அத² த்ருதீயோத்⁴யாய: ।
கர்மயோக:³
அர்ஜுன உவாச ।
ஜ்யாயஸீ சேத்கர்மணஸ்தே மதா பு³த்³தி⁴ர்ஜனார்த³ன ।
தத்கிம் கர்மணி கோ⁴ரே மாம் நியோஜயஸி கேஶவ ॥ 1 ॥
வ்யாமிஶ்ரேணேவ வாக்யேன பு³த்³தி⁴ம் மோஹயஸீவ மே ।
ததே³கம் வத³ நிஶ்சித்ய யேன ஶ்ரேயோஹமாப்னுயாம் ॥ 2 ॥
ஶ்ரீப⁴க³வானுவாச ।
லோகேஸ்மின்த்³விவிதா⁴ நிஷ்டா² புரா ப்ரோக்தா மயானக⁴ ।
ஜ்ஞானயோகே³ன ஸாங்க்³யானாம் கர்மயோகே³ன யோகி³னாம் ॥ 3 ॥
ந கர்மணாமனாரம்பா⁴ன்னைஷ்கர்ம்யம் புருஷோஶ்னுதே ।
ந ச ஸம்ன்யஸனாதே³வ ஸித்³தி⁴ம் ஸமதி⁴க³ச்ச²தி ॥ 4 ॥
ந ஹி கஶ்சித்க்ஷணமபி ஜாது திஷ்ட²த்யகர்மக்ருத் ।
கார்யதே ஹ்யவஶ: கர்ம ஸர்வ: ப்ரக்ருதிஜைர்கு³ணை: ॥ 5 ॥
கர்மேன்த்³ரியாணி ஸம்யம்ய ய ஆஸ்தே மனஸா ஸ்மரன் ।
இன்த்³ரியார்தா²ன்விமூடா⁴த்மா மித்²யாசார: ஸ உச்யதே ॥ 6 ॥
யஸ்த்வின்த்³ரியாணி மனஸா நியம்யாரப⁴தேர்ஜுன ।
கர்மேன்த்³ரியை: கர்மயோக³மஸக்த: ஸ விஶிஷ்யதே ॥ 7 ॥
நியதம் குரு கர்ம த்வம் கர்ம ஜ்யாயோ ஹ்யகர்மண: ।
ஶரீரயாத்ராபி ச தே ந ப்ரஸித்³த்⁴யேத³கர்மண: ॥ 8 ॥
யஜ்ஞார்தா²த்கர்மணோன்யத்ர லோகோயம் கர்மப³ன்த⁴ன: ।
தத³ர்த²ம் கர்ம கௌன்தேய முக்தஸங்க:³ ஸமாசர ॥ 9 ॥
ஸஹயஜ்ஞா: ப்ரஜா: ஸ்ருஷ்ட்வா புரோவாச ப்ரஜாபதி: ।
அனேன ப்ரஸவிஷ்யத்⁴வமேஷ வோஸ்த்விஷ்டகாமது⁴க் ॥ 1௦ ॥
தே³வான்பா⁴வயதானேன தே தே³வா பா⁴வயன்து வ: ।
பரஸ்பரம் பா⁴வயன்த: ஶ்ரேய: பரமவாப்ஸ்யத² ॥ 11 ॥
இஷ்டான்போ⁴கா³ன்ஹி வோ தே³வா தா³ஸ்யன்தே யஜ்ஞபா⁴விதா: ।
தைர்த³த்தானப்ரதா³யைப்⁴யோ யோ பு⁴ங்க்தே ஸ்தேன ஏவ ஸ: ॥ 12 ॥
யஜ்ஞஶிஷ்டாஶின: ஸன்தோ முச்யன்தே ஸர்வகில்பி³ஷை: ।
பு⁴ஞ்ஜதே தே த்வக⁴ம் பாபா யே பசன்த்யாத்மகாரணாத் ॥ 13 ॥
அன்னாத்³ப⁴வன்தி பூ⁴தானி பர்ஜன்யாத³ன்னஸம்ப⁴வ: ।
யஜ்ஞாத்³ப⁴வதி பர்ஜன்யோ யஜ்ஞ: கர்மஸமுத்³ப⁴வ: ॥ 14 ॥
கர்ம ப்³ரஹ்மோத்³ப⁴வம் வித்³தி⁴ ப்³ரஹ்மாக்ஷரஸமுத்³ப⁴வம் ।
தஸ்மாத்ஸர்வக³தம் ப்³ரஹ்ம நித்யம் யஜ்ஞே ப்ரதிஷ்டி²தம் ॥ 15 ॥
ஏவம் ப்ரவர்திதம் சக்ரம் நானுவர்தயதீஹ ய: ।
அகா⁴யுரின்த்³ரியாராமோ மோக⁴ம் பார்த² ஸ ஜீவதி ॥ 16 ॥
யஸ்த்வாத்மரதிரேவ ஸ்யாதா³த்மத்ருப்தஶ்ச மானவ: ।
ஆத்மன்யேவ ச ஸன்துஷ்டஸ்தஸ்ய கார்யம் ந வித்³யதே ॥ 17 ॥
நைவ தஸ்ய க்ருதேனார்தோ² நாக்ருதேனேஹ கஶ்சன ।
ந சாஸ்ய ஸர்வபூ⁴தேஷு கஶ்சித³ர்த²வ்யபாஶ்ரய: ॥ 18 ॥
தஸ்மாத³ஸக்த: ஸததம் கார்யம் கர்ம ஸமாசர ।
அஸக்தோ ஹ்யாசரன்கர்ம பரமாப்னோதி பூருஷ: ॥ 19 ॥
கர்மணைவ ஹி ஸம்ஸித்³தி⁴மாஸ்தி²தா ஜனகாத³ய: ।
லோகஸங்க்³ரஹமேவாபி ஸம்பஶ்யன்கர்துமர்ஹஸி ॥ 2௦ ॥
யத்³யதா³சரதி ஶ்ரேஷ்ட²ஸ்தத்ததே³வேதரோ ஜன: ।
ஸ யத்ப்ரமாணம் குருதே லோகஸ்தத³னுவர்ததே ॥ 21 ॥
ந மே பார்தா²ஸ்தி கர்தவ்யம் த்ரிஷு லோகேஷு கிஞ்சன ।
நானவாப்தமவாப்தவ்யம் வர்த ஏவ ச கர்மணி ॥ 22 ॥
யதி³ ஹ்யஹம் ந வர்தேயம் ஜாது கர்மண்யதன்த்³ரித: ।
மம வர்த்மானுவர்தன்தே மனுஷ்யா: பார்த² ஸர்வஶ: ॥ 23 ॥
உத்ஸீதே³யுரிமே லோகா ந குர்யாம் கர்ம சேத³ஹம் ।
ஸங்கரஸ்ய ச கர்தா ஸ்யாமுபஹன்யாமிமா: ப்ரஜா: ॥ 24 ॥
ஸக்தா: கர்மண்யவித்³வாம்ஸோ யதா² குர்வன்தி பா⁴ரத ।
குர்யாத்³வித்³வாம்ஸ்ததா²ஸக்தஶ்சிகீர்ஷுர்லோகஸங்க்³ரஹம் ॥ 25 ॥
ந பு³த்³தி⁴பே⁴த³ம் ஜனயேதஜ³்ஞானாம் கர்மஸங்கி³னாம் ।
ஜோஷயேத்ஸர்வகர்மாணி வித்³வான்யுக்த: ஸமாசரன் ॥ 26 ॥
ப்ரக்ருதே: க்ரியமாணானி கு³ணை: கர்மாணி ஸர்வஶ: ।
அஹங்காரவிமூடா⁴த்மா கர்தாஹமிதி மன்யதே ॥ 27 ॥
தத்த்வவித்து மஹாபா³ஹோ கு³ணகர்மவிபா⁴க³யோ: ।
கு³ணா கு³ணேஷு வர்தன்த இதி மத்வா ந ஸஜ்ஜதே ॥ 28 ॥
ப்ரக்ருதேர்கு³ணஸம்மூடா⁴: ஸஜ்ஜன்தே கு³ணகர்மஸு ।
தானக்ருத்ஸ்னவிதோ³ மன்தா³ன்க்ருத்ஸ்னவின்ன விசாலயேத் ॥ 29 ॥
மயி ஸர்வாணி கர்மாணி ஸம்ன்யஸ்யாத்⁴யாத்மசேதஸா ।
நிராஶீர்னிர்மமோ பூ⁴த்வா யுத்⁴யஸ்வ விக³தஜ்வர: ॥ 3௦ ॥
