శ్రీ కృష్ణ యజుర్వేద సంహితాంతర్గతీయ స్వస్తివాచనం
ఆ॒శుః శిశా॑నో వృష॒భో న యు॒ద్ధ్మో ఘ॑నాఘ॒నః క్షోభ॑ణ-శ్చర్షణీ॒నామ్ । సం॒క్రంద॑నోఽనిమి॒ష ఏ॑క వీ॒రః శ॒తగ్ం సేనా॑ అజయథ్ సా॒కమింద్రః॑ ॥ సం॒క్రంద॑నేనా నిమి॒షేణ॑ జి॒ష్ణునా॑ యుత్కా॒రేణ॑ దుశ్చ్యవ॒నేన॑ ధృ॒ష్ణునా᳚ । తదింద్రే॑ణ జయత॒ తథ్ స॑హద్ధ్వం॒-యుఀధో॑ నర॒ ఇషు॑హస్తేన॒ వృష్ణా᳚ ॥ స ఇషు॑హస్తైః॒ స ని॑షం॒గిభి॑ర్వ॒శీ సగ్గ్స్ర॑ష్టా॒ స యుధ॒ ఇంద్రో॑ గ॒ణేన॑ । స॒గ్ం॒సృ॒ష్ట॒జిథ్ సో॑మ॒పా బా॑హుశ॒ర్ధ్యూ᳚ర్ధ్వధ॑న్వా॒ ప్రతి॑హితాభి॒రస్తా᳚ ॥ బృహ॑స్పతే॒ పరి॑ దీయా॒ [పరి॑ దీయ, రథే॑న] 4.6.16
రథే॑న రక్షో॒హా ఽమిత్రాగ్ం॑ అప॒ బాధ॑మానః । ప్ర॒భం॒జంథ్ సేనాః᳚ ప్రమృ॒ణో యు॒ధా జయ॑న్న॒స్మాక॑-మేద్ధ్యవి॒తా రథా॑నామ్ ॥ గో॒త్ర॒భిదం॑ గో॒విదం॒-వఀజ్ర॑బాహుం॒ జయం॑త॒మజ్మ॑ ప్రమృ॒ణంత॒-మోజ॑సా । ఇ॒మగ్ం స॑జాతా॒ అను॑వీర-యద్ధ్వ॒మింద్రగ్ం॑ సఖా॒యోఽను॒ సగ్ం ర॑భద్ధ్వమ్ ॥ బ॒ల॒వి॒జ్ఞా॒యః-స్థవి॑రః॒ ప్రవీ॑రః॒ సహ॑స్వాన్. వా॒జీ సహ॑మాన ఉ॒గ్రః । అ॒భివీ॑రో అ॒భిస॑త్వా సహో॒జా జైత్ర॑మింద్ర॒ రథ॒మాతి॑ష్ఠ గో॒విత్ ॥ అ॒భి గో॒త్రాణి॒ సహ॑సా॒ గాహ॑మానోఽదా॒యో [గాహ॑మానోఽదా॒యః, వీ॒రః శ॒తమ॑న్యు॒రింద్రః॑ ।] 4.6.17
వీ॒రః శ॒తమ॑న్యు॒రింద్రః॑ । దు॒శ్చ్య॒వ॒నః పృ॑తనా॒షాడ॑ యు॒ద్ధ్యో᳚-స్మాక॒గ్ం॒ సేనా॑ అవతు॒ ప్ర యు॒థ్సు ॥ ఇంద్ర॑ ఆసాం-నే॒తా బృహ॒స్పతి॒ ర్దక్షి॑ణా య॒జ్ఞః పు॒ర ఏ॑తు॒ సోమః॑ । దే॒వ॒సే॒నానా॑-మభిభంజతీ॒నాం జయం॑తీనాం మ॒రుతో॑ యం॒త్వగ్రే᳚ ॥ ఇంద్ర॑స్య॒ వృష్ణో॒ వరు॑ణస్య॒ రాజ్ఞ॑ ఆది॒త్యానాం᳚ మ॒రుతా॒గ్ం॒ శర్ధ॑ ఉ॒గ్రమ్ । మ॒హామ॑నసాం భువనచ్య॒వానాం॒ ఘోషో॑ దే॒వానాం॒ జయ॑తా॒ ముద॑స్థాత్ ॥ అ॒స్మాక॒-మింద్రః॒ సమృ॑తేషు ధ్వ॒జేష్వ॒స్మాకం॒-యాఀ ఇష॑వ॒స్తా జ॑యంతు । 4.6.18
అ॒స్మాకం॑-వీఀ॒రా ఉత్త॑రే భవంత్వ॒స్మాను॑ దేవా అవతా॒ హవే॑షు ॥ ఉద్ధ॑ర్షయ మఘవ॒న్నా-యు॑ధా॒-న్యుథ్సత్వ॑నాం మామ॒కానాం॒ మహాగ్ం॑సి । ఉద్వృ॑త్రహన్ వా॒జినాం॒-వాఀజి॑నా॒న్యుద్-రథా॑నాం॒ జయ॑తామేతు॒ ఘోషః॑ ॥ ఉప॒ ప్రేత॒ జయ॑తా నరఃస్థి॒రా వః॑ సంతు బా॒హవః॑ । ఇంద్రో॑ వః॒ శర్మ॑ యచ్ఛ త్వనా-ధృ॒ష్యా యథాస॑థ ॥ అవ॑సృష్టా॒ పరా॑ పత॒ శర॑వ్యే॒ బ్రహ్మ॑ సగ్ంశితా । గచ్ఛా॒ఽమిత్రా॒న్ ప్ర- [గచ్ఛా॒ఽమిత్రా॒న్ ప్ర, వి॒శ॒ మైషా॒-] 4.6.19
-వి॑శ॒ మైషాం॒ కంచ॒నోచ్ఛి॑షః ॥ మర్మా॑ణి తే॒ వర్మ॑భిశ్ఛాదయామి॒ సోమ॑స్త్వా॒ రాజా॒ ఽమృతే॑నా॒భి-వ॑స్తామ్ । ఉ॒రోర్వరీ॑యో॒ వరి॑వస్తే అస్తు॒ జయం॑తం॒ త్వామను॑ మదంతు దే॒వాః ॥ యత్ర॑ బా॒ణాః సం॒పతం॑తి కుమా॒రా వి॑శి॒ఖా ఇ॑వ । ఇంద్రో॑ న॒స్తత్ర॑ వృత్ర॒హా వి॑శ్వా॒హా శర్మ॑ యచ్ఛతు ॥ 4.6.20 ॥
జీ॒మూత॑స్యేవ భవతి॒ ప్రతీ॑కం॒-యఀద్వ॒ర్మీ యాతి॑ స॒మదా॑ము॒పస్థే᳚ । అనా॑విద్ధయా త॒నువా॑ జయ॒ త్వగ్ం స త్వా॒ వర్మ॑ణో మహి॒మా పి॑పర్తు ॥ ధన్వ॑నా॒ గా ధన్వ॑నా॒ఽఽజిం జ॑యేమ॒ ధన్వ॑నా తీ॒వ్రాః స॒మదో॑ జయేమ । ధనుః॒ శత్రో॑రపకా॒మం కృ॑ణోతి॒ ధన్వ॑నా॒ సర్వాః᳚ ప్ర॒దిశో॑ జయేమ ॥ వ॒క్ష్యంతీ॒వేదా గ॑నీగంతి॒ కర్ణం॑ ప్రి॒యగ్ం సఖా॑యం పరిషస్వజా॒నా । యోషే॑వ శింక్తే॒ విత॒తాఽధి॒ ధన్వ॒- [ధన్వన్న్॑, జ్యా ఇ॒యగ్ం] 4.6.27
-ంజ్యా ఇ॒యగ్ం సమ॑నే పా॒రయం॑తీ ॥ తే ఆ॒చరం॑తీ॒ సమ॑నేవ॒ యోషా॑ మా॒తేవ॑ పు॒త్రం బి॑భృతాము॒పస్థే᳚ । అప॒ శత్రూన్॑ విద్ధ్యతాగ్ం సంవిఀదా॒నే ఆర్త్నీ॑ ఇ॒మే వి॑ష్ఫు॒రంతీ॑ అ॒మిత్రాన్॑ ॥ బ॒హ్వీ॒నాం పి॒తా బ॒హుర॑స్య పు॒త్రశ్చి॒శ్చా కృ॑ణోతి॒ సమ॑నాఽవ॒గత్య॑ । ఇ॒షు॒ధిః సంకాః॒ పృత॑నాశ్చ॒ సర్వాః᳚ పృ॒ష్ఠే నిన॑ద్ధో జయతి॒ ప్రసూ॑తః ॥ రథే॒ తిష్ఠ॑న్ నయతి వా॒జినః॑ పు॒రో యత్ర॑యత్ర కా॒మయ॑తే సుషార॒థిః । అ॒భీశూ॑నాం మహి॒మాన॑- [మహి॒మానం᳚, ప॒నా॒య॒త॒ మనః॑] 4.6.28
-ంపనాయత॒ మనః॑ ప॒శ్చాదను॑ యచ్ఛంతి ర॒శ్మయః॑ ॥ తీ॒వ్రాన్ ఘోషా᳚న్ కృణ్వతే॒ వృష॑పాణ॒యోఽశ్వా॒ రథే॑భిః స॒హ వా॒జయం॑తః । అ॒వ॒క్రామం॑తః॒ ప్రప॑దైర॒మిత్రా᳚న్ క్షి॒ణంతి॒ శత్రూ॒గ్ం॒రన॑పవ్యయంతః ॥ ర॒థ॒వాహ॑నగ్ం హ॒విర॑స్య॒ నామ॒ యత్రాఽఽయు॑ధం॒ నిహి॑తమస్య॒ వర్మ॑ । తత్రా॒ రథ॒ముప॑ శ॒గ్మగ్ం స॑దేమ వి॒శ్వాహా॑ వ॒యగ్ం సు॑మన॒స్యమా॑నాః ॥ స్వా॒దు॒ష॒గ్ం॒ సదః॑ పి॒తరో॑ వయో॒ధాః కృ॑చ్ఛ్రే॒శ్రితః॒ శక్తీ॑వంతో గభీ॒రాః । చి॒త్రసే॑నా॒ ఇషు॑బలా॒ అమృ॑ద్ధ్రాః స॒తోవీ॑రా ఉ॒రవో᳚ వ్రాతసా॒హాః ॥ బ్రాహ్మ॑ణాసః॒ [బ్రాహ్మ॑ణాసః, పిత॑ర॒-] 4.6.29
పిత॑రః॒ సోమ్యా॑సః శి॒వే నో॒ ద్యావా॑పృథి॒వీ అ॑నే॒హసా᳚ । పూ॒షా నః॑ పాతు దురి॒తాదృ॑తావృధో॒ రక్షా॒ మాకి॑ర్నో అ॒ఘశగ్ం॑స ఈశత ॥ సు॒ప॒ర్ణం-వఀ ॑స్తే మృ॒గో అ॑స్యా॒ దంతో॒ గోభిః॒ సన్న॑ద్ధా పతతి॒ ప్రసూ॑తా । యత్రా॒ నరః॒ సం చ॒ వి చ॒ ద్రవం॑తి॒ తత్రా॒స్మభ్య॒మిష॑వః॒ శర్మ॑ యగ్ంసన్న్ ॥ ఋజీ॑తే॒ పరి॑ వృంగ్ధి॒ నోఽశ్మా॑ భవతు నస్త॒నూః । సోమో॒ అధి॑ బ్రవీతు॒ నోఽది॑తి॒- [నోఽది॑తిః, శర్మ॑ యచ్ఛతు ।] 4.6.30
