𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨𑌃 – 𑌚𑌿𑌤𑌿𑌵𑌰𑍍𑌣𑌨𑌂
𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥
𑌅॒𑌪𑌾-𑌨𑍍𑌤𑍍𑌵𑍇𑌮᳚𑌨𑍍-𑌥𑍍𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑍋𑌦𑍍𑌮᳚𑌨𑍍-𑌥𑍍𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑌾॒ 𑌭𑌸𑍍𑌮᳚𑌨𑍍-𑌥𑍍𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑌾॒ 𑌜𑍍𑌯𑍋𑌤𑌿॑𑌷𑌿 𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑌾-𑌽𑌯॑𑌨𑍇 𑌸𑌾𑌦𑌯𑌾𑌮𑍍𑌯𑌰𑍍𑌣॒𑌵𑍇 𑌸𑌦॑𑌨𑍇 𑌸𑍀𑌦 𑌸𑌮𑍁॒𑌦𑍍𑌰𑍇 𑌸𑌦॑𑌨𑍇 𑌸𑍀𑌦 𑌸𑌲𑌿॒𑌲𑍇 𑌸𑌦॑𑌨𑍇 𑌸𑍀𑌦𑌾॒𑌪𑌾-𑌙𑍍𑌕𑍍𑌷𑌯𑍇॑ 𑌸𑍀𑌦𑌾॒𑌪𑌾𑌗𑍍𑌮𑍍 𑌸𑌧𑌿॑𑌷𑌿 𑌸𑍀𑌦𑌾॒𑌪𑌾-𑌨𑍍𑌤𑍍𑌵𑌾॒ 𑌸𑌦॑𑌨𑍇 𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑌾॑ 𑌸॒𑌧𑌸𑍍𑌥𑍇॑ 𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑌾॒ 𑌪𑍁𑌰𑍀॑𑌷𑍇 𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑌾॒ 𑌯𑍋𑌨𑍌॑ 𑌸𑌾𑌦𑌯𑌾𑌮𑍍𑌯॒𑌪𑌾-𑌨𑍍𑌤𑍍𑌵𑌾॒ 𑌪𑌾𑌥॑𑌸𑌿 𑌸𑌾𑌦𑌯𑌾𑌮𑌿 𑌗𑌾𑌯॒𑌤𑍍𑌰𑍀 𑌛𑌨𑍍𑌦॑-𑌸𑍍𑌤𑍍𑌰𑌿॒𑌷𑍍𑌟𑍁-𑌪𑍍𑌛𑌨𑍍𑌦𑍋॒ 𑌜𑌗॑𑌤𑍀॒ 𑌛𑌨𑍍𑌦𑍋॑-𑌽𑌨𑍁॒𑌷𑍍𑌟𑍁-𑌪𑍍𑌛𑌨𑍍𑌦𑌃॑ 𑌪॒𑌙𑍍𑌕𑍍𑌤𑌿𑌶𑍍𑌛𑌨𑍍𑌦𑌃॑ ॥ 1 ॥
(𑌯𑍋𑌨𑍌॒ – 𑌪𑌞𑍍𑌚॑𑌦𑌶 𑌚) (𑌅. 1)
𑌅॒𑌯-𑌮𑍍𑌪𑍁॒𑌰𑍋 𑌭𑍁𑌵॒𑌸𑍍𑌤𑌸𑍍𑌯॑ 𑌪𑍍𑌰𑌾॒𑌣𑍋 𑌭𑍌॑𑌵𑌾𑌯॒𑌨𑍋 𑌵॑𑌸॒𑌨𑍍𑌤𑌃 𑌪𑍍𑌰𑌾॑𑌣𑌾𑌯॒𑌨𑍋 𑌗𑌾॑𑌯॒𑌤𑍍𑌰𑍀 𑌵𑌾॑𑌸॒𑌨𑍍𑌤𑍀 𑌗𑌾॑𑌯𑌤𑍍𑌰𑌿॒𑌯𑍈 𑌗𑌾॑𑌯॒𑌤𑍍𑌰-𑌙𑍍𑌗𑌾॑𑌯॒𑌤𑍍𑌰𑌾𑌦𑍁॑𑌪𑌾॒𑌗𑍍𑌮𑍍॒ 𑌶𑍁𑌰𑍁॑𑌪𑌾॒𑌗𑍍𑌮𑍍॒ 𑌶𑍋𑌸𑍍𑌤𑍍𑌰𑌿॒𑌵𑍃-𑌤𑍍𑌤𑍍𑌰𑌿॒𑌵𑍃𑌤𑍋॑ 𑌰𑌥𑌨𑍍𑌤॒𑌰𑌗𑍍𑌮𑍍 𑌰॑𑌥𑌨𑍍𑌤॒𑌰𑌾-𑌦𑍍𑌵𑌸𑌿॑𑌷𑍍𑌠॒ 𑌋𑌷𑌿𑌃॑ 𑌪𑍍𑌰॒𑌜𑌾𑌪॑𑌤𑌿 𑌗𑍃𑌹𑍀𑌤𑌯𑌾॒ 𑌤𑍍𑌵𑌯𑌾᳚ 𑌪𑍍𑌰𑌾॒𑌣-𑌙𑍍𑌗𑍃॑𑌹𑍍𑌣𑌾𑌮𑌿 𑌪𑍍𑌰॒𑌜𑌾𑌭𑍍𑌯𑍋॒-𑌽𑌯-𑌨𑍍𑌦॑𑌕𑍍𑌷𑌿॒𑌣𑌾 𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌤𑌸𑍍𑌯॒ 𑌮𑌨𑍋॑ 𑌵𑍈𑌶𑍍𑌵𑌕𑌰𑍍𑌮॒𑌣-𑌙𑍍𑌗𑍍𑌰𑍀॒𑌷𑍍𑌮𑍋 𑌮𑌾॑𑌨॒𑌸𑌸𑍍𑌤𑍍𑌰𑌿॒𑌷𑍍𑌟𑍁𑌗𑍍𑌗𑍍𑌰𑍈॒𑌷𑍍𑌮𑍀 𑌤𑍍𑌰𑌿॒𑌷𑍍𑌟𑍁𑌭॑ 𑌐॒𑌡𑌮𑍈॒𑌡𑌾-𑌦॑𑌨𑍍𑌤𑌰𑍍𑌯𑌾॒𑌮𑍋᳚ 𑌽𑌨𑍍𑌤𑌰𑍍𑌯𑌾॒𑌮𑌾-𑌤𑍍𑌪॑𑌞𑍍𑌚𑌦॒𑌶𑌃 𑌪॑𑌞𑍍𑌚𑌦॒𑌶𑌾-𑌦𑍍𑌬𑍃॒𑌹-𑌦𑍍𑌬𑍃॑𑌹॒𑌤𑍋 𑌭॒𑌰𑌦𑍍𑌵𑌾॑𑌜॒ 𑌋𑌷𑌿𑌃॑ 𑌪𑍍𑌰॒𑌜𑌾𑌪॑𑌤𑌿 𑌗𑍃𑌹𑍀𑌤𑌯𑌾॒ 𑌤𑍍𑌵𑌯𑌾॒ 𑌮𑌨𑍋॑ [𑌤𑍍𑌵𑌯𑌾॒ 𑌮𑌨𑌃॑, 𑌗𑍃॒𑌹𑍍𑌣𑌾॒𑌮𑌿॒ 𑌪𑍍𑌰॒𑌜𑌾𑌭𑍍𑌯𑍋॒-𑌽𑌯-] 2
𑌗𑍃𑌹𑍍𑌣𑌾𑌮𑌿 𑌪𑍍𑌰॒𑌜𑌾𑌭𑍍𑌯𑍋॒-𑌽𑌯-𑌮𑍍𑌪॒𑌶𑍍𑌚𑌾-𑌦𑍍𑌵𑌿॒𑌶𑍍𑌵𑌵𑍍𑌯॑𑌚𑌾॒𑌸𑍍𑌤𑌸𑍍𑌯॒ 𑌚𑌕𑍍𑌷𑍁॑𑌰𑍍𑌵𑍈𑌶𑍍𑌵𑌵𑍍𑌯𑌚॒𑌸𑌂-𑌵𑌁॒𑌰𑍍॒𑌷𑌾𑌣𑌿॑ 𑌚𑌾𑌕𑍍𑌷𑍁॒𑌷𑌾𑌣𑌿॒ 𑌜𑌗॑𑌤𑍀 𑌵𑌾॒𑌰𑍍॒𑌷𑍀 𑌜𑌗॑𑌤𑍍𑌯𑌾॒ 𑌋𑌕𑍍𑌷॑𑌮॒𑌮𑍃𑌕𑍍𑌷॑𑌮𑌾𑌚𑍍𑌛𑍁॒𑌕𑍍𑌰-𑌶𑍍𑌶𑍁॒𑌕𑍍𑌰𑌾-𑌥𑍍𑌸॑𑌪𑍍𑌤𑌦॒𑌶-𑌸𑍍𑌸॑𑌪𑍍𑌤𑌦॒𑌶𑌾-𑌦𑍍𑌵𑍈॑𑌰𑍂॒𑌪𑌂-𑌵𑍈𑌁॑𑌰𑍂॒𑌪𑌾-𑌦𑍍𑌵𑌿॒𑌶𑍍𑌵𑌾𑌮𑌿॑𑌤𑍍𑌰॒ 𑌋𑌷𑌿𑌃॑ 𑌪𑍍𑌰॒𑌜𑌾𑌪॑𑌤𑌿 𑌗𑍃𑌹𑍀𑌤𑌯𑌾॒ 𑌤𑍍𑌵𑌯𑌾॒ 𑌚𑌕𑍍𑌷𑍁॑𑌰𑍍𑌗𑍃𑌹𑍍𑌣𑌾𑌮𑌿 𑌪𑍍𑌰॒𑌜𑌾𑌭𑍍𑌯॑ 𑌇॒𑌦𑌮𑍁॑𑌤𑍍𑌤॒𑌰𑌾-𑌥𑍍𑌸𑍁𑌵॒𑌸𑍍𑌤𑌸𑍍𑌯॒ 𑌶𑍍𑌰𑍋𑌤𑍍𑌰𑌗𑍍𑌮𑍍॑ 𑌸𑍌॒𑌵𑌗𑍍𑌮𑍍 𑌶॒𑌰𑌚𑍍𑌛𑍍𑌰𑍌॒𑌤𑍍𑌰𑍍𑌯॑𑌨𑍁॒𑌷𑍍𑌟𑍁𑌪𑍍-𑌛𑌾॑𑌰॒𑌦𑍍𑌯॑𑌨𑍁॒𑌷𑍍𑌟𑍁𑌭॑-𑌸𑍍𑌸𑍍𑌵𑌾॒𑌰𑌗𑍍𑌗𑍍 𑌸𑍍𑌵𑌾॒𑌰𑌾𑌨𑍍𑌮॒𑌨𑍍𑌥𑍀 𑌮॒𑌨𑍍𑌥𑌿𑌨॑ 𑌏𑌕𑌵𑌿॒𑌗𑍍𑌮𑍍॒𑌶 𑌏॑𑌕𑌵𑌿॒𑌗𑍍𑌮𑍍॒𑌶𑌾-𑌦𑍍𑌵𑍈॑𑌰𑌾॒𑌜𑌂-𑌵𑍈𑌁॑𑌰𑌾॒𑌜𑌾𑌜𑍍𑌜॒𑌮𑌦॑𑌗𑍍𑌨𑌿॒𑌰𑍍॒ 𑌋𑌷𑌿𑌃॑ 𑌪𑍍𑌰॒𑌜𑌾𑌪॑𑌤𑌿 𑌗𑍃𑌹𑍀𑌤𑌯𑌾॒ [𑌗𑍃𑌹𑍀𑌤𑌯𑌾, 𑌤𑍍𑌵𑌯𑌾॒] 3
𑌤𑍍𑌵𑌯𑌾॒ 𑌶𑍍𑌰𑍋𑌤𑍍𑌰॑-𑌙𑍍𑌗𑍃𑌹𑍍𑌣𑌾𑌮𑌿 𑌪𑍍𑌰॒𑌜𑌾𑌭𑍍𑌯॑ 𑌇॒𑌯𑌮𑍁॒𑌪𑌰𑌿॑ 𑌮॒𑌤𑌿𑌸𑍍𑌤𑌸𑍍𑌯𑍈॒ 𑌵𑌾𑌮𑍍𑌮𑌾॒𑌤𑍀 𑌹𑍇॑𑌮॒𑌨𑍍𑌤𑍋 𑌵𑌾᳚𑌚𑍍𑌯𑌾𑌯॒𑌨𑌃 𑌪॒𑌙𑍍𑌕𑍍𑌤𑌿𑌰𑍍𑌹𑍈॑𑌮॒𑌨𑍍𑌤𑍀 𑌪॒𑌕𑍍𑌤𑍍𑌯𑍈-𑌨𑍍𑌨𑌿॒𑌧𑌨॑𑌵𑌨𑍍𑌨𑌿॒𑌧𑌨॑𑌵𑌤 𑌆𑌗𑍍𑌰𑌯॒𑌣 𑌆᳚𑌗𑍍𑌰𑌯॒𑌣𑌾-𑌤𑍍𑌤𑍍𑌰𑌿॑𑌣𑌵𑌤𑍍𑌰𑌯𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑍌 𑌤𑍍𑌰𑌿॑𑌣𑌵𑌤𑍍𑌰𑌯𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑌾𑌭𑍍𑌯𑌾𑌗𑍍𑌮𑍍॑ 𑌶𑌾𑌕𑍍𑌵𑌰𑌰𑍈𑌵॒𑌤𑍇 𑌶𑌾᳚𑌕𑍍𑌵𑌰𑌰𑍈𑌵॒𑌤𑌾𑌭𑍍𑌯𑌾𑌂᳚-𑌵𑌿𑌁॒𑌶𑍍𑌵𑌕॒𑌰𑍍𑌮𑌰𑍍𑌷𑌿𑌃॑ 𑌪𑍍𑌰॒𑌜𑌾𑌪॑𑌤𑌿 𑌗𑍃𑌹𑍀𑌤𑌯𑌾॒ 𑌤𑍍𑌵𑌯𑌾॒ 𑌵𑌾𑌚॑-𑌙𑍍𑌗𑍃𑌹𑍍𑌣𑌾𑌮𑌿 𑌪𑍍𑌰॒𑌜𑌾𑌭𑍍𑌯𑌃॑ ॥ 4 ॥
(𑌤𑍍𑌵𑌯𑌾॒ 𑌮𑌨𑍋॑-𑌜॒𑌮𑌦॑𑌗𑍍𑌨𑌿॒𑌰𑍍॒𑌋𑌷𑌿𑌃॑ 𑌪𑍍𑌰॒𑌜𑌾𑌪॑𑌤𑌿𑌗𑍃𑌹𑍀𑌤𑌯𑌾-𑌤𑍍𑌰𑌿॒𑌗𑍍𑌮𑍍॒𑌶𑌚𑍍𑌚॑) (𑌅. 2)
𑌪𑍍𑌰𑌾𑌚𑍀॑ 𑌦𑌿॒𑌶𑌾𑌂-𑌵𑌁॑𑌸॒𑌨𑍍𑌤 𑌋॑𑌤𑍂॒𑌨𑌾𑌮॒𑌗𑍍𑌨𑌿𑌰𑍍𑌦𑍇॒𑌵𑌤𑌾॒ 𑌬𑍍𑌰𑌹𑍍𑌮॒ 𑌦𑍍𑌰𑌵𑌿॑𑌣-𑌨𑍍𑌤𑍍𑌰𑌿॒𑌵𑍃-𑌥𑍍𑌸𑍍𑌤𑍋𑌮॒-𑌸𑍍𑌸 𑌉॑ 𑌪𑌞𑍍𑌚𑌦॒𑌶𑌵॑𑌰𑍍𑌤𑌨𑌿॒-𑌸𑍍𑌤𑍍𑌰𑍍𑌯𑌵𑌿॒𑌰𑍍𑌵𑌯𑌃॑ 𑌕𑍃॒𑌤𑌮𑌯𑌾॑𑌨𑌾-𑌮𑍍𑌪𑍁𑌰𑍋𑌵𑌾॒𑌤𑍋 𑌵𑌾𑌤॒-𑌸𑍍𑌸𑌾𑌨॑𑌗॒ 𑌋𑌷𑌿॑𑌰𑍍𑌦𑌕𑍍𑌷𑌿॒𑌣𑌾 𑌦𑌿॒𑌶𑌾-𑌙𑍍𑌗𑍍𑌰𑍀॒𑌷𑍍𑌮 𑌋॑𑌤𑍂॒𑌨𑌾𑌮𑌿𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾᳚ 𑌕𑍍𑌷॒𑌤𑍍𑌰-𑌨𑍍𑌦𑍍𑌰𑌵𑌿॑𑌣-𑌮𑍍𑌪𑌞𑍍𑌚𑌦॒𑌶-𑌸𑍍𑌸𑍍𑌤𑍋𑌮॒-𑌸𑍍𑌸 𑌉॑ 𑌸𑌪𑍍𑌤𑌦॒𑌶 𑌵॑𑌰𑍍𑌤𑌨𑌿-𑌰𑍍𑌦𑌿॑𑌤𑍍𑌯॒𑌵𑌾𑌡𑍍-𑌵𑌯॒𑌸𑍍𑌤𑍍𑌰𑍇𑌤𑌾-𑌽𑌯𑌾॑𑌨𑌾-𑌨𑍍𑌦𑌕𑍍𑌷𑌿𑌣𑌾𑌦𑍍𑌵𑌾॒𑌤𑍋 𑌵𑌾𑌤॑-𑌸𑍍𑌸𑌨𑌾॒𑌤𑌨॒ 𑌋𑌷𑌿𑌃॑ 𑌪𑍍𑌰॒𑌤𑍀𑌚𑍀॑ 𑌦𑌿॒𑌶𑌾𑌂-𑌵𑌁॒𑌰𑍍॒𑌷𑌾 𑌋॑𑌤𑍂॒𑌨𑌾𑌂-𑌵𑌿𑌁𑌶𑍍𑌵𑍇॑ 𑌦𑍇॒𑌵𑌾 𑌦𑍇॒𑌵𑌤𑌾॒ 𑌵𑌿- [𑌦𑍇॒𑌵𑌤𑌾॒ 𑌵𑌿𑌟𑍍, 𑌦𑍍𑌰𑌵𑌿॑𑌣𑌗𑍍𑌮𑍍] 5
-𑌡𑍍𑌦𑍍𑌰𑌵𑌿॑𑌣𑌗𑍍𑌮𑍍 𑌸𑌪𑍍𑌤𑌦॒𑌶 𑌸𑍍𑌤𑍋𑌮॒-𑌸𑍍𑌸 𑌉॑ 𑌵𑍇𑌕𑌵𑌿॒𑌗𑍍𑌮𑍍॒ 𑌶𑌵॑𑌰𑍍𑌤𑌨𑌿-𑌸𑍍𑌤𑍍𑌰𑌿𑌵॒𑌥𑍍𑌸𑍋 𑌵𑌯𑍋᳚ 𑌦𑍍𑌵𑌾𑌪॒𑌰𑍋-𑌽𑌯𑌾॑𑌨𑌾-𑌮𑍍𑌪𑌶𑍍𑌚𑌾𑌦𑍍𑌵𑌾॒𑌤𑍋 𑌵𑌾𑌤𑍋॑-𑌽𑌹॒𑌭𑍂𑌨॒ 𑌋𑌷𑌿॒𑌰𑍁𑌦𑍀॑𑌚𑍀 𑌦𑌿॒𑌶𑌾𑌗𑍍𑌮𑍍 𑌶॒𑌰𑌦𑍍-𑌋॑𑌤𑍂॒𑌨𑌾-𑌮𑍍𑌮𑌿॒𑌤𑍍𑌰𑌾𑌵𑌰𑍁॑𑌣𑍌 𑌦𑍇॒𑌵𑌤𑌾॑ 𑌪𑍁॒𑌷𑍍𑌟-𑌨𑍍𑌦𑍍𑌰𑌵𑌿॑𑌣𑌮𑍇𑌕𑌵𑌿॒𑌗𑍍𑌮𑍍॒𑌶-𑌸𑍍𑌸𑍍𑌤𑍋𑌮॒-𑌸𑍍𑌸 𑌉॑ 𑌤𑍍𑌰𑌿𑌣॒𑌵𑌵॑𑌰𑍍𑌤𑌨𑌿-𑌸𑍍𑌤𑍁𑌰𑍍𑌯॒𑌵𑌾-𑌡𑍍𑌵𑌯॑ 𑌆𑌸𑍍𑌕॒𑌨𑍍𑌦𑍋 𑌽𑌯𑌾॑𑌨𑌾𑌮𑍁𑌤𑍍𑌤𑌰𑌾-𑌦𑍍𑌵𑌾॒𑌤𑍋 𑌵𑌾𑌤𑌃॑ 𑌪𑍍𑌰॒𑌤𑍍𑌨 𑌋𑌷𑌿॑𑌰𑍂॒𑌰𑍍𑌧𑍍𑌵𑌾 𑌦𑌿॒𑌶𑌾𑌗𑍍𑌮𑍍 𑌹𑍇॑𑌮𑌨𑍍𑌤𑌶𑌿𑌶𑌿॒𑌰𑌾𑌵𑍃॑𑌤𑍂॒𑌨𑌾-𑌮𑍍𑌬𑍃𑌹॒𑌸𑍍𑌪𑌤𑌿॑𑌰𑍍𑌦𑍇॒𑌵𑌤𑌾॒ 𑌵𑌰𑍍𑌚𑍋॒ 𑌦𑍍𑌰𑌵𑌿॑𑌣-𑌨𑍍𑌤𑍍𑌰𑌿𑌣॒𑌵 𑌸𑍍𑌤𑍋𑌮॒-𑌸𑍍𑌸 𑌉॑ 𑌤𑍍𑌰𑌯𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑌵॑𑌰𑍍𑌤𑌨𑌿𑌃 𑌪𑌷𑍍𑌠॒𑌵𑌾𑌦𑍍𑌵𑌯𑍋॑ 𑌽𑌭𑌿॒𑌭𑍂𑌰𑌯𑌾॑𑌨𑌾𑌂-𑌵𑌿𑌁𑌷𑍍𑌵𑌗𑍍𑌵𑌾॒𑌤𑍋 𑌵𑌾𑌤॑-𑌸𑍍𑌸𑍁𑌪॒𑌰𑍍𑌣 𑌋𑌷𑌿𑌃॑ 𑌪𑌿॒𑌤𑌰𑌃॑ 𑌪𑌿𑌤𑌾𑌮॒𑌹𑌾𑌃 𑌪𑌰𑍇-𑌽𑌵॑𑌰𑍇॒ 𑌤𑍇 𑌨𑌃॑ 𑌪𑌾𑌨𑍍𑌤𑍁॒ 𑌤𑍇 𑌨𑍋॑-𑌽𑌵𑌨𑍍𑌤𑍍𑌵॒𑌸𑍍𑌮𑌿-𑌨𑍍𑌬𑍍𑌰𑌹𑍍𑌮॑𑌨𑍍𑌨॒𑌸𑍍𑌮𑌿𑌨𑍍 𑌕𑍍𑌷॒𑌤𑍍𑌰𑍇᳚-𑌽𑌸𑍍𑌯𑌾-𑌮𑌾॒𑌶𑌿𑌷𑍍𑌯॒𑌸𑍍𑌯𑌾-𑌮𑍍𑌪𑍁॑𑌰𑍋॒𑌧𑌾𑌯𑌾॑𑌮॒𑌸𑍍𑌮𑌿𑌨𑍍 𑌕𑌰𑍍𑌮॑𑌨𑍍𑌨॒𑌸𑍍𑌯𑌾-𑌨𑍍𑌦𑍇॒𑌵𑌹𑍂᳚𑌤𑍍𑌯𑌾𑌮𑍍 ॥ 6 ॥
(𑌵𑌿𑌟𑍍 – 𑌪॑𑌷𑍍𑌠॒𑌵𑌾-𑌦𑍍𑌵𑌯𑍋॒ – 𑌽𑌷𑍍𑌟𑌾𑌵𑌿𑌗𑍍𑌮𑍍॑𑌶𑌤𑌿𑌶𑍍𑌚) (𑌅. 3)
𑌧𑍍𑌰𑍁॒𑌵𑌕𑍍𑌷𑌿॑𑌤𑌿 -𑌰𑍍𑌧𑍍𑌰𑍁॒𑌵𑌯𑍋॑𑌨𑌿-𑌰𑍍𑌧𑍍𑌰𑍁॒𑌵𑌾-𑌽𑌸𑌿॑ 𑌧𑍍𑌰𑍁॒𑌵𑌾𑌂-𑌯𑍋𑌁𑌨𑌿॒𑌮𑌾 𑌸𑍀॑𑌦 𑌸𑌾॒𑌦𑍍𑌧𑍍𑌯𑌾 । 𑌉𑌖𑍍𑌯॑𑌸𑍍𑌯 𑌕𑍇॒𑌤𑍁-𑌮𑍍𑌪𑍍𑌰॑𑌥॒𑌮-𑌮𑍍𑌪𑍁॒𑌰𑌸𑍍𑌤𑌾॑𑌦॒𑌶𑍍𑌵𑌿𑌨𑌾᳚-𑌽𑌦𑍍𑌧𑍍𑌵॒𑌰𑍍𑌯𑍂 𑌸𑌾॑𑌦𑌯𑌤𑌾𑌮𑌿॒𑌹 𑌤𑍍𑌵𑌾᳚ ॥ 𑌸𑍍𑌵𑍇 𑌦𑌕𑍍𑌷𑍇॒ 𑌦𑌕𑍍𑌷॑𑌪𑌿𑌤𑍇॒𑌹 𑌸𑍀॑𑌦 𑌦𑍇𑌵॒𑌤𑍍𑌰𑌾 𑌪𑍃॑𑌥𑌿॒𑌵𑍀 𑌬𑍃॑𑌹॒𑌤𑍀 𑌰𑌰𑌾॑𑌣𑌾 । 𑌸𑍍𑌵𑌾॒𑌸॒𑌸𑍍𑌥𑌾 𑌤॒𑌨𑍁𑌵𑌾॒ 𑌸𑌂-𑌵𑌿𑌁॑𑌶𑌸𑍍𑌵 𑌪𑌿॒𑌤𑍇𑌵𑍈॑𑌧𑌿 𑌸𑍂॒𑌨𑌵॒ 𑌆 𑌸𑍁॒𑌶𑍇𑌵𑌾॒-𑌽𑌶𑍍𑌵𑌿𑌨𑌾᳚𑌦𑍍𑌧𑍍𑌵॒𑌰𑍍𑌯𑍂 𑌸𑌾॑𑌦𑌯𑌤𑌾𑌮𑌿॒𑌹 𑌤𑍍𑌵𑌾᳚ ॥ 𑌕𑍁॒𑌲𑌾॒𑌯𑌿𑌨𑍀॒ 𑌵𑌸𑍁॑𑌮𑌤𑍀 𑌵𑌯𑍋॒𑌧𑌾 𑌰॒𑌯𑌿-𑌨𑍍𑌨𑍋॑ 𑌵𑌰𑍍𑌧 𑌬𑌹𑍁॒𑌲𑌗𑍍𑌮𑍍 𑌸𑍁॒𑌵𑍀𑌰᳚𑌮𑍍 ।
𑌅𑌪𑌾𑌮॑𑌤𑌿-𑌨𑍍𑌦𑍁𑌰𑍍𑌮॒𑌤𑌿-𑌮𑍍𑌬𑌾𑌧॑𑌮𑌾𑌨𑌾 𑌰𑌾॒𑌯𑌸𑍍𑌪𑍋𑌷𑍇॑ 𑌯॒𑌜𑍍𑌞𑌪॑𑌤𑌿𑌮𑌾॒𑌭𑌜॑𑌨𑍍𑌤𑍀॒ 𑌸𑍁𑌵॑𑌰𑍍𑌧𑍇𑌹𑌿॒ 𑌯𑌜॑𑌮𑌾𑌨𑌾𑌯॒ 𑌪𑍋𑌷॑𑌮॒𑌶𑍍𑌵𑌿𑌨𑌾᳚-𑌽𑌦𑍍𑌧𑍍𑌵॒𑌰𑍍𑌯𑍂 𑌸𑌾॑𑌦𑌯𑌤𑌾𑌮𑌿॒𑌹 𑌤𑍍𑌵𑌾᳚ ॥ 𑌅॒𑌗𑍍𑌨𑍇𑌃 𑌪𑍁𑌰𑍀॑𑌷𑌮𑌸𑌿 𑌦𑍇𑌵॒𑌯𑌾𑌨𑍀॒ 𑌤𑌾-𑌨𑍍𑌤𑍍𑌵𑌾॒ 𑌵𑌿𑌶𑍍𑌵𑍇॑ 𑌅॒𑌭𑌿 𑌗𑍃॑𑌣𑌨𑍍𑌤𑍁 𑌦𑍇॒𑌵𑌾𑌃 । 𑌸𑍍𑌤𑍋𑌮॑𑌪𑍃𑌷𑍍𑌠𑌾 𑌘𑍃॒𑌤𑌵॑𑌤𑍀॒𑌹 𑌸𑍀॑𑌦 𑌪𑍍𑌰॒𑌜𑌾𑌵॑𑌦॒𑌸𑍍𑌮𑍇 𑌦𑍍𑌰𑌵𑌿॒𑌣𑌾 𑌽𑌽𑌯॑𑌜𑌸𑍍𑌵𑌾॒𑌶𑍍𑌵𑌿𑌨𑌾᳚ 𑌽𑌦𑍍𑌧𑍍𑌵॒𑌰𑍍𑌯𑍂 𑌸𑌾॑𑌦𑌯𑌤𑌾𑌮𑌿॒𑌹 𑌤𑍍𑌵𑌾᳚ ॥ 𑌦𑌿॒𑌵𑍋 𑌮𑍂॒𑌰𑍍𑌧𑌾-𑌽𑌸𑌿॑ 𑌪𑍃𑌥𑌿॒𑌵𑍍𑌯𑌾 𑌨𑌾𑌭𑌿॑𑌰𑍍𑌵𑌿॒𑌷𑍍𑌟𑌮𑍍𑌭॑𑌨𑍀 𑌦𑌿॒𑌶𑌾𑌮𑌧𑌿॑𑌪𑌤𑍍𑌨𑍀॒ 𑌭𑍁𑌵॑𑌨𑌾𑌨𑌾𑌮𑍍 ।
𑌊॒𑌰𑍍𑌮𑌿𑌰𑍍𑌦𑍍𑌰॒𑌫𑍍𑌸𑍋 𑌅॒𑌪𑌾𑌮॑𑌸𑌿 𑌵𑌿॒𑌶𑍍𑌵𑌕॑𑌰𑍍𑌮𑌾 𑌤॒ 𑌋𑌷𑌿॑𑌰॒𑌶𑍍𑌵𑌿𑌨𑌾᳚-𑌽𑌦𑍍𑌧𑍍𑌵॒𑌰𑍍𑌯𑍂 𑌸𑌾॑𑌦𑌯𑌤𑌾𑌮𑌿॒𑌹 𑌤𑍍𑌵𑌾᳚ ॥ 𑌸॒𑌜𑍂𑌰𑍍-𑌋॒𑌤𑍁𑌭𑌿॑-𑌸𑍍𑌸॒𑌜𑍂𑌰𑍍𑌵𑌿॒𑌧𑌾𑌭𑌿॑-𑌸𑍍𑌸॒𑌜𑍂𑌰𑍍𑌵𑌸𑍁॑𑌭𑌿-𑌸𑍍𑌸॒𑌜𑍂 𑌰𑍁॒𑌦𑍍𑌰𑍈-𑌸𑍍𑌸॒𑌜𑍂𑌰𑌾॑𑌦𑌿॒𑌤𑍍𑌯𑍈-𑌸𑍍𑌸॒𑌜𑍂𑌰𑍍𑌵𑌿𑌶𑍍𑌵𑍈᳚𑌰𑍍𑌦𑍇॒𑌵𑍈-𑌸𑍍𑌸॒𑌜𑍂𑌰𑍍𑌦𑍇॒𑌵𑍈-𑌸𑍍𑌸॒𑌜𑍂𑌰𑍍𑌦𑍇॒𑌵𑍈𑌰𑍍𑌵॑𑌯𑍋-𑌨𑌾॒𑌧𑍈𑌰॒𑌗𑍍𑌨𑌯𑍇᳚ 𑌤𑍍𑌵𑌾 𑌵𑍈𑌶𑍍𑌵𑌾𑌨॒𑌰𑌾𑌯𑌾॒𑌶𑍍𑌵𑌿𑌨𑌾᳚-𑌽𑌦𑍍𑌧𑍍𑌵॒𑌰𑍍𑌯𑍂 𑌸𑌾॑𑌦𑌯𑌤𑌾𑌮𑌿॒𑌹 𑌤𑍍𑌵𑌾᳚ ॥ 𑌪𑍍𑌰𑌾॒𑌣-𑌮𑍍𑌮𑍇॑ 𑌪𑌾𑌹𑍍𑌯𑌪𑌾॒𑌨-𑌮𑍍𑌮𑍇॑ 𑌪𑌾𑌹𑌿 𑌵𑍍𑌯𑌾॒𑌨-𑌮𑍍𑌮𑍇॑ 𑌪𑌾𑌹𑌿॒ 𑌚𑌕𑍍𑌷𑍁॑𑌰𑍍𑌮 𑌉॒𑌰𑍍𑌵𑍍𑌯𑌾 𑌵𑌿 𑌭𑌾॑𑌹𑌿॒ 𑌶𑍍𑌰𑍋𑌤𑍍𑌰॑-𑌮𑍍𑌮𑍇 𑌶𑍍𑌲𑍋𑌕𑌯𑌾॒𑌪-𑌸𑍍𑌪𑌿॒𑌨𑍍𑌵𑍌𑌷॑𑌧𑍀𑌰𑍍𑌜𑌿𑌨𑍍𑌵 𑌦𑍍𑌵𑌿॒𑌪𑌾-𑌤𑍍𑌪𑌾॑𑌹𑌿॒ 𑌚𑌤𑍁॑𑌷𑍍𑌪𑌾𑌦𑌵 𑌦𑌿॒𑌵𑍋 𑌵𑍃𑌷𑍍𑌟𑌿॒𑌮𑍇𑌰॑𑌯 ॥ ॥
(𑌸𑍁॒𑌵𑍀𑌰𑌂॒ – 𑌭𑍁𑌵॑𑌨𑌾𑌨𑌾 – 𑌮𑍁॒𑌰𑍍𑌵𑍍𑌯𑌾 – 𑌸॒𑌪𑍍𑌤𑌦॑𑌶 𑌚) (𑌅. 4)
𑌤𑍍𑌰𑍍𑌯𑌵𑌿॒𑌰𑍍𑌵𑌯॑𑌸𑍍𑌤𑍍𑌰𑌿॒𑌷𑍍𑌟𑍁-𑌪𑍍𑌛𑌨𑍍𑌦𑍋॑ 𑌦𑌿𑌤𑍍𑌯॒𑌵𑌾-𑌡𑍍𑌵𑌯𑍋॑ 𑌵𑌿॒𑌰𑌾𑌟𑍍 𑌛𑌨𑍍𑌦𑌃॒ 𑌪𑌞𑍍𑌚𑌾॑𑌵𑌿॒𑌰𑍍𑌵𑌯𑍋॑ 𑌗𑌾𑌯॒𑌤𑍍𑌰𑍀 𑌛𑌨𑍍𑌦॑𑌸𑍍𑌤𑍍𑌰𑌿𑌵॒𑌥𑍍𑌸𑍋 𑌵𑌯॑ 𑌉॒𑌷𑍍𑌣𑌿𑌹𑌾॒ 𑌛𑌨𑍍𑌦॑ 𑌸𑍍𑌤𑍁𑌰𑍍𑌯॒𑌵𑌾-𑌡𑍍𑌵𑌯𑍋॑-𑌽𑌨𑍁॒𑌷𑍍𑌟𑍁-𑌪𑍍𑌛𑌨𑍍𑌦𑌃॑ 𑌪𑌷𑍍𑌠॒𑌵𑌾-𑌦𑍍𑌵𑌯𑍋॑ 𑌬𑍃𑌹॒𑌤𑍀 𑌛𑌨𑍍𑌦॑ 𑌉॒𑌕𑍍𑌷𑌾 𑌵𑌯॑-𑌸𑍍𑌸॒𑌤𑍋𑌬𑍃॑𑌹𑌤𑍀॒ 𑌛𑌨𑍍𑌦॑ 𑌋𑌷॒𑌭𑍋 𑌵𑌯𑌃॑ 𑌕॒𑌕𑍁𑌚𑍍𑌛𑌨𑍍𑌦𑍋॑ 𑌧𑍇॒𑌨𑍁𑌰𑍍𑌵𑌯𑍋॒ 𑌜𑌗॑𑌤𑍀॒ 𑌛𑌨𑍍𑌦𑍋॑-𑌽𑌨॒𑌡𑍍𑌵𑌾𑌨𑍍. 𑌵𑌯𑌃॑ 𑌪॒𑌙𑍍𑌕𑍍𑌤𑌿 𑌶𑍍𑌛𑌨𑍍𑌦𑍋॑ 𑌬॒𑌸𑍍𑌤𑍋 𑌵𑌯𑍋॑ 𑌵𑌿𑌵॒𑌲-𑌞𑍍𑌛𑌨𑍍𑌦𑍋॑ 𑌵𑍃॒𑌷𑍍𑌣𑌿𑌰𑍍𑌵𑌯𑍋॑ 𑌵𑌿𑌶𑌾॒𑌲-𑌞𑍍𑌛𑌨𑍍𑌦𑌃॒ 𑌪𑍁𑌰𑍁॑𑌷𑍋॒ 𑌵𑌯॑ 𑌸𑍍𑌤॒𑌨𑍍𑌦𑍍𑌰-𑌞𑍍𑌛𑌨𑍍𑌦𑍋᳚ 𑌵𑍍𑌯𑌾॒𑌘𑍍𑌰𑍋 𑌵𑌯𑍋-𑌽𑌨𑌾॑𑌧𑍃𑌷𑍍𑌟॒-𑌞𑍍𑌛𑌨𑍍𑌦॑-𑌸𑍍𑌸𑌿॒𑌗𑍍𑌮𑍍॒𑌹𑍋 𑌵𑌯॑ 𑌶𑍍𑌛॒𑌦𑌿 𑌶𑍍𑌛𑌨𑍍𑌦𑍋॑ 𑌵𑌿𑌷𑍍𑌟॒𑌭𑍋𑌂-𑌵𑌁𑌯𑍋-𑌽𑌧𑌿॑𑌪𑌤𑌿॒ 𑌶𑍍𑌛𑌨𑍍𑌦𑌃॑, 𑌕𑍍𑌷॒𑌤𑍍𑌰𑌂-𑌵𑌁𑌯𑍋॒ 𑌮𑌯॑𑌨𑍍𑌦॒-𑌞𑍍𑌛𑌨𑍍𑌦𑍋॑ 𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌵𑌯𑌃॑ 𑌪𑌰𑌮𑍇॒𑌷𑍍𑌠𑍀 𑌛𑌨𑍍𑌦𑍋॑ 𑌮𑍂॒𑌰𑍍𑌧𑌾 𑌵𑌯𑌃॑ 𑌪𑍍𑌰॒𑌜𑌾𑌪॑𑌤𑌿॒ 𑌶𑍍𑌛𑌨𑍍𑌦𑌃॑ ॥ 10 ॥
(𑌪𑍁𑌰𑍁॑𑌷𑍋॒ 𑌵𑌯𑌃॒ – 𑌷-𑌡𑍍𑌵𑌿𑌗𑍍𑌮𑍍॑𑌶𑌤𑌿𑌶𑍍𑌚) (𑌅. 5)
𑌇𑌨𑍍𑌦𑍍𑌰𑌾᳚𑌗𑍍𑌨𑍀॒ 𑌅𑌵𑍍𑌯॑𑌥𑌮𑌾𑌨𑌾॒𑌮𑌿𑌷𑍍𑌟॑𑌕𑌾-𑌨𑍍𑌦𑍃𑌗𑍍𑌮𑍍𑌹𑌤𑌂-𑌯𑍁𑌁॒𑌵𑌮𑍍 । 𑌪𑍃॒𑌷𑍍𑌠𑍇𑌨॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॒𑌨𑍍𑌤𑌰𑌿॑𑌕𑍍𑌷-𑌞𑍍𑌚॒ 𑌵𑌿 𑌬𑌾॑𑌧𑌤𑌾𑌮𑍍 ॥ 𑌵𑌿॒𑌶𑍍𑌵𑌕॑𑌰𑍍𑌮𑌾 𑌤𑍍𑌵𑌾 𑌸𑌾𑌦𑌯𑌤𑍍𑌵॒𑌨𑍍𑌤𑌰𑌿॑𑌕𑍍𑌷𑌸𑍍𑌯 𑌪𑍃॒𑌷𑍍𑌠𑍇 𑌵𑍍𑌯𑌚॑𑌸𑍍𑌵𑌤𑍀॒-𑌮𑍍𑌪𑍍𑌰𑌥॑𑌸𑍍𑌵𑌤𑍀॒-𑌮𑍍𑌭𑌾𑌸𑍍𑌵॑𑌤𑍀𑌗𑍍𑌮𑍍 𑌸𑍂𑌰𑌿॒𑌮𑌤𑍀॒𑌮𑌾 𑌯𑌾 𑌦𑍍𑌯𑌾-𑌮𑍍𑌭𑌾𑌸𑍍𑌯𑌾 𑌪𑍃॑𑌥𑌿॒𑌵𑍀𑌮𑍋𑌰𑍍𑌵॑𑌨𑍍𑌤𑌰𑌿॑𑌕𑍍𑌷-𑌮॒𑌨𑍍𑌤𑌰𑌿॑𑌕𑍍𑌷𑌂-𑌯𑌁𑌚𑍍𑌛𑌾॒𑌨𑍍𑌤𑌰𑌿॑𑌕𑍍𑌷-𑌨𑍍𑌦𑍃𑌗𑍍𑌮𑍍𑌹𑌾॒𑌨𑍍𑌤𑌰𑌿॑𑌕𑍍𑌷॒-𑌮𑍍𑌮𑌾 𑌹𑌿𑌗𑍍𑌮𑍍॑𑌸𑍀॒ 𑌰𑍍𑌵𑌿𑌶𑍍𑌵॑𑌸𑍍𑌮𑍈 𑌪𑍍𑌰𑌾॒𑌣𑌾𑌯𑌾॑𑌪𑌾॒𑌨𑌾𑌯॑ 𑌵𑍍𑌯𑌾॒𑌨𑌾𑌯𑍋॑𑌦𑌾॒𑌨𑌾𑌯॑ 𑌪𑍍𑌰𑌤𑌿॒𑌷𑍍𑌠𑌾𑌯𑍈॑ 𑌚॒𑌰𑌿𑌤𑍍𑌰𑌾॑𑌯 𑌵𑌾॒𑌯𑍁𑌸𑍍𑌤𑍍𑌵𑌾॒-𑌽𑌭𑌿 𑌪𑌾॑𑌤𑍁 𑌮॒𑌹𑍍𑌯𑌾 𑌸𑍍𑌵॒𑌸𑍍𑌤𑍍𑌯𑌾 𑌛॒𑌰𑍍𑌦𑌿𑌷𑌾॒ [𑌛॒𑌰𑍍𑌦𑌿𑌷𑌾᳚, 𑌶𑌨𑍍𑌤॑𑌮𑍇𑌨॒ 𑌤𑌯𑌾॑] 11
𑌶𑌨𑍍𑌤॑𑌮𑍇𑌨॒ 𑌤𑌯𑌾॑ 𑌦𑍇॒𑌵॑𑌤𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 𑌰𑌾𑌜𑍍𑌞𑍍𑌯॑𑌸𑌿॒ 𑌪𑍍𑌰𑌾𑌚𑍀॒ 𑌦𑌿𑌗𑍍-𑌵𑌿॒𑌰𑌾𑌡॑𑌸𑌿 𑌦𑌕𑍍𑌷𑌿॒𑌣𑌾 𑌦𑌿-𑌖𑍍𑌸॒𑌮𑍍𑌰𑌾𑌡॑𑌸𑌿 𑌪𑍍𑌰॒𑌤𑍀𑌚𑍀॒ 𑌦𑌿𑌖𑍍-𑌸𑍍𑌵॒𑌰𑌾𑌡॒𑌸𑍍𑌯𑍁𑌦𑍀॑𑌚𑍀॒ 𑌦𑌿𑌗𑌧𑌿॑𑌪𑌤𑍍𑌨𑍍𑌯𑌸𑌿 𑌬𑍃𑌹॒𑌤𑍀 𑌦𑌿𑌗𑌾𑌯𑍁॑𑌰𑍍𑌮𑍇 𑌪𑌾𑌹𑌿 𑌪𑍍𑌰𑌾॒𑌣-𑌮𑍍𑌮𑍇॑ 𑌪𑌾𑌹𑍍𑌯𑌪𑌾॒𑌨-𑌮𑍍𑌮𑍇॑ 𑌪𑌾𑌹𑌿 𑌵𑍍𑌯𑌾॒𑌨-𑌮𑍍𑌮𑍇॑ 𑌪𑌾𑌹𑌿॒ 𑌚𑌕𑍍𑌷𑍁॑𑌰𑍍𑌮𑍇 𑌪𑌾𑌹𑌿॒ 𑌶𑍍𑌰𑍋𑌤𑍍𑌰॑-𑌮𑍍𑌮𑍇 𑌪𑌾𑌹𑌿॒ 𑌮𑌨𑍋॑ 𑌮𑍇 𑌜𑌿𑌨𑍍𑌵॒ 𑌵𑌾𑌚॑-𑌮𑍍𑌮𑍇 𑌪𑌿𑌨𑍍𑌵𑌾॒ 𑌽𑌽𑌤𑍍𑌮𑌾𑌨॑-𑌮𑍍𑌮𑍇 𑌪𑌾𑌹𑌿॒ 𑌜𑍍𑌯𑍋𑌤𑌿॑𑌰𑍍𑌮𑍇 𑌯𑌚𑍍𑌛 ॥ 12 ॥
(𑌛॒𑌰𑍍𑌦𑌿𑌷𑌾॑ – 𑌪𑌿𑌨𑍍𑌵॒ – 𑌷𑌟𑍍𑌚॑) (𑌅. 6)
𑌮𑌾 𑌛𑌨𑍍𑌦𑌃॑ 𑌪𑍍𑌰॒𑌮𑌾 𑌛𑌨𑍍𑌦𑌃॑ 𑌪𑍍𑌰𑌤𑌿॒𑌮𑌾 𑌛𑌨𑍍𑌦𑍋᳚-𑌽𑌸𑍍𑌰𑍀॒𑌵𑌿 𑌶𑍍𑌛𑌨𑍍𑌦𑌃॑ 𑌪॒𑌙𑍍𑌕𑍍𑌤𑌿 𑌶𑍍𑌛𑌨𑍍𑌦॑ 𑌉॒𑌷𑍍𑌣𑌿𑌹𑌾॒ 𑌛𑌨𑍍𑌦𑍋॑ 𑌬𑍃𑌹॒𑌤𑍀 𑌛𑌨𑍍𑌦𑍋॑-𑌽𑌨𑍁॒𑌷𑍍𑌟𑍁-𑌪𑍍𑌛𑌨𑍍𑌦𑍋॑ 𑌵𑌿॒𑌰𑌾𑌟𑍍 𑌛𑌨𑍍𑌦𑍋॑ 𑌗𑌾𑌯॒𑌤𑍍𑌰𑍀 𑌛𑌨𑍍𑌦॑-𑌸𑍍𑌤𑍍𑌰𑌿॒𑌷𑍍𑌟𑍁-𑌪𑍍𑌛𑌨𑍍𑌦𑍋॒ 𑌜𑌗॑𑌤𑍀॒ 𑌛𑌨𑍍𑌦𑌃॑ 𑌪𑍃𑌥𑌿॒𑌵𑍀 𑌛𑌨𑍍𑌦𑍋॒ 𑌽𑌨𑍍𑌤𑌰𑌿॑𑌕𑍍𑌷॒-𑌞𑍍𑌛𑌨𑍍𑌦𑍋॒ 𑌦𑍍𑌯𑍌 𑌶𑍍𑌛𑌨𑍍𑌦॒-𑌸𑍍𑌸𑌮𑌾॒ 𑌶𑍍𑌛𑌨𑍍𑌦𑍋॒ 𑌨𑌕𑍍𑌷॑𑌤𑍍𑌰𑌾𑌣𑌿॒ 𑌛𑌨𑍍𑌦𑍋॒ 𑌮𑌨॒ 𑌶𑍍𑌛𑌨𑍍𑌦𑍋॒ 𑌵𑌾𑌕𑍍 𑌛𑌨𑍍𑌦𑌃॑ 𑌕𑍃॒𑌷𑌿 𑌶𑍍𑌛𑌨𑍍𑌦𑍋॒ 𑌹𑌿𑌰॑𑌣𑍍𑌯॒-𑌞𑍍𑌛𑌨𑍍𑌦𑍋॒ 𑌗𑍌 𑌶𑍍𑌛𑌨𑍍𑌦𑍋॒ 𑌽𑌜𑌾 𑌛𑌨𑍍𑌦𑍋 𑌽𑌶𑍍𑌵॒ 𑌶𑍍𑌛𑌨𑍍𑌦𑌃॑ ॥ 𑌅॒𑌗𑍍𑌨𑌿𑌰𑍍𑌦𑍇॒𑌵𑌤𑌾॒ [𑌅॒𑌗𑍍𑌨𑌿𑌰𑍍𑌦𑍇॒𑌵𑌤𑌾᳚, 𑌵𑌾𑌤𑍋॑ 𑌦𑍇॒𑌵𑌤𑌾॒] 13
𑌵𑌾𑌤𑍋॑ 𑌦𑍇॒𑌵𑌤𑌾॒ 𑌸𑍂𑌰𑍍𑌯𑍋॑ 𑌦𑍇॒𑌵𑌤𑌾॑ 𑌚॒𑌨𑍍𑌦𑍍𑌰𑌮𑌾॑ 𑌦𑍇॒𑌵𑌤𑌾॒ 𑌵𑌸॑𑌵𑍋 𑌦𑍇॒𑌵𑌤𑌾॑ 𑌰𑍁॒𑌦𑍍𑌰𑌾 𑌦𑍇॒𑌵𑌤𑌾॑ 𑌽𑌽𑌦𑌿॒𑌤𑍍𑌯𑌾 𑌦𑍇॒𑌵𑌤𑌾॒ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌦𑍇॒𑌵𑌤𑌾॑ 𑌮॒𑌰𑍁𑌤𑍋॑ 𑌦𑍇॒𑌵𑌤𑌾॒ 𑌬𑍃𑌹॒𑌸𑍍𑌪𑌤𑌿॑ 𑌰𑍍𑌦𑍇॒𑌵𑌤𑍇𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾॒ 𑌵𑌰𑍁॑𑌣𑍋 𑌦𑍇॒𑌵𑌤𑌾॑ 𑌮𑍂॒𑌰𑍍𑌧𑌾-𑌽𑌸𑌿॒ 𑌰𑌾-𑌡𑍍𑌧𑍍𑌰𑍁॒𑌵𑌾-𑌽𑌸𑌿॑ 𑌧॒𑌰𑍁𑌣𑌾॑ 𑌯॒𑌨𑍍𑌤𑍍𑌰𑍍𑌯॑𑌸𑌿॒ 𑌯𑌮𑌿॑𑌤𑍍𑌰𑍀॒𑌷𑍇 𑌤𑍍𑌵𑍋॒𑌰𑍍𑌜𑍇 𑌤𑍍𑌵𑌾॑ 𑌕𑍃॒𑌷𑍍𑌯𑍈 𑌤𑍍𑌵𑌾॒ 𑌕𑍍𑌷𑍇𑌮𑌾॑𑌯 𑌤𑍍𑌵𑌾॒ 𑌯𑌨𑍍𑌤𑍍𑌰𑍀॒ 𑌰𑌾-𑌡𑍍𑌧𑍍𑌰𑍁॒𑌵𑌾-𑌽𑌸𑌿॒ 𑌧𑌰॑𑌣𑍀 𑌧॒𑌰𑍍𑌤𑍍𑌰𑍍𑌯॑𑌸𑌿॒ 𑌧𑌰𑌿॒𑌤𑍍𑌰𑍍𑌯𑌾𑌯𑍁॑𑌷𑍇 𑌤𑍍𑌵𑌾॒ 𑌵𑌰𑍍𑌚॑𑌸𑍇॒ 𑌤𑍍𑌵𑍌𑌜॑𑌸𑍇 𑌤𑍍𑌵𑌾॒ 𑌬𑌲𑌾॑𑌯 𑌤𑍍𑌵𑌾 ॥ 14 ॥
(𑌦𑍇॒𑌵𑌤𑌾 – 𑌽𑌽𑌯𑍁॑𑌷𑍇 𑌤𑍍𑌵𑌾॒ – 𑌷𑌟𑍍 𑌚॑ ) (𑌅. )
𑌆॒𑌶𑍁𑌸𑍍𑌤𑍍𑌰𑌿॒𑌵𑍃-𑌦𑍍𑌭𑌾॒𑌨𑍍𑌤𑌃 𑌪॑𑌞𑍍𑌚𑌦॒𑌶𑍋 𑌵𑍍𑌯𑍋॑𑌮 𑌸𑌪𑍍𑌤𑌦॒𑌶𑌃 𑌪𑍍𑌰𑌤𑍂᳚𑌰𑍍𑌤𑌿𑌰𑌷𑍍𑌟𑌾𑌦॒𑌶 𑌸𑍍𑌤𑌪𑍋॑ 𑌨𑌵𑌦॒𑌶𑍋॑ 𑌽𑌭𑌿𑌵॒𑌰𑍍𑌤-𑌸𑍍𑌸॑𑌵𑌿॒𑌗𑍍𑌮𑍍॒𑌶𑍋 𑌧॒𑌰𑍁𑌣॑ 𑌏𑌕𑌵𑌿॒𑌗𑍍𑌮𑍍॒𑌶𑍋 𑌵𑌰𑍍𑌚𑍋᳚ 𑌦𑍍𑌵𑌾𑌵𑌿॒𑌗𑍍𑌮𑍍॒𑌶-𑌸𑍍𑌸॒𑌮𑍍𑌭𑌰॑𑌣𑌸𑍍𑌤𑍍𑌰𑌯𑍋𑌵𑌿॒𑌗𑍍𑌮𑍍॒𑌶𑍋 𑌯𑍋𑌨𑌿॑𑌶𑍍𑌚𑌤𑍁𑌰𑍍𑌵𑌿॒𑌗𑍍𑌮𑍍॒𑌶𑍋 𑌗𑌰𑍍𑌭𑌾𑌃᳚ 𑌪𑌞𑍍𑌚𑌵𑌿॒𑌗𑍍𑌮𑍍॒𑌶 𑌓𑌜॑𑌸𑍍𑌤𑍍𑌰𑌿𑌣॒𑌵𑌃 𑌕𑍍𑌰𑌤𑍁॑𑌰𑍇𑌕𑌤𑍍𑌰𑌿॒𑌗𑍍𑌮𑍍॒𑌶𑌃 𑌪𑍍𑌰॑𑌤𑌿॒𑌷𑍍𑌠𑌾 𑌤𑍍𑌰॑𑌯𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑍋 𑌬𑍍𑌰॒𑌦𑍍𑌧𑍍𑌨𑌸𑍍𑌯॑ 𑌵𑌿॒𑌷𑍍𑌟𑌪॑-𑌞𑍍𑌚𑌤𑍁𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑍋 𑌨𑌾𑌕॑-𑌷𑍍𑌷𑌟𑍍𑌤𑍍𑌰𑌿॒𑌗𑍍𑌮𑍍॒𑌶𑍋 𑌵𑌿॑𑌵॒𑌰𑍍𑌤𑍋᳚-𑌽𑌷𑍍𑌟𑌾𑌚𑌤𑍍𑌵𑌾𑌰𑌿॒𑌗𑍍𑌮𑍍॒𑌶𑍋 𑌧॒𑌰𑍍𑌤𑍍𑌰𑌶𑍍𑌚॑𑌤𑍁𑌷𑍍𑌟𑍋॒𑌮𑌃 ॥ 15 ॥
(𑌆॒𑌶𑍁𑌃 – 𑌸॒𑌪𑍍𑌤𑌤𑍍𑌰𑌿𑌗𑍍𑌮𑍍॑𑌶𑌤𑍍) (𑌅. )
𑌅॒𑌗𑍍𑌨𑍇𑌰𑍍𑌭𑌾॒𑌗𑍋॑-𑌽𑌸𑌿 𑌦𑍀॒𑌕𑍍𑌷𑌾𑌯𑌾॒ 𑌆𑌧𑌿॑𑌪𑌤𑍍𑌯॒-𑌮𑍍𑌬𑍍𑌰𑌹𑍍𑌮॑ 𑌸𑍍𑌪𑍃॒𑌤-𑌨𑍍𑌤𑍍𑌰𑌿॒𑌵𑍃-𑌥𑍍𑌸𑍍𑌤𑍋𑌮॒ 𑌇𑌨𑍍𑌦𑍍𑌰॑𑌸𑍍𑌯 𑌭𑌾॒𑌗𑍋॑-𑌽𑌸𑌿॒ 𑌵𑌿𑌷𑍍𑌣𑍋॒𑌰𑌾𑌧𑌿॑𑌪𑌤𑍍𑌯-𑌙𑍍𑌕𑍍𑌷॒𑌤𑍍𑌰𑌗𑍍𑌗𑍍 𑌸𑍍𑌪𑍃॒𑌤-𑌮𑍍𑌪॑𑌞𑍍𑌚𑌦॒𑌶-𑌸𑍍𑌸𑍍𑌤𑍋𑌮𑍋॑ 𑌨𑍃॒𑌚𑌕𑍍𑌷॑𑌸𑌾-𑌮𑍍𑌭𑌾॒𑌗𑍋॑-𑌽𑌸𑌿 𑌧𑌾॒𑌤𑍁𑌰𑌾𑌧𑌿॑𑌪𑌤𑍍𑌯-𑌞𑍍𑌜॒𑌨𑌿𑌤𑍍𑌰𑌗𑍍𑌗𑍍॑ 𑌸𑍍𑌪𑍃॒𑌤𑌗𑍍𑌮𑍍 𑌸॑𑌪𑍍𑌤𑌦॒𑌶-𑌸𑍍𑌸𑍍𑌤𑍋𑌮𑍋॑ 𑌮𑌿॒𑌤𑍍𑌰𑌸𑍍𑌯॑ 𑌭𑌾॒𑌗𑍋॑-𑌽𑌸𑌿॒ 𑌵𑌰𑍁॑𑌣॒𑌸𑍍𑌯𑌾-𑌽𑌽𑌧𑌿॑𑌪𑌤𑍍𑌯-𑌨𑍍𑌦𑌿॒𑌵𑍋 𑌵𑍃॒𑌷𑍍𑌟𑌿𑌰𑍍𑌵𑌾𑌤𑌾᳚-𑌸𑍍𑌸𑍍𑌪𑍃॒𑌤𑌾 𑌏॑𑌕𑌵𑌿॒𑌗𑍍𑌮𑍍॒𑌶-𑌸𑍍𑌸𑍍𑌤𑍋𑌮𑍋-𑌽𑌦𑌿॑𑌤𑍍𑌯𑍈 𑌭𑌾॒𑌗𑍋॑-𑌽𑌸𑌿 𑌪𑍂॒𑌷𑍍𑌣 𑌆𑌧𑌿॑𑌪𑌤𑍍𑌯॒𑌮𑍋𑌜॑-𑌸𑍍𑌸𑍍𑌪𑍃॒𑌤-𑌨𑍍𑌤𑍍𑌰𑌿॑𑌣॒𑌵-𑌸𑍍𑌸𑍍𑌤𑍋𑌮𑍋॒ 𑌵𑌸𑍂॑𑌨𑌾-𑌮𑍍𑌭𑌾॒𑌗𑍋॑-𑌽𑌸𑌿 [ ] 16
𑌰𑍁॒𑌦𑍍𑌰𑌾𑌣𑌾॒𑌮𑌾𑌧𑌿॑𑌪𑌤𑍍𑌯॒-𑌞𑍍𑌚𑌤𑍁॑𑌷𑍍𑌪𑌾-𑌥𑍍𑌸𑍍𑌪𑍃॒𑌤-𑌞𑍍𑌚॑𑌤𑍁𑌰𑍍𑌵𑌿॒𑌗𑍍𑌮𑍍॒𑌶-𑌸𑍍𑌸𑍍𑌤𑍋𑌮॑ 𑌆𑌦𑌿॒𑌤𑍍𑌯𑌾𑌨𑌾᳚-𑌮𑍍𑌭𑌾॒𑌗𑍋॑-𑌽𑌸𑌿 𑌮॒𑌰𑍁𑌤𑌾॒𑌮𑌾𑌧𑌿॑𑌪𑌤𑍍𑌯॒-𑌙𑍍𑌗𑌰𑍍𑌭𑌾᳚-𑌸𑍍𑌸𑍍𑌪𑍃॒𑌤𑌾𑌃 𑌪॑𑌞𑍍𑌚𑌵𑌿॒𑌗𑍍𑌮𑍍॒𑌶-𑌸𑍍𑌸𑍍𑌤𑍋𑌮𑍋॑ 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁𑌰𑍍𑌭𑌾॒𑌗𑍋॑-𑌽𑌸𑌿॒ 𑌬𑍃𑌹॒𑌸𑍍𑌪𑌤𑍇॒𑌰𑌾𑌧𑌿॑𑌪𑌤𑍍𑌯𑌗𑍍𑌮𑍍 𑌸॒𑌮𑍀𑌚𑍀॒𑌰𑍍𑌦𑌿𑌶॑-𑌸𑍍𑌸𑍍𑌪𑍃॒𑌤𑌾𑌶𑍍𑌚॑𑌤𑍁𑌷𑍍𑌟𑍋॒𑌮-𑌸𑍍𑌸𑍍𑌤𑍋𑌮𑍋॒ 𑌯𑌾𑌵𑌾॑𑌨𑌾-𑌮𑍍𑌭𑌾॒𑌗𑍋᳚-𑌽𑌸𑍍𑌯𑌯𑌾॑𑌵𑌾𑌨𑌾॒𑌮𑌾𑌧𑌿॑𑌪𑌤𑍍𑌯-𑌮𑍍𑌪𑍍𑌰॒𑌜𑌾-𑌸𑍍𑌸𑍍𑌪𑍃॒𑌤𑌾-𑌶𑍍𑌚॑𑌤𑍁-𑌶𑍍𑌚𑌤𑍍𑌵𑌾𑌰𑌿॒𑌗𑍍𑌮𑍍॒𑌶-𑌸𑍍𑌸𑍍𑌤𑍋𑌮॑ 𑌋𑌭𑍂॒𑌣𑌾-𑌮𑍍𑌭𑌾॒𑌗𑍋॑-𑌽𑌸𑌿॒ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾॒𑌮𑌾𑌧𑌿॑𑌪𑌤𑍍𑌯-𑌮𑍍𑌭𑍂॒𑌤-𑌨𑍍𑌨𑌿𑌶𑌾᳚𑌨𑍍𑌤𑌗𑍍𑌗𑍍 𑌸𑍍𑌪𑍃॒𑌤-𑌨𑍍𑌤𑍍𑌰॑𑌯𑌸𑍍𑌤𑍍𑌰𑌿॒𑌗𑍍𑌮𑍍॒𑌶-𑌸𑍍𑌸𑍍𑌤𑍋𑌮𑌃॑ ॥ 1 ॥
