𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌚𑌤𑍁𑌰𑍍𑌥𑌃 𑌪𑍍𑌰𑌶𑍍𑌨𑌃 – 𑌇𑌷𑍍𑌟𑌕𑌾𑌤𑍍𑌰𑌯𑌾𑌭𑌿𑌧𑌾𑌨𑌂
𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥
𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸॒-𑌨𑍍𑌤𑍇 𑌨 𑌵𑍍𑌯॑𑌜𑌯𑌨𑍍𑌤॒ 𑌸 𑌏॒𑌤𑌾 𑌇𑌨𑍍𑌦𑍍𑌰॑𑌸𑍍𑌤॒𑌨𑍂𑌰॑𑌪𑌶𑍍𑌯॒-𑌤𑍍𑌤𑌾 𑌉𑌪𑌾॑𑌧𑌤𑍍𑌤॒ 𑌤𑌾𑌭𑌿॒𑌰𑍍𑌵𑍈 𑌸 𑌤॒𑌨𑍁𑌵॑𑌮𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌾॒𑌤𑍍𑌮𑌨𑍍𑌨॑𑌧𑌤𑍍𑌤॒ 𑌤𑌤𑍋॑ 𑌦𑍇॒𑌵𑌾 𑌅𑌭॑𑌵॒-𑌨𑍍𑌪𑌰𑌾-𑌽𑌸𑍁॑𑌰𑌾॒ 𑌯𑌦𑌿॑𑌨𑍍𑌦𑍍𑌰𑌤॒𑌨𑍂𑌰𑍁॑𑌪॒𑌦𑌧𑌾॑𑌤𑌿 𑌤॒𑌨𑍁𑌵॑𑌮𑍇॒𑌵 𑌤𑌾𑌭𑌿॑𑌰𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯𑌂॑-𑌯𑌁𑌜॑𑌮𑌾𑌨 𑌆॒𑌤𑍍𑌮-𑌨𑍍𑌧॒𑌤𑍍𑌤𑍇-𑌽𑌥𑍋॒ 𑌸𑍇𑌨𑍍𑌦𑍍𑌰॑𑌮𑍇॒𑌵𑌾𑌗𑍍𑌨𑌿𑌗𑍍𑌮𑍍 𑌸𑌤॑𑌨𑍁-𑌞𑍍𑌚𑌿𑌨𑍁𑌤𑍇॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 [𑌭𑍍𑌰𑌾𑌤𑍃॑𑌵𑍍𑌯𑌃, 𑌭॒𑌵॒𑌤𑌿॒ 𑌯॒𑌜𑍍𑌞𑍋] 1
𑌭𑌵𑌤𑌿 𑌯॒𑌜𑍍𑌞𑍋 𑌦𑍇॒𑌵𑍇𑌭𑍍𑌯𑍋-𑌽𑌪𑌾᳚𑌕𑍍𑌰𑌾𑌮॒-𑌤𑍍𑌤𑌮॑𑌵॒𑌰𑍁𑌧॒-𑌨𑍍𑌨𑌾𑌶॑𑌕𑍍𑌨𑍁𑌵॒𑌨𑍍𑌤 𑌏॒𑌤𑌾 𑌯॑𑌜𑍍𑌞𑌤॒𑌨𑍂𑌰॑𑌪𑌶𑍍𑌯॒-𑌨𑍍𑌤𑌾 𑌉𑌪𑌾॑𑌦𑌧𑌤॒ 𑌤𑌾𑌭𑌿॒𑌰𑍍𑌵𑍈 𑌤𑍇 𑌯॒𑌜𑍍𑌞𑌮𑌵𑌾॑𑌰𑍁𑌨𑍍𑌧𑌤॒ 𑌯-𑌦𑍍𑌯॑𑌜𑍍𑌞𑌤॒𑌨𑍂𑌰𑍁॑𑌪॒𑌦𑌧𑌾॑𑌤𑌿 𑌯॒𑌜𑍍𑌞𑌮𑍇॒𑌵 𑌤𑌾𑌭𑌿॒𑌰𑍍𑌯𑌜॑𑌮𑌾॒𑌨𑍋-𑌽𑌵॑ 𑌰𑍁𑌨𑍍𑌧𑍇॒ 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌮𑍍 𑌶𑌤॒𑌮𑍁𑌪॑ 𑌦𑌧𑌾𑌤𑌿॒ 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌮𑍍𑌶॒𑌦𑍍𑌵𑍈 𑌦𑍇॒𑌵𑌤𑌾॑ 𑌦𑍇॒𑌵𑌤𑌾॑ 𑌏॒𑌵𑌾𑌵॑ 𑌰𑍁॒𑌨𑍍𑌧𑍇 𑌽𑌥𑍋॒ 𑌸𑌾𑌤𑍍𑌮𑌾॑𑌨𑌮𑍇॒𑌵𑌾𑌗𑍍𑌨𑌿𑌗𑍍𑌮𑍍 𑌸𑌤॑𑌨𑍁-𑌞𑍍𑌚𑌿𑌨𑍁𑌤𑍇॒ 𑌸𑌾𑌤𑍍𑌮𑌾॒-𑌽𑌮𑍁𑌷𑍍𑌮𑌿॑-𑌲𑍍𑌲𑍋𑌁॒𑌕𑍇 [-𑌽𑌮𑍁𑌷𑍍𑌮𑌿॑-𑌲𑍍𑌲𑍋𑌁॒𑌕𑍇, 𑌭॒𑌵॒𑌤𑌿॒ 𑌯] 2
𑌭॑𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀॒𑌰𑍁𑌪॑ 𑌦𑌧𑌾𑌤𑌿॒ 𑌜𑍍𑌯𑍋𑌤𑌿॑𑌰𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑍍𑌯𑍇॒𑌤𑌾𑌭𑌿॒𑌰𑍍𑌵𑌾 𑌅॒𑌗𑍍𑌨𑌿𑌶𑍍𑌚𑌿॒𑌤𑍋 𑌜𑍍𑌵॑𑌲𑌤𑌿॒ 𑌤𑌾𑌭𑌿॑𑌰𑍇॒𑌵𑍈𑌨॒𑌗𑍍𑌮𑍍॒ 𑌸𑌮𑌿॑𑌨𑍍𑌧 𑌉॒𑌭𑌯𑍋॑𑌰𑌸𑍍𑌮𑍈 𑌲𑍋॒𑌕𑌯𑍋॒𑌰𑍍𑌜𑍍𑌯𑍋𑌤𑌿॑𑌰𑍍𑌭𑌵𑌤𑌿 𑌨𑌕𑍍𑌷𑌤𑍍𑌰𑍇𑌷𑍍𑌟॒𑌕𑌾 𑌉𑌪॑ 𑌦𑌧𑌾𑌤𑍍𑌯𑍇॒𑌤𑌾𑌨𑌿॒ 𑌵𑍈 𑌦𑌿॒𑌵𑍋 𑌜𑍍𑌯𑍋𑌤𑍀𑌗𑍍𑌮𑍍॑𑌷𑌿॒ 𑌤𑌾𑌨𑍍𑌯𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌸𑍁॒𑌕𑍃𑌤𑌾𑌂॒-𑌵𑌾𑌁 𑌏॒𑌤𑌾𑌨𑌿॒ 𑌜𑍍𑌯𑍋𑌤𑍀𑌗𑍍𑌮𑍍॑𑌷𑌿॒ 𑌯𑌨𑍍𑌨𑌕𑍍𑌷॑𑌤𑍍𑌰𑌾𑌣𑌿॒ 𑌤𑌾𑌨𑍍𑌯𑍇॒𑌵𑌾-𑌽𑌽𑌪𑍍𑌨𑍋॒𑌤𑍍𑌯𑌥𑍋॑ 𑌅𑌨𑍂𑌕𑌾॒𑌶-𑌮𑍇॒𑌵𑍈𑌤𑌾𑌨𑌿॒ [-𑌮𑍇॒𑌵𑍈𑌤𑌾𑌨𑌿॑, 𑌜𑍍𑌯𑍋𑌤𑍀𑌗𑍍𑌮𑍍॑𑌷𑌿 𑌕𑍁𑌰𑍁𑌤𑍇] 3
𑌜𑍍𑌯𑍋𑌤𑍀𑌗𑍍𑌮𑍍॑𑌷𑌿 𑌕𑍁𑌰𑍁𑌤𑍇 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾𑌨𑍁॑𑌖𑍍𑌯𑌾𑌤𑍍𑌯𑍈॒ 𑌯-𑌥𑍍𑌸𑌗𑍍𑌗𑍍𑌸𑍍𑌪𑍃॑𑌷𑍍𑌟𑌾 𑌉𑌪𑌦॒𑌦𑍍𑌧𑍍𑌯𑌾-𑌦𑍍𑌵𑍃𑌷𑍍𑌟𑍍𑌯𑍈॑ 𑌲𑍋॒𑌕𑌮𑌪𑌿॑ 𑌦𑌦𑍍𑌧𑍍𑌯𑌾॒𑌦𑌵॑𑌰𑍍𑌷𑍁𑌕𑌃 𑌪॒𑌰𑍍𑌜𑌨𑍍𑌯॑-𑌸𑍍𑌸𑍍𑌯𑌾॒𑌦𑌸𑌗𑍍𑌗𑍍॑𑌸𑍍𑌪𑍃𑌷𑍍𑌟𑌾॒ 𑌉𑌪॑ 𑌦𑌧𑌾𑌤𑌿॒ 𑌵𑍃𑌷𑍍𑌟𑍍𑌯𑌾॑ 𑌏॒𑌵 𑌲𑍋॒𑌕-𑌙𑍍𑌕॑𑌰𑍋𑌤𑌿॒ 𑌵𑌰𑍍𑌷𑍁॑𑌕𑌃 𑌪॒𑌰𑍍𑌜𑌨𑍍𑌯𑍋॑ 𑌭𑌵𑌤𑌿 𑌪𑍁॒𑌰𑌸𑍍𑌤𑌾॑𑌦॒𑌨𑍍𑌯𑌾𑌃 𑌪𑍍𑌰॒𑌤𑍀𑌚𑍀॒𑌰𑍁𑌪॑ 𑌦𑌧𑌾𑌤𑌿 𑌪॒𑌶𑍍𑌚𑌾𑌦॒𑌨𑍍𑌯𑌾𑌃 𑌪𑍍𑌰𑌾𑌚𑍀॒𑌸𑍍𑌤𑌸𑍍𑌮𑌾᳚-𑌤𑍍𑌪𑍍𑌰𑌾॒𑌚𑍀𑌨𑌾॑𑌨𑌿 𑌚 𑌪𑍍𑌰𑌤𑍀॒𑌚𑍀𑌨𑌾॑𑌨𑌿 𑌚॒ 𑌨𑌕𑍍𑌷॑𑌤𑍍𑌰𑌾॒𑌣𑍍𑌯𑌾 𑌵॑𑌰𑍍𑌤𑌨𑍍𑌤𑍇 ॥ 4 ॥
(𑌭𑍍𑌰𑌾𑌤𑍃॑𑌵𑍍𑌯𑍋 – 𑌲𑍋॒𑌕 – 𑌏॒𑌵𑍈𑌤𑌾𑌨𑍍𑌯𑍇 – 𑌕॑𑌚𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. 1)
𑌋॒𑌤॒𑌵𑍍𑌯𑌾॑ 𑌉𑌪॑ 𑌦𑌧𑌾𑌤𑍍𑌯𑍃𑌤𑍂॒𑌨𑌾-𑌙𑍍𑌕𑍢𑌪𑍍𑌤𑍍𑌯𑍈᳚ 𑌦𑍍𑌵॒𑌦𑍍𑌵𑌮𑍍𑌮𑍁𑌪॑ 𑌦𑌧𑌾𑌤𑌿॒ 𑌤𑌸𑍍𑌮𑌾᳚-𑌦𑍍𑌦𑍍𑌵॒𑌨𑍍𑌦𑍍𑌵𑌮𑍃॒𑌤𑌵𑍋 𑌽𑌧𑍃॑𑌤𑍇𑌵॒ 𑌵𑌾 𑌏॒𑌷𑌾 𑌯𑌨𑍍𑌮॑𑌦𑍍𑌧𑍍𑌯॒𑌮𑌾 𑌚𑌿𑌤𑌿॑𑌰॒𑌨𑍍𑌤𑌰𑌿॑𑌕𑍍𑌷𑌮𑌿𑌵॒ 𑌵𑌾 𑌏॒𑌷𑌾 𑌦𑍍𑌵॒𑌦𑍍𑌵𑌮𑍍𑌮॒𑌨𑍍𑌯𑌾𑌸𑍁॒ 𑌚𑌿𑌤𑍀॒𑌷𑍂𑌪॑ 𑌦𑌧𑌾𑌤𑌿॒ 𑌚𑌤॑𑌸𑍍𑌰𑍋॒ 𑌮𑌦𑍍𑌧𑍍𑌯𑍇॒ 𑌧𑍃𑌤𑍍𑌯𑌾॑ 𑌅𑌨𑍍𑌤॒𑌶𑍍𑌶𑍍𑌲𑍇𑌷॑𑌣𑌂॒-𑌵𑌾𑌁 𑌏॒𑌤𑌾𑌶𑍍𑌚𑌿𑌤𑍀॑𑌨𑌾𑌂॒-𑌯𑌁𑌦𑍃॑𑌤॒𑌵𑍍𑌯𑌾॑ 𑌯𑌦𑍃॑𑌤॒𑌵𑍍𑌯𑌾॑ 𑌉𑌪॒𑌦𑌧𑌾॑𑌤𑌿॒ 𑌚𑌿𑌤𑍀॑𑌨𑌾𑌂॒-𑌵𑌿𑌁𑌧𑍃॑𑌤𑍍𑌯𑌾॒ 𑌅𑌵॑𑌕𑌾॒𑌮𑌨𑍂𑌪॑ 𑌦𑌧𑌾𑌤𑍍𑌯𑍇॒𑌷𑌾 𑌵𑌾 𑌅॒𑌗𑍍𑌨𑍇𑌰𑍍𑌯𑍋𑌨𑌿॒-𑌸𑍍𑌸𑌯𑍋॑𑌨𑌿- [𑌅॒𑌗𑍍𑌨𑍇𑌰𑍍𑌯𑍋𑌨𑌿॒-𑌸𑍍𑌸𑌯𑍋॑𑌨𑌿𑌮𑍍, 𑌏॒𑌵𑌾𑌗𑍍𑌨𑌿-] 5
-𑌮𑍇॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤 𑌉॒𑌵𑌾𑌚॑ 𑌹 𑌵𑌿॒𑌶𑍍𑌵𑌾𑌮𑌿॒𑌤𑍍𑌰𑍋 𑌽𑌦॒𑌦𑌿-𑌥𑍍𑌸 𑌬𑍍𑌰𑌹𑍍𑌮॒𑌣𑌾-𑌽𑌨𑍍𑌨𑌂॒-𑌯𑌁𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌾𑌨𑍍𑌤𑍈॒ 𑌯 𑌉॑ 𑌚𑍈𑌨𑌾 𑌏॒𑌵𑌂-𑌵𑍇𑌁𑌦॒𑌦𑌿𑌤𑌿॑ 𑌸𑌂𑌵𑌁𑌥𑍍𑌸॒𑌰𑍋 𑌵𑌾 𑌏॒𑌤-𑌮𑍍𑌪𑍍𑌰॑𑌤𑌿॒𑌷𑍍𑌠𑌾𑌯𑍈॑ 𑌨𑍁𑌦𑌤𑍇॒ 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॒𑌤𑍍𑌵𑌾 𑌨 𑌪𑍍𑌰॑𑌤𑌿॒𑌤𑌿𑌷𑍍𑌠॑𑌤𑌿॒ 𑌪𑌞𑍍𑌚॒ 𑌪𑍂𑌰𑍍𑌵𑌾॒𑌶𑍍𑌚𑌿𑌤॑𑌯𑍋 𑌭𑌵॒𑌨𑍍𑌤𑍍𑌯𑌥॑ 𑌷॒𑌷𑍍𑌠𑍀-𑌞𑍍𑌚𑌿𑌤𑌿॑-𑌞𑍍𑌚𑌿𑌨𑍁𑌤𑍇॒ 𑌷𑌡𑍍𑌵𑌾 𑌋॒𑌤𑌵॑-𑌸𑍍𑌸𑌂𑌵𑌁𑌥𑍍𑌸॒𑌰 𑌋॒𑌤𑍁𑌷𑍍𑌵𑍇॒𑌵 𑌸𑌂॑𑌵𑌁𑌥𑍍𑌸॒𑌰𑍇 𑌪𑍍𑌰𑌤𑌿॑𑌤𑌿𑌷𑍍𑌠𑌤𑍍𑌯𑍇॒ 𑌤𑌾 𑌵𑌾 [𑌪𑍍𑌰𑌤𑌿॑𑌤𑌿𑌷𑍍𑌠𑌤𑍍𑌯𑍇॒ 𑌤𑌾 𑌵𑌾, 𑌅𑌧𑌿॑𑌪𑌤𑍍𑌨𑍀॒𑌰𑍍𑌨𑌾𑌮𑍇𑌷𑍍𑌟॑𑌕𑌾॒] 6
𑌅𑌧𑌿॑𑌪𑌤𑍍𑌨𑍀॒𑌰𑍍𑌨𑌾𑌮𑍇𑌷𑍍𑌟॑𑌕𑌾॒ 𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇-𑌽𑌧𑌿॑𑌪𑌤𑌿𑌰𑍇॒𑌵 𑌸॑𑌮𑌾॒𑌨𑌾𑌨𑌾᳚-𑌮𑍍𑌭𑌵𑌤𑌿॒ 𑌯-𑌨𑍍𑌦𑍍𑌵𑌿॒𑌷𑍍𑌯𑌾-𑌤𑍍𑌤𑌮𑍁॑𑌪॒𑌦𑌧॑-𑌦𑍍𑌧𑍍𑌯𑌾𑌯𑍇𑌦𑍇॒𑌤𑌾𑌭𑍍𑌯॑ 𑌏॒𑌵𑍈𑌨॑-𑌨𑍍𑌦𑍇॒𑌵𑌤𑌾᳚𑌭𑍍𑌯॒ 𑌆 𑌵𑍃॑𑌶𑍍𑌚𑌤𑌿 𑌤𑌾॒𑌜𑌗𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॒𑌤𑍍𑌯𑌙𑍍𑌗𑌿॑𑌰𑌸-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌂-𑌯𑌁𑌨𑍍𑌤𑍋॒ 𑌯𑌾 𑌯॒𑌜𑍍𑌞𑌸𑍍𑌯॒ 𑌨𑌿𑌷𑍍𑌕𑍃॑𑌤𑌿॒𑌰𑌾𑌸𑍀॒-𑌤𑍍𑌤𑌾𑌮𑍃𑌷𑌿॑𑌭𑍍𑌯𑌃॒ 𑌪𑍍𑌰𑌤𑍍𑌯𑍌॑𑌹॒-𑌨𑍍𑌤𑌦𑍍𑌧𑌿𑌰॑𑌣𑍍𑌯𑌮𑌭𑌵॒𑌦𑍍𑌯-𑌦𑍍𑌧𑌿॑𑌰𑌣𑍍𑌯𑌶॒𑌲𑍍𑌕𑍈𑌃 𑌪𑍍𑌰𑍋॒𑌕𑍍𑌷𑌤𑌿॑ 𑌯॒𑌜𑍍𑌞𑌸𑍍𑌯॒ 𑌨𑌿𑌷𑍍𑌕𑍃॑𑌤𑍍𑌯𑌾॒ 𑌅𑌥𑍋॑ 𑌭𑍇𑌷॒𑌜𑌮𑍇॒𑌵𑌾-𑌽𑌸𑍍𑌮𑍈॑ 𑌕𑌰𑍋॒- [-𑌽𑌸𑍍𑌮𑍈॑ 𑌕𑌰𑍋𑌤𑌿, 𑌅𑌥𑍋॑ 𑌰𑍂॒𑌪𑍇𑌣𑍈॒𑌵𑍈𑌨॒𑌗𑍍𑌮𑍍॒]
-𑌤𑍍𑌯𑌥𑍋॑ 𑌰𑍂॒𑌪𑍇𑌣𑍈॒𑌵𑍈𑌨॒𑌗𑍍𑌮𑍍॒ 𑌸𑌮॑𑌰𑍍𑌧𑌯॒𑌤𑍍𑌯𑌥𑍋॒ 𑌹𑌿𑌰॑𑌣𑍍𑌯𑌜𑍍𑌯𑍋𑌤𑌿𑌷𑍈॒𑌵 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 𑌸𑌾𑌹॒𑌸𑍍𑌰𑌵॑𑌤𑌾॒ 𑌪𑍍𑌰𑍋𑌕𑍍𑌷॑𑌤𑌿 𑌸𑌾𑌹॒𑌸𑍍𑌰𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑌾॑ 𑌇॒𑌮𑌾 𑌮𑍇॑ 𑌅𑌗𑍍𑌨॒ 𑌇𑌷𑍍𑌟॑𑌕𑌾 𑌧𑍇॒𑌨𑌵॑-𑌸𑍍𑌸॒𑌨𑍍𑌤𑍍𑌵𑌿𑌤𑍍𑌯𑌾॑𑌹 𑌧𑍇॒𑌨𑍂𑌰𑍇॒𑌵𑍈𑌨𑌾𑌃᳚ 𑌕𑍁𑌰𑍁𑌤𑍇॒ 𑌤𑌾 𑌏॑𑌨-𑌙𑍍𑌕𑌾𑌮॒𑌦𑍁𑌘𑌾॑ 𑌅॒𑌮𑍁𑌤𑍍𑌰𑌾॒𑌮𑍁𑌷𑍍𑌮𑌿॑-𑌲𑍍𑌲𑍋𑌁॒𑌕 𑌉𑌪॑ 𑌤𑌿𑌷𑍍𑌠𑌨𑍍𑌤𑍇 ॥ ॥
(𑌸𑌯𑍋॑𑌨𑌿 – 𑌮𑍇॒𑌤𑌾 𑌵𑍈 – 𑌕॑𑌰𑍋॒𑌤𑍍𑌯𑍇 – 𑌕𑌾॒𑌨𑍍𑌨𑌚॑𑌤𑍍𑌵𑌾𑌰𑌿॒𑌗𑍍𑌮𑍍॒𑌶𑌚𑍍𑌚॑) (𑌅. 2)
𑌰𑍁॒𑌦𑍍𑌰𑍋 𑌵𑌾 𑌏॒𑌷 𑌯𑌦॒𑌗𑍍𑌨𑌿-𑌸𑍍𑌸 𑌏॒𑌤𑌰𑍍𑌹𑌿॑ 𑌜𑌾॒𑌤𑍋 𑌯𑌰𑍍𑌹𑌿॒ 𑌸𑌰𑍍𑌵॑𑌶𑍍𑌚𑌿॒𑌤-𑌸𑍍𑌸 𑌯𑌥𑌾॑ 𑌵॒𑌥𑍍𑌸𑍋 𑌜𑌾॒𑌤-𑌸𑍍𑌸𑍍𑌤𑌨॑-𑌮𑍍𑌪𑍍𑌰𑍇॒𑌫𑍍𑌸𑌤𑍍𑌯𑍇॒𑌵𑌂-𑌵𑌾𑌁 𑌏॒𑌷 𑌏॒𑌤𑌰𑍍𑌹𑌿॑ 𑌭𑌾𑌗॒𑌧𑍇𑌯॒-𑌮𑍍𑌪𑍍𑌰𑍇𑌫𑍍𑌸॑𑌤𑌿॒ 𑌤𑌸𑍍𑌮𑍈॒ 𑌯𑌦𑌾𑌹𑍁॑𑌤𑌿॒-𑌨𑍍𑌨 𑌜𑍁॑𑌹𑍁॒𑌯𑌾𑌦॑𑌦𑍍𑌧𑍍𑌵॒𑌰𑍍𑌯𑍁-𑌞𑍍𑌚॒ 𑌯𑌜॑𑌮𑌾𑌨-𑌞𑍍𑌚 𑌧𑍍𑌯𑌾𑌯𑍇𑌚𑍍𑌛𑌤𑌰𑍁॒𑌦𑍍𑌰𑍀𑌯॑-𑌞𑍍𑌜𑍁𑌹𑍋𑌤𑌿 𑌭𑌾𑌗॒𑌧𑍇𑌯𑍇॑𑌨𑍈॒𑌵𑍈𑌨𑌗𑍍𑌮𑍍॑ 𑌶𑌮𑌯𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑍍𑌯𑌦𑍍𑌧𑍍𑌵॒𑌰𑍍𑌯𑍁𑌰𑍍𑌨 𑌯𑌜॑𑌮𑌾𑌨𑍋॒ 𑌯-𑌦𑍍𑌗𑍍𑌰𑌾॒𑌮𑍍𑌯𑌾𑌣𑌾᳚-𑌮𑍍𑌪𑌶𑍂॒𑌨𑌾- [𑌯-𑌦𑍍𑌗𑍍𑌰𑌾॒𑌮𑍍𑌯𑌾𑌣𑌾᳚-𑌮𑍍𑌪𑌶𑍂॒𑌨𑌾𑌮𑍍, 𑌪𑌯॑𑌸𑌾 𑌜𑍁𑌹𑍁॒𑌯𑌾-]
-𑌮𑍍𑌪𑌯॑𑌸𑌾 𑌜𑍁𑌹𑍁॒𑌯𑌾-𑌦𑍍𑌗𑍍𑌰𑌾॒𑌮𑍍𑌯𑌾-𑌨𑍍𑌪॒𑌶𑍂𑌞𑍍𑌛𑍁॒𑌚𑌾 𑌽𑌰𑍍𑌪𑌯𑍇॒-𑌦𑍍𑌯𑌦𑌾॑𑌰॒𑌣𑍍𑌯𑌾𑌨𑌾॑-𑌮𑌾𑌰॒𑌣𑍍𑌯𑌾𑌨𑍍 𑌜॑𑌰𑍍𑌤𑌿𑌲𑌯𑌵𑌾॒𑌗𑍍𑌵𑌾॑ 𑌵𑌾 𑌜𑍁𑌹𑍁॒𑌯𑌾-𑌦𑍍𑌗॑𑌵𑍀𑌧𑍁𑌕𑌯𑌵𑌾॒𑌗𑍍𑌵𑌾॑ 𑌵𑌾॒ 𑌨 𑌗𑍍𑌰𑌾॒𑌮𑍍𑌯𑌾-𑌨𑍍𑌪॒𑌶𑍂𑌨𑍍. 𑌹𑌿॒𑌨𑌸𑍍𑌤𑌿॒ 𑌨𑌾-𑌽𑌽𑌰॒𑌣𑍍𑌯𑌾𑌨𑌥𑍋॒ 𑌖𑌲𑍍𑌵𑌾॑𑌹𑍁॒𑌰𑌨𑌾॑𑌹𑍁𑌤𑌿॒𑌰𑍍𑌵𑍈 𑌜॒𑌰𑍍𑌤𑌿𑌲𑌾᳚𑌶𑍍𑌚 𑌗॒𑌵𑍀𑌧𑍁॑𑌕𑌾॒𑌶𑍍𑌚𑍇𑌤𑍍𑌯॑ 𑌜𑌕𑍍𑌷𑍀॒𑌰𑍇𑌣॑ 𑌜𑍁𑌹𑍋𑌤𑍍𑌯𑌾𑌗𑍍𑌨𑍇॒𑌯𑍀 𑌵𑌾 𑌏॒𑌷𑌾 𑌯𑌦॒𑌜𑌾-𑌽𑌽𑌹𑍁॑𑌤𑍍𑌯𑍈॒𑌵 𑌜𑍁॑𑌹𑍋𑌤𑌿॒ 𑌨 𑌗𑍍𑌰𑌾॒𑌮𑍍𑌯𑌾-𑌨𑍍𑌪॒𑌶𑍂𑌨𑍍. 𑌹𑌿॒𑌨𑌸𑍍𑌤𑌿॒ 𑌨𑌾-𑌽𑌽𑌰॒𑌣𑍍𑌯𑌾𑌨𑌙𑍍𑌗𑌿॑𑌰𑌸-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌂-𑌯𑌁𑌨𑍍𑌤𑍋॒- [-𑌲𑍋𑌁॒𑌕𑌂-𑌯𑌁𑌨𑍍𑌤𑌃॑, 𑌅॒𑌜𑌾𑌯𑌾᳚-𑌙𑍍𑌘॒𑌰𑍍𑌮-] 10
-𑌽𑌜𑌾𑌯𑌾᳚-𑌙𑍍𑌘॒𑌰𑍍𑌮-𑌮𑍍𑌪𑍍𑌰𑌾𑌸𑌿॑𑌞𑍍𑌚॒𑌨𑍍𑌥𑍍𑌸𑌾 𑌶𑍋𑌚॑𑌨𑍍𑌤𑍀 𑌪॒𑌰𑍍𑌣-𑌮𑍍𑌪𑌰𑌾॑-𑌽𑌜𑌿𑌹𑍀𑌤॒ 𑌸𑍋᳚(1॒)-𑌽𑌰𑍍𑌕𑍋॑-𑌽𑌭𑌵॒-𑌤𑍍𑌤𑌦॒𑌰𑍍𑌕𑌸𑍍𑌯𑌾᳚-𑌰𑍍𑌕॒𑌤𑍍𑌵𑌮॑𑌰𑍍𑌕𑌪॒𑌰𑍍𑌣𑍇𑌨॑ 𑌜𑍁𑌹𑍋𑌤𑌿 𑌸𑌯𑍋𑌨𑌿॒𑌤𑍍𑌵𑌾𑌯𑍋𑌦॒-𑌨𑍍𑌤𑌿𑌷𑍍𑌠॑𑌨𑍍 𑌜𑍁𑌹𑍋𑌤𑍍𑌯𑍇॒𑌷𑌾 𑌵𑍈 𑌰𑍁॒𑌦𑍍𑌰𑌸𑍍𑌯॒ 𑌦𑌿-𑌖𑍍𑌸𑍍𑌵𑌾𑌯𑌾॑𑌮𑍇॒𑌵 𑌦𑌿॒𑌶𑌿 𑌰𑍁॒𑌦𑍍𑌰-𑌨𑍍𑌨𑌿॒𑌰𑌵॑𑌦𑌯𑌤𑍇 𑌚𑌰॒𑌮𑌾𑌯𑌾॒𑌮𑌿𑌷𑍍𑌟॑𑌕𑌾𑌯𑌾-𑌞𑍍𑌜𑍁𑌹𑍋𑌤𑍍𑌯𑌨𑍍𑌤॒𑌤 𑌏॒𑌵 𑌰𑍁॒𑌦𑍍𑌰-𑌨𑍍𑌨𑌿॒𑌰𑌵॑𑌦𑌯𑌤𑍇 𑌤𑍍𑌰𑍇𑌧𑌾𑌵𑌿𑌭॒𑌕𑍍𑌤-𑌞𑍍𑌜𑍁॑𑌹𑍋𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌇॒𑌮𑌾𑌨𑍇॒𑌵 𑌲𑍋॒𑌕𑌾𑌨𑍍-𑌥𑍍𑌸॒𑌮𑌾𑌵॑𑌦𑍍𑌵𑍀𑌰𑍍𑌯𑌾𑌨𑍍 𑌕𑌰𑍋॒𑌤𑍀𑌯॒𑌤𑍍𑌯𑌗𑍍𑌰𑍇॑ 𑌜𑍁𑌹𑍋॒- [𑌜𑍁𑌹𑍋𑌤𑌿, 𑌅𑌥𑍇𑌯॒𑌤𑍍𑌯𑌥𑍇𑌯॑𑌤𑌿॒] 11
-𑌤𑍍𑌯𑌥𑍇𑌯॒𑌤𑍍𑌯𑌥𑍇𑌯॑𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌭𑍍𑌯 𑌏॒𑌵𑍈𑌨𑌂॑-𑌲𑍋𑌁॒𑌕𑍇𑌭𑍍𑌯॑-𑌶𑍍𑌶𑌮𑌯𑌤𑌿 𑌤𑌿॒𑌸𑍍𑌰 𑌉𑌤𑍍𑌤॑𑌰𑌾॒ 𑌆𑌹𑍁॑𑌤𑍀𑌰𑍍𑌜𑍁𑌹𑍋𑌤𑌿॒ 𑌷-𑌟𑍍𑌥𑍍𑌸-𑌮𑍍𑌪॑𑌦𑍍𑌯𑌨𑍍𑌤𑍇॒ 𑌷-𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌭𑌿॑𑌰𑍇॒𑌵𑍈𑌨𑌗𑍍𑌮𑍍॑ 𑌶𑌮𑌯𑌤𑌿॒ 𑌯𑌦॑𑌨𑍁𑌪𑌰𑌿॒𑌕𑍍𑌰𑌾𑌮॑-𑌞𑍍𑌜𑍁𑌹𑍁॒𑌯𑌾𑌦॑𑌨𑍍𑌤𑌰𑌵𑌚𑌾॒𑌰𑌿𑌣𑌗𑍍𑌮𑍍॑ 𑌰𑍁॒𑌦𑍍𑌰-𑌙𑍍𑌕𑍁॑𑌰𑍍𑌯𑌾॒𑌦𑌥𑍋॒ 𑌖𑌲𑍍𑌵𑌾॑𑌹𑍁𑌃॒ 𑌕𑌸𑍍𑌯𑌾𑌂॒-𑌵𑌾𑌁-𑌽𑌹॑ 𑌦𑌿॒𑌶𑌿 𑌰𑍁॒𑌦𑍍𑌰𑌃 𑌕𑌸𑍍𑌯𑌾𑌂॒-𑌵𑍇𑌁𑌤𑍍𑌯॑𑌨𑍁𑌪𑌰𑌿॒𑌕𑍍𑌰𑌾𑌮॑𑌮𑍇॒𑌵 𑌹𑍋॑𑌤॒𑌵𑍍𑌯॑-𑌮𑌪॑𑌰𑌿𑌵𑌰𑍍𑌗𑌮𑍇॒𑌵𑍈𑌨𑌗𑍍𑌮𑍍॑ 𑌶𑌮𑌯- [𑌶𑌮𑌯𑌤𑌿, 𑌏॒𑌤𑌾𑌵𑍈] 12
-𑌤𑍍𑌯𑍇॒𑌤𑌾𑌵𑍈 𑌦𑍇॒𑌵𑌤𑌾᳚-𑌸𑍍𑌸𑍁𑌵॒𑌰𑍍𑌗𑍍𑌯𑌾॑𑌯𑌾 𑌉॑𑌤𑍍𑌤॒𑌮𑌾𑌸𑍍𑌤𑌾 𑌯𑌜॑𑌮𑌾𑌨𑌂-𑌵𑌾𑌁𑌚𑌯𑌤𑌿॒ 𑌤𑌾𑌭𑌿॑𑌰𑍇॒𑌵𑍈𑌨𑌗𑍍𑌮𑍍॑ 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿॒ 𑌯-𑌨𑍍𑌦𑍍𑌵𑌿॒𑌷𑍍𑌯𑌾-𑌤𑍍𑌤𑌸𑍍𑌯॑ 𑌸𑌞𑍍𑌚॒𑌰𑍇 𑌪॑𑌶𑍂॒𑌨𑌾-𑌨𑍍𑌨𑍍𑌯॑𑌸𑍍𑌯𑍇॒-𑌦𑍍𑌯𑌃 𑌪𑍍𑌰॑𑌥॒𑌮𑌃 𑌪॒𑌶𑍁𑌰॑𑌭𑌿॒𑌤𑌿𑌷𑍍𑌠॑𑌤𑌿॒ 𑌸 𑌆𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 ॥ 13 ॥
(𑌪॒𑌶𑍂॒𑌨𑌾𑌂 – 𑌯𑌁𑌨𑍍𑌤𑍋 – 𑌽𑌗𑍍𑌨𑍇॑ 𑌜𑍁𑌹𑍋॒𑌤𑍍𑌯 – 𑌪॑𑌰𑌿𑌵𑌰𑍍𑌗𑌮𑍇॒𑌵𑍈𑌨𑌗𑍍𑌮𑍍॑ 𑌶𑌮𑌯𑌤𑌿 – 𑌤𑍍𑌰𑌿॒𑌗𑍍𑌮𑍍॒𑌶𑌚𑍍𑌚॑) (𑌅. 3)
𑌅𑌶𑍍𑌮॒𑌨𑍍𑌨𑍂𑌰𑍍𑌜॒𑌮𑌿𑌤𑌿॒ 𑌪𑌰𑌿॑ 𑌷𑌿𑌞𑍍𑌚𑌤𑌿 𑌮𑌾॒𑌰𑍍𑌜𑌯॑𑌤𑍍𑌯𑍇॒𑌵𑍈𑌨॒𑌮𑌥𑍋॑ 𑌤॒𑌰𑍍𑌪𑌯॑𑌤𑍍𑌯𑍇॒𑌵 𑌸 𑌏॑𑌨-𑌨𑍍𑌤𑍃॒𑌪𑍍𑌤𑍋 𑌽𑌕𑍍𑌷𑍁॑𑌦𑍍𑌧𑍍𑌯॒-𑌨𑍍𑌨𑌶𑍋॑𑌚-𑌨𑍍𑌨॒𑌮𑍁𑌷𑍍𑌮𑌿॑-𑌲𑍍𑌲𑍋𑌁॒𑌕 𑌉𑌪॑ 𑌤𑌿𑌷𑍍𑌠𑌤𑍇॒ 𑌤𑍃𑌪𑍍𑌯॑𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॒𑌰𑍍𑌯 𑌏॒𑌵𑌂-𑌵𑍇𑌁𑌦॒ 𑌤𑌾-𑌨𑍍𑌨॒ 𑌇𑌷॒𑌮𑍂𑌰𑍍𑌜॑-𑌨𑍍𑌧𑌤𑍍𑌤 𑌮𑌰𑍁𑌤-𑌸𑍍𑌸𑌗𑍍𑌮𑍍𑌰𑌰𑌾॒𑌣𑌾 𑌇𑌤𑍍𑌯𑌾॒𑌹𑌾𑌨𑍍𑌨𑌂॒-𑌵𑌾𑌁 𑌊𑌰𑍍𑌗𑌨𑍍𑌨॑-𑌮𑍍𑌮॒𑌰𑍁𑌤𑍋-𑌽𑌨𑍍𑌨॑𑌮𑍇॒𑌵𑌾𑌵॑ 𑌰𑍁॒𑌨𑍍𑌧𑍇 𑌽𑌶𑍍𑌮𑌗𑍍𑌗𑍍॑𑌸𑍍𑌤𑍇॒ 𑌕𑍍𑌷𑍁𑌦॒𑌮𑍁-𑌨𑍍𑌤𑍇॒ 𑌶𑍁- [𑌕𑍍𑌷𑍁𑌦॒𑌮𑍁-𑌨𑍍𑌤𑍇॒ 𑌶𑍁𑌕𑍍, 𑌋॒𑌚𑍍𑌛॒𑌤𑍁॒ 𑌯-𑌨𑍍𑌦𑍍𑌵𑌿॒𑌷𑍍𑌮] 14
-𑌗𑍃॑𑌚𑍍𑌛𑌤𑍁॒ 𑌯-𑌨𑍍𑌦𑍍𑌵𑌿॒𑌷𑍍𑌮 𑌇𑌤𑍍𑌯𑌾॑𑌹॒ 𑌯𑌮𑍇॒𑌵 𑌦𑍍𑌵𑍇𑌷𑍍𑌟𑌿॒ 𑌤𑌮॑𑌸𑍍𑌯 𑌕𑍍𑌷𑍁॒𑌧𑌾 𑌚॑ 𑌶𑍁॒𑌚𑌾 𑌚𑌾᳚𑌰𑍍𑌪𑌯𑌤𑌿॒ 𑌤𑍍𑌰𑌿𑌃 𑌪॑𑌰𑌿𑌷𑌿॒𑌞𑍍𑌚-𑌨𑍍𑌪𑌰𑍍𑌯𑍇॑𑌤𑌿 𑌤𑍍𑌰𑌿॒𑌵𑍃𑌦𑍍𑌵𑌾 𑌅॒𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒𑌵𑌾-𑌗𑍍𑌨𑌿𑌸𑍍𑌤𑌸𑍍𑌯॒ 𑌶𑍁𑌚𑌗𑍍𑌮𑍍॑ 𑌶𑌮𑌯𑌤𑌿॒ 𑌤𑍍𑌰𑌿𑌃 𑌪𑍁𑌨𑌃॒ 𑌪𑌰𑍍𑌯𑍇॑𑌤𑌿॒ 𑌷-𑌟𑍍𑌥𑍍𑌸-𑌮𑍍𑌪॑𑌦𑍍𑌯𑌨𑍍𑌤𑍇॒ 𑌷-𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌭𑌿॑𑌰𑍇॒𑌵𑌾𑌸𑍍𑌯॒ 𑌶𑍁𑌚𑌗𑍍𑌮𑍍॑ 𑌶𑌮𑌯𑌤𑍍𑌯॒𑌪𑌾𑌂-𑌵𑌾𑌁 𑌏॒𑌤-𑌤𑍍𑌪𑍁𑌷𑍍𑌪𑌂॒-𑌯𑌁𑌦𑍍𑌵𑍇॑𑌤॒𑌸𑍋॑-𑌽𑌪𑌾𑌗𑍍𑌮𑍍 – [𑌯𑌦𑍍𑌵𑍇॑𑌤॒𑌸𑍋॑-𑌽𑌪𑌾𑌮𑍍, 𑌶𑌰𑍋-𑌽𑌵॑𑌕𑌾] 15
𑌶𑌰𑍋-𑌽𑌵॑𑌕𑌾 𑌵𑍇𑌤𑌸𑌶𑌾॒𑌖𑌯𑌾॒ 𑌚𑌾𑌵॑𑌕𑌾𑌭𑌿𑌶𑍍𑌚॒ 𑌵𑌿 𑌕॑𑌰𑍍𑌷॒𑌤𑍍𑌯𑌾𑌪𑍋॒ 𑌵𑍈 𑌶𑌾॒𑌨𑍍𑌤𑌾-𑌶𑍍𑌶𑌾॒𑌨𑍍𑌤𑌾𑌭𑌿॑𑌰𑍇॒𑌵𑌾𑌸𑍍𑌯॒ 𑌶𑍁𑌚𑌗𑍍𑌮𑍍॑ 𑌶𑌮𑌯𑌤𑌿॒ 𑌯𑍋 𑌵𑌾 𑌅॒𑌗𑍍𑌨𑌿-𑌞𑍍𑌚𑌿॒𑌤-𑌮𑍍𑌪𑍍𑌰॑𑌥॒𑌮𑌃 𑌪॒𑌶𑍁𑌰॑𑌧𑌿॒𑌕𑍍𑌰𑌾𑌮॑𑌤𑍀𑌶𑍍𑌵॒𑌰𑍋 𑌵𑍈 𑌤𑌗𑍍𑌮𑍍 𑌶𑍁॒𑌚𑌾 𑌪𑍍𑌰॒𑌦𑌹𑍋॑ 𑌮॒𑌣𑍍𑌡𑍂𑌕𑍇॑𑌨॒ 𑌵𑌿𑌕॑𑌰𑍍𑌷𑌤𑍍𑌯𑍇॒𑌷 𑌵𑍈 𑌪॑𑌶𑍂॒𑌨𑌾-𑌮॑𑌨𑍁𑌪𑌜𑍀𑌵𑌨𑍀॒𑌯𑍋 𑌨 𑌵𑌾 𑌏॒𑌷 𑌗𑍍𑌰𑌾॒𑌮𑍍𑌯𑍇𑌷𑍁॑ 𑌪॒𑌶𑍁𑌷𑍁॑ 𑌹𑌿॒𑌤𑍋 𑌨𑌾-𑌽𑌽𑌰॒𑌣𑍍𑌯𑍇𑌷𑍁॒ 𑌤𑌮𑍇॒𑌵 𑌶𑍁॒𑌚𑌾-𑌽𑌰𑍍𑌪॑𑌯𑌤𑍍𑌯𑌷𑍍𑌟𑌾॒𑌭𑌿-𑌰𑍍𑌵𑌿 𑌕॑𑌰𑍍𑌷- [-𑌰𑍍𑌵𑌿 𑌕॑𑌰𑍍𑌷𑌤𑌿, 𑌅॒𑌷𑍍𑌟𑌾𑌕𑍍𑌷॑𑌰𑌾] 16
-𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰𑍋᳚-𑌽𑌗𑍍𑌨𑌿𑌰𑍍𑌯𑌾𑌵𑌾॑-𑌨𑍇॒𑌵𑌾-𑌽𑌗𑍍𑌨𑌿𑌸𑍍𑌤𑌸𑍍𑌯॒ 𑌶𑍁𑌚𑌗𑍍𑌮𑍍॑ 𑌶𑌮𑌯𑌤𑌿 𑌪𑌾𑌵॒𑌕𑌵॑𑌤𑍀𑌭𑌿॒𑌰𑌨𑍍𑌨𑌂॒-𑌵𑍈𑌁 𑌪𑌾॑𑌵॒𑌕𑍋-𑌽𑌨𑍍𑌨𑍇॑𑌨𑍈॒𑌵𑌾𑌸𑍍𑌯॒ 𑌶𑍁𑌚𑌗𑍍𑌮𑍍॑ 𑌶𑌮𑌯𑌤𑌿 𑌮𑍃॒𑌤𑍍𑌯𑍁𑌰𑍍𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰𑍍𑌬𑍍𑌰𑌹𑍍𑌮॑𑌣 𑌏॒𑌤𑌦𑍍𑌰𑍂॒𑌪𑌂-𑌯𑌁-𑌤𑍍𑌕𑍃॑𑌷𑍍𑌣𑌾𑌜𑌿॒𑌨-𑌙𑍍𑌕𑌾𑌰𑍍𑌷𑍍𑌣𑍀॑ 𑌉𑌪𑌾॒𑌨𑌹𑌾॒𑌵𑍁𑌪॑ 𑌮𑍁𑌞𑍍𑌚𑌤𑍇॒ 𑌬𑍍𑌰𑌹𑍍𑌮॑𑌣𑍈॒𑌵 𑌮𑍃॒𑌤𑍍𑌯𑍋𑌰॒𑌨𑍍𑌤𑌰𑍍𑌧॑𑌤𑍍𑌤𑍇॒ 𑌽𑌨𑍍𑌤𑌰𑍍𑌮𑍃॒𑌤𑍍𑌯𑍋𑌰𑍍𑌧॑𑌤𑍍𑌤𑍇॒ 𑌽𑌨𑍍𑌤𑌰॒𑌨𑍍𑌨𑌾𑌦𑍍𑌯𑌾॒-𑌦𑌿𑌤𑍍𑌯𑌾॑𑌹𑍁𑌰॒𑌨𑍍𑌯𑌾-𑌮𑍁॑𑌪𑌮𑍁॒𑌞𑍍𑌚𑌤𑍇॒-𑌽𑌨𑍍𑌯𑌾-𑌨𑍍𑌨𑌾𑌨𑍍𑌤- [-𑌽𑌨𑍍𑌯𑌾-𑌨𑍍𑌨𑌾𑌨𑍍𑌤𑌃, 𑌏॒𑌵 𑌮𑍃॒𑌤𑍍𑌯𑍋𑌰𑍍𑌧॒𑌤𑍍𑌤𑍇] 1
-𑌰𑍇॒𑌵 𑌮𑍃॒𑌤𑍍𑌯𑍋𑌰𑍍𑌧॒𑌤𑍍𑌤𑍇 𑌽𑌵𑌾॒-𑌽𑌨𑍍𑌨𑌾𑌦𑍍𑌯𑌗𑍍𑌮𑍍॑ 𑌰𑍁𑌨𑍍𑌧𑍇॒ 𑌨𑌮॑𑌸𑍍𑌤𑍇॒ 𑌹𑌰॑𑌸𑍇 𑌶𑍋॒𑌚𑌿𑌷॒ 𑌇𑌤𑍍𑌯𑌾॑𑌹 𑌨𑌮॒𑌸𑍍𑌕𑍃𑌤𑍍𑌯॒ 𑌹𑌿 𑌵𑌸𑍀॑𑌯𑌾𑌗𑍍𑌮𑍍 𑌸𑌮𑍁𑌪॒𑌚𑌰॑𑌨𑍍𑌤𑍍𑌯॒𑌨𑍍𑌯-𑌨𑍍𑌤𑍇॑ 𑌅॒𑌸𑍍𑌮-𑌤𑍍𑌤॑𑌪𑌨𑍍𑌤𑍁 𑌹𑍇॒𑌤𑌯॒ 𑌇𑌤𑍍𑌯𑌾॑𑌹॒ 𑌯𑌮𑍇॒𑌵 𑌦𑍍𑌵𑍇𑌷𑍍𑌟𑌿॒ 𑌤𑌮॑𑌸𑍍𑌯 𑌶𑍁॒𑌚𑌾-𑌽𑌰𑍍𑌪॑𑌯𑌤𑌿 𑌪𑌾𑌵॒𑌕𑍋 𑌅॒𑌸𑍍𑌮𑌭𑍍𑌯𑌗𑍍𑌮𑍍॑ 𑌶𑌿॒𑌵𑍋 𑌭॒𑌵𑍇𑌤𑍍𑌯𑌾॒𑌹𑌾𑌨𑍍𑌨𑌂॒-𑌵𑍈𑌁 𑌪𑌾॑𑌵॒𑌕𑍋-𑌽𑌨𑍍𑌨॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌦𑍍𑌵𑌾𑌭𑍍𑌯𑌾॒𑌮𑌧𑌿॑ 𑌕𑍍𑌰𑌾𑌮𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌅𑌪॒𑌸𑍍𑌯॑𑌵𑌤𑍀𑌭𑍍𑌯𑌾॒𑌗𑍍𑌮𑍍॒ 𑌶𑌾𑌨𑍍𑌤𑍍𑌯𑍈᳚ ॥ 1 ॥
(𑌶𑍁 – 𑌗𑍍𑌵𑍇॑𑌤॒𑌸𑍋॑-𑌽𑌪𑌾 – 𑌮॑𑌷𑍍𑌟𑌾॒𑌭𑌿𑌰𑍍𑌵𑌿 𑌕॑𑌰𑍍𑌷𑌤𑌿॒ – 𑌨𑌾𑌨𑍍𑌤 – 𑌰𑍇𑌕𑌾॒𑌨𑍍𑌨 𑌪॑𑌞𑍍𑌚𑌾॒𑌶𑌚𑍍𑌚॑) (𑌅. 4)
𑌨𑍃॒𑌷𑌦𑍇॒ 𑌵𑌡𑌿𑌤𑌿॒ 𑌵𑍍𑌯𑌾𑌘𑌾॑𑌰𑌯𑌤𑌿 𑌪॒𑌙𑍍𑌕𑍍𑌤𑍍𑌯𑌾-𑌽𑌽𑌹𑍁॑𑌤𑍍𑌯𑌾 𑌯𑌜𑍍𑌞𑌮𑍁॒𑌖𑌮𑌾 𑌰॑𑌭𑌤𑍇 𑌽𑌕𑍍𑌷𑍍𑌣॒𑌯𑌾 𑌵𑍍𑌯𑌾𑌘𑌾॑𑌰𑌯𑌤𑌿॒ 𑌤𑌸𑍍𑌮𑌾॑𑌦𑌕𑍍𑌷𑍍𑌣॒𑌯𑌾 𑌪॒𑌶𑌵𑍋-𑌽𑌙𑍍𑌗𑌾॑𑌨𑌿॒ 𑌪𑍍𑌰𑌹॑𑌰𑌨𑍍𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌯𑌦𑍍𑌵॑𑌷𑌟𑍍𑌕𑍁॒𑌰𑍍𑌯𑌾-𑌦𑍍𑌯𑌾॒𑌤𑌯𑌾॑𑌮𑌾-𑌽𑌸𑍍𑌯 𑌵𑌷𑌟𑍍𑌕𑌾॒𑌰-𑌸𑍍𑌸𑍍𑌯𑌾॒𑌦𑍍𑌯𑌨𑍍𑌨 𑌵॑𑌷𑌟𑍍𑌕𑍁॒𑌰𑍍𑌯𑌾-𑌦𑍍𑌰𑌕𑍍𑌷𑌾𑌗𑍍𑌮𑍍॑𑌸𑌿 𑌯॒𑌜𑍍𑌞𑌗𑍍𑌮𑍍 𑌹॑𑌨𑍍𑌯𑍁॒𑌰𑍍𑌵𑌡𑌿𑌤𑍍𑌯𑌾॑𑌹 𑌪॒𑌰𑍋𑌕𑍍𑌷॑𑌮𑍇॒𑌵 𑌵𑌷॑-𑌟𑍍𑌕𑌰𑍋𑌤𑌿॒ 𑌨𑌾𑌸𑍍𑌯॑ 𑌯𑌾॒𑌤𑌯𑌾॑𑌮𑌾 𑌵𑌷𑌟𑍍𑌕𑌾॒𑌰𑍋 𑌭𑌵॑𑌤𑌿॒ 𑌨 𑌯॒𑌜𑍍𑌞𑌗𑍍𑌮𑍍 𑌰𑌕𑍍𑌷𑌾𑌗𑍍𑌮𑍍॑𑌸𑌿 𑌘𑍍𑌨𑌨𑍍𑌤𑌿 𑌹𑍁॒𑌤𑌾𑌦𑍋॒ 𑌵𑌾 𑌅॒𑌨𑍍𑌯𑍇 𑌦𑍇॒𑌵𑌾 [𑌅॒𑌨𑍍𑌯𑍇 𑌦𑍇॒𑌵𑌾𑌃, 𑌅॒𑌹𑍁॒𑌤𑌾𑌦𑍋॒-𑌽𑌨𑍍𑌯𑍇] 1
𑌅॑𑌹𑍁॒𑌤𑌾𑌦𑍋॒-𑌽𑌨𑍍𑌯𑍇 𑌤𑌾𑌨॑𑌗𑍍𑌨𑌿॒𑌚𑌿𑌦𑍇॒𑌵𑍋𑌭𑌯𑌾᳚-𑌨𑍍𑌪𑍍𑌰𑍀𑌣𑌾𑌤𑌿॒ 𑌯𑍇 𑌦𑍇॒𑌵𑌾 𑌦𑍇॒𑌵𑌾𑌨𑌾॒𑌮𑌿𑌤𑌿॑ 𑌦॒𑌦𑍍𑌧𑍍𑌨𑌾 𑌮॑𑌧𑍁𑌮𑌿॒𑌶𑍍𑌰𑍇𑌣𑌾𑌵𑍋᳚𑌕𑍍𑌷𑌤𑌿 𑌹𑍁॒𑌤𑌾𑌦॑𑌶𑍍𑌚𑍈॒𑌵 𑌦𑍇॒𑌵𑌾𑌨॑𑌹𑍁॒𑌤𑌾𑌦॑𑌶𑍍𑌚॒ 𑌯𑌜॑𑌮𑌾𑌨𑌃 𑌪𑍍𑌰𑍀𑌣𑌾𑌤𑌿॒ 𑌤𑍇 𑌯𑌜॑𑌮𑌾𑌨-𑌮𑍍𑌪𑍍𑌰𑍀𑌣𑌨𑍍𑌤𑌿 𑌦॒𑌦𑍍𑌧𑍍𑌨𑍈𑌵 𑌹𑍁॒𑌤𑌾𑌦𑌃॑ 𑌪𑍍𑌰𑍀॒𑌣𑌾𑌤𑌿॒ 𑌮𑌧𑍁॑𑌷𑌾 𑌽𑌹𑍁॒𑌤𑌾𑌦𑍋᳚ 𑌗𑍍𑌰𑌾॒𑌮𑍍𑌯𑌂-𑌵𑌾𑌁 𑌏॒𑌤𑌦𑌨𑍍𑌨𑌂॒-𑌯𑌁𑌦𑍍𑌦𑌦𑍍𑌧𑍍𑌯𑌾॑𑌰॒𑌣𑍍𑌯-𑌮𑍍𑌮𑌧𑍁॒ 𑌯𑌦𑍍𑌦॒𑌧𑍍𑌨𑌾 𑌮॑𑌧𑍁𑌮𑌿॒𑌶𑍍𑌰𑍇𑌣𑌾॒-𑌵𑍋𑌕𑍍𑌷॑𑌤𑍍𑌯𑍁॒𑌭𑌯॒𑌸𑍍𑌯𑌾-𑌽𑌵॑𑌰𑍁𑌦𑍍𑌧𑍍𑌯𑍈 𑌗𑍍𑌰𑍁𑌮𑍁॒𑌷𑍍𑌟𑌿𑌨𑌾-𑌽𑌵𑍋᳚𑌕𑍍𑌷𑌤𑌿 𑌪𑍍𑌰𑌾𑌜𑌾𑌪॒𑌤𑍍𑌯𑍋 [𑌪𑍍𑌰𑌾𑌜𑌾𑌪॒𑌤𑍍𑌯𑌃, 𑌵𑍈 𑌗𑍍𑌰𑍁॑𑌮𑍁॒𑌷𑍍𑌟𑌿-] 20
𑌵𑍈 𑌗𑍍𑌰𑍁॑𑌮𑍁॒𑌷𑍍𑌟𑌿-𑌸𑍍𑌸॑𑌯𑍋𑌨𑌿॒𑌤𑍍𑌵𑌾𑌯॒ 𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌅𑌨𑍁𑌪𑌰𑌿॒𑌚𑌾𑌰॒-𑌮𑌵𑍋᳚𑌕𑍍𑌷॒𑌤𑍍𑌯-𑌪॑𑌰𑌿𑌵𑌰𑍍𑌗𑌮𑍇॒𑌵𑍈𑌨𑌾᳚-𑌨𑍍𑌪𑍍𑌰𑍀𑌣𑌾𑌤𑌿॒ 𑌵𑌿 𑌵𑌾 𑌏॒𑌷 𑌪𑍍𑌰𑌾॒𑌣𑍈𑌃 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑𑌰𑍍-𑌋𑌦𑍍𑌧𑍍𑌯𑌤𑍇॒ 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॒𑌨𑍍𑌵𑌨𑍍𑌨॑𑌧𑌿॒𑌕𑍍𑌰𑌾𑌮॑𑌤𑌿 𑌪𑍍𑌰𑌾𑌣॒𑌦𑌾 𑌅॑𑌪𑌾𑌨॒𑌦𑌾 𑌇𑌤𑍍𑌯𑌾॑𑌹 𑌪𑍍𑌰𑌾॒𑌣𑌾𑌨𑍇॒𑌵𑌾-𑌽𑌽𑌤𑍍𑌮-𑌨𑍍𑌧॑𑌤𑍍𑌤𑍇 𑌵𑌰𑍍𑌚𑍋॒𑌦𑌾 𑌵॑𑌰𑌿𑌵𑍋॒𑌦𑌾 𑌇𑌤𑍍𑌯𑌾॑𑌹 𑌪𑍍𑌰॒𑌜𑌾 𑌵𑍈 𑌵𑌰𑍍𑌚𑌃॑ 𑌪॒𑌶𑌵𑍋॒ 𑌵𑌰𑌿॑𑌵𑌃 𑌪𑍍𑌰॒𑌜𑌾𑌮𑍇॒𑌵 𑌪॒𑌶𑍂𑌨𑌾॒𑌤𑍍𑌮-𑌨𑍍𑌧॑𑌤𑍍𑌤॒ 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮॑𑌹॒𑌨𑍍𑌤𑌂-𑌵𑍃𑌁॒𑌤𑍍𑌰𑍋 [𑌵𑍃॒𑌤𑍍𑌰𑌮॑𑌹॒𑌨𑍍𑌤𑌂-𑌵𑍃𑌁॒𑌤𑍍𑌰𑌃, 𑌹॒𑌤-𑌷𑍍𑌷𑍋॑𑌡॒𑌶𑌭𑌿॑-] 21
𑌹॒𑌤-𑌷𑍍𑌷𑍋॑𑌡॒𑌶𑌭𑌿॑-𑌰𑍍𑌭𑍋॒𑌗𑍈𑌰॑𑌸𑌿𑌨𑌾॒-𑌥𑍍𑌸 𑌏॒𑌤𑌾𑌮॒𑌗𑍍𑌨𑌯𑍇-𑌽𑌨𑍀॑𑌕𑌵𑌤॒ 𑌆𑌹𑍁॑𑌤𑌿𑌮𑌪𑌶𑍍𑌯॒-𑌤𑍍𑌤𑌾𑌮॑𑌜𑍁𑌹𑍋॒-𑌤𑍍𑌤𑌸𑍍𑌯𑌾॒𑌗𑍍𑌨𑌿𑌰𑌨𑍀॑ 𑌕𑌵𑌾॒𑌨𑍍𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॑𑌨 𑌪𑍍𑌰𑍀॒𑌤-𑌷𑍍𑌷𑍋॑𑌡𑌶॒𑌧𑌾 𑌵𑍃॒𑌤𑍍𑌰𑌸𑍍𑌯॑ 𑌭𑍋॒𑌗𑌾𑌨𑌪𑍍𑌯॑𑌦𑌹-𑌦𑍍𑌵𑍈𑌶𑍍𑌵𑌕𑌰𑍍𑌮॒𑌣𑍇𑌨॑ 𑌪𑌾॒𑌪𑍍𑌮𑌨𑍋॒ 𑌨𑌿𑌰॑𑌮𑍁𑌚𑍍𑌯𑌤॒ 𑌯𑌦॒𑌗𑍍𑌨𑌯𑍇-𑌽𑌨𑍀॑𑌕𑌵𑌤॒ 𑌆𑌹𑍁॑𑌤𑌿-𑌞𑍍𑌜𑍁॒𑌹𑍋𑌤𑍍𑌯॒𑌗𑍍𑌨𑌿𑌰𑍇॒𑌵𑌾-𑌽𑌸𑍍𑌯𑌾𑌨𑍀॑𑌕𑌵𑌾॒𑌨𑍍𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॑𑌨 𑌪𑍍𑌰𑍀॒𑌤𑌃 𑌪𑌾॒𑌪𑍍𑌮𑌾𑌨॒𑌮𑌪𑌿॑ 𑌦𑌹𑌤𑌿 𑌵𑍈𑌶𑍍𑌵𑌕𑌰𑍍𑌮॒𑌣𑍇𑌨॑ 𑌪𑌾॒𑌪𑍍𑌮𑌨𑍋॒ 𑌨𑌿𑌰𑍍𑌮𑍁॑𑌚𑍍𑌯𑌤𑍇॒ 𑌯-𑌙𑍍𑌕𑌾॒𑌮𑌯𑍇॑𑌤 𑌚𑌿॒𑌰-𑌮𑍍𑌪𑌾॒𑌪𑍍𑌮𑌨𑍋॒ [𑌚𑌿॒𑌰-𑌮𑍍𑌪𑌾॒𑌪𑍍𑌮𑌨𑌃॑, 𑌨𑌿𑌰𑍍𑌮𑍁॑𑌚𑍍𑌯𑍇॒𑌤𑍇𑌤𑍍𑌯𑍇𑌕𑍈॑𑌕॒-] 22
𑌨𑌿𑌰𑍍𑌮𑍁॑𑌚𑍍𑌯𑍇॒𑌤𑍇𑌤𑍍𑌯𑍇𑌕𑍈॑𑌕॒-𑌨𑍍𑌤𑌸𑍍𑌯॑ 𑌜𑍁𑌹𑍁𑌯𑌾𑌚𑍍𑌚𑌿॒𑌰𑌮𑍇॒𑌵 𑌪𑌾॒𑌪𑍍𑌮𑌨𑍋॒ 𑌨𑌿𑌰𑍍𑌮𑍁॑𑌚𑍍𑌯𑌤𑍇॒ 𑌯-𑌙𑍍𑌕𑌾॒𑌮𑌯𑍇॑𑌤 𑌤𑌾॒𑌜-𑌕𑍍𑌪𑌾॒𑌪𑍍𑌮𑌨𑍋॒ 𑌨𑌿𑌰𑍍𑌮𑍁॑𑌚𑍍𑌯𑍇॒𑌤𑍇𑌤𑌿॒ 𑌸𑌰𑍍𑌵𑌾॑𑌣𑌿॒ 𑌤𑌸𑍍𑌯𑌾॑𑌨𑍁॒𑌦𑍍𑌰𑍁𑌤𑍍𑌯॑ 𑌜𑍁𑌹𑍁𑌯𑌾-𑌤𑍍𑌤𑌾॒𑌜𑌗𑍇॒𑌵 𑌪𑌾॒𑌪𑍍𑌮𑌨𑍋॒ 𑌨𑌿𑌰𑍍𑌮𑍁॑𑌚𑍍𑌯॒𑌤𑍇-𑌽𑌥𑍋॒ 𑌖𑌲𑍁॒ 𑌨𑌾𑌨𑍈॒𑌵 𑌸𑍂॒𑌕𑍍𑌤𑌾𑌭𑍍𑌯𑌾᳚-𑌞𑍍𑌜𑍁𑌹𑍋𑌤𑌿॒ 𑌨𑌾𑌨𑍈॒𑌵 𑌸𑍂॒𑌕𑍍𑌤𑌯𑍋᳚𑌰𑍍𑌵𑍀॒𑌰𑍍𑌯॑-𑌨𑍍𑌦𑌧𑌾॒𑌤𑍍𑌯𑌥𑍋॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ 23 ॥
(𑌦𑍇॒𑌵𑌾𑌃 – 𑌪𑍍𑌰𑌾॑𑌜𑌾𑌪॒𑌤𑍍𑌯𑍋-𑌵𑍃॒𑌤𑍍𑌰 – 𑌶𑍍𑌚𑌿॒𑌰-𑌮𑍍𑌪𑌾॒𑌪𑍍𑌮𑌨॑ – 𑌶𑍍𑌚𑌤𑍍𑌵𑌾𑌰𑌿॒𑌗𑍍𑌮𑍍॒𑌶𑌚𑍍𑌚॑) (𑌅. 5)
𑌉𑌦𑍇॑𑌨𑌮𑍁𑌤𑍍𑌤॒𑌰𑌾-𑌨𑍍𑌨॒𑌯𑍇𑌤𑌿॑ 𑌸॒𑌮𑌿𑌧॒ 𑌆 𑌦॑𑌧𑌾𑌤𑌿॒ 𑌯𑌥𑌾॒ 𑌜𑌨𑌂॑-𑌯𑌁॒𑌤𑍇॑-𑌽𑌵॒𑌸-𑌙𑍍𑌕॒𑌰𑍋𑌤𑌿॑ 𑌤𑌾॒𑌦𑍃𑌗𑍇॒𑌵 𑌤-𑌤𑍍𑌤𑌿॒𑌸𑍍𑌰 𑌆 𑌦॑𑌧𑌾𑌤𑌿 𑌤𑍍𑌰𑌿॒𑌵𑍃𑌦𑍍𑌵𑌾 𑌅॒𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒-𑌵𑌾𑌗𑍍𑌨𑌿𑌸𑍍𑌤𑌸𑍍𑌮𑍈॑ 𑌭𑌾𑌗॒𑌧𑍇𑌯॑-𑌙𑍍𑌕𑌰𑍋॒𑌤𑍍𑌯𑍌𑌦𑍁॑𑌮𑍍𑌬𑌰𑍀-𑌰𑍍𑌭𑌵॒𑌨𑍍𑌤𑍍𑌯𑍂𑌰𑍍𑌗𑍍𑌵𑌾 𑌉॑𑌦𑍁॒𑌮𑍍𑌬𑌰॒ 𑌊𑌰𑍍𑌜॑𑌮𑍇॒𑌵𑌾𑌸𑍍𑌮𑌾॒ 𑌅𑌪𑌿॑ 𑌦𑌧𑌾॒𑌤𑍍𑌯𑍁𑌦𑍁॑ 𑌤𑍍𑌵𑌾॒ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌇𑌤𑍍𑌯𑌾॑𑌹 𑌪𑍍𑌰𑌾॒𑌣𑌾 𑌵𑍈 𑌵𑌿𑌶𑍍𑌵𑍇॑ 𑌦𑍇॒𑌵𑌾𑌃 𑌪𑍍𑌰𑌾॒𑌣𑍈- [𑌪𑍍𑌰𑌾॒𑌣𑍈𑌃, 𑌏॒𑌵𑍈𑌨॒-] 24
-𑌰𑍇॒𑌵𑍈𑌨॒-𑌮𑍁𑌦𑍍𑌯॑𑌚𑍍𑌛॒𑌤𑍇 𑌽𑌗𑍍𑌨𑍇॒ 𑌭𑌰॑𑌨𑍍𑌤𑍁॒ 𑌚𑌿𑌤𑍍𑌤𑌿॑𑌭𑌿॒𑌰𑌿𑌤𑍍𑌯𑌾॑𑌹॒ 𑌯𑌸𑍍𑌮𑌾॑ 𑌏॒𑌵𑍈𑌨॑-𑌞𑍍𑌚𑌿॒𑌤𑍍𑌤𑌾𑌯𑍋॒𑌦𑍍𑌯𑌚𑍍𑌛॑𑌤𑍇॒ 𑌤𑍇𑌨𑍈॒𑌵𑍈𑌨॒𑌗𑍍𑌮𑍍॒ 𑌸𑌮॑𑌰𑍍𑌧𑌯𑌤𑌿॒ 𑌪𑌞𑍍𑌚॒ 𑌦𑌿𑌶𑍋॒ 𑌦𑍈𑌵𑍀᳚𑌰𑍍𑌯॒𑌜𑍍𑌞𑌮॑𑌵𑌨𑍍𑌤𑍁 𑌦𑍇॒𑌵𑍀𑌰𑌿𑌤𑍍𑌯𑌾॑𑌹॒ 𑌦𑌿𑌶𑍋॒ 𑌹𑍍𑌯𑍇॑𑌷𑍋-𑌽𑌨𑍁॑ 𑌪𑍍𑌰॒𑌚𑍍𑌯𑌵॒𑌤𑍇 𑌽𑌪𑌾𑌮॑𑌤𑌿-𑌨𑍍𑌦𑍁𑌰𑍍𑌮॒𑌤𑌿-𑌮𑍍𑌬𑌾𑌧॑𑌮𑌾𑌨𑌾॒ 𑌇𑌤𑍍𑌯𑌾॑𑌹॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 𑌰𑌾॒𑌯𑌸𑍍𑌪𑍋𑌷𑍇॑ 𑌯॒𑌜𑍍𑌞𑌪॑𑌤𑌿-𑌮𑌾॒𑌭𑌜॑𑌨𑍍𑌤𑍀॒𑌰𑌿𑌤𑍍𑌯𑌾॑𑌹 𑌪॒𑌶𑌵𑍋॒ 𑌵𑍈 𑌰𑌾॒𑌯𑌸𑍍𑌪𑍋𑌷𑌃॑ [𑌰𑌾॒𑌯𑌸𑍍𑌪𑍋𑌷𑌃॑, 𑌪॒𑌶𑍂𑌨𑍇॒𑌵𑌾𑌵॑] 25
𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌷॒𑌡𑍍𑌭𑌿𑌰𑍍𑌹॑𑌰𑌤𑌿॒ 𑌷-𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌭𑌿॑𑌰𑍇॒𑌵𑍈𑌨𑌗𑍍𑌮𑍍॑ 𑌹𑌰𑌤𑌿॒ 𑌦𑍍𑌵𑍇 𑌪॑𑌰𑌿॒𑌗𑍃𑌹𑍍𑌯॑𑌵𑌤𑍀 𑌭𑌵𑌤𑍋॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈॒ 𑌸𑍂𑌰𑍍𑌯॑𑌰𑌶𑍍𑌮𑌿॒𑌰𑍍॒𑌹𑌰𑌿॑𑌕𑍇𑌶𑌃 𑌪𑍁॒𑌰𑌸𑍍𑌤𑌾॒𑌦𑌿𑌤𑍍𑌯𑌾॑𑌹॒ 𑌪𑍍𑌰𑌸𑍂᳚𑌤𑍍𑌯𑍈॒ 𑌤𑌤𑌃॑ 𑌪𑌾𑌵॒𑌕𑌾 𑌆॒𑌶𑌿𑌷𑍋॑ 𑌨𑍋 𑌜𑍁𑌷𑌨𑍍𑌤𑌾॒𑌮𑌿𑌤𑍍𑌯𑌾॒𑌹𑌾𑌨𑍍𑌨𑌂॒-𑌵𑍈𑌁 𑌪𑌾॑𑌵॒𑌕𑍋-𑌽𑌨𑍍𑌨॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌦𑍇𑌵𑌾𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸॒-𑌨𑍍𑌤𑍇 𑌦𑍇॒𑌵𑌾 𑌏॒𑌤-𑌦𑌪𑍍𑌰॑𑌤𑌿𑌰𑌥-𑌮𑌪𑌶𑍍𑌯॒-𑌨𑍍𑌤𑍇𑌨॒ 𑌵𑍈 𑌤𑍇᳚ 𑌪𑍍𑌰॒- [𑌵𑍈 𑌤𑍇᳚ 𑌪𑍍𑌰॒𑌤𑌿, 𑌅𑌸𑍁॑𑌰𑌾𑌨𑌜𑌯॒-𑌨𑍍𑌤-] 26
-𑌤𑍍𑌯𑌸𑍁॑𑌰𑌾𑌨𑌜𑌯॒-𑌨𑍍𑌤-𑌦𑌪𑍍𑌰॑𑌤𑌿𑌰𑌥𑌸𑍍𑌯𑌾-𑌪𑍍𑌰𑌤𑌿𑌰𑌥॒𑌤𑍍𑌵𑌂-𑌯𑌁𑌦𑌪𑍍𑌰॑𑌤𑌿𑌰𑌥-𑌨𑍍𑌦𑍍𑌵𑌿॒𑌤𑍀𑌯𑍋॒ 𑌹𑍋𑌤𑌾॒-𑌽𑌨𑍍𑌵𑌾𑌹𑌾᳚𑌪𑍍𑌰॒𑌤𑍍𑌯𑍇॑𑌵 𑌤𑍇𑌨॒ 𑌯𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾𑌨𑍍 𑌜𑌯॒𑌤𑍍𑌯𑌥𑍋॒ 𑌅𑌨॑𑌭𑌿𑌜𑌿𑌤𑌮𑍇॒𑌵𑌾𑌭𑌿 𑌜॑𑌯𑌤𑌿 𑌦𑌶॒𑌰𑍍𑌚-𑌮𑍍𑌭॑𑌵𑌤𑌿॒ 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜𑍇॒𑌮𑍌 𑌲𑍋॒𑌕𑍌 𑌵𑌿𑌧𑍃॑𑌤𑌾 𑌵॒𑌨𑌯𑍋᳚𑌰𑍍𑌲𑍋॒𑌕𑌯𑍋॒𑌰𑍍𑌵𑌿𑌧𑍃॑𑌤𑍍𑌯𑌾॒ 𑌅𑌥𑍋॒ 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾𑌡𑌨𑍍𑌨𑌂॑-𑌵𑌿𑌁॒𑌰𑌾-𑌡𑍍𑌵𑌿॒𑌰𑌾𑌜𑍍𑌯𑍇॒𑌵𑌾𑌨𑍍𑌨𑌾𑌦𑍍𑌯𑍇॒ 𑌪𑍍𑌰𑌤𑌿॑𑌤𑌿𑌷𑍍𑌠॒𑌤𑍍𑌯𑌸॑𑌦𑌿𑌵॒ 𑌵𑌾 𑌅॒𑌨𑍍𑌤𑌰𑌿॑𑌕𑍍𑌷𑌮॒𑌨𑍍𑌤𑌰𑌿॑𑌕𑍍𑌷𑌮𑌿॒𑌵𑌾 𑌽𑌽𑌗𑍍𑌨𑍀᳚𑌦𑍍𑌧𑍍𑌰॒-𑌮𑌾𑌗𑍍𑌨𑍀॒𑌦𑍍𑌧𑍍𑌰𑍇- [-𑌮𑌾𑌗𑍍𑌨𑍀᳚𑌦𑍍𑌧𑍍𑌰𑍇, 𑌅𑌶𑍍𑌮𑌾॑𑌨॒-𑌨𑍍𑌨𑌿 𑌦॑𑌧𑌾𑌤𑌿] 2
-𑌽𑌶𑍍𑌮𑌾॑𑌨॒-𑌨𑍍𑌨𑌿 𑌦॑𑌧𑌾𑌤𑌿 𑌸॒𑌤𑍍𑌤𑍍𑌵𑌾𑌯॒ 𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌵𑌿॒𑌮𑌾𑌨॑ 𑌏॒𑌷 𑌦𑌿॒𑌵𑍋 𑌮𑌦𑍍𑌧𑍍𑌯॑ 𑌆𑌸𑍍𑌤॒ 𑌇𑌤𑍍𑌯𑌾॑𑌹॒ 𑌵𑍍𑌯𑍇॑𑌵𑍈𑌤𑌯𑌾॑ 𑌮𑌿𑌮𑍀𑌤𑍇॒ 𑌮𑌦𑍍𑌧𑍍𑌯𑍇॑ 𑌦𑌿॒𑌵𑍋 𑌨𑌿𑌹𑌿॑𑌤𑌃॒ 𑌪𑍃𑌶𑍍𑌞𑌿॒𑌰𑌶𑍍𑌮𑍇𑌤𑍍𑌯𑌾॒𑌹𑌾𑌨𑍍𑌨𑌂॒-𑌵𑍈𑌁 𑌪𑍃𑌶𑍍𑌞𑍍𑌯𑌨𑍍𑌨॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌚𑌤॒𑌸𑍃𑌭𑌿॒𑌰𑌾 𑌪𑍁𑌚𑍍𑌛𑌾॑𑌦𑍇𑌤𑌿 𑌚॒𑌤𑍍𑌵𑌾𑌰𑌿॒ 𑌛𑌨𑍍𑌦𑌾𑌗𑍍𑌮𑍍॑𑌸𑌿॒ 𑌛𑌨𑍍𑌦𑍋॑𑌭𑌿𑌰𑍇॒𑌵𑍇𑌨𑍍𑌦𑍍𑌰𑌂॒-𑌵𑌿𑌁𑌶𑍍𑌵𑌾॑ 𑌅𑌵𑍀𑌵𑍃𑌧॒𑌨𑍍𑌨𑌿𑌤𑍍𑌯𑌾॑𑌹॒ 𑌵𑍃𑌦𑍍𑌧𑌿॑𑌮𑍇॒𑌵𑍋𑌪𑌾𑌵॑𑌰𑍍𑌤𑌤𑍇॒ 𑌵𑌾𑌜𑌾॑𑌨𑌾॒𑌗𑍍𑌮𑍍॒ 𑌸𑌤𑍍𑌪॑𑌤𑌿॒-𑌮𑍍𑌪𑌤𑌿॒- [𑌸𑌤𑍍𑌪॑𑌤𑌿॒-𑌮𑍍𑌪𑌤𑌿᳚𑌮𑍍, 𑌇𑌤𑍍𑌯𑌾॒𑌹𑌾-𑌽𑌨𑍍𑌨𑌂॒-𑌵𑍈𑌁] 2
-𑌮𑌿𑌤𑍍𑌯𑌾॒𑌹𑌾-𑌽𑌨𑍍𑌨𑌂॒-𑌵𑍈𑌁 𑌵𑌾𑌜𑍋-𑌽𑌨𑍍𑌨॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌸𑍁𑌮𑍍𑌨॒𑌹𑍂𑌰𑍍𑌯॒𑌜𑍍𑌞𑍋 𑌦𑍇॒𑌵𑌾𑌗𑍍𑌮𑍍 𑌆 𑌚॑ 𑌵𑌕𑍍𑌷॒𑌦𑌿𑌤𑍍𑌯𑌾॑𑌹 𑌪𑍍𑌰॒𑌜𑌾 𑌵𑍈 𑌪॒𑌶𑌵॑-𑌸𑍍𑌸𑍁॒𑌮𑍍𑌨-𑌮𑍍𑌪𑍍𑌰॒𑌜𑌾𑌮𑍇॒𑌵 𑌪॒𑌶𑍂𑌨𑌾॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌯𑌕𑍍𑌷॑𑌦॒𑌗𑍍𑌨𑌿𑌰𑍍𑌦𑍇॒𑌵𑍋 𑌦𑍇॒𑌵𑌾𑌗𑍍𑌮𑍍 𑌆 𑌚॑ 𑌵𑌕𑍍𑌷॒𑌦𑌿𑌤𑍍𑌯𑌾॑𑌹 𑌸𑍍𑌵॒𑌗𑌾𑌕𑍃॑𑌤𑍍𑌯𑍈॒ 𑌵𑌾𑌜॑𑌸𑍍𑌯 𑌮𑌾 𑌪𑍍𑌰𑌸॒𑌵𑍇𑌨𑍋᳚-𑌦𑍍𑌗𑍍𑌰𑌾॒𑌭𑍇𑌣𑍋𑌦॑𑌗𑍍𑌰𑌭𑍀॒𑌦𑌿𑌤𑍍𑌯𑌾॑𑌹𑌾॒𑌸𑍌 𑌵𑌾 𑌆॑𑌦𑌿॒𑌤𑍍𑌯 𑌉॒𑌦𑍍𑌯𑌨𑍍𑌨𑍁॑𑌦𑍍𑌗𑍍𑌰𑌾॒𑌭 𑌏॒𑌷 𑌨𑌿॒𑌮𑍍𑌰𑍋𑌚॑-𑌨𑍍𑌨𑌿𑌗𑍍𑌰𑌾॒𑌭𑍋 𑌬𑍍𑌰𑌹𑍍𑌮॑𑌣𑍈॒𑌵𑌾-𑌽𑌽𑌤𑍍𑌮𑌾𑌨॑𑌮𑍁-𑌦𑍍𑌗𑍃॒𑌹𑍍𑌣𑌾𑌤𑌿॒ 𑌬𑍍𑌰𑌹𑍍𑌮॑𑌣𑌾॒ 𑌭𑍍𑌰𑌾𑌤𑍃॑𑌵𑍍𑌯॒-𑌨𑍍𑌨𑌿 𑌗𑍃॑𑌹𑍍𑌣𑌾𑌤𑌿 ॥ 2 ॥
(𑌪𑍍𑌰𑌾॒𑌣𑍈𑌃 – 𑌪𑍋𑌷𑍋᳚ – 𑌪𑍍𑌰॒𑌤𑍍𑌯𑌾 – 𑌗𑍍𑌨𑍀᳚𑌦𑍍𑌧𑍇॒ – 𑌪𑌤𑌿॑ – 𑌮𑍇॒𑌷 – 𑌦𑌶॑ 𑌚) (𑌅. 6)
𑌪𑍍𑌰𑌾𑌚𑍀॒𑌮𑌨𑍁॑ 𑌪𑍍𑌰॒𑌦𑌿𑌶॒-𑌮𑍍𑌪𑍍𑌰𑍇𑌹𑌿॑ 𑌵𑌿॒𑌦𑍍𑌵𑌾𑌨𑌿𑌤𑍍𑌯𑌾॑𑌹 𑌦𑍇𑌵𑌲𑍋॒𑌕-𑌮𑍇॒𑌵𑍈𑌤𑌯𑍋॒𑌪𑌾𑌵॑𑌰𑍍𑌤𑌤𑍇॒ 𑌕𑍍𑌰𑌮॑𑌦𑍍𑌧𑍍𑌵𑌮॒𑌗𑍍𑌨𑌿𑌨𑌾॒ 𑌨𑌾𑌕॒-𑌮𑌿𑌤𑍍𑌯𑌾॑𑌹𑍇॒𑌮𑌾𑌨𑍇॒𑌵𑍈𑌤𑌯𑌾॑ 𑌲𑍋॒𑌕𑌾𑌨𑍍 𑌕𑍍𑌰॑𑌮𑌤𑍇 𑌪𑍃𑌥𑌿॒𑌵𑍍𑌯𑌾 𑌅॒𑌹𑌮𑍁𑌦॒𑌨𑍍𑌤𑌰𑌿॑𑌕𑍍𑌷॒𑌮𑌾 𑌽𑌰𑍁॑𑌹॒𑌮𑌿𑌤𑍍𑌯𑌾॑𑌹𑍇॒𑌮𑌾𑌨𑍇॒𑌵𑍈𑌤𑌯𑌾॑ 𑌲𑍋॒𑌕𑌾𑌨𑍍-𑌥𑍍𑌸॒𑌮𑌾𑌰𑍋॑𑌹𑌤𑌿॒ 𑌸𑍁𑌵॒𑌰𑍍𑌯𑌨𑍍𑌤𑍋॒ 𑌨𑌾𑌪𑍇᳚𑌕𑍍𑌷𑌨𑍍𑌤॒ 𑌇𑌤𑍍𑌯𑌾॑𑌹 𑌸𑍁𑌵॒𑌰𑍍𑌗𑌮𑍇॒𑌵𑍈𑌤𑌯𑌾॑ 𑌲𑍋॒𑌕𑌮𑍇॒𑌤𑍍𑌯𑌗𑍍𑌨𑍇॒ 𑌪𑍍𑌰𑍇𑌹𑌿॑ [𑌪𑍍𑌰𑍇𑌹𑌿॑, 𑌪𑍍𑌰॒𑌥॒𑌮𑍋] 30
𑌪𑍍𑌰𑌥॒𑌮𑍋 𑌦𑍇॑𑌵𑌯॒𑌤𑌾-𑌮𑌿𑌤𑍍𑌯𑌾॑𑌹𑍋॒𑌭𑌯𑍇᳚𑌷𑍍𑌵𑍇॒𑌵𑍈𑌤𑌯𑌾॑ 𑌦𑍇𑌵𑌮𑌨𑍁॒𑌷𑍍𑌯𑍇𑌷𑍁॒ 𑌚𑌕𑍍𑌷𑍁॑𑌰𑍍𑌦𑌧𑌾𑌤𑌿 𑌪॒𑌞𑍍𑌚𑌭𑌿॒𑌰𑌧𑌿॑ 𑌕𑍍𑌰𑌾𑌮𑌤𑌿॒ 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑍋 𑌯𑌾𑌵𑌾॑𑌨𑍇॒𑌵 𑌯॒𑌜𑍍𑌞𑌸𑍍𑌤𑍇𑌨॑ 𑌸॒𑌹 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿॒ 𑌨𑌕𑍍𑌤𑍋॒𑌷𑌾𑌸𑍇𑌤𑌿॑ 𑌪𑍁𑌰𑍋-𑌽𑌨𑍁𑌵𑌾॒𑌕𑍍𑌯𑌾॑𑌮𑌨𑍍𑌵𑌾॑𑌹॒ 𑌪𑍍𑌰𑌤𑍍𑌯𑌾॒ 𑌅𑌗𑍍𑌨𑍇॑ 𑌸𑌹𑌸𑍍𑌰𑌾॒𑌕𑍍𑌷𑍇𑌤𑍍𑌯𑌾॑𑌹 𑌸𑌾𑌹॒𑌸𑍍𑌰𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑍈॒ 𑌤𑌸𑍍𑌮𑍈॑ 𑌤𑍇 𑌵𑌿𑌧𑍇𑌮॒ 𑌵𑌾𑌜𑌾॑𑌯॒ 𑌸𑍍𑌵𑌾𑌹𑍇𑌤𑍍𑌯𑌾॒𑌹𑌾𑌨𑍍𑌨𑌂॒-𑌵𑍈𑌁 𑌵𑌾𑌜𑍋-𑌽𑌨𑍍𑌨॑-𑌮𑍇॒𑌵𑌾𑌵॑ [𑌵𑌾𑌜𑍋-𑌽𑌨𑍍𑌨॑-𑌮𑍇॒𑌵𑌾𑌵॑, 𑌰𑍁॒𑌨𑍍𑌧𑍇॒ 𑌦॒𑌦𑍍𑌧𑍍𑌨𑌃] 31
𑌰𑍁𑌨𑍍𑌧𑍇 𑌦॒𑌦𑍍𑌧𑍍𑌨𑌃 𑌪𑍂॒𑌰𑍍𑌣𑌾𑌮𑍌𑌦𑍁॑𑌮𑍍𑌬𑌰𑍀𑌗𑍍 𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾𑌯𑌾᳚-𑌞𑍍𑌜𑍁𑌹𑍋॒𑌤𑍍𑌯𑍂𑌰𑍍𑌗𑍍𑌵𑍈 𑌦𑌦𑍍𑌧𑍍𑌯𑍂𑌰𑍍𑌗𑍁॑𑌦𑍁॒𑌮𑍍𑌬𑌰𑍋॒-𑌽𑌸𑍌 𑌸𑍍𑌵॑𑌯𑌮𑌾𑌤𑍃॒𑌣𑍍𑌣𑌾 𑌽𑌮𑍁𑌷𑍍𑌯𑌾॑𑌮𑍇॒𑌵𑍋𑌰𑍍𑌜॑-𑌨𑍍𑌦𑌧𑌾𑌤𑌿॒ 𑌤𑌸𑍍𑌮𑌾॑𑌦॒𑌮𑍁𑌤𑍋॒-𑌽𑌰𑍍𑌵𑌾𑌚𑍀॒𑌮𑍂𑌰𑍍𑌜॒𑌮𑍁𑌪॑ 𑌜𑍀𑌵𑌾𑌮𑌸𑍍𑌤𑌿॒𑌸𑍃𑌭𑌿॑-𑌸𑍍𑌸𑌾𑌦𑌯𑌤𑌿 𑌤𑍍𑌰𑌿॒𑌵𑍃𑌦𑍍𑌵𑌾 𑌅॒𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒𑌵𑌾𑌗𑍍𑌨𑌿𑌸𑍍𑌤-𑌮𑍍𑌪𑍍𑌰॑𑌤𑌿॒𑌷𑍍𑌠𑌾-𑌙𑍍𑌗॑𑌮𑌯𑌤𑌿॒ 𑌪𑍍𑌰𑍇𑌦𑍍𑌧𑍋॑ 𑌅𑌗𑍍𑌨𑍇 𑌦𑍀𑌦𑌿𑌹𑌿 𑌪𑍁॒𑌰𑍋 𑌨॒ 𑌇𑌤𑍍𑌯𑍌𑌦𑍁॑𑌮𑍍𑌬𑌰𑍀॒𑌮𑌾 𑌦॑𑌧𑌾𑌤𑍍𑌯𑍇॒𑌷𑌾 𑌵𑍈 𑌸𑍂॒𑌰𑍍𑌮𑍀 𑌕𑌰𑍍𑌣॑𑌕𑌾𑌵𑌤𑍍𑌯𑍇॒𑌤𑌯𑌾॑ 𑌹 𑌸𑍍𑌮॒ [𑌹 𑌸𑍍𑌮, 𑌵𑍈] 32
𑌵𑍈 𑌦𑍇॒𑌵𑌾 𑌅𑌸𑍁॑𑌰𑌾𑌣𑌾𑌗𑍍𑌮𑍍 𑌶𑌤𑌤॒𑌰𑍍॒𑌹𑌾𑌗𑍍 𑌸𑍍𑌤𑍃𑌗𑍍𑌮𑍍॑𑌹𑌨𑍍𑌤𑌿॒ 𑌯𑌦𑍇॒𑌤𑌯𑌾॑ 𑌸॒𑌮𑌿𑌧॑𑌮𑌾॒𑌦𑌧𑌾॑𑌤𑌿॒ 𑌵𑌜𑍍𑌰॑𑌮𑍇॒𑌵𑍈𑌤𑌚𑍍𑌛॑𑌤॒𑌘𑍍𑌨𑍀𑌂-𑌯𑌁𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾𑌯॒ 𑌪𑍍𑌰𑌹॑𑌰𑌤𑌿॒ 𑌸𑍍𑌤𑍃𑌤𑍍𑌯𑌾॒ 𑌅𑌛॑𑌮𑍍𑌬𑌟𑍍𑌕𑌾𑌰𑌂-𑌵𑌿𑌁॒𑌧𑍇𑌮॑ 𑌤𑍇 𑌪𑌰॒𑌮𑍇 𑌜𑌨𑍍𑌮॑𑌨𑍍𑌨𑌗𑍍𑌨॒ 𑌇𑌤𑌿॒ 𑌵𑍈𑌕॑𑌙𑍍𑌕𑌤𑍀॒𑌮𑌾 𑌦॑𑌧𑌾𑌤𑌿॒ 𑌭𑌾 𑌏॒𑌵𑌾𑌵॑ 𑌰𑍁𑌨𑍍𑌧𑍇॒ 𑌤𑌾𑌗𑍍𑌮𑍍 𑌸॑𑌵𑌿॒𑌤𑍁𑌰𑍍𑌵𑌰𑍇᳚𑌣𑍍𑌯𑌸𑍍𑌯 𑌚𑌿॒𑌤𑍍𑌰𑌾𑌮𑌿𑌤𑌿॑ 𑌶𑌮𑍀॒𑌮𑌯𑍀॒𑌗𑍍𑌮𑍍॒ 𑌶𑌾𑌨𑍍𑌤𑍍𑌯𑌾॑ 𑌅॒𑌗𑍍𑌨𑌿𑌰𑍍𑌵𑌾॑ 𑌹॒ 𑌵𑌾 𑌅॑𑌗𑍍𑌨𑌿॒𑌚𑌿𑌤॑-𑌨𑍍𑌦𑍁॒𑌹𑍇᳚-𑌽𑌗𑍍𑌨𑌿॒𑌚𑌿𑌦𑍍𑌵𑌾॒-𑌽𑌗𑍍𑌨𑌿-𑌨𑍍𑌦𑍁॑𑌹𑍇॒ 𑌤𑌾𑌗𑍍𑌮𑍍 [𑌤𑌾𑌮𑍍, 𑌸॒𑌵𑌿॒𑌤𑍁-] 33
𑌸॑𑌵𑌿॒𑌤𑍁-𑌰𑍍𑌵𑌰𑍇᳚𑌣𑍍𑌯𑌸𑍍𑌯 𑌚𑌿॒𑌤𑍍𑌰𑌾𑌮𑌿𑌤𑍍𑌯𑌾॑𑌹𑍈॒𑌷 𑌵𑌾 𑌅॒𑌗𑍍𑌨𑍇𑌰𑍍𑌦𑍋𑌹॒𑌸𑍍𑌤𑌮॑𑌸𑍍𑌯॒ 𑌕𑌣𑍍𑌵॑ 𑌏॒𑌵 𑌶𑍍𑌰𑌾॑𑌯॒𑌸𑍋॑-𑌽𑌵𑍇॒-𑌤𑍍𑌤𑍇𑌨॑ 𑌹 𑌸𑍍𑌮𑍈𑌨॒𑌗𑍍𑌮𑍍॒ 𑌸 𑌦𑍁॑𑌹𑍇॒ 𑌯𑌦𑍇॒𑌤𑌯𑌾॑ 𑌸॒𑌮𑌿𑌧॑-𑌮𑌾॒𑌦𑌧𑌾᳚𑌤𑍍𑌯𑌗𑍍𑌨𑌿॒𑌚𑌿𑌦𑍇॒𑌵 𑌤𑌦॒𑌗𑍍𑌨𑌿-𑌨𑍍𑌦𑍁॑𑌹𑍇 𑌸॒𑌪𑍍𑌤 𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌧॑-𑌸𑍍𑌸॒𑌪𑍍𑌤𑌜𑌿॒𑌹𑍍𑌵𑌾 𑌇𑌤𑍍𑌯𑌾॑𑌹 𑌸॒𑌪𑍍𑌤𑍈𑌵𑌾𑌸𑍍𑌯॒ 𑌸𑌾𑌪𑍍𑌤𑌾॑𑌨𑌿 𑌪𑍍𑌰𑍀𑌣𑌾𑌤𑌿 𑌪𑍂॒𑌰𑍍𑌣𑌯𑌾॑ 𑌜𑍁𑌹𑍋𑌤𑌿 𑌪𑍂॒𑌰𑍍𑌣 𑌇॑𑌵॒ 𑌹𑌿 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾𑌪॑𑌤𑍇॒- [𑌪𑍍𑌰॒𑌜𑌾𑌪॑𑌤𑍇𑌃, 𑌆𑌪𑍍𑌤𑍍𑌯𑍈॒] 34
-𑌰𑌾𑌪𑍍𑌤𑍍𑌯𑍈॒ 𑌨𑍍𑌯𑍂॑𑌨𑌯𑌾 𑌜𑍁𑌹𑍋𑌤𑌿॒ 𑌨𑍍𑌯𑍂॑𑌨𑌾॒𑌦𑍍𑌧𑌿 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅𑌸𑍃॑𑌜𑌤 𑌪𑍍𑌰॒𑌜𑌾𑌨𑌾॒𑌗𑍍𑌮𑍍॒ 𑌸𑍃𑌷𑍍𑌟𑍍𑌯𑌾॑ 𑌅॒𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤॒ 𑌸 𑌦𑌿𑌶𑍋-𑌽𑌨𑍁॒ 𑌪𑍍𑌰𑌾-𑌽𑌵𑌿॑𑌶॒𑌜𑍍𑌜𑍁𑌹𑍍𑌵॒𑌨𑍍𑌮𑌨॑𑌸𑌾॒ 𑌦𑌿𑌶𑍋᳚ 𑌦𑍍𑌧𑍍𑌯𑌾𑌯𑍇 𑌦𑍍𑌦𑌿॒𑌗𑍍𑌭𑍍𑌯 𑌏॒𑌵𑍈𑌨॒𑌮𑌵॑ 𑌰𑍁𑌨𑍍𑌧𑍇 𑌦॒𑌦𑍍𑌧𑍍𑌨𑌾 𑌪𑍁॒𑌰𑌸𑍍𑌤𑌾᳚𑌜𑍍𑌜𑍁𑌹𑍋॒𑌤𑍍𑌯𑌾-𑌜𑍍𑌯𑍇॑𑌨𑍋॒𑌪𑌰𑌿॑𑌷𑍍𑌟𑌾॒-𑌤𑍍𑌤𑍇𑌜॑𑌶𑍍𑌚𑍈॒𑌵𑌾𑌸𑍍𑌮𑌾॑ 𑌇𑌨𑍍𑌦𑍍𑌰𑌿॒𑌯-𑌞𑍍𑌚॑ 𑌸॒𑌮𑍀𑌚𑍀॑ 𑌦𑌧𑌾𑌤𑌿॒ 𑌦𑍍𑌵𑌾𑌦॑𑌶𑌕𑌪𑌾𑌲𑍋 𑌵𑍈𑌶𑍍𑌵𑌾𑌨॒𑌰𑍋 𑌭॑𑌵𑌤𑌿॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋᳚-𑌽𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌾॒𑌕𑍍𑌷𑌾- [-𑌽𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌾॒𑌕𑍍𑌷𑌾𑌤𑍍, 𑌏॒𑌵 𑌵𑍈᳚𑌶𑍍𑌵𑌾𑌨॒𑌰𑌮𑌵॑] 35
-𑌦𑍇॒𑌵 𑌵𑍈᳚𑌶𑍍𑌵𑌾𑌨॒𑌰𑌮𑌵॑ 𑌰𑍁𑌨𑍍𑌧𑍇॒ 𑌯-𑌤𑍍𑌪𑍍𑌰॑𑌯𑌾𑌜𑌾𑌨𑍂𑌯𑌾॒𑌜𑌾𑌨𑍍 𑌕𑍁॒𑌰𑍍𑌯𑌾𑌦𑍍𑌵𑌿𑌕॑𑌸𑍍𑌤𑌿॒-𑌸𑍍𑌸𑌾 𑌯॒𑌜𑍍𑌞𑌸𑍍𑌯॑ 𑌦𑌰𑍍𑌵𑌿𑌹𑍋॒𑌮-𑌙𑍍𑌕॑𑌰𑍋𑌤𑌿 𑌯॒𑌜𑍍𑌞𑌸𑍍𑌯॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌰𑌾॒𑌷𑍍𑌟𑍍𑌰𑌂-𑌵𑍈𑌁 𑌵𑍈᳚𑌶𑍍𑌵𑌾𑌨॒𑌰𑍋 𑌵𑌿𑌣𑍍𑌮॒𑌰𑍁𑌤𑍋॑ 𑌵𑍈𑌶𑍍𑌵𑌾𑌨॒𑌰𑌗𑍍𑌮𑍍 𑌹𑍁॒𑌤𑍍𑌵𑌾 𑌮𑌾॑𑌰𑍁॒𑌤𑌾𑌨𑍍 𑌜𑍁॑𑌹𑍋𑌤𑌿 𑌰𑌾॒𑌷𑍍𑌟𑍍𑌰 𑌏॒𑌵 𑌵𑌿𑌶॒𑌮𑌨𑍁॑ 𑌬𑌦𑍍𑌧𑍍𑌨𑌾𑌤𑍍𑌯𑍁॒𑌚𑍍𑌚𑍈-𑌰𑍍𑌵𑍈᳚𑌶𑍍𑌵𑌾𑌨॒𑌰𑌸𑍍𑌯𑌾-𑌽𑌽 𑌶𑍍𑌰𑌾॑𑌵𑌯𑌤𑍍𑌯𑍁𑌪𑌾॒𑌗𑍍𑌮𑍍॒𑌶𑍁 𑌮𑌾॑𑌰𑍁॒𑌤𑌾𑌨𑍍 𑌜𑍁॑𑌹𑍋𑌤𑌿॒ 𑌤𑌸𑍍𑌮𑌾᳚-𑌦𑍍𑌰𑌾॒𑌷𑍍𑌟𑍍𑌰𑌂-𑌵𑌿𑌁𑌶॒𑌮𑌤𑌿॑ 𑌵𑌦𑌤𑌿 𑌮𑌾𑌰𑍁॒𑌤𑌾 𑌭॑𑌵𑌨𑍍𑌤𑌿 𑌮॒𑌰𑍁𑌤𑍋॒ 𑌵𑍈 𑌦𑍇॒𑌵𑌾𑌨𑌾𑌂॒-𑌵𑌿𑌁𑌶𑍋॑ 𑌦𑍇𑌵𑌵𑌿॒𑌶𑍇𑌨𑍈॒𑌵𑌾𑌸𑍍𑌮𑍈॑ 𑌮𑌨𑍁𑌷𑍍𑌯𑌵𑌿॒𑌶 -𑌮𑌵॑ 𑌰𑍁𑌨𑍍𑌧𑍇 𑌸॒𑌪𑍍𑌤 𑌭॑𑌵𑌨𑍍𑌤𑌿 𑌸॒𑌪𑍍𑌤𑌗॑𑌣𑌾॒ 𑌵𑍈 𑌮॒𑌰𑍁𑌤𑍋॑ 𑌗𑌣॒𑌶 𑌏॒𑌵 𑌵𑌿𑌶॒𑌮𑌵॑ 𑌰𑍁𑌨𑍍𑌧𑍇 𑌗॒𑌣𑍇𑌨॑ 𑌗॒𑌣𑌮॑𑌨𑍁॒𑌦𑍍𑌰𑍁𑌤𑍍𑌯॑ 𑌜𑍁𑌹𑍋𑌤𑌿॒ 𑌵𑌿𑌶॑𑌮𑍇॒𑌵𑌾𑌸𑍍𑌮𑌾॒ 𑌅𑌨𑍁॑𑌵𑌰𑍍𑌤𑍍𑌮𑌾𑌨-𑌙𑍍𑌕𑌰𑍋𑌤𑌿 ॥ 36 ॥
(𑌅𑌗𑍍𑌨𑍇॒ 𑌪𑍍𑌰𑍇𑌹𑍍𑌯 – 𑌵॑ – 𑌸𑍍𑌮 – 𑌦𑍁𑌹𑍇॒ 𑌤𑌾𑌂 – 𑌪𑍍𑌰॒𑌜𑌾𑌪॑𑌤𑍇𑌃 – 𑌸𑌾॒𑌕𑍍𑌷𑌾𑌨𑍍 – 𑌮॑𑌨𑍁𑌷𑍍𑌯𑌵𑌿॒𑌶 – 𑌮𑍇𑌕॑𑌵𑌿𑌗𑍍𑌮𑍍𑌶𑌤𑌿𑌶𑍍𑌚) (𑌅. )
𑌵𑌸𑍋॒𑌰𑍍𑌧𑌾𑌰𑌾᳚-𑌞𑍍𑌜𑍁𑌹𑍋𑌤𑌿॒ 𑌵𑌸𑍋᳚𑌰𑍍𑌮𑍇॒ 𑌧𑌾𑌰𑌾॑-𑌽𑌸॒𑌦𑌿𑌤𑌿॒ 𑌵𑌾 𑌏॒𑌷𑌾 𑌹𑍂॑𑌯𑌤𑍇 𑌘𑍃॒𑌤𑌸𑍍𑌯॒ 𑌵𑌾 𑌏॑𑌨𑌮𑍇॒𑌷𑌾 𑌧𑌾𑌰𑌾॒-𑌽𑌮𑍁𑌷𑍍𑌮𑌿॑-𑌲𑍍𑌲𑍋𑌁॒𑌕𑍇 𑌪𑌿𑌨𑍍𑌵॑𑌮𑌾॒𑌨𑍋𑌪॑ 𑌤𑌿𑌷𑍍𑌠𑌤॒ 𑌆𑌜𑍍𑌯𑍇॑𑌨 𑌜𑍁𑌹𑍋𑌤𑌿॒ 𑌤𑍇𑌜𑍋॒ 𑌵𑌾 𑌆𑌜𑍍𑌯॒-𑌨𑍍𑌤𑍇𑌜𑍋॒ 𑌵𑌸𑍋॒𑌰𑍍𑌧𑌾𑌰𑌾॒ 𑌤𑍇𑌜॑𑌸𑍈॒𑌵𑌾𑌸𑍍𑌮𑍈॒ 𑌤𑍇𑌜𑍋-𑌽𑌵॑ 𑌰𑍁॒𑌨𑍍𑌧𑍇-𑌽𑌥𑍋॒ 𑌕𑌾𑌮𑌾॒ 𑌵𑍈 𑌵𑌸𑍋॒𑌰𑍍𑌧𑌾𑌰𑌾॒ 𑌕𑌾𑌮𑌾॑𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯-𑌙𑍍𑌕𑌾॒𑌮𑌯𑍇॑𑌤 𑌪𑍍𑌰𑌾॒𑌣𑌾𑌨॑𑌸𑍍𑌯𑌾॒-𑌽𑌨𑍍𑌨𑌾𑌦𑍍𑌯𑌂॒-𑌵𑌿𑌁- [-𑌽𑌨𑍍𑌨𑌾𑌦𑍍𑌯𑌂॒-𑌵𑌿𑌁, 𑌛𑌿॒𑌨𑍍𑌦𑍍𑌯𑌾॒𑌮𑌿𑌤𑌿॑] 3
-𑌚𑍍𑌛𑌿॑𑌨𑍍𑌦𑍍𑌯𑌾॒𑌮𑌿𑌤𑌿॑ 𑌵𑌿॒𑌗𑍍𑌰𑌾𑌹॒-𑌨𑍍𑌤𑌸𑍍𑌯॑ 𑌜𑍁𑌹𑍁𑌯𑌾-𑌤𑍍𑌪𑍍𑌰𑌾॒𑌣𑌾𑌨𑍇॒𑌵𑌾𑌸𑍍𑌯𑌾॒𑌨𑍍𑌨𑌾𑌦𑍍𑌯𑌂॒-𑌵𑌿𑌁𑌚𑍍𑌛𑌿॑𑌨𑌤𑍍𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤 𑌪𑍍𑌰𑌾॒𑌣𑌾𑌨॑𑌸𑍍𑌯𑌾॒𑌨𑍍𑌨𑌾𑌦𑍍𑌯॒𑌗𑍍𑌮𑍍॒ 𑌸-𑌨𑍍𑌤॑𑌨𑍁𑌯𑌾॒𑌮𑌿𑌤𑌿॒ 𑌸-𑌨𑍍𑌤॑𑌤𑌾॒-𑌨𑍍𑌤𑌸𑍍𑌯॑ 𑌜𑍁𑌹𑍁𑌯𑌾-𑌤𑍍𑌪𑍍𑌰𑌾॒𑌣𑌾𑌨𑍇॒𑌵𑌾𑌸𑍍𑌯𑌾॒𑌨𑍍𑌨𑌾𑌦𑍍𑌯॒𑌗𑍍𑌮𑍍॒ 𑌸-𑌨𑍍𑌤॑𑌨𑍋𑌤𑌿॒ 𑌦𑍍𑌵𑌾𑌦॑𑌶 𑌦𑍍𑌵𑌾𑌦॒𑌶𑌾𑌨𑌿॑ 𑌜𑍁𑌹𑍋𑌤𑌿॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍇𑌣𑍈॒ 𑌵𑌾𑌸𑍍𑌮𑌾॒ 𑌅𑌨𑍍𑌨॒𑌮𑌵॑ 𑌰𑍁॒𑌨𑍍𑌧𑍇 𑌽𑌨𑍍𑌨॑-𑌞𑍍𑌚॒ 𑌮𑍇-𑌽𑌕𑍍𑌷𑍁॑𑌚𑍍𑌚 𑌮॒ 𑌇𑌤𑍍𑌯𑌾॑𑌹𑍈॒ 𑌤-𑌦𑍍𑌵𑌾 [𑌇𑌤𑍍𑌯𑌾॑𑌹𑍈॒ 𑌤-𑌦𑍍𑌵𑍈, 𑌅𑌨𑍍𑌨॑𑌸𑍍𑌯 𑌰𑍂॒𑌪𑌗𑍍𑌮𑍍] 3
𑌅𑌨𑍍𑌨॑𑌸𑍍𑌯 𑌰𑍂॒𑌪𑌗𑍍𑌮𑍍 𑌰𑍂॒𑌪𑍇𑌣𑍈॒𑌵𑌾𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇॒ 𑌽𑌗𑍍𑌨𑌿𑌶𑍍𑌚॑ 𑌮॒ 𑌆𑌪॑𑌶𑍍𑌚 𑌮॒ 𑌇𑌤𑍍𑌯𑌾॑𑌹𑍈॒𑌷𑌾 𑌵𑌾 𑌅𑌨𑍍𑌨॑𑌸𑍍𑌯॒ 𑌯𑍋𑌨𑌿॒-𑌸𑍍𑌸𑌯𑍋᳚𑌨𑍍𑌯𑍇॒𑌵𑌾𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇-𑌽𑌰𑍍𑌧𑍇॒𑌨𑍍𑌦𑍍𑌰𑌾𑌣𑌿॑ 𑌜𑍁𑌹𑍋𑌤𑌿 𑌦𑍇॒𑌵𑌤𑌾॑ 𑌏॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯-𑌥𑍍𑌸𑌰𑍍𑌵𑍇॑𑌷𑌾-𑌮॒𑌰𑍍𑌧𑌮𑌿𑌨𑍍𑌦𑍍𑌰𑌃॒ 𑌪𑍍𑌰𑌤𑌿॒ 𑌤𑌸𑍍𑌮𑌾॒𑌦𑌿𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾॑𑌨𑌾-𑌮𑍍𑌭𑍂𑌯𑌿𑌷𑍍𑌠॒𑌭𑌾𑌕𑍍𑌤॑𑌮॒ 𑌇𑌨𑍍𑌦𑍍𑌰॒𑌮𑍁𑌤𑍍𑌤॑𑌰𑌮𑌾𑌹𑍇-𑌨𑍍𑌦𑍍𑌰𑌿॒𑌯𑌮𑍇॒𑌵𑌾𑌸𑍍𑌮𑌿॑-𑌨𑍍𑌨𑍁॒𑌪𑌰𑌿॑𑌷𑍍𑌟𑌾-𑌦𑍍𑌦𑌧𑌾𑌤𑌿 𑌯𑌜𑍍𑌞𑌾𑌯𑍁॒𑌧𑌾𑌨𑌿॑ 𑌜𑍁𑌹𑍋𑌤𑌿 𑌯॒𑌜𑍍𑌞𑍋 [𑌯॒𑌜𑍍𑌞𑌃, 𑌵𑍈 𑌯॑𑌜𑍍𑌞𑌾𑌯𑍁॒𑌧𑌾𑌨𑌿॑] 3
𑌵𑍈 𑌯॑𑌜𑍍𑌞𑌾𑌯𑍁॒𑌧𑌾𑌨𑌿॑ 𑌯॒𑌜𑍍𑌞𑌮𑍇॒𑌵𑌾𑌵॑ 𑌰𑍁॒𑌨𑍍𑌧𑍇-𑌽𑌥𑍋॑ 𑌏॒𑌤𑌦𑍍𑌵𑍈 𑌯॒𑌜𑍍𑌞𑌸𑍍𑌯॑ 𑌰𑍂॒𑌪𑌗𑍍𑌮𑍍 𑌰𑍂॒𑌪𑍇𑌣𑍈॒𑌵 𑌯॒𑌜𑍍𑌞𑌮𑌵॑ 𑌰𑍁𑌨𑍍𑌧𑍇 𑌽𑌵𑌭𑍃॒𑌥𑌶𑍍𑌚॑ 𑌮𑍇 𑌸𑍍𑌵𑌗𑌾𑌕𑌾॒𑌰𑌶𑍍𑌚॑ 𑌮॒ 𑌇𑌤𑍍𑌯𑌾॑𑌹 𑌸𑍍𑌵॒𑌗𑌾𑌕𑍃॑𑌤𑍍𑌯𑌾 𑌅॒𑌗𑍍𑌨𑌿𑌶𑍍𑌚॑ 𑌮𑍇 𑌘॒𑌰𑍍𑌮𑌶𑍍𑌚॑ 𑌮॒ 𑌇𑌤𑍍𑌯𑌾॑𑌹𑍈॒𑌤-𑌦𑍍𑌵𑍈 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌸𑍍𑌯॑ 𑌰𑍂॒𑌪𑌗𑍍𑌮𑍍 𑌰𑍂॒𑌪𑍇𑌣𑍈॒𑌵 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌮𑌵॑ 𑌰𑍁𑌨𑍍𑌧॒ 𑌋𑌕𑍍𑌚॑ 𑌮𑍇॒ 𑌸𑌾𑌮॑ 𑌚 𑌮॒ 𑌇𑌤𑍍𑌯𑌾॑𑌹𑍈॒- [𑌮॒ 𑌇𑌤𑍍𑌯𑌾॑𑌹, 𑌏॒𑌤𑌦𑍍𑌵𑍈 𑌛𑌨𑍍𑌦॑𑌸𑌾𑌗𑍍𑌮𑍍] 40
-𑌤𑌦𑍍𑌵𑍈 𑌛𑌨𑍍𑌦॑𑌸𑌾𑌗𑍍𑌮𑍍 𑌰𑍂॒𑌪𑌗𑍍𑌮𑍍 𑌰𑍂॒𑌪𑍇𑌣𑍈॒𑌵 𑌛𑌨𑍍𑌦𑌾॒𑌗𑍍॒𑌸𑍍𑌯𑌵॑ 𑌰𑍁𑌨𑍍𑌧𑍇॒ 𑌗𑌰𑍍𑌭𑌾᳚𑌶𑍍𑌚 𑌮𑍇 𑌵॒𑌥𑍍𑌸𑌾𑌶𑍍𑌚॑ 𑌮॒ 𑌇𑌤𑍍𑌯𑌾॑𑌹𑍈॒𑌤-𑌦𑍍𑌵𑍈 𑌪॑𑌶𑍂॒𑌨𑌾𑌗𑍍𑌮𑍍 𑌰𑍂॒𑌪𑌗𑍍𑌮𑍍 𑌰𑍂॒𑌪𑍇𑌣𑍈॒𑌵 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇॒ 𑌕𑌲𑍍𑌪𑌾᳚𑌨𑍍 𑌜𑍁𑌹𑍋॒𑌤𑍍𑌯 𑌕𑍢॑𑌪𑍍𑌤𑌸𑍍𑌯॒ 𑌕𑍢𑌪𑍍𑌤𑍍𑌯𑍈॑ 𑌯𑍁𑌗𑍍𑌮𑌦𑌯𑍁॒𑌜𑍇 𑌜𑍁॑𑌹𑍋𑌤𑌿 𑌮𑌿𑌥𑍁𑌨॒𑌤𑍍𑌵𑌾𑌯𑍋᳚-𑌤𑍍𑌤॒𑌰𑌾𑌵॑𑌤𑍀 𑌭𑌵𑌤𑍋॒-𑌽𑌭𑌿𑌕𑍍𑌰𑌾᳚𑌨𑍍𑌤𑍍𑌯𑌾॒ 𑌏𑌕𑌾॑ 𑌚 𑌮𑍇 𑌤𑌿॒𑌸𑍍𑌰𑌶𑍍𑌚॑ 𑌮॒ 𑌇𑌤𑍍𑌯𑌾॑𑌹 𑌦𑍇𑌵𑌛𑌨𑍍𑌦॒𑌸𑌂-𑌵𑌾𑌁 𑌏𑌕𑌾॑ 𑌚 𑌤𑌿॒𑌸𑍍𑌰𑌶𑍍𑌚॑ [𑌤𑌿॒𑌸𑍍𑌰𑌶𑍍𑌚॑, 𑌮॒𑌨𑍁॒𑌷𑍍𑌯॒𑌛॒𑌨𑍍𑌦॒𑌸-𑌞𑍍𑌚𑌤॑𑌸𑍍𑌰𑌶𑍍𑌚𑌾॒-𑌽𑌷𑍍𑌟𑍌] 41
𑌮𑌨𑍁𑌷𑍍𑌯𑌛𑌨𑍍𑌦॒𑌸-𑌞𑍍𑌚𑌤॑𑌸𑍍𑌰𑌶𑍍𑌚𑌾॒-𑌽𑌷𑍍𑌟𑍌 𑌚॑ 𑌦𑍇𑌵𑌛𑌨𑍍𑌦॒𑌸-𑌞𑍍𑌚𑍈॒𑌵 𑌮॑𑌨𑍁𑌷𑍍𑌯 𑌛𑌨𑍍𑌦॒𑌸𑌞𑍍𑌚𑌾-𑌽𑌵॑ 𑌰𑍁𑌨𑍍𑌧॒ 𑌆 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌮𑍍 𑌶𑌤𑍋 𑌜𑍁𑌹𑍋𑌤𑌿॒ 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌮𑍍𑌶॒𑌦𑍍𑌵𑍈 𑌦𑍇॒𑌵𑌤𑌾॑ 𑌦𑍇॒𑌵𑌤𑌾॑ 𑌏॒𑌵𑌾𑌵॑ 𑌰𑍁𑌨𑍍𑌧॒ 𑌆-𑌽𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌤𑍋 𑌜𑍁𑌹𑍋𑌤𑍍𑌯॒𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌮𑍍-𑌶𑌦𑌕𑍍𑌷𑌰𑌾॒ 𑌜𑌗॑𑌤𑍀॒ 𑌜𑌾𑌗॑𑌤𑌾𑌃 𑌪॒𑌶𑌵𑍋॒ 𑌜𑌗॑𑌤𑍍𑌯𑍈॒𑌵𑌾𑌸𑍍𑌮𑍈॑ 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇॒ 𑌵𑌾𑌜॑𑌶𑍍𑌚 𑌪𑍍𑌰𑌸॒𑌵𑌶𑍍𑌚𑍇𑌤𑌿॑ 𑌦𑍍𑌵𑌾𑌦॒𑌶-𑌞𑍍𑌜𑍁॑𑌹𑍋𑌤𑌿॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰 𑌏॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 ॥ 42 ॥
(𑌵𑌿 – 𑌵𑍈 – 𑌯॒𑌜𑍍𑌞𑌃-𑌸𑌾𑌮॑ 𑌚 𑌮॒ 𑌇𑌤𑍍𑌯𑌾॑𑌹 – 𑌚 𑌤𑌿॒𑌸𑍍𑌰 – 𑌶𑍍𑌚𑍈𑌕𑌾॒𑌨𑍍𑌨 𑌪॑𑌞𑍍𑌚𑌾॒𑌶𑌚𑍍𑌚॑) (𑌅. )
𑌅॒𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋 𑌽𑌪𑌾᳚𑌕𑍍𑌰𑌾𑌮-𑌦𑍍𑌭𑌾𑌗॒𑌧𑍇𑌯॑𑌮𑌿॒𑌚𑍍𑌛𑌮𑌾॑𑌨॒𑌸𑍍𑌤-𑌨𑍍𑌦𑍇॒𑌵𑌾 𑌅॑𑌬𑍍𑌰𑍁𑌵॒𑌨𑍍𑌨𑍁𑌪॑ 𑌨॒ 𑌆 𑌵॑𑌰𑍍𑌤𑌸𑍍𑌵 𑌹॒𑌵𑍍𑌯-𑌨𑍍𑌨𑍋॑ 𑌵॒𑌹𑍇𑌤𑌿॒ 𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌵𑌰𑌂॑-𑌵𑍃𑌁𑌣𑍈॒ 𑌮𑌹𑍍𑌯॑𑌮𑍇॒𑌵 𑌵𑌾॑𑌜𑌪𑍍𑌰𑌸॒𑌵𑍀𑌯॑-𑌞𑍍𑌜𑍁𑌹𑌵॒𑌨𑍍𑌨𑌿𑌤𑌿॒ 𑌤𑌸𑍍𑌮𑌾॑𑌦॒𑌗𑍍𑌨𑌯𑍇॑ 𑌵𑌾𑌜𑌪𑍍𑌰𑌸॒𑌵𑍀𑌯॑-𑌞𑍍𑌜𑍁𑌹𑍍𑌵𑌤𑌿॒ 𑌯-𑌦𑍍𑌵𑌾॑𑌜𑌪𑍍𑌰𑌸॒𑌵𑍀𑌯॑-𑌞𑍍𑌜𑍁॒𑌹𑍋𑌤𑍍𑌯॒𑌗𑍍𑌨𑌿𑌮𑍇॒𑌵 𑌤-𑌦𑍍𑌭𑌾॑𑌗॒𑌧𑍇𑌯𑍇॑𑌨॒ 𑌸𑌮॑𑌰𑍍𑌧𑌯॒𑌤𑍍𑌯𑌥𑍋॑ 𑌅𑌭𑌿𑌷𑍇॒𑌕 𑌏॒𑌵𑌾𑌸𑍍𑌯॒ 𑌸 𑌚॑𑌤𑍁𑌰𑍍𑌦॒𑌶𑌭𑌿॑𑌰𑍍𑌜𑍁𑌹𑍋𑌤𑌿 𑌸॒𑌪𑍍𑌤 𑌗𑍍𑌰𑌾॒𑌮𑍍𑌯𑌾 𑌓𑌷॑𑌧𑌯-𑌸𑍍𑌸॒𑌪𑍍𑌤𑌾- [𑌓𑌷॑𑌧𑌯-𑌸𑍍𑌸॒𑌪𑍍𑌤, 𑌅॒𑌰॒𑌣𑍍𑌯𑌾 𑌉॒𑌭𑌯𑍀॑𑌷𑌾॒-] 43
-𑌽𑌽𑌰॒𑌣𑍍𑌯𑌾 𑌉॒𑌭𑌯𑍀॑𑌷𑌾॒-𑌮𑌵॑𑌰𑍁𑌦𑍍𑌧𑍍𑌯𑌾॒ 𑌅𑌨𑍍𑌨॑𑌸𑍍𑌯𑌾𑌨𑍍𑌨𑌸𑍍𑌯 𑌜𑍁𑌹𑍋॒𑌤𑍍𑌯𑌨𑍍𑌨॑𑌸𑍍𑌯𑌾𑌨𑍍𑌨॒𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑌾॒ 𑌔𑌦𑍁॑𑌮𑍍𑌬𑌰𑍇𑌣 𑌸𑍍𑌰𑍁॒𑌵𑍇𑌣॑ 𑌜𑍁𑌹𑍋॒𑌤𑍍𑌯𑍂𑌰𑍍𑌗𑍍𑌵𑌾 𑌉॑𑌦𑍁॒𑌮𑍍𑌬𑌰॒ 𑌊𑌰𑍍𑌗𑌨𑍍𑌨॑𑌮𑍂॒𑌰𑍍𑌜𑍈𑌵𑌾𑌸𑍍𑌮𑌾॒ 𑌊𑌰𑍍𑌜॒𑌮𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇॒ 𑌽𑌗𑍍𑌨𑌿𑌰𑍍𑌵𑍈 𑌦𑍇॒𑌵𑌾𑌨𑌾॑-𑌮॒𑌭𑌿𑌷𑌿॑𑌕𑍍𑌤𑍋-𑌽𑌗𑍍𑌨𑌿॒𑌚𑌿-𑌨𑍍𑌮॑𑌨𑍁॒𑌷𑍍𑌯𑌾॑𑌣𑌾॒-𑌨𑍍𑌤𑌸𑍍𑌮𑌾॑𑌦𑌗𑍍𑌨𑌿॒𑌚𑌿-𑌦𑍍𑌵𑌰𑍍𑌷॑𑌤𑌿॒ 𑌨 𑌧𑌾॑𑌵𑍇॒𑌦𑌵॑𑌰𑍁𑌦𑍍𑌧॒𑌗𑍍𑌗𑍍॒ 𑌹𑍍𑌯॑𑌸𑍍𑌯𑌾-𑌨𑍍𑌨॒𑌮𑌨𑍍𑌨॑𑌮𑌿𑌵॒ 𑌖𑌲𑍁॒ 𑌵𑍈 𑌵॒𑌰𑍍॒𑌷𑌂-𑌯𑌁𑌦𑍍𑌧𑌾𑌵𑍇॑-𑌦॒𑌨𑍍𑌨𑌾𑌦𑍍𑌯𑌾᳚𑌦𑍍𑌧𑌾𑌵𑍇-𑌦𑍁॒𑌪𑌾𑌵॑𑌰𑍍𑌤𑍇𑌤𑌾॒-𑌽𑌨𑍍𑌨𑌾𑌦𑍍𑌯॑-𑌮𑍇॒𑌵𑌾-𑌽𑌭𑍍𑌯𑍁॒- [-𑌽𑌨𑍍𑌨𑌾𑌦𑍍𑌯॑-𑌮𑍇॒𑌵𑌾-𑌽𑌭𑌿, 𑌉॒𑌪𑌾𑌵॑𑌰𑍍𑌤𑌤𑍇॒] 44
-𑌪𑌾𑌵॑𑌰𑍍𑌤𑌤𑍇॒ 𑌨𑌕𑍍𑌤𑍋॒𑌷𑌾𑌸𑍇𑌤𑌿॑ 𑌕𑍃॒𑌷𑍍𑌣𑌾𑌯𑍈᳚ 𑌶𑍍𑌵𑍇॒𑌤𑌵॑𑌥𑍍𑌸𑌾𑌯𑍈॒ 𑌪𑌯॑𑌸𑌾 𑌜𑍁𑌹𑍋॒𑌤𑍍𑌯𑌹𑍍𑌨𑍈॒𑌵𑌾𑌸𑍍𑌮𑍈॒ 𑌰𑌾𑌤𑍍𑌰𑌿॒-𑌮𑍍𑌪𑍍𑌰𑌦𑌾॑𑌪𑌯𑌤𑌿॒ 𑌰𑌾𑌤𑍍𑌰𑌿॒𑌯𑌾-𑌽𑌹॑𑌰𑌹𑍋𑌰𑌾॒𑌤𑍍𑌰𑍇 𑌏॒𑌵𑌾𑌸𑍍𑌮𑍈॒ 𑌪𑍍𑌰𑌤𑍍𑌤𑍇॒ 𑌕𑌾𑌮॑𑌮॒𑌨𑍍𑌨𑌾𑌦𑍍𑌯॑-𑌨𑍍𑌦𑍁𑌹𑌾𑌤𑍇 𑌰𑌾𑌷𑍍𑌟𑍍𑌰॒𑌭𑍃𑌤𑍋॑ 𑌜𑍁𑌹𑍋𑌤𑌿 𑌰𑌾॒𑌷𑍍𑌟𑍍𑌰𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌷॒𑌡𑍍𑌭𑌿𑌰𑍍𑌜𑍁॑𑌹𑍋𑌤𑌿॒ 𑌷𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌷𑍍𑌵𑍇॒𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿॒ 𑌭𑍁𑌵॑𑌨𑌸𑍍𑌯 𑌪𑌤॒ 𑌇𑌤𑌿॑ 𑌰𑌥𑌮𑍁॒𑌖𑍇 𑌪𑌞𑍍𑌚𑌾-𑌽𑌽𑌹𑍁॑𑌤𑍀𑌰𑍍𑌜𑍁𑌹𑍋𑌤𑌿॒ 𑌵𑌜𑍍𑌰𑍋॒ 𑌵𑍈 𑌰𑌥𑍋॒ 𑌵𑌜𑍍𑌰𑍇॑𑌣𑍈॒𑌵 𑌦𑌿𑌶𑍋॒- [𑌵𑌜𑍍𑌰𑍇॑𑌣𑍈॒𑌵 𑌦𑌿𑌶𑌃॑, 𑌅॒𑌭𑌿 𑌜॑𑌯𑌤𑍍𑌯𑌗𑍍𑌨𑌿॒𑌚𑌿𑌤𑌗𑍍𑌮𑍍॑] 45
-𑌽𑌭𑌿 𑌜॑𑌯𑌤𑍍𑌯𑌗𑍍𑌨𑌿॒𑌚𑌿𑌤𑌗𑍍𑌮𑍍॑ 𑌹॒ 𑌵𑌾 𑌅॒𑌮𑍁𑌷𑍍𑌮𑌿॑-𑌲𑍍𑌲𑍋𑌁॒𑌕𑍇 𑌵𑌾𑌤𑍋॒-𑌽𑌭𑌿 𑌪॑𑌵𑌤𑍇 𑌵𑌾𑌤𑌨𑌾॒𑌮𑌾𑌨𑌿॑ 𑌜𑍁𑌹𑍋𑌤𑍍𑌯॒𑌭𑍍𑌯𑍇॑𑌵𑍈𑌨॑-𑌮॒𑌮𑍁𑌷𑍍𑌮𑌿॑-𑌲𑍍𑌲𑍋𑌁॒𑌕𑍇 𑌵𑌾𑌤𑌃॑ 𑌪𑌵𑌤𑍇॒ 𑌤𑍍𑌰𑍀𑌣𑌿॑ 𑌜𑍁𑌹𑍋𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌭𑍍𑌯 𑌏॒𑌵 𑌲𑍋॒𑌕𑍇𑌭𑍍𑌯𑍋॒ 𑌵𑌾𑌤॒𑌮𑌵॑ 𑌰𑍁𑌨𑍍𑌧𑍇 𑌸𑌮𑍁॒𑌦𑍍𑌰𑍋॑-𑌽𑌸𑌿॒ 𑌨𑌭॑𑌸𑍍𑌵𑌾॒𑌨𑌿𑌤𑍍𑌯𑌾॑𑌹𑍈॒𑌤𑌦𑍍𑌵𑍈 𑌵𑌾𑌤॑𑌸𑍍𑌯 𑌰𑍂॒𑌪𑌗𑍍𑌮𑍍 𑌰𑍂॒𑌪𑍇𑌣𑍈॒𑌵 𑌵𑌾𑌤॒𑌮𑌵॑ 𑌰𑍁𑌨𑍍𑌧𑍇 𑌽𑌞𑍍𑌜॒𑌲𑌿𑌨𑌾॑ 𑌜𑍁𑌹𑍋𑌤𑌿॒ 𑌨 𑌹𑍍𑌯𑍇॑𑌤𑍇𑌷𑌾॑𑌮॒𑌨𑍍𑌯𑌥𑌾 𑌽𑌽𑌹𑍁॑𑌤𑌿𑌰𑌵॒𑌕𑌲𑍍𑌪॑𑌤𑍇 ॥ 46 ॥
(𑌓𑌷॑𑌧𑌯-𑌸𑍍𑌸॒𑌪𑍍𑌤𑌾 – 𑌭𑌿 – 𑌦𑌿𑌶𑍋॒ – 𑌽𑌨𑍍𑌯𑌥𑌾॒ – 𑌦𑍍𑌵𑍇 𑌚॑) (𑌅. )
𑌸𑍁॒𑌵॒𑌰𑍍𑌗𑌾𑌯॒ 𑌵𑍈 𑌲𑍋॒𑌕𑌾𑌯॑ 𑌦𑍇𑌵𑌰॒𑌥𑍋 𑌯𑍁॑𑌜𑍍𑌯𑌤𑍇 𑌯𑌤𑍍𑌰𑌾𑌕𑍂॒𑌤𑌾𑌯॑ 𑌮𑌨𑍁𑌷𑍍𑌯𑌰॒𑌥 𑌏॒𑌷 𑌖𑌲𑍁॒ 𑌵𑍈 𑌦𑍇॑𑌵𑌰॒𑌥𑍋 𑌯𑌦॒𑌗𑍍𑌨𑌿𑌰॒𑌗𑍍𑌨𑌿𑌂-𑌯𑍁𑌁॑𑌨𑌜𑍍𑌮𑌿॒ 𑌶𑌵॑𑌸𑌾 𑌘𑍃॒𑌤𑍇𑌨𑍇𑌤𑍍𑌯𑌾॑𑌹 𑌯𑍁॒𑌨𑌕𑍍𑌤𑍍𑌯𑍇॒𑌵𑍈𑌨॒𑌗𑍍𑌮𑍍॒ 𑌸 𑌏॑𑌨𑌂-𑌯𑍁𑌁॒𑌕𑍍𑌤-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮॒𑌭𑌿 𑌵॑𑌹𑌤𑌿॒ 𑌯-𑌥𑍍𑌸𑌰𑍍𑌵𑌾॑𑌭𑌿𑌃 𑌪॒𑌞𑍍𑌚𑌭𑌿॑-𑌰𑍍𑌯𑍁॒𑌞𑍍𑌜𑍍𑌯𑌾-𑌦𑍍𑌯𑍁॒𑌕𑍍𑌤𑍋᳚-𑌽𑌸𑍍𑌯𑌾॒-𑌽𑌗𑍍𑌨𑌿𑌃 𑌪𑍍𑌰𑌚𑍍𑌯𑍁॑𑌤-𑌸𑍍𑌸𑍍𑌯𑌾॒𑌦𑌪𑍍𑌰॑𑌤𑌿𑌷𑍍𑌠𑌿𑌤𑌾॒ 𑌆𑌹𑍁॑𑌤𑌯॒-𑌸𑍍𑌸𑍍𑌯𑍁𑌰𑌪𑍍𑌰॑𑌤𑌿𑌷𑍍𑌠𑌿𑌤𑌾॒-𑌸𑍍𑌸𑍍𑌤𑍋𑌮𑌾॒ 𑌅𑌪𑍍𑌰॑𑌤𑌿𑌷𑍍𑌠𑌿𑌤𑌾𑌨𑍍𑌯𑍁॒𑌕𑍍𑌥𑌾𑌨𑌿॑ 𑌤𑌿॒𑌸𑍃𑌭𑌿𑌃॑ 𑌪𑍍𑌰𑌾𑌤𑌸𑍍𑌸𑌵॒𑌨𑍇॑-𑌽𑌭𑌿 𑌮𑍃॑𑌶𑌤𑌿 𑌤𑍍𑌰𑌿॒𑌵𑍃- [𑌤𑍍𑌰𑌿॒𑌵𑍃𑌤𑍍, 𑌵𑌾 𑌅॒𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒𑌵𑌾-] 4
-𑌦𑍍𑌵𑌾 𑌅॒𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒𑌵𑌾-𑌗𑍍𑌨𑌿𑌸𑍍𑌤𑌂-𑌯𑍁𑌁॑𑌨𑌕𑍍𑌤𑌿॒ 𑌯𑌥𑌾-𑌽𑌨॑𑌸𑌿 𑌯𑍁॒𑌕𑍍𑌤 𑌆॑𑌧𑍀॒𑌯𑌤॑ 𑌏॒𑌵𑌮𑍇॒𑌵 𑌤-𑌤𑍍𑌪𑍍𑌰𑌤𑍍𑌯𑌾𑌹𑍁॑𑌤𑌯॒𑌸𑍍𑌤𑌿𑌷𑍍𑌠॑𑌨𑍍𑌤𑌿॒ 𑌪𑍍𑌰𑌤𑌿॒ 𑌸𑍍𑌤𑍋𑌮𑌾𑌃॒ 𑌪𑍍𑌰𑌤𑍍𑌯𑍁॒𑌕𑍍𑌥𑌾𑌨𑌿॑ 𑌯𑌜𑍍𑌞𑌾𑌯॒𑌜𑍍𑌞𑌿𑌯॑𑌸𑍍𑌯 𑌸𑍍𑌤𑍋॒𑌤𑍍𑌰𑍇 𑌦𑍍𑌵𑌾𑌭𑍍𑌯𑌾॑𑌮॒𑌭𑌿 𑌮𑍃॑𑌶𑌤𑍍𑌯𑍇॒𑌤𑌾𑌵𑌾॒𑌨𑍍॒ 𑌵𑍈 𑌯॒𑌜𑍍𑌞𑍋 𑌯𑌾𑌵𑌾॑𑌨𑌗𑍍𑌨𑌿𑌷𑍍𑌟𑍋॒𑌮𑍋 𑌭𑍂॒𑌮𑌾 𑌤𑍍𑌵𑌾 𑌅॒𑌸𑍍𑌯𑌾𑌤॑ 𑌊॒𑌰𑍍𑌧𑍍𑌵𑌃 𑌕𑍍𑌰𑌿॑𑌯𑌤𑍇॒ 𑌯𑌾𑌵𑌾॑𑌨𑍇॒𑌵 𑌯॒𑌜𑍍𑌞𑌸𑍍𑌤𑌮॑𑌨𑍍𑌤॒𑌤𑍋᳚ 𑌽𑌨𑍍𑌵𑌾𑌰𑍋॑𑌹𑌤𑌿॒ 𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾॒ 𑌏𑌕॒𑌯𑌾-𑌽𑌪𑍍𑌰॑𑌸𑍍𑌤𑍁𑌤॒-𑌮𑍍𑌭𑌵॒𑌤𑍍𑌯𑌥𑌾॒- [-𑌽𑌪𑍍𑌰॑𑌸𑍍𑌤𑍁𑌤॒-𑌮𑍍𑌭𑌵॒𑌤𑍍𑌯𑌥॑, 𑌅॒𑌭𑌿 𑌮𑍃॑𑌶॒𑌤𑍍𑌯𑍁𑌪𑍈॑𑌨॒-] 4
-𑌽𑌭𑌿 𑌮𑍃॑𑌶॒𑌤𑍍𑌯𑍁𑌪𑍈॑𑌨॒-𑌮𑍁𑌤𑍍𑌤॑𑌰𑍋 𑌯॒𑌜𑍍𑌞𑍋 𑌨॑𑌮॒𑌤𑍍𑌯𑌥𑍋॒ 𑌸𑌨𑍍𑌤॑𑌤𑍍𑌯𑍈॒ 𑌪𑍍𑌰 𑌵𑌾 𑌏॒𑌷𑍋᳚-𑌽𑌸𑍍𑌮𑌾𑌲𑍍𑌲𑍋॒𑌕𑌾-𑌚𑍍𑌚𑍍𑌯॑𑌵𑌤𑍇॒ 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌨 𑌵𑌾 𑌏॒𑌤𑌸𑍍𑌯𑌾॑𑌨𑌿𑌷𑍍𑌟॒𑌕 𑌆𑌹𑍁॑𑌤𑌿॒𑌰𑌵॑ 𑌕𑌲𑍍𑌪𑌤𑍇॒ 𑌯𑌾𑌂-𑌵𑌾𑌁 𑌏॒𑌷𑍋॑-𑌽𑌨𑌿𑌷𑍍𑌟॒𑌕 𑌆𑌹𑍁॑𑌤𑌿-𑌞𑍍𑌜𑍁॒𑌹𑍋𑌤𑌿॒ 𑌸𑍍𑌰𑌵॑𑌤𑌿॒ 𑌵𑍈 𑌸𑌾 𑌤𑌾𑌗𑍍 𑌸𑍍𑌰𑌵॑𑌨𑍍𑌤𑍀𑌂-𑌯𑌁॒𑌜𑍍𑌞𑍋-𑌽𑌨𑍁॒ 𑌪𑌰𑌾॑ 𑌭𑌵𑌤𑌿 𑌯॒𑌜𑍍𑌞𑌂-𑌯𑌁𑌜॑𑌮𑌾𑌨𑍋॒ 𑌯-𑌤𑍍𑌪𑍁॑𑌨𑌶𑍍𑌚𑌿॒𑌤𑌿-𑌞𑍍𑌚𑌿॑𑌨𑍁॒𑌤 𑌆𑌹𑍁॑𑌤𑍀𑌨𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌪𑍍𑌰𑌤𑍍𑌯𑌾𑌹𑍁॑𑌤𑌯॒𑌸𑍍𑌤𑌿𑌷𑍍𑌠॑𑌨𑍍𑌤𑌿॒ [𑌪𑍍𑌰𑌤𑍍𑌯𑌾𑌹𑍁॑𑌤𑌯॒𑌸𑍍𑌤𑌿𑌷𑍍𑌠॑𑌨𑍍𑌤𑌿, 𑌨 𑌯॒𑌜𑍍𑌞𑌃] 4
𑌨 𑌯॒𑌜𑍍𑌞𑌃 𑌪॑𑌰𑌾॒𑌭𑌵॑𑌤𑌿॒ 𑌨 𑌯𑌜॑𑌮𑌾𑌨𑍋॒ 𑌽𑌷𑍍𑌟𑌾𑌵𑍁𑌪॑ 𑌦𑌧𑌾𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰𑍇𑌣𑍈॒𑌵𑍈𑌨॒-𑌞𑍍𑌛𑌨𑍍𑌦॑𑌸𑌾 𑌚𑌿𑌨𑍁𑌤𑍇॒ 𑌯𑌦𑍇𑌕𑌾॑𑌦𑌶॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌯-𑌦𑍍𑌦𑍍𑌵𑌾𑌦॑𑌶॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦𑍋॑𑌭𑌿𑌰𑍇॒𑌵𑍈𑌨॑-𑌞𑍍𑌚𑌿𑌨𑍁𑌤𑍇 𑌨𑌪𑌾॒𑌤𑍍𑌕𑍋 𑌵𑍈𑌨𑌾𑌮𑍈॒𑌷𑍋᳚-𑌽𑌗𑍍𑌨𑌿𑌰𑍍𑌯-𑌤𑍍𑌪𑍁॑𑌨𑌶𑍍𑌚𑌿॒𑌤𑌿𑌰𑍍𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾-𑌨𑍍𑌪𑍁॑𑌨𑌶𑍍𑌚𑌿॒𑌤𑌿-𑌞𑍍𑌚𑌿॑𑌨𑍁॒𑌤 𑌆 𑌤𑍃॒𑌤𑍀𑌯𑌾॒-𑌤𑍍𑌪𑍁𑌰𑍁॑𑌷𑌾॒𑌦𑌨𑍍𑌨॑𑌮𑌤𑍍𑌤𑌿॒ 𑌯𑌥𑌾॒ 𑌵𑍈 𑌪𑍁॑𑌨𑌰𑌾॒𑌧𑍇𑌯॑ 𑌏॒𑌵-𑌮𑍍𑌪𑍁॑𑌨𑌶𑍍𑌚𑌿॒𑌤𑌿𑌰𑍍𑌯𑍋᳚-𑌽-𑌗𑍍𑌨𑍍𑌯𑌾॒𑌧𑍇𑌯𑍇॑𑌨॒ 𑌨- [-𑌗𑍍𑌨𑍍𑌯𑌾॒𑌧𑍇𑌯𑍇॑𑌨॒ 𑌨, 𑌋॒𑌧𑍍𑌨𑍋𑌤𑌿॒ 𑌸] 50
-𑌰𑍍𑌧𑍍𑌨𑍋𑌤𑌿॒ 𑌸 𑌪𑍁॑𑌨𑌰𑌾॒𑌧𑍇𑌯॒𑌮𑌾 𑌧॑𑌤𑍍𑌤𑍇॒ 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॒𑌤𑍍𑌵𑌾 𑌨𑌰𑍍𑌧𑍍𑌨𑍋𑌤𑌿॒ 𑌸 𑌪𑍁॑𑌨𑌶𑍍𑌚𑌿॒𑌤𑌿-𑌞𑍍𑌚𑌿॑𑌨𑍁𑌤𑍇॒ 𑌯-𑌤𑍍𑌪𑍁॑𑌨𑌶𑍍𑌚𑌿॒𑌤𑌿-𑌞𑍍𑌚𑌿॑𑌨𑍁॒𑌤 𑌋𑌦𑍍𑌧𑍍𑌯𑌾॒ 𑌅𑌥𑍋॒ 𑌖𑌲𑍍𑌵𑌾॑𑌹𑍁॒𑌰𑍍𑌨 𑌚𑍇॑𑌤॒𑌵𑍍𑌯𑍇𑌤𑌿॑ 𑌰𑍁॒𑌦𑍍𑌰𑍋 𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰𑍍𑌯𑌥𑌾᳚ 𑌵𑍍𑌯𑌾॒𑌘𑍍𑌰𑌗𑍍𑌮𑍍 𑌸𑍁॒𑌪𑍍𑌤-𑌮𑍍𑌬𑍋॒𑌧𑌯॑𑌤𑌿 𑌤𑌾॒𑌦𑍃𑌗𑍇॒𑌵 𑌤𑌦𑌥𑍋॒ 𑌖𑌲𑍍𑌵𑌾॑𑌹𑍁𑌶𑍍𑌚𑍇𑌤॒𑌵𑍍𑌯𑍇𑌤𑌿॒ 𑌯𑌥𑌾॒ 𑌵𑌸𑍀॑𑌯𑌾𑌗𑍍𑌮𑍍𑌸-𑌮𑍍𑌭𑌾𑌗॒𑌧𑍇𑌯𑍇॑𑌨 𑌬𑍋॒𑌧𑌯॑𑌤𑌿 𑌤𑌾॒𑌦𑍃𑌗𑍇॒𑌵 𑌤𑌨𑍍𑌮𑌨𑍁॑𑌰॒𑌗𑍍𑌨𑌿𑌮॑𑌚𑌿𑌨𑍁𑌤॒ 𑌤𑍇𑌨॒ 𑌨𑌾-𑌽𑌽𑌰𑍍𑌧𑍍𑌨𑍋॒𑌥𑍍𑌸 𑌏॒𑌤𑌾-𑌮𑍍𑌪𑍁॑𑌨𑌶𑍍𑌚𑌿॒𑌤𑌿𑌮॑𑌪𑌶𑍍𑌯॒-𑌤𑍍𑌤𑌾𑌮॑𑌚𑌿𑌨𑍁𑌤॒ 𑌤𑌯𑌾॒ 𑌵𑍈 𑌸 𑌆᳚𑌰𑍍𑌧𑍍𑌨𑍋॒𑌦𑍍𑌯-𑌤𑍍𑌪𑍁॑𑌨𑌶𑍍𑌚𑌿॒𑌤𑌿-𑌞𑍍𑌚𑌿॑𑌨𑍁॒𑌤 𑌋𑌦𑍍𑌧𑍍𑌯𑍈᳚ ॥ 51 ॥
(𑌤𑍍𑌰𑌿॒𑌵𑍃-𑌦𑌥॒-𑌤𑌿𑌷𑍍𑌠॑-𑌨𑍍𑌤𑍍𑌯𑌗𑍍𑌨𑍍𑌯𑌾॒𑌧𑍇𑌯𑍇॑𑌨॒ 𑌨𑌾-𑌚𑌿॑𑌨𑍁𑌤-𑌸॒𑌪𑍍𑌤𑌦॑𑌶- 𑌚) (𑌅. 10)
𑌛॒𑌨𑍍𑌦॒𑌶𑍍𑌚𑌿𑌤॑-𑌞𑍍𑌚𑌿𑌨𑍍𑌵𑍀𑌤 𑌪॒𑌶𑍁𑌕𑌾॑𑌮𑌃 𑌪॒𑌶𑌵𑍋॒ 𑌵𑍈 𑌛𑌨𑍍𑌦𑌾𑌗𑍍𑌮𑍍॑𑌸𑌿 𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿 𑌶𑍍𑌯𑍇𑌨॒𑌚𑌿𑌤॑-𑌞𑍍𑌚𑌿𑌨𑍍𑌵𑍀𑌤 𑌸𑍁𑌵॒𑌰𑍍𑌗𑌕𑌾॑𑌮-𑌶𑍍𑌶𑍍𑌯𑍇॒𑌨𑍋 𑌵𑍈 𑌵𑌯॑𑌸𑌾॒-𑌮𑍍𑌪𑌤𑌿॑𑌷𑍍𑌠-𑌶𑍍𑌶𑍍𑌯𑍇॒𑌨 𑌏॒𑌵 𑌭𑍂॒𑌤𑍍𑌵𑌾 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌮𑍍𑌪॑𑌤𑌤𑌿 𑌕𑌙𑍍𑌕॒𑌚𑌿𑌤॑-𑌞𑍍𑌚𑌿𑌨𑍍𑌵𑍀𑌤॒ 𑌯𑌃 𑌕𑌾॒𑌮𑌯𑍇॑𑌤 𑌶𑍀𑌰𑍍𑌷॒𑌣𑍍𑌵𑌾𑌨॒𑌮𑍁𑌷𑍍𑌮𑌿॑-𑌲𑍍𑌲𑍋𑌁॒𑌕𑍇 𑌸𑍍𑌯𑌾॒𑌮𑌿𑌤𑌿॑ 𑌶𑍀𑌰𑍍𑌷॒𑌣𑍍𑌵𑌾𑌨𑍇॒𑌵𑌾-𑌽𑌮𑍁𑌷𑍍𑌮𑌿॑-𑌲𑍍𑌲𑍋𑌁॒𑌕𑍇 𑌭॑𑌵𑌤𑍍𑌯𑌲𑌜॒𑌚𑌿𑌤॑-𑌞𑍍𑌚𑌿𑌨𑍍𑌵𑍀𑌤॒ 𑌚𑌤𑍁॑𑌸𑍍𑌸𑍀𑌤-𑌮𑍍𑌪𑍍𑌰𑌤𑌿॒𑌷𑍍𑌠𑌾𑌕𑌾॑𑌮॒𑌶𑍍𑌚𑌤॑𑌸𑍍𑌰𑍋॒ 𑌦𑌿𑌶𑍋॑ 𑌦𑌿॒𑌕𑍍𑌷𑍍𑌵𑍇॑𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 𑌪𑍍𑌰𑍌𑌗॒𑌚𑌿𑌤॑-𑌞𑍍𑌚𑌿𑌨𑍍𑌵𑍀𑌤॒ 𑌭𑍍𑌰𑌾𑌤𑍃॑𑌵𑍍𑌯𑌵𑌾॒-𑌨𑍍𑌪𑍍𑌰𑍈- [𑌭𑍍𑌰𑌾𑌤𑍃॑𑌵𑍍𑌯𑌵𑌾॒-𑌨𑍍𑌪𑍍𑌰, 𑌏॒𑌵 𑌭𑍍𑌰𑌾𑌤𑍃॑𑌵𑍍𑌯𑌾-𑌨𑍍𑌨𑍁𑌦𑌤] 52
-𑌵 𑌭𑍍𑌰𑌾𑌤𑍃॑𑌵𑍍𑌯𑌾-𑌨𑍍𑌨𑍁𑌦𑌤 𑌉𑌭॒𑌯𑌤𑌃॑ 𑌪𑍍𑌰𑍌𑌗-𑌞𑍍𑌚𑌿𑌨𑍍𑌵𑍀𑌤॒𑌯𑌃 𑌕𑌾॒𑌮𑌯𑍇॑𑌤॒ 𑌪𑍍𑌰𑌜𑌾॒𑌤𑌾-𑌨𑍍𑌭𑍍𑌰𑌾𑌤𑍃॑𑌵𑍍𑌯𑌾-𑌨𑍍𑌨𑍁॒𑌦𑍇𑌯॒ 𑌪𑍍𑌰𑌤𑌿॑ 𑌜𑌨𑌿॒𑌷𑍍𑌯𑌮𑌾॑𑌣𑌾॒𑌨𑌿𑌤𑌿॒ 𑌪𑍍𑌰𑍈𑌵 𑌜𑌾॒𑌤𑌾-𑌨𑍍𑌭𑍍𑌰𑌾𑌤𑍃॑𑌵𑍍𑌯𑌾-𑌨𑍍𑌨𑍁॒𑌦𑌤𑍇॒ 𑌪𑍍𑌰𑌤𑌿॑ 𑌜𑌨𑌿॒𑌷𑍍𑌯𑌮𑌾॑𑌣𑌾-𑌨𑍍𑌰𑌥𑌚𑌕𑍍𑌰॒𑌚𑌿𑌤॑-𑌞𑍍𑌚𑌿𑌨𑍍𑌵𑍀𑌤॒ 𑌭𑍍𑌰𑌾𑌤𑍃॑𑌵𑍍𑌯𑌵𑌾॒𑌨𑍍॒ 𑌵𑌜𑍍𑌰𑍋॒ 𑌵𑍈 𑌰𑌥𑍋॒ 𑌵𑌜𑍍𑌰॑𑌮𑍇॒𑌵 𑌭𑍍𑌰𑌾𑌤𑍃॑𑌵𑍍𑌯𑍇𑌭𑍍𑌯𑌃॒ 𑌪𑍍𑌰𑌹॑𑌰𑌤𑌿 𑌦𑍍𑌰𑍋𑌣॒𑌚𑌿𑌤॑-𑌞𑍍𑌚𑌿𑌨𑍍𑌵𑍀॒𑌤𑌾𑌨𑍍𑌨॑𑌕𑌾𑌮𑍋॒ 𑌦𑍍𑌰𑍋𑌣𑍇॒ 𑌵𑌾 𑌅𑌨𑍍𑌨॑-𑌮𑍍𑌭𑍍𑌰𑌿𑌯𑌤𑍇॒ 𑌸𑌯𑍋᳚𑌨𑍍𑌯𑍇॒𑌵𑌾𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇 𑌸𑌮𑍂॒𑌹𑍍𑌯॑-𑌞𑍍𑌚𑌿𑌨𑍍𑌵𑍀𑌤 𑌪॒𑌶𑍁𑌕𑌾॑𑌮𑌃 𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿 [𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿, 𑌪॒𑌰𑌿॒𑌚𑌾॒𑌯𑍍𑌯॑-𑌞𑍍𑌚𑌿𑌨𑍍𑌵𑍀𑌤॒] 53
𑌪𑌰𑌿𑌚𑌾॒𑌯𑍍𑌯॑-𑌞𑍍𑌚𑌿𑌨𑍍𑌵𑍀𑌤॒ 𑌗𑍍𑌰𑌾𑌮॑𑌕𑌾𑌮𑍋 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑌿 𑌶𑍍𑌮𑌶𑌾𑌨॒𑌚𑌿𑌤॑-𑌞𑍍𑌚𑌿𑌨𑍍𑌵𑍀𑌤॒ 𑌯𑌃 𑌕𑌾॒𑌮𑌯𑍇॑𑌤 𑌪𑌿𑌤𑍃𑌲𑍋॒𑌕 𑌋॑𑌦𑍍𑌧𑍍𑌨𑍁𑌯𑌾॒𑌮𑌿𑌤𑌿॑ 𑌪𑌿𑌤𑍃𑌲𑍋॒𑌕 𑌏॒𑌵𑌰𑍍𑌧𑍍𑌨𑍋॑𑌤𑌿 𑌵𑌿𑌶𑍍𑌵𑌾𑌮𑌿𑌤𑍍𑌰𑌜𑌮𑌦॒𑌗𑍍𑌨𑍀 𑌵𑌸𑌿॑𑌷𑍍𑌠𑍇𑌨𑌾-𑌽𑌸𑍍𑌪𑌰𑍍𑌧𑍇𑌤𑌾॒𑌗𑍍𑌮𑍍॒ 𑌸 𑌏॒𑌤𑌾 𑌜॒𑌮𑌦॑𑌗𑍍𑌨𑌿𑌰𑍍𑌵𑌿𑌹॒𑌵𑍍𑌯𑌾॑ 𑌅𑌪𑌶𑍍𑌯॒-𑌤𑍍𑌤𑌾 𑌉𑌪𑌾॑𑌧𑌤𑍍𑌤॒ 𑌤𑌾𑌭𑌿॒𑌰𑍍𑌵𑍈 𑌸 𑌵𑌸𑌿॑𑌷𑍍𑌠𑌸𑍍𑌯𑍇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌵𑍃𑌙𑍍𑌕𑍍𑌤॒ 𑌯-𑌦𑍍𑌵𑌿॑𑌹॒𑌵𑍍𑌯𑌾॑ 𑌉𑌪॒𑌦𑌧𑌾॑𑌤𑍀𑌨𑍍𑌦𑍍𑌰𑌿॒𑌯𑌮𑍇॒𑌵 𑌤𑌾𑌭𑌿॑𑌰𑍍𑌵𑍀॒𑌰𑍍𑌯𑌂॑-𑌯𑌁𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯 𑌵𑍃𑌙𑍍𑌕𑍍𑌤𑍇॒ 𑌹𑍋𑌤𑍁॒𑌰𑍍𑌧𑌿𑌷𑍍𑌣𑌿॑𑌯॒ 𑌉𑌪॑ 𑌦𑌧𑌾𑌤𑌿 𑌯𑌜𑌮𑌾𑌨𑌾𑌯𑌤॒𑌨𑌂-𑌵𑍈𑌁 [ ] 54
𑌹𑍋𑌤𑌾॒ 𑌸𑍍𑌵 𑌏॒𑌵𑌾𑌸𑍍𑌮𑌾॑ 𑌆॒𑌯𑌤॑𑌨 𑌇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌵॑ 𑌰𑍁𑌨𑍍𑌧𑍇॒ 𑌦𑍍𑌵𑌾𑌦॒𑌶𑍋𑌪॑ 𑌦𑌧𑌾𑌤𑌿॒ 𑌦𑍍𑌵𑌾𑌦॑𑌶𑌾𑌕𑍍𑌷𑌰𑌾॒ 𑌜𑌗॑𑌤𑍀॒ 𑌜𑌾𑌗॑𑌤𑌾𑌃 𑌪॒𑌶𑌵𑍋॒ 𑌜𑌗॑𑌤𑍍𑌯𑍈॒𑌵𑌾𑌸𑍍𑌮𑍈॑ 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇॒ 𑌽𑌷𑍍𑌟𑌾𑌵॑𑌷𑍍𑌟𑌾𑌵॒𑌨𑍍𑌯𑍇𑌷𑍁॒ 𑌧𑌿𑌷𑍍𑌣𑌿॑𑌯𑍇॒𑌷𑍂𑌪॑ 𑌦𑌧𑌾𑌤𑍍𑌯॒𑌷𑍍𑌟𑌾𑌶॑𑌫𑌾𑌃 𑌪॒𑌶𑌵𑌃॑ 𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌷𑌣𑍍𑌮𑌾᳚𑌰𑍍𑌜𑌾॒𑌲𑍀𑌯𑍇॒ 𑌷-𑌡𑍍𑌵𑌾 𑌋॒𑌤𑌵॑ 𑌋॒𑌤𑌵𑌃॒ 𑌖𑌲𑍁॒ 𑌵𑍈 𑌦𑍇॒𑌵𑌾𑌃 𑌪𑌿॒𑌤𑌰॑ 𑌋॒𑌤𑍂𑌨𑍇॒𑌵 𑌦𑍇॒𑌵𑌾-𑌨𑍍𑌪𑌿॒𑌤𑍄-𑌨𑍍𑌪𑍍𑌰𑍀॑𑌣𑌾𑌤𑌿 ॥ 55 ॥
(𑌪𑍍𑌰 – 𑌭॑𑌵𑌤𑌿 – 𑌯𑌜𑌮𑌾𑌨𑌾𑌯𑌤॒𑌨𑌂-𑌵𑌾𑌁 – 𑌅॒𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. 11)
𑌪𑌵॑𑌸𑍍𑌵॒ 𑌵𑌾𑌜॑𑌸𑌾𑌤𑌯॒ 𑌇𑌤𑍍𑌯॑𑌨𑍁॒𑌷𑍍𑌟𑍁-𑌕𑍍𑌪𑍍𑌰॑𑌤𑌿॒𑌪𑌦𑍍𑌭॑𑌵𑌤𑌿 𑌤𑌿॒𑌰𑍍𑌸𑍋॑-𑌽𑌨𑍁॒𑌷𑍍𑌟𑍁𑌭॒𑌶𑍍𑌚𑌤॑𑌸𑍍𑌰𑍋 𑌗𑌾𑌯॒𑌤𑍍𑌰𑌿𑌯𑍋॒ 𑌯-𑌤𑍍𑌤𑌿॒𑌸𑍍𑌰𑍋॑-𑌽𑌨𑍁॒𑌷𑍍𑌟𑍁𑌭॒-𑌸𑍍𑌤𑌸𑍍𑌮𑌾॒-𑌦𑌶𑍍𑌵॑𑌸𑍍𑌤𑍍𑌰𑌿॒𑌭𑌿𑌸𑍍𑌤𑌿𑌷𑍍𑌠𑌗𑍍𑌗𑍍॑ 𑌸𑍍𑌤𑌿𑌷𑍍𑌠𑌤𑌿॒ 𑌯𑌚𑍍𑌚𑌤॑𑌸𑍍𑌰𑍋 𑌗𑌾𑌯॒𑌤𑍍𑌰𑌿𑌯॒𑌸𑍍𑌤𑌸𑍍𑌮𑌾॒-𑌥𑍍𑌸𑌰𑍍𑌵𑌾𑌗𑍍॑ 𑌶𑍍𑌚॒𑌤𑍁𑌰𑌃॑ 𑌪॒𑌦𑌃 𑌪𑍍𑌰॑𑌤𑌿॒𑌦𑌧॒-𑌤𑍍𑌪𑌲𑌾॑𑌯𑌤𑍇 𑌪𑌰॒𑌮𑌾 𑌵𑌾 𑌏॒𑌷𑌾 𑌛𑌨𑍍𑌦॑𑌸𑌾𑌂॒-𑌯𑌁𑌦॑𑌨𑍁॒𑌷𑍍𑌟𑍁-𑌕𑍍𑌪॑𑌰॒𑌮𑌶𑍍𑌚॑𑌤𑍁𑌷𑍍𑌟𑍋॒𑌮-𑌸𑍍𑌸𑍍𑌤𑍋𑌮𑌾॑𑌨𑌾-𑌮𑍍𑌪𑌰॒𑌮𑌸𑍍𑌤𑍍𑌰𑌿॑𑌰𑌾॒𑌤𑍍𑌰𑍋 𑌯॒𑌜𑍍𑌞𑌾𑌨𑌾᳚-𑌮𑍍𑌪𑌰॒𑌮𑍋-𑌽𑌶𑍍𑌵𑌃॑ 𑌪𑌶𑍂॒𑌨𑌾-𑌮𑍍𑌪॑𑌰॒𑌮𑍇𑌣𑍈॒𑌵𑍈𑌨॑-𑌮𑍍𑌪𑌰॒𑌮𑌤𑌾᳚-𑌙𑍍𑌗𑌮𑌯𑌤𑍍𑌯𑍇𑌕𑌵𑌿॒𑌗𑍍𑌮𑍍॒𑌶-𑌮𑌹॑𑌰𑍍𑌭𑌵𑌤𑌿॒ [-𑌮𑌹॑𑌰𑍍𑌭𑌵𑌤𑌿, 𑌯𑌸𑍍𑌮𑌿॒𑌨𑍍𑌨𑌶𑍍𑌵॑] 56
𑌯𑌸𑍍𑌮𑌿॒𑌨𑍍𑌨𑌶𑍍𑌵॑ 𑌆𑌲॒𑌭𑍍𑌯𑌤𑍇॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾𑌃॒ 𑌪𑌞𑍍𑌚॒𑌰𑍍𑌤𑌵॒𑌸𑍍𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌅॒𑌸𑌾𑌵𑌾॑𑌦𑌿॒𑌤𑍍𑌯 𑌏॑𑌕𑌵𑌿॒𑌗𑍍𑌮𑍍॒𑌶 𑌏॒𑌷 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰𑌾𑌜𑌾𑌪॒𑌤𑍍𑌯𑍋-𑌽𑌶𑍍𑌵॒𑌸𑍍𑌤𑌮𑍇॒𑌵 𑌸𑌾॒𑌕𑍍𑌷𑌾𑌦𑍃॑𑌦𑍍𑌧𑍍𑌨𑍋𑌤𑌿॒ 𑌶𑌕𑍍𑌵॑𑌰𑌯𑌃 𑌪𑍃॒𑌷𑍍𑌠-𑌮𑍍𑌭॑𑌵𑌨𑍍𑌤𑍍𑌯॒𑌨𑍍-𑌯𑌦॑𑌨𑍍𑌯॒-𑌚𑍍𑌛𑌨𑍍𑌦𑍋॒-𑌽𑌨𑍍𑌯𑍇᳚𑌨𑍍𑌯𑍇॒ 𑌵𑌾 𑌏॒𑌤𑍇 𑌪॒𑌶𑌵॒ 𑌆 𑌲॑𑌭𑍍𑌯𑌨𑍍𑌤 𑌉॒𑌤𑍇𑌵॑ 𑌗𑍍𑌰𑌾॒𑌮𑍍𑌯𑌾 𑌉॒𑌤𑍇𑌵𑌾॑-𑌽𑌽𑌰॒𑌣𑍍𑌯𑌾 𑌯𑌚𑍍𑌛𑌕𑍍𑌵॑𑌰𑌯𑌃 𑌪𑍃॒𑌷𑍍𑌠-𑌮𑍍𑌭𑌵॒𑌨𑍍𑌤𑍍𑌯𑌶𑍍𑌵॑𑌸𑍍𑌯 𑌸𑌰𑍍𑌵॒𑌤𑍍𑌵𑌾𑌯॑ 𑌪𑌾𑌰𑍍𑌥𑍁𑌰॒𑌶𑍍𑌮-𑌮𑍍𑌬𑍍𑌰॑𑌹𑍍𑌮𑌸𑌾॒𑌮-𑌮𑍍𑌭॑𑌵𑌤𑌿 𑌰॒𑌶𑍍𑌮𑌿𑌨𑌾॒ 𑌵𑌾 𑌅𑌶𑍍𑌵𑍋॑ [𑌰॒𑌶𑍍𑌮𑌿𑌨𑌾॒ 𑌵𑌾 𑌅𑌶𑍍𑌵𑌃॑, 𑌯॒𑌤 𑌈᳚𑌶𑍍𑌵॒𑌰𑍋] 5
𑌯॒𑌤 𑌈᳚𑌶𑍍𑌵॒𑌰𑍋 𑌵𑌾 𑌅𑌶𑍍𑌵𑍋-𑌽𑌯॒𑌤𑍋-𑌽𑌪𑍍𑌰॑𑌤𑌿𑌷𑍍𑌠𑌿𑌤𑌃॒ 𑌪𑌰𑌾᳚-𑌮𑍍𑌪𑌰𑌾॒𑌵𑌤॒-𑌙𑍍𑌗𑌨𑍍𑌤𑍋॒𑌰𑍍𑌯-𑌤𑍍𑌪𑌾᳚𑌰𑍍𑌥𑍁𑌰॒𑌶𑍍𑌮-𑌮𑍍𑌬𑍍𑌰॑𑌹𑍍𑌮𑌸𑌾॒𑌮-𑌮𑍍𑌭𑌵॒𑌤𑍍𑌯𑌶𑍍𑌵॑𑌸𑍍𑌯॒ 𑌯𑌤𑍍𑌯𑍈॒ 𑌧𑍃𑌤𑍍𑌯𑍈॒ 𑌸𑌙𑍍𑌕𑍃॑𑌤𑍍𑌯𑌚𑍍𑌛𑌾𑌵𑌾𑌕𑌸𑌾॒𑌮-𑌮𑍍𑌭॑𑌵𑌤𑍍𑌯𑍁𑌥𑍍𑌸𑌨𑍍𑌨𑌯॒𑌜𑍍𑌞𑍋 𑌵𑌾 𑌏॒𑌷 𑌯𑌦॑𑌶𑍍𑌵𑌮𑍇॒𑌧𑌃 𑌕𑌸𑍍𑌤𑌦𑍍𑌵𑍇॒𑌦𑍇𑌤𑍍𑌯𑌾॑𑌹𑍁॒𑌰𑍍𑌯𑌦𑌿॒ 𑌸𑌰𑍍𑌵𑍋॑ 𑌵𑌾 𑌕𑍍𑌰𑌿॒𑌯𑌤𑍇॒ 𑌨 𑌵𑌾॒ 𑌸𑌰𑍍𑌵॒ 𑌇𑌤𑌿॒ 𑌯-𑌥𑍍𑌸𑌙𑍍𑌕𑍃॑𑌤𑍍𑌯𑌚𑍍𑌛𑌾𑌵𑌾𑌕𑌸𑌾॒𑌮-𑌮𑍍𑌭𑌵॒𑌤𑍍𑌯𑌶𑍍𑌵॑𑌸𑍍𑌯 𑌸𑌰𑍍𑌵॒𑌤𑍍𑌵𑌾𑌯॒ 𑌪𑌰𑍍𑌯𑌾᳚𑌪𑍍𑌤𑍍𑌯𑌾॒ 𑌅𑌨॑𑌨𑍍𑌤𑌰𑌾𑌯𑌾𑌯॒ 𑌸𑌰𑍍𑌵॑𑌸𑍍𑌤𑍋𑌮𑍋-𑌽𑌤𑌿𑌰𑌾॒𑌤𑍍𑌰 𑌉॑𑌤𑍍𑌤॒𑌮𑌮𑌹॑𑌰𑍍𑌭𑌵𑌤𑌿॒ 𑌸𑌰𑍍𑌵॒𑌸𑍍𑌯𑌾-𑌽𑌽𑌪𑍍𑌤𑍍𑌯𑍈॒ 𑌸𑌰𑍍𑌵॑𑌸𑍍𑌯॒ 𑌜𑌿𑌤𑍍𑌯𑍈॒ 𑌸𑌰𑍍𑌵॑𑌮𑍇॒𑌵 𑌤𑍇𑌨𑌾᳚-𑌽𑌽𑌪𑍍𑌨𑍋𑌤𑌿॒ 𑌸𑌰𑍍𑌵॑-𑌞𑍍𑌜𑌯𑌤𑌿 ॥ 5 ॥
(𑌅𑌹॑𑌰𑍍𑌭𑌵𑌤𑌿॒ – 𑌵𑌾 𑌅𑌶𑍍𑌵𑍋 – 𑌽𑌹॑𑌰𑍍𑌭𑌵𑌤𑌿॒ – 𑌦𑌶॑ 𑌚) (𑌅. 12)
(𑌦𑍇॒𑌵𑌾॒𑌸𑍁॒𑌰𑌾𑌸𑍍𑌤𑍇𑌨 – 𑌰𑍍𑌤॒𑌵𑍍𑌯𑌾॑ – 𑌰𑍁॒𑌦𑍍𑌰𑍋 – 𑌽𑌶𑍍𑌮॑ – 𑌨𑍍𑌨𑍃॒𑌷𑌦𑍇॒ 𑌵 – 𑌡𑍁𑌦𑍇॑𑌨𑌂॒ – 𑌪𑍍𑌰𑌾𑌚𑍀॒𑌮𑌿𑌤𑌿॒ – 𑌵𑌸𑍋॒𑌰𑍍𑌧𑌾𑌰𑌾॑ – 𑌮॒𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑌃॑ – 𑌸𑍁𑌵॒𑌰𑍍𑌗𑌾𑌯॑ 𑌯𑌤𑍍𑌰𑌾𑌕𑍂॒𑌤𑌾𑌯॑ – 𑌛𑌨𑍍𑌦॒𑌶𑍍𑌚𑌿𑌤𑌂॒ – 𑌪𑌵॑𑌸𑍍𑌵॒ – 𑌦𑍍𑌵𑌾𑌦॑𑌶 )
(𑌦𑍇॒𑌵𑌾॒𑌸𑍁॒𑌰𑌾 – 𑌅॒𑌜𑌾𑌯𑌾𑌂॒ – 𑌵𑍈𑌁 𑌗𑍍𑌰𑍁॑𑌮𑍁॒𑌷𑍍𑌟𑌿𑌃 – 𑌪𑍍𑌰॑𑌥॒𑌮𑍋 𑌦𑍇॑𑌵𑌯॒𑌤𑌾𑌮𑍇॒ – 𑌤𑌦𑍍𑌵𑍈 𑌛𑌨𑍍𑌦॑𑌸𑌾 – 𑌮𑍃॒𑌧𑍍𑌨𑍋 – 𑌤𑍍𑌯॒𑌷𑍍𑌟𑍌 𑌪॑𑌞𑍍𑌚𑌾॒𑌶𑌤𑍍)
(𑌦𑍇॒𑌵𑌾॒𑌸𑍁॒𑌰𑌾, 𑌸𑍍𑌸𑌰𑍍𑌵॑-𑌞𑍍𑌜𑌯𑌤𑌿)
॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌚𑌤𑍁𑌰𑍍𑌥𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥
