munīndra–vṛnda–vanditē trilōka–śōka–hāriṇi
prasanna-vaktra-paṇkajē nikuñja-bhū-vilāsini
vrajēndra–bhānu–nandini vrajēndra–sūnu–saṅgatē
kadā kariṣyasīha māṃ kṛpākaṭākṣa–bhājanam ॥1॥
aśōka–vṛkṣa–vallarī vitāna–maṇḍapa–sthitē
pravālabāla–pallava prabhāruṇāṅghri–kōmalē ।
varābhayasphuratkarē prabhūtasampadālayē
kadā kariṣyasīha māṃ kṛpākaṭākṣa–bhājanam ॥2॥
anaṅga-raṇga maṅgala-prasaṅga-bhaṅgura-bhruvāṃ
savibhramaṃ sasambhramaṃ dṛganta–bāṇapātanaiḥ ।
nirantaraṃ vaśīkṛtapratītanandanandanē
kadā kariṣyasīha māṃ kṛpākaṭākṣa–bhājanam ॥3॥
taḍit–suvarṇa–champaka –pradīpta–gaura–vigrahē
mukha–prabhā–parāsta–kōṭi–śāradēndumaṇḍalē ।
vichitra-chitra sañcharachchakōra-śāva-lōchanē
kadā kariṣyasīha māṃ kṛpākaṭākṣa–bhājanam ॥4॥
madōnmadāti–yauvanē pramōda–māna–maṇḍitē
priyānurāga–rañjitē kalā–vilāsa – paṇḍitē ।
ananyadhanya–kuñjarājya–kāmakēli–kōvidē
kadā kariṣyasīha māṃ kṛpākaṭākṣa–bhājanam ॥5॥
aśēṣa–hāvabhāva–dhīrahīrahāra–bhūṣitē
prabhūtaśātakumbha–kumbhakumbhi–kumbhasustani ।
praśastamanda–hāsyachūrṇa pūrṇasaukhya –sāgarē
kadā kariṣyasīha māṃ kṛpākaṭākṣa–bhājanam ॥6॥
mṛṇāla-vāla-vallarī taraṅga-raṅga-dōrlatē
latāgra–lāsya–lōla–nīla–lōchanāvalōkanē ।
lalallulanmilanmanōjña–mugdha–mōhināśritē
kadā kariṣyasīha māṃ kṛpākaṭākṣa–bhājanam ॥7॥
suvarṇamalikāñchita –trirēkha–kambu–kaṇṭhagē
trisūtra–maṅgalī-guṇa–triratna-dīpti–dīdhitē ।
salōla–nīlakuntala–prasūna–guchCha–gumphitē
kadā kariṣyasīha māṃ kṛpākaṭākṣa–bhājanam ॥8॥
nitamba–bimba–lambamāna–puṣpamēkhalāguṇē
praśastaratna-kiṅkiṇī-kalāpa-madhya mañjulē ।
karīndra–śuṇḍadaṇḍikā–varōhasaubhagōrukē
kadā kariṣyasīha māṃ kṛpākaṭākṣa–bhājanam ॥9॥
anēka–mantranāda–mañju nūpurārava–skhalat
samāja–rājahaṃsa–vaṃśa–nikvaṇāti–gauravē ।
vilōlahēma–vallarī–viḍambichāru–chaṅkramē
kadā kariṣyasīha māṃ kṛpākaṭākṣa–bhājanam ॥10॥
ananta–kōṭi–viṣṇulōka–namra–padmajārchitē
himādrijā–pulōmajā–viriñchajā-varapradē ।
apāra–siddhi–ṛddhi–digdha–satpadāṅgulī-nakhē
kadā kariṣyasīha māṃ kṛpākaṭākṣa–bhājanam ॥11॥
makhēśvari kriyēśvari svadhēśvari surēśvari
trivēda–bhāratīśvari pramāṇa–śāsanēśvari ।
ramēśvari kṣamēśvari pramōda–kānanēśvari
vrajēśvari vrajādhipē śrīrādhikē namōstutē ॥12॥
itī mamadbhutaṃ-stavaṃ niśamya bhānunandinī
karōtu santataṃ janaṃ kṛpākaṭākṣa-bhājanam ।
bhavēttadaiva sañchita trirūpa–karma nāśanaṃ
labhēttadā vrajēndra–sūnu–maṇḍala–pravēśanam ॥13॥
rākāyāṃ cha sitāṣṭamyāṃ daśamyāṃ cha viśuddhadhīḥ ।
ēkādaśyāṃ trayōdaśyāṃ yaḥ paṭhētsādhakaḥ sudhīḥ ॥14॥
yaṃ yaṃ kāmayatē kāmaṃ taṃ tamāpnōti sādhakaḥ ।
rādhākṛpākaṭākṣēṇa bhaktiḥsyāt prēmalakṣaṇā ॥15॥
ūrudaghnē nābhidaghnē hṛddaghnē kaṇṭhadaghnakē ।
rādhākuṇḍajalē sthitā yaḥ paṭhēt sādhakaḥ śatam ॥16॥
tasya sarvārtha siddhiḥ syād vāksāmarthyaṃ tathā labhēt ।
aiśvaryaṃ cha labhēt sākṣāddṛśā paśyati rādhikām ॥17॥
tēna sa tatkṣaṇādēva tuṣṭā dattē mahāvaram ।
yēna paśyati nētrābhyāṃ tat priyaṃ śyāmasundaram ॥18॥
nityalīlā–pravēśaṃ cha dadāti śrī-vrajādhipaḥ ।
ataḥ parataraṃ prārthyaṃ vaiṣṇavasya na vidyatē ॥19॥
॥ iti śrīmadūrdhvāmnāyē śrīrādhikāyāḥ kṛpākaṭākṣastōtraṃ sampūrṇam ॥