ஓம் ஶ்ரீ பரமாத்மனே நம:
அத² ஸப்தமோத்⁴யாய:
ஜ்ஞானவிஜ்ஞானயோக:³
ஶ்ரீ ப⁴க³வானுவாச
மய்யாஸக்தமனா: பார்த² யோக³ம் யுஞ்ஜன்மதா³ஶ்ரய: ।
அஸம்ஶயம் ஸமக்³ரம் மாம் யதா² ஜ்ஞாஸ்யஸி தச்ச்²ருணு ॥1॥
ஜ்ஞானம் தேஹம் ஸவிஜ்ஞானம் இத³ம் வக்ஷ்யாம்யஶேஷத: ।
யஜ்ஜ்ஞாத்வா நேஹ பூ⁴யோன்யத் ஜ்ஞாதவ்யமவஶிஷ்யதே ॥2॥
மனுஷ்யாணாம் ஸஹஸ்ரேஷு கஶ்சித்³யததி ஸித்³த⁴யே ।
யததாமபி ஸித்³தா⁴னாம் கஶ்சின்மாம் வேத்தி தத்த்வத: ॥3॥
பூ⁴மிராபோனலோ வாயு: க²ம் மனோ பு³த்³தி⁴ரேவ ச ।
அஹங்கார இதீயம் மே பி⁴ன்னா ப்ரக்ருதிரஷ்டதா⁴ ॥4॥
அபரேயமிதஸ்த்வன்யாம் ப்ரக்ருதிம் வித்³தி⁴ மே பராம் ।
ஜீவபூ⁴தாம் மஹாபா³ஹோ யயேத³ம் தா⁴ர்யதே ஜக³த் ॥5॥
ஏதத்³யோனீனி பூ⁴தானி ஸர்வாணீத்யுபதா⁴ரய ।
அஹம் க்ருத்ஸ்னஸ்ய ஜக³த: ப்ரப⁴வ: ப்ரலயஸ்ததா² ॥6॥
மத்த: பரதரம் நான்யத் கிஞ்ஜித³ஸ்தி த⁴னஞ்ஜய ।
மயி ஸர்வமித³ம் ப்ரோதம் ஸூத்ரே மணிக³ணா இவ ॥7॥
ரஸோஹமப்ஸு கௌன்தேய ப்ரபா⁴ஸ்மி ஶஶிஸூர்யயோ: ।
ப்ரணவ: ஸர்வவேதே³ஷு ஶப்³த:³ கே² பௌருஷம் ந்ருஷு ॥8॥
புண்யோ க³ன்த:⁴ ப்ருதி²வ்யாம் ச தேஜஶ்சாஸ்மி விபா⁴வஸௌ ।
ஜீவனம் ஸர்வபூ⁴தேஷு தபஶ்சாஸ்மி தபஸ்விஷு ॥9॥
பீ³ஜம் மாம் ஸர்வபூ⁴தானாம் வித்³தி⁴ பார்த² ஸனாதனம் ।
பு³த்³தி⁴ர்பு³த்³தி⁴மதாமஸ்மி தேஜஸ்தேஜஸ்வினாமஹம் ॥1௦॥
ப³லம் ப³லவதாம் சாஹம் காமராக³விவர்ஜிதம் ।
த⁴ர்மாவிருத்³தோ⁴ பூ⁴தேஷு காமோஸ்மி ப⁴ரதர்ஷப⁴ ॥11॥
யே சைவ ஸாத்த்விகா பா⁴வா: ராஜஸாஸ்தாமஸாஶ்ச யே ।
மத்த ஏவேதி தான்வித்³தி⁴ ந த்வஹம் தேஷு தே மயி ॥12॥
த்ரிபி⁴ர்கு³ணமயைர்பா⁴வை: ஏபி⁴: ஸர்வமித³ம் ஜக³த் ।
மோஹிதம் நாபி⁴ஜானாதி மாமேப்⁴ய: பரமவ்யயம் ॥13॥
தை³வீ ஹ்யேஷா கு³ணமயீ மம மாயா து³ரத்யயா ।
மாமேவ யே ப்ரபத்³யன்தே மாயாமேதாம் தரன்தி தே ॥14॥
ந மாம் து³ஷ்க்ருதினோ மூடா⁴: ப்ரபத்³யன்தே நராத⁴மா: ।
மாயயாபஹ்ருதஜ்ஞானா: ஆஸுரம் பா⁴வமாஶ்ரிதா: ॥15॥
சதுர்விதா⁴ பஜ⁴ன்தே மாம் ஜனா: ஸுக்ருதினோர்ஜுன ।
ஆர்தோ ஜிஜ்ஞாஸுரர்தா²ர்தீ² ஜ்ஞானீ ச ப⁴ரதர்ஷப⁴ ॥16॥
தேஷாம் ஜ்ஞானீ நித்யயுக்த: ஏக ப⁴க்திர்விஶிஷ்யதே ।
ப்ரியோ ஹி ஜ்ஞானினோத்யர்த²ம் அஹம் ஸ ச மம ப்ரிய: ॥17॥
உதா³ரா: ஸர்வ ஏவைதே ஜ்ஞானீ த்வாத்மைவ மே மதம் ।
ஆஸ்தி²த: ஸ ஹி யுக்தாத்மா மாமேவானுத்தமாம் க³திம் ॥18॥
ப³ஹூனாம் ஜன்மனாமன்தே ஜ்ஞானவான்மாம் ப்ரபத்³யதே ।
வாஸுதே³வ: ஸர்வமிதி ஸ மஹாத்மா ஸுது³ர்லப:⁴ ॥19॥
காமைஸ்தை ஸ்தைர்ஹ்ருதஜ்ஞானா: ப்ரபத்³யன்தேன்யதே³வதா: ।
தம் தம் நியமமாஸ்தா²ய ப்ரக்ருத்யா நியதா: ஸ்வயா ॥2௦॥
யோ யோ யாம் யாம் தனும் ப⁴க்த: ஶ்ரத்³த⁴யார்சிதுமிச்ச²தி ।
தஸ்ய தஸ்யாசலாம் ஶ்ரத்³தா⁴ம் தாமேவ வித³தா⁴ம்யஹம் ॥21॥
ஸ தயா ஶ்ரத்³த⁴யா யுக்த: தஸ்யாராத⁴னமீஹதே ।
லப⁴தே ச தத: காமான் மயைவ விஹிதான்ஹி தான் ॥22॥
அன்தவத்து ப²லம் தேஷாம் தத்³ப⁴வத்யல்பமேத⁴ஸாம் ।
தே³வான்தே³வயஜோ யான்தி மத்³ப⁴க்தா யான்தி மாமபி ॥23॥
அவ்யக்தம் வ்யக்திமாபன்னம் மன்யன்தே மாமபு³த்³த⁴ய: ।
பரம் பா⁴வமஜானந்த: மமாவ்யயமனுத்தமம் ॥24॥
நாஹம் ப்ரகாஶ: ஸர்வஸ்ய யோக³மாயாஸமாவ்ருத: ।
மூடோ⁴யம் நாபி⁴ஜானாதி லோகோ மாமஜமவ்யயம் ॥25॥
வேதா³ஹம் ஸமதீதானி வர்தமானானி சார்ஜுன ।
ப⁴விஷ்யாணி ச பூ⁴தானி மாம் து வேத³ ந கஶ்சன ॥26॥
இச்சா²த்³வேஷஸமுத்தே²ன த்³வன்த்³வமோஹேன பா⁴ரத ।
ஸர்வபூ⁴தானி ஸம்மோஹம் ஸர்கே³ யான்தி பரன்தப ॥27॥
யேஷாம் த்வன்தக³தம் பாபம் ஜனானாம் புண்யகர்மணாம் ।
தே த்³வன்த்³வமோஹனிர்முக்தா: பஜ⁴ன்தே மாம் த்³ருட⁴வ்ரதா: ॥28॥
ஜராமரணமோக்ஷாய மாமாஶ்ரித்ய யதன்தி யே ।
தே ப்³ரஹ்ம தத்³விது³: க்ருத்ஸ்னம் அத்⁴யாத்மம் கர்ம சாகி²லம்॥29॥
ஸாதி⁴பூ⁴தாதி⁴தை³வம் மாம் ஸாதி⁴யஜ்ஞம் ச யே விது³: ।
ப்ரயாணகாலேபி ச மாம் தே விது³ர்யுக்தசேதஸ: ॥3௦॥
॥ ஓம் தத்ஸதி³தி ஶ்ரீமத்³ப⁴க³வத்³கீ³தாஸு உபனிஷத்ஸு ப்³ரஹ்மவித்³யாயாம்
யோக³ஶாஸ்த்ரே ஶ்ரீக்ருஷ்ணார்ஜுனஸம்வாதே³ ஜ்ஞானவிஜ்ஞானயோகோ³ நாம ஸப்தமோத்⁴யாய: ॥