ஶ்ரீ க³ணேஶாய நம: ।
ஶ்ரீ மஹாதே³வ உவாச ।
ததோ ராம: ஸ்வயம் ப்ராஹ ஹனுமன்தமுபஸ்தி²தம் ।
ஶருணு யத்வம் ப்ரவக்ஷ்யாமி ஹ்யாத்மானாத்மபராத்மனாம் ॥ 1॥
ஆகாஶஸ்ய யதா² பே⁴த³ஸ்த்ரிவிதோ⁴ த்³ருஶ்யதே மஹான் ।
ஜலாஶயே மஹாகாஶஸ்தத³வச்சி²ன்ன ஏவ ஹி ।
ப்ரதிபி³ம்பா³க்²யமபரம் த்³ருஶ்யதே த்ரிவித⁴ம் நப:⁴ ॥ 2॥
பு³த்³த்⁴யவச்சி²ன்னசைதன்யமேகம் பூர்ணமதா²பரம் ।
ஆபா⁴ஸஸ்த்வபரம் பி³ம்ப³பூ⁴தமேவம் த்ரிதா⁴ சிதி: ॥ 3॥
ஸாபா⁴ஸபு³த்³தே⁴: கர்த்ருத்வமவிச்சி²ன்னேவிகாரிணி ।
ஸாக்ஷிண்யாரோப்யதே ப்⁴ரான்த்யா ஜீவத்வம் ச ததா²பு³தை⁴: ॥ 4॥
ஆபா⁴ஸஸ்து ம்ருஷாபு³த்³தி⁴ரவித்³யாகார்யமுச்யதே ।
அவிச்சி²ன்னம் து தத்³ப்³ரஹ்ம விச்சே²த³ஸ்து விகல்பித: ॥ 5॥
அவிச்சி²ன்னஸ்ய பூர்ணேன ஏகத்வம் ப்ரதிபத்³யதே ।
தத்த்வமஸ்யாதி³வாக்யைஶ்ச ஸாபா⁴ஸஸ்யாஹமஸ்ததா² ॥ 6॥
ஐக்யஜ்ஞானம் யதோ³த்பன்னம் மஹாவாக்யேன சாத்மனோ: ।
ததா³வித்³யா ஸ்வகார்யைஶ்ச நஶ்யத்யேவ ந ஸம்ஶய: ॥ 7॥
ஏதத்³விஜ்ஞாய மத்³ப⁴க்தோ மத்³பா⁴வாயோபபத்³யதே
மத்³ப⁴க்திவிமுகா²னாம் ஹி ஶாஸ்த்ரக³ர்தேஷு முஹ்யதாம் ।
ந ஜ்ஞானம் ந ச மோக்ஷ: ஸ்யாத்தேஷாம் ஜன்மஶதைரபி ॥ 8॥
இத³ம் ரஹஸ்யம் ஹ்ருத³யம் மமாத்மனோ மயைவ ஸாக்ஷாத்கதி²தம் தவானக⁴ ।
மத்³ப⁴க்திஹீனாய ஶடா²ய ந த்வயா தா³தவ்யமைன்த்³ராத³பி ராஜ்யதோதி⁴கம் ॥ 9॥
॥ ஶ்ரீமத³த்⁴யாத்மராமாயணே பா³லகாண்டே³ ஶ்ரீராமஹ்ருத³யம் ஸம்பூர்ணம் ॥