ஓம் ஶ்ரீ பரமாத்மனே நம:
அத² சதுர்த³ஶோத்⁴யாய:
கு³ணத்ரயவிபா⁴க³யோக:³
ஶ்ரீ ப⁴க³வானுவாச
பரம் பூ⁴ய: ப்ரவக்ஷ்யாமி ஜ்ஞானானாம் ஜ்ஞானமுத்தமம் ।
யஜ்ஜ்ஞாத்வா முனய: ஸர்வே பராம் ஸித்³தி⁴மிதோ க³தா: ॥1॥
இத³ம் ஜ்ஞானமுபாஶ்ரித்ய மம ஸாத⁴ர்ம்யமாக³தா: ।
ஸர்கே³பி நோபஜாயன்தே ப்ரலயே ந வ்யத²ன்தி ச ॥2॥
மம யோனிர்மஹத்³ப்³ரஹ்ம தஸ்மின்க³ர்ப⁴ம் த³தா⁴ம்யஹம் ।
ஸம்ப⁴வ: ஸர்வபூ⁴தானாம் ததோ ப⁴வதி பா⁴ரத ॥3॥
ஸர்வயோனிஷு கௌன்தேய மூர்தய: ஸம்ப⁴வன்தி யா: ।
தாஸாம் ப்³ரஹ்ம மஹத்³யோனி: அஹம் பீ³ஜப்ரத:³ பிதா ॥4॥
ஸத்த்வம் ரஜஸ்தம இதி கு³ணா: ப்ரக்ருதிஸம்ப⁴வா: ।
நிப³த்⁴னந்தி மஹாபா³ஹோ தே³ஹே தே³ஹினமவ்யயம் ॥5॥
தத்ர ஸத்த்வம் நிர்மலத்வாத் ப்ரகாஶகமனாமயம் ।
ஸுக²ஸங்கே³ன ப³த்⁴னாதி ஜ்ஞானஸங்கே³ன சானக⁴ ॥6॥
ரஜோ ராகா³த்மகம் வித்³தி⁴ த்ருஷ்ணாஸங்க³ஸமுத்³ப⁴வம் ।
தன்னிப³த்⁴னாதி கௌன்தேய கர்மஸங்கே³ன தே³ஹினம் ॥7॥
தமஸ்த்வஜ்ஞானஜம் வித்³தி⁴ மோஹனம் ஸர்வதே³ஹினாம் ।
ப்ரமாதா³லஸ்யனித்³ராபி⁴: தன்னிப³த்⁴னாதி பா⁴ரத ॥8॥
ஸத்த்வம் ஸுகே² ஸஞ்ஜயதி ரஜ: கர்மணி பா⁴ரத ।
ஜ்ஞானமாவ்ருத்ய து தம: ப்ரமாதே³ ஸஞ்ஜயத்யுத ॥9॥
ரஜஸ்தமஶ்சாபி⁴பூ⁴ய ஸத்த்வம் ப⁴வதி பா⁴ரத ।
ரஜ: ஸத்த்வம் தமஶ்சைவ தம: ஸத்த்வம் ரஜஸ்ததா² ॥1௦॥
ஸர்வத்³வாரேஷு தே³ஹேஸ்மின் ப்ரகாஶ உபஜாயதே ।
ஜ்ஞானம் யதா³ ததா³ வித்³யாத் விவ்ருத்³த⁴ம் ஸத்த்வமித்யுத ॥11॥
லோப:⁴ ப்ரவ்ருத்திராரம்ப:⁴ கர்மணாமஶம: ஸ்ப்ருஹா ।
ரஜஸ்யேதானி ஜாயன்தே விவ்ருத்³தே⁴ ப⁴ரதர்ஷப⁴ ॥12॥
அப்ரகாஶோப்ரவ்ருத்திஶ்ச ப்ரமாதோ³ மோஹ ஏவ ச ।
தமஸ்யேதானி ஜாயன்தே விவ்ருத்³தே⁴ குருனந்த³ன ॥13॥
யதா³ ஸத்த்வே ப்ரவ்ருத்³தே⁴ து ப்ரலயம் யாதி தே³ஹப்⁴ருத் ।
ததோ³த்தமவிதா³ம் லோகான் அமலான்ப்ரதிபத்³யதே ॥14॥
ரஜஸி ப்ரலயம் க³த்வா கர்மஸங்கி³ஷு ஜாயதே ।
ததா² ப்ரலீனஸ்தமஸி மூட⁴யோனிஷு ஜாயதே ॥15॥
கர்மண: ஸுக்ருதஸ்யாஹு: ஸாத்த்விகம் நிர்மலம் ப²லம் ।
ரஜஸஸ்து ப²லம் து³:க²ம் அஜ்ஞானம் தமஸ: ப²லம் ॥16॥
ஸத்த்வாத்ஸஞ்ஜாயதே ஜ்ஞானம் ரஜஸோ லோப⁴ ஏவ ச ।
ப்ரமாத³மோஹௌ தமஸ: ப⁴வதோஜ்ஞானமேவ ச ॥17॥
ஊர்த்⁴வம் க³ச்ச²ன்தி ஸத்த்வஸ்தா²: மத்⁴யே திஷ்ட²ன்தி ராஜஸா: ।
ஜக⁴ன்யகு³ணவ்ருத்திஸ்தா²: அதோ⁴ க³ச்ச²ன்தி தாமஸா: ॥18॥
நான்யம் கு³ணேப்⁴ய: கர்தாரம் யதா³ த்³ரஷ்டானுபஶ்யதி ।
கு³ணேப்⁴யஶ்ச பரம் வேத்தி மத்³பா⁴வம் ஸோதி⁴க³ச்ச²தி ॥19॥
கு³ணானேதானதீத்ய த்ரீன் தே³ஹீ தே³ஹஸமுத்³ப⁴வான் ।
ஜன்மம்ருத்யுஜராது³:கை²: விமுக்தோம்ருதமஶ்னுதே ॥2௦॥
அர்ஜுன உவாச
கைர்லிங்கை³ஸ்த்ரீன்கு³ணானேதான் அதீதோ ப⁴வதி ப்ரபோ⁴ ।
கிமாசார: கத²ம் சைதான் த்ரீன்கு³ணானதிவர்ததே ॥21॥
ஶ்ரீ ப⁴க³வானுவாச
ப்ரகாஶம் ச ப்ரவ்ருத்திம் ச மோஹமேவ ச பாண்ட³வ ।
ந த்³வேஷ்டி ஸம்ப்ரவ்ருத்தானி ந நிவ்ருத்தானி காங்க்ஷதி ॥22॥
உதா³ஸீனவதா³ஸீன: கு³ணைர்யோ ந விசால்யதே ।
கு³ணா வர்தன்த இத்யேவ யோவதிஷ்ட²தி நேங்க³தே ॥23॥
ஸமது³:க²ஸுக:² ஸ்வஸ்த:² ஸமலோஷ்டாஶ்மகாஞ்சன: ।
துல்யப்ரியாப்ரியோ தீ⁴ர: துல்யனின்தா³த்மஸம்ஸ்துதி: ॥24॥
மானாபமானயோஸ்துல்ய: துல்யோ மித்ராரிபக்ஷயோ: ।
ஸர்வாரம்ப⁴பரித்யாகீ³ கு³ணாதீத: ஸ உச்யதே ॥25॥
மாம் ச யோவ்யபி⁴சாரேண ப⁴க்தியோகே³ன ஸேவதே ।
ஸ கு³ணான்ஸமதீத்யைதான் ப்³ரஹ்மபூ⁴யாய கல்பதே ॥26॥
ப்³ரஹ்மணோ ஹி ப்ரதிஷ்டா²ஹம் அம்ருதஸ்யாவ்யயஸ்ய ச ।
ஶாஶ்வதஸ்ய ச த⁴ர்மஸ்ய ஸுக²ஸ்யைகான்திகஸ்ய ச ॥27॥
॥ ஓம் தத்ஸதி³தி ஶ்ரீமத்³ப⁴க³வத்³கீ³தாஸு உபனிஷத்ஸு ப்³ரஹ்மவித்³யாயாம்
யோக³ஶாஸ்த்ரே ஶ்ரீக்ருஷ்ணார்ஜுனஸம்வாதே³ கு³ணத்ரயவிபா⁴க³யோகோ³ சதுர்த³ஶோத்⁴யாய: ॥