ஓம் ஶ்ரீ பரமாத்மனே நம:
அத² ஷஷ்டோ²த்⁴யாய:
ஆத்மஸம்யமயோக:³
ஶ்ரீ ப⁴க³வானுவாச
அனாஶ்ரித: கர்மப²லம் கார்யம் கர்ம கரோதி ய: ।
ஸ ஸன்ன்யாஸீ ச யோகீ³ ச ந நிரக்³னிர்ன சாக்ரிய: ॥1॥
யம் ஸன்ன்யாஸமிதி ப்ராஹு: யோக³ம் தம் வித்³தி⁴ பாண்ட³வ ।
ந ஹ்யஸன்ன்யஸ்தஸங்கல்ப: யோகீ³ ப⁴வதி கஶ்சன ॥2॥
ஆருருக்ஷோர்முனேர்யோக³ம் கர்ம காரணமுச்யதே ।
யோகா³ரூட⁴ஸ்ய தஸ்யைவ ஶம: காரணமுச்யதே ॥3॥
யதா³ ஹி நேன்த்³ரியார்தே²ஷு ந கர்மஸ்வனுஷஜ்ஜதே ।
ஸர்வஸங்கல்பஸன்ன்யாஸீ யோகா³ரூட⁴ஸ்ததோ³ச்யதே ॥4॥
உத்³த⁴ரேதா³த்மனாத்மானம் நாத்மானமவஸாத³யேத் ।
ஆத்மைவ ஹ்யாத்மனோ ப³ன்து⁴: ஆத்மைவ ரிபுராத்மன: ॥5॥
ப³ன்து⁴ராத்மாத்மனஸ்தஸ்ய யேனாத்மைவாத்மனா ஜித: ।
அனாத்மனஸ்து ஶத்ருத்வே வர்தேதாத்மைவ ஶத்ருவத் ॥6॥
ஜிதாத்மன: ப்ரஶான்தஸ்ய பரமாத்மா ஸமாஹித: ।
ஶீதோஷ்ணஸுக²து³:கே²ஷு ததா² மானாபமானயோ: ॥7॥
ஜ்ஞானவிஜ்ஞானத்ருப்தாத்மா கூடஸ்தோ² விஜிதேன்த்³ரிய: ।
யுக்த இத்யுச்யதே யோகீ³ ஸமலோஷ்டாஶ்மகாஞ்சன: ॥8॥
ஸுஹ்ருன்மித்ரார்யுதா³ஸீனமத்⁴யஸ்த²த்³வேஷ்யப³ன்து⁴ஷு ।
ஸாது⁴ஷ்வபி ச பாபேஷு ஸமபு³த்³தி⁴ர்விஶிஷ்யதே ॥9॥
யோகீ³ யுஞ்ஜீத ஸததம் ஆத்மானம் ரஹஸி ஸ்தி²த: ।
ஏகாகீ யதசித்தாத்மா நிராஶீரபரிக்³ரஹ: ॥1௦॥
ஶுசௌ தே³ஶே ப்ரதிஷ்டா²ப்ய ஸ்தி²ரமாஸனமாத்மன: ।
நாத்யுச்ச்²ரிதம் நாதினீசம் சைலாஜினகுஶோத்தரம் ॥11॥
தத்ரைகாக்³ரம் மன: க்ருத்வா யதசித்தேன்த்³ரியக்ரிய: ।
உபவிஶ்யாஸனே யுஞ்ஜ்யாத் யோக³மாத்மவிஶுத்³த⁴யே ॥12॥
ஸமம் காயஶிரோக்³ரீவம் தா⁴ரயன்னசலம் ஸ்தி²ர: ।
ஸம்ப்ரேக்ஷ்ய நாஸிகாக்³ரம் ஸ்வம் தி³ஶஶ்சானவலோகயன் ॥13॥
ப்ரஶான்தாத்மா விக³த பீ⁴: ப்³ரஹ்மசாரிவ்ரதே ஸ்தி²த: ।
மன: ஸம்யம்ய மச்சித்த: யுக்த ஆஸீத மத்பர: ॥14॥
யுஞ்ஜன்னேவம் ஸதா³த்மானம் யோகீ³ நியதமானஸ: ।
ஶான்திம் நிர்வாணபரமாம் மத்ஸம்ஸ்தா²மதி⁴க³ச்ச²தி ॥15॥
நாத்யஶ்னதஸ்து யோகோ³ஸ்தி ந சைகான்தமனஶ்னத: ।
ந சாதி ஸ்வப்னஶீலஸ்ய ஜாக்³ரதோ நைவ சார்ஜுன ॥16॥
