అథ పంచమస్తోత్రం
వాసుదేవాపరిమేయసుధామన్ శుద్ధసదోదిత సుందరీకాంత ।
ధరాధరధారణ వేధురధర్తః సౌధృతిదీధితివేధృవిధాతః ॥ 1॥
అధికబంధం రంధయ బోధా చ్ఛింధిపిధానం బంధురమద్ధా ।
కేశవ కేశవ శాసక వందే పాశధరార్చిత శూరపరేశ (శూరవరేశ) ॥ 2॥
నారాయణామలతారణ (కారణ) వందే కారణకారణ పూర్ణ వరేణ్య ।
మాధవ మాధవ సాధక వందే బాధక బోధక శుద్ధ సమాధే ॥ 3॥
గోవింద గోవింద పురందర వందే స్కంద సనందన వందిత పాద ।
విష్ణు సృజిష్ణు గ్రసిష్ణు వివందే కృష్ణ సదుష్ణ వధిష్ణ సుధృష్ణో ॥ 4॥
విష్ణో సృజిష్ణో గ్రసిష్ణో వివందే కృష్ణ సదుష్ణవధిష్ణో సుధృష్ణో
మధుసూదన దానవసాదన వందే దైవతమోదన (దైవతమోదిత) వేదిత పాద ।
త్రివిక్రమ నిష్క్రమ విక్రమ వందే సుక్రమ సంక్రమహుంకృతవక్త్ర ॥ 5॥ (సంక్రమ సుక్రమ హుంకృతవక్త్ర)
వామన వామన భామన వందే సామన సీమన సామన సానో ।
శ్రీధర శ్రీధర శంధర వందే భూధర వార్ధర కంధరధారిన్ ॥ 6॥
హృషీకేశ సుకేశ పరేశ వివందే శరణేశ కలేశ బలేశ సుఖేశ ।
పద్మనాభ శుభోద్భవ వందే సంభృతలోకభరాభర భూరే ।
దామోదర దూరతరాంతర వందే దారితపారక పార (దారితపారగపార) పరస్మాత్ ॥ 7॥
ఆనందసుతీర్థ మునీంద్రకృతా హరిగీతిరియం పరమాదరతః ।
పరలోకవిలోకన సూర్యనిభా హరిభక్తి వివర్ధన శౌండతమా ॥ 8॥
ఇతి శ్రీమదానందతీర్థభగవత్పాదాచార్య విరచితం
ద్వాదశస్తోత్రేషు పంచమస్తోత్రం సంపూర్ణం