sarvēśaṃ paramēśaṃ śrīpārvatīśaṃ vandē’haṃ viśvēśaṃ śrīpannagēśam ।
śrīsāmbaṃ śambhuṃ śivaṃ trailōkyapūjyaṃ vandē’haṃ trainētraṃ śrīkaṇṭhamīśam ॥ 1॥
bhasmāmbaradharamīśaṃ surapārijātaṃ bilvārchitapadayugalaṃ sōmaṃ sōmēśam ।
jagadālayapariśōbhitadēvaṃ paramātmaṃ vandē’haṃ śivaśaṅkaramīśaṃ dēvēśam ॥ 2॥
kailāsapriyavāsaṃ karuṇākaramīśaṃ kātyāyanīvilasitapriyavāmabhāgam ।
praṇavārchitamātmārchitaṃ saṃsēvitarūpaṃ vandē’haṃ śivaśaṅkaramīśaṃ dēvēśam ॥ 3॥
manmathanijamadadahanaṃ dākṣāyanīśaṃ nirguṇaguṇasambharitaṃ kaivalyapuruṣam ।
bhaktānugrahavigrahamānandajaikaṃ vandē’haṃ śivaśaṅkaramīśaṃ dēvēśam ॥ 4॥
suragaṅgāsamplāvitapāvananijaśikharaṃ samabhūṣitaśaśibimbaṃ jaṭādharaṃ dēvam ।
niratōjjvaladāvānalanayanaphālabhāgaṃ vandē’haṃ śivaśaṅkaramīśaṃ dēvēśam ॥ 5॥
śaśisūryanētradvayamārādhyapuruṣaṃ surakinnarapannagamayamīśaṃ saṅkāśam ।
śaravaṇabhavasampūjitanijapādapadmaṃ vandē’haṃ śivaśaṅkaramīśaṃ dēvēśam ॥ 6॥
śrīśailapuravāsaṃ īśaṃ mallīśaṃ śrīkālahastīśaṃ svarṇamukhīvāsam ।
kāñchīpuramīśaṃ śrīkāmākṣītējaṃ vandē’haṃ śivaśaṅkaramīśaṃ dēvēśam ॥ 7॥
tripurāntakamīśaṃ aruṇāchalēśaṃ dakṣiṇāmūrtiṃ guruṃ lōkapūjyam ।
chidambarapuravāsaṃ pañchaliṅgamūrtiṃ vandē’haṃ śivaśaṅkaramīśaṃ dēvēśam ॥ 8॥
jyōtirmayaśubhaliṅgaṃ saṅkhyātrayanāṭyaṃ trayīvēdyamādyaṃ pañchānanamīśam ।
vēdādbhutagātraṃ vēdārṇavajanitaṃ vēdāgraṃ viśvāgraṃ śrīviśvanātham ॥ 9॥