யுக்தாஹாரவிஹாரஸ்ய யுக்தசேஷ்டஸ்ய கர்மஸு ।
யுக்தஸ்வப்னாவபோ³த⁴ஸ்ய யோகோ³ ப⁴வதி து³:க²ஹா ॥17॥
யதா³ வினியதம் சித்தம் ஆத்மன்யேவாவதிஷ்ட²தே ।
நிஸ்ஸ்ப்ருஹ: ஸர்வகாமேப்⁴ய: யுக்த இத்யுச்யதே ததா³ ॥18॥
யதா² தீ³போ நிவாதஸ்த:² நேங்க³தே ஸோபமா ஸ்ம்ருதா ।
யோகி³னோ யதசித்தஸ்ய யுஞ்ஜதோ யோக³மாத்மன: ॥19॥
யத்ரோபரமதே சித்தம் நிருத்³த⁴ம் யோக³ஸேவயா ।
யத்ர சைவாத்மனாத்மானம் பஶ்யன்னாத்மனி துஷ்யதி ॥2௦॥
ஸுக²மாத்யன்திகம் யத்தத் பு³த்³தி⁴க்³ராஹ்யமதீன்த்³ரியம் ।
வேத்தி யத்ர ந சைவாயம் ஸ்தி²தஶ்சலதி தத்த்வத: ॥21॥
யம் லப்³த்⁴வா சாபரம் லாப⁴ம் மன்யதே நாதி⁴கம் தத: ।
யஸ்மின் ஸ்தி²தோ ந து³:கே²ன கு³ருணாபி விசால்யதே ॥22॥
தம் வித்³யாத் து³:க²ஸம்யோக³வியோக³ம் யோக³ஸஞ்ஜ்ஞிதம் ।
ஸ நிஶ்சயேன யோக்தவ்ய: யோகோ³னிர்விண்ணசேதஸா ॥23॥
ஸங்கல்பப்ரப⁴வான்காமான் த்யக்த்வா ஸர்வானஶேஷத: ।
மனஸைவேன்த்³ரியக்³ராமம் வினியம்ய ஸமன்தத: ॥24॥
ஶனை: ஶனைருபரமேத் பு³த்³த்⁴யா த்⁴ருதிக்³ருஹீதயா ।
ஆத்மஸம்ஸ்த²ம் மன: க்ருத்வா ந கிஞ்சித³பி சின்தயேத் ॥25॥
யதோ யதோ நிஶ்சரதி மனஶ்சஞ்சலமஸ்தி²ரம் ।
ததஸ்ததோ நியம்யைதத் ஆத்மன்யேவ வஶம் நயேத் ॥26॥
ப்ரஶான்தமனஸம் ஹ்யேனம் யோகி³னம் ஸுக²முத்தமம் ।
உபைதி ஶான்தரஜஸம் ப்³ரஹ்மபூ⁴தமகல்மஷம் ॥27॥
யுஞ்ஜன்னேவம் ஸதா³த்மானம் யோகீ³ விக³தகல்மஷ: ।
ஸுகே²ன ப்³ரஹ்மஸம்ஸ்பர்ஶம் அத்யன்தம் ஸுக²மஶ்னுதே ॥28॥
ஸர்வபூ⁴தஸ்த²மாத்மானம் ஸர்வபூ⁴தானி சாத்மனி ।
ஈக்ஷதே யோக³யுக்தாத்மா ஸர்வத்ர ஸமத³ர்ஶன: ॥29॥
யோ மாம் பஶ்யதி ஸர்வத்ர ஸர்வம் ச மயி பஶ்யதி ।
தஸ்யாஹம் ந ப்ரணஶ்யாமி ஸ ச மே ந ப்ரணஶ்யதி ॥3௦॥
ஸர்வபூ⁴தஸ்தி²தம் யோ மாம் பஜ⁴த்யேகத்வமாஸ்தி²த: ।
ஸர்வதா² வர்தமானோபி ஸ யோகீ³ மயி வர்ததே ॥31॥
ஆத்மௌபம்யேன ஸர்வத்ர ஸமம் பஶ்யதி யோர்ஜுன ।
ஸுக²ம் வா யதி³ வா து³:க²ம் ஸ யோகீ³ பரமோ மத: ॥32॥
அர்ஜுன உவாச –
யோயம் யோக³ஸ்த்வயா ப்ரோக்த: ஸாம்யேன மது⁴ஸூத³ன ।
