அக³ஸ்திருவாச
ஆஜானுபா³ஹுமரவின்த³தள³ாயதாக்ஷ-
-மாஜன்மஶுத்³த⁴ரஸஹாஸமுக²ப்ரஸாத³ம் ।
ஶ்யாமம் க்³ருஹீத ஶரசாபமுதா³ரரூபம்
ராமம் ஸராமமபி⁴ராமமனுஸ்மராமி ॥ 1 ॥
அஸ்ய ஶ்ரீராமகவசஸ்ய அக³ஸ்த்ய ருஷி: அனுஷ்டுப் ச²ன்த:³ ஸீதாலக்ஷ்மணோபேத: ஶ்ரீராமசன்த்³ரோ தே³வதா ஶ்ரீராமசன்த்³ரப்ரஸாத³ஸித்³த்⁴யர்தே² ஜபே வினியோக:³ ।
அத² த்⁴யானம்
நீலஜீமூதஸங்காஶம் வித்³யுத்³வர்ணாம்ப³ராவ்ருதம் ।
கோமலாங்க³ம் விஶாலாக்ஷம் யுவானமதிஸுன்த³ரம் ॥ 1 ॥
ஸீதாஸௌமித்ரிஸஹிதம் ஜடாமுகுடதா⁴ரிணம் ।
ஸாஸிதூணத⁴னுர்பா³ணபாணிம் தா³னவமர்த³னம் ॥ 2 ॥
யதா³ சோரப⁴யே ராஜப⁴யே ஶத்ருப⁴யே ததா² ।
த்⁴யாத்வா ரகு⁴பதிம் க்ருத்³த⁴ம் காலானலஸமப்ரப⁴ம் ॥ 3 ॥
சீரக்ருஷ்ணாஜினத⁴ரம் ப⁴ஸ்மோத்³தூ⁴ளிதவிக்³ரஹம் ।
ஆகர்ணாக்ருஷ்டவிஶிக²கோத³ண்ட³பு⁴ஜமண்டி³தம் ॥ 4 ॥
ரணே ரிபூன் ராவணாதீ³ம்ஸ்தீக்ஷ்ணமார்க³ணவ்ருஷ்டிபி⁴: ।
ஸம்ஹரன்தம் மஹாவீரமுக்³ரமைன்த்³ரரத²ஸ்தி²தம் ॥ 5 ॥
லக்ஷ்மணாத்³யைர்மஹாவீரைர்வ்ருதம் ஹனுமதா³தி³பி⁴: ।
ஸுக்³ரீவாத்³யைர்மாஹாவீரை: ஶைலவ்ருக்ஷகரோத்³யதை: ॥ 6 ॥
வேகா³த்கராலஹுங்காரைர்பு⁴பு⁴க்காரமஹாரவை: ।
நத³த்³பி⁴: பரிவாத³த்³பி⁴: ஸமரே ராவணம் ப்ரதி ॥ 7 ॥
ஶ்ரீராம ஶத்ருஸங்கா⁴ன்மே ஹன மர்த³ய கா²த³ய ।
பூ⁴தப்ரேதபிஶாசாதீ³ன் ஶ்ரீராமாஶு வினாஶய ॥ 8 ॥
ஏவம் த்⁴யாத்வா ஜபேத்³ராமகவசம் ஸித்³தி⁴தா³யகம் ।
ஸுதீக்ஷ்ண வஜ்ரகவசம் ஶ்ருணு வக்ஷ்யாம்யனுத்தமம் ॥ 9 ॥
அத² கவசம்
ஶ்ரீராம: பாது மே மூர்த்⁴னி பூர்வே ச ரகு⁴வம்ஶஜ: ।
த³க்ஷிணே மே ரகு⁴வர: பஶ்சிமே பாது பாவன: ॥ 1௦ ॥
உத்தரே மே ரகு⁴பதிர்பா⁴லம் த³ஶரதா²த்மஜ: ।
ப்⁴ருவோர்தூ³ர்வாத³லஶ்யாமஸ்தயோர்மத்⁴யே ஜனார்த³ன: ॥ 11 ॥
ஶ்ரோத்ரம் மே பாது ராஜேன்த்³ரோ த்³ருஶௌ ராஜீவலோசன: ।
க்⁴ராணம் மே பாது ராஜர்ஷிர்க³ண்டௌ³ மே ஜானகீபதி: ॥ 12 ॥
கர்ணமூலே க²ரத்⁴வம்ஸீ பா⁴லம் மே ரகு⁴வல்லப:⁴ ।
ஜிஹ்வாம் மே வாக்பதி: பாது த³ன்தபங்க்தீ ரகூ⁴த்தம: ॥ 13 ॥
