𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌤𑍃𑌤𑍀𑌯𑌕𑌾𑌣𑍍𑌡𑍇 𑌪𑌞𑍍𑌚𑌮𑌃 𑌪𑍍𑌰𑌶𑍍𑌨𑌃 – 𑌇𑌷𑍍𑌟𑌿𑌶𑍇𑌷𑌾𑌭𑌿𑌧𑌾𑌨𑌂
𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥
𑌪𑍂॒𑌰𑍍𑌣𑌾 𑌪॒𑌶𑍍𑌚𑌾𑌦𑍁॒𑌤 𑌪𑍂॒𑌰𑍍𑌣𑌾 𑌪𑍁॒𑌰𑌸𑍍𑌤𑌾॒𑌦𑍁-𑌨𑍍𑌮॑𑌦𑍍𑌧𑍍𑌯॒𑌤𑌃 𑌪𑍌᳚𑌰𑍍𑌣𑌮𑌾॒𑌸𑍀 𑌜𑌿॑𑌗𑌾𑌯 । 𑌤𑌸𑍍𑌯𑌾᳚-𑌨𑍍𑌦𑍇॒𑌵𑌾 𑌅𑌧𑌿॑ 𑌸𑌂॒𑌵𑌁𑌸॑𑌨𑍍𑌤 𑌉𑌤𑍍𑌤॒𑌮𑍇 𑌨𑌾𑌕॑ 𑌇॒𑌹 𑌮𑌾॑𑌦𑌯𑌨𑍍𑌤𑌾𑌮𑍍 ॥ 𑌯𑌤𑍍𑌤𑍇॑ 𑌦𑍇॒𑌵𑌾 𑌅𑌦॑𑌧𑍁 𑌰𑍍𑌭𑌾𑌗॒𑌧𑍇𑌯॒𑌮𑌮𑌾॑𑌵𑌾𑌸𑍍𑌯𑍇 𑌸𑌂॒𑌵𑌁𑌸॑𑌨𑍍𑌤𑍋 𑌮𑌹𑌿॒𑌤𑍍𑌵𑌾 । 𑌸𑌾𑌨𑍋॑ 𑌯॒𑌜𑍍𑌞-𑌮𑍍𑌪𑌿॑𑌪𑍃𑌹𑌿 𑌵𑌿𑌶𑍍𑌵𑌵𑌾𑌰𑍇 𑌰॒𑌯𑌿-𑌨𑍍𑌨𑍋॑ 𑌧𑍇𑌹𑌿 𑌸𑍁𑌭𑌗𑍇 𑌸𑍁॒𑌵𑍀𑌰᳚𑌮𑍍 ॥𑌨𑌿॒𑌵𑍇𑌶॑𑌨𑍀 𑌸॒𑌙𑍍𑌗𑌮॑𑌨𑍀॒ 𑌵𑌸𑍂॑𑌨𑌾𑌂॒-𑌵𑌿𑌁𑌶𑍍𑌵𑌾॑ 𑌰𑍂॒𑌪𑌾𑌣𑌿॒ 𑌵𑌸𑍂᳚𑌨𑍍𑌯𑌾𑌵𑍇॒𑌶𑌯॑𑌨𑍍𑌤𑍀 । 𑌸॒𑌹॒𑌸𑍍𑌰॒𑌪𑍋॒𑌷𑌗𑍍𑌮𑍍 𑌸𑍁॒𑌭𑌗𑌾॒ 𑌰𑌰𑌾॑𑌣𑌾॒ 𑌸𑌾 𑌨॒ 𑌆𑌗॒𑌨𑍍. 𑌵𑌰𑍍𑌚॑𑌸𑌾 [𑌆𑌗॒𑌨𑍍. 𑌵𑌰𑍍𑌚॑𑌸𑌾, 𑌸𑌂॒𑌵𑌿𑌁॒𑌦𑌾॒𑌨𑌾 ।] 1
𑌸𑌂𑌵𑌿𑌁𑌦𑌾॒𑌨𑌾 ॥ 𑌅𑌗𑍍𑌨𑍀॑𑌷𑍋𑌮𑍌 𑌪𑍍𑌰𑌥॒𑌮𑍌 𑌵𑍀॒𑌰𑍍𑌯𑍇॑𑌣॒ 𑌵𑌸𑍂᳚-𑌨𑍍𑌰𑍁॒𑌦𑍍𑌰𑌾𑌨𑌾॑𑌦𑌿॒𑌤𑍍𑌯𑌾𑌨𑌿॒𑌹 𑌜𑌿॑𑌨𑍍𑌵𑌤𑌮𑍍 । 𑌮𑌾॒𑌦𑍍𑌧𑍍𑌯𑌗𑍍𑌮𑍍 𑌹𑌿 𑌪𑍌᳚𑌰𑍍𑌣𑌮𑌾॒𑌸-𑌞𑍍𑌜𑍁॒𑌷𑍇𑌥𑌾॒-𑌮𑍍𑌬𑍍𑌰𑌹𑍍𑌮॑𑌣𑌾 𑌵𑍃॒𑌦𑍍𑌧𑍌 𑌸𑍁॑𑌕𑍃॒𑌤𑍇𑌨॑ 𑌸𑌾॒𑌤𑌾𑌵𑌥𑌾॒-𑌽𑌸𑍍𑌮𑌭𑍍𑌯𑌗𑍍𑌮𑍍॑ 𑌸॒𑌹𑌵𑍀॑𑌰𑌾𑌗𑍍𑌮𑍍 𑌰॒𑌯𑌿-𑌨𑍍𑌨𑌿 𑌯॑𑌚𑍍𑌛𑌤𑌮𑍍 ॥ 𑌆॒𑌦𑌿॒𑌤𑍍𑌯𑌾𑌶𑍍𑌚𑌾-𑌽𑌙𑍍𑌗𑌿॑𑌰𑌸𑌶𑍍𑌚𑌾॒𑌗𑍍𑌨𑍀𑌨𑌾-𑌽𑌦॑𑌧𑌤॒ 𑌤𑍇 𑌦॑𑌰𑍍𑌶𑌪𑍂𑌰𑍍𑌣𑌮𑌾॒𑌸𑍌 𑌪𑍍𑌰𑍈𑌫𑍍𑌸॒-𑌨𑍍𑌤𑍇𑌷𑌾॒𑌮𑌙𑍍𑌗𑌿॑𑌰𑌸𑌾॒-𑌨𑍍𑌨𑌿𑌰𑍁॑𑌪𑍍𑌤𑌗𑍍𑌮𑍍 𑌹॒𑌵𑌿𑌰𑌾𑌸𑍀॒𑌦𑌥𑌾॑-𑌽𑌽𑌦𑌿॒𑌤𑍍𑌯𑌾 𑌏॒𑌤𑍌 𑌹𑍋𑌮𑌾॑𑌵𑌪𑌶𑍍𑌯॒-𑌨𑍍𑌤𑌾𑌵॑𑌜𑍁𑌹𑌵𑍁॒𑌸𑍍𑌤𑌤𑍋॒ 𑌵𑍈 𑌤𑍇 𑌦॑𑌰𑍍𑌶𑌪𑍂𑌰𑍍𑌣𑌮𑌾॒𑌸𑍌 [ ] 2
𑌪𑍂𑌰𑍍𑌵॒ 𑌆 𑌽𑌲॑𑌭𑌨𑍍𑌤 𑌦𑌰𑍍𑌶𑌪𑍂𑌰𑍍𑌣𑌮𑌾॒𑌸𑌾-𑌵𑌾॒𑌲𑌭॑𑌮𑌾𑌨 𑌏॒𑌤𑍌 𑌹𑍋𑌮𑍌॑ 𑌪𑍁॒𑌰𑌸𑍍𑌤𑌾᳚𑌜𑍍𑌜𑍁𑌹𑍁𑌯𑌾-𑌥𑍍𑌸𑌾॒𑌕𑍍𑌷𑌾𑌦𑍇॒𑌵 𑌦॑𑌰𑍍𑌶𑌪𑍂𑌰𑍍𑌣𑌮𑌾॒𑌸𑌾𑌵𑌾 𑌲॑𑌭𑌤𑍇 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌸 𑌤𑍍𑌵𑍈 𑌦॑𑌰𑍍𑌶𑌪𑍂𑌰𑍍𑌣𑌮𑌾॒𑌸𑌾𑌵𑌾 𑌲॑𑌭𑍇𑌤॒ 𑌯 𑌏॑𑌨𑌯𑍋𑌰𑌨𑍁-𑌲𑍋॒𑌮𑌞𑍍𑌚॑ 𑌪𑍍𑌰𑌤𑌿𑌲𑍋॒𑌮𑌞𑍍𑌚॑ 𑌵𑌿॒𑌦𑍍𑌯𑌾𑌦𑌿𑌤𑍍𑌯॑𑌮𑌾𑌵𑌾॒𑌸𑍍𑌯𑌾॑𑌯𑌾 𑌊॒𑌰𑍍𑌧𑍍𑌵-𑌨𑍍𑌤𑌦॑𑌨𑍁𑌲𑍋॒𑌮-𑌮𑍍𑌪𑍌᳚𑌰𑍍𑌣𑌮𑌾॒𑌸𑍍𑌯𑍈 𑌪𑍍𑌰॑𑌤𑍀॒𑌚𑍀𑌨॒-𑌨𑍍𑌤-𑌤𑍍𑌪𑍍𑌰॑𑌤𑌿𑌲𑍋॒𑌮𑌂-𑌯𑌁-𑌤𑍍𑌪𑍌᳚𑌰𑍍𑌣𑌮𑌾॒𑌸𑍀-𑌮𑍍𑌪𑍂𑌰𑍍𑌵𑌾॑𑌮𑌾॒𑌲𑌭𑍇॑𑌤 𑌪𑍍𑌰𑌤𑌿𑌲𑍋॒𑌮𑌮𑍇॑𑌨𑌾॒𑌵𑌾 𑌲॑𑌭𑍇𑌤𑌾॒-𑌮𑍁𑌮॑𑌪॒𑌕𑍍𑌷𑍀𑌯॑𑌮𑌾𑌣॒-𑌮𑌨𑍍𑌵𑌪॑- [-𑌮𑌨𑍍𑌵𑌪॑, 𑌕𑍍𑌷𑍀॒𑌯𑍇॒𑌤॒ 𑌸𑌾॒𑌰॒𑌸𑍍𑌵॒𑌤𑍌 𑌹𑍋𑌮𑍌॑] 3
-𑌕𑍍𑌷𑍀𑌯𑍇𑌤 𑌸𑌾𑌰𑌸𑍍𑌵॒𑌤𑍌 𑌹𑍋𑌮𑍌॑ 𑌪𑍁॒𑌰𑌸𑍍𑌤𑌾᳚𑌜𑍍𑌜𑍁𑌹𑍁𑌯𑌾𑌦𑌮𑌾𑌵𑌾॒𑌸𑍍𑌯𑌾॑ 𑌵𑍈 𑌸𑌰॑𑌸𑍍𑌵𑌤𑍍𑌯𑌨𑍁𑌲𑍋॒𑌮-𑌮𑍇॒𑌵𑍈𑌨𑌾॒𑌵𑌾 𑌲॑𑌭𑌤𑍇॒ 𑌽𑌮𑍁𑌮𑌾॒𑌪𑍍𑌯𑌾𑌯॑𑌮𑌾𑌨॒𑌮𑌨𑍍𑌵𑌾 𑌪𑍍𑌯𑌾॑𑌯𑌤 𑌆𑌗𑍍𑌨𑌾𑌵𑍈𑌷𑍍𑌣॒𑌵-𑌮𑍇𑌕𑌾॑𑌦𑌶𑌕𑌪𑌾𑌲-𑌮𑍍𑌪𑍁॒𑌰𑌸𑍍𑌤𑌾॒𑌨𑍍𑌨𑌿𑌵॑𑌰𑍍𑌪𑍇॒-𑌥𑍍𑌸𑌰॑𑌸𑍍𑌵𑌤𑍍𑌯𑍈 𑌚॒𑌰𑍁𑌗𑍍𑌮𑍍 𑌸𑌰॑𑌸𑍍𑌵𑌤𑍇॒ 𑌦𑍍𑌵𑌾𑌦॑𑌶𑌕𑌪𑌾𑌲𑌂॒-𑌯𑌁𑌦𑌾᳚𑌗𑍍𑌨𑍇॒𑌯𑍋 𑌭𑌵॑𑌤𑍍𑌯॒𑌗𑍍𑌨𑌿𑌰𑍍𑌵𑍈 𑌯॑𑌜𑍍𑌞𑌮𑍁॒𑌖𑌂-𑌯𑌁॑𑌜𑍍𑌞𑌮𑍁॒𑌖𑌮𑍇॒𑌵𑌰𑍍𑌧𑌿॑-𑌮𑍍𑌪𑍁॒𑌰𑌸𑍍𑌤𑌾᳚-𑌦𑍍𑌧𑌤𑍍𑌤𑍇॒ 𑌯-𑌦𑍍𑌵𑍈᳚𑌷𑍍𑌣॒𑌵𑍋 𑌭𑌵॑𑌤𑌿 𑌯॒𑌜𑍍𑌞𑍋 𑌵𑍈 𑌵𑌿𑌷𑍍𑌣𑍁॑𑌰𑍍𑌯॒𑌜𑍍𑌞𑌮𑍇॒𑌵𑌾-𑌽𑌽𑌰𑌭𑍍𑌯॒ 𑌪𑍍𑌰𑌤॑𑌨𑍁𑌤𑍇॒ 𑌸𑌰॑𑌸𑍍𑌵𑌤𑍍𑌯𑍈 𑌚॒𑌰𑍁𑌰𑍍𑌭॑𑌵𑌤𑌿॒ 𑌸𑌰॑𑌸𑍍𑌵𑌤𑍇॒ 𑌦𑍍𑌵𑌾𑌦॑𑌶𑌕𑌪𑌾𑌲𑍋-𑌽𑌮𑌾𑌵𑌾॒𑌸𑍍𑌯𑌾॑ 𑌵𑍈 𑌸𑌰॑𑌸𑍍𑌵𑌤𑍀 𑌪𑍂॒𑌰𑍍𑌣𑌮𑌾॑𑌸॒-𑌸𑍍𑌸𑌰॑𑌸𑍍𑌵𑌾॒-𑌨𑍍𑌤𑌾𑌵𑍇॒𑌵 𑌸𑌾॒𑌕𑍍𑌷𑌾𑌦𑌾 𑌰॑𑌭𑌤 𑌋॒𑌦𑍍𑌧𑍍𑌨𑍋𑌤𑍍𑌯𑌾᳚𑌭𑍍𑌯𑌾॒-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌸𑍍𑌸𑌰॑𑌸𑍍𑌵𑌤𑍇 𑌭𑌵𑌤𑌿 𑌮𑌿𑌥𑍁𑌨॒𑌤𑍍𑌵𑌾𑌯॒ 𑌪𑍍𑌰𑌜𑌾᳚𑌤𑍍𑌯𑍈 𑌮𑌿𑌥𑍁॒𑌨𑍌 𑌗𑌾𑌵𑍌॒ 𑌦𑌕𑍍𑌷𑌿॑𑌣𑌾॒ 𑌸𑌮𑍃॑𑌦𑍍𑌧𑍍𑌯𑍈 ॥ 4 ॥
(𑌵𑌰𑍍𑌚॑𑌸𑌾॒ – 𑌵𑍈 𑌤𑍇 𑌦॑𑌰𑍍𑌶𑌪𑍂𑌰𑍍𑌣𑌮𑌾॒𑌸𑌾 – 𑌵𑌪॑ – 𑌤𑌨𑍁𑌤𑍇॒ 𑌸𑌰॑𑌸𑍍𑌵𑌤𑍍𑌯𑍈॒ – 𑌪𑌞𑍍𑌚॑𑌵𑌿𑌗𑍍𑌮𑍍𑌶𑌤𑌿𑌶𑍍𑌚) (𑌅. 1)
𑌋𑌷॑𑌯𑍋॒ 𑌵𑌾 𑌇𑌨𑍍𑌦𑍍𑌰॑-𑌮𑍍𑌪𑍍𑌰॒𑌤𑍍𑌯𑌕𑍍𑌷॒-𑌨𑍍𑌨𑌾𑌪॑𑌶𑍍𑌯॒-𑌨𑍍𑌤𑌂-𑌵𑌁𑌸𑌿॑𑌷𑍍𑌠𑌃 𑌪𑍍𑌰॒𑌤𑍍𑌯𑌕𑍍𑌷॑𑌮𑌪𑌶𑍍𑌯॒-𑌥𑍍𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌬𑍍𑌰𑌾𑌹𑍍𑌮॑𑌣-𑌨𑍍𑌤𑍇 𑌵𑌕𑍍𑌷𑍍𑌯𑌾𑌮𑌿॒ 𑌯𑌥𑌾॒ 𑌤𑍍𑌵𑌤𑍍𑌪𑍁॑𑌰𑍋𑌹𑌿𑌤𑌾𑌃 𑌪𑍍𑌰॒𑌜𑌾𑌃 𑌪𑍍𑌰॑𑌜𑌨𑌿॒𑌷𑍍𑌯𑌨𑍍𑌤𑍇-𑌽𑌥॒ 𑌮𑍇𑌤॑𑌰𑍇𑌭𑍍𑌯॒ 𑌋𑌷𑌿॑𑌭𑍍𑌯𑍋॒ 𑌮𑌾 𑌪𑍍𑌰𑌵𑍋॑𑌚॒ 𑌇𑌤𑌿॒ 𑌤𑌸𑍍𑌮𑌾॑ 𑌏॒𑌤𑌾𑌨𑍍𑌥𑍍𑌸𑍍𑌤𑍋𑌮॑-𑌭𑌾𑌗𑌾𑌨𑌬𑍍𑌰𑌵𑍀॒-𑌤𑍍𑌤𑌤𑍋॒ 𑌵𑌸𑌿॑𑌷𑍍𑌠𑌪𑍁𑌰𑍋𑌹𑌿𑌤𑌾𑌃 𑌪𑍍𑌰॒𑌜𑌾𑌃 𑌪𑍍𑌰𑌾𑌜𑌾॑𑌯𑌨𑍍𑌤॒ 𑌤𑌸𑍍𑌮𑌾᳚-𑌦𑍍𑌵𑌾𑌸𑌿॒𑌷𑍍𑌠𑍋 𑌬𑍍𑌰॒𑌹𑍍𑌮𑌾 𑌕𑌾॒𑌰𑍍𑌯𑌃॑ 𑌪𑍍𑌰𑍈𑌵 𑌜𑌾॑𑌯𑌤𑍇 𑌰॒𑌶𑍍𑌮𑌿𑌰॑𑌸𑌿॒ 𑌕𑍍𑌷𑌯𑌾॑𑌯 𑌤𑍍𑌵𑌾॒ 𑌕𑍍𑌷𑌯॑-𑌞𑍍𑌜𑌿॒𑌨𑍍𑌵𑍇- [𑌕𑍍𑌷𑌯॑-𑌞𑍍𑌜𑌿॒𑌨𑍍𑌵𑍇𑌤𑌿॑, 𑌆॒𑌹॒ 𑌦𑍇॒𑌵𑌾 𑌵𑍈] 5
-𑌤𑍍𑌯𑌾॑𑌹 𑌦𑍇॒𑌵𑌾 𑌵𑍈 𑌕𑍍𑌷𑌯𑍋॑ 𑌦𑍇॒𑌵𑍇𑌭𑍍𑌯॑ 𑌏॒𑌵 𑌯॒𑌜𑍍𑌞-𑌮𑍍𑌪𑍍𑌰𑌾-𑌽𑌽𑌹॒ 𑌪𑍍𑌰𑍇𑌤𑌿॑𑌰𑌸𑌿॒ 𑌧𑌰𑍍𑌮𑌾॑𑌯 𑌤𑍍𑌵𑌾॒ 𑌧𑌰𑍍𑌮॑-𑌞𑍍𑌜𑌿॒𑌨𑍍𑌵𑍇𑌤𑍍𑌯𑌾॑𑌹 𑌮𑌨𑍁॒𑌷𑍍𑌯𑌾॑ 𑌵𑍈 𑌧𑌰𑍍𑌮𑍋॑ 𑌮𑌨𑍁॒𑌷𑍍𑌯𑍇᳚𑌭𑍍𑌯 𑌏॒𑌵 𑌯॒𑌜𑍍𑌞-𑌮𑍍𑌪𑍍𑌰𑌾-𑌽𑌽𑌹𑌾𑌨𑍍𑌵𑌿॑𑌤𑌿𑌰𑌸𑌿 𑌦𑌿॒𑌵𑍇 𑌤𑍍𑌵𑌾॒ 𑌦𑌿𑌵॑-𑌞𑍍𑌜𑌿॒𑌨𑍍𑌵𑍇𑌤𑍍𑌯𑌾॑𑌹𑍈॒𑌭𑍍𑌯 𑌏॒𑌵 𑌲𑍋॒𑌕𑍇𑌭𑍍𑌯𑍋॑ 𑌯॒𑌜𑍍𑌞-𑌮𑍍𑌪𑍍𑌰𑌾-𑌽𑌽𑌹॑𑌵𑌿𑌷𑍍𑌟॒𑌮𑍍𑌭𑍋॑-𑌽𑌸𑌿॒ 𑌵𑍃𑌷𑍍𑌟𑍍𑌯𑍈᳚ 𑌤𑍍𑌵𑌾॒ 𑌵𑍃𑌷𑍍𑌟𑌿॑-𑌞𑍍𑌜𑌿॒𑌨𑍍𑌵𑍇𑌤𑍍𑌯𑌾॑𑌹॒ 𑌵𑍃𑌷𑍍𑌟𑌿॑𑌮𑍇॒𑌵𑌾-𑌽𑌵॑- [𑌵𑍃𑌷𑍍𑌟𑌿॑𑌮𑍇॒𑌵𑌾-𑌽𑌵॑, 𑌰𑍁॒𑌨𑍍𑌧𑍇॒ 𑌪𑍍𑌰॒𑌵𑌾-] 6
-𑌰𑍁𑌨𑍍𑌧𑍇 𑌪𑍍𑌰॒𑌵𑌾-𑌽𑌸𑍍𑌯॑𑌨𑍁॒𑌵𑌾-𑌽𑌸𑍀𑌤𑍍𑌯𑌾॑𑌹 𑌮𑌿𑌥𑍁𑌨॒𑌤𑍍𑌵𑌾𑌯𑍋॒𑌶𑌿𑌗॑𑌸𑌿॒ 𑌵𑌸𑍁॑𑌭𑍍𑌯𑌸𑍍𑌤𑍍𑌵𑌾॒ 𑌵𑌸𑍂᳚𑌞𑍍𑌜𑌿॒𑌨𑍍𑌵𑍇𑌤𑍍𑌯𑌾॑𑌹𑌾॒𑌷𑍍𑌟𑍌 𑌵𑌸॑𑌵॒ 𑌏𑌕𑌾॑𑌦𑌶 𑌰𑍁॒𑌦𑍍𑌰𑌾 𑌦𑍍𑌵𑌾𑌦॑𑌶𑌾-𑌽𑌽𑌦𑌿॒𑌤𑍍𑌯𑌾 𑌏॒𑌤𑌾𑌵॑𑌨𑍍𑌤𑍋॒ 𑌵𑍈 𑌦𑍇॒𑌵𑌾𑌸𑍍𑌤𑍇𑌭𑍍𑌯॑ 𑌏॒𑌵 𑌯॒𑌜𑍍𑌞-𑌮𑍍𑌪𑍍𑌰𑌾-𑌽𑌽𑌹𑍌𑌜𑍋॑-𑌽𑌸𑌿 𑌪𑌿॒𑌤𑍃𑌭𑍍𑌯॑𑌸𑍍𑌤𑍍𑌵𑌾 𑌪𑌿॒𑌤𑍄𑌨𑍍 𑌜𑌿॒𑌨𑍍𑌵𑍇𑌤𑍍𑌯𑌾॑𑌹 𑌦𑍇॒𑌵𑌾𑌨𑍇॒𑌵 𑌪𑌿॒𑌤𑍄𑌨𑌨𑍁॒ 𑌸𑌨𑍍𑌤॑𑌨𑍋𑌤𑌿॒ 𑌤𑌨𑍍𑌤𑍁॑𑌰𑌸𑌿 𑌪𑍍𑌰॒𑌜𑌾𑌭𑍍𑌯॑𑌸𑍍𑌤𑍍𑌵𑌾 𑌪𑍍𑌰॒𑌜𑌾 𑌜𑌿॒𑌨𑍍𑌵𑍇- [𑌪𑍍𑌰॒𑌜𑌾 𑌜𑌿॑𑌨𑍍𑌵, 𑌇𑌤𑍍𑌯𑌾॑𑌹 𑌪𑌿॒𑌤𑍄𑌨𑍇॒𑌵]
-𑌤𑍍𑌯𑌾॑𑌹 𑌪𑌿॒𑌤𑍄𑌨𑍇॒𑌵 𑌪𑍍𑌰॒𑌜𑌾 𑌅𑌨𑍁॒ 𑌸𑌨𑍍𑌤॑𑌨𑍋𑌤𑌿 𑌪𑍃𑌤𑌨𑌾॒𑌷𑌾𑌡॑𑌸𑌿 𑌪॒𑌶𑍁𑌭𑍍𑌯॑𑌸𑍍𑌤𑍍𑌵𑌾 𑌪॒𑌶𑍂𑌞𑍍𑌜𑌿॒𑌨𑍍𑌵𑍇𑌤𑍍𑌯𑌾॑𑌹 𑌪𑍍𑌰॒𑌜𑌾 𑌏॒𑌵 𑌪॒𑌶𑍂𑌨𑌨𑍁॒ 𑌸𑌨𑍍𑌤॑𑌨𑍋𑌤𑌿𑌰𑍇॒𑌵𑌦॒𑌸𑍍𑌯𑍋-𑌷॑𑌧𑍀𑌭𑍍𑌯॒ 𑌸𑍍𑌤𑍍𑌵𑍌𑌷॑𑌧𑍀-𑌰𑍍𑌜𑌿॒𑌨𑍍𑌵𑍇𑌤𑍍𑌯𑌾॒𑌹𑍌𑌷॑𑌧𑍀𑌷𑍍𑌵𑍇॒𑌵 𑌪॒𑌶𑍂-𑌨𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑍍𑌯𑌭𑌿॒𑌜𑌿𑌦॑𑌸𑌿 𑌯𑍁॒𑌕𑍍𑌤𑌗𑍍𑌰𑌾॒𑌵𑍇𑌨𑍍𑌦𑍍𑌰𑌾॑𑌯॒ 𑌤𑍍𑌵𑍇𑌨𑍍𑌦𑍍𑌰॑-𑌞𑍍𑌜𑌿॒𑌨𑍍𑌵𑍇𑌤𑍍𑌯𑌾॑𑌹𑌾॒𑌭𑌿𑌜𑌿॑𑌤𑍍𑌯𑌾॒ 𑌅𑌧𑌿॑𑌪𑌤𑌿𑌰𑌸𑌿 𑌪𑍍𑌰𑌾॒𑌣𑌾𑌯॑ 𑌤𑍍𑌵𑌾 𑌪𑍍𑌰𑌾॒𑌣- [𑌪𑍍𑌰𑌾॒𑌣𑌮𑍍, 𑌜𑌿॒𑌨𑍍𑌵𑍇𑌤𑍍𑌯𑌾॑𑌹]
-𑌞𑍍𑌜𑌿॒𑌨𑍍𑌵𑍇𑌤𑍍𑌯𑌾॑𑌹 𑌪𑍍𑌰॒𑌜𑌾𑌸𑍍𑌵𑍇॒𑌵 𑌪𑍍𑌰𑌾॒𑌣𑌾-𑌨𑍍𑌦॑𑌧𑌾𑌤𑌿 𑌤𑍍𑌰𑌿॒𑌵𑍃𑌦॑𑌸𑌿 𑌪𑍍𑌰॒𑌵𑍃𑌦॒𑌸𑍀𑌤𑍍𑌯𑌾॑𑌹 𑌮𑌿𑌥𑍁𑌨॒𑌤𑍍𑌵𑌾𑌯॑ 𑌸𑌗𑍍𑌮𑍍𑌰𑍋॒𑌹𑍋॑-𑌽𑌸𑌿 𑌨𑍀𑌰𑍋॒𑌹𑍋॑-𑌽𑌸𑍀𑌤𑍍𑌯𑌾॑𑌹॒ 𑌪𑍍𑌰𑌜𑌾᳚𑌤𑍍𑌯𑍈 𑌵𑌸𑍁॒𑌕𑍋॑-𑌽𑌸𑌿॒ 𑌵𑍇𑌷॑𑌶𑍍𑌰𑌿𑌰𑌸𑌿॒ 𑌵𑌸𑍍𑌯॑𑌷𑍍𑌟𑌿𑌰॒𑌸𑍀𑌤𑍍𑌯𑌾॑𑌹॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ ॥
(𑌜𑌿॒𑌨𑍍𑌵𑍇𑌤𑍍𑌯 – 𑌵॑ – 𑌪𑍍𑌰॒𑌜𑌾 𑌜𑌿॑𑌨𑍍𑌵 – 𑌪𑍍𑌰𑌾॒𑌣𑌨𑍍 – 𑌤𑍍𑌰𑌿॒𑌗𑍍𑌮𑍍॒𑌶𑌚𑍍𑌚॑) (𑌅. 2)
𑌅॒𑌗𑍍𑌨𑌿𑌨𑌾॑ 𑌦𑍇॒𑌵𑍇𑌨॒ 𑌪𑍃𑌤॑𑌨𑌾 𑌜𑌯𑌾𑌮𑌿 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾 𑌤𑍍𑌰𑌿॒𑌵𑍃𑌤𑌾॒ 𑌸𑍍𑌤𑍋𑌮𑍇॑𑌨 𑌰𑌥𑌨𑍍𑌤॒𑌰𑍇𑌣॒ 𑌸𑌾𑌮𑍍𑌨𑌾॑ 𑌵𑌷𑌟𑍍𑌕𑌾॒𑌰𑍇𑌣॒ 𑌵𑌜𑍍𑌰𑍇॑𑌣 𑌪𑍂𑌰𑍍𑌵॒𑌜𑌾-𑌨𑍍𑌭𑍍𑌰𑌾𑌤𑍃॑𑌵𑍍𑌯𑌾॒𑌨𑌧॑𑌰𑌾-𑌨𑍍𑌪𑌾𑌦𑌯𑌾॒𑌮𑍍𑌯𑌵𑍈॑𑌨𑌾-𑌨𑍍𑌬𑌾𑌧𑍇॒ 𑌪𑍍𑌰𑌤𑍍𑌯𑍇॑𑌨𑌾𑌨𑍍𑌨𑍁𑌦𑍇॒-𑌽𑌸𑍍𑌮𑌿𑌨𑍍 𑌕𑍍𑌷𑌯𑍇॒-𑌽𑌸𑍍𑌮𑌿-𑌨𑍍𑌭𑍂॑𑌮𑌿𑌲𑍋॒𑌕𑍇 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌵𑌿𑌷𑍍𑌣𑍋𑌃॒ 𑌕𑍍𑌰𑌮𑍇॒𑌣𑌾-𑌽𑌤𑍍𑌯𑍇॑𑌨𑌾𑌨𑍍 𑌕𑍍𑌰𑌾𑌮𑌾॒𑌮𑍀𑌨𑍍𑌦𑍍𑌰𑍇॑𑌣 𑌦𑍇॒𑌵𑍇𑌨॒ 𑌪𑍃𑌤॑𑌨𑌾 𑌜𑌯𑌾𑌮𑌿॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌛𑌨𑍍𑌦॑𑌸𑌾 𑌪𑌞𑍍𑌚𑌦॒𑌶𑍇𑌨॒ 𑌸𑍍𑌤𑍋𑌮𑍇॑𑌨 𑌬𑍃𑌹॒𑌤𑌾 𑌸𑌾𑌮𑍍𑌨𑌾॑ 𑌵𑌷𑌟𑍍𑌕𑌾॒𑌰𑍇𑌣॒ 𑌵𑌜𑍍𑌰𑍇॑𑌣 [𑌵𑌜𑍍𑌰𑍇॑𑌣, 𑌸॒𑌹॒𑌜𑌾𑌨𑍍. 𑌵𑌿𑌶𑍍𑌵𑍇॑𑌭𑌿𑌰𑍍𑌦𑍇॒𑌵𑍇𑌭𑌿𑌃॒ 𑌪𑍃𑌤॑𑌨𑌾] 10
𑌸𑌹॒𑌜𑌾𑌨𑍍. 𑌵𑌿𑌶𑍍𑌵𑍇॑𑌭𑌿𑌰𑍍𑌦𑍇॒𑌵𑍇𑌭𑌿𑌃॒ 𑌪𑍃𑌤॑𑌨𑌾 𑌜𑌯𑌾𑌮𑌿॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦॑𑌸𑌾 𑌸𑌪𑍍𑌤𑌦॒𑌶𑍇𑌨॒ 𑌸𑍍𑌤𑍋𑌮𑍇॑𑌨 𑌵𑌾𑌮𑌦𑍇॒𑌵𑍍𑌯𑍇𑌨॒ 𑌸𑌾𑌮𑍍𑌨𑌾॑ 𑌵𑌷𑌟𑍍𑌕𑌾॒𑌰𑍇𑌣॒ 𑌵𑌜𑍍𑌰𑍇॑𑌣𑌾 𑌪𑌰॒𑌜𑌾𑌨𑌿𑌨𑍍𑌦𑍍𑌰𑍇॑𑌣 𑌸॒𑌯𑍁𑌜𑍋॑ 𑌵॒𑌯𑌗𑍍𑌮𑍍 𑌸𑌾॑𑌸॒𑌹𑍍𑌯𑌾𑌮॑ 𑌪𑍃𑌤𑌨𑍍𑌯॒𑌤𑌃 । 𑌘𑍍𑌨𑌨𑍍𑌤𑍋॑ 𑌵𑍃॒𑌤𑍍𑌰𑌾𑌣𑍍𑌯॑𑌪𑍍𑌰॒𑌤𑌿 । 𑌯𑌤𑍍𑌤𑍇॑ 𑌅𑌗𑍍𑌨𑍇॒ 𑌤𑍇𑌜॒𑌸𑍍𑌤𑍇𑌨𑌾॒𑌹-𑌨𑍍𑌤𑍇॑𑌜॒𑌸𑍍𑌵𑍀 𑌭𑍂॑𑌯𑌾𑌸𑌂॒-𑌯𑌁𑌤𑍍𑌤𑍇॑ 𑌅𑌗𑍍𑌨𑍇॒ 𑌵𑌰𑍍𑌚॒𑌸𑍍𑌤𑍇𑌨𑌾॒𑌹𑌂-𑌵𑌁॑𑌰𑍍𑌚॒𑌸𑍍𑌵𑍀 𑌭𑍂॑𑌯𑌾𑌸𑌂॒-𑌯𑌁𑌤𑍍𑌤𑍇॑ 𑌅𑌗𑍍𑌨𑍇॒ 𑌹𑌰॒𑌸𑍍𑌤𑍇𑌨𑌾॒𑌹𑌗𑍍𑌮𑍍 𑌹॑𑌰॒𑌸𑍍𑌵𑍀 𑌭𑍂॑𑌯𑌾𑌸𑌮𑍍 ॥ 11 ॥
(𑌬𑍃॒𑌹॒𑌤𑌾 𑌸𑌾𑌮𑍍𑌨𑌾॑ 𑌵𑌷𑌟𑍍𑌕𑌾॒𑌰𑍇𑌣॒ 𑌵𑌜𑍍𑌰𑍇॑𑌣॒ – 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. 3)
𑌯𑍇 𑌦𑍇॒𑌵𑌾 𑌯॑𑌜𑍍𑌞॒𑌹𑌨𑍋॑ 𑌯𑌜𑍍𑌞॒𑌮𑍁𑌷𑌃॑ 𑌪𑍃𑌥𑌿॒𑌵𑍍𑌯𑌾𑌮𑌦𑍍𑌧𑍍𑌯𑌾𑌸॑𑌤𑍇 । 𑌅॒𑌗𑍍𑌨𑌿𑌰𑍍𑌮𑌾॒ 𑌤𑍇𑌭𑍍𑌯𑍋॑ 𑌰𑌕𑍍𑌷𑌤𑍁॒ 𑌗𑌚𑍍𑌛𑍇॑𑌮 𑌸𑍁॒𑌕𑍃𑌤𑍋॑ 𑌵॒𑌯𑌮𑍍 ॥ 𑌆-𑌽𑌗॑𑌨𑍍𑌮 𑌮𑌿𑌤𑍍𑌰𑌾𑌵𑌰𑍁𑌣𑌾 𑌵𑌰𑍇𑌣𑍍𑌯𑌾॒ 𑌰𑌾𑌤𑍍𑌰𑍀॑𑌣𑌾-𑌮𑍍𑌭𑌾॒𑌗𑍋 𑌯𑍁॒𑌵𑌯𑍋॒𑌰𑍍𑌯𑍋 𑌅𑌸𑍍𑌤𑌿॑ । 𑌨𑌾𑌕॑-𑌙𑍍𑌗𑍃𑌹𑍍𑌣𑌾॒𑌨𑌾-𑌸𑍍𑌸𑍁॑𑌕𑍃॒𑌤𑌸𑍍𑌯॑ 𑌲𑍋॒𑌕𑍇 𑌤𑍃॒𑌤𑍀𑌯𑍇॑ 𑌪𑍃॒𑌷𑍍𑌠𑍇 𑌅𑌧𑌿॑ 𑌰𑍋𑌚॒𑌨𑍇 𑌦𑌿॒𑌵𑌃 ॥ 𑌯𑍇 𑌦𑍇॒𑌵𑌾 𑌯॑𑌜𑍍𑌞॒𑌹𑌨𑍋॑ 𑌯𑌜𑍍𑌞॒𑌮𑍁𑌷𑍋॒-𑌽𑌨𑍍𑌤𑌰𑌿॒𑌕𑍍𑌷𑍇-𑌽𑌦𑍍𑌧𑍍𑌯𑌾𑌸॑𑌤𑍇 । 𑌵𑌾॒𑌯𑍁𑌰𑍍𑌮𑌾॒ 𑌤𑍇𑌭𑍍𑌯𑍋॑ 𑌰𑌕𑍍𑌷𑌤𑍁॒ 𑌗𑌚𑍍𑌛𑍇॑𑌮 𑌸𑍁॒𑌕𑍃𑌤𑍋॑ 𑌵॒𑌯𑌮𑍍 ॥ 𑌯𑌾𑌸𑍍𑌤𑍇॒ 𑌰𑌾𑌤𑍍𑌰𑍀᳚-𑌸𑍍𑌸𑌵𑌿𑌤- [𑌰𑌾𑌤𑍍𑌰𑍀᳚-𑌸𑍍𑌸𑌵𑌿𑌤𑌃, 𑌦𑍇॒𑌵॒𑌯𑌾𑌨𑍀॑𑌰𑌨𑍍𑌤॒𑌰𑌾] 12
-𑌰𑍍𑌦𑍇𑌵॒𑌯𑌾𑌨𑍀॑𑌰𑌨𑍍𑌤॒𑌰𑌾 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌵𑌿॒𑌯𑌨𑍍𑌤𑌿॑ । 𑌗𑍃॒𑌹𑍈𑌶𑍍𑌚॒ 𑌸𑌰𑍍𑌵𑍈𑌃᳚ 𑌪𑍍𑌰॒𑌜𑌯𑌾॒ 𑌨𑍍𑌵𑌗𑍍𑌰𑍇॒ 𑌸𑍁𑌵𑍋॒ 𑌰𑍁𑌹𑌾॑𑌣𑌾𑌸𑍍𑌤𑌰𑌤𑌾॒ 𑌰𑌜𑌾𑌗𑍍𑌮𑍍॑𑌸𑌿 ॥ 𑌯𑍇 𑌦𑍇॒𑌵𑌾 𑌯॑𑌜𑍍𑌞॒𑌹𑌨𑍋॑ 𑌯𑌜𑍍𑌞॒𑌮𑍁𑌷𑍋॑ 𑌦𑌿॒𑌵𑍍𑌯𑌦𑍍𑌧𑍍𑌯𑌾𑌸॑𑌤𑍇 । 𑌸𑍂𑌰𑍍𑌯𑍋॑ 𑌮𑌾॒ 𑌤𑍇𑌭𑍍𑌯𑍋॑ 𑌰𑌕𑍍𑌷𑌤𑍁॒ 𑌗𑌚𑍍𑌛𑍇॑𑌮 𑌸𑍁॒𑌕𑍃𑌤𑍋॑ 𑌵॒𑌯𑌮𑍍 ॥ 𑌯𑍇𑌨𑍇𑌨𑍍𑌦𑍍𑌰𑌾॑𑌯 𑌸॒𑌮𑌭॑𑌰𑌃॒ 𑌪𑌯𑌾𑌗𑍍॑𑌸𑍍𑌯𑍁𑌤𑍍𑌤॒𑌮𑍇𑌨॑ 𑌹॒𑌵𑌿𑌷𑌾॑ 𑌜𑌾𑌤𑌵𑍇𑌦𑌃 । 𑌤𑍇𑌨𑌾᳚-𑌽𑌗𑍍𑌨𑍇॒ 𑌤𑍍𑌵𑌮𑍁॒𑌤 𑌵॑𑌰𑍍𑌧𑌯𑍇॒𑌮𑌗𑍍𑌮𑍍 𑌸॑𑌜𑌾॒𑌤𑌾𑌨𑌾॒𑌗𑍍॒ 𑌶𑍍𑌰𑍈𑌷𑍍𑌠𑍍𑌯॒ 𑌆 𑌧𑍇᳚𑌹𑍍𑌯𑍇𑌨𑌮𑍍 ॥ 𑌯॒𑌜𑍍𑌞॒𑌹𑌨𑍋॒ 𑌵𑍈 𑌦𑍇॒𑌵𑌾 𑌯॑𑌜𑍍𑌞॒𑌮𑍁𑌷॑- [𑌦𑍇॒𑌵𑌾 𑌯॑𑌜𑍍𑌞॒𑌮𑍁𑌷𑌃॑, 𑌸॒𑌨𑍍𑌤𑌿॒ 𑌤 𑌏॒𑌷𑍁] 13
-𑌸𑍍𑌸𑌨𑍍𑌤𑌿॒ 𑌤 𑌏॒𑌷𑍁 𑌲𑍋॒𑌕𑍇𑌷𑍍𑌵𑌾॑𑌸𑌤 𑌆॒𑌦𑌦𑌾॑𑌨𑌾 𑌵𑌿𑌮𑌥𑍍𑌨𑌾॒𑌨𑌾 𑌯𑍋 𑌦𑌦𑌾॑𑌤𑌿॒ 𑌯𑍋 𑌯𑌜॑𑌤𑍇॒ 𑌤𑌸𑍍𑌯॑ । 𑌯𑍇 𑌦𑍇॒𑌵𑌾 𑌯॑𑌜𑍍𑌞॒𑌹𑌨𑌃॑ 𑌪𑍃𑌥𑌿॒𑌵𑍍𑌯𑌾𑌮𑌦𑍍𑌧𑍍𑌯𑌾𑌸॑𑌤𑍇॒ 𑌯𑍇 𑌅॒𑌨𑍍𑌤𑌰𑌿॑𑌕𑍍𑌷𑍇॒ 𑌯𑍇 𑌦𑌿॒𑌵𑍀𑌤𑍍𑌯𑌾॑𑌹𑍇॒𑌮𑌾𑌨𑍇॒𑌵 𑌲𑍋॒𑌕𑌾𑌗𑍍𑌸𑍍𑌤𑍀॒𑌰𑍍𑌤𑍍𑌵𑌾 𑌸𑌗𑍃॑𑌹॒-𑌸𑍍𑌸𑌪॑𑌶𑍁-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॒𑌤𑍍𑌯𑌪॒ 𑌵𑍈 𑌸𑍋𑌮𑍇॑𑌨𑍇𑌜𑌾॒𑌨𑌾𑌦𑍍𑌦𑍇॒𑌵𑌤𑌾᳚𑌶𑍍𑌚 𑌯॒𑌜𑍍𑌞𑌶𑍍𑌚॑ 𑌕𑍍𑌰𑌾𑌮𑌨𑍍𑌤𑍍𑌯𑌾𑌗𑍍𑌨𑍇॒𑌯-𑌮𑍍𑌪𑌞𑍍𑌚॑𑌕𑌪𑌾𑌲𑌮𑍁𑌦𑌵𑌸𑌾॒𑌨𑍀𑌯॒-𑌨𑍍𑌨𑌿𑌰𑍍𑌵॑𑌪𑍇𑌦॒𑌗𑍍𑌨𑌿-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾𑌃॒ [𑌦𑍇॒𑌵𑌤𑌾𑌃᳚, 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑍋] 14
𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑍋 𑌦𑍇॒𑌵𑌤𑌾᳚𑌶𑍍𑌚𑍈॒𑌵 𑌯॒𑌜𑍍𑌞𑌞𑍍𑌚𑌾𑌵॑ 𑌰𑍁𑌨𑍍𑌧𑍇𑌗𑌾𑌯॒𑌤𑍍𑌰𑍋 𑌵𑌾 𑌅॒𑌗𑍍𑌨𑌿𑌰𑍍𑌗𑌾॑𑌯॒𑌤𑍍𑌰 𑌛॑𑌨𑍍𑌦𑌾॒𑌸𑍍𑌤-𑌞𑍍𑌛𑌨𑍍𑌦॑𑌸𑌾॒ 𑌵𑍍𑌯॑𑌰𑍍𑌧𑌯𑌤𑌿॒ 𑌯-𑌤𑍍𑌪𑌞𑍍𑌚॑𑌕𑌪𑌾𑌲-𑌙𑍍𑌕॒𑌰𑍋𑌤𑍍𑌯॒𑌷𑍍𑌟𑌾𑌕॑𑌪𑌾𑌲𑌃 𑌕𑌾॒𑌰𑍍𑌯𑍋᳚-𑌽𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰𑍋᳚-𑌽𑌗𑍍𑌨𑌿-𑌰𑍍𑌗𑌾॑𑌯॒𑌤𑍍𑌰 𑌛॑𑌨𑍍𑌦𑌾॒-𑌸𑍍𑌸𑍍𑌵𑍇𑌨𑍈॒𑌵𑍈𑌨॒-𑌞𑍍𑌛𑌨𑍍𑌦॑𑌸𑌾॒ 𑌸𑌮॑𑌰𑍍𑌧𑌯𑌤𑌿 𑌪॒𑌙𑍍𑌕𑍍𑌤𑍍𑌯𑍌॑ 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌭𑌵𑌤𑌃॒ 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑌸𑍍𑌤𑍇𑌨𑍈॒𑌵 𑌯॒𑌜𑍍𑌞𑌾𑌨𑍍𑌨𑍈𑌤𑌿॑ ॥ 15 ॥
(𑌸॒𑌵𑌿॒𑌤॒-𑌰𑍍𑌦𑍇॒𑌵𑌾 𑌯॑𑌜𑍍𑌞॒𑌮𑍁𑌷𑌃॒ – 𑌸𑌰𑍍𑌵𑌾॑ 𑌦𑍇॒𑌵𑌤𑌾॒ – 𑌸𑍍𑌤𑍍𑌰𑌿𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. 4)
𑌸𑍂𑌰𑍍𑌯𑍋॑ 𑌮𑌾 𑌦𑍇॒𑌵𑍋 𑌦𑍇॒𑌵𑍇𑌭𑍍𑌯𑌃॑ 𑌪𑌾𑌤𑍁 𑌵𑌾॒𑌯𑍁𑌰॒𑌨𑍍𑌤𑌰𑌿॑𑌕𑍍𑌷𑌾॒-𑌦𑍍𑌯𑌜॑𑌮𑌾𑌨𑍋॒-𑌽𑌗𑍍𑌨𑌿𑌰𑍍𑌮𑌾॑ 𑌪𑌾𑌤𑍁॒ 𑌚𑌕𑍍𑌷𑍁॑𑌷𑌃 । 𑌸𑌕𑍍𑌷॒ 𑌶𑍂𑌷॒ 𑌸𑌵𑌿॑𑌤॒𑌰𑍍𑌵𑌿𑌶𑍍𑌵॑𑌚𑌰𑍍𑌷𑌣 𑌏॒𑌤𑍇𑌭𑌿॑-𑌸𑍍𑌸𑍋𑌮॒ 𑌨𑌾𑌮॑𑌭𑌿𑌰𑍍𑌵𑌿𑌧𑍇𑌮 𑌤𑍇॒ 𑌤𑍇𑌭𑌿॑-𑌸𑍍𑌸𑍋𑌮॒ 𑌨𑌾𑌮॑𑌭𑌿𑌰𑍍𑌵𑌿𑌧𑍇𑌮 𑌤𑍇 ॥ 𑌅॒𑌹-𑌮𑍍𑌪॒𑌰𑌸𑍍𑌤𑌾॑𑌦॒-𑌹𑌮॒𑌵𑌸𑍍𑌤𑌾॑𑌦॒𑌹-𑌞𑍍𑌜𑍍𑌯𑍋𑌤𑌿॑𑌷𑌾॒ 𑌵𑌿 𑌤𑌮𑍋॑ 𑌵𑌵𑌾𑌰 । 𑌯𑌦॒𑌨𑍍𑌤𑌰𑌿॑𑌕𑍍𑌷॒-𑌨𑍍𑌤𑌦𑍁॑ 𑌮𑍇 𑌪𑌿॒𑌤𑌾-𑌽𑌭𑍂॑𑌦॒𑌹𑌗𑍍𑌮𑍍 𑌸𑍂𑌰𑍍𑌯॑𑌮𑍁𑌭॒𑌯𑌤𑍋॑ 𑌦𑌦𑌰𑍍𑌶𑌾॒𑌹-𑌮𑍍𑌭𑍂॑𑌯𑌾 𑌸𑌮𑍁𑌤𑍍𑌤॒𑌮-𑌸𑍍𑌸॑𑌮𑌾॒𑌨𑌾𑌨𑌾॒- [𑌸𑌮𑍁𑌤𑍍𑌤॒𑌮-𑌸𑍍𑌸॑𑌮𑌾॒𑌨𑌾𑌨𑌾᳚𑌮𑍍, 𑌆 𑌸॑𑌮𑍁॒𑌦𑍍𑌰𑌾-] 16
-𑌮𑌾 𑌸॑𑌮𑍁॒𑌦𑍍𑌰𑌾-𑌦𑌾-𑌽𑌨𑍍𑌤𑌰𑌿॑𑌕𑍍𑌷𑌾𑌤𑍍-𑌪𑍍𑌰॒𑌜𑌾𑌪॑𑌤𑌿𑌰𑍁𑌦॒𑌧𑌿-𑌞𑍍𑌚𑍍𑌯𑌾॑𑌵𑌯𑌾॒𑌤𑍀𑌨𑍍𑌦𑍍𑌰𑌃॒ 𑌪𑍍𑌰𑌸𑍍𑌨𑍌॑𑌤𑍁 𑌮॒𑌰𑍁𑌤𑍋॑ 𑌵𑌰𑍍𑌷𑌯॒𑌨𑍍𑌤𑍂𑌨𑍍𑌨॑𑌮𑍍𑌭𑌯 𑌪𑍃𑌥𑌿॒𑌵𑍀-𑌮𑍍𑌭𑌿॒𑌨𑍍𑌧𑍀𑌦-𑌨𑍍𑌦𑌿॒𑌵𑍍𑌯-𑌨𑍍𑌨𑌭𑌃॑ । 𑌉॒𑌦𑍍𑌰𑍋 𑌦𑌿॒𑌵𑍍𑌯𑌸𑍍𑌯॑ 𑌨𑍋 𑌦𑍇॒𑌹𑍀𑌶𑌾॑𑌨𑍋॒ 𑌵𑌿𑌸𑍃॑𑌜𑌾॒ 𑌦𑍃𑌤𑌿᳚𑌮𑍍 ॥ 𑌪॒𑌶𑌵𑍋॒ 𑌵𑌾 𑌏॒𑌤𑍇 𑌯𑌦𑌾॑𑌦𑌿॒𑌤𑍍𑌯 𑌏॒𑌷 𑌰𑍁॒𑌦𑍍𑌰𑍋 𑌯𑌦॒𑌗𑍍𑌨𑌿𑌰𑍋𑌷॑𑌧𑍀𑌃॒ 𑌪𑍍𑌰𑌾𑌸𑍍𑌯𑌾॒𑌗𑍍𑌨𑌾𑌵𑌾॑𑌦𑌿॒𑌤𑍍𑌯-𑌞𑍍𑌜𑍁॑𑌹𑍋𑌤𑌿 𑌰𑍁॒𑌦𑍍𑌰𑌾𑌦𑍇॒𑌵 𑌪॒𑌶𑍂𑌨॒𑌨𑍍𑌤𑌰𑍍𑌦॑𑌧𑌾॒𑌤𑍍𑌯𑌥𑍋॒ 𑌓𑌷॑𑌧𑍀𑌷𑍍𑌵𑍇॒𑌵 𑌪॒𑌶𑍂- [𑌪॒𑌶𑍂𑌨𑍍, 𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿] 1
-𑌨𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 𑌕॒𑌵𑌿𑌰𑍍𑌯॒𑌜𑍍𑌞𑌸𑍍𑌯॒ 𑌵𑌿𑌤॑𑌨𑍋𑌤𑌿॒ 𑌪𑌨𑍍𑌥𑌾॒-𑌨𑍍𑌨𑌾𑌕॑𑌸𑍍𑌯 𑌪𑍃॒𑌷𑍍𑌠𑍇 𑌅𑌧𑌿॑ 𑌰𑍋𑌚॒𑌨𑍇 𑌦𑌿॒𑌵𑌃 । 𑌯𑍇𑌨॑ 𑌹॒𑌵𑍍𑌯𑌂-𑌵𑌁𑌹॑𑌸𑌿॒ 𑌯𑌾𑌸𑌿॑ 𑌦𑍂॒𑌤 𑌇॒𑌤𑌃 𑌪𑍍𑌰𑌚𑍇॑𑌤𑌾 𑌅॒𑌮𑍁𑌤॒-𑌸𑍍𑌸𑌨𑍀॑𑌯𑌾𑌨𑍍 ॥ 𑌯𑌾𑌸𑍍𑌤𑍇॒ 𑌵𑌿𑌶𑍍𑌵𑌾᳚-𑌸𑍍𑌸॒𑌮𑌿𑌧॒-𑌸𑍍𑌸𑌨𑍍𑌤𑍍𑌯॑𑌗𑍍𑌨𑍇॒𑌯𑌾𑌃 𑌪𑍃॑𑌥𑌿॒𑌵𑍍𑌯𑌾-𑌮𑍍𑌬॒𑌰𑍍॒𑌹𑌿𑌷𑌿॒ 𑌸𑍂𑌰𑍍𑌯𑍇॒ 𑌯𑌾𑌃 । 𑌤𑌾𑌸𑍍𑌤𑍇॑ 𑌗𑌚𑍍𑌛॒𑌨𑍍𑌤𑍍𑌵𑌾𑌹𑍁॑𑌤𑌿-𑌙𑍍𑌘𑍃॒𑌤𑌸𑍍𑌯॑ 𑌦𑍇𑌵𑌾𑌯॒𑌤𑍇 𑌯𑌜॑𑌮𑌾𑌨𑌾𑌯॒ 𑌶𑌰𑍍𑌮॑ ॥ 𑌆॒𑌶𑌾𑌸𑌾॑𑌨-𑌸𑍍𑌸𑍁॒𑌵𑍀𑌰𑍍𑌯𑌗𑍍𑌮𑍍॑ 𑌰𑌾॒𑌯𑌸𑍍𑌪𑍋𑌷॒𑌗𑍍𑌗𑍍॒ 𑌸𑍍𑌵𑌶𑍍𑌵𑌿॑𑌯𑌮𑍍 । 𑌬𑍃𑌹॒𑌸𑍍𑌪𑌤𑌿॑𑌨𑌾 𑌰𑌾॒𑌯𑌾 𑌸𑍍𑌵॒𑌗𑌾𑌕𑍃॑𑌤𑍋॒ 𑌮𑌹𑍍𑌯𑌂॒-𑌯𑌁𑌜॑𑌮𑌾𑌨𑌾𑌯 𑌤𑌿𑌷𑍍𑌠 ॥ 1 ॥
(𑌸॒𑌮𑌾॒𑌨𑌾𑌨𑌾॒-𑌮𑍋𑌷॑𑌧𑍀𑌷𑍍𑌵𑍇॒𑌵 𑌪॒𑌶𑍂𑌨𑍍 – 𑌮𑌹𑍍𑌯𑌂॒-𑌯𑌁𑌜॑𑌮𑌾𑌨𑌾॒ – 𑌯𑍈𑌕॑𑌞𑍍𑌚) (𑌅. 5)
𑌸-𑌨𑍍𑌤𑍍𑌵𑌾॑ 𑌨𑌹𑍍𑌯𑌾𑌮𑌿॒ 𑌪𑌯॑𑌸𑌾 𑌘𑍃॒𑌤𑍇𑌨॒ 𑌸-𑌨𑍍𑌤𑍍𑌵𑌾॑ 𑌨𑌹𑍍𑌯𑌾𑌮𑍍𑌯॒𑌪 𑌓𑌷॑𑌧𑍀𑌭𑌿𑌃 । 𑌸-𑌨𑍍𑌤𑍍𑌵𑌾॑ 𑌨𑌹𑍍𑌯𑌾𑌮𑌿 𑌪𑍍𑌰॒𑌜𑌯𑌾॒-𑌽𑌹𑌮॒𑌦𑍍𑌯 𑌸𑌾 𑌦𑍀᳚𑌕𑍍𑌷𑌿॒𑌤𑌾 𑌸॑𑌨𑌵𑍋॒ 𑌵𑌾𑌜॑𑌮॒𑌸𑍍𑌮𑍇 ॥ 𑌪𑍍𑌰𑍈𑌤𑍁॒ 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑍍𑌨𑍀॒ 𑌵𑍇𑌦𑌿𑌂॒-𑌵𑌁𑌰𑍍𑌣𑍇॑𑌨 𑌸𑍀𑌦𑌤𑍁 । 𑌅𑌥𑌾॒𑌹𑌮॑𑌨𑍁𑌕𑌾॒𑌮𑌿𑌨𑍀॒ 𑌸𑍍𑌵𑍇 𑌲𑍋॒𑌕𑍇 𑌵𑌿॒𑌶𑌾 𑌇॒𑌹 ॥ 𑌸𑍁॒𑌪𑍍𑌰॒𑌜𑌸॑𑌸𑍍𑌤𑍍𑌵𑌾 𑌵॒𑌯𑌗𑍍𑌮𑍍 𑌸𑍁॒𑌪𑌤𑍍𑌨𑍀॒𑌰𑍁𑌪॑ 𑌸𑍇𑌦𑌿𑌮 । 𑌅𑌗𑍍𑌨𑍇॑ 𑌸𑌪𑌤𑍍𑌨॒𑌦𑌮𑍍𑌭॑𑌨॒𑌮𑌦॑𑌬𑍍𑌧𑌾𑌸𑍋॒ 𑌅𑌦𑌾᳚𑌭𑍍𑌯𑌮𑍍 ॥ 𑌇॒𑌮𑌂-𑌵𑌿𑌁𑌷𑍍𑌯𑌾॑𑌮𑌿॒ 𑌵𑌰𑍁॑𑌣𑌸𑍍𑌯॒ 𑌪𑌾𑌶𑌂॒- [𑌪𑌾𑌶᳚𑌮𑍍, 𑌯𑌮𑌬॑𑌦𑍍𑌧𑍍𑌨𑍀𑌤] 1
-𑌯𑌁𑌮𑌬॑𑌦𑍍𑌧𑍍𑌨𑍀𑌤 𑌸𑌵𑌿॒𑌤𑌾 𑌸𑍁॒𑌕𑍇𑌤𑌃॑ । 𑌧𑌾॒𑌤𑍁𑌶𑍍𑌚॒ 𑌯𑍋𑌨𑍌॑ 𑌸𑍁𑌕𑍃॒𑌤𑌸𑍍𑌯॑ 𑌲𑍋॒𑌕𑍇 𑌸𑍍𑌯𑍋॒𑌨-𑌮𑍍𑌮𑍇॑ 𑌸॒𑌹 𑌪𑌤𑍍𑌯𑌾॑ 𑌕𑌰𑍋𑌮𑌿 ॥ 𑌪𑍍𑌰𑍇𑌹𑍍𑌯𑍁॒𑌦𑍇𑌹𑍍𑌯𑍃॒𑌤𑌸𑍍𑌯॑ 𑌵𑌾॒𑌮𑍀𑌰𑌨𑍍𑌵॒𑌗𑍍𑌨𑌿𑌸𑍍𑌤𑍇-𑌽𑌗𑍍𑌰॑-𑌨𑍍𑌨𑌯॒𑌤𑍍𑌵𑌦𑌿॑𑌤𑌿॒𑌰𑍍𑌮𑌦𑍍𑌧𑍍𑌯॑-𑌨𑍍𑌦𑌦𑌤𑌾𑌗𑍍𑌮𑍍 𑌰𑍁॒𑌦𑍍𑌰𑌾𑌵॑𑌸𑍃𑌷𑍍𑌟𑌾-𑌽𑌸𑌿 𑌯𑍁॒𑌵𑌾 𑌨𑌾𑌮॒ 𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀॒𑌰𑍍𑌵𑌸𑍁॑𑌭𑍍𑌯𑍋 𑌰𑍁॒𑌦𑍍𑌰𑍇𑌭𑍍𑌯॑ 𑌆𑌦𑌿॒𑌤𑍍𑌯𑍇𑌭𑍍𑌯𑍋॒ 𑌵𑌿𑌶𑍍𑌵𑍇᳚𑌭𑍍𑌯𑍋 𑌵𑍋 𑌦𑍇॒𑌵𑍇𑌭𑍍𑌯𑌃॑ 𑌪॒𑌨𑍍𑌨𑍇𑌜॑𑌨𑍀𑌰𑍍𑌗𑍃𑌹𑍍𑌣𑌾𑌮𑌿 𑌯॒𑌜𑍍𑌞𑌾𑌯॑ 𑌵𑌃 𑌪॒𑌨𑍍𑌨𑍇𑌜॑𑌨𑍀-𑌸𑍍𑌸𑌾𑌦𑌯𑌾𑌮𑌿॒ 𑌵𑌿𑌶𑍍𑌵॑𑌸𑍍𑌯 𑌤𑍇॒ 𑌵𑌿𑌶𑍍𑌵𑌾॑𑌵𑌤𑍋॒ 𑌵𑍃𑌷𑍍𑌣𑌿॑𑌯𑌾𑌵𑌤॒- [𑌵𑍃𑌷𑍍𑌣𑌿॑𑌯𑌾𑌵𑌤𑌃, 𑌤𑌵𑌾᳚𑌗𑍍𑌨𑍇 𑌵𑌾॒𑌮𑍀𑌰𑌨𑍁॑] 20
-𑌸𑍍𑌤𑌵𑌾᳚𑌗𑍍𑌨𑍇 𑌵𑌾॒𑌮𑍀𑌰𑌨𑍁॑ 𑌸॒𑌦𑍃𑌂𑌶𑌿॒ 𑌵𑌿𑌶𑍍𑌵𑌾॒ 𑌰𑍇𑌤𑌾𑌗𑍍𑌮𑍍॑𑌸𑌿 𑌧𑌿𑌷𑍀॒𑌯𑌾-𑌽𑌗॑-𑌨𑍍𑌦𑍇॒𑌵𑌾𑌨𑍍. 𑌯॒𑌜𑍍𑌞𑍋 𑌨𑌿 𑌦𑍇॒𑌵𑍀𑌰𑍍𑌦𑍇॒𑌵𑍇𑌭𑍍𑌯𑍋॑ 𑌯॒𑌜𑍍𑌞𑌮॑𑌶𑌿𑌷𑌨𑍍𑌨॒𑌸𑍍𑌮𑌿𑌨𑍍-𑌥𑍍𑌸𑍁॑𑌨𑍍𑌵॒𑌤𑌿 𑌯𑌜॑𑌮𑌾𑌨 𑌆॒𑌶𑌿𑌷॒-𑌸𑍍𑌸𑍍𑌵𑌾𑌹𑌾॑𑌕𑍃𑌤𑌾-𑌸𑍍𑌸𑌮𑍁𑌦𑍍𑌰𑍇॒𑌷𑍍𑌠𑌾 𑌗॑𑌨𑍍𑌧॒𑌰𑍍𑌵𑌮𑌾𑌤𑌿॑𑌷𑍍𑌠॒𑌤𑌾𑌨𑍁॑ । 𑌵𑌾𑌤॑𑌸𑍍𑌯॒ 𑌪𑌤𑍍𑌮॑𑌨𑍍𑌨𑌿॒𑌡 𑌈॑𑌡𑌿॒𑌤𑌾𑌃 ॥ 21 ॥
(𑌪𑌾𑌶𑌂॒ – 𑌵𑍃𑌁𑌷𑍍𑌣𑌿॑𑌯𑌾𑌵𑌤 – 𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑌚𑍍𑌚॑) (𑌅. 6)
𑌵॒𑌷॒𑌟𑍍𑌕𑌾॒𑌰𑍋 𑌵𑍈 𑌗𑌾॑𑌯𑌤𑍍𑌰𑌿॒𑌯𑍈 𑌶𑌿𑌰𑍋᳚-𑌽𑌛𑌿𑌨॒-𑌤𑍍𑌤𑌸𑍍𑌯𑍈॒ 𑌰𑌸𑌃॒ 𑌪𑌰𑌾॑-𑌽𑌪𑌤॒-𑌥𑍍𑌸 𑌪𑍃॑𑌥𑌿॒𑌵𑍀-𑌮𑍍𑌪𑍍𑌰𑌾𑌵𑌿॑𑌶॒𑌥𑍍𑌸 𑌖॑𑌦𑌿॒𑌰𑍋॑-𑌽𑌭𑌵॒𑌦𑍍𑌯𑌸𑍍𑌯॑ 𑌖𑌾𑌦𑌿॒𑌰-𑌸𑍍𑌸𑍍𑌰𑍁॒𑌵𑍋 𑌭𑌵॑𑌤𑌿॒ 𑌛𑌨𑍍𑌦॑𑌸𑌾𑌮𑍇॒𑌵 𑌰𑌸𑍇॒𑌨𑌾𑌵॑ 𑌦𑍍𑌯𑌤𑌿॒ 𑌸𑌰॑𑌸𑌾 𑌅॒𑌸𑍍𑌯𑌾-𑌽𑌽𑌹𑍁॑𑌤𑌯𑍋 𑌭𑌵𑌨𑍍𑌤𑌿 𑌤𑍃॒𑌤𑍀𑌯॑𑌸𑍍𑌯𑌾𑌮𑌿॒𑌤𑍋 𑌦𑌿॒𑌵𑌿 𑌸𑍋𑌮॑ 𑌆𑌸𑍀॒-𑌤𑍍𑌤-𑌙𑍍𑌗𑌾𑌯॒𑌤𑍍𑌰𑍍𑌯𑌾-𑌽 𑌹॑𑌰॒-𑌤𑍍𑌤𑌸𑍍𑌯॑ 𑌪॒𑌰𑍍𑌣𑌮॑𑌚𑍍𑌛𑌿𑌦𑍍𑌯𑌤॒ 𑌤-𑌤𑍍𑌪॒𑌰𑍍𑌣𑍋॑-𑌽𑌭𑌵॒-𑌤𑍍𑌤-𑌤𑍍𑌪॒𑌰𑍍𑌣𑌸𑍍𑌯॑ 𑌪𑌰𑍍𑌣॒𑌤𑍍𑌵𑌂-𑌯𑌁𑌸𑍍𑌯॑ 𑌪𑌰𑍍𑌣॒𑌮𑌯𑍀॑ 𑌜𑍁॒𑌹𑍂- [𑌜𑍁॒𑌹𑍂𑌃, 𑌭𑌵॑𑌤𑌿 𑌸𑍌॒𑌮𑍍𑌯𑌾] 22
-𑌰𑍍𑌭𑌵॑𑌤𑌿 𑌸𑍌॒𑌮𑍍𑌯𑌾 𑌅॒𑌸𑍍𑌯𑌾-𑌽𑌽𑌹𑍁॑𑌤𑌯𑍋 𑌭𑌵𑌨𑍍𑌤𑌿 𑌜𑍁॒𑌷𑌨𑍍𑌤𑍇᳚-𑌽𑌸𑍍𑌯 𑌦𑍇॒𑌵𑌾 𑌆𑌹𑍁॑𑌤𑍀𑌰𑍍𑌦𑍇॒𑌵𑌾 𑌵𑍈 𑌬𑍍𑌰𑌹𑍍𑌮॑𑌨𑍍𑌨𑌵𑌦𑌨𑍍𑌤॒ 𑌤-𑌤𑍍𑌪॒𑌰𑍍𑌣 𑌉𑌪𑌾॑-𑌽𑌶𑍃𑌣𑍋-𑌥𑍍𑌸𑍁॒𑌶𑍍𑌰𑌵𑌾॒ 𑌵𑍈 𑌨𑌾𑌮॒ 𑌯𑌸𑍍𑌯॑ 𑌪𑌰𑍍𑌣॒𑌮𑌯𑍀॑ 𑌜𑍁॒𑌹𑍂𑌰𑍍𑌭𑌵॑𑌤𑌿॒ 𑌨 𑌪𑌾॒𑌪𑌗𑍍𑌗𑍍 𑌶𑍍𑌲𑍋𑌕𑌗𑍍𑌮𑍍॑ 𑌶𑍃𑌣𑍋𑌤𑌿॒ 𑌬𑍍𑌰𑌹𑍍𑌮॒ 𑌵𑍈 𑌪॒𑌰𑍍𑌣𑍋 𑌵𑌿𑌣𑍍𑌮॒𑌰𑍁𑌤𑍋-𑌽𑌨𑍍𑌨𑌂॒-𑌵𑌿𑌁𑌣𑍍𑌮𑌾॑𑌰𑍁॒𑌤𑍋᳚-𑌽𑌶𑍍𑌵॒𑌤𑍍𑌥𑍋 𑌯𑌸𑍍𑌯॑ 𑌪𑌰𑍍𑌣॒𑌮𑌯𑍀॑ 𑌜𑍁॒𑌹𑍂𑌰𑍍𑌭𑌵॒𑌤𑍍𑌯𑌾-𑌶𑍍𑌵॑𑌤𑍍-𑌥𑍍𑌯𑍁𑌪॒𑌭𑍃𑌦𑍍- 𑌬𑍍𑌰𑌹𑍍𑌮॑𑌣𑍈॒𑌵𑌾𑌨𑍍𑌨॒𑌮𑌵॑ 𑌰𑍁॒𑌨𑍍𑌧𑍇-𑌽𑌥𑍋॒ 𑌬𑍍𑌰𑌹𑍍𑌮𑍈॒- [𑌰𑍁॒𑌨𑍍𑌧𑍇-𑌽𑌥𑍋॒ 𑌬𑍍𑌰𑌹𑍍𑌮॑, 𑌏॒𑌵 𑌵𑌿॒𑌶𑍍𑌯𑌦𑍍𑌧𑍍𑌯𑍂॑𑌹𑌤𑌿] 23
-𑌵 𑌵𑌿॒𑌶𑍍𑌯𑌦𑍍𑌧𑍍𑌯𑍂॑𑌹𑌤𑌿 𑌰𑌾॒𑌷𑍍𑌟𑍍𑌰𑌂-𑌵𑍈𑌁 𑌪॒𑌰𑍍𑌣𑍋 𑌵𑌿𑌡॑𑌶𑍍𑌵॒𑌤𑍍𑌥𑍋 𑌯-𑌤𑍍𑌪॑𑌰𑍍𑌣॒𑌮𑌯𑍀॑ 𑌜𑍁॒𑌹𑍂𑌰𑍍𑌭𑌵॒𑌤𑍍𑌯𑌾-𑌶𑍍𑌵॑𑌤𑍍𑌥𑍍𑌯𑍁𑌪॒𑌭𑍃-𑌦𑍍𑌰𑌾॒𑌷𑍍𑌟𑍍𑌰𑌮𑍇॒𑌵 𑌵𑌿॒𑌶𑍍𑌯𑌦𑍍𑌧𑍍𑌯𑍂॑𑌹𑌤𑌿 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌅॑𑌜𑍁𑌹𑍋॒-𑌥𑍍𑌸𑌾 𑌯𑌤𑍍𑌰𑌾-𑌽𑌽𑌹𑍁॑𑌤𑌿𑌃 𑌪𑍍𑌰॒𑌤𑍍𑌯𑌤𑌿॑𑌷𑍍𑌠॒-𑌤𑍍𑌤𑌤𑍋॒ 𑌵𑌿𑌕॑𑌙𑍍𑌕𑌤॒ 𑌉𑌦॑𑌤𑌿𑌷𑍍𑌠॒-𑌤𑍍𑌤𑌤𑌃॑ 𑌪𑍍𑌰॒𑌜𑌾 𑌅॑𑌸𑍃𑌜𑌤॒ 𑌯𑌸𑍍𑌯॒ 𑌵𑍈𑌕॑𑌙𑍍𑌕𑌤𑍀 𑌧𑍍𑌰𑍁॒𑌵𑌾 𑌭𑌵॑𑌤𑌿॒ 𑌪𑍍𑌰𑌤𑍍𑌯॒𑌵𑌾𑌸𑍍𑌯𑌾 𑌽𑌽𑌹𑍁॑𑌤𑌯𑌸𑍍𑌤𑌿𑌷𑍍𑌠॒𑌨𑍍𑌤𑍍𑌯𑌥𑍋॒ 𑌪𑍍𑌰𑍈𑌵 𑌜𑌾॑𑌯𑌤 𑌏॒𑌤𑌦𑍍𑌵𑍈 𑌸𑍍𑌰𑍁॒𑌚𑌾𑌗𑍍𑌮𑍍 𑌰𑍂॒𑌪𑌂-𑌯𑌁𑌸𑍍𑌯𑍈॒𑌵𑌗𑍍𑌮𑍍 𑌰𑍂॑𑌪𑌾॒-𑌸𑍍𑌸𑍍𑌰𑍁𑌚𑍋॒ 𑌭𑌵॑𑌨𑍍𑌤𑌿॒ 𑌸𑌰𑍍𑌵𑌾᳚𑌣𑍍𑌯𑍇॒𑌵𑍈𑌨𑌗𑍍𑌮𑍍॑ 𑌰𑍂॒𑌪𑌾𑌣𑌿॑ 𑌪𑌶𑍂॒𑌨𑌾𑌮𑍁𑌪॑𑌤𑌿𑌷𑍍𑌠𑌨𑍍𑌤𑍇॒ 𑌨𑌾𑌸𑍍𑌯𑌾𑌪॑-𑌰𑍂𑌪𑌮𑌾॒𑌤𑍍𑌮𑌞𑍍𑌜𑌾॑𑌯𑌤𑍇 ॥ 24 ॥
(𑌜𑍁॒𑌹𑍂 – 𑌰𑌥𑍋॒ 𑌬𑍍𑌰𑌹𑍍𑌮॑ – 𑌸𑍍𑌰𑍁॒𑌚𑌾𑌗𑍍𑌮𑍍 – 𑌸॒𑌪𑍍𑌤𑌦॑𑌶 𑌚) (𑌅. )
𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌪𑍍𑌰॒𑌜𑌾𑌪॑𑌤𑌯𑍇 𑌤𑍍𑌵𑌾॒ 𑌜𑍍𑌯𑍋𑌤𑌿॑𑌷𑍍𑌮𑌤𑍇॒ 𑌜𑍍𑌯𑍋𑌤𑌿॑𑌷𑍍𑌮𑌨𑍍𑌤-𑌙𑍍𑌗𑍃𑌹𑍍𑌣𑌾𑌮𑌿॒ 𑌦𑌕𑍍𑌷𑌾॑𑌯 𑌦𑌕𑍍𑌷॒𑌵𑍃𑌧𑍇॑ 𑌰𑌾॒𑌤-𑌨𑍍𑌦𑍇॒𑌵𑍇𑌭𑍍𑌯𑍋᳚-𑌽𑌗𑍍𑌨𑌿 𑌜𑌿॒𑌹𑍍𑌵𑍇𑌭𑍍𑌯॑𑌸𑍍𑌤𑍍𑌵𑌰𑍍𑌤𑌾॒𑌯𑍁𑌭𑍍𑌯॒ 𑌇𑌨𑍍𑌦𑍍𑌰॑𑌜𑍍𑌯𑍇𑌷𑍍𑌠𑍇𑌭𑍍𑌯𑍋॒ 𑌵𑌰𑍁॑𑌣𑌰𑌾𑌜𑌭𑍍𑌯𑍋॒ 𑌵𑌾𑌤𑌾॑𑌪𑌿𑌭𑍍𑌯𑌃 𑌪॒𑌰𑍍𑌜𑌨𑍍𑌯𑌾᳚𑌤𑍍𑌮𑌭𑍍𑌯𑍋 𑌦𑌿॒𑌵𑍇 𑌤𑍍𑌵𑌾॒-𑌽𑌨𑍍𑌤𑌰𑌿॑𑌕𑍍𑌷𑌾𑌯 𑌤𑍍𑌵𑌾 𑌪𑍃𑌥𑌿॒𑌵𑍍𑌯𑍈 𑌤𑍍𑌵𑌾-𑌽𑌪𑍇᳚𑌨𑍍𑌦𑍍𑌰 𑌦𑍍𑌵𑌿𑌷॒𑌤𑍋 𑌮𑌨𑍋-𑌽𑌪॒ 𑌜𑌿𑌜𑍍𑌯𑌾॑𑌸𑌤𑍋 𑌜॒𑌹𑍍𑌯𑌪॒ 𑌯𑍋 𑌨𑍋॑-𑌽𑌰𑌾𑌤𑍀॒𑌯𑌤𑌿॒ 𑌤-𑌞𑍍𑌜॑𑌹𑌿 𑌪𑍍𑌰𑌾॒𑌣𑌾𑌯॑ 𑌤𑍍𑌵𑌾-𑌽𑌪𑌾॒𑌨𑌾𑌯॑ 𑌤𑍍𑌵𑌾 𑌵𑍍𑌯𑌾॒𑌨𑌾𑌯॑ 𑌤𑍍𑌵𑌾 𑌸॒𑌤𑍇 𑌤𑍍𑌵𑌾-𑌽𑌸॑𑌤𑍇 𑌤𑍍𑌵𑌾॒-𑌽𑌦𑍍𑌭𑍍𑌯𑌸𑍍𑌤𑍍𑌵𑍌𑌷॑𑌧𑍀𑌭𑍍𑌯𑍋॒ 𑌵𑌿𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑌾 𑌭𑍂॒𑌤𑍇𑌭𑍍𑌯𑍋॒ 𑌯𑌤𑌃॑ 𑌪𑍍𑌰॒𑌜𑌾 𑌅𑌕𑍍𑌖𑌿॑𑌦𑍍𑌰𑌾॒ 𑌅𑌜𑌾॑𑌯𑌨𑍍𑌤॒ 𑌤𑌸𑍍𑌮𑍈᳚ 𑌤𑍍𑌵𑌾 𑌪𑍍𑌰॒𑌜𑌾𑌪॑𑌤𑌯𑍇 𑌵𑌿𑌭𑍂॒𑌦𑌾𑌵𑌂𑌨𑍇॒ 𑌜𑍍𑌯𑍋𑌤𑌿॑𑌷𑍍𑌮𑌤𑍇॒ 𑌜𑍍𑌯𑍋𑌤𑌿॑𑌷𑍍𑌮𑌨𑍍𑌤-𑌞𑍍𑌜𑍁𑌹𑍋𑌮𑌿 ॥ 25 ॥
(𑌓𑌷॑𑌧𑍀𑌭𑍍𑌯॒ – 𑌶𑍍𑌚𑌤𑍁॑𑌰𑍍𑌦𑌶 𑌚) (𑌅. )
𑌯𑌾𑌂-𑌵𑌾𑌁 𑌅॑𑌦𑍍𑌧𑍍𑌵॒𑌰𑍍𑌯𑍁𑌶𑍍𑌚॒ 𑌯𑌜॑𑌮𑌾𑌨𑌶𑍍𑌚 𑌦𑍇॒𑌵𑌤𑌾॑𑌮𑌨𑍍𑌤𑌰𑌿॒𑌤𑌸𑍍𑌤𑌸𑍍𑌯𑌾॒ 𑌆 𑌵𑍃॑𑌶𑍍𑌚𑍍𑌯𑍇𑌤𑍇 𑌪𑍍𑌰𑌾𑌜𑌾𑌪॒𑌤𑍍𑌯-𑌨𑍍𑌦॑𑌧𑌿𑌗𑍍𑌰॒𑌹-𑌙𑍍𑌗𑍃॑𑌹𑍍𑌣𑍀𑌯𑌾-𑌤𑍍𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॑ 𑌦𑍇॒𑌵𑌤𑌾᳚𑌭𑍍𑌯 𑌏॒𑌵 𑌨𑌿𑌹𑍍𑌨𑍁॑𑌵𑌾𑌤𑍇 𑌜𑍍𑌯𑍇॒𑌷𑍍𑌠𑍋 𑌵𑌾 𑌏॒𑌷 𑌗𑍍𑌰𑌹𑌾॑𑌣𑌾𑌂॒-𑌯𑌁𑌸𑍍𑌯𑍈॒𑌷 𑌗𑍃॒𑌹𑍍𑌯𑌤𑍇॒ 𑌜𑍍𑌯𑍈𑌷𑍍𑌠𑍍𑌯॑𑌮𑍇॒𑌵 𑌗॑𑌚𑍍𑌛𑌤𑌿॒ 𑌸𑌰𑍍𑌵𑌾॑𑌸𑌾𑌂॒-𑌵𑌾𑌁 𑌏॒𑌤𑌦𑍍𑌦𑍇॒𑌵𑌤𑌾॑𑌨𑌾𑌗𑍍𑌮𑍍 𑌰𑍂॒𑌪𑌂-𑌯𑌁𑌦𑍇॒𑌷 𑌗𑍍𑌰𑌹𑍋॒ 𑌯𑌸𑍍𑌯𑍈॒𑌷 𑌗𑍃॒𑌹𑍍𑌯𑌤𑍇॒ 𑌸𑌰𑍍𑌵𑌾᳚𑌣𑍍𑌯𑍇॒𑌵𑍈𑌨𑌗𑍍𑌮𑍍॑ 𑌰𑍂॒𑌪𑌾𑌣𑌿॑ 𑌪𑌶𑍂॒𑌨𑌾𑌮𑍁𑌪॑𑌤𑌿𑌷𑍍𑌠𑌨𑍍𑌤 𑌉𑌪𑌯𑌾॒𑌮𑌗𑍃॑𑌹𑍀𑌤𑍋- [𑌉𑌪𑌯𑌾॒𑌮𑌗𑍃॑𑌹𑍀𑌤𑌃, 𑌅॒𑌸𑌿॒ 𑌪𑍍𑌰॒𑌜𑌾𑌪॑𑌤𑌯𑍇] 26
-𑌽𑌸𑌿 𑌪𑍍𑌰॒𑌜𑌾𑌪॑𑌤𑌯𑍇 𑌤𑍍𑌵𑌾॒ 𑌜𑍍𑌯𑍋𑌤𑌿॑𑌷𑍍𑌮𑌤𑍇॒ 𑌜𑍍𑌯𑍋𑌤𑌿॑𑌷𑍍𑌮𑌨𑍍𑌤-𑌙𑍍𑌗𑍃𑌹𑍍𑌣𑌾॒𑌮𑍀𑌤𑍍𑌯𑌾॑𑌹॒ 𑌜𑍍𑌯𑍋𑌤𑌿॑𑌰𑍇॒𑌵𑍈𑌨𑌗𑍍𑌮𑍍॑ 𑌸𑌮𑌾॒𑌨𑌾𑌨𑌾᳚-𑌙𑍍𑌕𑌰𑍋𑌤𑍍𑌯𑌗𑍍𑌨𑌿-𑌜𑌿॒𑌹𑍍𑌵𑍇𑌭𑍍𑌯॑𑌸𑍍𑌤𑍍𑌵𑌰𑍍𑌤𑌾॒𑌯𑍁𑌭𑍍𑌯॒ 𑌇𑌤𑍍𑌯𑌾॑𑌹𑍈॒𑌤𑌾𑌵॑𑌤𑍀॒𑌰𑍍𑌵𑍈 𑌦𑍇॒𑌵𑌤𑌾॒𑌸𑍍𑌤𑌾𑌭𑍍𑌯॑ 𑌏॒𑌵𑍈𑌨॒𑌗𑍍𑌮𑍍॒ 𑌸𑌰𑍍𑌵𑌾᳚𑌭𑍍𑌯𑍋 𑌗𑍃𑌹𑍍𑌣𑌾॒𑌤𑍍𑌯𑌪𑍇᳚𑌨𑍍𑌦𑍍𑌰 𑌦𑍍𑌵𑌿𑌷॒𑌤𑍋 𑌮𑌨॒ 𑌇𑌤𑍍𑌯𑌾॑𑌹॒ 𑌭𑍍𑌰𑌾𑌤𑍃॑𑌵𑍍𑌯𑌾𑌪𑌨𑍁𑌤𑍍𑌤𑍍𑌯𑍈 𑌪𑍍𑌰𑌾॒𑌣𑌾𑌯॑ 𑌤𑍍𑌵𑌾-𑌽𑌪𑌾॒𑌨𑌾𑌯॒ 𑌤𑍍𑌵𑍇𑌤𑍍𑌯𑌾॑𑌹 𑌪𑍍𑌰𑌾॒𑌣𑌾𑌨𑍇॒𑌵 𑌯𑌜॑𑌮𑌾𑌨𑍇 𑌦𑌧𑌾𑌤𑌿॒ 𑌤𑌸𑍍𑌮𑍈᳚ 𑌤𑍍𑌵𑌾 𑌪𑍍𑌰॒𑌜𑌾𑌪॑𑌤𑌯𑍇 𑌵𑌿𑌭𑍂॒𑌦𑌾𑌵𑌂𑌨𑍇॒ 𑌜𑍍𑌯𑍋𑌤𑌿॑𑌷𑍍𑌮𑌤𑍇॒ 𑌜𑍍𑌯𑍋𑌤𑌿॑𑌷𑍍𑌮𑌨𑍍𑌤-𑌞𑍍𑌜𑍁𑌹𑍋॒𑌮𑍀- [𑌜𑍍𑌯𑍋𑌤𑌿॑𑌷𑍍𑌮𑌨𑍍𑌤-𑌞𑍍𑌜𑍁𑌹𑍋॒𑌮𑌿, 𑌇𑌤𑍍𑌯𑌾॑𑌹 𑌪𑍍𑌰॒𑌜𑌾𑌪॑𑌤𑌿-] 2
-𑌤𑍍𑌯𑌾॑𑌹 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॒-𑌸𑍍𑌸𑌰𑍍𑌵𑌾᳚𑌭𑍍𑌯 𑌏॒𑌵𑍈𑌨॑-𑌨𑍍𑌦𑍇॒𑌵𑌤𑌾᳚𑌭𑍍𑌯𑍋 𑌜𑍁𑌹𑍋𑌤𑍍𑌯𑌾𑌜𑍍𑌯𑌗𑍍𑌰॒𑌹-𑌙𑍍𑌗𑍃॑𑌹𑍍𑌣𑍀𑌯𑌾॒-𑌤𑍍𑌤𑍇𑌜॑𑌸𑍍𑌕𑌾𑌮𑌸𑍍𑌯॒ 𑌤𑍇𑌜𑍋॒ 𑌵𑌾 𑌆𑌜𑍍𑌯॑-𑌨𑍍𑌤𑍇𑌜॒𑌸𑍍𑌵𑍍𑌯𑍇॑𑌵 𑌭॑𑌵𑌤𑌿 𑌸𑍋𑌮𑌗𑍍𑌰॒𑌹-𑌙𑍍𑌗𑍃॑𑌹𑍍𑌣𑍀𑌯𑌾-𑌦𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑌕𑌾॑𑌮𑌸𑍍𑌯 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌂-𑌵𑍈𑌁 𑌸𑍋𑌮𑍋᳚ 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 𑌭॑𑌵𑌤𑌿 𑌦𑌧𑌿𑌗𑍍𑌰॒𑌹-𑌙𑍍𑌗𑍃॑𑌹𑍍𑌣𑍀𑌯𑌾-𑌤𑍍𑌪॒𑌶𑍁𑌕𑌾॑𑌮॒𑌸𑍍𑌯𑍋𑌰𑍍𑌗𑍍𑌵𑍈 𑌦𑌦𑍍𑌧𑍍𑌯𑍂𑌰𑍍-𑌕𑍍𑌪॒𑌶𑌵॑ 𑌊॒𑌰𑍍𑌜𑍈𑌵𑌾𑌸𑍍𑌮𑌾॒ 𑌊𑌰𑍍𑌜॑-𑌮𑍍𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 ॥ 2 ॥
(𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋 – 𑌜𑍁𑌹𑍋𑌮𑌿॒ – 𑌤𑍍𑌰𑌿𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. )
𑌤𑍍𑌵𑍇 𑌕𑍍𑌰𑌤𑍁॒𑌮𑌪𑌿॑ 𑌵𑍃𑌞𑍍𑌜𑌨𑍍𑌤𑌿॒ 𑌵𑌿𑌶𑍍𑌵𑍇॒ 𑌦𑍍𑌵𑌿𑌰𑍍𑌯𑌦𑍇॒𑌤𑍇 𑌤𑍍𑌰𑌿-𑌰𑍍𑌭𑌵॒𑌨𑍍𑌤𑍍𑌯𑍂𑌮𑌾𑌃᳚ । 𑌸𑍍𑌵𑌾॒𑌦𑍋-𑌸𑍍𑌸𑍍𑌵𑌾𑌦𑍀॑𑌯-𑌸𑍍𑌸𑍍𑌵𑌾॒𑌦𑍁𑌨𑌾॑ 𑌸𑍃𑌜𑌾॒ 𑌸𑌮𑌤॑ 𑌊॒ 𑌷𑍁 𑌮𑌧𑍁॒ 𑌮𑌧𑍁॑𑌨𑌾॒-𑌽𑌭𑌿 𑌯𑍋॑𑌧𑌿 । 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌪𑍍𑌰॒𑌜𑌾𑌪॑𑌤𑌯𑍇 𑌤𑍍𑌵𑌾॒ 𑌜𑍁𑌷𑍍𑌟॑-𑌙𑍍𑌗𑍃𑌹𑍍𑌣𑌾𑌮𑍍𑌯𑍇॒𑌷 𑌤𑍇॒ 𑌯𑍋𑌨𑌿𑌃॑ 𑌪𑍍𑌰॒𑌜𑌾𑌪॑𑌤𑌯𑍇 𑌤𑍍𑌵𑌾 ॥ 𑌪𑍍𑌰𑌾॒𑌣॒𑌗𑍍𑌰॒𑌹𑌾-𑌨𑍍𑌗𑍃॑𑌹𑍍𑌣𑌾𑌤𑍍𑌯𑍇॒𑌤𑌾𑌵॒𑌦𑍍𑌵𑌾 𑌅॑𑌸𑍍𑌤𑌿॒ 𑌯𑌾𑌵॑𑌦𑍇॒𑌤𑍇 𑌗𑍍𑌰𑌹𑌾॒-𑌸𑍍𑌸𑍍𑌤𑍋𑌮𑌾॒𑌶𑍍𑌛𑌨𑍍𑌦𑌾𑌗𑍍𑌮𑍍॑𑌸𑌿 𑌪𑍃॒𑌷𑍍𑌠𑌾𑌨𑌿॒ 𑌦𑌿𑌶𑍋॒ 𑌯𑌾𑌵॑𑌦𑍇॒𑌵𑌾𑌸𑍍𑌤𑌿॒ 𑌤- [𑌯𑌾𑌵॑𑌦𑍇॒𑌵𑌾𑌸𑍍𑌤𑌿॒ 𑌤𑌤𑍍, 𑌅𑌵॑ 𑌰𑍁𑌨𑍍𑌧𑍇] 2
-𑌦𑌵॑ 𑌰𑍁𑌨𑍍𑌧𑍇 𑌜𑍍𑌯𑍇॒𑌷𑍍𑌠𑌾 𑌵𑌾 𑌏॒𑌤𑌾-𑌨𑍍𑌬𑍍𑌰𑌾᳚𑌹𑍍𑌮॒𑌣𑌾𑌃 𑌪𑍁॒𑌰𑌾 𑌵𑌿𑌦𑌾𑌮॑𑌕𑍍𑌰॒-𑌨𑍍𑌤𑌸𑍍𑌮𑌾॒-𑌤𑍍𑌤𑍇𑌷𑌾॒𑌗𑍍𑌮𑍍॒ 𑌸𑌰𑍍𑌵𑌾॒ 𑌦𑌿𑌶𑍋॒-𑌽𑌭𑌿𑌜𑌿॑𑌤𑌾 𑌅𑌭𑍂𑌵॒𑌨𑍍॒. 𑌯𑌸𑍍𑌯𑍈॒ 𑌤𑍇 𑌗𑍃॒𑌹𑍍𑌯𑌨𑍍𑌤𑍇॒ 𑌜𑍍𑌯𑍈𑌷𑍍𑌠𑍍𑌯॑𑌮𑍇॒𑌵 𑌗॑𑌚𑍍𑌛𑌤𑍍𑌯॒𑌭𑌿 𑌦𑌿𑌶𑍋॑ 𑌜𑌯𑌤𑌿॒ 𑌪𑌞𑍍𑌚॑ 𑌗𑍃𑌹𑍍𑌯𑌨𑍍𑌤𑍇॒ 𑌪𑌞𑍍𑌚॒ 𑌦𑌿𑌶॒-𑌸𑍍𑌸𑌰𑍍𑌵𑌾᳚𑌸𑍍𑌵𑍇॒𑌵 𑌦𑌿॒𑌕𑍍𑌷𑍍-𑌵𑍃॑𑌦𑍍𑌧𑍍𑌨𑍁𑌵𑌨𑍍𑌤𑌿॒ 𑌨𑌵॑𑌨𑌵 𑌗𑍃𑌹𑍍𑌯𑌨𑍍𑌤𑍇॒ 𑌨𑌵॒ 𑌵𑍈 𑌪𑍁𑌰𑍁॑𑌷𑍇 𑌪𑍍𑌰𑌾॒𑌣𑌾𑌃 𑌪𑍍𑌰𑌾॒𑌣𑌾𑌨𑍇॒𑌵 𑌯𑌜॑𑌮𑌾𑌨𑍇𑌷𑍁 𑌦𑌧𑌤𑌿 𑌪𑍍𑌰𑌾𑌯॒𑌣𑍀𑌯𑍇॑ 𑌚𑍋𑌦𑌯॒𑌨𑍀𑌯𑍇॑ 𑌚 𑌗𑍃𑌹𑍍𑌯𑌨𑍍𑌤𑍇 𑌪𑍍𑌰𑌾॒𑌣𑌾 𑌵𑍈 𑌪𑍍𑌰𑌾॑𑌣𑌗𑍍𑌰॒𑌹𑌾𑌃 [𑌪𑍍𑌰𑌾॒𑌣𑌾 𑌵𑍈 𑌪𑍍𑌰𑌾॑𑌣𑌗𑍍𑌰॒𑌹𑌾𑌃, 𑌪𑍍𑌰𑌾॒𑌣𑍈𑌰𑍇॒𑌵] 30
𑌪𑍍𑌰𑌾॒𑌣𑍈𑌰𑍇॒𑌵 𑌪𑍍𑌰॒𑌯𑌨𑍍𑌤𑌿॑ 𑌪𑍍𑌰𑌾॒𑌣𑍈𑌰𑍁𑌦𑍍𑌯॑𑌨𑍍𑌤𑌿 𑌦𑌶॒𑌮𑍇-𑌽𑌹॑-𑌨𑍍𑌗𑍃𑌹𑍍𑌯𑌨𑍍𑌤𑍇 𑌪𑍍𑌰𑌾॒𑌣𑌾 𑌵𑍈 𑌪𑍍𑌰𑌾॑𑌣𑌗𑍍𑌰॒𑌹𑌾𑌃 𑌪𑍍𑌰𑌾॒𑌣𑍇𑌭𑍍𑌯𑌃॒ 𑌖𑌲𑍁॒ 𑌵𑌾 𑌏॒𑌤-𑌤𑍍𑌪𑍍𑌰॒𑌜𑌾 𑌯॑𑌨𑍍𑌤𑌿॒ 𑌯𑌦𑍍𑌵𑌾॑𑌮𑌦𑍇॒𑌵𑍍𑌯𑌂-𑌯𑍋𑌁𑌨𑍇॒𑌶𑍍𑌚𑍍𑌯𑌵॑𑌤𑍇 𑌦𑌶॒𑌮𑍇-𑌽𑌹॑𑌨𑍍. 𑌵𑌾𑌮𑌦𑍇॒𑌵𑍍𑌯𑌂-𑌯𑍋𑌁𑌨𑍇᳚𑌶𑍍𑌚𑍍𑌯𑌵𑌤𑍇॒ 𑌯-𑌦𑍍𑌦॑𑌶॒𑌮𑍇-𑌽𑌹॑-𑌨𑍍𑌗𑍃॒𑌹𑍍𑌯𑌨𑍍𑌤𑍇᳚ 𑌪𑍍𑌰𑌾॒𑌣𑍇𑌭𑍍𑌯॑ 𑌏॒𑌵 𑌤-𑌤𑍍𑌪𑍍𑌰॒𑌜𑌾 𑌨𑌯॑𑌨𑍍𑌤𑌿 । 31
(𑌤𑌤𑍍 – 𑌪𑍍𑌰𑌾॑𑌣𑌗𑍍𑌰॒𑌹𑌾𑌃 – 𑌸॒𑌪𑍍𑌤𑌵𑌿𑌗𑍍𑌮𑍍॑𑌶𑌚𑍍𑌚) (𑌅. 10)
𑌪𑍍𑌰 𑌦𑍇॒𑌵𑌨𑍍𑌦𑍇॒𑌵𑍍𑌯𑌾 𑌧𑌿॒𑌯𑌾 𑌭𑌰॑𑌤𑌾 𑌜𑌾॒𑌤𑌵𑍇॑𑌦𑌸𑌮𑍍 । 𑌹॒𑌵𑍍𑌯𑌾 𑌨𑍋॑ 𑌵𑌕𑍍𑌷𑌦𑌾𑌨𑍁॒𑌷𑌕𑍍 ॥ 𑌅॒𑌯𑌮𑍁॒ 𑌷𑍍𑌯 𑌪𑍍𑌰𑌦𑍇॑𑌵॒𑌯𑍁𑌰𑍍𑌹𑍋𑌤𑌾॑ 𑌯॒𑌜𑍍𑌞𑌾𑌯॑ 𑌨𑍀𑌯𑌤𑍇 । 𑌰𑌥𑍋॒ 𑌨 𑌯𑍋𑌰॒𑌭𑍀𑌵𑍃॑𑌤𑍋॒ 𑌘𑍃𑌣𑍀॑𑌵𑌾𑌨𑍍 𑌚𑍇𑌤𑌤𑌿॒ 𑌤𑍍𑌮𑌨𑌾᳚ ॥ 𑌅॒𑌯𑌮॒𑌗𑍍𑌨𑌿𑌰𑍁॑𑌰𑍁𑌷𑍍𑌯𑌤𑍍𑌯॒𑌮𑍃𑌤𑌾॑𑌦𑌿𑌵॒ 𑌜𑌨𑍍𑌮॑𑌨𑌃 । 𑌸𑌹॑𑌸𑌶𑍍𑌚𑌿॒-𑌥𑍍𑌸𑌹𑍀॑𑌯𑌾-𑌨𑍍𑌦𑍇॒𑌵𑍋 𑌜𑍀॒𑌵𑌾𑌤॑𑌵𑍇 𑌕𑍃॒𑌤𑌃 ॥ 𑌇𑌡𑌾॑𑌯𑌾𑌸𑍍𑌤𑍍𑌵𑌾 𑌪॒𑌦𑍇 𑌵॒𑌯-𑌨𑍍𑌨𑌾𑌭𑌾॑ 𑌪𑍃𑌥𑌿॒𑌵𑍍𑌯𑌾 𑌅𑌧𑌿॑ । 𑌜𑌾𑌤॑𑌵𑍇𑌦𑍋॒ 𑌨𑌿 𑌧𑍀॑𑌮॒𑌹𑍍𑌯𑌗𑍍𑌨𑍇॑ 𑌹॒𑌵𑍍𑌯𑌾𑌯॒ 𑌵𑍋𑌢॑𑌵𑍇 । 32
𑌅𑌗𑍍𑌨𑍇॒ 𑌵𑌿𑌶𑍍𑌵𑍇॑𑌭𑌿-𑌸𑍍𑌸𑍍𑌵𑌨𑍀𑌕 𑌦𑍇॒𑌵𑍈𑌰𑍂𑌰𑍍𑌣𑌾॑𑌵𑌨𑍍𑌤-𑌮𑍍𑌪𑍍𑌰𑌥॒𑌮-𑌸𑍍𑌸𑍀॑𑌦॒ 𑌯𑍋𑌨𑌿᳚𑌮𑍍 । 𑌕𑍁॒𑌲𑌾॒𑌯𑌿𑌨॑-𑌙𑍍𑌘𑍃॒𑌤𑌵॑𑌨𑍍𑌤𑌗𑍍𑌮𑍍 𑌸𑌵𑌿॒𑌤𑍍𑌰𑍇 𑌯॒𑌜𑍍𑌞-𑌨𑍍𑌨॑𑌯॒ 𑌯𑌜॑𑌮𑌾𑌨𑌾𑌯 𑌸𑌾॒𑌧𑍁 ॥ 𑌸𑍀𑌦॑ 𑌹𑍋𑌤॒-𑌸𑍍𑌸𑍍𑌵 𑌉॑ 𑌲𑍋॒𑌕𑍇 𑌚𑌿॑𑌕𑌿॒𑌤𑍍𑌵𑌾𑌨𑍍𑌥𑍍𑌸𑌾॒𑌦𑌯𑌾॑ 𑌯॒𑌜𑍍𑌞𑌗𑍍𑌮𑍍 𑌸𑍁॑𑌕𑍃॒𑌤𑌸𑍍𑌯॒ 𑌯𑍋𑌨𑍌᳚ । 𑌦𑍇॒𑌵𑌾॒𑌵𑍀𑌰𑍍𑌦𑍇॒𑌵𑌾𑌨𑍍. 𑌹॒𑌵𑌿𑌷𑌾॑ 𑌯𑌜𑌾॒𑌸𑍍𑌯𑌗𑍍𑌨𑍇॑ 𑌬𑍃॒𑌹-𑌦𑍍𑌯𑌜॑𑌮𑌾𑌨𑍇॒ 𑌵𑌯𑍋॑ 𑌧𑌾𑌃 ॥ 𑌨𑌿 𑌹𑍋𑌤𑌾॑ 𑌹𑍋𑌤𑍃॒𑌷𑌦॑𑌨𑍇॒ 𑌵𑌿𑌦𑌾॑𑌨𑌸𑍍𑌤𑍍𑌵𑍇॒𑌷𑍋 𑌦𑍀॑𑌦𑌿॒𑌵𑌾𑌗𑍍𑌮𑍍 𑌅॑𑌸𑌦-𑌥𑍍𑌸𑍁॒𑌦𑌕𑍍𑌷𑌃॑ । 𑌅𑌦॑𑌬𑍍𑌧𑌵𑍍𑌰𑌤-𑌪𑍍𑌰𑌮𑌤𑌿॒𑌰𑍍𑌵𑌸𑌿॑𑌷𑍍𑌠-𑌸𑍍𑌸𑌹𑌸𑍍𑌰-𑌮𑍍𑌭॒𑌰-𑌶𑍍𑌶𑍁𑌚𑌿॑𑌜𑌿𑌹𑍍𑌵𑍋 𑌅॒𑌗𑍍𑌨𑌿𑌃 ॥ 𑌤𑍍𑌵-𑌨𑍍𑌦𑍂॒𑌤𑌸𑍍𑌤𑍍𑌵- [𑌤𑍍𑌵-𑌨𑍍𑌦𑍂॒𑌤𑌸𑍍𑌤𑍍𑌵𑌮𑍍, 𑌉॒ 𑌨𑌃॒ 𑌪॒𑌰॒𑌸𑍍𑌪𑌾𑌸𑍍𑌤𑍍𑌵𑌂-𑌵𑌁𑌸𑍍𑌯॒ 𑌆] 33
-𑌮𑍁॑ 𑌨𑌃 𑌪𑌰॒𑌸𑍍𑌪𑌾𑌸𑍍𑌤𑍍𑌵𑌂-𑌵𑌁𑌸𑍍𑌯॒ 𑌆 𑌵𑍃॑𑌷𑌭 𑌪𑍍𑌰𑌣𑍇॒𑌤𑌾 । 𑌅𑌗𑍍𑌨𑍇॑ 𑌤𑍋॒𑌕𑌸𑍍𑌯॑ 𑌨॒𑌸𑍍𑌤𑌨𑍇॑ 𑌤॒𑌨𑍂𑌨𑌾॒𑌮𑌪𑍍𑌰॑𑌯𑍁𑌚𑍍𑌛॒-𑌨𑍍𑌦𑍀𑌦𑍍𑌯॑𑌦𑍍𑌬𑍋𑌧𑌿 𑌗𑍋॒𑌪𑌾𑌃 ॥ 𑌅॒𑌭𑌿 𑌤𑍍𑌵𑌾॑ 𑌦𑍇𑌵 𑌸𑌵𑌿𑌤॒𑌰𑍀𑌶𑌾॑𑌨𑌂॒-𑌵𑌾𑌁𑌰𑍍𑌯𑌾॑𑌣𑌾𑌮𑍍 । 𑌸𑌦𑌾॑-𑌽𑌵-𑌨𑍍𑌭𑌾॒𑌗𑌮𑍀॑𑌮𑌹𑍇 ॥ 𑌮॒𑌹𑍀 𑌦𑍍𑌯𑍌𑌃 𑌪𑍃॑𑌥𑌿॒𑌵𑍀 𑌚॑𑌨 𑌇॒𑌮𑌂-𑌯𑌁॒𑌜𑍍𑌞-𑌮𑍍𑌮𑌿॑𑌮𑌿𑌕𑍍𑌷𑌤𑌾𑌮𑍍 । 𑌪𑌿॒𑌪𑍃॒𑌤𑌾-𑌨𑍍𑌨𑍋॒ 𑌭𑌰𑍀॑𑌮𑌭𑌿𑌃 ॥ 𑌤𑍍𑌵𑌾𑌮॑𑌗𑍍𑌨𑍇॒ 𑌪𑍁𑌷𑍍𑌕॑𑌰𑌾॒𑌦𑌦𑍍𑌧𑍍𑌯𑌥॑𑌰𑍍𑌵𑌾॒ 𑌨𑌿𑌰॑𑌮𑌨𑍍𑌥𑌤 । 𑌮𑍂॒𑌰𑍍𑌧𑍍𑌨𑍋 𑌵𑌿𑌶𑍍𑌵॑𑌸𑍍𑌯 𑌵𑌾॒𑌘𑌤𑌃॑ ॥ 𑌤𑌮𑍁॑- [𑌤𑌮𑍁॑, 𑌤𑍍𑌵𑌾॒ 𑌦॒𑌦𑍍𑌧𑍍𑌯𑌙𑍍𑌙𑍃𑌷𑌿𑌃॑] 34
-𑌤𑍍𑌵𑌾 𑌦॒𑌦𑍍𑌧𑍍𑌯𑌙𑍍𑌙𑍃𑌷𑌿𑌃॑ 𑌪𑍁॒𑌤𑍍𑌰 𑌈॑𑌧𑍇॒ 𑌅𑌥॑𑌰𑍍𑌵𑌣𑌃 । 𑌵𑍃॒𑌤𑍍𑌰॒𑌹𑌣॑-𑌮𑍍𑌪𑍁𑌰𑌨𑍍𑌦॒𑌰𑌮𑍍 ॥ 𑌤𑌮𑍁॑ 𑌤𑍍𑌵𑌾 𑌪𑌾॒𑌥𑍍𑌯𑍋 𑌵𑍃𑌷𑌾॒ 𑌸𑌮𑍀॑𑌧𑍇 𑌦𑌸𑍍𑌯𑍁॒𑌹𑌨𑍍𑌤॑𑌮𑌮𑍍 । 𑌧॒𑌨॒-𑌞𑍍𑌜॒𑌯𑌗𑍍𑌮𑍍 𑌰𑌣𑍇॑𑌰𑌣𑍇 ॥ 𑌉॒𑌤 𑌬𑍍𑌰𑍁॑𑌵𑌨𑍍𑌤𑍁 𑌜॒𑌨𑍍𑌤𑌵॒ 𑌉𑌦॒𑌗𑍍𑌨𑌿𑌰𑍍𑌵𑍃॑𑌤𑍍𑌰॒𑌹𑌾-𑌽𑌜॑𑌨𑌿 । 𑌧॒𑌨॒-𑌞𑍍𑌜॒𑌯𑍋 𑌰𑌣𑍇॑𑌰𑌣𑍇 ॥ 𑌆 𑌯𑌗𑍍𑌮𑍍 𑌹𑌸𑍍𑌤𑍇॒ 𑌨 𑌖𑌾॒𑌦𑌿𑌨॒𑌗𑍍𑌮𑍍॒ 𑌶𑌿𑌶𑍁॑-𑌞𑍍𑌜𑌾॒𑌤-𑌨𑍍𑌨 𑌬𑌿𑌭𑍍𑌰॑𑌤𑌿 । 𑌵𑌿॒𑌶𑌾𑌮॒𑌗𑍍𑌨𑌿𑌗𑍍𑌗𑍍 𑌸𑍍𑌵॑𑌦𑍍𑌧𑍍𑌵॒𑌰𑌮𑍍 ॥ 𑌪𑍍𑌰𑌦𑍇॒𑌵-𑌨𑍍𑌦𑍇॒𑌵𑌵𑍀॑𑌤𑌯𑍇॒ 𑌭𑌰॑𑌤𑌾 𑌵𑌸𑍁॒𑌵𑌿𑌤𑍍𑌤॑𑌮𑌮𑍍 । 𑌆𑌸𑍍𑌵𑍇 𑌯𑍋𑌨𑍌॒ 𑌨𑌿 𑌷𑍀॑𑌦𑌤𑍁 ॥ 𑌆 [ ] 35
𑌜𑌾॒𑌤-𑌞𑍍𑌜𑌾॒𑌤𑌵𑍇॑𑌦𑌸𑌿 𑌪𑍍𑌰𑌿॒𑌯𑌗𑍍𑌮𑍍 𑌶𑌿॑𑌶𑍀॒𑌤𑌾-𑌽𑌤𑌿॑𑌥𑌿𑌮𑍍 । 𑌸𑍍𑌯𑍋॒𑌨 𑌆 𑌗𑍃॒𑌹𑌪॑𑌤𑌿𑌮𑍍 ॥ 𑌅॒𑌗𑍍𑌨𑌿𑌨𑌾॒-𑌽𑌗𑍍𑌨𑌿-𑌸𑍍𑌸𑌮𑌿॑𑌦𑍍𑌧𑍍𑌯𑌤𑍇 𑌕॒𑌵𑌿𑌰𑍍𑌗𑍃॒𑌹𑌪॑𑌤𑌿॒𑌰𑍍𑌯𑍁𑌵𑌾᳚ । 𑌹॒𑌵𑍍𑌯॒𑌵𑌾-𑌡𑍍𑌜𑍁॒𑌹𑍍𑌵𑌾᳚𑌸𑍍𑌯𑌃 ॥ 𑌤𑍍𑌵𑌗𑍍𑌗𑍍 𑌹𑍍𑌯॑𑌗𑍍𑌨𑍇 𑌅॒𑌗𑍍𑌨𑌿𑌨𑌾॒ 𑌵𑌿𑌪𑍍𑌰𑍋॒ 𑌵𑌿𑌪𑍍𑌰𑍇॑𑌣॒ 𑌸𑌨𑍍𑌥𑍍𑌸॒𑌤𑌾 । 𑌸𑌖𑌾॒ 𑌸𑌖𑍍𑌯𑌾॑ 𑌸𑌮𑌿॒𑌦𑍍𑌧𑍍𑌯𑌸𑍇᳚ ॥ 𑌤-𑌮𑍍𑌮॑𑌰𑍍𑌜𑌯𑌨𑍍𑌤 𑌸𑍁॒𑌕𑍍𑌰𑌤𑍁॑-𑌮𑍍𑌪𑍁𑌰𑍋॒𑌯𑌾𑌵𑌾॑𑌨𑌮𑌾॒𑌜𑌿𑌷𑍁॑ । 𑌸𑍍𑌵𑍇𑌷𑍁॒ 𑌕𑍍𑌷𑌯𑍇॑𑌷𑍁 𑌵𑌾॒𑌜𑌿𑌨᳚𑌮𑍍 ॥ 𑌯॒𑌜𑍍𑌞𑍇𑌨॑ 𑌯॒𑌜𑍍𑌞𑌮॑𑌯𑌜𑌨𑍍𑌤 𑌦𑍇॒𑌵𑌾𑌸𑍍𑌤𑌾𑌨𑌿॒ 𑌧𑌰𑍍𑌮𑌾॑𑌣𑌿 𑌪𑍍𑌰𑌥॒𑌮𑌾𑌨𑍍𑌯𑌾॑𑌸𑌨𑍍𑌨𑍍 । 𑌤𑍇 𑌹॒ 𑌨𑌾𑌕॑-𑌮𑍍𑌮𑌹𑌿॒𑌮𑌾𑌨॑-𑌸𑍍𑌸𑌚𑌨𑍍𑌤𑍇॒ 𑌯𑌤𑍍𑌰॒ 𑌪𑍂𑌰𑍍𑌵𑍇॑ 𑌸𑌾॒𑌦𑍍𑌧𑍍𑌯𑌾-𑌸𑍍𑌸𑌨𑍍𑌤𑌿॑ 𑌦𑍇॒𑌵𑌾𑌃 ॥ 36 ॥
(𑌵𑍋𑌢॑𑌵𑍇- 𑌦𑍂॒𑌤𑌸𑍍𑌤𑍍𑌵𑌂 – 𑌤𑌮𑍁॑ – 𑌸𑍀𑌦॒𑌤𑍍𑌵𑌾 – 𑌯𑌤𑍍𑌰॑ – 𑌚॒𑌤𑍍𑌵𑌾𑌰𑌿॑ 𑌚) (𑌅. 11)
(𑌪𑍂॒𑌰𑍍𑌣 – 𑌰𑍍𑌷॑𑌯𑍋॒ – 𑌽𑌗𑍍𑌨𑌿𑌨𑌾॒ – 𑌯𑍇 𑌦𑍇॒𑌵𑌾𑌃 – 𑌸𑍂𑌰𑍍𑌯𑍋॑ 𑌮𑌾॒ – 𑌸𑌨𑍍𑌤𑍍𑌵𑌾॑ 𑌨𑌹𑍍𑌯𑌾𑌮𑌿 – 𑌵𑌷𑌟𑍍𑌕𑌾॒𑌰-𑌸𑍍𑌸 𑌖॑𑌦𑌿॒𑌰 – 𑌉॑𑌪𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿॒ – 𑌯𑌾𑌂-𑌵𑍈𑌁 – 𑌤𑍍𑌵𑍇 𑌕𑍍𑌰𑌤𑍁𑌂॒ – 𑌪𑍍𑌰𑌦𑍇॒𑌵 – 𑌮𑍇𑌕𑌾॑𑌦𑌶 )
(𑌪𑍂॒𑌰𑍍𑌣𑌾 – 𑌸॑𑌹॒𑌜𑌾𑌨𑍍 – 𑌤𑌵𑌾᳚-𑌽𑌗𑍍𑌨𑍇 – 𑌪𑍍𑌰𑌾॒𑌣𑍈𑌰𑍇॒𑌵 – 𑌷𑌟𑍍𑌤𑍍𑌰𑌿𑌗𑍍𑌮𑍍॑𑌶𑌤𑍍)
(𑌪𑍂॒𑌰𑍍𑌣𑌾, 𑌸𑌨𑍍𑌤𑌿॑ 𑌦𑍇॒𑌵𑌾𑌃)
॥ 𑌹𑌰𑌿𑌃॑ 𑌓𑌮𑍍 ॥
(𑌪𑍍𑌰॒𑌜𑌾𑌪॑𑌤𑌿॒ – 𑌯𑍋॑ 𑌵𑌾 – 𑌅𑌗𑍍𑌨𑍇॒ – 𑌵𑌿 𑌵𑍈 – 𑌪𑍂॒𑌰𑍍𑌣𑌾 – 𑌪𑌞𑍍𑌚॑) (5)
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌤𑍃𑌤𑍀𑌯𑌕𑌾𑌣𑍍𑌡𑍇 𑌪𑌞𑍍𑌚𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥
