గ్రామే నగరే సమస్తరాష్ట్రే
రచయేమ సంస్కృతభవనం
ఇష్టికాం వినా మృత్తికాం వినా
కేవలసంభాషణవిధయా
సంస్కృతసంభాషణకలయా ॥
శిశుబాలానాం స్మితమృదువచనే
యువయువతీనాం మంజుభాషణే
వృద్ధగురూణాం వత్సలహృదయే
రచయేమ సంస్కృతభవనమ్ ॥ 1 ॥
అరుణోదయతః సుప్రభాతం
శుభరాత్రిం నిశి సంవదేమ
దివానిశం సంస్కృతవచనేన
రచయేమ సంస్కృతభవనమ్ ॥ 2 ॥
సోదర-సోదరీ-భావ-బంధురం
మాతృప్రేమతో బహుజనరుచిరం
వచనలలితం శ్రవణమధురం
రచయేమ సంస్కృతభవనమ్ ॥ 3 ॥
మూలశిలా సంభాషణమస్య
హిందుజనైక్యం శిఖరమున్నతం
సోపానం శ్రవణాదివిధానం
రచయేమ సంస్కృతభవనమ్ ॥ 4 ॥
రచన: గు. గణపయ్యహోళ్ళః