ய: ஶ்ரீகோ³வர்த⁴னாத்³ரிம் ஸகலஸுரபதீம்ஸ்தத்ரகோ³கோ³பப்³ருன்த³ம்
ஸ்வீயம் ஸம்ரக்ஷிதும் சேத்யமரஸுக²கரம் மோஹயன் ஸன்த³தா⁴ர ।
தன்மானம் க²ண்ட³யித்வா விஜிதரிபுகுலோ நீலதா⁴ராத⁴ராப:⁴
க்ருஷ்ணோ ராதா⁴ஸமேதோ விலஸது ஹ்ருத³யே ஸோஸ்மதீ³யே ஸதை³வ ॥ 1 ॥
யம் த்³ருஷ்ட்வா கம்ஸபூ⁴ப: ஸ்வக்ருதக்ருதிமஹோ ஸம்ஸ்மரன்மன்த்ரிவர்யான்
கிம் வா பூர்வம் மயேத³ம் க்ருதமிதி வசனம் து³:கி²த: ப்ரத்யுவாச ।
ஆஜ்ஞப்தோ நாரதே³ன ஸ்மிதயுதவத³ன: பூரயன்ஸர்வகாமான்
க்ருஷ்ணோ ராதா⁴ஸமேதோ விலஸது ஹ்ருத³யே ஸோஸ்மதீ³யே ஸதை³வ ॥ 2 ॥
யேன ப்ரோத்³யத்ப்ரதாபா ந்ருபதிகுலப⁴வா: பாண்ட³வா: கௌரவாப்³தி⁴ம்
தீர்த்வா பாரம் ததீ³யம் ஜக³த³கி²லன்ருணாம் து³ஸ்தரஞ்சேதி ஜக்³மு: ।
தத்பத்னீசீரவ்ருத்³தி⁴ப்ரவிதி³தமஹிமா பூ⁴தலே பூ⁴பதீஶ:
க்ருஷ்ணோ ராதா⁴ஸமேதோ விலஸது ஹ்ருத³யே ஸோஸ்மதீ³யே ஸதை³வ ॥ 3 ॥
யஸ்மை சோத்³த்⁴ருத்ய பாத்ராத்³த³தி⁴யுதனவனீதம் கரைர்கோ³பிகாபி⁴-
ர்த³த்தம் தத்³பா⁴வபூர்தௌ வினிஹிதஹ்ருத³யஸ்ஸத்யமேவம் திரோதா⁴த் ।
முக்தாகு³ஞ்ஜாவளீபி⁴: ப்ரசுரதமருசி: குண்ட³லாக்ரான்தக³ண்ட:³
க்ருஷ்ணோ ராதா⁴ஸமேதோ விலஸது ஹ்ருத³யே ஸோஸ்மதீ³யே ஸதை³வ ॥ 4 ॥
யஸ்மாத்³விஶ்வாபி⁴ராமாதி³ஹ ஜனநவிதௌ⁴ ஸர்வனந்தா³தி³கோ³பா:
ஸம்ஸாரார்தேர்விமுக்தா: ஸகலஸுக²கரா: ஸம்பத:³ ப்ராபுரேவ ।
இத்த²ம் பூர்ணேன்து³வக்த்ர: கலகமலத்³ருஶ: ஸ்வீயஜன்ம ஸ்துவன்த:
க்ருஷ்ணோ ராதா⁴ஸமேதோ விலஸது ஹ்ருத³யே ஸோஸ்மதீ³யே ஸதை³வ ॥ 5 ॥
யஸ்ய ஶ்ரீனந்த³ஸூனோ: வ்ரஜயுவதிஜனாஶ்சாக³தா ப⁴ர்த்ருபுத்ராம்-
ஸ்த்யக்த்வா ஶ்ருத்வா ஸமீபே விசகிதனயனா: ஸப்ரமோதா³: ஸ்வகே³ஹே ।
ரன்தும் ராஸாதி³லீலா மனஸிஜத³லிதா வேணுனாத³ம் ச ரம்யம்
க்ருஷ்ணோ ராதா⁴ஸமேதோ விலஸது ஹ்ருத³யே ஸோஸ்மதீ³யே ஸதை³வ ॥ 6 ॥
யஸ்மின் த்³ருஷ்டே ஸமஸ்தே ஜக³தி யுவதய: ப்ராணனாத²வ்ரதாயா-
ஸ்தா அப்யேவம் ஹி நூனம் கிமபி ச ஹ்ருத³யே காமபா⁴வம் த³த⁴த்ய: ।
தத்ஸ்னேஹாப்³தி⁴ம் வபுஶ்சேத³விதி³தத⁴ரணௌ ஸூர்யபி³ம்ப³ஸ்வரூபா:
க்ருஷ்ணோ ராதா⁴ஸமேதோ விலஸது ஹ்ருத³யே ஸோஸ்மதீ³யே ஸதை³வ ॥ 7 ॥
ய: ஸ்வீயே கோ³குலேஸ்மின்விதி³தனிஜகுலோத்³பூ⁴தபா³லை: ஸமேதோ
மாதர்யேவம் சகார ப்ரஸ்ருததமகு³ணான்பா³லலீலாவிலாஸான் ।
ஹத்வா வத்ஸப்ரலம்ப³த்³விவித³ப³கக²ரான்கோ³பப்³ருன்த³ம் ஜுகோ³ப
க்ருஷ்ணோ ராதா⁴ஸமேதோ விலஸது ஹ்ருத³யே ஸோஸ்மதீ³யே ஸதை³வ ॥ 8 ॥
க்ருஷ்ணாராதா⁴ஷ்டகம் ப்ராதருத்தா²ய ப்ரபடே²ன்னர: ।
ய ஏவம் ஸர்வதா³ நூனம் ஸ ப்ராப்னோதி பராம் க³திம் ॥ 9 ॥
இதி ஶ்ரீரகு⁴னாத²சார்ய விரசிதம் ஶ்ரீராதா⁴க்ருஷ்ணாஷ்டகம் ।