కృష్ణ యజుర్వేదీయ తైత్తిరీయ సంహితాయా-మ్ప్రథమకాణ్డే పఞ్చమః ప్రశ్నః – పునరాధానం
ఓ-న్నమః పరమాత్మనే, శ్రీ మహాగణపతయే నమః,
శ్రీ గురుభ్యో నమః । హ॒రిః॒ ఓమ్ ॥
దే॒వా॒సు॒రా-స్సంయఀ ॑త్తా ఆస॒న్తే దే॒వా వి॑జ॒యము॑ప॒యన్తో॒ ఽగ్నౌ వా॒మం-వఀసు॒ స-న్న్య॑దధతే॒దము॑ నో భవిష్యతి॒ యది॑ నో జే॒ష్యన్తీతి॒ తద॒గ్నిర్న్య॑కామయత॒ తేనాపా᳚క్రామ॒-త్తద్దే॒వా వి॒జిత్యా॑వ॒రురు॑థ్సమానా॒ అన్వా॑య॒-న్తద॑స్య॒ సహ॒సా-ఽఽది॑థ్సన్త॒ సో॑ ఽరోదీ॒ద్యదరో॑దీ॒-త్త-ద్రు॒ద్రస్య॑ రుద్ర॒త్వం-యఀదశ్వ్రశీ॑యత॒ త- [తత్, ర॒జ॒తగ్ం] 1
ద్ర॑జ॒తగ్ం హిర॑ణ్యమభవ॒-త్తస్మా᳚-ద్రజ॒తగ్ం హిర॑ణ్య-మదఖ్షి॒ణ్య-మ॑శ్రు॒జగ్ం హి యో బ॒ర్॒హిషి॒ దదా॑తి పు॒రా-ఽస్య॑ సంవఀథ్స॒రా-ద్గృ॒హే రు॑దన్తి॒ తస్మా᳚-ద్బ॒ర్॒హిషి॒ న దేయ॒గ్ం॒ సో᳚-ఽగ్నిర॑బ్రవీ-ద్భా॒గ్య॑సా॒న్యథ॑ వ ఇ॒దమితి॑ పునరా॒ధేయ॑-న్తే॒ కేవ॑ల॒మిత్య॑బ్రువ-న్నృ॒ద్ధ్నవ॒-త్ఖలు॒ స ఇత్య॑బ్రవీ॒ద్యో మ॑ద్దేవ॒త్య॑-మ॒గ్ని-మా॒దధా॑తా॒ ఇతి॒ త-మ్పూ॒షా-ఽఽధ॑త్త॒ తేన॑ [ ] 2
పూ॒షా-ఽఽర్ధ్నో॒-త్తస్మా᳚-త్పౌ॒ష్ణాః ప॒శవ॑ ఉచ్యన్తే॒ త-న్త్వష్టా-ఽఽధ॑త్త॒ తేన॒ త్వష్టా᳚-ఽఽర్ధ్నో॒-త్తస్మా᳚-త్త్వా॒ష్ట్రాః ప॒శవ॑ ఉచ్యన్తే॒ త-మ్మను॒రా-ఽధ॑త్త॒ తేన॒ మను॑రా॒ర్ధ్నో॒-త్తస్మా᳚న్మాన॒వ్యః॑ ప్ర॒జా ఉ॑చ్యన్తే॒ త-న్ధా॒తా-ఽఽధ॑త్త॒ తేన॑ ధా॒తా-ఽఽర్ధ్నో᳚-థ్సంవఀథ్స॒రో వై ధా॒తా తస్మా᳚-థ్సంవఀథ్స॒ర-మ్ప్ర॒జాః ప॒శవో-ఽను॒ ప్ర జా॑యన్తే॒ య ఏ॒వ-మ్పు॑నరా॒ధేయ॒స్యర్ధిం॒-వేఀద॒- [ఏ॒వ-మ్పు॑నరా॒ధేయ॒స్యర్ధిం॒-వేఀద॑, ఋ॒ధ్నోత్యే॒వ] 3
-ర్ధ్నోత్యే॒వ యో᳚-ఽస్యై॒వ-మ్బ॒న్ధుతాం॒-వేఀద॒ బన్ధు॑మా-న్భవతి భాగ॒ధేయం॒-వాఀ అ॒గ్నిరాహి॑త ఇ॒చ్ఛమా॑నః ప్ర॒జా-మ్ప॒శూన్ యజ॑మాన॒స్యోప॑ దోద్రావో॒ద్వాస్య॒ పున॒రా ద॑ధీత భాగ॒ధేయే॑నై॒వైన॒గ్ం॒ సమ॑ర్ధయ॒త్యథో॒ శాన్తి॑రే॒వాస్యై॒షా పున॑ర్వస్వో॒రా ద॑ధీతై॒తద్వై పు॑నరా॒ధేయ॑స్య॒ నఖ్ష॑త్రం॒-యఀ-త్పున॑ర్వసూ॒ స్వాయా॑మే॒వైన॑-న్దే॒వతా॑యామా॒ధాయ॑ బ్రహ్మవర్చ॒సీ భ॑వతి ద॒ర్భై రా ద॑ధా॒త్యయా॑తయామత్వాయ ద॒ర్భైరా ద॑ధాత్య॒ద్భ్య ఏ॒వైన॒మోష॑ధీభ్యో ఽవ॒రుద్ధ్యా ఽఽధ॑త్తే॒ పఞ్చ॑కపాలః పురో॒డాశో॑ భవతి॒ పఞ్చ॒ వా ఋ॒తవ॑ ఋ॒తుభ్య॑ ఏ॒వైన॑మవ॒రుద్ధ్యా ఽఽధ॑త్తే ॥ 4 ॥
(అశీ॑యత॒ తత్- తేన॒-వేద॑- ద॒ర్భైః పఞ్చ॑విగ్ంశతిశ్చ) (అ. 1)
పరా॒ వా ఏ॒ష య॒జ్ఞ-మ్ప॒శూన్ వ॑పతి॒ యో᳚-ఽగ్నిము॑ద్వా॒సయ॑తే॒ పఞ్చ॑కపాలః పురో॒డాశో॑ భవతి॒ పాఙ్క్తో॑ య॒జ్ఞః పాఙ్క్తాః᳚ ప॒శవో॑ య॒జ్ఞమే॒వ ప॒శూనవ॑ రున్ధే వీర॒హా వా ఏ॒ష దే॒వానాం॒-యోఀ᳚-ఽగ్నిము॑ద్వా॒సయ॑తే॒ న వా ఏ॒తస్య॑ బ్రాహ్మ॒ణా ఋ॑తా॒యవః॑ పు॒రా-ఽన్న॑మఖ్ష-న్ప॒ఙ్క్త్యో॑ యాజ్యానువా॒క్యా॑ భవన్తి॒ పాఙ్క్తో॑ య॒జ్ఞః పాఙ్క్తః॒ పురు॑షో దే॒వానే॒వ వీ॒ర-న్ని॑రవ॒దాయా॒గ్ని-మ్పున॒రా [పున॒రా, ధ॒త్తే॒ శ॒తాఖ్ష॑రా భవన్తి] 5
ధ॑త్తే శ॒తాఖ్ష॑రా భవన్తి శ॒తాయుః॒ పురు॑ష-శ్శ॒తేన్ద్రి॑య॒ ఆయు॑ష్యే॒వేన్ద్రి॒యే ప్రతి॑ తిష్ఠతి॒ యద్వా అ॒గ్నిరాహి॑తో॒ నర్ధ్యతే॒ జ్యాయో॑ భాగ॒ధేయ॑-న్నికా॒మయ॑మానో॒ యదా᳚గ్నే॒యగ్ం సర్వ॒-మ్భవ॑తి॒ సైవాస్యర్ధి॒-స్సం-వాఀ ఏ॒తస్య॑ గృ॒హే వాక్ సృ॑జ్యతే॒ యో᳚-ఽగ్నిము॑ద్వా॒సయ॑తే॒ స వాచ॒గ్ం॒ సగ్ంసృ॑ష్టాం॒-యఀజ॑మాన ఈశ్వ॒రో-ఽను॒ పరా॑భవితో॒-ర్విభ॑క్తయో భవన్తి వా॒చో విధృ॑త్యై॒ యజ॑మాన॒స్యా-ఽప॑రాభావాయ॒ [-ఽప॑రాభావాయ, విభ॑క్తి-ఙ్కరోతి॒] 6
విభ॑క్తి-ఙ్కరోతి॒ బ్రహ్మై॒వ తద॑కరుపా॒గ్ం॒శు య॑జతి॒ యథా॑ వా॒మం-వఀసు॑ వివిదా॒నో గూహ॑తి తా॒దృగే॒వ తద॒గ్ని-మ్ప్రతి॑ స్విష్ట॒కృత॒-న్నిరా॑హ॒ యథా॑ వా॒మం-వఀసు॑ వివిదా॒నః ప్ర॑కా॒శ-ఞ్జిగ॑మిషతి తా॒దృగే॒వ తద్విభ॑క్తిము॒క్త్వా ప్ర॑యా॒జేన॒ వష॑ట్కరోత్యా॒యత॑నాదే॒వ నైతి॒ యజ॑మానో॒ వై పు॑రో॒డాశః॑ ప॒శవ॑ ఏ॒తే ఆహు॑తీ॒ యద॒భితః॑ పురో॒డాశ॑మే॒తే ఆహు॑తీ [ ] 7
జు॒హోతి॒ యజ॑మానమే॒వోభ॒యతః॑ ప॒శుభిః॒ పరి॑ గృహ్ణాతి కృ॒తయ॑జు॒-స్సమ్భృ॑తసమ్భార॒ ఇత్యా॑హు॒ర్న స॒మ్భృత్యా᳚-స్సమ్భా॒రా న యజుః॑ కర్త॒వ్య॑మిత్యథో॒ ఖలు॑ స॒మ్భృత్యా॑ ఏ॒వ స॑మ్భా॒రాః క॑ర్త॒వ్యం॑-యఀజు॑-ర్య॒జ్ఞస్య॒ సమృ॑ద్ధ్యై పునర్నిష్కృ॒తో రథో॒ దఖ్షి॑ణా పునరుథ్స్యూ॒తం-వాఀసః॑ పునరుథ్సృ॒ష్టో॑-ఽన॒డ్వా-న్పు॑నరా॒ధేయ॑స్య॒ సమృ॑ద్ధ్యై స॒ప్త తే॑ అగ్నే స॒మిధ॑-స్స॒ప్త జి॒హ్వా ఇత్య॑గ్నిహో॒త్ర-ఞ్జు॑హోతి॒ యత్ర॑యత్రై॒వాస్య॒ న్య॑క్త॒-న్తత॑ [న్య॑క్త॒-న్తతః॑, ఏ॒వైన॒మవ॑ రున్ధే] 8
ఏ॒వైన॒మవ॑ రున్ధే వీర॒హా వా ఏ॒ష దే॒వానాం॒-యోఀ᳚-ఽగ్నిము॑ద్వా॒సయ॑తే॒ తస్య॒ వరు॑ణ ఏ॒వర్ణ॒యాదా᳚గ్నివారు॒ణ-మేకా॑దశకపాల॒మను॒ నిర్వ॑పే॒ద్య-ఞ్చై॒వ హన్తి॒ యశ్చా᳚స్యర్ణ॒యాత్తౌ భా॑గ॒ధేయే॑న ప్రీణాతి॒ నా-ఽఽర్తి॒మార్చ్ఛ॑తి॒ యజ॑మానః ॥ 9 ॥
(ఆ-ఽప॑రాభావాయ-పురో॒డాశ॑మే॒తే-ఆహు॑తీ॒-తతః॒ -షటత్రిగ్ం॑శచ్చ) (అ. 2)
భూమి॑-ర్భూ॒మ్నా ద్యౌ-ర్వ॑రి॒ణా-ఽన్తరి॑ఖ్ష-మ్మహి॒త్వా । ఉ॒పస్థే॑ తే దేవ్యదితే॒ ఽగ్నిమ॑న్నా॒దమ॒న్నాద్యా॒యా-ఽఽద॑ధే ॥ ఆ-ఽయ-ఙ్గౌః పృశ్ఞి॑రక్రమీ॒దస॑న-న్మా॒తర॒-మ్పునః॑ । పి॒తర॑-ఞ్చ ప్ర॒యన్-థ్సువః॑ ॥ త్రి॒గ్ం॒శద్ధామ॒ వి రా॑జతి॒ వా-క్ప॑త॒ఙ్గాయ॑ శిశ్రియే । ప్రత్య॑స్య వహ॒ ద్యుభిః॑ ॥ అ॒స్య ప్రా॒ణాద॑పాన॒త్య॑న్తశ్చ॑రతి రోచ॒నా । వ్య॑ఖ్య-న్మహి॒ష-స్సువః॑ ॥ యత్త్వా᳚ [ ] 10
క్రు॒ద్ధః ప॑రో॒వప॑ మ॒న్యునా॒ యదవ॑ర్త్యా । సు॒కల్ప॑మగ్నే॒ తత్తవ॒ పున॒స్త్వోద్దీ॑పయామసి ॥యత్తే॑ మ॒న్యుప॑రోప్తస్య పృథి॒వీమను॑ దద్ధ్వ॒సే । ఆ॒ది॒త్యా విశ్వే॒ తద్దే॒వా వస॑వశ్చ స॒మాభ॑రన్న్ ॥ మనో॒ జ్యోతి॑-ర్జుషతా॒మాజ్యం॒-విఀచ్ఛి॑న్నం-యఀ॒జ్ఞగ్ం సమి॒మ-న్ద॑ధాతు । బృహ॒స్పతి॑స్తనుతామి॒మ-న్నో॒ విశ్వే॑ దే॒వా ఇ॒హ మా॑దయన్తామ్ ॥ స॒ప్త తే॑ అగ్నే స॒మిధ॑-స్స॒ప్త జి॒హ్వా-స్స॒ప్త- [జి॒హ్వా-స్స॒ప్త, ఋష॑య-స్స॒ప్త ధామ॑] 11
-ర్ష॑య-స్స॒ప్త ధామ॑ ప్రి॒యాణి॑ । స॒ప్త హోత్రా᳚-స్సప్త॒ధా త్వా॑ యజన్తి స॒ప్త యోనీ॒రా పృ॑ణస్వా ఘృ॒తేన॑ ॥ పున॑రూ॒ర్జా ని వ॑ర్తస్వ॒ పున॑రగ్న ఇ॒షా-ఽఽయు॑షా । పున॑ర్నః పాహి వి॒శ్వతః॑ ॥ స॒హ ర॒య్యా ని వ॑ర్త॒స్వాగ్నే॒ పిన్వ॑స్వ॒ ధార॑యా । వి॒శ్వఫ్స్ని॑యా వి॒శ్వత॒స్పరి॑ ॥ లేక॒-స్సలే॑క-స్సు॒లేక॒స్తే న॑ ఆది॒త్యా ఆజ్య॑-ఞ్జుషా॒ణా వి॑యన్తు॒ కేత॒-స్సకే॑త-స్సు॒కేత॒స్తే న॑ ఆది॒త్యా ఆజ్య॑-ఞ్జుషా॒ణా వి॑యన్తు॒ వివ॑స్వా॒గ్ం॒ అది॑తి॒-ర్దేవ॑జూతి॒స్తే న॑ ఆది॒త్యా ఆజ్య॑-ఞ్జుషా॒ణా వి॑యన్తు ॥ 12 ॥
(త్వా॒-జి॒హ్వా-స్స॒ప్త-సు॒కేత॒స్తే న॒-స్త్రయో॑దశ చ ) (అ. 3)
భూమి॑-ర్భూ॒మ్నా ద్యౌ-ర్వ॑రి॒ణేత్యా॑హా॒-ఽఽశిషై॒వైన॒మా ధ॑త్తే స॒ర్పా వై జీర్య॑న్తో ఽమన్యన్త॒ స ఏ॒త-ఙ్క॑స॒ర్ణీరః॑ కాద్రవే॒యో మన్త్ర॑మపశ్య॒-త్తతో॒ వై తే జీ॒ర్ణాస్త॒నూరపా᳚ఘ్నత సర్పరా॒జ్ఞియా॑ ఋ॒గ్భి-ర్గార్హ॑పత్య॒మా ద॑ధాతి పునర్న॒వమే॒వైన॑మ॒జర॑-ఙ్కృ॒త్వా ఽఽధ॒త్తే-ఽథో॑ పూ॒తమే॒వ పృ॑థి॒వీమ॒న్నాద్య॒-న్నోపా॑-ఽనమ॒థ్సైత- [నోపా॑-ఽనమ॒థ్సైతమ్, మన్త్ర॑మపశ్య॒-త్తతో॒ వై] 13