யே மே மதமித³ம் நித்யமனுதிஷ்ட²ன்தி மானவா: ।
ஶ்ரத்³தா⁴வன்தோனஸூயன்தோ முச்யன்தே தேபி கர்மபி⁴: ॥ 31 ॥
யே த்வேதத³ப்⁴யஸூயன்தோ நானுதிஷ்ட²ன்தி மே மதம் ।
ஸர்வஜ்ஞானவிமூடா⁴ம்ஸ்தான்வித்³தி⁴ நஷ்டானசேதஸ: ॥ 32 ॥
ஸத்³ருஶம் சேஷ்டதே ஸ்வஸ்யா: ப்ரக்ருதேர்ஜ்ஞானவானபி ।
ப்ரக்ருதிம் யான்தி பூ⁴தானி நிக்³ரஹ: கிம் கரிஷ்யதி ॥ 33 ॥
இன்த்³ரியஸ்யேன்த்³ரியஸ்யார்தே² ராக³த்³வேஷௌ வ்யவஸ்தி²தௌ ।
தயோர்ன வஶமாக³ச்சே²த்தௌ ஹ்யஸ்ய பரிபன்தி²னௌ ॥ 34 ॥
ஶ்ரேயான்ஸ்வத⁴ர்மோ விகு³ண: பரத⁴ர்மாத்ஸ்வனுஷ்டி²தாத் ।
ஸ்வத⁴ர்மே நித⁴னம் ஶ்ரேய: பரத⁴ர்மோ ப⁴யாவஹ: ॥ 35 ॥
அர்ஜுன உவாச ।
அத² கேன ப்ரயுக்தோயம் பாபம் சரதி பூருஷ: ।
அனிச்ச²ன்னபி வார்ஷ்ணேய ப³லாதி³வ நியோஜித: ॥ 36 ॥
ஶ்ரீப⁴க³வானுவாச ।
காம ஏஷ க்ரோத⁴ ஏஷ ரஜோகு³ணஸமுத்³ப⁴வ: ।
மஹாஶனோ மஹாபாப்மா வித்³த்⁴யேனமிஹ வைரிணம் ॥ 37 ॥
தூ⁴மேனாவ்ரியதே வஹ்னிர்யதா²த³ர்ஶோ மலேன ச ।
யதோ²ல்பே³னாவ்ருதோ க³ர்ப⁴ஸ்ததா² தேனேத³மாவ்ருதம் ॥ 38 ॥
ஆவ்ருதம் ஜ்ஞானமேதேன ஜ்ஞானினோ நித்யவைரிணா ।
காமரூபேண கௌன்தேய து³ஷ்பூரேணானலேன ச ॥ 39 ॥
இன்த்³ரியாணி மனோ பு³த்³தி⁴ரஸ்யாதி⁴ஷ்டா²னமுச்யதே ।
ஏதைர்விமோஹயத்யேஷ ஜ்ஞானமாவ்ருத்ய தே³ஹினம் ॥ 4௦ ॥
தஸ்மாத்த்வமின்த்³ரியாண்யாதௌ³ நியம்ய ப⁴ரதர்ஷப⁴ ।
பாப்மானம் ப்ரஜஹி ஹ்யேனம் ஜ்ஞானவிஜ்ஞானநாஶனம் ॥ 41 ॥
இன்த்³ரியாணி பராண்யாஹுரின்த்³ரியேப்⁴ய: பரம் மன: ।
மனஸஸ்து பரா பு³த்³தி⁴ர்யோ பு³த்³தே⁴: பரதஸ்து ஸ: ॥ 42 ॥
ஏவம் பு³த்³தே⁴: பரம் பு³த்³த்⁴வா ஸம்ஸ்தப்⁴யாத்மானமாத்மனா ।
ஜஹி ஶத்ரும் மஹாபா³ஹோ காமரூபம் து³ராஸத³ம் ॥ 43 ॥
ஓம் தத்ஸதி³தி ஶ்ரீமத்³ப⁴க³வத்³கீ³தாஸூபனிஷத்ஸு ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருஷ்ணார்ஜுனஸம்வாதே³
கர்மயோகோ³ நாம த்ருதீயோத்⁴யாய: ॥3 ॥