-శ్శర్మ॑ యచ్ఛతు ॥ ఆ జం॑ఘంతి॒ సాన్వే॑షాం జ॒ఘనా॒గ్ం॒ ఉప॑ జిఘ్నతే । అశ్వా॑జని॒ ప్రచే॑త॒సోఽశ్వాం᳚థ్ స॒మథ్సు॑ చోదయ ॥ అహి॑రివ భో॒గైః పర్యే॑తి బా॒హుం జ్యాయా॑ హే॒తిం ప॑రి॒బాధ॑మానః । హ॒స్త॒ఘ్నో విశ్వా॑ వ॒యునా॑ని వి॒ద్వాన్ పుమా॒న్ పుమాగ్ం॑సం॒ పరి॑ పాతు వి॒శ్వతః॑ ॥ వన॑స్పతే వీ॒డ్వం॑గో॒ హి భూ॒యా అ॒స్మథ్ స॑ఖా ప్ర॒తర॑ణః సు॒వీరః॑ । గోభిః॒ సన్న॑ద్ధో అసి వీ॒డయ॑స్వాఽఽస్థా॒తా తే॑ జయతు॒ జేత్వా॑ని ॥ ది॒వః పృ॑థి॒వ్యాః ప- [పరి॑, ఓజ॒ ఉద్-భృ॑తం॒-] 4.6.31
-ర్యోజ॒ ఉద్-భృ॑తం॒-వఀన॒స్పతి॑భ్యః॒ పర్యాభృ॑త॒గ్ం॒ సహః॑ । అ॒పామో॒జ్మానం॒ పరి॒ గోభి॒రావృ॑త॒మింద్ర॑స్య॒ వజ్రగ్ం॑ హ॒విషా॒ రథం॑-యఀజ ॥ ఇంద్ర॑స్య॒ వజ్రో॑ మ॒రుతా॒మనీ॑కం మి॒త్రస్య॒ గర్భో॒ వరు॑ణస్య॒ నాభిః॑ । సేమాం నో॑ హ॒వ్యదా॑తిం జుషా॒ణో దేవ॑ రథ॒ ప్రతి॑ హ॒వ్యా గృ॑భాయ ॥ ఉప॑ శ్వాసయ పృథి॒వీము॒త ద్యాం పు॑రు॒త్రా తే॑ మనుతాం॒-విఀష్ఠి॑తం॒ జగ॑త్ । స దుం॑దుభే స॒జూరింద్రే॑ణ దే॒వైర్దూ॒రా- [దే॒వైర్దూ॒రాత్, దవీ॑యో॒] 4.6.32
-ద్దవీ॑యో॒ అప॑సేధ॒ శత్రూన్॑ ॥ ఆ క్రం॑దయ॒ బల॒మోజో॑ న॒ ఆ ధా॒ నిష్ట॑నిహి దురి॒తా బాధ॑మానః । అప॑ ప్రోథ దుందుభే దు॒చ్ఛునాగ్ం॑ ఇ॒త ఇంద్ర॑స్య ము॒ష్టిర॑సి వీ॒డయ॑స్వ ॥ ఆఽమూర॑జ ప్ర॒త్యావ॑ర్తయే॒మాః కే॑తు॒మ-ద్దుం॑దు॒భి ర్వా॑వదీతి । సమశ్వ॑పర్ణా॒శ్చరం॑తి నో॒ నరో॒ఽస్మాక॑మింద్ర ర॒థినో॑ జయంతు ॥ 4.6.33 ॥
మమా᳚గ్నే॒ వర్చో॑ విహ॒వేష్వ॑స్తు వ॒యం త్వేంధా॑నా స్త॒నువం॑ పుషేమ । మహ్యం॑ నమంతాం ప్ర॒దిశ॒శ్చత॑స్ర॒ స్త్వయా-ఽద్ధ్య॑క్షేణ॒ పృత॑నా జయేమ ॥ మమ॑ దే॒వా వి॑హ॒వే సం॑తు॒ సర్వ॒ ఇంద్రా॑వంతో మ॒రుతో॒ విష్ణు॑ర॒గ్నిః । మమాం॒తరి॑క్ష ము॒రు గో॒పమ॑స్తు॒ మహ్యం॒-వాఀతః॑ పవతాం॒ కామే॑ అ॒స్మిన్న్ ॥ మయి॑ దే॒వా ద్రవి॑ణ॒ మాయ॑జంతాం॒ మయ్యా॒ శీర॑స్తు॒ మయి॑ దే॒వహూ॑తిః । దైవ్యా॒ హోతా॑రా వనిషంత॒ [వనిషంత, పూర్వే ఽరి॑ష్టాః స్యామ] 4.7.29
పూర్వే ఽరి॑ష్టాః స్యామ త॒నువా॑ సు॒వీరాః᳚ ॥ మహ్యం॑-యఀజంతు॒ మమ॒ యాని॑ హ॒వ్యాఽఽకూ॑తిః స॒త్యా మన॑సో మే అస్తు । ఏనో॒ మానిగాం᳚ కత॒మచ్చ॒నాహం-విఀశ్వే॑ దేవాసో॒ అధి॑వోచ తా మే ॥ దేవీః᳚ షడుర్వీరు॒రుణః॑ కృణోత॒ విశ్వే॑ దేవా స ఇ॒హ వీ॑రయద్ధ్వమ్ । మాహా᳚స్మహి ప్ర॒జయా॒ మా త॒నూభి॒ర్మా ర॑ధామ ద్విష॒తే సో॑మ రాజన్న్ ॥ అ॒గ్నిర్మ॒న్యుం ప్ర॑తిను॒దన్ పు॒రస్తా॒- [ప్ర॑తిను॒దన్ పు॒రస్తా᳚త్, అద॑బ్ధో గో॒పాః] 4.7.30
-దద॑బ్ధో గో॒పాః పరి॑పాహి న॒స్త్వమ్ । ప్ర॒త్యంచో॑ యంతు ని॒గుతః॒ పున॒స్తే॑ ఽమైషాం᳚ చి॒త్తం ప్ర॒బుధా॒ వినే॑శత్ ॥ ధా॒తా ధా॑తృ॒ణాం భువ॑నస్య॒ యస్పతి॑ ర్దే॒వగ్ం స॑వి॒తార॑మభి మాతి॒షాహ᳚మ్ । ఇ॒మం-యఀ॒జ్ఞ మ॒శ్వినో॒భా బృహ॒స్పతి॑ ర్దే॒వాః పాం᳚తు॒ యజ॑మానం న్య॒ర్థాత్ ॥ ఉ॒రు॒వ్యచా॑ నో మహి॒షః శర్మ॑ యగ్ం సద॒స్మిన్. హవే॑ పురుహూ॒తః పు॑రు॒క్షు । స నః॑ ప్ర॒జాయై॑ హర్యశ్వ మృడ॒యేంద్ర॒ మా [మృడ॒యేంద్ర॒ మా, నో॒ రీ॒రి॒షో॒ మా పరా॑ దాః ।] 4.7.31
నో॑ రీరిషో॒ మా పరా॑ దాః ॥ యే నః॑ స॒పత్నా॒ అప॒తే భ॑వంత్వింద్రా॒-గ్నిభ్యా॒మవ॑ బాధామహే॒ తాన్ । వస॑వో రు॒ద్రా ఆ॑ది॒త్యా ఉ॑పరి॒ స్పృశం॑ మో॒గ్రం చేత్తా॑రమధి రా॒జమ॑క్రన్న్ ॥ అ॒ర్వాంచ॒ మింద్ర॑మ॒ముతో॑ హవామహే॒ యో గో॒జిద్-ధ॑న॒-జిద॑శ్వ॒-జిద్యః । ఇ॒మన్నో॑ య॒జ్ఞం-విఀ ॑హ॒వే జు॑షస్వా॒స్య కు॑ర్మో హరివో మే॒దినం॑ త్వా ॥ 4.7.32 ॥
అ॒గ్నేర్మ॑న్వే ప్రథ॒మస్య॒ ప్రచే॑తసో॒ యం పాంచ॑జన్యం బ॒హవః॑ సమిం॒ధతే᳚ । విశ్వ॑స్యాం-విఀ॒శి ప్ర॑వివిశి॒వాగ్ం స॑మీమహే॒ స నో॑ ముంచ॒త్వగ్ం హ॑సః ॥ యస్యే॒దం ప్రా॒ణన్ని॑మి॒ష-ద్యదేజ॑తి॒ యస్య॑ జా॒తం జన॑మానం చ॒ కేవ॑లమ్ । స్తౌమ్య॒గ్నిం నా॑థి॒తో జో॑హవీమి॒ స నో॑ ముంచ॒త్వగ్ం హ॑సః ॥ ఇంద్ర॑స్య మన్యే ప్రథ॒మస్య॒ ప్రచే॑తసో వృత్ర॒ఘ్నః స్తోమా॒ ఉప॒ మాము॒పాగుః॑ । యో దా॒శుషః॑ సు॒కృతో॒ హవ॒ముప॒ గంతా॒ [గంతా᳚, స నో॑ ముంచ॒త్వగ్ం హ॑సః ।] 4.7.33
స నో॑ ముంచ॒త్వగ్ం హ॑సః ॥ యః సం॑గ్రా॒మం నయ॑తి॒ సం-వఀ॒శీ యు॒ధే యః పు॒ష్టాని॑ సగ్ంసృ॒జతి॑ త్ర॒యాణి॑ । స్తౌమీంద్రం॑ నాథి॒తో జో॑హవీమి॒ స నో॑ ముంచ॒త్వగ్ం హ॑సః ॥ మ॒న్వే వాం᳚ మిత్రా వరుణా॒ తస్య॑ విత్త॒గ్ం॒ సత్యౌ॑జసా దృగ్ంహణా॒ యం ను॒దేథే᳚ । యా రాజా॑నగ్ం స॒రథం॑-యాఀ॒థ ఉ॑గ్రా॒ తా నో॑ ముంచత॒మాగ॑సః ॥ యో వా॒గ్ం॒ రథ॑ ఋ॒జుర॑శ్మిః స॒త్యధ॑ర్మా॒ మిథు॒ శ్చరం॑త-ముప॒యాతి॑ దూ॒షయన్న్॑ । స్తౌమి॑ [ ] 4.7.34
మి॒త్రావరు॑ణా నాథి॒తో జో॑హవీమి॒ తౌ నో॑ ముంచత॒మాగ॑సః ॥ వా॒యోః స॑వి॒తు ర్వి॒దథా॑ని మన్మహే॒ యావా᳚త్మ॒న్వద్-బి॑భృ॒తో యౌ చ॒ రక్ష॑తః । యౌ విశ్వ॑స్య పరి॒భూ బ॑భూ॒వతు॒స్తౌ నో॑ ముంచత॒మాగ॑సః ॥ ఉప॒ శ్రేష్ఠా॑న ఆ॒శిషో॑ దే॒వయో॒ర్ధర్మే॑ అస్థిరన్న్ । స్తౌమి॑ వా॒యుగ్ం స॑వి॒తారం॑ నాథి॒తో జో॑హవీమి॒ తౌ నో॑ ముంచత॒మాగ॑సః ॥ ర॒థీత॑మౌ రథీ॒నామ॑హ్వ ఊ॒తయే॒ శుభం॒ గమి॑ష్ఠౌ సు॒యమే॑భి॒రశ్వైః᳚ । యయో᳚- [యయోః᳚, వాం॒ దే॒వౌ॒ దే॒వేష్వ-ని॑శిత॒-] 4.7.35
-ర్వాం దేవౌ దే॒వేష్వ-ని॑శిత॒-మోజ॒స్తౌ నో॑ ముంచత॒మాగ॑సః ॥ యదయా॑తం-వఀహ॒తుగ్ం సూ॒ర్యాయా᳚-స్త్రిచ॒క్రేణ॑ స॒గ్ం॒ సద॑మి॒చ్ఛమా॑నౌ । స్తౌమి॑ దే॒వా వ॒శ్వినౌ॑ నాథి॒తో జో॑హవీమి॒ తౌ నో॑ ముంచత॒మాగ॑సః ॥ మ॒రుతాం᳚ మన్వే॒ అధి॑నో బ్రువంతు॒ ప్రేమాం-వాఀచం॒-విఀశ్వా॑ మవంతు॒ విశ్వే᳚ । ఆ॒శూన్. హు॑వే సు॒యమా॑నూ॒తయే॒ తే నో॑ ముంచం॒త్వేన॑సః ॥ తి॒గ్మమాయు॑ధం-వీఀడి॒తగ్ం సహ॑స్వ-ద్ది॒వ్యగ్ం శర్ధః॒ [శర్ధః॑, పృత॑నాసు జి॒ష్ణు ।] 4.7.36
పృత॑నాసు జి॒ష్ణు । స్తౌమి॑ దే॒వాన్ మ॒రుతో॑ నాథి॒తో జో॑హవీమి॒ తే నో॑ ముంచం॒త్వేన॑సః ॥ దే॒వానాం᳚ మన్వే॒ అధి॑ నో బ్రువంతు॒ ప్రేమాం-వాఀచం॒-విఀశ్వా॑మవంతు॒ విశ్వే᳚ । ఆ॒శూన్. హు॑వే సు॒యమా॑నూ॒తయే॒ తే నో॑ ముంచం॒త్వేన॑సః ॥ యది॒దం మా॑ఽభి॒శోచ॑తి॒ పౌరు॑షేయేణ॒ దైవ్యే॑న । స్తౌమి॒ విశ్వా᳚న్ దే॒వాన్ నా॑థి॒తో జో॑హవీమి॒ తే నో॑ ముంచం॒త్వేన॑సః ॥ అను॑నో॒ఽద్యాను॑మతి॒ ర- [అను॑నో॒ఽద్యాను॑మతి॒ రను॑, ఇద॑నుమతే॒] 4.7.37
-న్విద॑నుమతే॒ త్వం వైఀ᳚శ్వాన॒రో న॑ ఊ॒త్యాపృ॒ష్టో ది॒వి> 4 ॥ యే అప్ర॑థేతా॒-మమి॑తేభి॒ రోజో॑భి॒ ర్యే ప్ర॑తి॒ష్ఠే అభ॑వతాం॒-వఀసూ॑నామ్ । స్తౌమి॒ ద్యావా॑ పృథి॒వీ నా॑థి॒తో జో॑హవీమి॒ తే నో॑ ముంచత॒మగ్ం హ॑సః ॥ ఉర్వీ॑ రోదసీ॒ వరి॑వః కృణోతం॒ క్షేత్ర॑స్య పత్నీ॒ అధి॑ నో బ్రూయాతమ్ । స్తౌమి॒ ద్యావా॑ పృథి॒వీ నా॑థి॒తో జో॑హవీమి॒ తే నో॑ ముంచత॒మగ్ం హ॑సః ॥ యత్ తే॑ వ॒యం పు॑రుష॒త్రా య॑వి॒ష్ఠా వి॑ద్వాగ్ంసశ్చకృ॒మా కచ్చ॒నా- [కచ్చ॒న, ఆగః॑ ।] 4.7.38
-ఽఽగః॑ । కృ॒ధీ స్వ॑స్మాగ్ం అది॑తే॒రనా॑గా॒ వ్యేనాగ్ం॑సి శిశ్రథో॒ విష్వ॑గగ్నే ॥ యథా॑ హ॒ త-ద్వ॑సవో గౌ॒ర్యం॑ చిత్ ప॒దిషి॒తా మముం॑చతా యజత్రాః । ఏ॒వా త్వమ॒స్మత్ ప్రముం॑చా॒ వ్యగ్ంహః॒ ప్రాతా᳚ర్యగ్నే ప్రత॒రాన్న॒ ఆయుః॑ ॥ 4.7.39 ॥