Print Friendly, PDF & Email

karturājñayā prāpyatē phalam ।
karma kiṃ paraṃ karma tajjaḍam ॥ 1 ॥

kṛtimahōdadhau patanakāraṇam ।
phalamaśāśvataṃ gatinirōdhakam ॥ 2 ॥

īśvarārpitaṃ nēchChayā kṛtam ।
chittaśōdhakaṃ muktisādhakam ॥ 3 ॥

kāyavāṅmanaḥ kāryamuttamam ।
pūjanaṃ japaśchintanaṃ kramāt ॥ 4 ॥

jagata īśadhī yuktasēvanam ।
aṣṭamūrtibhṛddēvapūjanam ॥ 5 ॥

uttamastavāduchchamandataḥ ।
chittajaṃ japadhyānamuttamam ॥ 6 ॥

ājyadhārayā srōtasā samam ।
saralachintanaṃ viralataḥ param ॥ 7 ॥

bhēdabhāvanāt sō’hamityasau ।
bhāvanā’bhidā pāvanī matā ॥ 8 ॥

bhāvaśūnyasadbhāvasusthitiḥ ।
bhāvanābalādbhaktiruttamā ॥ 9 ॥

hṛtsthalē manaḥ svasthatā kriyā ।
bhaktiyōgabōdhāścha niśchitam ॥ 10 ॥

vāyurōdhanāllīyatē manaḥ ।
jālapakṣivadrōdhasādhanam ॥ 11 ॥

chittavāyavaśchitkriyāyutāḥ ।
śākhayōrdvayī śaktimūlakā ॥ 12 ॥

layavināśanē ubhayarōdhanē ।
layagataṃ punarbhavati nō mṛtam ॥ 13 ॥

prāṇabandhanāllīnamānasam ।
ēkachintanānnāśamētyadaḥ ॥ 14 ॥

naṣṭamānasōtkṛṣṭayōginaḥ ।
kṛtyamasti kiṃ svasthitiṃ yataḥ ॥ 15 ॥

dṛśyavāritaṃ chittamātmanaḥ ।
chittvadarśanaṃ tattvadarśanam ॥ 16 ॥

mānasaṃ tu kiṃ mārgaṇē kṛtē ।
naiva mānasaṃ mārga ārjavāt ॥ 17 ॥

vṛttayastvahaṃ vṛttimāśritāḥ ।
vṛttayō manō viddhyahaṃ manaḥ ॥ 18 ॥

ahamayaṃ kutō bhavati chinvataḥ ।
ayi patatyahaṃ nijavichāraṇam ॥ 19 ॥

ahami nāśabhājyahamahantayā ।
sphurati hṛtsvayaṃ paramapūrṇasat ॥ 20 ॥

idamahaṃ padā’bhikhyamanvaham ।
ahamilīnakē’pyalayasattayā ॥ 21 ॥

vigrahēndriyaprāṇadhītamaḥ ।
nāhamēkasattajjaḍaṃ hyasat ॥ 22 ॥

sattvabhāsikā chitkvavētarā ।
sattayā hi chichchittayā hyaham ॥ 23 ॥

īśajīvayōrvēṣadhībhidā ।
satsvabhāvatō vastu kēvalam ॥ 24 ॥

vēṣahānataḥ svātmadarśanam ।
īśadarśanaṃ svātmarūpataḥ ॥ 25 ॥

ātmasaṃsthitiḥ svātmadarśanam ।
ātmanirdvayādātmaniṣṭhatā ॥ 26 ॥

jñānavarjitā’jñānahīnachit ।
jñānamasti kiṃ jñātumantaram ॥ 27 ॥

kiṃ svarūpamityātmadarśanē ।
avyayā’bhavā”pūrṇachitsukham ॥ 28 ॥

bandhamuktyatītaṃ paraṃ sukham ।
vindatīha jīvastu daivikaḥ ॥ 29 ॥

ahamapētakaṃ nijavibhānakam ।
mahadidantapō ramanavāgiyam ॥ 30 ॥