కృష్ణ యజుర్వేదీయ తైత్తిరీయ సంహితాయా-మ్ప్రథమకాణ్డే చతుర్థః ప్రశ్నః – సుత్యాదినే కర్తవ్యా గ్రహాః
ఓ-న్నమః పరమాత్మనే, శ్రీ మహాగణపతయే నమః,
శ్రీ గురుభ్యో నమః । హ॒రిః॒ ఓమ్ ॥
ఆ ద॑దే॒ గ్రావా᳚-ఽస్యద్ధ్వర॒కృ-ద్దే॒వేభ్యో॑ గమ్భీ॒రమి॒మ- మ॑ద్ధ్వ॒ర-ఙ్కృ॑ద్ధ్యుత్త॒మేన॑ ప॒వినేన్ద్రా॑య॒ సోమ॒గ్ం॒ సుషు॑త॒-మ్మధు॑మన్త॒-మ్పయ॑స్వన్తం-వృఀష్టి॒వని॒మిన్ద్రా॑య త్వా వృత్ర॒ఘ్న ఇన్ద్రా॑య త్వా వృత్ర॒తుర॒ ఇన్ద్రా॑య త్వా-ఽభిమాతి॒ఘ్న ఇన్ద్రా॑య త్వా-ఽఽది॒త్యవ॑త॒ ఇన్ద్రా॑య త్వా వి॒శ్వదే᳚వ్యావతే శ్వా॒త్రా-స్స్థ॑ వృత్ర॒తురో॒ రాధో॑గూర్తా అ॒మృత॑స్య॒ పత్నీ॒స్తా దే॑వీ-ర్దేవ॒త్రేమం-యఀ॒జ్ఞ-న్ధ॒త్తోప॑హూతా॒-స్సోమ॑స్య పిబ॒తోప॑హూతో యు॒ష్మాక॒గ్ం॒ [యు॒ష్మాక᳚మ్, సోమః॑ పిబతు॒ యత్తే॑] 1
సోమః॑ పిబతు॒ యత్తే॑ సోమ ది॒వి జ్యోతి॒ర్య-త్పృ॑థి॒వ్యాం-యఀదు॒రావ॒న్తరి॑ఖ్షే॒ తేనా॒స్మై యజ॑మానాయో॒రు రా॒యా కృ॒ద్ధ్యధి॑ దా॒త్రే వో॑చో॒ ధిష॑ణే వీ॒డూ స॒తీ వీ॑డయేథా॒-మూర్జ॑-న్దధాథా॒మూర్జ॑-మ్మే ధత్త॒-మ్మా వాగ్ం॑ హిగ్ంసిష॒-మ్మా మా॑ హిగ్ంసిష్ట॒-మ్ప్రాగపా॒గుద॑గధ॒రాక్తాస్త్వా॒ దిశ॒ ఆ ధా॑వ॒న్త్వమ్బ॒ ని ష్వ॑ర । యత్తే॑ సో॒మా-ఽదా᳚భ్య॒-న్నామ॒ జాగృ॑వి॒ తస్మై॑ తే సోమ॒ సోమా॑య॒ స్వాహా᳚ ॥ 2 ॥
(యు॒ష్మాకగ్గ్॑ – స్వర॒ యత్తే॒ -నవ॑ చ ) (అ. 1)
వా॒చస్పత॑యే పవస్వ వాజి॒న్ వృషా॒ వృష్ణో॑ అ॒గ్ం॒శుభ్యా॒-ఙ్గభ॑స్తిపూతో దే॒వో దే॒వానా᳚-మ్ప॒విత్ర॑మసి॒ యేషా᳚-మ్భా॒గో-ఽసి॒ తేభ్య॑స్త్వా॒ స్వాఙ్కృ॑తో-ఽసి॒ మధు॑మతీ-ర్న॒ ఇష॑స్కృధి॒ విశ్వే᳚భ్యస్త్వేన్ద్రి॒యేభ్యో॑ ది॒వ్యేభ్యః॒ పార్థి॑వేభ్యో॒ మన॑స్త్వా ఽష్టూ॒ర్వ॑న్తరి॑ఖ్ష॒-మన్వి॑హి॒ స్వాహా᳚ త్వా సుభవ॒-స్సూర్యా॑య దే॒వేభ్య॑స్త్వా మరీచి॒పేభ్య॑ ఏ॒ష తే॒ యోనిః॑ ప్రా॒ణాయ॑ త్వా ॥ 3 ॥
(వా॒చః-స॒ప్తచ॑త్వారిగ్ంశత్) (అ. 2)
ఉ॒ప॒యా॒మగృ॑హీతో ఽస్య॒న్తర్య॑చ్ఛ మఘవ-న్పా॒హి సోమ॑మురు॒ష్య రాయ॒-స్సమిషో॑ యజస్వా॒-ఽన్తస్తే॑ దధామి॒ ద్యావా॑పృథి॒వీ అ॒న్తరు॒ర్వ॑న్తరి॑ఖ్షగ్ం స॒జోషా॑ దే॒వైరవ॑రైః॒ పరై᳚శ్చా-ఽన్తర్యా॒మే మ॑ఘవ-న్మాదయస్వ॒ స్వాఙ్కృ॑తో-ఽసి॒ మధు॑మతీర్న॒ ఇష॑స్కృధి॒ విశ్వే᳚భ్యస్త్వేన్ద్రి॒యేభ్యో॑ ది॒వ్యేభ్యః॒ పార్థి॑వేభ్యో॒ మన॑స్త్వా-ఽష్టూ॒ర్వ॑న్తరి॑ఖ్ష॒మన్వి॑హి॒ స్వాహా᳚ త్వా సుభవ॒-స్సూర్యా॑య దే॒వేభ్య॑ స్త్వా మరీచి॒పేభ్య॑ ఏ॒ష తే॒ యోని॑రపా॒నాయ॑ త్వా ॥ 4 ॥
(దే॒వేభ్యః॑-స॒ప్త చ॑) (అ. 3)
ఆ వా॑యో భూష శుచిపా॒ ఉప॑ న-స్స॒హస్ర॑-న్తే ని॒యుతో॑ విశ్వవార । ఉపో॑ తే॒ అన్ధో॒ మద్య॑మయామి॒ యస్య॑ దేవ దధి॒షే పూ᳚ర్వ॒పేయ᳚మ్ ॥ ఉ॒ప॒యా॒మగృ॑హీతో-ఽసి వా॒యవే॒ త్వేన్ద్ర॑వాయూ ఇ॒మే సు॒తాః । ఉప॒ ప్రయో॑భి॒రా గ॑త॒మిన్ద॑వో వాము॒శన్తి॒ హి ॥ ఉ॒ప॒యా॒మగృ॑హీతో-ఽసీన్ద్రవా॒యుభ్యా᳚-న్త్వై॒ష తే॒ యోని॑-స్స॒జోషా᳚భ్యా-న్త్వా ॥ 5 ॥
(ఆ వా॑యో॒- త్రిచ॑త్వారిగ్ంశత్) (అ. 4)
అ॒యం-వాఀ᳚-మ్మిత్రావరుణా సు॒త-స్సోమ॑ ఋతావృధా । మమేది॒హ శ్రు॑త॒గ్ం॒ హవ᳚మ్ । ఉ॒ప॒యా॒మగృ॑హీతో-ఽసి మి॒త్రావరు॑ణాభ్యా-న్త్వై॒ష తే॒ యోని॑ర్-ఋతా॒యుభ్యా᳚-న్త్వా ॥ 6 ॥
(అ॒యం-వాఀం᳚ – విఀగ్ంశ॒తిః) (అ. 5)
యా వా॒-ఙ్కశా॒ మధు॑మ॒త్యశ్వి॑నా సూ॒నృతా॑వతీ । తయా॑ య॒జ్ఞ-మ్మి॑మిఖ్షతమ్ । ఉ॒ప॒యా॒మగృ॑హీతో-ఽస్య॒శ్విభ్యా᳚-న్త్వై॒ష తే॒ యోని॒ర్మాద్ధ్వీ᳚భ్యా-న్త్వా ॥ 7 ॥
(యా వా॑- మ॒ష్టాద॑శ) (అ. 6)
ప్రా॒త॒ర్యుజౌ॒ వి ము॑చ్యేథా॒-మశ్వి॑నా॒వేహ గ॑చ్ఛతమ్ । అ॒స్య సోమ॑స్య పీ॒తయే᳚ ॥ ఉ॒ప॒యా॒మగృ॑హీతో-ఽస్య॒శ్విభ్యా᳚-న్త్వై॒ష తే॒ యోని॑ర॒శ్విభ్యా᳚-న్త్వా ॥ 8 ॥
(ప్రా॒త॒ర్యుజా॒వే-కా॒న్నవిగ్ం॑శ॒తిః) (అ. 7)
అ॒యం-వేఀ॒నశ్చో॑దయ॒-త్పృశ్ఞి॑గర్భా॒ జ్యోతి॑ర్జరాయూ॒ రజ॑సో వి॒మానే᳚ । ఇ॒మమ॒పాగ్ం స॑ఙ్గ॒మే సూర్య॑స్య॒ శిశు॒-న్న విప్రా॑ మ॒తిభీ॑ రిహన్తి ॥ ఉ॒ప॒యా॒మగృ॑హీతో-ఽసి॒ శణ్డా॑య త్వై॒ష తే॒ యోని॑-ర్వీ॒రతా᳚-మ్పాహి ॥ 9 ॥
(అ॒యం-వేఀ॒నః- పఞ్చ॑విగ్ంశతిః) (అ. 8)
త-మ్ప్ర॒త్నథా॑ పూ॒ర్వథా॑ వి॒శ్వథే॒మథా᳚ జ్యే॒ష్ఠతా॑తి-మ్బర్హి॒షదగ్ం॑ సువ॒ర్విద॑-మ్ప్రతీచీ॒నం-వృఀ॒జన॑-న్దోహసే గి॒రా-ఽఽశు-ఞ్జయ॑న్త॒మను॒ యాసు॒ వర్ధ॑సే । ఉ॒ప॒యా॒మగృ॑హీతో-ఽసి॒ మర్కా॑య త్వై॒ష తే॒ యోనిః॑ ప్ర॒జాః పా॑హి ॥ 10 ॥
(త-మ్ప్ర॒త్నయా॒-షట్విగ్ం॑శతిః ) (అ. 9)
యే దే॑వా ది॒వ్యేకా॑దశ॒ స్థ పృ॑థి॒వ్యామద్ధ్యేకా॑దశ॒ స్థా-ఽఫ్సు॒షదో॑ మహి॒నైకా॑దశ॒ స్థ తే దే॑వా య॒జ్ఞమి॒మ-ఞ్జు॑షద్ధ్వ-ముపయా॒మగృ॑హీతో-ఽస్యాగ్రయ॒ణో॑-ఽసి॒ స్వా᳚గ్రయణో॒ జిన్వ॑ య॒జ్ఞ-ఞ్జిన్వ॑ య॒జ్ఞప॑తిమ॒భి సవ॑నా పాహి॒ విష్ణు॒స్త్వా-మ్పా॑తు॒ విశ॒-న్త్వ-మ్పా॑హీన్ద్రి॒యేణై॒ష తే॒ యోని॒-ర్విశ్వే᳚భ్యస్త్వా దే॒వేభ్యః॑ ॥ 11 ॥
యే దే॑వా॒-స్త్రిచ॑త్వారిగ్ంశత్) (అ. 10)
త్రి॒గ్ం॒శత్త్రయ॑శ్చ గ॒ణినో॑ రు॒జన్తో॒ దివగ్ం॑ రు॒ద్రాః పృ॑థి॒వీ-ఞ్చ॑ సచన్తే । ఏ॒కా॒ద॒శాసో॑ అఫ్సు॒షద॑-స్సు॒తగ్ం సోమ॑-ఞ్జుషన్తా॒గ్ం॒ సవ॑నాయ॒ విశ్వే᳚ ॥ ఉ॒ప॒యా॒మగృ॑హీతో -ఽస్యాగ్రయ॒ణో॑-ఽసి॒ స్వా᳚గ్రయణో॒ జిన్వ॑ య॒జ్ఞ-ఞ్జిన్వ॑ య॒జ్ఞప॑తిమ॒భి సవ॑నా పాహి॒ విష్ణు॒స్త్వా-మ్పా॑తు॒ విశ॒-న్త్వ-మ్పా॑హీన్ద్రి॒యేణై॒ష తే॒ యోని॒-ర్విశ్వే᳚భ్యస్త్వా దే॒వేభ్యః॑ ॥ 12 ॥
(త్రి॒గ్ం॒శత్త్రయో॒-ద్విచ॑త్వారిగ్ంశత్) (అ. 11)
ఉ॒ప॒యా॒మగృ॑హీతో॒-ఽసీన్ద్రా॑య త్వా బృ॒హద్వ॑తే॒ వయ॑స్వత ఉక్థా॒యువే॒ యత్త॑ ఇన్ద్ర బృ॒హద్వయ॒స్తస్మై᳚ త్వా॒ విష్ణ॑వే త్వై॒ష తే॒ యోని॒రిన్ద్రా॑య త్వోక్థా॒యువే᳚ ॥ 13 ॥
(ఉ॒ప॒యా॒మగృ॑హీతో॒-ఽసీన్ద్రా॑య॒-ద్వావిగ్ం॑శతిః) (అ. 12)
మూ॒ర్ధాన॑-న్ది॒వో అ॑ర॒తి-మ్పృ॑థి॒వ్యా వై᳚శ్వాన॒రమృ॒తాయ॑ జా॒తమ॒గ్నిమ్ । క॒విగ్ం స॒మ్రాజ॒-మతి॑థి॒-ఞ్జనా॑నామా॒సన్నా పాత్ర॑-ఞ్జనయన్త దే॒వాః ॥ ఉ॒ప॒యా॒మగృ॑హీతో-ఽస్య॒గ్నయే᳚ త్వా వైశ్వాన॒రాయ॑ ధ్రు॒వో॑-ఽసి ధ్రు॒వఖ్షి॑తి-ర్ధ్రు॒వాణా᳚-న్ధ్రు॒వత॒మో-ఽచ్యు॑తానా-మచ్యుత॒ఖ్షిత్త॑మ ఏ॒ష తే॒ యోని॑ర॒గ్నయే᳚ త్వా వైశ్వాన॒రాయ॑ ॥ 14 ॥
(మూ॒ర్ధానం॒-పఞ్చ॑త్రిగ్ంశత్) (అ. 13)
మధు॑శ్చ॒ మాధ॑వశ్చ శు॒క్రశ్చ॒ శుచి॑శ్చ॒ నభ॑శ్చ నభ॒స్య॑శ్చే॒షశ్చో॒ర్జశ్చ॒ సహ॑శ్చ సహ॒స్య॑శ్చ॒ తప॑శ్చ తప॒స్య॑శ్చో-పయా॒మగృ॑హీతో-ఽసి స॒గ్ం॒సర్పో᳚- ఽస్యగ్ంహస్ప॒త్యాయ॑ త్వా ॥ 15 ॥
(మధు॑శ్చ-త్రి॒గ్ం॒శత్) (అ. 14)
ఇన్ద్రా᳚గ్నీ॒ ఆ గ॑తగ్ం సు॒త-ఙ్గీ॒ర్భి-ర్నభో॒ వరే᳚ణ్యమ్ । అ॒స్య పా॑త-న్ధి॒యేషి॒తా ॥ ఉ॒ప॒యా॒మగృ॑హీతో-ఽసీన్ద్రా॒గ్నిభ్యా᳚-న్త్వై॒ష తే॒ యోని॑రిన్ద్రా॒గ్నిభ్యా᳚-న్త్వా ॥ 16 ॥
(ఇన్ద్రా᳚గ్నీ॒ విగ్ంశ॒తిః) (అ. 15)
ఓమా॑సశ్చర్షణీధృతో॒ విశ్వే॑ దేవాస॒ ఆ గ॑త । దా॒శ్వాగ్ంసో॑ దా॒శుష॑-స్సు॒తమ్ ॥ ఉ॒ప॒యా॒మగృ॑హీతో-ఽసి॒ విశ్వే᳚భ్యస్త్వా దే॒వేభ్య॑ ఏ॒ష తే॒ యోని॒-ర్విశ్వే᳚భ్యస్త్వా దే॒వేభ్యః॑ ॥ 17 ॥
(ఓమా॑సో విగ్ంశ॒తిః) (అ. 16)
మ॒రుత్వ॑న్తం-వృఀష॒భం-వాఀ ॑వృధా॒నమక॑వారి-న్ది॒వ్యగ్ం శా॒సమిన్ద్ర᳚మ్ । వి॒శ్వా॒సాహ॒మవ॑సే॒ నూత॑నాయో॒గ్రగ్ం స॑హో॒దామి॒హ తగ్ం హు॑వేమ ॥ ఉ॒ప॒యా॒మగృ॑హీతో॒-ఽసీన్ద్రా॑య త్వా మ॒రుత్వ॑త ఏ॒ష తే॒ యోని॒రిన్ద్రా॑య త్వా మ॒రుత్వ॑తే ॥ 18 ॥
(మ॒రుత్వ॑న్త॒గ్ం॒-షట్విగ్ం॑శతిః) (అ. 17)
ఇన్ద్ర॑ మరుత్వ ఇ॒హ పా॑హి॒ సోమం॒-యఀథా॑ శార్యా॒తే అపి॑బ-స్సు॒తస్య॑ । తవ॒ ప్రణీ॑తీ॒ తవ॑ శూర॒ శర్మ॒న్నా-వి॑వాసన్తి క॒వయ॑-స్సుయ॒జ్ఞాః ॥ ఉ॒ప॒యా॒మగృ॑హీతో॒-ఽసీన్ద్రా॑య త్వా మ॒రుత్వ॑త ఏ॒ష తే॒ యోని॒రిన్ద్రా॑య త్వా మ॒రుత్వ॑తే ॥ 19 ॥
(ఇన్ద్రై॒కా॒న్న త్రి॒గ్ం॒శత్) (అ. 18)
మ॒రుత్వాగ్ం॑ ఇన్ద్ర వృష॒భో రణా॑య॒ పిబా॒ సోమ॑మనుష్వ॒ధ-మ్మదా॑య । ఆ సి॑ఞ్చస్వ జ॒ఠరే॒ మద్ధ్వ॑ ఊ॒ర్మి-న్త్వగ్ం రాజా॑-ఽసి ప్ర॒దివ॑-స్సు॒తానా᳚మ్ ॥ ఉ॒ప॒యా॒మగృ॑హీతో॒-ఽసీన్ద్రా॑య త్వా మ॒రుత్వ॑త ఏ॒ష తే॒ యోని॒రిన్ద్రా॑య త్వా మ॒రుత్వ॑తే ॥ 20 ॥
(మ॒రుత్వా॒నేకా॒న్నత్రి॒గ్ం॒శత్) (అ. 19)
మ॒హాగ్ం ఇన్ద్రో॒ య ఓజ॑సా ప॒ర్జన్యో॑ వృష్టి॒మాగ్ం ఇ॑వ । స్తోమై᳚ర్వ॒థ్సస్య॑ వావృధే ॥ ఉ॒ప॒యా॒మగృ॑హీతో-ఽసి మహే॒న్ద్రాయ॑ త్వై॒ష తే॒ యోని॑-ర్మహే॒న్ద్రాయ॑ త్వా ॥ 21 ॥
(మ॒హానేకా॒న్నవిగ్ం॑శతిః) (అ. 20)
మ॒హాగ్ం ఇన్ద్రో॑ నృ॒వదా చ॑ర్షణి॒ప్రా ఉ॒త ద్వి॒బర్హా॑ అమి॒న-స్సహో॑భిః । అ॒స్మ॒ద్రియ॑గ్వావృధే వీ॒ర్యా॑యో॒రుః పృ॒థు-స్సుకృ॑తః క॒ర్తృభి॑ర్భూత్ ॥ ఉ॒ప॒యా॒మగృ॑హీతో-ఽసి మహే॒న్ద్రాయ॑ త్వై॒ష తే॒ యోని॑-ర్మహే॒న్ద్రాయ॑ త్వా ॥ 22 ॥
(మ॒హా-న్నృ॒వథ్ – షడ్విగ్ం॑శతిః) (అ. 21)
క॒దా చ॒న స్త॒రీర॑సి॒ నేన్ద్ర॑ సశ్చసి దా॒శుషే᳚ । ఉపో॒పేన్ను మ॑ఘవ॒-న్భూయ॒ ఇన్ను తే॒ దాన॑-న్దే॒వస్య॑ పృచ్యతే ॥ ఉ॒ప॒యా॒మగృ॑హీతో-ఽస్యా-ది॒త్యేభ్య॑స్త్వా ॥ క॒దా చ॒న ప్ర యు॑చ్ఛస్యు॒భే ని పా॑సి॒ జన్మ॑నీ । తురీ॑యాదిత్య॒ సవ॑న-న్త ఇన్ద్రి॒యమా త॑స్థావ॒మృత॑-న్ది॒వి ॥ య॒జ్ఞో దే॒వానా॒-మ్ప్రత్యే॑తి సు॒మ్నమాది॑త్యాసో॒ భవ॑తా మృడ॒యన్తః॑ । ఆ వో॒ ఽర్వాచీ॑ సుమ॒తి-ర్వ॑వృత్యాద॒గ్ం॒హో-శ్చి॒ద్యా వ॑రివో॒విత్త॒రా-ఽస॑త్ ॥ వివ॑స్వ ఆదిత్యై॒ష తే॑ సోమపీ॒థస్తేన॑ మన్దస్వ॒ తేన॑ తృప్య తృ॒ప్యాస్మ॑ తే వ॒య-న్త॑ర్పయి॒తారో॒ యా ది॒వ్యా వృష్టి॒స్తయా᳚ త్వా శ్రీణామి ॥ 23 ॥
(వః॒- స॒ప్తవిగ్ం॑శతిశ్చ) (అ. 22)
వా॒మమ॒ద్య స॑వితర్వా॒మము॒ శ్వో ది॒వేది॑వే వా॒మమ॒స్మభ్యగ్ం॑ సావీః ॥ వా॒మస్య॒ హి ఖ్షయ॑స్య దేవ॒ భూరే॑ర॒యా ధి॒యా వా॑మ॒భాజ॑-స్స్యామ ॥ ఉ॒ప॒యా॒మగృ॑హీతో-ఽసి దే॒వాయ॑ త్వా సవి॒త్రే ॥ 24 ॥
(వా॒మం-చతు॑ర్విగ్ంశతిః) (అ. 23)
అద॑బ్ధేభి-స్సవితః పా॒యుభి॒ష్ట్వగ్ం శి॒వేభి॑ర॒ద్య పరి॑పాహి నో॒ గయ᳚మ్ । హిర॑ణ్యజిహ్వ-స్సువి॒తాయ॒ నవ్య॑సే॒ రఖ్షా॒ మాకి॑ర్నో అ॒ఘశగ్ం॑స ఈశత ॥ ఉ॒ప॒యా॒మగృ॑హీతో-ఽసి దే॒వాయ॑ త్వా సవి॒త్రే ॥ 25 ॥
(అద॑బ్ధేభి॒-స్త్రియో॑విగ్ంశతిః) (అ. 24)
హిర॑ణ్యపాణిమూ॒తయే॑ సవి॒తార॒ముప॑ హ్వయే । స చేత్తా॑ దే॒వతా॑ ప॒దమ్ ॥ ఉ॒ప॒యా॒మగృ॑హీతో-ఽసి దే॒వాయ॑ త్వా సవి॒త్రే ॥ 26 ॥
(హిర॑ణ్యపాణిం॒-చతు॑ర్దశ) (అ. 25)
సు॒శర్మా॑-ఽసి సుప్రతిష్ఠా॒నో బృ॒హదు॒ఖ్షే నమ॑ ఏ॒ష తే॒ యోని॒-ర్విశ్వే᳚భ్యస్త్వా దే॒వేభ్యః॑ ॥ 27 ॥
(సు॒శర్మా॒-ద్వాద॑శ) (అ. 26)
బృహ॒స్పతి॑సుతస్య త ఇన్దో ఇన్ద్రి॒యావ॑తః॒ పత్నీ॑వన్త॒-ఙ్గ్రహ॑-ఙ్గృహ్ణా॒మ్యగ్నా(3)ఇ పత్నీ॒వా(3) స్స॒జూర్దే॒వేన॒ త్వష్ట్రా॒ సోమ॑-మ్పిబ॒ స్వాహా᳚ ॥ 28 ॥
(బృహ॒స్పతి॑సుతస్య॒-పఞ్చ॑దశ) (అ. 27)
హరి॑రసి హారియోజ॒నో హర్యో᳚-స్స్థా॒తా వజ్ర॑స్య భ॒ర్తా పృశ్ఞేః᳚ ప్రే॒తా తస్య॑ తే దేవ సోమే॒ష్టయ॑జుష-స్స్తు॒తస్తో॑మస్య శ॒స్తోక్థ॑స్య॒ హరి॑వన్త॒-ఙ్గ్రహ॑-ఙ్గృహ్ణామి హ॒రీ-స్స్థ॒ హర్యో᳚ర్ధా॒నా-స్స॒హసో॑మా॒ ఇన్ద్రా॑య॒ స్వాహా᳚ ॥ 29 ॥
(హరి॑రసి॒-షడ్విగ్ం॑శతిః) (అ. 28)
అగ్న॒ ఆయూగ్ం॑షి పవస॒ ఆ సు॒వోర్జ॒మిష॑-ఞ్చ నః । ఆ॒రే బా॑ధస్వ దు॒చ్ఛునా᳚మ్ ॥ ఉ॒ప॒యా॒మగృ॑హీతో-ఽస్య॒గ్నయే᳚ త్వా॒ తేజ॑స్వత ఏ॒ష తే॒ యోని॑ర॒గ్నయే᳚ త్వా॒ తేజ॑స్వతే ॥ 30 ॥
(అగ్న॒ ఆయూగ్ం॑షి॒-త్రయో॑విగ్ంశతిః) (అ. 29)
ఉ॒త్తిష్ఠ॒న్నోజ॑సా స॒హ పీ॒త్వా శిప్రే॑ అవేపయః । సోమ॑మిన్ద్ర చ॒మూ సు॒తమ్ ॥ ఉ॒ప॒యా॒మగృ॑హీతో॒-ఽసీన్ద్రా॑య॒ త్వౌజ॑స్వత ఏ॒ష తే॒ యోని॒రిన్ద్రా॑య॒ త్వౌజ॑స్వతే ॥ 31 ॥
(ఉ॒త్తిష్ఠ॒న్నేక॑విగ్ంశతిః) (అ. 30)
త॒రణి॑-ర్వి॒శ్వద॑ర్శతో జ్యోతి॒ష్కృద॑సి సూర్య । విశ్వ॒మా భా॑సి రోచ॒నమ్ ॥ ఉ॒ప॒యా॒మగృ॑హీతో-ఽసి॒ సూర్యా॑య త్వా॒ భ్రాజ॑స్వత ఏ॒ష తే॒ యోని॒-స్సూర్యా॑య త్వా॒ భ్రాజ॑స్వతే ॥ 32 ॥
(త॒రణి॑-ర్విగ్ంశ॒తిః) (అ. 31)
ఆ ప్యా॑యస్వ మదిన్తమ॒ సోమ॒ విశ్వా॑భి-రూ॒తిభిః॑ । భవా॑ న-స్స॒ప్రథ॑స్తమః ॥ 33 ॥
(ఆ ప్యా॑యస్వ॒-నవ॑) (అ. 32)
ఈ॒యుష్టే యే పూర్వ॑తరా॒మప॑శ్యన్ వ్యు॒చ్ఛన్తీ॑ము॒షస॒-మ్మర్త్యా॑సః । అ॒స్మాభి॑రూ॒ ను ప్ర॑తి॒చఖ్ష్యా॑-ఽభూ॒దో తే య॑న్తి॒ యే అ॑ప॒రీషు॒ పశ్యాన్॑ ॥ 34 ॥
(ఈ॒యు-రేకా॒న్నవిగ్ం॑శతిః) (అ. 33)
జ్యోతి॑ష్మతీ-న్త్వా సాదయామి జ్యోతి॒ష్కృత॑-న్త్వా సాదయామి జ్యోతి॒ర్విద॑-న్త్వా సాదయామి॒ భాస్వ॑తీ-న్త్వా సాదయామి॒ జ్వల॑న్తీ-న్త్వా సాదయామి మల్మలా॒భవ॑న్తీ-న్త్వా సాదయామి॒ దీప్య॑మానా-న్త్వా సాదయామి॒ రోచ॑మానా-న్త్వా సాదయా॒మ్యజ॑స్రా-న్త్వా సాదయామి బృ॒హజ్జ్యో॑తిష-న్త్వా సాదయామి బో॒ధయ॑న్తీ-న్త్వా సాదయామి॒ జాగ్ర॑తీ-న్త్వా సాదయామి ॥ 35 ॥
(జ్యోతి॑ష్మతీ॒గ్ం॒-షట్త్రిగ్ం॑శత్) (అ. 34)
ప్ర॒యా॒సాయ॒ స్వాహా॑ ఽఽయా॒సాయ॒ స్వాహా॑ వియా॒సాయ॒ స్వాహా॑ సంయాఀ॒సాయ॒ స్వాహో᳚ద్యా॒సాయ॒ స్వాహా॑-ఽవయా॒సాయ॒ స్వాహా॑ శు॒చే స్వాహా॒ శోకా॑య॒ స్వాహా॑ తప్య॒త్వై స్వాహా॒ తప॑తే॒ స్వాహా᳚ బ్రహ్మహ॒త్యాయై॒ స్వాహా॒ సర్వ॑స్మై॒ స్వాహా᳚ ॥ 36 ॥
(ప్ర॒యా॒సాయ॒-చతు॑ర్విగ్ంశతిః ) (అ. 35)
చి॒త్తగ్ం స॑న్తా॒నేన॑ భ॒వం-యఀ॒క్నా రు॒ద్ర-న్తని॑మ్నా పశు॒పతిగ్గ్॑ స్థూలహృద॒యేనా॒గ్నిగ్ం హృద॑యేన రు॒ద్రం-లోఀహి॑తేన శ॒ర్వ-మ్మత॑స్నాభ్యా-మ్మహాదే॒వ-మ॒న్తఃపా᳚ర్శ్వేనౌషిష్ఠ॒హనగ్ం॑ శిఙ్గీనికో॒శ్యా᳚భ్యామ్ ॥ 37 ॥
(చి॒త్త-మ॒ష్టాద॑శ) (అ. 36)
ఆ తి॑ష్ఠ వృత్రహ॒-న్రథం॑-యుఀ॒క్తా తే॒ బ్రహ్మ॑ణా॒ హరీ᳚ । అ॒ర్వా॒చీన॒గ్ం॒ సు తే॒ మనో॒ గ్రావా॑ కృణోతు వ॒గ్నునా᳚ ॥ ఉ॒ప॒యా॒మగృ॑హీతో॒-ఽసీన్ద్రా॑య త్వా షోడ॒శిన॑ ఏ॒ష తే॒ యోని॒రిన్ద్రా॑య త్వా షోడ॒శినే᳚ ॥ 38 ॥
(ఆ తి॑ష్ట॒-షట్విగ్ం॑శతిః) (అ. 37)
ఇన్ద్ర॒మిద్ధరీ॑ వహ॒తో-ఽప్ర॑తిధృష్టశవస॒-మృషీ॑ణా-ఞ్చ స్తు॒తీరుప॑ య॒జ్ఞ-ఞ్చ॒ మాను॑షాణామ్ ॥ ఉ॒ప॒యా॒మగృ॑హీతో॒-ఽసీన్ద్రా॑య త్వా షోడ॒శిన॑ ఏ॒ష తే॒ యోని॒రిన్ద్రా॑య త్వా షోడ॒శినే᳚ ॥ 39 ॥
(ఇన్ద్ర॒మిత్-త్రయో॑విగ్ంశతిః) (అ. 38)
అసా॑వి॒ సోమ॑ ఇన్ద్ర తే॒ శవి॑ష్ఠ ధృష్ణ॒వా గ॑హి । ఆ త్వా॑ పృణక్త్విన్ద్రి॒యగ్ం రజ॒-స్సూర్య॒-న్న ర॒శ్మిభిః॑ ॥ ఉ॒ప॒యా॒మగృ॑హీతో॒-ఽసీన్ద్రా॑య త్వా షోడ॒శిన॑ ఏ॒ష తే॒ యోని॒రిన్ద్రా॑య త్వా షోడ॒శినే᳚ ॥ 40 ॥
(అసా॑వి-స॒ప్తవిగ్ం॑శతిః) (అ. 39)
సర్వ॑స్య ప్రతి॒శీవ॑రీ॒ భూమి॑స్త్వో॒పస్థ॒ ఆ-ఽధి॑త । స్యో॒నా-ఽస్మై॑ సు॒షదా॑ భవ॒ యచ్ఛా᳚-ఽస్మై శర్మ॑ స॒ప్రథాః᳚ ॥ ఉ॒ప॒యా॒మగృ॑హీతో॒-ఽసీన్ద్రా॑య త్వా షోడ॒శిన॑ ఏ॒ష తే॒ యోని॒రిన్ద్రా॑య త్వా షోడ॒శినే᳚ ॥ 41 ॥
(సర్వ॑స్య॒ షడ్విగ్ం॑శతిః) (అ. 40)
మ॒హాగ్ం ఇన్ద్రో॒ వజ్ర॑బాహు-ష్షోడ॒శీ శర్మ॑ యచ్ఛతు । స్వ॒స్తి నో॑ మ॒ఘవా॑ కరోతు॒ హన్తు॑ పా॒ప్మానం॒-యోఀ᳚-ఽస్మా-న్ద్వేష్టి॑ ॥ ఉ॒ప॒యా॒మగృ॑హీతో॒-ఽసీన్ద్రా॑య త్వా షోడ॒శిన॑ ఏ॒ష తే॒ యోని॒రిన్ద్రా॑య త్వా షోడ॒శినే᳚ ॥ 42 ॥
(మ॒హాన్-షడ్విగ్ం॑శతిః) (అ. 41)
స॒జోషా॑ ఇన్ద్ర॒ సగ॑ణో మ॒రుద్భి॒-స్సోమ॑-మ్పిబ వృత్రహఞ్ఛూర వి॒ద్వాన్ । జ॒హి శత్రూ॒గ్ం॒ రప॒ మృధో॑ నుద॒స్వా-ఽథాభ॑య-ఙ్కృణుహి వి॒శ్వతో॑ నః ॥ ఉ॒ప॒యా॒మగృ॑హీతో॒-ఽసీన్ద్రా॑య త్వా షోడ॒శిన॑ ఏ॒ష తే॒ యోని॒రిన్ద్రా॑య త్వా షోడ॒శినే᳚ ॥ 43 ॥
(స॒జోషాః᳚-త్రి॒గ్ం॒శత్) (అ. 42)
ఉదు॒ త్య-ఞ్జా॒తవే॑దస-న్దే॒వం-వఀ ॑హన్తి కే॒తవః॑ । దృ॒శే విశ్వా॑య॒ సూర్య᳚మ్ ॥ చి॒త్ర-న్దే॒వానా॒-ముద॑గా॒దనీ॑క॒-ఞ్చఖ్షు॑-ర్మి॒త్రస్య॒ వరు॑ణస్యా॒-ఽగ్నేః । ఆ-ఽప్రా॒ ద్యావా॑పృథి॒వీ అ॒న్తరి॑ఖ్ష॒గ్ం॒ సూర్య॑ ఆ॒త్మా జగ॑తస్త॒స్థుష॑శ్చ ॥ అగ్నే॒ నయ॑ సు॒పథా॑ రా॒యే అ॒స్మాన్. విశ్వా॑ని దేవ వ॒యునా॑ని వి॒ద్వాన్ । యు॒యో॒ద్ధ్య॑స్మ-జ్జు॑హురా॒ణ మేనో॒ భూయి॑ష్ఠా-న్తే॒ నమ॑ఉక్తిం-విఀధేమ ॥ దివ॑-ఙ్గచ్ఛ॒ సువః॑ పత రూ॒పేణ॑ [రూ॒పేణ॑, వో॒ రూ॒పమ॒భ్యైమి॒ వయ॑సా॒ వయః॑ ।] ॥ 44 ॥
వో రూ॒పమ॒భ్యైమి॒ వయ॑సా॒ వయః॑ । తు॒థో వో॑ వి॒శ్వవే॑దా॒ వి భ॑జతు॒ వర్షి॑ష్ఠే॒ అధి॒ నాకే᳚ ॥ ఏ॒తత్తే॑ అగ్నే॒ రాధ॒ ఐతి॒ సోమ॑చ్యుత॒-న్తన్మి॒త్రస్య॑ ప॒థా న॑య॒ర్తస్య॑ ప॒థా ప్రేత॑ చ॒న్ద్రద॑ఖ్షిణా య॒జ్ఞస్య॑ ప॒థా సు॑వి॒తా నయ॑న్తీ-ర్బ్రాహ్మ॒ణమ॒ద్య రా᳚ద్ధ్యాస॒మృషి॑మార్షే॒య-మ్పి॑తృ॒మన్త॑-మ్పైతృమ॒త్యగ్ం సు॒ధాతు॑దఖ్షిణం॒-విఀ సువః॒ పశ్య॒ వ్య॑న్తరి॑ఖ్షం॒-యఀత॑స్వ సద॒స్యై॑ ర॒స్మద్దా᳚త్రా దేవ॒త్రా గ॑చ్ఛత॒ మధు॑మతీః ప్రదా॒తార॒మా వి॑శ॒తా-ఽన॑వహాయా॒-ఽస్మా-న్దే॑వ॒యానే॑న ప॒థేత॑ సు॒కృతాం᳚-లోఀ॒కే సీ॑దత॒ తన్న॑-స్సగ్గ్స్కృ॒తమ్ ॥ 45 ॥
(రూ॒పేణ॑-సద॒స్యై॑-ర॒ష్టాద॑శ చ) (అ. 43)
ధా॒తా రా॒తి-స్స॑వి॒తేద-ఞ్జు॑షన్తా-మ్ప్ర॒జాప॑తి-ర్నిధి॒పతి॑ర్నో అ॒గ్నిః । త్వష్టా॒ విష్ణుః॑ ప్ర॒జయా॑ సగ్ంరరా॒ణో యజ॑మానాయ॒ ద్రవి॑ణ-న్దధాతు ॥ సమి॑న్ద్ర ణో॒ మన॑సా నేషి॒ గోభి॒-స్సగ్ం సూ॒రిభి॑ర్మఘవ॒న్-థ్సగ్గ్ స్వ॒స్త్యా । స-మ్బ్రహ్మ॑ణా దే॒వకృ॑తం॒-యఀదస్తి॒ స-న్దే॒వానాగ్ం॑ సుమ॒త్యా య॒జ్ఞియా॑నామ్ ॥ సం-వఀర్చ॑సా॒ పయ॑సా॒ స-న్త॒నూభి॒-రగ॑న్మహి॒ మన॑సా॒ సగ్ం శి॒వేన॑ ॥ త్వష్టా॑ నో॒ అత్ర॒ వరి॑వః కృణో॒- [వరి॑వః కృణోతు, అను॑ మార్ష్టు] 46
త్వను॑ మార్ష్టు త॒నువో॒ యద్విలి॑ష్టమ్ ॥ యద॒ద్య త్వా᳚ ప్రయ॒తి య॒జ్ఞే అ॒స్మిన్నగ్నే॒ హోతా॑ర॒మవృ॑ణీమహీ॒హ । ఋధ॑గయా॒డృధ॑గు॒తా-ఽశ॑మిష్ఠాః ప్రజా॒నన్. య॒జ్ఞముప॑ యాహి వి॒ద్వాన్ ॥ స్వ॒గా వో॑ దేవా॒-స్సద॑నమకర్మ॒ య ఆ॑జ॒గ్మ సవ॑నే॒ద-ఞ్జు॑షా॒ణాః । జ॒ఖ్షి॒వాగ్ంసః॑ పపి॒వాగ్ంస॑శ్చ॒ విశ్వే॒-ఽస్మే ధ॑త్త వసవో॒ వసూ॑ని ॥ యానా-ఽవ॑హ ఉశ॒తో దే॑వ దే॒వా-న్తా- [దే॒వా-న్తాన్, ప్రేర॑య॒ స్వే అ॑గ్నే స॒ధస్థే᳚ ।] 47
న్ప్రేర॑య॒ స్వే అ॑గ్నే స॒ధస్థే᳚ । వహ॑మానా॒ భర॑మాణా హ॒వీగ్ంషి॒ వసు॑-ఙ్ఘ॒ర్మ-న్దివ॒మా తి॑ష్ఠ॒తాను॑ । యజ్ఞ॑ య॒జ్ఞ-ఙ్గ॑చ్ఛ య॒జ్ఞప॑తి-ఙ్గచ్ఛ॒ స్వాం-యోఀని॑-ఙ్గచ్ఛ॒ స్వాహై॒ష తే॑ య॒జ్ఞో య॑జ్ఞపతే స॒హసూ᳚క్తవాక-స్సు॒వీర॒-స్స్వాహా॒ దేవా॑ గాతువిదో గా॒తుం-విఀ॒త్త్వా గా॒తుమి॑త॒ మన॑సస్పత ఇ॒మ-న్నో॑ దేవ దే॒వేషు॑ య॒జ్ఞగ్గ్ స్వాహా॑ వా॒చి స్వాహా॒ వాతే॑ ధాః ॥ 48 ॥
(కృ॒ణో॒తు॒-తాన॒-ష్టాచ॑త్వారిగ్ంశచ్చ ) (అ. 44)
ఉ॒రుగ్ం హి రాజా॒ వరు॑ణశ్చ॒కార॒ సూర్యా॑య॒ పన్థా॒-మన్వే॑త॒వా ఉ॑ । అ॒పదే॒ పాదా॒ ప్రతి॑ధాతవే-ఽకరు॒తా-ఽప॑వ॒క్తా హృ॑దయా॒విధ॑శ్చిత్ ॥ శ॒త-న్తే॑ రాజ-న్భి॒షజ॑-స్స॒హస్ర॑ము॒ర్వీ గ॑మ్భీ॒రా సు॑మ॒తిష్టే॑ అస్తు । బాధ॑స్వ॒ ద్వేషో॒ నిర్-ఋ॑తి-మ్పరా॒చైః కృ॒త-ఞ్చి॒దేనః॒ ప్ర ము॑ముగ్ద్ధ్య॒స్మత్ ॥ అ॒భిష్ఠి॑తో॒ వరు॑ణస్య॒ పాశో॒-ఽగ్నేరనీ॑కమ॒ప ఆ వి॑వేశ । అపా᳚న్నపా-త్ప్రతి॒రఖ్ష॑న్నసు॒ర్య॑-న్దమే॑దమే [ ] 49
స॒మిధం॑-యఀఖ్ష్యగ్నే ॥ ప్రతి॑ తే జి॒హ్వా ఘృ॒తముచ్చ॑రణ్యే-థ్సము॒ద్రే తే॒ హృద॑యమ॒ఫ్స్వ॑న్తః । స-న్త్వా॑ విశ॒న్త్వోష॑ధీ-రు॒తా-ఽఽపో॑ య॒జ్ఞస్య॑ త్వా యజ్ఞపతే హ॒విర్భిః॑ ॥ సూ॒క్త॒వా॒కే న॑మోవా॒కే వి॑ధే॒మా-ఽవ॑భృథ నిచఙ్కుణ నిచే॒రుర॑సి నిచఙ్కు॒ణా-ఽవ॑ దే॒వై-ర్దే॒వకృ॑త॒మేనో॑-ఽయా॒డవ॒ మర్త్యై॒-ర్మర్త్య॑కృతము॒రోరా నో॑ దేవ రి॒షస్పా॑హి సుమి॒త్రా న॒ ఆప॒ ఓష॑ధయ- [ఓష॑ధయః, స॒న్తు॒ దు॒ర్మి॒త్రాస్తస్మై॑] 50
స్సన్తు దుర్మి॒త్రాస్తస్మై॑ భూయాసు॒-ర్యో᳚-ఽస్మా-న్ద్వేష్టి॒ య-ఞ్చ॑ వ॒య-న్ద్వి॒ష్మో దేవీ॑రాప ఏ॒ష వో॒ గర్భ॒స్తం-వఀ॒-స్సుప్రీ॑త॒గ్ం॒ సుభృ॑త-మకర్మ దే॒వేషు॑ న-స్సు॒కృతో᳚ బ్రూతా॒-త్ప్రతి॑యుతో॒ వరు॑ణస్య॒ పాశః॒ ప్రత్య॑స్తో॒ వరు॑ణస్య॒ పాశ॒ ఏధో᳚-ఽస్యేధిషీ॒మహి॑ స॒మిద॑సి॒ తేజో॑-ఽసి తేజో॒ మయి॑ ధేహ్య॒పో అన్వ॑చారిష॒గ్ం॒ రసే॑న॒ సమ॑సృఖ్ష్మహి । పయ॑స్వాగ్ం అగ్న॒ ఆ ఽగ॑మ॒-న్త-మ్మా॒ సగ్ం సృ॑జ॒ వర్చ॑సా ॥ 51 ॥
(దమే॑దమ॒-ఓష॑ధయ॒- ఆ-షట్చ॑) (అ. 45)
యస్త్వా॑ హృ॒దా కీ॒రిణా॒ మన్య॑మా॒నో ఽమ॑ర్త్య॒-మ్మర్త్యో॒ జోహ॑వీమి । జాత॑వేదో॒ యశో॑ అ॒స్మాసు॑ ధేహి ప్ర॒జాభి॑రగ్నే అమృత॒త్వమ॑శ్యామ్ ॥ యస్మై॒ త్వగ్ం సు॒కృతే॑ జాతవేద॒ ఉ లో॒కమ॑గ్నే కృ॒ణవ॑-స్స్యో॒నమ్ । అ॒శ్విన॒గ్ం॒ స పు॒త్రిణం॑-వీఀ॒రవ॑న్త॒-ఙ్గోమ॑న్తగ్ం ర॒యి-న్న॑శతే స్వ॒స్తి ॥ త్వే సు పు॑త్ర శవ॒సో-ఽవృ॑త్ర॒న్ కామ॑కాతయః । న త్వామి॒న్ద్రాతి॑ రిచ్యతే ॥ ఉ॒క్థౌ॑క్థే॒ సోమ॒ ఇన్ద్ర॑-మ్మమాద నీ॒థేనీ॑థే మ॒ఘవా॑నగ్ం [మ॒ఘవా॑నగ్ం, సు॒తాసః॑ ।] 52
సు॒తాసః॑ । యదీగ్ం॑ స॒బాధః॑ పి॒తర॒-న్న పు॒త్రా-స్స॑మా॒నద॑ఖ్షా॒ అవ॑సే॒ హవ॑న్తే ॥ అగ్నే॒ రసే॑న॒ తేజ॑సా॒ జాత॑వేదో॒ వి రో॑చసే । ర॒ఖ్షో॒హా-ఽమీ॑వ॒చాత॑నః ॥ అ॒పో అన్వ॑చారిష॒గ్ం॒ రసే॑న॒ సమ॑సృఖ్ష్మహి । పయ॑స్వాగ్ం అగ్న॒ ఆ-ఽగ॑మ॒-న్త-మ్మా॒ సగ్ం సృ॑జ॒ వర్చ॑సా ॥వసు॒-ర్వసు॑పతి॒ర్॒ హిక॒మస్య॑గ్నే వి॒భావ॑సుః । స్యామ॑ తే సుమ॒తావపి॑ ॥ త్వామ॑గ్నే॒ వసు॑పతిం॒-వఀసూ॑నామ॒భి ప్ర మ॑న్దే [ప్ర మ॑న్దే, అ॒ద్ధ్వ॒రేషు॑ రాజన్న్ ।] 53
అద్ధ్వ॒రేషు॑ రాజన్న్ । త్వయా॒ వాజం॑-వాఀజ॒యన్తో॑ జయేమా॒-ఽభిష్యా॑మ పృథ్సు॒తీ-ర్మర్త్యా॑నామ్ । త్వామ॑గ్నే వాజ॒సాత॑మం॒-విఀప్రా॑ వర్ధన్తి॒ సుష్టు॑తమ్ । స నో॑ రాస్వ సు॒వీర్య᳚మ్ ॥ అ॒య-న్నో॑ అ॒గ్నిర్వరి॑వః కృణోత్వ॒య-మ్మృధః॑ పు॒ర ఏ॑తు ప్రభి॒న్దన్న్ ॥ అ॒యగ్ం శత్రూ᳚ఞ్జయతు॒ జర్హృ॑షాణో॒-ఽయం-వాఀజ॑-ఞ్జయతు॒ వాజ॑సాతౌ ॥ అ॒గ్నినా॒-ఽగ్ని-స్సమి॑ద్ధ్యతే క॒వి-ర్గృ॒హప॑తి॒-ర్యువా᳚ । హ॒వ్య॒వాడ్-జు॒హ్వా᳚స్యః ॥ త్వగ్గ్ హ్య॑గ్నే అ॒గ్నినా॒ విప్రో॒ విప్రే॑ణ॒ సన్థ్స॒తా । సఖా॒ సఖ్యా॑ సమి॒ద్ధ్యసే᳚ ॥ ఉద॑గ్నే॒ శుచ॑య॒స్తవ॒, వి జ్యోతి॑షా ॥ 54 ॥
(మ॒ఘవా॑నం-మన్దే॒-హ్య॑గ్నే॒-చతు॑ర్దశ చ) (అ. 46)
(ఆ ద॑దే-వా॒చస్పత॑య-ఉపయా॒మగృ॑హీతో॒-ఽస్యా వా॑యో -అ॒యం-వాఀం॒ – యాఀ వాం᳚-ప్రాత॒ర్యుజా॑-వ॒యన్-తం -యేఀ దే॑వా-స్త్రి॒గ్ం॒శ-దు॑పయా॒మగృ॑హీతో-ఽసి-మూ॒ర్ధానం॒-మధు॒శ్చే-న్ద్రా᳚గ్నీ॒; ఓమా॑సో-మ॒రుత్వ॑న్త॒-మిన్ద్ర॑ మరుత్వో-మ॒రుత్వా᳚న్- మ॒హా-న్మ॒హాన్ను॒వత్-క॒దా-వా॒మ-మద॑బ్ధేభి॒ర్॒ హిర॑ణ్యపాణిగ్ం-సు॒శర్మా॒-బృహ॒స్పతి॑ సుతస్య॒ – హరి॑ర॒స్య-గ్న॑-ఉ॒త్తిష్ఠ॑న్-త॒రణి॒- రాప్యా॑యస్వే॒-యుష్టే యే-జ్యోతి॑ష్మతీం-ప్రయా॒సాయ॑-చి॒త్త-మాతి॒ష్ఠే-న్ద్ర॒-మసా॑వి॒-సర్వ॑స్య-మ॒హాన్-థ్స॒జోషా॒-ఉదు॒త్యం-ధా॒తో-రుగ్ం హి-య-స్త్వా॒ షట్చ॑త్వారిగ్ంశత్ ।)
(వా॒చ ప్రా॒ణాయ॑ త్వా । ఉ॒ప॒యా॒మగృ॑హీతో-ఽస్యపా॒నాయ॑ త్వా । ఆ వా॑యో వా॒యవే॑ స॒జోషా᳚భ్యా-న్త్వా । అ॒యమృ॑తా॒యుభ్యా᳚-న్త్వా । యా వా॑మ॒శ్విభ్యా॒-మ్మాద్ధ్వీ᳚భ్యా-న్త్వా । ప్రా॒త॒ర్యుజా॑వ॒శ్విభ్యా॑మ॒శ్విభ్యా᳚-న్త్వా । అ॒యగ్ం శణ్డా॑య వీ॒రతా᳚-మ్పాహి । త-మ్మర్కా॑య ప్ర॒జాః పా॑హి । యే దే॑వా స్త్రి॒గ్ం॒శదా᳚గ్రయ॒ణో॑-ఽసి॒ విశ్వే᳚భ్యస్త్వా దే॒వేభ్యః॑ । ఉ॒ప॒యా॒మగృ॑హీతో॒-ఽసీన్ద్రా॑య త్వోక్థా॒యువే᳚ । మూ॒ర్ధాన॑మ॒గ్నయే᳚ త్వా వైశ్వాన॒రాయ॑ । మధు॑శ్చ స॒గ్ం॒ సర్పో॑-ఽసి । ఇన్ద్రా᳚గ్నీ ఇన్ద్రా॒గ్నిభ్యా᳚-న్త్వా । ఓమా॑సో॒ విశ్వే᳚భ్యస్త్వా దే॒వేభ్యః॑ । మ॒రుత్వ॑-న్త॒న్త్రీణీన్ద్రా॑య త్వా మ॒రుత్వ॑తే । మ॒హాన్ద్వే మ॑హే॒న్ద్రాయ॑ త్వా । క॒దా చ॒నా-ఽఽది॒త్యేభ్య॑స్త్వా । క॒దా చ॒న స్త॒రీ-ర్వివ॑స్వ ఆదిత్య । ఇన్ద్ర॒గ్ం॒ శుచి॑ర॒పః । వా॒మన్త్రీణీ॑ దే॒వాయ॑ త్వా సవి॒త్రే । సు॒శర్మా॑-ఽసి॒ విశ్వే᳚భ్యస్త్వా దే॒వేభ్యః॑ । బృహ॒స్పతి॑-సుతస్య॒ త్వష్ట్రా॒ సోమ॑-మ్పిబ॒ స్వాహా᳚ । హరి॑రసి స॒హసో॑మా॒ ఇన్ద్రా॑య॒ స్వాహా᳚ । అగ్న॒ ఆయూగ్॑ష్య॒గ్నయే᳚ త్వా॒ తేజ॑స్వతే । ఉ॒త్తిష్ఠ॒న్నిన్ద్రా॑య॒ త్వౌజ॑స్వతే । త॒రణి॒-స్సూర్యా॑య త్వా॒ భ్రాజ॑స్వతే । ఆ తి॑ష్ఠాద్యా॒ష్షటిన్ద్రా॑య త్వా షోడ॒శినే᳚ । ఉదు॒ త్య-ఞ్చి॒త్రమ్ । అగ్నే॒ నయ॒ దివ॑-ఙ్గచ్ఛ । ఉ॒రూమాయు॑ష్టే॒ యద్దే॑వా ముముగ్ధి । అగ్నా॑విష్ణూ సుక్రతూ ముముక్తమ్ । పరా॒ వై ప॒ఙ్క్త్యః॑ । దే॒వా వై యే దే॒వాః ప॒ఙ్క్త్యో᳚ । పరా॒ వై స వాచ᳚మ్ । భూమి॒ర్వ్య॑తృష్యన్న్ । ప్ర॒జాప॑తి॒-ర్వ్య॑ఖ్షుద్ధ్యన్న్ । భూమి॑రాది॒యా వై । అ॒గ్ని॒హో॒త్రమా॑ది॒త్యో వై । భూమి॒-ర్లేక॒-స్సలే॑క-స్సు॒లేకః॑ । విష్ణో॒రుదు॑త్త॒మమ్ । అన్న॑పతే॒ పున॑స్వా-ఽఽది॒త్యాః । ఉ॒రుగ్ం సగ్ం సృ॑జ॒ వర్చ॑సా । యస్త్వా॒ సుష్టు॑తమ్ । త్వమ॑గ్నే యు॒ఖ్ష్వా హి సు॑ష్టి॒తిమ్ । త్వమ॑గ్నే॒ విచ॑ర్షణే । యత్వా॒ వి రో॑చసే ।)
(ఆ ద॑దే॒-యే దే॑వా-మ॒హా-ను॒త్తిష్ఠ॒న్-థ్సర్వ॑స్య-సన్తు దుర్మి॒త్రా-శ్చతు॑ష్పఞ్చా॒శత్ ।)
(ఆ ద॑దే॒, వి జ్యోతి॑షా)
॥ హరిః॑ ఓమ్ ॥
॥ కృష్ణ యజుర్వేదీయ తైత్తిరీయ సంహితాయా-మ్ప్రథమకాణ్డే చతుర్థః ప్రశ్న-స్సమాప్తః ॥