ஏதஸ்யாஹம் ந பஶ்யாமி சஞ்சலத்வாத்ஸ்தி²திம் ஸ்தி²ராம் ॥33॥
சஞ்சலம் ஹி மன: க்ருஷ்ண ப்ரமாதி² ப³லவத்³த்³ருட⁴ம் ।
தஸ்யாஹம் நிக்³ரஹம் மன்யே வாயோரிவ ஸுது³ஷ்கரம் ॥34॥
ஶ்ரீ ப⁴க³வானுவாச –
அஸம்ஶயம் மஹாபா³ஹோ மனோ து³ர்னிக்³ரஹம் சலம் ।
அப்⁴யாஸேன து கௌன்தேய வைராக்³யேண ச க்³ருஹ்யதே ॥35॥
அஸம்யதாத்மனா யோக:³ து³ஷ்ப்ராப இதி மே மதி: ।
வஶ்யாத்மனா து யததா ஶக்யோவாப்துமுபாயத: ॥36॥
அர்ஜுன உவாச
அயதி: ஶ்ரத்³த⁴யோபேத: யோகா³ச்சலிதமானஸ: ।
அப்ராப்ய யோக³ஸம்ஸித்³தி⁴ம் காம் க³திம் க்ருஷ்ண க³ச்ச²தி ॥37॥
கச்சின்னோப⁴யவிப்⁴ரஷ்ட: சி²ன்னாப்⁴ரமிவ நஶ்யதி ।
அப்ரதிஷ்டோ² மஹாபா³ஹோ விமூடோ⁴ ப்³ரஹ்மண: பதி² ॥38॥
ஏதன்மே ஸம்ஶயம் க்ருஷ்ண சே²த்துமர்ஹஸ்யஶேஷத: ।
த்வத³ன்ய: ஸம்ஶயஸ்யாஸ்ய சே²த்தா ந ஹ்யுபபத்³யதே ॥39॥
ஶ்ரீ ப⁴க³வானுவாச
பார்த² நைவேஹ நாமுத்ர வினாஶஸ்தஸ்ய வித்³யதே ।
ந ஹி கல்யாணக்ருத்கஶ்சித் து³ர்க³திம் தாத க³ச்ச²தி ॥4௦॥
ப்ராப்ய புண்யக்ருதாம் லோகான் உஷித்வா ஶாஶ்வதீ: ஸமா: ।
ஶுசீனாம் ஶ்ரீமதாம் கே³ஹே யோக³ப்⁴ரஷ்டோபி⁴ஜாயதே ॥41॥
அத²வா யோகி³னாமேவ குலே ப⁴வதி தீ⁴மதாம் ।
ஏதத்³தி⁴ து³ர்லப⁴தரம் லோகே ஜன்ம யதீ³த்³ருஶம் ॥42॥
தத்ர தம் பு³த்³தி⁴ஸம்யோக³ம் லப⁴தே பௌர்வதே³ஹிகம் ।
யததே ச ததோ பூ⁴ய: ஸம்ஸித்³தௌ⁴ குருனந்த³ன ॥43॥
பூர்வாப்⁴யாஸேன தேனைவ ஹ்ரியதே ஹ்யவஶோபி ஸ: ।
ஜிஜ்ஞாஸுரபி யோக³ஸ்ய ஶப்³த³ப்³ரஹ்மாதிவர்ததே ॥44॥
ப்ரயத்னாத்³யதமானஸ்து யோகீ³ ஸம்ஶுத்³த⁴கில்பி³ஷ: ।
அனேகஜன்மஸம்ஸித்³த:⁴ ததோ யாதி பராம் க³திம் ॥45॥
தபஸ்விப்⁴யோதி⁴கோ யோகீ³ ஜ்ஞானிப்⁴யோபி மதோதி⁴க: ।
கர்மிப்⁴யஶ்சாதி⁴கோ யோகீ³ தஸ்மாத்³யோகீ³ ப⁴வார்ஜுன ॥46॥
யோகி³னாமபி ஸர்வேஷாம் மத்³க³தேனான்தராத்மனா ।
ஶ்ரத்³தா⁴வான்பஜ⁴தே யோ மாம் ஸ மே யுக்ததமோ மத: ॥47॥
॥ ஓம் தத்ஸதி³தி ஶ்ரீமத்³ப⁴க³வத்³கீ³தாஸு உபனிஷத்ஸு ப்³ரஹ்மவித்³யாயாம்
யோக³ஶாஸ்த்ரே ஶ்ரீக்ருஷ்ணார்ஜுனஸம்வாதே³ ஆத்மஸம்யமயோகோ³ நாம ஷஷ்டோ²த்⁴யாய: ॥