அத² ஏகாத³ஶஸ்தோத்ரம்
உதீ³ர்ணமஜரம் தி³வ்யம் அம்ருதஸ்யன்த்³யதீ⁴ஶிது: ।
ஆனந்த³ஸ்ய பத³ம் வன்தே³ ப்³ரஹ்மேன்த்³ராதி³ அபி⁴வன்தி³தம் ॥ 1॥
ஸர்வவேத³பதோ³த்³கீ³தம் இன்தி³ராவாஸமுத்தமம் (இன்தி³ராதா⁴ரமுத்தமம்) ।
ஆனந்த³ஸ்ய பத³ம் வன்தே³ ப்³ரஹ்மேன்த்³ராதி³ அபி⁴வன்தி³தம் ॥ 2॥
ஸர்வதே³வாதி³தே³வஸ்ய விதா³ரிதமஹத்தம: ।
ஆனந்த³ஸ்ய பத³ம் வன்தே³ ப்³ரஹ்மேன்த்³ராதி³ அபி⁴வன்தி³தம் ॥ 3॥
உதா³ரமாத³ரான்னித்யம் அனின்த்³யம் ஸுன்த³ரீபதே: ।
ஆனந்த³ஸ்ய பத³ம் வன்தே³ ப்³ரஹ்மேன்த்³ராதி³ அபி⁴வன்தி³தம் ॥ 4॥
இன்தீ³வரோத³ரனிப⁴ம் ஸுபூர்ணம் வாதி³மோஹனம் (வாதி³மோஹத³ம்) ।
ஆனந்த³ஸ்ய பத³ம் வன்தே³ ப்³ரஹ்மேன்த்³ராதி³ அபி⁴வன்தி³தம் ॥ 5॥
தா³த்ருஸர்வாமரைஶ்வர்யவிமுக்த்யாதே³ரஹோ பரம் (வரம்) ।
ஆனந்த³ஸ்ய பத³ம் வன்தே³ ப்³ரஹ்மேன்த்³ராதி³ அபி⁴வன்தி³தம் ॥ 6॥
தூ³ராத்³து³ரதரம் யத்து ததே³வான்திகமன்திகாத் ।
ஆனந்த³ஸ்ய பத³ம் வன்தே³ ப்³ரஹ்மேன்த்³ராதி³ அபி⁴வன்தி³தம் ॥ 7॥
பூர்ணஸர்வகு³ணைகார்ணமனாத்³யன்தம் ஸுரேஶிது: ।
ஆனந்த³ஸ்ய பத³ம் வன்தே³ ப்³ரஹ்மேன்த்³ராதி³ அபி⁴வன்தி³தம் ॥ 8॥
ஆனந்த³தீர்த²முனினா ஹரேரானந்த³ரூபிண: ।
க்ருதம் ஸ்தோத்ரமித³ம் புண்யம் பட²ன்னானந்த³மாப்னுயாத் ॥ 9॥
இதி ஶ்ரீமதா³னந்த³தீர்த²ப⁴க³வத்பாதா³சார்ய விரசிதம்
த்³வாத³ஶஸ்தோத்ரேஷு ஏகாத³ஶஸ்தோத்ரம் ஸம்பூர்ணம்