அத² நாராயன ஹ்ருத³ய ஸ்தோத்ரம்
அஸ்ய ஶ்ரீனாராயணஹ்ருத³யஸ்தோத்ரமன்த்ரஸ்ய பா⁴ர்க³வ ருஷி:, அனுஷ்டுப்ச²ன்த:³, ஶ்ரீலக்ஷ்மீனாராயணோ தே³வதா, ஓம் பீ³ஜம், நமஶ்ஶக்தி:, நாராயணாயேதி கீலகம், ஶ்ரீலக்ஷ்மீனாராயண ப்ரீத்யர்தே² ஜபே வினியோக:³ ।
கரன்யாஸ: ।
ஓம் நாராயண: பரம் ஜ்யோதிரிதி அங்கு³ஷ்டா²ப்⁴யாம் நம: ।
நாராயண: பரம் ப்³ரஹ்மேதி தர்ஜனீப்⁴யாம் நம: ।
நாராயண: பரோ தே³வ இதி மத்⁴யமாப்⁴யாம் நம: ।
நாராயண: பரம் தா⁴மேதி அனாமிகாப்⁴யாம் நம: ।
நாராயண: பரோ த⁴ர்ம இதி கனிஷ்டி²காப்⁴யாம் நம: ।
விஶ்வம் நாராயண இதி கரதலகரப்ருஷ்டா²ப்⁴யாம் நம: ।
அங்க³ன்யாஸ: ।
நாராயண: பரம் ஜ்யோதிரிதி ஹ்ருத³யாய நம: ।
நாராயண: பரம் ப்³ரஹ்மேதி ஶிரஸே ஸ்வாஹா ।
நாராயண: பரோ தே³வ இதி ஶிகா²யை வௌஷட் ।
நாராயண: பரம் தா⁴மேதி கவசாய ஹும் ।
நாராயண: பரோ த⁴ர்ம இதி நேத்ராப்⁴யாம் வௌஷட் ।
விஶ்வம் நாராயண இதி அஸ்த்ராய ப²ட் ।
தி³க்³ப³ன்த:⁴ ।
ஓம் ஐன்த்³ர்யாதி³த³ஶதி³ஶம் ஓம் நம: ஸுத³ர்ஶனாய ஸஹஸ்ராராய ஹும் ப²ட் ப³த்⁴னாமி நமஶ்சக்ராய ஸ்வாஹா । இதி ப்ரதிதி³ஶம் யோஜ்யம் ।
அத² த்⁴யானம் ।
உத்³யாதா³தி³த்யஸங்காஶம் பீதவாஸம் சதுர்பு⁴ஜம் ।
ஶங்க³சக்ரக³தா³பாணிம் த்⁴யாயேல்லக்ஷ்மீபதிம் ஹரிம் ॥ 1 ॥
த்ரைலோக்யாதா⁴ரசக்ரம் தது³பரி கமட²ம் தத்ர சானந்தபோ⁴கீ³
தன்மத்⁴யே பூ⁴மிபத்³மாங்குஶஶிக²ரதள³ம் கர்ணிகாபூ⁴தமேரும் ।
தத்ரஸ்த²ம் ஶான்தமூர்திம் மணிமயமகுடம் குண்ட³லோத்³பா⁴ஸிதாங்க³ம்
லக்ஷ்மீனாராயணாக்²யம் ஸரஸிஜனயனம் ஸன்ததம் சின்தயாமி ॥ 2 ॥
அத² மூலாஷ்டகம் ।
ஓம் ॥ நாராயண: பரம் ஜ்யோதிராத்மா நாராயண: பர: ।
நாராயண: பரம் ப்³ரஹ்ம நாராயண நமோஸ்து தே ॥ 1 ॥
நாராயண: பரோ தே³வோ தா⁴தா நாராயண: பர: ।
நாராயண: பரோ தா⁴தா நாராயண நமோஸ்து தே ॥ 2 ॥
நாராயண: பரம் தா⁴ம த்⁴யானம் நாராயண: பர: ।
நாராயண பரோ த⁴ர்மோ நாராயண நமோஸ்து தே ॥ 3 ॥
நாராயண: பரோவேத்³ய: வித்³யா நாராயண: பர: ।
விஶ்வம் நாராயண: ஸாக்ஷான்னாராயண நமோஸ்து தே ॥ 4 ॥
நாராயணாத்³விதி⁴ர்ஜாதோ ஜாதோ நாராயணாத்³ப⁴வ: ।
ஜாதோ நாராயணாதி³ன்த்³ரோ நாராயண நமோஸ்து தே ॥ 5 ॥
ரவிர்னாராயணஸ்தேஜ: சன்த்³ரோ நாராயணோ மஹ: ।
வஹ்னிர்னாராயண: ஸாக்ஷான்னாராயண நமோஸ்து தே ॥ 6 ॥
நாராயண உபாஸ்ய: ஸ்யாத்³கு³ருர்னாராயண: பர: ।
நாராயண: பரோ போ³தோ⁴ நாராயண நமோஸ்து தே ॥ 7 ॥
நாராயண: ப²லம் முக்²யம் ஸித்³தி⁴ர்னாராயண: ஸுக²ம் ।
ஸேவ்யோனாராயண: ஶுத்³தோ⁴ நாராயண நமோஸ்து தே ॥ 8 ॥ [ஹரி]
அத² ப்ரார்த²னாத³ஶகம் ।
நாராயண த்வமேவாஸி த³ஹராக்²யே ஹ்ருதி³ ஸ்தி²த: ।
ப்ரேரக: ப்ரேர்யமாணானாம் த்வயா ப்ரேரிதமானஸ: ॥ 9 ॥
த்வதா³ஜ்ஞாம் ஶிரஸா த்⁴ருத்வா ஜபாமி ஜனபாவனம் ।
நானோபாஸனமார்கா³ணாம் ப⁴வக்ருத்³பா⁴வபோ³த⁴க: ॥ 1௦ ॥
பா⁴வார்த²க்ருத்³ப⁴வாதீதோ ப⁴வ ஸௌக்²யப்ரதோ³ மம ।
த்வன்மாயாமோஹிதம் விஶ்வம் த்வயைவ பரிகல்பிதம் ॥ 11 ॥
த்வத³தி⁴ஷ்டா²னமாத்ரேண ஸா வை ஸர்வார்த²காரிணீ ।
த்வமேதாம் ச புரஸ்க்ருத்ய ஸர்வகாமான்ப்ரத³ர்ஶய ॥ 12 ॥
ந மே த்வத³ன்யஸ்த்ராதாஸ்தி த்வத³ன்யன்ன ஹி தை³வதம் ।
த்வத³ன்யம் ந ஹி ஜானாமி பாலகம் புண்யவர்த⁴னம் ॥ 13 ॥
யாவத்ஸாம்ஸாரிகோ பா⁴வோ மனஸ்ஸ்தோ² பா⁴வனாத்மக: ।
தாவத்ஸித்³தி⁴ர்ப⁴வேத்ஸாத்⁴யா ஸர்வதா² ஸர்வதா³ விபோ⁴ ॥ 14 ॥
பாபினாமஹமேவாக்³ர்யோ த³யாளூனாம் த்வமக்³ரணீ: ।
த³யனீயோ மத³ன்யோஸ்தி தவ கோத்ர ஜக³த்த்ரயே ॥ 15 ॥
த்வயாஹம் நைவ ஸ்ருஷ்டஶ்சேன்ன ஸ்யாத்தவ த³யாளுதா ।
ஆமயோ வா ந ஸ்ருஷ்டஶ்சேதௌ³ஷத⁴ஸ்ய வ்ருதோ²த³ய: ॥ 16 ॥
பாபஸங்க⁴பரிஶ்ரான்த: பாபாத்மா பாபரூபத்⁴ருத் ।
த்வத³ன்ய: கோத்ர பாபேப்⁴யஸ்த்ராதாஸ்தி ஜக³தீதலே ॥ 17 ॥
த்வமேவ மாதா ச பிதா த்வமேவ
த்வமேவ ப³ன்து⁴ஶ்ச ஸகா² த்வமேவ ।
த்வமேவ ஸேவ்யஶ்ச கு³ருஸ்த்வமேவ
த்வமேவ ஸர்வம் மம தே³வ தே³வ ॥ 18 ॥
ப்ரார்த²னாத³ஶகம் சைவ மூலாஷ்டகமத: பரம் ।
ய: படே²ச்ச்²ருணுயான்னித்யம் தஸ்ய லக்ஷ்மீ: ஸ்தி²ரா ப⁴வேத் ॥ 19 ॥
நாராயணஸ்ய ஹ்ருத³யம் ஸர்வாபீ⁴ஷ்டப²லப்ரத³ம் ।
லக்ஷ்மீஹ்ருத³யகம் ஸ்தோத்ரம் யதி³ சேத்தத்³வினாக்ருதம் ॥ 2௦ ॥
தத்ஸர்வம் நிஷ்ப²லம் ப்ரோக்தம் லக்ஷ்மீ: க்ருத்³த்⁴யதி ஸர்வதா³ ।
ஏதத்ஸங்கலிதம் ஸ்தோத்ரம் ஸர்வகாமப²லப்ரத³ம் ॥ 21 ॥
லக்ஷ்மீஹ்ருத³யகம் சைவ ததா² நாராயணாத்மகம் ।
ஜபேத்³ய: ஸங்கலீக்ருத்ய ஸர்வாபீ⁴ஷ்டமவாப்னுயாத் ॥ 22 ॥
நாராயணஸ்ய ஹ்ருத³யமாதௌ³ ஜப்த்வா தத: பரம் ।
லக்ஷ்மீஹ்ருத³யகம் ஸ்தோத்ரம் ஜபேன்னாராயணம் புன: ॥ 23 ॥
புனர்னாராயணம் ஜப்த்வா புனர்லக்ஷ்மீனுதிம் ஜபேத் ।
புனர்னாராயணம் ஜாப்யம் ஸங்கலீகரணம் ப⁴வேத் ॥ 24 ॥
ஏவம் மத்⁴யே த்³விவாரேண ஜபேத்ஸங்கலிதம் து தத் ।
லக்ஷ்மீஹ்ருத³யகம் ஸ்தோத்ரம் ஸர்வகாமப்ரகாஶிதம் ॥ 25 ॥
தத்³வஜ்ஜபாதி³கம் குர்யாதே³தத்ஸங்கலிதம் ஶுப⁴ம் ।
ஸர்வான்காமானவாப்னோதி ஆதி⁴வ்யாதி⁴ப⁴யம் ஹரேத் ॥ 26 ॥
கோ³ப்யமேதத்ஸதா³ குர்யான்ன ஸர்வத்ர ப்ரகாஶயேத் ।
இதி கு³ஹ்யதமம் ஶாஸ்த்ரம் ப்ராப்தம் ப்³ரஹ்மாதி³கை: புரா ॥ 27 ॥
தஸ்மாத்ஸர்வப்ரயத்னேன கோ³பயேத்ஸாத⁴யேஸுதீ⁴: ।
யத்ரைதத்புஸ்தகம் திஷ்டே²ல்லக்ஷ்மீனாராயணாத்மகம் ॥ 28 ॥
பூ⁴தபைஶாசவேதாள ப⁴யம் நைவ து ஸர்வதா³ ।
லக்ஷ்மீஹ்ருத³யகம் ப்ரோக்தம் விதி⁴னா ஸாத⁴யேத்ஸுதீ⁴: ॥ 29 ॥
ப்⁴ருகு³வாரே ச ராத்ரௌ ச பூஜயேத்புஸ்தகத்³வயம் ।
ஸர்வதா² ஸர்வதா³ ஸத்யம் கோ³பயேத்ஸாத⁴யேத்ஸுதீ⁴: ।
கோ³பனாத்ஸாத⁴னால்லோகே த⁴ன்யோ ப⁴வதி தத்த்வத: ॥ 3௦ ॥
இத்யத²ர்வரஹஸ்யே உத்தரபா⁴கே³ நாராயணஹ்ருத³யம் ஸம்பூர்ணம் ।
அத² லக்ஷ்மீ ஹ்ருத³ய ஸ்தோத்ரம்
அஸ்ய ஶ்ரீ மஹாலக்ஷ்மீஹ்ருத³யஸ்தோத்ர மஹாமன்த்ரஸ்ய பா⁴ர்க³வ ருஷி:, அனுஷ்டுபாதீ³னி நானாச²ன்தா³ம்ஸி, ஆத்³யாதி³ ஶ்ரீமஹாலக்ஷ்மீர்தே³வதா, ஶ்ரீம் பீ³ஜம், ஹ்ரீம் ஶக்தி:, ஐம் கீலகம், ஆத்³யாதி³மஹாலக்ஷ்மீ ப்ரஸாத³ஸித்³த்⁴யர்த²ம் ஜபே வினியோக:³ ॥
ருஷ்யாதி³ன்யாஸ: –
ஓம் பா⁴ர்க³வ்ருஷயே நம: ஶிரஸி ।
ஓம் அனுஷ்டுபாதி³னானாச²ன்தோ³ப்⁴யோ நமோ முகே² ।
ஓம் ஆத்³யாதி³ஶ்ரீமஹாலக்ஷ்மீ தே³வதாயை நமோ ஹ்ருத³யே ।
ஓம் ஶ்ரீம் பீ³ஜாய நமோ கு³ஹ்யே ।
ஓம் ஹ்ரீம் ஶக்தயே நம: பாத³யோ: ।
ஓம் ஐம் கீலகாய நமோ நாபௌ⁴ ।
ஓம் வினியோகா³ய நம: ஸர்வாங்கே³ ।
கரன்யாஸ: –
ஓம் ஶ்ரீம் அங்கு³ஷ்டா²ப்⁴யாம் நம: ।
ஓம் ஹ்ரீம் தர்ஜனீப்⁴யாம் நம: ।
ஓம் ஐம் மத்⁴யமாப்⁴யாம் நம: ।
ஓம் ஶ்ரீம் அனாமிகாப்⁴யாம் நம: ।
ஓம் ஹ்ரீம் கனிஷ்டி²காப்⁴யாம் நம: ।
ஓம் ஐம் கரதல கரப்ருஷ்டா²ப்⁴யாம் நம: ।
அங்க³ன்யாஸ: –
ஓம் ஶ்ரீம் ஹ்ருத³யாய நம: ।
ஓம் ஹ்ரீம் ஶிரஸே ஸ்வாஹா ।
ஓம் ஐம் ஶிகா²யை வஷட் ।
ஓம் ஶ்ரீம் கவசாய ஹும் ।
ஓம் ஹ்ரீம் நேத்ரத்ரயாய வௌஷட் ।
ஓம் ஐம் அஸ்த்ராய ப²ட் ।
ஓம் ஶ்ரீம் ஹ்ரீம் ஐம் இதி தி³க்³ப³ன்த:⁴ ।
அத² த்⁴யானம் ।
ஹஸ்தத்³வயேன கமலே தா⁴ரயன்தீம் ஸ்வலீலயா ।
ஹாரனூபுரஸம்யுக்தாம் லக்ஷ்மீம் தே³வீம் விசின்தயே ॥
கௌஶேயபீதவஸனாமரவின்த³னேத்ராம்
பத்³மத்³வயாப⁴யவரோத்³யதபத்³மஹஸ்தாம் ।
உத்³யச்ச²தார்கஸத்³ருஶீம் பரமாங்கஸம்ஸ்தா²ம்
த்⁴யாயேத்³விதீ⁴ஶனதபாத³யுகா³ம் ஜனித்ரீம் ॥
பீதவஸ்த்ராம் ஸுவர்ணாங்கீ³ம் பத்³மஹஸ்தத்³வாயான்விதாம் ।
லக்ஷ்மீம் த்⁴யாத்வேதி மன்த்ரேண ஸ ப⁴வேத்ப்ருதி²வீபதி: ॥
மாதுலுங்க³ம் க³தா³ம் கே²டம் பாணௌ பாத்ரம் ச பி³ப்⁴ரதீ ।
நாக³ம் லிங்க³ம் ச யோனிம் ச பி³ப்⁴ரதீம் சைவ மூர்த⁴னி ॥
[ இதி த்⁴யாத்வா மானஸோபசாரை: ஸம்பூஜ்ய ।
ஶங்க³சக்ரக³தா³ஹஸ்தே ஶுப்⁴ரவர்ணே ஸுவாஸினீ ।
மம தே³ஹி வரம் லக்ஷ்மீ: ஸர்வஸித்³தி⁴ப்ரதா³யினீ ।
இதி ஸம்ப்ரார்த்²ய ஓம் ஶ்ரீம் ஹ்ரீம் ஐம் மஹாலக்ஷ்ம்யை கமலதா⁴ரிண்யை ஸிம்ஹவாஹின்யை ஸ்வாஹா இதி மன்த்ரம் ஜப்த்வா புன: பூர்வவத்³த்⁴ருத³யாதி³ ஷட³ங்க³ன்யாஸம் க்ருத்வா ஸ்தோத்ரம் படே²த் । ]
ஸ்தோத்ரம் ।
வன்தே³ லக்ஷ்மீம் பரமஶிவமயீம் ஶுத்³தஜ⁴ாம்பூ³னதா³பா⁴ம்
தேஜோரூபாம் கனகவஸனாம் ஸர்வபூ⁴ஷோஜ்ஜ்வலாங்கீ³ம் ।
பீ³ஜாபூரம் கனககலஶம் ஹேமபத்³மம் த³தா⁴னா-
-மாத்³யாம் ஶக்திம் ஸகலஜனநீம் விஷ்ணுவாமாங்கஸம்ஸ்தா²ம் ॥ 1 ॥
ஶ்ரீமத்ஸௌபா⁴க்³யஜனநீம் ஸ்தௌமி லக்ஷ்மீம் ஸனாதனீம் ।
ஸர்வகாமப²லாவாப்திஸாத⁴னைகஸுகா²வஹாம் ॥ 2 ॥
ஸ்மராமி நித்யம் தே³வேஶி த்வயா ப்ரேரிதமானஸ: ।
த்வதா³ஜ்ஞாம் ஶிரஸா த்⁴ருத்வா பஜ⁴ாமி பரமேஶ்வரீம் ॥ 3 ॥
ஸமஸ்தஸம்பத்ஸுக²தா³ம் மஹாஶ்ரியம்
ஸமஸ்தஸௌபா⁴க்³யகரீம் மஹாஶ்ரியம் ।
ஸமஸ்தகள்யாணகரீம் மஹாஶ்ரியம்
பஜ⁴ாம்யஹம் ஜ்ஞானகரீம் மஹாஶ்ரியம் ॥ 4 ॥
விஜ்ஞானஸம்பத்ஸுக²தா³ம் ஸனாதனீம்
விசித்ரவாக்³பூ⁴திகரீம் மனோஹராம் ।
அனந்தஸம்மோத³ஸுக²ப்ரதா³யினீம்
நமாம்யஹம் பூ⁴திகரீம் ஹரிப்ரியாம் ॥ 5 ॥
ஸமஸ்தபூ⁴தான்தரஸம்ஸ்தி²தா த்வம்
ஸமஸ்தபோ⁴க்த்ரீஶ்வரி விஶ்வரூபே ।
தன்னாஸ்தி யத்த்வத்³வ்யதிரிக்தவஸ்து
த்வத்பாத³பத்³மம் ப்ரணமாம்யஹம் ஶ்ரீ: ॥ 6 ॥
தா³ரித்³ர்ய து³:கௌ²க⁴தமோபஹன்த்ரீ
த்வத்பாத³பத்³மம் மயி ஸன்னித⁴த்ஸ்வ ।
தீ³னார்திவிச்சே²த³னஹேதுபூ⁴தை:
க்ருபாகடாக்ஷைரபி⁴ஷிஞ்ச மாம் ஶ்ரீ: ॥ 7 ॥
அம்ப³ ப்ரஸீத³ கருணாஸுத⁴யார்த்³ரத்³ருஷ்ட்யா
மாம் த்வத்க்ருபாத்³ரவிணகே³ஹமிமம் குருஷ்வ ।
ஆலோகய ப்ரணதஹ்ருத்³க³தஶோகஹன்த்ரீ
த்வத்பாத³பத்³மயுகள³ம் ப்ரணமாம்யஹம் ஶ்ரீ: ॥ 8 ॥
ஶான்த்யை நமோஸ்து ஶரணாக³தரக்ஷணாயை
கான்த்யை நமோஸ்து கமனீயகு³ணாஶ்ரயாயை ।
க்ஷான்த்யை நமோஸ்து து³ரிதக்ஷயகாரணாயை
தா³த்ர்யை நமோஸ்து த⁴னதா⁴ன்யஸம்ருத்³தி⁴தா³யை ॥ 9 ॥
ஶக்த்யை நமோஸ்து ஶஶிஶேக²ரஸம்ஸ்துதாயை
ரத்யை நமோஸ்து ரஜனீகரஸோத³ராயை ।
ப⁴க்த்யை நமோஸ்து ப⁴வஸாக³ரதாரகாயை
மத்யை நமோஸ்து மது⁴ஸூத³னவல்லபா⁴யை ॥ 1௦ ॥
லக்ஷ்ம்யை நமோஸ்து ஶுப⁴லக்ஷணலக்ஷிதாயை
ஸித்³த்⁴யை நமோஸ்து ஶிவஸித்³த⁴ஸுபூஜிதாயை ।
த்⁴ருத்யை நமோஸ்த்வமிதது³ர்க³திப⁴ஞ்ஜனாயை
க³த்யை நமோஸ்து வரஸத்³க³திதா³யிகாயை ॥ 11 ॥
தே³வ்யை நமோஸ்து தி³வி தே³வக³ணார்சிதாயை
பூ⁴த்யை நமோஸ்து பு⁴வனார்திவினாஶனாயை ।
தா⁴த்ர்யை நமோஸ்து த⁴ரணீத⁴ரவல்லபா⁴யை
புஷ்ட்யை நமோஸ்து புருஷோத்தமவல்லபா⁴யை ॥ 12 ॥
ஸுதீவ்ரதா³ரித்³ர்யவிது³:க²ஹன்த்ர்யை
நமோஸ்து தே ஸர்வப⁴யாபஹன்த்ர்யை ।
ஶ்ரீவிஷ்ணுவக்ஷ:ஸ்த²லஸம்ஸ்தி²தாயை
நமோ நம: ஸர்வவிபூ⁴திதா³யை ॥ 13 ॥
ஜயது ஜயது லக்ஷ்மீர்லக்ஷணாலங்க்ருதாங்கீ³
ஜயது ஜயது பத்³மா பத்³மஸத்³மாபி⁴வன்த்³யா ।
ஜயது ஜயது வித்³யா விஷ்ணுவாமாங்கஸம்ஸ்தா²
ஜயது ஜயது ஸம்யக்ஸர்வஸம்பத்கரீ ஶ்ரீ: ॥ 14 ॥
ஜயது ஜயது தே³வீ தே³வஸங்கா⁴பி⁴பூஜ்யா
ஜயது ஜயது ப⁴த்³ரா பா⁴ர்க³வீ பா⁴க்³யரூபா ।
ஜயது ஜயது நித்யா நிர்மலஜ்ஞானவேத்³யா
ஜயது ஜயது ஸத்யா ஸர்வபூ⁴தான்தரஸ்தா² ॥ 15 ॥
ஜயது ஜயது ரம்யா ரத்னக³ர்பா⁴ன்தரஸ்தா²
ஜயது ஜயது ஶுத்³தா⁴ ஶுத்³தஜ⁴ாம்பூ³னதா³பா⁴ ।
ஜயது ஜயது கான்தா கான்திமத்³பா⁴ஸிதாங்கீ³
ஜயது ஜயது ஶான்தா ஶீக்⁴ரமாக³ச்ச² ஸௌம்யே ॥ 16 ॥
யஸ்யா: கலாயா: கமலோத்³ப⁴வாத்³யா
ருத்³ராஶ்ச ஶக்ர ப்ரமுகா²ஶ்ச தே³வா: ।
ஜீவன்தி ஸர்வேபி ஸஶக்தயஸ்தே
ப்ரபு⁴த்வமாப்தா: பரமாயுஷஸ்தே ॥ 17 ॥
லிலேக² நிடிலே விதி⁴ர்மம லிபிம் விஸ்ருஜ்யான்தரம்
த்வயா விலிகி²தவ்யமேததி³தி தத்ப²லப்ராப்தயே ।
தத³ன்தரப²லேஸ்பு²டம் கமலவாஸினீ ஶ்ரீரிமாம்
ஸமர்பய ஸமுத்³ரிகாம் ஸகலபா⁴க்³யஸம்ஸூசிகாம் ॥ 18 ॥
கலயா தே யதா² தே³வி ஜீவன்தி ஸசராசரா: ।
ததா² ஸம்பத்கரே லக்ஷ்மி ஸர்வதா³ ஸம்ப்ரஸீத³ மே ॥ 19 ॥
யதா² விஷ்ணுர்த்⁴ருவே நித்யம் ஸ்வகலாம் ஸம்ன்யவேஶயத் ।
ததை²வ ஸ்வகலாம் லக்ஷ்மி மயி ஸம்யக் ஸமர்பய ॥ 2௦ ॥
ஸர்வஸௌக்²யப்ரதே³ தே³வி ப⁴க்தானாமப⁴யப்ரதே³ ।
அசலாம் குரு யத்னேன கலாம் மயி நிவேஶிதாம் ॥ 21 ॥
முதா³ஸ்தாம் மத்பா²லே பரமபத³லக்ஷ்மீ: ஸ்பு²டகலா
ஸதா³ வைகுண்ட²ஶ்ரீர்னிவஸது கலா மே நயனயோ: ।
வஸேத்ஸத்யே லோகே மம வசஸி லக்ஷ்மீர்வரகலா
ஶ்ரிய: ஶ்வேதத்³வீபே நிவஸது கலா மே ஸ்வகரயோ: ॥ 22 ॥
தாவன்னித்யம் மமாங்கே³ஷு க்ஷீராப்³தௌ⁴ ஶ்ரீகலா வஸேத் ।
ஸூர்யாசன்த்³ரமஸௌ யாவத்³யாவல்லக்ஷ்மீபதி: ஶ்ரியா: ॥ 23 ॥
ஸர்வமங்கள³ஸம்பூர்ணா ஸர்வைஶ்வர்யஸமன்விதா ।
ஆத்³யாதி³ ஶ்ரீர்மஹாலக்ஷ்மீ த்வத்கலா மயி திஷ்ட²து ॥ 24 ॥
அஜ்ஞானதிமிரம் ஹன்தும் ஶுத்³தஜ⁴்ஞானப்ரகாஶிகா ।
ஸர்வைஶ்வர்யப்ரதா³ மேஸ்து த்வத்கலா மயி ஸம்ஸ்தி²தா ॥ 25 ॥
அலக்ஷ்மீம் ஹரது க்ஷிப்ரம் தம: ஸூர்யப்ரபா⁴ யதா² ।
விதனோது மம ஶ்ரேயஸ்த்வத்களா மயி ஸம்ஸ்தி²தா ॥ 26 ॥
ஐஶ்வர்யமங்கள³ோத்பத்திஸ்த்வத்கலாயாம் நிதீ⁴யதே ।
மயி தஸ்மாத்க்ருதார்தோ²ஸ்மி பாத்ரமஸ்மி ஸ்தி²தேஸ்தவ ॥ 27 ॥
ப⁴வதா³வேஶபா⁴க்³யார்ஹோ பா⁴க்³யவானஸ்மி பா⁴ர்க³வி ।
த்வத்ப்ரஸாதா³த்பவித்ரோஹம் லோகமாதர்னமோஸ்து தே ॥ 28 ॥
புனாஸி மாம் த்வத்கலயைவ யஸ்மா-
-த³த: ஸமாக³ச்ச² மமாக்³ரதஸ்த்வம் ।
பரம் பத³ம் ஶ்ரீர்ப⁴வ ஸுப்ரஸன்னா
மய்யச்யுதேன ப்ரவிஶாதி³லக்ஷ்மீ: ॥ 29 ॥
ஶ்ரீவைகுண்ட²ஸ்தி²தே லக்ஷ்மி ஸமாக³ச்ச² மமாக்³ரத: ।
நாராயணேன ஸஹ மாம் க்ருபாத்³ருஷ்ட்யாவலோகய ॥ 3௦ ॥
ஸத்யலோகஸ்தி²தே லக்ஷ்மி த்வம் மமாக³ச்ச² ஸன்னிதி⁴ம் ।
வாஸுதே³வேன ஸஹிதா ப்ரஸீத³ வரதா³ ப⁴வ ॥ 31 ॥
ஶ்வேதத்³வீபஸ்தி²தே லக்ஷ்மி ஶீக்⁴ரமாக³ச்ச² ஸுவ்ரதே ।
விஷ்ணுனா ஸஹிதே தே³வி ஜக³ன்மாத: ப்ரஸீத³ மே ॥ 32 ॥
க்ஷீராம்பு³தி⁴ஸ்தி²தே லக்ஷ்மி ஸமாக³ச்ச² ஸமாத⁴வா ।
த்வத்க்ருபாத்³ருஷ்டிஸுத⁴யா ஸததம் மாம் விலோகய ॥ 33 ॥
ரத்னக³ர்ப⁴ஸ்தி²தே லக்ஷ்மி பரிபூர்ணே ஹிரண்மயே ।
ஸமாக³ச்ச² ஸமாக³ச்ச² ஸ்தி²த்வாஶு புரதோ மம ॥ 34 ॥
ஸ்தி²ரா ப⁴வ மஹாலக்ஷ்மி நிஶ்சலா ப⁴வ நிர்மலே ।
ப்ரஸன்னே கமலே தே³வி ப்ரஸன்னஹ்ருத³யா ப⁴வ ॥ 35 ॥
ஶ்ரீத⁴ரே ஶ்ரீமஹாபூ⁴தே த்வத³ன்த:ஸ்த²ம் மஹானிதி⁴ம் ।
ஶீக்⁴ரமுத்³த்⁴ருத்ய புரத: ப்ரத³ர்ஶய ஸமர்பய ॥ 36 ॥
வஸுன்த⁴ரே ஶ்ரீவஸுதே⁴ வஸுதோ³க்³த்⁴ரி க்ருபாமயே ।
த்வத்குக்ஷிக³தஸர்வஸ்வம் ஶீக்⁴ரம் மே ஸம்ப்ரத³ர்ஶய ॥ 37 ॥
விஷ்ணுப்ரியே ரத்னக³ர்பே⁴ ஸமஸ்தப²லதே³ ஶிவே ।
த்வத்³க³ர்ப⁴க³தஹேமாதீ³ன் ஸம்ப்ரத³ர்ஶய த³ர்ஶய ॥ 38 ॥
ரஸாதலக³தே லக்ஷ்மி ஶீக்⁴ரமாக³ச்ச² மே புர: ।
ந ஜானே பரமம் ரூபம் மாதர்மே ஸம்ப்ரத³ர்ஶய ॥ 39 ॥
ஆவிர்ப⁴வ மனோவேகா³ச்சீ²க்⁴ரமாக³ச்ச² மே புர: ।
மா வத்ஸ பை⁴ரிஹேத்யுக்த்வா காமம் கௌ³ரிவ ரக்ஷ மாம் ॥ 4௦ ॥
தே³வி ஶீக்⁴ரம் ஸமாக³ச்ச² த⁴ரணீக³ர்ப⁴ஸம்ஸ்தி²தே ।
மாதஸ்த்வத்³ப்⁴ருத்யப்⁴ருத்யோஹம் ம்ருக³யே த்வாம் குதூஹலாத் ॥ 41 ॥
உத்திஷ்ட² ஜாக்³ருஹி த்வம் மே ஸமுத்திஷ்ட² ஸுஜாக்³ருஹி ।
அக்ஷயான் ஹேமகலஶான் ஸுவர்ணேன ஸுபூரிதான் ॥ 42 ॥
நிக்ஷேபான்மே ஸமாக்ருஷ்ய ஸமுத்³த்⁴ருத்ய மமாக்³ரத: ।
ஸமுன்னதானநா பூ⁴த்வா ஸமாதே⁴ஹி த⁴ரான்தராத் ॥ 43 ॥
மத்ஸன்னிதி⁴ம் ஸமாக³ச்ச² மதா³ஹிதக்ருபாரஸாத் ।
ப்ரஸீத³ ஶ்ரேயஸாம் தோ³க்³த்⁴ரீ லக்ஷ்மீர்மே நயனாக்³ரத: ॥ 44 ॥
அத்ரோபவிஶ லக்ஷ்மி த்வம் ஸ்தி²ரா ப⁴வ ஹிரண்மயே ।
ஸுஸ்தி²ரா ப⁴வ ஸம்ப்ரீத்யா ப்ரஸீத³ வரதா³ ப⁴வ ॥ 45 ॥
ஆனீதாம்ஸ்து ததா² தே³வி நிதீ⁴ன்மே ஸம்ப்ரத³ர்ஶய ।
அத்³ய க்ஷணேன ஸஹஸா த³த்த்வா ஸம்ரக்ஷ மாம் ஸதா³ ॥ 46 ॥
மயி திஷ்ட² ததா² நித்யம் யதே²ன்த்³ராதி³ஷு திஷ்ட²ஸி ।
அப⁴யம் குரு மே தே³வி மஹாலக்ஷ்மீர்னமோஸ்து தே ॥ 47 ॥
ஸமாக³ச்ச² மஹாலக்ஷ்மி ஶுத்³தஜ⁴ாம்பூ³னத³ப்ரபே⁴ ।
ப்ரஸீத³ புரத: ஸ்தி²த்வா ப்ரணதம் மாம் விலோகய ॥ 48 ॥
லக்ஷ்மீர்பு⁴வம் க³தா பா⁴ஸி யத்ர யத்ர ஹிரண்மயீ ।
தத்ர தத்ர ஸ்தி²தா த்வம் மே தவ ரூபம் ப்ரத³ர்ஶய ॥ 49 ॥
க்ரீட³ன்தீ ப³ஹுதா⁴ பூ⁴மௌ பரிபூர்ணக்ருபாமயி ।
மம மூர்த⁴னி தே ஹஸ்தமவிலம்பி³தமர்பய ॥ 5௦ ॥
ப²லத்³பா⁴க்³யோத³யே லக்ஷ்மி ஸமஸ்தபுரவாஸினீ ।
ப்ரஸீத³ மே மஹாலக்ஷ்மி பரிபூர்ணமனோரதே² ॥ 51 ॥
அயோத்⁴யாதி³ஷு ஸர்வேஷு நக³ரேஷு ஸமாஸ்தி²தே ।
வைப⁴வைர்விவிதை⁴ர்யுக்தை: ஸமாக³ச்ச² முதா³ன்விதே ॥ 52 ॥
ஸமாக³ச்ச² ஸமாக³ச்ச² மமாக்³ரே ப⁴வ ஸுஸ்தி²ரா ।
கருணாரஸனிஷ்யன்த³னேத்ரத்³வய விலாஸினீ ॥ 53 ॥ [னிஷ்பன்ன]
ஸன்னித⁴த்ஸ்வ மஹாலக்ஷ்மி த்வத்பாணிம் மம மஸ்தகே ।
கருணாஸுத⁴யா மாம் த்வமபி⁴ஷிஞ்ச்ய ஸ்தி²ரம் குரு ॥ 54 ॥
ஸர்வராஜக்³ருஹே லக்ஷ்மி ஸமாக³ச்ச² ப³லான்விதே । [முதா³ன்விதே]
ஸ்தி²த்வாஶு புரதோ மேத்³ய ப்ரஸாதே³னாப⁴யம் குரு ॥ 55 ॥
ஸாத³ரம் மஸ்தகே ஹஸ்தம் மம த்வம் க்ருபயார்பய ।
ஸர்வராஜக்³ருஹே லக்ஷ்மி த்வத்கலா மயி திஷ்ட²து ॥ 56 ॥
ஆத்³யாதி³ ஶ்ரீமஹாலக்ஷ்மி விஷ்ணுவாமாங்கஸம்ஸ்தி²தே ।
ப்ரத்யக்ஷம் குரு மே ரூபம் ரக்ஷ மாம் ஶரணாக³தம் ॥ 57 ॥
ப்ரஸீத³ மே மஹாலக்ஷ்மி ஸுப்ரஸீத³ மஹாஶிவே ।
அசலா ப⁴வ ஸம்ப்ரீத்யா ஸுஸ்தி²ரா ப⁴வ மத்³க்³ருஹே ॥ 58 ॥
யாவத்திஷ்ட²ன்தி வேதா³ஶ்ச யாவச்சன்த்³ரதி³வாகரௌ ।
யாவத்³விஷ்ணுஶ்ச யாவத்த்வம் தாவத்குரு க்ருபாம் மயி ॥ 59 ॥
சான்த்³ரீகலா யதா² ஶுக்லே வர்த⁴தே ஸா தி³னே தி³னே ।
ததா² த³யா தே மய்யேவ வர்த⁴தாமபி⁴வர்த⁴தாம் ॥ 6௦ ॥
யதா² வைகுண்ட²னக³ரே யதா² வை க்ஷீரஸாக³ரே ।
ததா² மத்³ப⁴வனே திஷ்ட² ஸ்தி²ரம் ஶ்ரீவிஷ்ணுனா ஸஹ ॥ 61 ॥
யோகி³னாம் ஹ்ருத³யே நித்யம் யதா² திஷ்ட²ஸி விஷ்ணுனா ।
ததா² மத்³ப⁴வனே திஷ்ட² ஸ்தி²ரம் ஶ்ரீவிஷ்ணுனா ஸஹ ॥ 62 ॥
நாராயணஸ்ய ஹ்ருத³யே ப⁴வதீ யதா²ஸ்தே
நாராயணோபி தவ ஹ்ருத்கமலே யதா²ஸ்தே ।
நாராயணஸ்த்வமபி நித்யமுபௌ⁴ ததை²வ
தௌ திஷ்ட²தாம் ஹ்ருதி³ மமாபி த³யான்விதௌ ஶ்ரீ: ॥ 63 ॥
விஜ்ஞானவ்ருத்³தி⁴ம் ஹ்ருத³யே குரு ஶ்ரீ:
ஸௌபா⁴க்³யவ்ருத்³தி⁴ம் குரு மே க்³ருஹே ஶ்ரீ: ।
த³யாஸுவ்ருத்³தி⁴ம் குருதாம் மயி ஶ்ரீ:
ஸுவர்ணவ்ருத்³தி⁴ம் குரு மே க்³ருஹே ஶ்ரீ: ॥ 64 ॥
ந மாம் த்யஜேதா²: ஶ்ரிதகல்பவல்லி
ஸத்³ப⁴க்தசின்தாமணிகாமதே⁴னோ ।
விஶ்வஸ்ய மாதர்ப⁴வ ஸுப்ரஸன்னா
க்³ருஹே கலத்ரேஷு ச புத்ரவர்கே³ ॥ 65 ॥
ஆத்³யாதி³மாயே த்வமஜாண்ட³பீ³ஜம்
த்வமேவ ஸாகாரனிராக்ருதிஸ்த்வம் ।
த்வயா த்⁴ருதாஶ்சாப்³ஜப⁴வாண்ட³ஸங்கா⁴-
-ஶ்சித்ரம் சரித்ரம் தவ தே³வி விஷ்ணோ: ॥ 66 ॥
ப்³ரஹ்மருத்³ராத³யோ தே³வா வேதா³ஶ்சாபி ந ஶக்னுயு: ।
மஹிமானம் தவ ஸ்தோதும் மன்தோ³ஹம் ஶக்னுயாம் கத²ம் ॥ 67 ॥
அம்ப³ த்வத்³வத்ஸவாக்யானி ஸூக்தாஸூக்தானி யானி ச ।
தானி ஸ்வீகுரு ஸர்வஜ்ஞே த³யாலுத்வேன ஸாத³ரம் ॥ 68 ॥
ப⁴வதீம் ஶரணம் க³த்வா க்ருதார்தா²: ஸ்யு: புராதனா: ।
இதி ஸஞ்சின்த்ய மனஸா த்வாமஹம் ஶரணம் வ்ரஜே ॥ 69 ॥
அனந்தா நித்யஸுகி²னஸ்த்வத்³ப⁴க்தாஸ்த்வத்பராயணா: ।
இதி வேத³ப்ரமாணாத்³தி⁴ தே³வி த்வாம் ஶரணம் வ்ரஜே ॥ 7௦ ॥
தவ ப்ரதிஜ்ஞா மத்³ப⁴க்தா ந நஶ்யன்தீத்யபி க்வசித் ।
இதி ஸஞ்சின்த்ய ஸஞ்சின்த்ய ப்ராணான் ஸன்தா⁴ரயாம்யஹம் ॥ 71 ॥
த்வத³தீ⁴னஸ்த்வஹம் மாதஸ்த்வத்க்ருபா மயி வித்³யதே ।
யாவத்ஸம்பூர்ணகாம: ஸ்யாத்தாவத்³தே³ஹி த³யானிதே⁴ ॥ 72 ॥
க்ஷணமாத்ரம் ந ஶக்னோமி ஜீவிதும் த்வத்க்ருபாம் வினா ।
ந ஜீவன்தீஹ ஜலஜா ஜலம் த்யக்த்வா ஜலக்³ரஹா: ॥ 73 ॥
யதா² ஹி புத்ரவாத்ஸல்யாஜ்ஜனநீ ப்ரஸ்னுதஸ்தனீ ।
வத்ஸம் த்வரிதமாக³த்ய ஸம்ப்ரீணயதி வத்ஸலா ॥ 74 ॥
யதி³ ஸ்யாம் தவ புத்ரோஹம் மாதா த்வம் யதி³ மாமகீ ।
த³யாபயோத⁴ரஸ்தன்யஸுதா⁴பி⁴ரபி⁴ஷிஞ்ச மாம் ॥ 75 ॥
ம்ருக்³யோ ந கு³ணலேஶோபி மயி தோ³ஷைகமன்தி³ரே ।
பாம்ஸூனாம் வ்ருஷ்டிபி³ன்தூ³னாம் தோ³ஷாணாம் ச ந மே மதி: ॥ 76 ॥
பாபினாமஹமேவாக்³ர்யோ த³யாலூனாம் த்வமக்³ரணீ: ।
த³யனீயோ மத³ன்யோஸ்தி தவ கோத்ர ஜக³த்த்ரயே ॥ 77 ॥
விதி⁴னாஹம் ந ஸ்ருஷ்டஶ்சேன்ன ஸ்யாத்தவ த³யாலுதா ।
ஆமயோ வா ந ஸ்ருஷ்டஶ்சேதௌ³ஷத⁴ஸ்ய வ்ருதோ²த³ய: ॥ 78 ॥
க்ருபா மத³க்³ரஜா கிம் தே அஹம் கிம் வா தத³க்³ரஜ: ।
விசார்ய தே³ஹி மே வித்தம் தவ தே³வி த³யானிதே⁴ ॥ 79 ॥
மாதா பிதா த்வம் கு³ருஸத்³க³தி: ஶ்ரீ-
-ஸ்த்வமேவ ஸஞ்ஜீவனஹேதுபூ⁴தா ।
அன்யம் ந மன்யே ஜக³தே³கனாதே²
த்வமேவ ஸர்வம் மம தே³வி ஸத்யே ॥ 8௦ ॥
ஆத்³யாதி³லக்ஷ்மீர்ப⁴வ ஸுப்ரஸன்னா
விஶுத்³த⁴விஜ்ஞானஸுகை²கதோ³க்³த்⁴ரீ ।
அஜ்ஞானஹன்த்ரீ த்ரிகு³ணாதிரிக்தா
ப்ரஜ்ஞானநேத்ரீ ப⁴வ ஸுப்ரஸன்னா ॥ 81 ॥
அஶேஷவாக்³ஜாட்³யமலாபஹன்த்ரீ
நவம் நவம் ஸ்பஷ்டஸுவாக்ப்ரதா³யினீ ।
மமேஹ ஜிஹ்வாக்³ர ஸுரங்க³னர்தகீ [னர்தினீ]
ப⁴வ ப்ரஸன்னா வத³னே ச மே ஶ்ரீ: ॥ 82 ॥
ஸமஸ்தஸம்பத்ஸுவிராஜமானா
ஸமஸ்ததேஜஶ்சயபா⁴ஸமானா ।
விஷ்ணுப்ரியே த்வம் ப⁴வ தீ³ப்யமானா
வாக்³தே³வதா மே நயனே ப்ரஸன்னா ॥ 83 ॥
ஸர்வப்ரத³ர்ஶே ஸகலார்த²தே³ த்வம்
ப்ரபா⁴ஸுலாவண்யத³யாப்ரதோ³க்³த்⁴ரீ ।
ஸுவர்ணதே³ த்வம் ஸுமுகீ² ப⁴வ ஶ்ரீ-
-ர்ஹிரண்மயீ மே நயனே ப்ரஸன்னா ॥ 84 ॥
ஸர்வார்த²தா³ ஸர்வஜக³த்ப்ரஸூதி:
ஸர்வேஶ்வரீ ஸர்வப⁴யாபஹன்த்ரீ ।
ஸர்வோன்னதா த்வம் ஸுமுகீ² ப⁴வ ஶ்ரீ-
-ர்ஹிரண்மயீ மே நயனே ப்ரஸன்னா ॥ 85 ॥
ஸமஸ்தவிக்⁴னௌக⁴வினாஶகாரிணீ
ஸமஸ்தப⁴க்தோத்³த⁴ரணே விசக்ஷணா ।
அனந்தஸௌபா⁴க்³யஸுக²ப்ரதா³யினீ
ஹிரண்மயீ மே நயனே ப்ரஸன்னா ॥ 86 ॥
தே³வி ப்ரஸீத³ த³யனீயதமாய மஹ்யம்
தே³வாதி⁴னாத²ப⁴வதே³வக³ணாபி⁴வன்த்³யே ।
மாதஸ்ததை²வ ப⁴வ ஸன்னிஹிதா த்³ருஶோர்மே
பத்யா ஸமம் மம முகே² ப⁴வ ஸுப்ரஸன்னா ॥ 87 ॥
மா வத்ஸ பை⁴ரப⁴யதா³னகரோர்பிதஸ்தே
மௌலௌ மமேதி மயி தீ³னத³யானுகம்பே ।
மாத: ஸமர்பய முதா³ கருணாகடாக்ஷம்
மாங்கள³்யபீ³ஜமிஹ ந: ஸ்ருஜ ஜன்ம மாத: ॥ 88 ॥
கடாக்ஷ இஹ காமது⁴க்தவ மனஸ்து சின்தாமணி:
கர: ஸுரதரு: ஸதா³ நவனிதி⁴ஸ்த்வமேவேன்தி³ரே ।
ப⁴வே தவ த³யாரஸோ மம ரஸாயனம் சான்வஹம்
முக²ம் தவ கலானிதி⁴ர்விவித⁴வாஞ்சி²தார்த²ப்ரத³ம் ॥ 89 ॥
யதா² ரஸஸ்பர்ஶனதோயஸோபி
ஸுவர்ணதா ஸ்யாத்கமலே ததா² தே ।
கடாக்ஷஸம்ஸ்பர்ஶனதோ ஜனானா-
-மமங்கள³ானாமபி மங்கள³த்வம் ॥ 9௦ ॥
தே³ஹீதி நாஸ்தீதி வச: ப்ரவேஶா-
-த்³பீ⁴தோ ரமே த்வாம் ஶரணம் ப்ரபத்³யே ।
