athāsśṭamō’dhyāyaḥ ।
sukhaṃ aindriyakaṃ rājan svargē narakaḥ ēva cha ।
dēhinaḥ yat yathā duḥkhaṃ tasmāt na ichChēta tat budhāḥ ॥ 1॥
grāsaṃ sumṛṣṭaṃ virasaṃ mahāntaṃ stōkaṃ ēva vā ।
yadṛchChayā ēva apatitaṃ grasēt ājagaraḥ akriyaḥ ॥ 2॥
śayīta ahāni bhūrīṇi nirāhāraḥ anupakramaḥ ।
yadi na upanamēt grāsaḥ mahāhiḥ iva diṣṭabhuk ॥ 3॥
ōjaḥ sahōbalayutaṃ bibhrat dēhaṃ akarmakam ।
śayānaḥ vītanidraḥ cha nēhēta indriyavān api ॥ 4॥
muniḥ prasannagambhīraḥ durvigāhyaḥ duratyayaḥ ।
anantapāraḥ hi akṣōbhyaḥ stimita udaḥ iva arṇavaḥ ॥ 5॥
samṛddhakāmaḥ hīnaḥ vā nārāyaṇaparaḥ muniḥ ।
na utsarpēta na śuṣyēta saridbhiḥ iva sāgaraḥ ॥ 6॥
dṛṣṭvā striyaṃ dēvamāyāṃ tat bhāvaiḥ ajitēndriyaḥ ।
pralōbhitaḥ patati andhē tamasi agnau pataṅgavat ॥ 7॥
yōṣit hiraṇya ābharaṇa ambarādi
dravyēṣu māyārachitēṣu mūḍhaḥ ।
pralōbhitātmā hi upabhōgabuddhyā
pataṅgavat naśyati naṣṭadṛṣṭiḥ ॥ 8॥
stōkaṃ stōkaṃ grasēt grāsaṃ dēhaḥ vartēta yāvatā ।
gṛhān ahiṃsat na ātiṣṭhēt vṛttiṃ mādhukarīṃ muniḥ ॥ 9॥
aṇubhyaḥ cha mahadbhyaḥ cha śāstrēbhyaḥ kuśalaḥ naraḥ ।
sarvataḥ sāraṃ ādadyāt puṣpēbhyaḥ iva ṣaṭpadaḥ ॥ 10॥
sāyantanaṃ śvastanaṃ vā na saṅgṛhṇīta bhikṣitam ।
pāṇipātra udarāmatraḥ makṣikā iva na saṅgrahī ॥ 11॥
sāyantanaṃ śvastanaṃ vā na saṅgṛhṇīta bhikṣukaḥ ।
makṣikāḥ iva saṅgṛhṇan saha tēna vinaśyati ॥ 12॥
pada api yuvatīṃ bhikṣuḥ na spṛśēt dāravīṃ api ।
spṛśan karīva badhyēta kariṇyā aṅgasaṅgataḥ ॥ 13॥
na adhigachChēt striyaṃ prājñaḥ karhichit mṛtyuṃ ātmanaḥ ।
bala adhikaiḥ sa hanyēta gajaiḥ anyaiḥ gajaḥ yathā ॥ 14॥
na dēyaṃ na upabhōgyaṃ cha lubdhaiḥ yat duḥkha sañchitam ।
bhuṅktē tat api tat cha anyaḥ madhuhēva arthavit madhu ॥ 15॥
sukha duḥkha upārjitaiḥ vittaiḥ āśāsānāṃ gṛha āśiṣaḥ ।
madhuhēva agrataḥ bhuṅktē yatiḥ vai gṛhamēdhinām ॥ 16॥
grāmyagītaṃ na śruṇuyāt yatiḥ vanacharaḥ kvachit ।
śikhēta hariṇāt vaddhāt mṛgayōḥ gītamōhitāt ॥ 17॥
nṛtyavāditragītāni juṣan grāmyāṇi yōṣitām ।
āsāṃ krīḍanakaḥ vaśyaḥ ṛṣyaśaṛṅgaḥ mṛgīsutaḥ ॥ 18॥
jihvayā atipramāthinyā janaḥ rasavimōhitaḥ ।
mṛtyuṃ ṛchChati asat buddhiḥ mīnaḥ tu baḍiśaiḥ yathā ॥ 19॥
indriyāṇi jayanti āśuḥ nirāhārāḥ manīṣiṇaḥ ।
varjayitvā tu rasanaṃ tat nirannasya vardhatē ॥ 20॥
tāvat jitēndriyaḥ na syāt vijitāni indriyaḥ pumān ।
na jayēt rasanaṃ yāvat jitaṃ sarvaṃ jitē rasē ॥ 21॥
piṅgalā nāma vēśyā āsīt vidēhanagarē purā ।
tasyā mē śikṣitaṃ kiñchit nibōdha nṛpanandana ॥ 22॥
sā svairiṇyēkadā kāntaṃ saṅkēta upanēṣyatī ।
abhūtkālē bahirdvāri bibhratī rūpamuttamam ॥ 23॥
mārga āgachChatō vīkṣya puruṣānpuruṣarṣabha ।
tān śulkadānvittavataḥ kāntānmēnē’rthakāmukā ॥ 24॥
āgatēṣvapayātēṣu sā saṅkētōpajīvanī ।
apyanyō vittavānkō’pi māmupaiṣyati bhūridaḥ ॥ 25॥
ēavaṃ durāśayā dhvastanidrā dvāryavalambatī ।
nirgachChantī praviśatī niśīthaṃ samapadyata ॥ 26॥
tasyā vittāśayā śuṣyadvaktrāyā dīnachētasaḥ ।
nirvēdaḥ paramō jajñē chintāhētuḥ sukhāvahaḥ ॥ 27॥
tasyā nirviṇṇachittāyā gītaṃ śruṇu yathā mama ।
nirvēda āśāpāśānāṃ puruṣasya yathā hyasiḥ ॥ 28॥
na hi aṅgājātanirvēdaḥ dēhabandhaṃ jihāsati ।
yathā vijñānarahitaḥ manujaḥ mamatāṃ nṛpa ॥ 29॥
piṅgalā uvācha ।
ahō mē mōhavitatiṃ paśyata avijita ātmanaḥ ।
yā kāntāt asataḥ kāmaṃ kāmayē yēna bāliśā ॥ 30॥
santaṃ samīpē ramaṇaṃ ratipradaṃ
vittapradaṃ nityaṃ imaṃ vihāya ।
akāmadaṃ duḥkhabhaya ādi śōka
mōhapradaṃ tuchChaṃ ahaṃ bhajē ajñā ॥ 31॥
ahō mayātmā paritāpitō vṛthā
sāṅkētyavṛttyā’tivigarhyavārtayā ।
straiṇānnarādyā’rthatṛṣō’nuśōchyā
tkrītēna vittaṃ ratimātmanēchChatī ॥ 32॥
yadasthibhirnirmitavaṃśavaṃśya
sthūṇaṃ tvachā rōmanakhaiḥ pinaddham ।
kṣarannavadvāramagāramētad
viṇmūtrapūrṇaṃ madupaiti kānyā ॥ 33॥
vidēhānāṃ purē hyasminnahamēkaiva mūḍhadhīḥ ।
yā’nyasmichChantyasatyasmādātmadātkāmamachyutāt ॥ 34॥
suhṛtprēṣṭhatamō nātha ātmā chāyaṃ śarīriṇām ।
taṃ vikrīyātmanaivāhaṃ ramē’nēna yathā ramā ॥ 35॥
kiyatpriyaṃ tē vyabhajankāmā yē kāmadā narāḥ ।
ādyantavantō bhāryāyā dēvā vā kālavidrutāḥ ॥ 36॥
nūnaṃ mē bhagavān prītaḥ viṣṇuḥ kēna api karmaṇā ।
nirvēdaḥ ayaṃ durāśāyā yat mē jātaḥ sukhāvahaḥ ॥ 37॥
maivaṃ syurmandabhagyāyāḥ klēśā nirvēdahētavaḥ ।
yēnānubandhaṃ nihṛtya puruṣaḥ śamamṛchChati ॥ 38॥
tēna upakṛtaṃ ādāya śirasā grāmyasaṅgatāḥ ।
tyaktvā durāśāḥ śaraṇaṃ vrajāmi taṃ adhīśvaram ॥ 39॥
santuṣṭā śraddadhatyētadyathālābhēna jīvatī ।
viharāmyamunaivāhamātmanā ramaṇēna vai ॥ 40॥
saṃsārakūpē patitaṃ viṣayairmuṣitēkṣaṇam ।
grastaṃ kālāhinā”tmānaṃ kō’nyastrātumadhīśvaraḥ ॥ 41॥
ātmā ēva hi ātmanaḥ gōptā nirvidyēta yadākhilāt ।
apramattaḥ idaṃ paśyat grastaṃ kālāhinā jagat ॥ 42॥
brāhmaṇa uvācha ।
ēavaṃ vyavasitamatirdurāśāṃ kāntatarṣajām ।
Chitvōpaśamamāsthāya śayyāmupavivēśa sā ॥ 43॥
āśā hi paramaṃ duḥkhaṃ nairāśyaṃ paramaṃ sukham ।
yathā sañChidya kāntāśāṃ sukhaṃ suṣvāpa piṅgalā ॥ 44॥
iti śrīmadbhāgavatē mahāpurāṇē pāramahaṃsyāṃ
saṃhitāyāmēkādaśaskandhē piṅgalōpākhyā’nēṣṭamō’dhyāyaḥ ॥