்ரேஷு யேஷு யேஷு வ்ரஜாம்யஹம் ।
தேஷு தேஷ்வசலா ப⁴க்திரச்யுதாஸ்து ஸதா³ த்வயி ॥ 41॥

யா ப்ரீதிரவிவேகனாம் விஷயேஷ்வனபாயினி ।
த்வாமனுஸ்மரத: ஸா மே ஹ்ருத³யான்மாபஸர்பது ॥ 42॥

விஶ்வாமித்ர உவாச ।
கிம் தஸ்ய தா³னை: கிம் தீர்தை²: கிம் தபோபி⁴: கிமத்⁴வரை: ।
யோ நித்யம் த்⁴யாயதே தே³வம் நாராயணமனந்யதீ⁴: ॥ 43॥

ஜமத³க்³னிருவாச ।
நித்யோத்ஸவோ ப⁴வேத்தேஷாம் நித்யம் நித்யம் ச மங்க³லம் ।
யேஷாம் ஹ்ருதி³ஸ்தோ² ப⁴க³வான்மங்க³லாயதனம் ஹரி: ॥ 44॥

ப⁴ரத்³வாஜ உவாச ।
லாப⁴ஸ்தேஷாம் ஜயஸ்தேஷாம் குதஸ்தேஷாம் பராஜய: ।
யேஷாமின்தீ³ஶ்வரஶ்யாமோ ஹ்ருத³யஸ்தோ² ஜனார்த³ன: ॥ 45॥

கௌ³தம உவாச ।
கோ³கோடிதா³னம் க்³ரஹணேஷு காஶீ-
ப்ரயாக³க³ங்கா³யுதகல்பவாஸ: ।
யஜ்ஞாயுதம் மேருஸுவர்ணதா³னம்
கோ³வின்த³னாமஸ்மரணேன துல்யம் ॥ 46॥

அக்³னிருவாச ।
கோ³வின்தே³தி ஸதா³ ஸ்னானம் கோ³வின்தே³தி ஸதா³ ஜப: ।
கோ³வின்தே³தி ஸதா³ த்⁴யானம் ஸதா³ கோ³வின்த³கீர்தனம் ॥ 47॥

த்ர்யக்ஷரம் பரமம் ப்³ரஹ்ம கோ³வின்த³ த்ர்யக்ஷரம் பரம் ।
தஸ்மாது³ச்சாரிதம் யேன ப்³ரஹ்மபூ⁴யாய கல்பதே ॥ 48॥

வேத³வ்யாஸ உவாச ।
அச்யுத: கல்பவ்ருக்ஷோஸாவனந்த: காமதே⁴னு வை ।
சின்தாமணிஸ்து கோ³வின்தோ³ ஹரேர்னாம விசின்தயேத் ॥ 49॥

இன்த்³ர உவாச ।
ஜயது ஜயது தே³வோ தே³வகீனந்த³னோயம்
ஜயது ஜயது க்ருஷ்ணோ வ்ருஷ்ணிவம்ஶப்ரதீ³ப: ।
ஜயது ஜயது மேக⁴ஶ்யாமல: கோமலாங்கோ³
ஜயது ஜயது ப்ருத்²வீபா⁴ரனாஶோ முகுன்த:³ ॥ 5௦॥

பிப்பலாயன உவாச ।
ஶ்ரீமன்ன்ருஸிம்ஹவிப⁴வே க³ருட³த்⁴வஜாய
தாபத்ரயோபஶமனாய ப⁴வௌஷதா⁴ய ।
க்ருஷ்ணாய வ்ருஶ்சிகஜலாக்³னிபு⁴ஜங்க³ரோக-³
க்லேஶவ்யயாய ஹரயே கு³ரவே நமஸ்தே ॥ 51॥

ஆவிர்ஹோத்ர உவாச ।
க்ருஷ்ண த்வதீ³யபத³பங்கஜபஞ்ஜரான்தே
அத்³யைவ மே விஶது மானஸராஜஹம்ஸ: ।
ப்ராணப்ரயாணஸமயே கப²வாதபித்தை:
கண்டா²வரோத⁴னவிதௌ⁴ ஸ்மரணம் குதஸ்தே ॥ 52॥

விது³ர உவாச ।
ஹரேர்னாமைவ நாமைவ நாமைவ மம ஜீவனம் ।
கலௌ நாஸ்த்யேவ நாஸ்த்யேவ நாஸ்த்யேவ க³திரன்யதா² ॥ 53॥

வஸிஷ்ட² உவாச ।
க்ருஷ்ணேதி மங்க³லம் நாம யஸ்ய வாசி ப்ரவர்ததே ।
ப⁴ஸ்மீப⁴வன்தி தஸ்யாஶு மஹாபாதககோடய: ॥ 54॥

அருன்த⁴த்யுவாச ।
க்ருஷ்ணாய வாஸுதே³வாய ஹரயே பரமாத்மனே ।
ப்ரணதக்லேஶனாஶாய கோ³வின்தா³ய நமோ நம: ॥ 55॥

கஶ்யப உவாச ।
க்ருஷ்ணானுஸ்மரணாதே³வ பாபஸங்க⁴ட்டபஞ்ஜரம் ।
ஶததா⁴ பே⁴த³மாப்னோதி கி³ரிர்வஜ்ரஹதோ யதா² ॥ 56॥

து³ர்யோத⁴ன உவாச ।
ஜானாமி த⁴ர்மம் ந ச மே ப்ரவ்ருத்தி-
ர்ஜானாமி பாபம் ந ச மே நிவ்ருத்தி: ।
கேனாபி தே³வேன ஹ்ருதி³ ஸ்தி²தேன
யதா² நியுக்தோஸ்மி ததா² கரோமி ॥ 57॥

யன்த்ரஸ்ய மம தோ³ஷேண க்ஷம்யதாம் மது⁴ஸூத³ன ।
அஹம் யன்த்ரம் ப⁴வான் யன்த்ரீ மம தோ³ஷோ ந தீ³யதாம் ॥ 58॥

ப்⁴ருகு³ருவாச ।
நாமைவ தவ கோ³வின்த³ நாம த்வத்த: ஶதாதி⁴கம் ।
த³தா³த்த்யுச்சாரணான்முக்தி: ப⁴வானஷ்டாங்க³யோக³த: ॥ 59॥

லோமஶ உவாச ।
நமாமி நாராயண பாத³பங்கஜம்
கரோமி நாராயணபூஜனம் ஸதா³ ।
வதா³மி நாராயணனாம நிர்மலம்
ஸ்மராமி நாராயணதத்த்வமவ்யயம் ॥ 6௦॥

ஶௌனக உவாச ।
ஸ்ம்ருதே: ஸகலகல்யாணம் பஜ⁴னம் யஸ்ய ஜாயதே ।
புருஷம் தமஜம் நித்யம் வ்ரஜாமி ஶரணம் ஹரிம் ॥ 61॥

க³ர்க³ உவாச ।
நாராயணேதி மன்த்ரோஸ்தி வாக³ஸ்தி வஶவர்தினீ ।
ததா²பி நரகே கோ⁴ரே பதன்தீத்யத்³பு⁴தம் மஹத் ॥ 62॥

தா³ல்ப்⁴ய உவாச ।
கிம் தஸ்ய ப³ஹுபி⁴ர்மன்த்ரைர்ப⁴க்திர்யஸ்ய ஜனார்த³னே ।
நமோ நாராயணாயேதி மன்த்ர: ஸர்வார்த²ஸாதா⁴கே ॥ 63॥

வைஶம்பாயன உவாச ।
யத்ர யோகே³ஶ்வர: க்ருஷ்ணோ யத்ர பார்தோ² த⁴னுர்த⁴ர: ।
தத்ர ஶ்ரீர்விஜயோ பூ⁴திர்த்⁴ருவா நீதிர்மதிர்மம ॥ 64॥

அக்³னிருவாச ।
ஹரிர்ஹரதி பாபானி து³ஷ்டசித்தைரபி ஸ்ம்ருத: ।
அனிச்ச²யாபி ஸம்ஸ்ப்ருஷ்டோ த³ஹத்யேவ ஹி பாவக: ॥ 65॥

பரமேஶ்வர உவாச ।
ஸக்ருது³ச்சரிதம் யேன ஹரிரித்யக்ஷரத்³வயம் ।
லப்³த:⁴ பரிகரஸ்தேன மோக்ஷாய க³மனம் ப்ரதி ॥ 66॥

புலஸ்த்ய உவாச ।
ஹே ஜிஹ்வே ரஸஸாரஜ்ஞே ஸர்வதா³ மது⁴ரப்ரியே ।
நாராயணாக்²யபீயூஷம் பிப³ ஜிஹ்வே நிரன்தரம் ॥ 67॥

வ்யாஸ உவாச ।
ஸத்யம் ஸத்யம் புன: ஸத்யம் ஸத்யம் ஸத்யம் வதா³ம்யஹம் ।
நாஸ்தி வேதா³த்பரம் ஶாஸ்த்ரம் ந தே³வ: கேஶவாத்பர: ॥ 68॥

த⁴ன்வன்தரிருவாச ।
அச்யுதானந்த கோ³வின்த³ நாமோச்சாரணபே⁴ஷஜாத் ।
நஶ்யன்தி ஸகலா ரோகா³: ஸத்யம் ஸத்யம் வதா³ம்யஹம் ॥ 69॥

மார்கண்டே³ய உவாச ।
ஸ்வர்க³த³ம் மோக்ஷத³ம் தே³வம் ஸுக²த³ம் ஜக³தோ கு³ரும் ।
கத²ம் முஹுர்தமபி தம் வாஸுதே³வம் ந சின்தயேத் ॥ 7௦॥

அக³ஸ்த்ய உவாச ।
நிமிஷம் நிமிஷார்த⁴ம் வா ப்ராணினாம் விஷ்ணுசின்தனம் ।
தத்ர தத்ர குருக்ஷேத்ரம் ப்ரயாகோ³ நைமிஷம் வரம் ॥ 71॥

வாமதே³வ உவாச ।
நிமிஷம் நிமிஷார்த⁴ம் வா ப்ராணினாம் விஷ்ணுசின்தனம் ।
கல்பகோடிஸஹஸ்ராணி லப⁴தே வாஞ்சி²தம் ப²லம் ॥ 72॥

ஶுக உவாச ।
ஆலோட்³ய ஸர்வஶாஸ்த்ராணி விசார்ய ச புன: புன: ।
இத³மேகம் ஸுனிஷ்பன்னம் த்⁴யேயோ நாராயண: ஸதா³ ॥ 73॥

ஶ்ரீமஹாதே³வ உவாச ।
ஶரீரே ஜர்ஜரீபூ⁴தே வ்யாதி⁴க்³ரஸ்தே கலேவரே ।
ஔஷத⁴ம் ஜாஹ்னவீதோயம் வைத்³யோ நாராயணோ ஹரி: ॥ 74॥

ஶௌனக உவாச ।
போ⁴ஜனாச்சா²த³னே சின்தாம் வ்ருதா² குர்வன்தி வைஷ்ணவா: ।
யோஸௌ விஶ்வம்ப⁴ரோ தே³வ: ஸ கிம் ப⁴க்தானுபேக்ஷதே ॥ 75॥

ஸனத்குமார உவாச ।
யஸ்ய ஹஸ்தே க³தா³ சக்ரம் க³ருடோ³ யஸ்ய வாஹனம் ।
ஶங்க²சக்ரக³தா³பத்³மீ ஸ மே விஷ்ணு: ப்ரஸீத³து ॥ 76॥

ஏவம் ப்³ரஹ்மாத³யோ தே³வா ருஷயஶ்ச தபோத⁴னா: ।
கீர்தயன்தி ஸுரஶ்ரேஷ்ட²மேவம் நாராயணம் விபு⁴ம் ॥ 77॥

இத³ம் பவித்ரமாயுஷ்யம் புண்யம் பாபப்ரணாஶனம் ।
து³:ஸ்வப்னநாஶனம் ஸ்தோத்ரம் பாண்ட³வை: பரிகீர்திதம் ॥ 78॥

ய: படே²த்ப்ராதருத்தா²ய ஶுசிஸ்தத்³க³தமானஸ: ।
க³வாம் ஶதஸஹஸ்ரஸ்ய ஸம்யக்³த³த்தஸ்ய யத்ப²லம் ॥ 79॥

தத்ப²லம் ஸமவாப்னோதி ய: படே²தி³தி ஸம்ஸ்தவம் ।
ஸர்வபாபவினிர்முக்தோ விஷ்ணுலோகம் ஸ க³ச்ச²தி ॥ 8௦॥

க³ங்கா³ கீ³தா ச கா³யத்ரீ கோ³வின்தோ³ க³ருட³த்⁴வஜ: ।
க³காரை: பஞ்சபி⁴ர்யுக்த: புனர்ஜன்ம ந வித்³யதே ॥ 81॥

கீ³தாம் ய: பட²தே நித்யம் ஶ்லோகார்த⁴ம் ஶ்லோகமேவ வா ।
முச்யதே ஸர்வபாபேப்⁴யோ விஷ்ணுலோகம் ஸ க³ச்ச²தி ॥ 82॥

இதி பாண்ட³வகீ³தா அத²வா ப்ரபன்னகீ³தா ஸமாப்தா ।

ஓம் தத்ஸத் ।