Print Friendly, PDF & Email

śuddhōsi buddhōsi nirañjanō’si
saṃsāramāyā parivarjitō’si ।
saṃsārasvapnaṃ tyaja mōhanidrāṃ
madālasōllāpamuvācha putram ॥ 1 ॥

śuddhō’si rē tāta na tē’sti nāma
kṛtaṃ hi tatkalpanayādhunaiva ।
pañchātmakaṃ dēha-midaṃ na tē’sti
naivāsya tvaṃ rōdiṣi kasya hētō ॥ 2 ॥

na vai bhavān rōditi vikṣvajanmā
śabdhōyamāyādhya mahīśa sūnūm ।
vikalpyamānō vividhairguṇaistē
guṇāścha bhautāḥ sakalēndiyēṣu ॥ 3 ॥

bhūtāni bhūtaiḥ paridurbalāni
vṛddhiṃ samāyānti yathēha puṃsaḥ ।
annāmbupānādibhirēva tasmāt
na tēsti vṛddhir na cha tēsti hāniḥ ॥ 4 ॥

tvaṃ kañchukē śīryamāṇē nijōsmin
tasmin dēhē mūḍhatāṃ mā vrajēthāḥ ।
śubhāśubhauḥ karmabhirdēhamētat
mṛdādibhiḥ kañchukastē pinaddhaḥ ॥ 5 ॥

tātēti kiñchit tanayēti kiñchit
ambēti kiñchiddhayitēti kiñchit ।
mamēti kiñchinna mamēti kiñchit
tvaṃ bhūtasaṅghaṃ bahu ma nayēthāḥ ॥ 6 ॥

sukhāni duḥkhōpaśamāya bhōgān
sukhāya jānāti vimūḍhachētāḥ ।
tānyēva duḥkhāni punaḥ sukhāni
jānāti viddhana vimūḍha chētāḥ ॥ 7 ॥

yānaṃ chittau tatra gataścha dēhō
dēhō’pichānyaḥ puruṣō niviṣṭhaḥ ।
mamatvamurōyā na yatha tathāsmin
dēhēti mātraṃ bata mūḍharauṣa ॥ 8 ॥