ஓம் ஶ்ரீ பரமாத்மனே நம:
அத² த்³வாத³ஶோத்⁴யாய:
ப⁴க்தியோக:³
அர்ஜுன உவாச
ஏவம் ஸததயுக்தா யே ப⁴க்தாஸ்த்வாம் பர்யுபாஸதே ।
யே சாப்யக்ஷரமவ்யக்தம் தேஷாம் கே யோக³வித்தமா: ॥1॥
ஶ்ரீ ப⁴க³வானுவாச
மய்யாவேஶ்ய மனோ யே மாம் நித்யயுக்தா உபாஸதே ।
ஶ்ரத்³த⁴யா பரயோபேதா: தே மே யுக்ததமா மதா: ॥2॥
யே த்வக்ஷரமனிர்தே³ஶ்யம் அவ்யக்தம் பர்யுபாஸதே ।
ஸர்வத்ரக³மசின்த்யம் ச கூடஸ்த²மசலம் த்⁴ருவம் ॥3॥
ஸன்னியம்யேன்த்³ரியக்³ராமம் ஸர்வத்ர ஸமபு³த்³த⁴ய: ।
தே ப்ராப்னுவன்தி மாமேவ ஸர்வபூ⁴தஹிதே ரதா: ॥4॥
க்லேஶோதி⁴கதரஸ்தேஷாம் அவ்யக்தாஸக்தசேதஸாம் ।
அவ்யக்தா ஹி க³திர்து³:க²ம் தே³ஹவத்³பி⁴ரவாப்யதே ॥5॥
யே து ஸர்வாணி கர்மாணி மயி ஸன்ன்யஸ்ய மத்பரா: ।
அனந்யேனைவ யோகே³ன மாம் த்⁴யாயன்த உபாஸதே ॥6॥
தேஷாமஹம் ஸமுத்³த⁴ர்தா ம்ருத்யுஸம்ஸாரஸாக³ராத் ।
ப⁴வாமி நசிராத்பார்த² மய்யாவேஶிதசேதஸாம் ॥7॥
மய்யேவ மன ஆத⁴த்ஸ்வ மயி பு³த்³தி⁴ம் நிவேஶய ।
நிவஸிஷ்யஸி மய்யேவ அத ஊர்த்⁴வம் ந ஸம்ஶய: ॥8॥
அத² சித்தம் ஸமாதா⁴தும் ந ஶக்னோஷி மயி ஸ்தி²ரம் ।
அப்⁴யாஸயோகே³ன தத: மாமிச்சா²ப்தும் த⁴னஞ்ஜய ॥9॥
அப்⁴யாஸேப்யஸமர்தோ²ஸி மத்கர்மபரமோ ப⁴வ ।
மத³ர்த²மபி கர்மாணி குர்வன்ஸித்³தி⁴மவாப்ஸ்யஸி ॥1௦॥
அதை²தத³ப்யஶக்தோஸி கர்தும் மத்³யோக³மாஶ்ரித: ।
ஸர்வகர்மப²லத்யாக³ம் தத: குரு யதாத்மவான் ॥11॥
ஶ்ரேயோ ஹி ஜ்ஞானமப்⁴யாஸாத் ஜ்ஞானாத்³த்⁴யானம் விஶிஷ்யதே ।
த்⁴யானாத்கர்மப²லத்யாக:³ த்யாகா³ச்சா²ன்திரனந்தரம் ॥12॥
அத்³வேஷ்டா ஸர்வபூ⁴தானாம் மைத்ர: கருண ஏவ ச ।
நிர்மமோ நிரஹங்கார: ஸமது³:க²ஸுக:² க்ஷமீ ॥13॥
ஸன்துஷ்ட: ஸததம் யோகீ³ யதாத்மா த்³ருட⁴னிஶ்சய: ।
மய்யர்பிதமனோபு³த்³தி⁴: யோ மத்³ப⁴க்த: ஸ மே ப்ரிய: ॥14॥
யஸ்மான்னோத்³விஜதே லோக: லோகான்னோத்³விஜதே ச ய: ।
ஹர்ஷாமர்ஷப⁴யோத்³வேகை³: முக்தோ ய: ஸ ச மே ப்ரிய: ॥15॥
அனபேக்ஷ: ஶுசிர்த³க்ஷ: உதா³ஸீனோ க³தவ்யத:² ।
ஸர்வாரம்ப⁴பரித்யாகீ³ யோ மத்³ப⁴க்த: ஸ மே ப்ரிய: ॥16॥
யோ ந ஹ்ருஷ்யதி ந த்³வேஷ்டி ந ஶோசதி ந காங்க்ஷதி ।
ஶுபா⁴ஶுப⁴பரித்யாகீ³ ப⁴க்திமான்ய: ஸ மே ப்ரிய: ॥17॥
ஸம: ஶத்ரௌ ச மித்ரே ச ததா² மானாபமானயோ: ।
ஶீதோஷ்ணஸுக²து³:கே²ஷு ஸம: ஸங்க³விவர்ஜித: ॥18॥
துல்யனின்தா³ஸ்துதிர்மௌனீ ஸன்துஷ்டோ யேன கேனசித் ।
அனிகேத: ஸ்தி²ரமதி: ப⁴க்திமான்மே ப்ரியோ நர: ॥19॥
யே து த⁴ர்ம்யாம்ருதமித³ம் யதோ²க்தம் பர்யுபாஸதே ।
ஶ்ரத்³த³தா⁴னா மத்பரமா: ப⁴க்தாஸ்தேதீவ மே ப்ரியா: ॥2௦॥
॥ ஓம் தத்ஸதி³தி ஶ்ரீமத்³ப⁴க³வத்³கீ³தாஸு உபனிஷத்ஸு ப்³ரஹ்மவித்³யாயாம் யோக³ஶாஸ்த்ரே
ஶ்ரீக்ருஷ்ணார்ஜுனஸம்வாதே³ ப⁴க்தியோகோ³ நாம த்³வாத³ஶோத்⁴யாய: ॥