కృష్ణ యజుర్వేదీయ తైత్తిరీయ సంహితాయా-న్ద్వితీయకాణ్డే పఞ్చమః ప్రశ్నః – ఇష్టివిధానం
ఓ-న్నమః పరమాత్మనే, శ్రీ మహాగణపతయే నమః,
శ్రీ గురుభ్యో నమః । హ॒రిః॒ ఓమ్ ॥
వి॒శ్వరూ॑పో॒ వై త్వా॒ష్ట్రః పు॒రోహి॑తో దే॒వానా॑మాసీ-థ్స్వ॒స్రీయో-ఽసు॑రాణా॒-న్తస్య॒ త్రీణి॑ శీ॒ర్॒షాణ్యా॑సన్-థ్సోమ॒పానగ్ం॑ సురా॒పాన॑-మ॒న్నాద॑న॒గ్ం॒ స ప్ర॒త్యఖ్ష॑-న్దే॒వేభ్యో॑ భా॒గమ॑వద-త్ప॒రోఖ్ష॒మసు॑రేభ్య॒-స్సర్వ॑స్మై॒ వై ప్ర॒త్యఖ్ష॑-మ్భా॒గం-వఀ ॑దన్తి॒ యస్మా॑ ఏ॒వ ప॒రోఖ్షం॒-వఀద॑న్తి॒ తస్య॑ భా॒గ ఉ॑ది॒తస్తస్మా॒దిన్ద్రో॑ ఽబిభేదీ॒దృం-వైఀ రా॒ష్ట్రం-విఀ ప॒ర్యావ॑ర్తయ॒తీతి॒ తస్య॒ వజ్ర॑మా॒దాయ॑ శీ॒ర్॒షాణ్య॑చ్ఛిన॒ద్య-థ్సో॑మ॒పాన॒- [-థ్సో॑మ॒పాన᳚మ్, ఆసీ॒థ్స] 1
-మాసీ॒థ్స క॒పిఞ్జ॑లో ఽభవ॒-ద్య-థ్సు॑రా॒పాన॒గ్ం॒ స క॑ల॒విఙ్కో॒ యద॒న్నాద॑న॒గ్ం॒ స తి॑త్తి॒రిస్తస్యా᳚ఞ్జ॒లినా᳚ బ్రహ్మహ॒త్యాముపా॑గృహ్ణా॒-త్తాగ్ం సం॑వఀథ్స॒రమ॑బిభ॒స్త-మ్భూ॒తాన్య॒భ్య॑క్రోశ॒-న్బ్రహ్మ॑హ॒న్నితి॒ స పృ॑థి॒వీముపా॑సీదద॒స్యై బ్ర॑హ్మహ॒త్యాయై॒ తృతీ॑య॒-మ్ప్రతి॑ గృహా॒ణేతి॒ సా-ఽబ్ర॑వీ॒ద్వరం॑-వృఀణై ఖా॒తా-త్ప॑రాభవి॒ష్యన్తీ॑ మన్యే॒ తతో॒ మా పరా॑ భూవ॒మితి॑పు॒రా తే॑ [భూవ॒మితి॑పు॒రా తే᳚, సంవఀథ్స॒రాదపి॑] 2
సంవఀథ్స॒రాదపి॑ రోహా॒దిత్య॑బ్రవీ॒-త్తస్మా᳚-త్పు॒రా సం॑వఀథ్స॒రా-త్పృ॑థి॒వ్యై ఖా॒తమపి॑ రోహతి॒ వారే॑వృత॒గ్గ్॒ హ్య॑స్యై॒ తృతీ॑య-మ్బ్రహ్మహ॒త్యాయై॒ ప్రత్య॑గృహ్ణా॒-త్త-థ్స్వకృ॑త॒మిరి॑ణమభవ॒-త్తస్మా॒దాహి॑తాగ్ని-శ్శ్ర॒ద్ధాదే॑వ॒-స్స్వకృ॑త॒ ఇరి॑ణే॒ నావ॑ స్యే-ద్బ్రహ్మహ॒త్యాయై॒ హ్యే॑ష వర్ణ॒-స్స వన॒స్పతీ॒నుపా॑సీదద॒స్యై బ్ర॑హ్మహ॒త్యాయై॒ తృతీ॑య॒-మ్ప్రతి॑ గృహ్ణీ॒తేతి॒ తే᳚-ఽబ్రువ॒న్ వరం॑-వృఀణామహై వృ॒క్ణా- [వృ॒క్ణాత్, ప॒రా॒భ॒వి॒ష్యన్తో॑] 3
-త్ప॑రాభవి॒ష్యన్తో॑ మన్యామహే॒ తతో॒ మా పరా॑ భూ॒మేత్యా॒వ్రశ్చ॑నాద్వో॒ భూయాగ్ం॑స॒ ఉత్తి॑ష్ఠా॒నిత్య॑బ్రవీ॒-త్తస్మా॑దా॒వ్రశ్చ॑నా-ద్వృ॒ఖ్షాణా॒-మ్భూయాగ్ం॑స॒ ఉత్తి॑ష్ఠన్తి॒ వారే॑వృత॒గ్గ్॒ హ్యే॑షా॒-న్తృతీ॑య-మ్బ్రహ్మహ॒త్యాయై॒ ప్రత్య॑గృణ్హ॒న్థ్స ని॑ర్యా॒సో॑ ఽభవ॒-త్తస్మా᳚న్నిర్యా॒సస్య॒ నా-ఽఽశ్య॑-మ్బ్రహ్మహ॒త్యాయై॒ హ్యే॑ష వర్ణో-ఽథో॒ ఖలు॒ య ఏ॒వ లోహి॑తో॒ యో వా॒-ఽఽవ్రశ్చ॑నాన్ని॒ర్యేష॑తి॒ తస్య॒ నా-ఽఽశ్య॑- [నా-ఽఽశ్య᳚మ్, కామ॑మ॒న్యస్య॒] 4
-ఙ్కామ॑మ॒న్యస్య॒ సస్త్రీ॑షగ్ంసా॒ద-ముపా॑సీదద॒స్యై బ్ర॑హ్మహ॒త్యాయై॒ తృతీ॑య॒-మ్ప్రతి॑ గృహ్ణీ॒తేతి॒ తా అ॑బ్రువ॒న్ వరం॑-వృఀణామహా॒ ఋత్వి॑యా-త్ప్ర॒జాం-విఀ ॑న్దామహై॒ కామ॒మా విజ॑నితో॒-స్స-మ్భ॑వా॒మేతి॒ తస్మా॒దృత్వి॑యా॒-థ్స్త్రియః॑ ప్ర॒జాం విఀ ॑న్దన్తే॒ కామ॒మా విజ॑నితో॒-స్సమ్భ॑వన్తి॒ వారే॑వృత॒గ్గ్॒ హ్యా॑సా॒-న్తృతీ॑య-మ్బ్రహ్మహ॒త్యాయై॒ ప్రత్య॑గృహ్ణ॒న్-థ్సా మల॑వద్వాసా అభవ॒-త్తస్మా॒-న్మల॑వ-ద్వాససా॒ న సంవఀ ॑దేత॒- [సంవఀ ॑దేత, న స॒హా-ఽఽసీ॑త॒] 5
-న స॒హా-ఽఽసీ॑త॒ నాస్యా॒ అన్న॑మద్యా-ద్బ్రహ్మహ॒త్యాయై॒ హ్యే॑షా వర్ణ॑-మ్ప్రతి॒ముచ్యా ఽఽస్తే-ఽథో॒ ఖల్వా॑హుర॒భ్యఞ్జ॑నం॒-వాఀవ స్త్రి॒యా అన్న॑మ॒భ్యఞ్జ॑నమే॒వ న ప్ర॑తి॒గృహ్య॒-ఙ్కామ॑మ॒న్యదితి॒ యా-మ్మల॑వ-ద్వాససగ్ం స॒భంవఀ ॑న్తి॒ యస్తతో॒ జాయ॑తే॒ సో॑-ఽభిశ॒స్తో యామర॑ణ్యే॒ తస్యై᳚ స్తే॒నో యా-మ్పరా॑చీ॒-న్తస్యై᳚ హ్రీతము॒ఖ్య॑పగ॒ల్భో యా స్నాతి॒ తస్యా॑ అ॒ఫ్సు మారు॑కో॒ యా- [మారు॑కో॒ యా, అ॒భ్య॒ఙ్క్తే] 6
-ఽభ్య॒ఙ్క్తే తస్యై॑ దు॒శ్చర్మా॒ యా ప్ర॑లి॒ఖతే॒ తస్యై॑ ఖల॒తిర॑పమా॒రీ యా-ఽఽఙ్క్తే తస్యై॑ కా॒ణో యా ద॒తో ధావ॑తే॒ తస్యై᳚ శ్యా॒వద॒న్॒. యా న॒ఖాని॑ నికృ॒న్తతే॒ తస్యై॑ కున॒ఖీ యా కృ॒ణత్తి॒ తస్యై᳚ క్లీ॒బో యా రజ్జుగ్ం॑ సృ॒జతి॒ తస్యా॑ ఉ॒-ద్బన్ధు॑కో॒ యా ప॒ర్ణేన॒ పిబ॑తి॒ తస్యా॑ ఉ॒న్మాదు॑కో॒ యా ఖ॒ర్వేణ॒ పిబ॑తి॒ తస్యై॑ ఖ॒ర్వస్తి॒స్రో రాత్రీ᳚ర్వ్ర॒త-ఞ్చ॑రేదఞ్జ॒లినా॑ వా॒ పిబే॒దఖ॑ర్వేణ వా॒ పాత్రే॑ణ ప్ర॒జాయై॑ గోపీ॒థాయ॑ ॥ 7 ॥
(య-థ్సో॑మ॒పానం॑ – తే – వృ॒క్ణాత్- తస్య॒ నా-ఽఽశ్యం॑ – వఀదేత॒ -మారు॑కో॒ యా -ఽఖ॑ర్వేణ వా॒ – త్రీణి॑ చ) (అ. 1)
త్వష్టా॑ హ॒తపు॑త్రో॒ వీన్ద్ర॒గ్ం॒ సోమ॒మా-ఽహ॑ర॒-త్తస్మి॒న్నిన్ద్ర॑ ఉపహ॒వమై᳚చ్ఛత॒ త-న్నోపా᳚హ్వయత పు॒త్ర-మ్మే॑-ఽవధీ॒రితి॒ స య॑జ్ఞవేశ॒స-ఙ్కృ॒త్వా ప్రా॒సహా॒ సోమ॑మపిబ॒-త్తస్య॒ యద॒త్యశి॑ష్యత॒ త-త్త్వష్టా॑-ఽఽహవ॒నీయ॒ముప॒ ప్రావ॑ర్తయ॒-థ్స్వాహేన్ద్ర॑శత్రు-ర్వర్ధ॒స్వేతి॒ యదవ॑ర్తయ॒-త్త-ద్వృ॒త్రస్య॑ వృత్ర॒త్వం-యఀదబ్ర॑వీ॒-థ్స్వాహేన్ద్ర॑శత్రు-ర్వర్ధ॒స్వేతి॒ తస్మా॑ద॒స్యే- [తస్మా॑దస్య, ఇన్ద్ర॒-శ్శత్రు॑రభవ॒థ్స] 8
-న్ద్ర॒-శ్శత్రు॑రభవ॒థ్స స॒భంవఀ ॑న్న॒గ్నీషోమా॑వ॒భి సమ॑భవ॒-థ్స ఇ॑షుమా॒త్రమి॑షుమాత్రం॒-విఀష్వ॑ఙ్ఙవర్ధత॒ స ఇ॒మాం-లోఀ॒కాన॑వృణో॒ద్యది॒మాం-లోఀ॒కానవృ॑ణో॒-త్త-ద్వృ॒త్రస్య॑ వృత్ర॒త్వ-న్తస్మా॒దిన్ద్రో॑-ఽబిభే॒-థ్స ప్ర॒జాప॑తి॒ముపా॑ధావ॒-చ్ఛత్రు॑ర్మే-ఽ జ॒నీతి॒ తస్మై॒ వజ్రగ్ం॑ సి॒క్త్వా ప్రాయ॑చ్ఛదే॒తేన॑ జ॒హీతి॒ తేనా॒భ్యా॑యత॒ తావ॑బ్రూతామ॒గ్నీషోమౌ॒ మా [ ] 9
ప్రహా॑రా॒వమ॒న్త-స్స్వ॒ ఇతి॒ మమ॒ వై యు॒వగ్గ్స్థ॒ ఇత్య॑బ్రవీ॒-న్మామ॒భ్యేత॒మితి॒ తౌ భా॑గ॒ధేయ॑మైచ్ఛేతా॒-న్తాభ్యా॑-మే॒తమ॑గ్నీషో॒మీయ॒-మేకా॑దశకపాల-మ్పూ॒ర్ణమా॑సే॒ ప్రాయ॑చ్ఛ॒-త్తావ॑బ్రూతామ॒భి సన్ద॑ష్టౌ॒ వై స్వో॒ న శ॑క్నువ॒ ఐతు॒మితి॒ స ఇన్ద్ర॑ ఆ॒త్మన॑-శ్శీతరూ॒రావ॑జనయ॒-త్తచ్ఛీ॑తరూ॒రయో॒ర్జన్మ॒ య ఏ॒వగ్ం శీ॑తరూ॒రయో॒ర్జన్మ॒ వేద॒ [వేద॑, నైనగ్ం॑] 10
నైనగ్ం॑ శీతరూ॒రౌ హ॑త॒స్తాభ్యా॑మేనమ॒భ్య॑నయ॒-త్తస్మా᳚-జ్జఞ్జ॒భ్యమా॑నాద॒గ్నీషోమౌ॒ నిర॑క్రామతా-మ్ప్రాణాపా॒నౌ వా ఏ॑న॒-న్తద॑జహితా-మ్ప్రా॒ణో వై దఖ్షో॑-ఽపా॒నః క్రతు॒స్తస్మా᳚-జ్జఞ్జ॒భ్యమా॑నో బ్రూయా॒న్మయి॑ దఖ్షక్ర॒తూ ఇతి॑ ప్రాణాపా॒నావే॒వా-ఽఽత్మ-న్ధ॑త్తే॒ సర్వ॒మాయు॑రేతి॒ స దే॒వతా॑ వృ॒త్రాన్ని॒ర్॒హూయ॒ వార్త్ర॑ఘ్నగ్ం హ॒విః పూ॒ర్ణమా॑సే॒ నిర॑వప॒-ద్ఘ్నన్తి॒ వా ఏ॑న-మ్పూ॒ర్ణమా॑స॒ ఆ- [ఆ, అ॒మా॒వా॒స్యా॑యాం-] 11
-ఽమా॑వా॒స్యా॑యా-మ్ప్యాయయన్తి॒ తస్మా॒-ద్వార్త్ర॑ఘ్నీ పూ॒ర్ణమా॒సే ఽనూ᳚చ్యేతే॒ వృధ॑న్వతీ అమావా॒స్యా॑యా॒-న్త-థ్స॒గ్గ్॒స్థాప్య॒ వార్త్ర॑ఘ్నగ్ం హ॒విర్వజ్ర॑మా॒దాయ॒ పున॑ర॒భ్యా॑యత॒ తే అ॑బ్రూతా॒-న్ద్యావా॑పృథి॒వీ మా ప్ర హా॑రా॒వయో॒ర్వై శ్రి॒త ఇతి॒ తే అ॑బ్రూతాం॒-వఀరం॑-వృఀణావహై॒ నఖ్ష॑త్రవిహితా॒-ఽహమసా॒నీత్య॒సావ॑బ్రవీ- చ్చి॒త్రవి॑హితా॒- ఽహమితీ॒య-న్తస్మా॒న్నఖ్ష॑త్రవిహితా॒-ఽసౌ చి॒త్రవి॑హితే॒-ఽయం-యఀ ఏ॒వ-న్ద్యావా॑పృథి॒వ్యో- [-ద్యావా॑పృథి॒వ్యోః, వరం॒-వేఀదైనం॒-వఀరో॑] 12
-ర్వరం॒-వేఀదైనం॒-వఀరో॑ గచ్ఛతి॒ స ఆ॒భ్యామే॒వ ప్రసూ॑త॒ ఇన్ద్రో॑ వృ॒త్రమ॑హ॒-న్తే దే॒వా వృ॒త్రగ్ం హ॒త్వా-ఽగ్నీషోమా॑వబ్రువన్. హ॒వ్య-న్నో॑ వహత॒మితి॒ తావ॑బ్రూతా॒మప॑తేజసౌ॒ వై త్యౌ వృ॒త్రే వై త్యయో॒స్తేజ॒ ఇతి॒ తే᳚-ఽబ్రువ॒న్ క ఇ॒దమచ్ఛై॒తీతి॒ గౌరిత్య॑బ్రువ॒-న్గౌర్వావ సర్వ॑స్య మి॒త్రమితి॒ సా-ఽబ్ర॑వీ॒- [సా-ఽబ్ర॑వీత్, వరం॑-వృఀణై॒ మయ్యే॒వ] 13
-ద్వరం॑-వృఀణై॒ మయ్యే॒వ స॒తో-ఽభయే॑న భునజాద్ధ్వా॒ ఇతి॒ త-ద్గౌరా-ఽహ॑ర॒-త్తస్మా॒-ద్గవి॑ స॒తోభయే॑న భుఞ్జత ఏ॒తద్వా అ॒గ్నేస్తేజో॒ య-ద్ఘృ॒తమే॒త-థ్సోమ॑స్య॒ య-త్పయో॒ య ఏ॒వమ॒గ్నీషోమ॑యో॒ స్తేజో॒ వేద॑ తేజ॒స్వ్యే॑వ భ॑వతి బ్రహ్మవా॒దినో॑ వదన్తి కిన్దేవ॒త్య॑-మ్పౌర్ణమా॒సమితి॑ ప్రాజాప॒త్యమితి॑ బ్రూయా॒-త్తేనేన్ద్ర॑-ఞ్జ్యే॒ష్ఠ-మ్పు॒త్ర-న్ని॒రవా॑సాయయ॒దితి॒ తస్మా᳚- -జ్జ్యే॒ష్ఠ-మ్పు॒త్ర-న్ధనే॑న ని॒రవ॑సాయయన్తి ॥ 14 ॥
(అ॒స్య॒ – మా – వేదా – ఽఽ – ద్యావా॑పృథి॒వ్యో – ర॑బ్రవీ॒ – దితి॒ తస్మా᳚ – చ్చ॒త్వారి॑ చ) (అ. 2)
ఇన్ద్రం॑-వృఀ॒త్ర-ఞ్జ॑ఘ్ని॒వాగ్ంస॒-మ్మృధో॒-ఽభి ప్రావే॑పన్త॒ స ఏ॒తం-వైఀ ॑మృ॒ధ-మ్పూ॒ఎణమా॑సే-ఽనునిర్వా॒ప్య॑మపశ్య॒-త్త-న్నిర॑వప॒-త్తేన॒ వై స మృధో-ఽపా॑హత॒ యద్వై॑మృ॒ధః పూ॒ర్ణమా॑సే-ఽనునిర్వా॒ప్యో॑ భవ॑తి॒ మృధ॑ ఏ॒వ తేన॒ యజ॑మా॒నో ఽప॑ హత॒ ఇన్ద్రో॑ వృ॒త్రగ్ం హ॒త్వా దే॒వతా॑భిశ్చేన్ద్రి॒యేణ॑ చ॒ వ్యా᳚ర్ధ్యత॒ స ఏ॒తమా᳚గ్నే॒య-మ॒ష్టాక॑పాల-మమావా॒స్యా॑యామపశ్యదై॒న్ద్ర-న్దధి॒ [-దధి॑, త-న్నిర॑వప॒-త్తేన॒] 15
త-న్నిర॑వప॒-త్తేన॒ వై స దే॒వతా᳚శ్చేన్ద్రి॒య-ఞ్చావా॑రున్ధ॒యదా᳚గ్నే॒యో᳚ ఽష్టాక॑పాలో ఽమావా॒స్యా॑యా॒-మ్భవ॑త్యై॒న్ద్ర-న్దధి॑ దే॒వతా᳚శ్చై॒వ తేనే᳚న్ద్రి॒య-ఞ్చ॒ యజ॑మా॒నో-ఽవ॑ రున్ధ॒ ఇన్ద్ర॑స్య వృ॒త్ర-ఞ్జ॒ఘ్నుష॑ ఇన్ద్రి॒యం-వీఀ॒ర్య॑-మ్పృథి॒వీమను॒ వ్యా᳚ర్చ్ఛ॒-త్తదోష॑ధయో వీ॒రుధో॑-ఽభవ॒న్థ్స ప్ర॒జాప॑తి॒ముపా॑ధావ-ద్వృ॒త్ర-మ్మే॑ జ॒ఘ్నుష॑ ఇన్ద్రి॒యం-వీఀ॒ర్య॑- [వీ॒ర్య᳚మ్, పృ॒థి॒వీమను॒] 16
-మ్పృథి॒వీమను॒ వ్యా॑ర॒-త్తదోష॑ధయో వీ॒రుధో॑-ఽభూవ॒న్నితి॒ స ప్ర॒జాప॑తిః ప॒శూన॑బ్రవీదే॒తద॑స్మై॒ స-న్న॑య॒తేతి॒ త-త్ప॒శవ॒ ఓష॑ధీ॒భ్యో ఽధ్యా॒త్మన్-థ్సమ॑నయ॒-న్త-త్ప్రత్య॑దుహ॒న్॒. య-థ్స॒మన॑య॒-న్త-థ్సా᳚-న్నా॒య్యస్య॑ సాన్నాయ్య॒త్వం-యఀ-త్ప్ర॒త్యదు॑హ॒-న్త-త్ప్ర॑తి॒ధుషః॑ ప్రతిధు॒క్త్వగ్ం సమ॑నైషుః॒ ప్రత్య॑ధుఖ్ష॒-న్న తు మయి॑ శ్రయత॒ ఇత్య॑బ్రవీదే॒తద॑స్మై [ ] 17
శృ॒త-ఙ్కు॑రు॒తేత్య॑బ్రవీ॒-త్తద॑స్మై శృ॒త-మ॑కుర్వన్నిన్ద్రి॒యం-వాఀవాస్మి॑న్ వీ॒ర్య॑-న్తద॑శ్రయ॒-న్తచ్ఛృ॒తస్య॑ శృత॒త్వగ్ం సమ॑నైషుః॒ ప్రత్య॑ధుఖ్షఞ్ఛృ॒తమ॑క్ర॒-న్న తు మా॑ ధినో॒తీత్య॑బ్రవీదే॒తద॑స్మై॒ దధి॑ కురు॒తేత్య॑బ్రవీ॒-త్తద॑స్మై॒ దద్ధ్య॑కుర్వ॒-న్తదే॑నమధినో॒-త్తద్ద॒ద్ధ్నో ద॑ధి॒త్వ-మ్బ్ర॑హ్మవా॒దినో॑ వదన్తి ద॒ద్ధ్నః పూర్వ॑స్యావ॒దేయ॒- [పూర్వ॑స్యావ॒దేయ᳚మ్, దధి॒ హి] 18
-న్దధి॒ హి పూర్వ॑-ఙ్క్రి॒యత॒ ఇత్యనా॑దృత్య॒ తచ్ఛృ॒తస్యై॒వ పూర్వ॒స్యావ॑ ద్యేదిన్ద్రి॒యమే॒వాస్మి॑న్ వీ॒ర్యగ్గ్॑ శ్రి॒త్వా ద॒ద్ధ్నో పరి॑ష్టాద్ధినోతి యథాపూ॒ర్వముపై॑తి॒ య-త్పూ॒తీకై᳚ర్వా పర్ణవ॒ల్కైర్వా॑ ఽఽత॒ఞ్చ్యా-థ్సౌ॒మ్య-న్తద్య-త్క్వ॑లై రాఖ్ష॒స-న్తద్య-త్త॑ణ్డు॒లైర్వై᳚శ్వదే॒వ-న్తద్యదా॒తఞ్చ॑నేన మాను॒ష-న్త-ద్య-ద్ద॒ద్ధ్నా త-థ్సేన్ద్ర॑-న్ద॒ద్ధ్నా ఽఽత॑నక్తి [త॑నక్తి, సే॒న్ద్ర॒త్వాయా᳚-] 19
సేన్ద్ర॒త్వాయా᳚-ఽగ్నిహోత్రోచ్ఛేష॒ణమ॒భ్యా-త॑నక్తి య॒జ్ఞస్య॒ సన్త॑త్యా॒ ఇన్ద్రో॑ వృ॒త్రగ్ం హ॒త్వా పరా᳚-మ్పరా॒వత॑-మగచ్ఛ॒-దపా॑రాధ॒మితి॒ మన్య॑మాన॒స్త-న్దే॒వతాః॒ ప్రైష॑మైచ్ఛ॒న్-థ్సో᳚-ఽబ్రవీ-త్ప్ర॒జాప॑తి॒ర్యః ప్ర॑థ॒మో॑-ఽనువి॒న్దతి॒ తస్య॑ ప్రథ॒మ-మ్భా॑గ॒ధేయ॒మితి॒ త-మ్పి॒తరో-ఽన్వ॑విన్ద॒-న్తస్మా᳚-త్పి॒తృభ్యః॑ పూర్వే॒ద్యుః క్రి॑యతే॒ సో॑-ఽమావా॒స్యా᳚-మ్ప్రత్యా-ఽగ॑చ్ఛ॒-త్త-న్దే॒వా అ॒భి సమ॑గచ్ఛన్తా॒మా వై నో॒- [వై నః॑, అ॒ద్య వసు॑] 20
-ఽద్య వసు॑ వస॒తీతీన్ద్రో॒ హి దే॒వానాం॒-వఀసు॒ తద॑మావా॒స్యా॑యా అమావాస్య॒త్వ-మ్బ్ర॑హ్మవా॒దినో॑ వదన్తి కిన్దేవ॒త్యగ్ం॑ సాన్నా॒య్యమితి॑ వైశ్వదే॒వమితి॑ బ్రూయా॒-ద్విశ్వే॒ హి తద్దే॒వా భా॑గ॒ధేయ॑మ॒భి స॒మగ॑చ్ఛ॒న్తేత్యథో॒ ఖల్వై॒న్ద్రమిత్యే॒వ బ్రూ॑యా॒దిన్ద్రం॒-వాఀవ తే త-ద్భి॑ష॒జ్యన్తో॒-ఽభి సమ॑గచ్ఛ॒న్తేతి॑ ॥ 21 ॥
(దధి॑ – మే జ॒ఘ్నుష॑ ఇన్ద్రి॒యం-వీఀ॒ర్య॑ – మిత్య॑బ్రవీదే॒తద॑స్మా – అవ॒దేయం॑ – తనక్తి – నో॒ – ద్విచ॑త్వారిగ్ంశచ్చ) (అ. 3)
బ్ర॒హ్మ॒వా॒దినో॑ వదన్తి॒ స త్వై ద॑॑ర్శపూర్ణమా॒సౌ య॑జేత॒ య ఏ॑నౌ॒ సేన్ద్రౌ॒ యజే॒తేతి॑ వైమృ॒ధః పూ॒ర్ణమా॑సే ఽనునిర్వా॒ప్యో॑ భవతి॒ తేన॑ పూ॒ర్ణమా॑స॒-స్సేన్ద్ర॑ ఐ॒న్ద్ర-న్దద్ధ్య॑మావా॒స్యా॑యా॒-న్తేనా॑మావా॒స్యా॑ సేన్ద్రా॒ య ఏ॒వం-విఀ॒ద్వా-న్ద॑ర్శపూర్ణమా॒సౌ యజ॑తే॒ సేన్ద్రా॑వే॒వైనౌ॑ యజతే॒ శ్వ-శ్శ్వో᳚-ఽస్మా ఈజా॒నాయ॒ వసీ॑యో భవతి దే॒వా వై య-ద్య॒జ్ఞే ఽకు॑ర్వత॒తదసు॑రా అకుర్వత॒ తే దే॒వా ఏ॒తా- [దే॒వా ఏ॒తామ్, ఇష్టి॑-మపశ్యన్-] 22
-మిష్టి॑-మపశ్య-న్నాగ్నావైష్ణ॒వ-మేకా॑దశకపాల॒గ్ం॒ సర॑స్వత్యై చ॒రుగ్ం సర॑స్వతే చ॒రు-న్తా-మ్పౌ᳚ర్ణమా॒సగ్ం స॒గ్గ్॒స్థాప్యాను॒ నిర॑వప॒-న్తతో॑ దే॒వా అభ॑వ॒-న్పరా-ఽసు॑రా॒ యో భ్రాతృ॑వ్యవా॒న్థ్స్యా-థ్స పౌ᳚ర్ణమా॒సగ్ం స॒గ్గ్॒స్థాప్యై॒తామిష్టి॒మను॒ నిర్వ॑పే-త్పౌర్ణమా॒సేనై॒వ వజ్ర॒-మ్భ్రాతృ॑వ్యాయ ప్ర॒హృత్యా᳚-ఽఽగ్నావైష్ణ॒వేన॑ దే॒వతా᳚శ్చ య॒జ్ఞ-ఞ్చ॒ భ్రాతృ॑వ్యస్య వృఙ్క్తే మిథు॒నా-న్ప॒శూన్-థ్సా॑రస్వ॒తాభ్యాం॒-యాఀవ॑దే॒వాస్యాస్తి॒ త- [యావ॑దే॒వాస్యాస్తి॒ తత్, సర్వం॑-వృఀఙ్క్తే] 23
-థ్సర్వం॑-వృఀఙ్క్తే పౌర్ణమా॒సీమే॒వ య॑జేత॒ భ్రాతృ॑వ్యవా॒న్నామా॑వా॒స్యాగ్ం॑ హ॒త్వా భ్రాతృ॑వ్య॒-న్నా-ఽఽప్యా॑యయతి సాకమ్ప్రస్థా॒యీయే॑న యజేత ప॒శుకా॑మో॒యస్మై॒ వా అల్పే॑నా॒-ఽఽహర॑న్తి॒ నా-ఽఽత్మనా॒ తృప్య॑తి॒ నాన్యస్మై॑ దదాతి॒ యస్మై॑ మహ॒తా తృప్య॑త్యా॒త్మనా॒ దదా᳚త్య॒న్యస్మై॑ మహ॒తా పూ॒ర్ణగ్ం హో॑త॒వ్య॑-న్తృ॒ప్త ఏ॒వైన॒మిన్ద్రః॑ ప్ర॒జయా॑ ప॒శుభి॑స్తర్పయతి దారుపా॒త్రేణ॑ జుహోతి॒ న హి మృ॒న్మయ॒మాహు॑తిమాన॒శ ఔదు॑మ్బర- [ఔదు॑మ్బరమ్, భ॒వ॒త్యూర్గ్వా] 24
-మ్భవ॒త్యూర్గ్వా ఉ॑దు॒మ్బర॒ ఊర్-క్ప॒శవ॑ ఊ॒ర్జైవాస్మా॒ ఊర్జ॑-మ్ప॒శూనవ॑ రున్ధే॒ నాగ॑తశ్రీర్మహే॒న్ద్రం-యఀ ॑జేత॒ త్రయో॒ వై గ॒తశ్రి॑య-శ్శుశ్రు॒వా-న్గ్రా॑మ॒ణీ రా॑జ॒న్య॑స్తేషా᳚-మ్మహే॒న్ద్రో దే॒వతా॒ యో వై స్వా-న్దే॒వతా॑మతి॒ యజ॑తే॒ ప్రస్వాయై॑ దే॒వతా॑యైచ్యవతే॒ న పరా॒-మ్ప్రాప్నో॑తి॒ పాపీ॑యా-న్భవతి సంవఀథ్స॒ర-మిన్ద్రం॑-యఀజేత సంవఀథ్స॒రగ్ం హి వ్ర॒త-న్నా-ఽతి॒ స్వై- [వ్ర॒త-న్నా-ఽతి॒ స్వా, ఏ॒వైన॑-న్దే॒వతే॒జ్యమా॑నా॒] 25
-వైన॑-న్దే॒వతే॒జ్యమా॑నా॒ భూత్యా॑ ఇన్ధే॒ వసీ॑యా-న్భవతి సంవఀథ్స॒రస్య॑ ప॒రస్తా॑ద॒గ్నయే᳚ వ్ర॒తప॑తయే పురో॒డాశ॑మ॒ష్టాక॑పాల॒-న్నిర్వ॑పే-థ్సంవఀథ్స॒రమే॒వైనం॑-వృఀ॒త్ర-ఞ్జ॑ఘ్ని॒వాగ్ం స॑మ॒గ్ని-ర్వ్ర॒తప॑తి-ర్వ్ర॒తమా ల॑మ్భయతి॒ తతో-ఽధి॒ కామం॑-యఀజేత ॥ 26 ॥
(ఏ॒తాం – త – దౌదు॑మ్బర॒గ్గ్॒ – స్వా – త్రి॒గ్ం॒శచ్చ॑ ) (అ. 4)
నాసో॑మయాజీ॒ స-న్న॑యే॒దనా॑గతం॒-వాఀ ఏ॒తస్య॒ పయో॒ యో-ఽసో॑మయాజీ॒ యదసో॑మయాజీ స॒-న్నయే᳚-త్పరిమో॒ష ఏ॒వ సో-ఽనృ॑త-ఙ్కరో॒త్యథో॒ పరై॒వ సి॑చ్యతే సోమయా॒జ్యే॑వ స-న్న॑యే॒-త్పయో॒ వై సోమః॒ పయ॑-స్సాన్నా॒య్య-మ్పయ॑సై॒వ పయ॑ ఆ॒త్మ-న్ధ॑త్తే॒ వి వా ఏ॒త-మ్ప్ర॒జయా॑ ప॒శుభి॑రర్ధయతి వ॒ర్ధయ॑త్యస్య॒ భ్రాతృ॑వ్యం॒-యఀస్య॑ హ॒విర్నిరు॑ప్త-మ్పు॒రస్తా᳚చ్చ॒న్ద్రమా॑ [పు॒రస్తా᳚చ్చ॒న్ద్రమాః᳚, అ॒భ్యు॑దేతి॑] 27
అ॒భ్యు॑దేతి॑ త్రే॒ధా త॑ణ్డు॒లాన్. వి భ॑జే॒ద్యే మ॑ద్ధ్య॒మా-స్స్యుస్తాన॒గ్నయే॑ దా॒త్రే పు॑రో॒డాశ॑మ॒ష్టాక॑పాల-ఙ్కుర్యా॒ద్యే స్థవి॑ష్ఠా॒స్తానిన్ద్రా॑య ప్రదా॒త్రే ద॒ధగ్గ్శ్చ॒రుం-యేఀ-ఽణి॑ష్ఠా॒స్తాన్. విష్ణ॑వే శిపివి॒ష్టాయ॑ శృ॒తే చ॒రుమ॒గ్నిరే॒వాస్మై᳚ ప్ర॒జా-మ్ప్ర॑జ॒నయ॑తి వృ॒ద్ధామిన్ద్రః॒ ప్రయ॑చ్ఛతి య॒జ్ఞో వై విష్ణుః॑ ప॒శవ॒-శ్శిపి॑ర్య॒జ్ఞ ఏ॒వ ప॒శుషు॒ ప్రతి॑తిష్ఠతి॒ న ద్వే [న ద్వే, య॒జే॒త॒ య-త్పూర్వ॑యా] 28
య॑జేత॒ య-త్పూర్వ॑యా సమ్ప్ర॒తి యజే॒తోత్త॑రయా ఛ॒మ్బట్కు॑ర్యా॒ద్యదుత్త॑రయా సమ్ప్ర॒తి యజే॑త॒ పూర్వ॑యా ఛ॒మ్బట్కు॑ర్యా॒న్నేష్టి॒ర్భవ॑తి॒ న య॒జ్ఞస్తదను॑ హ్రీతము॒ఖ్య॑పగ॒ల్భో జా॑యత॒ ఏకా॑మే॒వ య॑జేత ప్రగ॒ల్భో᳚-ఽస్య జాయ॒తే ఽనా॑దృత్య॒ త-ద్ద్వే ఏ॒వ య॑జేత యజ్ఞ ము॒ఖమే॒వ పూర్వ॑యా॒-ఽఽలభ॑తే॒ యజ॑త॒ ఉత్త॑రయా దే॒వతా॑ ఏ॒వ పూర్వ॑యా ఽవరు॒న్ధ ఇ॑న్ద్రి॒య-ముత్త॑రయా దేవలో॒కమే॒వ [ ] 29
పూర్వ॑యా-ఽభి॒జయ॑తి మనుష్యలో॒కముత్త॑రయా॒ భూయ॑సో యజ్ఞక్ర॒తూనుపై᳚త్యే॒షా వై సు॒మనా॒ నామేష్టి॒ర్యమ॒ద్యేజా॒న-మ్ప॒శ్చాచ్చ॒న్ద్రమా॑ అ॒భ్యు॑దేత్య॒స్మిన్నే॒వాస్మై॑ లో॒కే-ఽర్ధు॑క-మ్భవతి దాఖ్షాయణ య॒జ్ఞేన॑ సువ॒ర్గకా॑మో యజేత పూ॒ర్ణమా॑సే॒ స-న్న॑యే-న్మైత్రావరు॒ణ్యా ఽఽమిఖ్ష॑యా ఽమావా॒స్యా॑యాం-యఀజేత పూ॒ర్ణమా॑సే॒ వై దే॒వానాగ్ం॑ సు॒తస్తేషా॑మే॒తమ॑ర్ధమా॒స-మ్ప్రసు॑త॒స్తేషా᳚-మ్మైత్రావరు॒ణీ వ॒శా-ఽమా॑వా॒స్యా॑యా-మనూబ॒న్ధ్యా॑ య- [-మనూబ॒న్ధ్యా॑ యత్, పూ॒ర్వే॒ద్యు ర్యజ॑తే॒] 30
-త్పూ᳚ర్వే॒ద్యు ర్యజ॑తే॒ వేది॑మే॒వ త-త్క॑రోతి॒ య-ద్వ॒థ్సా-న॑పాక॒రోతి॑ సదోహవిర్ధా॒నే ఏ॒వ స-మ్మి॑నోతి॒ యద్యజ॑తే దే॒వైరే॒వ సు॒త్యాగ్ం స-మ్పా॑దయతి॒ స ఏ॒తమ॑ర్ధమా॒సగ్ం స॑ధ॒మాద॑-న్దే॒వై-స్సోమ॑-మ్పిబతి॒ య-న్మై᳚త్రావరు॒ణ్యా ఽఽమిఖ్ష॑యా ఽమావా॒స్యా॑యాం॒-యఀజ॑తే॒ యైవాసౌ దే॒వానాం᳚-వఀ॒శా-ఽనూ॑బ॒న్ధ్యా॑ సో ఏ॒వైషైతస్య॑ సా॒ఖ్షాద్వా ఏ॒ష దే॒వాన॒భ్యారో॑హతి॒ య ఏ॑షాం-యఀ॒జ్ఞ- [య॒జ్ఞమ్, అ॒భ్యా॒రోహ॑తి॒] 31
-మ॑భ్యా॒రోహ॑తి॒ యథా॒ ఖలు॒వై శ్రేయా॑న॒భ్యారూ॑ఢః కా॒మయ॑తే॒ తథా॑ కరోతి॒ యద్య॑వ॒విద్ధ్య॑తి॒ పాపీ॑యా-న్భవతి॒ యది॒ నావ॒విద్ధ్య॑తి స॒దృం-వ్యాఀ॒వృత్కా॑మ ఏ॒తేన॑ య॒జ్ఞేన॑ యజేత ఖ్షు॒రప॑వి॒ర్హ్యే॑ష య॒జ్ఞస్తా॒జ-క్పుణ్యో॑ వా॒ భవ॑తి॒ ప్ర వా॑ మీయతే॒ తస్యై॒తద్వ్ర॒త-న్నానృ॑తం-వఀదే॒న్న మా॒గ్ం॒ సమ॑శ్ఞీయా॒న్న స్త్రియ॒ముపే॑యా॒న్నాస్య॒ పల్పూ॑లనేన॒ వాసః॑ పల్పూలయేయు -రే॒తద్ధి దే॒వా-స్సర్వ॒-న్న కు॒ర్వన్తి॑ ॥ 32 ॥
(చ॒న్ద్రమా॒ -ద్వే -దే॑వలో॒కమే॒వ – య-ద్య॒జ్ఞం- ప॑ల్పూలయేయుః॒ -షట్ చ॑) (అ. 5)
ఏ॒ష వై దే॑వర॒థో య-ద్ద॑ర్శపూర్ణమా॒సౌ యో ద॑ర్శపూర్ణమా॒సావి॒ష్ట్వా సోమే॑న॒ యజ॑తే॒ రథ॑స్పష్ట ఏ॒వావ॒సానే॒ వరే॑ దే॒వానా॒మవ॑ స్యత్యే॒తాని॒ వా అఙ్గా॒పరూగ్ం॑షి సంవఀథ్స॒రస్య॒ య-ద్ద॑ర్శపూర్ణమా॒సౌ య ఏ॒వం-విఀ॒ద్వా-న్ద॑ర్శపూర్ణమా॒సౌ యజ॒తే-ఽఙ్గా॒పరూగ్॑ష్యే॒వ సం॑వఀథ్స॒రస్య॒ ప్రతి॑ దధాత్యే॒ తే వై సం॑వఀథ్స॒రస్య॒ చఖ్షు॑షీ॒ య-ద్ద॑ర్శపూర్ణమా॒సౌ య ఏ॒వం-విఀ॒ద్వా-న్ద॑ర్శపూర్ణమా॒సౌ యజ॑తే॒ తాభ్యా॑మే॒వ సు॑వ॒ర్గం-లోఀ॒కమను॑ పశ్య- [పశ్యతి, ఏ॒షా వై] 33
-త్యే॒షా వై దే॒వానాం॒-విఀక్రా᳚న్తి॒ ర్య-ద్ద॑ర్శపూర్ణమా॒సౌ య ఏ॒వం-విఀ॒ద్వా-న్ద॑ర్శపూర్ణమా॒సౌ యజ॑తే దే॒వానా॑మే॒వ విక్రా᳚న్తి॒మను॒ విక్ర॑మత ఏ॒ష వై దే॑వ॒యానః॒ పన్థా॒ య-ద్ద॑ర్శపూర్ణమా॒సౌ య ఏ॒వం-విఀ॒ద్వా-న్ద॑ర్శపూర్ణమా॒సౌ యజ॑తే॒ య ఏ॒వ దే॑వ॒యానః॒ పన్థా॒స్తగ్ం స॒మారో॑హత్యే॒తౌ వై దే॒వానా॒గ్ం॒ హరీ॒ య-ద్ద॑ర్శపూర్ణమా॒సౌ య ఏ॒వం-విఀ॒ద్వా-న్ద॑ర్శపూర్ణమా॒సౌ యజ॑తే॒ యావే॒వ దే॒వానా॒గ్ం॒ హరీ॒ తాభ్యా॑- [హరీ॒ తాభ్యా᳚మ్, ఏ॒వైభ్యో॑ హ॒వ్యం-] 34
-మే॒వైభ్యో॑ హ॒వ్యం-వఀ ॑హత్యే॒తద్వై దే॒వానా॑మా॒స్యం॑-యఀ-ద్ద॑ర్శపూర్ణమా॒సౌ య ఏ॒వం-విఀ॒ద్వా-న్ద॑ర్శపూర్ణమా॒సౌ యజ॑తే సా॒ఖ్షాదే॒వ దే॒వానా॑మా॒స్యే॑ జుహోత్యే॒ష వై హ॑విర్ధా॒నీ యో ద॑ర్శపూర్ణమాసయా॒జీ సా॒యమ్ప్రా॑తరగ్నిహో॒త్ర-ఞ్జు॑హోతి॒ యజ॑తే దర్శపూర్ణమా॒సా-వహ॑రహర్-హవిర్ధా॒నినాగ్ం॑ సు॒తో య ఏ॒వం-విఀ॒ద్వా-న్ద॑ర్శపూర్ణమా॒సౌ యజ॑తే హవిర్ధా॒న్య॑స్మీతి॒ సర్వ॑మే॒వాస్య॑ బర్హి॒ష్య॑-న్ద॒త్త-మ్భ॑వతి దే॒వావా అహ॑- [అహః, య॒జ్ఞియ॒-న్నావి॑న్ద॒-న్తే] 35
-ర్య॒జ్ఞియ॒-న్నావి॑న్ద॒-న్తే ద॑ర్శపూర్ణమా॒సావ॑పున॒-న్తౌ వా ఏ॒తౌ పూ॒తౌ మేద్ధ్యౌ॒ య-ద్ద॑ర్శపూర్ణమా॒సౌ య ఏ॒వం-విఀ॒ద్వా-న్ద॑ర్శపూర్ణమా॒సౌ యజ॑తే పూ॒తావే॒వైనౌ॒ మేద్ధ్యౌ॑ యజతే॒ నామా॑వా॒స్యా॑యా-ఞ్చ పౌర్ణమా॒స్యా-ఞ్చ॒ స్త్రియ॒-ముపే॑యా॒ద్య- దు॑పే॒యాన్నిరి॑న్ద్రియ-స్స్యా॒-థ్సోమ॑స్య॒ వై రాజ్ఞో᳚-ఽర్ధమా॒సస్య॒ రాత్ర॑యః॒ పత్న॑య ఆస॒-న్తాసా॑మమావా॒స్యా᳚-ఞ్చ పౌర్ణమా॒సీ-ఞ్చ॒ నోపై॒- [నోపై᳚త్, తే ఏ॑నమ॒భి] 36
-త్తే ఏ॑నమ॒భి సమ॑నహ్యేతా॒-న్తం-యఀఖ్ష్మ॑ ఆర్చ్ఛ॒-ద్రాజా॑నం॒-యఀఖ్ష్మ॑ ఆర॒దితి॒ త-ద్రా॑జయ॒ఖ్ష్మస్య॒ జన్మ॒ య-త్పాపీ॑యా॒నభ॑వ॒-త్త-త్పా॑పయ॒ఖ్ష్మస్య॒ యజ్జా॒యాభ్యా॒మవి॑న్ద॒-త్తజ్జా॒యేన్య॑స్య॒ య ఏ॒వమే॒తేషాం॒-యఀఖ్ష్మా॑ణా॒-ఞ్జన్మ॒ వేద॒ నైన॑మే॒తే యఖ్ష్మా॑విన్దన్తి॒ స ఏ॒తే ఏ॒వ న॑మ॒స్యన్నుపా॑ధావ॒-త్తే అ॑బ్రూతాం॒-వఀరం॑-వృఀణావహా ఆ॒వ-న్దే॒వానా᳚-మ్భాగ॒ధే అ॑సావా॒- [అ॑సావ, ఆ॒వదధి॑ దే॒వా] 37
-ఽవదధి॑ దే॒వా ఇ॑జ్యాన్తా॒ ఇతి॒ తస్మా᳚-థ్స॒దృశీ॑నా॒గ్ం॒ రాత్రీ॑ణా-మమావా॒స్యా॑యా-ఞ్చ పౌర్ణమా॒స్యా-ఞ్చ॑ దే॒వా ఇ॑జ్యన్త ఏ॒తే హి దే॒వానా᳚-మ్భాగ॒ధే భా॑గ॒ధా అ॑స్మై మను॒ష్యా॑ భవన్తి॒ య ఏ॒వం-వేఀద॑ భూ॒తాని॒ ఖ్షుధ॑మఘ్నన్-థ్స॒ద్యో మ॑ను॒ష్యా॑ అర్ధమా॒సే దే॒వా మా॒సి పి॒తర॑-స్సంవఀథ్స॒రే వన॒స్పత॑య॒-స్తస్మా॒-దహ॑రహ-ర్మను॒ష్యా॑ అశ॑నమిచ్ఛన్తే ఽర్ధమా॒సే దే॒వా ఇ॑జ్యన్తే మా॒సి పి॒తృభ్యః॑ క్రియతే సంవఀథ్స॒రే వన॒స్పత॑యః॒ ఫల॑-ఙ్గృహ్ణన్తి॒ య ఏ॒వం-వేఀద॒ హన్తి॒ ఖ్షుధ॒-మ్భ్రాతృ॑వ్యమ్ ॥ 38 ॥
(ప॒శ్య॒తి॒ – తాభ్యా॒ -మహ॑ – రై – దసావ॒ -ఫలగ్ం॑ -స॒ప్త చ॑) (అ. 6)
దే॒వా వై నర్చి న యజు॑ష్యశ్రయన్త॒ తే సామ॑న్నే॒వా-ఽశ్ర॑యన్త॒ హి-ఙ్క॑రోతి॒ సామై॒వా-ఽక॒ర్॒హి-ఙ్క॑రోతి॒ యత్రై॒వ దే॒వా అశ్ర॑యన్త॒ తత॑ ఏ॒వైనా॒-న్ప్రయు॑ఙ్క్తే॒ హి-ఙ్క॑రోతి వా॒చ ఏ॒వైష యోగో॒ హి-ఙ్క॑రోతి ప్ర॒జా ఏ॒వ త-ద్యజ॑మాన-స్సృజతే॒ త్రిః ప్ర॑థ॒మామన్వా॑హ॒ త్రిరు॑త్త॒మాం-యఀ॒జ్ఞస్యై॒వ తద్బ॒ర్॒స- [తద్బ॒ర్॒సమ్, న॒హ్య॒త్యప్ర॑స్రగ్ంసాయ॒-] 39
-న్న॑హ్య॒త్యప్ర॑స్రగ్ంసాయ॒ సన్త॑త॒మన్వా॑హ ప్రా॒ణానా॑మ॒న్నాద్య॑స్య॒ సన్త॑త్యా॒ అథో॒ రఖ్ష॑సా॒మప॑హత్యై॒ రాథ॑తంరీ-మ్ప్రథ॒మామన్వా॑హ॒ రాథ॑తంరో॒ వా అ॒యం-లోఀ॒క ఇ॒మమే॒వ లో॒కమ॒భి జ॑యతి॒ త్రిర్వి గృ॑హ్ణాతి॒ త్రయ॑ ఇ॒మే లో॒కా ఇ॒మానే॒వ లో॒కాన॒భి జ॑యతి॒ బార్హ॑తీముత్త॒మా-మన్వా॑హ॒ బార్హ॑తో॒ వా అ॒సౌ లో॒కో॑-ఽముమే॒వ లో॒కమ॒భి జ॑యతి॒ ప్ర వో॒ [ప్ర వః॑, వాజా॒] 40
వాజా॒ ఇత్యని॑రుక్తా-మ్ప్రాజాప॒త్యామన్వా॑హ య॒జ్ఞో వై ప్ర॒జాప॑తిర్య॒జ్ఞమే॒వ ప్ర॒జాప॑తి॒మా ర॑భతే॒ ప్రవో॒ వాజా॒ ఇత్యన్వా॒హాన్నం॒-వైఀ వాజో-ఽన్న॑మే॒వావ॑ రున్ధే॒ ప్రవో॒ వాజా॒ ఇత్యన్వా॑హ॒ తస్మా᳚-త్ప్రా॒చీన॒గ్ం॒ రేతో॑ ధీయ॒తే-ఽగ్న॒ ఆ యా॑హి వీ॒తయ॒ ఇత్యా॑హ॒ తస్మా᳚-త్ప్ర॒తీచీః᳚ ప్ర॒జా జా॑యన్తే॒ ప్రవో॒ వాజా॒ [వాజాః᳚, ఇత్యన్వా॑హ॒] 41
ఇత్యన్వా॑హ॒ మాసా॒ వై వాజా॑ అర్ధమా॒సా అ॒భిద్య॑వో దే॒వా హ॒విష్మ॑న్తో॒ గౌర్ఘృ॒తాచీ॑ య॒జ్ఞో దే॒వాఞ్జి॑గాతి॒ యజ॑మాన-స్సుమ్న॒యు-రి॒ద-మ॑సీ॒ద-మ॒సీత్యే॒వ య॒జ్ఞస్య॑ ప్రి॒య-న్ధామావ॑ రున్ధే॒ య-ఙ్కా॒మయే॑త॒ సర్వ॒-మాయు॑-రియా॒-దితి॒ ప్ర వో॒ వాజా॒ ఇతి॒ తస్యా॒నూచ్యాగ్న॒ ఆ యా॑హి వీ॒తయ॒ ఇతి॒ సన్త॑త॒-ముత్త॑ర-మర్ధ॒ర్చమా ల॑భేత [ ] 42
ప్రా॒ణేనై॒వా-ఽస్యా॑-ఽపా॒న-న్దా॑ధార॒ సర్వ॒మాయు॑రేతి॒ యో వా అ॑ర॒త్నిగ్ం సా॑మిధే॒నీనాం॒-వేఀదా॑ర॒త్నావే॒వ భ్రాతృ॑వ్య-ఙ్కురుతే-ఽర్ధ॒ర్చౌ స-న్ద॑ధాత్యే॒ష వా అ॑ర॒త్ని-స్సా॑మిధే॒నీనాం॒-యఀ ఏ॒వం-వేఀదా॑ర॒త్నావే॒వ భ్రాతృ॑వ్య-ఙ్కురుత॒ ఋషేర్॑-ఋషే॒ర్వా ఏ॒తా నిర్మి॑తా॒ య-థ్సా॑మిధే॒న్య॑స్తా యదసం॑-యుఀక్తా॒-స్స్యుః ప్ర॒జయా॑ ప॒శుభి॒ ర్యజ॑మానస్య॒ వి తి॑ష్ఠేరన్నర్ధ॒ర్చౌ స-న్ద॑ధాతి॒ సం యుఀ ॑నక్త్యే॒వైనా॒స్తా అ॑స్మై॒ సంయుఀ ॑క్తా॒ అవ॑రుద్ధా॒-స్సర్వా॑-మా॒శిష॑-న్దుహ్రే ॥ 43 ॥
(బ॒ర్సం – వోఀ ॑ – జాయన్తే॒ ప్రవో॒ వాజా॑ – లభేత – దధాతి॒ సం – దశ॑ చ) (అ. 7)
అయ॑జ్ఞో॒ వా ఏ॒ష యో॑-ఽసా॒మా-ఽగ్న॒ ఆ యా॑హి వీ॒తయ॒ ఇత్యా॑హ రథన్త॒రస్యై॒ష వర్ణ॒స్త-న్త్వా॑ స॒మిద్భి॑రఙ్గిర॒ ఇత్యా॑హ వామదే॒వ్యస్యై॒ష వర్ణో॑ బృ॒హద॑గ్నే సు॒వీర్య॒మిత్యా॑హ బృహ॒త ఏ॒ష వర్ణో॒ యదే॒త-న్తృ॒చమ॒న్వాహ॑ య॒జ్ఞమే॒వ త-థ్సామ॑న్వన్త-ఙ్కరోత్య॒గ్నిర॒ముష్మి॑-ల్లోఀ॒క ఆసీ॑దాది॒త్యో᳚-ఽస్మి-న్తావి॒మౌ లో॒కావశా᳚న్తా- [లో॒కావశా᳚న్తౌ, ఆ॒స్తా॒-న్తే దే॒వా] 44
-వాస్తా॒-న్తే దే॒వా అ॑బ్రువ॒న్నేతే॒మౌ వి పర్యూ॑హా॒మేత్యగ్న॒ ఆ యా॑హి వీ॒తయ॒ ఇత్య॒స్మి-ల్లోఀ॒కే᳚-ఽగ్నిమ॑దధు ర్బృ॒హద॑గ్నే సు॒వీర్య॒మిత్య॒ముష్మి॑-ల్లోఀ॒క ఆ॑ది॒త్య-న్తతో॒ వా ఇ॒మౌ లో॒కావ॑శామ్యతాం॒-యఀదే॒వమ॒న్వాహా॒నయో᳚ ర్లో॒కయో॒-శ్శాన్త్యై॒ శామ్య॑తో-ఽస్మా ఇ॒మౌ లో॒కౌ య ఏ॒వం-వేఀద॒ పఞ్చ॑దశ సామిధే॒నీరన్వా॑హ॒ పఞ్చ॑దశ॒ [పఞ్చ॑దశ, వా అ॑ర్ధమా॒సస్య॒] 45
వా అ॑ర్ధమా॒సస్య॒ రాత్ర॑యో-ఽర్ధమాస॒శ-స్సం॑వఀథ్స॒ర ఆ᳚ప్యతే॒ తాసా॒-న్త్రీణి॑ చ శ॒తాని॑ ష॒ష్టిశ్చా॒ఖ్షరా॑ణి॒ తావ॑తీ-స్సంవఀథ్స॒రస్య॒ రాత్ర॑యో-ఽఖ్షర॒శ ఏ॒వ సం॑వఀథ్స॒రమా᳚ప్నోతి నృ॒మేధ॑శ్చ॒ పరు॑చ్ఛేపశ్చ బ్రహ్మ॒వాద్య॑మవదేతామ॒స్మి-న్దారా॑వా॒ర్ద్రే᳚-ఽగ్ని-ఞ్జ॑నయావ యత॒రో నౌ॒ బ్రహ్మీ॑యా॒నితి॑ నృ॒మేధో॒-ఽభ్య॑వద॒-థ్స ధూ॒మమ॑జనయ॒-త్పరు॑చ్ఛేపో॒ ఽభ్య॑వద॒-థ్సో᳚-ఽగ్నిమ॑జనయ॒దృష॒ ఇత్య॑బ్రవీ॒- [ఇత్య॑బ్రవీత్, యథ్స॒మావ॑ద్వి॒ద్వ] 46
-ద్యథ్స॒మావ॑ద్వి॒ద్వ క॒థా త్వమ॒గ్నిమజీ॑జనో॒ నాహమితి॑ సామిధే॒నీనా॑మే॒వాహం-వఀర్ణం॑-వేఀ॒దేత్య॑బ్రవీ॒ద్య-ద్ఘృ॒తవ॑-త్ప॒దమ॑నూ॒చ్యతే॒ స ఆ॑సాం॒-వఀర్ణ॒స్త-న్త్వా॑ స॒మిద్భి॑రఙ్గిర॒ ఇత్యా॑హ సామిధే॒నీష్వే॒వ తజ్జ్యోతి॑ ర్జనయతి॒ స్త్రియ॒స్తేన॒ యదృచ॒-స్స్త్రియ॒స్తేన॒ య-ద్గా॑య॒త్రియ॒-స్స్త్రియ॒స్తేన॒ య-థ్సా॑మిధే॒న్యో॑ వృష॑ణ్వతీ॒-మన్వా॑హ॒ [వృష॑ణ్వతీ॒-మన్వా॑హ, తేన॒ పుగ్గ్స్వ॑తీ॒స్తేన॒] 47
తేన॒ పుగ్గ్స్వ॑తీ॒స్తేన॒ సేన్ద్రా॒స్తేన॑ మిథు॒నా అ॒గ్నిర్దే॒వానా᳚-న్దూ॒త ఆసీ॑దు॒శనా॑ కా॒వ్యో-ఽసు॑రాణా॒-న్తౌ ప్ర॒జాప॑తి-మ్ప్ర॒శ్ఞమై॑తా॒గ్ం॒ స ప్ర॒జాప॑తిర॒గ్ని-న్దూ॒తం-వృఀ ॑ణీమహ॒ ఇత్య॒భి ప॒ర్యావ॑ర్తత॒ తతో॑ దే॒వా అభ॑వ॒-న్పరా-ఽసు॑రా॒ యస్యై॒వం-విఀ॒దుషో॒-ఽగ్ని-న్దూ॒తం-వృఀ ॑ణీమహ॒ ఇత్య॒న్వాహ॒ భవ॑త్యా॒త్మనా॒ పరా᳚-ఽస్య॒ భ్రాతృ॑వ్యో భవత్యద్ధ్వ॒రవ॑తీ॒మన్వా॑హ॒ భ్రాతృ॑వ్యమే॒వైతయా᳚ [భ్రాతృ॑వ్యమే॒వైతయా᳚, ధ్వ॒ర॒తి॒ శో॒చిష్కే॑శ॒స్తమీ॑మహ॒] 48
ధ్వరతి శో॒చిష్కే॑శ॒స్తమీ॑మహ॒ ఇత్యా॑హ ప॒విత్ర॑మే॒వైత-ద్యజ॑మానమే॒వైతయా॑ పవయతి॒ సమి॑ద్ధో అగ్న ఆహు॒తేత్యా॑హ పరి॒ధిమే॒వైత-మ్పరి॑ దధా॒త్యస్క॑న్దాయ॒ యదత॑ ఊ॒ర్ధ్వమ॑భ్యాద॒ద్ధ్యాద్యథా॑ బహిః పరి॒ధి స్కన్ద॑తి తా॒దృగే॒వ త-త్త్రయో॒ వా అ॒గ్నయో॑ హవ్య॒వాహ॑నో దే॒వానా᳚-ఙ్కవ్య॒వాహ॑నః పితృ॒ణాగ్ం స॒హర॑ఖ్షా॒ అసు॑రాణా॒-న్త ఏ॒తర్హ్యా శగ్ం॑సన్తే॒ మాం-వఀ ॑రిష్యతే॒ మా- [మామ్, ఇతి॑] 49
-మితి॑ వృణీ॒ద్ధ్వగ్ం హ॑వ్య॒వాహ॑న॒మిత్యా॑హ॒ య ఏ॒వ దే॒వానా॒-న్తం-వృఀ ॑ణీత ఆర్షే॒యం-వృఀ ॑ణీతే॒ బన్ధో॑రే॒వ నైత్యథో॒ సన్త॑త్యై ప॒రస్తా॑ద॒ర్వాచో॑ వృణీతే॒ తస్మా᳚-త్ప॒రస్తా॑ద॒ర్వాఞ్చో॑ మను॒ష్యా᳚-న్పి॒తరో-ఽను॒ ప్ర పి॑పతే ॥ 50 ॥
(అశా᳚న్తా – వాహ॒ పఞ్చ॑దశా – బ్రవీ॒ – దన్వా॑హై॒ – తయా॑ – వరిష్యతే॒ మా – మేకా॒న్నత్రి॒గ్ం॒శచ్చ॑) (అ. 8)
అగ్నే॑ మ॒హాగ్ం అ॒సీత్యా॑హ మ॒హాన్. హ్యే॑ష యద॒గ్ని ర్బ్రా᳚హ్మ॒ణేత్యా॑హ బ్రాహ్మ॒ణో హ్యే॑ష భా॑ర॒తేత్యా॑హై॒ష హి దే॒వేభ్యో॑ హ॒వ్య-మ్భర॑తి దే॒వేద్ధ॒ ఇత్యా॑హ దే॒వా హ్యే॑తమైన్ధ॑త॒ మన్వి॑ద్ధ॒ ఇత్యా॑హ॒ మను॒ర్హ్యే॑తముత్త॑రో దే॒వేభ్య॒ ఐన్ధర్షి॑ష్టుత॒ ఇత్యా॒హర్ష॑యో॒ హ్యే॑తమస్తు॑వ॒న్ విప్రా॑నుమదిత॒ ఇత్యా॑హ॒ [ఇత్యా॑హ, విప్రా॒ హ్యే॑తే] 51
విప్రా॒ హ్యే॑తే యచ్ఛు॑శ్రు॒వాగ్ంసః॑ కవిశ॒స్త ఇత్యా॑హ క॒వయో॒ హ్యే॑తే యచ్ఛు॑శ్రు॒వాగ్ంసో॒ బ్రహ్మ॑సగ్ంశిత॒ ఇత్యా॑హ॒ బ్రహ్మ॑సగ్ంశితో॒ హ్యే॑ష ఘృ॒తాహ॑వన॒ ఇత్యా॑హ ఘృతాహు॒తిర్హ్య॑స్య ప్రి॒యత॑మా ప్ర॒ణీర్య॒జ్ఞానా॒మిత్యా॑హ ప్ర॒ణీర్హ్యే॑ష య॒జ్ఞానాగ్ం॑ ర॒థీర॑ద్ధ్వ॒రాణా॒మిత్యా॑హై॒ష హి దే॑వర॒థో॑-ఽతూర్తో॒ హోతేత్యా॑హ॒ న హ్యే॑త-ఙ్కశ్చ॒న [ ] 52
తర॑తి॒ తూర్ణి॑ర్-హవ్య॒వాడిత్యా॑హ॒ సర్వ॒గ్గ్॒హ్యే॑ష తర॒త్యాస్పాత్ర॑-ఞ్జు॒హూర్దే॒వానా॒మిత్యా॑హ జు॒హూర్హ్యే॑ష దే॒వానా᳚-ఞ్చమ॒సో దే॑వ॒పాన॒ ఇత్యా॑హ చమ॒సో హ్యే॑ష దే॑వ॒పానో॒-ఽరాగ్ం ఇ॑వాగ్నే నే॒మిర్దే॒వాగ్స్త్వ-మ్ప॑రి॒భూర॒సీత్యా॑హ దే॒వాన్ హ్యే॑ష ప॑రి॒భూర్య-ద్బ్రూ॒యాదా వ॑హ దే॒వా-న్దే॑వయ॒తే యజ॑మానా॒యేతి॒ భ్రాతృ॑వ్యమస్మై [భ్రాతృ॑వ్యమస్మై, జ॒న॒యే॒దా వ॑హ] 53
జనయే॒దా వ॑హ దే॒వాన్. యజ॑మానా॒యేత్యా॑హ॒ యజ॑మానమే॒వైతేన॑ వర్ధయత్య॒గ్నిమ॑గ్న॒ ఆ వ॑హ॒ సోమ॒మా వ॒హేత్యా॑హ దే॒వతా॑ ఏ॒వ త-ద్య॑థాపూ॒ర్వముప॑ హ్వయత॒ ఆ చా᳚గ్నే దే॒వాన్. వహ॑ సు॒యజా॑ చ యజ జాతవేద॒ ఇత్యా॑హా॒గ్నిమే॒వ త-థ్సగ్గ్ శ్య॑తి॒ సో᳚-ఽస్య॒ సగ్ంశి॑తో దే॒వేభ్యో॑ హ॒వ్యం-వఀ ॑హత్య॒గ్నిర్-హోతే- [-హోతా᳚, ఇత్యా॑హా॒-ఽగ్నిర్వై] 54
-త్యా॑హా॒-ఽగ్నిర్వై దే॒వానా॒గ్ం॒ హోతా॒ య ఏ॒వ దే॒వానా॒గ్ం॒ హోతా॒ తం-వృఀ ॑ణీతే॒స్మో వ॒యమిత్యా॑హా॒-ఽఽత్మాన॑మే॒వ స॒త్త్వ-ఙ్గ॑మయతి సా॒ధు తే॑ యజమాన దే॒వతేత్యా॑హా॒-ఽఽశిష॑మే॒వైతామా శా᳚స్తే॒ యద్బ్రూ॒యా-ద్యో᳚-ఽగ్నిగ్ం హోతా॑ర॒మవృ॑థా॒ ఇత్య॒గ్నినో॑భ॒యతో॒ యజ॑మాన॒-మ్పరి॑ గృహ్ణీయా-త్ప్ర॒మాయు॑క-స్స్యా-ద్యజమానదేవ॒త్యా॑ వై జు॒హూర్భ్రా॑తృవ్య దేవ॒త్యో॑ప॒భృ- [దేవ॒త్యో॑ప॒భృత్, యద్ద్వే ఇ॑వ] 55
-ద్యద్ద్వే ఇ॑వ బ్రూ॒యా-ద్భ్రాతృ॑వ్యమస్మై జనయే-ద్ఘృ॒తవ॑తీమద్ధ్వర్యో॒ స్రుచ॒మా-ఽస్య॒స్వేత్యా॑హ॒ యజ॑మాన మే॒వైతేన॑ వర్ధయతి దేవా॒యువ॒మిత్యా॑హ దే॒వాన్. హ్యే॑షా-ఽవ॑తి వి॒శ్వవా॑రా॒మిత్యా॑హ॒ విశ్వ॒గ్గ్॒ హ్యే॑షా-ఽవ॒తీడా॑మహై దే॒వాగ్ం ఈ॒డేన్యా᳚న్నమ॒స్యామ॑ నమ॒స్యాన్॑ యజా॑మ య॒జ్ఞియా॒నిత్యా॑హమను॒ష్యా॑ వా ఈ॒డేన్యాః᳚ పి॒తరో॑ నమ॒స్యా॑ దే॒వా య॒జ్ఞియా॑ దే॒వతా॑ ఏ॒వ త-ద్య॑థాభా॒గం-యఀ ॑జతి ॥ 56 ॥
(విప్రా॑నుమదిత॒ ఇత్యా॑హ – చ॒నా – ఽస్మై॒ – హోతో॑ – ప॒భృ-ద్- దే॒వతా॑ ఏ॒వ – త్రీణి॑ చ) (అ. 9)
త్రీగ్స్తృ॒చానను॑ బ్రూయా-ద్రాజ॒న్య॑స్య॒ త్రయో॒ వా అ॒న్యే రా॑జ॒న్యా᳚-త్పురు॑షా బ్రాహ్మ॒ణో వైశ్య॑-శ్శూ॒ద్రస్తానే॒వాస్మా॒ అను॑కాన్ కరోతి॒ పఞ్చ॑ద॒శాను॑ బ్రూయా-ద్రాజ॒న్య॑స్య పఞ్చద॒శో వై రా॑జ॒న్య॑-స్స్వ ఏ॒వైన॒గ్గ్॒ స్తోమే॒ ప్రతి॑ష్ఠాపయతి త్రి॒ష్టుభా॒ పరి॑ దద్ధ్యాదిన్ద్రి॒యం-వైఀ త్రి॒ష్టుగి॑న్ద్రి॒యకా॑మః॒ ఖలు॒ వై రా॑జ॒న్యో॑ యజతే త్రి॒ష్టుభై॒వాస్మా॑ ఇన్ద్రి॒య-మ్పరి॑ గృహ్ణాతి॒ యది॑ కా॒మయే॑త [కా॒మయే॑త, బ్ర॒హ్మ॒వ॒ర్చ॒సమ॒స్త్వితి॑] 57
బ్రహ్మవర్చ॒సమ॒స్త్వితి॑ గాయత్రి॒యా పరి॑ దద్ధ్యా-ద్బ్రహ్మవర్చ॒సం-వైఀ గా॑య॒త్రీ బ్ర॑హ్మవర్చ॒సమే॒వ భ॑వతి స॒ప్తద॒శాను॑ బ్రూయా॒-ద్వైశ్య॑స్య సప్తద॒శో వై వైశ్య॒-స్స్వ ఏ॒వైన॒గ్గ్॒ స్తోమే॒ ప్రతి॑ ష్ఠాపయతి॒జగ॑త్యా॒ పరి॑ దద్ధ్యా॒జ్జాగ॑తా॒ వై ప॒శవః॑ ప॒శుకా॑మః॒ ఖలు॒ వై వైశ్యో॑ యజతే॒ జగ॑త్యై॒వాస్మై॑ ప॒శూ-న్పరి॑ గృహ్ణా॒త్యే క॑విగ్ం శతి॒మను॑ బ్రూయా-త్ప్రతి॒ష్ఠాకా॑మస్యై కవి॒గ్ం॒శ-స్స్తోమా॑నా-మ్ప్రతి॒ష్ఠా ప్రతి॑ష్ఠిత్యై॒ [ప్రతి॑ష్ఠిత్యై, చతు॑ర్విగ్ంశతి॒మను॑] 58
చతు॑ర్విగ్ంశతి॒మను॑ బ్రూయా-ద్బ్రహ్మవర్చ॒స-కా॑మస్య॒ చతు॑ర్విగ్ంశత్యఖ్షరా గాయ॒త్రీ గా॑య॒త్రీ బ్ర॑హ్మవర్చ॒స-ఙ్గా॑యత్రి॒యైవాస్మై᳚ బ్రహ్మవర్చ॒సమవ॑ రున్ధే త్రి॒గ్ం॒శత॒మను॑ బ్రూయా॒దన్న॑కామస్య త్రి॒గ్ం॒శద॑ఖ్షరా వి॒రాడన్నం॑-విఀ॒రా-డ్వి॒రాజై॒వాస్మా॑ అ॒న్నాద్య॒మవ॑ రున్ధే॒ ద్వాత్రిగ్ం॑శత॒మను॑ బ్రూయా-త్ప్రతి॒ష్ఠాకా॑మస్య॒ ద్వాత్రిగ్ం॑శదఖ్షరా ఽను॒ష్టుగ॑ను॒ష్టు-ప్ఛన్ద॑సా-మ్ప్రతి॒ష్ఠా ప్రతి॑ష్ఠిత్యై॒ షట్త్రిగ్ం॑శత॒మను॑ బ్రూయా-త్ప॒శుకా॑మస్య॒ షట్త్రిగ్ం॑శదఖ్షరా బృహ॒తీ బార్హ॑తాః ప॒శవో॑ బృహ॒త్యైవాస్మై॑ ప॒శూ- [ప॒శూన్, అవ॑ రున్ధే॒] 59
-నవ॑ రున్ధే॒ చతు॑శ్చత్వారిగ్ంశత॒మను॑ బ్రూయాదిన్ద్రి॒యకా॑మస్య॒ చతు॑శ్చత్వారిగ్ంశదఖ్షరా త్రి॒ష్టుగి॑న్ద్రి॒య-న్త్రి॒ష్టు-ప్త్రి॒ష్టుభై॒వాస్మా॑ ఇన్ద్రి॒యమవ॑ రున్ధే॒ ఽష్టాచ॑త్వారిగ్ం శత॒మను॑ బ్రూయా-త్ప॒శుకా॑మస్యా॒ష్టాచ॑త్వారిగ్ంశదఖ్షరా॒ జగ॑తీ॒ జాగ॑తాః ప॒శవో॒జగ॑త్యై॒వాస్మై॑ ప॒శూనవ॑ రున్ధే॒ సర్వా॑ణి॒ ఛన్దా॒గ్॒ స్యను॑ బ్రూయా-ద్బహుయా॒జిన॒-స్సర్వా॑ణి॒ వా ఏ॒తస్య॒ ఛన్దా॒గ్॒స్య వ॑రుద్ధాని॒ యో బ॑హుయా॒జ్యప॑రిమిత॒మను॑ బ్రూయా॒దప॑రిమిత॒స్యా వ॑రుధ్యై ॥ 60 ॥
(కా॒మయే॑త॒ – ప్రతి॑ష్ఠిత్యై – ప॒శూన్థ్ – స॒ప్తచ॑త్వారిగ్ంశచ్చ) (అ. 10)
నివీ॑త-మ్మను॒ష్యా॑ణా-మ్ప్రాచీనావీ॒త-మ్పి॑తృ॒ణాముప॑వీత-న్దే॒వానా॒ముప॑ వ్యయతే దేవల॒ఖ్ష్మమే॒వ త-త్కు॑రుతే॒ తిష్ఠ॒న్నన్వా॑హ॒ తిష్ఠ॒న్న్॒. హ్యాశ్రు॑తతరం॒-వఀద॑తి॒ తిష్ఠ॒న్నన్వా॑హ సువ॒ర్గస్య॑ లో॒కస్యా॒భిజి॑త్యా॒ ఆసీ॑నో యజత్య॒స్మిన్నే॒వ లో॒కే ప్రతి॑తిష్ఠతి॒ య-త్క్రౌ॒ఞ్చమ॒న్వాహా॑-ఽఽసు॒ర-న్త-ద్యన్మ॒న్ద్ర-మ్మా॑ను॒ష-న్తద్యద॑న్త॒రా త-థ్సదే॑వమన్త॒రా-ఽనూచ్యగ్ం॑ సదేవ॒త్వాయ॑ వి॒ద్వాగ్ంసో॒ వై [ ] 61
పు॒రా హోతా॑రో-ఽభూవ॒-న్తస్మా॒-ద్విధృ॑తా॒ అద్ధ్వా॒నో-ఽభూ॑వ॒-న్న పన్థా॑న॒-స్సమ॑రుఖ్షన్నన్తర్వే॒ద్య॑న్యః పాదో॒ భవ॑తి బహిర్వే॒ద్య॑న్యో-ఽథాన్వా॒హాద్ధ్వ॑నాం॒-విఀధృ॑త్యై ప॒థామసగ్ం॑ రోహా॒యాథో॑ భూ॒తఞ్చై॒వ భ॑వి॒ష్యచ్చావ॑ రు॒న్ధే-ఽథో॒ పరి॑మిత-ఞ్చై॒వాప॑రిమిత॒-ఞ్చావ॑ రు॒న్ధే-ఽథో᳚ గ్రా॒మ్యాగ్శ్చై॒వ ప॒శూనా॑ర॒ణ్యాగ్శ్చావ॑ రు॒న్ధే-ఽథో॑ [రు॒న్ధే-ఽథో᳚, దే॒వ॒లో॒క-ఞ్చై॒వ] 62
దేవలో॒క-ఞ్చై॒వ మ॑నుష్య లో॒క-ఞ్చా॒భి జ॑యతి దే॒వా వై సా॑మిధే॒నీర॒నూచ్య॑ య॒జ్ఞ-న్నాన్వ॑పశ్య॒న్థ్స ప్ర॒జాప॑తిస్తూ॒ష్ణీ-మా॑ఘా॒రమా ఽఘా॑రయ॒-త్తతో॒ వై దే॒వా య॒జ్ఞమన్వ॑పశ్య॒న్॒. య-త్తూ॒ష్ణీమా॑ఘా॒ర-మా॑ఘా॒రయ॑తి య॒జ్ఞస్యాను॑ఖ్యాత్యా॒ అథో॑ సామిధే॒నీరే॒వాభ్య॑-న॒క్త్యలూ᳚ఖ్షో భవతి॒ య ఏ॒వం-వేఀదాథో॑ త॒ర్పయ॑త్యే॒వైనా॒-స్తృప్య॑తి ప్ర॒జయా॑ ప॒శుభి॒- [ప॒శుభిః॑, య ఏ॒వం-వేఀద॒] 63
-ర్య ఏ॒వం-వేఀద॒ యదేక॑యా ఽఽఘా॒రయే॒దేకా᳚-మ్ప్రీణీయా॒ద్య-ద్ద్వాభ్యా॒-న్ద్వే ప్రీ॑ణీయా॒ద్య-ద్తి॒సృభి॒రతి॒ తద్రే॑చయే॒త్మన॒సా ఽఽఘా॑రయతి॒ మన॑సా॒ హ్యనా᳚ప్తమా॒ప్యతే॑ తి॒ర్యఞ్చ॒మా ఘా॑రయ॒త్యఛ॑మ్బట్కారం॒-వాఀక్చ॒ మన॑శ్చా ఽఽర్తీయేతామ॒హ-న్దే॒వేభ్యో॑ హ॒వ్యం-వఀ ॑హా॒మీతి॒ వాగ॑బ్రవీద॒హ-న్దే॒వేభ్య॒ ఇతి॒ మన॒స్తౌ ప్ర॒జాప॑తి-మ్ప్ర॒శ్ఞమై॑తా॒గ్ం॒ సో᳚-ఽబ్రవీ- [సో᳚-ఽబ్రవీత్, ప్ర॒జాప॑తిర్దూ॒తీరే॒వ] 64
-త్ప్ర॒జాప॑తిర్దూ॒తీరే॒వ త్వ-మ్మన॑సో-ఽసి॒ యద్ధి మన॑సా॒ ధ్యాయ॑తి॒ తద్వా॒చా వద॒తీతి॒ త-త్ఖలు॒ తుభ్య॒-న్న వా॒చా జు॑హవ॒న్నిత్య॑బ్రవీ॒-త్తస్మా॒న్మన॑సా ప్ర॒జాప॑తయే జుహ్వతి॒మన॑ ఇవ॒ హి ప్ర॒జాప॑తిః ప్ర॒జాప॑తే॒రాప్త్యై॑ పరి॒ధీన్థ్స-మ్మా᳚ర్ష్టి పు॒నాత్యే॒వైనా॒న్త్రిర్మ॑ద్ధ్య॒మ-న్త్రయో॒ వై ప్రా॒ణాః ప్రా॒ణానే॒వాభి జ॑యతి॒ త్రిర్ద॑ఖ్షిణా॒ర్ధ్యం॑ త్రయ॑ [-త్రయః॑, ఇ॒మే లో॒కా] 65
ఇ॒మే లో॒కా ఇ॒మానే॒వ లో॒కాన॒భి జ॑యతి॒ త్రిరు॑త్తరా॒ర్ధ్య॑-న్త్రయో॒ వై దే॑వ॒యానాః॒ పన్థా॑న॒స్తానే॒వాభి జ॑యతి॒ త్రిరుప॑ వాజయతి॒ త్రయో॒ వై దే॑వలో॒కా దే॑వలో॒కానే॒వాభి జ॑యతి॒ ద్వాద॑శ॒ స-మ్ప॑ద్యన్తే॒ ద్వాద॑శ॒ మాసా᳚-స్సంవఀథ్స॒ర-స్సం॑వఀథ్స॒రమే॒వ ప్రీ॑ణా॒త్యథో॑ సంవఀథ్స॒రమే॒వాస్మా॒ ఉప॑ దధాతి సువ॒ర్గస్య॑ లో॒కస్య॒ సమ॑ష్ట్యా ఆఘా॒రమా ఘా॑రయతి తి॒ర ఇ॑వ॒ [తి॒ర ఇ॑వ, వై సు॑వ॒ర్గో] 66
వై సు॑వ॒ర్గో లో॒క-స్సు॑వ॒ర్గమే॒వాస్మై॑ లో॒క-మ్ప్రరో॑చయత్యృ॒జుమా ఘా॑రయత్యృ॒జురి॑వ॒ హి ప్రా॒ణ-స్సన్త॑త॒మా ఘా॑రయతి ప్రా॒ణానా॑మ॒న్నాద్య॑స్య॒ సన్త॑త్యా॒ అథో॒ రఖ్ష॑సా॒మప॑హత్యై॒ య-ఙ్కా॒మయే॑త ప్ర॒మాయు॑క-స్స్యా॒దితి॑ జి॒హ్మ-న్తస్యా ఽఽఘా॑రయే-త్ప్రా॒ణమే॒వాస్మా᳚జ్జి॒హ్మ-న్న॑యతి తా॒జ-క్ప్రమీ॑యతే॒శిరో॒ వా ఏ॒త-ద్య॒జ్ఞస్య॒ యదా॑ఘా॒ర ఆ॒త్మా ధ్రు॒వా- [ఆ॒త్మా ధ్రు॒వా, ఆ॒ఘా॒రమా॒ఘార్య॑] 67
-ఽఽఘా॒రమా॒ఘార్య॑ ధ్రు॒వాగ్ం సమ॑నక్త్యా॒త్మన్నే॒వ య॒జ్ఞస్య॒ శిరః॒ ప్రతి॑ దధాత్య॒గ్ని-ర్దే॒వానా᳚-న్దూ॒త ఆసీ॒-ద్దైవ్యో-ఽసు॑రాణా॒-న్తౌ ప్ర॒జాప॑తి-మ్ప్ర॒శ్ఞ-మై॑తా॒గ్ం॒ స ప్ర॒జాప॑తి ర్బ్రాహ్మ॒ణ-మ॑బ్రవీ-దే॒తద్వి బ్రూ॒హీత్యా శ్రా॑వ॒యేతీ॒ద-న్దే॑వా-శ్శృణు॒తేతి॒ వావ తద॑బ్రవీ-ద॒గ్ని ర్దే॒వో హోతేతి॒ య ఏ॒వ దే॒వానా॒-న్తమ॑వృణీత॒ తతో॑ దే॒వా [దే॒వాః, అభ॑వ॒-న్పరా-ఽసు॑రా॒] 68
అభ॑వ॒-న్పరా-ఽసు॑రా॒ యస్యై॒వం-విఀ॒దుషః॑ ప్రవ॒ర-మ్ప్ర॑వృ॒ణతే॒ భవ॑త్యా॒త్మనా॒ పరా᳚-ఽస్య॒ భ్రాతృ॑వ్యో భవతి॒ యద్బ్రా᳚హ్మ॒ణశ్చా బ్రా᳚హ్మణశ్చ ప్ర॒శ్ఞ-మే॒యాతా᳚-మ్బ్రాహ్మ॒ణాయాధి॑ బ్రూయా॒-ద్య-ద్బ్రా᳚హ్మ॒ణాయా॒-ఽద్ధ్యాహా॒ ఽఽత్మనే-ఽద్ధ్యా॑హ॒ యద్బ్రా᳚హ్మ॒ణ-మ్ప॒రాహా॒-ఽఽత్మాన॒-మ్పరా॑-ఽఽహ॒ తస్మా᳚-ద్బ్రాహ్మ॒ణో న ప॒రోచ్యః॑ ॥ 69 ॥
(వా – ఆ॑ర॒ణ్యాగ్శ్చావ॑ రు॒న్ధే-ఽథో॑ – ప॒శుభిః॒ – సో᳚-ఽబ్రవీ-ద్- దఖ్షిణా॒ర్ధ్యం॑ త్రయ॑ -ఇవ – ధ్రు॒వా – దే॒వా – శ్చ॑త్వారి॒గ్ం॒శచ్చ॑ ) (అ. 11)
ఆయు॑ష్ట ఆయు॒ర్దా అ॑గ్న॒ ఆ ప్యా॑యస్వ॒ స-న్తే ఽవ॑ తే॒ హేడ॒ ఉదు॑త్త॒మ-మ్ప్రణో॑ దే॒వ్యా నో॑ ది॒వో ఽగ్నా॑ విష్ణూ॒ అగ్నా॑విష్ణూ ఇ॒మ-మ్మే॑ వరుణ॒-తత్త్వా॑ యా॒ మ్యు దు॒త్య-ఞ్చి॒త్రమ్ ॥ అ॒పా-న్నపా॒దా హ్యస్థా॑-దు॒పస్థ॑-ఞ్జి॒హ్మానా॑-మూ॒ర్ధ్వో వి॒ద్యుతం॒-వఀసా॑నః । తస్య॒ జ్యేష్ఠ॑-మ్మహి॒మానం॒-వఀహ॑న్తీ॒ర్॒ హిర॑ణ్యవర్ణాః॒ పరి॑ యన్తి య॒హ్వీః ॥ స- [సమ్, అ॒న్యా యన్త్యుప॑] 70
-మ॒న్యా యన్త్యుప॑ యన్త్య॒న్యా-స్స॑మా॒నమూ॒ర్వ-న్న॒ద్యః॑ పృణన్తి । తమూ॒ శుచి॒గ్ం॒ శుచ॑యో దీది॒వాగ్ం స॑మ॒పా-న్నపా॑త॒-మ్పరి॑తస్థు॒రాపః॑ । తమస్మే॑రా యువ॒తయో॒ యువా॑న-మ్మర్మృ॒జ్యమా॑నాః॒ పరి॑ య॒న్త్యాపః॑ ॥ స శు॒క్రేణ॒ శిక్వ॑నా రే॒వద॒గ్నిర్దీ॒దాయా॑ని॒ద్ధ్మో ఘృ॒తని॑ర్ణిగ॒ఫ్సు ॥ ఇన్ద్రా॒వరు॑ణయోర॒హగ్ంస॒మ్రాజో॒రవ॒ ఆ వృ॑ణే । తా నో॑ మృడాత ఈ॒దృశే᳚ ॥ ఇన్ద్రా॑వరుణా యు॒వమ॑ద్ధ్వ॒రాయ॑ నో [యు॒వమ॑ద్ధ్వ॒రాయ॑ నః, వి॒శే జనా॑య॒] 71
వి॒శే జనా॑య॒ మహి॒ శర్మ॑ యచ్ఛతమ్ । దీ॒ర్ఘప్ర॑యజ్యు॒మతి॒ యో వ॑ను॒ష్యతి॑ వ॒య-ఞ్జ॑యేమ॒ పృత॑నాసు దూ॒ఢ్యః॑ ॥ ఆ నో॑మిత్రావరుణా॒, ప్రబా॒హవా᳚ ॥ త్వ-న్నో॑ అగ్నే॒ వరు॑ణస్య వి॒ద్వా-న్దే॒వస్య॒ హేడో-ఽవ॑ యాసి సీష్ఠాః । యజి॑ష్ఠో॒ వహ్ని॑ తమ॒-శ్శోశు॑చానో॒ విశ్వా॒ ద్వేషాగ్ం॑సి॒ ప్రము॑ముగ్ధ్య॒స్మత్ ॥ స త్వన్నో॑ అగ్నే-ఽవ॒మో భ॑వో॒తీ నేది॑ష్ఠో అ॒స్యా ఉ॒షసో॒ వ్యు॑ష్టౌ । అవ॑ యఖ్ష్వ నో॒ వరు॑ణ॒గ్ం॒ [నో॒ వరు॑ణమ్, రరా॑ణో వీ॒హి] 72
రరా॑ణో వీ॒హి మృ॑డీ॒కగ్ం సు॒హవో॑ న ఏధి ॥ ప్రప్రా॒యమ॒గ్నిర్భ॑ర॒తస్య॑ శృణ్వే॒ వి య-థ్సూర్యో॒ న రోచ॑తే బృ॒హద్భాః । అ॒భి యః పూ॒రు-మ్పృత॑నాసు త॒స్థౌ దీ॒దాయ॒ దైవ్యో॒ అతి॑థి-శ్శి॒వో నః॑ ॥ ప్ర తే॑ యఖ్షి॒ ప్ర త॑ ఇయర్మి॒ మన్మ॒ భువో॒ యథా॒ వన్ద్యో॑ నో॒ హవే॑షు । ధన్వ॑న్నివ ప్ర॒పా అ॑సి॒ త్వమ॑గ్న ఇయ॒ఖ్షవే॑ పూ॒రవే᳚ ప్రత్న రాజన్న్ ॥ 73 ॥
వి పాజ॑సా॒ వి జ్యోతి॑షా ॥ స త్వమ॑గ్నే॒ ప్రతీ॑కేన॒ ప్రత్యో॑ష యాతుధా॒న్యః॑ । ఉ॒రు॒ఖ్షయే॑షు॒ దీద్య॑త్ ॥ తగ్ం సు॒ప్రతీ॑కగ్ం సు॒దృశ॒గ్గ్॒ స్వఞ్చ॒-మవి॑ద్వాగ్ంసో వి॒దుష్ట॑రగ్ం సపేమ । స య॑ఖ్ష॒-ద్విశ్వా॑ వ॒యునా॑ని వి॒ద్వా-న్ప్ర హ॒వ్య-మ॒గ్ని-ర॒మృతే॑షు వోచత్ ॥ అ॒గ్ం॒హో॒ముచే॑ వి॒వేష॒ యన్మా॒ విన॑ ఇ॒న్ద్రే-న్ద్ర॑ ఖ్ష॒త్రమి॑న్ద్రి॒యాణి॑ శతక్ర॒తో ఽను॑ తే దాయి ॥ 74 ॥
(య॒హ్వీ-స్స – మ॑ధ్వ॒రాయ॑ నో॒ – వరు॑ణగ్ం – రాజ॒గ్గ్॒ -తు॑శ్చత్వారిగ్ంశచ్చ) (అ. 12)
(వి॒శ్వరూ॑ప॒ – స్త్వష్టే – న్ద్రం॑-వృఀ॒త్రం – బ్ర॑హ్మవా॒దిన॒-స్స త్వై – నా-ఽసో॑మయాజ్యే॒ – ష వై దే॑వర॒థో – దే॒వా వై నర్చి నా – య॒జ్ఞో – ఽగ్నే॑ మ॒హాన్ – త్రీన్ – నివీ॑త॒ – మాయు॑ష్టే॒ – ద్వాద॑శ)
(వి॒శ్వరూ॑పో॒ – నైనగ్ం॑ శీతరూ॒రా – వ॒ద్య వసు॑ – పూర్వే॒ద్యు – ర్వాజా॒ ఇత్య – గ్నే॑ మ॒హాన్ – నివీ॑త – మ॒న్యా యన్తి॒ – చతు॑-స్సప్తతిః )
(వి॒శ్వరూపో॒, ఽను॑ తే దాయి)
॥ హరిః॑ ఓమ్ ॥
॥ కృష్ణ యజుర్వేదీయ తైత్తిరీయ సంహితాయా-న్ద్వితీయకాణ్డే పఞ్చమః ప్రశ్న-స్సమాప్తః ॥