𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌸𑌪𑍍𑌤𑌮𑌃 𑌪𑍍𑌰𑌶𑍍𑌨𑌃-𑌉𑌪𑌾𑌨𑍁𑌵𑌾𑌕𑍍𑌯𑌾𑌵𑌶𑌿𑌷𑍍𑌟𑌕𑌰𑍍𑌮𑌨𑌿𑌰𑍂𑌪𑌣𑌂
𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥
𑌯𑍋 𑌵𑌾 𑌅𑌯॑𑌥𑌾𑌦𑍇𑌵𑌤𑌮॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤 𑌆 𑌦𑍇॒𑌵𑌤𑌾᳚𑌭𑍍𑌯𑍋 𑌵𑍃𑌶𑍍𑌚𑍍𑌯𑌤𑍇॒ 𑌪𑌾𑌪𑍀॑𑌯𑌾-𑌨𑍍𑌭𑌵𑌤𑌿॒ 𑌯𑍋 𑌯॑𑌥𑌾𑌦𑍇𑌵॒𑌤-𑌨𑍍𑌨 𑌦𑍇॒𑌵𑌤𑌾᳚𑌭𑍍𑌯॒ 𑌆 𑌵𑍃॑𑌶𑍍𑌚𑍍𑌯𑌤𑍇॒ 𑌵𑌸𑍀॑𑌯𑌾-𑌨𑍍𑌭𑌵𑌤𑍍𑌯𑌾𑌗𑍍𑌨𑍇॒𑌯𑍍𑌯𑌾 𑌗𑌾॑𑌯𑌤𑍍𑌰𑌿॒𑌯𑌾 𑌪𑍍𑌰॑𑌥॒𑌮𑌾-𑌞𑍍𑌚𑌿𑌤𑌿॑𑌮॒𑌭𑌿 𑌮𑍃॑𑌶𑍇-𑌤𑍍𑌤𑍍𑌰𑌿॒𑌷𑍍𑌟𑍁𑌭𑌾᳚ 𑌦𑍍𑌵𑌿॒𑌤𑍀𑌯𑌾॒-𑌞𑍍𑌜𑌗॑𑌤𑍍𑌯𑌾 𑌤𑍃॒𑌤𑍀𑌯𑌾॑𑌮𑌨𑍁॒𑌷𑍍𑌟𑍁𑌭𑌾॑ 𑌚𑌤𑍁॒𑌰𑍍𑌥𑍀-𑌮𑍍𑌪॒𑌙𑍍𑌕𑍍𑌤𑍍𑌯𑌾 𑌪॑𑌞𑍍𑌚॒𑌮𑍀𑌂-𑌯𑌁॑𑌥𑌾𑌦𑍇𑌵॒𑌤𑌮𑍇॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇॒ 𑌨 𑌦𑍇॒𑌵𑌤𑌾᳚𑌭𑍍𑌯॒ 𑌆 𑌵𑍃॑𑌶𑍍𑌚𑍍𑌯𑌤𑍇॒ 𑌵𑌸𑍀॑𑌯𑌾-𑌨𑍍𑌭𑌵॒𑌤𑍀𑌡𑌾॑𑌯𑍈॒ 𑌵𑌾 𑌏॒𑌷𑌾 𑌵𑌿𑌭॑𑌕𑍍𑌤𑌿𑌃 𑌪॒𑌶𑌵॒ 𑌇𑌡𑌾॑ 𑌪॒𑌶𑍁𑌭𑌿॑𑌰𑍇𑌨- [𑌪॒𑌶𑍁𑌭𑌿॑𑌰𑍇𑌨𑌮𑍍, 𑌚𑌿॒𑌨𑍁॒𑌤𑍇॒ 𑌯𑍋 𑌵𑍈] 1
-𑌞𑍍𑌚𑌿𑌨𑍁𑌤𑍇॒ 𑌯𑍋 𑌵𑍈 𑌪𑍍𑌰॒𑌜𑌾𑌪॑𑌤𑌯𑍇 𑌪𑍍𑌰𑌤𑌿॒ 𑌪𑍍𑌰𑍋𑌚𑍍𑌯𑌾॒𑌗𑍍𑌨𑌿-𑌞𑍍𑌚𑌿॒𑌨𑍋𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॒-𑌤𑍍𑌯𑌶𑍍𑌵𑌾॑𑌵॒𑌭𑌿𑌤॑𑌸𑍍𑌤𑌿𑌷𑍍𑌠𑍇𑌤𑌾-𑌙𑍍𑌕𑍃॒𑌷𑍍𑌣 𑌉॑𑌤𑍍𑌤𑌰॒𑌤-𑌶𑍍𑌶𑍍𑌵𑍇॒𑌤𑍋 𑌦𑌕𑍍𑌷𑌿॑𑌣॒𑌸𑍍𑌤𑌾𑌵𑌾॒𑌲𑌭𑍍𑌯𑍇𑌷𑍍𑌟॑𑌕𑌾॒ 𑌉𑌪॑ 𑌦𑌦𑍍𑌧𑍍𑌯𑌾𑌦𑍇॒𑌤𑌦𑍍𑌵𑍈 𑌪𑍍𑌰॒𑌜𑌾𑌪॑𑌤𑍇 𑌰𑍂॒𑌪-𑌮𑍍𑌪𑍍𑌰𑌾॑𑌜𑌾𑌪॒𑌤𑍍𑌯𑍋-𑌽𑌶𑍍𑌵॑-𑌸𑍍𑌸𑌾॒𑌕𑍍𑌷𑌾𑌦𑍇॒𑌵 𑌪𑍍𑌰॒𑌜𑌾𑌪॑𑌤𑌯𑍇 𑌪𑍍𑌰𑌤𑌿॒𑌪𑍍𑌰𑍋𑌚𑍍𑌯𑌾॒𑌗𑍍𑌨𑌿-𑌞𑍍𑌚𑌿॑𑌨𑍋𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑍍𑌯𑍇॒𑌤𑌦𑍍𑌵𑌾 𑌅𑌹𑍍𑌨𑍋॑ 𑌰𑍂॒𑌪𑌂-𑌯𑌁𑌚𑍍𑌛𑍍𑌵𑍇॒𑌤𑍋-𑌽𑌶𑍍𑌵𑍋॒ 𑌰𑌾𑌤𑍍𑌰𑌿॑𑌯𑍈 𑌕𑍃॒𑌷𑍍𑌣 𑌏॒𑌤𑌦𑌹𑍍𑌨𑍋॑ [𑌏॒𑌤𑌦𑌹𑍍𑌨𑌃॑, 𑌰𑍂॒𑌪𑌂-𑌯𑌁𑌦𑌿𑌷𑍍𑌟॑𑌕𑌾॒] 2
𑌰𑍂॒𑌪𑌂-𑌯𑌁𑌦𑌿𑌷𑍍𑌟॑𑌕𑌾॒ 𑌰𑌾𑌤𑍍𑌰𑌿॑𑌯𑍈॒ 𑌪𑍁𑌰𑍀॑𑌷॒𑌮𑌿𑌷𑍍𑌟॑𑌕𑌾 𑌉𑌪𑌧𑌾॒𑌸𑍍𑌯𑌞𑍍𑌛𑍍𑌵𑍇॒𑌤-𑌮𑌶𑍍𑌵॑𑌮॒𑌭𑌿 𑌮𑍃॑𑌶𑍇॒-𑌤𑍍𑌪𑍁𑌰𑍀॑𑌷𑌮𑍁𑌪𑌧𑌾॒𑌸𑍍𑌯𑌨𑍍 𑌕𑍃॒𑌷𑍍𑌣𑌮॑𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾॑𑌮𑍇॒𑌵𑍈𑌨॑-𑌞𑍍𑌚𑌿𑌨𑍁𑌤𑍇 𑌹𑌿𑌰𑌣𑍍𑌯 𑌪𑌾॒𑌤𑍍𑌰-𑌮𑍍𑌮𑌧𑍋𑌃᳚ 𑌪𑍂॒𑌰𑍍𑌣-𑌨𑍍𑌦॑𑌦𑌾𑌤𑌿 𑌮𑌧॒𑌵𑍍𑌯𑍋॑ 𑌽𑌸𑌾॒𑌨𑍀𑌤𑌿॑ 𑌸𑍌॒𑌰𑍍𑌯𑌾 𑌚𑌿॒𑌤𑍍𑌰𑌵॒𑌤𑍍𑌯𑌾-𑌽𑌵𑍇᳚𑌕𑍍𑌷𑌤𑍇 𑌚𑌿॒𑌤𑍍𑌰𑌮𑍇॒𑌵 𑌭॑𑌵𑌤𑌿 𑌮॒𑌦𑍍𑌧𑍍𑌯𑌨𑍍𑌦𑌿॒𑌨𑍇-𑌽𑌶𑍍𑌵॒𑌮𑌵॑ 𑌘𑍍𑌰𑌾𑌪𑌯𑌤𑍍𑌯॒𑌸𑍌 𑌵𑌾 𑌆॑𑌦𑌿॒𑌤𑍍𑌯 𑌇𑌨𑍍𑌦𑍍𑌰॑ 𑌏॒𑌷 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰𑌾𑌜𑌾𑌪॒𑌤𑍍𑌯𑍋-𑌽𑌶𑍍𑌵॒𑌸𑍍𑌤𑌮𑍇॒𑌵 𑌸𑌾॒𑌕𑍍𑌷𑌾𑌦𑍃॑𑌦𑍍𑌧𑍍𑌨𑍋𑌤𑌿 ॥ 3 ॥
(𑌏॒𑌨॒ – 𑌮𑍇॒𑌤𑌦𑌹𑍍𑌨𑍋॒ – 𑌽𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. 1)
𑌤𑍍𑌵𑌾𑌮॑𑌗𑍍𑌨𑍇 𑌵𑍃𑌷॒𑌭-𑌞𑍍𑌚𑍇𑌕𑌿॑𑌤𑌾𑌨॒-𑌮𑍍𑌪𑍁𑌨॒𑌰𑍍𑌯𑍁𑌵𑌾॑𑌨-𑌞𑍍𑌜॒𑌨𑌯॑𑌨𑍍𑌨𑍁॒𑌪𑌾𑌗𑌾᳚𑌮𑍍 । 𑌅॒𑌸𑍍𑌥𑍂॒𑌰𑌿 𑌣𑍋॒ 𑌗𑌾𑌰𑍍𑌹॑𑌪𑌤𑍍𑌯𑌾𑌨𑌿 𑌸𑌨𑍍𑌤𑍁 𑌤𑌿॒𑌗𑍍𑌮𑍇𑌨॑ 𑌨𑍋॒ 𑌬𑍍𑌰𑌹𑍍𑌮॑𑌣𑌾॒ 𑌸𑌗𑍍𑌮𑍍 𑌶𑌿॑𑌶𑌾𑌧𑌿 ॥ 𑌪॒𑌶𑌵𑍋॒ 𑌵𑌾 𑌏॒𑌤𑍇 𑌯𑌦𑌿𑌷𑍍𑌟॑𑌕𑌾॒𑌶𑍍𑌚𑌿𑌤𑍍𑌯𑌾᳚-𑌞𑍍𑌚𑌿𑌤𑍍𑌯𑌾𑌮𑍃𑌷॒𑌭𑌮𑍁𑌪॑ 𑌦𑌧𑌾𑌤𑌿 𑌮𑌿𑌥𑍁॒𑌨𑌮𑍇॒𑌵𑌾𑌸𑍍𑌯॒ 𑌤-𑌦𑍍𑌯॒𑌜𑍍𑌞𑍇 𑌕॑𑌰𑍋𑌤𑌿 𑌪𑍍𑌰॒𑌜𑌨॑𑌨𑌾𑌯॒ 𑌤𑌸𑍍𑌮𑌾᳚-𑌦𑍍𑌯𑍂॒𑌥𑍇𑌯𑍂॑𑌥 𑌋𑌷॒𑌭𑌃 ॥ 𑌸𑌂॒𑌵𑌁॒𑌥𑍍𑌸॒𑌰𑌸𑍍𑌯॑ 𑌪𑍍𑌰𑌤𑌿॒𑌮𑌾𑌂-𑌯𑌾𑌁-𑌨𑍍𑌤𑍍𑌵𑌾॑ 𑌰𑌾𑌤𑍍𑌰𑍍𑌯𑍁॒𑌪𑌾𑌸॑𑌤𑍇 । 𑌪𑍍𑌰॒𑌜𑌾𑌗𑍍𑌮𑍍 𑌸𑍁॒𑌵𑍀𑌰𑌾᳚-𑌙𑍍𑌕𑍃॒𑌤𑍍𑌵𑌾 𑌵𑌿𑌶𑍍𑌵॒𑌮𑌾𑌯𑍁॒𑌰𑍍𑌵𑍍𑌯॑𑌶𑍍𑌞𑌵𑌤𑍍 ॥ 𑌪𑍍𑌰𑌾॒𑌜𑌾॒𑌪॒𑌤𑍍𑌯𑌾- [𑌪𑍍𑌰𑌾॒𑌜𑌾॒𑌪॒𑌤𑍍𑌯𑌾𑌮𑍍, 𑌏॒𑌤𑌾𑌮𑍁𑌪॑] 4
-𑌮𑍇॒𑌤𑌾𑌮𑍁𑌪॑ 𑌦𑌧𑌾𑌤𑍀॒𑌯𑌂-𑌵𑌾𑌁 𑌵𑍈𑌷𑍈𑌕𑌾᳚𑌷𑍍𑌟॒𑌕𑌾 𑌯𑌦𑍇॒𑌵𑍈𑌕𑌾᳚𑌷𑍍𑌟॒𑌕𑌾𑌯𑌾॒𑌮𑌨𑍍𑌨॑-𑌙𑍍𑌕𑍍𑌰𑌿॒𑌯𑌤𑍇॒ 𑌤𑌦𑍇॒𑌵𑍈𑌤𑌯𑌾𑌵॑ 𑌰𑍁𑌨𑍍𑌧 𑌏॒𑌷𑌾 𑌵𑍈 𑌪𑍍𑌰॒𑌜𑌾𑌪॑𑌤𑍇𑌃 𑌕𑌾𑌮॒𑌦𑍁𑌘𑌾॒ 𑌤𑌯𑍈॒𑌵 𑌯𑌜॑𑌮𑌾𑌨𑍋॒-𑌽𑌮𑍁𑌷𑍍𑌮𑌿॑-𑌲𑍍𑌲𑍋𑌁॒𑌕𑍇᳚-𑌽𑌗𑍍𑌨𑌿-𑌨𑍍𑌦𑍁॑𑌹𑍇॒ 𑌯𑍇𑌨॑ 𑌦𑍇॒𑌵𑌾 𑌜𑍍𑌯𑍋𑌤𑌿॑𑌷𑍋॒𑌰𑍍𑌧𑍍𑌵𑌾 𑌉॒𑌦𑌾𑌯॒𑌨𑍍॒ 𑌯𑍇𑌨𑌾॑-𑌽𑌽𑌦𑌿॒𑌤𑍍𑌯𑌾 𑌵𑌸॑𑌵𑍋॒ 𑌯𑍇𑌨॑ 𑌰𑍁॒𑌦𑍍𑌰𑌾𑌃 । 𑌯𑍇𑌨𑌾𑌙𑍍𑌗𑌿॑𑌰𑌸𑍋 𑌮𑌹𑌿॒𑌮𑌾𑌨॑-𑌮𑌾𑌨॒𑌶𑍁𑌸𑍍𑌤𑍇𑌨𑍈॑𑌤𑍁॒ 𑌯𑌜॑𑌮𑌾𑌨-𑌸𑍍𑌸𑍍𑌵॒𑌸𑍍𑌤𑌿 ॥ 𑌸𑍁॒𑌵॒𑌰𑍍𑌗𑌾𑌯॒ 𑌵𑌾 𑌏॒𑌷 𑌲𑍋॒𑌕𑌾𑌯॑ [𑌲𑍋॒𑌕𑌾𑌯॑, 𑌚𑍀॒𑌯॒𑌤𑍇॒ 𑌯𑌦॒𑌗𑍍𑌨𑌿𑌰𑍍𑌯𑍇𑌨॑] 5
𑌚𑍀𑌯𑌤𑍇॒ 𑌯𑌦॒𑌗𑍍𑌨𑌿𑌰𑍍𑌯𑍇𑌨॑ 𑌦𑍇॒𑌵𑌾 𑌜𑍍𑌯𑍋𑌤𑌿॑𑌷𑍋॒𑌰𑍍𑌧𑍍𑌵𑌾 𑌉॒𑌦𑌾𑌯॒𑌨𑍍𑌨𑌿𑌤𑍍𑌯𑍁𑌖𑍍𑌯॒𑌗𑍍𑌮𑍍॒ 𑌸𑌮𑌿॑𑌨𑍍𑌧॒ 𑌇𑌷𑍍𑌟॑𑌕𑌾 𑌏॒𑌵𑍈𑌤𑌾 𑌉𑌪॑ 𑌧𑌤𑍍𑌤𑍇 𑌵𑌾𑌨𑌸𑍍𑌪॒𑌤𑍍𑌯𑌾-𑌸𑍍𑌸𑍁॑𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈 𑌶॒𑌤𑌾𑌯𑍁॑𑌧𑌾𑌯 𑌶॒𑌤𑌵𑍀᳚𑌰𑍍𑌯𑌾𑌯 𑌶॒𑌤𑍋𑌤॑𑌯𑍇 𑌽𑌭𑌿𑌮𑌾𑌤𑌿॒𑌷𑌾𑌹𑍇᳚ । 𑌶॒𑌤𑌂-𑌯𑍋𑌁 𑌨॑-𑌶𑍍𑌶॒𑌰𑌦𑍋॒ 𑌅𑌜𑍀॑𑌤𑌾॒𑌨𑌿𑌨𑍍𑌦𑍍𑌰𑍋॑ 𑌨𑍇𑌷॒𑌦𑌤𑌿॑ 𑌦𑍁𑌰𑌿॒𑌤𑌾𑌨𑌿॒ 𑌵𑌿𑌶𑍍𑌵𑌾᳚ ॥ 𑌯𑍇 𑌚॒𑌤𑍍𑌵𑌾𑌰𑌃॑ 𑌪॒𑌥𑌯𑍋॑ 𑌦𑍇𑌵॒𑌯𑌾𑌨𑌾॑ 𑌅𑌨𑍍𑌤॒𑌰𑌾 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌵𑌿॒𑌯𑌨𑍍𑌤𑌿॑ । 𑌤𑍇𑌷𑌾𑌂॒-𑌯𑍋𑌁 𑌅𑌜𑍍𑌯𑌾॑𑌨𑌿॒- 𑌮𑌜𑍀॑𑌤𑌿-𑌮𑌾॒𑌵𑌹𑌾॒-𑌤𑍍𑌤𑌸𑍍𑌮𑍈॑ 𑌨𑍋 𑌦𑍇𑌵𑌾𑌃॒ [𑌨𑍋 𑌦𑍇𑌵𑌾𑌃, 𑌪𑌰𑌿॑ 𑌦𑌤𑍍𑌤𑍇॒𑌹 𑌸𑌰𑍍𑌵𑍇᳚ ।] 6
𑌪𑌰𑌿॑ 𑌦𑌤𑍍𑌤𑍇॒𑌹 𑌸𑌰𑍍𑌵𑍇᳚ ॥ 𑌗𑍍𑌰𑍀॒𑌷𑍍𑌮𑍋 𑌹𑍇॑𑌮॒𑌨𑍍𑌤 𑌉॒𑌤 𑌨𑍋॑ 𑌵𑌸॒𑌨𑍍𑌤-𑌶𑍍𑌶॒𑌰-𑌦𑍍𑌵॒𑌰𑍍॒𑌷𑌾-𑌸𑍍𑌸𑍁॑𑌵𑌿॒𑌤𑌨𑍍𑌨𑍋॑ 𑌅𑌸𑍍𑌤𑍁 । 𑌤𑍇𑌷𑌾॑𑌮𑍃𑌤𑍂॒𑌨𑌾𑌗𑍍𑌮𑍍 𑌶॒𑌤 𑌶𑌾॑𑌰𑌦𑌾𑌨𑌾-𑌨𑍍𑌨𑌿𑌵𑌾॒𑌤 𑌏॑𑌷𑌾॒𑌮𑌭॑𑌯𑍇 𑌸𑍍𑌯𑌾𑌮 ॥ 𑌇॒𑌦𑍁॒𑌵॒𑌥𑍍𑌸॒𑌰𑌾𑌯॑ 𑌪𑌰𑌿𑌵𑌥𑍍𑌸॒𑌰𑌾𑌯॑ 𑌸𑌂𑌵𑌁𑌞𑍍𑌥𑍍𑌸॒𑌰𑌾𑌯॑ 𑌕𑍃𑌣𑍁𑌤𑌾 𑌬𑍃॒𑌹𑌨𑍍𑌨𑌮𑌃॑ । 𑌤𑍇𑌷𑌾𑌂᳚-𑌵𑌁॒𑌯𑌗𑍍𑌮𑍍 𑌸𑍁॑𑌮॒𑌤𑍌 𑌯॒𑌜𑍍𑌞𑌿𑌯𑌾॑𑌨𑌾॒-𑌞𑍍𑌜𑍍𑌯𑍋𑌗𑌜𑍀॑𑌤𑌾॒ 𑌅𑌹॑𑌤𑌾-𑌸𑍍𑌸𑍍𑌯𑌾𑌮 ॥ 𑌭॒𑌦𑍍𑌰𑌾𑌨𑍍𑌨॒-𑌶𑍍𑌶𑍍𑌰𑍇𑌯॒-𑌸𑍍𑌸𑌮॑𑌨𑍈𑌷𑍍𑌟 𑌦𑍇𑌵𑌾॒𑌸𑍍𑌤𑍍𑌵𑌯𑌾॑-𑌽𑌵॒𑌸𑍇𑌨॒ 𑌸𑌮॑𑌶𑍀𑌮𑌹𑌿 𑌤𑍍𑌵𑌾 । 𑌸 𑌨𑍋॑ 𑌮𑌯𑍋॒ 𑌭𑍂𑌃 𑌪𑌿॑𑌤𑍋॒ [𑌮𑌯𑍋॒ 𑌭𑍂𑌃 𑌪𑌿॑𑌤𑍋, 𑌆 𑌵𑌿॑𑌶𑌸𑍍𑌵॒]
𑌆 𑌵𑌿॑𑌶𑌸𑍍𑌵॒ 𑌶-𑌨𑍍𑌤𑍋॒𑌕𑌾𑌯॑ 𑌤॒𑌨𑍁𑌵𑍇᳚ 𑌸𑍍𑌯𑍋॒𑌨𑌃 ॥ 𑌅𑌜𑍍𑌯𑌾॑𑌨𑍀𑌰𑍇॒𑌤𑌾 𑌉𑌪॑ 𑌦𑌧𑌾𑌤𑍍𑌯𑍇॒𑌤𑌾 𑌵𑍈 𑌦𑍇॒𑌵𑌤𑌾॒ 𑌅𑌪॑𑌰𑌾𑌜𑌿𑌤𑌾॒𑌸𑍍𑌤𑌾 𑌏॒𑌵 𑌪𑍍𑌰 𑌵𑌿॑𑌶𑌤𑌿॒ 𑌨𑍈𑌵 𑌜𑍀॑𑌯𑌤𑍇 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌯𑌦॑𑌰𑍍𑌧𑌮𑌾॒𑌸𑌾 𑌮𑌾𑌸𑌾॑ 𑌋॒𑌤𑌵॑-𑌸𑍍𑌸𑌂𑌵𑌁𑌥𑍍𑌸॒𑌰 𑌓𑌷॑𑌧𑍀𑌃॒ 𑌪𑌚॒𑌨𑍍𑌤𑍍𑌯𑌥॒ 𑌕𑌸𑍍𑌮𑌾॑𑌦॒𑌨𑍍𑌯𑌾𑌭𑍍𑌯𑍋॑ 𑌦𑍇॒𑌵𑌤𑌾᳚𑌭𑍍𑌯 𑌆𑌗𑍍𑌰𑌯॒𑌣-𑌨𑍍𑌨𑌿𑌰𑍁॑𑌪𑍍𑌯𑌤॒ 𑌇𑌤𑍍𑌯𑍇॒𑌤𑌾 𑌹𑌿 𑌤-𑌦𑍍𑌦𑍇॒𑌵𑌤𑌾॑ 𑌉॒𑌦𑌜॑𑌯॒𑌨𑍍॒ 𑌯𑌦𑍃॒𑌤𑍁𑌭𑍍𑌯𑍋॑ 𑌨𑌿॒𑌰𑍍𑌵𑌪𑍇᳚-𑌦𑍍𑌦𑍇॒𑌵𑌤𑌾᳚𑌭𑍍𑌯-𑌸𑍍𑌸॒𑌮𑌦॑-𑌨𑍍𑌦𑌦𑍍𑌧𑍍𑌯𑌾𑌦𑌾𑌗𑍍𑌰𑌯॒𑌣-𑌨𑍍𑌨𑌿॒𑌰𑍁𑌪𑍍𑌯𑍈॒𑌤𑌾 𑌆𑌹𑍁॑𑌤𑍀 𑌰𑍍𑌜𑍁𑌹𑍋𑌤𑍍𑌯𑌰𑍍𑌧𑌮𑌾॒𑌸𑌾𑌨𑍇॒𑌵 𑌮𑌾𑌸𑌾॑𑌨𑍃॒𑌤𑍂𑌨𑍍-𑌥𑍍𑌸𑌂॑𑌵𑌁𑌥𑍍𑌸॒𑌰-𑌮𑍍𑌪𑍍𑌰𑍀॑𑌣𑌾𑌤𑌿॒ 𑌨 𑌦𑍇॒𑌵𑌤𑌾᳚𑌭𑍍𑌯-𑌸𑍍𑌸॒𑌮𑌦॑-𑌨𑍍𑌦𑌧𑌾𑌤𑌿 𑌭॒𑌦𑍍𑌰𑌾𑌨𑍍𑌨॒-𑌶𑍍𑌶𑍍𑌰𑍇𑌯॒-𑌸𑍍𑌸𑌮॑𑌨𑍈𑌷𑍍𑌟 𑌦𑍇𑌵𑌾॒ 𑌇𑌤𑍍𑌯𑌾॑𑌹 𑌹𑍁॒𑌤𑌾𑌦𑍍𑌯𑌾॑𑌯॒ 𑌯𑌜॑𑌮𑌾𑌨॒𑌸𑍍𑌯𑌾-𑌽𑌪॑𑌰𑌾𑌭𑌾𑌵𑌾𑌯 ॥ ॥
(𑌪𑍍𑌰॒𑌜𑌾॒𑌪॒𑌤𑍍𑌯𑌾𑌂 – 𑌲𑍋𑌁॒𑌕𑌾𑌯॑ – 𑌦𑍇𑌵𑌾𑌃 – 𑌪𑌿𑌤𑍋 – 𑌦𑌧𑍍𑌯𑌾𑌦𑌾𑌗𑍍𑌰𑌯॒𑌣𑌂 – 𑌪𑌞𑍍𑌚॑𑌵𑌿𑌗𑍍𑌮𑍍𑌶𑌤𑌿𑌶𑍍𑌚) (𑌅. 2)
𑌇𑌨𑍍𑌦𑍍𑌰॑𑌸𑍍𑌯॒ 𑌵𑌜𑍍𑌰𑍋॑-𑌽𑌸𑌿॒ 𑌵𑌾𑌰𑍍𑌤𑍍𑌰॑𑌘𑍍𑌨𑌸𑍍𑌤𑌨𑍂॒𑌪𑌾 𑌨𑌃॑ 𑌪𑍍𑌰𑌤𑌿𑌸𑍍𑌪॒𑌶𑌃 । 𑌯𑍋 𑌨𑌃॑ 𑌪𑍁॒𑌰𑌸𑍍𑌤𑌾᳚-𑌦𑍍𑌦𑌕𑍍𑌷𑌿𑌣॒𑌤𑌃 𑌪॒𑌶𑍍𑌚𑌾-𑌦𑍁॑𑌤𑍍𑌤𑌰॒𑌤𑍋॑-𑌽𑌘𑌾॒𑌯𑍁𑌰॑𑌭𑌿॒𑌦𑌾𑌸॑𑌤𑍍𑌯𑍇॒𑌤𑌗𑍍𑌮𑍍 𑌸𑍋-𑌽𑌶𑍍𑌮𑌾॑𑌨𑌮𑍃𑌚𑍍𑌛𑌤𑍁 ॥ 𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸॒-𑌨𑍍𑌤𑍇-𑌽𑌸𑍁॑𑌰𑌾 𑌦𑌿॒𑌗𑍍𑌭𑍍𑌯 𑌆-𑌽𑌬𑌾॑𑌧𑌨𑍍𑌤॒ 𑌤𑌾-𑌨𑍍𑌦𑍇॒𑌵𑌾 𑌇𑌷𑍍𑌵𑌾॑ 𑌚॒ 𑌵𑌜𑍍𑌰𑍇॑𑌣॒ 𑌚𑌾𑌪𑌾॑𑌨𑍁𑌦𑌨𑍍𑌤॒ 𑌯-𑌦𑍍𑌵॒𑌜𑍍𑌰𑌿𑌣𑍀॑𑌰𑍁𑌪॒𑌦𑌧𑌾॒𑌤𑍀𑌷𑍍𑌵𑌾॑ 𑌚𑍈॒𑌵 𑌤-𑌦𑍍𑌵𑌜𑍍𑌰𑍇॑𑌣 𑌚॒ 𑌯𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾॒𑌨𑌪॑ 𑌨𑍁𑌦𑌤𑍇 𑌦𑌿॒𑌕𑍍𑌷𑍂𑌪॑ [𑌦𑌿॒𑌕𑍍𑌷𑍂𑌪॑, 𑌦॒𑌧𑌾॒𑌤𑌿॒ 𑌦𑍇॒𑌵॒𑌪𑍁॒𑌰𑌾]
𑌦𑌧𑌾𑌤𑌿 𑌦𑍇𑌵𑌪𑍁॒𑌰𑌾 𑌏॒𑌵𑍈𑌤𑌾𑌸𑍍𑌤॑𑌨𑍂॒𑌪𑌾𑌨𑍀𑌃॒ 𑌪𑌰𑍍𑌯𑍂॑𑌹॒𑌤𑍇 𑌽𑌗𑍍𑌨𑌾॑𑌵𑌿𑌷𑍍𑌣𑍂 𑌸॒𑌜𑍋𑌷॑𑌸𑍇॒𑌮𑌾 𑌵॑𑌰𑍍𑌧𑌨𑍍𑌤𑍁 𑌵𑌾॒𑌗𑌿𑌂𑌰𑌃॑ । 𑌦𑍍𑌯𑍁॒𑌮𑍍𑌨𑍈𑌰𑍍𑌵𑌾𑌜𑍇॑𑌭𑌿॒𑌰𑌾 𑌗॑𑌤𑌮𑍍 ॥ 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌯𑌨𑍍𑌨 𑌦𑍇॒𑌵𑌤𑌾॑𑌯𑍈॒ 𑌜𑍁𑌹𑍍𑌵॒𑌤𑍍𑌯𑌥॑ 𑌕𑌿-𑌨𑍍𑌦𑍇𑌵॒𑌤𑍍𑌯𑌾॑ 𑌵𑌸𑍋॒𑌰𑍍𑌧𑌾𑌰𑍇𑌤𑍍𑌯॒𑌗𑍍𑌨𑌿-𑌰𑍍𑌵𑌸𑍁॒𑌸𑍍𑌤𑌸𑍍𑌯𑍈॒𑌷𑌾 𑌧𑌾𑌰𑌾॒ 𑌵𑌿𑌷𑍍𑌣𑍁॒-𑌰𑍍𑌵𑌸𑍁॒𑌸𑍍𑌤𑌸𑍍𑌯𑍈॒𑌷𑌾 𑌧𑌾𑌰𑌾᳚ 𑌽𑌽𑌗𑍍𑌨𑌾𑌵𑍈𑌷𑍍𑌣॒𑌵𑍍𑌯𑌰𑍍𑌚𑌾 𑌵𑌸𑍋॒𑌰𑍍𑌧𑌾𑌰𑌾᳚-𑌞𑍍𑌜𑍁𑌹𑍋𑌤𑌿 𑌭𑌾𑌗॒𑌧𑍇𑌯𑍇॑𑌨𑍈॒𑌵𑍈𑌨𑍌॒ 𑌸𑌮॑𑌰𑍍𑌧𑌯॒𑌤𑍍𑌯𑌥𑍋॑ 𑌏॒𑌤𑌾- [𑌏॒𑌤𑌾𑌮𑍍, 𑌏॒𑌵𑌾-𑌽𑌽𑌹𑍁॑𑌤𑌿-] 10
-𑌮𑍇॒𑌵𑌾-𑌽𑌽𑌹𑍁॑𑌤𑌿-𑌮𑌾॒𑌯𑌤॑𑌨𑌵𑌤𑍀-𑌙𑍍𑌕𑌰𑍋𑌤𑌿॒ 𑌯𑌤𑍍𑌕𑌾॑𑌮 𑌏𑌨𑌾-𑌞𑍍𑌜𑍁॒𑌹𑍋𑌤𑌿॒ 𑌤𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌰𑍁॒𑌦𑍍𑌰𑍋 𑌵𑌾 𑌏॒𑌷 𑌯𑌦॒𑌗𑍍𑌨𑌿𑌸𑍍𑌤𑌸𑍍𑌯𑍈॒𑌤𑍇 𑌤॒𑌨𑍁𑌵𑍌॑ 𑌘𑍋॒𑌰𑌾-𑌽𑌨𑍍𑌯𑌾 𑌶𑌿॒𑌵𑌾-𑌽𑌨𑍍𑌯𑌾 𑌯𑌚𑍍𑌛॑𑌤𑌰𑍁॒𑌦𑍍𑌰𑍀𑌯॑-𑌞𑍍𑌜𑍁॒𑌹𑍋𑌤𑌿॒ 𑌯𑍈𑌵𑌾𑌸𑍍𑌯॑ 𑌘𑍋॒𑌰𑌾 𑌤॒𑌨𑍂𑌸𑍍𑌤𑌾-𑌨𑍍𑌤𑍇𑌨॑ 𑌶𑌮𑌯𑌤𑌿॒ 𑌯-𑌦𑍍𑌵𑌸𑍋॒𑌰𑍍𑌧𑌾𑌰𑌾᳚-𑌞𑍍𑌜𑍁॒𑌹𑍋𑌤𑌿॒ 𑌯𑍈𑌵𑌾𑌸𑍍𑌯॑ 𑌶𑌿॒𑌵𑌾 𑌤॒𑌨𑍂𑌸𑍍𑌤𑌾-𑌨𑍍𑌤𑍇𑌨॑ 𑌪𑍍𑌰𑍀𑌣𑌾𑌤𑌿॒ 𑌯𑍋 𑌵𑍈 𑌵𑌸𑍋॒𑌰𑍍𑌧𑌾𑌰𑌾॑𑌯𑍈 [𑌵𑌸𑍋॒𑌰𑍍𑌧𑌾𑌰𑌾॑𑌯𑍈, 𑌪𑍍𑌰॒𑌤𑌿॒𑌷𑍍𑌠𑌾𑌂-𑌵𑍇𑌁𑌦॒] 11
𑌪𑍍𑌰𑌤𑌿॒𑌷𑍍𑌠𑌾𑌂-𑌵𑍇𑌁𑌦॒ 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿॒ 𑌯𑌦𑌾𑌜𑍍𑌯॑𑌮𑍁॒𑌚𑍍𑌛𑌿𑌷𑍍𑌯𑍇॑𑌤॒ 𑌤𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑍌𑌦॒𑌨-𑌮𑍍𑌪॑𑌚𑍇॒-𑌤𑍍𑌤-𑌮𑍍𑌬𑍍𑌰𑌾᳚𑌹𑍍𑌮॒𑌣𑌾𑌶𑍍𑌚॒𑌤𑍍𑌵𑌾𑌰𑌃॒ 𑌪𑍍𑌰𑌾-𑌽𑌶𑍍𑌞𑍀॑𑌯𑍁𑌰𑍇॒𑌷 𑌵𑌾 𑌅॒𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰𑍋 𑌯𑌦𑍍𑌬𑍍𑌰𑌾᳚𑌹𑍍𑌮॒𑌣 𑌏॒𑌷𑌾 𑌖𑌲𑍁॒ 𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯𑌾 𑌤॒𑌨𑍂𑌰𑍍𑌯-𑌦𑍍𑌵𑍈᳚𑌶𑍍𑌵𑌾𑌨॒𑌰𑌃 𑌪𑍍𑌰𑌿॒𑌯𑌾𑌯𑌾॑𑌮𑍇॒𑌵𑍈𑌨𑌾᳚-𑌨𑍍𑌤॒𑌨𑍁𑌵𑌾॒-𑌮𑍍𑌪𑍍𑌰𑌤𑌿॑ 𑌷𑍍𑌠𑌾𑌪𑌯𑌤𑌿॒ 𑌚𑌤॑𑌸𑍍𑌰𑍋 𑌧𑍇॒𑌨𑍂𑌰𑍍𑌦॑𑌦𑍍𑌯𑌾॒-𑌤𑍍𑌤𑌾𑌭𑌿॑𑌰𑍇॒𑌵 𑌯𑌜॑𑌮𑌾𑌨𑍋॒-𑌽𑌮𑍁𑌷𑍍𑌮𑌿॑-𑌲𑍍𑌲𑍋𑌁॒𑌕𑍇᳚-𑌽𑌗𑍍𑌨𑌿-𑌨𑍍𑌦𑍁॑𑌹𑍇 ॥ 12 ॥
(𑌉𑌪𑍈॒ – 𑌤𑌾𑌂 – 𑌧𑌾𑌰𑌾॑𑌯𑍈॒ – 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. 3)
𑌚𑌿𑌤𑍍𑌤𑌿॑-𑌞𑍍𑌜𑍁𑌹𑍋𑌮𑌿॒ 𑌮𑌨॑𑌸𑌾 𑌘𑍃॒𑌤𑍇𑌨𑍇𑌤𑍍𑌯𑌾॒𑌹𑌾𑌦𑌾᳚𑌭𑍍𑌯𑌾॒ 𑌵𑍈 𑌨𑌾𑌮𑍈॒𑌷𑌾-𑌽𑌽𑌹𑍁॑𑌤𑌿𑌰𑍍𑌵𑍈𑌶𑍍𑌵𑌕𑌰𑍍𑌮॒𑌣𑍀 𑌨𑍈𑌨॑-𑌞𑍍𑌚𑌿𑌕𑍍𑌯𑌾॒𑌨-𑌮𑍍𑌭𑍍𑌰𑌾𑌤𑍃॑𑌵𑍍𑌯𑍋 𑌦𑌭𑍍𑌨𑍋॒𑌤𑍍𑌯𑌥𑍋॑ 𑌦𑍇॒𑌵𑌤𑌾॑ 𑌏॒𑌵𑌾𑌵॑ 𑌰𑍁॒𑌨𑍍𑌧𑍇 𑌽𑌗𑍍𑌨𑍇॒ 𑌤𑌮॒𑌦𑍍𑌯𑍇𑌤𑌿॑ 𑌪॒𑌙𑍍𑌕𑍍𑌤𑍍𑌯𑌾 𑌜𑍁॑𑌹𑍋𑌤𑌿 𑌪॒𑌙𑍍𑌕𑍍𑌤𑍍𑌯𑌾-𑌽𑌽𑌹𑍁॑𑌤𑍍𑌯𑌾 𑌯𑌜𑍍𑌞𑌮𑍁॒𑌖𑌮𑌾 𑌰॑𑌭𑌤𑍇 𑌸॒𑌪𑍍𑌤 𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌧॑-𑌸𑍍𑌸॒𑌪𑍍𑌤𑌜𑌿॒𑌹𑍍𑌵𑌾 𑌇𑌤𑍍𑌯𑌾॑𑌹॒ 𑌹𑍋𑌤𑍍𑌰𑌾॑ 𑌏॒𑌵𑌾𑌵॑ 𑌰𑍁𑌨𑍍𑌧𑍇॒ 𑌽𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋-𑌽𑌪𑌾᳚𑌕𑍍𑌰𑌾-𑌽𑌮-𑌦𑍍𑌭𑌾𑌗॒𑌧𑍇𑌯॑- [-𑌽𑌪𑌾᳚𑌕𑍍𑌰𑌾-𑌽𑌮-𑌦𑍍𑌭𑌾𑌗॒𑌧𑍇𑌯᳚𑌮𑍍, 𑌇॒𑌚𑍍𑌛𑌮𑌾॑𑌨॒𑌸𑍍𑌤𑌸𑍍𑌮𑌾॑] 13
-𑌮𑌿॒𑌚𑍍𑌛𑌮𑌾॑𑌨॒𑌸𑍍𑌤𑌸𑍍𑌮𑌾॑ 𑌏॒𑌤-𑌦𑍍𑌭𑌾॑𑌗॒𑌧𑍇𑌯॒-𑌮𑍍𑌪𑍍𑌰𑌾𑌯॑𑌚𑍍𑌛𑌨𑍍𑌨𑍇॒𑌤𑌦𑍍𑌵𑌾 𑌅॒𑌗𑍍𑌨𑍇𑌰॑𑌗𑍍𑌨𑌿𑌹𑍋॒𑌤𑍍𑌰𑌮𑍇॒𑌤𑌰𑍍𑌹𑌿॒ 𑌖𑌲𑍁॒ 𑌵𑌾 𑌏॒𑌷 𑌜𑌾॒𑌤𑍋 𑌯𑌰𑍍𑌹𑌿॒ 𑌸𑌰𑍍𑌵॑𑌶𑍍𑌚𑌿॒𑌤𑍋 𑌜𑌾॒𑌤𑌾𑌯𑍈॒𑌵𑌾𑌸𑍍𑌮𑌾॒ 𑌅𑌨𑍍𑌨॒𑌮𑌪𑌿॑ 𑌦𑌧𑌾𑌤𑌿॒ 𑌸 𑌏॑𑌨-𑌮𑍍𑌪𑍍𑌰𑍀॒𑌤𑌃 𑌪𑍍𑌰𑍀॑𑌣𑌾𑌤𑌿॒ 𑌵𑌸𑍀॑𑌯𑌾-𑌨𑍍𑌭𑌵𑌤𑌿 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌯𑌦𑍇॒𑌷 𑌗𑌾𑌰𑍍𑌹॑𑌪𑌤𑍍𑌯𑌶𑍍𑌚𑍀॒𑌯𑌤𑍇-𑌽𑌥॒ 𑌕𑍍𑌵𑌾᳚𑌸𑍍𑌯𑌾-𑌽𑌽𑌹𑌵॒𑌨𑍀𑌯॒ 𑌇𑌤𑍍𑌯॒𑌸𑌾𑌵𑌾॑𑌦𑌿॒𑌤𑍍𑌯 𑌇𑌤𑌿॑ 𑌬𑍍𑌰𑍂𑌯𑌾𑌦𑍇॒𑌤𑌸𑍍𑌮𑌿॒𑌨𑍍॒𑌃𑌇 𑌸𑌰𑍍𑌵𑌾᳚𑌭𑍍𑌯𑍋 𑌦𑍇॒𑌵𑌤𑌾᳚𑌭𑍍𑌯𑍋॒ 𑌜𑍁𑌹𑍍𑌵॑𑌤𑌿॒ [𑌜𑍁𑌹𑍍𑌵॑𑌤𑌿, 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿-] 14
𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌸𑌾॒𑌕𑍍𑌷𑌾𑌦𑍇॒𑌵 𑌦𑍇॒𑌵𑌤𑌾॑ 𑌋𑌦𑍍𑌧𑍍𑌨𑍋॒𑌤𑍍𑌯𑌗𑍍𑌨𑍇॑ 𑌯𑌶𑌸𑍍𑌵𑌿॒𑌨𑍍॒ 𑌯𑌶॑𑌸𑍇॒ 𑌮𑌮॑𑌰𑍍𑌪॒𑌯𑍇𑌨𑍍𑌦𑍍𑌰𑌾॑𑌵𑌤𑍀॒ 𑌮𑌪॑𑌚𑌿𑌤𑍀 𑌮𑌿॒𑌹𑌾-𑌽𑌽𑌵॑𑌹 । 𑌅॒𑌯-𑌮𑍍𑌮𑍂॒𑌰𑍍𑌧𑌾 𑌪॑𑌰𑌮𑍇॒𑌷𑍍𑌠𑍀 𑌸𑍁॒𑌵𑌰𑍍𑌚𑌾᳚-𑌸𑍍𑌸𑌮𑌾॒𑌨𑌾𑌨𑌾॑𑌮𑍁𑌤𑍍𑌤॒𑌮 𑌶𑍍𑌲𑍋॑𑌕𑍋 𑌅𑌸𑍍𑌤𑍁 ॥ 𑌭॒𑌦𑍍𑌰-𑌮𑍍𑌪𑌶𑍍𑌯॑𑌨𑍍𑌤॒ 𑌉𑌪॑ 𑌸𑍇𑌦𑍁॒𑌰𑌗𑍍𑌰𑍇॒ 𑌤𑌪𑍋॑ 𑌦𑍀॒𑌕𑍍𑌷𑌾𑌮𑍃𑌷॑𑌯-𑌸𑍍𑌸𑍁𑌵॒𑌰𑍍𑌵𑌿𑌦𑌃॑ । 𑌤𑌤𑌃॑, 𑌕𑍍𑌷॒𑌤𑍍𑌰-𑌮𑍍𑌬𑌲॒𑌮𑍋𑌜॑𑌶𑍍𑌚 𑌜𑌾॒𑌤-𑌨𑍍𑌤𑌦॒𑌸𑍍𑌮𑍈 𑌦𑍇॒𑌵𑌾 𑌅॒𑌭𑌿 𑌸-𑌨𑍍𑌨॑𑌮𑌨𑍍𑌤𑍁 ॥ 𑌧𑌾॒𑌤𑌾 𑌵𑌿॑𑌧𑌾॒𑌤𑌾 𑌪॑𑌰॒𑌮𑍋- [𑌪॑𑌰॒𑌮𑌾, 𑌉॒𑌤 𑌸॒𑌨𑍍𑌦𑍃-𑌕𑍍𑌪𑍍𑌰॒𑌜𑌾𑌪॑𑌤𑌿𑌃] 15
-𑌤 𑌸॒𑌨𑍍𑌦𑍃-𑌕𑍍𑌪𑍍𑌰॒𑌜𑌾𑌪॑𑌤𑌿𑌃 𑌪𑌰𑌮𑍇॒𑌷𑍍𑌠𑍀 𑌵𑌿॒𑌰𑌾𑌜𑌾᳚ । 𑌸𑍍𑌤𑍋𑌮𑌾॒-𑌶𑍍𑌛𑌨𑍍𑌦𑌾𑌗𑍍𑌮𑍍॑𑌸𑌿 𑌨𑌿॒𑌵𑌿𑌦𑍋॑ 𑌮 𑌆𑌹𑍁𑌰𑍇॒𑌤𑌸𑍍𑌮𑍈॑ 𑌰𑌾॒𑌷𑍍𑌟𑍍𑌰𑌮॒𑌭𑌿 𑌸-𑌨𑍍𑌨॑𑌮𑌾𑌮 ॥ 𑌅॒𑌭𑍍𑌯𑌾𑌵॑𑌰𑍍𑌤𑌦𑍍𑌧𑍍𑌵॒𑌮𑍁𑌪॒ 𑌮𑍇𑌤॑ 𑌸𑌾॒𑌕𑌮॒𑌯𑌗𑍍𑌮𑍍 𑌶𑌾॒𑌸𑍍𑌤𑌾-𑌽𑌧𑌿॑𑌪𑌤𑌿𑌰𑍍𑌵𑍋 𑌅𑌸𑍍𑌤𑍁 । 𑌅॒𑌸𑍍𑌯 𑌵𑌿॒𑌜𑍍𑌞𑌾𑌨॒𑌮𑌨𑍁॒ 𑌸𑌗𑍍𑌮𑍍 𑌰॑𑌭𑌦𑍍𑌧𑍍𑌵𑌮𑌿॒𑌮-𑌮𑍍𑌪॒𑌶𑍍𑌚𑌾𑌦𑌨𑍁॑ 𑌜𑍀𑌵𑌾𑌥॒ 𑌸𑌰𑍍𑌵𑍇᳚ ॥ 𑌰𑌾॒𑌷𑍍𑌟𑍍𑌰॒𑌭𑍃𑌤॑ 𑌏॒𑌤𑌾 𑌉𑌪॑ 𑌦𑌧𑌾𑌤𑍍𑌯𑍇॒𑌷𑌾 𑌵𑌾 𑌅॒𑌗𑍍𑌨𑍇𑌶𑍍𑌚𑌿𑌤𑍀॑ 𑌰𑌾𑌷𑍍𑌟𑍍𑌰॒𑌭𑍃-𑌤𑍍𑌤𑌯𑍈॒𑌵𑌾𑌸𑍍𑌮𑌿॑-𑌨𑍍𑌰𑌾॒𑌷𑍍𑌟𑍍𑌰-𑌨𑍍𑌦॑𑌧𑌾𑌤𑌿 𑌰𑌾॒𑌷𑍍𑌟𑍍𑌰𑌮𑍇॒𑌵 𑌭॑𑌵𑌤𑌿॒ 𑌨𑌾𑌸𑍍𑌮𑌾᳚-𑌦𑍍𑌰𑌾॒𑌷𑍍𑌟𑍍𑌰-𑌮𑍍𑌭𑍍𑌰𑌗𑍍𑌮𑍍॑𑌶𑌤𑍇 ॥ 16 ॥
(𑌭𑌾॒𑌗॒𑌧𑍇𑌯𑌂॒ – 𑌜𑍁𑌹𑍍𑌵॑𑌤𑌿 – 𑌪𑌰॒𑌮𑌾 – 𑌰𑌾॒𑌷𑍍𑌟𑍍𑌰-𑌨𑍍𑌦॑𑌧𑌾𑌤𑌿 – 𑌸॒𑌪𑍍𑌤 𑌚॑) (𑌅. 4)
𑌯𑌥𑌾॒ 𑌵𑍈 𑌪𑍁॒𑌤𑍍𑌰𑍋 𑌜𑌾॒𑌤𑍋 𑌮𑍍𑌰𑌿॒𑌯𑌤॑ 𑌏॒𑌵𑌂-𑌵𑌾𑌁 𑌏॒𑌷 𑌮𑍍𑌰𑌿॑𑌯𑌤𑍇॒ 𑌯𑌸𑍍𑌯𑌾॒𑌗𑍍𑌨𑌿𑌰𑍁𑌖𑍍𑌯॑ 𑌉॒𑌦𑍍𑌵𑌾𑌯॑𑌤𑌿॒ 𑌯𑌨𑍍𑌨𑌿॑𑌰𑍍𑌮॒𑌨𑍍𑌥𑍍𑌯॑-𑌙𑍍𑌕𑍁॒𑌰𑍍𑌯𑌾-𑌦𑍍𑌵𑌿𑌚𑍍𑌛𑌿॑𑌨𑍍𑌦𑍍𑌯𑌾॒-𑌦𑍍𑌭𑍍𑌰𑌾𑌤𑍃॑𑌵𑍍𑌯𑌮𑌸𑍍𑌮𑍈 𑌜𑌨𑌯𑍇॒-𑌥𑍍𑌸 𑌏॒𑌵 𑌪𑍁𑌨𑌃॑ 𑌪॒𑌰𑍀𑌦𑍍𑌧𑍍𑌯॒-𑌸𑍍𑌸𑍍𑌵𑌾𑌦𑍇॒𑌵𑍈𑌨𑌂॒-𑌯𑍋𑌁𑌨𑍇᳚𑌰𑍍𑌜𑌨𑌯𑌤𑌿॒ 𑌨𑌾𑌸𑍍𑌮𑍈॒ 𑌭𑍍𑌰𑌾𑌤𑍃॑𑌵𑍍𑌯-𑌞𑍍𑌜𑌨𑌯𑌤𑌿॒ 𑌤𑌮𑍋॒ 𑌵𑌾 𑌏॒𑌤-𑌙𑍍𑌗𑍃॑𑌹𑍍𑌣𑌾𑌤𑌿॒ 𑌯𑌸𑍍𑌯𑌾॒𑌗𑍍𑌨𑌿𑌰𑍁𑌖𑍍𑌯॑ 𑌉॒𑌦𑍍𑌵𑌾𑌯॑𑌤𑌿 𑌮𑍃॒𑌤𑍍𑌯𑍁𑌸𑍍𑌤𑌮𑌃॑ 𑌕𑍃॒𑌷𑍍𑌣𑌂-𑌵𑌾𑌁𑌸𑌃॑ 𑌕𑍃॒𑌷𑍍𑌣𑌾 𑌧𑍇॒𑌨𑍁𑌰𑍍𑌦𑌕𑍍𑌷𑌿॑𑌣𑌾॒ 𑌤𑌮॑𑌸𑍈॒- [𑌤𑌮॑𑌸𑌾, 𑌏॒𑌵 𑌤𑌮𑍋॑] 1
-𑌵 𑌤𑌮𑍋॑ 𑌮𑍃॒𑌤𑍍𑌯𑍁𑌮𑌪॑ 𑌹𑌤𑍇॒ 𑌹𑌿𑌰॑𑌣𑍍𑌯-𑌨𑍍𑌦𑌦𑌾𑌤𑌿॒ 𑌜𑍍𑌯𑍋𑌤𑌿॒𑌰𑍍𑌵𑍈 𑌹𑌿𑌰॑𑌣𑍍𑌯॒-𑌞𑍍𑌜𑍍𑌯𑍋𑌤𑌿॑𑌷𑍈॒𑌵 𑌤𑌮𑍋-𑌽𑌪॑ 𑌹॒𑌤𑍇-𑌽𑌥𑍋॒ 𑌤𑍇𑌜𑍋॒ 𑌵𑍈 𑌹𑌿𑌰॑𑌣𑍍𑌯॒-𑌨𑍍𑌤𑍇𑌜॑ 𑌏॒𑌵𑌾-𑌽𑌽𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌸𑍁𑌵॒𑌰𑍍𑌨 𑌘॒𑌰𑍍𑌮-𑌸𑍍𑌸𑍍𑌵𑌾𑌹𑌾॒ 𑌸𑍁𑌵॒𑌰𑍍𑌨𑌾-𑌽𑌰𑍍𑌕-𑌸𑍍𑌸𑍍𑌵𑌾𑌹𑌾॒ 𑌸𑍁𑌵॒𑌰𑍍𑌨 𑌶𑍁॒𑌕𑍍𑌰-𑌸𑍍𑌸𑍍𑌵𑌾𑌹𑌾॒ 𑌸𑍁𑌵॒𑌰𑍍𑌨 𑌜𑍍𑌯𑍋𑌤𑌿॒-𑌸𑍍𑌸𑍍𑌵𑌾𑌹𑌾॒ 𑌸𑍁𑌵॒𑌰𑍍𑌨 𑌸𑍂𑌰𑍍𑌯॒-𑌸𑍍𑌸𑍍𑌵𑌾𑌹𑌾॒ 𑌽𑌰𑍍𑌕𑍋 𑌵𑌾 𑌏॒𑌷 𑌯𑌦॒𑌗𑍍𑌨𑌿-𑌰॒𑌸𑌾-𑌵𑌾॑𑌦𑌿॒𑌤𑍍𑌯𑍋᳚- [𑌯𑌦॒𑌗𑍍𑌨𑌿-𑌰॒𑌸𑌾-𑌵𑌾॑𑌦𑌿॒𑌤𑍍𑌯𑌃, 𑌆॒𑌶𑍍𑌵॒𑌮𑍇॒𑌧𑍋 𑌯𑌦𑍇॒𑌤𑌾] 1
-𑌽𑌶𑍍𑌵𑌮𑍇॒𑌧𑍋 𑌯𑌦𑍇॒𑌤𑌾 𑌆𑌹𑍁॑𑌤𑍀 𑌰𑍍𑌜𑍁॒𑌹𑍋𑌤𑍍𑌯॑𑌰𑍍𑌕𑌾-𑌶𑍍𑌵𑌮𑍇॒𑌧𑌯𑍋॑𑌰𑍇॒𑌵 𑌜𑍍𑌯𑍋𑌤𑍀𑌗𑍍𑌮𑍍॑𑌷𑌿॒ 𑌸-𑌨𑍍𑌦॑𑌧𑌾𑌤𑍍𑌯𑍇॒𑌷 𑌹॒ 𑌤𑍍𑌵𑌾 𑌅॑𑌰𑍍𑌕𑌾𑌶𑍍𑌵𑌮𑍇॒𑌧𑍀 𑌯𑌸𑍍𑌯𑍈॒𑌤𑌦॒𑌗𑍍𑌨𑍌 𑌕𑍍𑌰𑌿॒𑌯𑌤॒ 𑌆𑌪𑍋॒ 𑌵𑌾 𑌇॒𑌦𑌮𑌗𑍍𑌰𑍇॑ 𑌸𑌲𑌿॒𑌲𑌮𑌾॑𑌸𑍀॒-𑌥𑍍𑌸 𑌏॒𑌤𑌾-𑌮𑍍𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰𑌥॒𑌮𑌾-𑌞𑍍𑌚𑌿𑌤𑌿॑𑌮𑌪𑌶𑍍𑌯॒-𑌤𑍍𑌤𑌾𑌮𑍁𑌪𑌾॑𑌧𑌤𑍍𑌤॒ 𑌤𑌦𑌿॒𑌯𑌮॑𑌭𑌵॒-𑌤𑍍𑌤𑌂-𑌵𑌿𑌁॒𑌶𑍍𑌵𑌕॑𑌰𑍍𑌮𑌾-𑌽𑌬𑍍𑌰𑌵𑍀॒𑌦𑍁𑌪॒ 𑌤𑍍𑌵𑌾-𑌽𑌽𑌯𑌾॒𑌨𑍀𑌤𑌿॒ 𑌨𑍇𑌹 𑌲𑍋॒𑌕𑍋᳚-𑌽𑌸𑍍𑌤𑍀𑌤𑍍𑌯॑- [𑌲𑍋॒𑌕𑍋᳚-𑌽𑌸𑍍𑌤𑍀𑌤𑌿॑, 𑌅॒𑌬𑍍𑌰॒𑌵𑍀॒-𑌥𑍍𑌸] 1
-𑌤𑍍𑌯𑌬𑍍𑌰𑌵𑍀॒-𑌥𑍍𑌸 𑌏॒𑌤𑌾-𑌨𑍍𑌦𑍍𑌵𑌿॒𑌤𑍀𑌯𑌾॒-𑌞𑍍𑌚𑌿𑌤𑌿॑𑌮𑌪𑌶𑍍𑌯॒-𑌤𑍍𑌤𑌾𑌮𑍁𑌪𑌾॑𑌧𑌤𑍍𑌤॒ 𑌤𑌦॒𑌨𑍍𑌤𑌰𑌿॑𑌕𑍍𑌷𑌮𑌭𑌵॒-𑌥𑍍𑌸 𑌯॒𑌜𑍍𑌞𑌃 𑌪𑍍𑌰॒𑌜𑌾𑌪॑𑌤𑌿𑌮𑌬𑍍𑌰𑌵𑍀॒𑌦𑍁𑌪॒ 𑌤𑍍𑌵𑌾-𑌽𑌽𑌯𑌾॒𑌨𑍀𑌤𑌿॒ 𑌨𑍇𑌹 𑌲𑍋॒𑌕𑍋᳚-𑌽𑌸𑍍𑌤𑍀𑌤𑍍𑌯॑𑌬𑍍𑌰𑌵𑍀॒-𑌥𑍍𑌸 𑌵𑌿॒𑌶𑍍𑌵𑌕॑𑌰𑍍𑌮𑌾𑌣-𑌮𑌬𑍍𑌰𑌵𑍀॒𑌦𑍁𑌪॒ 𑌤𑍍𑌵𑌾-𑌽𑌽𑌯𑌾॒𑌨𑍀𑌤𑌿॒ 𑌕𑍇𑌨॑ 𑌮𑍋॒𑌪𑍈𑌷𑍍𑌯॒𑌸𑍀𑌤𑌿॒ 𑌦𑌿𑌶𑍍𑌯𑌾॑𑌭𑌿॒𑌰𑌿𑌤𑍍𑌯॑𑌬𑍍𑌰𑌵𑍀॒-𑌤𑍍𑌤-𑌨𑍍𑌦𑌿𑌶𑍍𑌯𑌾॑𑌭𑌿𑌰𑍁॒𑌪𑍈-𑌤𑍍𑌤𑌾 𑌉𑌪𑌾॑𑌧𑌤𑍍𑌤॒ 𑌤𑌾 𑌦𑌿𑌶𑍋॑- [𑌤𑌾 𑌦𑌿𑌶𑌃॑, 𑌅॒𑌭॒𑌵॒𑌨𑍍-𑌥𑍍𑌸] 20
-𑌽𑌭𑌵॒𑌨𑍍-𑌥𑍍𑌸 𑌪॑𑌰𑌮𑍇॒𑌷𑍍𑌠𑍀 𑌪𑍍𑌰॒𑌜𑌾𑌪॑𑌤𑌿𑌮𑌬𑍍𑌰𑌵𑍀॒𑌦𑍁𑌪॒ 𑌤𑍍𑌵𑌾-𑌽𑌽𑌯𑌾॒𑌨𑍀𑌤𑌿॒ 𑌨𑍇𑌹 𑌲𑍋॒𑌕𑍋᳚-𑌽𑌸𑍍𑌤𑍀𑌤𑍍𑌯॑𑌬𑍍𑌰𑌵𑍀॒-𑌥𑍍𑌸 𑌵𑌿॒𑌶𑍍𑌵𑌕॑𑌰𑍍𑌮𑌾𑌣-𑌞𑍍𑌚 𑌯॒𑌜𑍍𑌞-𑌞𑍍𑌚𑌾᳚𑌬𑍍𑌰𑌵𑍀॒𑌦𑍁𑌪॑ 𑌵𑌾॒𑌮𑌾 𑌽𑌯𑌾॒𑌨𑍀𑌤𑌿॒ 𑌨𑍇𑌹 𑌲𑍋॒𑌕𑍋᳚-𑌽𑌸𑍍𑌤𑍀𑌤𑍍𑌯॑𑌬𑍍𑌰𑍂𑌤𑌾॒𑌗𑍍𑌮𑍍॒ 𑌸 𑌏॒𑌤𑌾-𑌨𑍍𑌤𑍃॒𑌤𑍀𑌯𑌾॒-𑌞𑍍𑌚𑌿𑌤𑌿॑𑌮𑌪𑌶𑍍𑌯॒-𑌤𑍍𑌤𑌾𑌮𑍁𑌪𑌾॑𑌧𑌤𑍍𑌤॒ 𑌤𑌦॒𑌸𑌾𑌵॑𑌭𑌵॒-𑌥𑍍𑌸 𑌆॑𑌦𑌿॒𑌤𑍍𑌯𑌃 𑌪𑍍𑌰॒𑌜𑌾𑌪॑𑌤𑌿-𑌮𑌬𑍍𑌰𑌵𑍀॒𑌦𑍁𑌪॒ 𑌤𑍍𑌵𑌾- [-𑌮𑌬𑍍𑌰𑌵𑍀॒𑌦𑍁𑌪॒ 𑌤𑍍𑌵𑌾, 𑌆𑌯𑌾॒𑌨𑍀𑌤𑌿॒] 21
-𑌽𑌽𑌯𑌾॒𑌨𑍀𑌤𑌿॒ 𑌨𑍇𑌹 𑌲𑍋॒𑌕𑍋᳚-𑌽𑌸𑍍𑌤𑍀𑌤𑍍𑌯॑𑌬𑍍𑌰𑌵𑍀॒-𑌥𑍍𑌸 𑌵𑌿॒𑌶𑍍𑌵𑌕॑𑌰𑍍𑌮𑌾𑌣-𑌞𑍍𑌚 𑌯॒𑌜𑍍𑌞-𑌞𑍍𑌚𑌾᳚𑌬𑍍𑌰𑌵𑍀॒𑌦𑍁𑌪॑ 𑌵𑌾॒𑌮𑌾-𑌽𑌯𑌾॒𑌨𑍀𑌤𑌿॒ 𑌨𑍇𑌹 𑌲𑍋॒𑌕𑍋᳚-𑌽𑌸𑍍𑌤𑍀𑌤𑍍𑌯॑𑌬𑍍𑌰𑍂𑌤𑌾॒𑌗𑍍𑌮𑍍॒ 𑌸 𑌪॑𑌰𑌮𑍇॒𑌷𑍍𑌠𑌿𑌨॑𑌮𑌬𑍍𑌰𑌵𑍀॒𑌦𑍁𑌪॒ 𑌤𑍍𑌵𑌾-𑌽𑌽𑌯𑌾॒𑌨𑍀𑌤𑌿॒ 𑌕𑍇𑌨॑ 𑌮𑍋॒𑌪𑍈𑌷𑍍𑌯॒𑌸𑍀𑌤𑌿॑ 𑌲𑍋𑌕-𑌮𑍍𑌪𑍃॒𑌣𑌯𑍇𑌤𑍍𑌯॑𑌬𑍍𑌰𑌵𑍀॒-𑌤𑍍𑌤𑌂-𑌲𑍋𑌁॑𑌕-𑌮𑍍𑌪𑍃॒𑌣𑌯𑍋॒𑌪𑍈-𑌤𑍍𑌤𑌸𑍍𑌮𑌾॒𑌦𑌯𑌾॑𑌤𑌯𑌾𑌮𑍍𑌨𑍀 𑌲𑍋𑌕-𑌮𑍍𑌪𑍃॒𑌣𑌾-𑌽𑌯𑌾॑𑌤𑌯𑌾𑌮𑌾॒ 𑌹𑍍𑌯॑𑌸𑌾- [𑌹𑍍𑌯॑𑌸𑍌, 𑌆॒𑌦𑌿॒𑌤𑍍𑌯𑌸𑍍𑌤𑌾𑌨𑍃𑌷॑𑌯𑍋] 22
-𑌵𑌾॑𑌦𑌿॒𑌤𑍍𑌯𑌸𑍍𑌤𑌾𑌨𑍃𑌷॑𑌯𑍋 𑌽𑌬𑍍𑌰𑍁𑌵॒𑌨𑍍𑌨𑍁𑌪॑ 𑌵॒ 𑌆-𑌽𑌯𑌾॒𑌮𑍇𑌤𑌿॒ 𑌕𑍇𑌨॑ 𑌨 𑌉॒𑌪𑍈𑌷𑍍𑌯॒𑌥𑍇𑌤𑌿॑ 𑌭𑍂॒𑌮𑍍𑌨𑍇𑌤𑍍𑌯॑𑌬𑍍𑌰𑍁𑌵॒-𑌨𑍍𑌤𑌾-𑌨𑍍𑌦𑍍𑌵𑌾𑌭𑍍𑌯𑌾॒-𑌞𑍍𑌚𑌿𑌤𑍀᳚𑌭𑍍𑌯𑌾𑌮𑍁॒𑌪𑌾𑌯॒𑌨𑍍-𑌥𑍍𑌸 𑌪𑌞𑍍𑌚॑𑌚𑌿𑌤𑍀𑌕॒-𑌸𑍍𑌸𑌮॑𑌪𑌦𑍍𑌯𑌤॒ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌭𑍂𑌯𑌾॑𑌨𑍇॒𑌵 𑌭॑𑌵𑌤𑍍𑌯॒𑌭𑍀𑌮𑌾-𑌲𑍍𑌲𑍋𑌁॒𑌕𑌾𑌞𑍍𑌜॑𑌯𑌤𑌿 𑌵𑌿॒𑌦𑍁𑌰𑍇॑𑌨-𑌨𑍍𑌦𑍇॒𑌵𑌾 𑌅𑌥𑍋॑ 𑌏॒𑌤𑌾𑌸𑌾॑𑌮𑍇॒𑌵 𑌦𑍇॒𑌵𑌤𑌾॑𑌨𑌾॒𑌗𑍍𑌮𑍍॒ 𑌸𑌾𑌯𑍁॑𑌜𑍍𑌯-𑌙𑍍𑌗𑌚𑍍𑌛𑌤𑌿 ॥ 23 ॥
(𑌤𑌮॑𑌸𑌾 – 𑌽𑌽𑌦𑌿॒𑌤𑍍𑌯𑍋᳚ – 𑌽𑌸𑍍𑌤𑍀𑌤𑌿॒ – 𑌦𑌿𑌶॑ – 𑌆𑌦𑌿॒𑌤𑍍𑌯𑌃 𑌪𑍍𑌰॒𑌜𑌾𑌪॑𑌤𑌿𑌮𑌬𑍍𑌰𑌵𑍀॒𑌦𑍁𑌪॑ 𑌤𑍍𑌵𑌾॒ – 𑌽𑌸𑍌 – 𑌪𑌞𑍍𑌚॑𑌚𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. 5)
𑌵𑌯𑍋॒ 𑌵𑌾 𑌅॒𑌗𑍍𑌨𑌿𑌰𑍍𑌯𑌦॑𑌗𑍍𑌨𑌿॒𑌚𑌿-𑌤𑍍𑌪॒𑌕𑍍𑌷𑌿𑌣𑍋᳚-𑌽𑌶𑍍𑌞𑍀॒𑌯𑌾-𑌤𑍍𑌤𑌮𑍇॒𑌵𑌾𑌗𑍍𑌨𑌿𑌮॑𑌦𑍍𑌯𑌾॒𑌦𑌾-𑌰𑍍𑌤𑌿॒𑌮𑌾𑌰𑍍𑌚𑍍𑌛𑍇᳚-𑌥𑍍𑌸𑌂𑌵𑌁𑌥𑍍𑌸॒𑌰𑌂-𑌵𑍍𑌰𑌁॒𑌤-𑌞𑍍𑌚॑𑌰𑍇-𑌥𑍍𑌸𑌂𑌵𑌁𑌥𑍍𑌸॒𑌰𑌗𑍍𑌮𑍍 𑌹𑌿 𑌵𑍍𑌰॒𑌤-𑌨𑍍𑌨𑌾𑌤𑌿॑ 𑌪॒𑌶𑍁𑌰𑍍𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰𑍍𑌹𑌿॒𑌨𑌸𑍍𑌤𑌿॒ 𑌖𑌲𑍁॒ 𑌵𑍈 𑌤-𑌮𑍍𑌪॒𑌶𑍁𑌰𑍍𑌯 𑌏॑𑌨-𑌮𑍍𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰॒𑌤𑍍𑌯𑌞𑍍𑌚॑𑌮𑍁𑌪॒𑌚𑌰॑𑌤𑌿॒ 𑌤𑌸𑍍𑌮𑌾᳚-𑌤𑍍𑌪॒𑌶𑍍𑌚𑌾-𑌤𑍍𑌪𑍍𑌰𑌾𑌂𑌉॑𑌪॒𑌚𑌰𑍍𑌯॑ 𑌆॒𑌤𑍍𑌮𑌨𑍋-𑌽𑌹𑌿𑌗𑍍𑌮𑍍॑𑌸𑌾𑌯𑍈॒ 𑌤𑍇𑌜𑍋॑-𑌽𑌸𑌿॒ 𑌤𑍇𑌜𑍋॑ 𑌮𑍇 𑌯𑌚𑍍𑌛 𑌪𑍃𑌥𑌿॒𑌵𑍀𑌂-𑌯𑌁॑𑌚𑍍𑌛 [𑌪𑍃𑌥𑌿॒𑌵𑍀𑌂-𑌯𑌁॑𑌚𑍍𑌛, 𑌪𑍃॒𑌥𑌿॒𑌵𑍍𑌯𑍈 𑌮𑌾॑ 𑌪𑌾𑌹𑌿॒] 24
𑌪𑍃𑌥𑌿॒𑌵𑍍𑌯𑍈 𑌮𑌾॑ 𑌪𑌾𑌹𑌿॒ 𑌜𑍍𑌯𑍋𑌤𑌿॑𑌰𑌸𑌿॒ 𑌜𑍍𑌯𑍋𑌤𑌿॑𑌰𑍍𑌮𑍇 𑌯𑌚𑍍𑌛𑌾॒𑌨𑍍𑌤𑌰𑌿॑𑌕𑍍𑌷𑌂-𑌯𑌁𑌚𑍍𑌛𑌾॒𑌨𑍍𑌤𑌰𑌿॑𑌕𑍍𑌷𑌾𑌨𑍍𑌮𑌾 𑌪𑌾𑌹𑌿॒ 𑌸𑍁𑌵॑𑌰𑌸𑌿॒ 𑌸𑍁𑌵॑𑌰𑍍𑌮𑍇 𑌯𑌚𑍍𑌛॒ 𑌦𑌿𑌵𑌂॑-𑌯𑌁𑌚𑍍𑌛 𑌦𑌿॒𑌵𑍋 𑌮𑌾॑ 𑌪𑌾॒𑌹𑍀𑌤𑍍𑌯𑌾॑𑌹𑍈॒𑌤𑌾𑌭𑌿॒𑌰𑍍𑌵𑌾 𑌇॒𑌮𑍇 𑌲𑍋॒𑌕𑌾 𑌵𑌿𑌧𑍃॑𑌤𑌾॒ 𑌯𑌦𑍇॒𑌤𑌾 𑌉॑𑌪॒𑌦𑌧𑌾᳚𑌤𑍍𑌯𑍇॒𑌷𑌾𑌂-𑌲𑍋𑌁॒𑌕𑌾𑌨𑌾𑌂॒-𑌵𑌿𑌁𑌧𑍃॑𑌤𑍍𑌯𑍈 𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾 𑌉॑𑌪॒𑌧𑌾𑌯॑ 𑌹𑌿𑌰𑌣𑍍𑌯𑍇𑌷𑍍𑌟॒𑌕𑌾 𑌉𑌪॑𑌦𑌧𑌾𑌤𑍀॒𑌮𑍇 𑌵𑍈 𑌲𑍋॒𑌕𑌾-𑌸𑍍𑌸𑍍𑌵॑𑌯𑌮𑌾𑌤𑍃॒𑌣𑍍𑌣𑌾 𑌜𑍍𑌯𑍋𑌤𑌿॒𑌰𑍍॒𑌹𑌿𑌰॑𑌣𑍍𑌯𑌂॒-𑌯𑌁-𑌥𑍍𑌸𑍍𑌵॑𑌯𑌮𑌾𑌤𑍃॒𑌣𑍍𑌣𑌾 𑌉॑𑌪॒𑌧𑌾𑌯॑ [𑌉॑𑌪॒𑌧𑌾𑌯॑, 𑌹𑌿॒𑌰॒𑌣𑍍𑌯𑍇॒𑌷𑍍𑌟॒𑌕𑌾 𑌉॑𑌪॒𑌦𑌧𑌾॑𑌤𑍀॒-] 25
𑌹𑌿𑌰𑌣𑍍𑌯𑍇𑌷𑍍𑌟॒𑌕𑌾 𑌉॑𑌪॒𑌦𑌧𑌾॑𑌤𑍀॒𑌮𑌾-𑌨𑍇॒𑌵𑍈𑌤𑌾𑌭𑌿॑-𑌰𑍍𑌲𑍋॒𑌕𑌾-𑌞𑍍𑌜𑍍𑌯𑍋𑌤𑌿॑𑌷𑍍𑌮𑌤𑌃 𑌕𑍁𑌰𑍁॒𑌤𑍇-𑌽𑌥𑍋॑ 𑌏॒𑌤𑌾𑌭𑌿॑𑌰𑍇॒𑌵𑌾𑌸𑍍𑌮𑌾॑ 𑌇॒𑌮𑍇 𑌲𑍋॒𑌕𑌾𑌃 𑌪𑍍𑌰 𑌭𑌾᳚𑌨𑍍𑌤𑌿॒ 𑌯𑌾𑌸𑍍𑌤𑍇॑ 𑌅𑌗𑍍𑌨𑍇॒ 𑌸𑍂𑌰𑍍𑌯𑍇॒ 𑌰𑍁𑌚॑ 𑌉𑌦𑍍𑌯॒𑌤𑍋 𑌦𑌿𑌵॑𑌮𑌾𑌤॒𑌨𑍍𑌵𑌨𑍍𑌤𑌿॑ 𑌰॒𑌶𑍍𑌮𑌿𑌭𑌿𑌃॑ । 𑌤𑌾𑌭𑌿॒-𑌸𑍍𑌸𑌰𑍍𑌵𑌾॑𑌭𑍀 𑌰𑍁॒𑌚𑍇 𑌜𑌨𑌾॑𑌯 𑌨𑌸𑍍𑌕𑍃𑌧𑌿 ॥ 𑌯𑌾 𑌵𑍋॑ 𑌦𑍇𑌵𑌾॒-𑌸𑍍𑌸𑍂𑌰𑍍𑌯𑍇॒ 𑌰𑍁𑌚𑍋॒ 𑌗𑍋𑌷𑍍𑌵𑌶𑍍𑌵𑍇॑𑌷𑍁॒ 𑌯𑌾 𑌰𑍁𑌚𑌃॑ । 𑌇𑌨𑍍𑌦𑍍𑌰𑌾᳚𑌗𑍍𑌨𑍀॒ 𑌤𑌾𑌭𑌿॒-𑌸𑍍𑌸𑌰𑍍𑌵𑌾॑𑌭𑍀॒ 𑌰𑍁𑌚॑-𑌨𑍍𑌨𑍋 𑌧𑌤𑍍𑌤 𑌬𑍃𑌹𑌸𑍍𑌪𑌤𑍇 ॥ 𑌰𑍁𑌚॑𑌨𑍍𑌨𑍋 𑌧𑍇𑌹𑌿 [𑌧𑍇𑌹𑌿, 𑌬𑍍𑌰𑌾॒𑌹𑍍𑌮॒𑌣𑍇𑌷𑍁॒ 𑌰𑍁𑌚॒𑌗𑍍𑌮𑍍॒] 26
𑌬𑍍𑌰𑌾𑌹𑍍𑌮॒𑌣𑍇𑌷𑍁॒ 𑌰𑍁𑌚॒𑌗𑍍𑌮𑍍॒ 𑌰𑌾𑌜॑𑌸𑍁 𑌨𑌸𑍍𑌕𑍃𑌧𑌿 । 𑌰𑍁𑌚𑌂॑-𑌵𑌿𑌁॒𑌶𑍍𑌯𑍇॑𑌷𑍁 𑌶𑍂॒𑌦𑍍𑌰𑍇𑌷𑍁॒ 𑌮𑌯𑌿॑ 𑌧𑍇𑌹𑌿 𑌰𑍁॒𑌚𑌾 𑌰𑍁𑌚᳚𑌮𑍍 ॥ 𑌦𑍍𑌵𑍇॒𑌧𑌾 𑌵𑌾 𑌅॒𑌗𑍍𑌨𑌿-𑌞𑍍𑌚𑌿॑𑌕𑍍𑌯𑌾॒𑌨𑌸𑍍𑌯॒ 𑌯𑌶॑ 𑌇𑌨𑍍𑌦𑍍𑌰𑌿॒𑌯-𑌙𑍍𑌗॑𑌚𑍍𑌛𑌤𑍍𑌯॒𑌗𑍍𑌨𑌿𑌂-𑌵𑌾𑌁॑ 𑌚𑌿॒𑌤𑌮𑍀॑𑌜𑌾॒𑌨𑌂-𑌵𑌾𑌁॒ 𑌯𑌦𑍇॒𑌤𑌾 𑌆𑌹𑍁॑𑌤𑍀𑌰𑍍𑌜𑍁॒𑌹𑍋𑌤𑍍𑌯𑌾॒𑌤𑍍𑌮𑌨𑍍𑌨𑍇॒𑌵 𑌯𑌶॑ 𑌇𑌨𑍍𑌦𑍍𑌰𑌿॒𑌯-𑌨𑍍𑌧॑𑌤𑍍𑌤 𑌈𑌶𑍍𑌵॒𑌰𑍋 𑌵𑌾 𑌏॒𑌷 𑌆𑌰𑍍𑌤𑌿॒𑌮𑌾𑌰𑍍𑌤𑍋॒𑌰𑍍𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॒𑌨𑍍𑌵𑌨𑍍𑌨॑𑌧𑌿॒ 𑌕𑍍𑌰𑌾𑌮॑𑌤𑌿॒ 𑌤𑌤𑍍𑌤𑍍𑌵𑌾॑ 𑌯𑌾𑌮𑌿॒ 𑌬𑍍𑌰𑌹𑍍𑌮॑𑌣𑌾॒ 𑌵𑌨𑍍𑌦॑𑌮𑌾𑌨॒ 𑌇𑌤𑌿॑ 𑌵𑌾𑌰𑍁॒𑌣𑍍𑌯𑌰𑍍𑌚𑌾 [𑌇𑌤𑌿॑ 𑌵𑌾𑌰𑍁॒𑌣𑍍𑌯𑌰𑍍𑌚𑌾, 𑌜𑍁॒𑌹𑍁॒𑌯𑌾॒𑌚𑍍𑌛𑌾𑌨𑍍𑌤𑌿॑-] 2
𑌜𑍁॑𑌹𑍁𑌯𑌾॒𑌚𑍍𑌛𑌾𑌨𑍍𑌤𑌿॑-𑌰𑍇॒𑌵𑍈𑌷𑌾 𑌽𑌗𑍍𑌨𑍇𑌰𑍍𑌗𑍁𑌪𑍍𑌤𑌿॑𑌰𑌾॒𑌤𑍍𑌮𑌨𑍋॑ 𑌹॒𑌵𑌿𑌷𑍍𑌕𑍃॑𑌤𑍋॒ 𑌵𑌾 𑌏॒𑌷 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌯𑌥𑌾॒ 𑌵𑍈 𑌹॒𑌵𑌿-𑌸𑍍𑌸𑍍𑌕𑌨𑍍𑌦॑𑌤𑍍𑌯𑍇॒𑌵𑌂-𑌵𑌾𑌁 𑌏॒𑌷 𑌸𑍍𑌕॑𑌨𑍍𑌦𑌤𑌿॒ 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॒𑌤𑍍𑌵𑌾 𑌸𑍍𑌤𑍍𑌰𑌿𑌯॑𑌮𑍁॒𑌪𑍈𑌤𑌿॑ 𑌮𑍈𑌤𑍍𑌰𑌾𑌵𑌰𑍁॒𑌣𑍍𑌯𑌾-𑌽𑌽𑌮𑌿𑌕𑍍𑌷॑𑌯𑌾 𑌯𑌜𑍇𑌤 𑌮𑍈𑌤𑍍𑌰𑌾𑌵𑌰𑍁॒𑌣𑌤𑌾॑-𑌮𑍇॒𑌵𑍋𑌪𑍈᳚𑌤𑍍𑌯𑌾॒𑌤𑍍𑌮𑌨𑍋 𑌽𑌸𑍍𑌕॑𑌨𑍍𑌦𑌾𑌯॒ 𑌯𑍋 𑌵𑌾 𑌅॒𑌗𑍍𑌨𑌿𑌮𑍃॑𑌤𑍁॒𑌸𑍍𑌥𑌾𑌂-𑌵𑍇𑌁𑌦॒𑌰𑍍𑌤𑍁𑌰𑍍-𑌋॑𑌤𑍁𑌰𑌸𑍍𑌮𑍈॒ 𑌕𑌲𑍍𑌪॑𑌮𑌾𑌨 𑌏𑌤𑌿॒ 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿 𑌸𑌂𑌵𑌁𑌥𑍍𑌸॒𑌰𑍋 𑌵𑌾 𑌅॒𑌗𑍍𑌨𑌿𑌰𑍍- [𑌵𑌾 𑌅॒𑌗𑍍𑌨𑌿𑌃, 𑌋॒𑌤𑍁॒𑌸𑍍𑌥𑌾-𑌸𑍍𑌤𑌸𑍍𑌯॑] 2
-𑌋॑𑌤𑍁॒𑌸𑍍𑌥𑌾-𑌸𑍍𑌤𑌸𑍍𑌯॑ 𑌵𑌸॒𑌨𑍍𑌤-𑌶𑍍𑌶𑌿𑌰𑍋᳚ 𑌗𑍍𑌰𑍀॒𑌷𑍍𑌮𑍋 𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑍋 𑌵॒𑌰𑍍॒𑌷𑌾𑌃 𑌪𑍁𑌚𑍍𑌛𑌗𑍍𑌮𑍍॑ 𑌶॒𑌰𑌦𑍁𑌤𑍍𑌤॑𑌰𑌃 𑌪॒𑌕𑍍𑌷𑍋 𑌹𑍇॑𑌮॒𑌨𑍍𑌤𑍋 𑌮𑌦𑍍𑌧𑍍𑌯॑-𑌮𑍍𑌪𑍂𑌰𑍍𑌵𑌪॒𑌕𑍍𑌷𑌾-𑌶𑍍𑌚𑌿𑌤॑𑌯𑍋-𑌽𑌪𑌰𑌪॒𑌕𑍍𑌷𑌾𑌃 𑌪𑍁𑌰𑍀॑𑌷-𑌮𑌹𑍋𑌰𑌾॒𑌤𑍍𑌰𑌾𑌣𑍀𑌷𑍍𑌟॑𑌕𑌾 𑌏॒𑌷 𑌵𑌾 𑌅॒𑌗𑍍𑌨𑌿𑌰𑍍-𑌋॑𑌤𑍁॒𑌸𑍍𑌥𑌾 𑌯 𑌏॒𑌵𑌂-𑌵𑍇𑌁𑌦॒𑌰𑍍𑌤𑍁𑌰𑍍-𑌋॑𑌤𑍁𑌰𑌸𑍍𑌮𑍈॒ 𑌕𑌲𑍍𑌪॑𑌮𑌾𑌨 𑌏𑌤𑌿॒ 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌏॒𑌤-𑌞𑍍𑌜𑍍𑌯𑍈𑌷𑍍𑌠𑍍𑌯॑𑌕𑌾𑌮𑍋॒ 𑌨𑍍𑌯॑𑌧𑌤𑍍𑌤॒ 𑌤𑌤𑍋॒ 𑌵𑍈 𑌸 𑌜𑍍𑌯𑍈𑌷𑍍𑌠𑍍𑌯॑𑌮𑌗𑌚𑍍𑌛॒𑌦𑍍𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌜𑍍𑌯𑍈𑌷𑍍𑌠𑍍𑌯॑𑌮𑍇॒𑌵 𑌗॑𑌚𑍍𑌛𑌤𑌿 ॥ 2 ॥
(𑌪𑍃॒𑌥𑌿॒𑌵𑍀𑌂-𑌯𑌁॑𑌚𑍍𑌛॒ – 𑌯-𑌥𑍍𑌸𑍍𑌵॑𑌯𑌮𑌾𑌤𑍃॒𑌣𑍍𑌣𑌾 𑌉॑𑌪॒𑌧𑌾𑌯॑ – 𑌧𑍇𑌹𑍍𑌯𑍃॒ – 𑌚𑌾 – 𑌗𑍍𑌨𑌿 – 𑌶𑍍𑌚𑌿॑𑌨𑍁॒𑌤𑍇 – 𑌤𑍍𑌰𑍀𑌣𑌿॑ 𑌚) (𑌅. 6)
𑌯𑌦𑌾𑌕𑍂॑𑌤𑌾-𑌥𑍍𑌸॒𑌮𑌸𑍁॑𑌸𑍍𑌰𑍋𑌦𑍍𑌧𑍃॒𑌦𑍋 𑌵𑌾॒ 𑌮𑌨॑𑌸𑍋 𑌵𑌾॒ 𑌸𑌮𑍍𑌭𑍃॑𑌤॒-𑌞𑍍𑌚𑌕𑍍𑌷𑍁॑𑌷𑍋 𑌵𑌾 । 𑌤𑌮𑌨𑍁॒ 𑌪𑍍𑌰𑍇𑌹𑌿॑ 𑌸𑍁𑌕𑍃॒𑌤𑌸𑍍𑌯॑ 𑌲𑍋॒𑌕𑌂-𑌯𑌁𑌤𑍍𑌰𑌰𑍍𑌷॑𑌯𑌃 𑌪𑍍𑌰𑌥𑌮॒𑌜𑌾 𑌯𑍇 𑌪𑍁॑𑌰𑌾॒𑌣𑌾𑌃 ॥ 𑌏॒𑌤𑌗𑍍𑌮𑍍 𑌸॑𑌧𑌸𑍍𑌥॒ 𑌪𑌰𑌿॑ 𑌤𑍇 𑌦𑌦𑌾𑌮𑌿॒ 𑌯𑌮𑌾॒𑌵𑌹𑌾᳚𑌚𑍍𑌛𑍇𑌵॒𑌧𑌿-𑌞𑍍𑌜𑌾॒𑌤𑌵𑍇॑𑌦𑌾𑌃 । 𑌅॒𑌨𑍍𑌵𑌾॒𑌗॒𑌨𑍍𑌤𑌾 𑌯॒𑌜𑍍𑌞𑌪॑𑌤𑌿𑌰𑍍𑌵𑍋॒ 𑌅𑌤𑍍𑌰॒ 𑌤𑌗𑍍𑌗𑍍 𑌸𑍍𑌮॑ 𑌜𑌾𑌨𑍀𑌤 𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 ॥ 𑌜𑌾॒𑌨𑍀॒𑌤𑌾𑌦𑍇॑𑌨-𑌮𑍍𑌪𑌰॒𑌮𑍇 𑌵𑍍𑌯𑍋॑𑌮॒-𑌨𑍍𑌦𑍇𑌵𑌾᳚-𑌸𑍍𑌸𑌧𑌸𑍍𑌥𑌾 𑌵𑌿॒𑌦 𑌰𑍂॒𑌪𑌮॑𑌸𑍍𑌯 । 𑌯𑌦𑌾॒𑌗𑌚𑍍𑌛𑌾᳚- [𑌯𑌦𑌾॒𑌗𑌚𑍍𑌛𑌾᳚𑌤𑍍, 𑌪॒𑌥𑌿𑌭𑌿॑-𑌰𑍍𑌦𑍇𑌵॒𑌯𑌾𑌨𑍈॑] 30
-𑌤𑍍𑌪॒𑌥𑌿𑌭𑌿॑-𑌰𑍍𑌦𑍇𑌵॒𑌯𑌾𑌨𑍈॑-𑌰𑌿𑌷𑍍𑌟𑌾𑌪𑍂॒𑌰𑍍𑌤𑍇 𑌕𑍃॑𑌣𑍁𑌤𑌾-𑌦𑌾॒𑌵𑌿-𑌰॑𑌸𑍍𑌮𑍈 ॥ 𑌸-𑌮𑍍𑌪𑍍𑌰 𑌚𑍍𑌯॑𑌵𑌦𑍍𑌧𑍍𑌵॒-𑌮𑌨𑍁॒ 𑌸-𑌮𑍍𑌪𑍍𑌰 𑌯𑌾॒𑌤𑌾𑌗𑍍𑌨𑍇॑ 𑌪॒𑌥𑍋 𑌦𑍇॑𑌵॒𑌯𑌾𑌨𑌾᳚𑌨𑍍 𑌕𑍃𑌣𑍁𑌦𑍍𑌧𑍍𑌵𑌮𑍍 । 𑌅॒𑌸𑍍𑌮𑌿𑌨𑍍-𑌥𑍍𑌸॒𑌧𑌸𑍍𑌥𑍇॒ 𑌅𑌦𑍍𑌧𑍍𑌯𑍁𑌤𑍍𑌤॑𑌰𑌸𑍍𑌮𑌿॒𑌨𑍍 𑌵𑌿𑌶𑍍𑌵𑍇॑ 𑌦𑍇𑌵𑌾॒ 𑌯𑌜॑𑌮𑌾𑌨𑌶𑍍𑌚 𑌸𑍀𑌦𑌤 ॥ 𑌪𑍍𑌰॒𑌸𑍍𑌤॒𑌰𑍇𑌣॑ 𑌪𑌰𑌿॒𑌧𑌿𑌨𑌾᳚ 𑌸𑍍𑌰𑍁॒𑌚𑌾 𑌵𑍇𑌦𑍍𑌯𑌾॑ 𑌚 𑌬॒𑌰𑍍॒𑌹𑌿𑌷𑌾᳚ । 𑌋॒𑌚𑍇𑌮𑌂-𑌯𑌁॒𑌜𑍍𑌞-𑌨𑍍𑌨𑍋॑ 𑌵𑌹॒ 𑌸𑍁𑌵॑𑌰𑍍𑌦𑍇॒𑌵𑍇𑌷𑍁॒ 𑌗𑌨𑍍𑌤॑𑌵𑍇 ॥ 𑌯𑌦𑌿॒𑌷𑍍𑌟𑌂-𑌯𑌁-𑌤𑍍𑌪॑𑌰𑌾॒𑌦𑌾𑌨𑌂॒-𑌯𑌁𑌦𑍍𑌦॒𑌤𑍍𑌤𑌂-𑌯𑌾𑌁 𑌚॒ 𑌦𑌕𑍍𑌷𑌿॑𑌣𑌾 । 𑌤- [𑌤𑌤𑍍, 𑌅॒𑌗𑍍𑌨𑌿-] 31
-𑌦॒𑌗𑍍𑌨𑌿-𑌰𑍍𑌵𑍈᳚𑌶𑍍𑌵𑌕𑌰𑍍𑌮॒𑌣-𑌸𑍍𑌸𑍁𑌵॑𑌰𑍍𑌦𑍇॒𑌵𑍇𑌷𑍁॑ 𑌨𑍋 𑌦𑌧𑌤𑍍 ॥ 𑌯𑍇𑌨𑌾॑ 𑌸॒𑌹𑌸𑍍𑌰𑌂॒-𑌵𑌁𑌹॑𑌸𑌿॒ 𑌯𑍇𑌨𑌾᳚𑌗𑍍𑌨𑍇 𑌸𑌰𑍍𑌵𑌵𑍇𑌦॒𑌸𑌮𑍍 । 𑌤𑍇𑌨𑍇॒𑌮𑌂-𑌯𑌁॒𑌜𑍍𑌞-𑌨𑍍𑌨𑍋॑ 𑌵𑌹॒ 𑌸𑍁𑌵॑𑌰𑍍𑌦𑍇॒𑌵𑍇𑌷𑍁॒ 𑌗𑌨𑍍𑌤॑𑌵𑍇 ॥ 𑌯𑍇𑌨𑌾᳚𑌗𑍍𑌨𑍇॒ 𑌦𑌕𑍍𑌷𑌿॑𑌣𑌾 𑌯𑍁॒𑌕𑍍𑌤𑌾 𑌯॒𑌜𑍍𑌞𑌂-𑌵𑌁𑌹॑𑌨𑍍𑌤𑍍𑌯𑍃॒𑌤𑍍𑌵𑌿𑌜𑌃॑ । 𑌤𑍇𑌨𑍇॒𑌮𑌂-𑌯𑌁॒𑌜𑍍𑌞-𑌨𑍍𑌨𑍋॑ 𑌵𑌹॒ 𑌸𑍁𑌵॑𑌰𑍍𑌦𑍇॒𑌵𑍇𑌷𑍁॒ 𑌗𑌨𑍍𑌤॑𑌵𑍇 ॥ 𑌯𑍇𑌨𑌾᳚-𑌽𑌗𑍍𑌨𑍇 𑌸𑍁॒𑌕𑍃𑌤𑌃॑ 𑌪॒𑌥𑌾 𑌮𑌧𑍋॒𑌰𑍍𑌧𑌾𑌰𑌾᳚ 𑌵𑍍𑌯𑌾𑌨॒𑌶𑍁𑌃 । 𑌤𑍇𑌨𑍇॒𑌮𑌂-𑌯𑌁॒𑌜𑍍𑌞-𑌨𑍍𑌨𑍋॑ 𑌵𑌹॒ 𑌸𑍁𑌵॑𑌰𑍍𑌦𑍇॒𑌵𑍇𑌷𑍁॒ 𑌗𑌨𑍍𑌤॑𑌵𑍇 ॥ 𑌯𑌤𑍍𑌰॒ 𑌧𑌾𑌰𑌾॒ 𑌅𑌨॑𑌪𑍇𑌤𑌾॒ 𑌮𑌧𑍋᳚𑌰𑍍𑌘𑍃॒𑌤𑌸𑍍𑌯॑ 𑌚॒ 𑌯𑌾𑌃 । 𑌤𑌦॒𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌕𑌰𑍍𑌮॒𑌣-𑌸𑍍𑌸𑍁𑌵॑𑌰𑍍𑌦𑍇॒𑌵𑍇𑌷𑍁॑ 𑌨𑍋 𑌦𑌧𑌤𑍍 ॥ 32 ॥
(𑌆॒𑌗𑌚𑍍𑌛𑌾॒𑌤𑍍 – 𑌤 – 𑌦𑍍𑌵𑌯𑌾॑𑌨॒𑌶𑍁 𑌸𑍍𑌤𑍇𑌨𑍇॒𑌮𑌂-𑌯𑌁॒𑌜𑍍𑌞-𑌨𑍍𑌨𑍋॑ 𑌵𑌹॒ 𑌸𑍁𑌵॑𑌰𑍍𑌦𑍇॒𑌵𑍇𑌷𑍁॒ 𑌗𑌨𑍍𑌤॑𑌵𑍇॒ – 𑌚𑌤𑍁॑𑌰𑍍𑌦𑌶 𑌚) (𑌅. )
𑌯𑌾𑌸𑍍𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌧𑍋॒ 𑌯𑌾𑌨𑌿॒ 𑌧𑌾𑌮॒ 𑌯𑌾 𑌜𑌿॒𑌹𑍍𑌵𑌾 𑌜𑌾॑𑌤𑌵𑍇𑌦𑍋॒ 𑌯𑍋 𑌅॒𑌰𑍍𑌚𑌿𑌃 । 𑌯𑍇 𑌤𑍇॑ 𑌅𑌗𑍍𑌨𑍇 𑌮𑍇॒𑌡𑌯𑍋॒ 𑌯 𑌇𑌨𑍍𑌦॑𑌵॒𑌸𑍍𑌤𑍇𑌭𑌿॑𑌰𑌾॒𑌤𑍍𑌮𑌾𑌨॑-𑌞𑍍𑌚𑌿𑌨𑍁𑌹𑌿 𑌪𑍍𑌰𑌜𑌾॒𑌨𑌨𑍍𑌨𑍍 ॥ 𑌉॒𑌥𑍍𑌸॒𑌨𑍍𑌨॒𑌯॒𑌜𑍍𑌞𑍋 𑌵𑌾 𑌏॒𑌷 𑌯𑌦॒𑌗𑍍𑌨𑌿𑌃 𑌕𑌿𑌂-𑌵𑌾𑌁-𑌽𑌹𑍈॒𑌤𑌸𑍍𑌯॑ 𑌕𑍍𑌰𑌿॒𑌯𑌤𑍇॒ 𑌕𑌿𑌂-𑌵𑌾𑌁॒ 𑌨 𑌯𑌦𑍍𑌵𑌾 𑌅॑𑌦𑍍𑌧𑍍𑌵॒𑌰𑍍𑌯𑍁-𑌰॒𑌗𑍍𑌨𑍇𑌶𑍍𑌚𑌿॒𑌨𑍍𑌵𑌨𑍍𑌨॑-𑌨𑍍𑌤॒𑌰𑍇𑌤𑍍𑌯𑌾॒𑌤𑍍𑌮𑌨𑍋॒ 𑌵𑍈 𑌤𑌦॒𑌨𑍍𑌤𑌰𑍇॑𑌤𑌿॒ 𑌯𑌾𑌸𑍍𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌧𑍋॒ 𑌯𑌾𑌨𑌿॒ [𑌸॒𑌮𑌿𑌧𑍋॒ 𑌯𑌾𑌨𑌿॑, 𑌧𑌾𑌮𑍇𑌤𑍍𑌯𑌾॑𑌹𑍈॒𑌷𑌾] 33
𑌧𑌾𑌮𑍇𑌤𑍍𑌯𑌾॑𑌹𑍈॒𑌷𑌾 𑌵𑌾 𑌅॒𑌗𑍍𑌨𑍇-𑌸𑍍𑌸𑍍𑌵॑𑌯-𑌞𑍍𑌚𑌿॒𑌤𑌿𑌰॒𑌗𑍍𑌨𑌿𑌰𑍇॒𑌵 𑌤𑌦॒𑌗𑍍𑌨𑌿-𑌞𑍍𑌚𑌿॑𑌨𑍋𑌤𑌿॒ 𑌨𑌾𑌦𑍍𑌧𑍍𑌵॒𑌰𑍍𑌯𑍁𑌰𑌾॒𑌤𑍍𑌮𑌨𑍋॒-𑌽𑌨𑍍𑌤𑌰𑍇॑𑌤𑌿॒ 𑌚𑌤॑𑌸𑍍𑌰॒ 𑌆𑌶𑌾𑌃॒ 𑌪𑍍𑌰𑌚॑𑌰𑌨𑍍𑌤𑍍𑌵॒𑌗𑍍𑌨𑌯॑ 𑌇॒𑌮-𑌨𑍍𑌨𑍋॑ 𑌯॒𑌜𑍍𑌞-𑌨𑍍𑌨॑𑌯𑌤𑍁 𑌪𑍍𑌰𑌜𑌾॒𑌨𑌨𑍍𑌨𑍍 । 𑌘𑍃॒𑌤-𑌮𑍍𑌪𑌿𑌨𑍍𑌵॑𑌨𑍍𑌨॒𑌜𑌰𑌗𑍍𑌮𑍍॑ 𑌸𑍁॒𑌵𑍀𑌰॒-𑌮𑍍𑌬𑍍𑌰𑌹𑍍𑌮॑ 𑌸॒𑌮𑌿-𑌦𑍍𑌭॑𑌵॒𑌤𑍍𑌯𑌾𑌹𑍁॑𑌤𑍀𑌨𑌾𑌮𑍍 ॥ 𑌸𑍁॒𑌵॒𑌰𑍍𑌗𑌾𑌯॒ 𑌵𑌾 𑌏॒𑌷 𑌲𑍋॒𑌕𑌾𑌯𑍋𑌪॑ 𑌧𑍀𑌯𑌤𑍇॒ 𑌯-𑌤𑍍𑌕𑍂॒𑌰𑍍𑌮𑌶𑍍𑌚𑌤॑𑌸𑍍𑌰॒ 𑌆𑌶𑌾𑌃॒ 𑌪𑍍𑌰 𑌚॑𑌰𑌨𑍍𑌤𑍍𑌵॒𑌗𑍍𑌨𑌯॒ 𑌇𑌤𑍍𑌯𑌾॑𑌹॒ [𑌇𑌤𑍍𑌯𑌾॑𑌹, 𑌦𑌿𑌶॑ 𑌏॒𑌵𑍈𑌤𑍇𑌨॒] 34
𑌦𑌿𑌶॑ 𑌏॒𑌵𑍈𑌤𑍇𑌨॒ 𑌪𑍍𑌰 𑌜𑌾॑𑌨𑌾𑌤𑍀॒𑌮-𑌨𑍍𑌨𑍋॑ 𑌯॒𑌜𑍍𑌞-𑌨𑍍𑌨॑𑌯𑌤𑍁 𑌪𑍍𑌰𑌜𑌾॒𑌨𑌨𑍍𑌨𑌿𑌤𑍍𑌯𑌾॑𑌹 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾॒𑌭𑌿𑌨𑍀᳚𑌤𑍍𑌯𑍈॒ 𑌬𑍍𑌰𑌹𑍍𑌮॑ 𑌸॒𑌮𑌿-𑌦𑍍𑌭॑𑌵॒𑌤𑍍𑌯𑌾𑌹𑍁॑𑌤𑍀𑌨𑌾॒-𑌮𑌿𑌤𑍍𑌯𑌾॑𑌹॒ 𑌬𑍍𑌰𑌹𑍍𑌮॑𑌣𑌾॒ 𑌵𑍈 𑌦𑍇॒𑌵𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒𑌨𑍍॒ 𑌯-𑌦𑍍𑌬𑍍𑌰𑌹𑍍𑌮॑𑌣𑍍𑌵𑌤𑍍𑌯𑍋𑌪॒𑌦𑌧𑌾॑𑌤𑌿॒ 𑌬𑍍𑌰𑌹𑍍𑌮॑𑌣𑍈॒𑌵 𑌤-𑌦𑍍𑌯𑌜॑𑌮𑌾𑌨-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌏॒𑌷 𑌯𑌦॒𑌗𑍍𑌨𑌿𑌸𑍍𑌤𑌸𑍍𑌯॑ 𑌪𑍍𑌰॒𑌜𑌾𑌃 𑌪॒𑌶𑌵॒-𑌶𑍍𑌛𑌨𑍍𑌦𑌾𑌗𑍍𑌮𑍍॑𑌸𑌿 𑌰𑍂॒𑌪𑌗𑍍𑌮𑍍 𑌸𑌰𑍍𑌵𑌾॒𑌨𑍍॒ 𑌵𑌰𑍍𑌣𑌾॒𑌨𑌿𑌷𑍍𑌟॑𑌕𑌾𑌨𑌾-𑌙𑍍𑌕𑍁𑌰𑍍𑌯𑌾-𑌦𑍍𑌰𑍂॒𑌪𑍇𑌣𑍈॒𑌵 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍 𑌛𑌨𑍍𑌦𑌾॒𑌗𑍍॒𑌸𑍍𑌯𑌵॑ 𑌰𑍁॒𑌨𑍍𑌧𑍇-𑌽𑌥𑍋᳚ 𑌪𑍍𑌰॒𑌜𑌾𑌭𑍍𑌯॑ 𑌏॒𑌵𑍈𑌨॑-𑌮𑍍𑌪॒𑌶𑍁𑌭𑍍𑌯॒-𑌶𑍍𑌛𑌨𑍍𑌦𑍋᳚𑌭𑍍𑌯𑍋 𑌽𑌵॒𑌰𑍁𑌦𑍍𑌧𑍍𑌯॑ 𑌚𑌿𑌨𑍁𑌤𑍇 ॥ 35 ॥
(𑌯𑌾𑌨𑍍𑌯॒ – 𑌗𑍍𑌨𑌯॒ 𑌇𑌤𑍍𑌯𑌾॒𑌹𑍇 – 𑌷𑍍𑌟॑𑌕𑌾𑌨𑌾॒𑌗𑍍𑌮𑍍॒ – 𑌷𑍋𑌡॑𑌶 𑌚) (𑌅. )
𑌮𑌯𑌿॑ 𑌗𑍃𑌹𑍍𑌣𑌾॒𑌮𑍍𑌯𑌗𑍍𑌰𑍇॑ 𑌅॒𑌗𑍍𑌨𑌿𑌗𑍍𑌮𑍍 𑌰𑌾॒𑌯𑌸𑍍𑌪𑍋𑌷𑌾॑𑌯 𑌸𑍁𑌪𑍍𑌰𑌜𑌾॒𑌸𑍍𑌤𑍍𑌵𑌾𑌯॑ 𑌸𑍁॒𑌵𑍀𑌰𑍍𑌯𑌾॑𑌯 । 𑌮𑌯𑌿॑ 𑌪𑍍𑌰॒𑌜𑌾-𑌮𑍍𑌮𑌯𑌿॒ 𑌵𑌰𑍍𑌚𑍋॑ 𑌦𑌧𑌾॒𑌮𑍍𑌯𑌰𑌿॑𑌷𑍍𑌟𑌾-𑌸𑍍𑌸𑍍𑌯𑌾𑌮 𑌤॒𑌨𑍁𑌵𑌾॑ 𑌸𑍁॒𑌵𑍀𑌰𑌾𑌃᳚ ॥ 𑌯𑍋 𑌨𑍋॑ 𑌅॒𑌗𑍍𑌨𑌿𑌃 𑌪𑌿॑𑌤𑌰𑍋 𑌹𑍃॒𑌥𑍍𑌸𑍍𑌵॑𑌨𑍍𑌤𑌰𑌮॑𑌰𑍍𑌤𑍍𑌯𑍋॒ 𑌮𑌰𑍍𑌤𑍍𑌯𑌾𑌗𑍍𑌮𑍍॑ 𑌆𑌵𑌿॒𑌵𑍇𑌶॑ । 𑌤𑌮𑌾॒𑌤𑍍𑌮-𑌨𑍍𑌪𑌰𑌿॑ 𑌗𑍃𑌹𑍍𑌣𑍀𑌮𑌹𑍇 𑌵॒𑌯-𑌮𑍍𑌮𑌾 𑌸𑍋 𑌅॒𑌸𑍍𑌮𑌾𑌗𑍍𑌮𑍍 𑌅॑𑌵॒𑌹𑌾𑌯॒ 𑌪𑌰𑌾॑ 𑌗𑌾𑌤𑍍 ॥ 𑌯𑌦॑𑌦𑍍𑌧𑍍𑌵॒𑌰𑍍𑌯𑍁𑌰𑌾॒𑌤𑍍𑌮𑌨𑍍𑌨॒𑌗𑍍𑌨𑌿𑌮-𑌗𑍃॑𑌹𑍀𑌤𑍍𑌵𑌾॒-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌯𑌾𑌦𑍍𑌯𑍋᳚-𑌽𑌸𑍍𑌯॒ 𑌸𑍍𑌵𑍋᳚-𑌽𑌗𑍍𑌨𑌿𑌸𑍍𑌤𑌮𑌪𑌿॒ [𑌸𑍍𑌵𑍋᳚-𑌽𑌗𑍍𑌨𑌿𑌸𑍍𑌤𑌮𑌪𑌿॑, 𑌯𑌜॑𑌮𑌾𑌨𑌾𑌯] 36
𑌯𑌜॑𑌮𑌾𑌨𑌾𑌯 𑌚𑌿𑌨𑍁𑌯𑌾𑌦॒𑌗𑍍𑌨𑌿-𑌙𑍍𑌖𑌲𑍁॒ 𑌵𑍈 𑌪॒𑌶𑌵𑍋-𑌽𑌨𑍂𑌪॑ 𑌤𑌿𑌷𑍍𑌠𑌨𑍍𑌤𑍇-𑌽𑌪॒𑌕𑍍𑌰𑌾𑌮𑍁॑𑌕𑌾 𑌅𑌸𑍍𑌮𑌾-𑌤𑍍𑌪॒𑌶𑌵॑-𑌸𑍍𑌸𑍍𑌯𑍁॒𑌰𑍍𑌮𑌯𑌿॑ 𑌗𑍃𑌹𑍍𑌣𑌾॒𑌮𑍍𑌯𑌗𑍍𑌰𑍇॑ 𑌅॒𑌗𑍍𑌨𑌿𑌮𑌿𑌤𑍍𑌯𑌾॑𑌹𑌾॒-𑌽𑌽𑌤𑍍𑌮𑌨𑍍𑌨𑍇॒𑌵 𑌸𑍍𑌵𑌮॒𑌗𑍍𑌨𑌿-𑌨𑍍𑌦𑌾॑𑌧𑌾𑌰॒ 𑌨𑌾𑌸𑍍𑌮𑌾᳚-𑌤𑍍𑌪॒𑌶𑌵𑍋-𑌽𑌪॑ 𑌕𑍍𑌰𑌾𑌮𑌨𑍍𑌤𑌿 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌯𑌨𑍍𑌮𑍃𑌚𑍍𑌚𑌾-𑌽𑌽𑌪॑𑌶𑍍𑌚𑌾॒𑌗𑍍𑌨𑍇-𑌰॑𑌨𑌾॒𑌦𑍍𑌯-𑌮𑌥॒ 𑌕𑌸𑍍𑌮𑌾᳚𑌨𑍍𑌮𑍃॒𑌦𑌾 𑌚𑌾॒𑌦𑍍𑌭𑌿𑌶𑍍𑌚𑌾॒-𑌽𑌗𑍍𑌨𑌿𑌶𑍍𑌚𑍀॑𑌯𑌤॒ 𑌇𑌤𑌿॒ 𑌯𑌦॒𑌦𑍍𑌭𑌿-𑌸𑍍𑌸𑌂॒-𑌯𑍌𑌁- [𑌯𑌦॒𑌦𑍍𑌭𑌿-𑌸𑍍𑌸𑌂॒-𑌯𑍌𑌁𑌤𑌿॑, 𑌆𑌪𑍋॒ 𑌵𑍈] 3
-𑌤𑍍𑌯𑌾𑌪𑍋॒ 𑌵𑍈 𑌸𑌰𑍍𑌵𑌾॑ 𑌦𑍇॒𑌵𑌤𑌾॑ 𑌦𑍇॒𑌵𑌤𑌾॑𑌭𑌿𑌰𑍇॒𑌵𑍈𑌨॒𑌗𑍍𑌮𑍍॒ 𑌸𑌗𑍍𑌮𑍍 𑌸𑍃॑𑌜𑌤𑌿॒ 𑌯𑌨𑍍𑌮𑍃॒𑌦𑌾 𑌚𑌿॒𑌨𑍋𑌤𑍀॒𑌯𑌂-𑌵𑌾𑌁 𑌅॒𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰𑍋᳚-𑌽𑌗𑍍𑌨𑌿𑌨𑍈॒𑌵 𑌤𑌦॒𑌗𑍍𑌨𑌿-𑌞𑍍𑌚𑌿॑𑌨𑍋𑌤𑌿 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌯𑌨𑍍𑌮𑍃॒𑌦𑌾 𑌚𑌾॒𑌦𑍍𑌭𑌿𑌶𑍍𑌚𑌾॒𑌗𑍍𑌨𑌿𑌶𑍍𑌚𑍀॒𑌯𑌤𑍇-𑌽𑌥॒ 𑌕𑌸𑍍𑌮𑌾॑𑌦॒𑌗𑍍𑌨𑌿𑌰𑍁॑𑌚𑍍𑌯𑌤॒ 𑌇𑌤𑌿॒ 𑌯𑌚𑍍𑌛𑌨𑍍𑌦𑍋॑𑌭𑌿-𑌶𑍍𑌚𑌿॒𑌨𑍋𑌤𑍍𑌯॒𑌗𑍍𑌨𑌯𑍋॒ 𑌵𑍈 𑌛𑌨𑍍𑌦𑌾𑌗𑍍𑌮𑍍॑𑌸𑌿॒ 𑌤𑌸𑍍𑌮𑌾॑𑌦॒𑌗𑍍𑌨𑌿𑌰𑍁॑𑌚𑍍𑌯॒𑌤𑍇-𑌽𑌥𑍋॑ 𑌇॒𑌯𑌂-𑌵𑌾𑌁 𑌅॒𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰𑍋 𑌯- [𑌅॒𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰𑍋 𑌯𑌤𑍍, 𑌮𑍃॒𑌦𑌾 𑌚𑌿॒𑌨𑍋𑌤𑌿॒] 3
-𑌨𑍍𑌮𑍃॒𑌦𑌾 𑌚𑌿॒𑌨𑍋𑌤𑌿॒ 𑌤𑌸𑍍𑌮𑌾॑𑌦॒𑌗𑍍𑌨𑌿𑌰𑍁॑𑌚𑍍𑌯𑌤𑍇 𑌹𑌿𑌰𑌣𑍍𑌯𑍇𑌷𑍍𑌟॒𑌕𑌾 𑌉𑌪॑ 𑌦𑌧𑌾𑌤𑌿॒ 𑌜𑍍𑌯𑍋𑌤𑌿॒𑌰𑍍𑌵𑍈 𑌹𑌿𑌰॑𑌣𑍍𑌯॒-𑌞𑍍𑌜𑍍𑌯𑍋𑌤𑌿॑𑌰𑍇॒𑌵𑌾-𑌽𑌸𑍍𑌮𑌿॑-𑌨𑍍𑌦𑌧𑌾॒𑌤𑍍𑌯𑌥𑍋॒ 𑌤𑍇𑌜𑍋॒ 𑌵𑍈 𑌹𑌿𑌰॑𑌣𑍍𑌯॒-𑌨𑍍𑌤𑍇𑌜॑ 𑌏॒𑌵𑌾-𑌽𑌽𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌯𑍋 𑌵𑌾 𑌅॒𑌗𑍍𑌨𑌿𑌗𑍍𑌮𑍍 𑌸॒𑌰𑍍𑌵𑌤𑍋॑𑌮𑍁𑌖-𑌞𑍍𑌚𑌿𑌨𑍁॒𑌤𑍇 𑌸𑌰𑍍𑌵𑌾॑𑌸𑍁 𑌪𑍍𑌰॒𑌜𑌾𑌸𑍍𑌵𑌨𑍍𑌨॑𑌮𑌤𑍍𑌤𑌿॒ 𑌸𑌰𑍍𑌵𑌾॒ 𑌦𑌿𑌶𑍋॒-𑌽𑌭𑌿 𑌜॑𑌯𑌤𑌿 𑌗𑌾𑌯॒𑌤𑍍𑌰𑍀-𑌮𑍍𑌪𑍁॒𑌰𑌸𑍍𑌤𑌾॒𑌦𑍁𑌪॑ 𑌦𑌧𑌾𑌤𑌿 𑌤𑍍𑌰𑌿॒𑌷𑍍𑌟𑍁𑌭॑-𑌨𑍍𑌦𑌕𑍍𑌷𑌿𑌣॒𑌤𑍋 𑌜𑌗॑𑌤𑍀-𑌮𑍍𑌪॒𑌶𑍍𑌚𑌾𑌦॑𑌨𑍁॒𑌷𑍍𑌟𑍁𑌭॑𑌮𑍁𑌤𑍍𑌤𑌰॒𑌤𑌃 𑌪॒𑌙𑍍𑌕𑍍𑌤𑌿-𑌮𑍍𑌮𑌦𑍍𑌧𑍍𑌯॑ 𑌏॒𑌷 𑌵𑌾 𑌅॒𑌗𑍍𑌨𑌿-𑌸𑍍𑌸॒𑌰𑍍𑌵𑌤𑍋॑𑌮𑍁𑌖॒𑌸𑍍𑌤𑌂-𑌯𑌁 𑌏॒𑌵𑌂-𑌵𑌿𑌁॒𑌦𑍍𑌵𑌾𑌗𑍍𑌶𑍍𑌚𑌿॑𑌨𑍁॒𑌤𑍇 𑌸𑌰𑍍𑌵𑌾॑𑌸𑍁 𑌪𑍍𑌰॒𑌜𑌾𑌸𑍍𑌵𑌨𑍍𑌨॑𑌮𑌤𑍍𑌤𑌿॒ 𑌸𑌰𑍍𑌵𑌾॒ 𑌦𑌿𑌶𑍋॒-𑌽𑌭𑌿 𑌜॑𑌯॒𑌤𑍍𑌯𑌥𑍋॑ 𑌦𑌿॒𑌶𑍍𑌯𑍇॑𑌵 𑌦𑌿𑌶॒-𑌮𑍍𑌪𑍍𑌰 𑌵॑𑌯𑌤𑌿॒ 𑌤𑌸𑍍𑌮𑌾᳚-𑌦𑍍𑌦𑌿॒𑌶𑌿 𑌦𑌿-𑌕𑍍𑌪𑍍𑌰𑍋𑌤𑌾᳚ ॥ 3 ॥
(𑌅𑌪𑌿॑-𑌸𑌂॒𑌯𑍌𑌁𑌤𑌿॑-𑌵𑍈𑌶𑍍𑌵𑌾𑌨॒𑌰𑍋 𑌯-𑌦𑍇॒𑌷 𑌵𑍈-𑌪𑌞𑍍𑌚॑𑌵𑌿𑌗𑍍𑌮𑍍𑌶𑌤𑌿𑌶𑍍𑌚) (𑌅. )
𑌪𑍍𑌰॒𑌜𑌾𑌪॑𑌤𑌿-𑌰॒𑌗𑍍𑌨𑌿-𑌮॑𑌸𑍃𑌜𑌤॒ 𑌸𑍋᳚-𑌽𑌸𑍍𑌮𑌾-𑌥𑍍𑌸𑍃॒𑌷𑍍𑌟𑌃 𑌪𑍍𑌰𑌾-𑌮𑍍𑌪𑍍𑌰𑌾-𑌽𑌦𑍍𑌰॑𑌵॒-𑌤𑍍𑌤𑌸𑍍𑌮𑌾॒ 𑌅𑌶𑍍𑌵॒-𑌮𑍍𑌪𑍍𑌰𑌤𑍍𑌯𑌾᳚𑌸𑍍𑌯॒-𑌥𑍍𑌸 𑌦॑𑌕𑍍𑌷𑌿॒𑌣𑌾-𑌽𑌽𑌵॑𑌰𑍍𑌤𑌤॒ 𑌤𑌸𑍍𑌮𑍈॑ 𑌵𑍃॒𑌷𑍍𑌣𑌿-𑌮𑍍𑌪𑍍𑌰𑌤𑍍𑌯𑌾᳚𑌸𑍍𑌯॒-𑌥𑍍𑌸 𑌪𑍍𑌰॒𑌤𑍍𑌯𑌙𑍍𑌙𑌾-𑌽𑌵॑𑌰𑍍𑌤𑌤॒ 𑌤𑌸𑍍𑌮𑌾॑ 𑌋𑌷॒𑌭-𑌮𑍍𑌪𑍍𑌰𑌤𑍍𑌯𑌾᳚𑌸𑍍𑌯॒-𑌥𑍍𑌸 𑌉𑌦॒𑌙𑍍𑌙𑌾-𑌽𑌵॑𑌰𑍍𑌤𑌤॒ 𑌤𑌸𑍍𑌮𑍈॑ 𑌬॒𑌸𑍍𑌤-𑌮𑍍𑌪𑍍𑌰𑌤𑍍𑌯𑌾᳚𑌸𑍍𑌯॒-𑌥𑍍𑌸 𑌊॒𑌰𑍍𑌧𑍍𑌵𑍋᳚-𑌽𑌦𑍍𑌰𑌵॒-𑌤𑍍𑌤𑌸𑍍𑌮𑍈॒ 𑌪𑍁𑌰𑍁॑𑌷॒-𑌮𑍍𑌪𑍍𑌰𑌤𑍍𑌯𑌾᳚𑌸𑍍𑌯॒𑌦𑍍𑌯-𑌤𑍍𑌪॑𑌶𑍁𑌶𑍀॒𑌰𑍍॒𑌷𑌾𑌣𑍍𑌯𑍁॑𑌪॒𑌦𑌧𑌾॑𑌤𑌿 𑌸॒𑌰𑍍𑌵𑌤॑ 𑌏॒𑌵𑍈𑌨॑- [𑌏॒𑌵𑍈𑌨᳚𑌮𑍍, 𑌅॒𑌵॒𑌰𑍁𑌦𑍍𑌧𑍍𑌯॑ 𑌚𑌿𑌨𑍁𑌤] 40
-𑌮𑌵॒𑌰𑍁𑌦𑍍𑌧𑍍𑌯॑ 𑌚𑌿𑌨𑍁𑌤 𑌏॒𑌤𑌾 𑌵𑍈 𑌪𑍍𑌰𑌾॑𑌣॒𑌭𑍃𑌤॒-𑌶𑍍𑌚𑌕𑍍𑌷𑍁॑𑌷𑍍𑌮𑌤𑍀॒𑌰𑌿𑌷𑍍𑌟॑𑌕𑌾॒ 𑌯-𑌤𑍍𑌪॑𑌶𑍁𑌶𑍀॒𑌰𑍍𑌷𑌾𑌣𑌿॒ 𑌯-𑌤𑍍𑌪॑𑌶𑍁𑌶𑍀॒𑌰𑍍𑌷𑌾𑌣𑍍𑌯𑍁॑𑌪॒𑌦𑌧𑌾॑𑌤𑌿॒ 𑌤𑌾𑌭𑌿॑𑌰𑍇॒𑌵 𑌯𑌜॑𑌮𑌾𑌨𑍋॒-𑌽𑌮𑍁𑌷𑍍𑌮𑌿॑-𑌲𑍍𑌲𑍋𑌁॒𑌕𑍇 𑌪𑍍𑌰𑌾𑌣𑌿॒𑌤𑍍𑌯𑌥𑍋॒ 𑌤𑌾𑌭𑌿॑𑌰𑍇॒𑌵𑌾𑌸𑍍𑌮𑌾॑ 𑌇॒𑌮𑍇 𑌲𑍋॒𑌕𑌾𑌃 𑌪𑍍𑌰 𑌭𑌾᳚𑌨𑍍𑌤𑌿 𑌮𑍃॒𑌦𑌾-𑌽𑌭𑌿॒𑌲𑌿𑌪𑍍𑌯𑍋𑌪॑ 𑌦𑌧𑌾𑌤𑌿 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॑ 𑌪॒𑌶𑍁𑌰𑍍𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰𑌨𑍍𑌨॑-𑌮𑍍𑌪॒𑌶𑌵॑ 𑌏॒𑌷 𑌖𑌲𑍁॒ 𑌵𑌾 𑌅॒𑌗𑍍𑌨𑌿𑌰𑍍𑌯-𑌤𑍍𑌪॑𑌶𑍁𑌶𑍀॒𑌰𑍍॒𑌷𑌾𑌣𑌿॒ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌕𑌨𑍀॑𑌯𑍋॒-𑌽𑌸𑍍𑌯𑌾-𑌽𑌨𑍍𑌨𑌗𑍍𑌗𑍍॑ – [𑌕𑌨𑍀॑𑌯𑍋॒-𑌽𑌸𑍍𑌯𑌾-𑌽𑌨𑍍𑌨᳚𑌮𑍍, 𑌸𑍍𑌯𑌾॒𑌦𑌿𑌤𑌿॑] 41
𑌸𑍍𑌯𑌾॒𑌦𑌿𑌤𑌿॑ 𑌸𑌨𑍍𑌤॒𑌰𑌾-𑌨𑍍𑌤𑌸𑍍𑌯॑ 𑌪𑌶𑍁𑌶𑍀॒𑌰𑍍॒𑌷𑌾𑌣𑍍𑌯𑍁𑌪॑ 𑌦𑌦𑍍𑌧𑍍𑌯𑌾॒-𑌤𑍍𑌕𑌨𑍀॑𑌯 𑌏॒𑌵𑌾𑌸𑍍𑌯𑌾𑌨𑍍𑌨॑-𑌮𑍍𑌭𑌵𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤 𑌸॒𑌮𑌾𑌵॑𑌦॒𑌸𑍍𑌯𑌾𑌨𑍍𑌨𑌗𑍍𑌗𑍍॑ 𑌸𑍍𑌯𑌾॒𑌦𑌿𑌤𑌿॑ 𑌮𑌦𑍍𑌧𑍍𑌯॒𑌤𑌸𑍍𑌤𑌸𑍍𑌯𑍋𑌪॑ 𑌦𑌦𑍍𑌧𑍍𑌯𑌾-𑌥𑍍𑌸॒𑌮𑌾𑌵॑-𑌦𑍇॒𑌵𑌾𑌸𑍍𑌯𑌾𑌨𑍍𑌨॑-𑌮𑍍𑌭𑌵𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌭𑍂𑌯𑍋॒-𑌽𑌸𑍍𑌯𑌾-𑌽𑌨𑍍𑌨𑌗𑍍𑌗𑍍॑ 𑌸𑍍𑌯𑌾॒𑌦𑌿𑌤𑍍𑌯𑌨𑍍𑌤𑍇॑𑌷𑍁॒ 𑌤𑌸𑍍𑌯॑ 𑌵𑍍𑌯𑍁॒𑌦𑍂𑌹𑍍𑌯𑍋𑌪॑ 𑌦𑌦𑍍𑌧𑍍𑌯𑌾𑌦𑌨𑍍𑌤॒𑌤 𑌏॒𑌵𑌾𑌸𑍍𑌮𑌾॒ 𑌅𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇॒ 𑌭𑍂𑌯𑍋॒-𑌽𑌸𑍍𑌯𑌾𑌨𑍍𑌨॑-𑌮𑍍𑌭𑌵𑌤𑌿 ॥ 42 ॥
(𑌏॒𑌨॒- 𑌮॒𑌸𑍍𑌯𑌾𑌨𑍍𑌨𑌂॒ – 𑌭𑍂𑌯𑍋॒-𑌽𑌸𑍍𑌯𑌾-𑌽𑌨𑍍𑌨॑-𑌮𑍍𑌭𑌵𑌤𑌿) (𑌅. 10)
𑌸𑍍𑌤𑍇॒𑌗𑌾-𑌨𑍍𑌦𑌗𑍍𑌗𑍍𑌷𑍍𑌟𑍍𑌰𑌾᳚𑌭𑍍𑌯𑌾-𑌮𑍍𑌮॒𑌣𑍍𑌡𑍂𑌕𑌾॒𑌨𑍍 𑌜𑌮𑍍𑌭𑍍𑌯𑍇॑𑌭𑌿॒𑌰𑌾𑌦॑𑌕𑌾𑌂-𑌖𑌾॒𑌦𑍇𑌨𑍋𑌰𑍍𑌜𑌗𑍍𑌮𑍍॑ 𑌸𑌗𑍍𑌮𑍍 𑌸𑍂॒𑌦𑍇𑌨𑌾-𑌽𑌰॑𑌣𑍍𑌯॒-𑌞𑍍𑌜𑌾𑌮𑍍𑌬𑍀॑𑌲𑍇𑌨॒ 𑌮𑍃𑌦॑-𑌮𑍍𑌬॒𑌰𑍍𑌸𑍍𑌵𑍇॑𑌭𑌿॒-𑌶𑍍𑌶𑌰𑍍𑌕॑𑌰𑌾𑌭𑌿॒𑌰𑌵॑𑌕𑌾॒𑌮𑌵॑𑌕𑌾𑌭𑌿॒-𑌶𑍍𑌶𑌰𑍍𑌕॑𑌰𑌾𑌮𑍁𑌥𑍍𑌸𑌾॒𑌦𑍇𑌨॑ 𑌜𑌿॒𑌹𑍍𑌵𑌾𑌮॑𑌵𑌕𑍍𑌰॒𑌨𑍍𑌦𑍇𑌨॒ 𑌤𑌾𑌲𑍁॒𑌗𑍍𑌮𑍍॒ 𑌸𑌰॑𑌸𑍍𑌵𑌤𑍀-𑌞𑍍𑌜𑌿𑌹𑍍𑌵𑌾॒𑌗𑍍𑌰𑍇𑌣॑ ॥ 43 ॥
(𑌸𑍍𑌤𑍇॒𑌗𑌾𑌨𑍍 – 𑌦𑍍𑌵𑌾𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 11)
𑌵𑌾𑌜॒𑌗𑍍𑌮𑍍॒ 𑌹𑌨𑍂᳚𑌭𑍍𑌯𑌾𑌮॒𑌪 𑌆॒𑌸𑍍𑌯𑍇॑𑌨𑌾-𑌽𑌽𑌦𑌿॒𑌤𑍍𑌯𑌾-𑌞𑍍𑌛𑍍𑌮𑌶𑍍𑌰𑍁॑𑌭𑌿-𑌰𑍁𑌪𑌯𑌾॒𑌮-𑌮𑌧॑𑌰𑍇॒𑌣𑍋𑌷𑍍𑌠𑍇॑𑌨॒ 𑌸𑌦𑍁𑌤𑍍𑌤॑𑌰𑍇॒𑌣𑌾𑌨𑍍𑌤॑𑌰𑍇𑌣𑌾-𑌨𑍂𑌕𑌾॒𑌶-𑌮𑍍𑌪𑍍𑌰॑𑌕𑌾॒𑌶𑍇𑌨॒ 𑌬𑌾𑌹𑍍𑌯𑌗𑍍𑌗𑍍॑ 𑌸𑍍𑌤𑌨𑌯𑌿॒𑌤𑍍𑌨𑍁-𑌨𑍍𑌨𑌿॑𑌰𑍍𑌬𑌾॒𑌧𑍇𑌨॑ 𑌸𑍂𑌰𑍍𑌯𑌾॒𑌗𑍍𑌨𑍀 𑌚𑌕𑍍𑌷𑍁॑𑌰𑍍𑌭𑍍𑌯𑌾𑌂-𑌵𑌿𑌁॒𑌦𑍍𑌯𑍁𑌤𑍌॑ 𑌕॒𑌨𑌾𑌨॑𑌕𑌾𑌭𑍍𑌯𑌾𑌮॒𑌶𑌨𑌿॑-𑌮𑍍𑌮॒𑌸𑍍𑌤𑌿𑌷𑍍𑌕𑍇॑𑌣॒ 𑌬𑌲॑-𑌮𑍍𑌮॒𑌜𑍍𑌜𑌭𑌿𑌃॑ ॥ 44 ॥
(𑌵𑌾𑌜॒-𑌮𑍍𑌪𑌞𑍍𑌚॑𑌵𑌿𑌗𑍍𑌮𑍍𑌶𑌤𑌿𑌃) (𑌅. 12)
𑌕𑍂॒𑌰𑍍𑌮𑌾-𑌞𑍍𑌛॒𑌫𑍈𑌰॒𑌚𑍍𑌛𑌲𑌾॑𑌭𑌿𑌃 𑌕॒𑌪𑌿𑌞𑍍𑌜॑𑌲𑌾॒𑌨𑍍𑌥𑍍𑌸𑌾𑌮॒ 𑌕𑍁𑌷𑍍𑌠𑌿॑𑌕𑌾𑌭𑌿𑌰𑍍𑌜॒𑌵-𑌞𑍍𑌜𑌙𑍍𑌘𑌾॑𑌭𑌿𑌰𑌗॒𑌦-𑌞𑍍𑌜𑌾𑌨𑍁॑𑌭𑍍𑌯𑌾𑌂-𑌵𑍀𑌁॒𑌰𑍍𑌯॑-𑌙𑍍𑌕𑍁॒𑌹𑌾𑌭𑍍𑌯𑌾᳚-𑌮𑍍𑌭॒𑌯-𑌮𑍍𑌪𑍍𑌰॑𑌚𑌾॒𑌲𑌾𑌭𑍍𑌯𑌾॒-𑌙𑍍𑌗𑍁𑌹𑍋॑𑌪𑌪॒𑌕𑍍𑌷𑌾𑌭𑍍𑌯𑌾॑-𑌮॒𑌶𑍍𑌵𑌿𑌨𑌾॒𑌵𑌗𑍍𑌮𑍍 𑌸𑌾᳚𑌭𑍍𑌯𑌾॒𑌮𑌦𑌿॑𑌤𑌿𑌗𑍍𑌮𑍍 𑌶𑍀॒𑌰𑍍𑌷𑍍𑌣𑌾 𑌨𑌿𑌰𑍍-𑌋॑𑌤𑌿॒-𑌨𑍍𑌨𑌿𑌰𑍍𑌜𑌾᳚𑌲𑍍𑌮𑌕𑍇𑌨 𑌶𑍀॒𑌰𑍍𑌷𑍍𑌣𑌾 ॥ 45 ॥
(𑌕𑍂॒𑌰𑍍𑌮𑌾𑌨𑍍-𑌤𑍍𑌰𑌯𑍋॑𑌵𑌿𑌗𑍍𑌮𑍍𑌶𑌤𑌿𑌃) (𑌅. 13)
𑌯𑍋𑌕𑍍𑌤𑍍𑌰॒-𑌙𑍍𑌗𑍃𑌦𑍍𑌧𑍍𑌰𑌾॑𑌭𑌿𑌰𑍍𑌯𑍁॒𑌗𑌮𑌾𑌨॑𑌤𑍇𑌨 𑌚𑌿॒𑌤𑍍𑌤-𑌮𑍍𑌮𑌨𑍍𑌯𑌾॑𑌭𑌿-𑌸𑍍𑌸𑌙𑍍𑌕𑍍𑌰𑍋॒𑌶𑌾-𑌨𑍍𑌪𑍍𑌰𑌾॒𑌣𑍈𑌃 𑌪𑍍𑌰॑𑌕𑌾॒𑌶𑍇𑌨॒ 𑌤𑍍𑌵𑌚॑-𑌮𑍍𑌪𑌰𑌾𑌕𑌾॒𑌶𑍇𑌨𑌾𑌨𑍍𑌤॑𑌰𑌾-𑌮𑍍𑌮॒𑌶𑌕𑌾॒𑌨𑍍 𑌕𑍇𑌶𑍈॒𑌰𑌿𑌨𑍍𑌦𑍍𑌰॒𑌗𑍍𑌗𑍍॒ 𑌸𑍍𑌵𑌪॑𑌸𑌾॒ 𑌵𑌹𑍇॑𑌨॒ 𑌬𑍃𑌹॒𑌸𑍍𑌪𑌤𑌿𑌗𑍍𑌮𑍍॑ 𑌶𑌕𑍁𑌨𑌿𑌸𑌾॒𑌦𑍇𑌨॒ 𑌰𑌥॑𑌮𑍁॒𑌷𑍍𑌣𑌿𑌹𑌾॑𑌭𑌿𑌃 ॥ 46 ॥
(𑌯𑍋𑌕𑍍𑌤𑍍𑌰॒ – 𑌮𑍇𑌕॑𑌵𑌿𑌗𑍍𑌮𑍍𑌶𑌤𑌿𑌃) (𑌅. 14)
𑌮𑌿॒𑌤𑍍𑌰𑌾𑌵𑌰𑍁॑𑌣𑍌॒ 𑌶𑍍𑌰𑍋𑌣𑍀᳚𑌭𑍍𑌯𑌾𑌮𑌿𑌨𑍍𑌦𑍍𑌰𑌾॒𑌗𑍍𑌨𑍀 𑌶𑌿॑𑌖॒𑌣𑍍𑌡𑌾𑌭𑍍𑌯𑌾॒-𑌮𑌿𑌨𑍍𑌦𑍍𑌰𑌾॒𑌬𑍃𑌹॒𑌸𑍍𑌪𑌤𑍀॑ 𑌊॒𑌰𑍁𑌭𑍍𑌯𑌾॒𑌮𑌿𑌨𑍍𑌦𑍍𑌰𑌾॒𑌵𑌿𑌷𑍍𑌣𑍂॑ 𑌅𑌷𑍍𑌠𑍀॒𑌵𑌦𑍍𑌭𑍍𑌯𑌾𑌗𑍍𑌮𑍍॑ 𑌸𑌵𑌿॒𑌤𑌾𑌰॒-𑌮𑍍𑌪𑍁𑌚𑍍𑌛𑍇॑𑌨 𑌗𑌨𑍍𑌧॒𑌰𑍍𑌵𑌾𑌞𑍍𑌛𑍇𑌪𑍇॑𑌨𑌾-𑌫𑍍𑌸॒𑌰𑌸𑍋॑ 𑌮𑍁॒𑌷𑍍𑌕𑌾𑌭𑍍𑌯𑌾॒-𑌮𑍍𑌪𑌵॑𑌮𑌾𑌨-𑌮𑍍𑌪𑌾॒𑌯𑍁𑌨𑌾॑ 𑌪॒𑌵𑌿𑌤𑍍𑌰॒-𑌮𑍍𑌪𑍋𑌤𑍍𑌰𑌾᳚𑌭𑍍𑌯𑌾𑌮𑌾॒𑌕𑍍𑌰𑌮॑𑌣𑌗𑍍𑌗𑍍 𑌸𑍍𑌥𑍂॒𑌰𑌾𑌭𑍍𑌯𑌾᳚-𑌮𑍍𑌪𑍍𑌰𑌤𑌿॒𑌕𑍍𑌰𑌮॑𑌣॒-𑌙𑍍𑌕𑍁𑌷𑍍𑌠𑌾᳚𑌭𑍍𑌯𑌾𑌮𑍍 ॥ 4 ॥
(𑌮𑌿॒𑌤𑍍𑌰𑌾𑌵𑌰𑍁॑𑌣𑍌॒ – 𑌦𑍍𑌵𑌾𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 15)
𑌇𑌨𑍍𑌦𑍍𑌰॑𑌸𑍍𑌯 𑌕𑍍𑌰𑍋॒𑌡𑍋 𑌽𑌦𑌿॑𑌤𑍍𑌯𑍈 𑌪𑌾𑌜॒𑌸𑍍𑌯॑-𑌨𑍍𑌦𑌿॒𑌶𑌾-𑌞𑍍𑌜॒𑌤𑍍𑌰𑌵𑍋॑ 𑌜𑍀॒𑌮𑍂𑌤𑌾᳚𑌨𑍍 𑌹𑍃𑌦𑌯𑍌𑌪॒𑌶𑌾𑌭𑍍𑌯𑌾॑-𑌮॒𑌨𑍍𑌤𑌰𑌿॑𑌕𑍍𑌷-𑌮𑍍𑌪𑍁𑌰𑌿॒𑌤𑌤𑌾॒ 𑌨𑌭॑ 𑌉𑌦॒𑌰𑍍𑌯𑍇॑𑌣𑍇𑌨𑍍𑌦𑍍𑌰𑌾॒𑌣𑍀-𑌮𑍍𑌪𑍍𑌲𑍀॒𑌹𑍍𑌨𑌾 𑌵॒𑌲𑍍𑌮𑍀𑌕𑌾᳚𑌨𑍍 𑌕𑍍𑌲𑍋॒𑌮𑍍𑌨𑌾 𑌗𑌿॒𑌰𑍀-𑌨𑍍𑌪𑍍𑌲𑌾॒𑌶𑌿𑌭𑌿॑-𑌸𑍍𑌸𑌮𑍁॒𑌦𑍍𑌰𑌮𑍁॒𑌦𑌰𑍇॑𑌣 𑌵𑍈𑌶𑍍𑌵𑌾𑌨॒𑌰-𑌮𑍍𑌭𑌸𑍍𑌮॑𑌨𑌾 ॥ 4 ॥
(𑌇𑌨𑍍𑌦𑍍𑌰॑𑌸𑍍𑌯॒ – 𑌦𑍍𑌵𑌾𑌵𑌿॑𑌶𑌤𑌿𑌃॒) (𑌅. 16)
𑌪𑍂॒𑌷𑍍𑌣𑍋 𑌵॑𑌨𑌿॒𑌷𑍍𑌠𑍁𑌰॑𑌨𑍍𑌧𑌾॒𑌹𑍇-𑌸𑍍𑌸𑍍𑌥𑍂॑𑌰𑌗𑍁॒𑌦𑌾 𑌸॒𑌰𑍍𑌪𑌾-𑌨𑍍𑌗𑍁𑌦𑌾॑𑌭𑌿𑌰𑍍-𑌋॒𑌤𑍂-𑌨𑍍𑌪𑍃॒𑌷𑍍𑌟𑍀𑌭𑌿॒𑌰𑍍𑌦𑌿𑌵॑-𑌮𑍍𑌪𑍃॒𑌷𑍍𑌠𑍇𑌨॒ 𑌵𑌸𑍂॑𑌨𑌾-𑌮𑍍𑌪𑍍𑌰𑌥॒𑌮𑌾 𑌕𑍀𑌕॑𑌸𑌾 𑌰𑍁॒𑌦𑍍𑌰𑌾𑌣𑌾᳚-𑌨𑍍𑌦𑍍𑌵𑌿॒𑌤𑍀𑌯𑌾॑ 𑌽𑌽𑌦𑌿॒𑌤𑍍𑌯𑌾𑌨𑌾᳚-𑌨𑍍𑌤𑍃॒𑌤𑍀𑌯𑌾 𑌽𑌙𑍍𑌗𑌿॑𑌰𑌸𑌾-𑌞𑍍𑌚𑌤𑍁॒𑌰𑍍𑌥𑍀 𑌸𑌾॒𑌦𑍍𑌧𑍍𑌯𑌾𑌨𑌾᳚-𑌮𑍍𑌪𑌞𑍍𑌚॒𑌮𑍀 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾𑌗𑍍𑌮𑍍॑ 𑌷॒𑌷𑍍𑌠𑍀 ॥ 4 ॥
(𑌪𑍂॒𑌷𑍍𑌣 – 𑌶𑍍𑌚𑌤𑍁॑𑌰𑍍𑌵𑌿𑌗𑍍𑌮𑍍𑌶𑌤𑌿𑌃) (𑌅. 1)
𑌓𑌜𑍋᳚ 𑌗𑍍𑌰𑍀॒𑌵𑌾𑌭𑌿॒-𑌰𑍍𑌨𑌿𑌰𑍍-𑌋॑𑌤𑌿𑌮॒𑌸𑍍𑌥𑌭𑌿॒𑌰𑌿𑌨𑍍𑌦𑍍𑌰॒𑌗𑍍𑌗𑍍॒ 𑌸𑍍𑌵𑌪॑𑌸𑌾॒ 𑌵𑌹𑍇॑𑌨 𑌰𑍁॒𑌦𑍍𑌰𑌸𑍍𑌯॑ 𑌵𑌿𑌚॒𑌲-𑌸𑍍𑌸𑍍𑌕॒𑌨𑍍𑌧𑍋॑ 𑌽𑌹𑍋𑌰𑌾॒𑌤𑍍𑌰𑌯𑍋᳚𑌰𑍍𑌦𑍍𑌵𑌿॒𑌤𑍀𑌯𑍋᳚ 𑌽𑌰𑍍𑌧𑌮𑌾॒𑌸𑌾𑌨𑌾᳚-𑌨𑍍𑌤𑍃॒𑌤𑍀𑌯𑍋॑ 𑌮𑌾॒𑌸𑌾-𑌞𑍍𑌚॑𑌤𑍁॒𑌰𑍍𑌥 𑌋॑𑌤𑍂॒𑌨𑌾-𑌮𑍍𑌪॑𑌞𑍍𑌚॒𑌮-𑌸𑍍𑌸𑌂॑𑌵𑌁𑌥𑍍𑌸॒𑌰𑌸𑍍𑌯॑ 𑌷॒𑌷𑍍𑌠𑌃 ॥ 50 ॥
(𑌓𑌜𑍋॑ – 𑌵𑌿𑌗𑍍𑌮𑍍𑌶॒𑌤𑌿𑌃) (𑌅. 1)
𑌆॒𑌨॒𑌨𑍍𑌦-𑌨𑍍𑌨॒𑌨𑍍𑌦𑌥𑍁॑𑌨𑌾॒ 𑌕𑌾𑌮॑-𑌮𑍍𑌪𑍍𑌰𑌤𑍍𑌯𑌾॒𑌸𑌾𑌭𑍍𑌯𑌾᳚-𑌮𑍍𑌭॒𑌯𑌗𑍍𑌮𑍍 𑌶𑌿॑𑌤𑍀॒𑌮𑌭𑍍𑌯𑌾᳚-𑌮𑍍𑌪𑍍𑌰॒𑌶𑌿𑌷॑-𑌮𑍍𑌪𑍍𑌰𑌶𑌾॒𑌸𑌾𑌭𑍍𑌯𑌾𑌗𑍍𑌮𑍍॑ 𑌸𑍂𑌰𑍍𑌯𑌾𑌚𑌨𑍍𑌦𑍍𑌰॒𑌮𑌸𑍌॒ 𑌵𑍃𑌕𑍍𑌯𑌾᳚𑌭𑍍𑌯𑌾𑌗𑍍 𑌶𑍍𑌯𑌾𑌮𑌶𑌬॒𑌲𑍌 𑌮𑌤॑𑌸𑍍𑌨𑌾𑌭𑍍𑌯𑌾𑌂॒-𑌵𑍍𑌯𑍁𑌁॑𑌷𑍍𑌟𑌿𑌗𑍍𑌮𑍍 𑌰𑍂॒𑌪𑍇𑌣॒ 𑌨𑌿𑌮𑍍𑌰𑍁॑𑌕𑍍𑌤𑌿॒𑌮𑌰𑍂॑𑌪𑍇𑌣 ॥ 51 ॥
(𑌆॒𑌨॒𑌨𑍍𑌦𑌗𑍍𑌮𑍍 – 𑌷𑍋𑌡॑𑌶) (𑌅. 1)
𑌅𑌹॑𑌰𑍍𑌮𑌾॒𑌗𑍍𑌮𑍍॒𑌸𑍇𑌨॒ 𑌰𑌾𑌤𑍍𑌰𑌿॒-𑌮𑍍𑌪𑍀𑌵॑𑌸𑌾॒-𑌽𑌪𑍋 𑌯𑍂॒𑌷𑍇𑌣॑ 𑌘𑍃॒𑌤𑌗𑍍𑌮𑍍 𑌰𑌸𑍇॑𑌨॒ 𑌶𑍍𑌯𑌾𑌂-𑌵𑌁𑌸॑𑌯𑌾 𑌦𑍂॒𑌷𑍀𑌕𑌾॑𑌭𑌿𑌰𑍍-𑌹𑍍𑌰𑌾॒𑌦𑍁𑌨𑌿॒-𑌮𑌶𑍍𑌰𑍁॑𑌭𑌿𑌃॒ 𑌪𑍃𑌷𑍍𑌵𑌾॒-𑌨𑍍𑌦𑌿𑌵𑌗𑍍𑌮𑍍॑ 𑌰𑍂॒𑌪𑍇𑌣॒ 𑌨𑌕𑍍𑌷॑𑌤𑍍𑌰𑌾𑌣𑌿॒ 𑌪𑍍𑌰𑌤𑌿॑𑌰𑍂𑌪𑍇𑌣 𑌪𑍃𑌥𑌿॒𑌵𑍀-𑌞𑍍𑌚𑌰𑍍𑌮॑𑌣𑌾 𑌛॒𑌵𑍀-𑌞𑍍𑌛॒𑌵𑍍𑌯𑍋॑ 𑌪𑌾𑌕𑍃॑𑌤𑌾𑌯॒ 𑌸𑍍𑌵𑌾𑌹𑌾 𑌽𑌽𑌲॑𑌬𑍍𑌧𑌾𑌯॒ 𑌸𑍍𑌵𑌾𑌹𑌾॑ 𑌹𑍁॒𑌤𑌾𑌯॒ 𑌸𑍍𑌵𑌾𑌹𑌾᳚ ॥ 52 ॥
(𑌅𑌹॑𑌰॒ – 𑌷𑍍𑌟𑌾𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 20)
𑌅॒𑌗𑍍𑌨𑍇𑌃 𑌪॑𑌕𑍍𑌷॒𑌤𑌿-𑌸𑍍𑌸𑌰॑𑌸𑍍𑌵𑌤𑍍𑌯𑍈॒ 𑌨𑌿𑌪॑𑌕𑍍𑌷𑌤𑌿॒-𑌸𑍍𑌸𑍋𑌮॑𑌸𑍍𑌯 𑌤𑍃॒𑌤𑍀𑌯𑌾॒-𑌽𑌪𑌾-𑌞𑍍𑌚॑𑌤𑍁॒𑌰𑍍𑌥𑍍𑌯𑍋𑌷॑𑌧𑍀𑌨𑌾-𑌮𑍍𑌪𑌞𑍍𑌚॒𑌮𑍀 𑌸𑌂॑𑌵𑌁𑌥𑍍𑌸॒𑌰𑌸𑍍𑌯॑ 𑌷॒𑌷𑍍𑌠𑍀 𑌮॒𑌰𑍁𑌤𑌾𑌗𑍍𑌮𑍍॑ 𑌸𑌪𑍍𑌤॒𑌮𑍀 𑌬𑍃𑌹॒𑌸𑍍𑌪𑌤𑍇॑𑌰𑌷𑍍𑌟॒𑌮𑍀 𑌮𑌿॒𑌤𑍍𑌰𑌸𑍍𑌯॑ 𑌨𑌵॒𑌮𑍀 𑌵𑌰𑍁॑𑌣𑌸𑍍𑌯 𑌦𑌶॒𑌮𑍀𑌨𑍍𑌦𑍍𑌰॑𑌸𑍍𑌯𑍈𑌕𑌾𑌦॒𑌶𑍀 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌨𑍍𑌦𑍍𑌵𑌾𑌦॒𑌶𑍀 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍍𑌯𑍋𑌃 𑌪𑌾॒𑌰𑍍𑌶𑍍𑌵𑌂-𑌯𑌁॒𑌮𑌸𑍍𑌯॑ 𑌪𑌾𑌟𑍂॒𑌰𑌃 ॥ 53 ॥
(𑌅॒𑌗𑍍𑌨𑍇-𑌰𑍇𑌕𑌾॒𑌨𑍍𑌨 𑌤𑍍𑌰𑌿॒𑌗𑍍𑌮𑍍॒𑌶𑌤𑍍) (𑌅. 21)
𑌵𑌾॒𑌯𑍋𑌃 𑌪॑𑌕𑍍𑌷॒𑌤𑌿-𑌸𑍍𑌸𑌰॑𑌸𑍍𑌵𑌤𑍋॒ 𑌨𑌿𑌪॑𑌕𑍍𑌷𑌤𑌿-𑌶𑍍𑌚॒𑌨𑍍𑌦𑍍𑌰𑌮॑𑌸-𑌸𑍍𑌤𑍃॒𑌤𑍀𑌯𑌾॒ 𑌨𑌕𑍍𑌷॑𑌤𑍍𑌰𑌾𑌣𑌾-𑌞𑍍𑌚𑌤𑍁॒𑌰𑍍𑌥𑍀 𑌸॑𑌵𑌿॒𑌤𑍁𑌃 𑌪॑𑌞𑍍𑌚॒𑌮𑍀 𑌰𑍁॒𑌦𑍍𑌰𑌸𑍍𑌯॑ 𑌷॒𑌷𑍍𑌠𑍀 𑌸॒𑌰𑍍𑌪𑌾𑌣𑌾𑌗𑍍𑌮𑍍॑ 𑌸𑌪𑍍𑌤॒𑌮𑍍𑌯॑𑌰𑍍𑌯॒𑌮𑍍𑌣𑍋᳚-𑌽𑌷𑍍𑌟॒𑌮𑍀 𑌤𑍍𑌵𑌷𑍍𑌟𑍁॑𑌰𑍍𑌨𑌵॒𑌮𑍀 𑌧𑌾॒𑌤𑍁𑌰𑍍𑌦॑𑌶॒𑌮𑍀𑌨𑍍𑌦𑍍𑌰𑌾॒𑌣𑍍𑌯𑌾 𑌏॑𑌕𑌾𑌦॒𑌶𑍍𑌯𑌦𑌿॑𑌤𑍍𑌯𑍈 𑌦𑍍𑌵𑌾𑌦॒𑌶𑍀 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍍𑌯𑍋𑌃 𑌪𑌾॒𑌰𑍍𑌶𑍍𑌵𑌂-𑌯𑌁॒𑌮𑍍𑌯𑍈॑ 𑌪𑌾𑌟𑍂॒𑌰𑌃 ॥ 54 ॥
(𑌵𑌾॒𑌯𑍋 – 𑌰॒𑌷𑍍𑌟𑌾𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 22)
𑌪𑌨𑍍𑌥𑌾॑𑌮𑌨𑍂॒𑌵𑍃𑌗𑍍𑌭𑍍𑌯𑌾॒𑌗𑍍𑌮𑍍॒ 𑌸𑌨𑍍𑌤॑𑌤𑌿𑌗𑍍𑌗𑍍 𑌸𑍍𑌨𑌾𑌵॒𑌨𑍍𑌯𑌾᳚𑌭𑍍𑌯𑌾॒𑌗𑍍𑌮𑍍॒ 𑌶𑍁𑌕𑌾᳚-𑌨𑍍𑌪𑌿॒𑌤𑍍𑌤𑍇𑌨॑ 𑌹𑌰𑌿॒𑌮𑌾𑌣𑌂॑-𑌯𑌁॒𑌕𑍍𑌨𑌾 𑌹𑌲𑍀᳚𑌕𑍍𑌷𑍍𑌣𑌾-𑌨𑍍𑌪𑌾𑌪𑌵𑌾॒𑌤𑍇𑌨॑ 𑌕𑍂॒𑌶𑍍𑌮𑌾𑌞𑍍𑌛𑌕॑𑌭𑌿-𑌶𑍍𑌶𑌵॒𑌰𑍍𑌤𑌾𑌨𑍂𑌵॑𑌦𑍍𑌧𑍍𑌯𑍇𑌨॒ 𑌶𑍁𑌨𑍋॑ 𑌵𑌿॒𑌶𑌸॑𑌨𑍇𑌨 𑌸॒𑌰𑍍𑌪𑌾-𑌲𑍍𑌲𑍋𑌁॑𑌹𑌿𑌤𑌗॒𑌨𑍍𑌧𑍇𑌨॒ 𑌵𑌯𑌾𑌗𑍍𑌮𑍍॑𑌸𑌿 𑌪𑌕𑍍𑌵𑌗॒𑌨𑍍𑌧𑍇𑌨॑ 𑌪𑌿॒𑌪𑍀𑌲𑌿॑𑌕𑌾𑌃 𑌪𑍍𑌰𑌶𑌾॒𑌦𑍇𑌨॑ ॥ 55 ॥
(𑌪𑌨𑍍𑌥𑌾𑌂॒ – 𑌦𑍍𑌵𑌾𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 23)
𑌕𑍍𑌰𑌮𑍈॒𑌰𑌤𑍍𑌯॑𑌕𑍍𑌰𑌮𑍀-𑌦𑍍𑌵𑌾॒𑌜𑍀 𑌵𑌿𑌶𑍍𑌵𑍈᳚𑌰𑍍𑌦𑍇॒𑌵𑍈𑌰𑍍𑌯॒𑌜𑍍𑌞𑌿𑌯𑍈᳚-𑌸𑍍𑌸𑌂𑌵𑌿𑌁𑌦𑌾॒𑌨𑌃 । 𑌸 𑌨𑍋॑ 𑌨𑌯 𑌸𑍁𑌕𑍃॒𑌤𑌸𑍍𑌯॑ 𑌲𑍋॒𑌕-𑌨𑍍𑌤𑌸𑍍𑌯॑ 𑌤𑍇 𑌵॒𑌯𑌗𑍍𑌗𑍍 𑌸𑍍𑌵॒𑌧𑌯𑌾॑ 𑌮𑌦𑍇𑌮 ॥ 56 ॥
(𑌕𑍍𑌰𑌮𑍈॑ – 𑌰॒𑌷𑍍𑌟𑌾𑌦॑𑌶) (𑌅. 24)
𑌦𑍍𑌯𑍌𑌸𑍍𑌤𑍇॑ 𑌪𑍃॒𑌷𑍍𑌠-𑌮𑍍𑌪𑍃॑𑌥𑌿॒𑌵𑍀 𑌸॒𑌧𑌸𑍍𑌥॑𑌮𑌾॒𑌤𑍍𑌮𑌾𑌨𑍍𑌤𑌰𑌿॑𑌕𑍍𑌷𑌗𑍍𑌮𑍍 𑌸𑌮𑍁॒𑌦𑍍𑌰𑍋 𑌯𑍋𑌨𑌿॒-𑌸𑍍𑌸𑍂𑌰𑍍𑌯॑𑌸𑍍𑌤𑍇॒ 𑌚𑌕𑍍𑌷𑍁॒𑌰𑍍𑌵𑌾𑌤𑌃॑ 𑌪𑍍𑌰𑌾॒𑌣𑌶𑍍𑌚॒𑌨𑍍𑌦𑍍𑌰𑌮𑌾॒-𑌶𑍍𑌶𑍍𑌰𑍋𑌤𑍍𑌰॒-𑌮𑍍𑌮𑌾𑌸𑌾᳚𑌶𑍍𑌚𑌾𑌰𑍍𑌧𑌮𑌾॒𑌸𑌾𑌶𑍍𑌚॒ 𑌪𑌰𑍍𑌵𑌾᳚𑌣𑍍𑌯𑍃॒𑌤𑌵𑍋𑌙𑍍𑌗𑌾॑𑌨𑌿 𑌸𑌂𑌵𑌁𑌥𑍍𑌸॒𑌰𑍋 𑌮॑𑌹𑌿॒𑌮𑌾 ॥ 5 ॥
(𑌦𑍍𑌯𑍌 – 𑌪𑌞𑍍𑌚॑𑌵𑌿𑌗𑍍𑌮𑍍𑌶𑌤𑌿𑌃) (𑌅. 25)
𑌅॒𑌗𑍍𑌨𑌿𑌃 𑌪॒𑌶𑍁𑌰𑌾॑𑌸𑍀॒-𑌤𑍍𑌤𑍇𑌨𑌾॑𑌯𑌜𑌨𑍍𑌤॒ 𑌸 𑌏॒𑌤𑌂-𑌲𑍋𑌁॒𑌕𑌮॑𑌜𑌯॒-𑌦𑍍𑌯𑌸𑍍𑌮𑌿॑𑌨𑍍𑌨॒𑌗𑍍𑌨𑌿-𑌸𑍍𑌸 𑌤𑍇॑ 𑌲𑍋॒𑌕𑌸𑍍𑌤-𑌞𑍍𑌜𑍇᳚𑌷𑍍𑌯॒𑌸𑍍𑌯𑌥𑌾𑌵॑ 𑌜𑌿𑌘𑍍𑌰 𑌵𑌾॒𑌯𑍁𑌃 𑌪॒𑌶𑍁𑌰𑌾॑𑌸𑍀॒-𑌤𑍍𑌤𑍇𑌨𑌾॑𑌯𑌜𑌨𑍍𑌤॒ 𑌸 𑌏॒𑌤𑌂-𑌲𑍋𑌁॒𑌕𑌮॑𑌜𑌯॒-𑌦𑍍𑌯𑌸𑍍𑌮𑌿॑𑌨𑍍 𑌵𑌾॒𑌯𑍁-𑌸𑍍𑌸 𑌤𑍇॑ 𑌲𑍋॒𑌕𑌸𑍍𑌤𑌸𑍍𑌮𑌾᳚-𑌤𑍍𑌤𑍍𑌵𑌾॒-𑌽𑌨𑍍𑌤𑌰𑍇᳚𑌷𑍍𑌯𑌾𑌮𑌿॒ 𑌯𑌦𑌿॒ 𑌨𑌾𑌵॒𑌜𑌿𑌘𑍍𑌰॑𑌸𑍍𑌯𑌾𑌦𑌿॒𑌤𑍍𑌯𑌃 𑌪॒𑌶𑍁𑌰𑌾॑𑌸𑍀॒-𑌤𑍍𑌤𑍇𑌨𑌾॑𑌯𑌜𑌨𑍍𑌤॒ 𑌸 𑌏॒𑌤𑌂-𑌲𑍋𑌁॒𑌕𑌮॑𑌜𑌯॒-𑌦𑍍𑌯𑌸𑍍𑌮𑌿॑-𑌨𑍍𑌨𑌾𑌦𑌿॒𑌤𑍍𑌯-𑌸𑍍𑌸 𑌤𑍇॑ 𑌲𑍋॒𑌕𑌸𑍍𑌤-𑌞𑍍𑌜𑍇᳚𑌷𑍍𑌯𑌸𑌿॒ 𑌯𑌦𑍍𑌯॑𑌵॒𑌜𑌿𑌘𑍍𑌰॑𑌸𑌿 ॥ 5 ॥
(𑌯𑌸𑍍𑌮𑌿॑ – 𑌨𑍍𑌨॒𑌷𑍍𑌟𑍌 𑌚॑) (𑌅. 26)
(𑌯𑍋 𑌵𑌾 𑌅𑌯॑𑌥𑌾𑌦𑍇𑌵𑌤॒ – 𑌨𑍍𑌤𑍍𑌵𑌾𑌮॑𑌗𑍍𑌨॒ – 𑌇𑌨𑍍𑌦𑍍𑌰॑𑌸𑍍𑌯॒ – 𑌚𑌿𑌤𑍍𑌤𑌿𑌂॒ – 𑌯𑌁𑌥𑌾॒ 𑌵𑍈 – 𑌵𑌯𑍋॒ 𑌵𑍈 – 𑌯𑌦𑌾𑌕𑍂॑𑌤𑌾॒–𑌦𑍍𑌯𑌾𑌸𑍍𑌤𑍇॑ 𑌅𑌗𑍍𑌨𑍇॒ – 𑌮𑌯𑌿॑ 𑌗𑍃𑌹𑍍𑌣𑌾𑌮𑌿 – 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸𑍋᳚-𑌽𑌸𑍍𑌮𑌾𑌥𑍍 – 𑌸𑍍𑌤𑍇॒𑌗𑌾𑌨𑍍 – 𑌵𑌾𑌜𑌂॑ – 𑌕𑍂॒𑌰𑍍𑌮𑌾𑌨𑍍 – 𑌯𑍋𑌕𑍍𑌤𑍍𑌰𑌂॑ – 𑌮𑌿॒𑌤𑍍𑌰𑌾𑌵𑌰𑍁॑𑌣𑌾॒ – 𑌵𑌿𑌨𑍍𑌦𑍍𑌰॑𑌸𑍍𑌯 – 𑌪𑍂॒𑌷𑍍𑌣 – 𑌓𑌜॑ – 𑌆𑌨॒𑌨𑍍𑌦 – 𑌮𑌹॑ – 𑌰॒𑌗𑍍𑌨𑍇 – 𑌰𑍍𑌵𑌾॒𑌯𑍋𑌃 – 𑌪𑌨𑍍𑌥𑌾𑌂॒ – 𑌕𑍍𑌰𑌮𑍈॒ – 𑌰𑍍𑌦𑍍𑌯𑍌𑌸𑍍𑌤𑍇॒ – 𑌽𑌗𑍍𑌨𑌿𑌃 𑌪॒𑌶𑍁𑌰𑌾॑𑌸𑍀॒𑌥𑍍 – 𑌷𑌡𑍍𑌵𑌿𑌗𑍍𑌮𑍍॑𑌶𑌤𑌿𑌃)
(𑌯𑍋 𑌵𑌾 – 𑌏॒𑌵𑌾-𑌽𑌽𑌹𑍁॑𑌤𑌿 – 𑌮𑌭𑌵𑌨𑍍 – 𑌪॒𑌥𑌿𑌭𑌿॑ – 𑌰𑌵॒𑌰𑍁𑌧𑍍𑌯𑌾॑ – 𑌽𑌽𑌨॒𑌨𑍍𑌦 – 𑌮॒𑌷𑍍𑌟𑍌 𑌪॑𑌞𑍍𑌚॒𑌶𑌤𑍍 )
(𑌯𑍋 𑌵𑌾 𑌅𑌯॑𑌥𑌾𑌦𑍇𑌵𑌤॒𑌮𑍍, 𑌯𑌁𑌦𑍍𑌯॑𑌵॒𑌜𑌿𑌘𑍍𑌰॑𑌸𑌿)
( 𑌸𑌾॒𑌵𑌿॒𑌤𑍍𑌰𑌾𑌣𑌿॒ – 𑌵𑌿𑌷𑍍𑌣𑍁॑𑌮𑍁𑌖𑌾 – 𑌉𑌥𑍍𑌸𑌨𑍍𑌨𑌯॒𑌜𑍍𑌞𑍋 – 𑌦𑍇॑𑌵𑌾𑌸𑍁॒𑌰𑌾 – 𑌯𑌦𑍇𑌕𑍇॑𑌨॒ – 𑌹𑌿𑌰॑𑌣𑍍𑌯𑌵𑌰𑍍𑌣𑌾॒ – 𑌯𑍋 𑌵𑌾॑- 𑌸॒𑌪𑍍𑌤 ) ()
॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌸𑌪𑍍𑌤𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥
