॥ ப்ரத²மமுண்ட³கே த்³விதீய: க²ண்ட:³ ॥
ததே³தத் ஸத்யம் மன்த்ரேஷு கர்மாணி கவயோ
யான்யபஶ்யம்ஸ்தானி த்ரேதாயாம் ப³ஹுதா⁴ ஸன்ததானி ।
தான்யாசரத² நியதம் ஸத்யகாமா ஏஷ வ:
பன்தா²: ஸுக்ருதஸ்ய லோகே ॥ 1॥
யதா³ லேலாயதே ஹ்யர்சி: ஸமித்³தே⁴ ஹவ்யவாஹனே ।
ததா³ஜ்யபா⁴கா³வன்தரேணாஹுதீ: ப்ரதிபாத³யேத் ॥ 2॥
யஸ்யாக்³னிஹோத்ரமத³ர்ஶமபௌர்ணமாஸ-
மசாதுர்மாஸ்யமனாக்³ரயணமதிதி²வர்ஜிதம் ச ।
அஹுதமவைஶ்வதே³வமவிதி⁴னா ஹுத-
மாஸப்தமாம்ஸ்தஸ்ய லோகான் ஹினஸ்தி ॥ 3॥
காலீ கராலீ ச மனோஜவா ச
ஸுலோஹிதா யா ச ஸுதூ⁴ம்ரவர்ணா ।
ஸ்பு²லிங்கி³னீ விஶ்வருசீ ச தே³வீ
லேலாயமானா இதி ஸப்த ஜிஹ்வா: ॥ 4॥
ஏதேஷு யஶ்சரதே ப்⁴ராஜமானேஷு யதா²காலம்
சாஹுதயோ ஹ்யாத³தா³யன்ன் ।
தம் நயன்த்யேதா: ஸூர்யஸ்ய ரஶ்மயோ யத்ர
தே³வானாம் பதிரேகோதி⁴வாஸ: ॥ 5॥
ஏஹ்யேஹீதி தமாஹுதய: ஸுவர்சஸ:
ஸூர்யஸ்ய ரஶ்மிபி⁴ர்யஜமானம் வஹன்தி ।
ப்ரியாம் வாசமபி⁴வத³ன்த்யோர்சயன்த்ய
ஏஷ வ: புண்ய: ஸுக்ருதோ ப்³ரஹ்மலோக: ॥ 6॥
ப்லவா ஹ்யேதே அத்³ருடா⁴ யஜ்ஞரூபா
அஷ்டாத³ஶோக்தமவரம் யேஷு கர்ம ।
ஏதச்ச்²ரேயோ யேபி⁴னந்த³ன்தி மூடா⁴
ஜராம்ருத்யும் தே புனரேவாபி யன்தி ॥ 7॥
அவித்³யாயாமன்தரே வர்தமானா:
ஸ்வயம் தீ⁴ரா: பண்டி³தம் மன்யமானா: ।
ஜங்க⁴ன்யமானா: பரியன்தி மூடா⁴
அன்தே⁴னைவ நீயமானா யதா²ன்தா⁴: ॥ 8॥
அவித்³யாயம் ப³ஹுதா⁴ வர்தமானா வயம்
க்ருதார்தா² இத்யபி⁴மன்யன்தி பா³லா: ।
யத் கர்மிணோ ந ப்ரவேத³யன்தி ராகா³த்
தேனாதுரா: க்ஷீணலோகாஶ்ச்யவன்தே ॥ 9॥
இஷ்டாபூர்தம் மன்யமானா வரிஷ்ட²ம்
நான்யச்ச்²ரேயோ வேத³யன்தே ப்ரமூடா⁴: ।
நாகஸ்ய ப்ருஷ்டே² தே ஸுக்ருதேனுபூ⁴த்வேமம்
லோகம் ஹீனதரம் வா விஶன்தி ॥ 1௦॥
தப:ஶ்ரத்³தே⁴ யே ஹ்யுபவஸன்த்யரண்யே
ஶான்தா வித்³வாம்ஸோ பை⁴க்ஷ்யசர்யாம் சரன்த: ।
ஸூர்யத்³வாரேண தே விரஜா: ப்ரயான்தி
யத்ராம்ருத: ஸ புருஷோ ஹ்யவ்யயாத்மா ॥ 11॥
பரீக்ஷ்ய லோகான் கர்மசிதான் ப்³ராஹ்மணோ
நிர்வேத³மாயான்னாஸ்த்யக்ருத: க்ருதேன ।
தத்³விஜ்ஞானார்த²ம் ஸ கு³ருமேவாபி⁴க³ச்சே²த்
ஸமித்பாணி: ஶ்ரோத்ரியம் ப்³ரஹ்மனிஷ்ட²ம் ॥ 12॥
தஸ்மை ஸ வித்³வானுபஸன்னாய ஸம்யக்
ப்ரஶான்தசித்தாய ஶமான்விதாய ।
யேனாக்ஷரம் புருஷம் வேத³ ஸத்யம் ப்ரோவாச
தாம் தத்த்வதோ ப்³ரஹ்மவித்³யாம் ॥ 13॥
॥ இதி முண்ட³கோபனிஷதி³ ப்ரத²மமுண்ட³கே த்³விதீய: க²ண்ட:³ ॥