కృష్ణ యజుర్వేదీయ తైత్తిరీయ సంహితాయా-న్ద్వితీయకాణ్డే ప్రథమః ప్రశ్నః – పశువిధానం
ఓ-న్నమః పరమాత్మనే, శ్రీ మహాగణపతయే నమః,
శ్రీ గురుభ్యో నమః । హ॒రిః॒ ఓమ్ ॥
వా॒య॒వ్యగ్గ్॑ శ్వే॒తమా ల॑భేత॒ భూతి॑కామో వా॒యుర్వై ఖ్షేపి॑ష్ఠా దే॒వతా॑వా॒యుమే॒వ స్వేన॑ భాగ॒ధేయే॒నోప॑ ధావతి॒ స ఏ॒వైన॒-మ్భూతి॑-ఙ్గమయతి॒ భవ॑త్యే॒వా-తి॑ఖ్షిప్రా దే॒వతేత్యా॑హు॒-స్సైన॑మీశ్వ॒రా ప్ర॒దహ॒ ఇత్యే॒తమే॒వ సన్తం॑-వాఀ॒యవే॑ ని॒యుత్వ॑త॒ ఆ ల॑భేత ని॒యుద్వా అ॑స్య॒ ధృతి॑ర్ధృ॒త ఏ॒వ భూతి॒ముపై॒త్య ప్ర॑దాహాయ॒ భవ॑త్యే॒వ [ ] 1
వా॒యవే॑ ని॒యుత్వ॑త॒ ఆ ల॑భేత॒ గ్రామ॑కామో వా॒యుర్వా ఇ॒మాః ప్ర॒జా న॑స్యో॒తా నే॑నీయతే వా॒యుమే॒వ ని॒యుత్వ॑న్త॒గ్గ్॒ స్వేన॑ భాగ॒ధేయే॒నోప॑ ధావతి॒ స ఏ॒వాస్మై᳚ ప్ర॒జా న॑స్యో॒తా నియ॑చ్ఛతి గ్రా॒మ్యే॑వ భ॑వతి ని॒యుత్వ॑తే భవతి ధ్రు॒వా ఏ॒వాస్మా॒ అన॑పగాః కరోతి వా॒యవే॑ ని॒యుత్వ॑త॒ ఆ ల॑భేత ప్ర॒జాకా॑మః ప్రా॒ణో వై వా॒యుర॑పా॒నో ని॒యు-త్ప్రా॑ణాపా॒నౌ ఖలు॒ వా ఏ॒తస్య॑ ప్ర॒జాయా॒ [ప్ర॒జాయాః᳚, అప॑] 2
అప॑ క్రామతో॒ యో-ఽల॑-మ్ప్ర॒జాయై॒ స-న్ప్ర॒జా-న్న వి॒న్దతే॑ వా॒యుమే॒వ ని॒యుత్వ॑న్త॒గ్గ్॒ స్వేన॑ భాగ॒ధేయే॒నోప॑ ధావతి॒ స ఏ॒వాస్మై᳚ ప్రాణాపా॒నాభ్యా᳚-మ్ప్ర॒జా-మ్ప్ర జ॑నయతి వి॒న్దతే᳚ ప్ర॒జాం-వాఀ॒యవే॑ ని॒యుత్వ॑త॒ ఆ ల॑భేత॒ జ్యోగా॑మయావీ ప్రా॒ణో వై వా॒యుర॑పా॒నో ని॒యు-త్ప్రా॑ణాపా॒నౌ ఖలు॒ వా ఏ॒తస్మా॒ దప॑క్రామతో॒ యస్య॒ జ్యోగా॒మయ॑తి వా॒యుమే॒వ ని॒యుత్వ॑న్త॒గ్గ్॒ స్వేన॑ భాగ॒ధేయే॒నోప॑ – [భాగ॒ధేయే॒నోప॑, ధా॒వ॒తి॒ స] 3
ధావతి॒ స ఏ॒వా-ఽస్మి॑-న్ప్రాణాపా॒నౌ ద॑ధాత్యు॒త యదీ॒తాసు॒ర్భవ॑తి॒ జీవ॑త్యే॒వ ప్ర॒జాప॑తి॒ర్వా ఇ॒దమేక॑ ఆసీ॒-థ్సో॑-ఽకామయత ప్ర॒జాః ప॒శూన్-థ్సృ॑జే॒యేతి॒ స ఆ॒త్మనో॑ వ॒పాముద॑క్ఖిద॒-త్తామ॒గ్నౌ ప్రాగృ॑హ్ణా॒-త్తతో॒-ఽజస్తూ॑ప॒ర-స్సమ॑భవ॒-త్తగ్గ్ స్వాయై॑ దే॒వతా॑యా॒ ఆ ఽల॑భత॒ తతో॒ వై స ప్ర॒జాః ప॒శూన॑సృజత॒ యః ప్ర॒జాకా॑మః [ ] 4
ప॒శుకా॑మ॒-స్స్యా-థ్స ఏ॒త-మ్ప్రా॑జాప॒త్యమ॒జ-న్తూ॑ప॒రమా ల॑భేత ప్ర॒జాప॑తిమే॒వ స్వేన॑ భాగ॒ధేయే॒నోప॑ ధావతి॒ స ఏ॒వాస్మై᳚ ప్ర॒జా-మ్ప॒శూ-న్ప్రజ॑నయతి॒ యచ్ఛ్మ॑శ్రు॒ణస్త-త్పురు॑షాణాగ్ం రూ॒పం-యఀ-త్తూ॑ప॒రస్తదశ్వా॑నాం॒-యఀద॒న్యతో॑ద॒-న్త-ద్గవాం॒-యఀదవ్యా॑ ఇవ శ॒ఫాస్తదవీ॑నాం॒-యఀద॒జస్త-ద॒జానా॑-మే॒తావ॑న్తో॒ వై గ్రా॒మ్యాః ప॒శవ॒స్తా- [ప॒శవ॒స్తాన్, రూ॒పేణై॒వావ॑ రున్ధే] 5
-న్రూ॒పేణై॒వావ॑ రున్ధే సోమాపౌ॒ష్ణ-న్త్రై॒తమా ల॑భేత ప॒శుకా॑మో॒ద్వౌ వా అ॒జాయై॒ స్తనౌ॒ నానై॒వ ద్వావ॒భి జాయే॑తే॒ ఊర్జ॒-మ్పుష్టి॑-న్తృ॒తీయ॑స్సోమాపూ॒షణా॑వే॒వ స్వేన॑ భాగ॒ధేయే॒నోప॑ ధావతి॒ తావే॒వాస్మై॑ ప॒శూ-న్ప్రజ॑నయత॒-స్సోమో॒ వై రే॑తో॒ధాః పూ॒షా ప॑శూ॒నా-మ్ప్ర॑జనయి॒తా సోమ॑ ఏ॒వాస్మై॒ రేతో॒ దధా॑తి పూ॒షా ప॒శూ-న్ప్ర జ॑నయ॒త్యౌదు॑మ్బరో॒ యూపో॑ భవ॒త్యూర్గ్వా ఉ॑దు॒మ్బర॒ ఊర్క్ప॒శవ॑ ఊ॒ర్జైవాస్మా॒ ఊర్జ॑-మ్ప॒శూనవ॑ రున్ధే ॥ 6 ॥
(అప్ర॑దాహాయ॒ భవ॑త్యే॒వ – ప్ర॒జాయా॑ – ఆ॒మయ॑తి వా॒యుమే॒వ ని॒యుత్వ॑త॒గ్గ్॒ స్వేన॑ భాగ॒ధేయే॒నోప॑ – ప్ర॒జాక॑మ॒ – స్తాన్ – యూప॒ – స్త్రయో॑దశ చ ) (అ. 1)
ప్ర॒జాప॑తిః ప్ర॒జా అ॑సృజత॒ తా అ॑స్మా-థ్సృ॒ష్టాః పరా॑చీరాయ॒-న్తా వరు॑ణమగచ్ఛ॒-న్తా అన్వై॒-త్తాః పున॑రయాచత॒ తా అ॑స్మై॒ న పున॑రదదా॒-థ్సో᳚-ఽబ్రవీ॒-ద్వరం॑-వృఀణీ॒ష్వాథ॑ మే॒ పున॑ర్దే॒హీతి॒ తాసాం॒-వఀర॒మా ఽల॑భత॒ స కృ॒ష్ణ ఏక॑శితిపాద-భవ॒ద్యో వరు॑ణ గృహీత॒-స్స్యా-థ్స ఏ॒తం-వాఀ ॑రు॒ణ-ఙ్కృ॒ష్ణ-మేక॑శితిపాద॒మా-ల॑భేత॒ వరు॑ణ- [వరు॑ణమ్, ఏ॒వ స్వేన॑] 7
-మే॒వ స్వేన॑ భాగ॒ధేయే॒నోప॑ ధావతి॒ స ఏ॒వైనం॑-వఀరుణపా॒శా-న్ము॑ఞ్చతి కృ॒ష్ణ ఏక॑శితిపా-ద్భవతి వారు॒ణో హ్యే॑ష దే॒వత॑యా॒ సమృ॑ద్ధ్యై॒ సువ॑ర్భానురాసు॒ర-స్సూర్య॒-న్తమ॑సా-ఽవిద్ధ్య॒త తస్మై॑దే॒వాః ప్రాయ॑శ్చిత్తి-మైచ్ఛ॒-న్తస్య॒ య-త్ప్ర॑థ॒మ-న్తమో॒-ఽపాఘ్న॒న్-థ్సా కృ॒ష్ణా-ఽవి॑రభవ॒-ద్య-ద్ద్వి॒తీయ॒గ్ం॒ సా ఫల్గు॑నీ॒ యత తృ॒తీయ॒గ్ం॒ సా బ॑ల॒ఖ్షీ యద॑ద్ధ్య॒స్థా-ద॒పాకృ॑న్త॒న్-థ్సా ఽవి॑ర్వ॒శా [ ] 8
సమ॑భవ॒-త్తే దే॒వా అ॑బ్రువ-న్దేవప॒శుర్వా అ॒యగ్ం సమ॑భూ॒-త్కస్మా॑ ఇ॒మమా ల॑ఫ్స్యామహ॒ ఇత్యథ॒ వై తర్హ్యల్పా॑ పృథి॒వ్యాసీ॒-దజా॑తా॒ ఓష॑ధయ॒స్తామవిం॑-వఀ॒శామా॑ది॒త్యేభ్యః॒ కామా॒యా-ఽల॑భన్త॒ తతో॒ వా అప్ర॑థత పృథి॒వ్య-జా॑య॒న్తౌష॑ధయో॒ యః కా॒మయే॑త॒ ప్రథే॑య ప॒శుభిః॒ ప్ర ప్ర॒జయా॑ జాయే॒యేతి॒ స ఏ॒తామవిం॑-వఀ॒శామా॑ది॒త్యేభ్యః॒ కామా॒యా- [కామా॑య, ఆల॑భేతా ఽఽది॒త్యానే॒వ] 9
-ఽఽల॑భేతా ఽఽది॒త్యానే॒వ కామ॒గ్గ్॒ స్వేన॑ భాగ॒ధేయే॒నోప॑ ధావతి॒ త ఏ॒వైన॑-మ్ప్ర॒థయ॑న్తి ప॒శుభిః॒ ప్ర ప్ర॒జయా॑ జనయన్త్య॒-సావా॑ది॒త్యో న వ్య॑రోచత॒ తస్మై॑ దే॒వాః ప్రాయ॑శ్చిత్తిమైచ్ఛ॒-న్తస్మా॑ ఏ॒తా మ॒ల్॒హా ఆల॑భన్తా-ఽఽగ్నే॒యీ-ఙ్కృ॑ష్ణగ్రీ॒వీగ్ం సగ్ం॑హి॒తామై॒న్ద్రీగ్ శ్వే॒తా-మ్బా॑ర్హస్ప॒త్యా-న్తాభి॑రే॒వాస్మి॒-న్రుచ॑మదధు॒ర్యో బ్ర॑హ్మవర్చ॒స-కా॑మ॒-స్స్యా-త్తస్మా॑ ఏ॒తా మ॒ల్॒హా ఆ ల॑భేతా- [ఆ ల॑భేత, ఆ॒గ్నే॒యీ-ఙ్కృ॑ష్ణగ్రీ॒వీగ్ం] 10
(శిఖణ్డి పఞ్చతి)
-ఽఽగ్నే॒యీ-ఙ్కృ॑ష్ణగ్రీ॒వీగ్ం సగ్ం॑హి॒తామై॒న్ద్రీగ్ శ్వే॒తా-మ్బా॑ర్హస్ప॒త్యామే॒తా ఏ॒వ దే॒వతా॒-స్స్వేన॑ భాగ॒ధేయే॒నోప॑ ధావతి॒ తా ఏ॒వాస్మి॑-న్బ్రహ్మవర్చ॒స-న్ద॑ధతి బ్రహ్మవర్చ॒స్యే॑వ భ॑వతి వ॒సన్తా᳚ ప్రా॒తరా᳚గ్నే॒యీ-ఙ్కృ॑ష్ణ గ్రీ॒వీమా ల॑భేత గ్రీ॒ష్మే మ॒ద్ధ్యన్ది॑నే సగ్ంహి॒తామై॒న్ద్రీగ్ం శ॒రద్య॑పరా॒హ్ణే శ్వే॒తా-మ్బా॑ర్హస్ప॒త్యా-న్త్రీణి॒ వా ఆ॑ది॒త్యస్య॒ తేజాగ్ం॑సి వ॒సన్తా᳚ ప్రా॒తర్గ్రీ॒ష్మే మ॒ద్ధ్యన్ది॑నే శ॒రద్య॑పరా॒హ్ణే యావ॑న్త్యే॒వ తేజాగ్ం॑సి॒ తాన్యే॒వా- [తాన్యే॒వ, అవ॑ రున్ధే] 11
-ఽవ॑ రున్ధే సంవఀథ్స॒ర-మ్ప॒ర్యాల॑భ్యన్తే సంవఀథ్స॒రో వై బ్ర॑హ్మవర్చ॒సస్య॑ ప్రదా॒తా సం॑వఀథ్స॒ర ఏ॒వాస్మై᳚ బ్రహ్మవర్చ॒స-మ్ప్ర య॑చ్ఛతి బ్రహ్మవర్చ॒స్యే॑వ భ॑వతి గ॒ర్భిణ॑యో భవన్తీన్ద్రి॒యం-వైఀ గర్భ॑ ఇన్ద్రి॒యమే॒వాస్మి॑-న్దధతి సారస్వ॒తీ-మ్మే॒షీమా ల॑భేత॒ య ఈ᳚శ్వ॒రో వా॒చో వది॑తో॒-స్సన్ వాచ॒-న్న వదే॒-ద్వాగ్వై సర॑స్వతీ॒ సర॑స్వతీమే॒వ స్వేన॑ భాగ॒ధేయే॒నోప॑ ధావతి॒ సైవాస్మి॒- [సైవాస్మిన్న్॑, వాచ॑-న్దధాతి] 12
-న్వాచ॑-న్దధాతి ప్రవది॒తా వా॒చో భ॑వ॒త్యప॑న్నదతీ భవతి॒ తస్మా᳚-న్మను॒ష్యా᳚-స్సర్వాం॒-వాఀచం॑-వఀదన్త్యాగ్నే॒య-ఙ్కృ॒ష్ణగ్రీ॑వ॒మా ల॑భేత సౌ॒మ్య-మ్బ॒భ్రు-ఞ్జ్యోగా॑మయావ్య॒గ్నిం-వాఀ ఏ॒తస్య॒ శరీ॑ర-ఙ్గచ్ఛతి॒ సోమ॒గ్ం॒ రసో॒ యస్య॒ జ్యోగా॒మయ॑త్య॒గ్నేరే॒వాస్య॒ శరీ॑ర-న్నిష్క్రీ॒ణాతి॒ సోమా॒-ద్రస॑ము॒త యదీ॒తాసు॒ర్భవ॑తి॒ జీవ॑త్యే॒వ సౌ॒మ్య-మ్బ॒భ్రుమా ల॑భేతా-ఽఽగ్నే॒య-ఙ్కృ॒ష్ణగ్రీ॑వ-మ్ప్ర॒జాకా॑మ॒-స్సోమో॒ [సోమః॑, వై రే॑తో॒ధా] 13
వై రే॑తో॒ధా అ॒గ్నిః ప్ర॒జానా᳚-మ్ప్రజనయి॒తా సోమ॑ ఏ॒వాస్మై॒ రేతో॒ దధా᳚త్య॒గ్నిః ప్ర॒జా-మ్ప్రజ॑నయతి వి॒న్దతే᳚ ప్ర॒జామా᳚గ్నే॒య-ఙ్కృ॒ష్ణగ్రీ॑వ॒మా ల॑భేత సౌ॒మ్య-మ్బ॒భ్రుం-యోఀ బ్రా᳚హ్మ॒ణో వి॒ద్యామ॒నూచ్య॒ న వి॒రోచే॑త॒ యదా᳚గ్నే॒యో భవ॑తి॒ తేజ॑ ఏ॒వాస్మి॒-న్తేన॑ దధాతి॒ య-థ్సౌ॒మ్యో బ్ర॑హ్మవర్చ॒స-న్తేన॑ కృ॒ష్ణగ్రీ॑వ ఆగ్నే॒యో భ॑వతి॒ తమ॑ ఏ॒వాస్మా॒దప॑ హన్తి శ్వే॒తో భ॑వతి॒ [భ॑వతి, రుచ॑మే॒వాస్మి॑-న్దధాతి] 14
రుచ॑మే॒వాస్మి॑-న్దధాతి బ॒భ్రు-స్సౌ॒మ్యో భ॑వతి బ్రహ్మవర్చ॒సమే॒వాస్మి॒-న్త్విషి॑-న్దధాత్యా-గ్నే॒య-ఙ్కృ॒ష్ణగ్రీ॑వ॒మా ల॑భేత సౌ॒మ్య-మ్బ॒భ్రుమా᳚గ్నే॒య-ఙ్కృ॒ష్ణగ్రీ॑వ-మ్పురో॒ధాయా॒గ్॒ స్పర్ధ॑మాన ఆగ్నే॒యో వై బ్రా᳚హ్మ॒ణ-స్సౌ॒మ్యో రా॑జ॒న్యో॑-ఽభిత॑-స్సౌ॒మ్యమా᳚గ్నే॒యౌ భ॑వత॒-స్తేజ॑సై॒వ బ్రహ్మ॑ణోభ॒యతో॑ రా॒ష్ట్ర-మ్పరి॑ గృహ్ణాత్యేక॒ధా స॒మా వృ॑ఙ్క్తే పు॒ర ఏ॑న-న్దధతే ॥ 15 ॥
(ల॒భే॒త॒ వరు॑ణం – వఀ॒శై – తామవిం॑-వఀ॒శామా॑ది॒త్యేభ్యః॒ కామా॑య – మ॒ల్హా ఆ ల॑భేత॒ – తాన్యే॒వ – సైవాస్మి॒న్థ్ – సోమః॑ – స్వే॒తో భ॑వతి॒ – త్రిచ॑త్వారిగ్ంశచ్చ ) (అ. 2)
దే॒వా॒సు॒రా ఏ॒షు లో॒కేష్వ॑స్పర్ధన్త॒ స ఏ॒తం-విఀష్ణు॑-ర్వామ॒నమ॑పశ్య॒-త్తగ్గ్ స్వాయై॑ దే॒వతా॑యా॒ ఆ-ఽల॑భత॒ తతో॒ వై స ఇ॒మాం-లోఀ॒కాన॒భ్య॑జయద్- వైష్ణ॒వం-వాఀ ॑మ॒నమా ల॑భేత॒ స్పర్ధ॑మానో॒ విష్ణు॑రే॒వ భూ॒త్వేమా-ల్లోఀ॒కాన॒భి జ॑యతి॒ విష॑మ॒ ఆ ల॑భేత॒ విష॑మా ఇవ॒ హీమే లో॒కా-స్సమృ॑ద్ధ్యా॒ ఇన్ద్రా॑య మన్యు॒మతే॒ మన॑స్వతే ల॒లామ॑-మ్ప్రాశృ॒ఙ్గమా ల॑భేత సఙ్గ్రా॒మే [ ] 16
సంయఀ ॑త్త ఇన్ద్రి॒యేణ॒ వై మ॒న్యునా॒ మన॑సా సఙ్గ్రా॒మ-ఞ్జ॑య॒తీన్ద్ర॑మే॒వ మ॑న్యు॒మన్త॒-మ్మన॑స్వన్త॒గ్గ్॒ స్వేన॑ భాగ॒ధేయే॒నోప॑ ధావతి॒ స ఏ॒వాస్మి॑న్నిన్ద్రి॒య-మ్మ॒న్యు-మ్మనో॑ దధాతి॒ జయ॑తి॒ తగ్ం స॑గ్రా॒మ్మమిన్ద్రా॑య మ॒రుత్వ॑తే పృశ్ఞిస॒క్థమా ల॑భేత॒ గ్రామ॑కామ॒ ఇన్ద్ర॑మే॒వ మ॒రుత్వ॑న్త॒గ్గ్॒ స్వేన॑ భాగ॒ధేయే॒నోప॑ ధావతి॒ స ఏ॒వాస్మై॑ స జా॒తా-న్ప్రయ॑చ్ఛతి గ్రా॒మ్యే॑వ భ॑వతి॒ యదృ॑ష॒భస్తేనై॒- [యదృ॑ష॒భస్తేన॑, ఐ॒న్ద్రో య-త్పృశ్ఞి॒స్తేన॑] 17
-న్ద్రో య-త్పృశ్ఞి॒స్తేన॑ మారు॒త-స్సమృ॑ద్ధ్యై ప॒శ్చా-త్పృ॑శ్ఞిస॒క్థో భ॑వతి పశ్చాదన్వ-వసా॒యినీ॑మే॒వాస్మై॒ విశ॑-ఙ్కరోతి సౌ॒మ్య-మ్బ॒భ్రుమా ల॑భే॒తాన్న॑కామ-స్సౌ॒మ్యం-వాఀ అన్న॒గ్ం॒ సోమ॑మే॒వ స్వేన॑ భాగ॒ధేయే॒నోప॑ ధావతి॒ స ఏ॒వాస్మా॒ అన్న॒-మ్ప్రయ॑॑చ్ఛత్యన్నా॒ద ఏ॒వ భ॑వతి బ॒భ్రుర్భ॑వత్యే॒తద్వా అన్న॑స్య రూ॒పగ్ం సమృ॑ద్ధ్యై సౌ॒మ్య-మ్బ॒భ్రుమా ల॑భేత॒ యమలగ్ం॑ [యమల᳚మ్, రా॒జ్యాయ॒] 18
రా॒జ్యాయ॒ సన్తగ్ం॑ రా॒జ్య-న్నోప॒నమే᳚-థ్సౌ॒మ్యం-వైఀ రా॒జ్యగ్ం సోమ॑మే॒వ స్వేన॑ భాగ॒ధేయే॒నోప॑ ధావతి॒ స ఏ॒వాస్మై॑ రా॒జ్య-మ్ప్రయ॑చ్ఛ॒త్యుపై॑నగ్ం రా॒జ్య-న్న॑మతి బ॒భ్రుర్భ॑వత్యే॒త-ద్వై సోమ॑స్య రూ॒పగ్ం సమృ॑ద్ధ్యా॒ ఇన్ద్రా॑య వృత్ర॒తురే॑ ల॒లామ॑-మ్ప్రాశృ॒ఙ్గమా ల॑భేత గ॒తశ్రీః᳚ ప్రతి॒ష్ఠాకా॑మః పా॒ప్మాన॑మే॒వ వృ॒త్ర-న్తీ॒ర్త్వా ప్ర॑తి॒ష్ఠా-ఙ్గ॑చ్ఛ॒తీన్ద్రా॑యాభిమాతి॒ఘ్నే ల॒లామ॑-మ్ప్రాశృ॒ఙ్గమా [ల॒లామ॑-మ్ప్రాశృ॒ఙ్గమా, ల॒భే॒త॒ యః పా॒ప్మనా॑] 19
ల॑భేత॒ యః పా॒ప్మనా॑ గృహీ॒త-స్స్యా-త్పా॒ప్మా వా అ॒భిమా॑తి॒రిన్ద్ర॑మే॒వా- భి॑మాతి॒హన॒గ్గ్॒ స్వేన॑ భాగ॒ధేయే॒నోప॑ ధావతి॒ స ఏ॒వాస్మా᳚-త్పా॒ప్మాన॑మ॒భిమా॑తి॒-మ్ప్రణు॑దత॒ ఇన్ద్రా॑య వ॒జ్రిణే॑ ల॒లామ॑-మ్ప్రాశృ॒ఙ్గమా ల॑భేత॒ యమలగ్ం॑ రా॒జ్యాయ॒ సన్తగ్ం॑ రా॒జ్య-న్నోప॒నమే॒దిన్ద్ర॑మే॒వ వ॒జ్రిణ॒గ్గ్॒ స్వేన॑ భాగ॒ధేయే॒నోప॑ ధావతి॒ స ఏ॒వాస్మై॒ వజ్ర॒-మ్ప్ర య॑చ్ఛతి॒ స ఏ॑నం॒ వఀజ్రో॒ భూత్యా॑ ఇన్ధ॒ ఉపై॑నగ్ం రా॒జ్య-న్న॑మతి ల॒లామః॑ ప్రాశృ॒ఙ్గో భ॑వత్యే॒తద్వై వజ్ర॑స్య రూ॒పగ్ం సమృ॑ద్ధ్యై ॥ 20
(స॒గ్రా॒మ్మే – తేనా – ల॑ – మభిమాతి॒ఘ్నే ల॒లామ॑-మ్ప్రాశృ॒ఙ్గమై – నం॒ – పఞ్చ॑దశ చ ) (అ. 3)
అ॒సావా॑ది॒త్యో న వ్య॑రోచత॒ తస్మై॑ దే॒వాః ప్రాయ॑శ్చిత్తిమైచ్ఛ॒-న్తస్మా॑ ఏ॒తా-న్దశ॑ర్షభా॒మా-ఽల॑భన్త॒ తయై॒వాస్మి॒-న్రుచ॑మదధు॒ర్యో బ్ర॑హ్మవర్చ॒సకా॑మ॒-స్స్యా-త్తస్మా॑ ఏ॒తా-న్దశ॑ర్షభా॒మా ల॑భేతా॒-ముమే॒వా-ఽఽది॒త్యగ్గ్ స్వేన॑ భాగ॒ధేయే॒నోప॑ ధావతి॒ స ఏ॒వాస్మి॑-న్బ్రహ్మవర్చ॒స-న్ద॑ధాతి బ్రహ్మవర్చ॒స్యే॑వ భ॑వతి వ॒సన్తా᳚ ప్రా॒తస్త్రీ-ల్లఀ॒లామా॒నా ల॑భేత గ్రీ॒ష్మే మ॒ద్ధ్యన్ది॑నే॒ – [మ॒ద్ధ్యన్ది॑నే, త్రీఞ్ఛి॑తి పృ॒ష్ఠాఞ్ఛ॒రద్య॑పరా॒హ్ణే] 21
త్రీఞ్ఛి॑తి పృ॒ష్ఠాఞ్ఛ॒రద్య॑పరా॒హ్ణే త్రీఞ్ఛి॑తి॒వారా॒-న్త్రీణి॒ వా ఆ॑ది॒త్యస్య॒ తేజాగ్ం॑సి వ॒సన్తా᳚ ప్రా॒తర్గ్రీ॒ష్మే మ॒ద్ధ్యన్ది॑నే శ॒రద్య॑పరా॒హ్ణే యావ॑న్త్యే॒వ తేజాగ్ం॑సి॒ తాన్యే॒వావ॑ రున్ధే॒ త్రయ॑స్త్రయ॒ ఆ ల॑భ్యన్తే-ఽభి పూ॒ర్వమే॒వాస్మి॒-న్తేజో॑ దధాతి సంవఀథ్స॒ర-మ్ప॒ర్యాల॑భ్యన్తే సంవఀథ్స॒రో వై బ్ర॑హ్మవర్చ॒సస్య॑ ప్రదా॒తా సం॑వఀథ్స॒ర ఏ॒వాస్మై᳚ బ్రహ్మవర్చ॒స-మ్ప్ర య॑చ్ఛతి బ్రహ్మవర్చ॒స్యే॑వ భ॑వతి సంవఀథ్స॒రస్య॑ ప॒రస్తా᳚-త్ప్రాజాప॒త్య-ఙ్కద్రు॒- [ ప్రాజాప॒త్య-ఙ్కద్రు᳚మ్, ఆ ల॑భేత] 22
-మా ల॑భేత ప్ర॒జాప॑తి॒-స్సర్వా॑ దే॒వతా॑ దే॒వతా᳚స్వే॒వ ప్రతి॑తిష్ఠతి॒ యది॑ బిభీ॒యా-ద్దు॒శ్చర్మా॑ భవిష్యా॒మీతి॑ సోమాపౌ॒ష్ణగ్గ్ శ్యా॒మమా ల॑భేత సౌ॒మ్యో వై దే॒వత॑యా॒ పురు॑షః పౌ॒ష్ణాః ప॒శవ॒-స్స్వయై॒వాస్మై॑ దే॒వత॑యా ప॒శుభి॒స్త్వచ॑-ఙ్కరోతి॒ న దు॒శ్చర్మా॑ భవతి దే॒వాశ్చ॒ వై య॒మశ్చా॒స్మి-ల్లోఀ॒కే᳚-ఽస్పర్ధన్త॒ స య॒మో దే॒వానా॑మిన్ద్రి॒యం-వీఀ॒ర్య॑మయువత॒ తద్య॒మస్య॑ [తద్య॒మస్య॑, య॒మ॒త్వ-న్తే] 23
యమ॒త్వ-న్తే దే॒వా అ॑మన్యన్త య॒మో వా ఇ॒దమ॑భూ॒-ద్య-ద్వ॒యగ్గ్ స్మ ఇతి॒ తే ప్ర॒జాప॑తి॒ముపా॑ధావ॒న్-థ్స ఏ॒తౌ ప్ర॒జాప॑తిరా॒త్మన॑ ఉఖ్షవ॒శౌ నిర॑మిమీత॒ తే దే॒వా వై᳚ష్ణావరు॒ణీం-వఀ॒శామా-ఽల॑భన్తై॒న్ద్రము॒ఖ్షాణ॒న్తం-వఀరు॑ణేనై॒వ గ్రా॑హయి॒త్వా విష్ణు॑నా య॒జ్ఞేన॒ ప్రాణు॑దన్తై॒న్ద్రేణై॒-వాస్యే᳚న్ద్రి॒యమ॑-వృఞ్జత॒ యో భ్రాతృ॑వ్యవా॒న్-థ్స్యా-థ్స స్పర్ధ॑మానో వైష్ణావరు॒ణీం- [వైష్ణావరు॒ణీమ్, వ॒శామా] 24
-వఀ॒శామా ల॑భేతై॒న్ద్రము॒ఖ్షాణం॒-వఀరు॑ణేనై॒వ భ్రాతృ॑వ్య-ఙ్గ్రాహయి॒త్వా విష్ణు॑నా య॒జ్ఞేన॒ ప్రణు॑దత ఐ॒న్ద్రేణై॒వాస్యే᳚న్ద్రి॒యం-వృఀ ॑ఙ్క్తే॒ భవ॑త్యా॒త్మనా॒ పరా᳚స్య॒ భ్రాతృ॑వ్యో భవ॒తీన్ద్రో॑ వృ॒త్రమ॑హ॒-న్తం-వృఀ॒త్రో హ॒త-ష్షో॑డ॒శభి॑-ర్భో॒గైర॑సినా॒-త్తస్య॑ వృ॒త్రస్య॑ శీర్ష॒తో గావ॒ ఉదా॑య॒-న్తా వై॑దే॒హ్యో॑-ఽభవ॒-న్తాసా॑మృష॒భో జ॒ఘనే-ఽనూదై॒-త్తమిన్ద్రో॑- [జ॒ఘనే-ఽనూదై॒-త్తమిన్ద్రః॑, అ॒చా॒య॒థ్సో॑-ఽమన్యత॒] 25
-ఽచాయ॒థ్సో॑-ఽమన్యత॒ యో వా ఇ॒మమా॒లభే॑త॒ ముచ్యే॑తా॒స్మా-త్పా॒ప్మన॒ ఇతి॒ స ఆ᳚గ్నే॒య-ఙ్కృ॒ష్ణగ్రీ॑వ॒మా ల॑భతై॒న్ద్రమృ॑ష॒భ-న్తస్యా॒గ్నిరే॒వ స్వేన॑ భాగ॒ధేయే॒నోప॑ సృత-ష్షోడశ॒ధా వృ॒త్రస్య॑ భో॒గానప్య॑దహదై॒న్ద్రేణే᳚న్ద్రి॒య- మా॒త్మన్న॑ధత్త॒ యః పా॒ప్మనా॑ గృహీ॒త-స్స్యా-థ్స ఆ᳚గ్నే॒య-ఙ్కృ॒ష్ణగ్రీ॑వ॒మా ల॑భేతై॒న్ద్రమృ॑ష॒భ-మ॒గ్నిరే॒వాస్య॒ స్వేన॑ భాగ॒ధేయే॒నోప॑సృతః [ ] 26
పా॒ప్మాన॒మపి॑ దహత్యై॒న్ద్రేణే᳚న్ద్రి॒యమా॒త్మ-న్ధ॑త్తే॒ ముచ్య॑తే పా॒ప్మనో॒ భవ॑త్యే॒వ ద్యా॑వాపృథి॒వ్యా᳚-న్ధే॒నుమా ల॑భేత॒ జ్యోగ॑పరుద్ధో॒ ఽనయో॒ర్॒హి వా ఏ॒షో-ఽప్ర॑తిష్ఠి॒తో-ఽథై॒ష జ్యోగప॑రుద్ధో॒ ద్యావా॑పృథి॒వీ ఏ॒వ స్వేన॑ భాగ॒ధేయే॒నోప॑ ధావతి॒ తే ఏ॒వైన॑-మ్ప్రతి॒ష్ఠా-ఙ్గ॑మయతః॒ ప్రత్యే॒వ తి॑ష్ఠతి పర్యా॒రిణీ॑ భవతి పర్యా॒రీవ॒ హ్యే॑తస్య॑ రా॒ష్ట్రం-యోఀ జ్యోగ॑పరుద్ధ॒-స్సమృ॑ద్ధ్యై వాయ॒వ్యం॑- [వాయ॒వ్య᳚మ్, వ॒థ్సమా] 27
-వఀ॒థ్సమా ల॑భేత వా॒యుర్వా అ॒నయో᳚ర్వ॒థ్స ఇ॒మే వా ఏ॒తస్మై॑ లో॒కా అప॑శుష్కా॒ విడప॑శు॒ష్కా-ఽథై॒ష జ్యోగప॑రుద్ధో వా॒యుమే॒వ స్వేన॑ భాగ॒ధేయే॒నోప॑ ధావతి॒ స ఏ॒వాస్మా॑ ఇ॒మాం-లోఀ॒కాన్. విశ॒-మ్ప్రదా॑పయతి॒ ప్రాస్మా॑ ఇ॒మే లో॒కా-స్స్ను॑వన్తిభుఞ్జ॒త్యే॑నం॒-విఀడుప॑తిష్ఠతే ॥ 28 ॥
(మ॒ధ్యన్ది॑నే॒ – కద్రుం॑ – యఀ॒మస్య॒ – స్పర్ధ॑మానో వైష్ణావరు॒ణీం -తమిన్ద్రో᳚ – ఽస్య॒ స్వేన॑ భాగ॒ధేయే॒నోప॑సృతో – వాయ॒వ్యం॑ – ద్విచ॑త్వారిగ్ంశచ్చ) (అ. 4)
ఇన్ద్రో॑ వ॒లస్య॒ బిల॒మపౌ᳚ర్ణో॒-థ్స య ఉ॑త్త॒మః ప॒శురాసీ॒-త్త-మ్పృ॒ష్ఠ-మ్ప్రతి॑ స॒గృంహ్యోద॑క్ఖిద॒-త్తగ్ం స॒హస్ర॑-మ్ప॒శవో-ఽనూదా॑య॒న్-థ్స ఉ॑న్న॒తో॑-ఽభవ॒ద్యః ప॒శుకా॑మ॒-స్స్యా-థ్స ఏ॒తమై॒న్ద్రము॑న్న॒తమా ల॑భే॒తేన్ద్ర॑మే॒వ స్వేన॑ భాగ॒ధేయే॒నోప॑ ధావతి॒ స ఏ॒వాస్మై॑ ప॒శూ-న్ప్రయ॑చ్ఛతి పశు॒మానే॒వ భ॑వత్యున్న॒తో [భ॑వత్యున్న॒తః, భ॒వ॒తి॒ సా॒హ॒స్రీ] 29
భ॑వతి సాహ॒స్రీ వా ఏ॒షా ల॒ఖ్ష్మీ యదు॑న్న॒తో ల॒ఖ్ష్మియై॒ వ ప॒శూనవ॑ రున్ధే య॒దా స॒హస్ర॑-మ్ప॒శూ-న్ప్రా᳚ప్ను॒యాదథ॑ వైష్ణ॒వం-వాఀ ॑ మ॒నమా ల॑భేతై॒తస్మి॒న్. వై త-థ్స॒హస్ర॒మద్ధ్య॑తిష్ఠ॒-త్తస్మా॑దే॒ష వా॑మ॒న-స్సమీ॑షితః ప॒శుభ్య॑ ఏ॒వ ప్రజా॑తేభ్యః ప్రతి॒ష్ఠా-న్ద॑ధాతి॒ కో॑-ఽర్హతి స॒హస్ర॑-మ్ప॒శూ-న్ప్రాప్తు॒మిత్యా॑హు-రహోరా॒త్రాణ్యే॒వ స॒హస్రగ్ం॑ స॒మ్పాద్యా-ఽఽల॑భేత ప॒శవో॒ [ప॒శవః॑, వా అ॑హోరా॒త్రాణి॑] 30
వా అ॑హోరా॒త్రాణి॑ ప॒శూనే॒వ ప్రజా॑తా-న్ప్రతి॒ష్ఠా-ఙ్గ॑మయ॒-త్యోష॑ధీభ్యో వే॒హత॒మా ల॑భేత ప్ర॒జాకా॑మ॒ ఓష॑ధయో॒ వా ఏ॒త-మ్ప్ర॒జాయై॒ పరి॑బాధన్తే॒ యో-ఽల॑-మ్ప్ర॒జాయై॒ స-న్ప్ర॒జా-న్న వి॒న్దత॒ ఓష॑ధయః॒ ఖలు॒ వా ఏ॒తస్యై॒ సూతు॒మపి॑ ఘ్నన్తి॒ యా వే॒హ-ద్భవ॒త్యోష॑ధీరే॒వ స్వేన॑ భాగ॒ధేయే॒నోప॑ ధావతి॒ తా ఏ॒వాస్మై॒ స్వాద్యోనేః᳚ ప్ర॒జా-మ్ప్ర జ॑నయన్తి వి॒న్దతే᳚ [ ] 31
ప్ర॒జామాపో॒ వా ఓష॑ధ॒యో-ఽస॒-త్పురు॑ష॒ ఆప॑ ఏ॒వాస్మా॒ అస॑త॒-స్సద్ద॑దతి॒ తస్మా॑దాహు॒ర్యశ్చై॒వం-వేఀద॒ యశ్చ॒ నాప॒స్త్వావాస॑త॒-స్సద్ద॑ద॒తీ-త్యై॒న్ద్రీగ్ం సూ॒తవ॑శా॒మా ల॑భేత॒ భూతి॑కా॒మో-ఽజా॑తో॒ వా ఏ॒ష యో-ఽల॒-మ్భూత్యై॒ స-న్భూతి॒-న్న ప్రా॒ప్నోతీన్ద్ర॒-ఙ్ఖలు॒ వా ఏ॒షా సూ॒త్వా వ॒శా-ఽభ॑వ॒- [వ॒శా-ఽభ॑వత్, ఇన్ద్ర॑మే॒వ] 32
-దిన్ద్ర॑మే॒వ స్వేన॑ భాగ॒ధేయే॒నోప॑ ధావతి॒ స ఏ॒వైన॒-మ్భూతి॑-ఙ్గమయతి॒ భవ॑త్యే॒వ యగ్ం సూ॒త్వా వ॒శా స్యా-త్తమై॒న్ద్రమే॒వా-ఽఽ ల॑భేతై॒తద్వావ తది॑న్ద్రి॒యగ్ం సా॒ఖ్షాదే॒వేన్ద్రి॒యమవ॑ రున్ధ ఐన్ద్రా॒గ్న-మ్పు॑నరు-థ్సృ॒ష్టమా ల॑భేత॒ య ఆ తృ॒తీయా॒-త్పురు॑షా॒-థ్సోమ॒-న్న పిబే॒-ద్విచ్ఛి॑న్నో॒ వా ఏ॒తస్య॑ సోమపీ॒థో యో బ్రా᳚హ్మ॒ణ-స్సన్నా [ ] 33
తృ॒తీయా॒-త్పురు॑షా॒-థ్సోమ॒-న్న పిబ॑తీన్ద్రా॒గ్నీ ఏ॒వ స్వేన॑ భాగ॒ధేయే॒నోప॑ ధావతి॒ తావే॒వాస్మై॑ సోమపీ॒థ-మ్ప్రయ॑చ్ఛత॒ ఉపై॑నగ్ం సోమపీ॒థో న॑మతి॒ యదై॒న్ద్రో భవ॑తీన్ద్రి॒యం-వైఀ సో॑మపీ॒థ ఇ॑న్ద్రి॒యమే॒వ సో॑మపీ॒థమవ॑ రున్ధే॒ యదా᳚గ్నే॒యో భవ॑త్యాగ్నే॒యో వై బ్రా᳚హ్మ॒ణ-స్స్వామే॒వ దే॒వతా॒మను॒ సన్త॑నోతి పునరుథ్సృ॒ష్టో భ॑వతి పునరుథ్సృ॒ష్ట ఇ॑వ॒ హ్యే॑తస్య॑ [హ్యే॑తస్య॑, సో॒మ॒పీ॒థ-స్సమృ॑ద్ధ్యై] 34
సోమపీ॒థ-స్సమృ॑ద్ధ్యై బ్రాహ్మణస్ప॒త్య-న్తూ॑ప॒రమా ల॑భేతా-భి॒చర॒-న్బ్రహ్మ॑ణ॒స్పతి॑మే॒వ స్వేన॑ భాగ॒ధేయే॒నోప॑ ధావతి॒ తస్మా॑ ఏ॒వైన॒మా వృ॑శ్చతి తా॒జగార్తి॒-మార్చ్ఛ॑తి తూప॒రో భ॑వతి ఖ్షు॒రప॑వి॒ర్వా ఏ॒షా ల॒ఖ్ష్మీ య-త్తూ॑ప॒ర-స్సమృ॑ద్ధ్యై॒ స్ఫ్యో యూపో॑ భవతి॒ వజ్రో॒ వై స్ఫ్యో వజ్ర॑మే॒వాస్మై॒ ప్రహ॑రతి శర॒మయ॑-మ్బ॒ర్॒హి-శ్శృ॒ణాత్యే॒వైనం॒-వైఀభీ॑దక ఇ॒ద్ధ్మో భి॒నత్త్యే॒వైన᳚మ్ ॥ 35 ॥
(భ॒వ॒త్యు॒న్న॒తః – ప॒శవో॑ – జనయన్తి వి॒న్దతే॑ – ఽభవ॒థ్ – సన్నై – తస్యే॒ – ధ్మ – స్త్రీణి॑ చ) (అ. 5)
బా॒ర్॒హ॒స్ప॒త్యగ్ం శి॑తిపృ॒ష్ఠమా ల॑భేత॒ గ్రామ॑కామో॒ యః కా॒మయే॑త పృ॒ష్ఠగ్ం స॑మా॒నానాగ్॑ స్యా॒మితి॒ బృహ॒స్పతి॑మే॒వ స్వేన॑ భాగ॒ధేయే॒నోప॑ ధావతి॒ స ఏ॒వైన॑-మ్పృ॒ష్ఠగ్ం స॑మా॒నానా᳚-ఙ్కరోతి గ్రా॒మ్యే॑వ భ॑వతి శితిపృ॒ష్ఠో భ॑వతి బార్హస్ప॒త్యో హ్యే॑ష దే॒వత॑యా॒ సమృ॑ద్ధ్యై పౌ॒ష్ణగ్గ్ శ్యా॒మమా ల॑భే॒తాన్న॑కా॒మో-ఽన్నం॒-వైఀ పూ॒షా పూ॒షణ॑మే॒వ స్వేన॑ భాగ॒ధేయే॒నోప॑ ధావతి॒ స ఏ॒వాస్మా॒ [ఏ॒వాస్మై᳚, అన్న॒-మ్ప్ర] 36
అన్న॒-మ్ప్ర య॑చ్ఛత్యన్నా॒ద ఏ॒వ భ॑వతి శ్యా॒మో భ॑వత్యే॒తద్వా అన్న॑స్య రూ॒పగ్ం సమృ॑ద్ధ్యై మారు॒త-మ్పృశ్ఞి॒మా ల॑భే॒తా-ఽన్న॑-కా॒మో-ఽన్నం॒-వైఀ మ॒రుతో॑మ॒రుత॑ ఏ॒వ స్వేన॑ భాగ॒ధేయే॒నోప॑ ధావతి॒ త ఏ॒వాస్మా॒ అన్న॒-మ్ప్రయ॑చ్ఛన్త్యన్నా॒దఏ॒వ భ॑వతి॒ పృశ్ఞి॑ ర్భవత్యే॒తద్వా అన్న॑స్య రూ॒పగ్ం సమృ॑ద్ధ్యా ఐ॒న్ద్రమ॑రు॒ణమా ల॑భేతేన్ద్రి॒యకా॑మ॒ ఇన్ద్ర॑మే॒వ [ ] 37
స్వేన॑ భాగ॒ధేయే॒నోప॑ ధావతి॒ స ఏ॒వాస్మి॑న్నిన్ద్రి॒య-న్ద॑ధాతీన్ద్రియా॒వ్యే॑వ భ॑వత్యరు॒ణో భ్రూమా᳚-న్భవత్యే॒తద్వా ఇన్ద్ర॑స్య రూ॒పగ్ం సమృ॑ద్ధ్యై సావి॒త్రము॑పద్ధ్వ॒స్తమా ల॑భేత స॒నికా॑మ-స్సవి॒తా వై ప్ర॑స॒వానా॑మీశే సవి॒తార॑మే॒వ స్వేన॑ భాగ॒ధేయే॒నోప॑ ధావతి॒ స ఏ॒వాస్మై॑ స॒ని-మ్ప్రసు॑వతి॒ దాన॑కామా అస్మై ప్ర॒జా భ॑వన్త్యుపద్ధ్వ॒స్తో భ॑వతి సావి॒త్రో హ్యే॑ష [సావి॒త్రో హ్యే॑షః, దే॒వత॑యా॒ సమృ॑ద్ధ్యై] 38
దే॒వత॑యా॒ సమృ॑ద్ధ్యై వైశ్వదే॒వ-మ్బ॑హురూ॒పమా ల॑భే॒తా-ఽన్న॑కామోవైశ్వదే॒వం-వాఀ అన్నం॒-విఀశ్వా॑నే॒వ దే॒వాన్-థ్స్వేన॑ భాగ॒ధేయే॒నోప॑ ధావతి॒త ఏ॒వాస్మా॒ అన్న॒-మ్ప్రయ॑చ్ఛన్త్యన్నా॒ద ఏ॒వ భ॑వతి బహురూ॒పో భ॑వతిబహురూ॒పగ్గ్ హ్యన్న॒గ్ం॒ సమృ॑ద్ధ్యై వైశ్వదే॒వ-మ్బ॑హురూ॒పమా ల॑భేత॒ గ్రామ॑కామో వైశ్వదే॒వా వై స॑జా॒తా విశ్వా॑నే॒వ దే॒వాన్-థ్స్వేన॑ భాగ॒ధేయే॒నోప॑ ధావతి॒ త ఏ॒వా-ఽస్మై॑ [ఏ॒వా-ఽస్మై᳚, స॒జా॒తా-న్ప్ర య॑చ్ఛన్తి] 39
సజా॒తా-న్ప్ర య॑చ్ఛన్తి గ్రా॒మ్యే॑వ భ॑వతి బహురూ॒పో భ॑వతి బహుదేవ॒త్యో᳚(1॒) హ్యే॑ష సమృ॑ద్ధ్యై ప్రాజాప॒త్య-న్తూ॑ప॒రమా ల॑భేత॒ యస్యానా᳚జ్ఞాతమివ॒ జ్యోగా॒మయే᳚-త్ప్రాజాప॒త్యో వై పురు॑షః ప్ర॒జాప॑తిః॒ ఖలు॒ వై తస్య॑ వేద॒ యస్యానా᳚జ్ఞాతమివ॒ జ్యోగా॒మయ॑తి ప్ర॒జాప॑తిమే॒వ స్వేన॑ భాగ॒ధేయే॒నోప॑ ధావతి॒ స ఏ॒వైన॒-న్తస్మా॒-థ్స్రామా᳚-న్ముఞ్చతి తూప॒రో భ॑వతి ప్రాజాప॒త్యో హ్యే॑ -ష దే॒వత॑యా॒ సమృ॑ద్ధ్యై ॥ 40 ॥
(అ॒స్మా॒ – ఇన్ద్ర॑మే॒వై – ష – స॑జా॒తా విశ్వా॑నే॒వ దే॒వాన్-థ్స్వేన॑ భాగ॒ధేయే॒నోప॑ ధావతి॒ త ఏ॒వాస్మై᳚ – ప్రాజాప॒త్యో హి – త్రీణి॑ చ) (అ. 11)
వ॒ష॒ట్కా॒రో వై గా॑యత్రి॒యై శిరో᳚-ఽచ్ఛిన॒-త్తస్యై॒ రసః॒ పరా॑పత॒-త్త-మ్బృహ॒స్పతి॒ రుపా॑-ఽగృహ్ణా॒థ్సా శి॑తిపృ॒ష్ఠా వ॒శా-ఽభ॑వ॒ద్యో ద్వి॒తీయః॑ ప॒రా-ఽప॑త॒-త్త-మ్మి॒త్రావరు॑ణా॒-వుపా॑గృహ్ణీతా॒గ్ం॒ సా ద్వి॑రూ॒పా వ॒శా-ఽభ॑వ॒-ద్యస్తృ॒తీయః॑ ప॒రాప॑త॒-త్తం-విఀశ్వే॑ దే॒వా ఉపా॑గృహ్ణ॒న్-థ్సా బ॑హురూ॒పా వ॒శా భ॑వ॒ద్య-శ్చ॑తు॒ర్థః ప॒రాప॑త॒-థ్స పృ॑థి॒వీ-మ్ప్రా-ఽవి॑శ॒-త్త-మ్బృహ॒స్పతి॑ర॒- [బృహ॒స్పతి॑ర॒భి, అ॒గృ॒హ్ణా॒-దస్త్వే॒వా-ఽయం-] 41
-భ్య॑గృహ్ణా॒-దస్త్వే॒వా-ఽయ-మ్భోగా॒యేతి॒ స ఉ॑ఖ్షవ॒శ-స్సమ॑భవ॒-ద్యల్లోహి॑త-మ్ప॒రాప॑త॒-త్త-ద్రు॒ద్ర ఉపా॑-ఽగృహ్ణా॒-థ్సా రౌ॒ద్రీ రోహి॑ణీ వ॒శా-ఽభ॑వ-ద్బార్హస్ప॒త్యాగ్ం శి॑తిపృ॒ష్ఠామా ల॑భేత బ్రహ్మవర్చ॒సకా॑మో॒ బృహ॒స్పతి॑మే॒వ స్వేన॑ భాగ॒ధేయే॒నోప॑ ధావతి॒ స ఏ॒వాస్మి॑-న్బ్రహ్మవర్చ॒స-న్ద॑ధాతి బ్రహ్మవర్చ॒స్యే॑వ భ॑వతి॒ ఛన్ద॑సాం॒-వాఀ ఏ॒ష రసో॒ యద్వ॒శా రస॑ ఇవ॒ ఖలు॒ [ఖలు॑, వై] 42
వై బ్ర॑హ్మవర్చ॒స-ఞ్ఛన్ద॑సామే॒వ రసే॑న॒ రస॑-మ్బ్రహ్మవర్చ॒సమవ॑ రున్ధే మైత్రావరు॒ణీ-న్ద్వి॑రూ॒పామా ల॑భేత॒ వృష్టి॑కామో మై॒త్రం-వాఀ అహ॑ర్వారు॒ణీ రాత్రి॑రహోరా॒త్రాభ్యా॒-ఙ్ఖలు॒ వై ప॒ర్జన్యో॑ వర్షతి మి॒త్రావరు॑ణావే॒వ స్వేన॑ భాగ॒ధేయే॒నోప॑ ధావతి॒ తావే॒వాస్మా॑ అహోరా॒త్రాభ్యా᳚-మ్ప॒ర్జన్యం॑-వఀర్షయత॒-శ్ఛన్ద॑సాం॒-వాఀ ఏ॒ష రసో॒ యద్వ॒శా రస॑ ఇవ॒ ఖలు॒ వై వృష్టి॒-శ్ఛన్ద॑సామే॒వ రసే॑న॒ [రసే॑న, రసం॒-వృఀష్టి॒మవ॑ రున్ధే] 43
రసం॒-వృఀష్టి॒మవ॑ రున్ధే మైత్రావరు॒ణీ-న్ద్వి॑రూ॒పామా ల॑భేత ప్ర॒జాకా॑మో మై॒త్రం-వాఀ అహ॑ర్వారు॒ణీ రాత్రి॑రహోరా॒త్రాభ్యా॒-ఙ్ఖలు॒ వై ప్ర॒జాః ప్రజా॑యన్తే మి॒త్రావరు॑ణావే॒వ స్వేన॑ భాగ॒ధేయే॒నోప॑ ధావతి॒ తావే॒వాస్మా॑ అహోరా॒త్రాభ్యా᳚-మ్ప్ర॒జా-మ్ప్రజ॑నయత॒-శ్ఛన్ద॑సాం॒-వాఀ ఏ॒ష రసో॒ యద్వ॒శా రస॑ ఇవ॒ ఖలు॒ వై ప్ర॒జా ఛన్ద॑సామే॒వ రసే॑న॒ రస॑-మ్ప్ర॒జామవ॑- [రస॑-మ్ప్ర॒జామవ॑, రు॒న్ధే॒ వై॒శ్వ॒దే॒వీం-] 44
-రున్ధే వైశ్వదే॒వీ-మ్బ॑హురూ॒పామా ల॑భే॒తాన్న॑కామో వైశ్వదే॒వం-వాఀ అన్నం॒-విఀశ్వా॑నే॒వ దే॒వాన్-థ్స్వేన॑ భాగ॒ధేయే॒నోప॑ ధావతి॒ త ఏ॒వాస్మా॒ అన్నం॒ ప్రయ॑చ్ఛన్త్యన్నా॒ద ఏ॒వ భ॑వతి॒ ఛన్ద॑సాం॒-వాఀ ఏ॒ష రసో॒ యద్వ॒శా రస॑ ఇవ॒ ఖలు॒ వా అన్న॒-ఞ్ఛన్ద॑సామే॒వ రసే॑న॒ రస॒మన్న॒మవ॑ రున్ధే వైశ్వదే॒వీ-మ్బ॑హురూ॒పామా ల॑భేత॒ గ్రామ॑కామో వైశ్వదే॒వా వై [వై, స॒జా॒తా విశ్వా॑నే॒వ] 45
స॑జా॒తా విశ్వా॑నే॒వ దే॒వాన్-థ్స్వేన॑ భాగ॒ధేయే॒నోప॑ ధావతి॒ త ఏ॒వాస్మై॑ సజా॒తా-న్ప్ర య॑చ్ఛన్తి గ్రా॒మ్యే॑వ భ॑వతి॒ ఛన్ద॑సాం॒-వాఀ ఏ॒ష రసో॒ యద్వ॒శా రస॑ ఇవ॒ ఖలు॒ వై స॑జా॒తా-శ్ఛన్ద॑సామే॒వ రసే॑న॒ రసగ్ం॑ సజా॒తానవ॑ రున్ధే బార్హస్ప॒త్య- ము॑ఖ్షవ॒శమా ల॑భేత బ్రహ్మవర్చ॒సకా॑మో॒ బృహ॒స్పతి॑మే॒వ స్వేన॑ భాగ॒ధేయే॒నోప॑ ధావతి॒ స ఏ॒వా-ఽస్మి॑-న్బ్రహ్మవర్చ॒సం- [ఏ॒వా-ఽస్మి॑-న్బ్రహ్మవర్చ॒సమ్, ద॒ధా॒తి॒ బ్ర॒హ్మ॒వ॒ర్చ॒స్యే॑వ] 46
-ద॑ధాతి బ్రహ్మవర్చ॒స్యే॑వ భ॑వతి॒ వశం॒-వాఀ ఏ॒ష చ॑రతి॒ యదు॒ఖ్షావశ॑ ఇవ॒ ఖలు॒ వై బ్ర॑హ్మవర్చ॒సం-వఀశే॑నై॒వ వశ॑-మ్బ్రహ్మవర్చ॒సమవ॑ రున్ధేరౌ॒ద్రీగ్ంరోహి॑ణీ॒మా ల॑భేతాభి॒చర॑-న్రు॒ద్రమే॒వ స్వేన॑ భాగ॒ధేయే॒నోప॑ ధావతి॒ తస్మా॑ ఏ॒వైన॒మా వృ॑శ్చతి తా॒జగార్తి॒మార్చ్ఛ॑తి॒ రోహి॑ణీ భవతి రౌ॒ద్రీ హ్యే॑షా దే॒వత॑యా॒ సమృ॑ద్ధ్యై॒ స్ఫ్యో యూపో॑ భవతి॒ వజ్రో॒ వై స్ఫ్యో వజ్ర॑మే॒వాస్మై॒ ప్ర హ॑రతి శర॒మయ॑-మ్బ॒ర్॒హి-శ్శృ॒ణాత్యే॒వైనం॒-వైఀభీ॑దక ఇ॒ద్ధ్మో భి॒నత్త్యే॒వైన᳚మ్ ॥ 47 ॥
(అ॒భి – ఖలు॒ – వృష్టి॒-శ్ఛన్ద॑సామే॒వ రసే॑న – ప్ర॒జామవ॑ – వైశ్వదే॒వా వై – బ్ర॑హ్మవర్చ॒సం – యూఀప॒ – ఏకా॒న్నవిగ్ం॑శ॒తిశ్చ॑) (అ. 7)
అ॒సావా॑ది॒త్యో న వ్య॑రోచత॒ తస్మై॑ దే॒వాః ప్రాయ॑శ్చిత్తిమైచ్ఛ॒-న్తస్మా॑ ఏ॒తాగ్ం సౌ॒రీగ్ శ్వే॒తాం-వఀ॒శామా-ఽల॑భన్త॒ తయై॒వాస్మి॒-న్రుచ॑మదధు॒ర్యో బ్ర॑హ్మవర్చ॒సకా॑మ॒-స్స్యా-త్తస్మా॑ ఏ॒తాగ్ం సౌ॒రీగ్ శ్వే॒తాం-వఀ॒శామా ల॑భేతా॒ముమే॒వా ఽఽది॒త్యగ్గ్ స్వేన॑ భాగ॒ధేయే॒నోప॑ ధావతి॒ స ఏ॒వాస్మి॑-న్బ్రహ్మవర్చ॒స-న్ద॑ధాతి బ్రహ్మవర్చ॒స్యే॑వ భ॑వతి బై॒ల్॒వో యూపో॑ భవత్య॒సౌ [ ] 48
వా ఆ॑ది॒త్యో యతో-ఽజా॑యత॒ తతో॑ బి॒ల్వ॑ ఉద॑తిష్ఠ॒-థ్సయో᳚న్యే॒వ బ్ర॑హ్మవర్చ॒సమవ॑ రున్ధే బ్రాహ్మణస్ప॒త్యా-మ్బ॑భ్రుక॒ర్ణీమా ల॑భేతా-భి॒చర॑న్-వారు॒ణ-న్దశ॑కపాల-మ్పు॒రస్తా॒-న్నిర్వ॑పే॒-ద్వరు॑ణేనై॒వ భ్రాతృ॑వ్య-ఙ్గ్రాహయి॒త్వా బ్రహ్మ॑ణా స్తృణుతే బభ్రుక॒ర్ణీ భ॑వత్యే॒తద్వై బ్రహ్మ॑ణో రూ॒పగ్ం సమృ॑ద్ధ్యై॒ స్ఫ్యో యూపో॑ భవతి॒ వజ్రో॒ వై స్ఫ్యో వజ్ర॑మే॒వాస్మై॒ ప్ర హ॑రతి శర॒మయ॑-మ్బ॒ర్॒హి-శ్శృ॒ణా- [-బ॒ర్॒హి-శ్శృ॒ణాతి॑, ఏ॒వైనం॒-వైఀభీ॑దక] 49
-త్యే॒వైనం॒-వైఀభీ॑దక ఇ॒ద్ధ్మో భి॒నత్త్యే॒వైనం॑-వైఀష్ణ॒వం-వాఀ ॑మ॒నమా ల॑భేత॒ యం-యఀ॒జ్ఞో నోప॒నమే॒-ద్విష్ణు॒ర్వై య॒జ్ఞో విష్ణు॑మే॒వ స్వేన॑ భాగ॒ధేయే॒నోప॑ ధావతి॒ స ఏ॒వాస్మై॑ య॒జ్ఞ-మ్ప్ర య॑చ్ఛ॒త్యుపై॑నం-యఀ॒జ్ఞో న॑మతి వామ॒నో భ॑వతి వైష్ణ॒వో హ్యే॑ష దే॒వత॑యా॒ సమృ॑ద్ధ్యై త్వా॒ష్ట్రం-వఀ ॑డ॒బ మా ల॑భేత ప॒శుకా॑మ॒స్త్వష్టా॒ వై ప॑శూ॒నా-మ్మి॑థు॒నానాం᳚- [వై ప॑శూ॒నా-మ్మి॑థు॒నానా᳚మ్, ప్ర॒జ॒న॒యి॒తా] 50
ప్రజనయి॒తా త్వష్టా॑రమే॒వ స్వేన॑ భాగ॒ధేయే॒నోప॑ ధావతి॒ స ఏ॒వాస్మై॑ ప॒శూ-న్మి॑థు॒నా-న్ప్ర జ॑నయతి ప్ర॒జా హి వా ఏ॒తస్మి॑-న్ప॒శవః॒ ప్రవి॑ష్టా॒ అథై॒ష పుమా॒న్థ్సన్ వ॑డ॒బ-స్సా॒ఖ్షాదే॒వ ప్ర॒జా-మ్ప॒శూనవ॑ రున్ధే మై॒త్రగ్గ్ శ్వే॒తమా ల॑భేత సఙ్గ్రా॒మే సంయఀ ॑త్తే సమ॒యకా॑మో మి॒త్రమే॒వ స్వేన॑ భాగ॒ధేయే॒నోప॑ ధావతి॒ స ఏ॒వైన॑-మ్మి॒త్రేణ॒ స-న్న॑యతి – [అ-న్న॑యతి, వి॒శా॒లో భ॑వతి॒] 51
విశా॒లో భ॑వతి॒ వ్యవ॑సాయయత్యే॒వైన॑-మ్ప్రాజాప॒త్య-ఙ్కృ॒ష్ణమా ల॑భేత॒ వృష్టి॑కామః ప్ర॒జాప॑తి॒ర్వై వృష్ట్యా॑ ఈశే ప్ర॒జాప॑తిమే॒వ స్వేన॑ భాగ॒ధేయే॒నోప॑ ధావతి॒ స ఏ॒వాస్మై॑ ప॒ర్జన్యం॑-వఀర్షయతి కృ॒ష్ణో భ॑వత్యే॒తద్వై వృష్ట్యై॑ రూ॒పగ్ం రూ॒పేణై॒వ వృష్టి॒మవ॑ రున్ధే శ॒బలో॑ భవతి వి॒ద్యుత॑మే॒వాస్మై॑ జనయి॒త్వా వ॑ర్షయత్యవాశృ॒ఙ్గో భ॑వతి॒ వృష్టి॑మే॒వాస్మై॒ ని య॑చ్ఛతి ॥ 52 ॥
(అ॒సౌ – శృ॒ణాతి॑ – మిథు॒నానాం᳚ – నయతి – యచ్ఛతి) (అ. 8)
వరు॑ణగ్ం సుషువా॒ణమ॒న్నాద్య॒-న్నోపా॑నమ॒-థ్స ఏ॒తాం-వాఀ ॑రు॒ణీ-ఙ్కృ॒ష్ణాం-వఀ॒శామ॑పశ్య॒-త్తాగ్ స్వాయై॑ దే॒వతా॑యా॒ ఆల॑భత॒ తతో॒ వై తమ॒న్నా-ద్య॒ముపా॑-ఽనమ॒-ద్యమల॑-మ॒న్నాద్యా॑య॒ సన్త॑మ॒న్నాద్య॒-న్నోప॒నమే॒-థ్స ఏ॒తాం వాఀ ॑రు॒ణీ-ఙ్కృ॒ష్ణాం-వఀ॒శామా ల॑భేత॒ వరు॑ణమే॒వ స్వేన॑ భాగ॒ధేయే॒నోప॑ ధావతి॒ స ఏ॒వాస్మా॒ అన్న॒-మ్ప్ర య॑చ్ఛత్యన్నా॒ద [అన్న॒-మ్ప్ర య॑చ్ఛత్యన్నా॒దః, ఏ॒వ భ॑వతి] 53
ఏ॒వ భ॑వతి కృ॒ష్ణా భ॑వతి వారు॒ణీ హ్యే॑షా దే॒వత॑యా॒ సమృ॑ద్ధ్యై మై॒త్రగ్గ్ శ్వే॒తమా ల॑భేత వారు॒ణ-ఙ్కృ॒ష్ణమ॒పా-ఞ్చౌష॑ధీనా-ఞ్చ స॒ధాంవఀన్న॑కామో మై॒త్రీర్వా ఓష॑ధయో వారు॒ణీరాపో॒-ఽపా-ఞ్చ॒ ఖలు॒ వా ఓష॑ధీనా-ఞ్చ॒ రస॒ముప॑ జీవామో మి॒త్రావరు॑ణావే॒వ స్వేన॑ భాగ॒ధేయే॒నోప॑ ధావతి॒ తావే॒వాస్మా॒ అన్న॒-మ్ప్రయ॑చ్ఛతో-ఽన్నా॒ద ఏ॒వ భ॑వ- [ఏ॒వ భ॑వతి, అ॒పా-ఞ్చౌష॑ధీనా-ఞ్చ] 54
(శిఖణ్డి ప్రచతిః)
-త్య॒పా-ఞ్చౌష॑ధీనా-ఞ్చ స॒ధాంవాఀ ల॑భత ఉ॒భయ॒స్యా-వ॑రుద్ధ్యై॒విశా॑ఖో॒ యూపో॑ భవతి॒ ద్వే హ్యే॑తే దే॒వతే॒ సమృ॑ద్ధ్యై మై॒త్రగ్గ్ శ్వే॒తమా ల॑భేత వారు॒ణ-ఙ్కృ॒ష్ణ-ఞ్జ్యోగా॑మయావీ॒-య-న్మై॒త్రో భవ॑తి మి॒త్రేణై॒వా-ఽస్మై॒ వరు॑ణగ్ం శమయతి॒ య-ద్వా॑రు॒ణ-స్సా॒ఖ్షాదే॒వైనం॑-వఀరుణపా॒శా-న్ము॑ఞ్చత్యు॒త యదీ॒తాసు॒ర్భవ॑తి॒ జీవ॑త్యే॒వ దే॒వా వై పుష్టి॒-న్నా-ఽవి॑న్ద॒న్- [నా-ఽవి॑న్దన్న్, తా-మ్మి॑థు॒నే॑] 55
-తా-మ్మి॑థు॒నే॑ ఽపశ్య॒-న్తస్యా॒-న్న సమ॑రాధయ॒న్తా-వ॒శ్వినా॑-వబ్రూతా-మా॒వయో॒ర్వా ఏ॒షా మైతస్యాం᳚ వఀదద్ధ్వ॒మితి॒ సాశ్వినో॑రే॒వాభ॑వ॒ద్యః పుష్టి॑కామ॒-స్స్యా-థ్స ఏ॒తామా᳚శ్వి॒నీం-యఀ॒మీం-వఀ॒శామా ల॑భేతా॒-ఽశ్వినా॑వే॒వ స్వేన॑ భాగ॒ధేయే॒నోప॑ ధావతి॒ తావే॒వాస్మి॒-న్పుష్టి॑-న్ధత్తః॒ పుష్య॑తి ప్ర॒జయా॑ ప॒శుభిః॑ ॥ 56 ॥
(అ॒న్నా॒దో᳚ – ఽన్నా॒ద ఏ॒వ భ॑వత్య – విన్ద॒న్ – పఞ్చ॑చత్వారిగ్ంశచ్చ) (అ. 9)
ఆ॒శ్వి॒న-న్ధూ॒మ్రల॑లామ॒ మా ల॑భేత॒ యో దుర్బ్రా᳚హ్మణ॒-స్సోమ॒-మ్పిపా॑సే-ద॒శ్వినౌ॒ వై దే॒వానా॒-మసో॑మపావాస్తా॒-న్తౌ ప॒శ్చా సో॑మపీ॒థ-మ్ప్రాప్ను॑తా-మ॒శ్వినా॑-వే॒తస్య॑ దే॒వతా॒ యో దుర్బ్రా᳚హ్మణ॒-స్సోమ॒-మ్పిపా॑సత్య॒శ్వినా॑వే॒వ స్వేన॑ భాగ॒ధేయే॒నోప॑ ధావతి॒-తా-వే॒వా-ఽస్మై॑ సోమపీ॒థ-మ్ప్ర య॑చ్ఛత॒ ఉపై॑నగ్ం సోమపీ॒థో న॑మతి॒ య-ద్ధూ॒మ్రో భవ॑తి ధూమ్రి॒మాణ॑-మే॒వా-ఽస్మా॒-దప॑ హన్తి ల॒లామో॑ [ల॒లామః॑, భ॒వ॒తి ము॒ఖ॒త] 57
భవతి ముఖ॒త ఏ॒వాస్మి॒-న్తేజో॑ దధాతి వాయ॒వ్య॑-ఙ్గోమృ॒గమా ల॑భేత॒ యమజ॑ఘ్నివాగ్ం సమభి॒శగ్ం సే॑యు॒రపూ॑తా॒ వా ఏ॒తం-వాఀగృ॑చ్ఛతి॒ యమజ॑ఘ్నివాగ్ం సమభి॒శగ్ం స॑న్తి॒ నైష గ్రా॒మ్యః ప॒శుర్నార॒ణ్యో య-ద్గో॑మృ॒గో నేవై॒ష గ్రామే॒ నార॑ణ్యే॒ యమజ॑ఘ్నివాగ్ం సమభి॒శగ్ం స॑న్తి వా॒యుర్వై దే॒వానా᳚-మ్ప॒విత్రం॑-వాఀ॒యుమే॒వ స్వేన॑ భాగ॒ధేయే॒నోప॑ ధావతి॒ స ఏ॒వై- [స ఏ॒వ, ఏ॒న॒-మ్ప॒వ॒య॒తి॒ పరా॑చీ॒] 58
-న॑-మ్పవయతి॒ పరా॑చీ॒ వా ఏ॒తస్మై᳚ వ్యు॒చ్ఛన్తీ॒ వ్యు॑చ్ఛతి॒ తమః॑ పా॒ప్మాన॒-మ్ప్రవి॑శతి॒ యస్యా᳚-ఽఽశ్వి॒నే శ॒స్యమా॑నే॒ సూర్యో॒ నా-ఽఽవిర్భవ॑తి సౌ॒ర్య-మ్బ॑హురూ॒పమా ల॑భేతా॒-ఽము-మే॒వా-ఽఽది॒త్యగ్గ్ స్వేన॑ భాగ॒ధేయే॒నోప॑ ధావతి॒ స ఏ॒వాస్మా॒-త్తమః॑ పా॒ప్మాన॒మప॑ హన్తి ప్ర॒తీచ్య॑స్మై వ్యు॒చ్ఛన్తీ॒ వ్యు॑చ్ఛ॒త్యప॒ తమః॑ పా॒ప్మానగ్ం॑ హతే ॥ 59 ॥
(ల॒లామః॒ – స ఏ॒వ – షట్చ॑త్వారిగ్ంశచ్చ) (అ. 10)
ఇన్ద్రం॑-వోఀ వి॒శ్వత॒స్పరీ, న్ద్ర॒-న్నరో॒, మరు॑తో॒ యద్ధ॑ వో ది॒వో, యా వ॒-శ్శర్మ॑ ॥ భరే॒ష్విన్ద్రగ్ం॑ సు॒హవగ్ం॑ హవామహే ఽగ్ంహో॒ముచగ్ం॑ సు॒కృత॒-న్దైవ్య॒-ఞ్జన᳚మ్ । అ॒గ్ని-మ్మి॒త్రం-వఀరు॑ణగ్ం సా॒తయే॒ భగ॒-న్ద్యావా॑పృథి॒వీ మ॒రుత॑-స్స్వ॒స్తయే᳚ ॥ మ॒మత్తు॑ నః॒ పరి॑జ్మా వస॒ర్॒హా మ॒మత్తు॒ వాతో॑ అ॒పాం-వృఀష॑ణ్వాన్న్ । శి॒శీ॒తమి॑న్ద్రాపర్వతా యు॒వ-న్న॒స్తన్నో॒ విశ్వే॑ వరివస్యన్తు దే॒వాః ॥ ప్రి॒యా వో॒ నామ॑ – [ప్రి॒యా వో॒ నామ॑, హు॒వే॒ తు॒రాణా᳚మ్ ।] 60
హువే తు॒రాణా᳚మ్ । ఆ య-త్తృ॒పన్మ॑రుతో వావశా॒నాః ॥ శ్రి॒యసే॒ క-మ్భా॒నుభి॒-స్స-మ్మి॑మిఖ్షిరే॒ తే ర॒శ్మిభి॒స్త ఋక్వ॑భి-స్సుఖా॒దయః॑ । తే వాశీ॑మన్త ఇ॒ష్మిణో॒ అభీ॑రవో వి॒ద్రే ప్రి॒యస్య॒ మారు॑తస్య॒ ధామ్నః॑ ॥ అ॒గ్నిః ప్ర॑థ॒మో వసు॑భిర్నో అవ్యా॒-థ్సోమో॑ రు॒ద్రేభి॑ర॒భి ర॑ఖ్షత॒ త్మనా᳚ । ఇన్ద్రో॑ మ॒రుద్భి॑ర్-ఋతు॒ధా కృ॑ణోత్వాది॒త్యైర్నో॒ వరు॑ణ॒-స్సగ్ం శి॑శాతు ॥ స-న్నో॑ దే॒వో వసు॑భిర॒గ్ని-స్సగ్ం [వసు॑భిర॒గ్ని-స్సమ్, సోమ॑స్త॒నూభీ॑ రు॒ద్రియా॑భిః ।] 61
సోమ॑స్త॒నూభీ॑ రు॒ద్రియా॑భిః । సమిన్ద్రో॑ మ॒రుద్భి॑ ర్య॒జ్ఞియై॒-స్సమా॑ది॒త్యైర్నో॒ వరు॑ణో అజిజ్ఞిపత్ ॥ యథా॑-ఽఽది॒త్యా వసు॑భి-స్సమ్బభూ॒వు-ర్మ॒రుద్భీ॑ రు॒ద్రా-స్స॒మజా॑నతా॒భి । ఏ॒వా త్రి॑ణామ॒న్న-హృ॑ణీయమానా॒ విశ్వే॑ దే॒వా-స్సమ॑నసో భవన్తు ॥ కుత్రా॑ చి॒ద్యస్య॒ సమృ॑తౌ ర॒ణ్వా నరో॑ నృ॒షద॑నే । అర్హ॑న్తశ్చి॒-ద్యమి॑న్ధ॒తే స॑జ॒న్నయ॑న్తి జ॒న్తవః॑ ॥ సం-యఀది॒షో వనా॑మహే॒ సగ్ం హ॒వ్యా మాను॑షాణామ్ । ఉ॒త ద్యు॒మ్నస్య॒ శవ॑స [శవ॑సః, ఋ॒తస్య॑ ర॒శ్మిమా ద॑దే ।] 62
ఋ॒తస్య॑ ర॒శ్మిమా ద॑దే ॥ య॒జ్ఞో దే॒వానా॒-మ్ప్రత్యే॑తి సు॒మ్నమాది॑త్యాసో॒ భవ॑తా మృడ॒యన్తః॑ । ఆ వో॒-ఽర్వాచీ॑ సుమ॒తిర్వ॑వృత్యాద॒గ్ం॒ హోశ్చి॒ద్యా వ॑రివో॒విత్త॒రా-ఽస॑త్ ॥ శుచి॑ర॒ప-స్సూ॒యవ॑సా అద॑బ్ధ॒ ఉప॑ ఖ్షేతి వృ॒ద్ధవ॑యా-స్సు॒వీరః॑ । నకి॒ష్టం(2) ఘ్న॒న్త్యన్తి॑తో॒ న దూ॒రాద్య ఆ॑ది॒త్యానా॒-మ్భవ॑తి॒ ప్రణీ॑తౌ ॥ ధా॒రయ॑న్త ఆది॒త్యాసో॒ జగ॒థ్స్థా దే॒వా విశ్వ॑స్య॒ భువ॑నస్య గో॒పాః । దీ॒ర్ఘాధి॑యో॒ రఖ్ష॑మాణా [రఖ్ష॑మాణాః, అ॒సు॒ర్య॑మృ॒తావా॑న॒-] 63
అసు॒ర్య॑మృ॒తావా॑న॒-శ్చయ॑మానా ఋ॒ణాని॑ ॥ తి॒స్రో భూమీ᳚ర్ధారయ॒-న్త్రీగ్ం రు॒త ద్యూ-న్త్రీణి॑ వ్ర॒తా వి॒దథే॑ అ॒న్తరే॑షామ్ । ఋ॒తేనా॑-ఽఽదిత్యా॒ మహి॑ వో మహి॒త్వ-న్తద॑ర్యమన్ వరుణ మిత్ర॒ చారు॑ ॥ త్యాన్ను ఖ్ష॒త్రియా॒గ్ం॒ అవ॑ ఆది॒త్యాన్. యా॑చిషామహే । సు॒మృ॒డీ॒కాగ్ం అ॒భిష్ట॑యే ॥ న ద॑ఖ్షి॒ణా విచి॑కితే॒ న స॒వ్యా న ప్రా॒చీన॑మాదిత్యా॒ నోత ప॒శ్చా । పా॒క్యా॑ చిద్వసవో ధీ॒ర్యా॑ చి- [ధీ॒ర్యా॑ చిత్, యు॒ష్మానీ॑తో॒] 64
-ద్యు॒ష్మానీ॑తో॒ అభ॑య॒-ఞ్జ్యోతి॑రశ్యామ్ ॥ ఆ॒ది॒త్యానా॒మవ॑సా॒ నూత॑నేన సఖ్షీ॒మహి॒ శర్మ॑ణా॒ శన్త॑మేన । అ॒నా॒గా॒స్త్వే అ॑దితి॒త్వే తు॒రాస॑ ఇ॒మం-యఀ॒జ్ఞ-న్ద॑ధతు॒ శ్రోష॑మాణాః ॥ ఇ॒మ-మ్మే॑ వరుణ శ్రుధీ॒ హవ॑మ॒ద్యా చ॑ మృడయ । త్వామ॑వ॒స్యురా చ॑కే ॥ తత్త్వా॑ యామి॒ బ్రహ్మ॑ణా॒ వన్ద॑మాన॒-స్తదా శా᳚స్తే॒ యజ॑మానో హ॒విర్భిః॑ । అహే॑డమానో వరుణే॒హ బో॒ద్ధ్యురు॑శగ్ంస॒ మా న॒ ఆయుః॒ ప్రమో॑షీః ॥ 65 ॥
(నామా॒ – ఽగ్ని-స్సగ్ం – శవ॑సో॒ – రఖ్ష॑మాణా – ధీ॒ర్యా॑-ఞ్చి॒దే – కా॒న్న ప॑ఞ్చా॒శచ్చ॑) (అ. 11)
(వా॒య॒వ్యం॑ – ప్రా॒జప॑తి॒స్తా వరు॑ణం – దేవాసు॒రా ఏ॒ష్వ॑ – సావా॑ది॒త్యో దశ॑ర్షభా॒-మిన్ద్రో॑ వ॒లస్య॑ – బార్హస్ప॒త్యం – వఀ ॑షట్కా॒రో॑ – ఽసౌసౌ॒రీం॒ – వఀ ॑రుణ -మాశ్వి॒న – మిన్ద్రం॑-వోఀ॒ నర॒ – ఏకాద॑శ)
(వా॒య॒వ్య॑ – మాగ్నే॒యీ-ఙ్కృ॑ష్ణగ్రీ॒వీ – మ॒సావా॑ది॒త్యో – వా అ॑హోరా॒త్రాణి॑ – వషట్కా॒రః – ప్ర॑జనయి॒తా – హు॑వే తు॒రాణాం॒ – పఞ్చ॑షష్టిః )
(వా॒య॒వ్య॑మ్, ప్రమో॑షీః)
॥ హరిః॑ ఓమ్ ॥
॥ కృష్ణ యజుర్వేదీయ తైత్తిరీయ సంహితాయా-న్ద్వితీయకాణ్డే ప్రథమః ప్రశ్న-స్సమాప్తః ॥