కృష్ణ యజుర్వేదీయ తైత్తిరీయ సంహితాయాం షష్ఠకాణ్డే షష్ఠః ప్రశ్నః – సోమమన్త్రబ్రాహ్మణనిరూపణం
ఓ-న్నమః పరమాత్మనే, శ్రీ మహాగణపతయే నమః,
శ్రీ గురుభ్యో నమః । హ॒రిః॒ ఓమ్ ॥
సు॒వ॒ర్గాయ॒ వా ఏ॒తాని॑ లో॒కాయ॑ హూయన్తే॒ య-ద్దా᳚ఖ్షి॒ణాని॒ ద్వాభ్యా॒-ఙ్గార్హ॑పత్యే జుహోతి ద్వి॒పా-ద్యజ॑మానః॒ ప్రతి॑ష్ఠిత్యా॒ ఆగ్నీ᳚ద్ధ్రే జుహోత్య॒న్తరి॑ఖ్ష ఏ॒వా-ఽఽక్ర॑మతే॒ సదో॒-ఽభ్యైతి॑ సువ॒ర్గమే॒వైనం॑-లోఀ॒క-ఙ్గ॑మయతి సౌ॒రీభ్యా॑మృ॒గ్భ్యా-ఙ్గార్హ॑పత్యే జుహోత్య॒ముమే॒వైనం॑-లోఀ॒కగ్ం స॒మారో॑హయతి॒ నయ॑వత్య॒ర్చా-ఽఽగ్నీ᳚ద్ధ్రే జుహోతి సువ॒ర్గస్య॑ లో॒కస్యా॒భినీ᳚త్యై॒ దివ॑-ఙ్గచ్ఛ॒ సువః॑ ప॒తేతి॒ హిర॑ణ్యగ్ం [హిర॑ణ్యమ్, హు॒త్వో-ద్గృ॑హ్ణాతి] 1
హు॒త్వో-ద్గృ॑హ్ణాతి సువ॒ర్గమే॒వైనం॑-లోఀ॒క-ఙ్గ॑మయతి రూ॒పేణ॑ వో రూ॒పమ॒భ్యైమీత్యా॑హ రూ॒పేణ॒ హ్యా॑సాగ్ం రూ॒పమ॒భ్యైతి॒ యద్ధిర॑ణ్యేన తు॒థో వో॑ వి॒శ్వవే॑దా॒ వి భ॑జ॒త్విత్యా॑హ తు॒థో హ॑ స్మ॒ వై వి॒శ్వవే॑దా దే॒వానా॒-న్దఖ్షి॑ణా॒ వి భ॑జతి॒ తేనై॒వైనా॒ వి భ॑జత్యే॒ త-త్తే॑ అగ్నే॒ రాధ॒ [అగ్నే॒ రాధః॑, ఐతి॒ సోమ॑చ్యుత॒-] 2
ఐతి॒ సోమ॑చ్యుత॒-మిత్యా॑హ॒ సోమ॑చ్యుత॒గ్గ్॒ హ్య॑స్య॒ రాధ॒ ఐతి॒ తన్మి॒త్రస్య॑ ప॒థా న॒యేత్యా॑హ॒ శాన్త్యా॑ ఋ॒తస్య॑ ప॒థా ప్రేత॑ చ॒న్ద్ర ద॑ఖ్షిణా॒ ఇత్యా॑హ స॒త్యం-వాఀ ఋ॒తగ్ం స॒త్యేనై॒వైనా॑ ఋ॒తేన॒ వి భ॑జతి య॒జ్ఞస్య॑ ప॒థా సు॑వి॒తా నయ॑న్తీ॒రిత్యా॑హ య॒జ్ఞస్య॒ హ్యే॑తాః ప॒థా యన్తి॒ య-ద్దఖ్షి॑ణా బ్రాహ్మ॒ణమ॒ద్య రా᳚ద్ధ్యాస॒- [రా᳚ద్ధ్యాసమ్, ఋషి॑మార్షే॒య-] 3
-మృషి॑మార్షే॒య-మిత్యా॑హై॒ష వై బ్రా᳚హ్మ॒ణ ఋషి॑రార్షే॒యో య-శ్శు॑శ్రు॒వా-న్తస్మా॑దే॒వమా॑హ॒ వి సువః॒ పశ్య॒ వ్య॑న్తరి॑ఖ్ష॒మిత్యా॑హ సువ॒ర్గమే॒వైనం॑-లోఀ॒క-ఙ్గ॑మయతి॒ యత॑స్వ సద॒స్యై॑రిత్యా॑హ మిత్ర॒త్వాయా॒స్మద్దా᳚త్రా దేవ॒త్రా గ॑చ్ఛత॒ మధు॑మతీః ప్రదా॒తార॒మా వి॑శ॒తేత్యా॑హ వ॒యమి॒హ ప్ర॑దా॒తార॒-స్స్మో᳚-ఽస్మాన॒ముత్ర॒ మధు॑మతీ॒రా వి॑శ॒తేతి॒ [వి॑శ॒తేతి॑, వావైతదా॑హ॒] 4
వావైతదా॑హ॒ హిర॑ణ్య-న్దదాతి॒ జ్యోతి॒ర్వై హిర॑ణ్య॒-ఞ్జ్యోతి॑రే॒వ పు॒రస్తా᳚ద్ధత్తే సువ॒ర్గస్య॑ లో॒కస్యాను॑ఖ్యాత్యా అ॒గ్నీధే॑ దదాత్య॒గ్నిము॑ఖానే॒వర్తూ-న్ప్రీ॑ణాతి బ్ర॒హ్మణే॑ దదాతి॒ ప్రసూ᳚త్యై॒ హోత్రే॑ దదాత్యా॒త్మా వా ఏ॒ష య॒జ్ఞస్య॒ యద్ధోతా॒-ఽఽత్మాన॑మే॒వ య॒జ్ఞస్య॒ దఖ్షి॑ణాభి॒-స్సమ॑ర్ధయతి ॥ 5 ॥
(హిర॑ణ్య॒గ్ం॒ – రాధో॑ – రాధ్యాస – మ॒ముత్ర॒ మధు॑మతీ॒రా వి॑శ॒తేత్య॒ – ష్టాత్రిగ్ం॑శచ్చ) (అ. 1)
స॒మి॒ష్ట॒ య॒జూగ్ంషి॑ జుహోతి య॒జ్ఞస్య॒ సమి॑ష్ట్యై॒ యద్వై య॒జ్ఞస్య॑ క్రూ॒రం-యఀ-ద్విలి॑ష్టం॒-యఀద॒త్యేతి॒ యన్నాత్యేతి॒ యద॑తిక॒రోతి॒ యన్నాపి॑ క॒రోతి॒ తదే॒వ తైః ప్రీ॑ణాతి॒ నవ॑ జుహోతి॒ నవ॒ వై పురు॑షే ప్రా॒ణాః పురు॑షేణ య॒జ్ఞ-స్సమ్మి॑తో॒ యావా॑నే॒వ య॒జ్ఞస్త-మ్ప్రీ॑ణాతి॒ ష-డృగ్మి॑యాణి జుహోతి॒ షడ్వా ఋ॒తవ॑ ఋ॒తూనే॒వ ప్రీ॑ణాతి॒ త్రీణి॒ యజూగ్ం॑షి॒ [యజూగ్ం॑షి, త్రయ॑ ఇ॒మే లో॒కా] 6
త్రయ॑ ఇ॒మే లో॒కా ఇ॒మానే॒వ లో॒కా-న్ప్రీ॑ణాతి॒ యజ్ఞ॑ య॒జ్ఞ-ఙ్గ॑చ్ఛ య॒జ్ఞప॑తి-ఙ్గ॒చ్ఛేత్యా॑హ య॒జ్ఞప॑తిమే॒వైన॑-ఙ్గమయతి॒ స్వాం-యోఀని॑-ఙ్గ॒చ్ఛేత్యా॑హ॒ స్వామే॒వైనం॒-యోఀని॑-ఙ్గమయత్యే॒ష తే॑ య॒జ్ఞో య॑జ్ఞపతే స॒హసూ᳚క్తవాక-స్సు॒వీర॒ ఇత్యా॑హ॒ యజ॑మాన ఏ॒వ వీ॒ర్య॑-న్దధాతి వాసి॒ష్ఠో హ॑ సాత్యహ॒వ్యో దే॑వభా॒గ-మ్ప॑ప్రచ్ఛ॒ య-థ్సృఞ్జ॑యా-న్బహుయా॒జినో-ఽయీ॑యజో య॒జ్ఞే [ ] 7
య॒జ్ఞ-మ్ప్రత్య॑తిష్ఠి॒పా(3) య॒జ్ఞప॒తా(3)వితి॒ స హో॑వాచ య॒జ్ఞప॑తా॒వితి॑ స॒త్యాద్వై సృఞ్జ॑యాః॒ పరా॑ బభూవు॒రితి॑ హోవాచ య॒జ్ఞే వావ య॒జ్ఞః ప్ర॑తి॒ష్ఠాప్య॑ ఆసీ॒-ద్యజ॑మాన॒స్యా-ఽప॑రాభావా॒యేతి॒ దేవా॑ గాతువిదో గా॒తుం-విఀ॒త్త్వా గా॒తు -మి॒తేత్యా॑హ య॒జ్ఞ ఏ॒వ య॒జ్ఞ-మ్ప్రతి॑ ష్ఠాపయతి॒ యజ॑మాన॒స్యా-ఽప॑రాభావాయ ॥ 8 ॥
(యజూగ్ం॑షి – య॒జ్ఞ – ఏక॑చత్వారిగ్ంశచ్చ) (అ. 2)
అ॒వ॒భృ॒థ॒-య॒జూగ్ంషి॑ జుహోతి॒ యదే॒వార్వా॒చీన॒-మేక॑హాయనా॒దేనః॑ క॒రోతి॒ తదే॒వ తైరవ॑ యజతే॒ ఽపో॑-ఽవభృ॒థ-మవై᳚త్య॒ఫ్సు వై వరు॑ణ-స్సా॒ఖ్షాదే॒వ వరు॑ణ॒మవ॑ యజతే॒ వర్త్మ॑నా॒ వా అ॒న్విత్య॑ య॒జ్ఞగ్ం రఖ్షాగ్ం॑సి జిఘాగ్ంసన్తి॒ సామ్నా᳚ ప్రస్తో॒తా-ఽన్వవై॑తి॒ సామ॒ వై ర॑ఖ్షో॒హా రఖ్ష॑సా॒మప॑హత్యై॒ త్రిర్ని॒ధన॒ముపై॑తి॒ త్రయ॑ ఇ॒మే లో॒కా ఏ॒భ్య ఏ॒వ లో॒కేభ్యో॒ రఖ్షా॒గ్॒- [లో॒కేభ్యో॒ రఖ్షాగ్ం॑సి, అప॑ హన్తి॒] 9
-స్యప॑ హన్తి॒ పురు॑షఃపురుషో ని॒ధన॒ముపై॑తి॒ పురు॑షఃపురుషో॒ హి ర॑ఖ్ష॒స్వీ రఖ్ష॑సా॒మప॑హత్యా ఉ॒రుగ్ం హి రాజా॒ వరు॑ణశ్చ॒కారేత్యా॑హ॒ ప్రతి॑ష్ఠిత్యై శ॒త-న్తే॑ రాజ-న్భి॒షజ॑-స్స॒హస్ర॒మిత్యా॑హ భేష॒జమే॒వాస్మై॑ కరోత్య॒భిష్ఠి॑తో॒ వరు॑ణస్య॒ పాశ॒ ఇత్యా॑హ వరుణపా॒శమే॒వాభి తి॑ష్ఠతి బ॒ర్॒హిర॒భి జు॑హో॒త్యాహు॑తీనా॒-మ్ప్రతి॑ష్ఠిత్యా॒ అథో॑ అగ్ని॒వత్యే॒వ జు॑హో॒త్యప॑ బర్హిషః ప్రయా॒జాన్ [ప్రయా॒జాన్, య॒జ॒తి॒ ప్ర॒జా వై] 10
య॑జతి ప్ర॒జా వై బ॒ర్॒హిః ప్ర॒జా ఏ॒వ వ॑రుణపా॒శా-న్ము॑ఞ్చ॒త్యాజ్య॑భాగౌ యజతి య॒జ్ఞస్యై॒వ చఖ్షు॑షీ॒ నాన్తరే॑తి॒ వరు॑ణం-యఀజతి వరుణపా॒శాదే॒వైన॑-మ్ముఞ్చత్య॒గ్నీవరు॑ణౌ యజతి సా॒ఖ్షాదే॒వైనం॑-వఀరుణపా॒శా-న్ము॑ఞ్చ॒త్య-ప॑బర్హిషావనూయా॒జౌ య॑జతి ప్ర॒జా వై బ॒ర్॒హిః ప్ర॒జా ఏ॒వ వ॑రుణపా॒శా-న్ము॑ఞ్చతి చ॒తురః॑ ప్రయా॒జాన్. య॑జతి॒ ద్వావ॑నూయా॒జౌ షట్-థ్సమ్ప॑ద్యన్తే॒ షడ్వా ఋ॒తవ॑ [షడ్వా ఋ॒తవః॑, ఋ॒తుష్వే॒వ ప్రతి॑] 11
ఋ॒తుష్వే॒వ ప్రతి॑ తిష్ఠ॒-త్యవ॑భృథ-నిచఙ్కు॒ణేత్యా॑హ యథోది॒తమే॒వ వరు॑ణ॒మవ॑ యజతే సము॒ద్రే తే॒ హృద॑య-మ॒ఫ్స్వ॑న్తరిత్యా॑హ సము॒ద్రే హ్య॑న్తర్వరు॑ణ॒-స్స-న్త్వా॑ విశ॒-న్త్వోష॑ధీ-రు॒తా-ఽఽప॒ ఇత్యా॑హా॒ద్భి-రే॒వైన॒మోష॑ధీభి-స్స॒మ్యఞ్చ॑-న్దధాతి॒ దేవీ॑రాప ఏ॒ష వో॒ గర్భ॒ ఇత్యా॑హ యథాయ॒జురే॒వైత-త్ప॒శవో॒ వై [ ] 12
సోమో॒ య-ద్భి॑న్దూ॒నా-మ్భ॒ఖ్షయే᳚-త్పశు॒మాన్-థ్స్యా॒-ద్వరు॑ణ॒-స్త్వే॑న-ఙ్గృహ్ణీయా॒ద్యన్న భ॒ఖ్షయే॑దప॒శు-స్స్యా॒న్నైనం॒-వఀరు॑ణో గృహ్ణీయా-దుప॒స్పృశ్య॑మే॒వ ప॑శు॒మా-న్భ॑వతి॒ నైనం॒-వఀరు॑ణో గృహ్ణాతి॒ ప్రతి॑యుతో॒ వరు॑ణస్య॒ పాశ॒ ఇత్యా॑హ వరుణపా॒శాదే॒వ నిర్ము॑చ్య॒తే ఽప్ర॑తీఖ్ష॒మా య॑న్తి॒ వరు॑ణస్యా॒న్తర్హి॑త్యా॒ ఏధో᳚-ఽస్యేధిషీ॒మహీ-త్యా॑హ స॒మిధై॒వాగ్ని-న్న॑మ॒స్యన్త॑ ఉ॒పాయ॑న్తి॒ తేజో॑-ఽసి॒ తేజో॒ మయి॑ ధే॒హీత్యా॑హ॒ తేజ॑ ఏ॒వా-ఽఽత్మ-న్ధ॑త్తే ॥ 13 ॥
(రఖ్షాగ్ం॑సి – ప్రయా॒జా – నృ॒తవో॒ – వై – న॑మ॒స్యన్తో॒ – ద్వాద॑శ చ) (అ. 3)
స్ఫ్యేన॒ వేది॒ముద్ధ॑న్తి రథా॒ఖ్షేణ॒ వి మి॑మీతే॒ యూప॑-మ్మినోతి త్రి॒వృత॑మే॒వ వజ్రగ్ం॑ స॒భృన్త్య॒ భ్రాతృ॑వ్యాయ॒ ప్ర హ॑రతి॒ స్తృత్యై॒ యద॑న్తర్వే॒ది మి॑ను॒యా-ద్దే॑వలో॒కమ॒భి జ॑యే॒-ద్య-ద్బ॑హిర్వే॒ది మ॑నుష్య లో॒కం వేఀ᳚ద్య॒న్తస్య॑ స॒న్ధౌ మి॑నోత్యు॒భయో᳚-ర్లో॒కయో॑-ర॒భిజి॑త్యా॒ ఉప॑రసమ్మితా-మ్మినుయా-త్పితృలో॒కకా॑మస్య రశ॒నస॑మిన్తా-మ్మనుష్యలో॒కకా॑మస్య చ॒షాల॑-సమ్మితామిన్ద్రి॒య కా॑మస్య॒ సర్వా᳚న్-థ్స॒మా-న్ప్ర॑తి॒ష్ఠాకా॑మస్య॒ యే త్రయో॑ మద్ధ్య॒మాస్తాన్-థ్స॒మా-న్ప॒శుకా॑మస్యై॒తాన్. వా [వై, అను॑] 14
అను॑ ప॒శవ॒ ఉప॑ తిష్ఠన్తే పశు॒మానే॒వ భ॑వతి॒ వ్యతి॑షజే॒దిత॑రా-న్ప్ర॒జయై॒వైన॑-మ్ప॒శుభి॒ర్వ్యతి॑షజతి॒ య-ఙ్కా॒మయే॑త ప్ర॒మాయు॑క-స్స్యా॒దితి॑ గర్త॒మిత॒-న్తస్య॑ మినుయాదుత్తరా॒ర్ధ్యం॑-వఀర్షి॑ష్ఠ॒మథ॒ హ్రసీ॑యాగ్ంసమే॒షా వై గ॑ర్త॒మిద్యస్యై॒వ-మ్మి॒నోతి॑ తా॒జ-క్ప్ర మీ॑యతే దఖ్షిణా॒ర్ధ్యం॑-వఀర్షి॑ష్ఠ-మ్మినుయా-థ్సువ॒ర్గకా॑మ॒స్యాథ॒ హ్రసీ॑యాగ్ంస-మా॒క్రమ॑ణమే॒వ త-థ్సేతుం॒-యఀజ॑మానః కురుతే సువ॒ర్గస్య॑ లో॒కస్య॒ సమ॑ష్ట్యై॒ [సమ॑ష్ట్యై, యదేక॑స్మి॒న్॒.] 15
యదేక॑స్మి॒న్॒. యూపే॒ ద్వే ర॑శ॒నే ప॑రి॒వ్యయ॑తి॒ తస్మా॒దేకో॒ ద్వే జా॒యే వి॑న్దతే॒ యన్నైకాగ్ం॑ రశ॒నా-న్ద్వయో॒ర్యూప॑యోః పరి॒వ్యయ॑తి॒ తస్మా॒న్నైకా॒ ద్వౌ పతీ॑ విన్దతే॒ య-ఙ్కా॒మయే॑త॒ స్త్ర్య॑స్య జాయే॒తేత్యు॑పా॒న్తే తస్య॒ వ్యతి॑షజే॒-థ్స్త్ర్యే॑వాస్య॑ జాయతే॒ య-ఙ్కా॒మయే॑త॒ పుమా॑నస్య జాయే॒తేత్యా॒న్త-న్తస్య॒ ప్ర వే᳚ష్టయే॒-త్పుమా॑నే॒వాస్య॑ [వే᳚ష్టయే॒-త్పుమా॑నే॒వాస్య॑, జా॒య॒తే ఽసు॑రా॒] 16
జాయ॒తే ఽసు॑రా॒ వై దే॒వా-న్ద॑ఖ్షిణ॒త ఉపా॑నయ॒-న్తా-న్దే॒వా ఉ॑పశ॒యేనై॒వాపా॑-నుదన్త॒ త-దు॑పశ॒యస్యో॑-పశయ॒త్వం-యఀ-ద్ద॑ఖ్షిణ॒త ఉ॑పశ॒య ఉ॑ప॒శయే॒ భ్రాతృ॑వ్యాపనుత్త్యై॒ సర్వే॒ వా అ॒న్యే యూపాః᳚ పశు॒మన్తో-ఽథో॑పశ॒య ఏ॒వాప॒శుస్తస్య॒ యజ॑మానః ప॒శుర్యన్న ని॑ర్ది॒శేదార్తి॒-మార్చ్ఛే॒-ద్యజ॑మానో॒-ఽసౌ తే॑ ప॒శురితి॒ నిర్ది॑శే॒ద్య-న్ద్వి॒ష్యా-ద్యమే॒వ [ ] 17
ద్వేష్టి॒ తమ॑స్మై ప॒శు-న్నిర్ది॑శతి॒ యది॒ న ద్వి॒ష్యాదా॒ఖుస్తే॑ ప॒శురితి॑ బ్రూయా॒న్న గ్రా॒మ్యా-న్ప॒శూన్. హి॒నస్తి॒ నా-ఽఽర॒ణ్యా-న్ప్ర॒జాప॑తిః ప్ర॒జా అ॑సృజత॒ సో᳚-ఽన్నాద్యే॑న॒ వ్యా᳚ర్ధ్యత॒ స ఏ॒తామే॑కాద॒శినీ॑-మపశ్య॒-త్తయా॒ వై సో᳚-ఽన్నాద్య॒మవా॑రున్ధ॒ యద్దశ॒ యూపా॒ భవ॑న్తి॒ దశా᳚ఖ్షరా వి॒రాడన్నం॑-విఀ॒రా-డ్వి॒రాజై॒వా-న్నాద్య॒మవ॑ రున్ధే॒ [రున్ధే, య] 18
య ఏ॑కాద॒శ-స్స్తన॑ ఏ॒వాస్యై॒ స దు॒హ ఏ॒వైనా॒-న్తేన॒ వజ్రో॒ వా ఏ॒షా స-మ్మీ॑యతే॒ యదే॑కాద॒శినీ॒ సేశ్వ॒రా పు॒రస్తా᳚-త్ప్ర॒త్యఞ్చం॑-యఀ॒జ్ఞగ్ం సమ్మ॑ర్దితో॒ర్య-త్పా᳚త్నీవ॒త-మ్మి॒నోతి॑ య॒జ్ఞస్య॒ ప్రత్యుత్త॑బ్ధ్యై సయ॒త్వాయ॑ ॥ 19 ॥
(వై – సమ॑ష్ట్యై॒ – పుమా॑నే॒వాస్య॒ – యమే॒వ – రు॑న్ధే – త్రి॒గ్ం॒శచ్చ॑) (అ. 4)
ప్ర॒జాప॑తిః ప్ర॒జా అ॑సృజత॒ స రి॑రిచా॒నో॑-ఽమన్యత॒ స ఏ॒తామే॑కాద॒శినీ॑-మపశ్య॒-త్తయా॒ వై స ఆయు॑రిన్ద్రి॒యం-వీఀ॒ర్య॑మా॒త్మన్న॑ధత్త ప్ర॒జా ఇ॑వ॒ ఖలు॒ వా ఏ॒ష సృ॑జతే॒ యో యజ॑తే॒ స ఏ॒తర్హి॑ రిరిచా॒న ఇ॑వ॒ యదే॒షైకా॑ద॒శినీ॒ భవ॒త్యాయు॑రే॒వ తయే᳚న్ద్రి॒యం-వీఀ॒ర్యం॑-యఀజ॑మాన ఆ॒త్మ-న్ధ॑త్తే॒ ప్రైవా-ఽఽగ్నే॒యేన॑ వాపయతి మిథు॒నగ్ం సా॑రస్వ॒త్యా క॑రోతి॒ రేత॑- [రేతః॑, సౌ॒మ్యేన॑ దధాతి॒] 20
-స్సౌ॒మ్యేన॑ దధాతి॒ ప్ర జ॑నయతి పౌ॒ష్ణేన॑ బార్హస్ప॒త్యో భ॑వతి॒ బ్రహ్మ॒ వై దే॒వానా॒-మ్బృహ॒స్పతి॒ర్బ్రహ్మ॑ణై॒వాస్మై᳚ ప్ర॒జాః ప్రజ॑నయతి వైశ్వదే॒వో భ॑వతి వైశ్వదే॒వ్యో॑ వై ప్ర॒జాః ప్ర॒జా ఏ॒వాస్మై॒ ప్రజ॑నయతీ-న్ద్రి॒యమే॒వైన్ద్రేణావ॑ రున్ధే॒ విశ॑-మ్మారు॒తేనౌజో॒ బల॑మైన్ద్రా॒గ్నేన॑ ప్రస॒వాయ॑ సావి॒త్రో ని॑ర్వరుణ॒త్వాయ॑ వారు॒ణో మ॑ద్ధ్య॒త ఐ॒న్ద్రమా ల॑భతే మద్ధ్య॒త ఏ॒వేన్ద్రి॒యం-యఀజ॑మానే దధాతి [ ] 21
పు॒రస్తా॑దై॒న్ద్రస్య॑ వైశ్వదే॒వమా ల॑భతే వైశ్వదే॒వం-వాఀ అన్న॒మన్న॑మే॒వ పు॒రస్తా᳚ద్ధత్తే॒ తస్మా᳚-త్పు॒రస్తా॒దన్న॑మద్యత ఐ॒న్ద్రమా॒లభ్య॑ మారు॒తమా ల॑భతే॒ వి-డ్వై మ॒రుతో॒ విశ॑మే॒వాస్మా॒ అను॑ బద్ధ్నాతి॒ యది॑ కా॒మయే॑త॒ యో-ఽవ॑గత॒-స్సో-ఽప॑ రుద్ధ్యతాం॒-యోఀ-ఽప॑రుద్ధ॒-స్సో-ఽవ॑ గచ్ఛ॒త్విత్యై॒న్ద్రస్య॑ లో॒కే వా॑రు॒ణమా ల॑భేత వారు॒ణస్య॑ లో॒క ఐ॒న్ద్రం- [లో॒క ఐ॒న్ద్రమ్, య ఏ॒వావ॑గత॒-స్సో-ఽప॑] 22
-యఀ ఏ॒వావ॑గత॒-స్సో-ఽప॑ రుద్ధ్యతే॒ యో-ఽప॑రుద్ధ॒-స్సో-ఽవ॑ గచ్ఛతి॒ యది॑ కా॒మయే॑త ప్ర॒జా ము॑హ్యేయు॒రితి॑ ప॒శూన్ వ్యతి॑షజే-త్ప్ర॒జా ఏ॒వ మో॑హయతి॒ యద॑భివాహ॒తో॑-ఽపాం-వాఀ ॑రు॒ణమా॒లభే॑త ప్ర॒జా వరు॑ణో గృహ్ణీయా-ద్దఖ్షిణ॒త ఉద॑ఞ్చ॒మా ల॑భతే-ఽపవాహ॒తో॑-ఽపా-మ్ప్ర॒జానా॒-మవ॑రుణ గ్రాహాయ ॥ 23 ॥
(రేతో॒ – యజ॑మానే దధాతి – లో॒క ఐ॒న్ద్రగ్ం – స॒ప్తత్రిగ్ం॑శచ్చ) (అ. 5)
ఇన్ద్రః॒ పత్ని॑యా॒ మను॑మయాజయ॒-త్తా-మ్పర్య॑గ్నికృతా॒-ముద॑సృజ॒-త్తయా॒ మను॑రార్ధ్నో॒ద్య-త్పర్య॑గ్నికృత-మ్పాత్నీవ॒తము॑-థ్సృ॒జతి॒ యామే॒వ మను॒ర్॒. ఋద్ధి॒మార్ధ్నో॒-త్తామే॒వ యజ॑మాన ఋధ్నోతి య॒జ్ఞస్య॒ వా అప్ర॑తిష్ఠితా-ద్య॒జ్ఞః పరా॑ భవతి య॒జ్ఞ-మ్ప॑రా॒భవ॑న్తం॒-యఀజ॑మా॒నో-ఽను॒ పరా॑ భవతి॒ యదాజ్యే॑న పాత్నీవ॒తగ్ం సగ్గ్॑స్థా॒పయ॑తి య॒జ్ఞస్య॒ ప్రతి॑ష్ఠిత్యై య॒జ్ఞ-మ్ప్ర॑తి॒తిష్ఠ॑న్తం॒-యఀజ॑మా॒నో-ఽను॒ ప్రతి॑ తిష్ఠతీ॒ష్టం-వఀ॒పయా॒ [-వఀ॒పయా᳚, భవ॒త్యని॑ష్టం-వఀ॒శయా-ఽథ॑] 24
భవ॒త్యని॑ష్టం-వఀ॒శయా-ఽథ॑ పాత్నీవ॒తేన॒ ప్ర చ॑రతి తీ॒ర్థ ఏ॒వ ప్ర చ॑ర॒త్యథో॑ ఏ॒తర్హ్యే॒వాస్య॒ యామ॑స్త్వా॒ష్ట్రో భ॑వతి॒ త్వష్టా॒ వై రేత॑స-స్సి॒క్తస్య॑ రూ॒పాణి॒ వి క॑రోతి॒ తమే॒వ వృషా॑ణ॒-మ్పత్నీ॒ష్వపి॑ సృజతి॒ సో᳚-ఽస్మై రూ॒పాణి॒ వి క॑రోతి ॥ 25 ॥
(వ॒పయా॒ – షట్త్రిగ్ం॑శచ్చ) (అ. 6)
ఘ్నన్తి॒ వా ఏ॒త-థ్సోమం॒-యఀద॑భిషు॒ణ్వన్తి॒ య-థ్సౌ॒మ్యో భవ॑తి॒ యథా॑ మృ॒తాయా॑ను॒స్తర॑ణీ॒-ఙ్ఘ్నన్తి॑ తా॒దృగే॒వ త-ద్యదు॑త్తరా॒ర్ధే వా॒ మద్ధ్యే॑ వా జుహు॒యా-ద్దే॒వతా᳚భ్య-స్స॒మద॑-న్దద్ధ్యా-ద్దఖ్షిణా॒ర్ధే జు॑హోత్యే॒షా వై పి॑తృ॒ణా-న్ది-ఖ్స్వాయా॑మే॒వ ది॒శి పి॒తౄ-న్ని॒రవ॑దయత ఉద్గా॒తృభ్యో॑ హరన్తి సామదేవ॒త్యో॑ వై సౌ॒మ్యో యదే॒వ సామ్న॑-శ్ఛమ్బట్కు॒ర్వన్తి॒ తస్యై॒వ స శాన్తి॒రవే᳚- [శాన్తి॒రవ॑, ఈ॒ఖ్ష॒న్తే॒ ప॒విత్రం॒-వైఀ] 26
-ఖ్షన్తే ప॒విత్రం॒-వైఀ సౌ॒మ్య ఆ॒త్మాన॑మే॒వ ప॑వయన్తే॒ య ఆ॒త్మాన॒-న్న ప॑రి॒పశ్యే॑ది॒తాసు॑-స్స్యాదభిద॒ది-ఙ్కృ॒త్వా-ఽవే᳚ఖ్షేత॒ తస్మి॒న్॒. హ్యా᳚త్మాన॑-మ్పరి॒పశ్య॒త్యథో॑ ఆ॒త్మాన॑మే॒వ ప॑వయతే॒ యో గ॒తమ॑నా॒-స్స్యా-థ్సో-ఽవే᳚ఖ్షేత॒ యన్మే॒ మనః॒ పరా॑గతం॒-యఀద్వా॑ మే॒ అప॑రాగతమ్ । రాజ్ఞా॒ సోమే॑న॒ తద్వ॒యమ॒స్మాసు॑ ధారయామ॒సీతి॒ మన॑ ఏ॒వాత్మ-న్దా॑ధార॒- [ఏ॒వాత్మ-న్దా॑ధార, న గ॒తమ॑నా] 27
న గ॒తమ॑నా భవ॒త్యప॒ వై తృ॑తీయసవ॒నే య॒జ్ఞః క్రా॑మతీజా॒నా-దనీ॑జానమ॒భ్యా᳚-గ్నావైష్ణ॒వ్యర్చా ఘృ॒తస్య॑ యజత్య॒గ్ని-స్సర్వా॑ దే॒వతా॒ విష్ణు॑ర్య॒జ్ఞో దే॒వతా᳚శ్చై॒వ య॒జ్ఞ-ఞ్చ॑ దాధారోపా॒గ్ం॒శు య॑జతి మిథున॒త్వాయ॑ బ్రహ్మవా॒దినో॑ వదన్తి మి॒త్రో య॒జ్ఞస్య॒ స్వి॑ష్టం-యుఀవతే॒ వరు॑ణో॒ దురి॑ష్ట॒-ఙ్క్వ॑ తర్హి॑ య॒జ్ఞః క్వ॑ యజ॑మానో భవ॒తీతి॒ యన్మై᳚త్రావరు॒ణీం-వఀ॒శామా॒లభ॑తే మి॒త్రేణై॒వ [ ] 28
య॒జ్ఞస్య॒ స్వి॑ష్టగ్ం శమయతి॒ వరు॑ణేన॒ దురి॑ష్ట॒-న్నా-ఽఽర్తి॒మార్చ్ఛ॑తి॒ యజ॑మానో॒ యథా॒ వై లాఙ్గ॑లేనో॒ర్వరా᳚-మ్ప్రభి॒న్దన్-త్యే॒వమృ॑ఖ్సా॒మే య॒జ్ఞ-మ్ప్ర భి॑న్తో॒ యన్మై᳚త్రావరు॒ణీం-వఀ॒శామా॒లభ॑తే య॒జ్ఞాయై॒వ ప్రభి॑న్నాయ మ॒త్య॑మ॒న్వవా᳚స్యతి॒ శాన్త్యై॑ యా॒తయా॑మాని॒ వా ఏ॒తస్య॒ ఛన్దాగ్ం॑సి॒ య ఈ॑జా॒న-శ్ఛన్ద॑సామే॒ష రసో॒ య-ద్వ॒శా యన్మై᳚త్రావరు॒ణీం-వఀ॒శామా॒లభ॑తే॒ ఛన్దాగ్॑స్యే॒వ పున॒రా ప్రీ॑ణా॒త్య యా॑తయామత్వా॒యాథో॒ ఛన్ద॑స్స్వే॒వ రస॑-న్దధాతి ॥ 29 ॥
(అవ॑ – దాధార – మి॒త్రేణై॒వ – ప్రీ॑ణాతి॒ – షట్చ॑) (అ. 7)
దే॒వా వా ఇ॑న్ద్రి॒యం-వీఀ॒ర్యాం᳚(1॒) వ్యఀ ॑భజన్త॒ తతో॒ యద॒త్యశి॑ష్యత॒ తద॑తిగ్రా॒హ్యా॑ అభవ॒-న్తద॑తిగ్రా॒హ్యా॑ణా-మతిగ్రాహ్య॒త్వం-యఀద॑తిగ్రా॒హ్యా॑ గృ॒హ్యన్త॑ ఇన్ద్రి॒యమే॒వ త-ద్వీ॒ర్యం॑-యఀజ॑మాన ఆ॒త్మ-న్ధ॑త్తే॒ తేజ॑ ఆగ్నే॒యేనే᳚న్ద్రి॒య-మై॒న్ద్రేణ॑ బ్రహ్మవర్చ॒సగ్ం సౌ॒ర్యేణో॑ప॒స్తమ్భ॑నం॒-వాఀ ఏ॒త-ద్య॒జ్ఞస్య॒ యద॑తిగ్రా॒హ్యా᳚శ్చ॒క్రే పృ॒ష్ఠాని॒ య-త్పృష్ఠ్యే॒ న గృ॑హ్ణీ॒యా-త్ప్రాఞ్చం॑-యఀ॒జ్ఞ-మ్పృ॒ష్ఠాని॒ సగ్ం శృ॑ణీయు॒ర్య-దు॒క్థ్యే॑ [-దు॒క్థ్యే᳚, గృ॒హ్ణీ॒యా-త్ప్ర॒త్యఞ్చం॑-] 30
గృహ్ణీ॒యా-త్ప్ర॒త్యఞ్చం॑-యఀ॒జ్ఞమ॑తిగ్రా॒హ్యా᳚-స్సగ్ం శృ॑ణీయుర్విశ్వ॒జితి॒ సర్వ॑పృష్ఠే గ్రహీత॒వ్యా॑ య॒జ్ఞస్య॑ సవీర్య॒త్వాయ॑ ప్ర॒జాప॑తిర్దే॒వేభ్యో॑ య॒జ్ఞాన్ వ్యాది॑శ॒-థ్స ప్రి॒యాస్త॒నూరప॒ న్య॑ధత్త॒ తద॑తిగ్రా॒హ్యా॑ అభవ॒న్ విత॑ను॒స్తస్య॑ య॒జ్ఞ ఇత్యా॑హు॒ర్య-స్యా॑తిగ్రా॒హ్యా॑ న గృ॒హ్యన్త॒ ఇత్యప్య॑గ్నిష్టో॒మే గ్ర॑హీత॒వ్యా॑ య॒జ్ఞస్య॑ సతను॒త్వాయ॑ దే॒వతా॒ వై సర్వా᳚-స్స॒దృశీ॑రాస॒-న్తా న వ్యా॒వృత॑-మగచ్ఛ॒-న్తే దే॒వా [దే॒వాః, ఏ॒త ఏ॒తా-న్గ్రహా॑-] 31
ఏ॒త ఏ॒తా-న్గ్రహా॑-నపశ్య॒-న్తాన॑గృహ్ణతా-ఽఽగ్నే॒ యమ॒గ్నిరై॒న్ద్రమిన్ద్ర॑-స్సౌ॒ర్యగ్ం సూర్య॒స్తతో॒ వై తే᳚-ఽన్యాభి॑-ర్దే॒వతా॑భి-ర్వ్యా॒వృత॑మగచ్ఛ॒న్॒. యస్యై॒వం-విఀ॒దుష॑ ఏ॒తే గ్రహా॑ గృ॒హ్యన్తే᳚ వ్యా॒వృత॑మే॒వ పా॒ప్మనా॒ భ్రాతృ॑వ్యేణ గచ్ఛతీ॒మే లో॒కా జ్యోతి॑ష్మన్త-స్స॒మావ॑-ద్వీర్యాః కా॒ర్యా॑ ఇత్యా॑హురాగ్నే॒యేనా॒స్మి-ల్లోఀ॒కే జ్యోతి॑ర్ధత్త ఐ॒న్ద్రేణా॒న్తరి॑ఖ్ష ఇన్ద్రవా॒యూ హి స॒యుజౌ॑ సౌ॒ర్యేణా॒ముష్మి॑-ల్లోఀ॒కే [ ] 32
జ్యోతి॑ర్ధత్తే॒ జ్యోతి॑ష్మన్తో-ఽస్మా ఇ॒మే లో॒కా భ॑వన్తి స॒మావ॑-ద్వీర్యానేనాన్ కురుత ఏ॒తాన్. వై గ్రహా᳚-న్బ॒బాం-వి॒శ్వవ॑యసా-వవిత్తా॒-న్తాభ్యా॑మి॒మే లో॒కాః పరా᳚ఞ్చశ్చా॒ర్వాఞ్చ॑శ్చ॒ ప్రాభు॒ర్యస్యై॒వం-విఀ॒దుష॑ ఏ॒తే గ్రహా॑ గృ॒హ్యన్తే॒ ప్రాస్మా॑ ఇ॒మే లో॒కాః పరా᳚ఞ్చశ్చా॒ర్వాఞ్చ॑శ్చ భాన్తి ॥ 33 ॥
(ఉ॒క్థ్యే॑ – దే॒వా – అ॒ముష్మి॑-ల్లోఀ॒క – ఏకా॒న్నచ॑త్వారి॒గ్ం॒శచ్చ॑) (అ. 8)
దే॒వా వై య-ద్య॒జ్ఞే-ఽకు॑ర్వత॒ తదసు॑రా అకుర్వత॒ తే దే॒వా అదా᳚భ్యే॒ ఛన్దాగ్ం॑సి॒ సవ॑నాని॒ సమ॑స్థాపయ॒-న్తతో॑ దే॒వా అభ॑వ॒-న్పరా-ఽసు॑రా॒ యస్యై॒వం-విఀ॒దుషో-ఽదా᳚భ్యో గృ॒హ్యతే॒ భవ॑త్యా॒త్మనా॒ పరా᳚-ఽస్య॒ భ్రాతృ॑వ్యో భవతి॒ యద్వై దే॒వా అసు॑రా॒-నదా᳚భ్యే॒-నాద॑భ్నువ॒-న్తదదా᳚భ్యస్యా-దాభ్య॒ త్వం-యఀ ఏ॒వం-వేఀద॑ ద॒భ్నోత్యే॒వ భ్రాతృ॑వ్య॒-న్నైన॒-మ్భ్రాతృ॑వ్యో దభ్నో- [దభ్నోతి, ఏ॒షా వై] 34
-త్యే॒షా వై ప్ర॒జాప॑తే-రతిమో॒ఖ్షిణీ॒ నామ॑ త॒నూర్యదదా᳚భ్య॒ ఉప॑నద్ధస్య గృహ్ణా॒త్యతి॑ముక్త్యా॒ అతి॑ పా॒ప్మాన॒-మ్భ్రాతృ॑వ్య-మ్ముచ్యతే॒ య ఏ॒వం-వేఀద॒ ఘ్నన్తి॒ వా ఏ॒త-థ్సోమం॒-యఀద॑భిషు॒ణ్వన్తి॒ సోమే॑ హ॒న్యమా॑నే య॒జ్ఞో హ॑న్యతే య॒జ్ఞే యజ॑మానో బ్రహ్మవా॒దినో॑ వదన్తి॒ కి-న్త-ద్య॒జ్ఞే యజ॑మానః కురుతే॒ యేన॒ జీవన్᳚-థ్సువ॒ర్గం-లోఀ॒కమేతీతి॑ జీవగ్ర॒హో వా ఏ॒ష యదదా॒భ్యో ఽన॑భిషుతస్య గృహ్ణాతి॒ జీవ॑న్తమే॒వైనగ్ం॑ సువ॒ర్గం లోఀ॒క-ఙ్గ॑మయతి॒ వి వా ఏ॒త-ద్య॒జ్ఞ-ఞ్ఛి॑న్దన్తి॒ యదదా᳚భ్యే సగ్గ్-స్థా॒పయ॑-న్త్య॒గ్ం॒శూనపి॑ సృజతి య॒జ్ఞస్య॒ సన్త॑త్యై ॥ 35 ॥
(ద॒భ్నో॒త్య – న॑భిషుతస్య గృహ్ణా॒త్యే – కా॒న్నవిగ్ం॑శ॒తిశ్చ॑) (అ. 9)
దే॒వా వై ప్ర॒బాహు॒గ్గ్రహా॑-నగృహ్ణత॒ స ఏ॒త-మ్ప్ర॒జాప॑తి-ర॒గ్ం॒శు-మ॑పశ్య॒-త్తమ॑గృహ్ణీత॒ తేన॒ వై స ఆ᳚ర్ధ్నో॒-ద్యస్యై॒వం-విఀ॒దుషో॒-ఽగ్ం॒శు-ర్గృ॒హ్యత॑ ఋ॒ద్ధ్నోత్యే॒వ స॒కృద॑భిషుతస్య గృహ్ణాతి స॒కృద్ధి స తేనా-ఽఽర్ధ్నో॒న్మన॑సా గృహ్ణాతి॒ మన॑ ఇవ॒ హి ప్ర॒జాప॑తిః ప్ర॒జాప॑తే॒రాప్త్యా॒ ఔదు॑మ్బరేణ గృహ్ణా॒త్యూర్గ్వా ఉ॑దు॒మ్బర॒ ఊర్జ॑మే॒వావ॑ రున్ధే॒ చతు॑స్స్రక్తి భవతి ది॒- [భవతి ది॒ఖ్షు, ఏ॒వ ప్రతి॑ తిష్ఠతి॒] 36
-ఖ్ష్వే॑వ ప్రతి॑ తిష్ఠతి॒ యో వా అ॒గ్ం॒శోరా॒యత॑నం॒-వేఀదా॒-ఽఽయత॑నవా-న్భవతి వామదే॒వ్యమితి॒ సామ॒ తద్వా అ॑స్యా॒-ఽఽయత॑న॒-మ్మన॑సా॒ గాయ॑మానో గృహ్ణాత్యా॒యత॑నవానే॒వ భ॑వతి॒ యద॑ద్ధ్వ॒ర్యుర॒గ్ం॒శు-ఙ్గృ॒హ్ణ-న్నార్ధయే॑దు॒భాభ్యా॒-న్నర్ధ్యే॑తాద్ధ్వ॒ర్యవే॑ చ॒ యజ॑మానాయ చ॒ యద॒ర్ధయే॑-దు॒భాభ్యా॑-మృద్ధ్యే॒తాన॑వాన-ఙ్గృహ్ణాతి॒ సైవాస్యర్ధి॒ర్॒. హిర॑ణ్యమ॒భి వ్య॑నిత్య॒మృతం॒-వైఀ హిర॑ణ్య॒మాయుః॑ ప్రా॒ణ ఆయు॑షై॒వామృత॑మ॒భి ధి॑నోతి శ॒తమా॑న-మ్భవతి శ॒తాయుః॒ పురు॑ష-శ్శ॒తేన్ద్రి॑య॒ ఆయు॑ష్యే॒వేన్ద్రి॒యే ప్రతి॑ తిష్ఠతి ॥ 37 ॥
(ది॒ఖ్ష్వ॑ – నితి – విగ్ంశ॒తిశ్చ॑) (అ. 10)
ప్ర॒జాప॑తి-ర్దే॒వేభ్యో॑ య॒జ్ఞాన్ వ్యాది॑శ॒-థ్స రి॑రిచా॒నో॑-ఽమన్యత॒ స య॒జ్ఞానాగ్ం॑ షోడశ॒ధేన్ద్రి॒యం-వీఀ॒ర్య॑మా॒త్మాన॑మ॒భి సమ॑క్ఖిద॒-త్త-థ్షో॑డ॒శ్య॑భవ॒న్న వై షో॑డ॒శీ నామ॑ య॒జ్ఞో᳚-ఽస్తి॒ యద్వావ షో॑డ॒శగ్గ్ స్తో॒త్రగ్ం షో॑డ॒శగ్ం శ॒స్త్ర-న్తేన॑ షోడ॒శీ త-థ్షో॑డ॒శిన॑-ష్షోడశి॒త్వం-యఀ-థ్షో॑డ॒శీ గృ॒హ్యత॑ ఇన్ద్రి॒యమే॒వ త-ద్వీ॒ర్యం॑-యఀజ॑మాన ఆ॒త్మ-న్ధ॑త్తే దే॒వేభ్యో॒ వై సు॑వ॒ర్గో లో॒కో [లో॒కః, న ప్రాభ॑వ॒-త్త] 38
న ప్రాభ॑వ॒-త్త ఏ॒తగ్ం షో॑డ॒శిన॑మపశ్య॒-న్తమ॑గృహ్ణత॒ తతో॒ వై తేభ్య॑-స్సువ॒ర్గో లో॒కః ప్రాభ॑వ॒ద్య-థ్షో॑డ॒శీ గృ॒హ్యతే॑ సువ॒ర్గస్య॑ లో॒కస్యా॒భిజి॑త్యా॒ ఇన్ద్రో॒ వై దే॒వానా॑మానుజావ॒ర ఆ॑సీ॒-థ్స ప్ర॒జాప॑తి॒ముపా॑ధావ॒-త్తస్మా॑ ఏ॒తగ్ం షో॑డ॒శిన॒-మ్ప్రాయ॑చ్ఛ॒-త్తమ॑గృహ్ణీత॒ తతో॒ వై సో-ఽగ్ర॑-న్దే॒వతా॑నా॒-మ్పర్యై॒-ద్యస్యై॒వం-విఀ॒దుష॑-ష్షోడ॒శీ గృ॒హ్యతే- [గృ॒హ్యతే᳚, అగ్ర॑మే॒వ] 39
-ఽగ్ర॑మే॒వ స॑మా॒నానా॒-మ్పర్యే॑తి ప్రాతస్సవ॒నే గృ॑హ్ణాతి॒ వజ్రో॒ వై షో॑డ॒శీ వజ్రః॑ ప్రాతస్సవ॒నగ్గ్ స్వాదే॒వైనం॒-యోఀనే॒ర్నిగృ॑హ్ణాతి॒ సవ॑నేసవనే॒-ఽభి గృ॑హ్ణాతి॒ సవ॑నాథ్సవనాదే॒వైన॒-మ్ప్ర జ॑నయతి తృతీయసవ॒నే ప॒శుకా॑మస్య గృహ్ణీయా॒-ద్వజ్రో॒ వై షో॑డ॒శీ ప॒శవ॑స్తృతీయసవ॒నం-వఀజ్రే॑ణై॒వాస్మై॑ తృతీయసవ॒నా-త్ప॒శూనవ॑ రున్ధే॒ నోక్థ్యే॑ గృహ్ణీయా-త్ప్ర॒జా వై ప॒శవ॑ ఉ॒క్థాని॒ యదు॒క్థ్యే॑- [యదు॒క్థ్యే᳚, గృ॒హ్ణీ॒యా-త్ప్ర॒జా-] 40
గృహ్ణీ॒యా-త్ప్ర॒జా-మ్ప॒శూన॑స్య॒ నిర్ద॑హేదతిరా॒త్రే ప॒శుకా॑మస్య గృహ్ణీయా॒-ద్వజ్రో॒ వై షో॑డ॒శీ వజ్రే॑ణై॒వాస్మై॑ ప॒శూన॑వ॒రుద్ధ్య॒ రాత్రి॑-యో॒పరి॑ష్టా-చ్ఛమయ॒త్యప్య॑గ్నిష్టో॒మే రా॑జ॒న్య॑స్య గృహ్ణీయా-ద్వ్యా॒వృత్కా॑మో॒ హి రా॑జ॒న్యో॑ యజ॑తే సా॒హ్న ఏ॒వాస్మై॒ వజ్ర॑-ఙ్గృహ్ణాతి॒ స ఏ॑నం॒-వఀజ్రో॒ భూత్యా॑ ఇన్ధే॒ నిర్వా॑ దహ-త్యేకవి॒గ్ం॒శగ్గ్ స్తో॒త్ర-మ్భ॑వతి॒ ప్రతి॑ష్ఠిత్యై॒ హరి॑వచ్ఛస్యత॒ ఇన్ద్ర॑స్య ప్రి॒య-న్ధామో- [ప్రి॒య-న్ధామ॑, ఉపా᳚-ఽఽప్నోతి॒] 41
-పా᳚-ఽఽప్నోతి॒ కనీ॑యాగ్ంసి॒ వై దే॒వేషు॒ ఛన్దా॒గ్॒స్యాస॒న్-జ్యాయా॒గ్॒-స్యసు॑రేషు॒ తే దే॒వాః కనీ॑యసా॒ ఛన్ద॑సా॒ జ్యాయ॒-శ్ఛన్దో॒-ఽభి వ్య॑శగ్ంస॒-న్తతో॒ వై తే-ఽసు॑రాణాం-లోఀ॒కమ॑వృఞ్జత॒ య-త్కనీ॑యసా॒ ఛన్ద॑సా॒ జ్యాయ॒-శ్ఛన్దో॒-ఽభివి॒శగ్ంస॑తి॒ భ్రాతృ॑వ్యస్యై॒వ తల్లో॒కం-వృఀ ॑ఙ్క్తే॒ షడ॒ఖ్షరా॒ణ్యతి॑ రేచయన్తి॒ ష-డ్వా ఋ॒తవ॑ ఋ॒తూనే॒వ ప్రీ॑ణాతి చ॒త్వారి॒ పూర్వా॒ణ్యవ॑ కల్పయన్తి॒ [కల్పయన్తి, చతు॑ష్పద ఏ॒వ] 42
చతు॑ష్పద ఏ॒వ ప॒శూనవ॑ రున్ధే॒ ద్వే ఉత్త॑రే ద్వి॒పద॑ ఏ॒వావ॑ రున్ధే ఽను॒ష్టుభ॑మ॒భి స-మ్పా॑దయన్తి॒ వాగ్వా అ॑ను॒ష్టు-ప్తస్మా᳚-త్ప్రా॒ణానాం॒-వాఀగు॑త్త॒మా స॑మయావిషి॒తే సూర్యే॑ షోడ॒శిన॑-స్స్తో॒త్ర-ము॒పాక॑రోత్యే॒తస్మి॒న్ వై లో॒క ఇన్ద్రో॑ వృ॒త్రమ॑హన్-థ్సా॒ఖ్షాదే॒వ వజ్ర॒-మ్భ్రాతృ॑వ్యాయ॒ ప్ర హ॑ర-త్యరుణపిశ॒ఙ్గో-ఽశ్వో॒ దఖ్షి॑ణై॒తద్వై వజ్ర॑స్య రూ॒పగ్ం సమృ॑ద్ధ్యై ॥ 43 ॥
(లో॒కో – వి॒దుష॑-ష్షోడ॒శీ గృ॒హ్యతే॒ – యదు॒క్థ్యే॑ – ధామ॑ – కల్పయన్తి – స॒ప్తచ॑త్వారిగ్ంశచ్చ) (అ. 11)
(సు॒వ॒ర్గాయ॒ య-ద్దా᳚ఖ్షి॒ణాని॑ – సమిష్ట య॒జూగ్ – ష్య॑వభృథ య॒జూగ్ంషి॒ – స్ఫ్యేన॑ – ప్ర॒జాప॑తిరేకాద॒శినీ॒ – మిన్ద్రః॒ పత్ని॑యా॒ – ఘ్నన్తి॑ – దే॒వా వా ఇ॑న్ద్రి॒యం-వీఀ॒ర్యం॑ – దే॒వా వా అదా᳚భ్యే – దే॒వా వై ప్ర॒బాహు॑క్ – ప్ర॒జాప॑తిర్దే॒వేభ్య॒-స్స రి॑రిచా॒నః – షో॑డశ॒ధైకా॑దశ) (11)
(సు॒వ॒ర్గాయ॑ – యజతి ప్ర॒జాః – సౌ॒మ్యేన॑ – గృహ్ణీ॒యా-త్ప్ర॒త్యఞ్చం॑ – గృహ్ణీ॒యా-త్ప్ర॒జా-మ్ప॒శూన్ – త్రిచ॑త్వారిగ్ంశత్) (43)
(సు॒వ॒ర్గాయ॒, వజ్ర॑స్య రూ॒పగ్ం సమృ॑ద్ధ్యై)
(ప్రా॒చీన॑వగ్ంశం॒ – య – చ్చా॒త్వాలా᳚ – ద్య॒జ్ఞేనే – న్ద్రః॑ – సు॒వర్గాయ॒ – షట్ ) (6)
॥ హరిః॑ ఓమ్ ॥
॥ కృష్ణ యజుర్వేదీయ తైత్తిరీయ సంహితాయాం షష్ఠకాణ్డే షష్ఠః ప్రశ్న-స్సమాప్తః ॥