na bhūmirna tōyaṃ na tējō na vāyuḥ
na khaṃ nēndriyaṃ vā na tēṣāṃ samūhaḥ
anēkāntikatvātsuṣuptyēkasiddhaḥ
tadēkō’vaśiṣṭaḥ śivaḥ kēvalō’ham ॥ 1 ॥
na varṇā na varṇāśramāchāradharmā
na mē dhāraṇādhyānayōgādayōpi
anātmāśrayāhaṃ mamādhyāsahānā-
tadēkō’vaśiṣṭaḥ śivaḥ kēvalō’ham ॥ 2 ॥
na mātā pitā vā na dēvā na lōkā
na vēdā na yajñā na tīrtha bruvanti
suṣuptau nirastātiśūnyātmakatvā-
tadēkō’vaśiṣṭaḥ śivaḥ kēvalō’ham ॥ 3 ॥
na sāṅkhyaṃ na śaivaṃ na tatpāñcharātraṃ
na jainaṃ na mīmāṃsakādērmataṃ vā
viśiṣṭānubhūtyā viśuddhātmakatvā-
tadēkō’vaśiṣṭaḥ śivaḥ kēvalō’ham ॥ 4 ॥
na chōrdhvaṃ na chādhō na chāntarna bāhyaṃ
na madhyaṃ na tiryanna pūrvā’parā dik
viyadvyāpakatvādakhaṇḍaikarūpaḥ
tadēkō’vaśiṣṭaḥ śivaḥ kēvalō’ham ॥ 5 ॥
na śuklaṃ na kṛṣṇaṃ na raktaṃ na pītaṃ
na kubjaṃ na pīnaṃ na hrasvaṃ na dīrghaṃ
arūpaṃ tathā jyōtirākārakatvā-
tadēkō’vaśiṣṭaḥ śivaḥ kēvalō’ham ॥ 6 ॥
na śāstā na śāstraṃ na śiṣyō na śikṣā
na cha tvaṃ na chāhaṃ na chāyaṃ prapañchaḥ
svarūpāvabōdhī vikalpāsahiṣṇuḥ
tadēkō’vaśiṣṭaḥ śivaḥ kēvalō’ham ॥ 7 ॥
na jāgranna mē svapnakō vā suṣuptiḥ
na viśvō na vā taijasaḥ pājñakō vā
avidyātmakatvāttrayāṇaṃ turīyaḥ
tadēkō’vaśiṣṭaḥ śivaḥ kēvalō’ham ॥ 8 ॥
api vyāpakatvāddhitatvaprayōgā-
tsvataḥ siddhabhāvādananyāśrayatvāt
jagattuchChamētatsamastaṃ tadanya-
tadēkō’vaśiṣṭaḥ śivaḥ kēvalō’ham ॥ 9 ॥
na chaikaṃ tadanyaddvitīyaṃ kutaḥ syāt
na kēvalatvaṃ na chākēvalatvaṃ
na śūnyaṃ na chāśūnyamadvaitakatvā-
kathaṃ sarvavēdāntasiddhiṃ bravīmi ॥ 10 ॥