శ్రీరాధాకృష్ణాభ్యాం నమః ।
శ్రీమద్భాగవతపురాణమ్ ।
ఏకాదశః స్కంధః । ఉద్ధవ గీతా ।
అథ ప్రథమోఽధ్యాయః ।
శ్రీబాదరాయణిః ఉవాచ ।
కృత్వా దైత్యవధం కృష్ణః సరమః యదుభిః వృతః ।
భువః అవతారవత్ భారం జవిష్ఠన్ జనయన్ కలిమ్ ॥ 1॥
యే కోపితాః సుబహు పాండుసుతాః సపత్నైః
దుర్ద్యూతహేలనకచగ్రహణ ఆదిభిః తాన్ ।
కృత్వా నిమిత్తం ఇతర ఇతరతః సమేతాన్
హత్వా నృపాన్ నిరహరత్ క్షితిభారం ఈశః ॥ 2॥
భూభారరాజపృతనా యదుభిః నిరస్య
గుప్తైః స్వబాహుభిః అచింతయత్ అప్రమేయః ।
మన్యే అవనేః నను గతః అపి అగతం హి భారం
యత్ యాదవం కులం అహో హి అవిషహ్యం ఆస్తే ॥ 3॥
న ఏవ అన్యతః పరిభవః అస్య భవేత్ కథంచిత్
మత్ సంశ్రయస్య విభవ ఉన్నహన్ అస్య నిత్యమ్ ।
అంతఃకలిం యదుకులస్య విధ్హాయ వేణుః
తంబస్య వహ్నిం ఇవ శాంతిం ఉపైమి ధామ ॥ 4॥
ఏవం వ్యవసితః రాజన్ సత్యసంకల్పః ఈశ్వరః ।
శాపవ్యాజేన విప్రాణాం సంజహ్వే స్వకులం విభుః ॥ 5॥
స్వమూర్త్యా లోకలావణ్యనిర్ముక్త్యా లోచనం నృణామ్ ।
గీర్భిః తాః స్మరతాం చిత్తం పదైః తాన్ ఈక్షతాం క్రియా ॥ 6॥
ఆచ్ఛిద్య కీర్తిం సుశ్లోకాం వితత్య హి అంజసా ను కౌ ।
తమః అనయా తరిష్యంతి ఇతి అగాత్ స్వం పదం ఈశ్వరః ॥ 7॥
రాజా ఉవాచ ।
బ్రహ్మణ్యానాం వదాన్యానాం నిత్యం వృద్ధౌపసేవినామ్ ।
విప్రశాపః కథం అభూత్ వృష్ణీనాం కృష్ణచేతసామ్ ॥ 8॥
యత్ నిమిత్తః సః వై శాపః యాదృశః ద్విజసత్తమ ।
కథం ఏకాత్మనాం భేదః ఏతత్ సర్వం వదస్వ మే ॥ 9॥
శ్రీశుకః ఉవాచ ।
బిభ్రత్ వపుః సకలసుందరసంనివేశం
కర్మాచరన్ భువి సుమంగలం ఆప్తకామః ।
ఆస్థాయ ధామ రమమాణః ఉదారకీర్తిః
సంహర్తుం ఐచ్ఛత కులం స్థితకృత్యశేషః ॥ 10॥
కర్మాణి పుణ్యనివహాని సుమంగలాని
గాయత్ జగత్ కలిమలాపహరాణి కృత్వా ।
కాల ఆత్మనా నివసతా యదుదేవగేహే
పిండారకం సమగమన్ మునయః నిసృష్టాః ॥ 11॥
విశ్వామిత్రః అసితః కణ్వః దుర్వాసాః భృగుః అంగిరాః ।
కశ్యపః వామదేవః అత్రిః వసిష్ఠః నారద ఆదయః ॥ 12॥
క్రీడంతః తాన్ ఉపవ్రజ్య కుమారాః యదునందనాః ।
ఉపసంగృహ్య పప్రచ్ఛుః అవినీతా వినీతవత్ ॥ 13॥
తే వేషయిత్వా స్త్రీవేషైః సాంబం జాంబవతీసుతమ్ ।
ఏషా పృచ్ఛతి వః విప్రాః అంతర్వత్ న్యసిత ఈక్షణా ॥ 14॥
ప్రష్టుం విలజ్జతి సాక్షాత్ ప్రబ్రూత అమోఘదర్శనాః ।
ప్రసోష్యంతి పుత్రకామా కింస్విత్ సంజనయిష్యతి ॥ 15॥
ఏవం ప్రలబ్ధ్వా మునయః తాన్ ఊచుః కుపితా నృప ।
జనయిష్యతి వః మందాః ముసలం కులనాశనమ్ ॥ 16॥
తత్ శ‍ఋత్వా తే అతిసంత్రస్తాః విముచ్య సహసోదరమ్ ।
సాంబస్య దదృశుః తస్మిన్ ముసలం ఖలు అయస్మయమ్ ॥ 17॥
కిం కృతం మందభాగ్యైః కిం వదిష్యంతి నః జనాః ।
ఇతి విహ్వలితాః గేహాన్ ఆదాయ ముసలం యయుః ॥ 18॥
తత్ చ ఉపనీయ సదసి పరిమ్లానముఖశ్రియః ।
రాజ్ఞః ఆవేదయాన్ చక్రుః సర్వయాదవసంనిధౌ ॥ 19॥
శ్రుత్వా అమోఘం విప్రశాపం దృష్ట్వా చ ముసలం నృప ।
విస్మితాః భయసంత్రస్తాః బభూవుః ద్వారకౌకసః ॥ 20॥
తత్ చూర్ణయిత్వా ముసలం యదురాజః సః ఆహుకః ।
సముద్రసలిలే ప్రాస్యత్ లోహం చ అస్య అవశేషితమ్ ॥ 21॥
కశ్చిత్ మత్స్యః అగ్రసీత్ లోహం చూర్ణాని తరలైః తతః ।
ఉహ్యమానాని వేలాయాం లగ్నాని ఆసన్ కిల ఐరికాః ॥ 22॥
మత్స్యః గృహీతః మత్స్యఘ్నైః జాలేన అన్యైః సహ అర్ణవే ।
తస్య ఉదరగతం లోహం సః శల్యే లుబ్ధకః అకరోత్ ॥ 23॥
భగవాన్ జ్ఞాతసర్వార్థః ఈశ్వరః అపి తదన్యథా ।
కర్తుం న ఐచ్ఛత్ విప్రశాపం కాలరూపీ అన్వమోదత ॥ 24॥
ఇతి శ్రీమద్భాగవతే మహాపురాణే పారమహంస్యాం
సంహితాయామేకాదశస్కంధే విప్రశాపో నామ ప్రథమోఽధ్యాయః ॥