ஸுரஸ ஸுபோ³தா⁴ விஶ்வமனோஜ்ஞா
லலிதா ஹ்ருத்³யா ரமணீயா ।
அம்ருதவாணீ ஸம்ஸ்க்ருதபா⁴ஷா
நைவ க்லிஷ்டா ந ச கடி²னா ॥
கவிகுலகு³ரு வால்மீகி விரசிதா
ராமாயண ரமணீய கதா² ।
அதீவ ஸரளா மது⁴ர மஞ்ஜுலா
நைவ க்லிஷ்டா ந ச கடி²னா ॥
வ்யாஸ விரசிதா க³ணேஶ லிகி²தா
மஹாபா⁴ரதே புண்ய கதா² ।
கௌரவ பாண்ட³வ ஸங்க³ர மதி²தா
நைவ க்லிஷ்டா ந ச கடி²னா ॥
குருக்ஷேத்ர ஸமராங்க³ண கீ³தா
விஶ்வவன்தி³தா ப⁴க³வத்³கீ³தா ।
அதீவ மது⁴ரா கர்மதீ³பிகா
நைவ க்லிஷ்டா ந ச கடி²னா ॥
கவி குலகு³ரு நவ ரஸோன்மேஷஜா
ருது ரகு⁴ குமார கவிதா ।
விக்ரம-ஶாகுன்தல-மாளவிகா
நைவ க்லிஷ்டா ந ச கடி²னா ॥
ரசன: வஸன்த கா³ட³கீ³ல: