𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌚𑌤𑍁𑌰𑍍𑌥𑌃 𑌪𑍍𑌰𑌶𑍍𑌨𑌃 – 𑌸𑍁𑌤𑍍𑌯𑌾𑌦𑌿𑌨𑍇 𑌕𑌰𑍍𑌤𑌵𑍍𑌯𑌾 𑌗𑍍𑌰𑌹𑌾𑌃
𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥
𑌆 𑌦॑𑌦𑍇॒ 𑌗𑍍𑌰𑌾𑌵𑌾᳚-𑌽𑌸𑍍𑌯𑌦𑍍𑌧𑍍𑌵𑌰॒𑌕𑍃-𑌦𑍍𑌦𑍇॒𑌵𑍇𑌭𑍍𑌯𑍋॑ 𑌗𑌮𑍍𑌭𑍀॒𑌰𑌮𑌿॒𑌮- 𑌮॑𑌦𑍍𑌧𑍍𑌵॒𑌰-𑌙𑍍𑌕𑍃॑𑌦𑍍𑌧𑍍𑌯𑍁𑌤𑍍𑌤॒𑌮𑍇𑌨॑ 𑌪॒𑌵𑌿𑌨𑍇𑌨𑍍𑌦𑍍𑌰𑌾॑𑌯॒ 𑌸𑍋𑌮॒𑌗𑍍𑌮𑍍॒ 𑌸𑍁𑌷𑍁॑𑌤॒-𑌮𑍍𑌮𑌧𑍁॑𑌮𑌨𑍍𑌤॒-𑌮𑍍𑌪𑌯॑𑌸𑍍𑌵𑌨𑍍𑌤𑌂-𑌵𑍃𑌁𑌷𑍍𑌟𑌿॒𑌵𑌨𑌿॒𑌮𑌿𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌵𑍃𑌤𑍍𑌰॒𑌘𑍍𑌨 𑌇𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌵𑍃𑌤𑍍𑌰॒𑌤𑍁𑌰॒ 𑌇𑌨𑍍𑌦𑍍𑌰𑌾॑𑌯 𑌤𑍍𑌵𑌾-𑌽𑌭𑌿𑌮𑌾𑌤𑌿॒𑌘𑍍𑌨 𑌇𑌨𑍍𑌦𑍍𑌰𑌾॑𑌯 𑌤𑍍𑌵𑌾-𑌽𑌽𑌦𑌿॒𑌤𑍍𑌯𑌵॑𑌤॒ 𑌇𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍇 𑌶𑍍𑌵𑌾॒𑌤𑍍𑌰𑌾-𑌸𑍍𑌸𑍍𑌥॑ 𑌵𑍃𑌤𑍍𑌰॒𑌤𑍁𑌰𑍋॒ 𑌰𑌾𑌧𑍋॑𑌗𑍂𑌰𑍍𑌤𑌾 𑌅॒𑌮𑍃𑌤॑𑌸𑍍𑌯॒ 𑌪𑌤𑍍𑌨𑍀॒𑌸𑍍𑌤𑌾 𑌦𑍇॑𑌵𑍀-𑌰𑍍𑌦𑍇𑌵॒𑌤𑍍𑌰𑍇𑌮𑌂-𑌯𑌁॒𑌜𑍍𑌞-𑌨𑍍𑌧॒𑌤𑍍𑌤𑍋𑌪॑𑌹𑍂𑌤𑌾॒-𑌸𑍍𑌸𑍋𑌮॑𑌸𑍍𑌯 𑌪𑌿𑌬॒𑌤𑍋𑌪॑𑌹𑍂𑌤𑍋 𑌯𑍁॒𑌷𑍍𑌮𑌾𑌕॒𑌗𑍍𑌮𑍍॒ [𑌯𑍁॒𑌷𑍍𑌮𑌾𑌕᳚𑌮𑍍, 𑌸𑍋𑌮𑌃॑ 𑌪𑌿𑌬𑌤𑍁॒ 𑌯𑌤𑍍𑌤𑍇॑] 1
𑌸𑍋𑌮𑌃॑ 𑌪𑌿𑌬𑌤𑍁॒ 𑌯𑌤𑍍𑌤𑍇॑ 𑌸𑍋𑌮 𑌦𑌿॒𑌵𑌿 𑌜𑍍𑌯𑍋𑌤𑌿॒𑌰𑍍𑌯-𑌤𑍍𑌪𑍃॑𑌥𑌿॒𑌵𑍍𑌯𑌾𑌂-𑌯𑌁𑌦𑍁॒𑌰𑌾𑌵॒𑌨𑍍𑌤𑌰𑌿॑𑌕𑍍𑌷𑍇॒ 𑌤𑍇𑌨𑌾॒𑌸𑍍𑌮𑍈 𑌯𑌜॑𑌮𑌾𑌨𑌾𑌯𑍋॒𑌰𑍁 𑌰𑌾॒𑌯𑌾 𑌕𑍃॒𑌦𑍍𑌧𑍍𑌯𑌧𑌿॑ 𑌦𑌾॒𑌤𑍍𑌰𑍇 𑌵𑍋॑𑌚𑍋॒ 𑌧𑌿𑌷॑𑌣𑍇 𑌵𑍀॒𑌡𑍂 𑌸॒𑌤𑍀 𑌵𑍀॑𑌡𑌯𑍇𑌥𑌾॒-𑌮𑍂𑌰𑍍𑌜॑-𑌨𑍍𑌦𑌧𑌾𑌥𑌾॒𑌮𑍂𑌰𑍍𑌜॑-𑌮𑍍𑌮𑍇 𑌧𑌤𑍍𑌤॒-𑌮𑍍𑌮𑌾 𑌵𑌾𑌗𑍍𑌮𑍍॑ 𑌹𑌿𑌗𑍍𑌮𑍍𑌸𑌿𑌷॒-𑌮𑍍𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑌿𑌷𑍍𑌟॒-𑌮𑍍𑌪𑍍𑌰𑌾𑌗𑌪𑌾॒𑌗𑍁𑌦॑𑌗𑌧॒𑌰𑌾𑌕𑍍𑌤𑌾𑌸𑍍𑌤𑍍𑌵𑌾॒ 𑌦𑌿𑌶॒ 𑌆 𑌧𑌾॑𑌵॒𑌨𑍍𑌤𑍍𑌵𑌮𑍍𑌬॒ 𑌨𑌿 𑌷𑍍𑌵॑𑌰 । 𑌯𑌤𑍍𑌤𑍇॑ 𑌸𑍋॒𑌮𑌾-𑌽𑌦𑌾᳚𑌭𑍍𑌯॒-𑌨𑍍𑌨𑌾𑌮॒ 𑌜𑌾𑌗𑍃॑𑌵𑌿॒ 𑌤𑌸𑍍𑌮𑍈॑ 𑌤𑍇 𑌸𑍋𑌮॒ 𑌸𑍋𑌮𑌾॑𑌯॒ 𑌸𑍍𑌵𑌾𑌹𑌾᳚ ॥ 2 ॥
(𑌯𑍁॒𑌷𑍍𑌮𑌾𑌕𑌗𑍍𑌗𑍍॑ – 𑌸𑍍𑌵𑌰॒ 𑌯𑌤𑍍𑌤𑍇॒ -𑌨𑌵॑ 𑌚 ) (𑌅. 1)
𑌵𑌾॒𑌚𑌸𑍍𑌪𑌤॑𑌯𑍇 𑌪𑌵𑌸𑍍𑌵 𑌵𑌾𑌜𑌿॒𑌨𑍍 𑌵𑍃𑌷𑌾॒ 𑌵𑍃𑌷𑍍𑌣𑍋॑ 𑌅॒𑌗𑍍𑌮𑍍॒𑌶𑍁𑌭𑍍𑌯𑌾॒-𑌙𑍍𑌗𑌭॑𑌸𑍍𑌤𑌿𑌪𑍂𑌤𑍋 𑌦𑍇॒𑌵𑍋 𑌦𑍇॒𑌵𑌾𑌨𑌾᳚-𑌮𑍍𑌪॒𑌵𑌿𑌤𑍍𑌰॑𑌮𑌸𑌿॒ 𑌯𑍇𑌷𑌾᳚-𑌮𑍍𑌭𑌾॒𑌗𑍋-𑌽𑌸𑌿॒ 𑌤𑍇𑌭𑍍𑌯॑𑌸𑍍𑌤𑍍𑌵𑌾॒ 𑌸𑍍𑌵𑌾𑌙𑍍𑌕𑍃॑𑌤𑍋-𑌽𑌸𑌿॒ 𑌮𑌧𑍁॑𑌮𑌤𑍀-𑌰𑍍𑌨॒ 𑌇𑌷॑𑌸𑍍𑌕𑍃𑌧𑌿॒ 𑌵𑌿𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑍇𑌨𑍍𑌦𑍍𑌰𑌿॒𑌯𑍇𑌭𑍍𑌯𑍋॑ 𑌦𑌿॒𑌵𑍍𑌯𑍇𑌭𑍍𑌯𑌃॒ 𑌪𑌾𑌰𑍍𑌥𑌿॑𑌵𑍇𑌭𑍍𑌯𑍋॒ 𑌮𑌨॑𑌸𑍍𑌤𑍍𑌵𑌾 𑌽𑌷𑍍𑌟𑍂॒𑌰𑍍𑌵॑𑌨𑍍𑌤𑌰𑌿॑𑌕𑍍𑌷॒-𑌮𑌨𑍍𑌵𑌿॑𑌹𑌿॒ 𑌸𑍍𑌵𑌾𑌹𑌾᳚ 𑌤𑍍𑌵𑌾 𑌸𑍁𑌭𑌵॒-𑌸𑍍𑌸𑍂𑌰𑍍𑌯𑌾॑𑌯 𑌦𑍇॒𑌵𑍇𑌭𑍍𑌯॑𑌸𑍍𑌤𑍍𑌵𑌾 𑌮𑌰𑍀𑌚𑌿॒𑌪𑍇𑌭𑍍𑌯॑ 𑌏॒𑌷 𑌤𑍇॒ 𑌯𑍋𑌨𑌿𑌃॑ 𑌪𑍍𑌰𑌾॒𑌣𑌾𑌯॑ 𑌤𑍍𑌵𑌾 ॥ 3 ॥
(𑌵𑌾॒𑌚𑌃-𑌸॒𑌪𑍍𑌤𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌤𑍍) (𑌅. 2)
𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋 𑌽𑌸𑍍𑌯॒𑌨𑍍𑌤𑌰𑍍𑌯॑𑌚𑍍𑌛 𑌮𑌘𑌵-𑌨𑍍𑌪𑌾॒𑌹𑌿 𑌸𑍋𑌮॑𑌮𑍁𑌰𑍁॒𑌷𑍍𑌯 𑌰𑌾𑌯॒-𑌸𑍍𑌸𑌮𑌿𑌷𑍋॑ 𑌯𑌜𑌸𑍍𑌵𑌾॒-𑌽𑌨𑍍𑌤𑌸𑍍𑌤𑍇॑ 𑌦𑌧𑌾𑌮𑌿॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॒𑌨𑍍𑌤𑌰𑍁॒𑌰𑍍𑌵॑𑌨𑍍𑌤𑌰𑌿॑𑌕𑍍𑌷𑌗𑍍𑌮𑍍 𑌸॒𑌜𑍋𑌷𑌾॑ 𑌦𑍇॒𑌵𑍈𑌰𑌵॑𑌰𑍈𑌃॒ 𑌪𑌰𑍈᳚𑌶𑍍𑌚𑌾-𑌽𑌨𑍍𑌤𑌰𑍍𑌯𑌾॒𑌮𑍇 𑌮॑𑌘𑌵-𑌨𑍍𑌮𑌾𑌦𑌯𑌸𑍍𑌵॒ 𑌸𑍍𑌵𑌾𑌙𑍍𑌕𑍃॑𑌤𑍋-𑌽𑌸𑌿॒ 𑌮𑌧𑍁॑𑌮𑌤𑍀𑌰𑍍𑌨॒ 𑌇𑌷॑𑌸𑍍𑌕𑍃𑌧𑌿॒ 𑌵𑌿𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑍇𑌨𑍍𑌦𑍍𑌰𑌿॒𑌯𑍇𑌭𑍍𑌯𑍋॑ 𑌦𑌿॒𑌵𑍍𑌯𑍇𑌭𑍍𑌯𑌃॒ 𑌪𑌾𑌰𑍍𑌥𑌿॑𑌵𑍇𑌭𑍍𑌯𑍋॒ 𑌮𑌨॑𑌸𑍍𑌤𑍍𑌵𑌾-𑌽𑌷𑍍𑌟𑍂॒𑌰𑍍𑌵॑𑌨𑍍𑌤𑌰𑌿॑𑌕𑍍𑌷॒𑌮𑌨𑍍𑌵𑌿॑𑌹𑌿॒ 𑌸𑍍𑌵𑌾𑌹𑌾᳚ 𑌤𑍍𑌵𑌾 𑌸𑍁𑌭𑌵॒-𑌸𑍍𑌸𑍂𑌰𑍍𑌯𑌾॑𑌯 𑌦𑍇॒𑌵𑍇𑌭𑍍𑌯॑ 𑌸𑍍𑌤𑍍𑌵𑌾 𑌮𑌰𑍀𑌚𑌿॒𑌪𑍇𑌭𑍍𑌯॑ 𑌏॒𑌷 𑌤𑍇॒ 𑌯𑍋𑌨𑌿॑𑌰𑌪𑌾॒𑌨𑌾𑌯॑ 𑌤𑍍𑌵𑌾 ॥ 4 ॥
(𑌦𑍇॒𑌵𑍇𑌭𑍍𑌯𑌃॑-𑌸॒𑌪𑍍𑌤 𑌚॑) (𑌅. 3)
𑌆 𑌵𑌾॑𑌯𑍋 𑌭𑍂𑌷 𑌶𑍁𑌚𑌿𑌪𑌾॒ 𑌉𑌪॑ 𑌨-𑌸𑍍𑌸॒𑌹𑌸𑍍𑌰॑-𑌨𑍍𑌤𑍇 𑌨𑌿॒𑌯𑍁𑌤𑍋॑ 𑌵𑌿𑌶𑍍𑌵𑌵𑌾𑌰 । 𑌉𑌪𑍋॑ 𑌤𑍇॒ 𑌅𑌨𑍍𑌧𑍋॒ 𑌮𑌦𑍍𑌯॑𑌮𑌯𑌾𑌮𑌿॒ 𑌯𑌸𑍍𑌯॑ 𑌦𑍇𑌵 𑌦𑌧𑌿॒𑌷𑍇 𑌪𑍂᳚𑌰𑍍𑌵॒𑌪𑍇𑌯᳚𑌮𑍍 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌵𑌾॒𑌯𑌵𑍇॒ 𑌤𑍍𑌵𑍇𑌨𑍍𑌦𑍍𑌰॑𑌵𑌾𑌯𑍂 𑌇॒𑌮𑍇 𑌸𑍁॒𑌤𑌾𑌃 । 𑌉𑌪॒ 𑌪𑍍𑌰𑌯𑍋॑𑌭𑌿॒𑌰𑌾 𑌗॑𑌤॒𑌮𑌿𑌨𑍍𑌦॑𑌵𑍋 𑌵𑌾𑌮𑍁॒𑌶𑌨𑍍𑌤𑌿॒ 𑌹𑌿 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑍀𑌨𑍍𑌦𑍍𑌰𑌵𑌾॒𑌯𑍁𑌭𑍍𑌯𑌾᳚-𑌨𑍍𑌤𑍍𑌵𑍈॒𑌷 𑌤𑍇॒ 𑌯𑍋𑌨𑌿॑-𑌸𑍍𑌸॒𑌜𑍋𑌷𑌾᳚𑌭𑍍𑌯𑌾-𑌨𑍍𑌤𑍍𑌵𑌾 ॥ 5 ॥
(𑌆 𑌵𑌾॑𑌯𑍋॒- 𑌤𑍍𑌰𑌿𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌤𑍍) (𑌅. 4)
𑌅॒𑌯𑌂-𑌵𑌾𑌁᳚-𑌮𑍍𑌮𑌿𑌤𑍍𑌰𑌾𑌵𑌰𑍁𑌣𑌾 𑌸𑍁॒𑌤-𑌸𑍍𑌸𑍋𑌮॑ 𑌋𑌤𑌾𑌵𑍃𑌧𑌾 । 𑌮𑌮𑍇𑌦𑌿॒𑌹 𑌶𑍍𑌰𑍁॑𑌤॒𑌗𑍍𑌮𑍍॒ 𑌹𑌵᳚𑌮𑍍 । 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌮𑌿॒𑌤𑍍𑌰𑌾𑌵𑌰𑍁॑𑌣𑌾𑌭𑍍𑌯𑌾-𑌨𑍍𑌤𑍍𑌵𑍈॒𑌷 𑌤𑍇॒ 𑌯𑍋𑌨𑌿॑𑌰𑍍-𑌋𑌤𑌾॒𑌯𑍁𑌭𑍍𑌯𑌾᳚-𑌨𑍍𑌤𑍍𑌵𑌾 ॥ 6 ॥
(𑌅॒𑌯𑌂-𑌵𑌾𑌁𑌂᳚ – 𑌵𑌿𑌁𑌗𑍍𑌮𑍍𑌶॒𑌤𑌿𑌃) (𑌅. 5)
𑌯𑌾 𑌵𑌾॒-𑌙𑍍𑌕𑌶𑌾॒ 𑌮𑌧𑍁॑𑌮॒𑌤𑍍𑌯𑌶𑍍𑌵𑌿॑𑌨𑌾 𑌸𑍂॒𑌨𑍃𑌤𑌾॑𑌵𑌤𑍀 । 𑌤𑌯𑌾॑ 𑌯॒𑌜𑍍𑌞-𑌮𑍍𑌮𑌿॑𑌮𑌿𑌕𑍍𑌷𑌤𑌮𑍍 । 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑍍𑌯॒𑌶𑍍𑌵𑌿𑌭𑍍𑌯𑌾᳚-𑌨𑍍𑌤𑍍𑌵𑍈॒𑌷 𑌤𑍇॒ 𑌯𑍋𑌨𑌿॒𑌰𑍍𑌮𑌾𑌦𑍍𑌧𑍍𑌵𑍀᳚𑌭𑍍𑌯𑌾-𑌨𑍍𑌤𑍍𑌵𑌾 ॥ ॥
(𑌯𑌾 𑌵𑌾॑- 𑌮॒𑌷𑍍𑌟𑌾𑌦॑𑌶) (𑌅. 6)
𑌪𑍍𑌰𑌾॒𑌤॒𑌰𑍍𑌯𑍁𑌜𑍌॒ 𑌵𑌿 𑌮𑍁॑𑌚𑍍𑌯𑍇𑌥𑌾॒-𑌮𑌶𑍍𑌵𑌿॑𑌨𑌾॒𑌵𑍇𑌹 𑌗॑𑌚𑍍𑌛𑌤𑌮𑍍 । 𑌅॒𑌸𑍍𑌯 𑌸𑍋𑌮॑𑌸𑍍𑌯 𑌪𑍀॒𑌤𑌯𑍇᳚ ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑍍𑌯॒𑌶𑍍𑌵𑌿𑌭𑍍𑌯𑌾᳚-𑌨𑍍𑌤𑍍𑌵𑍈॒𑌷 𑌤𑍇॒ 𑌯𑍋𑌨𑌿॑𑌰॒𑌶𑍍𑌵𑌿𑌭𑍍𑌯𑌾᳚-𑌨𑍍𑌤𑍍𑌵𑌾 ॥ ॥
(𑌪𑍍𑌰𑌾॒𑌤॒𑌰𑍍𑌯𑍁𑌜𑌾॒𑌵𑍇-𑌕𑌾॒𑌨𑍍𑌨𑌵𑌿𑌗𑍍𑌮𑍍॑𑌶॒𑌤𑌿𑌃) (𑌅. )
𑌅॒𑌯𑌂-𑌵𑍇𑌁॒𑌨𑌶𑍍𑌚𑍋॑𑌦𑌯॒-𑌤𑍍𑌪𑍃𑌶𑍍𑌞𑌿॑𑌗𑌰𑍍𑌭𑌾॒ 𑌜𑍍𑌯𑍋𑌤𑌿॑𑌰𑍍𑌜𑌰𑌾𑌯𑍂॒ 𑌰𑌜॑𑌸𑍋 𑌵𑌿॒𑌮𑌾𑌨𑍇᳚ । 𑌇॒𑌮𑌮॒𑌪𑌾𑌗𑍍𑌮𑍍 𑌸॑𑌙𑍍𑌗॒𑌮𑍇 𑌸𑍂𑌰𑍍𑌯॑𑌸𑍍𑌯॒ 𑌶𑌿𑌶𑍁॒-𑌨𑍍𑌨 𑌵𑌿𑌪𑍍𑌰𑌾॑ 𑌮॒𑌤𑌿𑌭𑍀॑ 𑌰𑌿𑌹𑌨𑍍𑌤𑌿 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿॒ 𑌶𑌣𑍍𑌡𑌾॑𑌯 𑌤𑍍𑌵𑍈॒𑌷 𑌤𑍇॒ 𑌯𑍋𑌨𑌿॑-𑌰𑍍𑌵𑍀॒𑌰𑌤𑌾᳚-𑌮𑍍𑌪𑌾𑌹𑌿 ॥ ॥
(𑌅॒𑌯𑌂-𑌵𑍇𑌁॒𑌨𑌃- 𑌪𑌞𑍍𑌚॑𑌵𑌿𑌗𑍍𑌮𑍍𑌶𑌤𑌿𑌃) (𑌅. )
𑌤-𑌮𑍍𑌪𑍍𑌰॒𑌤𑍍𑌨𑌥𑌾॑ 𑌪𑍂॒𑌰𑍍𑌵𑌥𑌾॑ 𑌵𑌿॒𑌶𑍍𑌵𑌥𑍇॒𑌮𑌥𑌾᳚ 𑌜𑍍𑌯𑍇॒𑌷𑍍𑌠𑌤𑌾॑𑌤𑌿-𑌮𑍍𑌬𑌰𑍍𑌹𑌿॒𑌷𑌦𑌗𑍍𑌮𑍍॑ 𑌸𑍁𑌵॒𑌰𑍍𑌵𑌿𑌦॑-𑌮𑍍𑌪𑍍𑌰𑌤𑍀𑌚𑍀॒𑌨𑌂-𑌵𑍃𑌁॒𑌜𑌨॑-𑌨𑍍𑌦𑍋𑌹𑌸𑍇 𑌗𑌿॒𑌰𑌾-𑌽𑌽𑌶𑍁-𑌞𑍍𑌜𑌯॑𑌨𑍍𑌤॒𑌮𑌨𑍁॒ 𑌯𑌾𑌸𑍁॒ 𑌵𑌰𑍍𑌧॑𑌸𑍇 । 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿॒ 𑌮𑌰𑍍𑌕𑌾॑𑌯 𑌤𑍍𑌵𑍈॒𑌷 𑌤𑍇॒ 𑌯𑍋𑌨𑌿𑌃॑ 𑌪𑍍𑌰॒𑌜𑌾𑌃 𑌪𑌾॑𑌹𑌿 ॥ 10 ॥
(𑌤-𑌮𑍍𑌪𑍍𑌰॒𑌤𑍍𑌨𑌯𑌾॒-𑌷𑌟𑍍𑌵𑌿𑌗𑍍𑌮𑍍॑𑌶𑌤𑌿𑌃 ) (𑌅. )
𑌯𑍇 𑌦𑍇॑𑌵𑌾 𑌦𑌿॒𑌵𑍍𑌯𑍇𑌕𑌾॑𑌦𑌶॒ 𑌸𑍍𑌥 𑌪𑍃॑𑌥𑌿॒𑌵𑍍𑌯𑌾𑌮𑌦𑍍𑌧𑍍𑌯𑍇𑌕𑌾॑𑌦𑌶॒ 𑌸𑍍𑌥𑌾-𑌽𑌫𑍍𑌸𑍁॒𑌷𑌦𑍋॑ 𑌮𑌹𑌿॒𑌨𑍈𑌕𑌾॑𑌦𑌶॒ 𑌸𑍍𑌥 𑌤𑍇 𑌦𑍇॑𑌵𑌾 𑌯॒𑌜𑍍𑌞𑌮𑌿॒𑌮-𑌞𑍍𑌜𑍁॑𑌷𑌦𑍍𑌧𑍍𑌵-𑌮𑍁𑌪𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑍍𑌯𑌾𑌗𑍍𑌰𑌯॒𑌣𑍋॑-𑌽𑌸𑌿॒ 𑌸𑍍𑌵𑌾᳚𑌗𑍍𑌰𑌯𑌣𑍋॒ 𑌜𑌿𑌨𑍍𑌵॑ 𑌯॒𑌜𑍍𑌞-𑌞𑍍𑌜𑌿𑌨𑍍𑌵॑ 𑌯॒𑌜𑍍𑌞𑌪॑𑌤𑌿𑌮॒𑌭𑌿 𑌸𑌵॑𑌨𑌾 𑌪𑌾𑌹𑌿॒ 𑌵𑌿𑌷𑍍𑌣𑍁॒𑌸𑍍𑌤𑍍𑌵𑌾-𑌮𑍍𑌪𑌾॑𑌤𑍁॒ 𑌵𑌿𑌶॒-𑌨𑍍𑌤𑍍𑌵-𑌮𑍍𑌪𑌾॑𑌹𑍀𑌨𑍍𑌦𑍍𑌰𑌿॒𑌯𑍇𑌣𑍈॒𑌷 𑌤𑍇॒ 𑌯𑍋𑌨𑌿॒-𑌰𑍍𑌵𑌿𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑌾 𑌦𑍇॒𑌵𑍇𑌭𑍍𑌯𑌃॑ ॥ 11 ॥
𑌯𑍇 𑌦𑍇॑𑌵𑌾॒-𑌸𑍍𑌤𑍍𑌰𑌿𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌤𑍍) (𑌅. 10)
𑌤𑍍𑌰𑌿॒𑌗𑍍𑌮𑍍॒𑌶𑌤𑍍𑌤𑍍𑌰𑌯॑𑌶𑍍𑌚 𑌗॒𑌣𑌿𑌨𑍋॑ 𑌰𑍁॒𑌜𑌨𑍍𑌤𑍋॒ 𑌦𑌿𑌵𑌗𑍍𑌮𑍍॑ 𑌰𑍁॒𑌦𑍍𑌰𑌾𑌃 𑌪𑍃॑𑌥𑌿॒𑌵𑍀-𑌞𑍍𑌚॑ 𑌸𑌚𑌨𑍍𑌤𑍇 । 𑌏॒𑌕𑌾॒𑌦॒𑌶𑌾𑌸𑍋॑ 𑌅𑌫𑍍𑌸𑍁॒𑌷𑌦॑-𑌸𑍍𑌸𑍁॒𑌤𑌗𑍍𑌮𑍍 𑌸𑍋𑌮॑-𑌞𑍍𑌜𑍁𑌷𑌨𑍍𑌤𑌾॒𑌗𑍍𑌮𑍍॒ 𑌸𑌵॑𑌨𑌾𑌯॒ 𑌵𑌿𑌶𑍍𑌵𑍇᳚ ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋 -𑌽𑌸𑍍𑌯𑌾𑌗𑍍𑌰𑌯॒𑌣𑍋॑-𑌽𑌸𑌿॒ 𑌸𑍍𑌵𑌾᳚𑌗𑍍𑌰𑌯𑌣𑍋॒ 𑌜𑌿𑌨𑍍𑌵॑ 𑌯॒𑌜𑍍𑌞-𑌞𑍍𑌜𑌿𑌨𑍍𑌵॑ 𑌯॒𑌜𑍍𑌞𑌪॑𑌤𑌿𑌮॒𑌭𑌿 𑌸𑌵॑𑌨𑌾 𑌪𑌾𑌹𑌿॒ 𑌵𑌿𑌷𑍍𑌣𑍁॒𑌸𑍍𑌤𑍍𑌵𑌾-𑌮𑍍𑌪𑌾॑𑌤𑍁॒ 𑌵𑌿𑌶॒-𑌨𑍍𑌤𑍍𑌵-𑌮𑍍𑌪𑌾॑𑌹𑍀𑌨𑍍𑌦𑍍𑌰𑌿॒𑌯𑍇𑌣𑍈॒𑌷 𑌤𑍇॒ 𑌯𑍋𑌨𑌿॒-𑌰𑍍𑌵𑌿𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑌾 𑌦𑍇॒𑌵𑍇𑌭𑍍𑌯𑌃॑ ॥ 12 ॥
(𑌤𑍍𑌰𑌿॒𑌗𑍍𑌮𑍍॒𑌶𑌤𑍍𑌤𑍍𑌰𑌯𑍋॒-𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌤𑍍) (𑌅. 11)
𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌬𑍃॒𑌹𑌦𑍍𑌵॑𑌤𑍇॒ 𑌵𑌯॑𑌸𑍍𑌵𑌤 𑌉𑌕𑍍𑌥𑌾॒𑌯𑍁𑌵𑍇॒ 𑌯𑌤𑍍𑌤॑ 𑌇𑌨𑍍𑌦𑍍𑌰 𑌬𑍃॒𑌹𑌦𑍍𑌵𑌯॒𑌸𑍍𑌤𑌸𑍍𑌮𑍈᳚ 𑌤𑍍𑌵𑌾॒ 𑌵𑌿𑌷𑍍𑌣॑𑌵𑍇 𑌤𑍍𑌵𑍈॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑍋𑌕𑍍𑌥𑌾॒𑌯𑍁𑌵𑍇᳚ ॥ 13 ॥
(𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀𑌨𑍍𑌦𑍍𑌰𑌾॑𑌯॒-𑌦𑍍𑌵𑌾𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 12)
𑌮𑍂॒𑌰𑍍𑌧𑌾𑌨॑-𑌨𑍍𑌦𑌿॒𑌵𑍋 𑌅॑𑌰॒𑌤𑌿-𑌮𑍍𑌪𑍃॑𑌥𑌿॒𑌵𑍍𑌯𑌾 𑌵𑍈᳚𑌶𑍍𑌵𑌾𑌨॒𑌰𑌮𑍃॒𑌤𑌾𑌯॑ 𑌜𑌾॒𑌤𑌮॒𑌗𑍍𑌨𑌿𑌮𑍍 । 𑌕॒𑌵𑌿𑌗𑍍𑌮𑍍 𑌸॒𑌮𑍍𑌰𑌾𑌜॒-𑌮𑌤𑌿॑𑌥𑌿॒-𑌞𑍍𑌜𑌨𑌾॑𑌨𑌾𑌮𑌾॒𑌸𑌨𑍍𑌨𑌾 𑌪𑌾𑌤𑍍𑌰॑-𑌞𑍍𑌜𑌨𑌯𑌨𑍍𑌤 𑌦𑍇॒𑌵𑌾𑌃 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑍍𑌯॒𑌗𑍍𑌨𑌯𑍇᳚ 𑌤𑍍𑌵𑌾 𑌵𑍈𑌶𑍍𑌵𑌾𑌨॒𑌰𑌾𑌯॑ 𑌧𑍍𑌰𑍁॒𑌵𑍋॑-𑌽𑌸𑌿 𑌧𑍍𑌰𑍁॒𑌵𑌕𑍍𑌷𑌿॑𑌤𑌿-𑌰𑍍𑌧𑍍𑌰𑍁॒𑌵𑌾𑌣𑌾᳚-𑌨𑍍𑌧𑍍𑌰𑍁॒𑌵𑌤॒𑌮𑍋-𑌽𑌚𑍍𑌯𑍁॑𑌤𑌾𑌨𑌾-𑌮𑌚𑍍𑌯𑍁𑌤॒𑌕𑍍𑌷𑌿𑌤𑍍𑌤॑𑌮 𑌏॒𑌷 𑌤𑍇॒ 𑌯𑍋𑌨𑌿॑𑌰॒𑌗𑍍𑌨𑌯𑍇᳚ 𑌤𑍍𑌵𑌾 𑌵𑍈𑌶𑍍𑌵𑌾𑌨॒𑌰𑌾𑌯॑ ॥ 14 ॥
(𑌮𑍂॒𑌰𑍍𑌧𑌾𑌨𑌂॒-𑌪𑌞𑍍𑌚॑𑌤𑍍𑌰𑌿𑌗𑍍𑌮𑍍𑌶𑌤𑍍) (𑌅. 13)
𑌮𑌧𑍁॑𑌶𑍍𑌚॒ 𑌮𑌾𑌧॑𑌵𑌶𑍍𑌚 𑌶𑍁॒𑌕𑍍𑌰𑌶𑍍𑌚॒ 𑌶𑍁𑌚𑌿॑𑌶𑍍𑌚॒ 𑌨𑌭॑𑌶𑍍𑌚 𑌨𑌭॒𑌸𑍍𑌯॑𑌶𑍍𑌚𑍇॒𑌷𑌶𑍍𑌚𑍋॒𑌰𑍍𑌜𑌶𑍍𑌚॒ 𑌸𑌹॑𑌶𑍍𑌚 𑌸𑌹॒𑌸𑍍𑌯॑𑌶𑍍𑌚॒ 𑌤𑌪॑𑌶𑍍𑌚 𑌤𑌪॒𑌸𑍍𑌯॑𑌶𑍍𑌚𑍋-𑌪𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌸॒𑌗𑍍𑌮𑍍॒𑌸𑌰𑍍𑌪𑍋᳚- 𑌽𑌸𑍍𑌯𑌗𑍍𑌮𑍍𑌹𑌸𑍍𑌪॒𑌤𑍍𑌯𑌾𑌯॑ 𑌤𑍍𑌵𑌾 ॥ 15 ॥
(𑌮𑌧𑍁॑𑌶𑍍𑌚-𑌤𑍍𑌰𑌿॒𑌗𑍍𑌮𑍍॒𑌶𑌤𑍍) (𑌅. 14)
𑌇𑌨𑍍𑌦𑍍𑌰𑌾᳚𑌗𑍍𑌨𑍀॒ 𑌆 𑌗॑𑌤𑌗𑍍𑌮𑍍 𑌸𑍁॒𑌤-𑌙𑍍𑌗𑍀॒𑌰𑍍𑌭𑌿-𑌰𑍍𑌨𑌭𑍋॒ 𑌵𑌰𑍇᳚𑌣𑍍𑌯𑌮𑍍 । 𑌅॒𑌸𑍍𑌯 𑌪𑌾॑𑌤-𑌨𑍍𑌧𑌿॒𑌯𑍇𑌷𑌿॒𑌤𑌾 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑍀𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾᳚-𑌨𑍍𑌤𑍍𑌵𑍈॒𑌷 𑌤𑍇॒ 𑌯𑍋𑌨𑌿॑𑌰𑌿𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾᳚-𑌨𑍍𑌤𑍍𑌵𑌾 ॥ 16 ॥
(𑌇𑌨𑍍𑌦𑍍𑌰𑌾᳚𑌗𑍍𑌨𑍀॒ 𑌵𑌿𑌗𑍍𑌮𑍍𑌶॒𑌤𑌿𑌃) (𑌅. 15)
𑌓𑌮𑌾॑𑌸𑌶𑍍𑌚𑌰𑍍𑌷𑌣𑍀𑌧𑍃𑌤𑍋॒ 𑌵𑌿𑌶𑍍𑌵𑍇॑ 𑌦𑍇𑌵𑌾𑌸॒ 𑌆 𑌗॑𑌤 । 𑌦𑌾॒𑌶𑍍𑌵𑌾𑌗𑍍𑌮𑍍𑌸𑍋॑ 𑌦𑌾॒𑌶𑍁𑌷॑-𑌸𑍍𑌸𑍁॒𑌤𑌮𑍍 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿॒ 𑌵𑌿𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑌾 𑌦𑍇॒𑌵𑍇𑌭𑍍𑌯॑ 𑌏॒𑌷 𑌤𑍇॒ 𑌯𑍋𑌨𑌿॒-𑌰𑍍𑌵𑌿𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑌾 𑌦𑍇॒𑌵𑍇𑌭𑍍𑌯𑌃॑ ॥ 1 ॥
(𑌓𑌮𑌾॑𑌸𑍋 𑌵𑌿𑌗𑍍𑌮𑍍𑌶॒𑌤𑌿𑌃) (𑌅. 16)
𑌮॒𑌰𑍁𑌤𑍍𑌵॑𑌨𑍍𑌤𑌂-𑌵𑍃𑌁𑌷॒𑌭𑌂-𑌵𑌾𑌁॑𑌵𑍃𑌧𑌾॒𑌨𑌮𑌕॑𑌵𑌾𑌰𑌿-𑌨𑍍𑌦𑌿॒𑌵𑍍𑌯𑌗𑍍𑌮𑍍 𑌶𑌾॒𑌸𑌮𑌿𑌨𑍍𑌦𑍍𑌰᳚𑌮𑍍 । 𑌵𑌿॒𑌶𑍍𑌵𑌾॒𑌸𑌾𑌹॒𑌮𑌵॑𑌸𑍇॒ 𑌨𑍂𑌤॑𑌨𑌾𑌯𑍋॒𑌗𑍍𑌰𑌗𑍍𑌮𑍍 𑌸॑𑌹𑍋॒𑌦𑌾𑌮𑌿॒𑌹 𑌤𑌗𑍍𑌮𑍍 𑌹𑍁॑𑌵𑍇𑌮 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌮॒𑌰𑍁𑌤𑍍𑌵॑𑌤 𑌏॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌮॒𑌰𑍁𑌤𑍍𑌵॑𑌤𑍇 ॥ 1 ॥
(𑌮॒𑌰𑍁𑌤𑍍𑌵॑𑌨𑍍𑌤॒𑌗𑍍𑌮𑍍॒-𑌷𑌟𑍍𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 1)
𑌇𑌨𑍍𑌦𑍍𑌰॑ 𑌮𑌰𑍁𑌤𑍍𑌵 𑌇॒𑌹 𑌪𑌾॑𑌹𑌿॒ 𑌸𑍋𑌮𑌂॒-𑌯𑌁𑌥𑌾॑ 𑌶𑌾𑌰𑍍𑌯𑌾॒𑌤𑍇 𑌅𑌪𑌿॑𑌬-𑌸𑍍𑌸𑍁॒𑌤𑌸𑍍𑌯॑ । 𑌤𑌵॒ 𑌪𑍍𑌰𑌣𑍀॑𑌤𑍀॒ 𑌤𑌵॑ 𑌶𑍂𑌰॒ 𑌶𑌰𑍍𑌮॒𑌨𑍍𑌨𑌾-𑌵𑌿॑𑌵𑌾𑌸𑌨𑍍𑌤𑌿 𑌕॒𑌵𑌯॑-𑌸𑍍𑌸𑍁𑌯॒𑌜𑍍𑌞𑌾𑌃 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌮॒𑌰𑍁𑌤𑍍𑌵॑𑌤 𑌏॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌮॒𑌰𑍁𑌤𑍍𑌵॑𑌤𑍇 ॥ 1 ॥
(𑌇𑌨𑍍𑌦𑍍𑌰𑍈॒𑌕𑌾॒𑌨𑍍𑌨 𑌤𑍍𑌰𑌿॒𑌗𑍍𑌮𑍍॒𑌶𑌤𑍍) (𑌅. 1)
𑌮॒𑌰𑍁𑌤𑍍𑌵𑌾𑌗𑍍𑌮𑍍॑ 𑌇𑌨𑍍𑌦𑍍𑌰 𑌵𑍃𑌷॒𑌭𑍋 𑌰𑌣𑌾॑𑌯॒ 𑌪𑌿𑌬𑌾॒ 𑌸𑍋𑌮॑𑌮𑌨𑍁𑌷𑍍𑌵॒𑌧-𑌮𑍍𑌮𑌦𑌾॑𑌯 । 𑌆 𑌸𑌿॑𑌞𑍍𑌚𑌸𑍍𑌵 𑌜॒𑌠𑌰𑍇॒ 𑌮𑌦𑍍𑌧𑍍𑌵॑ 𑌊॒𑌰𑍍𑌮𑌿-𑌨𑍍𑌤𑍍𑌵𑌗𑍍𑌮𑍍 𑌰𑌾𑌜𑌾॑-𑌽𑌸𑌿 𑌪𑍍𑌰॒𑌦𑌿𑌵॑-𑌸𑍍𑌸𑍁॒𑌤𑌾𑌨𑌾᳚𑌮𑍍 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌮॒𑌰𑍁𑌤𑍍𑌵॑𑌤 𑌏॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌮॒𑌰𑍁𑌤𑍍𑌵॑𑌤𑍇 ॥ 20 ॥
(𑌮॒𑌰𑍁𑌤𑍍𑌵𑌾॒𑌨𑍇𑌕𑌾॒𑌨𑍍𑌨𑌤𑍍𑌰𑌿॒𑌗𑍍𑌮𑍍॒𑌶𑌤𑍍) (𑌅. 1)
𑌮॒𑌹𑌾𑌗𑍍𑌮𑍍 𑌇𑌨𑍍𑌦𑍍𑌰𑍋॒ 𑌯 𑌓𑌜॑𑌸𑌾 𑌪॒𑌰𑍍𑌜𑌨𑍍𑌯𑍋॑ 𑌵𑍃𑌷𑍍𑌟𑌿॒𑌮𑌾𑌗𑍍𑌮𑍍 𑌇॑𑌵 । 𑌸𑍍𑌤𑍋𑌮𑍈᳚𑌰𑍍𑌵॒𑌥𑍍𑌸𑌸𑍍𑌯॑ 𑌵𑌾𑌵𑍃𑌧𑍇 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌮𑌹𑍇॒𑌨𑍍𑌦𑍍𑌰𑌾𑌯॑ 𑌤𑍍𑌵𑍈॒𑌷 𑌤𑍇॒ 𑌯𑍋𑌨𑌿॑-𑌰𑍍𑌮𑌹𑍇॒𑌨𑍍𑌦𑍍𑌰𑌾𑌯॑ 𑌤𑍍𑌵𑌾 ॥ 21 ॥
(𑌮॒𑌹𑌾𑌨𑍇𑌕𑌾॒𑌨𑍍𑌨𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 20)
𑌮॒𑌹𑌾𑌗𑍍𑌮𑍍 𑌇𑌨𑍍𑌦𑍍𑌰𑍋॑ 𑌨𑍃॒𑌵𑌦𑌾 𑌚॑𑌰𑍍𑌷𑌣𑌿॒𑌪𑍍𑌰𑌾 𑌉॒𑌤 𑌦𑍍𑌵𑌿॒𑌬𑌰𑍍𑌹𑌾॑ 𑌅𑌮𑌿॒𑌨-𑌸𑍍𑌸𑌹𑍋॑𑌭𑌿𑌃 । 𑌅॒𑌸𑍍𑌮॒𑌦𑍍𑌰𑌿𑌯॑𑌗𑍍𑌵𑌾𑌵𑍃𑌧𑍇 𑌵𑍀॒𑌰𑍍𑌯𑌾॑𑌯𑍋॒𑌰𑍁𑌃 𑌪𑍃॒𑌥𑍁-𑌸𑍍𑌸𑍁𑌕𑍃॑𑌤𑌃 𑌕॒𑌰𑍍𑌤𑍃𑌭𑌿॑𑌰𑍍𑌭𑍂𑌤𑍍 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌮𑌹𑍇॒𑌨𑍍𑌦𑍍𑌰𑌾𑌯॑ 𑌤𑍍𑌵𑍈॒𑌷 𑌤𑍇॒ 𑌯𑍋𑌨𑌿॑-𑌰𑍍𑌮𑌹𑍇॒𑌨𑍍𑌦𑍍𑌰𑌾𑌯॑ 𑌤𑍍𑌵𑌾 ॥ 22 ॥
(𑌮॒𑌹𑌾-𑌨𑍍𑌨𑍃॒𑌵𑌥𑍍 – 𑌷𑌡𑍍𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 21)
𑌕॒𑌦𑌾 𑌚॒𑌨 𑌸𑍍𑌤॒𑌰𑍀𑌰॑𑌸𑌿॒ 𑌨𑍇𑌨𑍍𑌦𑍍𑌰॑ 𑌸𑌶𑍍𑌚𑌸𑌿 𑌦𑌾॒𑌶𑍁𑌷𑍇᳚ । 𑌉𑌪𑍋॒𑌪𑍇𑌨𑍍𑌨𑍁 𑌮॑𑌘𑌵॒-𑌨𑍍𑌭𑍂𑌯॒ 𑌇𑌨𑍍𑌨𑍁 𑌤𑍇॒ 𑌦𑌾𑌨॑-𑌨𑍍𑌦𑍇॒𑌵𑌸𑍍𑌯॑ 𑌪𑍃𑌚𑍍𑌯𑌤𑍇 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑍍𑌯𑌾-𑌦𑌿॒𑌤𑍍𑌯𑍇𑌭𑍍𑌯॑𑌸𑍍𑌤𑍍𑌵𑌾 ॥ 𑌕॒𑌦𑌾 𑌚॒𑌨 𑌪𑍍𑌰 𑌯𑍁॑𑌚𑍍𑌛𑌸𑍍𑌯𑍁॒𑌭𑍇 𑌨𑌿 𑌪𑌾॑𑌸𑌿॒ 𑌜𑌨𑍍𑌮॑𑌨𑍀 । 𑌤𑍁𑌰𑍀॑𑌯𑌾𑌦𑌿𑌤𑍍𑌯॒ 𑌸𑌵॑𑌨-𑌨𑍍𑌤 𑌇𑌨𑍍𑌦𑍍𑌰𑌿॒𑌯𑌮𑌾 𑌤॑𑌸𑍍𑌥𑌾𑌵॒𑌮𑍃𑌤॑-𑌨𑍍𑌦𑌿॒𑌵𑌿 ॥ 𑌯॒𑌜𑍍𑌞𑍋 𑌦𑍇॒𑌵𑌾𑌨𑌾॒-𑌮𑍍𑌪𑍍𑌰𑌤𑍍𑌯𑍇॑𑌤𑌿 𑌸𑍁॒𑌮𑍍𑌨𑌮𑌾𑌦𑌿॑𑌤𑍍𑌯𑌾𑌸𑍋॒ 𑌭𑌵॑𑌤𑌾 𑌮𑍃𑌡॒𑌯𑌨𑍍𑌤𑌃॑ । 𑌆 𑌵𑍋॒ 𑌽𑌰𑍍𑌵𑌾𑌚𑍀॑ 𑌸𑍁𑌮॒𑌤𑌿-𑌰𑍍𑌵॑𑌵𑍃𑌤𑍍𑌯𑌾𑌦॒𑌗𑍍𑌮𑍍॒𑌹𑍋-𑌶𑍍𑌚𑌿॒𑌦𑍍𑌯𑌾 𑌵॑𑌰𑌿𑌵𑍋॒𑌵𑌿𑌤𑍍𑌤॒𑌰𑌾-𑌽𑌸॑𑌤𑍍 ॥ 𑌵𑌿𑌵॑𑌸𑍍𑌵 𑌆𑌦𑌿𑌤𑍍𑌯𑍈॒𑌷 𑌤𑍇॑ 𑌸𑍋𑌮𑌪𑍀॒𑌥𑌸𑍍𑌤𑍇𑌨॑ 𑌮𑌨𑍍𑌦𑌸𑍍𑌵॒ 𑌤𑍇𑌨॑ 𑌤𑍃𑌪𑍍𑌯 𑌤𑍃॒𑌪𑍍𑌯𑌾𑌸𑍍𑌮॑ 𑌤𑍇 𑌵॒𑌯-𑌨𑍍𑌤॑𑌰𑍍𑌪𑌯𑌿॒𑌤𑌾𑌰𑍋॒ 𑌯𑌾 𑌦𑌿॒𑌵𑍍𑌯𑌾 𑌵𑍃𑌷𑍍𑌟𑌿॒𑌸𑍍𑌤𑌯𑌾᳚ 𑌤𑍍𑌵𑌾 𑌶𑍍𑌰𑍀𑌣𑌾𑌮𑌿 ॥ 23 ॥
(𑌵𑌃॒- 𑌸॒𑌪𑍍𑌤𑌵𑌿𑌗𑍍𑌮𑍍॑𑌶𑌤𑌿𑌶𑍍𑌚) (𑌅. 22)
𑌵𑌾॒𑌮𑌮॒𑌦𑍍𑌯 𑌸॑𑌵𑌿𑌤𑌰𑍍𑌵𑌾॒𑌮𑌮𑍁॒ 𑌶𑍍𑌵𑍋 𑌦𑌿॒𑌵𑍇𑌦𑌿॑𑌵𑍇 𑌵𑌾॒𑌮𑌮॒𑌸𑍍𑌮𑌭𑍍𑌯𑌗𑍍𑌮𑍍॑ 𑌸𑌾𑌵𑍀𑌃 ॥ 𑌵𑌾॒𑌮𑌸𑍍𑌯॒ 𑌹𑌿 𑌕𑍍𑌷𑌯॑𑌸𑍍𑌯 𑌦𑍇𑌵॒ 𑌭𑍂𑌰𑍇॑𑌰॒𑌯𑌾 𑌧𑌿॒𑌯𑌾 𑌵𑌾॑𑌮॒𑌭𑌾𑌜॑-𑌸𑍍𑌸𑍍𑌯𑌾𑌮 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌦𑍇॒𑌵𑌾𑌯॑ 𑌤𑍍𑌵𑌾 𑌸𑌵𑌿॒𑌤𑍍𑌰𑍇 ॥ 24 ॥
(𑌵𑌾॒𑌮𑌂-𑌚𑌤𑍁॑𑌰𑍍𑌵𑌿𑌗𑍍𑌮𑍍𑌶𑌤𑌿𑌃) (𑌅. 23)
𑌅𑌦॑𑌬𑍍𑌧𑍇𑌭𑌿-𑌸𑍍𑌸𑌵𑌿𑌤𑌃 𑌪𑌾॒𑌯𑍁𑌭𑌿॒𑌷𑍍𑌟𑍍𑌵𑌗𑍍𑌮𑍍 𑌶𑌿॒𑌵𑍇𑌭𑌿॑𑌰॒𑌦𑍍𑌯 𑌪𑌰𑌿॑𑌪𑌾𑌹𑌿 𑌨𑍋॒ 𑌗𑌯᳚𑌮𑍍 । 𑌹𑌿𑌰॑𑌣𑍍𑌯𑌜𑌿𑌹𑍍𑌵-𑌸𑍍𑌸𑍁𑌵𑌿॒𑌤𑌾𑌯॒ 𑌨𑌵𑍍𑌯॑𑌸𑍇॒ 𑌰𑌕𑍍𑌷𑌾॒ 𑌮𑌾𑌕𑌿॑𑌰𑍍𑌨𑍋 𑌅॒𑌘𑌶𑌗𑍍𑌮𑍍॑𑌸 𑌈𑌶𑌤 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌦𑍇॒𑌵𑌾𑌯॑ 𑌤𑍍𑌵𑌾 𑌸𑌵𑌿॒𑌤𑍍𑌰𑍇 ॥ 25 ॥
(𑌅𑌦॑𑌬𑍍𑌧𑍇𑌭𑌿॒-𑌸𑍍𑌤𑍍𑌰𑌿𑌯𑍋॑𑌵𑌿𑌗𑍍𑌮𑍍𑌶𑌤𑌿𑌃) (𑌅. 24)
𑌹𑌿𑌰॑𑌣𑍍𑌯𑌪𑌾𑌣𑌿𑌮𑍂॒𑌤𑌯𑍇॑ 𑌸𑌵𑌿॒𑌤𑌾𑌰॒𑌮𑍁𑌪॑ 𑌹𑍍𑌵𑌯𑍇 । 𑌸 𑌚𑍇𑌤𑍍𑌤𑌾॑ 𑌦𑍇॒𑌵𑌤𑌾॑ 𑌪॒𑌦𑌮𑍍 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌦𑍇॒𑌵𑌾𑌯॑ 𑌤𑍍𑌵𑌾 𑌸𑌵𑌿॒𑌤𑍍𑌰𑍇 ॥ 26 ॥
(𑌹𑌿𑌰॑𑌣𑍍𑌯𑌪𑌾𑌣𑌿𑌂॒-𑌚𑌤𑍁॑𑌰𑍍𑌦𑌶) (𑌅. 25)
𑌸𑍁॒𑌶𑌰𑍍𑌮𑌾॑-𑌽𑌸𑌿 𑌸𑍁𑌪𑍍𑌰𑌤𑌿𑌷𑍍𑌠𑌾॒𑌨𑍋 𑌬𑍃॒𑌹𑌦𑍁॒𑌕𑍍𑌷𑍇 𑌨𑌮॑ 𑌏॒𑌷 𑌤𑍇॒ 𑌯𑍋𑌨𑌿॒-𑌰𑍍𑌵𑌿𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑌾 𑌦𑍇॒𑌵𑍇𑌭𑍍𑌯𑌃॑ ॥ 2 ॥
(𑌸𑍁॒𑌶𑌰𑍍𑌮𑌾॒-𑌦𑍍𑌵𑌾𑌦॑𑌶) (𑌅. 26)
𑌬𑍃𑌹॒𑌸𑍍𑌪𑌤𑌿॑𑌸𑍁𑌤𑌸𑍍𑌯 𑌤 𑌇𑌨𑍍𑌦𑍋 𑌇𑌨𑍍𑌦𑍍𑌰𑌿॒𑌯𑌾𑌵॑𑌤𑌃॒ 𑌪𑌤𑍍𑌨𑍀॑𑌵𑌨𑍍𑌤॒-𑌙𑍍𑌗𑍍𑌰𑌹॑-𑌙𑍍𑌗𑍃𑌹𑍍𑌣𑌾॒𑌮𑍍𑌯𑌗𑍍𑌨𑌾(3)𑌇 𑌪𑌤𑍍𑌨𑍀॒𑌵𑌾(3) 𑌸𑍍𑌸॒𑌜𑍂𑌰𑍍𑌦𑍇॒𑌵𑍇𑌨॒ 𑌤𑍍𑌵𑌷𑍍𑌟𑍍𑌰𑌾॒ 𑌸𑍋𑌮॑-𑌮𑍍𑌪𑌿𑌬॒ 𑌸𑍍𑌵𑌾𑌹𑌾᳚ ॥ 2 ॥
(𑌬𑍃𑌹॒𑌸𑍍𑌪𑌤𑌿॑𑌸𑍁𑌤𑌸𑍍𑌯॒-𑌪𑌞𑍍𑌚॑𑌦𑌶) (𑌅. 2)
𑌹𑌰𑌿॑𑌰𑌸𑌿 𑌹𑌾𑌰𑌿𑌯𑍋𑌜॒𑌨𑍋 𑌹𑌰𑍍𑌯𑍋᳚-𑌸𑍍𑌸𑍍𑌥𑌾॒𑌤𑌾 𑌵𑌜𑍍𑌰॑𑌸𑍍𑌯 𑌭॒𑌰𑍍𑌤𑌾 𑌪𑍃𑌶𑍍𑌞𑍇𑌃᳚ 𑌪𑍍𑌰𑍇॒𑌤𑌾 𑌤𑌸𑍍𑌯॑ 𑌤𑍇 𑌦𑍇𑌵 𑌸𑍋𑌮𑍇॒𑌷𑍍𑌟𑌯॑𑌜𑍁𑌷-𑌸𑍍𑌸𑍍𑌤𑍁॒𑌤𑌸𑍍𑌤𑍋॑𑌮𑌸𑍍𑌯 𑌶॒𑌸𑍍𑌤𑍋𑌕𑍍𑌥॑𑌸𑍍𑌯॒ 𑌹𑌰𑌿॑𑌵𑌨𑍍𑌤॒-𑌙𑍍𑌗𑍍𑌰𑌹॑-𑌙𑍍𑌗𑍃𑌹𑍍𑌣𑌾𑌮𑌿 𑌹॒𑌰𑍀-𑌸𑍍𑌸𑍍𑌥॒ 𑌹𑌰𑍍𑌯𑍋᳚𑌰𑍍𑌧𑌾॒𑌨𑌾-𑌸𑍍𑌸॒𑌹𑌸𑍋॑𑌮𑌾॒ 𑌇𑌨𑍍𑌦𑍍𑌰𑌾॑𑌯॒ 𑌸𑍍𑌵𑌾𑌹𑌾᳚ ॥ 2 ॥
(𑌹𑌰𑌿॑𑌰𑌸𑌿॒-𑌷𑌡𑍍𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 2)
𑌅𑌗𑍍𑌨॒ 𑌆𑌯𑍂𑌗𑍍𑌮𑍍॑𑌷𑌿 𑌪𑌵𑌸॒ 𑌆 𑌸𑍁॒𑌵𑍋𑌰𑍍𑌜॒𑌮𑌿𑌷॑-𑌞𑍍𑌚 𑌨𑌃 । 𑌆॒𑌰𑍇 𑌬𑌾॑𑌧𑌸𑍍𑌵 𑌦𑍁॒𑌚𑍍𑌛𑍁𑌨𑌾᳚𑌮𑍍 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑍍𑌯॒𑌗𑍍𑌨𑌯𑍇᳚ 𑌤𑍍𑌵𑌾॒ 𑌤𑍇𑌜॑𑌸𑍍𑌵𑌤 𑌏॒𑌷 𑌤𑍇॒ 𑌯𑍋𑌨𑌿॑𑌰॒𑌗𑍍𑌨𑌯𑍇᳚ 𑌤𑍍𑌵𑌾॒ 𑌤𑍇𑌜॑𑌸𑍍𑌵𑌤𑍇 ॥ 30 ॥
(𑌅𑌗𑍍𑌨॒ 𑌆𑌯𑍂𑌗𑍍𑌮𑍍॑𑌷𑌿॒-𑌤𑍍𑌰𑌯𑍋॑𑌵𑌿𑌗𑍍𑌮𑍍𑌶𑌤𑌿𑌃) (𑌅. 2)
𑌉॒𑌤𑍍𑌤𑌿𑌷𑍍𑌠॒𑌨𑍍𑌨𑍋𑌜॑𑌸𑌾 𑌸॒𑌹 𑌪𑍀॒𑌤𑍍𑌵𑌾 𑌶𑌿𑌪𑍍𑌰𑍇॑ 𑌅𑌵𑍇𑌪𑌯𑌃 । 𑌸𑍋𑌮॑𑌮𑌿𑌨𑍍𑌦𑍍𑌰 𑌚॒𑌮𑍂 𑌸𑍁॒𑌤𑌮𑍍 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀𑌨𑍍𑌦𑍍𑌰𑌾॑𑌯॒ 𑌤𑍍𑌵𑍌𑌜॑𑌸𑍍𑌵𑌤 𑌏॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯॒ 𑌤𑍍𑌵𑍌𑌜॑𑌸𑍍𑌵𑌤𑍇 ॥ 31 ॥
(𑌉॒𑌤𑍍𑌤𑌿𑌷𑍍𑌠॒𑌨𑍍𑌨𑍇𑌕॑𑌵𑌿𑌗𑍍𑌮𑍍𑌶𑌤𑌿𑌃) (𑌅. 30)
𑌤॒𑌰𑌣𑌿॑-𑌰𑍍𑌵𑌿॒𑌶𑍍𑌵𑌦॑𑌰𑍍𑌶𑌤𑍋 𑌜𑍍𑌯𑍋𑌤𑌿॒𑌷𑍍𑌕𑍃𑌦॑𑌸𑌿 𑌸𑍂𑌰𑍍𑌯 । 𑌵𑌿𑌶𑍍𑌵॒𑌮𑌾 𑌭𑌾॑𑌸𑌿 𑌰𑍋𑌚॒𑌨𑌮𑍍 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿॒ 𑌸𑍂𑌰𑍍𑌯𑌾॑𑌯 𑌤𑍍𑌵𑌾॒ 𑌭𑍍𑌰𑌾𑌜॑𑌸𑍍𑌵𑌤 𑌏॒𑌷 𑌤𑍇॒ 𑌯𑍋𑌨𑌿॒-𑌸𑍍𑌸𑍂𑌰𑍍𑌯𑌾॑𑌯 𑌤𑍍𑌵𑌾॒ 𑌭𑍍𑌰𑌾𑌜॑𑌸𑍍𑌵𑌤𑍇 ॥ 32 ॥
(𑌤॒𑌰𑌣𑌿॑-𑌰𑍍𑌵𑌿𑌗𑍍𑌮𑍍𑌶॒𑌤𑌿𑌃) (𑌅. 31)
𑌆 𑌪𑍍𑌯𑌾॑𑌯𑌸𑍍𑌵 𑌮𑌦𑌿𑌨𑍍𑌤𑌮॒ 𑌸𑍋𑌮॒ 𑌵𑌿𑌶𑍍𑌵𑌾॑𑌭𑌿-𑌰𑍂॒𑌤𑌿𑌭𑌿𑌃॑ । 𑌭𑌵𑌾॑ 𑌨-𑌸𑍍𑌸॒𑌪𑍍𑌰𑌥॑𑌸𑍍𑌤𑌮𑌃 ॥ 33 ॥
(𑌆 𑌪𑍍𑌯𑌾॑𑌯𑌸𑍍𑌵॒-𑌨𑌵॑) (𑌅. 32)
𑌈॒𑌯𑍁𑌷𑍍𑌟𑍇 𑌯𑍇 𑌪𑍂𑌰𑍍𑌵॑𑌤𑌰𑌾॒𑌮𑌪॑𑌶𑍍𑌯𑌨𑍍 𑌵𑍍𑌯𑍁॒𑌚𑍍𑌛𑌨𑍍𑌤𑍀॑𑌮𑍁॒𑌷𑌸॒-𑌮𑍍𑌮𑌰𑍍𑌤𑍍𑌯𑌾॑𑌸𑌃 । 𑌅॒𑌸𑍍𑌮𑌾𑌭𑌿॑𑌰𑍂॒ 𑌨𑍁 𑌪𑍍𑌰॑𑌤𑌿॒𑌚𑌕𑍍𑌷𑍍𑌯𑌾॑-𑌽𑌭𑍂॒𑌦𑍋 𑌤𑍇 𑌯॑𑌨𑍍𑌤𑌿॒ 𑌯𑍇 𑌅॑𑌪॒𑌰𑍀𑌷𑍁॒ 𑌪𑌶𑍍𑌯𑌾𑌨𑍍॑ ॥ 34 ॥
(𑌈॒𑌯𑍁-𑌰𑍇𑌕𑌾॒𑌨𑍍𑌨𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 33)
𑌜𑍍𑌯𑍋𑌤𑌿॑𑌷𑍍𑌮𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌜𑍍𑌯𑍋𑌤𑌿॒𑌷𑍍𑌕𑍃𑌤॑-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌜𑍍𑌯𑍋𑌤𑌿॒𑌰𑍍𑌵𑌿𑌦॑-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌭𑌾𑌸𑍍𑌵॑𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌜𑍍𑌵𑌲॑𑌨𑍍𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌮𑌲𑍍𑌮𑌲𑌾॒𑌭𑌵॑𑌨𑍍𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌦𑍀𑌪𑍍𑌯॑𑌮𑌾𑌨𑌾-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌰𑍋𑌚॑𑌮𑌾𑌨𑌾-𑌨𑍍𑌤𑍍𑌵𑌾 𑌸𑌾𑌦𑌯𑌾॒𑌮𑍍𑌯𑌜॑𑌸𑍍𑌰𑌾-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌬𑍃॒𑌹𑌜𑍍𑌜𑍍𑌯𑍋॑𑌤𑌿𑌷-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌬𑍋॒𑌧𑌯॑𑌨𑍍𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌜𑌾𑌗𑍍𑌰॑𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 ॥ 35 ॥
(𑌜𑍍𑌯𑍋𑌤𑌿॑𑌷𑍍𑌮𑌤𑍀॒𑌗𑍍𑌮𑍍॒-𑌷𑌟𑍍𑌤𑍍𑌰𑌿𑌗𑍍𑌮𑍍॑𑌶𑌤𑍍) (𑌅. 34)
𑌪𑍍𑌰॒𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑ 𑌽𑌽𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑ 𑌵𑌿𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑ 𑌸𑌂𑌯𑌾𑌁॒𑌸𑌾𑌯॒ 𑌸𑍍𑌵𑌾𑌹𑍋᳚𑌦𑍍𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑-𑌽𑌵𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑ 𑌶𑍁॒𑌚𑍇 𑌸𑍍𑌵𑌾𑌹𑌾॒ 𑌶𑍋𑌕𑌾॑𑌯॒ 𑌸𑍍𑌵𑌾𑌹𑌾॑ 𑌤𑌪𑍍𑌯॒𑌤𑍍𑌵𑍈 𑌸𑍍𑌵𑌾𑌹𑌾॒ 𑌤𑌪॑𑌤𑍇॒ 𑌸𑍍𑌵𑌾𑌹𑌾᳚ 𑌬𑍍𑌰𑌹𑍍𑌮𑌹॒𑌤𑍍𑌯𑌾𑌯𑍈॒ 𑌸𑍍𑌵𑌾𑌹𑌾॒ 𑌸𑌰𑍍𑌵॑𑌸𑍍𑌮𑍈॒ 𑌸𑍍𑌵𑌾𑌹𑌾᳚ ॥ 36 ॥
(𑌪𑍍𑌰॒𑌯𑌾॒𑌸𑌾𑌯॒-𑌚𑌤𑍁॑𑌰𑍍𑌵𑌿𑌗𑍍𑌮𑍍𑌶𑌤𑌿𑌃 ) (𑌅. 35)
𑌚𑌿॒𑌤𑍍𑌤𑌗𑍍𑌮𑍍 𑌸॑𑌨𑍍𑌤𑌾॒𑌨𑍇𑌨॑ 𑌭॒𑌵𑌂-𑌯𑌁॒𑌕𑍍𑌨𑌾 𑌰𑍁॒𑌦𑍍𑌰-𑌨𑍍𑌤𑌨𑌿॑𑌮𑍍𑌨𑌾 𑌪𑌶𑍁॒𑌪𑌤𑌿𑌗𑍍𑌗𑍍॑ 𑌸𑍍𑌥𑍂𑌲𑌹𑍃𑌦॒𑌯𑍇𑌨𑌾॒𑌗𑍍𑌨𑌿𑌗𑍍𑌮𑍍 𑌹𑍃𑌦॑𑌯𑍇𑌨 𑌰𑍁॒𑌦𑍍𑌰𑌂-𑌲𑍋𑌁𑌹𑌿॑𑌤𑍇𑌨 𑌶॒𑌰𑍍𑌵-𑌮𑍍𑌮𑌤॑𑌸𑍍𑌨𑌾𑌭𑍍𑌯𑌾-𑌮𑍍𑌮𑌹𑌾𑌦𑍇॒𑌵-𑌮॒𑌨𑍍𑌤𑌃𑌪𑌾᳚𑌰𑍍𑌶𑍍𑌵𑍇𑌨𑍌𑌷𑌿𑌷𑍍𑌠॒𑌹𑌨𑌗𑍍𑌮𑍍॑ 𑌶𑌿𑌙𑍍𑌗𑍀𑌨𑌿𑌕𑍋॒𑌶𑍍𑌯𑌾᳚𑌭𑍍𑌯𑌾𑌮𑍍 ॥ 3 ॥
(𑌚𑌿॒𑌤𑍍𑌤-𑌮॒𑌷𑍍𑌟𑌾𑌦॑𑌶) (𑌅. 36)
𑌆 𑌤𑌿॑𑌷𑍍𑌠 𑌵𑍃𑌤𑍍𑌰𑌹॒-𑌨𑍍𑌰𑌥𑌂॑-𑌯𑍁𑌁॒𑌕𑍍𑌤𑌾 𑌤𑍇॒ 𑌬𑍍𑌰𑌹𑍍𑌮॑𑌣𑌾॒ 𑌹𑌰𑍀᳚ । 𑌅॒𑌰𑍍𑌵𑌾॒𑌚𑍀𑌨॒𑌗𑍍𑌮𑍍॒ 𑌸𑍁 𑌤𑍇॒ 𑌮𑌨𑍋॒ 𑌗𑍍𑌰𑌾𑌵𑌾॑ 𑌕𑍃𑌣𑍋𑌤𑍁 𑌵॒𑌗𑍍𑌨𑍁𑌨𑌾᳚ ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌷𑍋𑌡॒𑌶𑌿𑌨॑ 𑌏॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌷𑍋𑌡॒𑌶𑌿𑌨𑍇᳚ ॥ 3 ॥
(𑌆 𑌤𑌿॑𑌷𑍍𑌟॒-𑌷𑌟𑍍𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 3)
𑌇𑌨𑍍𑌦𑍍𑌰॒𑌮𑌿𑌦𑍍𑌧𑌰𑍀॑ 𑌵𑌹॒𑌤𑍋-𑌽𑌪𑍍𑌰॑𑌤𑌿𑌧𑍃𑌷𑍍𑌟𑌶𑌵𑌸॒-𑌮𑍃𑌷𑍀॑𑌣𑌾-𑌞𑍍𑌚 𑌸𑍍𑌤𑍁॒𑌤𑍀𑌰𑍁𑌪॑ 𑌯॒𑌜𑍍𑌞-𑌞𑍍𑌚॒ 𑌮𑌾𑌨𑍁॑𑌷𑌾𑌣𑌾𑌮𑍍 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌷𑍋𑌡॒𑌶𑌿𑌨॑ 𑌏॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌷𑍋𑌡॒𑌶𑌿𑌨𑍇᳚ ॥ 3 ॥
(𑌇𑌨𑍍𑌦𑍍𑌰॒𑌮𑌿𑌤𑍍-𑌤𑍍𑌰𑌯𑍋॑𑌵𑌿𑌗𑍍𑌮𑍍𑌶𑌤𑌿𑌃) (𑌅. 3)
𑌅𑌸𑌾॑𑌵𑌿॒ 𑌸𑍋𑌮॑ 𑌇𑌨𑍍𑌦𑍍𑌰 𑌤𑍇॒ 𑌶𑌵𑌿॑𑌷𑍍𑌠 𑌧𑍃𑌷𑍍𑌣॒𑌵𑌾 𑌗॑𑌹𑌿 । 𑌆 𑌤𑍍𑌵𑌾॑ 𑌪𑍃𑌣𑌕𑍍𑌤𑍍𑌵𑌿𑌨𑍍𑌦𑍍𑌰𑌿॒𑌯𑌗𑍍𑌮𑍍 𑌰𑌜॒-𑌸𑍍𑌸𑍂𑌰𑍍𑌯॒-𑌨𑍍𑌨 𑌰॒𑌶𑍍𑌮𑌿𑌭𑌿𑌃॑ ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌷𑍋𑌡॒𑌶𑌿𑌨॑ 𑌏॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌷𑍋𑌡॒𑌶𑌿𑌨𑍇᳚ ॥ 40 ॥
(𑌅𑌸𑌾॑𑌵𑌿-𑌸॒𑌪𑍍𑌤𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 3)
𑌸𑌰𑍍𑌵॑𑌸𑍍𑌯 𑌪𑍍𑌰𑌤𑌿॒𑌶𑍀𑌵॑𑌰𑍀॒ 𑌭𑍂𑌮𑌿॑𑌸𑍍𑌤𑍍𑌵𑍋॒𑌪𑌸𑍍𑌥॒ 𑌆-𑌽𑌧𑌿॑𑌤 । 𑌸𑍍𑌯𑍋॒𑌨𑌾-𑌽𑌸𑍍𑌮𑍈॑ 𑌸𑍁॒𑌷𑌦𑌾॑ 𑌭𑌵॒ 𑌯𑌚𑍍𑌛𑌾᳚-𑌽𑌸𑍍𑌮𑍈 𑌶𑌰𑍍𑌮॑ 𑌸॒𑌪𑍍𑌰𑌥𑌾𑌃᳚ ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌷𑍋𑌡॒𑌶𑌿𑌨॑ 𑌏॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌷𑍋𑌡॒𑌶𑌿𑌨𑍇᳚ ॥ 41 ॥
(𑌸𑌰𑍍𑌵॑𑌸𑍍𑌯॒ 𑌷𑌡𑍍𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 40)
𑌮॒𑌹𑌾𑌗𑍍𑌮𑍍 𑌇𑌨𑍍𑌦𑍍𑌰𑍋॒ 𑌵𑌜𑍍𑌰॑𑌬𑌾𑌹𑍁-𑌷𑍍𑌷𑍋𑌡॒𑌶𑍀 𑌶𑌰𑍍𑌮॑ 𑌯𑌚𑍍𑌛𑌤𑍁 । 𑌸𑍍𑌵॒𑌸𑍍𑌤𑌿 𑌨𑍋॑ 𑌮॒𑌘𑌵𑌾॑ 𑌕𑌰𑍋𑌤𑍁॒ 𑌹𑌨𑍍𑌤𑍁॑ 𑌪𑌾॒𑌪𑍍𑌮𑌾𑌨𑌂॒-𑌯𑍋𑌁᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॑ ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌷𑍋𑌡॒𑌶𑌿𑌨॑ 𑌏॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌷𑍋𑌡॒𑌶𑌿𑌨𑍇᳚ ॥ 42 ॥
(𑌮॒𑌹𑌾𑌨𑍍-𑌷𑌡𑍍𑌵𑌿𑌗𑍍𑌮𑍍॑𑌶𑌤𑌿𑌃) (𑌅. 41)
𑌸॒𑌜𑍋𑌷𑌾॑ 𑌇𑌨𑍍𑌦𑍍𑌰॒ 𑌸𑌗॑𑌣𑍋 𑌮॒𑌰𑍁𑌦𑍍𑌭𑌿॒-𑌸𑍍𑌸𑍋𑌮॑-𑌮𑍍𑌪𑌿𑌬 𑌵𑍃𑌤𑍍𑌰𑌹𑌞𑍍𑌛𑍂𑌰 𑌵𑌿॒𑌦𑍍𑌵𑌾𑌨𑍍 । 𑌜॒𑌹𑌿 𑌶𑌤𑍍𑌰𑍂॒𑌗𑍍𑌮𑍍॒ 𑌰𑌪॒ 𑌮𑍃𑌧𑍋॑ 𑌨𑍁𑌦॒𑌸𑍍𑌵𑌾-𑌽𑌥𑌾𑌭॑𑌯-𑌙𑍍𑌕𑍃𑌣𑍁𑌹𑌿 𑌵𑌿॒𑌶𑍍𑌵𑌤𑍋॑ 𑌨𑌃 ॥ 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌷𑍋𑌡॒𑌶𑌿𑌨॑ 𑌏॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌷𑍋𑌡॒𑌶𑌿𑌨𑍇᳚ ॥ 43 ॥
(𑌸॒𑌜𑍋𑌷𑌾𑌃᳚-𑌤𑍍𑌰𑌿॒𑌗𑍍𑌮𑍍॒𑌶𑌤𑍍) (𑌅. 42)
𑌉𑌦𑍁॒ 𑌤𑍍𑌯-𑌞𑍍𑌜𑌾॒𑌤𑌵𑍇॑𑌦𑌸-𑌨𑍍𑌦𑍇॒𑌵𑌂-𑌵𑌁॑𑌹𑌨𑍍𑌤𑌿 𑌕𑍇॒𑌤𑌵𑌃॑ । 𑌦𑍃॒𑌶𑍇 𑌵𑌿𑌶𑍍𑌵𑌾॑𑌯॒ 𑌸𑍂𑌰𑍍𑌯᳚𑌮𑍍 ॥ 𑌚𑌿॒𑌤𑍍𑌰-𑌨𑍍𑌦𑍇॒𑌵𑌾𑌨𑌾॒-𑌮𑍁𑌦॑𑌗𑌾॒𑌦𑌨𑍀॑𑌕॒-𑌞𑍍𑌚𑌕𑍍𑌷𑍁॑-𑌰𑍍𑌮𑌿॒𑌤𑍍𑌰𑌸𑍍𑌯॒ 𑌵𑌰𑍁॑𑌣𑌸𑍍𑌯𑌾॒-𑌽𑌗𑍍𑌨𑍇𑌃 । 𑌆-𑌽𑌪𑍍𑌰𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॒𑌨𑍍𑌤𑌰𑌿॑𑌕𑍍𑌷॒𑌗𑍍𑌮𑍍॒ 𑌸𑍂𑌰𑍍𑌯॑ 𑌆॒𑌤𑍍𑌮𑌾 𑌜𑌗॑𑌤𑌸𑍍𑌤॒𑌸𑍍𑌥𑍁𑌷॑𑌶𑍍𑌚 ॥ 𑌅𑌗𑍍𑌨𑍇॒ 𑌨𑌯॑ 𑌸𑍁॒𑌪𑌥𑌾॑ 𑌰𑌾॒𑌯𑍇 𑌅॒𑌸𑍍𑌮𑌾𑌨𑍍. 𑌵𑌿𑌶𑍍𑌵𑌾॑𑌨𑌿 𑌦𑍇𑌵 𑌵॒𑌯𑍁𑌨𑌾॑𑌨𑌿 𑌵𑌿॒𑌦𑍍𑌵𑌾𑌨𑍍 । 𑌯𑍁॒𑌯𑍋॒𑌦𑍍𑌧𑍍𑌯॑𑌸𑍍𑌮-𑌜𑍍𑌜𑍁॑𑌹𑍁𑌰𑌾॒𑌣 𑌮𑍇𑌨𑍋॒ 𑌭𑍂𑌯𑌿॑𑌷𑍍𑌠𑌾-𑌨𑍍𑌤𑍇॒ 𑌨𑌮॑𑌉𑌕𑍍𑌤𑌿𑌂-𑌵𑌿𑌁𑌧𑍇𑌮 ॥ 𑌦𑌿𑌵॑-𑌙𑍍𑌗𑌚𑍍𑌛॒ 𑌸𑍁𑌵𑌃॑ 𑌪𑌤 𑌰𑍂॒𑌪𑍇𑌣॑ [𑌰𑍂॒𑌪𑍇𑌣॑, 𑌵𑍋॒ 𑌰𑍂॒𑌪𑌮॒𑌭𑍍𑌯𑍈𑌮𑌿॒ 𑌵𑌯॑𑌸𑌾॒ 𑌵𑌯𑌃॑ ।] ॥ 44 ॥
𑌵𑍋 𑌰𑍂॒𑌪𑌮॒𑌭𑍍𑌯𑍈𑌮𑌿॒ 𑌵𑌯॑𑌸𑌾॒ 𑌵𑌯𑌃॑ । 𑌤𑍁॒𑌥𑍋 𑌵𑍋॑ 𑌵𑌿॒𑌶𑍍𑌵𑌵𑍇॑𑌦𑌾॒ 𑌵𑌿 𑌭॑𑌜𑌤𑍁॒ 𑌵𑌰𑍍𑌷𑌿॑𑌷𑍍𑌠𑍇॒ 𑌅𑌧𑌿॒ 𑌨𑌾𑌕𑍇᳚ ॥ 𑌏॒𑌤𑌤𑍍𑌤𑍇॑ 𑌅𑌗𑍍𑌨𑍇॒ 𑌰𑌾𑌧॒ 𑌐𑌤𑌿॒ 𑌸𑍋𑌮॑𑌚𑍍𑌯𑍁𑌤॒-𑌨𑍍𑌤𑌨𑍍𑌮𑌿॒𑌤𑍍𑌰𑌸𑍍𑌯॑ 𑌪॒𑌥𑌾 𑌨॑𑌯॒𑌰𑍍𑌤𑌸𑍍𑌯॑ 𑌪॒𑌥𑌾 𑌪𑍍𑌰𑍇𑌤॑ 𑌚॒𑌨𑍍𑌦𑍍𑌰𑌦॑𑌕𑍍𑌷𑌿𑌣𑌾 𑌯॒𑌜𑍍𑌞𑌸𑍍𑌯॑ 𑌪॒𑌥𑌾 𑌸𑍁॑𑌵𑌿॒𑌤𑌾 𑌨𑌯॑𑌨𑍍𑌤𑍀-𑌰𑍍𑌬𑍍𑌰𑌾𑌹𑍍𑌮॒𑌣𑌮॒𑌦𑍍𑌯 𑌰𑌾᳚𑌦𑍍𑌧𑍍𑌯𑌾𑌸॒𑌮𑍃𑌷𑌿॑𑌮𑌾𑌰𑍍𑌷𑍇॒𑌯-𑌮𑍍𑌪𑌿॑𑌤𑍃॒𑌮𑌨𑍍𑌤॑-𑌮𑍍𑌪𑍈𑌤𑍃𑌮॒𑌤𑍍𑌯𑌗𑍍𑌮𑍍 𑌸𑍁॒𑌧𑌾𑌤𑍁॑𑌦𑌕𑍍𑌷𑌿𑌣𑌂॒-𑌵𑌿𑌁 𑌸𑍁𑌵𑌃॒ 𑌪𑌶𑍍𑌯॒ 𑌵𑍍𑌯॑𑌨𑍍𑌤𑌰𑌿॑𑌕𑍍𑌷𑌂॒-𑌯𑌁𑌤॑𑌸𑍍𑌵 𑌸𑌦॒𑌸𑍍𑌯𑍈॑ 𑌰॒𑌸𑍍𑌮𑌦𑍍𑌦𑌾᳚𑌤𑍍𑌰𑌾 𑌦𑍇𑌵॒𑌤𑍍𑌰𑌾 𑌗॑𑌚𑍍𑌛𑌤॒ 𑌮𑌧𑍁॑𑌮𑌤𑍀𑌃 𑌪𑍍𑌰𑌦𑌾॒𑌤𑌾𑌰॒𑌮𑌾 𑌵𑌿॑𑌶॒𑌤𑌾-𑌽𑌨॑𑌵𑌹𑌾𑌯𑌾॒-𑌽𑌸𑍍𑌮𑌾-𑌨𑍍𑌦𑍇॑𑌵॒𑌯𑌾𑌨𑍇॑𑌨 𑌪॒𑌥𑍇𑌤॑ 𑌸𑍁॒𑌕𑍃𑌤𑌾𑌂᳚-𑌲𑍋𑌁॒𑌕𑍇 𑌸𑍀॑𑌦𑌤॒ 𑌤𑌨𑍍𑌨॑-𑌸𑍍𑌸𑌗𑍍𑌗𑍍𑌸𑍍𑌕𑍃॒𑌤𑌮𑍍 ॥ 45 ॥
(𑌰𑍂॒𑌪𑍇𑌣॑-𑌸𑌦॒𑌸𑍍𑌯𑍈॑-𑌰॒𑌷𑍍𑌟𑌾𑌦॑𑌶 𑌚) (𑌅. 43)
𑌧𑌾॒𑌤𑌾 𑌰𑌾॒𑌤𑌿-𑌸𑍍𑌸॑𑌵𑌿॒𑌤𑍇𑌦-𑌞𑍍𑌜𑍁॑𑌷𑌨𑍍𑌤𑌾-𑌮𑍍𑌪𑍍𑌰॒𑌜𑌾𑌪॑𑌤𑌿-𑌰𑍍𑌨𑌿𑌧𑌿॒𑌪𑌤𑌿॑𑌰𑍍𑌨𑍋 𑌅॒𑌗𑍍𑌨𑌿𑌃 । 𑌤𑍍𑌵𑌷𑍍𑌟𑌾॒ 𑌵𑌿𑌷𑍍𑌣𑍁𑌃॑ 𑌪𑍍𑌰॒𑌜𑌯𑌾॑ 𑌸𑌗𑍍𑌮𑍍𑌰𑌰𑌾॒𑌣𑍋 𑌯𑌜॑𑌮𑌾𑌨𑌾𑌯॒ 𑌦𑍍𑌰𑌵𑌿॑𑌣-𑌨𑍍𑌦𑌧𑌾𑌤𑍁 ॥ 𑌸𑌮𑌿॑𑌨𑍍𑌦𑍍𑌰 𑌣𑍋॒ 𑌮𑌨॑𑌸𑌾 𑌨𑍇𑌷𑌿॒ 𑌗𑍋𑌭𑌿॒-𑌸𑍍𑌸𑌗𑍍𑌮𑍍 𑌸𑍂॒𑌰𑌿𑌭𑌿॑𑌰𑍍𑌮𑌘𑌵॒𑌨𑍍-𑌥𑍍𑌸𑌗𑍍𑌗𑍍 𑌸𑍍𑌵॒𑌸𑍍𑌤𑍍𑌯𑌾 । 𑌸-𑌮𑍍𑌬𑍍𑌰𑌹𑍍𑌮॑𑌣𑌾 𑌦𑍇॒𑌵𑌕𑍃॑𑌤𑌂॒-𑌯𑌁𑌦𑌸𑍍𑌤𑌿॒ 𑌸-𑌨𑍍𑌦𑍇॒𑌵𑌾𑌨𑌾𑌗𑍍𑌮𑍍॑ 𑌸𑍁𑌮॒𑌤𑍍𑌯𑌾 𑌯॒𑌜𑍍𑌞𑌿𑌯𑌾॑𑌨𑌾𑌮𑍍 ॥ 𑌸𑌂-𑌵𑌁𑌰𑍍𑌚॑𑌸𑌾॒ 𑌪𑌯॑𑌸𑌾॒ 𑌸-𑌨𑍍𑌤॒𑌨𑍂𑌭𑌿॒-𑌰𑌗॑𑌨𑍍𑌮𑌹𑌿॒ 𑌮𑌨॑𑌸𑌾॒ 𑌸𑌗𑍍𑌮𑍍 𑌶𑌿॒𑌵𑍇𑌨॑ ॥ 𑌤𑍍𑌵𑌷𑍍𑌟𑌾॑ 𑌨𑍋॒ 𑌅𑌤𑍍𑌰॒ 𑌵𑌰𑌿॑𑌵𑌃 𑌕𑍃𑌣𑍋॒- [𑌵𑌰𑌿॑𑌵𑌃 𑌕𑍃𑌣𑍋𑌤𑍁, 𑌅𑌨𑍁॑ 𑌮𑌾𑌰𑍍𑌷𑍍𑌟𑍁] 46
𑌤𑍍𑌵𑌨𑍁॑ 𑌮𑌾𑌰𑍍𑌷𑍍𑌟𑍁 𑌤॒𑌨𑍁𑌵𑍋॒ 𑌯𑌦𑍍𑌵𑌿𑌲𑌿॑𑌷𑍍𑌟𑌮𑍍 ॥ 𑌯𑌦॒𑌦𑍍𑌯 𑌤𑍍𑌵𑌾᳚ 𑌪𑍍𑌰𑌯॒𑌤𑌿 𑌯॒𑌜𑍍𑌞𑍇 𑌅॒𑌸𑍍𑌮𑌿𑌨𑍍𑌨𑌗𑍍𑌨𑍇॒ 𑌹𑍋𑌤𑌾॑𑌰॒𑌮𑌵𑍃॑𑌣𑍀𑌮𑌹𑍀॒𑌹 । 𑌋𑌧॑𑌗𑌯𑌾॒𑌡𑍃𑌧॑𑌗𑍁॒𑌤𑌾-𑌽𑌶॑𑌮𑌿𑌷𑍍𑌠𑌾𑌃 𑌪𑍍𑌰𑌜𑌾॒𑌨𑌨𑍍. 𑌯॒𑌜𑍍𑌞𑌮𑍁𑌪॑ 𑌯𑌾𑌹𑌿 𑌵𑌿॒𑌦𑍍𑌵𑌾𑌨𑍍 ॥ 𑌸𑍍𑌵॒𑌗𑌾 𑌵𑍋॑ 𑌦𑍇𑌵𑌾॒-𑌸𑍍𑌸𑌦॑𑌨𑌮𑌕𑌰𑍍𑌮॒ 𑌯 𑌆॑𑌜॒𑌗𑍍𑌮 𑌸𑌵॑𑌨𑍇॒𑌦-𑌞𑍍𑌜𑍁॑𑌷𑌾॒𑌣𑌾𑌃 । 𑌜॒𑌕𑍍𑌷𑌿॒𑌵𑌾𑌗𑍍𑌮𑍍𑌸𑌃॑ 𑌪𑌪𑌿॒𑌵𑌾𑌗𑍍𑌮𑍍𑌸॑𑌶𑍍𑌚॒ 𑌵𑌿𑌶𑍍𑌵𑍇॒-𑌽𑌸𑍍𑌮𑍇 𑌧॑𑌤𑍍𑌤 𑌵𑌸𑌵𑍋॒ 𑌵𑌸𑍂॑𑌨𑌿 ॥ 𑌯𑌾𑌨𑌾-𑌽𑌵॑𑌹 𑌉𑌶॒𑌤𑍋 𑌦𑍇॑𑌵 𑌦𑍇॒𑌵𑌾-𑌨𑍍𑌤𑌾- [𑌦𑍇॒𑌵𑌾-𑌨𑍍𑌤𑌾𑌨𑍍, 𑌪𑍍𑌰𑍇𑌰॑𑌯॒ 𑌸𑍍𑌵𑍇 𑌅॑𑌗𑍍𑌨𑍇 𑌸॒𑌧𑌸𑍍𑌥𑍇᳚ ।] 4
𑌨𑍍𑌪𑍍𑌰𑍇𑌰॑𑌯॒ 𑌸𑍍𑌵𑍇 𑌅॑𑌗𑍍𑌨𑍇 𑌸॒𑌧𑌸𑍍𑌥𑍇᳚ । 𑌵𑌹॑𑌮𑌾𑌨𑌾॒ 𑌭𑌰॑𑌮𑌾𑌣𑌾 𑌹॒𑌵𑍀𑌗𑍍𑌮𑍍𑌷𑌿॒ 𑌵𑌸𑍁॑-𑌙𑍍𑌘॒𑌰𑍍𑌮-𑌨𑍍𑌦𑌿𑌵॒𑌮𑌾 𑌤𑌿॑𑌷𑍍𑌠॒𑌤𑌾𑌨𑍁॑ । 𑌯𑌜𑍍𑌞॑ 𑌯॒𑌜𑍍𑌞-𑌙𑍍𑌗॑𑌚𑍍𑌛 𑌯॒𑌜𑍍𑌞𑌪॑𑌤𑌿-𑌙𑍍𑌗𑌚𑍍𑌛॒ 𑌸𑍍𑌵𑌾𑌂-𑌯𑍋𑌁𑌨𑌿॑-𑌙𑍍𑌗𑌚𑍍𑌛॒ 𑌸𑍍𑌵𑌾𑌹𑍈॒𑌷 𑌤𑍇॑ 𑌯॒𑌜𑍍𑌞𑍋 𑌯॑𑌜𑍍𑌞𑌪𑌤𑍇 𑌸॒𑌹𑌸𑍂᳚𑌕𑍍𑌤𑌵𑌾𑌕-𑌸𑍍𑌸𑍁॒𑌵𑍀𑌰॒-𑌸𑍍𑌸𑍍𑌵𑌾𑌹𑌾॒ 𑌦𑍇𑌵𑌾॑ 𑌗𑌾𑌤𑍁𑌵𑌿𑌦𑍋 𑌗𑌾॒𑌤𑍁𑌂-𑌵𑌿𑌁॒𑌤𑍍𑌤𑍍𑌵𑌾 𑌗𑌾॒𑌤𑍁𑌮𑌿॑𑌤॒ 𑌮𑌨॑𑌸𑌸𑍍𑌪𑌤 𑌇॒𑌮-𑌨𑍍𑌨𑍋॑ 𑌦𑍇𑌵 𑌦𑍇॒𑌵𑍇𑌷𑍁॑ 𑌯॒𑌜𑍍𑌞𑌗𑍍𑌗𑍍 𑌸𑍍𑌵𑌾𑌹𑌾॑ 𑌵𑌾॒𑌚𑌿 𑌸𑍍𑌵𑌾𑌹𑌾॒ 𑌵𑌾𑌤𑍇॑ 𑌧𑌾𑌃 ॥ 4 ॥
(𑌕𑍃॒𑌣𑍋॒𑌤𑍁॒-𑌤𑌾𑌨॒-𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚 ) (𑌅. 44)
𑌉॒𑌰𑍁𑌗𑍍𑌮𑍍 𑌹𑌿 𑌰𑌾𑌜𑌾॒ 𑌵𑌰𑍁॑𑌣𑌶𑍍𑌚॒𑌕𑌾𑌰॒ 𑌸𑍂𑌰𑍍𑌯𑌾॑𑌯॒ 𑌪𑌨𑍍𑌥𑌾॒-𑌮𑌨𑍍𑌵𑍇॑𑌤॒𑌵𑌾 𑌉॑ । 𑌅॒𑌪𑌦𑍇॒ 𑌪𑌾𑌦𑌾॒ 𑌪𑍍𑌰𑌤𑌿॑𑌧𑌾𑌤𑌵𑍇-𑌽𑌕𑌰𑍁॒𑌤𑌾-𑌽𑌪॑𑌵॒𑌕𑍍𑌤𑌾 𑌹𑍃॑𑌦𑌯𑌾॒𑌵𑌿𑌧॑𑌶𑍍𑌚𑌿𑌤𑍍 ॥ 𑌶॒𑌤-𑌨𑍍𑌤𑍇॑ 𑌰𑌾𑌜-𑌨𑍍𑌭𑌿॒𑌷𑌜॑-𑌸𑍍𑌸॒𑌹𑌸𑍍𑌰॑𑌮𑍁॒𑌰𑍍𑌵𑍀 𑌗॑𑌮𑍍𑌭𑍀॒𑌰𑌾 𑌸𑍁॑𑌮॒𑌤𑌿𑌷𑍍𑌟𑍇॑ 𑌅𑌸𑍍𑌤𑍁 । 𑌬𑌾𑌧॑𑌸𑍍𑌵॒ 𑌦𑍍𑌵𑍇𑌷𑍋॒ 𑌨𑌿𑌰𑍍-𑌋॑𑌤𑌿-𑌮𑍍𑌪𑌰𑌾॒𑌚𑍈𑌃 𑌕𑍃॒𑌤-𑌞𑍍𑌚𑌿॒𑌦𑍇𑌨𑌃॒ 𑌪𑍍𑌰 𑌮𑍁॑𑌮𑍁𑌗𑍍𑌦𑍍𑌧𑍍𑌯॒𑌸𑍍𑌮𑌤𑍍 ॥ 𑌅॒𑌭𑌿𑌷𑍍𑌠𑌿॑𑌤𑍋॒ 𑌵𑌰𑍁॑𑌣𑌸𑍍𑌯॒ 𑌪𑌾𑌶𑍋॒-𑌽𑌗𑍍𑌨𑍇𑌰𑌨𑍀॑𑌕𑌮॒𑌪 𑌆 𑌵𑌿॑𑌵𑍇𑌶 । 𑌅𑌪𑌾᳚𑌨𑍍𑌨𑌪𑌾-𑌤𑍍𑌪𑍍𑌰𑌤𑌿॒𑌰𑌕𑍍𑌷॑𑌨𑍍𑌨𑌸𑍁॒𑌰𑍍𑌯॑-𑌨𑍍𑌦𑌮𑍇॑𑌦𑌮𑍇 [ ] 4
𑌸॒𑌮𑌿𑌧𑌂॑-𑌯𑌁𑌕𑍍𑌷𑍍𑌯𑌗𑍍𑌨𑍇 ॥ 𑌪𑍍𑌰𑌤𑌿॑ 𑌤𑍇 𑌜𑌿॒𑌹𑍍𑌵𑌾 𑌘𑍃॒𑌤𑌮𑍁𑌚𑍍𑌚॑𑌰𑌣𑍍𑌯𑍇-𑌥𑍍𑌸𑌮𑍁॒𑌦𑍍𑌰𑍇 𑌤𑍇॒ 𑌹𑍃𑌦॑𑌯𑌮॒𑌫𑍍𑌸𑍍𑌵॑𑌨𑍍𑌤𑌃 । 𑌸-𑌨𑍍𑌤𑍍𑌵𑌾॑ 𑌵𑌿𑌶॒𑌨𑍍𑌤𑍍𑌵𑍋𑌷॑𑌧𑍀-𑌰𑍁॒𑌤𑌾-𑌽𑌽𑌪𑍋॑ 𑌯॒𑌜𑍍𑌞𑌸𑍍𑌯॑ 𑌤𑍍𑌵𑌾 𑌯𑌜𑍍𑌞𑌪𑌤𑍇 𑌹॒𑌵𑌿𑌰𑍍𑌭𑌿𑌃॑ ॥ 𑌸𑍂॒𑌕𑍍𑌤॒𑌵𑌾॒𑌕𑍇 𑌨॑𑌮𑍋𑌵𑌾॒𑌕𑍇 𑌵𑌿॑𑌧𑍇॒𑌮𑌾-𑌽𑌵॑𑌭𑍃𑌥 𑌨𑌿𑌚𑌙𑍍𑌕𑍁𑌣 𑌨𑌿𑌚𑍇॒𑌰𑍁𑌰॑𑌸𑌿 𑌨𑌿𑌚𑌙𑍍𑌕𑍁॒𑌣𑌾-𑌽𑌵॑ 𑌦𑍇॒𑌵𑍈-𑌰𑍍𑌦𑍇॒𑌵𑌕𑍃॑𑌤॒𑌮𑍇𑌨𑍋॑-𑌽𑌯𑌾॒𑌡𑌵॒ 𑌮𑌰𑍍𑌤𑍍𑌯𑍈॒-𑌰𑍍𑌮𑌰𑍍𑌤𑍍𑌯॑𑌕𑍃𑌤𑌮𑍁॒𑌰𑍋𑌰𑌾 𑌨𑍋॑ 𑌦𑍇𑌵 𑌰𑌿॒𑌷𑌸𑍍𑌪𑌾॑𑌹𑌿 𑌸𑍁𑌮𑌿॒𑌤𑍍𑌰𑌾 𑌨॒ 𑌆𑌪॒ 𑌓𑌷॑𑌧𑌯- [𑌓𑌷॑𑌧𑌯𑌃, 𑌸॒𑌨𑍍𑌤𑍁॒ 𑌦𑍁॒𑌰𑍍𑌮𑌿॒𑌤𑍍𑌰𑌾𑌸𑍍𑌤𑌸𑍍𑌮𑍈॑] 50
𑌸𑍍𑌸𑌨𑍍𑌤𑍁 𑌦𑍁𑌰𑍍𑌮𑌿॒𑌤𑍍𑌰𑌾𑌸𑍍𑌤𑌸𑍍𑌮𑍈॑ 𑌭𑍂𑌯𑌾𑌸𑍁॒-𑌰𑍍𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯-𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌦𑍇𑌵𑍀॑𑌰𑌾𑌪 𑌏॒𑌷 𑌵𑍋॒ 𑌗𑌰𑍍𑌭॒𑌸𑍍𑌤𑌂-𑌵𑌁॒-𑌸𑍍𑌸𑍁𑌪𑍍𑌰𑍀॑𑌤॒𑌗𑍍𑌮𑍍॒ 𑌸𑍁𑌭𑍃॑𑌤-𑌮𑌕𑌰𑍍𑌮 𑌦𑍇॒𑌵𑍇𑌷𑍁॑ 𑌨-𑌸𑍍𑌸𑍁॒𑌕𑍃𑌤𑍋᳚ 𑌬𑍍𑌰𑍂𑌤𑌾॒-𑌤𑍍𑌪𑍍𑌰𑌤𑌿॑𑌯𑍁𑌤𑍋॒ 𑌵𑌰𑍁॑𑌣𑌸𑍍𑌯॒ 𑌪𑌾𑌶𑌃॒ 𑌪𑍍𑌰𑌤𑍍𑌯॑𑌸𑍍𑌤𑍋॒ 𑌵𑌰𑍁॑𑌣𑌸𑍍𑌯॒ 𑌪𑌾𑌶॒ 𑌏𑌧𑍋᳚-𑌽𑌸𑍍𑌯𑍇𑌧𑌿𑌷𑍀॒𑌮𑌹𑌿॑ 𑌸॒𑌮𑌿𑌦॑𑌸𑌿॒ 𑌤𑍇𑌜𑍋॑-𑌽𑌸𑌿 𑌤𑍇𑌜𑍋॒ 𑌮𑌯𑌿॑ 𑌧𑍇𑌹𑍍𑌯॒𑌪𑍋 𑌅𑌨𑍍𑌵॑𑌚𑌾𑌰𑌿𑌷॒𑌗𑍍𑌮𑍍॒ 𑌰𑌸𑍇॑𑌨॒ 𑌸𑌮॑𑌸𑍃𑌕𑍍𑌷𑍍𑌮𑌹𑌿 । 𑌪𑌯॑𑌸𑍍𑌵𑌾𑌗𑍍𑌮𑍍 𑌅𑌗𑍍𑌨॒ 𑌆 𑌽𑌗॑𑌮॒-𑌨𑍍𑌤-𑌮𑍍𑌮𑌾॒ 𑌸𑌗𑍍𑌮𑍍 𑌸𑍃॑𑌜॒ 𑌵𑌰𑍍𑌚॑𑌸𑌾 ॥ 51 ॥
(𑌦𑌮𑍇॑𑌦𑌮॒-𑌓𑌷॑𑌧𑌯॒- 𑌆-𑌷𑌟𑍍𑌚॑) (𑌅. 45)
𑌯𑌸𑍍𑌤𑍍𑌵𑌾॑ 𑌹𑍃॒𑌦𑌾 𑌕𑍀॒𑌰𑌿𑌣𑌾॒ 𑌮𑌨𑍍𑌯॑𑌮𑌾॒𑌨𑍋 𑌽𑌮॑𑌰𑍍𑌤𑍍𑌯॒-𑌮𑍍𑌮𑌰𑍍𑌤𑍍𑌯𑍋॒ 𑌜𑍋𑌹॑𑌵𑍀𑌮𑌿 । 𑌜𑌾𑌤॑𑌵𑍇𑌦𑍋॒ 𑌯𑌶𑍋॑ 𑌅॒𑌸𑍍𑌮𑌾𑌸𑍁॑ 𑌧𑍇𑌹𑌿 𑌪𑍍𑌰॒𑌜𑌾𑌭𑌿॑𑌰𑌗𑍍𑌨𑍇 𑌅𑌮𑍃𑌤॒𑌤𑍍𑌵𑌮॑𑌶𑍍𑌯𑌾𑌮𑍍 ॥ 𑌯𑌸𑍍𑌮𑍈॒ 𑌤𑍍𑌵𑌗𑍍𑌮𑍍 𑌸𑍁॒𑌕𑍃𑌤𑍇॑ 𑌜𑌾𑌤𑌵𑍇𑌦॒ 𑌉 𑌲𑍋॒𑌕𑌮॑𑌗𑍍𑌨𑍇 𑌕𑍃॒𑌣𑌵॑-𑌸𑍍𑌸𑍍𑌯𑍋॒𑌨𑌮𑍍 । 𑌅॒𑌶𑍍𑌵𑌿𑌨॒𑌗𑍍𑌮𑍍॒ 𑌸 𑌪𑍁॒𑌤𑍍𑌰𑌿𑌣𑌂॑-𑌵𑍀𑌁॒𑌰𑌵॑𑌨𑍍𑌤॒-𑌙𑍍𑌗𑍋𑌮॑𑌨𑍍𑌤𑌗𑍍𑌮𑍍 𑌰॒𑌯𑌿-𑌨𑍍𑌨॑𑌶𑌤𑍇 𑌸𑍍𑌵॒𑌸𑍍𑌤𑌿 ॥ 𑌤𑍍𑌵𑍇 𑌸𑍁 𑌪𑍁॑𑌤𑍍𑌰 𑌶𑌵॒𑌸𑍋-𑌽𑌵𑍃॑𑌤𑍍𑌰॒𑌨𑍍 𑌕𑌾𑌮॑𑌕𑌾𑌤𑌯𑌃 । 𑌨 𑌤𑍍𑌵𑌾𑌮𑌿॒𑌨𑍍𑌦𑍍𑌰𑌾𑌤𑌿॑ 𑌰𑌿𑌚𑍍𑌯𑌤𑍇 ॥ 𑌉॒𑌕𑍍𑌥𑍌॑𑌕𑍍𑌥𑍇॒ 𑌸𑍋𑌮॒ 𑌇𑌨𑍍𑌦𑍍𑌰॑-𑌮𑍍𑌮𑌮𑌾𑌦 𑌨𑍀॒𑌥𑍇𑌨𑍀॑𑌥𑍇 𑌮॒𑌘𑌵𑌾॑𑌨𑌗𑍍𑌮𑍍 [𑌮॒𑌘𑌵𑌾॑𑌨𑌗𑍍𑌮𑍍, 𑌸𑍁॒𑌤𑌾𑌸𑌃॑ ।] 52
𑌸𑍁॒𑌤𑌾𑌸𑌃॑ । 𑌯𑌦𑍀𑌗𑍍𑌮𑍍॑ 𑌸॒𑌬𑌾𑌧𑌃॑ 𑌪𑌿॒𑌤𑌰॒-𑌨𑍍𑌨 𑌪𑍁॒𑌤𑍍𑌰𑌾-𑌸𑍍𑌸॑𑌮𑌾॒𑌨𑌦॑𑌕𑍍𑌷𑌾॒ 𑌅𑌵॑𑌸𑍇॒ 𑌹𑌵॑𑌨𑍍𑌤𑍇 ॥ 𑌅𑌗𑍍𑌨𑍇॒ 𑌰𑌸𑍇॑𑌨॒ 𑌤𑍇𑌜॑𑌸𑌾॒ 𑌜𑌾𑌤॑𑌵𑍇𑌦𑍋॒ 𑌵𑌿 𑌰𑍋॑𑌚𑌸𑍇 । 𑌰॒𑌕𑍍𑌷𑍋॒𑌹𑌾-𑌽𑌮𑍀॑𑌵॒𑌚𑌾𑌤॑𑌨𑌃 ॥ 𑌅॒𑌪𑍋 𑌅𑌨𑍍𑌵॑𑌚𑌾𑌰𑌿𑌷॒𑌗𑍍𑌮𑍍॒ 𑌰𑌸𑍇॑𑌨॒ 𑌸𑌮॑𑌸𑍃𑌕𑍍𑌷𑍍𑌮𑌹𑌿 । 𑌪𑌯॑𑌸𑍍𑌵𑌾𑌗𑍍𑌮𑍍 𑌅𑌗𑍍𑌨॒ 𑌆-𑌽𑌗॑𑌮॒-𑌨𑍍𑌤-𑌮𑍍𑌮𑌾॒ 𑌸𑌗𑍍𑌮𑍍 𑌸𑍃॑𑌜॒ 𑌵𑌰𑍍𑌚॑𑌸𑌾 ॥𑌵𑌸𑍁॒-𑌰𑍍𑌵𑌸𑍁॑𑌪𑌤𑌿॒𑌰𑍍॒ 𑌹𑌿𑌕॒𑌮𑌸𑍍𑌯॑𑌗𑍍𑌨𑍇 𑌵𑌿॒𑌭𑌾𑌵॑𑌸𑍁𑌃 । 𑌸𑍍𑌯𑌾𑌮॑ 𑌤𑍇 𑌸𑍁𑌮॒𑌤𑌾𑌵𑌪𑌿॑ ॥ 𑌤𑍍𑌵𑌾𑌮॑𑌗𑍍𑌨𑍇॒ 𑌵𑌸𑍁॑𑌪𑌤𑌿𑌂॒-𑌵𑌁𑌸𑍂॑𑌨𑌾𑌮॒𑌭𑌿 𑌪𑍍𑌰 𑌮॑𑌨𑍍𑌦𑍇 [𑌪𑍍𑌰 𑌮॑𑌨𑍍𑌦𑍇, 𑌅॒𑌦𑍍𑌧𑍍𑌵॒𑌰𑍇𑌷𑍁॑ 𑌰𑌾𑌜𑌨𑍍𑌨𑍍 ।] 53
𑌅𑌦𑍍𑌧𑍍𑌵॒𑌰𑍇𑌷𑍁॑ 𑌰𑌾𑌜𑌨𑍍𑌨𑍍 । 𑌤𑍍𑌵𑌯𑌾॒ 𑌵𑌾𑌜𑌂॑-𑌵𑌾𑌁𑌜॒𑌯𑌨𑍍𑌤𑍋॑ 𑌜𑌯𑍇𑌮𑌾॒-𑌽𑌭𑌿𑌷𑍍𑌯𑌾॑𑌮 𑌪𑍃𑌥𑍍𑌸𑍁॒𑌤𑍀-𑌰𑍍𑌮𑌰𑍍𑌤𑍍𑌯𑌾॑𑌨𑌾𑌮𑍍 । 𑌤𑍍𑌵𑌾𑌮॑𑌗𑍍𑌨𑍇 𑌵𑌾𑌜॒𑌸𑌾𑌤॑𑌮𑌂॒-𑌵𑌿𑌁𑌪𑍍𑌰𑌾॑ 𑌵𑌰𑍍𑌧𑌨𑍍𑌤𑌿॒ 𑌸𑍁𑌷𑍍𑌟𑍁॑𑌤𑌮𑍍 । 𑌸 𑌨𑍋॑ 𑌰𑌾𑌸𑍍𑌵 𑌸𑍁॒𑌵𑍀𑌰𑍍𑌯᳚𑌮𑍍 ॥ 𑌅॒𑌯-𑌨𑍍𑌨𑍋॑ 𑌅॒𑌗𑍍𑌨𑌿𑌰𑍍𑌵𑌰𑌿॑𑌵𑌃 𑌕𑍃𑌣𑍋𑌤𑍍𑌵॒𑌯-𑌮𑍍𑌮𑍃𑌧𑌃॑ 𑌪𑍁॒𑌰 𑌏॑𑌤𑍁 𑌪𑍍𑌰𑌭𑌿॒𑌨𑍍𑌦𑌨𑍍𑌨𑍍 ॥ 𑌅॒𑌯𑌗𑍍𑌮𑍍 𑌶𑌤𑍍𑌰𑍂᳚𑌞𑍍𑌜𑌯𑌤𑍁॒ 𑌜𑌰𑍍𑌹𑍃॑𑌷𑌾𑌣𑍋॒-𑌽𑌯𑌂-𑌵𑌾𑌁𑌜॑-𑌞𑍍𑌜𑌯𑌤𑍁॒ 𑌵𑌾𑌜॑𑌸𑌾𑌤𑍌 ॥ 𑌅॒𑌗𑍍𑌨𑌿𑌨𑌾॒-𑌽𑌗𑍍𑌨𑌿-𑌸𑍍𑌸𑌮𑌿॑𑌦𑍍𑌧𑍍𑌯𑌤𑍇 𑌕॒𑌵𑌿-𑌰𑍍𑌗𑍃॒𑌹𑌪॑𑌤𑌿॒-𑌰𑍍𑌯𑍁𑌵𑌾᳚ । 𑌹॒𑌵𑍍𑌯॒𑌵𑌾𑌡𑍍-𑌜𑍁॒𑌹𑍍𑌵𑌾᳚𑌸𑍍𑌯𑌃 ॥ 𑌤𑍍𑌵𑌗𑍍𑌗𑍍 𑌹𑍍𑌯॑𑌗𑍍𑌨𑍇 𑌅॒𑌗𑍍𑌨𑌿𑌨𑌾॒ 𑌵𑌿𑌪𑍍𑌰𑍋॒ 𑌵𑌿𑌪𑍍𑌰𑍇॑𑌣॒ 𑌸𑌨𑍍𑌥𑍍𑌸॒𑌤𑌾 । 𑌸𑌖𑌾॒ 𑌸𑌖𑍍𑌯𑌾॑ 𑌸𑌮𑌿॒𑌦𑍍𑌧𑍍𑌯𑌸𑍇᳚ ॥ 𑌉𑌦॑𑌗𑍍𑌨𑍇॒ 𑌶𑍁𑌚॑𑌯॒𑌸𑍍𑌤𑌵॒, 𑌵𑌿 𑌜𑍍𑌯𑍋𑌤𑌿॑𑌷𑌾 ॥ 54 ॥
(𑌮॒𑌘𑌵𑌾॑𑌨𑌂-𑌮𑌨𑍍𑌦𑍇॒-𑌹𑍍𑌯॑𑌗𑍍𑌨𑍇॒-𑌚𑌤𑍁॑𑌰𑍍𑌦𑌶 𑌚) (𑌅. 46)
(𑌆 𑌦॑𑌦𑍇-𑌵𑌾॒𑌚𑌸𑍍𑌪𑌤॑𑌯-𑌉𑌪𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍍𑌯𑌾 𑌵𑌾॑𑌯𑍋 -𑌅॒𑌯𑌂-𑌵𑌾𑌁𑌂॒ – 𑌯𑌾𑌁 𑌵𑌾𑌂᳚-𑌪𑍍𑌰𑌾𑌤॒𑌰𑍍𑌯𑍁𑌜𑌾॑-𑌵॒𑌯𑌨𑍍-𑌤𑌂 -𑌯𑍇𑌁 𑌦𑍇॑𑌵𑌾-𑌸𑍍𑌤𑍍𑌰𑌿॒𑌗𑍍𑌮𑍍॒𑌶-𑌦𑍁॑𑌪𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿-𑌮𑍂॒𑌰𑍍𑌧𑌾𑌨𑌂॒-𑌮𑌧𑍁॒𑌶𑍍𑌚𑍇-𑌨𑍍𑌦𑍍𑌰𑌾᳚𑌗𑍍𑌨𑍀॒; 𑌓𑌮𑌾॑𑌸𑍋-𑌮॒𑌰𑍁𑌤𑍍𑌵॑𑌨𑍍𑌤॒-𑌮𑌿𑌨𑍍𑌦𑍍𑌰॑ 𑌮𑌰𑍁𑌤𑍍𑌵𑍋-𑌮॒𑌰𑍁𑌤𑍍𑌵𑌾᳚𑌨𑍍- 𑌮॒𑌹𑌾-𑌨𑍍𑌮॒𑌹𑌾𑌨𑍍𑌨𑍁॒𑌵𑌤𑍍-𑌕॒𑌦𑌾-𑌵𑌾॒𑌮-𑌮𑌦॑𑌬𑍍𑌧𑍇𑌭𑌿॒𑌰𑍍॒ 𑌹𑌿𑌰॑𑌣𑍍𑌯𑌪𑌾𑌣𑌿𑌗𑍍𑌮𑍍-𑌸𑍁॒𑌶𑌰𑍍𑌮𑌾॒-𑌬𑍃𑌹॒𑌸𑍍𑌪𑌤𑌿॑ 𑌸𑍁𑌤𑌸𑍍𑌯॒ – 𑌹𑌰𑌿॑𑌰॒𑌸𑍍𑌯-𑌗𑍍𑌨॑-𑌉॒𑌤𑍍𑌤𑌿𑌷𑍍𑌠॑𑌨𑍍-𑌤॒𑌰𑌣𑌿॒- 𑌰𑌾𑌪𑍍𑌯𑌾॑𑌯𑌸𑍍𑌵𑍇॒-𑌯𑍁𑌷𑍍𑌟𑍇 𑌯𑍇-𑌜𑍍𑌯𑍋𑌤𑌿॑𑌷𑍍𑌮𑌤𑍀𑌂-𑌪𑍍𑌰𑌯𑌾॒𑌸𑌾𑌯॑-𑌚𑌿॒𑌤𑍍𑌤-𑌮𑌾𑌤𑌿॒𑌷𑍍𑌠𑍇-𑌨𑍍𑌦𑍍𑌰॒-𑌮𑌸𑌾॑𑌵𑌿॒-𑌸𑌰𑍍𑌵॑𑌸𑍍𑌯-𑌮॒𑌹𑌾𑌨𑍍-𑌥𑍍𑌸॒𑌜𑍋𑌷𑌾॒-𑌉𑌦𑍁॒𑌤𑍍𑌯𑌂-𑌧𑌾॒𑌤𑍋-𑌰𑍁𑌗𑍍𑌮𑍍 𑌹𑌿-𑌯-𑌸𑍍𑌤𑍍𑌵𑌾॒ 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌤𑍍 ।)
(𑌵𑌾॒𑌚 𑌪𑍍𑌰𑌾॒𑌣𑌾𑌯॑ 𑌤𑍍𑌵𑌾 । 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑍍𑌯𑌪𑌾॒𑌨𑌾𑌯॑ 𑌤𑍍𑌵𑌾 । 𑌆 𑌵𑌾॑𑌯𑍋 𑌵𑌾॒𑌯𑌵𑍇॑ 𑌸॒𑌜𑍋𑌷𑌾᳚𑌭𑍍𑌯𑌾-𑌨𑍍𑌤𑍍𑌵𑌾 । 𑌅॒𑌯𑌮𑍃॑𑌤𑌾॒𑌯𑍁𑌭𑍍𑌯𑌾᳚-𑌨𑍍𑌤𑍍𑌵𑌾 । 𑌯𑌾 𑌵𑌾॑𑌮॒𑌶𑍍𑌵𑌿𑌭𑍍𑌯𑌾॒-𑌮𑍍𑌮𑌾𑌦𑍍𑌧𑍍𑌵𑍀᳚𑌭𑍍𑌯𑌾-𑌨𑍍𑌤𑍍𑌵𑌾 । 𑌪𑍍𑌰𑌾॒𑌤॒𑌰𑍍𑌯𑍁𑌜𑌾॑𑌵॒𑌶𑍍𑌵𑌿𑌭𑍍𑌯𑌾॑𑌮॒𑌶𑍍𑌵𑌿𑌭𑍍𑌯𑌾᳚-𑌨𑍍𑌤𑍍𑌵𑌾 । 𑌅॒𑌯𑌗𑍍𑌮𑍍 𑌶𑌣𑍍𑌡𑌾॑𑌯 𑌵𑍀॒𑌰𑌤𑌾᳚-𑌮𑍍𑌪𑌾𑌹𑌿 । 𑌤-𑌮𑍍𑌮𑌰𑍍𑌕𑌾॑𑌯 𑌪𑍍𑌰॒𑌜𑌾𑌃 𑌪𑌾॑𑌹𑌿 । 𑌯𑍇 𑌦𑍇॑𑌵𑌾 𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑌦𑌾᳚𑌗𑍍𑌰𑌯॒𑌣𑍋॑-𑌽𑌸𑌿॒ 𑌵𑌿𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑌾 𑌦𑍇॒𑌵𑍇𑌭𑍍𑌯𑌃॑ । 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀𑌨𑍍𑌦𑍍𑌰𑌾॑𑌯 𑌤𑍍𑌵𑍋𑌕𑍍𑌥𑌾॒𑌯𑍁𑌵𑍇᳚ । 𑌮𑍂॒𑌰𑍍𑌧𑌾𑌨॑𑌮॒𑌗𑍍𑌨𑌯𑍇᳚ 𑌤𑍍𑌵𑌾 𑌵𑍈𑌶𑍍𑌵𑌾𑌨॒𑌰𑌾𑌯॑ । 𑌮𑌧𑍁॑𑌶𑍍𑌚 𑌸॒𑌗𑍍𑌮𑍍॒ 𑌸𑌰𑍍𑌪𑍋॑-𑌽𑌸𑌿 । 𑌇𑌨𑍍𑌦𑍍𑌰𑌾᳚𑌗𑍍𑌨𑍀 𑌇𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾᳚-𑌨𑍍𑌤𑍍𑌵𑌾 । 𑌓𑌮𑌾॑𑌸𑍋॒ 𑌵𑌿𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑌾 𑌦𑍇॒𑌵𑍇𑌭𑍍𑌯𑌃॑ । 𑌮॒𑌰𑍁𑌤𑍍𑌵॑-𑌨𑍍𑌤॒𑌨𑍍𑌤𑍍𑌰𑍀𑌣𑍀𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌮॒𑌰𑍁𑌤𑍍𑌵॑𑌤𑍇 । 𑌮॒𑌹𑌾𑌨𑍍𑌦𑍍𑌵𑍇 𑌮॑𑌹𑍇॒𑌨𑍍𑌦𑍍𑌰𑌾𑌯॑ 𑌤𑍍𑌵𑌾 । 𑌕॒𑌦𑌾 𑌚॒𑌨𑌾-𑌽𑌽𑌦𑌿॒𑌤𑍍𑌯𑍇𑌭𑍍𑌯॑𑌸𑍍𑌤𑍍𑌵𑌾 । 𑌕॒𑌦𑌾 𑌚॒𑌨 𑌸𑍍𑌤॒𑌰𑍀-𑌰𑍍𑌵𑌿𑌵॑𑌸𑍍𑌵 𑌆𑌦𑌿𑌤𑍍𑌯 । 𑌇𑌨𑍍𑌦𑍍𑌰॒𑌗𑍍𑌮𑍍॒ 𑌶𑍁𑌚𑌿॑𑌰॒𑌪𑌃 । 𑌵𑌾॒𑌮𑌨𑍍𑌤𑍍𑌰𑍀𑌣𑍀॑ 𑌦𑍇॒𑌵𑌾𑌯॑ 𑌤𑍍𑌵𑌾 𑌸𑌵𑌿॒𑌤𑍍𑌰𑍇 । 𑌸𑍁॒𑌶𑌰𑍍𑌮𑌾॑-𑌽𑌸𑌿॒ 𑌵𑌿𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑌾 𑌦𑍇॒𑌵𑍇𑌭𑍍𑌯𑌃॑ । 𑌬𑍃𑌹॒𑌸𑍍𑌪𑌤𑌿॑-𑌸𑍁𑌤𑌸𑍍𑌯॒ 𑌤𑍍𑌵𑌷𑍍𑌟𑍍𑌰𑌾॒ 𑌸𑍋𑌮॑-𑌮𑍍𑌪𑌿𑌬॒ 𑌸𑍍𑌵𑌾𑌹𑌾᳚ । 𑌹𑌰𑌿॑𑌰𑌸𑌿 𑌸॒𑌹𑌸𑍋॑𑌮𑌾॒ 𑌇𑌨𑍍𑌦𑍍𑌰𑌾॑𑌯॒ 𑌸𑍍𑌵𑌾𑌹𑌾᳚ । 𑌅𑌗𑍍𑌨॒ 𑌆𑌯𑍂𑌗𑍍॑𑌷𑍍𑌯॒𑌗𑍍𑌨𑌯𑍇᳚ 𑌤𑍍𑌵𑌾॒ 𑌤𑍇𑌜॑𑌸𑍍𑌵𑌤𑍇 । 𑌉॒𑌤𑍍𑌤𑌿𑌷𑍍𑌠॒𑌨𑍍𑌨𑌿𑌨𑍍𑌦𑍍𑌰𑌾॑𑌯॒ 𑌤𑍍𑌵𑍌𑌜॑𑌸𑍍𑌵𑌤𑍇 । 𑌤॒𑌰𑌣𑌿॒-𑌸𑍍𑌸𑍂𑌰𑍍𑌯𑌾॑𑌯 𑌤𑍍𑌵𑌾॒ 𑌭𑍍𑌰𑌾𑌜॑𑌸𑍍𑌵𑌤𑍇 । 𑌆 𑌤𑌿॑𑌷𑍍𑌠𑌾𑌦𑍍𑌯𑌾॒𑌷𑍍𑌷𑌟𑌿𑌨𑍍𑌦𑍍𑌰𑌾॑𑌯 𑌤𑍍𑌵𑌾 𑌷𑍋𑌡॒𑌶𑌿𑌨𑍇᳚ । 𑌉𑌦𑍁॒ 𑌤𑍍𑌯-𑌞𑍍𑌚𑌿॒𑌤𑍍𑌰𑌮𑍍 । 𑌅𑌗𑍍𑌨𑍇॒ 𑌨𑌯॒ 𑌦𑌿𑌵॑-𑌙𑍍𑌗𑌚𑍍𑌛 । 𑌉॒𑌰𑍂𑌮𑌾𑌯𑍁॑𑌷𑍍𑌟𑍇॒ 𑌯𑌦𑍍𑌦𑍇॑𑌵𑌾 𑌮𑍁𑌮𑍁𑌗𑍍𑌧𑌿 । 𑌅𑌗𑍍𑌨𑌾॑𑌵𑌿𑌷𑍍𑌣𑍂 𑌸𑍁𑌕𑍍𑌰𑌤𑍂 𑌮𑍁𑌮𑍁𑌕𑍍𑌤𑌮𑍍 । 𑌪𑌰𑌾॒ 𑌵𑍈 𑌪॒𑌙𑍍𑌕𑍍𑌤𑍍𑌯𑌃॑ । 𑌦𑍇॒𑌵𑌾 𑌵𑍈 𑌯𑍇 𑌦𑍇॒𑌵𑌾𑌃 𑌪॒𑌙𑍍𑌕𑍍𑌤𑍍𑌯𑍋᳚ । 𑌪𑌰𑌾॒ 𑌵𑍈 𑌸 𑌵𑌾𑌚᳚𑌮𑍍 । 𑌭𑍂𑌮𑌿॒𑌰𑍍𑌵𑍍𑌯॑𑌤𑍃𑌷𑍍𑌯𑌨𑍍𑌨𑍍 । 𑌪𑍍𑌰॒𑌜𑌾𑌪॑𑌤𑌿॒-𑌰𑍍𑌵𑍍𑌯॑𑌕𑍍𑌷𑍁𑌦𑍍𑌧𑍍𑌯𑌨𑍍𑌨𑍍 । 𑌭𑍂𑌮𑌿॑𑌰𑌾𑌦𑌿॒𑌯𑌾 𑌵𑍈 । 𑌅॒𑌗𑍍𑌨𑌿॒𑌹𑍋॒𑌤𑍍𑌰𑌮𑌾॑𑌦𑌿॒𑌤𑍍𑌯𑍋 𑌵𑍈 । 𑌭𑍂𑌮𑌿॒-𑌰𑍍𑌲𑍇𑌕॒-𑌸𑍍𑌸𑌲𑍇॑𑌕-𑌸𑍍𑌸𑍁॒𑌲𑍇𑌕𑌃॑ । 𑌵𑌿𑌷𑍍𑌣𑍋॒𑌰𑍁𑌦𑍁॑𑌤𑍍𑌤॒𑌮𑌮𑍍 । 𑌅𑌨𑍍𑌨॑𑌪𑌤𑍇॒ 𑌪𑍁𑌨॑𑌸𑍍𑌵𑌾-𑌽𑌽𑌦𑌿॒𑌤𑍍𑌯𑌾𑌃 । 𑌉॒𑌰𑍁𑌗𑍍𑌮𑍍 𑌸𑌗𑍍𑌮𑍍 𑌸𑍃॑𑌜॒ 𑌵𑌰𑍍𑌚॑𑌸𑌾 । 𑌯𑌸𑍍𑌤𑍍𑌵𑌾॒ 𑌸𑍁𑌷𑍍𑌟𑍁॑𑌤𑌮𑍍 । 𑌤𑍍𑌵𑌮॑𑌗𑍍𑌨𑍇 𑌯𑍁॒𑌕𑍍𑌷𑍍𑌵𑌾 𑌹𑌿 𑌸𑍁॑𑌷𑍍𑌟𑌿॒𑌤𑌿𑌮𑍍 । 𑌤𑍍𑌵𑌮॑𑌗𑍍𑌨𑍇॒ 𑌵𑌿𑌚॑𑌰𑍍𑌷𑌣𑍇 । 𑌯𑌤𑍍𑌵𑌾॒ 𑌵𑌿 𑌰𑍋॑𑌚𑌸𑍇 ।)
(𑌆 𑌦॑𑌦𑍇॒-𑌯𑍇 𑌦𑍇॑𑌵𑌾-𑌮॒𑌹𑌾-𑌨𑍁॒𑌤𑍍𑌤𑌿𑌷𑍍𑌠॒𑌨𑍍-𑌥𑍍𑌸𑌰𑍍𑌵॑𑌸𑍍𑌯-𑌸𑌨𑍍𑌤𑍁 𑌦𑍁𑌰𑍍𑌮𑌿॒𑌤𑍍𑌰𑌾-𑌶𑍍𑌚𑌤𑍁॑𑌷𑍍𑌪𑌞𑍍𑌚𑌾॒𑌶𑌤𑍍 ।)
(𑌆 𑌦॑𑌦𑍇॒, 𑌵𑌿 𑌜𑍍𑌯𑍋𑌤𑌿॑𑌷𑌾)
॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌚𑌤𑍁𑌰𑍍𑌥𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥
