𑌅𑌷𑍍𑌟𑌾𑌵𑌕𑍍𑌰 𑌉𑌵𑌾𑌚 ॥
𑌵𑌿𑌹𑌾𑌯 𑌵𑍈𑌰𑌿𑌣𑌂 𑌕𑌾𑌮𑌮𑌰𑍍𑌥𑌂 𑌚𑌾𑌨𑌰𑍍𑌥𑌸𑌂𑌕𑍁𑌲𑌮𑍍 ।
𑌧𑌰𑍍𑌮𑌮𑌪𑍍𑌯𑍇𑌤𑌯𑍋𑌰𑍍𑌹𑍇𑌤𑍁𑌂 𑌸𑌰𑍍𑌵𑌤𑍍𑌰𑌾𑌨𑌾𑌦𑌰𑌂 𑌕𑍁𑌰𑍁 ॥ 10-1॥
𑌸𑍍𑌵𑌪𑍍𑌨𑍇𑌂𑌦𑍍𑌰𑌜𑌾𑌲𑌵𑌤𑍍 𑌪𑌶𑍍𑌯 𑌦𑌿𑌨𑌾𑌨𑌿 𑌤𑍍𑌰𑍀𑌣𑌿 𑌪𑌂𑌚 𑌵𑌾 ।
𑌮𑌿𑌤𑍍𑌰𑌕𑍍𑌷𑍇𑌤𑍍𑌰𑌧𑌨𑌾𑌗𑌾𑌰𑌦𑌾𑌰𑌦𑌾𑌯𑌾𑌦𑌿𑌸𑌂𑌪𑌦𑌃 ॥ 10-2॥
𑌯𑌤𑍍𑌰 𑌯𑌤𑍍𑌰 𑌭𑌵𑍇𑌤𑍍𑌤𑍃𑌷𑍍𑌣𑌾 𑌸𑌂𑌸𑌾𑌰𑌂 𑌵𑌿𑌦𑍍𑌧𑌿 𑌤𑌤𑍍𑌰 𑌵𑍈 ।
𑌪𑍍𑌰𑍌𑌢𑌵𑍈𑌰𑌾𑌗𑍍𑌯𑌮𑌾𑌶𑍍𑌰𑌿𑌤𑍍𑌯 𑌵𑍀𑌤𑌤𑍃𑌷𑍍𑌣𑌃 𑌸𑍁𑌖𑍀 𑌭𑌵 ॥ 10-3॥
𑌤𑍃𑌷𑍍𑌣𑌾𑌮𑌾𑌤𑍍𑌰𑌾𑌤𑍍𑌮𑌕𑍋 𑌬𑌂𑌧𑌸𑍍𑌤𑌨𑍍𑌨𑌾𑌶𑍋 𑌮𑍋𑌕𑍍𑌷 𑌉𑌚𑍍𑌯𑌤𑍇 ।
𑌭𑌵𑌾𑌸𑌂𑌸𑌕𑍍𑌤𑌿𑌮𑌾𑌤𑍍𑌰𑍇𑌣 𑌪𑍍𑌰𑌾𑌪𑍍𑌤𑌿𑌤𑍁𑌷𑍍𑌟𑌿𑌰𑍍𑌮𑍁𑌹𑍁𑌰𑍍𑌮𑍁𑌹𑍁𑌃 ॥ 10-4॥
𑌤𑍍𑌵𑌮𑍇𑌕𑌶𑍍𑌚𑍇𑌤𑌨𑌃 𑌶𑍁𑌦𑍍𑌧𑍋 𑌜𑌡𑌂 𑌵𑌿𑌶𑍍𑌵𑌮𑌸𑌤𑍍𑌤𑌥𑌾 ।
𑌅𑌵𑌿𑌦𑍍𑌯𑌾𑌪𑌿 𑌨 𑌕𑌿𑌂𑌚𑌿𑌤𑍍𑌸𑌾 𑌕𑌾 𑌬𑍁𑌭𑍁𑌤𑍍𑌸𑌾 𑌤𑌥𑌾𑌪𑌿 𑌤𑍇 ॥ 10-5॥
𑌰𑌾𑌜𑍍𑌯𑌂 𑌸𑍁𑌤𑌾𑌃 𑌕𑌲𑌤𑍍𑌰𑌾𑌣𑌿 𑌶𑌰𑍀𑌰𑌾𑌣𑌿 𑌸𑍁𑌖𑌾𑌨𑌿 𑌚 ।
𑌸𑌂𑌸𑌕𑍍𑌤𑌸𑍍𑌯𑌾𑌪𑌿 𑌨𑌷𑍍𑌟𑌾𑌨𑌿 𑌤𑌵 𑌜𑌨𑍍𑌮𑌨𑌿 𑌜𑌨𑍍𑌮𑌨𑌿 ॥ 10-6॥
𑌅𑌲𑌮𑌰𑍍𑌥𑍇𑌨 𑌕𑌾𑌮𑍇𑌨 𑌸𑍁𑌕𑍃𑌤𑍇𑌨𑌾𑌪𑌿 𑌕𑌰𑍍𑌮𑌣𑌾 ।
𑌏𑌭𑍍𑌯𑌃 𑌸𑌂𑌸𑌾𑌰𑌕𑌾𑌂𑌤𑌾𑌰𑍇 𑌨 𑌵𑌿𑌶𑍍𑌰𑌾𑌂𑌤𑌮𑌭𑍂𑌨𑍍 𑌮𑌨𑌃 ॥ 10-॥
𑌕𑍃𑌤𑌂 𑌨 𑌕𑌤𑌿 𑌜𑌨𑍍𑌮𑌾𑌨𑌿 𑌕𑌾𑌯𑍇𑌨 𑌮𑌨𑌸𑌾 𑌗𑌿𑌰𑌾 ।
𑌦𑍁𑌃𑌖𑌮𑌾𑌯𑌾𑌸𑌦𑌂 𑌕𑌰𑍍𑌮 𑌤𑌦𑌦𑍍𑌯𑌾𑌪𑍍𑌯𑍁𑌪𑌰𑌮𑍍𑌯𑌤𑌾𑌮𑍍 ॥ 10-॥
