కృష్ణ యజుర్వేదీయ తైత్తిరీయ సంహితాయా-మ్ప్రథమకాణ్డే అషమః ప్రశ్నః – రాజసూయః
ఓ-న్నమః పరమాత్మనే, శ్రీ మహాగణపతయే నమః,
శ్రీ గురుభ్యో నమః । హ॒రిః॒ ఓమ్ ॥
అను॑మత్యై పురో॒డాశ॑-మ॒ష్టాక॑పాల॒-న్నిర్వ॑పతి ధే॒ను-ర్దఖ్షి॑ణా॒ యే ప్ర॒త్యఞ్చ॒-శ్శమ్యా॑యా అవ॒శీయ॑న్తే॒ త-న్నైర్-ఋ॒త-మేక॑కపాల-ఙ్కృ॒ష్ణం-వాఀసః॑ కృ॒ష్ణతూ॑ష॒-న్దఖ్షి॑ణా॒ వీహి॒ స్వాహా-ఽఽహు॑తి-ఞ్జుషా॒ణ ఏ॒ష తే॑ నిర్-ఋతే భా॒గో భూతే॑ హ॒విష్మ॑త్యసి ము॒ఞ్చేమ-మగ్ంహ॑స॒-స్స్వాహా॒ నమో॒ య ఇ॒ద-ఞ్చ॒కారా॑-ఽఽది॒త్య-ఞ్చ॒రు-న్నిర్వ॑పతి॒ వరో॒ దఖ్షి॑ణా-ఽఽగ్నావైష్ణ॒వ-మేకా॑దశకపాలం-వాఀమ॒నో వ॒హీ దఖ్షి॑ణా ఽగ్నీషో॒మీయ॒- [దఖ్షి॑ణా ఽగ్నీషో॒మీయ᳚మ్, ఏకా॑దశకపాల॒గ్ం॒ హిర॑ణ్యం॒] 1
-మేకా॑దశకపాల॒గ్ం॒ హిర॑ణ్య॒-న్దఖ్షి॑ణై॒న్ద్ర-మేకా॑దశకపాల-మృష॒భో వ॒హీ దఖ్షి॑ణా-ఽఽగ్నే॒య-మ॒ష్టాక॑పాలమై॒న్ద్ర-న్దద్ధ్యృ॑ష॒భో వ॒హీ దఖ్షి॑ణైన్ద్రా॒గ్న-న్ద్వాద॑శకపాలం-వైఀశ్వదే॒వ-ఞ్చ॒రు-మ్ప్ర॑థమ॒జో వ॒థ్సో దఖ్షి॑ణా సౌ॒మ్యగ్గ్ శ్యా॑మా॒క-ఞ్చ॒రుం-వాఀసో॒ దఖ్షి॑ణా॒ సర॑స్వత్యై చ॒రుగ్ం సర॑స్వతే చ॒రు-మ్మి॑థు॒నౌ గావౌ॒ దఖ్షి॑ణా ॥ 2 ॥
(అ॒గ్నీ॒షో॒మీయం॒-చతు॑స్త్రిగ్ంశచ్చ) (అ. 1)
ఆ॒గ్నే॒యమ॒ష్టాక॑పాల॒-న్నిర్వ॑పతి సౌ॒మ్య-ఞ్చ॒రుగ్ం సా॑వి॒త్రం-ద్వాద॑శకపాలగ్ం సారస్వ॒త-ఞ్చ॒రు-మ్పౌ॒ష్ణ-ఞ్చ॒రు-మ్మా॑రు॒తగ్ం స॒ప్తక॑పాలం-వైఀశ్వదే॒వీ-మా॒మిఖ్షా᳚-న్ద్యావాపృథి॒వ్య॑-మేక॑కపాలమ్ ॥ 3 ॥
(ఆ॒గ్నే॒యగ్ం సౌ॒మ్య-మ్మా॑రు॒త-మ॒ష్టాద॑శ) (అ. 2)
ఐ॒న్ద్రా॒గ్న-మేకా॑దశకపాల-మ్మారు॒తీ-మా॒మిఖ్షాం᳚-వాఀరు॒ణీ-మా॒మిఖ్షా᳚-ఙ్కా॒యమేక॑కపాల-మ్ప్రఘా॒స్యాన్॑. హవామహే మ॒రుతో॑ య॒జ్ఞవా॑హసః కర॒మ్భేణ॑ స॒జోష॑సః ॥ మో షూ ణ॑ ఇన్ద్ర పృ॒థ్సు దే॒వాస్తు॑ స్మ తే శుష్మిన్నవ॒యా । మ॒హీ హ్య॑స్య మీ॒ఢుషో॑ య॒వ్యా । హ॒విష్మ॑తో మ॒రుతో॒ వన్ద॑తే॒ గీః ॥ య-ద్గ్రామే॒ యదర॑ణ్యే॒ య-థ్స॒భాయాం॒-యఀది॑న్ద్రి॒యే । యచ్ఛూ॒ద్రే యద॒ర్య॑ ఏన॑శ్చకృ॒మా వ॒యమ్ । యదే క॒స్యాధి॒ ధర్మ॑ణి॒ తస్యా॑వ॒యజ॑నమసి॒ స్వాహా᳚ ॥ అక్ర॒న్ కర్మ॑ కర్మ॒కృత॑-స్స॒హ వా॒చా మ॑యోభు॒వా । దే॒వేభ్యః॒ కర్మ॑ కృ॒త్వా-ఽస్త॒-మ్ప్రేత॑ సుదానవః ॥ 4 ॥
(వ॒యంయఀ-ద్విగ్ం॑శ॒తిశ్చ॑) (అ. 3)
అ॒గ్నయే-ఽనీ॑కవతే పురో॒డాశ॑-మ॒ష్టాక॑పాల॒-న్నిర్వ॑పతి సా॒కగ్ం సూర్యే॑ణోద్య॒తా మ॒రుద్భ్య॑-స్సాన్తప॒నేభ్యో॑ మ॒ద్ధ్యన్ది॑నే చ॒రు-మ్మ॒రుద్భ్యో॑ గృహమే॒ధిభ్య॒-స్సర్వా॑సా-న్దు॒గ్ధే సా॒య-ఞ్చ॒రు-మ్పూ॒ర్ణా ద॑ర్వి॒ పరా॑పత॒ సుపూ᳚ర్ణా॒ పున॒రా ప॑త । వ॒స్నేవ॒ వి క్రీ॑ణావహా॒ ఇష॒మూర్జగ్ం॑ శతక్రతో ॥ దే॒హి మే॒ దదా॑మి తే॒ ని మే॑ ధేహి॒ ని తే॑ దధే । ని॒హార॒మిన్ని మే॑ హరా ని॒ హార॒- [ని॒ హార᳚మ్, ని హ॑రామి తే ।] 5
-న్ని హ॑రామి తే ॥ మ॒రుద్భ్యః॑ క్రీ॒డిభ్యః॑ పురో॒డాశగ్ం॑ స॒ప్తక॑పాల॒-న్నిర్వ॑పతి సా॒కగ్ం సూర్యే॑ణోద్య॒తా-ఽఽగ్నే॒య-మ॒ష్టాక॑పాల॒-న్నిర్వ॑పతి సౌ॒మ్య-ఞ్చ॒రుగ్ం సా॑వి॒త్ర-న్ద్వాద॑శకపాలగ్ం సారస్వ॒త-ఞ్చ॒రు-మ్పౌ॒ష్ణ-ఞ్చ॒రుమై᳚న్ద్రా॒గ్న-మేకా॑దశకపాల-మై॒న్ద్ర-ఞ్చ॒రుం-వైఀ᳚శ్వకర్మ॒ణ-మేక॑కపాలమ్ ॥ 6 ॥
(హ॒రా॒ ని॒హార॑న్-త్రి॒గ్ం॒శచ్చ॑) (అ. 4)
సోమా॑య పితృ॒మతే॑ పురో॒డాశ॒గ్ం॒ షట్క॑పాల॒-న్నిర్వ॑పతి పి॒తృభ్యో॑ బర్హి॒షద్భ్యో॑ ధా॒నాః పి॒తృభ్యో᳚-ఽగ్నిష్వా॒త్తేభ్యో॑ ఽభివా॒న్యా॑యై దు॒గ్ధే మ॒న్థమే॒త-త్తే॑ తత॒ యే చ॒ త్వా-మన్వే॒త-త్తే॑ పితామహ ప్రపితామహ॒ యే చ॒ త్వామన్వత్ర॑ పితరో యథాభా॒గ-మ్మ॑న్దద్ధ్వగ్ం సుస॒న్దృశ॑-న్త్వా వ॒య-మ్మఘ॑వ-న్మన్దిషీ॒మహి॑ । ప్రనూ॒న-మ్పూ॒ర్ణవ॑న్ధుర-స్స్తు॒తో యా॑సి॒ వశా॒గ్ం॒ అను॑ । యోజా॒ న్వి॑న్ద్ర తే॒ హరీ᳚ ॥ 7 ॥
అఖ్ష॒న్నమీ॑మదన్త॒ హ్యవ॑ ప్రి॒యా అ॑ధూషత । అస్తో॑షత॒ స్వభా॑నవో॒ విప్రా॒ నవి॑ష్ఠయా మ॒తీ । యోజా॒ న్వి॑న్ద్ర తే॒ హరీ᳚ ॥ అఖ్ష॑-న్పి॒తరో-ఽమీ॑మదన్త పి॒తరో-ఽతీ॑తృపన్త పి॒తరో-ఽమీ॑మృజన్త పి॒తరః॑ ॥ పరే॑త పితర-స్సోమ్యా గమ్భీ॒రైః ప॒థిభిః॑ పూ॒ర్వ్యైః । అథా॑ పి॒తృన్-థ్సు॑వి॒దత్రా॒గ్ం॒ అపీ॑త య॒మేన॒ యే స॑ధ॒మాద॒-మ్మద॑న్తి ॥ మనో॒ న్వా హు॑వామహే నారాశ॒గ్ం॒సేన॒ స్తోమే॑న పితృ॒ణా-ఞ్చ॒ మన్మ॑భిః ॥ ఆ [ఆ, న॒ ఏ॒తు॒ మనః॒ పునః॒ క్రత్వే॒] 8
న॑ ఏతు॒ మనః॒ పునః॒ క్రత్వే॒ దఖ్షా॑య జీ॒వసే᳚ । జ్యోక్చ॒ సూర్య॑-న్దృ॒శే ॥ పున॑ర్నః పి॒తరో॒ మనో॒ దదా॑తు॒ దైవ్యో॒ జనః॑ । జీ॒వం-వ్రాఀతగ్ం॑ సచేమహి ॥ యద॒న్తరి॑ఖ్ష-మ్పృథి॒వీము॒త ద్యాం-యఀన్మా॒తర॑-మ్పి॒తరం॑-వాఀ జిహిగ్ంసి॒మ । అ॒గ్ని-ర్మా॒ తస్మా॒దేన॑సో॒ గార్హ॑పత్యః॒ ప్ర ము॑ఞ్చతు దురి॒తా యాని॑ చకృ॒మ క॒రోతు॒ మా-మ॑నే॒నస᳚మ్ ॥ 9 ॥
(హరీ॒-మన్మ॑భి॒రా-చతు॑శ్చత్వారిగ్ంశచ్చ) (అ. 5)
ప్ర॒తి॒పూ॒రు॒షమేక॑కపాలా॒-న్నిర్వ॑ప॒త్యేక॒-మతి॑రిక్తం॒-యాఀవ॑న్తో గృ॒హ్యా᳚-స్స్మస్తేభ్యః॒ కమ॑కర-మ్పశూ॒నాగ్ం శర్మా॑సి॒ శర్మ॒ యజ॑మానస్య॒ శర్మ॑ మే య॒చ్ఛైక॑ ఏ॒వ రు॒ద్రో న ద్వి॒తీయా॑య తస్థ ఆ॒ఖుస్తే॑ రుద్ర ప॒శుస్త-ఞ్జు॑షస్వై॒ష తే॑ రుద్ర భా॒గ-స్స॒హ స్వస్రా-ఽమ్బి॑కయా॒ త-ఞ్జు॑షస్వ భేష॒జ-ఙ్గవే-ఽశ్వా॑య॒ పురు॑షాయ భేష॒జమథో॑ అ॒స్మభ్య॑-మ్భేష॒జగ్ం సుభే॑షజం॒- [సుభే॑షజమ్, యథా-ఽస॑తి ।] 10
-యఀథా-ఽస॑తి । సు॒గ-మ్మే॒షాయ॑ మే॒ష్యా॑ అవా᳚మ్బ రు॒ద్ర-మ॑దిమ॒హ్యవ॑ దే॒వ-న్త్య్ర॑మ్బకమ్ । యథా॑ న॒-శ్శ్రేయ॑సః॒ కర॒-ద్యథా॑ నో॒ వస్య॑సః॒ కర॒-ద్యథా॑ నః పశు॒మతః॒ కర॒-ద్యథా॑ నో వ్యవసా॒యయా᳚త్ ॥ త్య్ర॑మ్బకం-యఀజామహే సుగ॒న్ధి-మ్పు॑ష్టి॒వర్ధ॑నమ్ । ఉ॒ర్వా॒రు॒క-మి॑వ॒ బన్ధ॑నా-న్మృ॒త్యో-ర్ము॑ఖ్షీయ॒ మా-ఽమృతా᳚త్ ॥ ఏ॒ష తే॑ రుద్ర భా॒గస్త-ఞ్జు॑షస్వ॒ తేనా॑వ॒సేన॑ ప॒రో మూజ॑వ॒తో-ఽతీ॒హ్య వ॑తతధన్వా॒ పినా॑కహస్తః॒ కృత్తి॑వాసాః ॥ 11 ॥
(సుభే॑షజ-మిహి॒ త్రీణి॑ చ) (అ. 6)
ఐ॒న్ద్రా॒గ్న-న్ద్వాద॑శకపాలం-వైఀశ్వదే॒వ-ఞ్చ॒రుమిన్ద్రా॑య॒ శునా॒సీరా॑య పురో॒డాశ॒-న్ద్వాద॑శకపాలం-వాఀయ॒వ్య॑-మ్పయ॑-స్సౌ॒ర్యమేక॑కపాల-న్ద్వాదశగ॒వగ్ం సీర॒-న్దఖ్షి॑ణా- ఽఽగ్నే॒య-మ॒ష్టాక॑పాల॒-న్నిర్వ॑పతి రౌ॒ద్ర-ఙ్గా॑వీధు॒క-ఞ్చ॒రుమై॒న్ద్ర-న్దధి॑ వారు॒ణం-యఀ ॑వ॒మయ॑-ఞ్చ॒రుం-వఀ॒హినీ॑ ధే॒ను-ర్దఖ్షి॑ణా॒ యే దే॒వాః పు॑ర॒స్సదో॒-ఽగ్నినే᳚త్రా దఖ్షిణ॒సదో॑ య॒మనే᳚త్రాః పశ్చా॒థ్సద॑-స్సవి॒తృనే᳚త్రా ఉత్తర॒సదో॒ వరు॑ణనేత్రా ఉపరి॒షదో॒ బృహ॒స్పతి॑నేత్రా రఖ్షో॒హణ॒స్తే నః॑ పాన్తు॒ తే నో॑-ఽవన్తు॒ తేభ్యో॒ [తే నో॑-ఽవన్తు॒ తేభ్యః॑, నమ॒స్తేభ్య॒-స్స్వాహా॒] 12
నమ॒స్తేభ్య॒-స్స్వాహా॒ సమూ॑ఢ॒గ్ం॒ రఖ్ష॒-స్సన్ద॑॑గ్ధ॒గ్ం॒ రఖ్ష॑ ఇ॒దమ॒హగ్ం రఖ్షో॒-ఽభి స-న్ద॑హామ్య॒గ్నయే॑ రఖ్షో॒ఘ్నే స్వాహా॑ య॒మాయ॑ సవి॒త్రే వరు॑ణాయ॒ బృహ॒స్పత॑యే॒ దువ॑స్వతే రఖ్షో॒ఘ్నే స్వాహా᳚ ప్రష్టివా॒హీ రథో॒ దఖ్షి॑ణా దే॒వస్య॑ త్వా సవి॒తుః ప్ర॑స॒వే᳚-ఽశ్వినో᳚-ర్బా॒హుభ్యా᳚-మ్పూ॒ష్ణో హస్తా᳚భ్యా॒గ్ం॒ రఖ్ష॑సో వ॒ధ-ఞ్జు॑హోమి హ॒తగ్ం రఖ్షో-ఽవ॑ధిష్మ॒ రఖ్షో॒ య-ద్వస్తే॒ త-ద్దఖ్షి॑ణా ॥ 13 ॥
(తేభ్యః॒-పఞ్చ॑చత్వారిగ్ంశచ్చ) (అ. 7)
ధా॒త్రే పు॑రో॒డాశ॒-న్ద్వాద॑శకపాల॒-న్నిర్వ॑ప॒త్యను॑మత్యై చ॒రుగ్ం రా॒కాయై॑ చ॒రుగ్ం సి॑నీవా॒ల్యై చ॒రు-ఙ్కు॒హ్వై॑ చ॒రు-మ్మి॑థు॒నౌ గావౌ॒ దఖ్షి॑ణా ఽఽగ్నావైష్ణ॒వ-మేకా॑దశకపాల॒-న్నిర్వ॑పత్యైన్ద్రావైష్ణ॒వ-మేకా॑దశకపాలం-వైఀష్ణ॒వ-న్త్రి॑కపా॒లం-వాఀ ॑మ॒నో వ॒హీ దఖ్షి॑ణా-ఽగ్నీషో॒మీయ॒-మేకా॑దశకపాల॒-న్నిర్వ॑పతీన్ద్రాసో॒మీయ॒- మేకా॑దశకపాలగ్ం సౌ॒మ్య-ఞ్చ॒రు-మ్బ॒భ్రు-ర్దఖ్షి॑ణా సోమాపౌ॒ష్ణ-ఞ్చ॒రు-న్నిర్వ॑పత్యైన్ద్రా పౌ॒ష్ణ-ఞ్చ॒రు-మ్పౌ॒ష్ణ-ఞ్చ॒రుగ్గ్ శ్యా॒మో దఖ్షి॑ణా వైశ్వాన॒ర-న్ద్వాద॑శకపాల॒-న్నిర్వ॑పతి॒ హిర॑ణ్య॒-న్దఖ్షి॑ణా వారు॒ణం-యఀ ॑వ॒మయ॑-ఞ్చ॒రుమశ్వో॒ దఖ్షి॑ణా ॥ 14 ॥
(వై॒శ్వా॒న॒ర-న్ద్వాద॑శకపాల॒-న్ని॒-రష్టౌ చ॑) (అ. 8)
బా॒ర్॒హ॒స్ప॒త్య-ఞ్చ॒రు-న్నిర్వ॑పతి బ్ర॒హ్మణో॑ గృ॒హే శి॑తిపృ॒ష్ఠో దఖ్షి॑ణై॒న్ద్ర-మేకా॑దశకపాలగ్ం రాజ॒న్య॑స్య గృ॒హ ఋ॑ష॒భో దఖ్షి॑ణా-ఽఽది॒త్య-ఞ్చ॒రు-మ్మహి॑ష్యై గృ॒హే ధే॒ను-ర్దఖ్షి॑ణా నైర్-ఋ॒త-ఞ్చ॒రు-మ్ప॑రివృ॒క్త్యై॑ గృ॒హే కృ॒ష్ణానాం᳚-వ్రీఀహీ॒ణా-న్న॒ఖని॑ర్భిన్న-ఙ్కృ॒ష్ణా కూ॒టా దఖ్షి॑ణా ఽఽగ్నే॒యమ॒ష్టాక॑పాలగ్ం సేనా॒న్యో॑ గృ॒హే హిర॑ణ్య॒-న్దఖ్షి॑ణా వారు॒ణ-న్దశ॑కపాలగ్ం సూ॒తస్య॑ గృ॒హే మ॒హాని॑రష్టో॒ దఖ్షి॑ణా మారు॒తగ్ం స॒ప్తక॑పాల-ఙ్గ్రామ॒ణ్యో॑ గృ॒హే పృశ్ఞి॒-ర్దఖ్షి॑ణా సావి॒త్ర-న్ద్వాద॑శకపాలం- [ద్వాద॑శకపాలమ్, ఖ్ష॒త్తు-ర్గృ॒హ] 15
-ఖ్ష॒త్తు-ర్గృ॒హ ఉ॑పద్ధ్వ॒స్తో దఖ్షి॑ణా-ఽఽశ్వి॒న-న్ద్వి॑కపా॒లగ్ం స॑ఙ్గ్రహీ॒తు-ర్గృ॒హే స॑వా॒త్యౌ॑ దఖ్షి॑ణా పౌ॒ష్ణ-ఞ్చ॒రు-మ్భా॑గదు॒ఘస్య॑ గృ॒హే శ్యా॒మో దఖ్షి॑ణా రౌ॒ద్ర-ఙ్గా॑వీధు॒క-ఞ్చ॒రుమ॑ఖ్షావా॒పస్య॑ గృ॒హే శ॒బల॒ ఉద్వా॑రో॒ దఖ్షి॒ణేన్ద్రా॑య సు॒త్రాంణే॑ పురో॒డాశ॒మేకా॑దశకపాల॒-మ్ప్రతి॒ నిర్వ॑ప॒తీన్ద్రా॑యాగ్ంహో॒ముచే॒ ఽయ-న్నో॒ రాజా॑ వృత్ర॒హా రాజా॑ భూ॒త్వా వృ॒త్రం-వఀ ॑ద్ధ్యా-న్మైత్రాబార్హస్ప॒త్య-మ్భ॑వతి శ్వే॒తాయై᳚ శ్వే॒తవ॑థ్సాయై దు॒గ్ధే స్వ॑యమ్మూ॒ర్తే స్వ॑యమ్మథి॒త ఆజ్య॒ ఆశ్వ॑త్థే॒ [ఆశ్వ॑త్థే, పాత్రే॒ చతు॑స్స్రక్తౌ] 16
పాత్రే॒ చతు॑స్స్రక్తౌ స్వయమవప॒న్నాయై॒ శాఖా॑యై క॒ర్ణాగ్శ్చాక॑ర్ణాగ్శ్చ తణ్డు॒లాన్ వి చి॑నుయా-ద్యేక॒ర్ణా-స్స పయ॑సి బార్హస్ప॒త్యో యే-ఽక॑ర్ణా॒-స్స ఆజ్యే॑ మై॒త్ర-స్స్వ॑యఙ్కృ॒తా వేది॑-ర్భవతి స్వయన్ది॒న-మ్బ॒ర్॒హి-స్స్వ॑యఙ్కృ॒త ఇ॒ద్ధ్మ-స్సైవ శ్వే॒తా శ్వే॒తవ॑థ్సా॒ దఖ్షి॑ణా ॥ 17 ॥
(సావి॒త్ర-న్ద్వాద॑శకపాల॒-మాశ్వ॑త్థే॒ త్రయ॑స్త్రిగ్ంశచ్చ) (అ. 9)
అ॒గ్నయే॑ గృ॒హప॑తయే పురో॒డాశ॑మ॒ష్టాక॑పాల॒-న్నిర్వ॑పతి కృ॒ష్ణానాం᳚-వ్రీఀహీ॒ణాగ్ం సోమా॑య॒ వన॒స్పత॑యే శ్యామా॒క-ఞ్చ॒రుగ్ం స॑వి॒త్రే స॒త్యప్ర॑సవాయ పురో॒డాశ॒-న్ద్వాద॑శకపాల-మాశూ॒నాం-వ్రీఀ ॑హీ॒ణాగ్ం రు॒ద్రాయ॑ పశు॒పత॑యే గావీధు॒క-ఞ్చ॒రు-మ్బృహ॒స్పత॑యే వా॒చస్పత॑యే నైవా॒ర-ఞ్చ॒రుమిన్ద్రా॑య జ్యే॒ష్ఠాయ॑ పురో॒డాశ॒-మేకా॑దశకపాల-మ్మ॒హావ్రీ॑హీణా-మ్మి॒త్రాయ॑ స॒త్యాయా॒-ఽఽమ్బానా᳚-ఞ్చ॒రుం-వఀరు॑ణాయ॒ ధర్మ॑పతయే యవ॒మయ॑-ఞ్చ॒రుగ్ం స॑వి॒తా త్వా᳚ ప్రస॒వానాగ్ం॑ సువతామ॒గ్ని-ర్గృ॒హప॑తీనా॒గ్ం॒ సోమో॒ వన॒స్పతీ॑నాగ్ం రు॒ద్రః ప॑శూ॒నాం- [ప॑శూ॒నామ్, బృహ॒స్పతి॑-ర్వా॒చామిన్ద్రో᳚] 18
-బృహ॒స్పతి॑-ర్వా॒చామిన్ద్రో᳚ జ్యే॒ష్ఠానా᳚-మ్మి॒త్ర-స్స॒త్యానాం॒-వఀరు॑ణో॒ ధర్మ॑పతీనాం॒-యేఀ దే॑వా దేవ॒సువ॒-స్స్థ త ఇ॒మ-మా॑ముష్యాయ॒ణ-మ॑నమి॒త్రాయ॑ సువద్ధ్వ-మ్మహ॒తే ఖ్ష॒త్రాయ॑ మహ॒త ఆధి॑పత్యాయ మహ॒తే జాన॑రాజ్యాయై॒ష వో॑ భరతా॒ రాజా॒ సోమో॒-ఽస్మాక॑-మ్బ్రాహ్మ॒ణానా॒గ్ం॒ రాజా॒ ప్రతి॒ త్యన్నామ॑ రా॒జ్య-మ॑ధాయి॒ స్వా-న్త॒నువం॒-వఀరు॑ణో అశిశ్రే॒చ్ఛుచే᳚-ర్మి॒త్రస్య॒ వ్రత్యా॑ అభూ॒మామ॑న్మహి మహ॒త ఋ॒తస్య॒ నామ॒ సర్వే॒ వ్రాతా॒ వరు॑ణస్యాభూవ॒న్ వి మి॒త్ర ఏవై॒-రరా॑తి-మతారీ॒దసూ॑షుదన్త య॒జ్ఞియా॑ ఋ॒తేన॒ వ్యు॑ త్రి॒తో జ॑రి॒మాణ॑-న్న ఆన॒-డ్విష్ణోః॒ క్రమో॑-ఽసి॒ విష్ణోః᳚ క్రా॒న్తమ॑సి॒ విష్ణో॒-ర్విక్రా᳚న్త-మసి ॥ 19 ॥
(ప॒శూ॒నాంవ్రాఀతాః॒-పఞ్చ॑విగ్ంశతిశ్చ) (అ. 10)
అ॒ర్థేత॑-స్స్థా॒-ఽపా-మ్పతి॑రసి॒ వృషా᳚-ఽస్యూ॒ర్మి-ర్వృ॑షసే॒నో॑-ఽసి వ్రజ॒ఖ్షిత॑-స్స్థ మ॒రుతా॒మోజ॑-స్స్థ॒ సూర్య॑వర్చస-స్స్థ॒ సూర్య॑త్వచస-స్స్థ॒ మాన్దా᳚-స్స్థ॒ వాశా᳚-స్స్థ॒ శక్వ॑రీ-స్స్థ విశ్వ॒భృత॑-స్స్థ జన॒భృత॑-స్స్థా॒-ఽగ్నేస్తే॑జ॒స్యా᳚-స్స్థా॒-ఽపామోష॑ధీనా॒గ్ం॒ రస॑-స్స్థా॒-ఽపో దే॒వీ-ర్మధు॑మతీరగృహ్ణ॒న్నూర్జ॑స్వతీ రాజ॒సూయా॑య॒ చితా॑నాః ॥ యాభి॑-ర్మి॒త్రావరు॑ణావ॒-భ్యషి॑ఞ్చ॒న్॒. యాభి॒-రిన్ద్ర॒మన॑య॒న్నత్య రా॑తీః ॥ రా॒ష్ట్ర॒దా-స్స్థ॑ రా॒ష్ట్ర-న్ద॑త్త॒ స్వాహా॑ రాష్ట్ర॒దా-స్స్థ॑ రా॒ష్ట్రమ॒ముష్మై॑ దత్త ॥ 20 ॥
(అత్యే-కా॑దశ చ) (అ. 11)
దేవీ॑రాప॒-స్స-మ్మధు॑మతీ॒-ర్మధు॑మతీభి-స్సృజ్యద్ధ్వ॒-మ్మహి॒ వర్చః॑, ఖ్ష॒త్రియా॑య వన్వా॒నా అనా॑ధృష్టా-స్సీద॒తోర్జ॑స్వతీ॒ర్మహి॒ వర్చః॑, ఖ్ష॒త్రియా॑య॒ దధ॑తీ॒రని॑భృష్టమసి వా॒చో బన్ధు॑స్తపో॒జా-స్సోమ॑స్య దా॒త్రమ॑సి శు॒క్రా వ॑-శ్శు॒క్రేణోత్పు॑నామి చ॒న్ద్రాశ్చ॒న్ద్రేణా॒మృతా॑ అ॒మృతే॑న॒ స్వాహా॑ రాజ॒సూయా॑య॒ చితా॑నాః । స॒ధ॒మాదో᳚ ద్యు॒మ్నినీ॒రూర్జ॑ ఏ॒తా అని॑భృష్టా అప॒స్యువో॒ వసా॑నః ॥ ప॒స్త్యా॑సు చక్రే॒ వరు॑ణ-స్స॒ధస్థ॑మ॒పాగ్ం శిశు॑- [శిశుః॑, మా॒తృత॑మాస్వ॒న్తః ।] 21
-ర్మా॒తృత॑మాస్వ॒న్తః ॥ ఖ్ష॒త్రస్యోల్బ॑మసి ఖ్ష॒త్రస్య॒ యోని॑ర॒స్యావి॑న్నో అ॒గ్ని-ర్గృ॒హప॑తి॒రావి॑న్న॒ ఇన్ద్రో॑ వృ॒ద్ధశ్ర॑వా॒ ఆవి॑న్నః పూ॒షా వి॒శ్వవే॑దా॒ ఆవి॑న్నౌ మి॒త్రావరు॑ణా వృతా॒వృధా॒వావి॑న్నే॒ ద్యావా॑పృథి॒వీ ధృ॒తవ్ర॑తే॒ ఆవి॑న్నా దే॒వ్యది॑తి-ర్విశ్వరూ॒ప్యావి॑న్నో॒ ఽయమ॒సావా॑ముష్యాయ॒ణో᳚-ఽస్యాం-విఀ॒శ్య॑స్మి-న్రా॒ష్ట్రే మ॑హ॒తే ఖ్ష॒త్రాయ॑ మహ॒త ఆధి॑పత్యాయ మహ॒తే జాన॑రాజ్యాయై॒ష వో॑ భరతా॒ రాజా॒ సోమో॒-ఽస్మాక॑-మ్బ్రాహ్మ॒ణానా॒గ్ం॒ రాజేన్ద్ర॑స్య॒ [రాజేన్ద్ర॑స్య, వజ్రో॑-ఽసి॒] 22
వజ్రో॑-ఽసి॒ వార్త్ర॑ఘ్న॒స్త్వయా॒ యం-వృఀ॒త్రం-వఀ ॑ద్ధ్యాచ్ఛత్రు॒బాధ॑నా-స్స్థ పా॒త మా᳚ ప్ర॒త్యఞ్చ॑-మ్పా॒త మా॑ తి॒ర్యఞ్చ॑మ॒న్వఞ్చ॑-మ్మా పాత ది॒గ్భ్యో మా॑ పాత॒ విశ్వా᳚భ్యో మా నా॒ష్ట్రాభ్యః॑ పాత॒ హిర॑ణ్యవర్ణా-వు॒షసాం᳚ విఀరో॒కే-ఽయ॑స్స్థూణా॒-వుది॑తౌ॒ సూర్య॒స్యా-ఽఽ రో॑హతం-వఀరుణ మిత్ర॒ గర్త॒-న్తత॑శ్చఖ్షాథా॒మది॑తి॒-న్దితి॑-ఞ్చ ॥ 23 ॥
(శిశు॒-రిన్ద్ర॒స్యై-క॑చత్వారిగ్ంశచ్చ) (అ. 12)
స॒మిధ॒మా తి॑ష్ఠ గాయ॒త్రీ త్వా॒ ఛన్ద॑సామవతు త్రి॒వృథ్స్తోమో॑ రథన్త॒రగ్ం సామా॒గ్ని-ర్దే॒వతా॒ బ్రహ్మ॒ ద్రవి॑ణము॒గ్రామా తి॑ష్ఠ త్రి॒ష్టు-ప్త్వా॒ ఛన్ద॑సామవతు పఞ్చద॒శ-స్స్తోమో॑ బృ॒హ-థ్సామేన్ద్రో॑ దే॒వతా᳚ ఖ్ష॒త్ర-న్ద్రవి॑ణం-విఀ॒రాజ॒మా తి॑ష్ఠ॒ జగ॑తీ త్వా॒ ఛన్ద॑సామవతు సప్తద॒శ-స్స్తోమో॑ వైరూ॒పగ్ం సామ॑ మ॒రుతో॑ దే॒వతా॒ వి-డ్ద్రవి॑ణ॒-ముదీ॑చీ॒మా-తి॑ష్ఠాను॒ష్టు-ప్త్వా॒ – [తి॑ష్ఠాను॒ష్టు-ప్త్వా᳚, ఛన్ద॑సా-] 24
ఛన్ద॑సా-మవత్వేకవి॒గ్ం॒శ-స్స్తోమో॑ వైరా॒జగ్ం సామ॑ మి॒త్రావరు॑ణౌ దే॒వతా॒ బల॒-న్ద్రవి॑ణ-మూ॒ర్ధ్వామా తి॑ష్ఠ ప॒ఙ్క్తిస్త్వా॒ ఛన్ద॑సామవతు త్రిణవత్రయస్త్రి॒గ్ం॒శౌ స్తోమౌ॑ శాక్వరరైవ॒తే సామ॑నీ॒ బృహ॒స్పతి॑-ర్దే॒వతా॒ వర్చో॒ ద్రవి॑ణ-మీ॒దృ-ఞ్చా᳚న్యా॒దృ-ఞ్చై॑తా॒దృ-ఞ్చ॑ ప్రతి॒దృ-ఞ్చ॑ మి॒తశ్చ॒ సమ్మి॑తశ్చ॒ సభ॑రాః । శు॒క్రజ్యో॑తిశ్చ చి॒త్రజ్యో॑తిశ్చ స॒త్యజ్యో॑తిశ్చ॒ జ్యోతి॑ష్మాగ్శ్చ స॒త్యశ్చ॑ర్త॒పాశ్చా- [స॒త్యశ్చ॑ర్త॒పాశ్చ॑, అత్యగ్ం॑హాః ।] 25
-ఽత్యగ్ం॑హాః । అ॒గ్నయే॒ స్వాహా॒ సోమా॑య॒ స్వాహా॑ సవి॒త్రే స్వాహా॒ సర॑స్వత్యై॒ స్వాహా॑ పూ॒ష్ణే స్వాహా॒ బృహ॒స్పత॑యే॒ స్వాహేన్ద్రా॑య॒ స్వాహా॒ ఘోషా॑య॒ స్వాహా॒ శ్లోకా॑య॒ స్వాహా ఽగ్ంశా॑య॒ స్వాహా॒ భగా॑య॒ స్వాహా॒ ఖ్షేత్ర॑స్య॒ పత॑యే॒ స్వాహా॑ పృథి॒వ్యై స్వాహా॒ ఽన్తరి॑ఖ్షాయ॒ స్వాహా॑ ది॒వే స్వాహా॒ సూర్యా॑య॒ స్వాహా॑ చ॒న్ద్రమ॑సే॒ స్వాహా॒ నఖ్ష॑త్రేభ్య॒-స్స్వాహా॒ ఽద్భ్య-స్స్వాహౌష॑ధీభ్య॒-స్స్వాహా॒ వన॒స్పతి॑భ్య॒-స్స్వాహా॑ చరాచ॒రేభ్య॒-స్స్వాహా॑ పరిప్ల॒వేభ్య॒-స్స్వాహా॑ సరీసృ॒పేభ్య॒-స్స్వాహా᳚ ॥ 26 ॥
(అ॒ను॒ష్టుప్త్వ॑-ర్త॒పాశ్చ॑ – సరీసృ॒పేభ్య॒-స్స్వాహా᳚) (అ. 13)
సోమ॑స్య॒ త్విషి॑రసి॒ తవే॑వ మే॒ త్విషి॑-ర్భూయాద॒మృత॑మసి మృ॒త్యో-ర్మా॑ పాహి ది॒ద్యోన్మా॑ పా॒హ్యవే᳚ష్టా దన్ద॒శూకా॒ నిర॑స్త॒-న్నము॑చే॒-శ్శిరః॑ ॥ సోమో॒ రాజా॒ వరు॑ణో దే॒వా ధ॑ర్మ॒సువ॑శ్చ॒ యే । తే తే॒ వాచగ్ం॑ సువన్తా॒-న్తే తే᳚ ప్రా॒ణగ్ం సు॑వన్తా॒-న్తే తే॒ చఖ్షు॑-స్సువన్తా॒-న్తే తే॒ శ్రోత్రగ్ం॑ సువన్తా॒గ్ం॒ సోమ॑స్య త్వా ద్యు॒మ్నేనా॒భి షి॑ఞ్చామ్య॒గ్నే- [షి॑ఞ్చామ్య॒గ్నేః, తేజ॑సా॒ సూర్య॑స్య॒] 27
-స్తేజ॑సా॒ సూర్య॑స్య॒ వర్చ॒సేన్ద్ర॑స్యేన్ద్రి॒యేణ॑ మి॒త్రావరు॑ణయో-ర్వీ॒ర్యే॑ణ మ॒రుతా॒మోజ॑సా ఖ్ష॒త్రాణా᳚-ఙ్ఖ్ష॒త్రప॑తిర॒స్యతి॑ ది॒వస్పా॑హి స॒మావ॑వృత్రన్న-ధ॒రాగుదీ॑చీ॒-రహి॑-మ్బు॒ద్ధ్నియ॒మను॑ స॒ఞ్చర॑న్తీ॒స్తాః పర్వ॑తస్య వృష॒భస్య॑ పృ॒ష్ఠే నావ॑శ్చరన్తి స్వ॒సిచ॑ ఇయా॒నాః ॥ రుద్ర॒ యత్తే॒ క్రయీ॒ పర॒-న్నామ॒ తస్మై॑ హు॒తమ॑సి య॒మేష్ట॑మసి । ప్రజా॑పతే॒ న త్వదే॒తాన్య॒న్యో విశ్వా॑ జా॒తాని॒ పరి॒ తా బ॑భూవ । యత్కా॑మాస్తే జుహు॒మస్తన్నో॑ అస్తు వ॒యగ్గ్ స్యా॑మ॒ పత॑యో రయీ॒ణామ్ ॥ 28 ॥
(అ॒గ్నే-స్తై-కా॑దశ చ) (అ. 14)
ఇన్ద్ర॑స్య॒ వజ్రో॑-ఽసి॒ వార్త్ర॑ఘ్న॒స్త్వయా॒-ఽయం-వృఀ॒త్రం-వఀ ॑ద్ధ్యా-న్మి॒త్రావరు॑ణయోస్త్వా ప్రశా॒స్త్రోః ప్ర॒శిషా॑ యునజ్మి య॒జ్ఞస్య॒ యోగే॑న॒ విష్ణోః॒ క్రమో॑-ఽసి॒ విష్ణోః᳚ క్రా॒న్తమ॑సి॒ విష్ణో॒-ర్విక్రా᳚న్తమసి మ॒రుతా᳚-మ్ప్రస॒వే జే॑షమా॒ప్త-మ్మన॒-స్సమ॒హమి॑న్ద్రి॒యేణ॑ వీ॒ర్యే॑ణ పశూ॒నా-మ్మ॒న్యుర॑సి॒ తవే॑వ మే మ॒న్యు-ర్భూ॑యా॒న్నమో॑ మా॒త్రే పృ॑థి॒వ్యై మా-ఽహ-మ్మా॒తర॑-మ్పృథి॒వీగ్ం హిగ్ం॑సిష॒-మ్మా [ ] 29
మా-మ్మా॒తా పృ॑థి॒వీ హిగ్ం॑సీ॒దియ॑ద॒స్యాయు॑-ర॒స్యాయు॑-ర్మే ధే॒హ్యూర్గ॒స్యూర్జ॑-మ్మే ధేహి॒ యుఙ్ఙ॑సి॒ వర్చో॑-ఽసి॒ వర్చో॒ మయి॑ ధేహ్య॒గ్నయే॑ గృ॒హప॑తయే॒ స్వాహా॒ సోమా॑య॒ వన॒స్పత॑యే॒ స్వాహేన్ద్ర॑స్య॒ బలా॑య॒ స్వాహా॑ మ॒రుతా॒మోజ॑సే॒ స్వాహా॑ హ॒గ్ం॒స-శ్శు॑చి॒ష-ద్వసు॑రన్తరిఖ్ష॒ -సద్ధోతా॑ వేది॒షదతి॑థి-ర్దురోణ॒సత్ । నృ॒ష-ద్వ॑ర॒సదృ॑త॒స-ద్వ్యో॑మ॒సద॒బ్జా గో॒జా ఋ॑త॒జా అ॑ద్రి॒జా ఋ॒త-మ్బృ॒హత్ ॥ 30 ॥
(హి॒గ్ం॒సి॒ష॒-మ్మ-ర్త॒జా-స్త్రీణి॑ చ) (అ. 15)
మి॒త్రో॑-ఽసి॒ వరు॑ణో-ఽసి॒ సమ॒హం-విఀ॒శ్వై᳚-ర్దే॒వైః, ఖ్ష॒త్రస్య॒ నాభి॑రసి ఖ్ష॒త్రస్య॒ యోని॑రసి స్యో॒నామా సీ॑ద సు॒షదా॒మా సీ॑ద॒ మా త్వా॑ హిగ్ంసీ॒న్మా మా॑ హిగ్ంసీ॒న్ని ష॑సాద ధృ॒తవ్ర॑తో॒ వరు॑ణః ప॒స్త్యా᳚స్వా సామ్రా᳚జ్యాయ సు॒క్రతు॒-ర్బ్రహ్మా(3)-న్త్వగ్ం రా॑జ-న్బ్ర॒హ్మా-ఽసి॑ సవి॒తా-ఽసి॑ స॒త్యస॑వో॒ బ్రహ్మా(3)-న్త్వగ్ం రా॑జ-న్బ్ర॒హ్మా-ఽసీన్ద్రో॑-ఽసి స॒త్యౌజా॒ [స॒త్యౌజాః᳚, బ్రహ్మా(3)న్త్వగ్ం] 31
బ్రహ్మా(3)న్త్వగ్ం రా॑జ-న్బ్ర॒హ్మా-ఽసి॑ మి॒త్రో॑-ఽసి సు॒శేవో॒ బ్రహ్మా(3)-న్త్వగ్ం రా॑జ-న్బ్ర॒హ్మా-ఽసి॒ వరు॑ణో-ఽసి స॒త్యధ॒ర్మేన్ద్ర॑స్య॒ వజ్రో॑-ఽసి॒ వార్త్ర॑ఘ్న॒స్తేన॑ మే రద్ధ్య॒ దిశో॒-ఽభ్య॑యగ్ం రాజా॑-ఽభూ॒-థ్సుశ్లో॒కా(4) సుమ॑ఙ్గ॒లా(4) సత్య॑రా॒జా(3)న్ । అ॒పా-న్నప్త్రే॒ స్వాహో॒ర్జో నప్త్రే॒ స్వాహా॒-ఽగ్నయే॑ గృ॒హప॑తయే॒ స్వాహా᳚ ॥ 32 ॥
(స॒త్యౌజా᳚-శ్చత్వారి॒గ్ం॒శచ్చ॑) (అ. 16)
ఆ॒గ్నే॒యమ॒ష్టాక॑పాల॒-న్నిర్వ॑పతి॒ హిర॑ణ్య॒-న్దఖ్షి॑ణా సారస్వ॒త-ఞ్చ॒రుం-వఀ ॑థ్సత॒రీ దఖ్షి॑ణా సావి॒త్ర-న్ద్వాద॑శకపాల-ముపద్ధ్వ॒స్తో దఖ్షి॑ణా పౌ॒ష్ణ-ఞ్చ॒రుగ్గ్ శ్యా॒మో దఖ్షి॑ణా బార్హస్ప॒త్య-ఞ్చ॒రుగ్ం శి॑తిపృ॒ష్ఠో దఖ్షి॑ణై॒న్ద్ర-మేకా॑దశకపాల-మృష॒భో దఖ్షి॑ణా వారు॒ణ-న్దశ॑కపాల-మ్మ॒హాని॑రష్టో॒ దఖ్షి॑ణా సౌ॒మ్య-ఞ్చ॒రు-మ్బ॒భ్రు-ర్దఖ్షి॑ణా త్వా॒ష్ట్రమ॒ష్టాక॑పాలగ్ం శు॒ణ్ఠో దఖ్షి॑ణా వైష్ణ॒వ-న్త్రి॑కపా॒లం-వాఀ ॑మ॒నో దఖ్షి॑ణా ॥ 33 ॥
(ఆ॒గ్నే॒యగ్ం హిర॑ణ్యగ్ం సారస్వ॒తం-ద్విచ॑త్వారిగ్ంశత్ ) (అ. 17)
స॒ద్యో దీ᳚ఖ్షయన్తి స॒ద్య-స్సోమ॑-ఙ్క్రీణన్తి పుణ్డరిస్ర॒జా-మ్ప్ర య॑చ్ఛతి ద॒శభి॑-ర్వథ్సత॒రై-స్సోమ॑-ఙ్క్రీణాతి దశ॒పేయో॑ భవతి శ॒త-మ్బ్రా᳚హ్మ॒ణాః పి॑బన్తి సప్తద॒శగ్గ్ స్తో॒త్ర-మ్భ॑వతి ప్రాకా॒శావ॑ద్ధ్వ॒ర్యవే॑ దదాతి॒ స్రజ॑-ముద్గా॒త్రే రు॒క్మగ్ం హోత్రే-ఽశ్వ॑-మ్ప్రస్తోతృప్రతిహ॒ర్తృభ్యా॒-న్ద్వాద॑శ పష్ఠౌ॒హీ-ర్బ్ర॒హ్మణే॑ వ॒శా-మ్మై᳚త్రావరు॒ణాయ॑ర్ష॒భ-మ్బ్రా᳚హ్మణాచ్ఛ॒గ్ం॒సినే॒ వాస॑సీ నేష్టాపో॒తృభ్యా॒గ్॒ స్థూరి॑ యవాచి॒త-మ॑చ్ఛావా॒కాయా॑-ఽన॒డ్వాహ॑-మ॒గ్నీధే॑ భార్గ॒వో హోతా॑ భవతి శ్రాయ॒న్తీయ॑-మ్బ్రహ్మసా॒మ-మ్భ॑వతి వారవ॒న్తీయ॑ మగ్నిష్టోమసా॒మగ్ం సా॑రస్వ॒తీ-ర॒పో గృ॑హ్ణాతి ॥ 34 ॥
(వా॒ర॒వ॒న్తీయ॑-ఞ్చ॒త్వారి॑ చ)(ఆ18)
ఆ॒గ్నే॒య-మ॒ష్టాక॑పాల॒-న్నిర్వ॑పతి॒ హిర॑ణ్య॒-న్దఖ్షి॑ణై॒న్ద్ర-మేకా॑దశకపాల-మృష॒భో దఖ్షి॑ణా వైశ్వదే॒వ-ఞ్చ॒రు-మ్పి॒శఙ్గీ॑ పష్ఠౌ॒హీ దఖ్షి॑ణా మైత్రావరు॒ణీ-మా॒మిఖ్షాం᳚-వఀ॒శా దఖ్షి॑ణా బార్హస్ప॒త్య-ఞ్చ॒రుగ్ం శి॑తిపృ॒ష్ఠో దఖ్షి॑ణా-ఽఽది॒త్యా-మ్మ॒ల్॒ఃఆ-ఙ్గ॒ర్భిణీ॒మా ల॑భతే మారు॒తీ-మ్పృశ్ఞి॑-మ్పష్ఠౌ॒హీ-మ॒శ్విభ్యా᳚-మ్పూ॒ష్ణే పు॑రో॒డాశ॒-న్ద్వాద॑శకపాల॒-న్నిర్వ॑పతి॒ సర॑స్వతే సత్య॒వాచే॑ చ॒రుగ్ం స॑వి॒త్రే స॒త్యప్ర॑సవాయ పురో॒డాశ॒-న్ద్వాద॑శకపాల-న్తిసృధ॒న్వగ్ం శు॑ష్కదృ॒తి-ర్దఖ్షి॑ణా ॥ 35 ॥
(అ॒గ్నే॒యగ్ం హిర॑ణ్యమై॒ద్రమృ॑ష॒భో వై᳚శ్వదే॒వ-మ్పి॒శఙ్గీ॑ బార్హస్ప॒త్యగ్ం-స॒ప్తచ॑త్వారిగ్ంశత్) (అ. 19)
ఆ॒గ్నే॒య-మ॒ష్టాక॑పాల॒-న్నిర్వ॑పతి సౌ॒మ్య-ఞ్చ॒రుగ్ం సా॑వి॒త్ర-న్ద్వాద॑శకపాల-మ్బార్హస్ప॒త్య-ఞ్చ॒రు-న్త్వా॒ష్ట్రమ॒ష్టాక॑పాలం-వైఀశ్వాన॒ర-న్ద్వాద॑శకపాల॒-న్దఖ్షి॑ణో రథవాహనవా॒హో దఖ్షి॑ణా సారస్వ॒త-ఞ్చ॒రు-న్నిర్వ॑పతి పౌ॒ష్ణ-ఞ్చ॒రు-మ్మై॒త్ర-ఞ్చ॒రుం-వాఀ ॑రు॒ణ-ఞ్చ॒రు-ఙ్ఖ్షై᳚త్రప॒త్య-ఞ్చ॒రుమా॑ది॒త్య-ఞ్చ॒రుముత్త॑రో రథవాహనవా॒హో దఖ్షి॑ణా ॥ 36 ॥
(ఆ॒గ్నే॒యగ్ం సౌ॒మ్య-మ్బా॑ర్హస్ప॒త్యం-చతు॑స్త్రిగ్ంశత్) (అ. 20)
స్వా॒ద్వీ-న్త్వా᳚ స్వా॒దునా॑ తీ॒వ్రా-న్తీ॒వ్రేణా॒-ఽమృతా॑-మ॒మృతే॑న సృ॒జామి॒ సగ్ం సోమే॑న॒ సోమో᳚-ఽస్య॒శ్విభ్యా᳚-మ్పచ్యస్వ॒ సర॑స్వత్యై పచ్య॒స్వేన్ద్రా॑య సు॒త్రాంణే॑ పచ్యస్వ పు॒నాతు॑ తే పరి॒స్రుత॒గ్ం॒ సోమ॒గ్ం॒ సూర్య॑స్య దుహి॒తా । వారే॑ణ॒ శశ్వ॑తా॒ తనా᳚ ॥ వా॒యుః పూ॒తః ప॒విత్రే॑ణ ప్ర॒త్యం సోమో॒ అతి॑ద్రుతః । ఇన్ద్ర॑స్య॒ యుజ్య॒-స్సఖా᳚ ॥ కు॒విదం॒-యఀవ॑మన్తో॒ యవ॑-ఞ్చి॒-ద్యథా॒ దాన్త్య॑నుపూ॒ర్వం-విఀ॒యూయ॑ । ఇ॒హేహై॑షా-ఙ్కృణుత॒ భోజ॑నాని॒ యే బ॒ర్॒హిషో॒ నమో॑వృక్తి॒-న్న జ॒గ్ముః ॥ ఆ॒శ్వి॒న-న్ధూ॒మ్రమా ల॑భతే సారస్వ॒త-మ్మే॒షమై॒న్ద్రమృ॑ష॒భ-మై॒న్ద్ర-మేకా॑దశకపాల॒-న్నిర్వ॑పతి సావి॒త్ర-న్ద్వాద॑శకపాలం-వాఀరు॒ణ-న్దశ॑కపాల॒గ్ం॒ సోమ॑ప్రతీకాః పితరస్తృప్ణుత॒ వడ॑బా॒ దఖ్షి॑ణా ॥ 37 ॥
(భోజ॑నాని॒-షడ్విగ్ం॑శతిశ్చ) (అ. 21)
అగ్నా॑విష్ణూ॒ మహి॒ త-ద్వా᳚-మ్మహి॒త్వం-వీఀ॒త-ఙ్ఘృ॒తస్య॒ గుహ్యా॑ని॒ నామ॑ । దమే॑దమే స॒ప్త రత్నా॒ దధా॑నా॒ ప్రతి॑ వా-ఞ్జి॒హ్వా ఘృ॒తమా చ॑రణ్యేత్ ॥ అగ్నా॑విష్ణూ॒ మహి॒ ధామ॑ ప్రి॒యం-వాఀం᳚-వీఀ॒థో ఘృ॒తస్య॒ గుహ్యా॑ జుషా॒ణా । దమే॑దమే సుష్టు॒తీ-ర్వా॑వృధా॒నా ప్రతి॑ వా-ఞ్జి॒హ్వా ఘృ॒తముచ్చ॑రణ్యేత్ ॥ ప్ర ణో॑ దే॒వీ సర॑స్వతీ॒ వాజే॑భి-ర్వా॒జినీ॑వతీ । ధీ॒నా-మ॑వి॒త్య్ర॑వతు । ఆ నో॑ ది॒వో బృ॑హ॒తః – [బృ॑హ॒తః, పర్వ॑తా॒దా] 38
పర్వ॑తా॒దా సర॑స్వతీ యజ॒తా గ॑న్తు య॒జ్ఞమ్ । హవ॑-న్దే॒వీ జు॑జుషా॒ణా ఘృ॒తాచీ॑ శ॒గ్మా-న్నో॒ వాచ॑ముశ॒తీ శృ॑ణోతు ॥ బృహ॑స్పతే జు॒షస్వ॑ నో హ॒వ్యాని॑ విశ్వదేవ్య । రాస్వ॒ రత్నా॑ని దా॒శుషే᳚ ॥ ఏ॒వా పి॒త్రే వి॒శ్వదే॑వాయ॒ వృష్ణే॑ య॒జ్ఞై-ర్వి॑ధేమ॒ నమ॑సా హ॒విర్భిః॑ । బృహ॑స్పతే సుప్ర॒జా వీ॒రవ॑న్తో వ॒యగ్గ్ స్యా॑మ॒ పత॑యో రయీ॒ణామ్ ॥ బృహ॑స్పతే॒ అతి॒ యద॒ర్యో అర్హా᳚-ద్ద్యు॒మ-ద్వి॒భాతి॒ క్రతు॑మ॒జ్జనే॑షు । య-ద్దీ॒దయ॒చ్ఛవ॑స- [య-ద్దీ॒దయ॒చ్ఛవ॑సః, ఋ॒త॒ప్ర॒జా॒త॒ తద॒స్మాసు॒] 39
-ర్తప్రజాత॒ తద॒స్మాసు॒ ద్రవి॑ణ-న్ధేహి చి॒త్రమ్ ॥ ఆ నో॑ మిత్రావరుణా ఘృ॒తై-ర్గవ్యూ॑తిముఖ్షతమ్ । మద్ధ్వా॒ రజాగ్ం॑సి సుక్రతూ ॥ ప్ర బా॒హవా॑ సిసృత-ఞ్జీ॒వసే॑ న॒ ఆ నో॒ గవ్యూ॑తి-ముఖ్షత-ఙ్ఘృ॒తేన॑ । ఆ నో॒ జనే᳚ శ్రవయతం-యుఀవానా శ్రు॒త-మ్మే॑ మిత్రావరుణా॒ హవే॒మా ॥ అ॒గ్నిం-వఀ ః॑ పూ॒ర్వ్య-ఙ్గి॒రా దే॒వమీ॑డే॒ వసూ॑నామ్ । స॒ప॒ర్యన్తః॑ పురుప్రి॒య-మ్మి॒త్ర-న్న ఖ్షే᳚త్ర॒సాధ॑సమ్ ॥ మ॒ఖ్షూ దే॒వవ॑తో॒ రథ॒- [రథః॑, శూరో॑ వా పృ॒థ్సు] 40
-శ్శూరో॑ వా పృ॒థ్సు కాసు॑ చిత్ । దే॒వానాం॒-యఀ ఇన్మనో॒ యజ॑మాన॒ ఇయ॑ఖ్షత్య॒భీదయ॑జ్వనో భువత్ ॥ న య॑జమాన రిష్యసి॒ న సు॑న్వాన॒ న దే॑వయో ॥ అస॒దత్ర॑ సు॒వీర్య॑ము॒త త్యదా॒శ్వశ్వి॑యమ్ ॥ నకి॒ష్ట-ఙ్కర్మ॑ణా నశ॒న్న ప్ర యో॑ష॒న్న యో॑షతి ॥ ఉప॑ ఖ్షరన్తి॒ సిన్ధ॑వో మయో॒భువ॑ ఈజా॒న-ఞ్చ॑ య॒ఖ్ష్యమా॑ణ-ఞ్చ ధే॒నవః॑ । పృ॒ణన్త॑-ఞ్చ॒ పపు॑రి-ఞ్చ [పపు॑రి-ఞ్చ, శ్ర॒వ॒స్యవో॑ ఘృ॒తస్య॒] 41
శ్రవ॒స్యవో॑ ఘృ॒తస్య॒ ధారా॒ ఉప॑ యన్తి వి॒శ్వతః॑ ॥సోమా॑రుద్రా॒ వి వృ॑హతం॒-విఀషూ॑చీ॒మమీ॑వా॒ యా నో॒ గయ॑-మావి॒వేశ॑ । ఆ॒రే బా॑ధేథా॒-న్నిర్-ఋ॑తి-మ్పరా॒చైః కృ॒త-ఞ్చి॒దేనః॒ ప్ర ము॑ముక్త-మ॒స్మత్ ॥ సోమా॑రుద్రా యు॒వ-మే॒తాన్య॒స్మే విశ్వా॑ త॒నూషు॑ భేష॒జాని॑ ధత్తమ్ । అవ॑ స్యత-మ్ము॒ఞ్చతం॒-యఀన్నో॒ అస్తి॑ త॒నూషు॑ బ॒ద్ధ-ఙ్కృ॒తమేనో॑ అ॒స్మత్ ॥ సోమా॑పూషణా॒ జన॑నా రయీ॒ణా-ఞ్జన॑నా ది॒వో జన॑నా పృథి॒వ్యాః । జా॒తౌ విశ్వ॑స్య॒ భువ॑నస్య గో॒పౌ దే॒వా అ॑కృణ్వన్న॒మృత॑స్య॒ నాభి᳚మ్ ॥ ఇ॒మౌ దే॒వౌ జాయ॑మానౌ జుషన్తే॒మౌ తమాగ్ం॑సి గూహతా॒-మజు॑ష్టా । ఆ॒భ్యామిన్ద్రః॑ ప॒క్వమా॒మాస్వ॒న్త-స్సో॑మాపూ॒షభ్యా᳚-ఞ్జనదు॒స్రియా॑సు ॥ 42 ॥
(బృ॒హ॒తః-శవ॑సా॒-రథః॒-పపు॑రి-ఞ్చ-ది॒వో జన॑నా॒-పఞ్చ॑విగ్ంశతిశ్చ) (అ. 22)
(అను॑మత్యా-ఆగ్నే॒య-మై᳚న్ద్రా॒గ్నమ॒గ్నయే॒-సోమా॑య-ప్రతిపూ॒రుష-మై᳚న్ద్రాగ్నం-ధా॒త్రే బా॑ర్హస్ప॒త్య-మ॒గ్నయే॒-ర్-ఽథతో॒-దేవీః᳚-స॒మిధ॒గ్ం॒-సోమ॒స్యే-న్ద్ర॑స్య -మి॒త్ర-ఆ᳚గ్నే॒యగ్ం-స॒ద్య-ఆ᳚గ్నే॒యగ్ం-మా᳚గ్నే॒యగ్గ్-స్వా॒ద్వీ-న్త్వా-ఽగ్నా॑విష్ణూ॒-ద్వావిగ్ం॑శతిః । )
(అను॑మత్యై॒-యథా-ఽస॑తి॒-దేవీ॑రాపో-మి॒త్రో॑-ఽసి॒-శూరో॑ వా॒-ద్విచ॑త్వారిగ్ంశత్ । )
(అను॑మత్యా, ఉ॒స్రియా॑సు)
(ఇ॒ష, ఆపో॑, దే॒వస్యా, ఽఽద॑దే, దేవాసు॒రా, స్సన్త్వా॑, పాకయ॒జ్ఞ, మను॒మత్యా, అ॒ష్టౌ) (8)
॥ హరిః॑ ఓమ్ ॥
॥ కృష్ణ యజుర్వేదీయ తైత్తిరీయ సంహితాయా-మ్ప్రథమకాణ్డే అష్తమః ప్రశ్న-స్సమాప్తః ॥