அத: ஸதா³ஸ்மின்னப⁴யப்ரதா³ த்வம்
ஸஹைவ பத்யா மயி ஸன்னிதே⁴ஹி ॥ 91 ॥
கல்பத்³ருமேண மணினா ஸஹிதா ஸுரம்யா
ஶ்ரீஸ்தே கலா மயி ரஸேன ரஸாயனேன ।
ஆஸ்தாம் யதோ மம ஶிர:கரத்³ருஷ்டிபாத-³
-ஸ்ப்ருஷ்டா: ஸுவர்ணவபுஷ: ஸ்தி²ரஜங்க³மா: ஸ்யு: ॥ 92 ॥
ஆத்³யாதி³விஷ்ணோ: ஸ்தி²ரத⁴ர்மபத்னீ
த்வமேவ பத்யா மயி ஸன்னிதே⁴ஹி ।
ஆத்³யாதி³லக்ஷ்மி த்வத³னுக்³ரஹேண
பதே³ பதே³ மே நிதி⁴த³ர்ஶனம் ஸ்யாத் ॥ 93 ॥
ஆத்³யாதி³லக்ஷ்மீஹ்ருத³யம் படே²த்³ய:
ஸ ராஜ்யலக்ஷ்மீமசலாம் தனோதி ।
மஹாத³ரித்³ரோபி ப⁴வேத்³த⁴னாட்⁴ய-
-ஸ்தத³ன்வயே ஶ்ரீ: ஸ்தி²ரதாம் ப்ரயாதி ॥ 94 ॥
யஸ்ய ஸ்மரணமாத்ரேண துஷ்டா ஸ்யாத்³விஷ்ணுவல்லபா⁴ ।
தஸ்யாபீ⁴ஷ்டம் த³த³த்யாஶு தம் பாலயதி புத்ரவத் ॥ 95 ॥
இத³ம் ரஹஸ்யம் ஹ்ருத³யம் ஸர்வகாமப²லப்ரத³ம் ।
ஜப: பஞ்சஸஹஸ்ரம் து புரஶ்சரணமுச்யதே ॥ 96 ॥
த்ரிகாலமேககாலம் வா நரோ ப⁴க்திஸமன்வித: ।
ய: படே²ச்ச்²ருணுயாத்³வாபி ஸ யாதி பரமாம் ஶ்ரியம் ॥ 97 ॥
மஹாலக்ஷ்மீம் ஸமுத்³தி³ஶ்ய நிஶி பா⁴ர்க³வவாஸரே ।
இத³ம் ஶ்ரீஹ்ருத³யம் ஜப்த்வா பஞ்சவாரம் த⁴னீ ப⁴வேத் ॥ 98 ॥
அனேன ஹ்ருத³யேனான்னம் க³ர்பி⁴ண்யா அபி⁴மன்த்ரிதம் ।
த³தா³தி தத்குலே புத்ரோ ஜாயதே ஶ்ரீபதி: ஸ்வயம் ॥ 99 ॥
நரேண வாத²வா நார்யா லக்ஷ்மீஹ்ருத³யமன்த்ரிதே ।
ஜலே பீதே ச தத்³வம்ஶே மன்த³பா⁴க்³யோ ந ஜாயதே ॥ 1௦௦ ॥
ய ஆஶ்வினே மாஸி ச ஶுக்லபக்ஷே
ரமோத்ஸவே ஸன்னிஹிதே ஸுப⁴க்த்யா ।
படே²த்ததை²கோத்தரவாரவ்ருத்³த்⁴யா
லபே⁴த்ஸ ஸௌவர்ணமயீம் ஸுவ்ருஷ்டிம் ॥ 1௦1 ॥
ய ஏகப⁴க்தோன்வஹமேகவர்ஷம்
விஶுத்³த⁴தீ⁴: ஸப்ததிவாரஜாபீ ।
ஸ மன்த³பா⁴க்³யோபி ரமாகடாக்ஷா-
-த்³ப⁴வேத்ஸஹஸ்ராக்ஷஶதாதி⁴கஶ்ரீ: ॥ 1௦2 ॥
ஶ்ரீஶாங்க்⁴ரிப⁴க்திம் ஹரிதா³ஸதா³ஸ்யம்
ப்ரஸன்னமன்த்ரார்த²த்³ருடை⁴கனிஷ்டா²ம் ।
கு³ரோ: ஸ்ம்ருதிம் நிர்மலபோ³த⁴பு³த்³தி⁴ம்
ப்ரதே³ஹி மாத: பரமம் பத³ம் ஶ்ரீ: ॥ 1௦3 ॥
ப்ருத்²வீபதித்வம் புருஷோத்தமத்வம்
விபூ⁴திவாஸம் விவிதா⁴ர்த²ஸித்³தி⁴ம் ।
ஸம்பூர்ணகீர்திம் ப³ஹுவர்ஷபோ⁴க³ம்
ப்ரதே³ஹி மே லக்ஷ்மி புன: புனஸ்த்வம் ॥ 1௦4 ॥
வாதா³ர்த²ஸித்³தி⁴ம் ப³ஹுலோகவஶ்யம்
வய: ஸ்தி²ரத்வம் லலனாஸுபோ⁴க³ம் ।
பௌத்ராதி³லப்³தி⁴ம் ஸகலார்த²ஸித்³தி⁴ம்
ப்ரதே³ஹி மே பா⁴ர்க³வி ஜன்மஜன்மனி ॥ 1௦5 ॥
ஸுவர்ணவ்ருத்³தி⁴ம் குரு மே க்³ருஹே ஶ்ரீ:
ஸுதா⁴ன்யவ்ருத்³தி⁴ம் குரூ மே க்³ருஹே ஶ்ரீ: ।
கல்யாணவ்ருத்³தி⁴ம் குரு மே க்³ருஹே ஶ்ரீ:
விபூ⁴திவ்ருத்³தி⁴ம் குரு மே க்³ருஹே ஶ்ரீ: ॥ 1௦6 ॥
த்⁴யாயேல்லக்ஷ்மீம் ப்ரஹஸிதமுகீ²ம் கோடிபா³லார்கபா⁴ஸாம்
வித்³யுத்³வர்ணாம்ப³ரவரத⁴ராம் பூ⁴ஷணாட்⁴யாம் ஸுஶோபா⁴ம் ।
பீ³ஜாபூரம் ஸரஸிஜயுக³ம் பி³ப்⁴ரதீம் ஸ்வர்ணபாத்ரம்
ப⁴ர்த்ராயுக்தாம் முஹுரப⁴யதா³ம் மஹ்யமப்யச்யுதஶ்ரீ: ॥ 1௦7 ॥
கு³ஹ்யாதிகு³ஹ்யகோ³ப்த்ரீ த்வம் க்³ருஹாணாஸ்மத்க்ருதம் ஜபம் ।
ஸித்³தி⁴ர்ப⁴வது மே தே³வி த்வத்ப்ரஸாதா³ன்மயி ஸ்தி²தா ॥ 1௦8 ॥
இதி ஶ்ரீஅத²ர்வணரஹஸ்யே ஶ்ரீலக்ஷ்மீஹ்ருத³யஸ்தோத்ரம் ஸம்பூர்ணம் ॥