-మ్మన్త్ర॑మపశ్య॒-త్తతో॒ వై తామ॒న్నాద్య॒-ముపా॑నమ॒ద్యథ్ -స॑ర్పరా॒జ్ఞియా॑ ఋ॒గ్భి-ర్గార్హ॑పత్య-మా॒దధా᳚త్య॒న్నాద్య॒స్యావ॑రుద్ధ్యా॒ అథో॑ అ॒స్యామే॒వైన॒-మ్ప్రతి॑ష్ఠిత॒మా ధ॑త్తే॒ యత్త్వా᳚ క్రు॒ద్ధః ప॑రో॒వపేత్యా॒హాప॑హ్నుత ఏ॒వాస్మై॒ త-త్పున॒స్త్వోద్దీ॑పయామ॒సీత్యా॑హ॒ సమి॑న్ధ ఏ॒వైనం॒-యఀత్తే॑ మ॒న్యుప॑రోప్త॒స్యేత్యా॑హ దే॒వతా॑భిరే॒వై- [దే॒వతా॑భిరే॒వ, ఏ॒న॒గ్ం॒ స-మ్భ॑రతి॒ వి వా] 14
-న॒గ్ం॒ స-మ్భ॑రతి॒ వి వా ఏ॒తస్య॑ య॒జ్ఞశ్ఛి॑ద్యతే॒ యో᳚-ఽగ్నిము॑ద్వా॒సయ॑తే॒ బృహ॒స్పతి॑వత్య॒ర్చోప॑ తిష్ఠతే॒ బ్రహ్మ॒ వై దే॒వానా॒-మ్బృహ॒స్పతి॒-ర్బ్రహ్మ॑ణై॒వ య॒జ్ఞగ్ం స-న్ద॑ధాతి॒ విచ్ఛి॑న్నం-యఀ॒జ్ఞగ్ం సమి॒మ-న్ద॑ధా॒త్విత్యా॑హ॒ సన్త॑త్యై॒ విశ్వే॑ దే॒వా ఇ॒హ మా॑దయన్తా॒మిత్యా॑హ స॒న్తత్యై॒వ య॒జ్ఞ-న్దే॒వేభ్యో-ఽను॑ దిశతి స॒ప్త తే॑ అగ్నే స॒మిధ॑-స్స॒ప్త జి॒హ్వా [జి॒హ్వాః, ఇత్యా॑హ] 15
ఇత్యా॑హ స॒ప్తస॑ప్త॒ వై స॑ప్త॒ధా-ఽగ్నేః ప్రి॒యాస్త॒నువ॒స్తా ఏ॒వావ॑ రున్ధే॒ పున॑రూ॒ర్జా స॒హ ర॒య్యేత్య॒భితః॑ పురో॒డాశ॒మాహు॑తీ జుహోతి॒ యజ॑మానమే॒వోర్జా చ॑ ర॒య్యా చో॑భ॒యతః॒ పరి॑ గృహ్ణాత్యాది॒త్యా వా అ॒స్మాల్లో॒కాద॒ముం-లోఀ॒కమా॑య॒-న్తే॑-ఽముష్మి॑-ల్లోఀ॒కే వ్య॑తృష్య॒-న్త ఇ॒మం-లోఀ॒క-మ్పున॑రభ్య॒వేత్యా॒ ఽగ్నిమా॒ధాయై॒-తాన్. హోమా॑నజుహవు॒స్త ఆ᳚ర్ధ్నువ॒-న్తే సు॑వ॒ర్గం-లోఀ॒కమా॑య॒న్॒. యః ప॑రా॒చీన॑-మ్పునరా॒ధేయా॑ద॒గ్నిమా॒దధీ॑త॒ స ఏ॒తాన్. హోమా᳚న్ జుహుయా॒ద్యామే॒వా-ఽఽది॒త్యా ఋద్ధి॒మార్ధ్ను॑వ॒-న్తామే॒వర్ధ్నో॑తి ॥ 16 ॥
(సైతం-దే॒వతా॑భిరే॒వ-జి॒హ్వా-ఏ॒తాన్-పఞ్చ॑విగ్ంశతిశ్చ ) (అ. 4)
ఉ॒ప॒ప్ర॒యన్తో॑ అద్ధ్వ॒ర-మ్మన్త్రం॑-వోఀచేమా॒గ్నయే᳚ । ఆ॒రే అ॒స్మే చ॑ శృణ్వ॒తే ॥ అ॒స్య ప్ర॒త్నామను॒ ద్యుతగ్ం॑ శు॒క్ర-న్దు॑దుహ్రే॒ అహ్ర॑యః । పయ॑-స్సహస్ర॒సామృషి᳚మ్ ॥ అ॒గ్ని-ర్మూ॒ర్ధా ది॒వః క॒కుత్పతిః॑ పృథి॒వ్యా అ॒యమ్ । అ॒పాగ్ం రేతాగ్ం॑సి జిన్వతి ॥ అ॒యమి॒హ ప్ర॑థ॒మో ధా॑యి ధా॒తృభి॒ర్॒ హోతా॒ యజి॑ష్ఠో అధ్వ॒రేష్వీడ్యః॑ ॥ యమప్న॑వానో॒ భృగ॑వో విరురు॒చుర్వనే॑షు చి॒త్రం-విఀ॒భువం॑-విఀ॒శేవి॑శే ॥ ఉ॒భా వా॑మిన్ద్రాగ్నీ ఆహు॒వద్ధ్యా॑ [ఆహు॒వద్ధ్యై᳚, ఉ॒భా] 17
ఉ॒భా రాధ॑స-స్స॒హ మా॑ద॒యద్ధ్యై᳚ । ఉ॒భా దా॒తారా॑వి॒షాగ్ం ర॑యీ॒ణాము॒భా వాజ॑స్య సా॒తయే॑ హువే వామ్ ॥ అ॒య-న్తే॒ యోని॑ర్-ఋ॒త్వియో॒ యతో॑ జా॒తో అరో॑చథాః । త-ఞ్జా॒నన్న॑గ్న॒ ఆ రో॒హాథా॑ నో వర్ధయా ర॒యిమ్ ॥ అగ్న॒ ఆయూగ్ం॑షి పవస॒ ఆ సు॒వోర్జ॒మిష॑-ఞ్చ నః । ఆ॒రే బా॑ధస్వ దు॒చ్ఛునా᳚మ్ ॥ అగ్నే॒ పవ॑స్వ॒ స్వపా॑ అ॒స్మే వర్చ॑-స్సు॒వీర్య᳚మ్ । దధ॒త్పోషగ్ం॑ ర॒యి- [ర॒యిమ్, మ్మయి॑ ।] 18
-మ్మయి॑ ॥ అగ్నే॑ పావక రో॒చిషా॑ మ॒న్ద్రయా॑ దేవ జి॒హ్వయా᳚ । ఆ దే॒వాన్. వ॑ఖ్షి॒ యఖ్షి॑ చ ॥ స నః॑ పావక దీది॒వో-ఽగ్నే॑ దే॒వాగ్ం ఇ॒హా ఽఽవ॑హ । ఉప॑ య॒జ్ఞగ్ం హ॒విశ్చ॑ నః ॥ అ॒గ్ని-శ్శుచి॑వ్రతతమ॒-శ్శుచి॒-ర్విప్ర॒-శ్శుచిః॑ క॒విః । శుచీ॑ రోచత॒ ఆహు॑తః ॥ ఉద॑గ్నే॒ శుచ॑య॒స్తవ॑ శు॒క్రా భ్రాజ॑న్త ఈరతే । తవ॒ జ్యోతీగ్॑ష్య॒ర్చయః॑ ॥ ఆ॒యు॒ర్దా అ॑గ్నే॒-ఽస్యాయు॑ర్మే [అ॑గ్నే॒-ఽస్యాయు॑ర్మే, దే॒హి॒ వ॒ర్చో॒దా] 19
దేహి వర్చో॒దా అ॑గ్నే-ఽసి॒ వర్చో॑ మే దేహి తనూ॒పా అ॑గ్నే-ఽసి త॒నువ॑-మ్మే పా॒హ్యగ్నే॒ యన్మే॑ త॒నువా॑ ఊ॒న-న్తన్మ॒ ఆ పృ॑ణ॒ చిత్రా॑వసో స్వ॒స్తి తే॑ పా॒రమ॑శీ॒యేన్ధా॑నాస్త్వా శ॒తగ్ం హిమా᳚ ద్యు॒మన్త॒-స్సమి॑ధీమహి॒ వయ॑స్వన్తో వయ॒స్కృతం॒-యఀశ॑స్వన్తో యశ॒స్కృతగ్ం॑ సు॒వీరా॑సో॒ అదా᳚భ్యమ్ । అగ్నే॑ సపత్న॒దమ్భ॑నం॒-వఀర్షి॑ష్ఠే॒ అధి॒ నాకే᳚ ॥ స-న్త్వమ॑గ్నే॒ సూర్య॑స్య॒ వర్చ॑సా ఽగథా॒-స్సమృషీ॑ణాగ్ స్తు॒తేన॒ స-మ్ప్రి॒యేణ॒ ధామ్నా᳚ । త్వమ॑గ్నే॒ సూర్య॑వర్చా అసి॒ స-మ్మామాయు॑షా॒ వర్చ॑సా ప్ర॒జయా॑ సృజ ॥ 20 ॥
(ఆ॒హు॒వద్ధ్యై॒-పోషగ్ం॑ ర॒యిం-మే॒-వర్చ॑సా-స॒ప్తద॑శ చ ) (అ. 5)
స-మ్ప॑శ్యామి ప్ర॒జా అ॒హ-మిడ॑ప్రజసో మాన॒వీః । సర్వా॑ భవన్తు నో గృ॒హే । అమ్భ॒-స్స్థామ్భో॑ వో భఖ్షీయ॒ మహ॑-స్స్థ॒ మహో॑ వో భఖ్షీయ॒ సహ॑-స్స్థ॒ సహో॑ వో భఖ్షీ॒యోర్జ॒-స్స్థోర్జం॑-వోఀ భఖ్షీయ॒ రేవ॑తీ॒ రమ॑ద్ధ్వ-మ॒స్మి-ల్లోఀ॒కే᳚-ఽస్మి-న్గో॒ష్ఠే᳚-ఽస్మిన్ ఖ్షయే॒-ఽస్మిన్ యోనా॑వి॒హైవ స్తే॒తో మా-ఽప॑ గాత బ॒హ్వీర్మే॑ భూయాస్త [భూయాస్త, స॒గ్ం॒హి॒తా-ఽసి॑] 21
సగ్ంహి॒తా-ఽసి॑ విశ్వరూ॒పీరా మో॒ర్జా వి॒శా ఽఽగౌ॑ప॒త్యేనా ఽఽరా॒యస్పోషే॑ణ సహస్రపో॒షం-వఀ ః॑ పుష్యాస॒-మ్మయి॑ వో॒ రాయ॑-శ్శ్రయన్తామ్ ॥ ఉప॑ త్వా-ఽగ్నే ది॒వేది॑వే॒ దోషా॑వస్తర్ధి॒యా వ॒యమ్ । నమో॒ భర॑న్త॒ ఏమ॑సి ॥ రాజ॑న్తమద్ధ్వ॒రాణా᳚-ఙ్గో॒పామృ॒తస్య॒ దీది॑విమ్ । వర్ధ॑మాన॒గ్గ్॒ స్వే దమే᳚ ॥ స నః॑ పి॒తేవ॑ సూ॒నవే-ఽగ్నే॑ సూపాయ॒నో భ॑వ । సచ॑స్వా న-స్స్వ॒స్తయే᳚ ॥ అగ్నే॒ [అగ్నే᳚, త్వ-న్నో॒ అన్త॑మః ।] 22
త్వ-న్నో॒ అన్త॑మః । ఉ॒త త్రా॒తా శి॒వో భ॑వ వరూ॒త్థ్యః॑ ॥ త-న్త్వా॑ శోచిష్ఠ దీదివః । సు॒మ్నాయ॑ నూ॒నమీ॑మహే॒ సఖి॑భ్యః ॥ వసు॑ర॒గ్ని-ర్వసు॑శ్రవాః । అచ్ఛా॑ నఖ్షి ద్యు॒మత్త॑మో ర॒యి-న్దాః᳚ ॥ ఊ॒ర్జా వః॑ పశ్యామ్యూ॒ర్జా మా॑ పశ్యత రా॒యస్పోషే॑ణ వః పశ్యామి రా॒యస్పోషే॑ణ మా పశ్య॒తేడా᳚-స్స్థ మధు॒కృత॑-స్స్యో॒నా మా ఽఽవి॑శ॒తేరా॒ మదః॑ । స॒హ॒స్ర॒పో॒షం-వఀ ః॑ పుష్యాస॒- [పుష్యాస॒మ్, మయి॑] 23
మ్మయి॑ వో॒ రాయ॑-శ్శ్రయన్తామ్ ॥ తథ్స॑వి॒తు-ర్వరే᳚ణ్య॒-మ్భర్గో॑ దే॒వస్య॑ ధీమహి । ధియో॒ యోనః॑ ప్రచో॒దయా᳚త్ ॥ సో॒మాన॒గ్గ్॒ స్వర॑ణ-ఙ్కృణు॒హి బ్ర॑హ్మణస్పతే । క॒ఖ్షీవ॑న్తం॒-యఀ ఔ॑శి॒జమ్ ॥ క॒దా చ॒న స్త॒రీర॑సి॒ నేన్ద్ర॑ సశ్చసి దా॒శుషే᳚ ॥ ఉపో॒పేన్ను మ॑ఘవ॒-న్భుయ॒ ఇన్ను తే॒ దాన॑-న్దే॒వస్య॑ పృచ్యతే ॥ పరి॑ త్వా-ఽగ్నే॒ పురం॑-వఀ॒యం-విఀప్రగ్ం॑ సహస్య ధీమహి ॥ ధృ॒షద్వ॑ర్ణ-న్ది॒వేది॑వే భే॒త్తార॑-మ్భఙ్గు॒రావ॑తః ॥ అగ్నే॑ గృహపతే సుగృహప॒తిర॒హ-న్త్వయా॑ గృ॒హప॑తినా భూయాసగ్ం సుగృహప॒తిర్మయా॒ త్వ-ఙ్గృ॒హప॑తినా భూయా-శ్శ॒తగ్ం హిమా॒స్తామా॒శిష॒మా శా॑సే॒ తన్త॑వే॒ జ్యోతి॑ష్మతీ॒-న్తామా॒శిష॒మా శా॑సే॒-ఽముష్మై॒ జ్యోతి॑ష్మతీమ్ ॥ 24 ॥
(భూ॒యా॒స్త॒-స్వ॒స్తయే-ఽగ్నే॑-పుష్యాసం-ధృ॒షద్వ॑ర్ణ॒-మేకా॒న్నత్రి॒గ్ం॒శచ్చ॑ ) (అ. 6)
అయ॑జ్ఞో॒ వా ఏ॒ష యో॑-ఽసా॒మోప॑ప్ర॒యన్తో॑ అద్ధ్వ॒రమిత్యా॑హ॒ స్తోమ॑మే॒వాస్మై॑ యున॒క్త్యుపేత్యా॑హ ప్ర॒జా వై ప॒శవ॒ ఉపే॒మం-లోఀ॒క-మ్ప్ర॒జామే॒వ ప॒శూని॒మం-లోఀ॒కముపై᳚త్య॒స్య ప్ర॒త్నామను॒ ద్యుత॒మిత్యా॑హ సువ॒ర్గో వై లో॒కః ప్ర॒త్న-స్సు॑వ॒ర్గమే॒వ లో॒కగ్ం స॒మారో॑హత్య॒గ్ని-ర్మూ॒ర్ధా ది॒వః క॒కుదిత్యా॑హ మూ॒ర్ధాన॑- [మూ॒ర్ధాన᳚మ్, ఏ॒వైనగ్ం॑] 25
మే॒వైనగ్ం॑ సమా॒నానా᳚-ఙ్కరో॒త్యథో॑ దేవలో॒కాదే॒వ మ॑నుష్యలో॒కే ప్రతి॑ తిష్ఠత్య॒యమి॒హ ప్ర॑థ॒మో ధా॑యి ధా॒తృభి॒రిత్యా॑హ॒ ముఖ్య॑మే॒వైన॑-ఙ్కరోత్యు॒భా వా॑మిన్ద్రాగ్నీ ఆహు॒వద్ధ్యా॒ ఇత్యా॒హౌజో॒ బల॑మే॒వావ॑ రున్ధే॒ ఽయ-న్తే॒ యోని॑ర్-ఋ॒త్వియ॒ ఇత్యా॑హ ప॒శవో॒ వై ర॒యిః ప॒శూనే॒వావ॑ రున్ధే ష॒డ్భిరుప॑ తిష్ఠతే॒ షడ్వా [షడ్వై, ఋ॒తవ॑ ఋ॒తుష్వే॒వ] 26
ఋ॒తవ॑ ఋ॒తుష్వే॒వ ప్రతి॑ తిష్ఠతి ష॒డ్భిరుత్త॑రాభి॒రుప॑ తిష్ఠతే॒ ద్వాద॑శ॒ స-మ్ప॑ద్యన్తే॒ ద్వాద॑శ॒ మాసా᳚-స్సంవఀథ్స॒ర-స్సం॑వఀథ్స॒ర ఏ॒వ ప్రతి॑ తిష్ఠతి॒ యథా॒ వై పురు॒షో-ఽశ్వో॒ గౌ-ర్జీర్య॑త్యే॒వ-మ॒గ్నిరాహి॑తో జీర్యతి సంవఀథ్స॒రస్య॑ ప॒రస్తా॑దాగ్నిపావమా॒నీభి॒-రుప॑ తిష్ఠతే పునర్న॒వ-మే॒వైన॑-మ॒జర॑-ఙ్కరో॒త్యథో॑ పు॒నాత్యే॒వోప॑ తిష్ఠతే॒ యోగ॑ ఏ॒వాస్యై॒ష ఉప॑ తిష్ఠతే॒ [ఉప॑ తిష్ఠతే, దమ॑ ఏ॒వాస్యై॒ష] 27
దమ॑ ఏ॒వాస్యై॒ష ఉప॑ తిష్ఠతే యాచంఐవాస్యై॒షోప॑ తిష్ఠతే॒ యథా॒ పాపీ॑యా॒ఞ్ఛ్రేయ॑స ఆ॒హృత్య॑ నమ॒స్యతి॑ తా॒దృగే॒వ తదా॑యు॒ర్దా అ॑గ్నే॒-ఽస్యాయు॑ర్మే దే॒హీత్యా॑హా-ఽఽయు॒ర్దా హ్యే॑ష వ॑ర్చో॒దా అ॑గ్నే-ఽసి॒ వర్చో॑ మే దే॒హీత్యా॑హ వర్చో॒దా హ్యే॑ష త॑నూ॒పా అ॑గ్నే-ఽసి త॒నువ॑-మ్మే పా॒హీత్యా॑హ [పా॒హీత్యా॑హ, త॒నూ॒పా] 28
తనూ॒పా హ్యే॑షో-ఽగ్నే॒ యన్మే॑ త॒నువా॑ ఊ॒న-న్తన్మ॒ ఆ పృ॒ణేత్యా॑హ॒ యన్మే᳚ ప్ర॒జాయై॑ పశూ॒నామూ॒న-న్తన్మ॒ ఆ పూ॑ర॒యేతి॒ వావైతదా॑హ॒ చిత్రా॑వసో స్వ॒స్తి తే॑ పా॒రమ॑శీ॒యేత్యా॑హ॒ రాత్రి॒-ర్వై చి॒త్రావ॑సు॒రవ్యు॑ష్ట్యై॒ వా ఏ॒తస్యై॑ పు॒రా బ్రా᳚హ్మ॒ణా అ॑భైషు॒-ర్వ్యు॑ష్టిమే॒వావ॑ రున్ధ॒ ఇన్ధా॑నాస్త్వా శ॒తగ్ం [శ॒తమ్, హిమా॒ ఇత్యా॑హ] 29
హిమా॒ ఇత్యా॑హ శ॒తాయుః॒ పురు॑ష-శ్శ॒తేన్ద్రి॑య॒ ఆయు॑ష్యే॒వేన్ద్రి॒యే ప్రతి॑ తిష్ఠత్యే॒షా వై సూ॒ర్మీ కర్ణ॑కావత్యే॒తయా॑ హ స్మ॒ వై దే॒వా అసు॑రాణాగ్ం శతత॒ర్॒హాగ్ స్తృగ్ం॑హన్తి॒ యదే॒తయా॑ స॒మిధ॑మా॒దధా॑తి॒ వజ్ర॑మే॒వైతచ్ఛ॑త॒ఘ్నీం-యఀజ॑మానో॒ భ్రాతృ॑వ్యాయ॒ ప్ర హ॑రతి॒ స్తృత్యా॒ అఛ॑మ్బట్కార॒గ్ం॒ స-న్త్వమ॑గ్నే॒ సూర్య॑స్య॒ వర్చ॑సా-ఽగథా॒ ఇత్యా॑హై॒తత్త్వమసీ॒దమ॒హ-మ్భూ॑యాస॒మితి॒ వావైతదా॑హ॒ త్వమ॑గ్నే॒ సూర్య॑వర్చా అ॒సీత్యా॑హా॒-ఽఽశిష॑మే॒వైతామా శా᳚స్తే ॥ 30 ॥
(మూ॒ర్ధాన॒గ్ం॒-షడ్వా-ఏ॒ష ఉప॑ తిష్ఠతే-పా॒హీత్యా॑హ-శ॒త-మ॒హగ్ం షోడ॑శ చ) (అ. 7)
స-మ్ప॑శ్యామి ప్ర॒జా అ॒హమిత్యా॑హ॒ యావ॑న్త ఏ॒వ గ్రా॒మ్యాః ప॒శవ॒స్తానే॒వావ॑ రు॒న్ధే-ఽమ్భ॒-స్స్థామ్భో॑ వో భఖ్షీ॒యేత్యా॒హామ్భో॒ హ్యే॑తా మహ॑-స్స్థ॒ మహో॑ వో భఖ్షీ॒యేత్యా॑హ॒ మహో॒ హ్యే॑తా-స్సహ॑-స్స్థ॒ సహో॑ వో భఖ్షీ॒యేత్యా॑హ॒ సహో॒ హ్యే॑తా ఊర్జ॒-స్స్థోర్జం॑-వోఀ భఖ్షీ॒యే- [భఖ్షీ॒యేతి॑, ఆ॒హోర్జో॒ హ్యే॑తా] 31
-త్యా॒హోర్జో॒ హ్యే॑తా రేవ॑తీ॒ రమ॑ద్ధ్వ॒మిత్యా॑హ ప॒శవో॒ వై రే॒వతీః᳚ ప॒శూనే॒వాత్మ-న్ర॑మయత ఇ॒హైవ స్తే॒తో మా-ఽప॑ గా॒తేత్యా॑హ ధ్రు॒వా ఏ॒వైనా॒ అన॑పగాః కురుత ఇష్టక॒చిద్వా అ॒న్యో᳚-ఽగ్నిః ప॑శు॒చిద॒న్య-స్సగ్ం॑హి॒తాసి॑ విశ్వరూ॒పీరితి॑ వ॒థ్సమ॒భి మృ॑శ॒త్యుపై॒వైన॑-న్ధత్తే పశు॒చిత॑మేన-ఙ్కురుతే॒ ప్ర [ ] 32
వా ఏ॒షో᳚-ఽస్మాల్లో॒కాచ్చ్య॑వతే॒ య ఆ॑హవ॒నీయ॑-ముప॒తిష్ఠ॑తే॒ గార్హ॑పత్య॒ముప॑ తిష్ఠతే॒ ఽస్మిన్నే॒వ లో॒కే ప్రతి॑ తిష్ఠ॒త్యథో॒ గార్హ॑పత్యాయై॒వ ని హ్ను॑తే గాయ॒త్రీభి॒రుప॑ తిష్ఠతే॒ తేజో॒ వై గా॑య॒త్రీ తేజ॑ ఏ॒వాత్మ-న్ధ॒త్తే-ఽథో॒ యదే॒త-న్తృ॒చమ॒న్వాహ॒ సన్త॑త్యై॒ గార్హ॑పత్యం॒-వాఀ అను॑ ద్వి॒పాదో॑ వీ॒రాః ప్ర జా॑యన్తే॒ య ఏ॒వం-విఀ॒ద్వా-న్ద్వి॒పదా॑భి॒-ర్గార్హ॑పత్య-ముప॒తిష్ఠ॑త॒ [ముప॒తిష్ఠ॑తే, ఆ-ఽస్య॑] 33
ఆ-ఽస్య॑ వీ॒రో జా॑యత ఊ॒ర్జా వః॑ పశ్యామ్యూ॒ర్జా మా॑ పశ్య॒తేత్యా॑హా॒ ఽఽశిష॑మే॒వైతామా శా᳚స్తే॒ తథ్స॑వి॒తు-ర్వరే᳚ణ్య॒మిత్యా॑హ॒ ప్రసూ᳚త్యై సో॒మాన॒గ్గ్॒ స్వర॑ణ॒మిత్యా॑హ సోమపీ॒థమే॒వావ॑ రున్ధే కృణు॒హి బ్ర॑హ్మణస్పత॒ ఇత్యా॑హ బ్రహ్మవర్చ॒సమే॒వావ॑ రున్ధే క॒దా చ॒న స్త॒రీర॒సీత్యా॑హ॒ న స్త॒రీగ్ం రాత్రిం॑-వఀసతి॒ [రాత్రిం॑-వఀసతి, య ఏ॒వం] 34
య ఏ॒వం-విఀ॒ద్వాన॒గ్ని-ము॑ప॒తిష్ఠ॑తే॒ పరి॑ త్వా-ఽగ్నే॒ పురం॑-వఀ॒యమిత్యా॑హ పరి॒ధిమే॒వైత-మ్పరి॑ దధా॒త్యస్క॑న్దా॒యాగ్నే॑ గృహపత॒ ఇత్యా॑హ యథాయ॒జురే॒వైతచ్ఛ॒తగ్ం హిమా॒ ఇత్యా॑హ శ॒త-న్త్వా॑ హేమ॒న్తాని॑న్ధిషీ॒యేతి॒ వావైతదా॑హ పు॒త్రస్య॒ నామ॑ గృహ్ణాత్యన్నా॒దమే॒వైన॑-ఙ్కరోతి॒ తామా॒శిష॒మా శా॑సే॒ తన్త॑వే॒ జ్యోతి॑ష్మతీ॒మితి॑ బ్రూయా॒ద్యస్య॑ పు॒త్రో-ఽజా॑త॒-స్స్యా-త్తే॑జ॒స్వ్యే॑వాస్య॑ బ్రహ్మవర్చ॒సీ పు॒త్రో జా॑యతే॒ తామా॒శిష॒మా శా॑సే॒ ఽముష్మై॒ జ్యోతి॑ష్మతీ॒ మితి॑ బ్రూయా॒ద్యస్య॑ పు॒త్రో జా॒త-స్స్యా-త్తేజ॑ ఏ॒వాస్మి॑-న్బ్రహ్మవర్చ॒స-న్ద॑ధాతి ॥ 35 ॥
(ఊర్జం॑-వోఀ భఖ్షీ॒యేతి॒ – ప్ర -గార్హ॑పత్యముప॒తిష్ఠ॑తే -వసతి॒-జ్యోతి॑ష్మతీ॒ – మేకా॒న్నత్రి॒గ్ం॒శచ్చ॑) (అ. 8)
అ॒గ్ని॒హో॒త్ర-ఞ్జు॑హోతి॒ యదే॒వ కి-ఞ్చ॒ యజ॑మానస్య॒ స్వ-న్తస్యై॒వ తద్రేత॑-స్సిఞ్చతి ప్ర॒జన॑నే ప్ర॒జన॑న॒గ్ం॒ హి వా అ॒గ్నిరథౌష॑ధీ॒రన్త॑గతా దహతి॒ తాస్తతో॒ భూయ॑సీః॒ ప్ర జా॑యన్తే॒ యథ్సా॒య-ఞ్జు॒హోతి॒ రేత॑ ఏ॒వ తథ్సి॑ఞ్చతి॒ ప్రైవ ప్రా॑త॒స్తనే॑న జనయతి॒ తద్రేత॑-స్సి॒క్త-న్న త్వష్ట్రా-ఽవి॑కృత॒-మ్ప్రజా॑యతే యావ॒చ్ఛో వై రేత॑స-స్సి॒క్తస్య॒ [రేత॑స-స్సి॒క్తస్య॑, త్వష్టా॑ రూ॒పాణి॑] 36
త్వష్టా॑ రూ॒పాణి॑ విక॒రోతి॑ తావ॒చ్ఛో వై తత్ప్ర జా॑యత ఏ॒ష వై దైవ్య॒స్త్వష్టా॒ యో యజ॑తే బ॒హ్వీభి॒రుప॑ తిష్ఠతే॒ రేత॑స ఏ॒వ సి॒క్తస్య॑ బహు॒శో రూ॒పాణి॒ వి క॑రోతి॒ స ప్రైవ జా॑యతే॒ శ్వస్శ్వో॒ భూయా᳚-న్భవతి॒ య ఏ॒వం విఀ॒ద్వాన॒గ్నిము॑ప॒తిష్ఠ॒తే ఽహ॑ర్దే॒వానా॒మాసీ॒-ద్- రాత్రి॒రసు॑రాణా॒-న్తే-ఽసు॑రా॒ యద్దే॒వానాం᳚-విఀ॒త్తం వేఀద్య॒మాసీ॒త్తేన॑ స॒హ [ ] 37
రాత్రి॒-మ్ప్రా-ఽవి॑శ॒న్తే దే॒వా హీ॒నా అ॑మన్యన్త॒ తే॑-ఽపశ్యన్నాగ్నే॒యీ రాత్రి॑రాగ్నే॒యాః ప॒శవ॑ ఇ॒మమే॒వాగ్నిగ్గ్ స్త॑వామ॒ స న॑-స్స్తు॒తః ప॒శూ-న్పున॑ర్దాస్య॒తీతి॒ తే᳚-ఽగ్నిమ॑స్తువ॒న్-థ్స ఏ᳚భ్య-స్స్తు॒తో రాత్రి॑యా॒ అద్ధ్యహ॑ర॒భి ప॒శూన్నిరా᳚ర్జ॒త్తే దే॒వాః ప॒శూన్ వి॒త్త్వా కామాగ్ం॑ అకుర్వత॒ య ఏ॒వం-విఀ॒ద్వాన॒గ్నిము॑ప॒తిష్ఠ॑తే పశు॒మా-న్భ॑వ- [పశు॒మా-న్భ॑వతి, ఆ॒ది॒త్యో] 38
-త్యాది॒త్యో వా అ॒స్మాల్లో॒కాద॒ముం-లోఀ॒కమై॒థ్సో॑-ఽముం-లోఀ॒క-ఙ్గ॒త్వా పున॑రి॒మం-లోఀ॒కమ॒భ్య॑ద్ధ్యాయ॒-థ్స ఇ॒మం-లోఀ॒కమా॒గత్య॑ మృ॒త్యోర॑బిభేన్మృ॒త్యుసం॑యుఀత ఇవ॒ హ్య॑యం-లోఀ॒క-స్సో॑-ఽమన్యతే॒మ-మే॒వాగ్నిగ్గ్ స్త॑వాని॒ స మా᳚ స్తు॒త-స్సు॑వ॒ర్గం-లోఀ॒క-ఙ్గ॑మయిష్య॒తీతి॒ సో᳚-ఽగ్నిమ॑స్తౌ॒-థ్స ఏ॑నగ్గ్ స్తు॒త-స్సు॑వ॒ర్గం-లోఀ॒కమ॑గమయ॒ద్య [లో॒కమ॑గమయ॒ద్యః, ఏ॒వం-విఀ॒ద్వాన॒గ్ని-] 39
ఏ॒వం-విఀ॒ద్వాన॒గ్నిము॑ప॒తిష్ఠ॑తే సువ॒ర్గమే॒వ లో॒కమే॑తి॒ సర్వ॒మాయు॑రేత్య॒భి వా ఏ॒షో᳚-ఽగ్నీ ఆ రో॑హతి॒ య ఏ॑నావుప॒తిష్ఠ॑తే॒ యథా॒ ఖలు॒ వై శ్రేయా॑న॒భ్యారూ॑ఢః కా॒మయ॑తే॒ తథా॑ కరోతి॒ నక్త॒ముప॑ తిష్ఠతే॒ న ప్రా॒త-స్సగ్ం హి నక్తం॑-వ్రఀ॒తాని॑ సృ॒జ్యన్తే॑ స॒హ శ్రేయాగ్॑శ్చ॒ పాపీ॑యాగ్శ్చాసాతే॒ జ్యోతి॒ర్వా అ॒గ్నిస్తమో॒ రాత్రి॒ర్య- [రాత్రి॒ర్యత్, నక్త॑ముప॒తిష్ఠ॑తే॒] 40
-న్నక్త॑ముప॒తిష్ఠ॑తే॒ జ్యోతి॑షై॒వ తమ॑స్తరత్యుప॒స్థేయో॒ ఽగ్నీ(3)-ర్నోప॒స్థేయా(3) ఇత్యా॑హు-ర్మను॒ష్యా॑యేన్న్వై యో-ఽహ॑రహరా॒హృత్యా-ఽథై॑నం॒-యాఀచ॑తి॒ స ఇన్న్వై తముపా᳚ర్చ్ఛ॒త్యథ॒ కో దే॒వానహ॑రహర్యాచిష్య॒తీతి॒ తస్మా॒న్నోప॒స్థేయో ఽథో॒ ఖల్వా॑హురా॒శిషే॒ వై కం-యఀజ॑మానో యజత॒ ఇత్యే॒షా ఖలు॒ వా [ఖలు॒ వై, ఆహి॑తాగ్నే-] 41
ఆహి॑తాగ్నే రా॒శీ-ర్యద॒గ్నిము॑ప॒తిష్ఠ॑తే॒ తస్మా॑దుప॒స్థేయః॑ ప్ర॒జాప॑తిః ప॒శూన॑సృజత॒ తే సృ॒ష్టా అ॑హోరా॒త్రే ప్రా-ఽవి॑శ॒-న్తాఞ్ఛన్దో॑భి॒-రన్వ॑॑విన్ద॒-ద్యచ్ఛన్దో॑భి-రుప॒తిష్ఠ॑తే॒ స్వమే॒వ తదన్వి॑చ్ఛతి॒ న తత్ర॑ జా॒మ్య॑స్తీత్యా॑హు॒ర్యో-ఽహ॑రహరుప॒ తిష్ఠ॑త॒ ఇతి॒ యో వా అ॒గ్ని-మ్ప్ర॒త్యఙ్ఙు॑ప॒ తిష్ఠ॑తే॒ ప్రత్యే॑నమోషతి॒ యః పరాం॒-విఀష్వ॑-మ్ప్ర॒జయా॑ ప॒శుభి॑ రేతి॒ కవా॑తిర్యఙ్ఙి॒వోప॑ తిష్ఠేత॒ నైన॑-మ్ప్ర॒త్యోష॑తి॒ న విష్వ॑-మ్ప్ర॒జయా॑ ప॒శుభి॑రేతి ॥ 42 ॥
(సి॒క్తస్య॑-స॒హ-భ॑వతి॒-యో-యత్-ఖలు॒ వై-ప॒శుభి॒-స్త్రయో॑దశ చ) (అ. 9)
మమ॒ నామ॑ ప్రథ॒మ-ఞ్జా॑తవేదః పి॒తా మా॒తా చ॑ దధతు॒ర్యదగ్రే᳚ । తత్త్వ-మ్బి॑భృహి॒ పున॒రా మదైతో॒స్తవా॒హ-న్నామ॑ బిభరాణ్యగ్నే ॥ మమ॒ నామ॒ తవ॑ చ జాతవేదో॒ వాస॑సీ ఇవ వి॒వసా॑నౌ॒ యే చరా॑వః । ఆయు॑షే॒ త్వ-ఞ్జీ॒వసే॑ వ॒యం-యఀ ॑థాయ॒థం-విఀ పరి॑ దధావహై॒ పున॒స్తే ॥ నమో॒-ఽగ్నయే ఽప్ర॑తివిద్ధాయ॒ నమో-ఽనా॑ధృష్టాయ॒ నమ॑-స్స॒మ్రాజే᳚ । అషా॑ఢో [అషా॑ఢః, అ॒గ్నిర్బృ॒హద్వ॑యా] 43
అ॒గ్నిర్బృ॒హద్వ॑యా విశ్వ॒జి-థ్సహ॑న్త్య॒-శ్శ్రేష్ఠో॑ గన్ధ॒ర్వః । త్వత్పి॑తారో అగ్నే దే॒వా-స్త్వామా॑హుతయ॒-స్త్వద్వి॑వాచనాః । స-మ్మామాయు॑షా॒ స-ఙ్గౌ॑ప॒త్యేన॒ సుహి॑తే మా ధాః ॥ అ॒యమ॒గ్ని-శ్శ్రేష్ఠ॑తమో॒ ఽయ-మ్భగ॑వత్తమో॒ ఽయగ్ం స॑హస్ర॒సాత॑మః । అ॒స్మా అ॑స్తు సు॒వీర్య᳚మ్ ॥ మనో॒ జ్యోతి॑-ర్జుషతా॒మాజ్యం॒ విఀచ్ఛి॑న్నం-యఀ॒జ్ఞగ్ం సమి॒మ-న్ద॑ధాతు । యా ఇ॒ష్టా ఉ॒షసో॑ ని॒మ్రుచ॑శ్చ॒ తా-స్స-న్ద॑ధామి హ॒విషా॑ ఘృ॒తేన॑ ॥ పయ॑స్వతీ॒రోష॑ధయః॒- [పయ॑స్వతీ॒రోష॑ధయః, పయ॑స్వ-] 44
పయ॑స్వద్వీ॒రుధా॒-మ్పయః॑ । అ॒పా-మ్పయ॑సో॒ యత్పయ॒స్తేన॒ మామి॑న్ద్ర॒ సగ్ం సృ॑జ ॥ అగ్నే᳚ వ్రతపతే వ్ర॒త-ఞ్చ॑రిష్యామి॒ తచ్ఛ॑కేయ॒-న్తన్మే॑ రాద్ధ్యతామ్ ॥ అ॒గ్నిగ్ం హోతా॑రమి॒హ తగ్ం హు॑వే దే॒వాన్. య॒జ్ఞియా॑ని॒హ యాన్. హవా॑మహే ॥ ఆ య॑న్తు దే॒వా-స్సు॑మన॒స్యమా॑నా వి॒యన్తు॑ దే॒వా హ॒విషో॑ మే అ॒స్య ॥ కస్త్వా॑ యునక్తి॒ స త్వా॑ యునక్తు॒ యాని॑ ఘ॒ర్మే క॒పాలా᳚న్యుపచి॒న్వన్తి॑ [ ] 45
వే॒ధసః॑ । పూ॒ష్ణస్తాన్యపి॑ వ్ర॒త ఇ॑న్ద్రవా॒యూ వి ము॑ఞ్చతామ్ ॥అభి॑న్నో ఘ॒ర్మో జీ॒రదా॑ను॒ర్యత॒ ఆత్త॒స్తద॑గ॒-న్పునః॑ । ఇ॒ద్ధ్మో వేదిః॑ పరి॒ధయ॑శ్చ॒ సర్వే॑ య॒జ్ఞస్యా-ఽఽయు॒రను॒ స-ఞ్చ॑రన్తి ॥ త్రయ॑స్త్రిగ్ంశ॒-త్తన్త॑వో॒ యే వి॑తత్ని॒రే య ఇ॒మం-యఀ॒జ్ఞగ్గ్ స్వ॒ధయా॒ దద॑న్తే॒ తేషా᳚-ఞ్ఛి॒న్న-మ్ప్రత్యే॒త-ద్ద॑ధామి॒ స్వాహా॑ ఘ॒ర్మో దే॒వాగ్ం అప్యే॑తు ॥ 46 ॥
(అషా॑ఢ॒-ఓష॑ధయ-ఉపచి॒న్వన్తి॒-పఞ్చ॑చత్వారిగ్ంశచ్చ) (అ. 10)
వై॒శ్వా॒న॒రో న॑ ఊ॒త్యా-ఽఽ ప్ర యా॑తు పరా॒వతః॑ । అ॒గ్నిరు॒క్థేన॒ వాహ॑సా ॥ ఋ॒తావా॑నం-వైఀశ్వాన॒రమృ॒తస్య॒ జ్యోతి॑ష॒స్పతి᳚మ్ । అజ॑స్ర-ఙ్ఘ॒ర్మమీ॑మహే ॥ వై॒శ్వా॒న॒రస్య॑ ద॒గ్ం॒సనా᳚భ్యో బృ॒హదరి॑ణా॒దేక॑-స్స్వప॒స్య॑యా క॒విః । ఉ॒భా పి॒తరా॑ మ॒హయ॑న్నజాయతా॒గ్ని-ర్ద్యావా॑పృథి॒వీ భూరి॑రేతసా ॥ పృ॒ష్టో ది॒వి పృ॒ష్టో అ॒గ్నిః పృ॑థి॒వ్యా-మ్పృ॒ష్టో విశ్వా॒ ఓష॑ధీ॒రా వి॑వేశ । వై॒శ్వా॒న॒ర-స్సహ॑సా పృ॒ష్టో అ॒గ్ని-స్సనో॒ దివా॒ స- [దివా॒ సః, రి॒షః పా॑తు॒ నక్త᳚మ్ ।] 47
రి॒షః పా॑తు॒ నక్త᳚మ్ ॥ జా॒తో యద॑గ్నే॒ భువ॑నా॒ వ్యఖ్యః॑ ప॒శు-న్న గో॒పా ఇర్యః॒ పరి॑జ్మా । వైశ్వా॑నర॒ బ్రహ్మ॑ణే విన్ద గా॒తుం-యూఀ॒య-మ్పా॑త స్వ॒స్తిభి॒-స్సదా॑ నః ॥ త్వమ॑గ్నే శో॒చిషా॒ శోశు॑చాన॒ ఆ రోద॑సీ అపృణా॒ జాయ॑మానః । త్వ-న్దే॒వాగ్ం అ॒భిశ॑స్తేరముఞ్చో॒ వైశ్వా॑నర జాతవేదో మహి॒త్వా ॥ అ॒స్మాక॑మగ్నే మ॒ఘవ॑థ్సు ధార॒యానా॑మి ఖ్ష॒త్రమ॒జరగ్ం॑ సు॒వీర్య᳚మ్ । వ॒య-ఞ్జ॑యేమ శ॒తినగ్ం॑ సహ॒స్రిణం॒-వైఀశ్వా॑నర॒ [వైశ్వా॑నర, వాజ॑మగ్నే॒] 48
వాజ॑మగ్నే॒ తవో॒తిభిః॑ ॥ వై॒శ్వా॒న॒రస్య॑ సుమ॒తౌ స్యా॑మ॒ రాజా॒ హిక॒-మ్భువ॑నానా-మభి॒శ్రీః । ఇ॒తో జా॒తో విశ్వ॑మి॒దం-విఀ చ॑ష్టే వైశ్వాన॒రో య॑తతే॒ సూర్యే॑ణ ॥ అవ॑ తే॒ హేడో॑ వరుణ॒ నమో॑భి॒రవ॑ య॒జ్ఞేభి॑రీమహే హ॒విర్భిః॑ । ఖ్షయ॑న్న॒స్మభ్య॑మసుర ప్రచేతో॒ రాజ॒న్నేనాగ్ం॑సి శిశ్రథః కృ॒తాని॑ ॥ ఉదు॑త్త॒మం-వఀ ॑రుణ॒ పాశ॑మ॒స్మదవా॑-ఽధ॒మం-విఀమ॑ద్ధ్య॒మగ్గ్ శ్ర॑థాయ । అథా॑ వ॒యమా॑దిత్య [ ] 49
వ్ర॒తే తవా-ఽనా॑గసో॒ అది॑తయే స్యామ ॥ ద॒ధి॒క్రావ్.ణ్ణో॑ అకారిష-ఞ్జి॒ష్ణోరశ్వ॑స్య వా॒జినః॑ ॥ సు॒ర॒భినో॒ ముఖా॑ కర॒-త్ప్రణ॒ ఆయూగ్ం॑షి తారిషత్ ॥ ఆ ద॑ధి॒క్రా-శ్శవ॑స॒ పఞ్చ॑ కృ॒ష్టీ-స్సూర్య॑ ఇవ॒ జ్యోతి॑షా॒-ఽపస్త॑తాన । స॒హ॒స్ర॒సా-శ్శ॑త॒సా వా॒జ్యర్వా॑ పృ॒ణక్తు॒ మద్ధ్వా॒ సమి॒మా వచాగ్ం॑సి । అ॒గ్ని-ర్మూ॒ర్ధా, భువః॑ । మరు॑తో॒ యద్ధ॑వో ది॒వ-స్సు॑మ్నా॒యన్తో॒ హవా॑మహే । ఆ తూ న॒ [ఆ తూ నః॑, ఉప॑ గన్తన ।] 50
ఉప॑ గన్తన ॥ యా వ॒-శ్శర్మ॑ శశమా॒నాయ॒ సన్తి॑ త్రి॒ధాతూ॑ని దా॒శుషే॑ యచ్ఛ॒తాధి॑ । అ॒స్మభ్య॒-న్తాని॑ మరుతో॒ వి య॑న్త ర॒యి-న్నో॑ ధత్త వృషణ-స్సు॒వీర᳚మ్ ॥ అది॑తి-ర్న ఉరుష్య॒త్వది॑తి॒-శ్శర్మ॑ యచ్ఛతు । అది॑తిః పా॒త్వగ్ంహ॑సః ॥ మ॒హీమూ॒షు మా॒తరగ్ం॑ సువ్ర॒తానా॑మృ॒తస్య॒ పత్నీ॒మవ॑సే హువేమ । తు॒వి॒ఖ్ష॒త్రా-మ॒జర॑న్తీ-మురూ॒చీగ్ం సు॒శర్మా॑ణ॒మది॑తిగ్ం సు॒ప్రణీ॑తిమ్ ॥ సు॒త్రామా॑ణ-మ్పృథి॒వీ-న్ద్యామ॑నే॒హసగ్ం॑ సు॒శర్మా॑ణ॒ మది॑తిగ్ం సు॒ప్రణీ॑తిమ్ । దైవీ॒-న్నావగ్గ్॑ స్వరి॒త్రా-మనా॑గస॒-మస్ర॑వన్తీ॒మా రు॑హేమా స్వ॒స్తయే᳚ ॥ ఇ॒మాగ్ం సు నావ॒మా-ఽరు॑హగ్ం శ॒తారి॑త్రాగ్ం శ॒తస్ఫ్యా᳚మ్ । అచ్ఛి॑ద్రా-మ్పారయి॒ష్ణుమ్ ॥ 51 ॥
(దివా॒ స-స॑హ॒స్రిణం॒-వైఀశ్వా॑నరా-దిత్య॒- తూ నో ॑- ఽనే॒హసగ్ం॑ సు॒శర్మా॑ణ॒-మేకా॒న్నవిగ్ం॑శ॒తిశ్చ॑ ) (అ. 11)
(దే॒వా॒సు॒రాః-పరా॒-భూమి॒-ర్భూమి॑-రుపప్ర॒యన్తః॒-స-మ్ప॑శ్యా॒-మ్యయ॑జ్ఞః॒- స-మ్ప॑శ్యా – మ్యగ్నిహో॒త్రం – మమ॒ నామ॑-వైశ్వాన॒ర-ఏకా॑దశ । )
(దే॒వా॒సు॒రాః-క్రు॒ద్ధః-స-మ్ప॑శ్యామి॒-స-మ్ప॑శ్యామి॒-నక్త॒-ముప॑గన్త॒-నైక॑పఞ్చా॒శత్ । )
(దే॒వా॒సు॒రాః, పా॑రయి॒ష్ణుం)
॥ హరిః॑ ఓమ్ ॥
॥ కృష్ణ యజుర్వేదీయ తైత్తిరీయ సంహితాయా-మ్ప్రథమకాణ్డే పఞ్చమః ప్రశ్న-స్సమాప్తః ॥