॥ த்ருதீயமுண்ட³கே த்³விதீய: க²ண்ட:³ ॥
ஸ வேதை³தத் பரமம் ப்³ரஹ்ம தா⁴ம
யத்ர விஶ்வம் நிஹிதம் பா⁴தி ஶுப்⁴ரம் ।
உபாஸதே புருஷம் யே ஹ்யகாமாஸ்தே
ஶுக்ரமேதத³திவர்தன்தி தீ⁴ரா: ॥ 1॥
காமான் ய: காமயதே மன்யமான:
ஸ காமபி⁴ர்ஜாயதே தத்ர தத்ர ।
பர்யாப்தகாமஸ்ய க்ருதாத்மனஸ்து
இஹைவ ஸர்வே ப்ரவிலீயன்தி காமா: ॥ 2॥
நாயமாத்மா ப்ரவசனேன லப்⁴யோ
ந மேத⁴யா ந ப³ஹுனா ஶ்ருதேன ।
யமேவைஷ வ்ருணுதே தேன லப்⁴ய-
ஸ்தஸ்யைஷ ஆத்மா விவ்ருணுதே தனூம் ஸ்வாம் ॥ 3॥
நாயமாத்மா ப³லஹீனேன லப்⁴யோ
ந ச ப்ரமாதா³த் தபஸோ வாப்யலிங்கா³த் ।
ஏதைருபாயைர்யததே யஸ்து வித்³வாம்-
ஸ்தஸ்யைஷ ஆத்மா விஶதே ப்³ரஹ்மதா⁴ம ॥ 4॥
ஸம்ப்ராப்யைனம்ருஷயோ ஜ்ஞானத்ருப்தா:
க்ருதாத்மானோ வீதராகா³: ப்ரஶான்தா:
தே ஸர்வக³ம் ஸர்வத: ப்ராப்ய தீ⁴ரா
யுக்தாத்மான: ஸர்வமேவாவிஶன்தி ॥ 5॥
வேதா³ன்தவிஜ்ஞானஸுனிஶ்சிதார்தா²:
ஸம்ன்யாஸயோகா³த்³ யதய: ஶுத்³த⁴ஸத்த்வா: ।
தே ப்³ரஹ்மலோகேஷு பரான்தகாலே
பராம்ருதா: பரிமுச்யன்தி ஸர்வே ॥ 6॥
க³தா: கலா: பஞ்சத³ஶ ப்ரதிஷ்டா²
தே³வாஶ்ச ஸர்வே ப்ரதிதே³வதாஸு ।
கர்மாணி விஜ்ஞானமயஶ்ச ஆத்மா
பரேவ்யயே ஸர்வே ஏகீப⁴வன்தி ॥ 7॥
யதா² நத்³ய: ஸ்யன்த³மானா: ஸமுத்³ரே
ஸ்தம் க³ச்ச²ன்தி நாமரூபே விஹாய ।
ததா² வித்³வான் நாமரூபாத்³விமுக்த:
பராத்பரம் புருஷமுபைதி தி³வ்யம் ॥ 8॥
ஸ யோ ஹ வை தத் பரமம் ப்³ரஹ்ம வேத³
ப்³ரஹ்மைவ ப⁴வதி நாஸ்யாப்³ரஹ்மவித்குலே ப⁴வதி ।
தரதி ஶோகம் தரதி பாப்மானம் கு³ஹாக்³ரன்தி²ப்⁴யோ
விமுக்தோம்ருதோ ப⁴வதி ॥ 9॥
ததே³தத்³ருசாப்⁴யுக்தம் ।
க்ரியாவன்த: ஶ்ரோத்ரியா ப்³ரஹ்மனிஷ்டா²:
ஸ்வயம் ஜுஹ்வத ஏகர்ஷிம் ஶ்ரத்³த⁴யன்த: ।
தேஷாமேவைதாம் ப்³ரஹ்மவித்³யாம் வதே³த
ஶிரோவ்ரதம் விதி⁴வத்³ யைஸ்து சீர்ணம் ॥ 1௦॥
ததே³தத் ஸத்யம்ருஷிரங்கி³ரா:
புரோவாச நைதத³சீர்ணவ்ரதோதீ⁴தே ।
நம: பரம்ருஷிப்⁴யோ நம: பரம்ருஷிப்⁴ய: ॥ 11॥
॥ இதி முண்ட³கோபனிஷதி³ த்ருதீயமுண்ட³கே த்³விதீய: க²ண்ட:³ ॥
॥ இத்யத²ர்வவேதீ³ய முண்ட³கோபனிஷத்ஸமாப்தா ॥
ஓம் ப॒⁴த்³ரம் கர்ணே॑பி⁴: ஶ்ருணு॒யாம॑ தே³வா: । ப॒⁴த்³ரம் ப॑ஶ்யேமா॒க்ஷபி॒⁴-ர்யஜ॑த்ரா: । ஸ்தி॒²ரைரங்கை᳚³ஸ்துஷ்டு॒வாக்³ம் ஸ॑ஸ்த॒னூபி॑⁴: । வ்யஶே॑ம தே॒³வஹி॑தம்॒ யதா³யு:॑ । ஸ்வ॒ஸ்தி ந॒ இன்த்³ரோ॑ வ்ரு॒த்³த⁴ஶ்ர॑வா: । ஸ்வ॒ஸ்தி ந:॑ பூ॒ஷா வி॒ஶ்வவே॑தா³: । ஸ்வ॒ஸ்தி ந॒ஸ்தார்க்ஷ்யோ॒ அரி॑ஷ்டனேமி: । ஸ்வ॒ஸ்தி நோ॒ ப்³ருஹ॒ஸ்பதி॑-ர்த³தா⁴து ॥
ஓம் ஶான்தி:॒ ஶான்தி:॒ ஶான்தி:॑ ॥
॥ ஓம் ஶான்தி: ஶான்தி: ஶான்தி: ॥