ஓஷ்டௌ² ஶ்ரீராமசன்த்³ரோ மே முக²ம் பாது பராத்பர: ।
கண்ட²ம் பாது ஜக³த்³வன்த்³ய: ஸ்கன்தௌ⁴ மே ராவணான்தக: ॥ 14 ॥
த⁴னுர்பா³ணத⁴ர: பாது பு⁴ஜௌ மே வாலிமர்த³ன: ।
ஸர்வாண்யங்கு³லிபர்வாணி ஹஸ்தௌ மே ராக்ஷஸான்தக: ॥ 15 ॥
வக்ஷோ மே பாது காகுத்ஸ்த:² பாது மே ஹ்ருத³யம் ஹரி: ।
ஸ்தனௌ ஸீதாபதி: பாது பார்ஶ்வம் மே ஜக³தீ³ஶ்வர: ॥ 16 ॥
மத்⁴யம் மே பாது லக்ஷ்மீஶோ நாபி⁴ம் மே ரகு⁴னாயக: ।
கௌஸல்யேய: கடீ பாது ப்ருஷ்ட²ம் து³ர்க³தினாஶன: ॥ 17 ॥
கு³ஹ்யம் பாது ஹ்ருஷீகேஶ: ஸக்தி²னீ ஸத்யவிக்ரம: ।
ஊரூ ஶார்ங்க³த⁴ர: பாது ஜானுனீ ஹனுமத்ப்ரிய: ॥ 18 ॥
ஜங்கே⁴ பாது ஜக³த்³வ்யாபீ பாதௌ³ மே தாடகான்தக: ।
ஸர்வாங்க³ம் பாது மே விஷ்ணு: ஸர்வஸன்தீ⁴னநாமய: ॥ 19 ॥
ஜ்ஞானேன்த்³ரியாணி ப்ராணாதீ³ன் பாது மே மது⁴ஸூத³ன: ।
பாது ஶ்ரீராமப⁴த்³ரோ மே ஶப்³தா³தீ³ன்விஷயானபி ॥ 2௦ ॥
த்³விபதா³தீ³னி பூ⁴தானி மத்ஸம்ப³ன்தீ⁴னி யானி ச ।
ஜாமத³க்³ன்யமஹாத³ர்பத³லன: பாது தானி மே ॥ 21 ॥
ஸௌமித்ரிபூர்வஜ: பாது வாகா³தீ³னீன்த்³ரியாணி ச ।
ரோமாங்குராண்யஶேஷாணி பாது ஸுக்³ரீவராஜ்யத:³ ॥ 22 ॥
வாங்மனோபு³த்³த்⁴யஹங்காரைர்ஜ்ஞானாஜ்ஞானக்ருதானி ச ।
ஜன்மான்தரக்ருதானீஹ பாபானி விவிதா⁴னி ச ॥ 23 ॥
தானி ஸர்வாணி த³க்³த்⁴வாஶு ஹரகோத³ண்ட³க²ண்ட³ன: ।
பாது மாம் ஸர்வதோ ராம: ஶார்ங்க³பா³ணத⁴ர: ஸதா³ ॥ 24 ॥
இதி ஶ்ரீராமசன்த்³ரஸ்ய கவசம் வஜ்ரஸம்மிதம் ।
கு³ஹ்யாத்³கு³ஹ்யதமம் தி³வ்யம் ஸுதீக்ஷ்ண முனிஸத்தம ॥ 25 ॥
ய: படே²ச்ச்²ருணுயாத்³வாபி ஶ்ராவயேத்³வா ஸமாஹித: ।
ஸ யாதி பரமம் ஸ்தா²னம் ராமசன்த்³ரப்ரஸாத³த: ॥ 26 ॥
மஹாபாதகயுக்தோ வா கோ³க்⁴னோ வா ப்⁴ரூணஹா ததா² ।
ஶ்ரீராமசன்த்³ரகவசபட²னாச்சு²த்³தி⁴மாப்னுயாத் ॥ 27 ॥
ப்³ரஹ்மஹத்யாதி³பி⁴: பாபைர்முச்யதே நாத்ர ஸம்ஶய: ।
போ⁴ ஸுதீக்ஷ்ண யதா² ப்ருஷ்டம் த்வயா மம புரா: ஶுப⁴ம் ।
ததா² ஶ்ரீராமகவசம் மயா தே வினிவேதி³தம் ॥ 28 ॥
இதி ஶ்ரீமதா³னந்த³ராமாயணே மனோஹரகாண்டே³ ஸுதீக்ஷ்ணாக³ஸ்த்யஸம்வாதே³ ஶ்ரீராமகவசம் ॥