(𑌵𑌸𑍂॑𑌨𑌾-𑌮𑍍𑌭𑌾॒𑌗𑍋॑-𑌽𑌸𑌿॒ – 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. )
𑌏𑌕॑𑌯𑌾-𑌽𑌸𑍍𑌤𑍁𑌵𑌤 𑌪𑍍𑌰॒𑌜𑌾 𑌅॑𑌧𑍀𑌯𑌨𑍍𑌤 𑌪𑍍𑌰॒𑌜𑌾𑌪॑𑌤𑌿॒𑌰𑌧𑌿॑𑌪𑌤𑌿𑌰𑌾𑌸𑍀-𑌤𑍍𑌤𑌿॒𑌸𑍃𑌭𑌿॑𑌰𑌸𑍍𑌤𑍁𑌵𑌤॒ 𑌬𑍍𑌰𑌹𑍍𑌮𑌾॑𑌸𑍃𑌜𑍍𑌯𑌤॒ 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿॒-𑌰𑌧𑌿॑𑌪𑌤𑌿𑌰𑌾𑌸𑍀-𑌤𑍍𑌪॒𑌞𑍍𑌚𑌭𑌿॑𑌰𑌸𑍍𑌤𑍁𑌵𑌤 𑌭𑍂॒𑌤𑌾𑌨𑍍𑌯॑𑌸𑍃𑌜𑍍𑌯𑌨𑍍𑌤 𑌭𑍂॒𑌤𑌾𑌨𑌾॒-𑌮𑍍𑌪𑌤𑌿॒𑌰𑌧𑌿॑𑌪𑌤𑌿𑌰𑌾𑌸𑍀-𑌥𑍍𑌸॒𑌪𑍍𑌤𑌭𑌿॑𑌰𑌸𑍍𑌤𑍁𑌵𑌤 𑌸𑌪𑍍𑌤॒𑌰𑍍॒𑌷𑌯𑍋॑-𑌽𑌸𑍃𑌜𑍍𑌯𑌨𑍍𑌤 𑌧𑌾॒𑌤𑌾-𑌧𑌿॑𑌪𑌤𑌿𑌰𑌾𑌸𑍀-𑌨𑍍𑌨॒𑌵𑌭𑌿॑𑌰𑌸𑍍𑌤𑍁𑌵𑌤 𑌪𑌿॒𑌤𑌰𑍋॑-𑌽𑌸𑍃𑌜𑍍𑌯॒𑌨𑍍𑌤𑌾-𑌽𑌦𑌿॑𑌤𑌿॒𑌰𑌧𑌿॑𑌪𑌤𑍍𑌨𑍍𑌯𑌾𑌸𑍀-𑌦𑍇𑌕𑌾𑌦॒𑌶𑌭𑌿॑-𑌰𑌸𑍍𑌤𑍁𑌵𑌤॒𑌰𑍍𑌤𑌵𑍋॑-𑌽 𑌸𑍃𑌜𑍍𑌯𑌨𑍍𑌤𑌾- 𑌽𑌽𑌰𑍍𑌤॒𑌵𑍋-𑌽𑌧𑌿॑𑌪𑌤𑌿-𑌰𑌾𑌸𑍀-𑌤𑍍𑌤𑍍𑌰𑌯𑍋𑌦॒𑌶𑌭𑌿॑-𑌰𑌸𑍍𑌤𑍁𑌵𑌤॒ 𑌮𑌾𑌸𑌾॑ 𑌅𑌸𑍃𑌜𑍍𑌯𑌨𑍍𑌤 𑌸𑌂𑌵𑌁𑌥𑍍𑌸॒𑌰𑍋-𑌽𑌧𑌿॑𑌪𑌤𑌿- [-𑌽𑌧𑌿॑𑌪𑌤𑌿𑌃, 𑌆॒𑌸𑍀॒-𑌤𑍍𑌪॒𑌞𑍍𑌚॒𑌦॒𑌶𑌭𑌿॑𑌰𑌸𑍍𑌤𑍁𑌵𑌤] 1
-𑌰𑌾𑌸𑍀-𑌤𑍍𑌪𑌞𑍍𑌚𑌦॒𑌶𑌭𑌿॑𑌰𑌸𑍍𑌤𑍁𑌵𑌤 𑌕𑍍𑌷॒𑌤𑍍𑌰𑌮॑𑌸𑍃𑌜𑍍𑌯॒𑌤𑍇𑌨𑍍𑌦𑍍𑌰𑍋 𑌽𑌧𑌿॑𑌪𑌤𑌿𑌰𑌾𑌸𑍀-𑌥𑍍𑌸𑌪𑍍𑌤𑌦॒𑌶𑌭𑌿॑𑌰𑌸𑍍𑌤𑍁𑌵𑌤 𑌪॒𑌶𑌵𑍋॑-𑌽𑌸𑍃𑌜𑍍𑌯𑌨𑍍𑌤॒ 𑌬𑍃𑌹॒𑌸𑍍𑌪𑌤𑌿॒𑌰𑌧𑌿॑𑌪𑌤𑌿-𑌰𑌾𑌸𑍀𑌨𑍍𑌨𑌵𑌦॒𑌶𑌭𑌿॑-𑌰𑌸𑍍𑌤𑍁𑌵𑌤 𑌶𑍂𑌦𑍍𑌰𑌾॒𑌰𑍍𑌯𑌾𑌵॑𑌸𑍃𑌜𑍍𑌯𑍇𑌤𑌾𑌮𑌹𑍋𑌰𑌾॒𑌤𑍍𑌰𑍇 𑌅𑌧𑌿॑𑌪𑌤𑍍𑌨𑍀 𑌆𑌸𑍍𑌤𑌾॒𑌮𑍇𑌕॑𑌵𑌿𑌗𑍍𑌮𑍍 𑌶𑌤𑍍𑌯𑌾-𑌽𑌸𑍍𑌤𑍁𑌵॒𑌤𑍈𑌕॑𑌶𑌫𑌾𑌃 𑌪॒𑌶𑌵𑍋॑-𑌽𑌸𑍃𑌜𑍍𑌯𑌨𑍍𑌤॒ 𑌵𑌰𑍁॒𑌣𑍋 𑌽𑌧𑌿॑𑌪𑌤𑌿𑌰𑌾𑌸𑍀॒-𑌤𑍍𑌤𑍍𑌰𑌯𑍋॑𑌵𑌿𑌗𑍍𑌮𑍍𑌶𑌤𑍍𑌯𑌾-𑌽𑌸𑍍𑌤𑍁𑌵𑌤 𑌕𑍍𑌷𑍁॒𑌦𑍍𑌰𑌾𑌃 𑌪॒𑌶𑌵𑍋॑-𑌽𑌸𑍃𑌜𑍍𑌯𑌨𑍍𑌤 𑌪𑍂॒𑌷𑌾 𑌽𑌧𑌿॑𑌪𑌤𑌿𑌰𑌾𑌸𑍀॒-𑌤𑍍𑌪𑌞𑍍𑌚॑𑌵𑌿𑌗𑍍𑌮𑍍𑌶𑌤𑍍𑌯𑌾 𑌽𑌸𑍍𑌤𑍁𑌵𑌤𑌾-𑌽𑌽𑌰॒𑌣𑍍𑌯𑌾𑌃 𑌪॒𑌶𑌵𑍋॑-𑌽𑌸𑍃𑌜𑍍𑌯𑌨𑍍𑌤 𑌵𑌾॒𑌯𑍁𑌰𑌧𑌿॑𑌪𑌤𑌿𑌰𑌾𑌸𑍀-𑌥𑍍𑌸॒𑌪𑍍𑌤𑌵𑌿𑌗𑍍𑌮𑍍॑𑌶𑌤𑍍𑌯𑌾-𑌽𑌸𑍍𑌤𑍁𑌵𑌤॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌵𑍍𑌯𑍈॑- [𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌵𑌿, 𑌈॒𑌤𑌾𑌂॒-𑌵𑌁𑌸॑𑌵𑍋 𑌰𑍁॒𑌦𑍍𑌰𑌾] 1
-𑌤𑌾𑌂॒-𑌵𑌁𑌸॑𑌵𑍋 𑌰𑍁॒𑌦𑍍𑌰𑌾 𑌆॑𑌦𑌿॒𑌤𑍍𑌯𑌾 𑌅𑌨𑍁॒ 𑌵𑍍𑌯𑌾॑𑌯॒-𑌨𑍍𑌤𑍇𑌷𑌾॒𑌮𑌾𑌧𑌿॑𑌪𑌤𑍍𑌯𑌮𑌾𑌸𑍀॒-𑌨𑍍𑌨𑌵॑𑌵𑌿𑌗𑍍𑌮𑍍 𑌶𑌤𑍍𑌯𑌾-𑌽𑌸𑍍𑌤𑍁𑌵𑌤॒ 𑌵𑌨॒𑌸𑍍𑌪𑌤॑𑌯𑍋-𑌽𑌸𑍃𑌜𑍍𑌯𑌨𑍍𑌤॒ 𑌸𑍋𑌮𑍋 𑌽𑌧𑌿॑𑌪𑌤𑌿𑌰𑌾𑌸𑍀॒-𑌦𑍇𑌕॑𑌤𑍍𑌰𑌿𑌗𑍍𑌮𑍍𑌶𑌤𑌾 𑌽𑌸𑍍𑌤𑍁𑌵𑌤 𑌪𑍍𑌰॒𑌜𑌾 𑌅॑𑌸𑍃𑌜𑍍𑌯𑌨𑍍𑌤॒ 𑌯𑌾𑌵𑌾॑𑌨𑌾॒-𑌞𑍍𑌚𑌾𑌯𑌾॑𑌵𑌾𑌨𑌾॒-𑌞𑍍𑌚𑌾-𑌽𑌽𑌧𑌿॑𑌪𑌤𑍍𑌯𑌮𑌾𑌸𑍀॒-𑌤𑍍𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌮𑍍𑌶𑌤𑌾 𑌽𑌸𑍍𑌤𑍁𑌵𑌤 𑌭𑍂॒𑌤𑌾𑌨𑍍𑌯॑𑌶𑌾𑌮𑍍𑌯-𑌨𑍍𑌪𑍍𑌰॒𑌜𑌾𑌪॑𑌤𑌿𑌃 𑌪𑌰𑌮𑍇॒𑌷𑍍𑌠𑍍𑌯𑌧𑌿॑𑌪𑌤𑌿𑌰𑌾𑌸𑍀𑌤𑍍 ॥ 20 ॥
(𑌸𑌂॒𑌵𑌁॒𑌥𑍍𑌸॒𑌰𑍋-𑌽𑌧𑌿॑𑌪𑌤𑌿॒- 𑌰𑍍𑌵𑌿 – 𑌪𑌞𑍍𑌚॑𑌤𑍍𑌰𑌿𑌗𑍍𑌮𑍍𑌶𑌚𑍍𑌚) (𑌅. 10)
𑌇॒𑌯𑌮𑍇॒𑌵 𑌸𑌾 𑌯𑌾 𑌪𑍍𑌰॑𑌥॒𑌮𑌾 𑌵𑍍𑌯𑍌𑌚𑍍𑌛॑𑌦॒𑌨𑍍𑌤𑌰॒𑌸𑍍𑌯𑌾-𑌞𑍍𑌚॑𑌰𑌤𑌿॒ 𑌪𑍍𑌰𑌵𑌿॑𑌷𑍍𑌟𑌾 । 𑌵॒𑌧𑍂𑌰𑍍𑌜॑𑌜𑌾𑌨 𑌨𑌵॒𑌗𑌜𑍍𑌜𑌨𑌿॑𑌤𑍍𑌰𑍀॒ 𑌤𑍍𑌰𑌯॑ 𑌏𑌨𑌾-𑌮𑍍𑌮𑌹𑌿॒𑌮𑌾𑌨॑-𑌸𑍍𑌸𑌚𑌨𑍍𑌤𑍇 ॥ 𑌛𑌨𑍍𑌦॑𑌸𑍍𑌵𑌤𑍀 𑌉॒𑌷𑌸𑌾॒ 𑌪𑍇𑌪𑌿॑𑌶𑌾𑌨𑍇 𑌸𑌮𑌾॒𑌨𑌂-𑌯𑍋𑌁𑌨𑌿॒𑌮𑌨𑍁॑ 𑌸॒𑌞𑍍𑌚𑌰॑𑌨𑍍𑌤𑍀 । 𑌸𑍂𑌰𑍍𑌯॑𑌪𑌤𑍍𑌨𑍀॒ 𑌵𑌿 𑌚॑𑌰𑌤𑌃 𑌪𑍍𑌰𑌜𑌾𑌨॒𑌤𑍀 𑌕𑍇॒𑌤𑍁-𑌙𑍍𑌕𑍃॑𑌣𑍍𑌵𑌾॒𑌨𑍇 𑌅॒𑌜𑌰॒ 𑌭𑍂𑌰𑌿॑𑌰𑍇𑌤𑌸𑌾 ॥ 𑌋॒𑌤𑌸𑍍𑌯॒ 𑌪𑌨𑍍𑌥𑌾॒𑌮𑌨𑍁॑ 𑌤𑌿॒𑌸𑍍𑌰 𑌆-𑌽𑌗𑍁॒𑌸𑍍𑌤𑍍𑌰𑌯𑍋॑ 𑌘॒𑌰𑍍𑌮𑌾𑌸𑍋॒ 𑌅𑌨𑍁॒ 𑌜𑍍𑌯𑍋𑌤𑌿॒𑌷𑌾-𑌽𑌽𑌗𑍁𑌃॑ । 𑌪𑍍𑌰॒𑌜𑌾𑌮𑍇𑌕𑌾॒ 𑌰𑌕𑍍𑌷॒𑌤𑍍𑌯𑍂𑌰𑍍𑌜॒𑌮𑍇𑌕𑌾᳚ [ ] 21
𑌵𑍍𑌰॒𑌤𑌮𑍇𑌕𑌾॑ 𑌰𑌕𑍍𑌷𑌤𑌿 𑌦𑍇𑌵𑌯𑍂॒𑌨𑌾𑌮𑍍 ॥ 𑌚॒𑌤𑍁॒𑌷𑍍𑌟𑍋॒𑌮𑍋 𑌅॑𑌭𑌵॒𑌦𑍍𑌯𑌾 𑌤𑍁॒𑌰𑍀𑌯𑌾॑ 𑌯॒𑌜𑍍𑌞𑌸𑍍𑌯॑ 𑌪॒𑌕𑍍𑌷𑌾𑌵𑍃॑𑌷𑌯𑍋॒ 𑌭𑌵॑𑌨𑍍𑌤𑍀 । 𑌗𑌾॒𑌯॒𑌤𑍍𑌰𑍀-𑌨𑍍𑌤𑍍𑌰𑌿॒𑌷𑍍𑌟𑍁𑌭॒-𑌞𑍍𑌜॑𑌗𑌤𑍀𑌮𑌨𑍁॒𑌷𑍍𑌟𑍁𑌭॑-𑌮𑍍𑌬𑍃॒𑌹𑌦॒𑌰𑍍𑌕𑌂-𑌯𑍁𑌁॑𑌞𑍍𑌜𑌾॒𑌨𑌾-𑌸𑍍𑌸𑍁𑌵॒𑌰𑌾-𑌽𑌭॑𑌰𑌨𑍍𑌨𑌿॒𑌦𑌮𑍍 ॥ 𑌪॒𑌞𑍍𑌚𑌭𑌿॑𑌰𑍍𑌧𑌾॒𑌤𑌾 𑌵𑌿 𑌦॑𑌧𑌾𑌵𑌿॒𑌦𑌂-𑌯𑌁-𑌤𑍍𑌤𑌾𑌸𑌾॒𑌗𑍍॒ 𑌸𑍍𑌵𑌸𑍄॑𑌰𑌜𑌨𑌯॒-𑌤𑍍𑌪𑌞𑍍𑌚॑𑌪𑌞𑍍𑌚 । 𑌤𑌾𑌸𑌾॑𑌮𑍁 𑌯𑌨𑍍𑌤𑌿 𑌪𑍍𑌰𑌯॒𑌵𑍇𑌣॒ 𑌪𑌞𑍍𑌚॒ 𑌨𑌾𑌨𑌾॑ 𑌰𑍂॒𑌪𑌾𑌣𑌿॒ 𑌕𑍍𑌰𑌤॑𑌵𑍋॒ 𑌵𑌸𑌾॑𑌨𑌾𑌃 ॥ 𑌤𑍍𑌰𑌿॒𑌗𑍍𑌮𑍍॒𑌶-𑌥𑍍𑌸𑍍𑌵𑌸𑌾॑𑌰॒ 𑌉𑌪॑𑌯𑌨𑍍𑌤𑌿 𑌨𑌿𑌷𑍍𑌕𑍃॒𑌤𑌗𑍍𑌮𑍍 𑌸॑𑌮𑌾॒𑌨-𑌙𑍍𑌕𑍇॒𑌤𑍁-𑌮𑍍𑌪𑍍𑌰॑𑌤𑌿𑌮𑍁॒𑌞𑍍𑌚𑌮𑌾॑𑌨𑌾𑌃 । 22
𑌋॒𑌤𑍂𑌗𑍍𑌸𑍍𑌤॑𑌨𑍍𑌵𑌤𑍇 𑌕॒𑌵𑌯𑌃॑ 𑌪𑍍𑌰𑌜𑌾𑌨॒𑌤𑍀𑌰𑍍𑌮𑌦𑍍𑌧𑍍𑌯𑍇॑𑌛𑌨𑍍𑌦𑌸𑌃॒ 𑌪𑌰𑌿॑ 𑌯𑌨𑍍𑌤𑌿॒ 𑌭𑌾𑌸𑍍𑌵॑𑌤𑍀𑌃 ॥ 𑌜𑍍𑌯𑍋𑌤𑌿॑𑌷𑍍𑌮𑌤𑍀॒ 𑌪𑍍𑌰𑌤𑌿॑ 𑌮𑍁𑌞𑍍𑌚𑌤𑍇॒ 𑌨𑌭𑍋॒ 𑌰𑌾𑌤𑍍𑌰𑍀॑ 𑌦𑍇॒𑌵𑍀 𑌸𑍂𑌰𑍍𑌯॑𑌸𑍍𑌯 𑌵𑍍𑌰॒𑌤𑌾𑌨𑌿॑ । 𑌵𑌿 𑌪॑𑌶𑍍𑌯𑌨𑍍𑌤𑌿 𑌪॒𑌶𑌵𑍋॒ 𑌜𑌾𑌯॑𑌮𑌾𑌨𑌾॒ 𑌨𑌾𑌨𑌾॑𑌰𑍂𑌪𑌾 𑌮𑌾॒𑌤𑍁𑌰॒𑌸𑍍𑌯𑌾 𑌉॒𑌪𑌸𑍍𑌥𑍇᳚ ॥ 𑌏॒𑌕𑌾॒𑌷𑍍𑌟॒𑌕𑌾 𑌤𑌪॑𑌸𑌾॒ 𑌤𑌪𑍍𑌯॑𑌮𑌾𑌨𑌾 𑌜॒𑌜𑌾𑌨॒ 𑌗𑌰𑍍𑌭॑-𑌮𑍍𑌮𑌹𑌿॒𑌮𑌾𑌨॒𑌮𑌿𑌨𑍍𑌦𑍍𑌰᳚𑌮𑍍 । 𑌤𑍇𑌨॒ 𑌦𑌸𑍍𑌯𑍂॒𑌨𑍍 𑌵𑍍𑌯॑𑌸𑌹𑌨𑍍𑌤 𑌦𑍇॒𑌵𑌾 𑌹॒𑌨𑍍𑌤𑌾-𑌽𑌸𑍁॑𑌰𑌾𑌣𑌾-𑌮𑌭𑌵॒𑌚𑍍𑌛𑌚𑍀॑𑌭𑌿𑌃 ॥ 𑌅𑌨𑌾॑𑌨𑍁𑌜𑌾𑌮𑌨𑍁॒𑌜𑌾-𑌮𑍍𑌮𑌾𑌮॑𑌕𑌰𑍍𑌤 𑌸॒𑌤𑍍𑌯𑌂-𑌵𑌁𑌦॒𑌨𑍍𑌤𑍍𑌯𑌨𑍍𑌵𑌿॑𑌚𑍍𑌛 𑌏॒𑌤𑌤𑍍 । 𑌭𑍂॒𑌯𑌾𑌸॑- [𑌭𑍂॒𑌯𑌾𑌸᳚𑌮𑍍, 𑌅॒𑌸𑍍𑌯॒ 𑌸𑍁॒𑌮॒𑌤𑍌 𑌯𑌥𑌾॑] 23
𑌮𑌸𑍍𑌯 𑌸𑍁𑌮॒𑌤𑍌 𑌯𑌥𑌾॑ 𑌯𑍂॒𑌯𑌮॒𑌨𑍍𑌯𑌾 𑌵𑍋॑ 𑌅॒𑌨𑍍𑌯𑌾𑌮𑌤𑌿॒ 𑌮𑌾 𑌪𑍍𑌰 𑌯𑍁॑𑌕𑍍𑌤 ॥ 𑌅𑌭𑍂॒𑌨𑍍𑌮𑌮॑ 𑌸𑍁𑌮॒𑌤𑍌 𑌵𑌿॒𑌶𑍍𑌵𑌵𑍇॑𑌦𑌾॒ 𑌆𑌷𑍍𑌟॑ 𑌪𑍍𑌰𑌤𑌿॒𑌷𑍍𑌠𑌾𑌮𑌵𑌿॑𑌦॒𑌦𑍍𑌧𑌿 𑌗𑌾॒𑌧𑌮𑍍 । 𑌭𑍂॒𑌯𑌾𑌸॑𑌮𑌸𑍍𑌯 𑌸𑍁𑌮॒𑌤𑍌 𑌯𑌥𑌾॑ 𑌯𑍂॒𑌯𑌮॒𑌨𑍍𑌯𑌾 𑌵𑍋॑ 𑌅॒𑌨𑍍𑌯𑌾𑌮𑌤𑌿॒ 𑌮𑌾 𑌪𑍍𑌰𑌯𑍁॑𑌕𑍍𑌤 ॥ 𑌪𑌞𑍍𑌚॒ 𑌵𑍍𑌯𑍁॑𑌷𑍍𑌟𑍀॒𑌰𑌨𑍁॒ 𑌪𑌞𑍍𑌚॒ 𑌦𑍋𑌹𑌾॒ 𑌗𑌾-𑌮𑍍𑌪𑌞𑍍𑌚॑𑌨𑌾𑌮𑍍𑌨𑍀𑌮𑍃॒𑌤𑌵𑍋-𑌽𑌨𑍁॒ 𑌪𑌞𑍍𑌚॑ । 𑌪𑌞𑍍𑌚॒ 𑌦𑌿𑌶𑌃॑ 𑌪𑌞𑍍𑌚𑌦॒𑌶𑍇𑌨॑ 𑌕𑍢॒𑌪𑍍𑌤𑌾-𑌸𑍍𑌸॑𑌮𑌾॒𑌨𑌮𑍂᳚𑌰𑍍𑌧𑍍𑌨𑍀𑌰॒𑌭𑌿 𑌲𑍋॒𑌕𑌮𑍇𑌕᳚𑌮𑍍 ॥ 24 ॥
𑌋॒𑌤𑌸𑍍𑌯॒ 𑌗𑌰𑍍𑌭𑌃॑ 𑌪𑍍𑌰𑌥॒𑌮𑌾 𑌵𑍍𑌯𑍂॒𑌷𑍁𑌷𑍍𑌯॒𑌪𑌾𑌮𑍇𑌕𑌾॑ 𑌮𑌹𑌿॒𑌮𑌾𑌨॑-𑌮𑍍𑌬𑌿𑌭𑌰𑍍𑌤𑌿 । 𑌸𑍂𑌰𑍍𑌯॒𑌸𑍍𑌯𑍈𑌕𑌾॒ 𑌚𑌰॑𑌤𑌿 𑌨𑌿𑌷𑍍𑌕𑍃॒𑌤𑍇𑌷𑍁॑ 𑌘॒𑌰𑍍𑌮𑌸𑍍𑌯𑍈𑌕𑌾॑ 𑌸𑌵𑌿॒𑌤𑍈𑌕𑌾॒-𑌨𑍍𑌨𑌿 𑌯॑𑌚𑍍𑌛𑌤𑌿 ॥ 𑌯𑌾 𑌪𑍍𑌰॑𑌥॒𑌮𑌾 𑌵𑍍𑌯𑍌𑌚𑍍𑌛॒-𑌥𑍍𑌸𑌾 𑌧𑍇॒𑌨𑍁𑌰॑𑌭𑌵𑌦𑍍𑌯॒𑌮𑍇 । 𑌸𑌾 𑌨𑌃॒ 𑌪𑌯॑𑌸𑍍𑌵𑌤𑍀 𑌧𑍁॒𑌕𑍍𑌷𑍍𑌵𑍋𑌤𑍍𑌤॑𑌰𑌾𑌮𑍁𑌤𑍍𑌤𑌰𑌾॒𑌗𑍍𑌮𑍍॒ 𑌸𑌮𑌾᳚𑌮𑍍 ॥ 𑌶𑍁॒𑌕𑍍𑌰𑌰𑍍𑌷॑𑌭𑌾॒ 𑌨𑌭॑𑌸𑌾॒ 𑌜𑍍𑌯𑍋𑌤𑌿॒𑌷𑌾 𑌽𑌽𑌗𑌾᳚-𑌦𑍍𑌵𑌿॒𑌶𑍍𑌵𑌰𑍂॑𑌪𑌾 𑌶𑌬॒𑌲𑍀𑌰॒𑌗𑍍𑌨𑌿𑌕𑍇॑𑌤𑍁𑌃 । 𑌸॒𑌮𑌾॒𑌨𑌮𑌰𑍍𑌥𑌗𑍍𑌗𑍍॑ 𑌸𑍍𑌵𑌪॒𑌸𑍍𑌯𑌮𑌾॑𑌨𑌾॒ 𑌬𑌿𑌭𑍍𑌰॑𑌤𑍀 𑌜॒𑌰𑌾𑌮॑𑌜𑌰 𑌉𑌷॒ 𑌆-𑌽𑌗𑌾𑌃᳚ ॥ 𑌋॒𑌤𑍂॒𑌨𑌾-𑌮𑍍𑌪𑌤𑍍𑌨𑍀᳚ 𑌪𑍍𑌰𑌥॒𑌮𑍇𑌯𑌮𑌾-𑌽𑌗𑌾॒𑌦𑌹𑍍𑌨𑌾᳚-𑌨𑍍𑌨𑍇॒𑌤𑍍𑌰𑍀 𑌜॑𑌨𑌿॒𑌤𑍍𑌰𑍀 𑌪𑍍𑌰॒𑌜𑌾𑌨𑌾᳚𑌮𑍍 । 𑌏𑌕𑌾॑ 𑌸॒𑌤𑍀 𑌬॑𑌹𑍁॒𑌧𑍋𑌷𑍋॒ 𑌵𑍍𑌯𑍁॑𑌚𑍍𑌛॒𑌸𑍍𑌯𑌜𑍀᳚𑌰𑍍𑌣𑌾॒ 𑌤𑍍𑌵-𑌞𑍍𑌜॑𑌰𑌯𑌸𑌿॒ 𑌸𑌰𑍍𑌵॑𑌮॒𑌨𑍍𑌯𑌤𑍍 ॥ 25 ॥
(𑌊𑌰𑍍𑌜॒𑌮𑍇𑌕𑌾᳚ – 𑌪𑍍𑌰𑌤𑌿𑌮𑍁॒𑌞𑍍𑌚𑌮𑌾॑𑌨𑌾 – 𑌭𑍂॒𑌯𑌾𑌸॒ – 𑌮𑍇𑌕𑌂॒ – 𑌪𑌤𑍍𑌨𑍍𑌯𑍇 𑌕𑌾॒𑌨𑍍𑌨 𑌵𑌿𑌗𑍍𑌮𑍍॑𑌶॒𑌤𑌿𑌶𑍍𑌚॑) (𑌅. 11)
𑌅𑌗𑍍𑌨𑍇॑ 𑌜𑌾॒𑌤𑌾-𑌨𑍍𑌪𑍍𑌰𑌣𑍁॑𑌦𑌾 𑌨-𑌸𑍍𑌸॒𑌪𑌤𑍍𑌨𑌾॒-𑌨𑍍𑌪𑍍𑌰𑌤𑍍𑌯𑌜𑌾॑𑌤𑌾𑌞𑍍𑌜𑌾𑌤𑌵𑍇𑌦𑍋 𑌨𑍁𑌦𑌸𑍍𑌵 । 𑌅॒𑌸𑍍𑌮𑍇 𑌦𑍀॑𑌦𑌿𑌹𑌿 𑌸𑍁॒𑌮𑌨𑌾॒ 𑌅𑌹𑍇॑𑌡॒-𑌨𑍍𑌤𑌵॑ 𑌸𑍍𑌯𑌾॒𑌗𑍍𑌮𑍍॒ 𑌶𑌰𑍍𑌮॑-𑌨𑍍𑌤𑍍𑌰𑌿॒𑌵𑌰𑍂॑𑌥 𑌉॒𑌦𑍍𑌭𑌿𑌤𑍍 ॥ 𑌸𑌹॑𑌸𑌾 𑌜𑌾॒𑌤𑌾-𑌨𑍍𑌪𑍍𑌰𑌣𑍁॑𑌦𑌾𑌨-𑌸𑍍𑌸॒𑌪𑌤𑍍𑌨𑌾॒-𑌨𑍍𑌪𑍍𑌰𑌤𑍍𑌯𑌜𑌾॑𑌤𑌾𑌞𑍍𑌜𑌾𑌤𑌵𑍇𑌦𑍋 𑌨𑍁𑌦𑌸𑍍𑌵 । 𑌅𑌧𑌿॑ 𑌨𑍋 𑌬𑍍𑌰𑍂𑌹𑌿 𑌸𑍁𑌮𑌨॒𑌸𑍍𑌯𑌮𑌾॑𑌨𑍋 𑌵॒𑌯𑌗𑍍𑌗𑍍 𑌸𑍍𑌯𑌾॑𑌮॒ 𑌪𑍍𑌰𑌣𑍁॑𑌦𑌾 𑌨-𑌸𑍍𑌸॒𑌪𑌤𑍍𑌨𑌾𑌨𑍍॑ ॥ 𑌚॒𑌤𑍁॒𑌶𑍍𑌚॒𑌤𑍍𑌵𑌾॒𑌰𑌿॒𑌗𑍍𑌮𑍍॒𑌶-𑌸𑍍𑌸𑍍𑌤𑍋𑌮𑍋॒ 𑌵𑌰𑍍𑌚𑍋॒ 𑌦𑍍𑌰𑌵𑌿॑𑌣𑌗𑍍𑌮𑍍 𑌷𑍋𑌡॒𑌶-𑌸𑍍𑌸𑍍𑌤𑍋𑌮॒ 𑌓𑌜𑍋॒ 𑌦𑍍𑌰𑌵𑌿॑𑌣-𑌮𑍍𑌪𑍃𑌥𑌿॒𑌵𑍍𑌯𑌾𑌃 𑌪𑍁𑌰𑍀॑𑌷𑌮॒- [𑌪𑍁𑌰𑍀॑𑌷𑌮𑌸𑌿, 𑌅𑌫𑍍𑌸𑍋॒ 𑌨𑌾𑌮॑ ।] 26
-𑌸𑍍𑌯𑌫𑍍𑌸𑍋॒ 𑌨𑌾𑌮॑ । 𑌏𑌵॒ 𑌶𑍍𑌛𑌨𑍍𑌦𑍋॒ 𑌵𑌰𑌿॑𑌵॒ 𑌶𑍍𑌛𑌨𑍍𑌦॑-𑌶𑍍𑌶॒𑌭𑍂𑌂 𑌶𑍍𑌛𑌨𑍍𑌦𑌃॑ 𑌪𑌰𑌿॒𑌭𑍂 𑌶𑍍𑌛𑌨𑍍𑌦॑ 𑌆॒𑌚𑍍𑌛𑌚𑍍𑌛𑌨𑍍𑌦𑍋॒ 𑌮𑌨॒ 𑌶𑍍𑌛𑌨𑍍𑌦𑍋॒ 𑌵𑍍𑌯𑌚॒ 𑌶𑍍𑌛𑌨𑍍𑌦॒-𑌸𑍍𑌸𑌿𑌨𑍍𑌧𑍁॒ 𑌶𑍍𑌛𑌨𑍍𑌦॑-𑌸𑍍𑌸𑌮𑍁॒𑌦𑍍𑌰-𑌞𑍍𑌛𑌨𑍍𑌦॑-𑌸𑍍𑌸𑌲𑌿॒𑌲-𑌞𑍍𑌛𑌨𑍍𑌦॑-𑌸𑍍𑌸𑌂॒𑌯𑌁𑌚𑍍𑌛𑌨𑍍𑌦𑍋॑ 𑌵𑌿॒𑌯𑌚𑍍𑌛𑌨𑍍𑌦𑍋॑ 𑌬𑍃॒𑌹𑌚𑍍𑌛𑌨𑍍𑌦𑍋॑ 𑌰𑌥𑌨𑍍𑌤॒𑌰-𑌞𑍍𑌛𑌨𑍍𑌦𑍋॑ 𑌨𑌿𑌕𑌾॒𑌯 𑌶𑍍𑌛𑌨𑍍𑌦𑍋॑ 𑌵𑌿𑌵॒𑌧 𑌶𑍍𑌛𑌨𑍍𑌦𑍋॒ 𑌗𑌿𑌰॒ 𑌶𑍍𑌛𑌨𑍍𑌦𑍋॒ 𑌭𑍍𑌰𑌜॒ 𑌶𑍍𑌛𑌨𑍍𑌦॑-𑌸𑍍𑌸॒𑌷𑍍𑌟𑍁-𑌪𑍍𑌛𑌨𑍍𑌦𑍋॑ 𑌽𑌨𑍁॒𑌷𑍍𑌟𑍁-𑌪𑍍𑌛𑌨𑍍𑌦𑌃॑ 𑌕॒𑌕𑍁𑌚𑍍𑌛𑌨𑍍𑌦॑ 𑌸𑍍𑌤𑍍𑌰𑌿𑌕॒𑌕𑍁𑌚𑍍𑌛𑌨𑍍𑌦𑌃॑ 𑌕𑌾॒𑌵𑍍𑌯-𑌞𑍍𑌛𑌨𑍍𑌦𑍋᳚ -𑌽𑌙𑍍𑌕𑍁॒𑌪-𑌞𑍍𑌛𑌨𑍍𑌦𑌃॑ [-𑌽𑌙𑍍𑌕𑍁॒𑌪-𑌞𑍍𑌛𑌨𑍍𑌦𑌃॑, 𑌪॒𑌦𑌪॑𑌙𑍍𑌕𑍍𑌤𑌿॒ 𑌶𑍍𑌛𑌨𑍍𑌦𑍋॒] 2
𑌪॒𑌦𑌪॑𑌙𑍍𑌕𑍍𑌤𑌿॒ 𑌶𑍍𑌛𑌨𑍍𑌦𑍋॒ 𑌽𑌕𑍍𑌷𑌰॑𑌪𑌙𑍍𑌕𑍍𑌤𑌿॒ 𑌶𑍍𑌛𑌨𑍍𑌦𑍋॑ 𑌵𑌿𑌷𑍍𑌟𑌾॒𑌰𑌪॑𑌙𑍍𑌕𑍍𑌤𑌿॒ 𑌶𑍍𑌛𑌨𑍍𑌦𑌃॑, 𑌕𑍍𑌷𑍁॒𑌰𑍋 𑌭𑍃𑌜𑍍𑌵𑌾॒𑌞𑍍𑌛𑌨𑍍𑌦𑌃॑ 𑌪𑍍𑌰॒𑌚𑍍𑌛𑌚𑍍𑌛𑌨𑍍𑌦𑌃॑ 𑌪॒𑌕𑍍𑌷 𑌶𑍍𑌛𑌨𑍍𑌦॒ 𑌏𑌵॒ 𑌶𑍍𑌛𑌨𑍍𑌦𑍋॒ 𑌵𑌰𑌿॑𑌵॒ 𑌶𑍍𑌛𑌨𑍍𑌦𑍋॒ 𑌵𑌯॒ 𑌶𑍍𑌛𑌨𑍍𑌦𑍋॑ 𑌵𑌯॒𑌸𑍍𑌕𑍃𑌚𑍍𑌛𑌨𑍍𑌦𑍋॑ 𑌵𑌿𑌶𑌾॒𑌲-𑌞𑍍𑌛𑌨𑍍𑌦𑍋॒ 𑌵𑌿𑌷𑍍𑌪॑𑌰𑍍𑌧𑌾॒ 𑌶𑍍𑌛𑌨𑍍𑌦॑ 𑌶𑍍𑌛॒𑌦𑌿 𑌶𑍍𑌛𑌨𑍍𑌦𑍋॑ 𑌦𑍂𑌰𑍋𑌹॒𑌣-𑌞𑍍𑌛𑌨𑍍𑌦॑𑌸𑍍𑌤॒𑌨𑍍𑌦𑍍𑌰-𑌞𑍍𑌛𑌨𑍍𑌦𑍋᳚ 𑌽𑌙𑍍𑌕𑌾॒𑌙𑍍𑌕-𑌞𑍍𑌛𑌨𑍍𑌦𑌃॑ ॥ 2 ॥
(𑌅॒𑌸𑍍𑌯॒ – 𑌙𑍍𑌕𑍁॒𑌪𑌞𑍍𑌛𑌨𑍍𑌦॒ – 𑌸𑍍𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌮𑍍𑌶𑌚𑍍𑌚) (𑌅. 12)
𑌅॒𑌗𑍍𑌨𑌿𑌰𑍍𑌵𑍃॒𑌤𑍍𑌰𑌾𑌣𑌿॑ 𑌜𑌙𑍍𑌘𑌨-𑌦𑍍𑌦𑍍𑌰𑌵𑌿𑌣॒𑌸𑍍𑌯𑍁𑌰𑍍𑌵𑌿॑𑌪॒𑌨𑍍𑌯𑌯𑌾᳚ । 𑌸𑌮𑌿॑𑌦𑍍𑌧-𑌶𑍍𑌶𑍁॒𑌕𑍍𑌰 𑌆𑌹𑍁॑𑌤𑌃 ॥ 𑌤𑍍𑌵𑌗𑍍𑌮𑍍 𑌸𑍋॑𑌮𑌾𑌸𑌿॒ 𑌸𑌤𑍍𑌪॑𑌤𑌿॒𑌸𑍍𑌤𑍍𑌵𑌗𑍍𑌮𑍍 𑌰𑌾𑌜𑍋॒𑌤 𑌵𑍃॑𑌤𑍍𑌰॒𑌹𑌾 । 𑌤𑍍𑌵-𑌮𑍍𑌭॒𑌦𑍍𑌰𑍋 𑌅॑𑌸𑌿॒ 𑌕𑍍𑌰𑌤𑍁𑌃॑ ॥ 𑌭॒𑌦𑍍𑌰𑌾 𑌤𑍇॑ 𑌅𑌗𑍍𑌨𑍇 𑌸𑍍𑌵𑌨𑍀𑌕 𑌸॒𑌦𑍃𑌙𑍍𑌗𑍍𑌘𑍋॒𑌰𑌸𑍍𑌯॑ 𑌸॒𑌤𑍋 𑌵𑌿𑌷𑍁॑𑌣𑌸𑍍𑌯॒ 𑌚𑌾𑌰𑍁𑌃॑ । 𑌨 𑌯-𑌤𑍍𑌤𑍇॑ 𑌶𑍋॒𑌚𑌿𑌸𑍍𑌤𑌮॑𑌸𑌾॒ 𑌵𑌰॑𑌨𑍍𑌤॒ 𑌨 𑌧𑍍𑌵॒𑌸𑍍𑌮𑌾𑌨॑𑌸𑍍𑌤॒𑌨𑍁𑌵𑌿॒ 𑌰𑍇𑌪॒ 𑌆 𑌧𑍁𑌃॑ ॥ 𑌭॒𑌦𑍍𑌰-𑌨𑍍𑌤𑍇॑ 𑌅𑌗𑍍𑌨𑍇 𑌸𑌹𑌸𑌿॒𑌨𑍍𑌨𑌨𑍀॑𑌕𑌮𑍁𑌪𑌾॒𑌕 𑌆 𑌰𑍋॑𑌚𑌤𑍇॒ 𑌸𑍂𑌰𑍍𑌯॑𑌸𑍍𑌯 । 2
𑌰𑍁𑌶॑-𑌦𑍍𑌦𑍃॒𑌶𑍇 𑌦॑𑌦𑍃𑌶𑍇 𑌨𑌕𑍍𑌤॒𑌯𑌾 𑌚𑌿॒𑌦𑌰𑍂᳚𑌕𑍍𑌷𑌿𑌤-𑌨𑍍𑌦𑍃॒𑌶 𑌆 𑌰𑍂॒𑌪𑍇 𑌅𑌨𑍍𑌨᳚𑌮𑍍 ॥ 𑌸𑍈𑌨𑌾-𑌽𑌨𑍀॑𑌕𑍇𑌨 𑌸𑍁𑌵𑌿॒𑌦𑌤𑍍𑌰𑍋॑ 𑌅॒𑌸𑍍𑌮𑍇 𑌯𑌷𑍍𑌟𑌾॑ 𑌦𑍇॒𑌵𑌾𑌗𑍍𑌮𑍍 𑌆𑌯॑𑌜𑌿𑌷𑍍𑌠-𑌸𑍍𑌸𑍍𑌵॒𑌸𑍍𑌤𑌿 । 𑌅𑌦॑𑌬𑍍𑌧𑍋 𑌗𑍋॒𑌪𑌾 𑌉॒𑌤 𑌨𑌃॑ 𑌪𑌰॒𑌸𑍍𑌪𑌾 𑌅𑌗𑍍𑌨𑍇᳚ 𑌦𑍍𑌯𑍁॒𑌮𑌦𑍁॒𑌤 𑌰𑍇॒𑌵-𑌦𑍍𑌦𑌿॑𑌦𑍀𑌹𑌿 ॥ 𑌸𑍍𑌵॒𑌸𑍍𑌤𑌿 𑌨𑍋॑ 𑌦𑌿॒𑌵𑍋 𑌅॑𑌗𑍍𑌨𑍇 𑌪𑍃𑌥𑌿॒𑌵𑍍𑌯𑌾 𑌵𑌿॒𑌶𑍍𑌵𑌾𑌯𑍁॑𑌰𑍍𑌧𑍇𑌹𑌿 𑌯॒𑌜𑌥𑌾॑𑌯 𑌦𑍇𑌵 । 𑌯-𑌥𑍍𑌸𑍀॒𑌮𑌹𑌿॑ 𑌦𑌿𑌵𑌿𑌜𑌾𑌤॒ 𑌪𑍍𑌰𑌶॑𑌸𑍍𑌤॒-𑌨𑍍𑌤𑌦॒𑌸𑍍𑌮𑌾𑌸𑍁॒ 𑌦𑍍𑌰𑌵𑌿॑𑌣-𑌨𑍍𑌧𑍇𑌹𑌿 𑌚𑌿॒𑌤𑍍𑌰𑌮𑍍 ॥ 𑌯𑌥𑌾॑ 𑌹𑍋𑌤॒𑌰𑍍𑌮𑌨𑍁॑𑌷𑍋 [𑌹𑍋𑌤॒𑌰𑍍𑌮𑌨𑍁॑𑌷𑌃, 𑌦𑍇॒𑌵𑌤𑌾॑𑌤𑌾] 30
𑌦𑍇॒𑌵𑌤𑌾॑𑌤𑌾 𑌯॒𑌜𑍍𑌞𑍇𑌭𑌿॑-𑌸𑍍𑌸𑍂𑌨𑍋 𑌸𑌹𑌸𑍋॒ 𑌯𑌜𑌾॑𑌸𑌿 । 𑌏॒𑌵𑌾 𑌨𑍋॑ 𑌅॒𑌦𑍍𑌯 𑌸॑𑌮॒𑌨𑌾 𑌸॑𑌮𑌾॒𑌨𑌾𑌨𑍁॒-𑌶𑌨𑍍𑌨॑𑌗𑍍𑌨 𑌉𑌶॒𑌤𑍋 𑌯॑𑌕𑍍𑌷𑌿 𑌦𑍇॒𑌵𑌾𑌨𑍍 ॥ 𑌅॒𑌗𑍍𑌨𑌿𑌮𑍀॑𑌡𑍇 𑌪𑍁॒𑌰𑍋𑌹𑌿॑𑌤𑌂-𑌯𑌁॒𑌜𑍍𑌞𑌸𑍍𑌯॑ 𑌦𑍇॒𑌵𑌮𑍃॒𑌤𑍍𑌵𑌿𑌜᳚𑌮𑍍 । 𑌹𑍋𑌤𑌾॑𑌰𑌗𑍍𑌮𑍍 𑌰𑌤𑍍𑌨॒𑌧𑌾𑌤॑𑌮𑌮𑍍 ॥ 𑌵𑍃𑌷𑌾॑ 𑌸𑍋𑌮 𑌦𑍍𑌯𑍁॒𑌮𑌾𑌗𑍍𑌮𑍍 𑌅॑𑌸𑌿॒ 𑌵𑍃𑌷𑌾॑ 𑌦𑍇𑌵॒ 𑌵𑍃𑌷॑𑌵𑍍𑌰𑌤𑌃 । 𑌵𑍃𑌷𑌾॒ 𑌧𑌰𑍍𑌮𑌾॑𑌣𑌿 𑌦𑌧𑌿𑌷𑍇 ॥ 𑌸𑌾𑌨𑍍𑌤॑𑌪𑌨𑌾 𑌇॒𑌦𑌗𑍍𑌮𑍍 𑌹॒𑌵𑌿𑌰𑍍𑌮𑌰𑍁॑𑌤॒𑌸𑍍𑌤𑌜𑍍𑌜𑍁॑𑌜𑍁𑌷𑍍𑌟𑌨 । 𑌯𑍁॒𑌷𑍍𑌮𑌾𑌕𑍋॒𑌤𑍀 𑌰𑌿॑𑌶𑌾𑌦𑌸𑌃 ॥ 𑌯𑍋 𑌨𑍋॒ 𑌮𑌰𑍍𑌤𑍋॑ 𑌵𑌸𑌵𑍋 𑌦𑍁𑌰𑍍𑌹𑍃𑌣𑌾॒𑌯𑍁𑌸𑍍𑌤𑌿॒𑌰-𑌸𑍍𑌸॒𑌤𑍍𑌯𑌾𑌨𑌿॑ 𑌮𑌰𑍁𑌤𑍋॒ [𑌮𑌰𑍁𑌤𑌃, 𑌜𑌿𑌘𑌾𑌗𑍍𑌮𑍍॑𑌸𑌾𑌤𑍍 ।] 31
𑌜𑌿𑌘𑌾𑌗𑍍𑌮𑍍॑𑌸𑌾𑌤𑍍 । 𑌦𑍍𑌰𑍁॒𑌹𑌃 𑌪𑌾𑌶॒-𑌮𑍍𑌪𑍍𑌰𑌤𑌿॒ 𑌸 𑌮𑍁॑𑌚𑍀𑌷𑍍𑌟॒ 𑌤𑌪𑌿॑𑌷𑍍𑌠𑍇𑌨॒ 𑌤𑌪॑𑌸𑌾 𑌹𑌨𑍍𑌤𑌨𑌾॒ 𑌤𑌮𑍍 ॥ 𑌸𑌂॒𑌵𑌁॒𑌥𑍍𑌸॒𑌰𑍀𑌣𑌾॑ 𑌮॒𑌰𑍁𑌤॑-𑌸𑍍𑌸𑍍𑌵॒𑌰𑍍𑌕𑌾 𑌉॑𑌰𑍁॒𑌕𑍍𑌷𑌯𑌾॒-𑌸𑍍𑌸𑌗॑𑌣𑌾॒ 𑌮𑌾𑌨𑍁॑𑌷𑍇𑌷𑍁 । 𑌤𑍇᳚-𑌽𑌸𑍍𑌮-𑌤𑍍𑌪𑌾𑌶𑌾॒-𑌨𑍍𑌪𑍍𑌰 𑌮𑍁॑𑌞𑍍𑌚॒𑌨𑍍𑌤𑍍𑌵𑌗𑍍𑌮𑍍𑌹॑𑌸-𑌸𑍍𑌸𑌾𑌨𑍍𑌤𑌪॒𑌨𑌾 𑌮॑𑌦𑌿॒𑌰𑌾 𑌮𑌾॑𑌦𑌯𑌿॒𑌷𑍍𑌣𑌵𑌃॑ ॥ 𑌪𑌿॒𑌪𑍍𑌰𑍀॒𑌹𑌿 𑌦𑍇॒𑌵𑌾𑌗𑍍𑌮𑍍 𑌉॑𑌶॒𑌤𑍋 𑌯॑𑌵𑌿𑌷𑍍𑌠 𑌵𑌿॒𑌦𑍍𑌵𑌾𑌗𑍍𑌮𑍍 𑌋॒𑌤𑍂𑌗𑍍𑌮𑍍𑌰𑍍-𑌋॑𑌤𑍁𑌪𑌤𑍇 𑌯𑌜𑍇॒𑌹 । 𑌯𑍇 𑌦𑍈𑌵𑍍𑌯𑌾॑ 𑌋॒𑌤𑍍𑌵𑌿𑌜॒𑌸𑍍𑌤𑍇𑌭𑌿॑𑌰𑌗𑍍𑌨𑍇॒ 𑌤𑍍𑌵𑌗𑍍𑌮𑍍 𑌹𑍋𑌤𑍄॑𑌣𑌾𑌮॒𑌸𑍍𑌯𑌾𑌯॑𑌜𑌿𑌷𑍍𑌠𑌃 ॥ 𑌅𑌗𑍍𑌨𑍇॒ 𑌯𑌦॒𑌦𑍍𑌯 𑌵𑌿॒𑌶𑍋 𑌅॑𑌦𑍍𑌧𑍍𑌵𑌰𑌸𑍍𑌯 𑌹𑍋𑌤𑌃॒ 𑌪𑌾𑌵॑𑌕 [𑌪𑌾𑌵॑𑌕, 𑌶𑍋॒𑌚𑍇॒ 𑌵𑍇𑌷𑍍𑌟𑍍𑌵𑌗𑍍𑌮𑍍 𑌹𑌿] 32
𑌶𑍋𑌚𑍇॒ 𑌵𑍇𑌷𑍍𑌟𑍍𑌵𑌗𑍍𑌮𑍍 𑌹𑌿 𑌯𑌜𑍍𑌵𑌾᳚ । 𑌋॒𑌤𑌾 𑌯॑𑌜𑌾𑌸𑌿 𑌮𑌹𑌿॒𑌨𑌾 𑌵𑌿 𑌯𑌦𑍍𑌭𑍂𑌰𑍍𑌹॒𑌵𑍍𑌯𑌾 𑌵॑𑌹 𑌯𑌵𑌿𑌷𑍍𑌠॒ 𑌯𑌾 𑌤𑍇॑ 𑌅॒𑌦𑍍𑌯 ॥ 𑌅॒𑌗𑍍𑌨𑌿𑌨𑌾॑ 𑌰॒𑌯𑌿-𑌮॑𑌶𑍍𑌞𑌵॒-𑌤𑍍𑌪𑍋𑌷॑𑌮𑍇॒𑌵 𑌦𑌿॒𑌵𑍇𑌦𑌿॑𑌵𑍇 । 𑌯॒𑌶𑌸𑌂॑-𑌵𑍀𑌁॒𑌰𑌵॑𑌤𑍍𑌤𑌮𑌮𑍍 ॥ 𑌗॒𑌯॒𑌸𑍍𑌫𑌾𑌨𑍋॑ 𑌅𑌮𑍀𑌵॒𑌹𑌾 𑌵॑𑌸𑍁॒𑌵𑌿-𑌤𑍍𑌪𑍁॑𑌷𑍍𑌟𑌿॒𑌵𑌰𑍍𑌧॑𑌨𑌃 । 𑌸𑍁॒𑌮𑌿॒𑌤𑍍𑌰-𑌸𑍍𑌸𑍋॑𑌮 𑌨𑍋 𑌭𑌵 ॥ 𑌗𑍃𑌹॑𑌮𑍇𑌧𑌾𑌸॒ 𑌆 𑌗॑𑌤॒ 𑌮𑌰𑍁॑𑌤𑍋॒ 𑌮𑌾-𑌽𑌪॑ 𑌭𑍂𑌤𑌨 । 𑌪𑍍𑌰॒𑌮𑍁॒𑌞𑍍𑌚𑌨𑍍𑌤𑍋॑ 𑌨𑍋॒ 𑌅𑌗𑍍𑌮𑍍𑌹॑𑌸𑌃 ॥ 𑌪𑍂॒𑌰𑍍𑌵𑍀𑌭𑌿॒𑌰𑍍॒𑌹𑌿 𑌦॑𑌦𑌾𑌶𑌿॒𑌮 𑌶॒𑌰𑌦𑍍𑌭𑌿॑𑌰𑍍𑌮𑌰𑍁𑌤𑍋 𑌵॒𑌯𑌮𑍍 । 𑌮𑌹𑍋॑𑌭𑌿- [𑌮𑌹𑍋॑𑌭𑌿𑌃, 𑌚॒𑌰𑍍॒𑌷॒𑌣𑍀॒𑌨𑌾𑌮𑍍 ।] 33
-𑌶𑍍𑌚𑌰𑍍𑌷𑌣𑍀॒𑌨𑌾𑌮𑍍 ॥ 𑌪𑍍𑌰𑌬𑍁॒𑌦𑍍𑌧𑍍𑌨𑌿𑌯𑌾॑ 𑌈𑌰𑌤𑍇 𑌵𑍋॒ 𑌮𑌹𑌾𑌗𑍍𑌮𑍍॑𑌸𑌿॒ 𑌪𑍍𑌰𑌣𑌾𑌮𑌾॑𑌨𑌿 𑌪𑍍𑌰𑌯𑌜𑍍𑌯𑌵𑌸𑍍𑌤𑌿𑌰𑌦𑍍𑌧𑍍𑌵𑌮𑍍 । 𑌸॒𑌹॒𑌸𑍍𑌰𑌿𑌯॒-𑌨𑍍𑌦𑌮𑍍𑌯॑-𑌮𑍍𑌭𑌾॒𑌗𑌮𑍇॒𑌤-𑌙𑍍𑌗𑍃॑𑌹𑌮𑍇॒𑌧𑍀𑌯॑-𑌮𑍍𑌮𑌰𑍁𑌤𑍋 𑌜𑍁𑌷𑌦𑍍𑌧𑍍𑌵𑌮𑍍 ॥ 𑌉𑌪॒ 𑌯𑌮𑍇𑌤𑌿॑ 𑌯𑍁𑌵॒𑌤𑌿-𑌸𑍍𑌸𑍁॒𑌦𑌕𑍍𑌷॑-𑌨𑍍𑌦𑍋॒𑌷𑌾 𑌵𑌸𑍍𑌤𑍋𑌰𑍍॑. 𑌹॒𑌵𑌿𑌷𑍍𑌮॑𑌤𑍀 𑌘𑍃॒𑌤𑌾𑌚𑍀᳚ । 𑌉𑌪॒ 𑌸𑍍𑌵𑍈𑌨॑𑌮॒𑌰𑌮॑𑌤𑌿𑌰𑍍𑌵-𑌸𑍂॒𑌯𑍁𑌃 ॥ 𑌇॒𑌮𑍋 𑌅॑𑌗𑍍𑌨𑍇 𑌵𑍀॒𑌤𑌤॑𑌮𑌾𑌨𑌿 𑌹॒𑌵𑍍𑌯𑌾 𑌽𑌜॑𑌸𑍍𑌰𑍋 𑌵𑌕𑍍𑌷𑌿 𑌦𑍇॒𑌵𑌤𑌾॑𑌤𑌿॒𑌮𑌚𑍍𑌛॑ । 𑌪𑍍𑌰𑌤𑌿॑ 𑌨 𑌈𑌗𑍍𑌮𑍍 𑌸𑍁𑌰॒𑌭𑍀𑌣𑌿॑ 𑌵𑌿𑌯𑌨𑍍𑌤𑍁 ॥ 𑌕𑍍𑌰𑍀॒𑌡𑌂-𑌵𑌁॒-𑌶𑍍𑌶𑌰𑍍𑌧𑍋॒ 𑌮𑌾𑌰𑍁॑𑌤𑌮𑌨॒𑌰𑍍𑌵𑌾𑌣𑌗𑍍𑌮𑍍॑ 𑌰𑌥𑍇॒𑌶𑍁𑌭᳚𑌮𑍍 । 34
𑌕𑌣𑍍𑌵𑌾॑ 𑌅॒𑌭𑌿 𑌪𑍍𑌰 𑌗𑌾॑𑌯𑌤 ॥ 𑌅𑌤𑍍𑌯𑌾॑𑌸𑍋॒ 𑌨 𑌯𑍇 𑌮॒𑌰𑍁𑌤॒-𑌸𑍍𑌸𑍍𑌵𑌞𑍍𑌚𑍋॑ 𑌯𑌕𑍍𑌷॒𑌦𑍃𑌶𑍋॒ 𑌨 𑌶𑍁॒𑌭𑌯॑𑌨𑍍𑌤॒ 𑌮𑌰𑍍𑌯𑌾𑌃᳚ । 𑌤𑍇 𑌹॑𑌰𑍍𑌮𑍍𑌯𑍇॒𑌷𑍍𑌠𑌾-𑌶𑍍𑌶𑌿𑌶॑𑌵𑍋॒ 𑌨 𑌶𑍁॒𑌭𑍍𑌰𑌾 𑌵॒𑌥𑍍𑌸𑌾𑌸𑍋॒ 𑌨 𑌪𑍍𑌰॑𑌕𑍍𑌰𑍀॒𑌡𑌿𑌨𑌃॑ 𑌪𑌯𑍋॒𑌧𑌾𑌃 ॥ 𑌪𑍍𑌰𑍈𑌷𑌾॒𑌮𑌜𑍍𑌮𑍇॑𑌷𑍁 𑌵𑌿𑌥𑍁॒𑌰𑍇𑌵॑ 𑌰𑍇𑌜𑌤𑍇॒ 𑌭𑍂𑌮𑌿॒𑌰𑍍𑌯𑌾𑌮𑍇॑𑌷𑍁॒ 𑌯𑌦𑍍𑌧॑ 𑌯𑍁॒𑌞𑍍𑌜𑌤𑍇॑ 𑌶𑍁॒𑌭𑍇 । 𑌤𑍇 𑌕𑍍𑌰𑍀॒𑌡𑌯𑍋॒ 𑌧𑍁𑌨॑𑌯𑍋॒ 𑌭𑍍𑌰𑌾𑌜॑𑌦𑍃𑌷𑍍𑌟𑌯-𑌸𑍍𑌸𑍍𑌵॒𑌯-𑌮𑍍𑌮॑𑌹𑌿॒𑌤𑍍𑌵-𑌮𑍍𑌪॑𑌨𑌯𑌨𑍍𑌤॒ 𑌧𑍂𑌤॑𑌯𑌃 ॥ 𑌉॒𑌪॒𑌹𑍍𑌵॒𑌰𑍇𑌷𑍁॒ 𑌯𑌦𑌚𑌿॑𑌦𑍍𑌧𑍍𑌵𑌂-𑌯𑌁॒𑌯𑌿𑌂-𑌵𑌁𑌯॑ 𑌇𑌵 𑌮𑌰𑍁𑌤𑌃॒ 𑌕𑍇𑌨॑ [𑌕𑍇𑌨॑, 𑌚𑌿॒-𑌤𑍍𑌪॒𑌥𑌾 ।] 35
𑌚𑌿-𑌤𑍍𑌪॒𑌥𑌾 । 𑌶𑍍𑌚𑍋𑌤॑𑌨𑍍𑌤𑌿॒ 𑌕𑍋𑌶𑌾॒ 𑌉𑌪॑ 𑌵𑍋॒ 𑌰𑌥𑍇॒𑌷𑍍𑌵𑌾 𑌘𑍃॒𑌤𑌮𑍁॑𑌕𑍍𑌷𑌤𑌾॒ 𑌮𑌧𑍁॑𑌵𑌰𑍍𑌣॒𑌮𑌰𑍍𑌚॑𑌤𑍇 ॥ 𑌅॒𑌗𑍍𑌨𑌿𑌮॑𑌗𑍍𑌨𑌿॒𑌗𑍍𑌮𑍍॒ 𑌹𑌵𑍀॑𑌮𑌭𑌿॒-𑌸𑍍𑌸𑌦𑌾॑ 𑌹𑌵𑌨𑍍𑌤 𑌵𑌿॒𑌶𑍍𑌪𑌤𑌿᳚𑌮𑍍 । 𑌹॒𑌵𑍍𑌯॒𑌵𑌾𑌹॑-𑌮𑍍𑌪𑍁𑌰𑍁𑌪𑍍𑌰𑌿॒𑌯𑌮𑍍 ॥ 𑌤𑌗𑍍𑌮𑍍 𑌹𑌿 𑌶𑌶𑍍𑌵॑𑌨𑍍𑌤॒ 𑌈𑌡॑𑌤𑍇 𑌸𑍍𑌰𑍁॒𑌚𑌾 𑌦𑍇॒𑌵-𑌙𑍍𑌘𑍃॑𑌤॒𑌶𑍍𑌚𑍁𑌤𑌾᳚ । 𑌅॒𑌗𑍍𑌨𑌿𑌗𑍍𑌮𑍍 𑌹॒𑌵𑍍𑌯𑌾𑌯॒ 𑌵𑍋𑌢॑𑌵𑍇 ॥ 𑌇𑌨𑍍𑌦𑍍𑌰𑌾᳚𑌗𑍍𑌨𑍀 𑌰𑍋𑌚॒𑌨𑌾 𑌦𑌿॒𑌵-𑌶𑍍𑌶𑍍𑌞𑌥॑𑌦𑍍𑌵𑍃॒𑌤𑍍𑌰 𑌮𑌿𑌨𑍍𑌦𑍍𑌰𑌂॑-𑌵𑍋𑌁 𑌵𑌿॒𑌶𑍍𑌵𑌤॒𑌸𑍍𑌪𑌰𑍀𑌨𑍍𑌦𑍍𑌰॒-𑌨𑍍𑌨𑌰𑍋॒ 𑌵𑌿𑌶𑍍𑌵॑𑌕𑌰𑍍𑌮𑌨𑍍. 𑌹॒𑌵𑌿𑌷𑌾॑ 𑌵𑌾𑌵𑍃𑌧𑌾॒𑌨𑍋 𑌵𑌿𑌶𑍍𑌵॑𑌕𑌰𑍍𑌮𑌨𑍍. 𑌹॒𑌵𑌿𑌷𑌾॒ 𑌵𑌰𑍍𑌧॑𑌨𑍇𑌨 ॥ 36 ॥
(𑌸𑍂𑌰𑍍𑌯॑𑌸𑍍𑌯॒ – 𑌮𑌨𑍁॑𑌷𑍋 – 𑌮𑌰𑍁𑌤𑌃॒ – 𑌪𑌾𑌵॑𑌕॒ – 𑌮𑌹𑍋॑𑌭𑍀 – 𑌰𑌥𑍇॒𑌶𑍁𑌭॒ – 𑌙𑍍𑌕𑍇𑌨॒ – 𑌷𑌡𑍍𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. 13)
(𑌅॒𑌪𑌾𑌨𑍍𑌤𑍍𑌵𑍇𑌮॑ – 𑌨𑍍𑌨॒𑌯-𑌮𑍍𑌪𑍁॒𑌰𑍋 𑌭𑍁𑌵𑌃॒ – 𑌪𑍍𑌰𑌾𑌚𑍀᳚ – 𑌧𑍍𑌰𑍁॒𑌵𑌕𑍍𑌷𑌿॑𑌤𑌿॒ – 𑌸𑍍𑌤𑍍𑌰𑍍𑌯𑌵𑌿॒ – 𑌰𑌿𑌨𑍍𑌦𑍍𑌰𑌾᳚𑌗𑍍𑌨𑍀॒ – 𑌮𑌾 𑌛𑌨𑍍𑌦॑ – 𑌆॒𑌶𑍁𑌸𑍍𑌤𑍍𑌰𑌿॒𑌵𑍃 – 𑌦॒𑌗𑍍𑌨𑍇𑌰𑍍𑌭𑌾॒𑌗𑍋᳚ – 𑌽𑌸𑍍𑌯𑍇𑌕॑ – 𑌯𑍇॒𑌯𑌮𑍇॒𑌵 𑌸𑌾 𑌯𑌾 – 𑌽𑌗𑍍𑌨𑍇॑ 𑌜𑌾॒𑌤𑌾 – 𑌨॒𑌗𑍍𑌨𑌿𑌰𑍍𑌵𑍃॒𑌤𑍍𑌰𑌾𑌣𑌿॒ – 𑌤𑍍𑌰𑌯𑍋॑𑌦𑌶 )
(𑌅॒𑌪𑌾𑌨𑍍𑌤𑍍𑌵𑍇 – 𑌨𑍍𑌦𑍍𑌰𑌾᳚𑌗𑍍𑌨𑍀 – 𑌇॒𑌯𑌮𑍇॒𑌵 – 𑌦𑍇॒𑌵𑌤𑌾॑𑌤𑌾॒ – 𑌷𑌟𑍍𑌤𑍍𑌰𑌿𑌗𑍍𑌮𑍍॑𑌶𑌤𑍍 )
(𑌅॒𑌪𑌾𑌨𑍍𑌤𑍍𑌵𑍇𑌮॑𑌨𑍍, 𑌹॒𑌵𑌿𑌷𑌾॒ 𑌵𑌰𑍍𑌧॑𑌨𑍇𑌨)
॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥 𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥
