Print Friendly, PDF & Email

saralabhāṣā saṃskṛtaṃ sarasabhāṣā saṃskṛtam ।
sarasasaralamanōjñamaṅgaladēvabhāṣā saṃskṛtam ॥ 1 ॥

madhurabhāṣā saṃskṛtaṃ mṛdulabhāṣā saṃskṛtam ।
mṛdulamadhuramanōharāmṛtatulyabhāṣā saṃskṛtam ॥ 2 ॥

dēvabhāṣā saṃskṛtaṃ vēdabhāṣā saṃskṛtam ।
bhēdabhāvavināśakaṃ khalu divyabhāṣā saṃskṛtam ॥ 3 ॥

amṛtabhāṣā saṃskṛtaṃ atulabhāṣā saṃskṛtam ।
sukṛtijanahṛdi parilasitaśubhavaradabhāṣā saṃskṛtam ॥ 4 ॥

bhuvanabhāṣā saṃskṛtaṃ bhavanabhāṣā saṃskṛtam ।
bharatabhuvi parilasitakāvyamanōjñabhāṣā saṃskṛtam ॥ 5 ॥

śastrabhāṣā saṃskṛtaṃ śāstrabhāṣā saṃskṛtam ।
śastraśāstrabhṛdārṣabhāratarāṣṭrabhāṣā saṃskṛtam ॥ 6 ॥

dharmabhāṣā saṃskṛtaṃ karmabhāṣā saṃskṛtam ।
dharmakarmaprachōdakaṃ khalu viśvabhāṣā saṃskṛtam ॥ 7 ॥