𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨𑌃 – 𑌦𑌰𑍍𑌶𑌪𑍂𑌰𑍍𑌣𑌮𑌾𑌸𑍌
𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥
𑌇॒𑌷𑍇 𑌤𑍍𑌵𑍋॒𑌰𑍍𑌜𑍇 𑌤𑍍𑌵𑌾॑ 𑌵𑌾॒𑌯𑌵॑-𑌸𑍍𑌸𑍍𑌥𑍋𑌪𑌾॒𑌯𑌵॑-𑌸𑍍𑌸𑍍𑌥 𑌦𑍇॒𑌵𑍋 𑌵॑-𑌸𑍍𑌸𑌵𑌿॒𑌤𑌾 𑌪𑍍𑌰𑌾𑌰𑍍𑌪॑𑌯𑌤𑍁॒ 𑌶𑍍𑌰𑍇𑌷𑍍𑌠॑𑌤𑌮𑌾𑌯॒ 𑌕𑌰𑍍𑌮॑𑌣॒ 𑌆 𑌪𑍍𑌯𑌾॑𑌯𑌦𑍍𑌧𑍍𑌵𑌮𑌘𑍍𑌨𑌿𑌯𑌾 𑌦𑍇𑌵𑌭𑌾॒𑌗-𑌮𑍂𑌰𑍍𑌜॑𑌸𑍍𑌵𑌤𑍀𑌃॒ 𑌪𑌯॑𑌸𑍍𑌵𑌤𑍀𑌃 𑌪𑍍𑌰॒𑌜𑌾𑌵॑𑌤𑍀-𑌰𑌨𑌮𑍀॒𑌵𑌾 𑌅॑𑌯॒𑌕𑍍𑌷𑍍𑌮𑌾 𑌮𑌾 𑌵॑-𑌸𑍍𑌸𑍍𑌤𑍇॒𑌨 𑌈॑𑌶𑌤॒ 𑌮𑌾-𑌽𑌘𑌶𑌗𑍍𑌮𑍍॑𑌸𑍋 𑌰𑍁॒𑌦𑍍𑌰𑌸𑍍𑌯॑ 𑌹𑍇॒𑌤𑌿𑌃 𑌪𑌰𑌿॑ 𑌵𑍋 𑌵𑍃𑌣𑌕𑍍𑌤𑍁 𑌧𑍍𑌰𑍁॒𑌵𑌾 𑌅॒𑌸𑍍𑌮𑌿-𑌨𑍍𑌗𑍋𑌪॑𑌤𑍌 𑌸𑍍𑌯𑌾𑌤 𑌬॒𑌹𑍍𑌵𑍀-𑌰𑍍𑌯𑌜॑𑌮𑌾𑌨𑌸𑍍𑌯 𑌪॒𑌶𑍂-𑌨𑍍𑌪𑌾॑𑌹𑌿 ॥ 1 ॥
(𑌇॒𑌷𑍇 – 𑌤𑍍𑌰𑌿𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌤𑍍 ) (𑌅. 1)
𑌯॒𑌜𑍍𑌞𑌸𑍍𑌯॑ 𑌘𑍋॒𑌷𑌦॑𑌸𑌿॒ 𑌪𑍍𑌰𑌤𑍍𑌯𑍁॑𑌷𑍍𑌟॒𑌗𑍍𑌮𑍍॒ 𑌰𑌕𑍍𑌷𑌃॒ 𑌪𑍍𑌰𑌤𑍍𑌯𑍁॑𑌷𑍍𑌟𑌾॒ 𑌅𑌰𑌾॑𑌤𑌯𑌃॒ 𑌪𑍍𑌰𑍇𑌯-𑌮॑𑌗𑌾𑌦𑍍𑌧𑌿॒𑌷𑌣𑌾॑ 𑌬॒𑌰𑍍॒𑌹𑌿𑌰𑌚𑍍𑌛॒ 𑌮𑌨𑍁॑𑌨𑌾 𑌕𑍃॒𑌤𑌾 𑌸𑍍𑌵॒𑌧𑌯𑌾॒ 𑌵𑌿𑌤॑𑌷𑍍𑌟𑌾॒ 𑌤 𑌆 𑌵॑𑌹𑌨𑍍𑌤𑌿 𑌕॒𑌵𑌯𑌃॑ 𑌪𑍁॒𑌰𑌸𑍍𑌤𑌾᳚-𑌦𑍍𑌦𑍇॒𑌵𑍇𑌭𑍍𑌯𑍋॒ 𑌜𑍁𑌷𑍍𑌟॑𑌮𑌿॒𑌹 𑌬॒𑌰𑍍॒𑌹𑌿-𑌰𑌾॒𑌸𑌦𑍇॑ 𑌦𑍇॒𑌵𑌾𑌨𑌾᳚-𑌮𑍍𑌪𑌰𑌿𑌷𑍂॒𑌤𑌮॑𑌸𑌿 𑌵॒𑌰𑍍॒𑌷𑌵𑍃॑𑌦𑍍𑌧𑌮𑌸𑌿॒ 𑌦𑍇𑌵॑𑌬𑌰𑍍𑌹𑌿॒𑌰𑍍𑌮𑌾 𑌤𑍍𑌵𑌾-𑌽॒𑌨𑍍𑌵-𑌮𑍍𑌮𑌾 𑌤𑌿॒𑌰𑍍𑌯-𑌕𑍍𑌪𑌰𑍍𑌵॑ 𑌤𑍇 𑌰𑌾𑌦𑍍𑌧𑍍𑌯𑌾𑌸𑌮𑌾𑌚𑍍𑌛𑍇॒𑌤𑍍𑌤𑌾 𑌤𑍇॒ 𑌮𑌾 𑌰𑌿॑𑌷॒-𑌨𑍍𑌦𑍇𑌵॑𑌬𑌰𑍍𑌹𑌿-𑌶𑍍𑌶॒𑌤𑌵॑𑌲𑍍𑌶𑌂॒-𑌵𑌿𑌁 𑌰𑍋॑𑌹 𑌸॒𑌹𑌸𑍍𑌰॑𑌵𑌲𑍍𑌶𑌾॒ [𑌸॒𑌹𑌸𑍍𑌰॑𑌵𑌲𑍍𑌶𑌾𑌃, 𑌵𑌿 𑌵॒𑌯𑌗𑍍𑌮𑍍 𑌰𑍁॑𑌹𑍇𑌮] 2
𑌵𑌿 𑌵॒𑌯𑌗𑍍𑌮𑍍 𑌰𑍁॑𑌹𑍇𑌮 𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌮𑍍𑌪𑍃𑌚𑌃॑ 𑌪𑌾𑌹𑌿 𑌸𑍁𑌸॒𑌮𑍍𑌭𑍃𑌤𑌾᳚ 𑌤𑍍𑌵𑌾॒ 𑌸𑌮𑍍𑌭॑𑌰𑌾॒𑌮𑍍𑌯𑌦𑌿॑𑌤𑍍𑌯𑍈॒ 𑌰𑌾𑌸𑍍𑌨𑌾॑-𑌽𑌸𑍀𑌨𑍍𑌦𑍍𑌰𑌾॒𑌣𑍍𑌯𑍈 𑌸॒𑌨𑍍𑌨𑌹॑𑌨-𑌮𑍍𑌪𑍂॒𑌷𑌾 𑌤𑍇᳚ 𑌗𑍍𑌰॒𑌨𑍍𑌥𑌿-𑌙𑍍𑌗𑍍𑌰॑𑌥𑍍𑌨𑌾𑌤𑍁॒ 𑌸 𑌤𑍇॒ 𑌮𑌾-𑌽𑌽 𑌸𑍍𑌥𑌾॒𑌦𑌿𑌨𑍍𑌦𑍍𑌰॑𑌸𑍍𑌯 𑌤𑍍𑌵𑌾 𑌬𑌾॒𑌹𑍁𑌭𑍍𑌯𑌾॒𑌮𑍁𑌦𑍍𑌯॑𑌚𑍍𑌛𑍇॒ 𑌬𑍃𑌹॒𑌸𑍍𑌪𑌤𑍇᳚-𑌰𑍍𑌮𑍂॒𑌰𑍍𑌧𑍍𑌨𑌾 𑌹॑𑌰𑌾𑌮𑍍𑌯𑍁॒𑌰𑍍𑌵॑𑌨𑍍𑌤𑌰𑌿॑𑌕𑍍𑌷॒𑌮𑌨𑍍𑌵𑌿॑𑌹𑌿 𑌦𑍇𑌵𑌙𑍍𑌗॒𑌮𑌮॑𑌸𑌿 ॥ 3 ॥
(𑌸॒𑌹𑌸𑍍𑌰॑𑌵𑌲𑍍𑌶𑌾 – 𑌅॒𑌷𑍍𑌟𑌾𑌤𑍍𑌰𑌿𑌗𑍍𑌮𑍍॑𑌶𑌚𑍍𑌚) (𑌅. 2)
𑌶𑍁𑌨𑍍𑌧॑𑌦𑍍𑌧𑍍𑌵॒-𑌨𑍍𑌦𑍈𑌵𑍍𑌯𑌾॑𑌯॒ 𑌕𑌰𑍍𑌮॑𑌣𑍇 𑌦𑍇𑌵𑌯॒𑌜𑍍𑌯𑌾𑌯𑍈॑ 𑌮𑌾𑌤॒𑌰𑌿𑌶𑍍𑌵॑𑌨𑍋 𑌘॒𑌰𑍍𑌮𑍋॑-𑌽𑌸𑌿॒ 𑌦𑍍𑌯𑍌𑌰॑𑌸𑌿 𑌪𑍃𑌥𑌿॒𑌵𑍍𑌯॑𑌸𑌿 𑌵𑌿॒𑌶𑍍𑌵𑌧𑌾॑𑌯𑌾 𑌅𑌸𑌿 𑌪𑌰॒𑌮𑍇𑌣॒ 𑌧𑌾𑌮𑍍𑌨𑌾॒ 𑌦𑍃𑌗𑍍𑌮𑍍𑌹॑𑌸𑍍𑌵॒ 𑌮𑌾 𑌹𑍍𑌵𑌾॒-𑌰𑍍𑌵𑌸𑍂॑𑌨𑌾-𑌮𑍍𑌪॒𑌵𑌿𑌤𑍍𑌰॑𑌮𑌸𑌿 𑌶॒𑌤𑌧𑌾॑𑌰𑌂॒-𑌵𑌁𑌸𑍂॑𑌨𑌾-𑌮𑍍𑌪॒𑌵𑌿𑌤𑍍𑌰॑𑌮𑌸𑌿 𑌸॒𑌹𑌸𑍍𑌰॑𑌧𑌾𑌰𑌗𑍍𑌮𑍍 𑌹𑍁॒𑌤-𑌸𑍍𑌸𑍍𑌤𑍋॒𑌕𑍋𑌹𑍁॒𑌤𑍋 𑌦𑍍𑌰॒𑌫𑍍𑌸𑍋᳚ 𑌽𑌗𑍍𑌨𑌯𑍇॑ 𑌬𑍃𑌹॒𑌤𑍇 𑌨𑌾𑌕𑌾॑𑌯॒ 𑌸𑍍𑌵𑌾𑌹𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾॒𑌗𑍍𑌮𑍍॒ 𑌸𑌾 𑌵𑌿॒𑌶𑍍𑌵𑌾𑌯𑍁॒-𑌸𑍍𑌸𑌾 𑌵𑌿॒𑌶𑍍𑌵𑌵𑍍𑌯॑𑌚𑌾॒-𑌸𑍍𑌸𑌾 𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌸-𑌮𑍍𑌪𑍃॑𑌚𑍍𑌯𑌦𑍍𑌧𑍍𑌵-𑌮𑍃𑌤𑌾𑌵𑌰𑍀-𑌰𑍂॒𑌰𑍍𑌮𑌿𑌣𑍀॒𑌰𑍍𑌮𑌧𑍁॑𑌮𑌤𑍍𑌤𑌮𑌾 𑌮॒𑌨𑍍𑌦𑍍𑌰𑌾 𑌧𑌨॑𑌸𑍍𑌯 𑌸𑌾॒𑌤𑌯𑍇॒ 𑌸𑍋𑌮𑍇॑𑌨॒ 𑌤𑍍𑌵𑌾-𑌽𑌽𑌤॑𑌨॒𑌚𑍍𑌮𑍀𑌨𑍍𑌦𑍍𑌰𑌾॑𑌯॒ 𑌦𑌧𑌿॒ 𑌵𑌿𑌷𑍍𑌣𑍋॑ 𑌹॒𑌵𑍍𑌯𑌗𑍍𑌮𑍍 𑌰॑𑌕𑍍𑌷𑌸𑍍𑌵 ॥ 4 ॥
(𑌸𑍋𑌮𑍇॑ – 𑌨𑌾॒𑌷𑍍𑌟𑍌 𑌚॑) (𑌅. 3)
𑌕𑌰𑍍𑌮॑𑌣𑍇 𑌵𑌾-𑌨𑍍𑌦𑍇॒𑌵𑍇𑌭𑍍𑌯॑-𑌶𑍍𑌶𑌕𑍇𑌯𑌂॒-𑌵𑍇𑌁𑌷𑌾॑𑌯 𑌤𑍍𑌵𑌾॒ 𑌪𑍍𑌰𑌤𑍍𑌯𑍁॑𑌷𑍍𑌟॒𑌗𑍍𑌮𑍍॒ 𑌰𑌕𑍍𑌷𑌃॒ 𑌪𑍍𑌰𑌤𑍍𑌯𑍁॑𑌷𑍍𑌟𑌾॒ 𑌅𑌰𑌾॑𑌤𑌯𑍋॒ 𑌧𑍂𑌰॑𑌸𑌿॒ 𑌧𑍂𑌰𑍍𑌵॒ 𑌧𑍂𑌰𑍍𑌵॑𑌨𑍍𑌤॒-𑌨𑍍𑌧𑍂𑌰𑍍𑌵॒ 𑌤𑌂-𑌯𑍋𑌁᳚-𑌽𑌸𑍍𑌮𑌾-𑌨𑍍𑌧𑍂𑌰𑍍𑌵॑𑌤𑌿॒ 𑌤-𑌨𑍍𑌧𑍂᳚𑌰𑍍𑌵॒𑌯𑌂-𑌵𑌁॒𑌯-𑌨𑍍𑌧𑍂𑌰𑍍𑌵𑌾॑𑌮॒𑌸𑍍𑌤𑍍𑌵-𑌨𑍍𑌦𑍇॒𑌵𑌾𑌨𑌾॑𑌮𑌸𑌿॒ 𑌸𑌸𑍍𑌨𑌿॑𑌤𑌮॒-𑌮𑍍𑌪𑌪𑍍𑌰𑌿॑𑌤𑌮॒-𑌞𑍍𑌜𑍁𑌷𑍍𑌟॑𑌤𑌮𑌂॒-𑌵𑌁𑌹𑍍𑌨𑌿॑𑌤𑌮-𑌨𑍍𑌦𑍇𑌵॒𑌹𑍂𑌤॑𑌮॒-𑌮𑌹𑍍𑌰𑍁॑𑌤𑌮𑌸𑌿 𑌹𑌵𑌿॒𑌰𑍍𑌧𑌾𑌨॒-𑌨𑍍𑌦𑍃𑌗𑍍𑌮𑍍𑌹॑𑌸𑍍𑌵॒ 𑌮𑌾 𑌹𑍍𑌵𑌾᳚-𑌰𑍍𑌮𑌿॒𑌤𑍍𑌰𑌸𑍍𑌯॑ 𑌤𑍍𑌵𑌾॒ 𑌚𑌕𑍍𑌷𑍁॑𑌷𑌾॒ 𑌪𑍍𑌰𑍇𑌕𑍍𑌷𑍇॒ 𑌮𑌾 𑌭𑍇𑌰𑍍𑌮𑌾 𑌸𑌂-𑌵𑌿𑌁॑𑌕𑍍𑌥𑌾॒ 𑌮𑌾 𑌤𑍍𑌵𑌾॑ – [𑌮𑌾 𑌤𑍍𑌵𑌾᳚, 𑌹𑌿॒𑌗𑍍𑌮𑍍॒𑌸𑌿॒𑌷॒𑌮𑍁॒𑌰𑍁] 5
𑌹𑌿𑌗𑍍𑌮𑍍𑌸𑌿𑌷𑌮𑍁॒𑌰𑍁 𑌵𑌾𑌤𑌾॑𑌯 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇᳚-𑌽𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾᳚-𑌮𑍍𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾-𑌮॒𑌗𑍍𑌨𑌯𑍇॒ 𑌜𑍁𑌷𑍍𑌟॒-𑌨𑍍𑌨𑌿𑌰𑍍𑌵॑𑌪𑌾𑌮𑍍𑌯॒𑌗𑍍𑌨𑍀𑌷𑍋𑌮𑌾᳚𑌭𑍍𑌯𑌾-𑌮𑌿॒𑌦-𑌨𑍍𑌦𑍇॒𑌵𑌾𑌨𑌾॑𑌮𑌿॒𑌦𑌮𑍁॑ 𑌨-𑌸𑍍𑌸॒𑌹 𑌸𑍍𑌫𑌾॒𑌤𑍍𑌯𑍈 𑌤𑍍𑌵𑌾॒ 𑌨𑌾𑌰𑌾᳚𑌤𑍍𑌯𑍈॒ 𑌸𑍁𑌵॑𑌰॒𑌭𑌿 𑌵𑌿 𑌖𑍍𑌯𑍇॑𑌷𑌂-𑌵𑍈𑌁𑌶𑍍𑌵𑌾𑌨॒𑌰-𑌞𑍍𑌜𑍍𑌯𑍋𑌤𑌿॒-𑌰𑍍𑌦𑍃𑌗𑍍𑌮𑍍𑌹॑𑌨𑍍𑌤𑌾॒-𑌨𑍍𑌦𑍁𑌰𑍍𑌯𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍍𑌯𑍋- 𑌰𑍁॒𑌰𑍍𑌵॑𑌨𑍍𑌤𑌰𑌿॑𑌕𑍍𑌷॒ 𑌮𑌨𑍍𑌵𑌿॒-𑌹𑍍𑌯𑌦𑌿॑𑌤𑍍𑌯𑌾 𑌸𑍍𑌤𑍍𑌵𑍋॒𑌪𑌸𑍍𑌥𑍇॑ 𑌸𑌾𑌦𑌯𑌾॒𑌮𑍍𑌯𑌗𑍍𑌨𑍇॑ 𑌹॒𑌵𑍍𑌯𑌗𑍍𑌮𑍍 𑌰॑𑌕𑍍𑌷𑌸𑍍𑌵 ॥ 6 ॥
( 𑌮𑌾 𑌤𑍍𑌵𑌾॒ – 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚 ) (𑌅. 4)
𑌦𑍇॒𑌵𑍋 𑌵॑-𑌸𑍍𑌸𑌵𑌿॒𑌤𑍋-𑌤𑍍𑌪𑍁॑𑌨𑌾॒𑌤𑍍𑌵𑌚𑍍𑌛𑌿॑𑌦𑍍𑌰𑍇𑌣 𑌪॒𑌵𑌿𑌤𑍍𑌰𑍇॑𑌣॒ 𑌵𑌸𑍋॒-𑌸𑍍𑌸𑍂𑌰𑍍𑌯॑𑌸𑍍𑌯 𑌰॒𑌶𑍍𑌮𑌿𑌭𑌿॒𑌰𑌾𑌪𑍋॑ 𑌦𑍇𑌵𑍀𑌰𑌗𑍍𑌰𑍇𑌪𑍁𑌵𑍋 𑌅𑌗𑍍𑌰𑍇𑌗𑍁॒𑌵𑍋-𑌽𑌗𑍍𑌰॑ 𑌇॒𑌮𑌂-𑌯𑌁॒𑌜𑍍𑌞-𑌨𑍍𑌨॑𑌯॒𑌤𑌾𑌗𑍍𑌰𑍇॑ 𑌯॒𑌜𑍍𑌞𑌪॑𑌤𑌿-𑌨𑍍𑌧𑌤𑍍𑌤 𑌯𑍁॒𑌷𑍍𑌮𑌾𑌨𑌿𑌨𑍍𑌦𑍍𑌰𑍋॑ 𑌽𑌵𑍃𑌣𑍀𑌤 𑌵𑍃𑌤𑍍𑌰॒𑌤𑍂𑌰𑍍𑌯𑍇॑ 𑌯𑍂॒𑌯𑌮𑌿𑌨𑍍𑌦𑍍𑌰॑-𑌮𑌵𑍃𑌣𑍀𑌦𑍍𑌧𑍍𑌵𑌂-𑌵𑍃𑌁𑌤𑍍𑌰॒𑌤𑍂𑌰𑍍𑌯𑍇॒ 𑌪𑍍𑌰𑍋𑌕𑍍𑌷𑌿॑𑌤𑌾-𑌸𑍍𑌸𑍍𑌥𑌾॒𑌗𑍍𑌨𑌯𑍇॑ 𑌵𑍋॒ 𑌜𑍁𑌷𑍍𑌟॒-𑌮𑍍𑌪𑍍𑌰𑍋𑌕𑍍𑌷𑌾᳚𑌮𑍍𑌯॒𑌗𑍍𑌨𑍀𑌷𑍋𑌮𑌾᳚𑌭𑍍𑌯𑌾॒𑌗𑍍𑌮𑍍॒ 𑌶𑍁𑌨𑍍𑌧॑𑌦𑍍𑌧𑍍𑌵॒-𑌨𑍍𑌦𑍈𑌵𑍍𑌯𑌾॑𑌯॒ 𑌕𑌰𑍍𑌮॑𑌣𑍇 𑌦𑍇𑌵𑌯॒𑌜𑍍𑌯𑌾𑌯𑌾॒ 𑌅𑌵॑𑌧𑍂𑌤॒𑌗𑍍𑌮𑍍॒ 𑌰𑌕𑍍𑌷𑍋-𑌽𑌵॑𑌧𑍂𑌤𑌾॒ 𑌅𑌰𑌾॑𑌤॒𑌯𑍋-𑌽𑌦𑌿॑𑌤𑍍𑌯𑌾॒𑌸𑍍𑌤𑍍𑌵𑌗॑𑌸𑌿॒ 𑌪𑍍𑌰𑌤𑌿॑ 𑌤𑍍𑌵𑌾 – [𑌪𑍍𑌰𑌤𑌿॑ 𑌤𑍍𑌵𑌾, 𑌪𑍃॒𑌥𑌿॒𑌵𑍀 𑌵𑍇᳚𑌤𑍍𑌤𑍍𑌵𑌧𑌿॒𑌷𑌵॑𑌣𑌮𑌸𑌿]
𑌪𑍃𑌥𑌿॒𑌵𑍀 𑌵𑍇᳚𑌤𑍍𑌤𑍍𑌵𑌧𑌿॒𑌷𑌵॑𑌣𑌮𑌸𑌿 𑌵𑌾𑌨𑌸𑍍𑌪॒𑌤𑍍𑌯-𑌮𑍍𑌪𑍍𑌰𑌤𑌿॒ 𑌤𑍍𑌵𑌾-𑌽𑌦𑌿॑𑌤𑍍𑌯𑌾॒𑌸𑍍𑌤𑍍𑌵𑌗𑍍𑌵𑍇᳚𑌤𑍍𑌤𑍍𑌵॒𑌗𑍍𑌨𑍇𑌸𑍍𑌤॒𑌨𑍂𑌰॑𑌸𑌿 𑌵𑌾॒𑌚𑍋 𑌵𑌿॒𑌸𑌰𑍍𑌜॑𑌨-𑌨𑍍𑌦𑍇॒𑌵𑌵𑍀॑𑌤𑌯𑍇 𑌤𑍍𑌵𑌾 𑌗𑍃𑌹𑍍𑌣𑌾॒𑌮𑍍𑌯𑌦𑍍𑌰𑌿॑𑌰𑌸𑌿 𑌵𑌾𑌨𑌸𑍍𑌪॒𑌤𑍍𑌯-𑌸𑍍𑌸 𑌇॒𑌦-𑌨𑍍𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯𑌗𑍍𑌮𑍍 𑌸𑍁॒𑌶𑌮𑌿॑ 𑌶𑌮𑌿॒𑌷𑍍𑌵𑍇𑌷॒𑌮𑌾 𑌵॒𑌦𑍋𑌰𑍍𑌜॒𑌮𑌾 𑌵॑𑌦 𑌦𑍍𑌯𑍁॒𑌮𑌦𑍍𑌵॑𑌦𑌤 𑌵॒𑌯𑌗𑍍𑌮𑍍 𑌸॑𑌙𑍍𑌘𑌾॒𑌤-𑌞𑍍𑌜𑍇᳚𑌷𑍍𑌮 𑌵॒𑌰𑍍॒𑌷𑌵𑍃॑𑌦𑍍𑌧𑌮𑌸𑌿॒ 𑌪𑍍𑌰𑌤𑌿॑ 𑌤𑍍𑌵𑌾 𑌵॒𑌰𑍍॒𑌷𑌵𑍃॑𑌦𑍍𑌧𑌂-𑌵𑍇𑌁𑌤𑍍𑌤𑍁॒ 𑌪𑌰𑌾॑𑌪𑍂𑌤॒𑌗𑍍𑌮𑍍॒ 𑌰𑌕𑍍𑌷𑌃॒ 𑌪𑌰𑌾॑𑌪𑍂𑌤𑌾॒ 𑌅𑌰𑌾॑𑌤𑌯𑍋॒ 𑌰𑌕𑍍𑌷॑𑌸𑌾-𑌮𑍍𑌭𑌾॒𑌗𑍋॑ 𑌽𑌸𑌿 𑌵𑌾॒𑌯𑍁𑌰𑍍𑌵𑍋॒ 𑌵𑌿 𑌵𑌿॑𑌨𑌕𑍍𑌤𑍁 𑌦𑍇॒𑌵𑍋 𑌵॑-𑌸𑍍𑌸𑌵𑌿॒𑌤𑌾 𑌹𑌿𑌰॑𑌣𑍍𑌯𑌪𑌾𑌣𑌿𑌃॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑍁 ॥ ॥
( 𑌤𑍍𑌵𑌾॒ – 𑌭𑌾॒𑌗 – 𑌏𑌕𑌾॑𑌦𑌶 𑌚 ) (𑌅. 5)
𑌅𑌵॑𑌧𑍂𑌤॒𑌗𑍍𑌮𑍍॒ 𑌰𑌕𑍍𑌷𑍋-𑌽𑌵॑𑌧𑍂𑌤𑌾॒ 𑌅𑌰𑌾॑𑌤॒𑌯𑍋-𑌽𑌦𑌿॑𑌤𑍍𑌯𑌾॒𑌸𑍍𑌤𑍍𑌵𑌗॑𑌸𑌿॒ 𑌪𑍍𑌰𑌤𑌿॑ 𑌤𑍍𑌵𑌾 𑌪𑍃𑌥𑌿॒𑌵𑍀𑌵𑍇᳚𑌤𑍍𑌤𑍁 𑌦𑌿॒𑌵-𑌸𑍍𑌸𑍍𑌕॑𑌮𑍍𑌭॒𑌨𑌿𑌰॑𑌸𑌿॒ 𑌪𑍍𑌰𑌤𑌿॒ 𑌤𑍍𑌵𑌾-𑌽𑌦𑌿॑𑌤𑍍𑌯𑌾॒𑌸𑍍𑌤𑍍𑌵𑌗𑍍𑌵𑍇᳚𑌤𑍍𑌤𑍁 𑌧𑌿॒𑌷𑌣𑌾॑-𑌽𑌸𑌿 𑌪𑌰𑍍𑌵॒𑌤𑍍𑌯𑌾 𑌪𑍍𑌰𑌤𑌿॑ 𑌤𑍍𑌵𑌾 𑌦𑌿॒𑌵-𑌸𑍍𑌸𑍍𑌕॑𑌮𑍍𑌭॒𑌨𑌿𑌰𑍍𑌵𑍇᳚𑌤𑍍𑌤𑍁 𑌧𑌿॒𑌷𑌣𑌾॑-𑌽𑌸𑌿 𑌪𑌾𑌰𑍍𑌵𑌤𑍇॒𑌯𑍀 𑌪𑍍𑌰𑌤𑌿॑ 𑌤𑍍𑌵𑌾 𑌪𑌰𑍍𑌵॒𑌤𑌿𑌰𑍍𑌵𑍇᳚𑌤𑍍𑌤𑍁 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇᳚-𑌽𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾᳚-𑌮𑍍𑌪𑍂॒𑌷𑍍𑌣𑍋𑌹𑌸𑍍𑌤𑌾᳚𑌭𑍍𑌯𑌾॒𑌮𑌧𑌿॑ 𑌵𑌪𑌾𑌮𑌿𑌧𑌾॒𑌨𑍍𑌯॑𑌮𑌸𑌿 𑌧𑌿𑌨𑍁॒𑌹𑌿 𑌦𑍇॒𑌵𑌾-𑌨𑍍𑌪𑍍𑌰𑌾॒𑌣𑌾𑌯॑ 𑌤𑍍𑌵𑌾 𑌽𑌪𑌾॒𑌨𑌾𑌯॑ 𑌤𑍍𑌵𑌾 𑌵𑍍𑌯𑌾॒𑌨𑌾𑌯॑ 𑌤𑍍𑌵𑌾 𑌦𑍀॒𑌰𑍍𑌘𑌾𑌮𑌨𑍁॒ 𑌪𑍍𑌰𑌸𑌿॑𑌤𑌿॒𑌮𑌾𑌯𑍁॑𑌷𑍇𑌧𑌾-𑌨𑍍𑌦𑍇॒𑌵𑍋 𑌵॑-𑌸𑍍𑌸𑌵𑌿॒𑌤𑌾 𑌹𑌿𑌰॑𑌣𑍍𑌯𑌪𑌾𑌣𑌿𑌃॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑍁 ॥ ॥
(𑌪𑍍𑌰𑌾॒𑌣𑌾𑌯॑ 𑌤𑍍𑌵𑌾॒ – 𑌪𑌞𑍍𑌚॑𑌦𑌶 𑌚) (𑌅. 6)
𑌧𑍃𑌷𑍍𑌟𑌿॑𑌰𑌸𑌿॒ 𑌬𑍍𑌰𑌹𑍍𑌮॑ 𑌯॒𑌚𑍍𑌛𑌾𑌪𑌾᳚𑌗𑍍𑌨𑍇॒ 𑌽𑌗𑍍𑌨𑌿𑌮𑌾॒𑌮𑌾𑌦॑-𑌞𑍍𑌜𑌹𑌿॒ 𑌨𑌿𑌷𑍍𑌕𑍍𑌰॒𑌵𑍍𑌯𑌾𑌦𑌗𑍍𑌮𑍍॑ 𑌸𑍇॒𑌧𑌾-𑌽𑌽𑌦𑍇॑𑌵॒𑌯𑌜𑌂॑-𑌵𑌁𑌹॒ 𑌨𑌿𑌰𑍍𑌦॑𑌗𑍍𑌧॒𑌗𑍍𑌮𑍍॒ 𑌰𑌕𑍍𑌷𑍋॒ 𑌨𑌿𑌰𑍍𑌦॑𑌗𑍍𑌧𑌾॒ 𑌅𑌰𑌾॑𑌤𑌯𑍋 𑌧𑍍𑌰𑍁॒𑌵𑌮॑𑌸𑌿 𑌪𑍃𑌥𑌿॒𑌵𑍀-𑌨𑍍𑌦𑍃॒𑌗𑍍𑌮𑍍॒𑌹𑌾-𑌽𑌽𑌯𑍁॑-𑌰𑍍𑌦𑍃𑌗𑍍𑌮𑍍𑌹 𑌪𑍍𑌰॒𑌜𑌾-𑌨𑍍𑌦𑍃𑌗𑍍𑌮𑍍॑𑌹 𑌸𑌜𑌾॒𑌤𑌾𑌨॒𑌸𑍍𑌮𑍈 𑌯𑌜॑𑌮𑌾𑌨𑌾𑌯॒ 𑌪𑌰𑍍𑌯𑍂॑𑌹 𑌧॒𑌰𑍍𑌤𑍍𑌰𑌮॑𑌸𑍍𑌯॒𑌨𑍍𑌤𑌰𑌿॑𑌕𑍍𑌷-𑌨𑍍𑌦𑍃𑌗𑍍𑌮𑍍𑌹 𑌪𑍍𑌰𑌾॒𑌣-𑌨𑍍𑌦𑍃𑌗𑍍𑌮𑍍॑𑌹𑌾𑌪𑌾॒𑌨-𑌨𑍍𑌦𑍃𑌗𑍍𑌮𑍍॑𑌹 𑌸𑌜𑌾॒𑌤𑌾𑌨॒𑌸𑍍𑌮𑍈 𑌯𑌜॑𑌮𑌾𑌨𑌾𑌯॒ 𑌪𑌰𑍍𑌯𑍂॑𑌹 𑌧॒𑌰𑍁𑌣॑𑌮𑌸𑌿॒ 𑌦𑌿𑌵॑-𑌨𑍍𑌦𑍃𑌗𑍍𑌮𑍍𑌹॒ 𑌚𑌕𑍍𑌷𑍁॑- [𑌚𑌕𑍍𑌷𑍁𑌃॑, 𑌦𑍃॒𑌗𑍍𑌮𑍍॒𑌹॒ 𑌶𑍍𑌰𑍋𑌤𑍍𑌰॑-𑌨𑍍𑌦𑍃𑌗𑍍𑌮𑍍𑌹] 10
𑌰𑍍𑌦𑍃𑌗𑍍𑌮𑍍𑌹॒ 𑌶𑍍𑌰𑍋𑌤𑍍𑌰॑-𑌨𑍍𑌦𑍃𑌗𑍍𑌮𑍍𑌹 𑌸𑌜𑌾॒𑌤𑌾𑌨॒𑌸𑍍𑌮𑍈 𑌯𑌜॑𑌮𑌾𑌨𑌾𑌯॒ 𑌪𑌰𑍍𑌯𑍂॑𑌹॒ 𑌧𑌰𑍍𑌮𑌾॑𑌸𑌿॒ 𑌦𑌿𑌶𑍋॑ 𑌦𑍃𑌗𑍍𑌮𑍍𑌹॒ 𑌯𑍋𑌨𑌿॑-𑌨𑍍𑌦𑍃𑌗𑍍𑌮𑍍𑌹 𑌪𑍍𑌰॒𑌜𑌾-𑌨𑍍𑌦𑍃𑌗𑍍𑌮𑍍॑𑌹 𑌸𑌜𑌾॒𑌤𑌾𑌨॒𑌸𑍍𑌮𑍈 𑌯𑌜॑𑌮𑌾𑌨𑌾𑌯॒ 𑌪𑌰𑍍𑌯𑍂॑𑌹॒ 𑌚𑌿𑌤॑-𑌸𑍍𑌸𑍍𑌥 𑌪𑍍𑌰॒𑌜𑌾𑌮॒𑌸𑍍𑌮𑍈 𑌰॒𑌯𑌿𑌮॒𑌸𑍍𑌮𑍈 𑌸॑𑌜𑌾॒𑌤𑌾𑌨॒𑌸𑍍𑌮𑍈 𑌯𑌜॑𑌮𑌾𑌨𑌾𑌯॒ 𑌪𑌰𑍍𑌯𑍂॑𑌹॒ 𑌭𑍃𑌗𑍂॑𑌣𑌾॒𑌮𑌙𑍍𑌗𑌿॑𑌰𑌸𑌾॒-𑌨𑍍𑌤𑌪॑𑌸𑌾 𑌤𑌪𑍍𑌯𑌦𑍍𑌧𑍍𑌵𑌂॒-𑌯𑌾𑌁𑌨𑌿॑ 𑌘॒𑌰𑍍𑌮𑍇 𑌕॒𑌪𑌾𑌲𑌾᳚𑌨𑍍𑌯𑍁𑌪𑌚𑌿॒𑌨𑍍𑌵𑌨𑍍𑌤𑌿॑ 𑌵𑍇॒𑌧𑌸𑌃॑ । 𑌪𑍂॒𑌷𑍍𑌣𑌸𑍍𑌤𑌾𑌨𑍍𑌯𑌪𑌿॑ 𑌵𑍍𑌰॒𑌤 𑌇॑𑌨𑍍𑌦𑍍𑌰𑌵𑌾॒𑌯𑍂 𑌵𑌿 𑌮𑍁॑𑌞𑍍𑌚𑌤𑌾𑌮𑍍 ॥ 11 ॥
(𑌚𑌕𑍍𑌷𑍁॑ – 𑌰॒𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. )
𑌸𑌂-𑌵𑌁॑𑌪𑌾𑌮𑌿॒ 𑌸𑌮𑌾𑌪𑍋॑ 𑌅॒𑌦𑍍𑌭𑌿𑌰॑𑌗𑍍𑌮𑌤॒ 𑌸𑌮𑍋𑌷॑𑌧𑌯𑍋॒ 𑌰𑌸𑍇॑𑌨॒ 𑌸𑌗𑍍𑌮𑍍 𑌰𑍇॒𑌵𑌤𑍀॒-𑌰𑍍𑌜𑌗॑𑌤𑍀𑌭𑌿॒-𑌰𑍍𑌮𑌧𑍁॑𑌮𑌤𑍀॒-𑌰𑍍𑌮𑌧𑍁॑𑌮𑌤𑍀𑌭𑌿-𑌸𑍍𑌸𑍃𑌜𑍍𑌯𑌦𑍍𑌧𑍍𑌵𑌮॒𑌦𑍍𑌭𑍍𑌯𑌃 𑌪𑌰𑌿॒ 𑌪𑍍𑌰𑌜𑌾॑𑌤𑌾-𑌸𑍍𑌸𑍍𑌥॒ 𑌸𑌮॒𑌦𑍍𑌭𑌿𑌃 𑌪𑍃॑𑌚𑍍𑌯𑌦𑍍𑌧𑍍𑌵॒-𑌞𑍍𑌜𑌨॑𑌯𑌤𑍍𑌯𑍈 𑌤𑍍𑌵𑌾॒ 𑌸𑌂-𑌯𑍌𑌁᳚𑌮𑍍𑌯॒𑌗𑍍𑌨𑌯𑍇᳚ 𑌤𑍍𑌵𑌾॒-𑌽𑌗𑍍𑌨𑍀𑌷𑍋𑌮𑌾᳚𑌭𑍍𑌯𑌾-𑌮𑍍𑌮॒𑌖𑌸𑍍𑌯॒ 𑌶𑌿𑌰𑍋॑-𑌽𑌸𑌿 𑌘॒𑌰𑍍𑌮𑍋॑-𑌽𑌸𑌿 𑌵𑌿॒𑌶𑍍𑌵𑌾𑌯𑍁॑𑌰𑍁॒𑌰𑍁 𑌪𑍍𑌰॑𑌥𑌸𑍍𑌵𑍋॒𑌰𑍁 𑌤𑍇॑ 𑌯॒𑌜𑍍𑌞𑌪॑𑌤𑌿𑌃 𑌪𑍍𑌰𑌥𑌤𑌾॒-𑌨𑍍𑌤𑍍𑌵𑌚॑-𑌙𑍍𑌗𑍃𑌹𑍍𑌣𑍀𑌷𑍍𑌵𑌾॒𑌨𑍍𑌤𑌰𑌿॑𑌤॒𑌗𑍍𑌮𑍍॒ 𑌰𑌕𑍍𑌷𑍋॒-𑌽𑌨𑍍𑌤𑌰𑌿॑𑌤𑌾॒ 𑌅𑌰𑌾॑𑌤𑌯𑍋𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑌾 𑌶𑍍𑌰॑𑌪𑌯𑌤𑍁॒ 𑌵𑌰𑍍𑌷𑌿॑𑌷𑍍𑌠𑍇॒ 𑌅𑌧𑌿॒ 𑌨𑌾𑌕𑍇॒-𑌽𑌗𑍍𑌨𑌿𑌸𑍍𑌤𑍇॑ 𑌤॒𑌨𑍁𑌵॒-𑌮𑍍𑌮𑌾-𑌽𑌤𑌿॑ 𑌧𑌾॒𑌗𑌗𑍍𑌨𑍇॑ 𑌹॒𑌵𑍍𑌯𑌗𑍍𑌮𑍍 𑌰॑𑌕𑍍𑌷𑌸𑍍𑌵॒ 𑌸-𑌮𑍍𑌬𑍍𑌰𑌹𑍍𑌮॑𑌣𑌾 𑌪𑍃𑌚𑍍𑌯𑌸𑍍𑌵𑍈𑌕॒𑌤𑌾𑌯॒ 𑌸𑍍𑌵𑌾𑌹𑌾᳚ 𑌦𑍍𑌵𑌿॒𑌤𑌾𑌯॒ 𑌸𑍍𑌵𑌾𑌹𑌾᳚ 𑌤𑍍𑌰𑌿॒𑌤𑌾𑌯॒ 𑌸𑍍𑌵𑌾𑌹𑌾᳚ ॥ 12 ॥
(𑌸॒𑌵𑌿॒𑌤𑌾 – 𑌦𑍍𑌵𑌾𑌵𑌿𑌗𑍍𑌮𑍍॑𑌶𑌤𑌿𑌶𑍍𑌚) (𑌅. )
𑌆 𑌦॑𑌦॒ 𑌇𑌨𑍍𑌦𑍍𑌰॑𑌸𑍍𑌯 𑌬𑌾॒𑌹𑍁𑌰॑𑌸𑌿॒ 𑌦𑌕𑍍𑌷𑌿॑𑌣-𑌸𑍍𑌸॒𑌹𑌸𑍍𑌰॑𑌭𑍃𑌷𑍍𑌟𑌿-𑌶𑍍𑌶॒𑌤𑌤𑍇॑𑌜𑌾 𑌵𑌾॒𑌯𑍁𑌰॑𑌸𑌿 𑌤𑌿॒𑌗𑍍𑌮𑌤𑍇॑𑌜𑌾𑌃॒ 𑌪𑍃𑌥𑌿॑𑌵𑌿 𑌦𑍇𑌵𑌯𑌜॒ – 𑌨𑍍𑌯𑍋𑌷॑𑌦𑍍𑌧𑍍𑌯𑌾𑌸𑍍𑌤𑍇॒ 𑌮𑍂𑌲॒-𑌮𑍍𑌮𑌾 𑌹𑌿𑌗𑍍𑌮𑍍॑𑌸𑌿𑌷॒-𑌮𑌪॑𑌹𑌤𑍋॒-𑌽𑌰𑌰𑍁𑌃॑ 𑌪𑍃𑌥𑌿॒𑌵𑍍𑌯𑍈 𑌵𑍍𑌰॒𑌜-𑌙𑍍𑌗॑𑌚𑍍𑌛 𑌗𑍋॒𑌸𑍍𑌥𑌾𑌨𑌂॒-𑌵𑌁𑌰𑍍𑌷॑𑌤𑍁 𑌤𑍇॒ 𑌦𑍍𑌯𑍌𑌰𑍍𑌬॑𑌧𑌾॒𑌨 𑌦𑍇॑𑌵 𑌸𑌵𑌿𑌤𑌃 𑌪𑌰॒𑌮𑌸𑍍𑌯𑌾᳚-𑌮𑍍𑌪𑌰𑌾॒𑌵𑌤𑌿॑ 𑌶॒𑌤𑍇𑌨॒ 𑌪𑌾𑌶𑍈॒𑌰𑍍𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯-𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑌸𑍍𑌤𑌮𑌤𑍋॒ 𑌮𑌾 𑌮𑍌॒𑌗𑌪॑𑌹𑌤𑍋॒-𑌽𑌰𑌰𑍁𑌃॑ 𑌪𑍃𑌥𑌿॒𑌵𑍍𑌯𑍈 𑌦𑍇॑𑌵॒𑌯𑌜॑𑌨𑍍𑌯𑍈 𑌵𑍍𑌰॒𑌜𑌂- [𑌵𑍍𑌰॒𑌜𑌮𑍍, 𑌗॒𑌚𑍍𑌛॒ 𑌗𑍋॒𑌸𑍍𑌥𑌾𑌨𑌂॒-𑌵𑌁𑌰𑍍𑌷॑𑌤𑍁] 13
𑌗॑𑌚𑍍𑌛 𑌗𑍋॒𑌸𑍍𑌥𑌾𑌨𑌂॒-𑌵𑌁𑌰𑍍𑌷॑𑌤𑍁 𑌤𑍇॒ 𑌦𑍍𑌯𑍌𑌰𑍍𑌬॑𑌧𑌾॒𑌨 𑌦𑍇॑𑌵 𑌸𑌵𑌿𑌤𑌃 𑌪𑌰॒𑌮𑌸𑍍𑌯𑌾᳚-𑌮𑍍𑌪𑌰𑌾॒𑌵𑌤𑌿॑ 𑌶॒𑌤𑍇𑌨॒ 𑌪𑌾𑌶𑍈॒𑌰𑍍𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯-𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑌸𑍍𑌤𑌮𑌤𑍋॒ 𑌮𑌾 𑌮𑍌॒𑌗𑌪॑𑌹𑌤𑍋॒-𑌽𑌰𑌰𑍁𑌃॑ 𑌪𑍃𑌥𑌿॒𑌵𑍍𑌯𑌾 𑌅𑌦𑍇॑𑌵𑌯𑌜𑌨𑍋 𑌵𑍍𑌰॒𑌜-𑌙𑍍𑌗॑𑌚𑍍𑌛 𑌗𑍋॒𑌸𑍍𑌥𑌾𑌨𑌂॒-𑌵𑌁𑌰𑍍𑌷॑𑌤𑍁 𑌤𑍇॒ 𑌦𑍍𑌯𑍌𑌰𑍍𑌬॑𑌧𑌾॒𑌨 𑌦𑍇॑𑌵 𑌸𑌵𑌿𑌤𑌃 𑌪𑌰॒𑌮𑌸𑍍𑌯𑌾᳚-𑌮𑍍𑌪𑌰𑌾॒𑌵𑌤𑌿॑ 𑌶॒𑌤𑍇𑌨॒ 𑌪𑌾𑌶𑍈॒𑌰𑍍𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯-𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑌸𑍍𑌤𑌮𑌤𑍋॒ 𑌮𑌾- [𑌮𑌾, 𑌮𑍌॒𑌗॒𑌰𑌰𑍁॑𑌸𑍍𑌤𑍇॒ 𑌦𑌿𑌵॒-𑌮𑍍𑌮𑌾] 14
𑌮𑍌॑𑌗॒𑌰𑌰𑍁॑𑌸𑍍𑌤𑍇॒ 𑌦𑌿𑌵॒-𑌮𑍍𑌮𑌾 𑌸𑍍𑌕𑌾॒𑌨𑍍॒. 𑌵𑌸॑𑌵𑌸𑍍𑌤𑍍𑌵𑌾॒ 𑌪𑌰𑌿॑ 𑌗𑍃𑌹𑍍𑌣𑌨𑍍𑌤𑍁 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾𑌰𑍁॒𑌦𑍍𑌰𑌾𑌸𑍍𑌤𑍍𑌵𑌾॒ 𑌪𑌰𑌿॑ 𑌗𑍃𑌹𑍍𑌣𑌨𑍍𑌤𑍁॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌛𑌨𑍍𑌦॑𑌸𑌾-𑌽𑌽𑌦𑌿॒𑌤𑍍𑌯𑌾𑌸𑍍𑌤𑍍𑌵𑌾॒ 𑌪𑌰𑌿॑ 𑌗𑍃𑌹𑍍𑌣𑌨𑍍𑌤𑍁॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦॑𑌸𑌾 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁-𑌸𑍍𑌸॒𑌵𑍇 𑌕𑌰𑍍𑌮॑ 𑌕𑍃𑌣𑍍𑌵𑌨𑍍𑌤𑌿 𑌵𑍇॒𑌧𑌸॑ 𑌋॒𑌤𑌮॑𑌸𑍍𑌯𑍃𑌤॒𑌸𑌦॑𑌨-𑌮𑌸𑍍𑌯𑍃𑌤॒𑌶𑍍𑌰𑍀𑌰॑𑌸𑌿॒ 𑌧𑌾 𑌅॑𑌸𑌿 𑌸𑍍𑌵॒𑌧𑌾 𑌅॑𑌸𑍍𑌯𑍁॒𑌰𑍍𑌵𑍀 𑌚𑌾𑌸𑌿॒ 𑌵𑌸𑍍𑌵𑍀॑ 𑌚𑌾𑌸𑌿 𑌪𑍁॒𑌰𑌾 𑌕𑍍𑌰𑍂॒𑌰𑌸𑍍𑌯॑ 𑌵𑌿॒𑌸𑍃𑌪𑍋॑ 𑌵𑌿𑌰𑌫𑍍𑌶𑌿-𑌨𑍍𑌨𑍁𑌦𑌾॒𑌦𑌾𑌯॑ 𑌪𑍃𑌥𑌿॒𑌵𑍀-𑌞𑍍𑌜𑍀॒𑌰𑌦𑌾॑𑌨𑍁॒𑌰𑍍𑌯𑌾𑌮𑍈𑌰॑𑌯𑌨𑍍 𑌚॒𑌨𑍍𑌦𑍍𑌰𑌮॑𑌸𑌿 𑌸𑍍𑌵॒𑌧𑌾𑌭𑌿॒𑌸𑍍𑌤𑌾-𑌨𑍍𑌧𑍀𑌰𑌾॑𑌸𑍋 𑌅𑌨𑍁॒𑌦𑍃𑌶𑍍𑌯॑ 𑌯𑌜𑌨𑍍𑌤𑍇 ॥ 15 ॥
(𑌦𑍇॒𑌵॒𑌯𑌜॑𑌨𑍍𑌯𑍈 𑌵𑍍𑌰॒𑌜𑌂 – 𑌤𑌮𑌤𑍋॒ 𑌮𑌾 – 𑌵𑌿॑𑌰𑌫𑍍𑌶𑌿॒𑌨𑍍 – 𑌨𑍇𑌕𑌾॑𑌦𑌶 𑌚) (𑌅. )
𑌪𑍍𑌰𑌤𑍍𑌯𑍁॑𑌷𑍍𑌟॒𑌗𑍍𑌮𑍍॒ 𑌰𑌕𑍍𑌷𑌃॒ 𑌪𑍍𑌰𑌤𑍍𑌯𑍁॑𑌷𑍍𑌟𑌾॒ 𑌅𑌰𑌾॑𑌤𑌯𑍋॒ 𑌽𑌗𑍍𑌨𑍇-𑌰𑍍𑌵॒-𑌸𑍍𑌤𑍇𑌜𑌿॑𑌷𑍍𑌠𑍇𑌨॒ 𑌤𑍇𑌜॑𑌸𑌾॒ 𑌨𑌿-𑌷𑍍𑌟॑𑌪𑌾𑌮𑌿 𑌗𑍋॒𑌷𑍍𑌠-𑌮𑍍𑌮𑌾 𑌨𑌿𑌰𑍍𑌮𑍃॑𑌕𑍍𑌷𑌂-𑌵𑌾𑌁॒𑌜𑌿𑌨॑-𑌨𑍍𑌤𑍍𑌵𑌾 𑌸𑌪𑌤𑍍𑌨𑌸𑌾॒𑌹𑌗𑍍𑌮𑍍 𑌸-𑌮𑍍𑌮𑌾᳚𑌰𑍍𑌜𑍍𑌮𑌿॒ 𑌵𑌾𑌚॑-𑌮𑍍𑌪𑍍𑌰𑌾॒𑌣-𑌞𑍍𑌚𑌕𑍍𑌷𑍁॒-𑌶𑍍𑌶𑍍𑌰𑍋𑌤𑍍𑌰॑-𑌮𑍍𑌪𑍍𑌰॒𑌜𑌾𑌂-𑌯𑍋𑌁𑌨𑌿॒-𑌮𑍍𑌮𑌾 𑌨𑌿𑌰𑍍𑌮𑍃॑𑌕𑍍𑌷𑌂-𑌵𑌾𑌁॒𑌜𑌿𑌨𑍀᳚-𑌨𑍍𑌤𑍍𑌵𑌾 𑌸𑌪𑌤𑍍𑌨𑌸𑌾॒𑌹𑍀𑌗𑍍𑌮𑍍 𑌸-𑌮𑍍𑌮𑌾᳚𑌰𑍍𑌜𑍍𑌮𑍍𑌯𑌾॒𑌶𑌾𑌸𑌾॑𑌨𑌾 𑌸𑍌𑌮𑌨॒𑌸-𑌮𑍍𑌪𑍍𑌰॒𑌜𑌾𑌗𑍍𑌮𑍍 𑌸𑍌𑌭𑌾᳚𑌗𑍍𑌯-𑌨𑍍𑌤॒𑌨𑍂𑌮𑍍 । 𑌅॒𑌗𑍍𑌨𑍇𑌰𑌨𑍁॑𑌵𑍍𑌰𑌤𑌾 𑌭𑍂॒𑌤𑍍𑌵𑌾 𑌸-𑌨𑍍𑌨॑𑌹𑍍𑌯𑍇 𑌸𑍁𑌕𑍃॒𑌤𑌾𑌯॒ 𑌕𑌮𑍍 ॥ 𑌸𑍁॒𑌪𑍍𑌰॒𑌜𑌸॑𑌸𑍍𑌤𑍍𑌵𑌾 𑌵॒𑌯𑌗𑍍𑌮𑍍 𑌸𑍁॒𑌪𑌤𑍍𑌨𑍀॒𑌰𑍁𑌪॑- [𑌸𑍁॒𑌪𑌥𑍍𑌨𑍀॒𑌰𑍁𑌪॑, 𑌸𑍇॒𑌦𑌿॒𑌮𑌿॒ ।] 16
𑌸𑍇𑌦𑌿𑌮 । 𑌅𑌗𑍍𑌨𑍇॑ 𑌸𑌪𑌤𑍍𑌨॒𑌦𑌮𑍍𑌭॑𑌨॒-𑌮𑌦॑𑌬𑍍𑌧𑌾𑌸𑍋॒ 𑌅𑌦𑌾᳚𑌭𑍍𑌯𑌮𑍍 ॥ 𑌇॒𑌮𑌂-𑌵𑌿𑌁𑌷𑍍𑌯𑌾॑𑌮𑌿॒ 𑌵𑌰𑍁॑𑌣𑌸𑍍𑌯॒ 𑌪𑌾𑌶𑌂॒ 𑌯𑌁-𑌮𑌬॑𑌦𑍍𑌧𑍍𑌨𑍀𑌤 𑌸𑌵𑌿॒𑌤𑌾 𑌸𑍁॒𑌕𑍇𑌤𑌃॑ । 𑌧𑌾॒𑌤𑍁-𑌶𑍍𑌚॒ 𑌯𑍋𑌨𑍌॑ 𑌸𑍁𑌕𑍃॒𑌤𑌸𑍍𑌯॑ 𑌲𑍋॒𑌕𑍇 𑌸𑍍𑌯𑍋॒𑌨-𑌮𑍍𑌮𑍇॑ 𑌸॒𑌹 𑌪𑌤𑍍𑌯𑌾॑ 𑌕𑌰𑍋𑌮𑌿 ॥ 𑌸𑌮𑌾𑌯𑍁॑𑌷𑌾॒ 𑌸𑌮𑍍𑌪𑍍𑌰॒𑌜𑌯𑌾॒ 𑌸𑌮॑𑌗𑍍𑌨𑍇॒ 𑌵𑌰𑍍𑌚॑𑌸𑌾॒ 𑌪𑍁𑌨𑌃॑ । 𑌸-𑌮𑍍𑌪𑌤𑍍𑌨𑍀॒ 𑌪𑌤𑍍𑌯𑌾॒-𑌽𑌹-𑌙𑍍𑌗॑𑌚𑍍𑌛𑍇॒ 𑌸𑌮𑌾॒𑌤𑍍𑌮𑌾 𑌤॒𑌨𑍁𑌵𑌾॒ 𑌮𑌮॑ ॥ 𑌮॒𑌹𑍀॒𑌨𑌾-𑌮𑍍𑌪𑌯𑍋॒-𑌽𑌸𑍍𑌯𑍋𑌷॑𑌧𑍀𑌨𑌾॒𑌗𑍍𑌮𑍍॒ 𑌰𑌸॒𑌸𑍍𑌤𑌸𑍍𑌯॒ 𑌤𑍇-𑌽𑌕𑍍𑌷𑍀॑𑌯𑌮𑌾𑌣𑌸𑍍𑌯॒ 𑌨𑌿- [𑌨𑌿𑌃, 𑌵॒𑌪𑌾॒𑌮𑌿॒ 𑌮॒𑌹𑍀॒𑌨𑌾𑌂] 1
𑌰𑍍𑌵॑𑌪𑌾𑌮𑌿 𑌮𑌹𑍀॒𑌨𑌾-𑌮𑍍𑌪𑌯𑍋॒-𑌽𑌸𑍍𑌯𑍋𑌷॑𑌧𑍀𑌨𑌾॒𑌗𑍍𑌮𑍍॒ 𑌰𑌸𑍋-𑌽𑌦॑𑌬𑍍𑌧𑍇𑌨 𑌤𑍍𑌵𑌾॒ 𑌚𑌕𑍍𑌷𑍁॒𑌷𑌾-𑌽𑌵𑍇᳚𑌕𑍍𑌷𑍇 𑌸𑍁𑌪𑍍𑌰𑌜𑌾॒𑌸𑍍𑌤𑍍𑌵𑌾𑌯॒ 𑌤𑍇𑌜𑍋॑-𑌽𑌸𑌿॒ 𑌤𑍇𑌜𑍋-𑌽𑌨𑍁॒ 𑌪𑍍𑌰𑍇𑌹𑍍𑌯॒𑌗𑍍𑌨𑌿𑌸𑍍𑌤𑍇॒ 𑌤𑍇𑌜𑍋॒ 𑌮𑌾 𑌵𑌿 𑌨𑍈॑𑌦॒𑌗𑍍𑌨𑍇-𑌰𑍍𑌜𑌿॒𑌹𑍍𑌵𑌾-𑌽𑌸𑌿॑ 𑌸𑍁॒𑌭𑍂𑌰𑍍𑌦𑍇॒𑌵𑌾𑌨𑌾॒-𑌨𑍍𑌧𑌾𑌮𑍍𑌨𑍇॑𑌧𑌾𑌮𑍍𑌨𑍇 𑌦𑍇॒𑌵𑍇𑌭𑍍𑌯𑍋॒ 𑌯𑌜𑍁॑𑌷𑍇𑌯𑌜𑍁𑌷𑍇 𑌭𑌵 𑌶𑍁॒𑌕𑍍𑌰𑌮॑𑌸𑌿॒ 𑌜𑍍𑌯𑍋𑌤𑌿॑𑌰𑌸𑌿॒ 𑌤𑍇𑌜𑍋॑-𑌽𑌸𑌿 𑌦𑍇॒𑌵𑍋 𑌵॑-𑌸𑍍𑌸𑌵𑌿॒𑌤𑍋-𑌤𑍍𑌪𑍁॑𑌨𑌾॒𑌤𑍍𑌵𑌚𑍍𑌛𑌿॑𑌦𑍍𑌰𑍇𑌣 𑌪॒𑌵𑌿𑌤𑍍𑌰𑍇॑𑌣॒ 𑌵𑌸𑍋॒-𑌸𑍍𑌸𑍂𑌰𑍍𑌯॑𑌸𑍍𑌯 𑌰॒𑌶𑍍𑌮𑌿𑌭𑌿॑-𑌶𑍍𑌶𑍁॒𑌕𑍍𑌰-𑌨𑍍𑌤𑍍𑌵𑌾॑ 𑌶𑍁॒𑌕𑍍𑌰𑌾𑌯𑌾॒-𑌨𑍍𑌧𑌾𑌮𑍍𑌨𑍇॑𑌧𑌾𑌮𑍍𑌨𑍇 𑌦𑍇॒𑌵𑍇𑌭𑍍𑌯𑍋॒ 𑌯𑌜𑍁॑𑌷𑍇𑌯𑌜𑍁𑌷𑍇 𑌗𑍃𑌹𑍍𑌣𑌾𑌮𑌿॒ 𑌜𑍍𑌯𑍋𑌤𑌿॑𑌸𑍍𑌤𑍍𑌵𑌾॒ 𑌜𑍍𑌯𑍋𑌤𑌿॑𑌷𑍍𑌯॒𑌰𑍍𑌚𑌿𑌸𑍍𑌤𑍍𑌵𑌾॒-𑌽𑌰𑍍𑌚𑌿𑌷𑌿॒ 𑌧𑌾𑌮𑍍𑌨𑍇॑𑌧𑌾𑌮𑍍𑌨𑍇 𑌦𑍇॒𑌵𑍇𑌭𑍍𑌯𑍋॒ 𑌯𑌜𑍁॑𑌷𑍇𑌯𑌜𑍁𑌷𑍇 𑌗𑍃𑌹𑍍𑌣𑌾𑌮𑌿 ॥ 1 ॥
(𑌉𑌪॒ – 𑌨𑍀 – 𑌰॒𑌶𑍍𑌮𑌿𑌭𑌿॑-𑌶𑍍𑌶𑍁॒𑌕𑍍𑌰𑌗𑍍𑌮𑍍 – 𑌷𑍋𑌡॑𑌶 𑌚) (𑌅. 10)
𑌕𑍃𑌷𑍍𑌣𑍋᳚-𑌽𑌸𑍍𑌯𑌾𑌖𑌰𑍇॒𑌷𑍍𑌠𑍋᳚-𑌽𑌗𑍍𑌨𑌯𑍇᳚ 𑌤𑍍𑌵𑌾॒ 𑌸𑍍𑌵𑌾𑌹𑌾॒ 𑌵𑍇𑌦𑌿॑𑌰𑌸𑌿 𑌬॒𑌰𑍍॒𑌹𑌿𑌷𑍇᳚ 𑌤𑍍𑌵𑌾॒ 𑌸𑍍𑌵𑌾𑌹𑌾 ॑𑌬॒𑌰𑍍॒𑌹𑌿𑌰॑𑌸𑌿 𑌸𑍍𑌰𑍁॒𑌗𑍍𑌭𑍍𑌯𑌸𑍍𑌤𑍍𑌵𑌾॒ 𑌸𑍍𑌵𑌾𑌹𑌾॑ 𑌦𑌿॒𑌵𑍇 𑌤𑍍𑌵𑌾॒-𑌽𑌨𑍍𑌤𑌰𑌿॑𑌕𑍍𑌷𑌾𑌯 𑌤𑍍𑌵𑌾 𑌪𑍃𑌥𑌿॒𑌵𑍍𑌯𑍈 𑌤𑍍𑌵𑌾᳚ 𑌸𑍍𑌵॒𑌧𑌾 𑌪𑌿॒𑌤𑍃𑌭𑍍𑌯॒ 𑌊𑌰𑍍𑌗𑍍𑌭॑𑌵 𑌬𑌰𑍍𑌹𑌿॒𑌷𑌦𑍍𑌭𑍍𑌯॑ 𑌊॒𑌰𑍍𑌜𑌾 𑌪𑍃॑𑌥𑌿॒𑌵𑍀-𑌙𑍍𑌗॑𑌚𑍍𑌛𑌤॒ 𑌵𑌿𑌷𑍍𑌣𑍋॒-𑌸𑍍𑌸𑍍𑌤𑍂𑌪𑍋॒-𑌽𑌸𑍍𑌯𑍂𑌰𑍍𑌣𑌾᳚𑌮𑍍𑌰𑌦𑌸-𑌨𑍍𑌤𑍍𑌵𑌾 𑌸𑍍𑌤𑍃𑌣𑌾𑌮𑌿 𑌸𑍍𑌵𑌾𑌸॒𑌸𑍍𑌥-𑌨𑍍𑌦𑍇॒𑌵𑍇𑌭𑍍𑌯𑍋॑ 𑌗𑌨𑍍𑌧॒𑌰𑍍𑌵𑍋॑-𑌽𑌸𑌿 𑌵𑌿॒𑌶𑍍𑌵𑌾𑌵॑𑌸𑍁॒-𑌰𑍍𑌵𑌿𑌶𑍍𑌵॑𑌸𑍍𑌮𑌾॒𑌦𑍀𑌷॑𑌤𑍋॒ 𑌯𑌜॑𑌮𑌾𑌨𑌸𑍍𑌯 𑌪𑌰𑌿॒𑌧𑌿𑌰𑌿॒𑌡 𑌈॑𑌡𑌿॒𑌤 𑌇𑌨𑍍𑌦𑍍𑌰॑𑌸𑍍𑌯 𑌬𑌾॒𑌹𑍁𑌰॑𑌸𑌿॒- [𑌬𑌾॒𑌹𑍁𑌰॑𑌸𑌿, 𑌦𑌕𑍍𑌷𑌿॑𑌣𑍋॒] 1
𑌦𑌕𑍍𑌷𑌿॑𑌣𑍋॒ 𑌯𑌜॑𑌮𑌾𑌨𑌸𑍍𑌯 𑌪𑌰𑌿॒𑌧𑌿𑌰𑌿॒𑌡 𑌈॑𑌡𑌿॒𑌤𑍋 𑌮𑌿॒𑌤𑍍𑌰𑌾𑌵𑌰𑍁॑𑌣𑍌 𑌤𑍍𑌵𑍋𑌤𑍍𑌤𑌰॒𑌤𑌃 𑌪𑌰𑌿॑ 𑌧𑌤𑍍𑌤𑌾-𑌨𑍍𑌧𑍍𑌰𑍁॒𑌵𑍇𑌣॒ 𑌧𑌰𑍍𑌮॑𑌣𑌾॒ 𑌯𑌜॑𑌮𑌾𑌨𑌸𑍍𑌯 𑌪𑌰𑌿॒𑌧𑌿𑌰𑌿॒𑌡 𑌈॑𑌡𑌿॒𑌤-𑌸𑍍𑌸𑍂𑌰𑍍𑌯॑𑌸𑍍𑌤𑍍𑌵𑌾 𑌪𑍁॒𑌰𑌸𑍍𑌤𑌾᳚-𑌤𑍍𑌪𑌾𑌤𑍁॒ 𑌕𑌸𑍍𑌯𑌾᳚𑌶𑍍𑌚𑌿𑌦॒𑌭𑌿𑌶॑𑌸𑍍𑌤𑍍𑌯𑌾 𑌵𑍀॒𑌤𑌿𑌹𑍋᳚𑌤𑍍𑌰-𑌨𑍍𑌤𑍍𑌵𑌾 𑌕𑌵𑍇 𑌦𑍍𑌯𑍁॒𑌮𑌨𑍍𑌤॒𑌗𑍍𑌮𑍍॒ 𑌸𑌮𑌿॑𑌧𑍀𑌮॒𑌹𑍍𑌯𑌗𑍍𑌨𑍇॑ 𑌬𑍃॒𑌹𑌨𑍍𑌤॑𑌮𑌦𑍍𑌧𑍍𑌵॒𑌰𑍇 𑌵𑌿॒𑌶𑍋 𑌯॒𑌨𑍍𑌤𑍍𑌰𑍇 𑌸𑍍𑌥𑍋॒ 𑌵𑌸𑍂॑𑌨𑌾𑌗𑍍𑌮𑍍 𑌰𑍁॒𑌦𑍍𑌰𑌾𑌣𑌾॑-𑌮𑌾𑌦𑌿॒𑌤𑍍𑌯𑌾𑌨𑌾॒𑌗𑍍𑌮𑍍॒ 𑌸𑌦॑𑌸𑌿 𑌸𑍀𑌦 𑌜𑍁॒𑌹𑍂𑌰𑍁॑𑌪॒𑌭𑍃-𑌦𑍍𑌧𑍍𑌰𑍁॒𑌵𑌾-𑌽𑌸𑌿॑ 𑌘𑍃॒𑌤𑌾𑌚𑍀॒ 𑌨𑌾𑌮𑍍𑌨𑌾᳚ 𑌪𑍍𑌰𑌿॒𑌯𑍇𑌣॒ 𑌨𑌾𑌮𑍍𑌨𑌾᳚ 𑌪𑍍𑌰𑌿॒𑌯𑍇 𑌸𑌦॑𑌸𑌿 𑌸𑍀𑌦𑍈॒𑌤𑌾 𑌅॑𑌸𑌦𑌨𑍍-𑌥𑍍𑌸𑍁𑌕𑍃॒𑌤𑌸𑍍𑌯॑ 𑌲𑍋॒𑌕𑍇 𑌤𑌾 𑌵𑌿॑𑌷𑍍𑌣𑍋 𑌪𑌾𑌹𑌿 𑌪𑌾॒𑌹𑌿 𑌯॒𑌜𑍍𑌞-𑌮𑍍𑌪𑌾॒𑌹𑌿 𑌯॒𑌜𑍍𑌞𑌪॑𑌤𑌿-𑌮𑍍𑌪𑌾॒𑌹𑌿 𑌮𑌾𑌂-𑌯𑌁॑𑌜𑍍𑌞॒𑌨𑌿𑌯᳚𑌮𑍍 ॥ 20 ॥
(𑌬𑌾॒𑌹𑍁𑌰॑𑌸𑌿 – 𑌪𑍍𑌰𑌿॒𑌯𑍇 𑌸𑌦॑𑌸𑌿॒ – 𑌪𑌞𑍍𑌚॑𑌦𑌶 𑌚) (𑌅. 11)
𑌭𑍁𑌵॑𑌨𑌮𑌸𑌿॒ 𑌵𑌿 𑌪𑍍𑌰॑𑌥॒𑌸𑍍𑌵𑌾𑌗𑍍𑌨𑍇॒ 𑌯𑌷𑍍𑌟॑𑌰𑌿॒𑌦-𑌨𑍍𑌨𑌮𑌃॑ । 𑌜𑍁𑌹𑍍𑌵𑍇𑌹𑍍𑌯॒𑌗𑍍𑌨𑌿𑌸𑍍𑌤𑍍𑌵𑌾᳚ 𑌹𑍍𑌵𑌯𑌤𑌿 𑌦𑍇𑌵𑌯॒𑌜𑍍𑌯𑌾𑌯𑌾॒ 𑌉𑌪॑𑌭𑍃॒𑌦𑍇𑌹𑌿॑ 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑌾 𑌹𑍍𑌵॑𑌯𑌤𑌿 𑌦𑍇𑌵𑌯॒𑌜𑍍𑌯𑌾𑌯𑌾॒ 𑌅𑌗𑍍𑌨𑌾॑𑌵𑌿𑌷𑍍𑌣𑍂॒ 𑌮𑌾 𑌵𑌾॒𑌮𑌵॑ 𑌕𑍍𑌰𑌮𑌿𑌷𑌂॒-𑌵𑌿𑌁 𑌜𑌿॑𑌹𑌾𑌥𑌾॒-𑌮𑍍𑌮𑌾 𑌮𑌾॒ 𑌸-𑌨𑍍𑌤𑌾᳚𑌪𑍍𑌤𑌂-𑌲𑍋𑌁॒𑌕-𑌮𑍍𑌮𑍇॑ 𑌲𑍋𑌕𑌕𑍃𑌤𑍌 𑌕𑍃𑌣𑍁𑌤𑌂॒-𑌵𑌿𑌁𑌷𑍍𑌣𑍋॒-𑌸𑍍𑌸𑍍𑌥𑌾𑌨॑𑌮𑌸𑍀॒𑌤 𑌇𑌨𑍍𑌦𑍍𑌰𑍋॑ 𑌅𑌕𑍃𑌣𑍋-𑌦𑍍𑌵𑍀॒𑌰𑍍𑌯𑌾॑𑌣𑌿 𑌸𑌮𑌾॒𑌰𑌭𑍍𑌯𑍋॒𑌰𑍍𑌧𑍍𑌵𑍋 𑌅॑𑌦𑍍𑌧𑍍𑌵॒𑌰𑍋 𑌦𑌿॑𑌵𑌿॒𑌸𑍍𑌪𑍃𑌶॒𑌮𑌹𑍍𑌰𑍁॑𑌤𑍋 𑌯॒𑌜𑍍𑌞𑍋 𑌯॒𑌜𑍍𑌞𑌪॑𑌤𑍇॒-𑌰𑌿𑌨𑍍𑌦𑍍𑌰𑌾॑𑌵𑌾॒𑌨𑍍-𑌥𑍍𑌸𑍍𑌵𑌾𑌹𑌾॑ 𑌬𑍃॒𑌹𑌦𑍍𑌭𑌾𑌃 𑌪𑌾॒𑌹𑌿 𑌮𑌾᳚-𑌽𑌗𑍍𑌨𑍇॒ 𑌦𑍁𑌶𑍍𑌚॑𑌰𑌿𑌤𑌾॒𑌦𑌾 𑌮𑌾॒ 𑌸𑍁𑌚॑𑌰𑌿𑌤𑍇 𑌭𑌜 𑌮॒𑌖𑌸𑍍𑌯॒ 𑌶𑌿𑌰𑍋॑-𑌽𑌸𑌿॒ 𑌸𑌞𑍍𑌜𑍍𑌯𑍋𑌤𑌿॑𑌷𑌾॒ 𑌜𑍍𑌯𑍋𑌤𑌿॑𑌰𑌙𑍍𑌕𑍍𑌤𑌾𑌮𑍍 ॥ 21 ॥
(𑌅𑌹𑍍𑌰𑍁॑𑌤॒ – 𑌏𑌕॑𑌵𑌿𑌗𑍍𑌮𑍍𑌶𑌤𑌿𑌶𑍍𑌚) (𑌅. 12)
𑌵𑌾𑌜॑𑌸𑍍𑌯 𑌮𑌾 𑌪𑍍𑌰𑌸॒𑌵𑍇𑌨𑍋᳚𑌦𑍍𑌗𑍍𑌰𑌾॒𑌭𑍇𑌣𑍋𑌦॑𑌗𑍍𑌰𑌭𑍀𑌤𑍍 । 𑌅𑌥𑌾॑ 𑌸॒𑌪𑌤𑍍𑌨𑌾॒𑌗𑍍𑌮𑍍॒ 𑌇𑌨𑍍𑌦𑍍𑌰𑍋॑ 𑌮𑍇 𑌨𑌿𑌗𑍍𑌰𑌾॒𑌭𑍇𑌣𑌾𑌧॑𑌰𑌾𑌗𑍍𑌮𑍍 𑌅𑌕𑌃 ॥ 𑌉॒𑌦𑍍𑌗𑍍𑌰𑌾॒𑌭-𑌞𑍍𑌚॑ 𑌨𑌿𑌗𑍍𑌰𑌾॒𑌭-𑌞𑍍𑌚॒ 𑌬𑍍𑌰𑌹𑍍𑌮॑ 𑌦𑍇॒𑌵𑌾 𑌅॑𑌵𑍀𑌵𑍃𑌧𑌨𑍍𑌨𑍍 । 𑌅𑌥𑌾॑ 𑌸॒𑌪𑌤𑍍𑌨𑌾॑𑌨𑌿𑌨𑍍𑌦𑍍𑌰𑌾॒𑌗𑍍𑌨𑍀 𑌮𑍇॑ 𑌵𑌿𑌷𑍂॒𑌚𑍀𑌨𑌾॒𑌨𑍍 𑌵𑍍𑌯॑𑌸𑍍𑌯𑌤𑌾𑌮𑍍 ॥ 𑌵𑌸𑍁॑𑌭𑍍𑌯𑌸𑍍𑌤𑍍𑌵𑌾 𑌰𑍁॒𑌦𑍍𑌰𑍇𑌭𑍍𑌯॑𑌸𑍍𑌤𑍍𑌵𑌾-𑌽𑌽𑌦𑌿॒𑌤𑍍𑌯𑍇𑌭𑍍𑌯॑𑌸𑍍𑌤𑍍𑌵𑌾॒-𑌽𑌕𑍍𑌤𑌗𑍍𑌮𑍍 𑌰𑌿𑌹𑌾॑𑌣𑌾 𑌵𑌿॒𑌯𑌨𑍍𑌤𑍁॒ 𑌵𑌯𑌃॑ ॥ 𑌪𑍍𑌰॒𑌜𑌾𑌂-𑌯𑍋𑌁𑌨𑌿॒-𑌮𑍍𑌮𑌾 𑌨𑌿𑌰𑍍𑌮𑍃॑𑌕𑍍𑌷॒𑌮𑌾 𑌪𑍍𑌯𑌾॑𑌯𑌨𑍍𑌤𑌾॒𑌮𑌾𑌪॒ 𑌓𑌷॑𑌧𑌯𑍋 𑌮॒𑌰𑍁𑌤𑌾॒-𑌮𑍍𑌪𑍃𑌷॑𑌤𑌯-𑌸𑍍𑌸𑍍𑌥॒ 𑌦𑌿𑌵𑌂॑- [𑌦𑌿𑌵᳚𑌮𑍍, 𑌗॒𑌚𑍍𑌛॒ 𑌤𑌤𑍋॑ 𑌨𑍋॒] 22
𑌗𑌚𑍍𑌛॒ 𑌤𑌤𑍋॑ 𑌨𑍋॒ 𑌵𑍃𑌷𑍍𑌟𑌿॒𑌮𑍇𑌰॑𑌯 । 𑌆॒𑌯𑍁॒𑌷𑍍𑌪𑌾 𑌅॑𑌗𑍍𑌨𑍇॒-𑌽𑌸𑍍𑌯𑌾𑌯𑍁॑𑌰𑍍𑌮𑍇 𑌪𑌾𑌹𑌿 𑌚𑌕𑍍𑌷𑍁॒𑌷𑍍𑌪𑌾 𑌅॑𑌗𑍍𑌨𑍇-𑌽𑌸𑌿॒ 𑌚𑌕𑍍𑌷𑍁॑𑌰𑍍𑌮𑍇 𑌪𑌾𑌹𑌿 𑌧𑍍𑌰𑍁॒𑌵𑌾-𑌽𑌸𑌿॒ 𑌯-𑌮𑍍𑌪॑𑌰𑌿॒𑌧𑌿-𑌮𑍍𑌪॒𑌰𑍍𑌯𑌧॑𑌤𑍍𑌥𑌾॒ 𑌅𑌗𑍍𑌨𑍇॑ 𑌦𑍇𑌵 𑌪॒𑌣𑌿𑌭𑌿॑-𑌰𑍍𑌵𑍀॒𑌯𑌮𑌾॑𑌣𑌃 । 𑌤-𑌨𑍍𑌤॑ 𑌏॒𑌤𑌮𑌨𑍁॒ 𑌜𑍋𑌷॑-𑌮𑍍𑌭𑌰𑌾𑌮𑌿॒ 𑌨𑍇𑌦𑍇॒𑌷 𑌤𑍍𑌵𑌦॑𑌪𑌚𑍇॒𑌤𑌯𑌾॑𑌤𑍈 𑌯॒𑌜𑍍𑌞𑌸𑍍𑌯॒ 𑌪𑌾𑌥॒ 𑌉𑌪॒ 𑌸𑌮𑌿॑𑌤𑌗𑍍𑌮𑍍 𑌸𑌗𑍍𑌗𑍍𑌸𑍍𑌰𑌾॒𑌵𑌭𑌾॑𑌗𑌾-𑌸𑍍𑌸𑍍𑌥𑍇॒𑌷𑌾 𑌬𑍃॒𑌹𑌨𑍍𑌤𑌃॑ 𑌪𑍍𑌰𑌸𑍍𑌤𑌰𑍇॒𑌷𑍍𑌠𑌾 𑌬॑𑌰𑍍𑌹𑌿॒𑌷𑌦॑𑌶𑍍𑌚 [ ] 23
𑌦𑍇॒𑌵𑌾 𑌇॒𑌮𑌾𑌂-𑌵𑌾𑌁𑌚॑𑌮॒𑌭𑌿 𑌵𑌿𑌶𑍍𑌵𑍇॑ 𑌗𑍃॒𑌣𑌨𑍍𑌤॑ 𑌆॒𑌸𑌦𑍍𑌯𑌾॒𑌸𑍍𑌮𑌿-𑌨𑍍𑌬॒𑌰𑍍॒𑌹𑌿𑌷𑌿॑ 𑌮𑌾𑌦𑌯𑌦𑍍𑌧𑍍𑌵𑌮॒𑌗𑍍𑌨𑍇-𑌰𑍍𑌵𑌾॒𑌮𑌪॑𑌨𑍍𑌨𑌗𑍃𑌹𑌸𑍍𑌯॒ 𑌸𑌦॑𑌸𑌿 𑌸𑌾𑌦𑌯𑌾𑌮𑌿 𑌸𑍁॒𑌮𑍍𑌨𑌾𑌯॑ 𑌸𑍁𑌮𑍍𑌨𑌿𑌨𑍀 𑌸𑍁॒𑌮𑍍𑌨𑍇 𑌮𑌾॑ 𑌧𑌤𑍍𑌤-𑌨𑍍𑌧𑍁॒𑌰𑌿 𑌧॒𑌰𑍍𑌯𑍌॑ 𑌪𑌾𑌤॒𑌮𑌗𑍍𑌨𑍇॑ 𑌽𑌦𑌬𑍍𑌧𑌾𑌯𑍋 𑌽𑌶𑍀𑌤𑌤𑌨𑍋 𑌪𑌾॒𑌹𑌿 𑌮𑌾॒-𑌽𑌦𑍍𑌯 𑌦𑌿॒𑌵𑌃 𑌪𑌾॒𑌹𑌿 𑌪𑍍𑌰𑌸𑌿॑𑌤𑍍𑌯𑍈 𑌪𑌾॒𑌹𑌿 𑌦𑍁𑌰𑌿॑𑌷𑍍𑌟𑍍𑌯𑍈 𑌪𑌾॒𑌹𑌿 𑌦𑍁॑𑌰𑌦𑍍𑌮॒𑌨𑍍𑌯𑍈 𑌪𑌾॒𑌹𑌿 𑌦𑍁𑌶𑍍𑌚॑𑌰𑌿𑌤𑌾॒𑌦𑌵𑌿॑𑌷-𑌨𑍍𑌨𑌃 𑌪𑌿॒𑌤𑍁-𑌙𑍍𑌕𑍃॑𑌣𑍁 𑌸𑍁॒𑌷𑌦𑌾॒ 𑌯𑍋𑌨𑌿॒𑌗𑍍𑌗𑍍॒ 𑌸𑍍𑌵𑌾𑌹𑌾॒ 𑌦𑍇𑌵𑌾॑ 𑌗𑌾𑌤𑍁𑌵𑌿𑌦𑍋 𑌗𑌾॒𑌤𑍁𑌂𑌵𑌿𑌁॒𑌤𑍍𑌤𑍍𑌵𑌾 𑌗𑌾॒𑌤𑍁 𑌮𑌿॑𑌤॒ 𑌮𑌨॑𑌸𑌸𑍍𑌪𑌤 𑌇॒𑌮-𑌨𑍍𑌨𑍋॑ 𑌦𑍇𑌵 𑌦𑍇॒𑌵𑍇𑌷𑍁॑ 𑌯॒𑌜𑍍𑌞𑌗𑍍𑌗𑍍 𑌸𑍍𑌵𑌾𑌹𑌾॑ 𑌵𑌾॒𑌚𑌿 𑌸𑍍𑌵𑌾𑌹𑌾॒ 𑌵𑌾𑌤𑍇॑ 𑌧𑌾𑌃 ॥ 24 ॥
(𑌦𑌿𑌵𑌂॑ – 𑌚 – 𑌵𑌿॒𑌤𑍍𑌤𑍍𑌵𑌾 𑌗𑌾॒𑌤𑍁𑌂 – 𑌤𑍍𑌰𑌯𑍋॑𑌦𑌶 𑌚) (𑌅. 13)
𑌉॒𑌭𑌾 𑌵𑌾॑𑌮𑌿𑌨𑍍𑌦𑍍𑌰𑌾𑌗𑍍𑌨𑍀 𑌆𑌹𑍁॒𑌵𑌦𑍍𑌧𑍍𑌯𑌾॑ 𑌉॒𑌭𑌾 𑌰𑌾𑌧॑𑌸-𑌸𑍍𑌸॒𑌹 𑌮𑌾॑𑌦॒𑌯𑌦𑍍𑌧𑍍𑌯𑍈᳚ । 𑌉॒𑌭𑌾 𑌦𑌾॒𑌤𑌾𑌰𑌾॑𑌵𑌿॒𑌷𑌾𑌗𑍍𑌮𑍍 𑌰॑𑌯𑍀॒𑌣𑌾𑌮𑍁॒𑌭𑌾 𑌵𑌾𑌜॑𑌸𑍍𑌯 𑌸𑌾॒𑌤𑌯𑍇॑ 𑌹𑍁𑌵𑍇 𑌵𑌾𑌮𑍍 ॥ 𑌅𑌶𑍍𑌰॑𑌵॒𑌗𑍍𑌮𑍍॒ 𑌹𑌿 𑌭𑍂॑𑌰𑌿॒𑌦𑌾𑌵॑𑌤𑍍𑌤𑌰𑌾 𑌵𑌾𑌂॒-𑌵𑌿𑌁𑌜𑌾॑𑌮𑌾𑌤𑍁𑌰𑍁॒𑌤 𑌵𑌾॑ 𑌘𑌾 𑌸𑍍𑌯𑌾॒𑌲𑌾𑌤𑍍 । 𑌅𑌥𑌾॒ 𑌸𑍋𑌮॑𑌸𑍍𑌯॒ 𑌪𑍍𑌰𑌯॑𑌤𑍀 𑌯𑍁॒𑌵𑌭𑍍𑌯𑌾॒𑌮𑌿𑌨𑍍𑌦𑍍𑌰𑌾᳚𑌗𑍍𑌨𑍀॒ 𑌸𑍍𑌤𑍋𑌮॑-𑌞𑍍𑌜𑌨𑌯𑌾𑌮𑌿॒ 𑌨𑌵𑍍𑌯᳚𑌮𑍍 ॥ 𑌇𑌨𑍍𑌦𑍍𑌰𑌾᳚𑌗𑍍𑌨𑍀 𑌨𑌵॒𑌤𑌿-𑌮𑍍𑌪𑍁𑌰𑍋॑ 𑌦𑌾॒𑌸𑌪॑𑌤𑍍𑌨𑍀𑌰𑌧𑍂𑌨𑍁𑌤𑌮𑍍 । 𑌸𑌾॒𑌕𑌮𑍇𑌕𑍇॑𑌨॒ 𑌕𑌰𑍍𑌮॑𑌣𑌾 ॥ 𑌶𑍁𑌚𑌿॒-𑌨𑍍𑌨𑍁 𑌸𑍍𑌤𑍋𑌮॒-𑌨𑍍𑌨𑌵॑𑌜𑌾𑌤-𑌮॒𑌦𑍍𑌯𑍇𑌨𑍍𑌦𑍍𑌰𑌾᳚𑌗𑍍𑌨𑍀 𑌵𑍃𑌤𑍍𑌰𑌹𑌣𑌾 𑌜𑍁॒𑌷𑍇𑌥𑌾᳚𑌮𑍍 ॥ 25 ॥
𑌉॒𑌭𑌾 𑌹𑌿 𑌵𑌾𑌗𑍍𑌮𑍍॑ 𑌸𑍁॒𑌹𑌵𑌾॒ 𑌜𑍋𑌹॑𑌵𑍀𑌮𑌿॒ 𑌤𑌾 𑌵𑌾𑌜𑌗𑍍𑌮𑍍॑ 𑌸॒𑌦𑍍𑌯 𑌉॑𑌶॒𑌤𑍇 𑌧𑍇𑌷𑍍𑌠𑌾᳚ ॥ 𑌵॒𑌯𑌮𑍁॑ 𑌤𑍍𑌵𑌾 𑌪𑌥𑌸𑍍𑌪𑌤𑍇॒ 𑌰𑌥॒-𑌨𑍍𑌨 𑌵𑌾𑌜॑𑌸𑌾𑌤𑌯𑍇 । 𑌧𑌿॒𑌯𑍇 𑌪𑍂॑𑌷𑌨𑍍𑌨𑌯𑍁𑌜𑍍𑌮𑌹𑌿 ॥ 𑌪॒𑌥𑌸𑍍𑌪॑𑌥𑌃॒ 𑌪𑌰𑌿॑𑌪𑌤𑌿𑌂-𑌵𑌁𑌚॒𑌸𑍍𑌯𑌾 𑌕𑌾𑌮𑍇॑𑌨 𑌕𑍃॒𑌤𑍋 𑌅॒𑌭𑍍𑌯𑌾॑𑌨𑌡॒𑌰𑍍𑌕𑌮𑍍 । 𑌸𑌨𑍋॑ 𑌰𑌾𑌸𑌚𑍍𑌛𑍁॒𑌰𑍁𑌧॑𑌶𑍍𑌚॒𑌨𑍍𑌦𑍍𑌰𑌾𑌗𑍍𑌰𑌾॒ 𑌧𑌿𑌯॑𑌨𑍍𑌧𑌿𑌯𑌗𑍍𑌮𑍍 𑌸𑍀𑌷𑌧𑌾𑌤𑌿॒ 𑌪𑍍𑌰 𑌪𑍂॒𑌷𑌾 ॥ 𑌕𑍍𑌷𑍇𑌤𑍍𑌰॑𑌸𑍍𑌯॒ 𑌪𑌤𑌿॑𑌨𑌾 𑌵॒𑌯𑌗𑍍𑌮𑍍 𑌹𑌿॒𑌤𑍇𑌨𑍇॑𑌵 𑌜𑌯𑌾𑌮𑌸𑌿 । 𑌗𑌾𑌮𑌶𑍍𑌵॑-𑌮𑍍𑌪𑍋𑌷𑌯𑌿॒𑌤𑍍𑌨𑍍𑌵𑌾 𑌸 𑌨𑍋॑ [𑌸 𑌨𑌃॑, 𑌮𑍃॒𑌡𑌾॒𑌤𑍀॒𑌦𑍃𑌶𑍇᳚ ।] 26
𑌮𑍃𑌡𑌾𑌤𑍀॒𑌦𑍃𑌶𑍇᳚ ॥ 𑌕𑍍𑌷𑍇𑌤𑍍𑌰॑𑌸𑍍𑌯 𑌪𑌤𑍇॒ 𑌮𑌧𑍁॑𑌮𑌨𑍍𑌤-𑌮𑍂॒𑌰𑍍𑌮𑌿-𑌨𑍍𑌧𑍇॒𑌨𑍁𑌰𑌿॑𑌵॒ 𑌪𑌯𑍋॑ 𑌅॒𑌸𑍍𑌮𑌾𑌸𑍁॑ 𑌧𑍁𑌕𑍍𑌷𑍍𑌵 । 𑌮॒𑌧𑍁॒𑌶𑍍𑌚𑍁𑌤॑-𑌙𑍍𑌘𑍃॒𑌤𑌮𑌿॑𑌵॒ 𑌸𑍁𑌪𑍂॑𑌤-𑌮𑍃॒𑌤𑌸𑍍𑌯॑ 𑌨𑌃॒ 𑌪𑌤॑𑌯𑍋 𑌮𑍃𑌡𑌯𑌨𑍍𑌤𑍁 ॥ 𑌅𑌗𑍍𑌨𑍇॒ 𑌨𑌯॑ 𑌸𑍁॒𑌪𑌥𑌾॑ 𑌰𑌾॒𑌯𑍇 𑌅॒𑌸𑍍𑌮𑌾𑌨𑍍. 𑌵𑌿𑌶𑍍𑌵𑌾॑𑌨𑌿 𑌦𑍇𑌵 𑌵॒𑌯𑍁𑌨𑌾॑𑌨𑌿 𑌵𑌿॒𑌦𑍍𑌵𑌾𑌨𑍍 । 𑌯𑍁॒𑌯𑍋॒𑌦𑍍𑌧𑍍𑌯॑𑌸𑍍𑌮-𑌜𑍍𑌜𑍁॑𑌹𑍁𑌰𑌾॒𑌣𑌮𑍇𑌨𑍋॒ 𑌭𑍂𑌯𑌿॑𑌷𑍍𑌠𑌾-𑌨𑍍𑌤𑍇॒ 𑌨𑌮॑𑌉𑌕𑍍𑌤𑌿𑌂-𑌵𑌿𑌁𑌧𑍇𑌮 ॥ 𑌆 𑌦𑍇॒𑌵𑌾𑌨𑌾॒𑌮𑌪𑌿॒ 𑌪𑌨𑍍𑌥𑌾॑-𑌮𑌗𑌨𑍍𑌮॒ 𑌯𑌚𑍍𑌛॒𑌕𑍍𑌨𑌵𑌾॑𑌮॒ 𑌤𑌦𑌨𑍁॒ 𑌪𑍍𑌰𑌵𑍋॑𑌢𑍁𑌮𑍍 । 𑌅॒𑌗𑍍𑌨𑌿-𑌰𑍍𑌵𑌿॒𑌦𑍍𑌵𑌾𑌨𑍍-𑌥𑍍𑌸 𑌯॑𑌜𑌾॒- [𑌸 𑌯॑𑌜𑌾𑌤𑍍, 𑌸𑍇𑌦𑍁॒ 𑌹𑍋𑌤𑌾॒ 𑌸𑍋] 2
𑌥𑍍𑌸𑍇𑌦𑍁॒ 𑌹𑍋𑌤𑌾॒ 𑌸𑍋 𑌅॑𑌦𑍍𑌧𑍍𑌵॒𑌰𑌾𑌨𑍍-𑌥𑍍𑌸 𑌋॒𑌤𑍂𑌨𑍍 𑌕॑𑌲𑍍𑌪𑌯𑌾𑌤𑌿 ॥ 𑌯𑌦𑍍𑌵𑌾𑌹𑌿॑𑌷𑍍𑌠॒-𑌨𑍍𑌤𑌦॒𑌗𑍍𑌨𑌯𑍇॑ 𑌬𑍃॒𑌹𑌦॑𑌰𑍍𑌚 𑌵𑌿𑌭𑌾𑌵𑌸𑍋 । 𑌮𑌹𑌿॑𑌷𑍀𑌵॒ 𑌤𑍍𑌵𑌦𑍍𑌰॒𑌯𑌿𑌸𑍍𑌤𑍍𑌵𑌦𑍍𑌵𑌾𑌜𑌾॒ 𑌉𑌦𑍀॑𑌰𑌤𑍇 ॥ 𑌅𑌗𑍍𑌨𑍇॒ 𑌤𑍍𑌵-𑌮𑍍𑌪𑌾॑𑌰𑌯𑌾॒ 𑌨𑌵𑍍𑌯𑍋॑ 𑌅॒𑌸𑍍𑌮𑌾𑌨𑍍-𑌥𑍍𑌸𑍍𑌵॒𑌸𑍍𑌤𑌿𑌭𑌿॒𑌰𑌤𑌿॑ 𑌦𑍁॒𑌰𑍍𑌗𑌾𑌣𑌿॒ 𑌵𑌿𑌶𑍍𑌵𑌾᳚ । 𑌪𑍂𑌶𑍍𑌚॑ 𑌪𑍃॒𑌥𑍍𑌵𑍀 𑌬॑𑌹𑍁॒𑌲𑌾 𑌨॑ 𑌉॒𑌰𑍍𑌵𑍀 𑌭𑌵𑌾॑ 𑌤𑍋॒𑌕𑌾𑌯॒ 𑌤𑌨॑𑌯𑌾𑌯॒ 𑌶𑌂-𑌯𑍋𑌃 𑌁॥ 𑌤𑍍𑌵𑌮॑𑌗𑍍𑌨𑍇 𑌵𑍍𑌰𑌤॒𑌪𑌾 𑌅॑𑌸𑌿 𑌦𑍇॒𑌵 𑌆 𑌮𑌰𑍍𑌤𑍍𑌯𑍇॒𑌷𑍍𑌵𑌾 । 𑌤𑍍𑌵𑌂-𑌯𑌁॒𑌜𑍍𑌞𑍇𑌷𑍍𑌵𑍀𑌡𑍍𑌯𑌃॑ ॥ 𑌯𑌦𑍍𑌵𑍋॑ 𑌵॒𑌯-𑌮𑍍𑌪𑍍𑌰॑𑌮𑌿॒𑌨𑌾𑌮॑ 𑌵𑍍𑌰॒𑌤𑌾𑌨𑌿॑ 𑌵𑌿॒𑌦𑍁𑌷𑌾᳚-𑌨𑍍𑌦𑍇𑌵𑌾॒ 𑌅𑌵𑌿॑𑌦𑍁𑌷𑍍𑌟𑌰𑌾𑌸𑌃 । 𑌅॒𑌗𑍍𑌨𑌿𑌷𑍍𑌟-𑌦𑍍𑌵𑌿𑌶𑍍𑌵॒𑌮𑌾 𑌪𑍃॑𑌣𑌾𑌤𑌿 𑌵𑌿॒𑌦𑍍𑌵𑌾𑌨𑍍. 𑌯𑍇𑌭𑌿॑-𑌰𑍍𑌦𑍇॒𑌵𑌾𑌗𑍍𑌮𑍍 𑌋॒𑌤𑍁𑌭𑌿𑌃॑ 𑌕॒𑌲𑍍𑌪𑌯𑌾॑𑌤𑌿 ॥ 2 ॥
(𑌜𑍁॒𑌷𑍇𑌥𑌾॒𑌮𑌾 – 𑌸 𑌨𑍋॑ – 𑌯𑌜𑌾॒ – 𑌦𑌾 – 𑌤𑍍𑌰𑌯𑍋॑𑌵𑌿𑌗𑍍𑌮𑍍𑌶𑌤𑌿𑌶𑍍𑌚) (𑌅. 14)
(𑌇॒𑌷𑍇 𑌤𑍍𑌵𑌾॑ – 𑌯॒𑌜𑍍𑌞𑌸𑍍𑌯॒ – 𑌶𑍁𑌨𑍍𑌧॑𑌧𑍍𑌵𑌂॒ – 𑌕𑌰𑍍𑌮॑𑌣𑍇 𑌵𑌾𑌂 – 𑌦𑍇॒𑌵𑍋-𑌽𑌵॑𑌧𑍂𑌤𑌂॒ – 𑌧𑍁𑌷𑍍𑌟𑌿𑌃॒ – 𑌸𑌂-𑌵𑌁॑𑌪𑌾॒- 𑌮𑍍𑌯𑌾 𑌦॑𑌦𑍇॒ – 𑌪𑍍𑌰𑌤𑍍𑌯𑍁॑𑌷𑍍𑌟𑌂॒ – 𑌕𑍃𑌷𑍍𑌣𑍋॑-𑌽𑌸𑌿॒ – 𑌭𑍁𑌵॑𑌨𑌮𑌸𑌿॒ – 𑌵𑌾𑌜॑𑌸𑍍𑌯𑍋॒𑌭𑌾 𑌵𑌾𑌂॒ – 𑌚𑌤𑍁॑𑌰𑍍𑌦𑌶 )
(𑌇॒𑌷𑍇 – 𑌦𑍃𑌗𑍍𑌮𑍍॑𑌹॒ – 𑌭𑍁𑌵॑𑌨 – 𑌮॒𑌷𑍍𑌟𑌾𑌵𑌿𑌗𑍍𑌮𑍍॑𑌶𑌤𑌿𑌃 )
(𑌇॒𑌷𑍇 𑌤𑍍𑌵𑌾॑, 𑌕॒𑌲𑍍𑌪𑌯𑌾॑𑌤𑌿)
॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥
