𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥𑌕𑌾𑌣𑍍𑌡𑍇 𑌦𑍍𑌵𑍀𑌤𑍀𑌯𑌃 𑌪𑍍𑌰𑌶𑍍𑌨𑌃 – 𑌦𑍇𑌵𑌯𑌜𑌨𑌗𑍍𑌰𑌹𑌾𑌭𑌿𑌧𑌾𑌨𑌂
𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥
𑌵𑌿𑌷𑍍𑌣𑍋𑌃॒ 𑌕𑍍𑌰𑌮𑍋᳚-𑌽𑌸𑍍𑌯𑌭𑌿𑌮𑌾𑌤𑌿॒𑌹𑌾 𑌗𑌾॑𑌯॒𑌤𑍍𑌰-𑌞𑍍𑌛𑌨𑍍𑌦॒ 𑌆 𑌰𑍋॑𑌹 𑌪𑍃𑌥𑌿॒𑌵𑍀𑌮𑌨𑍁॒ 𑌵𑌿𑌕𑍍𑌰॑𑌮𑌸𑍍𑌵॒ 𑌨𑌿𑌰𑍍𑌭॑𑌕𑍍𑌤॒-𑌸𑍍𑌸 𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌵𑌿𑌷𑍍𑌣𑍋𑌃॒ 𑌕𑍍𑌰𑌮𑍋᳚-𑌽𑌸𑍍𑌯𑌭𑌿𑌶𑌸𑍍𑌤𑌿॒𑌹𑌾 𑌤𑍍𑌰𑍈𑌷𑍍𑌟𑍁॑𑌭॒-𑌞𑍍𑌛𑌨𑍍𑌦॒ 𑌆 𑌰𑍋॑𑌹𑌾॒𑌨𑍍𑌤𑌰𑌿॑𑌕𑍍𑌷॒𑌮𑌨𑍁॒ 𑌵𑌿𑌕𑍍𑌰॑𑌮𑌸𑍍𑌵॒ 𑌨𑌿𑌰𑍍𑌭॑𑌕𑍍𑌤॒-𑌸𑍍𑌸 𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌵𑌿𑌷𑍍𑌣𑍋𑌃॒ 𑌕𑍍𑌰𑌮𑍋᳚-𑌽𑌸𑍍𑌯𑌰𑌾𑌤𑍀𑌯॒𑌤𑍋 𑌹॒𑌨𑍍𑌤𑌾 𑌜𑌾𑌗॑𑌤॒-𑌞𑍍𑌛𑌨𑍍𑌦॒ 𑌆 𑌰𑍋॑𑌹॒ 𑌦𑌿𑌵॒𑌮𑌨𑍁॒ 𑌵𑌿𑌕𑍍𑌰॑𑌮𑌸𑍍𑌵॒ 𑌨𑌿𑌰𑍍𑌭॑𑌕𑍍𑌤॒-𑌸𑍍𑌸 𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌵𑌿𑌷𑍍𑌣𑍋𑌃॒ [𑌵𑌿𑌷𑍍𑌣𑍋𑌃᳚, 𑌕𑍍𑌰𑌮𑍋॑-𑌽𑌸𑌿 𑌶𑌤𑍍𑌰𑍂𑌯॒𑌤𑍋] 1
𑌕𑍍𑌰𑌮𑍋॑-𑌽𑌸𑌿 𑌶𑌤𑍍𑌰𑍂𑌯॒𑌤𑍋 𑌹॒𑌨𑍍𑌤𑌾-𑌽𑌨𑍁॑𑌷𑍍𑌟𑍁𑌭॒-𑌞𑍍𑌛𑌨𑍍𑌦॒ 𑌆 𑌰𑍋॑𑌹॒ 𑌦𑌿𑌶𑍋-𑌽𑌨𑍁॒ 𑌵𑌿𑌕𑍍𑌰॑𑌮𑌸𑍍𑌵॒ 𑌨𑌿𑌰𑍍𑌭॑𑌕𑍍𑌤॒-𑌸𑍍𑌸 𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥ 𑌅𑌕𑍍𑌰॑𑌨𑍍𑌦𑌦॒𑌗𑍍𑌨𑌿-𑌸𑍍𑌸𑍍𑌤॒𑌨𑌯॑𑌨𑍍𑌨𑌿𑌵॒ 𑌦𑍍𑌯𑍌𑌃, 𑌕𑍍𑌷𑌾𑌮𑌾॒ 𑌰𑍇𑌰𑌿॑𑌹-𑌦𑍍𑌵𑍀॒𑌰𑍁𑌧॑-𑌸𑍍𑌸𑌮॒𑌞𑍍𑌜𑌨𑍍𑌨𑍍 । 𑌸॒𑌦𑍍𑌯𑍋 𑌜॑𑌜𑍍𑌞𑌾॒𑌨𑍋 𑌵𑌿 𑌹𑍀𑌮𑌿॒𑌦𑍍𑌧𑍋 𑌅𑌖𑍍𑌯॒𑌦𑌾 𑌰𑍋𑌦॑𑌸𑍀 𑌭𑌾॒𑌨𑍁𑌨𑌾॑ 𑌭𑌾𑌤𑍍𑌯॒𑌨𑍍𑌤𑌃 ॥ 𑌅𑌗𑍍𑌨𑍇᳚-𑌽𑌭𑍍𑌯𑌾𑌵𑌰𑍍𑌤𑌿𑌨𑍍𑌨॒𑌭𑌿 𑌨॒ 𑌆 𑌵॑𑌰𑍍𑌤॒𑌸𑍍𑌵𑌾-𑌽𑌽𑌯𑍁॑𑌷𑌾॒ 𑌵𑌰𑍍𑌚॑𑌸𑌾 𑌸॒𑌨𑍍𑌯𑌾 𑌮𑍇॒𑌧𑌯𑌾᳚ 𑌪𑍍𑌰॒𑌜𑌯𑌾॒ 𑌧𑌨𑍇॑𑌨 ॥ 𑌅𑌗𑍍𑌨𑍇॑ [𑌅𑌗𑍍𑌨𑍇᳚, 𑌅॒𑌙𑍍𑌗𑌿॒𑌰॒-𑌶𑍍𑌶॒𑌤-𑌨𑍍𑌤𑍇॑] 2
𑌅𑌙𑍍𑌗𑌿𑌰-𑌶𑍍𑌶॒𑌤-𑌨𑍍𑌤𑍇॑ 𑌸𑌨𑍍𑌤𑍍𑌵𑌾॒𑌵𑍃𑌤॑-𑌸𑍍𑌸॒𑌹𑌸𑍍𑌰॑-𑌨𑍍𑌤 𑌉𑌪𑌾॒𑌵𑍃𑌤𑌃॑ । 𑌤𑌾𑌸𑌾॒-𑌮𑍍𑌪𑍋𑌷॑𑌸𑍍𑌯॒ 𑌪𑍋𑌷𑍇॑𑌣॒ 𑌪𑍁𑌨॑𑌰𑍍𑌨𑍋 𑌨॒𑌷𑍍𑌟𑌮𑌾 𑌕𑍃॑𑌧𑌿॒ 𑌪𑍁𑌨॑𑌰𑍍𑌨𑍋 𑌰॒𑌯𑌿𑌮𑌾 𑌕𑍃॑𑌧𑌿 ॥ 𑌪𑍁𑌨॑𑌰𑍂॒𑌰𑍍𑌜𑌾 𑌨𑌿𑌵॑𑌰𑍍𑌤𑌸𑍍𑌵॒ 𑌪𑍁𑌨॑𑌰𑌗𑍍𑌨 𑌇॒𑌷𑌾-𑌽𑌽𑌯𑍁॑𑌷𑌾 । 𑌪𑍁𑌨॑𑌰𑍍𑌨𑌃 𑌪𑌾𑌹𑌿 𑌵𑌿॒𑌶𑍍𑌵𑌤𑌃॑ ॥ 𑌸॒𑌹 𑌰॒𑌯𑍍𑌯𑌾 𑌨𑌿 𑌵॑𑌰𑍍𑌤॒𑌸𑍍𑌵𑌾𑌗𑍍𑌨𑍇॒ 𑌪𑌿𑌨𑍍𑌵॑𑌸𑍍𑌵॒ 𑌧𑌾𑌰॑𑌯𑌾 । 𑌵𑌿॒𑌶𑍍𑌵𑌫𑍍𑌸𑍍𑌨𑌿॑𑌯𑌾 𑌵𑌿॒𑌶𑍍𑌵 𑌤॒𑌸𑍍𑌪𑌰𑌿॑ ॥ 𑌉𑌦𑍁॑𑌤𑍍𑌤॒𑌮𑌂-𑌵𑌁॑𑌰𑍁𑌣॒ 𑌪𑌾𑌶॑ 𑌮॒𑌸𑍍𑌮𑌦𑌵𑌾॑-𑌽𑌧॒𑌮𑌂- [-𑌽𑌧॒𑌮𑌮𑍍, 𑌵𑌿 𑌮॑𑌦𑍍𑌧𑍍𑌯॒𑌮𑌗𑍍𑌗𑍍 𑌶𑍍𑌰॑𑌥𑌾𑌯 ।] 3
-𑌵𑌿𑌁 𑌮॑𑌦𑍍𑌧𑍍𑌯॒𑌮𑌗𑍍𑌗𑍍 𑌶𑍍𑌰॑𑌥𑌾𑌯 । 𑌅𑌥𑌾॑ 𑌵॒𑌯𑌮𑌾॑𑌦𑌿𑌤𑍍𑌯 𑌵𑍍𑌰॒𑌤𑍇 𑌤𑌵𑌾𑌨𑌾॑𑌗𑌸𑍋॒ 𑌅𑌦𑌿॑𑌤𑌯𑍇 𑌸𑍍𑌯𑌾𑌮 ॥ 𑌆 𑌤𑍍𑌵𑌾॑-𑌽𑌹𑌾𑌰𑍍𑌷-𑌮॒𑌨𑍍𑌤𑌰॑𑌭𑍂𑌰𑍍𑌧𑍍𑌰𑍁॒𑌵𑌸𑍍𑌤𑌿॒𑌷𑍍𑌠𑌾 𑌽𑌵𑌿॑𑌚𑌾𑌚𑌲𑌿𑌃 । 𑌵𑌿𑌶॑𑌸𑍍𑌤𑍍𑌵𑌾॒ 𑌸𑌰𑍍𑌵𑌾॑ 𑌵𑌾𑌞𑍍𑌛𑌨𑍍𑌤𑍍𑌵॒𑌸𑍍𑌮𑌿-𑌨𑍍𑌰𑌾॒𑌷𑍍𑌟𑍍𑌰𑌮𑌧𑌿॑ 𑌶𑍍𑌰𑌯 ॥𑌅𑌗𑍍𑌨𑍇॑ 𑌬𑍃॒𑌹𑌨𑍍𑌨𑍁॒𑌷𑌸𑌾॑𑌮𑍂॒𑌰𑍍𑌧𑍍𑌵𑍋 𑌅॑𑌸𑍍𑌥𑌾𑌨𑍍𑌨𑌿𑌰𑍍𑌜𑌗𑍍𑌮𑌿॒𑌵𑌾𑌨𑍍-𑌤𑌮॑𑌸𑍋॒ 𑌜𑍍𑌯𑍋𑌤𑌿॒𑌷𑌾-𑌽𑌽𑌗𑌾᳚𑌤𑍍 । 𑌅॒𑌗𑍍𑌨𑌿𑌰𑍍𑌭𑌾॒𑌨𑍁𑌨𑌾॒ 𑌰𑍁𑌶॑𑌤𑌾॒ 𑌸𑍍𑌵𑌙𑍍𑌗॒ 𑌆 𑌜𑌾॒𑌤𑍋 𑌵𑌿𑌶𑍍𑌵𑌾॒ 𑌸𑌦𑍍𑌮𑌾᳚𑌨𑍍𑌯𑌪𑍍𑌰𑌾𑌃 ॥ 𑌸𑍀𑌦॒ 𑌤𑍍𑌵-𑌮𑍍𑌮𑌾॒𑌤𑍁𑌰॒𑌸𑍍𑌯𑌾 [𑌸𑍀𑌦॒ 𑌤𑍍𑌵-𑌮𑍍𑌮𑌾॒𑌤𑍁𑌰॒𑌸𑍍𑌯𑌾𑌃᳚, 𑌉॒𑌪𑌸𑍍𑌥𑍇॒ 𑌵𑌿𑌶𑍍𑌵𑌾᳚𑌨𑍍𑌯𑌗𑍍𑌨𑍇] 4
𑌉॒𑌪𑌸𑍍𑌥𑍇॒ 𑌵𑌿𑌶𑍍𑌵𑌾᳚𑌨𑍍𑌯𑌗𑍍𑌨𑍇 𑌵॒𑌯𑍁𑌨𑌾॑𑌨𑌿 𑌵𑌿॒𑌦𑍍𑌵𑌾𑌨𑍍 । 𑌮𑍈𑌨𑌾॑𑌮॒𑌰𑍍𑌚𑌿𑌷𑌾॒ 𑌮𑌾 𑌤𑌪॑𑌸𑌾॒-𑌽𑌭𑌿 𑌶𑍂॑𑌶𑍁𑌚𑍋॒-𑌽𑌨𑍍𑌤𑌰॑𑌸𑍍𑌯𑌾𑌗𑍍𑌮𑍍 𑌶𑍁॒𑌕𑍍𑌰𑌜𑍍𑌯𑍋॑𑌤𑌿॒𑌰𑍍𑌵𑌿 𑌭𑌾॑𑌹𑌿 ॥ 𑌅॒𑌨𑍍𑌤𑌰॑𑌗𑍍𑌨𑍇 𑌰𑍁॒𑌚𑌾 𑌤𑍍𑌵𑌮𑍁॒𑌖𑌾𑌯𑍈॒ 𑌸𑌦॑𑌨𑍇॒ 𑌸𑍍𑌵𑍇 । 𑌤𑌸𑍍𑌯𑌾॒𑌸𑍍𑌤𑍍𑌵𑌗𑍍𑌮𑍍 𑌹𑌰॑𑌸𑌾॒ 𑌤𑌪॒𑌞𑍍𑌜𑌾𑌤॑𑌵𑍇𑌦-𑌶𑍍𑌶𑌿॒𑌵𑍋 𑌭॑𑌵 ॥ 𑌶𑌿॒𑌵𑍋 𑌭𑍂॒𑌤𑍍𑌵𑌾 𑌮𑌹𑍍𑌯॑𑌮॒𑌗𑍍𑌨𑍇-𑌽𑌥𑍋॑ 𑌸𑍀𑌦 𑌶𑌿॒𑌵𑌸𑍍𑌤𑍍𑌵𑌮𑍍 । 𑌶𑌿॒𑌵𑌾𑌃 𑌕𑍃॒𑌤𑍍𑌵𑌾 𑌦𑌿𑌶॒-𑌸𑍍𑌸𑌰𑍍𑌵𑌾॒-𑌸𑍍𑌸𑍍𑌵𑌾𑌂-𑌯𑍋𑌁𑌨𑌿॑𑌮𑌿॒𑌹𑌾-𑌽𑌽 𑌸॑𑌦𑌃 ॥ 𑌹॒𑌗𑍍𑌮𑍍॒𑌸-𑌶𑍍𑌶𑍁॑𑌚𑌿॒𑌷 𑌦𑍍𑌵𑌸𑍁॑𑌰𑌨𑍍𑌤𑌰𑌿𑌕𑍍𑌷॒-𑌸𑌦𑍍𑌧𑍋𑌤𑌾॑ 𑌵𑍇𑌦𑌿॒𑌷𑌦𑌤𑌿॑𑌥𑌿 𑌰𑍍𑌦𑍁𑌰𑍋𑌣॒𑌸𑌤𑍍 । 𑌨𑍃॒𑌷𑌦𑍍𑌵॑𑌰॒𑌸-𑌦𑍃॑𑌤॒𑌸-𑌦𑍍𑌵𑍍𑌯𑍋॑𑌮॒𑌸-𑌦॒𑌬𑍍𑌜𑌾 𑌗𑍋॒𑌜𑌾 𑌋॑𑌤॒𑌜𑌾 𑌅॑𑌦𑍍𑌰𑌿॒𑌜𑌾 𑌋॒𑌤-𑌮𑍍𑌬𑍃॒𑌹𑌤𑍍 ॥ 5 ॥
(𑌦𑌿𑌵॒𑌮𑌨𑍁॒ 𑌵𑌿 𑌕𑍍𑌰॑𑌮𑌸𑍍𑌵॒ 𑌨𑌿𑌰𑍍𑌭॑𑌕𑍍𑌤॒-𑌸𑍍𑌸 𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌵𑌿𑌷𑍍𑌣𑍋॒ – 𑌰𑍍𑌧𑌨𑍇॒𑌨𑌾𑌗𑍍𑌨𑍇॑ – 𑌽𑌧॒𑌮 – 𑌮॒𑌸𑍍𑌯𑌾𑌃 – 𑌶𑍁॑𑌚𑌿॒𑌷𑌥𑍍 – 𑌷𑍋𑌡॑𑌶 𑌚) (𑌅. 1)
𑌦𑌿॒𑌵𑌸𑍍𑌪𑌰𑌿॑ 𑌪𑍍𑌰𑌥॒𑌮-𑌞𑍍𑌜॑𑌜𑍍𑌞𑍇 𑌅॒𑌗𑍍𑌨𑌿𑌰॒𑌸𑍍𑌮-𑌦𑍍𑌦𑍍𑌵𑌿॒𑌤𑍀𑌯॒-𑌮𑍍𑌪𑌰𑌿॑ 𑌜𑌾॒𑌤𑌵𑍇॑𑌦𑌾𑌃 । 𑌤𑍃॒𑌤𑍀𑌯॑𑌮॒𑌫𑍍𑌸𑍁 𑌨𑍃॒𑌮𑌣𑌾॒ 𑌅𑌜॑𑌸𑍍𑌰॒𑌮𑌿𑌨𑍍𑌧𑌾॑𑌨 𑌏𑌨-𑌞𑍍𑌜𑌰𑌤𑍇 𑌸𑍍𑌵𑌾॒𑌧𑍀𑌃 ॥ 𑌵𑌿॒𑌦𑍍𑌮𑌾 𑌤𑍇॑ 𑌅𑌗𑍍𑌨𑍇 𑌤𑍍𑌰𑍇॒𑌧𑌾 𑌤𑍍𑌰॒𑌯𑌾𑌣𑌿॑ 𑌵𑌿॒𑌦𑍍𑌮𑌾 𑌤𑍇॒ 𑌸𑌦𑍍𑌮॒ 𑌵𑌿𑌭𑍃॑𑌤-𑌮𑍍𑌪𑍁𑌰𑍁॒𑌤𑍍𑌰𑌾 । 𑌵𑌿॒𑌦𑍍𑌮𑌾 𑌤𑍇॒ 𑌨𑌾𑌮॑ 𑌪𑌰॒𑌮-𑌙𑍍𑌗𑍁𑌹𑌾॒ 𑌯𑌦𑍍𑌵𑌿॒𑌦𑍍𑌮𑌾 𑌤𑌮𑍁𑌥𑍍𑌸𑌂॒-𑌯𑌁𑌤॑ 𑌆𑌜॒𑌗𑌨𑍍𑌥॑ ॥ 𑌸॒𑌮𑍁॒𑌦𑍍𑌰𑍇 𑌤𑍍𑌵𑌾॑ 𑌨𑍃॒𑌮𑌣𑌾॑ 𑌅॒𑌫𑍍𑌸𑍍𑌵॑𑌨𑍍𑌤𑌰𑍍𑌨𑍃॒𑌚𑌕𑍍𑌷𑌾॑ 𑌈𑌧𑍇 𑌦𑌿॒𑌵𑍋 𑌅॑𑌗𑍍𑌨॒ 𑌊𑌧𑌨𑍍𑌨𑍍॑ । 𑌤𑍃॒𑌤𑍀𑌯𑍇᳚ 𑌤𑍍𑌵𑌾॒ [𑌤𑍃॒𑌤𑍀𑌯𑍇᳚ 𑌤𑍍𑌵𑌾, 𑌰𑌜॑𑌸𑌿 𑌤𑌸𑍍𑌥𑌿॒𑌵𑌾𑌗𑍍𑌮𑍍 𑌸॑𑌮𑍃॒𑌤𑌸𑍍𑌯॒] 6
𑌰𑌜॑𑌸𑌿 𑌤𑌸𑍍𑌥𑌿॒𑌵𑌾𑌗𑍍𑌮𑍍 𑌸॑𑌮𑍃॒𑌤𑌸𑍍𑌯॒ 𑌯𑍋𑌨𑍌॑ 𑌮𑌹𑌿॒𑌷𑌾 𑌅॑𑌹𑌿𑌨𑍍𑌵𑌨𑍍𑌨𑍍 ॥ 𑌅𑌕𑍍𑌰॑𑌨𑍍𑌦𑌦॒𑌗𑍍𑌨𑌿-𑌸𑍍𑌸𑍍𑌤॒𑌨𑌯॑𑌨𑍍𑌨𑌿𑌵॒ 𑌦𑍍𑌯𑍌𑌃, 𑌕𑍍𑌷𑌾𑌮𑌾॒ 𑌰𑍇𑌰𑌿॑𑌹-𑌦𑍍𑌵𑍀॒𑌰𑍁𑌧॑-𑌸𑍍𑌸𑌮॒𑌞𑍍𑌜𑌨𑍍𑌨𑍍 । 𑌸॒𑌦𑍍𑌯𑍋 𑌜॑𑌜𑍍𑌞𑌾॒𑌨𑍋 𑌵𑌿 𑌹𑍀𑌮𑌿॒𑌦𑍍𑌧𑍋 𑌅𑌖𑍍𑌯॒𑌦𑌾 𑌰𑍋𑌦॑𑌸𑍀 𑌭𑌾॒𑌨𑍁𑌨𑌾॑ 𑌭𑌾𑌤𑍍𑌯॒𑌨𑍍𑌤𑌃 ॥ 𑌉॒𑌶𑌿-𑌕𑍍𑌪𑌾॑𑌵॒𑌕𑍋 𑌅॑𑌰॒𑌤𑌿-𑌸𑍍𑌸𑍁॑𑌮𑍇॒𑌧𑌾 𑌮𑌰𑍍𑌤𑍇᳚𑌷𑍍𑌵॒𑌗𑍍𑌨𑌿𑌰॒𑌮𑍃𑌤𑍋॒ 𑌨𑌿𑌧𑌾॑𑌯𑌿 । 𑌇𑌯॑𑌰𑍍𑌤𑌿 𑌧𑍂॒𑌮𑌮॑𑌰𑍁॒𑌷-𑌮𑍍𑌭𑌰𑌿॑𑌭𑍍𑌰॒𑌦𑍁𑌚𑍍𑌛𑍁॒𑌕𑍍𑌰𑍇𑌣॑ 𑌶𑍋॒𑌚𑌿𑌷𑌾॒ 𑌦𑍍𑌯𑌾𑌮𑌿𑌨॑𑌕𑍍𑌷𑌤𑍍 ॥ 𑌵𑌿𑌶𑍍𑌵॑𑌸𑍍𑌯 𑌕𑍇॒𑌤𑍁𑌰𑍍𑌭𑍁𑌵॑𑌨𑌸𑍍𑌯॒ 𑌗𑌰𑍍𑌭॒ 𑌆 [ ]
𑌰𑍋𑌦॑𑌸𑍀 𑌅𑌪𑍃𑌣𑌾॒𑌜𑍍𑌜𑌾𑌯॑𑌮𑌾𑌨𑌃 । 𑌵𑍀॒𑌡𑍁-𑌞𑍍𑌚𑌿॒𑌦𑌦𑍍𑌰𑌿॑𑌮𑌭𑌿𑌨-𑌤𑍍𑌪𑌰𑌾॒𑌯𑌨𑍍 𑌜𑌨𑌾॒ 𑌯𑌦॒𑌗𑍍𑌨𑌿𑌮𑌯॑𑌜𑌨𑍍𑌤॒ 𑌪𑌞𑍍𑌚॑ ॥ 𑌶𑍍𑌰𑍀॒𑌣𑌾𑌮𑍁॑𑌦𑌾॒𑌰𑍋 𑌧॒𑌰𑍁𑌣𑍋॑ 𑌰𑌯𑍀॒𑌣𑌾-𑌮𑍍𑌮॑𑌨𑍀॒𑌷𑌾𑌣𑌾॒-𑌮𑍍𑌪𑍍𑌰𑌾𑌰𑍍𑌪॑𑌣॒-𑌸𑍍𑌸𑍋𑌮॑𑌗𑍋𑌪𑌾𑌃 । 𑌵𑌸𑍋᳚-𑌸𑍍𑌸𑍂॒𑌨𑍁-𑌸𑍍𑌸𑌹॑𑌸𑍋 𑌅॒𑌫𑍍𑌸𑍁 𑌰𑌾𑌜𑌾॒ 𑌵𑌿 𑌭𑌾॒𑌤𑍍𑌯𑌗𑍍𑌰॑ 𑌉॒𑌷𑌸𑌾॑𑌮𑌿𑌧𑌾॒𑌨𑌃 ॥ 𑌯𑌸𑍍𑌤𑍇॑ 𑌅॒𑌦𑍍𑌯 𑌕𑍃॒𑌣𑌵॑-𑌦𑍍𑌭𑌦𑍍𑌰𑌶𑍋𑌚𑍇-𑌽𑌪𑍂॒𑌪-𑌨𑍍𑌦𑍇॑𑌵 𑌘𑍃॒𑌤𑌵॑𑌨𑍍𑌤𑌮𑌗𑍍𑌨𑍇 । 𑌪𑍍𑌰𑌤-𑌨𑍍𑌨॑𑌯 𑌪𑍍𑌰𑌤॒𑌰𑌾𑌂-𑌵𑌁𑌸𑍍𑌯𑍋॒ 𑌅𑌚𑍍𑌛𑌾॒𑌭𑌿 𑌦𑍍𑌯𑍁॒𑌮𑍍𑌨-𑌨𑍍𑌦𑍇॒𑌵𑌭॑𑌕𑍍𑌤𑌂-𑌯𑌁𑌵𑌿𑌷𑍍𑌠 ॥ 𑌆 [ ]
𑌤-𑌮𑍍𑌭॑𑌜 𑌸𑍌𑌶𑍍𑌰𑌵॒𑌸𑍇𑌷𑍍𑌵॑𑌗𑍍𑌨 𑌉॒𑌕𑍍𑌥-𑌉॑𑌕𑍍𑌥॒ 𑌆 𑌭॑𑌜 𑌶॒𑌸𑍍𑌯𑌮𑌾॑𑌨𑍇 । 𑌪𑍍𑌰𑌿॒𑌯-𑌸𑍍𑌸𑍂𑌰𑍍𑌯𑍇᳚ 𑌪𑍍𑌰𑌿॒𑌯𑍋 𑌅॒𑌗𑍍𑌨𑌾 𑌭॑𑌵𑌾॒𑌤𑍍𑌯𑍁𑌜𑍍𑌜𑌾॒𑌤𑍇𑌨॑ 𑌭𑌿॒𑌨𑌦॒𑌦𑍁𑌜𑍍𑌜𑌨𑌿॑𑌤𑍍𑌵𑍈𑌃 ॥ 𑌤𑍍𑌵𑌾𑌮॑𑌗𑍍𑌨𑍇॒ 𑌯𑌜॑𑌮𑌾𑌨𑌾॒ 𑌅𑌨𑍁॒ 𑌦𑍍𑌯𑍂𑌨𑍍. 𑌵𑌿𑌶𑍍𑌵𑌾॒ 𑌵𑌸𑍂॑𑌨𑌿 𑌦𑌧𑌿𑌰𑍇॒ 𑌵𑌾𑌰𑍍𑌯𑌾॑𑌣𑌿 । 𑌤𑍍𑌵𑌯𑌾॑ 𑌸॒𑌹 𑌦𑍍𑌰𑌵𑌿॑𑌣𑌮𑌿॒𑌚𑍍𑌛𑌮𑌾॑𑌨𑌾 𑌵𑍍𑌰॒𑌜-𑌙𑍍𑌗𑍋𑌮॑𑌨𑍍𑌤𑌮𑍁॒𑌶𑌿𑌜𑍋॒ 𑌵𑌿 𑌵॑𑌵𑍍𑌰𑍁𑌃 ॥ 𑌦𑍃॒𑌶𑌾॒𑌨𑍋 𑌰𑍁॒𑌕𑍍𑌮 𑌉॒𑌰𑍍𑌵𑍍𑌯𑌾 𑌵𑍍𑌯॑𑌦𑍍𑌯𑍌-𑌦𑍍𑌦𑍁॒𑌰𑍍𑌮𑌰𑍍𑌷॒𑌮𑌾𑌯𑍁॑-𑌶𑍍𑌶𑍍𑌰𑌿॒𑌯𑍇 𑌰𑍁॑𑌚𑌾॒𑌨𑌃 । 𑌅॒𑌗𑍍𑌨𑌿𑌰॒𑌮𑍃𑌤𑍋॑ 𑌅𑌭𑌵॒-𑌦𑍍𑌵𑌯𑍋॑𑌭𑌿॒𑌰𑍍𑌯𑌦𑍇॑- -𑌨॒-𑌨𑍍𑌦𑍍𑌯𑍌𑌰𑌜॑𑌨𑌯-𑌥𑍍𑌸𑍁॒𑌰𑍇𑌤𑌾𑌃᳚ ॥ ॥
(𑌤𑍃𑌤𑌿𑌯𑍇᳚ 𑌤𑍍𑌵𑌾॒ – 𑌗𑌰𑍍𑌭॒ 𑌆 – 𑌯॑𑌵𑌿॒𑌷𑍍𑌠𑌾-𑌽𑌽 – 𑌯 – 𑌚𑍍𑌚॒𑌤𑍍𑌵𑌾𑌰𑌿॑ 𑌚) (𑌅. 2)
𑌅𑌨𑍍𑌨॑𑌪॒𑌤𑍇-𑌽𑌨𑍍𑌨॑𑌸𑍍𑌯 𑌨𑍋 𑌦𑍇𑌹𑍍𑌯𑌨𑌮𑍀॒𑌵𑌸𑍍𑌯॑ 𑌶𑍁॒𑌷𑍍𑌮𑌿𑌣𑌃॑ । 𑌪𑍍𑌰 𑌪𑍍𑌰॑𑌦𑌾॒𑌤𑌾𑌰॑-𑌨𑍍𑌤𑌾𑌰𑌿𑌷॒ 𑌊𑌰𑍍𑌜॑-𑌨𑍍𑌨𑍋 𑌧𑍇𑌹𑌿 𑌦𑍍𑌵𑌿॒𑌪𑌦𑍇॒ 𑌚𑌤𑍁॑𑌷𑍍𑌪𑌦𑍇 ॥ 𑌉𑌦𑍁॑ 𑌤𑍍𑌵𑌾॒ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌅𑌗𑍍𑌨𑍇॒ 𑌭𑌰॑𑌨𑍍𑌤𑍁॒ 𑌚𑌿𑌤𑍍𑌤𑌿॑𑌭𑌿𑌃 । 𑌸 𑌨𑍋॑ 𑌭𑌵 𑌶𑌿॒𑌵𑌤॑𑌮-𑌸𑍍𑌸𑍁॒𑌪𑍍𑌰𑌤𑍀॑𑌕𑍋 𑌵𑌿॒𑌭𑌾𑌵॑𑌸𑍁𑌃 ॥ 𑌪𑍍𑌰𑍇𑌦॑𑌗𑍍𑌨𑍇॒ 𑌜𑍍𑌯𑍋𑌤𑌿॑𑌷𑍍𑌮𑌾𑌨𑍍. 𑌯𑌾𑌹𑌿 𑌶𑌿॒𑌵𑍇𑌭𑌿॑𑌰॒𑌰𑍍𑌚𑌿॑𑌭𑌿॒𑌸𑍍𑌤𑍍𑌵𑌮𑍍 । 𑌬𑍃॒𑌹𑌦𑍍𑌭𑌿॑-𑌰𑍍𑌭𑌾॒𑌨𑍁𑌭𑌿॒-𑌰𑍍𑌭𑌾𑌸॒-𑌨𑍍𑌮𑌾 𑌹𑌿𑌗𑍍𑌮𑍍॑𑌸𑍀 𑌸𑍍𑌤॒𑌨𑍁𑌵𑌾᳚ 𑌪𑍍𑌰॒𑌜𑌾𑌃 ॥ 𑌸॒𑌮𑌿𑌧𑌾॒-𑌽𑌗𑍍𑌨𑌿-𑌨𑍍𑌦𑍁॑𑌵𑌸𑍍𑌯𑌤 𑌘𑍃॒𑌤𑍈𑌰𑍍𑌬𑍋॑𑌧𑌯॒𑌤𑌾𑌤𑌿॑𑌥𑌿𑌮𑍍 । 𑌆- [𑌆, 𑌅॒𑌸𑍍𑌮𑌿॒𑌨𑍍॒. 𑌹॒𑌵𑍍𑌯𑌾 𑌜𑍁॑𑌹𑍋𑌤𑌨 ।] 10
-𑌽𑌸𑍍𑌮𑌿॑𑌨𑍍. 𑌹॒𑌵𑍍𑌯𑌾 𑌜𑍁॑𑌹𑍋𑌤𑌨 ॥ 𑌪𑍍𑌰𑌪𑍍𑌰𑌾॒𑌯𑌮॒𑌗𑍍𑌨𑌿𑌰𑍍𑌭॑𑌰॒𑌤𑌸𑍍𑌯॑ 𑌶𑍃𑌣𑍍𑌵𑍇॒ 𑌵𑌿 𑌯-𑌥𑍍𑌸𑍂𑌰𑍍𑌯𑍋॒ 𑌨 𑌰𑍋𑌚॑𑌤𑍇 𑌬𑍃॒𑌹𑌦𑍍𑌭𑌾𑌃 । 𑌅॒𑌭𑌿 𑌯𑌃 𑌪𑍂॒𑌰𑍁-𑌮𑍍𑌪𑍃𑌤॑𑌨𑌾𑌸𑍁 𑌤॒𑌸𑍍𑌥𑍌 𑌦𑍀॒𑌦𑌾𑌯॒ 𑌦𑍈𑌵𑍍𑌯𑍋॒ 𑌅𑌤𑌿॑𑌥𑌿-𑌶𑍍𑌶𑌿॒𑌵𑍋 𑌨𑌃॑ ॥ 𑌆𑌪𑍋॑ 𑌦𑍇𑌵𑍀𑌃॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑍀𑌤॒ 𑌭𑌸𑍍𑌮𑍈॒𑌤-𑌥𑍍𑌸𑍍𑌯𑍋॒𑌨𑍇 𑌕𑍃॑𑌣𑍁𑌦𑍍𑌧𑍍𑌵𑌗𑍍𑌮𑍍 𑌸𑍁𑌰॒𑌭𑌾𑌵𑍁॑ 𑌲𑍋॒𑌕𑍇 । 𑌤𑌸𑍍𑌮𑍈॑ 𑌨𑌮𑌨𑍍𑌤𑌾॒-𑌞𑍍𑌜𑌨॑𑌯-𑌸𑍍𑌸𑍁॒𑌪𑌤𑍍𑌨𑍀᳚𑌰𑍍𑌮𑌾॒𑌤𑍇𑌵॑ 𑌪𑍁॒𑌤𑍍𑌰-𑌮𑍍𑌬𑌿॑𑌭𑍃॒𑌤𑌾 𑌸𑍍𑌵𑍇॑𑌨𑌮𑍍 ॥ 𑌅॒𑌫𑍍𑌸𑍍𑌵॑𑌗𑍍𑌨𑍇॒ 𑌸𑌧𑌿॒𑌷𑍍𑌟𑌵॒- [𑌅॒𑌫𑍍𑌸𑍍𑌵॑𑌗𑍍𑌨𑍇॒ 𑌸𑌧𑌿॒𑌷𑍍𑌟𑌵॑, 𑌸𑍌𑌷॑𑌧𑍀॒𑌰𑌨𑍁॑ 𑌰𑍁𑌦𑍍𑌧𑍍𑌯𑌸𑍇 ।] 11
𑌸𑍌𑌷॑𑌧𑍀॒𑌰𑌨𑍁॑ 𑌰𑍁𑌦𑍍𑌧𑍍𑌯𑌸𑍇 । 𑌗𑌰𑍍𑌭𑍇॒ 𑌸𑌞𑍍𑌜𑌾॑𑌯𑌸𑍇॒ 𑌪𑍁𑌨𑌃॑ ॥ 𑌗𑌰𑍍𑌭𑍋॑ 𑌅॒𑌸𑍍𑌯𑍋𑌷॑𑌧𑍀𑌨𑌾॒-𑌙𑍍𑌗𑌰𑍍𑌭𑍋॒ 𑌵𑌨॒𑌸𑍍𑌪𑌤𑍀॑𑌨𑌾𑌮𑍍 । 𑌗𑌰𑍍𑌭𑍋॒ 𑌵𑌿𑌶𑍍𑌵॑𑌸𑍍𑌯 𑌭𑍂॒𑌤𑌸𑍍𑌯𑌾𑌗𑍍𑌨𑍇॒ 𑌗𑌰𑍍𑌭𑍋॑ 𑌅॒𑌪𑌾𑌮॑𑌸𑌿 ॥ 𑌪𑍍𑌰॒𑌸𑌦𑍍𑌯॒ 𑌭𑌸𑍍𑌮॑𑌨𑌾॒ 𑌯𑍋𑌨𑌿॑𑌮॒𑌪𑌶𑍍𑌚॑ 𑌪𑍃𑌥𑌿॒𑌵𑍀𑌮॑𑌗𑍍𑌨𑍇 । 𑌸॒𑌗𑍍𑌮𑍍॒𑌸𑍃𑌜𑍍𑌯॑ 𑌮𑌾॒𑌤𑍃𑌭𑌿॒𑌸𑍍𑌤𑍍𑌵-𑌞𑍍𑌜𑍍𑌯𑍋𑌤𑌿॑𑌷𑍍𑌮𑌾॒-𑌨𑍍𑌪𑍁𑌨॒𑌰𑌾-𑌽𑌸॑𑌦𑌃 ॥ 𑌪𑍁𑌨॑𑌰𑌾॒𑌸𑌦𑍍𑌯॒ 𑌸𑌦॑𑌨𑌮॒𑌪𑌶𑍍𑌚॑ 𑌪𑍃𑌥𑌿॒𑌵𑍀𑌮॑𑌗𑍍𑌨𑍇 । 𑌶𑍇𑌷𑍇॑ 𑌮𑌾॒𑌤𑍁𑌰𑍍𑌯𑌥𑍋॒𑌪𑌸𑍍𑌥𑍇॒ 𑌽𑌨𑍍𑌤𑌰॒𑌸𑍍𑌯𑌾𑌗𑍍𑌮𑍍 𑌶𑌿॒𑌵𑌤॑𑌮𑌃 ॥ 𑌪𑍁𑌨॑𑌰𑍂॒𑌰𑍍𑌜𑌾 [ ] 12
-𑌨𑌿 𑌵॑𑌰𑍍𑌤𑌸𑍍𑌵॒ 𑌪𑍁𑌨॑𑌰𑌗𑍍𑌨 𑌇॒𑌷𑌾 𑌽𑌽𑌯𑍁॑𑌷𑌾 । 𑌪𑍁𑌨॑𑌰𑍍𑌨𑌃 𑌪𑌾𑌹𑌿 𑌵𑌿॒𑌶𑍍𑌵𑌤𑌃॑ ॥ 𑌸॒𑌹 𑌰॒𑌯𑍍𑌯𑌾 𑌨𑌿 𑌵॑𑌰𑍍𑌤॒𑌸𑍍𑌵𑌾𑌗𑍍𑌨𑍇॒ 𑌪𑌿𑌨𑍍𑌵॑𑌸𑍍𑌵॒ 𑌧𑌾𑌰॑𑌯𑌾 । 𑌵𑌿॒𑌶𑍍𑌵𑌫𑍍𑌸𑍍𑌨𑌿॑𑌯𑌾 𑌵𑌿॒𑌶𑍍𑌵𑌤॒𑌸𑍍𑌪𑌰𑌿॑ ॥ 𑌪𑍁𑌨॑𑌸𑍍𑌤𑍍𑌵𑌾 𑌽𑌽𑌦𑌿॒𑌤𑍍𑌯𑌾 𑌰𑍁॒𑌦𑍍𑌰𑌾 𑌵𑌸॑𑌵॒-𑌸𑍍𑌸𑌮𑌿॑𑌨𑍍𑌧𑌤𑌾॒-𑌮𑍍𑌪𑍁𑌨॑𑌰𑍍𑌬𑍍𑌰॒𑌹𑍍𑌮𑌾𑌣𑍋॑ 𑌵𑌸𑍁𑌨𑍀𑌥 𑌯॒𑌜𑍍𑌞𑍈𑌃 । 𑌘𑍃॒𑌤𑍇𑌨॒ 𑌤𑍍𑌵-𑌨𑍍𑌤॒𑌨𑍁𑌵𑍋॑ 𑌵𑌰𑍍𑌧𑌯𑌸𑍍𑌵 𑌸॒𑌤𑍍𑌯𑌾-𑌸𑍍𑌸॑𑌨𑍍𑌤𑍁॒ 𑌯𑌜॑𑌮𑌾𑌨𑌸𑍍𑌯॒ 𑌕𑌾𑌮𑌾𑌃᳚ ॥ 𑌬𑍋𑌧𑌾॑ 𑌨𑍋 𑌅॒𑌸𑍍𑌯 𑌵𑌚॑𑌸𑍋 𑌯𑌵𑌿𑌷𑍍𑌠॒ 𑌮𑌗𑍍𑌮𑍍𑌹𑌿॑𑌷𑍍𑌠𑌸𑍍𑌯॒ 𑌪𑍍𑌰𑌭𑍃॑𑌤𑌸𑍍𑌯 𑌸𑍍𑌵𑌧𑌾𑌵𑌃 । 𑌪𑍀𑌯॑𑌤𑌿 𑌤𑍍𑌵𑍋॒ 𑌅𑌨𑍁॑ 𑌤𑍍𑌵𑍋 𑌗𑍃𑌣𑌾𑌤𑌿 𑌵॒𑌨𑍍𑌦𑌾𑌰𑍁॑𑌸𑍍𑌤𑍇 𑌤॒𑌨𑍁𑌵𑌂॑-𑌵𑌁𑌨𑍍𑌦𑍇 𑌅𑌗𑍍𑌨𑍇 ॥ 𑌸 𑌬𑍋॑𑌧𑌿 𑌸𑍂॒𑌰𑌿𑌰𑍍𑌮॒𑌘𑌵𑌾॑ 𑌵𑌸𑍁॒𑌦𑌾𑌵𑌾॒ 𑌵𑌸𑍁॑𑌪𑌤𑌿𑌃 । 𑌯𑍁॒𑌯𑍋॒𑌦𑍍𑌧𑍍𑌯॑𑌸𑍍𑌮-𑌦𑍍𑌦𑍍𑌵𑍇𑌷𑌾𑌗𑍍𑌮𑍍॑𑌸𑌿 ॥ 13 ॥
(𑌆 – 𑌤𑌵𑍋॒ – 𑌰𑍍𑌜𑌾-𑌽 – 𑌨𑍁॒ – 𑌷𑍋𑌡॑𑌶 𑌚) (𑌅. 3)
𑌅𑌪𑍇॑𑌤॒ 𑌵𑍀𑌤॒ 𑌵𑌿 𑌚॑ 𑌸𑌰𑍍𑌪॒𑌤𑌾𑌤𑍋॒ 𑌯𑍇-𑌽𑌤𑍍𑌰॒ 𑌸𑍍𑌥 𑌪𑍁॑𑌰𑌾॒𑌣𑌾 𑌯𑍇 𑌚॒ 𑌨𑍂𑌤॑𑌨𑌾𑌃 । 𑌅𑌦𑌾॑𑌦𑌿॒𑌦𑌂-𑌯𑌁॒𑌮𑍋॑-𑌽𑌵॒𑌸𑌾𑌨॑-𑌮𑍍𑌪𑍃𑌥𑌿॒𑌵𑍍𑌯𑌾 𑌅𑌕𑍍𑌰॑𑌨𑍍𑌨𑌿॒𑌮-𑌮𑍍𑌪𑌿॒𑌤𑌰𑍋॑ 𑌲𑍋॒𑌕𑌮॑𑌸𑍍𑌮𑍈 ॥ 𑌅॒𑌗𑍍𑌨𑍇𑌰𑍍𑌭𑌸𑍍𑌮𑌾᳚𑌸𑍍𑌯॒𑌗𑍍𑌨𑍇𑌃 𑌪𑍁𑌰𑍀॑𑌷𑌮𑌸𑌿 𑌸॒𑌜𑍍𑌞𑌾𑌨𑍍𑌨॑𑌮𑌸𑌿 𑌕𑌾𑌮॒𑌧𑌰॑𑌣॒-𑌮𑍍𑌮𑌯𑌿॑ 𑌤𑍇 𑌕𑌾𑌮॒𑌧𑌰॑𑌣-𑌮𑍍𑌭𑍂𑌯𑌾𑌤𑍍 ॥ 𑌸𑌂-𑌯𑌾𑌁 𑌵𑌃॑ 𑌪𑍍𑌰𑌿॒𑌯𑌾𑌸𑍍𑌤॒𑌨𑍁𑌵॒-𑌸𑍍𑌸-𑌮𑍍𑌪𑍍𑌰𑌿॒𑌯𑌾 𑌹𑍃𑌦॑𑌯𑌾𑌨𑌿 𑌵𑌃 । 𑌆॒𑌤𑍍𑌮𑌾 𑌵𑍋॑ 𑌅𑌸𑍍𑌤𑍁॒ [𑌅𑌸𑍍𑌤𑍁, 𑌸𑌮𑍍𑌪𑍍𑌰𑌿॑𑌯॒] 14
𑌸𑌮𑍍𑌪𑍍𑌰𑌿॑𑌯॒-𑌸𑍍𑌸𑌮𑍍𑌪𑍍𑌰𑌿॑𑌯𑌾𑌸𑍍𑌤॒𑌨𑍁𑌵𑍋॒ 𑌮𑌮॑ ॥ 𑌅॒𑌯𑌗𑍍𑌮𑍍 𑌸𑍋 𑌅॒𑌗𑍍𑌨𑌿𑌰𑍍𑌯𑌸𑍍𑌮𑌿॒𑌨𑍍-𑌥𑍍𑌸𑍋𑌮॒𑌮𑌿𑌨𑍍𑌦𑍍𑌰॑-𑌸𑍍𑌸𑍁॒𑌤-𑌨𑍍𑌦॒𑌧𑍇 𑌜॒𑌠𑌰𑍇॑ 𑌵𑌾𑌵𑌶𑌾॒𑌨𑌃 । 𑌸॒𑌹॒𑌸𑍍𑌰𑌿𑌯𑌂॒-𑌵𑌾𑌁𑌜॒𑌮𑌤𑍍𑌯॒-𑌨𑍍𑌨 𑌸𑌪𑍍𑌤𑌿𑌗𑍍𑌮𑍍॑ 𑌸𑌸॒𑌵𑌾𑌨𑍍-𑌥𑍍𑌸𑌨𑍍-𑌥𑍍𑌸𑍍𑌤𑍂॑𑌯𑌸𑍇 𑌜𑌾𑌤𑌵𑍇𑌦𑌃 ॥ 𑌅𑌗𑍍𑌨𑍇॑ 𑌦𑌿॒𑌵𑍋 𑌅𑌰𑍍𑌣॒𑌮𑌚𑍍𑌛𑌾॑ 𑌜𑌿𑌗𑌾॒𑌸𑍍𑌯𑌚𑍍𑌛𑌾॑ 𑌦𑍇॒𑌵𑌾𑌗𑍍𑌮𑍍 𑌊॑𑌚𑌿𑌷𑍇॒ 𑌧𑌿𑌷𑍍𑌣𑌿॑𑌯𑌾॒ 𑌯𑍇 । 𑌯𑌾𑌃 𑌪॒𑌰𑌸𑍍𑌤𑌾᳚-𑌦𑍍𑌰𑍋𑌚॒𑌨𑍇 𑌸𑍂𑌰𑍍𑌯॑𑌸𑍍𑌯॒ 𑌯𑌾𑌶𑍍𑌚𑌾॒ 𑌵𑌸𑍍𑌤𑌾॑-𑌦𑍁𑌪॒𑌤𑌿𑌷𑍍𑌠॑𑌨𑍍𑌤॒ 𑌆𑌪𑌃॑ ॥ 𑌅𑌗𑍍𑌨𑍇॒ 𑌯-𑌤𑍍𑌤𑍇॑ 𑌦𑌿॒𑌵𑌿 𑌵𑌰𑍍𑌚𑌃॑ 𑌪𑍃𑌥𑌿॒𑌵𑍍𑌯𑌾𑌂-𑌯𑌁𑌦𑍋𑌷॑𑌧𑍀- [𑌪𑍃𑌥𑌿॒𑌵𑍍𑌯𑌾𑌂-𑌯𑌁𑌦𑍋𑌷॑𑌧𑍀𑌷𑍁, 𑌅॒𑌫𑍍𑌸𑍁 𑌵𑌾॑ 𑌯𑌜𑌤𑍍𑌰 ।] 15
-𑌷𑍍𑌵॒𑌫𑍍𑌸𑍁 𑌵𑌾॑ 𑌯𑌜𑌤𑍍𑌰 । 𑌯𑍇𑌨𑌾॒𑌨𑍍𑌤𑌰𑌿॑𑌕𑍍𑌷-𑌮𑍁॒𑌰𑍍𑌵𑌾॑𑌤॒𑌤𑌨𑍍𑌥॑ 𑌤𑍍𑌵𑍇॒𑌷-𑌸𑍍𑌸 𑌭𑌾॒𑌨𑍁𑌰॑𑌰𑍍𑌣॒𑌵𑍋 𑌨𑍃॒𑌚𑌕𑍍𑌷𑌾𑌃᳚ ॥ 𑌪𑍁॒𑌰𑍀॒𑌷𑍍𑌯𑌾॑𑌸𑍋 𑌅॒𑌗𑍍𑌨𑌯𑌃॑ 𑌪𑍍𑌰𑌾𑌵॒𑌣𑍇𑌭𑌿॑-𑌸𑍍𑌸॒𑌜𑍋𑌷॑𑌸𑌃 । 𑌜𑍁॒𑌷𑌨𑍍𑌤𑌾𑌗𑍍𑌮𑍍॑ 𑌹॒𑌵𑍍𑌯𑌮𑌾𑌹𑍁॑𑌤𑌮𑌨𑌮𑍀॒𑌵𑌾 𑌇𑌷𑍋॑ 𑌮॒𑌹𑍀𑌃 ॥ 𑌇𑌡𑌾॑𑌮𑌗𑍍𑌨𑍇 𑌪𑍁𑌰𑍁॒𑌦𑌗𑍍𑌮𑍍 𑌸𑌗𑍍𑌮𑍍॑ 𑌸॒𑌨𑌿-𑌙𑍍𑌗𑍋-𑌶𑍍𑌶॑𑌶𑍍𑌵𑌤𑍍𑌤॒𑌮𑌗𑍍𑌮𑍍 𑌹𑌵॑𑌮𑌾𑌨𑌾𑌯 𑌸𑌾𑌧 । 𑌸𑍍𑌯𑌾𑌨𑍍𑌨॑-𑌸𑍍𑌸𑍂॒𑌨𑍁𑌸𑍍𑌤𑌨॑𑌯𑍋 𑌵𑌿॒𑌜𑌾𑌵𑌾-𑌽𑌗𑍍𑌨𑍇॒ 𑌸𑌾 𑌤𑍇॑ 𑌸𑍁𑌮॒𑌤𑌿𑌰𑍍𑌭𑍂᳚𑌤𑍍𑌵॒𑌸𑍍𑌮𑍇 ॥ 𑌅॒𑌯-𑌨𑍍𑌤𑍇॒ 𑌯𑍋𑌨𑌿॑𑌰𑍍-𑌋॒𑌤𑍍𑌵𑌿𑌯𑍋॒ 𑌯𑌤𑍋॑ 𑌜𑌾॒𑌤𑍋 𑌅𑌰𑍋॑𑌚𑌥𑌾𑌃 । 𑌤-𑌞𑍍𑌜𑌾॒𑌨- [𑌤-𑌞𑍍𑌜𑌾॒𑌨𑌨𑍍𑌨𑍍, 𑌅॒𑌗𑍍𑌨॒ 𑌆 𑌰𑍋॒𑌹𑌾𑌥𑌾॑ 𑌨𑍋] 16
-𑌨𑍍𑌨॑𑌗𑍍𑌨॒ 𑌆 𑌰𑍋॒𑌹𑌾𑌥𑌾॑ 𑌨𑍋 𑌵𑌰𑍍𑌧𑌯𑌾 𑌰॒𑌯𑌿𑌮𑍍 ॥ 𑌚𑌿𑌦॑𑌸𑌿॒ 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 𑌪𑌰𑌿॒𑌚𑌿𑌦॑𑌸𑌿॒ 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 𑌲𑍋॒𑌕-𑌮𑍍𑌪𑍃॑𑌣 𑌛𑌿॒𑌦𑍍𑌰-𑌮𑍍𑌪𑍃॒𑌣𑌾𑌥𑍋॑ 𑌸𑍀𑌦 𑌶𑌿॒𑌵𑌾 𑌤𑍍𑌵𑌮𑍍 । 𑌇॒𑌨𑍍𑌦𑍍𑌰𑌾॒𑌗𑍍𑌨𑍀 𑌤𑍍𑌵𑌾॒ 𑌬𑍃𑌹॒𑌸𑍍𑌪𑌤𑌿॑𑌰॒𑌸𑍍𑌮𑌿𑌨𑍍. 𑌯𑍋𑌨𑌾॑𑌵𑌸𑍀𑌷𑌦𑌨𑍍𑌨𑍍 ॥ 𑌤𑌾 𑌅॑𑌸𑍍𑌯॒ 𑌸𑍂𑌦॑𑌦𑍋𑌹𑌸॒-𑌸𑍍𑌸𑍋𑌮𑌗𑍍𑌗𑍍॑ 𑌶𑍍𑌰𑍀𑌣𑌨𑍍𑌤𑌿॒ 𑌪𑍃𑌶𑍍𑌞॑𑌯𑌃 । 𑌜𑌨𑍍𑌮॑-𑌨𑍍𑌦𑍇॒𑌵𑌾𑌨𑌾𑌂॒-𑌵𑌿𑌁𑌶॑𑌸𑍍𑌤𑍍𑌰𑌿॒𑌷𑍍𑌵𑌾 𑌰𑍋॑𑌚॒𑌨𑍇 𑌦𑌿॒𑌵𑌃 ॥ 1 ॥
(𑌅॒𑌸𑍍𑌤𑍍𑌵𑍋 – 𑌷॑𑌧𑍀𑌷𑍁 – 𑌜𑌾॒𑌨 – 𑌨𑍍𑌨॒𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. 4)
𑌸𑌮𑌿॑𑌤॒𑌗𑍍𑌮𑍍॒ 𑌸𑌙𑍍𑌕॑𑌲𑍍𑌪𑍇𑌥𑌾॒𑌗𑍍𑌮𑍍॒ 𑌸𑌮𑍍𑌪𑍍𑌰𑌿॑𑌯𑍌 𑌰𑍋𑌚𑌿॒𑌷𑍍𑌣𑍂 𑌸𑍁॑𑌮𑌨॒𑌸𑍍𑌯𑌮𑌾॑𑌨𑍌 । 𑌇𑌷॒𑌮𑍂𑌰𑍍𑌜॑𑌮॒𑌭𑌿 𑌸𑌂॒𑌵𑌁𑌸𑌾॑𑌨𑍌॒ 𑌸𑌂-𑌵𑌾𑌁॒-𑌮𑍍𑌮𑌨𑌾𑌗𑍍𑌮𑍍॑𑌸𑌿॒ 𑌸𑌂-𑌵𑍍𑌰𑌁॒𑌤𑌾 𑌸𑌮𑍁॑ 𑌚𑌿॒𑌤𑍍𑌤𑌾𑌨𑍍𑌯𑌾-𑌽𑌕॑𑌰𑌮𑍍 ॥ 𑌅𑌗𑍍𑌨𑍇॑ 𑌪𑍁𑌰𑍀𑌷𑍍𑌯𑌾𑌧𑌿॒𑌪𑌾 𑌭॑𑌵𑌾॒ 𑌤𑍍𑌵-𑌨𑍍𑌨𑌃॑ । 𑌇𑌷॒𑌮𑍂𑌰𑍍𑌜𑌂॒-𑌯𑌁𑌜॑𑌮𑌾𑌨𑌾𑌯 𑌧𑍇𑌹𑌿 ॥ 𑌪𑍁॒𑌰𑍀॒𑌷𑍍𑌯॑𑌸𑍍𑌤𑍍𑌵𑌮॑𑌗𑍍𑌨𑍇 𑌰𑌯𑌿॒𑌮𑌾-𑌨𑍍𑌪𑍁॑𑌷𑍍𑌟𑌿॒𑌮𑌾𑌗𑍍𑌮𑍍 𑌅॑𑌸𑌿 । 𑌶𑌿॒𑌵𑌾𑌃 𑌕𑍃॒𑌤𑍍𑌵𑌾 𑌦𑌿𑌶॒-𑌸𑍍𑌸𑌰𑍍𑌵𑌾॒-𑌸𑍍𑌸𑍍𑌵𑌾𑌂-𑌯𑍋𑌁𑌨𑌿॑𑌮𑌿॒𑌹𑌾-𑌽𑌸॑𑌦𑌃 ॥ 𑌭𑌵॑𑌤-𑌨𑍍𑌨॒-𑌸𑍍𑌸𑌮॑𑌨𑌸𑍌॒ 𑌸𑌮𑍋॑𑌕𑌸𑌾 [𑌸𑌮𑍋॑𑌕𑌸𑍌, 𑌅॒𑌰𑍇॒𑌪𑌸𑍌᳚ ।] 1
-𑌵𑌰𑍇॒𑌪𑌸𑍌᳚ । 𑌮𑌾 𑌯॒𑌜𑍍𑌞𑌗𑍍𑌮𑍍 𑌹𑌿𑌗𑍍𑌮𑍍॑𑌸𑌿𑌷𑍍𑌟॒-𑌮𑍍𑌮𑌾 𑌯॒𑌜𑍍𑌞𑌪॑𑌤𑌿-𑌞𑍍𑌜𑌾𑌤𑌵𑍇𑌦𑌸𑍌 𑌶𑌿॒𑌵𑍌 𑌭॑𑌵𑌤𑌮॒𑌦𑍍𑌯 𑌨𑌃॑ ॥ 𑌮𑌾॒𑌤𑍇𑌵॑ 𑌪𑍁॒𑌤𑍍𑌰-𑌮𑍍𑌪𑍃॑𑌥𑌿॒𑌵𑍀 𑌪𑍁॑𑌰𑍀॒𑌷𑍍𑌯॑𑌮॒𑌗𑍍𑌨𑌿𑌗𑍍𑌗𑍍 𑌸𑍍𑌵𑍇 𑌯𑍋𑌨𑌾॑𑌵𑌭𑌾𑌰𑍁॒𑌖𑌾 । 𑌤𑌾𑌂-𑌵𑌿𑌁𑌶𑍍𑌵𑍈᳚𑌰𑍍𑌦𑍇॒𑌵𑍈𑌰𑍍-𑌋॒𑌤𑍁𑌭𑌿॑-𑌸𑍍𑌸𑌂𑌵𑌿𑌁𑌦𑌾॒𑌨𑌃 𑌪𑍍𑌰॒𑌜𑌾𑌪॑𑌤𑌿𑌰𑍍𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌵𑌿 𑌮𑍁॑𑌞𑍍𑌚𑌤𑍁 ॥ 𑌯𑌦॒𑌸𑍍𑌯 𑌪𑌾॒𑌰𑍇 𑌰𑌜॑𑌸-𑌶𑍍𑌶𑍁॒𑌕𑍍𑌰-𑌞𑍍𑌜𑍍𑌯𑍋𑌤𑌿॒𑌰𑌜𑌾॑𑌯𑌤 । 𑌤-𑌨𑍍𑌨𑌃॑ 𑌪𑌰𑍍𑌷॒𑌦𑌤𑌿॒ 𑌦𑍍𑌵𑌿𑌷𑍋-𑌽𑌗𑍍𑌨𑍇॑ 𑌵𑍈𑌶𑍍𑌵𑌾𑌨𑌰॒ 𑌸𑍍𑌵𑌾𑌹𑌾᳚ ॥ 𑌨𑌮॒-𑌸𑍍𑌸𑍁 𑌤𑍇॑ 𑌨𑌿𑌰𑍍-𑌋𑌤𑍇 𑌵𑌿𑌶𑍍𑌵𑌰𑍂𑌪𑍇- [𑌵𑌿𑌶𑍍𑌵𑌰𑍂𑌪𑍇, 𑌅॒𑌯॒𑌸𑍍𑌮𑌯𑌂॒-𑌵𑌿𑌁 𑌚𑍃॑𑌤𑌾] 1
-𑌽𑌯॒𑌸𑍍𑌮𑌯𑌂॒-𑌵𑌿𑌁 𑌚𑍃॑𑌤𑌾 𑌬॒𑌨𑍍𑌧𑌮𑍇॒𑌤𑌮𑍍 । 𑌯॒𑌮𑍇𑌨॒ 𑌤𑍍𑌵𑌂-𑌯𑌁॒𑌮𑍍𑌯𑌾॑ 𑌸𑌂-𑌵𑌿𑌁𑌦𑌾॒𑌨𑍋𑌤𑍍𑌤॒𑌮-𑌨𑍍𑌨𑌾𑌕॒𑌮𑌧𑌿॑ 𑌰𑍋𑌹𑌯𑍇॒𑌮𑌮𑍍 ॥ 𑌯𑌤𑍍𑌤𑍇॑ 𑌦𑍇॒𑌵𑍀 𑌨𑌿𑌰𑍍-𑌋॑𑌤𑌿𑌰𑌾𑌬॒𑌬𑌨𑍍𑌧॒ 𑌦𑌾𑌮॑ 𑌗𑍍𑌰𑍀॒𑌵𑌾𑌸𑍍𑌵॑ 𑌵𑌿𑌚॒𑌰𑍍𑌤𑍍𑌯𑌮𑍍 । 𑌇॒𑌦-𑌨𑍍𑌤𑍇॒ 𑌤-𑌦𑍍𑌵𑌿𑌷𑍍𑌯𑌾𑌂॒-𑌯𑌾𑌁𑌯𑍁॑𑌷𑍋॒ 𑌨 𑌮𑌦𑍍𑌧𑍍𑌯𑌾॒𑌦𑌥𑌾॑ 𑌜𑍀॒𑌵𑌃 𑌪𑌿॒𑌤𑍁𑌮॑𑌦𑍍𑌧𑌿॒ 𑌪𑍍𑌰𑌮𑍁॑𑌕𑍍𑌤𑌃 ॥ 𑌯𑌸𑍍𑌯𑌾᳚𑌸𑍍𑌤𑍇 𑌅॒𑌸𑍍𑌯𑌾𑌃 𑌕𑍍𑌰𑍂॒𑌰 𑌆॒𑌸𑌞𑍍𑌜𑍁॒𑌹𑍋𑌮𑍍𑌯𑍇॒𑌷𑌾-𑌮𑍍𑌬॒𑌨𑍍𑌧𑌾𑌨𑌾॑𑌮𑌵॒𑌸𑌰𑍍𑌜॑𑌨𑌾𑌯 । 𑌭𑍂𑌮𑌿॒𑌰𑌿𑌤𑌿॑ 𑌤𑍍𑌵𑌾॒ 𑌜𑌨𑌾॑ 𑌵𑌿॒𑌦𑍁𑌰𑍍𑌨𑌿𑌰𑍍-𑌋॑𑌤𑌿॒- [𑌵𑌿॒𑌦𑍁𑌰𑍍𑌨𑌿𑌰𑍍-𑌋॑𑌤𑌿𑌃, 𑌇𑌤𑌿॑ 𑌤𑍍𑌵𑌾॒ 𑌽𑌹-𑌮𑍍𑌪𑌰𑌿॑] 20
-𑌰𑌿𑌤𑌿॑ 𑌤𑍍𑌵𑌾॒ 𑌽𑌹-𑌮𑍍𑌪𑌰𑌿॑ 𑌵𑍇𑌦 𑌵𑌿॒𑌶𑍍𑌵𑌤𑌃॑ ॥ 𑌅𑌸𑍁॑𑌨𑍍𑌵𑌨𑍍𑌤॒𑌮 𑌯॑𑌜𑌮𑌾𑌨𑌮𑌿𑌚𑍍𑌛 𑌸𑍍𑌤𑍇॒𑌨𑌸𑍍𑌯𑍇॒𑌤𑍍𑌯𑌾𑌨𑍍-𑌤𑌸𑍍𑌕॑𑌰॒𑌸𑍍𑌯𑌾𑌨𑍍 𑌵𑍇॑𑌷𑌿 । 𑌅॒𑌨𑍍𑌯 𑌮॒𑌸𑍍𑌮-𑌦𑌿॑𑌚𑍍𑌛॒ 𑌸𑌾 𑌤॑ 𑌇॒𑌤𑍍𑌯𑌾 𑌨𑌮𑍋॑ 𑌦𑍇𑌵𑌿 𑌨𑌿𑌰𑍍-𑌋𑌤𑍇॒ 𑌤𑍁𑌭𑍍𑌯॑𑌮𑌸𑍍𑌤𑍁 ॥ 𑌦𑍇॒𑌵𑍀𑌮॒𑌹-𑌨𑍍𑌨𑌿𑌰𑍍-𑌋॑𑌤𑌿𑌂॒-𑌵𑌁𑌨𑍍𑌦॑𑌮𑌾𑌨𑌃 𑌪𑌿॒𑌤𑍇𑌵॑ 𑌪𑍁॒𑌤𑍍𑌰-𑌨𑍍𑌦॑𑌸𑌯𑍇॒ 𑌵𑌚𑍋॑𑌭𑌿𑌃 । 𑌵𑌿𑌶𑍍𑌵॑𑌸𑍍𑌯॒ 𑌯𑌾 𑌜𑌾𑌯॑𑌮𑌾𑌨𑌸𑍍𑌯॒ 𑌵𑍇𑌦॒ 𑌶𑌿𑌰॑-𑌶𑍍𑌶𑌿𑌰𑌃॒ 𑌪𑍍𑌰𑌤𑌿॑ 𑌸𑍂॒𑌰𑍀 𑌵𑌿 𑌚॑𑌷𑍍𑌟𑍇 ॥ 𑌨𑌿॒𑌵𑍇𑌶॑𑌨-𑌸𑍍𑌸॒𑌙𑍍𑌗𑌮॑𑌨𑍋॒ 𑌵𑌸𑍂॑𑌨𑌾𑌂॒-𑌵𑌿𑌁𑌶𑍍𑌵𑌾॑ 𑌰𑍂॒𑌪𑌾-𑌽𑌭𑌿 𑌚॑𑌷𑍍𑌟𑍇॒ [𑌰𑍂॒𑌪𑌾-𑌽𑌭𑌿 𑌚॑𑌷𑍍𑌟𑍇, 𑌶𑌚𑍀॑𑌭𑌿𑌃 ।] 21
𑌶𑌚𑍀॑𑌭𑌿𑌃 । 𑌦𑍇॒𑌵 𑌇॑𑌵 𑌸𑌵𑌿॒𑌤𑌾 𑌸॒𑌤𑍍𑌯𑌧॒𑌰𑍍𑌮𑍇𑌨𑍍𑌦𑍍𑌰𑍋॒ 𑌨 𑌤॑𑌸𑍍𑌥𑍌 𑌸𑌮॒𑌰𑍇 𑌪॑𑌥𑍀॒𑌨𑌾𑌮𑍍 ॥ 𑌸𑌂-𑌵𑌁॑𑌰॒𑌤𑍍𑌰𑌾 𑌦॑𑌧𑌾𑌤𑌨॒ 𑌨𑌿𑌰𑌾॑𑌹𑌾॒𑌵𑌾𑌨𑍍 𑌕𑍃॑𑌣𑍋𑌤𑌨 । 𑌸𑌿॒𑌞𑍍𑌚𑌾𑌮॑𑌹𑌾 𑌅𑌵॒𑌟𑌮𑍁॒𑌦𑍍𑌰𑌿𑌣𑌂॑-𑌵𑌁॒𑌯𑌂-𑌵𑌿𑌁𑌶𑍍𑌵𑌾-𑌽𑌹𑌾-𑌽𑌦॑𑌸𑍍𑌤॒𑌮𑌕𑍍𑌷𑌿॑𑌤𑌮𑍍 ॥ 𑌨𑌿𑌷𑍍𑌕𑍃॑𑌤𑌾𑌹𑌾-𑌵𑌮𑌵॒𑌟𑌗𑍍𑌮𑍍 𑌸𑍁॑𑌵𑌰॒𑌤𑍍𑌰𑌗𑍍𑌮𑍍 𑌸𑍁॑𑌷𑍇𑌚॒𑌨𑌮𑍍 । 𑌉॒𑌦𑍍𑌰𑌿𑌣𑌗𑍍𑌮𑍍॑ 𑌸𑌿𑌞𑍍𑌚𑍇॒ 𑌅𑌕𑍍𑌷𑌿॑𑌤𑌮𑍍 ॥ 𑌸𑍀𑌰𑌾॑ 𑌯𑍁𑌞𑍍𑌜𑌨𑍍𑌤𑌿 𑌕॒𑌵𑌯𑍋॑ 𑌯𑍁॒𑌗𑌾 𑌵𑌿 𑌤॑𑌨𑍍𑌵𑌤𑍇॒ 𑌪𑍃𑌥॑𑌕𑍍 । 𑌧𑍀𑌰𑌾॑ 𑌦𑍇॒𑌵𑍇𑌷𑍁॑ 𑌸𑍁𑌮𑍍𑌨॒𑌯𑌾 ॥ 𑌯𑍁॒𑌨𑌕𑍍𑌤॒ 𑌸𑍀𑌰𑌾॒ 𑌵𑌿 𑌯𑍁॒𑌗𑌾 𑌤॑𑌨𑍋𑌤 𑌕𑍃॒𑌤𑍇 𑌯𑍋𑌨𑍌॑ 𑌵𑌪𑌤𑍇॒𑌹 [ ] 22
𑌬𑍀𑌜᳚𑌮𑍍 । 𑌗𑌿॒𑌰𑌾 𑌚॑ 𑌶𑍍𑌰𑍁॒𑌷𑍍𑌟𑌿-𑌸𑍍𑌸𑌭॑𑌰𑌾॒ 𑌅𑌸॑𑌨𑍍𑌨𑍋॒ 𑌨𑍇𑌦𑍀॑𑌯॒ 𑌇-𑌥𑍍𑌸𑍃॒𑌣𑍍𑌯𑌾॑ 𑌪॒𑌕𑍍𑌵𑌮𑌾 𑌽𑌯॑𑌤𑍍 ॥ 𑌲𑌾𑌙𑍍𑌗॑𑌲॒-𑌮𑍍𑌪𑌵𑍀॑𑌰𑌵𑌗𑍍𑌮𑍍 𑌸𑍁॒𑌶𑍇𑌵𑌗𑍍𑌮𑍍॑ 𑌸𑍁𑌮॒𑌤𑌿𑌥𑍍𑌸॑𑌰𑍁 । 𑌉𑌦𑌿-𑌤𑍍𑌕𑍃॑𑌷𑌤𑌿॒ 𑌗𑌾𑌮𑌵𑌿॑-𑌮𑍍𑌪𑍍𑌰𑌫॒𑌰𑍍𑌵𑍍𑌯॑-𑌞𑍍𑌚॒ 𑌪𑍀𑌵॑𑌰𑍀𑌮𑍍 । 𑌪𑍍𑌰॒𑌸𑍍𑌥𑌾𑌵॑-𑌦𑍍𑌰𑌥॒𑌵𑌾𑌹॑𑌨𑌮𑍍 ॥ 𑌶𑍁॒𑌨-𑌨𑍍𑌨𑌃॒ 𑌫𑌾𑌲𑌾॒ 𑌵𑌿 𑌤𑍁॑𑌦𑌨𑍍𑌤𑍁॒ 𑌭𑍂𑌮𑌿𑌗𑍍𑌮𑍍॑ 𑌶𑍁॒𑌨-𑌙𑍍𑌕𑍀॒𑌨𑌾𑌶𑌾॑ 𑌅॒𑌭𑌿 𑌯॑𑌨𑍍𑌤𑍁 𑌵𑌾॒𑌹𑌾𑌨𑍍 । 𑌶𑍁॒𑌨-𑌮𑍍𑌪॒𑌰𑍍𑌜𑌨𑍍𑌯𑍋॒ 𑌮𑌧𑍁॑𑌨𑌾॒ 𑌪𑌯𑍋॑𑌭𑌿॒-𑌶𑍍𑌶𑍁𑌨𑌾॑𑌸𑍀𑌰𑌾 𑌶𑍁॒𑌨𑌮॒𑌸𑍍𑌮𑌾𑌸𑍁॑ 𑌧𑌤𑍍𑌤𑌮𑍍 ॥ 𑌕𑌾𑌮॑-𑌙𑍍𑌕𑌾𑌮𑌦𑍁𑌘𑍇 𑌧𑍁𑌕𑍍𑌷𑍍𑌵 𑌮𑌿॒𑌤𑍍𑌰𑌾𑌯॒ 𑌵𑌰𑍁॑𑌣𑌾𑌯 𑌚 । 𑌇𑌨𑍍𑌦𑍍𑌰𑌾॑𑌯𑌾॒𑌗𑍍𑌨𑌯𑍇॑ 𑌪𑍂॒𑌷𑍍𑌣 𑌓𑌷॑𑌧𑍀𑌭𑍍𑌯𑌃 𑌪𑍍𑌰॒𑌜𑌾𑌭𑍍𑌯𑌃॑ ॥𑌘𑍃॒𑌤𑍇𑌨॒ 𑌸𑍀𑌤𑌾॒ 𑌮𑌧𑍁॑𑌨𑌾॒ 𑌸𑌮॑𑌕𑍍𑌤𑌾॒ 𑌵𑌿𑌶𑍍𑌵𑍈᳚𑌰𑍍𑌦𑍇॒𑌵𑍈𑌰𑌨𑍁॑𑌮𑌤𑌾 𑌮॒𑌰𑍁𑌦𑍍𑌭𑌿𑌃॑ । 𑌊𑌰𑍍𑌜॑𑌸𑍍𑌵𑌤𑍀॒ 𑌪𑌯॑𑌸𑌾॒ 𑌪𑌿𑌨𑍍𑌵॑𑌮𑌾𑌨𑌾॒-𑌽𑌸𑍍𑌮𑌾𑌨𑍍-𑌥𑍍𑌸𑍀॑𑌤𑍇॒ 𑌪𑌯॑𑌸𑌾॒-𑌽𑌭𑍍𑌯𑌾-𑌵॑𑌵𑍃𑌥𑍍𑌸𑍍𑌵 ॥ 23 ॥
(𑌸𑌮𑍋॑𑌕𑌸𑍌-𑌵𑌿𑌶𑍍𑌵𑌰𑍂𑌪𑍇-𑌵𑌿॒𑌦𑍁𑌰𑍍𑌨𑌿𑌰𑍍-𑌋॑𑌤𑌿-𑌰॒𑌭𑌿 𑌚॑𑌷𑍍𑌟-𑌇॒𑌹-𑌮𑌿॒𑌤𑍍𑌰𑌾𑌯॒-𑌦𑍍𑌵𑌾𑌵𑌿𑌗𑍍𑌮𑍍॑𑌶𑌤𑌿𑌶𑍍𑌚) (𑌅. 5)
𑌯𑌾 𑌜𑌾॒𑌤𑌾 𑌓𑌷॑𑌧𑌯𑍋 𑌦𑍇॒𑌵𑍇𑌭𑍍𑌯॑𑌸𑍍𑌤𑍍𑌰𑌿𑌯𑍁॒𑌗-𑌮𑍍𑌪𑍁॒𑌰𑌾 । 𑌮𑌨𑍍𑌦𑌾॑𑌮𑌿 𑌬॒𑌭𑍍𑌰𑍂𑌣𑌾॑𑌮॒𑌹𑌗𑍍𑌮𑍍 𑌶॒𑌤-𑌨𑍍𑌧𑌾𑌮𑌾॑𑌨𑌿 𑌸॒𑌪𑍍𑌤 𑌚॑ ॥ 𑌶॒𑌤𑌂-𑌵𑍋𑌁॑ 𑌅𑌬॒-𑌨𑍍𑌧𑌾𑌮𑌾॑𑌨𑌿 𑌸॒𑌹𑌸𑍍𑌰॑𑌮𑍁॒𑌤 𑌵𑍋॒ 𑌰𑍁𑌹𑌃॑ । 𑌅𑌥𑌾॑ 𑌶𑌤𑌕𑍍𑌰𑌤𑍍𑌵𑍋 𑌯𑍂॒𑌯𑌮𑌿॒𑌮-𑌮𑍍𑌮𑍇॑ 𑌅𑌗॒𑌦-𑌙𑍍𑌕𑍃॑𑌤 ॥ 𑌪𑍁𑌷𑍍𑌪𑌾॑𑌵𑌤𑍀𑌃 𑌪𑍍𑌰॒𑌸𑍂𑌵॑𑌤𑍀𑌃 𑌫॒𑌲𑌿𑌨𑍀॑𑌰𑌫॒𑌲𑌾 𑌉॒𑌤 । 𑌅𑌶𑍍𑌵𑌾॑ 𑌇𑌵 𑌸॒𑌜𑌿𑌤𑍍𑌵॑𑌰𑍀-𑌰𑍍𑌵𑍀॒𑌰𑍁𑌧𑌃॑ 𑌪𑌾𑌰𑌯𑌿॒𑌷𑍍𑌣𑌵𑌃॑ ॥ 𑌓𑌷॑𑌧𑍀॒𑌰𑌿𑌤𑌿॑ 𑌮𑌾𑌤𑌰॒-𑌸𑍍𑌤𑌦𑍍𑌵𑍋॑ 𑌦𑍇𑌵𑍀॒-𑌰𑍁𑌪॑ 𑌬𑍍𑌰𑍁𑌵𑍇 । 𑌰𑌪𑌾𑌗𑍍𑌮𑍍॑𑌸𑌿 𑌵𑌿𑌘𑍍𑌨॒𑌤𑍀𑌰𑌿॑𑌤॒ 𑌰𑌪॑- [𑌵𑌿𑌘𑍍𑌨॒𑌤𑍀𑌰𑌿॑𑌤॒ 𑌰𑌪𑌃॑, 𑌚𑌾॒𑌤𑌯॑𑌮𑌾𑌨𑌾𑌃 ।] 24
-𑌶𑍍𑌚𑌾॒𑌤𑌯॑𑌮𑌾𑌨𑌾𑌃 ॥ 𑌅॒𑌶𑍍𑌵॒𑌤𑍍𑌥𑍇 𑌵𑍋॑ 𑌨𑌿॒𑌷𑌦॑𑌨-𑌮𑍍𑌪॒𑌰𑍍𑌣𑍇 𑌵𑍋॑ 𑌵𑌸॒𑌤𑌿𑌃 𑌕𑍃॒𑌤𑌾 । 𑌗𑍋॒𑌭𑌾𑌜॒ 𑌇-𑌤𑍍𑌕𑌿𑌲𑌾॑𑌸𑌥॒ 𑌯-𑌥𑍍𑌸॒𑌨𑌵॑𑌥॒ 𑌪𑍂𑌰𑍁॑𑌷𑌮𑍍 ॥ 𑌯𑌦॒𑌹𑌂-𑌵𑌾𑌁॒𑌜𑌯॑-𑌨𑍍𑌨𑌿॒𑌮𑌾 𑌓𑌷॑𑌧𑍀॒𑌰𑍍॒𑌹𑌸𑍍𑌤॑ 𑌆𑌦॒𑌧𑍇 । 𑌆॒𑌤𑍍𑌮𑌾 𑌯𑌕𑍍𑌷𑍍𑌮॑𑌸𑍍𑌯 𑌨𑌶𑍍𑌯𑌤𑌿 𑌪𑍁॒𑌰𑌾 𑌜𑍀॑𑌵॒𑌗𑍃𑌭𑍋॑ 𑌯𑌥𑌾 ॥ 𑌯𑌦𑍋𑌷॑𑌧𑌯-𑌸𑍍𑌸॒𑌙𑍍𑌗𑌚𑍍𑌛॑𑌨𑍍𑌤𑍇॒ 𑌰𑌾𑌜𑌾॑𑌨॒-𑌸𑍍𑌸𑌮𑌿॑𑌤𑌾 𑌵𑌿𑌵 । 𑌵𑌿𑌪𑍍𑌰॒-𑌸𑍍𑌸 𑌉॑𑌚𑍍𑌯𑌤𑍇 𑌭𑌿॒𑌷𑌗𑍍𑌰॑𑌕𑍍𑌷𑍋॒𑌹𑌾 𑌽𑌮𑍀॑𑌵॒ 𑌚𑌾𑌤॑𑌨𑌃 ॥ 𑌨𑌿𑌷𑍍𑌕𑍃॑𑌤𑌿॒-𑌰𑍍𑌨𑌾𑌮॑𑌵𑍋 𑌮𑌾॒𑌤𑌾-𑌽𑌥𑌾॑ 𑌯𑍂॒𑌯𑌗𑍍𑌗𑍍𑌸𑍍𑌥॒ 𑌸𑌙𑍍𑌕𑍃॑𑌤𑍀𑌃 । 𑌸॒𑌰𑌾𑌃 𑌪॑𑌤॒𑌤𑍍𑌰𑌿𑌣𑍀᳚- [𑌸॒𑌰𑌾𑌃 𑌪॑𑌤॒𑌤𑍍𑌰𑌿𑌣𑍀𑌃᳚, 𑌸𑍍𑌥॒𑌨॒ 𑌯𑌦𑌾॒ 𑌮𑌯॑𑌤𑌿॒] 25
-𑌸𑍍𑌥𑌨॒ 𑌯𑌦𑌾॒ 𑌮𑌯॑𑌤𑌿॒ 𑌨𑌿𑌷𑍍𑌕𑍃॑𑌤 ॥ 𑌅॒𑌨𑍍𑌯𑌾 𑌵𑍋॑ 𑌅॒𑌨𑍍𑌯𑌾𑌮॑𑌵-𑌤𑍍𑌵॒𑌨𑍍𑌯𑌾-𑌽𑌨𑍍𑌯𑌸𑍍𑌯𑌾॒ 𑌉𑌪𑌾॑𑌵𑌤 । 𑌤𑌾-𑌸𑍍𑌸𑌰𑍍𑌵𑌾॒ 𑌓𑌷॑𑌧𑌯-𑌸𑍍𑌸𑌂𑌵𑌿𑌁𑌦𑌾॒𑌨𑌾 𑌇॒𑌦-𑌮𑍍𑌮𑍇॒ 𑌪𑍍𑌰𑌾𑌵॑𑌤𑌾॒ 𑌵𑌚𑌃॑ ॥ 𑌉𑌚𑍍𑌛𑍁𑌷𑍍𑌮𑌾॒ 𑌓𑌷॑𑌧𑍀𑌨𑌾॒-𑌙𑍍𑌗𑌾𑌵𑍋॑ 𑌗𑍋॒𑌷𑍍𑌠𑌾 𑌦𑌿॑𑌵𑍇𑌰𑌤𑍇 । 𑌧𑌨𑌗𑍍𑌮𑍍॑ 𑌸𑌨𑌿॒𑌷𑍍𑌯𑌨𑍍𑌤𑍀॑ 𑌨𑌾𑌮𑌾॒𑌤𑍍𑌮𑌾𑌨॒-𑌨𑍍𑌤𑌵॑ 𑌪𑍂𑌰𑍁𑌷 ॥ 𑌅𑌤𑌿॒ 𑌵𑌿𑌶𑍍𑌵𑌾𑌃᳚ 𑌪𑌰𑌿॒𑌷𑍍𑌠𑌾𑌸𑍍𑌤𑍇॒𑌨 𑌇॑𑌵 𑌵𑍍𑌰॒𑌜𑌮॑𑌕𑍍𑌰𑌮𑍁𑌃 । 𑌓𑌷॑𑌧𑌯𑌃॒ 𑌪𑍍𑌰𑌾𑌚𑍁॑𑌚𑍍𑌯𑌵𑍁॒ 𑌰𑍍𑌯-𑌤𑍍𑌕𑌿-𑌞𑍍𑌚॑ 𑌤॒𑌨𑍁𑌵𑌾॒𑌗𑍍𑌮𑍍॒ 𑌰𑌪𑌃॑ ॥ 𑌯𑌾- [𑌯𑌾𑌃, 𑌤॒ 𑌆॒𑌤॒𑌸𑍍𑌥𑍁-𑌰𑌾॒𑌤𑍍𑌮𑌾𑌨𑌂॒-𑌯𑌾𑌁] 26
-𑌸𑍍𑌤॑ 𑌆𑌤॒𑌸𑍍𑌥𑍁-𑌰𑌾॒𑌤𑍍𑌮𑌾𑌨𑌂॒-𑌯𑌾𑌁 𑌆॑𑌵𑌿𑌵𑌿॒𑌶𑍁𑌃 𑌪𑌰𑍁𑌃॑ 𑌪𑌰𑍁𑌃 । 𑌤𑌾𑌸𑍍𑌤𑍇॒ 𑌯𑌕𑍍𑌷𑍍𑌮𑌂॒-𑌵𑌿𑌁𑌬𑌾॑𑌧𑌨𑍍𑌤𑌾 𑌮𑍁॒𑌗𑍍𑌰𑍋 𑌮॑𑌦𑍍𑌧𑍍𑌯𑌮॒𑌶𑍀𑌰𑌿॑𑌵 ॥ 𑌸𑌾॒𑌕𑌂-𑌯𑌁॑𑌕𑍍𑌷𑍍𑌮॒ 𑌪𑍍𑌰 𑌪॑𑌤 𑌶𑍍𑌯𑍇॒𑌨𑍇𑌨॑ 𑌕𑌿𑌕𑌿𑌦𑍀॒𑌵𑌿𑌨𑌾᳚ । 𑌸𑌾॒𑌕𑌂-𑌵𑌾𑌁𑌤॑𑌸𑍍𑌯॒-𑌧𑍍𑌰𑌾𑌜𑍍𑌯𑌾॑ 𑌸𑌾॒𑌕-𑌨𑍍𑌨॑𑌶𑍍𑌯 𑌨𑌿॒𑌹𑌾𑌕॑𑌯𑌾 ॥ 𑌅॒𑌶𑍍𑌵𑌾॒𑌵॒𑌤𑍀𑌗𑍍𑌮𑍍 𑌸𑍋॑𑌮𑌵॒𑌤𑍀 𑌮𑍂॒𑌰𑍍𑌜𑌯॑𑌨𑍍𑌤𑍀॒ 𑌮𑍁𑌦𑍋॑𑌜𑌸𑌮𑍍 । 𑌆 𑌵𑌿॑𑌥𑍍𑌸𑌿॒ 𑌸𑌰𑍍𑌵𑌾॒ 𑌓𑌷॑𑌧𑍀𑌰॒𑌸𑍍𑌮𑌾 𑌅॑𑌰𑌿॒𑌷𑍍𑌟𑌤𑌾॑𑌤𑌯𑍇 ॥ 𑌯𑌾𑌃 𑌫॒𑌲𑌿𑌨𑍀॒𑌰𑍍𑌯𑌾 𑌅॑𑌫॒𑌲𑌾 𑌅॑𑌪𑍁॒𑌷𑍍𑌪𑌾 𑌯𑌾𑌶𑍍𑌚॑ 𑌪𑍁॒𑌷𑍍𑌪𑌿𑌣𑍀𑌃᳚ । 𑌬𑍃𑌹॒𑌸𑍍𑌪𑌤𑌿॑ 𑌪𑍍𑌰𑌸𑍂𑌤𑌾॒ 𑌸𑍍𑌤𑌾𑌨𑍋॑ 𑌮𑍁𑌞𑍍𑌚॒𑌨𑍍𑌤𑍍𑌵𑌗𑍍𑌮𑍍 𑌹॑𑌸𑌃 ॥ 𑌯𑌾 [𑌯𑌾𑌃, 𑌓𑌷॑𑌧𑌯॒-𑌸𑍍𑌸𑍋𑌮॑𑌰𑌾𑌜𑍍𑌞𑍀𑌃॒] 2
𑌓𑌷॑𑌧𑌯॒-𑌸𑍍𑌸𑍋𑌮॑𑌰𑌾𑌜𑍍𑌞𑍀𑌃॒ 𑌪𑍍𑌰𑌵𑌿॑𑌷𑍍𑌟𑌾𑌃 𑌪𑍃𑌥𑌿॒𑌵𑍀𑌮𑌨𑍁॑ । 𑌤𑌾𑌸𑌾॒-𑌨𑍍𑌤𑍍𑌵𑌮॑𑌸𑍍𑌯𑍁𑌤𑍍𑌤॒𑌮𑌾 𑌪𑍍𑌰𑌣𑍋॑ 𑌜𑍀॒𑌵𑌾𑌤॑𑌵𑍇-𑌸𑍁𑌵 ॥ 𑌅॒𑌵॒𑌪𑌤॑𑌨𑍍𑌤𑍀𑌰𑌵𑌦-𑌨𑍍𑌦𑌿॒𑌵 𑌓𑌷॑𑌦𑌯𑌃॒ 𑌪𑌰𑌿॑ । 𑌯-𑌞𑍍𑌜𑍀॒𑌵 𑌮॒𑌶𑍍𑌞𑌵𑌾॑ 𑌮𑌹𑍈॒ 𑌨 𑌸 𑌰𑌿॑𑌷𑍍𑌯𑌾𑌤𑌿॒ 𑌪𑍂𑌰𑍁॑𑌷𑌃 ॥ 𑌯𑌾𑌶𑍍𑌚𑍇॒𑌦 𑌮𑍁॑𑌪-𑌶𑍃॒𑌣𑍍𑌵𑌨𑍍𑌤𑌿॒ 𑌯𑌾𑌶𑍍𑌚॑ 𑌦𑍂॒𑌰-𑌮𑍍𑌪𑌰𑌾॑𑌗𑌤𑌾𑌃 । 𑌇॒𑌹 𑌸॒𑌙𑍍𑌗𑌤𑍍𑌯॒ 𑌤𑌾-𑌸𑍍𑌸𑌰𑍍𑌵𑌾॑ 𑌅॒𑌸𑍍𑌮𑍈 𑌸-𑌨𑍍𑌦॑𑌤𑍍𑌤 𑌭𑍇𑌷॒𑌜𑌮𑍍 ॥ 𑌮𑌾 𑌵𑍋॑ 𑌰𑌿𑌷-𑌤𑍍𑌖𑌨𑌿॒𑌤𑌾 𑌯𑌸𑍍𑌮𑍈॑ 𑌚𑌾॒𑌹-𑌙𑍍𑌖𑌨𑌾॑𑌮𑌿 𑌵𑌃 । 𑌦𑍍𑌵𑌿॒𑌪-𑌚𑍍𑌚𑌤𑍁॑𑌷𑍍𑌪-𑌦॒𑌸𑍍𑌮𑌾𑌕॒𑌗𑍍𑌮𑍍॒ 𑌸𑌰𑍍𑌵॑-𑌮॒𑌸𑍍𑌤𑍍𑌵𑌨𑌾॑𑌤𑍁𑌰𑌮𑍍 ॥ 𑌓𑌷॑𑌧𑌯॒-𑌸𑍍𑌸𑌂-𑌵𑌁॑𑌦𑌨𑍍𑌤𑍇॒ 𑌸𑍋𑌮𑍇॑𑌨 𑌸॒𑌹 𑌰𑌾𑌜𑍍𑌞𑌾᳚ । 𑌯𑌸𑍍𑌮𑍈॑ 𑌕॒𑌰𑍋𑌤𑌿॑ 𑌬𑍍𑌰𑌾𑌹𑍍𑌮॒𑌣𑌸𑍍𑌤𑌗𑍍𑌮𑍍 𑌰𑌾॑𑌜-𑌨𑍍𑌪𑌾𑌰𑌯𑌾𑌮𑌸𑌿 ॥ 2 ॥
(𑌰𑌪𑌃॑ – 𑌪𑌤॒𑌤𑍍𑌰𑌿𑌣𑍀॒- 𑌰𑍍𑌯𑌾 – 𑌅𑌗𑍍𑌮𑍍𑌹॑𑌸𑍋॒ 𑌯𑌾𑌃 – 𑌖𑌨𑌾॑𑌮𑌿 𑌵𑍋॒ – 𑌽𑌷𑍍𑌟𑌾𑌦॑𑌶 𑌚) (𑌅. 6)
𑌮𑌾 𑌨𑍋॑ 𑌹𑌿𑌗𑍍𑌮𑍍𑌸𑍀𑌜𑍍𑌜𑌨𑌿॒𑌤𑌾 𑌯𑌃 𑌪𑍃॑𑌥𑌿॒𑌵𑍍𑌯𑌾 𑌯𑍋 𑌵𑌾॒ 𑌦𑌿𑌵𑌗𑍍𑌮𑍍॑ 𑌸॒𑌤𑍍𑌯𑌧॑𑌰𑍍𑌮𑌾 𑌜॒𑌜𑌾𑌨॑ । 𑌯𑌶𑍍𑌚𑌾॒𑌪𑌶𑍍𑌚॒𑌨𑍍𑌦𑍍𑌰𑌾 𑌬𑍃॑𑌹॒𑌤𑍀𑌰𑍍𑌜॒𑌜𑌾𑌨॒ 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌅॒𑌭𑍍𑌯𑌾𑌵॑𑌰𑍍𑌤𑌸𑍍𑌵 𑌪𑍃𑌥𑌿𑌵𑌿 𑌯॒𑌜𑍍𑌞𑍇𑌨॒ 𑌪𑌯॑𑌸𑌾 𑌸॒𑌹 । 𑌵॒𑌪𑌾-𑌨𑍍𑌤𑍇॑ 𑌅॒𑌗𑍍𑌨𑌿𑌰𑌿॑𑌷𑌿॒𑌤𑍋-𑌽𑌵॑ 𑌸𑌰𑍍𑌪𑌤𑍁 ॥ 𑌅𑌗𑍍𑌨𑍇॒ 𑌯-𑌤𑍍𑌤𑍇॑ 𑌶𑍁॒𑌕𑍍𑌰𑌂-𑌯𑌁𑌚𑍍𑌚॒𑌨𑍍𑌦𑍍𑌰𑌂-𑌯𑌁-𑌤𑍍𑌪𑍂॒𑌤𑌂-𑌯𑌁-𑌦𑍍𑌯॒𑌜𑍍𑌞𑌿𑌯᳚𑌮𑍍 । 𑌤-𑌦𑍍𑌦𑍇॒𑌵𑍇𑌭𑍍𑌯𑍋॑ 𑌭𑌰𑌾𑌮𑌸𑌿 ॥ 𑌇𑌷॒𑌮𑍂𑌰𑍍𑌜॑𑌮॒𑌹𑌮𑌿॒𑌤 𑌆 [𑌆, 𑌦॒𑌦॒ 𑌋॒𑌤𑌸𑍍𑌯॒ 𑌧𑌾𑌮𑍍𑌨𑍋॑] 2
𑌦॑𑌦 𑌋॒𑌤𑌸𑍍𑌯॒ 𑌧𑌾𑌮𑍍𑌨𑍋॑ 𑌅॒𑌮𑍃𑌤॑𑌸𑍍𑌯॒ 𑌯𑍋𑌨𑍇𑌃᳚ । 𑌆 𑌨𑍋॒ 𑌗𑍋𑌷𑍁॑ 𑌵𑌿𑌶॒𑌤𑍍𑌵𑍌𑌷॑𑌧𑍀𑌷𑍁॒ 𑌜𑌹𑌾॑𑌮𑌿 𑌸𑍇॒𑌦𑌿𑌮𑌨𑌿॑𑌰𑌾॒𑌮𑌮𑍀॑𑌵𑌾𑌮𑍍 ॥ 𑌅𑌗𑍍𑌨𑍇॒ 𑌤𑌵॒ 𑌶𑍍𑌰𑌵𑍋॒ 𑌵𑌯𑍋॒ 𑌮𑌹𑌿॑ 𑌭𑍍𑌰𑌾𑌜𑌨𑍍𑌤𑍍𑌯॒𑌰𑍍𑌚𑌯𑍋॑ 𑌵𑌿𑌭𑌾𑌵𑌸𑍋 । 𑌬𑍃𑌹॑-𑌦𑍍𑌭𑌾𑌨𑍋॒ 𑌶𑌵॑𑌸𑌾॒ 𑌵𑌾𑌜॑𑌮𑍁॒𑌕𑍍𑌥𑍍𑌯॑-𑌨𑍍𑌦𑌧𑌾॑𑌸𑌿 𑌦𑌾॒𑌶𑍁𑌷𑍇॑ 𑌕𑌵𑍇 ॥ 𑌇॒𑌰॒𑌜𑍍𑌯𑌨𑍍𑌨॑𑌗𑍍𑌨𑍇 𑌪𑍍𑌰𑌥𑌯𑌸𑍍𑌵 𑌜॒𑌨𑍍𑌤𑍁𑌭𑌿॑𑌰॒𑌸𑍍𑌮𑍇 𑌰𑌾𑌯𑍋॑ 𑌅𑌮𑌰𑍍𑌤𑍍𑌯 । 𑌸 𑌦॑𑌰𑍍𑌶॒𑌤𑌸𑍍𑌯॒ 𑌵𑌪𑍁॑𑌷𑍋॒ 𑌵𑌿 𑌰𑌾॑𑌜𑌸𑌿 𑌪𑍃॒𑌣𑌕𑍍𑌷𑌿॑ 𑌸𑌾𑌨॒𑌸𑌿𑌗𑍍𑌮𑍍 𑌰॒𑌯𑌿𑌮𑍍 ॥ 𑌊𑌰𑍍𑌜𑍋॑ 𑌨𑌪𑌾॒𑌜𑍍𑌜𑌾𑌤॑𑌵𑍇𑌦-𑌸𑍍𑌸𑍁𑌶॒𑌸𑍍𑌤𑌿𑌭𑌿॒-𑌰𑍍𑌮𑌨𑍍𑌦॑𑌸𑍍𑌵 [ ] 30
𑌧𑍀॒𑌤𑌿𑌭𑌿॑𑌰𑍍𑌹𑌿॒𑌤𑌃 । 𑌤𑍍𑌵𑍇 𑌇𑌷॒-𑌸𑍍𑌸-𑌨𑍍𑌦॑𑌧𑍁॒-𑌰𑍍𑌭𑍂𑌰𑌿॑𑌰𑍇𑌤𑌸-𑌶𑍍𑌚𑌿॒𑌤𑍍𑌰𑍋 𑌤॑𑌯𑍋 𑌵𑌾॒𑌮𑌜𑌾॑𑌤𑌾𑌃 ॥ 𑌪𑌾॒𑌵॒𑌕𑌵॑𑌰𑍍𑌚𑌾-𑌶𑍍𑌶𑍁॒𑌕𑍍𑌰𑌵॑𑌰𑍍𑌚𑌾॒ 𑌅𑌨𑍂॑𑌨𑌵𑌰𑍍𑌚𑌾॒ 𑌉𑌦𑌿॑𑌯𑌰𑍍𑌷𑌿 𑌭𑌾॒𑌨𑍁𑌨𑌾᳚ । 𑌪𑍁॒𑌤𑍍𑌰𑌃 𑌪𑌿॒𑌤𑌰𑌾॑ 𑌵𑌿॒𑌚𑌰॒𑌨𑍍𑌨𑍁𑌪𑌾॑𑌵𑌸𑍍𑌯𑍁॒𑌭𑍇 𑌪𑍃॑𑌣𑌕𑍍𑌷𑌿॒ 𑌰𑍋𑌦॑𑌸𑍀 ॥ 𑌋॒𑌤𑌾𑌵𑌾॑𑌨-𑌮𑍍𑌮𑌹𑌿॒𑌷𑌂-𑌵𑌿𑌁॒𑌶𑍍𑌵𑌚॑𑌰𑍍𑌷𑌣𑌿𑌮॒𑌗𑍍𑌨𑌿𑌗𑍍𑌮𑍍 𑌸𑍁॒𑌮𑍍𑌨𑌾𑌯॑ 𑌦𑌧𑌿𑌰𑍇 𑌪𑍁॒𑌰𑍋 𑌜𑌨𑌾𑌃᳚ । 𑌶𑍍𑌰𑍁𑌤𑍍𑌕॑𑌰𑍍𑌣𑌗𑍍𑌮𑍍 𑌸॒𑌪𑍍𑌰𑌥॑𑌸𑍍𑌤𑌮-𑌨𑍍𑌤𑍍𑌵𑌾 𑌗𑌿॒𑌰𑌾 𑌦𑍈𑌵𑍍𑌯॒-𑌮𑍍𑌮𑌾𑌨𑍁॑𑌷𑌾 𑌯𑍁॒𑌗𑌾 ॥ 𑌨𑌿॒𑌷𑍍𑌕॒𑌰𑍍𑌤𑌾𑌰॑-𑌮𑌦𑍍𑌧𑍍𑌵॒𑌰𑌸𑍍𑌯॒ 𑌪𑍍𑌰𑌚𑍇॑𑌤𑌸॒-𑌙𑍍𑌕𑍍𑌷𑌯॑𑌨𑍍𑌤॒𑌗𑍍𑌮𑍍॒ 𑌰𑌾𑌧॑𑌸𑍇 𑌮॒𑌹𑍇 । 𑌰𑌾॒𑌤𑌿-𑌮𑍍𑌭𑍃𑌗𑍂॑𑌣𑌾𑌮𑍁॒𑌶𑌿𑌜॑-𑌙𑍍𑌕॒𑌵𑌿𑌕𑍍𑌰॑𑌤𑍁-𑌮𑍍𑌪𑍃॒𑌣𑌕𑍍𑌷𑌿॑ 𑌸𑌾𑌨॒𑌸𑌿𑌗𑍍𑌮𑍍 – [𑌸𑌾𑌨॒𑌸𑌿𑌮𑍍, 𑌰॒𑌯𑌿𑌮𑍍 ।] 31
𑌰॒𑌯𑌿𑌮𑍍 ॥ 𑌚𑌿𑌤॑-𑌸𑍍𑌸𑍍𑌥 𑌪𑌰𑌿॒𑌚𑌿𑌤॑ 𑌊𑌰𑍍𑌧𑍍𑌵॒𑌚𑌿𑌤॑-𑌶𑍍𑌶𑍍𑌰𑌯𑌦𑍍𑌧𑍍𑌵॒-𑌨𑍍𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾-𑌸𑍍𑌸𑍀॑𑌦𑌤 ॥ 𑌆 𑌪𑍍𑌯𑌾॑𑌯𑌸𑍍𑌵॒ 𑌸𑌮𑍇॑𑌤𑍁 𑌤𑍇 𑌵𑌿॒𑌶𑍍𑌵𑌤॑-𑌸𑍍𑌸𑍋𑌮॒ 𑌵𑍃𑌷𑍍𑌣𑌿॑𑌯𑌮𑍍 । 𑌭𑌵𑌾॒ 𑌵𑌾𑌜॑𑌸𑍍𑌯 𑌸𑌙𑍍𑌗॒𑌥𑍇 ॥ 𑌸-𑌨𑍍𑌤𑍇॒ 𑌪𑌯𑌾𑌗𑍍𑌮𑍍॑𑌸𑌿॒ 𑌸𑌮𑍁॑ 𑌯𑌨𑍍𑌤𑍁॒ 𑌵𑌾𑌜𑌾॒-𑌸𑍍𑌸𑌂-𑌵𑍃𑌁𑌷𑍍𑌣𑌿॑𑌯𑌾-𑌨𑍍𑌯𑌭𑌿𑌮𑌾𑌤𑌿॒𑌷𑌾𑌹𑌃॑ । 𑌆॒𑌪𑍍𑌯𑌾𑌯॑𑌮𑌾𑌨𑍋 𑌅॒𑌮𑍃𑌤𑌾॑𑌯 𑌸𑍋𑌮 𑌦𑌿॒𑌵𑌿 𑌶𑍍𑌰𑌵𑌾𑌗𑍍॑𑌸𑍍𑌯𑍁𑌤𑍍𑌤॒𑌮𑌾𑌨𑌿॑ 𑌧𑌿𑌷𑍍𑌵 ॥ 32 ॥
(𑌆 – 𑌮𑌨𑍍𑌦॑𑌸𑍍𑌵 – 𑌸𑌾𑌨॒𑌸𑌿 – 𑌮𑍇𑌕𑌾॒𑌨𑍍𑌨𑌚॑𑌤𑍍𑌵𑌾𑌰𑌿॒𑌗𑍍𑌮𑍍॒𑌶𑌚𑍍𑌚॑) (𑌅. )
𑌅॒𑌭𑍍𑌯॑𑌸𑍍𑌥𑌾॒-𑌦𑍍𑌵𑌿𑌶𑍍𑌵𑌾𑌃॒ 𑌪𑍃𑌤॑𑌨𑌾॒ 𑌅𑌰𑌾॑𑌤𑍀॒𑌸𑍍𑌤𑌦॒𑌗𑍍𑌨𑌿𑌰𑌾॑𑌹॒ 𑌤𑌦𑍁॒ 𑌸𑍋𑌮॑ 𑌆𑌹 । 𑌬𑍃𑌹॒𑌸𑍍𑌪𑌤𑌿॑-𑌸𑍍𑌸𑌵𑌿॒𑌤𑌾 𑌤𑌨𑍍𑌮॑ 𑌆𑌹 𑌪𑍂॒𑌷𑌾 𑌮𑌾॑-𑌽𑌧𑌾-𑌥𑍍𑌸𑍁𑌕𑍃॒𑌤𑌸𑍍𑌯॑ 𑌲𑍋॒𑌕𑍇 ॥ 𑌯𑌦𑌕𑍍𑌰॑𑌨𑍍𑌦𑌃 𑌪𑍍𑌰𑌥॒𑌮-𑌞𑍍𑌜𑌾𑌯॑𑌮𑌾𑌨 𑌉॒𑌦𑍍𑌯𑌨𑍍-𑌥𑍍𑌸॑𑌮𑍁॒𑌦𑍍𑌰𑌾𑌦𑍁॒𑌤 𑌵𑌾॒ 𑌪𑍁𑌰𑍀॑𑌷𑌾𑌤𑍍 । 𑌶𑍍𑌯𑍇॒𑌨𑌸𑍍𑌯॑ 𑌪॒𑌕𑍍𑌷𑌾 𑌹॑𑌰𑌿॒𑌣𑌸𑍍𑌯॑ 𑌬𑌾॒𑌹𑍂 𑌉𑌪॑𑌸𑍍𑌤𑍁𑌤॒-𑌞𑍍𑌜𑌨𑌿॑𑌮॒ 𑌤-𑌤𑍍𑌤𑍇॑ 𑌅𑌰𑍍𑌵𑌨𑍍𑌨𑍍 ॥ 𑌅॒𑌪𑌾-𑌮𑍍𑌪𑍃॒𑌷𑍍𑌠𑌮॑𑌸𑌿॒ 𑌯𑍋𑌨𑌿॑𑌰॒𑌗𑍍𑌨𑍇-𑌸𑍍𑌸॑𑌮𑍁॒𑌦𑍍𑌰𑌮॒𑌭𑌿𑌤𑌃॒ 𑌪𑌿𑌨𑍍𑌵॑𑌮𑌾𑌨𑌮𑍍 । 𑌵𑌰𑍍𑌧॑𑌮𑌾𑌨-𑌮𑍍𑌮॒𑌹 [𑌵𑌰𑍍𑌧॑𑌮𑌾𑌨-𑌮𑍍𑌮॒𑌹𑌃, 𑌆 𑌚॒ 𑌪𑍁𑌷𑍍𑌕॑𑌰-𑌨𑍍𑌦𑌿॒𑌵𑍋] 33
𑌆 𑌚॒ 𑌪𑍁𑌷𑍍𑌕॑𑌰-𑌨𑍍𑌦𑌿॒𑌵𑍋 𑌮𑌾𑌤𑍍𑌰॑𑌯𑌾 𑌵𑌰𑌿॒𑌣𑌾 𑌪𑍍𑌰॑𑌥𑌸𑍍𑌵 ॥ 𑌬𑍍𑌰𑌹𑍍𑌮॑ 𑌜𑌜𑍍𑌞𑌾॒𑌨-𑌮𑍍𑌪𑍍𑌰॑𑌥॒𑌮-𑌮𑍍𑌪𑍁॒𑌰𑌸𑍍𑌤𑌾॒𑌦𑍍𑌵𑌿 𑌸𑍀॑𑌮॒𑌤-𑌸𑍍𑌸𑍁॒𑌰𑍁𑌚𑍋॑ 𑌵𑍇॒𑌨 𑌆॑𑌵𑌃 । 𑌸 𑌬𑍁॒𑌦𑍍𑌧𑍍𑌨𑌿𑌯𑌾॑ 𑌉𑌪॒𑌮𑌾 𑌅॑𑌸𑍍𑌯 𑌵𑌿॒𑌷𑍍𑌠𑌾-𑌸𑍍𑌸॒𑌤𑌶𑍍𑌚॒ 𑌯𑍋𑌨𑌿॒𑌮𑌸॑𑌤𑌶𑍍𑌚॒ 𑌵𑌿𑌵𑌃॑ ॥ 𑌹𑌿॒𑌰॒𑌣𑍍𑌯॒𑌗॒𑌰𑍍𑌭-𑌸𑍍𑌸𑌮॑𑌵𑌰𑍍𑌤॒𑌤𑌾𑌗𑍍𑌰𑍇॑ 𑌭𑍂॒𑌤𑌸𑍍𑌯॑ 𑌜𑌾॒𑌤𑌃 𑌪𑌤𑌿॒𑌰𑍇𑌕॑ 𑌆𑌸𑍀𑌤𑍍 । 𑌸 𑌦𑌾॑𑌧𑌾𑌰 𑌪𑍃𑌥𑌿॒𑌵𑍀-𑌨𑍍𑌦𑍍𑌯𑌾𑌮𑍁॒𑌤𑍇𑌮𑌾-𑌙𑍍𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌦𑍍𑌰॒𑌫𑍍𑌸𑌶𑍍𑌚॑𑌸𑍍𑌕𑌨𑍍𑌦 𑌪𑍃𑌥𑌿॒𑌵𑍀𑌮𑌨𑍁॒- [𑌪𑍃𑌥𑌿॒𑌵𑍀𑌮𑌨𑍁॑, 𑌦𑍍𑌯𑌾𑌮𑌿॒𑌮-𑌞𑍍𑌚॒] 34
-𑌦𑍍𑌯𑌾𑌮𑌿॒𑌮-𑌞𑍍𑌚॒ 𑌯𑍋𑌨𑌿॒𑌮𑌨𑍁॒ 𑌯𑌶𑍍𑌚॒ 𑌪𑍂𑌰𑍍𑌵𑌃॑ । 𑌤𑍃॒𑌤𑍀𑌯𑌂॒-𑌯𑍋𑌁𑌨𑌿॒𑌮𑌨𑍁॑ 𑌸॒𑌞𑍍𑌚𑌰॑𑌨𑍍𑌤-𑌨𑍍𑌦𑍍𑌰॒𑌫𑍍𑌸-𑌞𑍍𑌜𑍁॑𑌹𑍋॒𑌮𑍍𑌯𑌨𑍁॑ 𑌸॒𑌪𑍍𑌤 𑌹𑍋𑌤𑍍𑌰𑌾𑌃᳚ ॥ 𑌨𑌮𑍋॑ 𑌅𑌸𑍍𑌤𑍁 𑌸॒𑌰𑍍𑌪𑍇𑌭𑍍𑌯𑍋॒ 𑌯𑍇 𑌕𑍇 𑌚॑ 𑌪𑍃𑌥𑌿॒𑌵𑍀𑌮𑌨𑍁॑ । 𑌯𑍇 𑌅॒𑌨𑍍𑌤𑌰𑌿॑𑌕𑍍𑌷𑍇॒ 𑌯𑍇 𑌦𑌿॒𑌵𑌿 𑌤𑍇𑌭𑍍𑌯॑-𑌸𑍍𑌸॒𑌰𑍍𑌪𑍇𑌭𑍍𑌯𑍋॒ 𑌨𑌮𑌃॑ ॥ 𑌯𑍇॑-𑌽𑌦𑍋 𑌰𑍋॑𑌚॒𑌨𑍇 𑌦𑌿॒𑌵𑍋 𑌯𑍇 𑌵𑌾॒ 𑌸𑍂𑌰𑍍𑌯॑𑌸𑍍𑌯 𑌰॒𑌶𑍍𑌮𑌿𑌷𑍁॑ । 𑌯𑍇𑌷𑌾॑𑌮॒𑌫𑍍𑌸𑍁 𑌸𑌦𑌃॑ 𑌕𑍃॒𑌤-𑌨𑍍𑌤𑍇𑌭𑍍𑌯॑-𑌸𑍍𑌸॒𑌰𑍍𑌪𑍇𑌭𑍍𑌯𑍋॒ 𑌨𑌮𑌃॑ ॥ 𑌯𑌾 𑌇𑌷॑𑌵𑍋 𑌯𑌾𑌤𑍁॒ 𑌧𑌾𑌨𑌾॑𑌨𑌾𑌂॒ 𑌯𑍇𑌁॑ 𑌵𑌾॒ 𑌵𑌨॒𑌸𑍍𑌪𑌤𑍀॒𑌗𑍍𑌮𑍍॒𑌰𑌨𑍁॑ । 𑌯𑍇 𑌵𑌾॑-𑌽𑌵॒𑌟𑍇𑌷𑍁॒ 𑌶𑍇𑌰॑𑌤𑍇॒ 𑌤𑍇𑌭𑍍𑌯॑-𑌸𑍍𑌸॒𑌰𑍍𑌪𑍇𑌭𑍍𑌯𑍋॒ 𑌨𑌮𑌃॑ ॥ 35 ॥
(𑌮॒𑌹𑍋 – 𑌽𑌨𑍁॑ – 𑌯𑌾𑌤𑍁॒𑌧𑌾𑌨𑌾॑𑌨𑌾॒ – 𑌮𑍇𑌕𑌾॑𑌦𑌶 𑌚) (𑌅. )
𑌧𑍍𑌰𑍁॒𑌵𑌾-𑌽𑌸𑌿॑ 𑌧॒𑌰𑍁𑌣𑌾-𑌽𑌸𑍍𑌤𑍃॑𑌤𑌾 𑌵𑌿॒𑌶𑍍𑌵𑌕॑𑌰𑍍𑌮𑌣𑌾॒ 𑌸𑍁𑌕𑍃॑𑌤𑌾 । 𑌮𑌾 𑌤𑍍𑌵𑌾॑ 𑌸𑌮𑍁॒𑌦𑍍𑌰 𑌉𑌦𑍍𑌵॑𑌧𑍀॒𑌨𑍍𑌮𑌾 𑌸𑍁॑𑌪॒𑌰𑍍𑌣𑍋 𑌵𑍍𑌯॑𑌥𑌮𑌾𑌨𑌾 𑌪𑍃𑌥𑌿॒𑌵𑍀-𑌨𑍍𑌦𑍃𑌗𑍍𑌮𑍍॑𑌹 ॥ 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 𑌪𑍃𑌥𑌿॒𑌵𑍍𑌯𑌾𑌃 𑌪𑍃॒𑌷𑍍𑌠𑍇 𑌵𑍍𑌯𑌚॑𑌸𑍍𑌵𑌤𑍀॒-𑌮𑍍𑌪𑍍𑌰𑌥॑𑌸𑍍𑌵𑌤𑍀॒-𑌮𑍍𑌪𑍍𑌰𑌥𑍋॑-𑌽𑌸𑌿 𑌪𑍃𑌥𑌿॒𑌵𑍍𑌯॑𑌸𑌿॒ 𑌭𑍂𑌰॑𑌸𑌿॒ 𑌭𑍂𑌮𑌿॑𑌰॒𑌸𑍍𑌯𑌦𑌿॑𑌤𑌿𑌰𑌸𑌿 𑌵𑌿॒𑌶𑍍𑌵𑌧𑌾॑𑌯𑌾॒ 𑌵𑌿𑌶𑍍𑌵॑𑌸𑍍𑌯॒ 𑌭𑍁𑌵॑𑌨𑌸𑍍𑌯 𑌧॒𑌰𑍍𑌤𑍍𑌰𑍀 𑌪𑍃॑𑌥𑌿॒𑌵𑍀𑌂-𑌯𑌁॑𑌚𑍍𑌛 𑌪𑍃𑌥𑌿॒𑌵𑍀-𑌨𑍍𑌦𑍃𑌗𑍍𑌮𑍍॑𑌹 𑌪𑍃𑌥𑌿॒𑌵𑍀-𑌮𑍍𑌮𑌾 𑌹𑌿𑌗𑍍𑌮𑍍॑𑌸𑍀॒𑌰𑍍𑌵𑌿𑌶𑍍𑌵॑𑌸𑍍𑌮𑍈 𑌪𑍍𑌰𑌾॒𑌣𑌾𑌯𑌾॑𑌪𑌾॒𑌨𑌾𑌯॑ 𑌵𑍍𑌯𑌾॒𑌨𑌾𑌯𑍋॑𑌦𑌾॒𑌨𑌾𑌯॑ 𑌪𑍍𑌰𑌤𑌿॒𑌷𑍍𑌠𑌾𑌯𑍈॑ [𑌪𑍍𑌰𑌤𑌿॒𑌷𑍍𑌠𑌾𑌯𑍈᳚, 𑌚॒𑌰𑌿𑌤𑍍𑌰𑌾॑𑌯𑌾॒-] 36
𑌚॒𑌰𑌿𑌤𑍍𑌰𑌾॑𑌯𑌾॒-𑌽𑌗𑍍𑌨𑌿𑌸𑍍𑌤𑍍𑌵𑌾॒-𑌽𑌭𑌿 𑌪𑌾॑𑌤𑍁 𑌮॒𑌹𑍍𑌯𑌾 𑌸𑍍𑌵॒𑌸𑍍𑌤𑍍𑌯𑌾 𑌛॒𑌰𑍍𑌦𑌿𑌷𑌾॒ 𑌶𑌨𑍍𑌤॑𑌮𑍇𑌨॒ 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 𑌕𑌾𑌣𑍍𑌡𑌾᳚-𑌤𑍍𑌕𑌾𑌣𑍍𑌡𑌾-𑌤𑍍𑌪𑍍𑌰॒𑌰𑍋𑌹॑𑌨𑍍𑌤𑍀॒ 𑌪𑌰𑍁॑𑌷𑌃𑌪𑌰𑍁𑌷𑌃॒ 𑌪𑌰𑌿॑ । 𑌏॒𑌵𑌾 𑌨𑍋॑ 𑌦𑍂𑌰𑍍𑌵𑍇॒ 𑌪𑍍𑌰 𑌤॑𑌨𑍁 𑌸॒𑌹𑌸𑍍𑌰𑍇॑𑌣 𑌶॒𑌤𑍇𑌨॑ 𑌚 ॥ 𑌯𑌾 𑌶॒𑌤𑍇𑌨॑ 𑌪𑍍𑌰𑌤॒𑌨𑍋𑌷𑌿॑ 𑌸॒𑌹𑌸𑍍𑌰𑍇॑𑌣 𑌵𑌿॒𑌰𑍋𑌹॑𑌸𑌿 । 𑌤𑌸𑍍𑌯𑌾᳚𑌸𑍍𑌤𑍇 𑌦𑍇𑌵𑍀𑌷𑍍𑌟𑌕𑍇 𑌵𑌿॒𑌧𑍇𑌮॑ 𑌹॒𑌵𑌿𑌷𑌾॑ 𑌵॒𑌯𑌮𑍍 ॥ 𑌅𑌷𑌾॑𑌢𑌾-𑌽𑌸𑌿॒ 𑌸𑌹॑𑌮𑌾𑌨𑌾॒ 𑌸𑌹॒𑌸𑍍𑌵𑌾𑌰𑌾॑𑌤𑍀॒-𑌸𑍍𑌸𑌹॑𑌸𑍍𑌵𑌾𑌰𑌾𑌤𑍀𑌯॒𑌤-𑌸𑍍𑌸𑌹॑𑌸𑍍𑌵॒ 𑌪𑍃𑌤॑𑌨𑌾॒-𑌸𑍍𑌸𑌹॑𑌸𑍍𑌵 𑌪𑍃𑌤𑌨𑍍𑌯॒𑌤𑌃 । 𑌸॒𑌹𑌸𑍍𑌰॑𑌵𑍀𑌰𑍍𑌯𑌾- [𑌸॒𑌹𑌸𑍍𑌰॑𑌵𑍀𑌰𑍍𑌯𑌾, 𑌅॒𑌸𑌿॒ 𑌸𑌾 𑌮𑌾॑ 𑌜𑌿𑌨𑍍𑌵 ।] 3
-𑌽𑌸𑌿॒ 𑌸𑌾 𑌮𑌾॑ 𑌜𑌿𑌨𑍍𑌵 ॥ 𑌮𑌧𑍁॒ 𑌵𑌾𑌤𑌾॑ 𑌋𑌤𑌾𑌯॒𑌤𑍇 𑌮𑌧𑍁॑ 𑌕𑍍𑌷𑌰𑌨𑍍𑌤𑌿॒ 𑌸𑌿𑌨𑍍𑌧॑𑌵𑌃 । 𑌮𑌾𑌦𑍍𑌧𑍍𑌵𑍀᳚𑌰𑍍𑌨-𑌸𑍍𑌸॒𑌨𑍍𑌤𑍍𑌵𑍋𑌷॑𑌧𑍀𑌃 ॥ 𑌮𑌧𑍁॒ 𑌨𑌕𑍍𑌤॑𑌮𑍁॒𑌤𑍋𑌷𑌸𑌿॒ 𑌮𑌧𑍁॑𑌮॒-𑌤𑍍𑌪𑌾𑌰𑍍𑌥𑌿॑𑌵॒𑌗𑍍𑌮𑍍॒ 𑌰𑌜𑌃॑ । 𑌮𑌧𑍁॒ 𑌦𑍍𑌯𑍌𑌰॑𑌸𑍍𑌤𑍁 𑌨𑌃 𑌪𑌿॒𑌤𑌾 ॥ 𑌮𑌧𑍁॑𑌮𑌾-𑌨𑍍𑌨𑍋॒ 𑌵𑌨॒𑌸𑍍𑌪𑌤𑌿॒-𑌰𑍍𑌮𑌧𑍁॑𑌮𑌾𑌗𑍍𑌮𑍍 𑌅𑌸𑍍𑌤𑍁॒ 𑌸𑍂𑌰𑍍𑌯𑌃॑ । 𑌮𑌾𑌦𑍍𑌧𑍍𑌵𑍀॒𑌰𑍍𑌗𑌾𑌵𑍋॑ 𑌭𑌵𑌨𑍍𑌤𑍁 𑌨𑌃 ॥ 𑌮॒𑌹𑍀 𑌦𑍍𑌯𑍌𑌃 𑌪𑍃॑𑌥𑌿॒𑌵𑍀 𑌚॑ 𑌨 𑌇॒𑌮𑌂-𑌯𑌁॒𑌜𑍍𑌞-𑌮𑍍𑌮𑌿॑𑌮𑌿𑌕𑍍𑌷𑌤𑌾𑌮𑍍 । 𑌪𑌿॒𑌪𑍃॒𑌤𑌾-𑌨𑍍𑌨𑍋॒ 𑌭𑌰𑍀॑𑌮𑌭𑌿𑌃 ॥ 𑌤-𑌦𑍍𑌵𑌿𑌷𑍍𑌣𑍋𑌃᳚ 𑌪𑌰॒𑌮- [𑌪𑌰॒𑌮𑌮𑍍, 𑌪॒𑌦𑌗𑍍𑌮𑍍 𑌸𑌦𑌾॑ 𑌪𑌶𑍍𑌯𑌨𑍍𑌤𑌿] 3
-𑌮𑍍𑌪॒𑌦𑌗𑍍𑌮𑍍 𑌸𑌦𑌾॑ 𑌪𑌶𑍍𑌯𑌨𑍍𑌤𑌿 𑌸𑍂॒𑌰𑌯𑌃॑ । 𑌦𑌿॒𑌵𑍀𑌵॒ 𑌚𑌕𑍍𑌷𑍁॒𑌰𑌾𑌤॑𑌤𑌮𑍍 ॥ 𑌧𑍍𑌰𑍁॒𑌵𑌾-𑌽𑌸𑌿॑ 𑌪𑍃𑌥𑌿𑌵𑌿॒ 𑌸𑌹॑𑌸𑍍𑌵 𑌪𑍃𑌤𑌨𑍍𑌯॒𑌤𑌃 । 𑌸𑍍𑌯𑍂॒𑌤𑌾 𑌦𑍇॒𑌵𑍇𑌭𑌿॑𑌰॒𑌮𑍃𑌤𑍇॒𑌨𑌾 𑌽𑌽𑌗𑌾𑌃᳚ ॥ 𑌯𑌾𑌸𑍍𑌤𑍇॑ 𑌅𑌗𑍍𑌨𑍇॒ 𑌸𑍂𑌰𑍍𑌯𑍇॒ 𑌰𑍁𑌚॑ 𑌉𑌦𑍍𑌯॒𑌤𑍋 𑌦𑌿𑌵॑𑌮𑌾𑌤॒𑌨𑍍𑌵𑌨𑍍𑌤𑌿॑ 𑌰॒𑌶𑍍𑌮𑌿𑌭𑌿𑌃॑ । 𑌤𑌾𑌭𑌿॒-𑌸𑍍𑌸𑌰𑍍𑌵𑌾॑𑌭𑍀 𑌰𑍁॒𑌚𑍇 𑌜𑌨𑌾॑𑌯 𑌨𑌸𑍍𑌕𑍃𑌧𑌿 ॥ 𑌯𑌾 𑌵𑍋॑ 𑌦𑍇𑌵𑌾॒-𑌸𑍍𑌸𑍂𑌰𑍍𑌯𑍇॒ 𑌰𑍁𑌚𑍋॒ 𑌗𑍋𑌷𑍍𑌵𑌶𑍍𑌵𑍇॑𑌷𑍁॒ 𑌯𑌾 𑌰𑍁𑌚𑌃॑ । 𑌇𑌨𑍍𑌦𑍍𑌰𑌾᳚𑌗𑍍𑌨𑍀॒ 𑌤𑌾𑌭𑌿॒-𑌸𑍍𑌸𑌰𑍍𑌵𑌾॑𑌭𑍀॒ 𑌰𑍁𑌚॑-𑌨𑍍𑌨𑍋 𑌧𑌤𑍍𑌤 𑌬𑍃𑌹𑌸𑍍𑌪𑌤𑍇 ॥ 𑌵𑌿॒𑌰𑌾- [𑌵𑌿॒𑌰𑌾𑌟𑍍, 𑌜𑍍𑌯𑍋𑌤𑌿॑𑌰𑌧𑌾𑌰𑌯-] 3
-𑌡𑍍𑌜𑍍𑌯𑍋𑌤𑌿॑𑌰𑌧𑌾𑌰𑌯-𑌥𑍍𑌸॒𑌮𑍍𑌰𑌾-𑌡𑍍𑌜𑍍𑌯𑍋𑌤𑌿॑𑌰𑌧𑌾𑌰𑌯-𑌥𑍍𑌸𑍍𑌵॒𑌰𑌾-𑌡𑍍𑌜𑍍𑌯𑍋𑌤𑌿॑𑌰𑌧𑌾𑌰𑌯𑌤𑍍 ॥ 𑌅𑌗𑍍𑌨𑍇॑ 𑌯𑍁॒𑌕𑍍𑌷𑍍𑌵𑌾 𑌹𑌿 𑌯𑍇 𑌤𑌵𑌾𑌶𑍍𑌵𑌾॑𑌸𑍋 𑌦𑍇𑌵 𑌸𑌾॒𑌧𑌵𑌃॑ । 𑌅𑌰𑌂॒-𑌵𑌁𑌹॑𑌨𑍍𑌤𑍍𑌯𑌾॒𑌶𑌵𑌃॑ ॥ 𑌯𑍁॒𑌕𑍍𑌷𑍍𑌵𑌾 𑌹𑌿 𑌦𑍇॑𑌵॒𑌹𑍂𑌤॑𑌮𑌾॒𑌗𑍍𑌮𑍍॒ 𑌅𑌶𑍍𑌵𑌾𑌗𑍍𑌮𑍍॑ 𑌅𑌗𑍍𑌨𑍇 𑌰॒𑌥𑍀𑌰𑌿॑𑌵 । 𑌨𑌿 𑌹𑍋𑌤𑌾॑ 𑌪𑍂॒𑌰𑍍𑌵𑍍𑌯-𑌸𑍍𑌸॑𑌦𑌃 ॥ 𑌦𑍍𑌰॒𑌫𑍍𑌸𑌶𑍍𑌚॑𑌸𑍍𑌕𑌨𑍍𑌦 𑌪𑍃𑌥𑌿॒𑌵𑍀𑌮𑌨𑍁॒ 𑌦𑍍𑌯𑌾𑌮𑌿॒𑌮-𑌞𑍍𑌚॒ 𑌯𑍋𑌨𑌿॒𑌮𑌨𑍁॒ 𑌯𑌶𑍍𑌚॒ 𑌪𑍂𑌰𑍍𑌵𑌃॑ । 𑌤𑍃॒𑌤𑍀𑌯𑌂॒-𑌯𑍋𑌁𑌨𑌿॒𑌮𑌨𑍁॑ 𑌸॒𑌞𑍍𑌚𑌰॑𑌨𑍍𑌤-𑌨𑍍𑌦𑍍𑌰॒𑌫𑍍𑌸-𑌞𑍍𑌜𑍁॑𑌹𑍋॒𑌮𑍍𑌯𑌨𑍁॑ 𑌸॒𑌪𑍍𑌤 [ ] 40
𑌹𑍋𑌤𑍍𑌰𑌾𑌃᳚ ॥ 𑌅𑌭𑍂॑𑌦𑌿॒𑌦𑌂-𑌵𑌿𑌁𑌶𑍍𑌵॑𑌸𑍍𑌯॒ 𑌭𑍁𑌵॑𑌨𑌸𑍍𑌯॒ 𑌵𑌾𑌜𑌿॑𑌨𑌮॒𑌗𑍍𑌨𑍇-𑌰𑍍𑌵𑍈᳚𑌶𑍍𑌵𑌾𑌨॒𑌰𑌸𑍍𑌯॑ 𑌚 । 𑌅॒𑌗𑍍𑌨𑌿𑌰𑍍𑌜𑍍𑌯𑍋𑌤𑌿॑𑌷𑌾॒ 𑌜𑍍𑌯𑍋𑌤𑌿॑𑌷𑍍𑌮𑌾-𑌨𑍍𑌰𑍁॒𑌕𑍍𑌮𑍋 𑌵𑌰𑍍𑌚॑𑌸𑌾॒ 𑌵𑌰𑍍𑌚॑𑌸𑍍𑌵𑌾𑌨𑍍 ॥ 𑌋॒𑌚𑍇 𑌤𑍍𑌵𑌾॑ 𑌰𑍁॒𑌚𑍇 𑌤𑍍𑌵𑌾॒ 𑌸𑌮𑌿-𑌥𑍍𑌸𑍍𑌰॑𑌵𑌨𑍍𑌤𑌿 𑌸॒𑌰𑌿𑌤𑍋॒ 𑌨 𑌧𑍇𑌨𑌾𑌃᳚ । 𑌅॒𑌨𑍍𑌤𑌰𑍍𑌹𑍃॒𑌦𑌾 𑌮𑌨॑𑌸𑌾 𑌪𑍂॒𑌯𑌮𑌾॑𑌨𑌾𑌃 ॥ 𑌘𑍃॒𑌤𑌸𑍍𑌯॒ 𑌧𑌾𑌰𑌾॑ 𑌅॒𑌭𑌿 𑌚𑌾॑𑌕𑌶𑍀𑌮𑌿 । 𑌹𑌿॒𑌰॒𑌣𑍍𑌯𑌯𑍋॑ 𑌵𑍇𑌤॒𑌸𑍋 𑌮𑌦𑍍𑌧𑍍𑌯॑ 𑌆𑌸𑌾𑌮𑍍 ॥ 𑌤𑌸𑍍𑌮𑌿𑌨𑍍᳚𑌥𑍍𑌸𑍁𑌪॒𑌰𑍍𑌣𑍋 𑌮॑𑌧𑍁॒𑌕𑍃-𑌤𑍍𑌕𑍁॑𑌲𑌾॒𑌯𑍀 𑌭𑌜॑𑌨𑍍𑌨𑌾𑌸𑍍𑌤𑍇॒ 𑌮𑌧𑍁॑ 𑌦𑍇॒𑌵𑌤𑌾᳚𑌭𑍍𑌯𑌃 । 𑌤𑌸𑍍𑌯𑌾॑ 𑌸 𑌤𑍇॒ 𑌹𑌰॑𑌯-𑌸𑍍𑌸॒𑌪𑍍𑌤 𑌤𑍀𑌰𑍇᳚ 𑌸𑍍𑌵॒𑌧𑌾-𑌨𑍍𑌦𑍁𑌹𑌾॑𑌨𑌾 𑌅॒𑌮𑍃𑌤॑𑌸𑍍𑌯॒ 𑌧𑌾𑌰𑌾᳚𑌮𑍍 ॥ 41 ॥
(𑌪𑍍𑌰॒𑌤𑌿॒𑌷𑍍𑌠𑌾𑌯𑍈॑ – 𑌸॒𑌹𑌸𑍍𑌰॑𑌵𑍀𑌰𑍍𑌯𑌾 – 𑌪𑌰॒𑌮𑌂 – 𑌵𑌿𑌁॒𑌰𑌾𑌟𑍍𑌥𑍍 – 𑌸॒𑌪𑍍𑌤 – 𑌤𑍀𑌰𑍇॑ – 𑌚॒𑌤𑍍𑌵𑌾𑌰𑌿॑ 𑌚) (𑌅. )
𑌆॒𑌦𑌿॒𑌤𑍍𑌯-𑌙𑍍𑌗𑌰𑍍𑌭॒-𑌮𑍍𑌪𑌯॑𑌸𑌾 𑌸𑌮॒𑌞𑍍𑌜𑌨𑍍-𑌥𑍍𑌸॒𑌹𑌸𑍍𑌰॑𑌸𑍍𑌯 𑌪𑍍𑌰𑌤𑌿॒𑌮𑌾𑌂-𑌵𑌿𑌁॒𑌶𑍍𑌵𑌰𑍂॑𑌪𑌮𑍍 । 𑌪𑌰𑌿॑ 𑌵𑍃𑌙𑍍𑌗𑍍𑌧𑌿॒ 𑌹𑌰॑𑌸𑌾॒ 𑌮𑌾-𑌽𑌭𑌿 𑌮𑍃॑𑌕𑍍𑌷-𑌶𑍍𑌶॒𑌤𑌾𑌯𑍁॑𑌷-𑌙𑍍𑌕𑍃𑌣𑍁𑌹𑌿 𑌚𑍀॒𑌯𑌮𑌾॑𑌨𑌃 ॥ 𑌇॒𑌮-𑌮𑍍𑌮𑌾 𑌹𑌿𑌗𑍍𑌮𑍍॑𑌸𑍀𑌰𑍍𑌦𑍍𑌵𑌿॒𑌪𑌾𑌦॑-𑌮𑍍𑌪𑌶𑍂॒𑌨𑌾𑌗𑍍𑌮𑍍 𑌸𑌹॑𑌸𑍍𑌰𑌾𑌕𑍍𑌷॒ 𑌮𑍇𑌧॒ 𑌆 𑌚𑍀॒𑌯𑌮𑌾॑𑌨𑌃 । 𑌮॒𑌯𑍁𑌮𑌾॑𑌰॒𑌣𑍍𑌯𑌮𑌨𑍁॑ 𑌤𑍇 𑌦𑌿𑌶𑌾𑌮𑌿॒ 𑌤𑍇𑌨॑ 𑌚𑌿𑌨𑍍𑌵𑌾॒𑌨𑌸𑍍𑌤॒𑌨𑍁𑌵𑍋॒ 𑌨𑌿 𑌷𑍀॑𑌦 ॥ 𑌵𑌾𑌤॑𑌸𑍍𑌯॒ 𑌧𑍍𑌰𑌾𑌜𑌿𑌂॒-𑌵𑌁𑌰𑍁॑𑌣𑌸𑍍𑌯॒ 𑌨𑌾𑌭𑌿॒𑌮𑌶𑍍𑌵॑-𑌞𑍍𑌜𑌜𑍍𑌞𑌾॒𑌨𑌗𑍍𑌮𑍍 𑌸॑𑌰𑌿॒𑌰𑌸𑍍𑌯॒ 𑌮𑌦𑍍𑌧𑍍𑌯𑍇᳚ । 𑌶𑌿𑌶𑍁॑-𑌨𑍍𑌨॒𑌦𑍀𑌨𑌾॒𑌗𑍍𑌮𑍍॒ 𑌹𑌰𑌿॒𑌮𑌦𑍍𑌰𑌿॑𑌬𑍁𑌦𑍍𑌧॒𑌮𑌗𑍍𑌨𑍇॒ 𑌮𑌾 𑌹𑌿𑌗𑍍𑌮𑍍॑𑌸𑍀𑌃 [𑌮𑌾 𑌹𑌿𑌗𑍍𑌮𑍍॑𑌸𑍀𑌃, 𑌪॒𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 ।] 42
𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 ॥ 𑌇॒𑌮-𑌮𑍍𑌮𑌾 𑌹𑌿𑌗𑍍𑌮𑍍॑𑌸𑍀॒𑌰𑍇𑌕॑𑌶𑌫-𑌮𑍍𑌪𑌶𑍂॒𑌨𑌾-𑌙𑍍𑌕॑𑌨𑌿𑌕𑍍𑌰॒𑌦𑌂-𑌵𑌾𑌁॒𑌜𑌿𑌨𑌂॒-𑌵𑌾𑌁𑌜𑌿॑𑌨𑍇𑌷𑍁 । 𑌗𑍌॒𑌰𑌮𑌾॑𑌰॒𑌣𑍍𑌯𑌮𑌨𑍁॑ 𑌤𑍇 𑌦𑌿𑌶𑌾𑌮𑌿॒ 𑌤𑍇𑌨॑ 𑌚𑌿𑌨𑍍𑌵𑌾॒𑌨𑌸𑍍𑌤॒𑌨𑍁𑌵𑍋॒ 𑌨𑌿 𑌷𑍀॑𑌦 ॥ 𑌅𑌜॑𑌸𑍍𑌰॒𑌮𑌿𑌨𑍍𑌦𑍁॑𑌮𑌰𑍁॒𑌷-𑌮𑍍𑌭𑍁॑𑌰॒𑌣𑍍𑌯𑍁𑌮॒𑌗𑍍𑌨𑌿𑌮𑍀॑𑌡𑍇 𑌪𑍂॒𑌰𑍍𑌵𑌚𑌿॑𑌤𑍍𑌤𑍌॒ 𑌨𑌮𑍋॑𑌭𑌿𑌃 । 𑌸 𑌪𑌰𑍍𑌵॑𑌭𑌿𑌰𑍍-𑌋𑌤𑍁॒𑌶𑌃 𑌕𑌲𑍍𑌪॑𑌮𑌾𑌨𑍋॒ 𑌗𑌾-𑌮𑍍𑌮𑌾 𑌹𑌿𑌗𑍍𑌮𑍍॑𑌸𑍀॒𑌰𑌦𑌿॑𑌤𑌿𑌂-𑌵𑌿𑌁॒𑌰𑌾𑌜᳚𑌮𑍍 ॥ 𑌇॒𑌮𑌗𑍍𑌮𑍍 𑌸॑𑌮𑍁॒𑌦𑍍𑌰𑌗𑍍𑌮𑍍 𑌶॒𑌤𑌧𑌾॑𑌰॒𑌮𑍁-𑌥𑍍𑌸𑌂॑-𑌵𑍍𑌯𑌁॒𑌚𑍍𑌯𑌮𑌾॑𑌨॒-𑌮𑍍𑌭𑍁𑌵॑𑌨𑌸𑍍𑌯॒ 𑌮𑌦𑍍𑌧𑍍𑌯𑍇᳚ । 𑌘𑍃॒𑌤-𑌨𑍍𑌦𑍁𑌹𑌾॑𑌨𑌾॒-𑌮𑌦𑌿॑𑌤𑌿॒-𑌞𑍍𑌜𑌨𑌾॒𑌯𑌾𑌗𑍍𑌨𑍇॒ 𑌮𑌾 [-𑌮𑌦𑌿॑𑌤𑌿॒-𑌞𑍍𑌜𑌨𑌾॒𑌯𑌾𑌗𑍍𑌨𑍇॒ 𑌮𑌾, 𑌹𑌿॒𑌗𑍍𑌮𑍍॒𑌸𑍀𑌃॒ 𑌪॒𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 ।] 43
𑌹𑌿𑌗𑍍𑌮𑍍॑𑌸𑍀𑌃 𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 । 𑌗॒𑌵॒𑌯𑌮𑌾॑𑌰॒𑌣𑍍𑌯𑌮𑌨𑍁॑ 𑌤𑍇 𑌦𑌿𑌶𑌾𑌮𑌿॒ 𑌤𑍇𑌨॑ 𑌚𑌿𑌨𑍍𑌵𑌾॒𑌨𑌸𑍍𑌤॒𑌨𑍁𑌵𑍋॒ 𑌨𑌿 𑌷𑍀॑𑌦 ॥ 𑌵𑌰𑍂᳚𑌤𑍍𑌰𑌿॒-𑌨𑍍𑌤𑍍𑌵𑌷𑍍𑌟𑍁॒𑌰𑍍𑌵𑌰𑍁॑𑌣𑌸𑍍𑌯॒ 𑌨𑌾𑌭𑌿॒𑌮𑌵𑌿॑-𑌞𑍍𑌜𑌜𑍍𑌞𑌾॒𑌨𑌾𑌗𑍍𑌮𑍍 𑌰𑌜॑𑌸𑌃॒ 𑌪𑌰॑𑌸𑍍𑌮𑌾𑌤𑍍 । 𑌮॒𑌹𑍀𑌗𑍍𑌮𑍍 𑌸𑌾॑𑌹॒𑌸𑍍𑌰𑍀𑌮𑌸𑍁॑𑌰𑌸𑍍𑌯 𑌮𑌾॒𑌯𑌾𑌮𑌗𑍍𑌨𑍇॒ 𑌮𑌾 𑌹𑌿𑌗𑍍𑌮𑍍॑𑌸𑍀𑌃 𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 ॥ 𑌇॒𑌮𑌾𑌮𑍂᳚𑌰𑍍𑌣𑌾॒𑌯𑍁𑌂-𑌵𑌁𑌰𑍁॑𑌣𑌸𑍍𑌯 𑌮𑌾॒𑌯𑌾-𑌨𑍍𑌤𑍍𑌵𑌚॑-𑌮𑍍𑌪𑌶𑍂॒𑌨𑌾-𑌨𑍍𑌦𑍍𑌵𑌿॒𑌪𑌦𑌾॒-𑌞𑍍𑌚𑌤𑍁॑𑌷𑍍𑌪𑌦𑌾𑌮𑍍 । 𑌤𑍍𑌵𑌷𑍍𑌟𑍁𑌃॑ 𑌪𑍍𑌰॒𑌜𑌾𑌨𑌾᳚-𑌮𑍍𑌪𑍍𑌰𑌥॒𑌮-𑌞𑍍𑌜॒𑌨𑌿𑌤𑍍𑌰॒𑌮𑌗𑍍𑌨𑍇॒ 𑌮𑌾 𑌹𑌿𑌗𑍍𑌮𑍍॑𑌸𑍀𑌃 𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 । 𑌉𑌷𑍍𑌟𑍍𑌰॑𑌮𑌾𑌰॒𑌣𑍍𑌯𑌮𑌨𑍁॑ [𑌉𑌷𑍍𑌟𑍍𑌰॑𑌮𑌾𑌰॒𑌣𑍍𑌯𑌮𑌨𑍁॑, 𑌤𑍇॒ 𑌦𑌿॒𑌶𑌾॒𑌮𑌿॒ 𑌤𑍇𑌨॑] 44
𑌤𑍇 𑌦𑌿𑌶𑌾𑌮𑌿॒ 𑌤𑍇𑌨॑ 𑌚𑌿𑌨𑍍𑌵𑌾॒𑌨𑌸𑍍𑌤॒𑌨𑍁𑌵𑍋॒ 𑌨𑌿 𑌷𑍀॑𑌦 ॥ 𑌯𑍋 𑌅॒𑌗𑍍𑌨𑌿𑌰॒𑌗𑍍𑌨𑍇𑌸𑍍𑌤-𑌪॒𑌸𑍋-𑌽𑌧𑌿॑ 𑌜𑌾॒𑌤-𑌶𑍍𑌶𑍋𑌚𑌾᳚-𑌤𑍍𑌪𑍃𑌥𑌿॒𑌵𑍍𑌯𑌾 𑌉॒𑌤 𑌵𑌾॑ 𑌦𑌿॒𑌵𑌸𑍍𑌪𑌰𑌿॑ । 𑌯𑍇𑌨॑ 𑌪𑍍𑌰॒𑌜𑌾 𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌵𑍍𑌯𑌾𑌨॒-𑌟𑍍𑌤𑌮॑𑌗𑍍𑌨𑍇॒ 𑌹𑍇𑌡𑌃॒ 𑌪𑌰𑌿॑ 𑌤𑍇 𑌵𑍃𑌣𑌕𑍍𑌤𑍁 ॥ 𑌅॒𑌜𑌾 𑌹𑍍𑌯॑𑌗𑍍𑌨𑍇𑌰𑌜॑𑌨𑌿𑌷𑍍𑌟॒ 𑌗𑌰𑍍𑌭𑌾॒-𑌥𑍍𑌸𑌾 𑌵𑌾 𑌅॑𑌪𑌶𑍍𑌯𑌜𑍍𑌜𑌨𑌿॒𑌤𑌾𑌰॒𑌮𑌗𑍍𑌰𑍇᳚ । 𑌤𑌯𑌾॒ 𑌰𑍋𑌹॑𑌮𑌾𑌯॒𑌨𑍍𑌨𑍁𑌪॒ 𑌮𑍇𑌦𑍍𑌧𑍍𑌯𑌾॑𑌸॒𑌸𑍍𑌤𑌯𑌾॑ 𑌦𑍇॒𑌵𑌾 𑌦𑍇॒𑌵𑌤𑌾॒𑌮𑌗𑍍𑌰॑ 𑌆𑌯𑌨𑍍𑌨𑍍 । 𑌶॒𑌰॒𑌭-( )-𑌮𑌾॑𑌰॒𑌣𑍍𑌯𑌮𑌨𑍁॑ 𑌤𑍇 𑌦𑌿𑌶𑌾𑌮𑌿॒ 𑌤𑍇𑌨॑ 𑌚𑌿𑌨𑍍𑌵𑌾॒𑌨𑌸𑍍𑌤॒𑌨𑍁𑌵𑍋॒ 𑌨𑌿𑌷𑍀॑𑌦 ॥ 45 ॥
(𑌅𑌗𑍍𑌨𑍇॒ 𑌮𑌾 𑌹𑌿𑌗𑍍𑌮𑍍॑𑌸𑍀॒ – 𑌰𑌗𑍍𑌨𑍇॒ 𑌮𑍋𑌷𑍍𑌟𑍍𑌰॑𑌮𑌾 – 𑌰॒𑌣𑍍𑌯𑌮𑌨𑍁॑ – 𑌶𑌰॒𑌭𑌨𑍍 – 𑌨𑌵॑ 𑌚) (𑌅. 10)
(𑌆॒𑌦𑌿॒𑌤𑍍𑌯 𑌮𑌿॒𑌮𑌨𑍍𑌦𑍍𑌵𑌿॒𑌪𑌾𑌦𑍇॑ 𑌮॒𑌯𑍁𑌂-𑌵𑌾𑌁𑌤॒𑌸𑍍𑌯𑌾 𑌽𑌶𑍍𑌵॑ 𑌮𑌿॒𑌮 𑌮𑍇𑌕॑𑌶𑌫 𑌙𑍍𑌗𑍌॒𑌰𑌮 𑌜॑𑌸𑍍𑌰𑌙𑍍𑌗𑌵॒𑌯𑌂-𑌵𑌁𑌰𑍂᳚𑌤𑍍𑌰𑌿॒ 𑌮𑌵𑌿॑ 𑌮𑌿॒𑌮𑌾𑌮𑍂᳚𑌰𑍍𑌣𑌾॒𑌰𑍍𑌯𑍁 𑌮𑍁𑌷𑍍𑌟𑍍𑌰𑌂॒-𑌯𑍋𑌁 𑌅॒𑌗𑍍𑌨𑌿-𑌶𑍍𑌶॑𑌰॒𑌭𑌂 )
𑌇𑌨𑍍𑌦𑍍𑌰𑌾᳚𑌗𑍍𑌨𑍀 𑌰𑍋𑌚॒𑌨𑌾 𑌦𑌿॒𑌵𑌃 𑌪𑌰𑌿॒ 𑌵𑌾𑌜𑍇॑𑌷𑍁 𑌭𑍂𑌷𑌥𑌃 । 𑌤𑌦𑍍𑌵𑌾᳚-𑌞𑍍𑌚𑍇𑌤𑌿॒ 𑌪𑍍𑌰𑌵𑍀॒𑌰𑍍𑌯᳚𑌮𑍍 ॥ 𑌶𑍍𑌞𑌥॑-𑌦𑍍𑌵𑍃॒𑌤𑍍𑌰𑌮𑍁॒𑌤 𑌸॑𑌨𑍋𑌤𑌿॒ 𑌵𑌾𑌜॒𑌮𑌿𑌨𑍍𑌦𑍍𑌰𑌾॒ 𑌯𑍋 𑌅॒𑌗𑍍𑌨𑍀 𑌸𑌹𑍁॑𑌰𑍀 𑌸𑌪॒𑌰𑍍𑌯𑌾𑌤𑍍 । 𑌇॒𑌰॒𑌜𑍍𑌯𑌨𑍍𑌤𑌾॑ 𑌵𑌸॒𑌵𑍍𑌯॑𑌸𑍍𑌯॒ 𑌭𑍂𑌰𑍇॒-𑌸𑍍𑌸𑌹॑𑌸𑍍𑌤𑌮𑌾॒ 𑌸𑌹॑𑌸𑌾 𑌵𑌾𑌜॒𑌯𑌨𑍍𑌤𑌾᳚ ॥ 𑌪𑍍𑌰 𑌚॑𑌰𑍍𑌷॒𑌣𑌿𑌭𑍍𑌯𑌃॑ 𑌪𑍃𑌤𑌨𑌾॒ 𑌹𑌵𑍇॑𑌷𑍁॒ 𑌪𑍍𑌰 𑌪𑍃॑𑌥𑌿॒𑌵𑍍𑌯𑌾 𑌰𑌿॑𑌰𑌿𑌚𑌾𑌥𑍇 𑌦𑌿॒𑌵𑌶𑍍𑌚॑ । 𑌪𑍍𑌰 𑌸𑌿𑌨𑍍𑌧𑍁॑𑌭𑍍𑌯𑌃॒ 𑌪𑍍𑌰𑌗𑌿॒𑌰𑌿𑌭𑍍𑌯𑍋॑ 𑌮𑌹𑌿॒𑌤𑍍𑌵𑌾 𑌪𑍍𑌰𑍇𑌨𑍍𑌦𑍍𑌰𑌾᳚𑌗𑍍𑌨𑍀॒ 𑌵𑌿𑌶𑍍𑌵𑌾॒ 𑌭𑍁𑌵॒𑌨𑌾-𑌽𑌤𑍍𑌯॒𑌨𑍍𑌯𑌾 ॥ 𑌮𑌰𑍁॑𑌤𑍋॒ 𑌯𑌸𑍍𑌯॒ 𑌹𑌿 [ ] 46
𑌕𑍍𑌷𑌯𑍇॑ 𑌪𑌾॒𑌥𑌾 𑌦𑌿॒𑌵𑍋 𑌵𑌿॑𑌮𑌹𑌸𑌃 । 𑌸 𑌸𑍁॑𑌗𑍋॒𑌪𑌾𑌤॑𑌮𑍋॒ 𑌜𑌨𑌃॑ ॥ 𑌯॒𑌜𑍍𑌞𑍈𑌰𑍍𑌵𑌾॑ 𑌯𑌜𑍍𑌞𑌵𑌾𑌹𑌸𑍋॒ 𑌵𑌿𑌪𑍍𑌰॑𑌸𑍍𑌯 𑌵𑌾 𑌮𑌤𑍀॒𑌨𑌾𑌮𑍍 । 𑌮𑌰𑍁॑𑌤-𑌶𑍍𑌶𑍃𑌣𑍁॒𑌤𑌾 𑌹𑌵᳚𑌮𑍍 ॥ 𑌶𑍍𑌰𑌿॒𑌯𑌸𑍇॒ 𑌕-𑌮𑍍𑌭𑌾॒𑌨𑍁𑌭𑌿॒-𑌸𑍍𑌸-𑌮𑍍𑌮𑌿॑𑌮𑌿𑌕𑍍𑌷𑌿𑌰𑍇॒ 𑌤𑍇 𑌰॒𑌶𑍍𑌮𑌿𑌭𑌿॒𑌸𑍍𑌤 𑌋𑌕𑍍𑌵॑𑌭𑌿-𑌸𑍍𑌸𑍁𑌖𑌾॒𑌦𑌯𑌃॑ । 𑌤𑍇 𑌵𑌾𑌶𑍀॑𑌮𑌨𑍍𑌤 𑌇॒𑌷𑍍𑌮𑌿𑌣𑍋॒ 𑌅𑌭𑍀॑𑌰𑌵𑍋 𑌵𑌿॒𑌦𑍍𑌰𑍇 𑌪𑍍𑌰𑌿॒𑌯𑌸𑍍𑌯॒ 𑌮𑌾𑌰𑍁॑𑌤𑌸𑍍𑌯॒ 𑌧𑌾𑌮𑍍𑌨𑌃॑ ॥ 𑌅𑌵॑ 𑌤𑍇॒ 𑌹𑍇𑌡॒, 𑌉𑌦𑍁॑𑌤𑍍𑌤॒𑌮𑌮𑍍 ॥ 𑌕𑌯𑌾॑ 𑌨𑌶𑍍𑌚𑌿॒𑌤𑍍𑌰 𑌆 𑌭𑍁॑𑌵𑌦𑍂॒𑌤𑍀 𑌸॒𑌦𑌾 𑌵𑍃॑𑌧॒-𑌸𑍍𑌸𑌖𑌾᳚ । 𑌕𑌯𑌾॒ 𑌶𑌚𑌿॑𑌷𑍍𑌠𑌯𑌾 𑌵𑍃॒𑌤𑌾 ॥ 4 ॥
𑌕𑍋 𑌅॒𑌦𑍍𑌯 𑌯𑍁॑𑌙𑍍𑌕𑍍𑌤𑍇 𑌧𑍁॒𑌰𑌿 𑌗𑌾 𑌋॒𑌤𑌸𑍍𑌯॒ 𑌶𑌿𑌮𑍀॑𑌵𑌤𑍋 𑌭𑌾॒𑌮𑌿𑌨𑍋॑ 𑌦𑍁𑌰𑍍𑌹𑍃𑌣𑌾॒𑌯𑍂𑌨𑍍 । 𑌆॒𑌸𑌨𑍍𑌨𑌿॑𑌷𑍂𑌨𑍍. 𑌹𑍃॒𑌥𑍍𑌸𑍍𑌵𑌸𑍋॑ 𑌮𑌯𑍋॒𑌭𑍂𑌨𑍍. 𑌯 𑌏॑𑌷𑌾-𑌮𑍍𑌭𑍃॒𑌤𑍍𑌯𑌾𑌮𑍃॒𑌣𑌧॒-𑌥𑍍𑌸 𑌜𑍀॑𑌵𑌾𑌤𑍍 ॥ 𑌅𑌗𑍍𑌨𑍇॒ 𑌨𑌯𑌾, 𑌽𑌽𑌦𑍇॒𑌵𑌾𑌨𑌾॒𑌗𑍍𑌮𑍍॒ 𑌶𑌨𑍍𑌨𑍋॑ 𑌭𑌵𑌨𑍍𑌤𑍁॒, 𑌵𑌾𑌜𑍇॑𑌵𑌾𑌜𑍇। 𑌅॒𑌫𑍍𑌸𑍍𑌵॑𑌗𑍍𑌨𑍇॒ 𑌸𑌧𑌿॒𑌷𑍍𑌟𑌵॒ 𑌸𑍌𑌷॑𑌧𑍀॒𑌰𑌨𑍁॑ 𑌰𑍁𑌦𑍍𑌧𑍍𑌯𑌸𑍇 । 𑌗𑌰𑍍𑌭𑍇॒ 𑌸𑌞𑍍𑌜𑌾॑𑌯𑌸𑍇॒ 𑌪𑍁𑌨𑌃॑ ॥ 𑌵𑍃𑌷𑌾॑ 𑌸𑍋𑌮 𑌦𑍍𑌯𑍁॒𑌮𑌾𑌗𑍍𑌮𑍍 𑌅॑𑌸𑌿॒ 𑌵𑍃𑌷𑌾॑ 𑌦𑍇𑌵॒ 𑌵𑍃𑌷॑𑌵𑍍𑌰𑌤𑌃 । 𑌵𑍃𑌷𑌾॒ 𑌧𑌰𑍍𑌮𑌾॑𑌣𑌿 𑌦𑌧𑌿𑌷𑍇 ॥ 𑌇॒𑌮-𑌮𑍍𑌮𑍇॑ 𑌵𑌰𑍁𑌣॒ , 𑌤𑌤𑍍𑌤𑍍𑌵𑌾॑ 𑌯𑌾𑌮𑌿॒𑌤𑍍𑌵-𑌨𑍍𑌨𑍋॑ 𑌅𑌗𑍍𑌨𑍇॒𑌸 𑌤𑍍𑌵-𑌨𑍍𑌨𑍋॑ 𑌅𑌗𑍍𑌨𑍇 ॥ 4 ॥
(𑌹𑌿 – 𑌵𑍃॒𑌤𑌾 – 𑌮॒ – 𑌏𑌕𑌾॑𑌦𑌶 𑌚 ) (𑌅. 11)
(𑌵𑌿𑌷𑍍𑌣𑍋𑌃॒ 𑌕𑍍𑌰𑌮𑍋॑-𑌽𑌸𑌿 – 𑌦𑌿॒𑌵𑌸𑍍𑌪 – 𑌰𑍍𑌯𑌨𑍍𑌨॑𑌪॒𑌤𑍇 – 𑌽𑌪𑍇॑𑌤॒ – 𑌸𑌮𑌿॑𑌤𑌂॒ – 𑌯𑌾𑌁 𑌜𑌾॒𑌤𑌾 – 𑌮𑌾 𑌨𑍋॑ 𑌹𑌿𑌗𑍍𑌮𑍍𑌸𑍀 – 𑌦॒𑌭𑍍𑌯॑𑌸𑍍𑌥𑌾-𑌦𑍍- 𑌧𑍍𑌰𑍁॒𑌵𑌾 – 𑌽𑌸𑍍𑌯𑌾॑𑌦𑌿॒𑌤𑍍𑌯𑌙𑍍𑌗𑌰𑍍𑌭॒ – 𑌮𑌿𑌨𑍍𑌦𑍍𑌰𑌾᳚𑌗𑍍𑌨𑍀 𑌰𑍋𑌚॒ – 𑌨𑍈𑌕𑌾॑𑌦𑌶 )
(𑌵𑌿𑌷𑍍𑌣𑍋॑ – 𑌰𑌸𑍍𑌮𑌿𑌨𑍍. 𑌹॒𑌵𑍍𑌯𑍇 – 𑌤𑌿॑ 𑌤𑍍𑌵𑌾॒-𑌽𑌹𑌂 – 𑌧𑍀॒𑌤𑌿𑌭𑌿॒ – 𑌰𑍍𑌹𑍋𑌤𑍍𑌰𑌾॑ – 𑌅॒𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌤𑍍)
(𑌵𑌿𑌷𑍍𑌣𑍋𑌃॒ 𑌕𑍍𑌰𑌮𑍋॑-𑌽𑌸𑌿॒, 𑌤𑍍𑌵𑌨𑍍𑌨𑍋॑ 𑌅𑌗𑍍𑌨𑍇॒ 𑌸 𑌤𑍍𑌵𑌨𑍍𑌨𑍋॑ 𑌅𑌗𑍍𑌨𑍇)
॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥 𑌕𑌾𑌣𑍍𑌡𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥
